Kyzylorda-news.kz. Қазақстандықтардың дауыс беруге келуі туралы алғашқы ақпарат.
<img src="https://kyzylorda-news.kz/wp-content/uploads/2022/06/fb_img_1654403131763.jpg" alt="" />

Қанша қазақстандық дауыс беруге келді?

Kyzylorda-news.kz. 2022 жылғы 5 маусым сағат 9.00-дегі жағдай бойынша Қызылорда облысы бойынша аумақтық референдум комиссияларының ұсынған деректеріне сәйкес, тізімге енгізілген дауыс берушілердін жалпы санының 28,87% бюллетень алды.
Арал ауданы бойынша – 31,39 %
Қазалы ауданы бойынша – 30,44%
Қармақшы ауданы бойынша -30,16%
Жалағаш ауданы бойынша -31,25%
Сырдария ауданы бойынша -31,0%
Шиелі ауданы бойынша -29,81%
Жаңақорған ауданы бойынша -31,96%
Қызылорда қаласы бойынша – 25,87%.

Референдум: Қызылордалықтардың 28,87 пайызы дауыс беріп үлгерді

Kyzylorda-news.kz. Мемлекет басшысы Қасым-Жомарт Тоқаев референдумда дауыс берді.
Мемлекет басшысы елордалық Оқушылар сарайында орналасқан №59 сайлау учаскесінде дауыс берді.

Президент референдумда дауыс берді

Kyzylorda-news.kz. Арал ауданы, Жақсықылыш кентіндегі 34 сайлау учаскесіне алғашқылардың бірі болып ауыл тұрғыны Нұрсұлтан Әбдіразақов келді.
Бүгін Нұрсұлтан 18-ге толып жатыр. «Қазақстан Республикасының сайлау туралы» Конституциялық заңына сәйкес ол дауыс беру құқығына ие болды.
Дауыс беру рәсімінің алдында кент әкімі Пазылбек Берсүгіров Нұрсұлтанды салтанатты түрде құттықтады.
Сайлауда дауыс беру құқығына ие болу құрметіне естелік сыйлық табысталды.
<blockquote>
 «Менің кәмелет жасқа толған күнімнің сайлаумен тұспа-тұс келгені мен үшін өте қуанышты жайт болды. Бүгін мен өз дауысымды бере аламын және еліміздің дамуына үлес қоса аламын», – деді Нұрсұлтан Әбдіразақов.
</blockquote>

Бүгін 18 жасқа толған Нұрсұлтан алғаш рет дауыс берді

Kyzylorda-news.kz. 101 жастағы Яхия Тасыров – Сыр өңіріндегі көзі тірі жеті Ұлы Отан соғысының ардагерінің бірі. Тереңөзек кентінде тұрады.
Күніне бірнеше шақырым жаяу жүретін майдангер “референдум мемлекетіміз, еліміз үшін маңызды, бармасам болмайды” деп сайлау учаскесіне ерте келіп алыпты. Сол жердегі азаматтар қарияны көре сала риза болып, құрмет көрсетіпті. Яхия ата болса, өзінің таңдауын жасап, батасын беріп кетті.
<img src="https://kyzylorda-news.kz/wp-content/uploads/2022/06/fb_img_1654397569400.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654397578150.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654397573883.jpg" alt="" />

Соғыс ардагері референдумға барды

Kyzylorda-news.kz. Президент Қасым-Жомарт Тоқаев Қазақстан армиясындағы әскери қызметшілер арасында өлім-жітімнің жиілегеніне ерекше назар аударды, деп хабарлады Ақорда.
Мемлекет басшысы осындай келеңсіздіктердің себебін тергеп-тексеру, әскери қызметшілер арасындағы заңсыздықтарды жою және келешекте әскердегі мұндай теріс іс-әрекеттерді болдырмау үшін өзінің көмекшісі – Қауіпсіздік Кеңесінің хатшысы Ғизат Нұрдәулетовтің басшылығымен арнайы комиссия құруды тапсырды.
Осындай жағдайға жол берген офицерлер жазаланатын болады.

Президент әскерилер арасында өлім-жітім себебін тергеп-тексеру үшін комиссия құруды тапсырды

Kyzylorda-news.kz. Бүгін Сыр елінде Мемлекеттік рәміздердің 30 жылдығына арналған «Таңбасы тарих, байрағы биік – Қазақстан!» атты патриоттық акция ұйымдастырылды.
Рәміздер алаңында өткен мерекелік іс-шараға облыс әкімі Нұрлыбек Нәлібаев, зиялы қауым өкілдері, өнер саласының қызметкерлері мен белсенді жастар қатысты. 
Аймақ басшысы барша Сыр жұртын мерекемен құттықтап, мемлекеттік рәміздер Тәуелсіздіктің баға жетпес құндылығы екенін жеткізді.
<blockquote>
 Сіздерді Қазақстан Республикасының Мемлекеттік рәміздерінің қабылданғанына 30 жыл толуымен шын жүректен құттықтаймын! 
 Кез келген елдің елдігін, мемлекеттің мәртебесін айқындайтын басты құндылықтары, ол – шекарасы, астанасы және мемлекеттік рәміздері. 
 Ту, Елтаңба және Гимн Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. 
 Президентіміз Қасым-Жомарт Кемелұлы: «Елтаңба, Ту, Әнұран – Тәуелсіздігіміздің басты құндылықтарының көрінісі, бейбітшіліктің, бірлік пен келісімнің, өсіп-өркендеудің белгісі», – деп айтқандай, көгімізде Көк Байрағымыз асқақтап, тұлпар тұрпатты Елтаңбамыз жарқырап, Гимніміз шарықтай берсін, Тәуелсіздігіміз мәңгі болсын! Мемлекеттік Рәміздеріміздің мәртебесі арта берсін!, – деді Н.Нәлібаев.
</blockquote>
Жиында облыс әкімі тәуелсіз еліміздің Елтаңбасы авторларының бірі, танымал сәулетші жерлесіміз Жандарбек Мәлібековтың мерейлі 80 жасына орай Сыр елінде айтулы шаралар ұйымдастырылатынын атап өтті.
Патриоттық акцияда үш дүркін «Алтын домбыра» иегері, айтыстың Ақтаңгері, Сыр сүлейі Мұхтар Ниязов, Сыр толағайы, әлем чемпионы Илья Ильин, химия-биология бағытындағы халықаралық, республикалық олимпиаданың жүлдегері Жангерей Зинелов ұлтты ортақ мүддеге ұйыстыратын бұл мерекенің мәні мен маңызын жеткізді. 
Арнайы іс-шарада облыс әкімі зиялы қауыммен бірге “Жас ұлан” ұйымының қатарына қабылданған оқушыларға арнайы галстук тағып, қадамына сәттілік тіледі. 
Мұнан кейін іс-шара авто-мото және велошерумен жалғасты. 20-дан астам жеңіл көлік, 10 мото, 200-ден астам велошабандоздар мерекеге көрік берді.
<img src="https://kyzylorda-news.kz/wp-content/uploads/2022/06/fb_img_1654341062807.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341068390.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341072536.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341075810.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654341085697.jpg" alt="" />

Қызылордада «Таңбасы тарих, байрағы биік &#8211; Қазақстан!» атты патриоттық акция өтті

Kyzylorda-news.kz. Бүгін – Қазақстан Республикасының мемлекеттік рәміздерінің ресми бекітілгеніне 30 жыл толып отыр. 2007 жылдан бері 4 маусым елімізде Мемлекеттік рәміздер күні ретінде атап өтіледі.
Мемлекеттік рәміздер тарихы
Тәуелсіздікке енді қолы жеткен Қазақстан сияқты жас мемлекетке мемлекеттік рәміздерді қабылдау жеңіл болған жоқ. Тиісті мемлекеттік органдар мен мекемелер аса жауапты істі жан-жақты ізденіспен жасаған. Алдымен 1992 жылдың басында Жоғарғы Кеңестің төралқасы мемлекеттік символиканы дайындау бойынша жұмыс тобын құру туралы қаулы қабылдады. Осы құжатқа сәйкес арнайы шығармашылық комиссия құрылды. Оның құрамына белгілі заңгерлер мен қоғам қайраткерлері кірді.
Осылайша, елтаңба, ту, гимн жобаларын әзірлеуге конкурс жарияланып, оған 600-ден астам адам қатысты. Мемлекеттік ту эскиздерінің шығармашылық дизайнымен барлығы 1200 өтінім келіп түскен. Сондай-ақ 245 сурет жобасы және болашақ елтаңбаның 67 сипаттамасы және мемлекеттік гимннің 750 нұсқасы ұсынылған болатын. Байқауға қатысушыларға болашақ мемлекеттік рәміздердің, тарихи, саяси және экономикалық символизмге сәйкес келуі міндеттелді. Сонымен қоса жас мемлекеттің саясаты мен мақсатын айқын көрсетуі қажет болды.
Осылайша, Қазақстан Республикасының мемлекеттік рәміздері 1992 жылы 4 маусымда, осыдан тура 30 жыл бұрын қабылданды.
ҚР Мемлекеттік туы – ортасында шұғылалы күн, оның астында қалықтап ұшқан қыран бейнеленген тік бұрышты көгілдір түсті мата. Тудың сабының тұсында ұлттық өрнек тік жолақ түрінде нақышталған. Күн, оның шұғыласы, қыран және ұлттық өрнек бейнесі алтын түстес. Қазақстан Республикасы Мемлекеттік туының авторы – Қазақстанның еңбек сіңірген өнер қайраткері Шәкен Ниязбеков.
ҚР Мемлекеттік елтаңбасы – дөңгелек нысанды және көгілдір түс аясындағы шаңырақ түрінде бейнеленген, шаңырақты айнала күн сәулесіндей тарап уықтар шаншылған. Шаңырақтың оң жағы мен сол жағында аңыздардағы қанатты пырақтар бейнесі орналастырылған. Жоғарғы бөлігінде – бес бұрышты көлемді жұлдыз, ал төменгі бөлігінде «Қазақстан» деген жазу бар. Жұлдыздың, шаңырақтың, уықтардың, аңыздардағы қанатты пырақтардың бейнесі, сондай-ақ «Қазақстан» деген жазу – алтын түстес.
ҚР Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов.
ҚР Мемлекеттік гимні. Бұрын «Менің Қазақстаным» әні ретінде танымал болған Қазақстанның гимні 2006 жылы 6 қаңтарда еліміздің Парламентінде бекітілді. Бірінші рет ол 2006 жылы 11 қаңтарда Мемлекет басшысын салтанатты ұлықтау рәсімінде орындалды.
Әннің авторы – Шәмші Қалдаяқов, сөзін жазғандар – Жұмекен Нәжімеденов, Нұрсұлтан Назарбаев.
Мемлекеттік рәміздердің орналасуына қатысты бірнеше нақты шарт бар екенін айта кету керек. Мәселен, мемлекеттік мекемелердің кіреберісінде орналасатын мемлекеттік туға түнгі уақытта да жарық түсіп тұруы шарт. Сондай-ақ суретте ту үнемі оң жаққа қарай желбіреп тұруы тиіс. Мекеме басшыларының жұмыс бөлмесінде орналасатын мемлекеттік ту мен мемлекеттік елтаңбаның орналасу реті арнайы талаптарға сәйкес болуы керек.
2020 жылдан бері мемлекеттік рәміздер кеңінен қолданылады
2020 жылдың қазан айында ел президенті Қасым-Жомарт Тоқаев мемлекеттік рәміздерді пайдалану туралы заңнаманы қайта қарау қажеттігін мәлімдеген болатын. Осыдан кейін туды балконға ілуге ​​ресми рұқсат берілді. Бірақ тек патриоттық сезім мен қазақы болмысты таныту үшін, Қазақстан мен ел азаматтарының жетістіктерін қолдау мақсатында ілуге мүмкіндік берілді.
Мемлекет басшысы Туиттер парақшасына былай деп жазды: «Қолданыстағы заңнамада туымызды пайдалануға қатысты шектеулер бар. Мысалы, пәтерлердің балконына немесе үйлердің қабырғасына ту ілуге тыйым салынған. Заңнамалық және нормативтік актілерді, ең алдымен, мемлекеттік рәміздерді пайдалану қағидаларын қайта қарау қажет.. Парламенттің бәрқатар депутаты мен азаматтарымыздың еліміздің мемлекеттік рәміздерін, атап айтқанда, ҚР мемлекеттік туын кеңінен қолдану туралы ұсынысын қолдаймын».
Осылайша, мемлекеттік рәміздерді халықтың жаппай қолдануына қатысты бұрын қабылданған шектеулерді азайту, ел азаматтарының мемлекеттік туды өз тұрғын үйлерінің балкондарына немесе қабырғасына ілуіне заңнамалық тұрғыдан рұқсат беру қажеттігі жөнінде тапсырма берген болатын.
Жалпы мұндай тәжірибе әлемнің бірқатар елінде бар. Мәселен, Түркиядағы көпқабатты үйлердің қабырғалары, балкондары және маңызды деп саналатын ғимараттардың сыртқы қасбеттері тумен үнемі көмкеріліп тұратынын байқауға болады. Сонымен қоса бұқаралық, спорттық іс-шараларда, тіпті жекеменшік үйлердің төрінде де қызыл байрақтың ілініп тұратынын жиі көруге болады.
Жоғарыда атап өткеніміздей, Мемлекет басшысының тапсырмасы бойынша, бүгінде азаматтардың мемлекеттік туды патриоттық мақсатта кең пайдалануына мүмкіндік жасалып отыр. Қазіргі таңда қазақстандықтар өзі тұратын үйдің балконына, терезесіне немесе көлігіне көк байрағымызды желбірете алады. Алайда мемлекеттік рәміз таза болуы, оның дұрыс ілінуі және заңнамада белгіленген стандарттарға сәйкес рәміздерді орналастыруы тиіс.
Әлемде мемлекеттік рәміздер қалай қорғалады? Әлем елдірінің көбінде мемлекеттік рәміздер заңмен қорғалған. Бірақ бірді-екілі ел мемлекеттік рәміздер сөз бостандығы, демократия секілді дүниелерден артық емес деп санайды. Бірнешеуіне назар аударып көрейік. Мәселен, Германияның мемлекеттік туын, елтаңбасын және әнұранын қорлағаны үшін үш жылға дейін бас бостандығынан айыру жазасы бар. Дәл осындай жаза қоғамдық және мемлекеттік органдарда ілініп тұратын туды бүлдірген жағдайда да қолданылады. Ал Францияда мемлекеттік әнұранды немесе туды қорлағаны үшін 7,5 мың еуроға дейін айыппұл және алты айға дейін түрмеге қамау қарастырылған. Беларусьте елдің елтаңбасын, туын, әнұранын қорлағаны үшін ең көп жаза – бір жылға дейін бас бостандығын шектеу.
Америка Құрама Штаттарында туды өртеуге рұқсат берілген. «Техас Джонсонға қарсы» ісі аясында 1989 жылы АҚШ Жоғарғы соты конституцияға мемлекеттік туды жұртшылық алдында өртеп жіберуге рұқсат берді. Олар оны сөз бостандығымен байланыстырады. Содан бері АҚШ заңгерлері туды қорлағаны үшін жауапкершілікті қылмыстық кодекске қайтаруға бірнеше рет талпыныс жасады, бірақ әзірге нәтиже жоқ.
Англия, Шотландия және Уэльсте мемлекеттік тумен кез келген нәрсені істеуге болады. Бірақ азаматтардың әрекеті шектен шықпауы тиіс.
Жапонияда басқа мемлекеттің туын қорлауға тыйым салынған. Мазақ еткен жағдайда сол елдің ресми өтініші бойынша іс қозғалады. Ал жапон туын өртеуге рұқсат етілген. АҚШ секілді оны сөз бостандығымен байланыстырады.
Ал елімізде «ҚР Мемлекеттік рәміздері туралы заң» 2007 жылы 4 маусымда қабылданған еді. Заңға сәйкес 4 маусым Мемлекеттік рәміздер күні болып белгіленді. Заң бойынша біздің мемлекеттік рәміздер заңмен қорғалған, сондықтан оны ешкімнің қорлауына жол берлмейді. Заңға сәйкес, мемлекеттік рәміздерді қорлағандар – 1 мың АЕК-тен 2 мың АЕК-ке дейінгі мөлшерде айыппұл салуға немесе бір жылға дейiнгi мерзiмге бас бостандығын шектеуге не нақ сол мерзiмге бас бостандығынан айырылады.
Көк байрақ әлемдік аренада
Қазақстанның символына айналды
Мемлекеттік рәміздеріміз қабылданғалы бері отандастарымыздың барлық жеңісі мен жетістіктігі солармен байланысты болды. Қазақстандықтар әлемдік жарыстар мен олимпиадалардың жеңіс тұғырында еліміздің байрағын желбіретті.
Сондай-ақ көк ту тек олимпиада секілді жарыстарда ғана емес, ғарыш станциясында, Жер планетасында да желбіреді. Мәселен, тәуелсіз Қазақстанның өкілі Талғат Мұсабаевтың ғарыш станциясында бүкіл әлемге Мемлекеттік туымызды көтеріп, сөз сөйлегеніне де 28 жыл өткен. Ал 2015 жылы ғарышкер Айдын Айымбетовтің ұшуы кезінде ҚР мемлекеттік туы Жер планетасын 150 рет шарлаған еді. Сонымен қоса еліміздің туы әлемнің барлық континентінде, атап айтсақ, Монблан (4 810 метр), Ленин (7 134 метр), Эверест (8 848 метр) сынды әлемнің ең биік шыңдарында желбіреді.
Еліміздің мемлекеттік рәміздерінің суреттері қазақстандықтардың негізгі құжаттары, атап айтқанда, төлқұжат, жеке куәлік, туу туралы куәлік, диплом, аттестатта берілген.
Сонымен бірге мемлекеттік туды өзге елге саяхат жасаған қазақстандықтар өздерімен бірге алып кетеді. Туды және көбіне оның кішкентай көшірмелерін жанкүйерлер мен саяхатшылар барлық сапарға өздерімен бірге алып жүреді. Бұл да азаматтардың патриоттық сезімін нығайтуға ерекше әсер етеді.
Жалпы мемлекеттік рәміздер – елдіктің символы, тәуелсіздігіміздің маңызды белгісі. Сол себепті оны кеңінен қолдану, қадірлеу, оның мән-мамзұнын білу қазақстандық патриотизмді қалыптастыру жағынан алғанда да өте өзекті. Мемлекеттік рәміздерімізді ұлықтау тек 4 маусымда ғана емес, жыл он екі ай бойына жүйелі түрде жүргізілуі тиіс.
<a href="https://www.inform.kz/kz/memlekettik-ramizderge-30-zhyl-kazakstanda-tu-eltanba-zhane-anuran-kalay-korgalady_a3940413">ҚазАқпарат</a>

Қазақстанда ту, елтаңба және гимн қалай қорғалады?

Kyzylorda-news.kz. Президент Мемлекеттік рәміздердің 30 жылдығына арналған Мемлекеттік ту көтеру салтанатты рәсіміне қатысты, деп хабарлайды Ақорда.
Қасым-Жомарт Тоқаев жиынға қатысушыларды Мемлекеттік рәміздер күнімен құттықтап, бұл күннің егемен еліміз үшін айрықша мерейлі әрі маңызды екенін атап өтті. Оның айтуынша, қастерлі Тәуелсіздігіміздің рәміздері қабылданғанына дәл бүгін 30 жыл толып отыр.
<blockquote>
 – Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк түріктер заманында бабаларымыз бөрілі байрақтың төңірегіне топтасты. Қазақ хандығының туы бүкіл ұлтты ұйыстырды, ел бірлігін бекемдеді. Ал, өткен ғасырда арыстарымыз «Алаш туы астында, Күн сөнгенше сөнбейміз!» деп халыққа жігер берді.&nbsp;&nbsp; Көне дәуірден мирас болған осы дәстүр ұрпақтан ұрпаққа жалғасып, бүгінгі күнге жетті.&nbsp;&nbsp; Қазақ елінің көгінде Ұлы даланың айбынын асырған Тәуелсіздік туы желбіреді. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1654319933_KZ4_8051.jpg" alt="" />
Президент еліміздің басты құндылықтарын құрметтеу – бәріміздің перзенттік парызымыз екеніне назар аударып, оған немқұрайлы қарайтындарға, қадір-қасиетін түсіретіндерге біржола тосқауыл қою қажеттігін айтты.
<blockquote>
 – Мемлекеттік рәміздерді пайдалану тәртібі жөніндегі заңнаманы күшейту маңызды. Сонымен бірге, жастармен жан-жақты түсіндіру жұмысын жүргізген жөн. Бұл – бүкіл қоғамның міндеті. Осы орайда, бүгінгі салтанатты іс-шараның тәрбиелік мәні өте зор. Ту көтеру – аса маңызды оқиғаларға орай жасалатын ерекше рәсім. Халқымыз тарихи таңдауын жасайтын сәтте алып байрағымыздың көкте желбіреуін жақсы ырымға балаймыз, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1654319949_KZ3_3087.jpg" alt="" />
Қасым-Жомарт Тоқаев салтанатты жиында сөйлеген сөзінде мемлекеттік рәміздер елдігіміздің жарқын көрінісі, халқымыздың мақтанышы және абыройы екенін атап өтті. Оның пікірінше, Қазақстанның Туы, Елтаңбасы мен Әнұраны ұлтымыздың азаттыққа, өркендеуге және жасампаздыққа деген табанды ұмтылысын білдіреді. Сонымен қатар баршамызды мызғымас бірлікке ұйыстырып, әрбір азаматты Отан үшін күнделікті қажырлы еңбек етуге және үлкен жетістіктерге үндейді.
<blockquote>
 – Көк туымызды салтанатты түрде көтеріп, ата-бабамыздың даңқты дәстүрін жалғастырамыз. Желбіреген туымыз Тәуелсіздік мұраттарына адал болуға шақырып, ерекше жігер береді. Жаһандық экономикада өршіп келе жатқан сын-қатерлер мен бұрын-соңды болмаған геосаяси шиеленіс жағдайында біз мемлекеттілігімізді нығайту үшін күш-қуатымызды еселей түсуіміз керек. Мемлекеттік рәміздерімізді мазақ етуге, қорлауға ешқашан жол бермеуіміз қажет. Мұндай әрекеттерге барғандарды қатаң жазалаған жөн. Біртұтас халық ретінде ұйыса отырып, біз кез келген қиындықты бірге жеңіп, әділетті, тиімді мемлекет құра аламыз, – деді Президент.
</blockquote>
<img src="https://www.akorda.kz/public/assets/media/uploadMedia/1654320020_KZ4_7874.jpg" alt="" />
Қасым-Жомарт Тоқаев сөзін қорытындылай келе, бас байрағымызды көтерген сәтте ең үздік курсанттарға әскери шен тапсыру игі дәстүрге айналғанын атап өтті. &nbsp;
<blockquote>
 – Сіздер Қарулы Күштеріміздің 30 жылдығында офицер&nbsp;атанғалы тұрсыздар. Бұл – үлкен абырой, зор жауапкершілік.&nbsp;&nbsp;&nbsp; Сондықтан осы мәртебеге лайық болып, көпшілікке үлгі-өнеге көрсетулеріңіз керек. Туған елдің тыныштығы мен тұтастығын қорғау – әр азаматтың қасиетті борышы. Тәуелсіздік туын биік ұстау – Отан күзетінде тұрған әрбір ұланның абыройлы міндеті. Ерлік істер осындай патриоттық сезімнен бастау алады. Сіздер ел үмітін ақтайсыздар деп сенемін. Әскери шендеріңіз құтты болсын!&nbsp; Еліміз аман, жұртымыз тыныш болсын! Көк байрағымыз әрдайым биікте желбіресін! – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1654320049_DSC_1155_2.jpg" alt="" />
Салтанатты рәсім барысында жоғары әскери оқу орнының 12 үздік түлегі Қазақстан Президенті – Қазақстан Республикасы&nbsp;Қарулы Күштерінің Жоғарғы Бас қолбасшысының қолынан офицер погонын алды.
Ту көтеру рәсіміне Парламент Сенатының төрағасы Мәулен Әшімбаев, Парламент Мәжілісінің төрағасы Ерлан Қошанов, Премьер-министр Әлихан Смайылов, Мемлекеттік хатшы Ерлан Қарин, Президент Әкімшілігінің Басшысы Мұрат Нұртілеу, мемлекеттік органдар басшылары, Үкімет мүшелері, Парламент депутаттары, Мемлекеттік рәміздер мен ведомстволық және оларға теңестірілген өзге де наградалар геральдикасы мәселелері жөніндегі республикалық комиссия мүшелері, жоғары әскери оқу орындарының курсанттары мен олардың туыстары қатысты.&nbsp;
<img src="https://www.akorda.kz/public/assets/media/uploadMedia/1654320068_DSC_1330_2.jpg" alt="" />
<img src="https://www.akorda.kz/public/assets/media/uploadMedia/1654320268_KZ1_2700_2.jpg" alt="" />
<img src="https://www.akorda.kz/public/assets/media/uploadMedia/1654320089_KZ3_3837.jpg" alt="" />
<img src="https://www.akorda.kz/public/assets/media/uploadMedia/1654320110_DSC_1136_2.jpg" alt="" />
<img src="https://www.akorda.kz/public/assets/media/uploadMedia/1654320122_DSC_1139_2.jpg" alt="" />

Қасым-Жомарт Тоқаев Мемлекеттік ту көтеру рәсіміне қатысты

Kyzylorda-news.kz. Президент Қасым-Жомарт Тоқаев қазақстандықтарды Мемлекеттік рәміздер күнімен құттықтады.
<blockquote>
 «Қасиетті нышандарымызда қазақтың мың жылдық арман-тілегі, мақсат-мұраты түгел тоғысқан. Ту халқымыз үшін қашанда ерлік пен елдіктің символы саналған. Көк байрағымыз – мызғымас мемлекеттіліктің белгісі. Елтаңбамыз – азаттықтың айшықты көрінісі. Ал, Әнұранымыз – еркіндік пен елдіктің үні. Тәуелсіздіктің осы үш символы халқымызға ерекше рух береді. Әрқайсымыздың кеудемізге мақтаныш ұялатады. Өйткені, бұл – бабаларымыздың орындалған арманы», – деді Мемлекет басшысы Қасым-Жомарт Тоқаев.
</blockquote>

Мемлекет басшысы қазақстандықтарды  рәміздер күнімен құттықтады

Kyzylorda-news.kz. Қызылорда қаласында екі күннен бері хабарсыз кеткен 14 және 16 жастағы жасөспірім қыздар Алматыдан табылды, деп хабарлайды ҚазАқпарат.
<blockquote>
 «Полиция қызметкерлері мен туыстары іздестіру жұмыстарын жүргізді. Нәтижесінде, олар Алматы қаласынан табылды. Қызылорда қалалық Полиция басқармасының қызметкерлері жасөспірімдерді Қызылордаға жеткізіп ата-анасына табыстау үшін Алматы қаласына іссапарға жіберілді», – деп мәлім етті Қызылорда қалалық Полиция басқармасының баспасөз қызметінен.
</blockquote>

Қызылордада жоғалған жасөспірім қыздар Алматыдан табылды

Kyzylorda-news.kz. Жексенбі – 5 маусым күні Қазақстан азаматтары Ата заңымызға енгізілетін өзгертулер мен толықтыруларға қатысты тағдыршешті шешім қабылдайды. Ал дәл қазірден, сағат 00-00-ден бастап республикалық референдумға қатысты үгіт жұмыстарын жүргізуге тыйым салынады. Яғни, тыныштық күні басталды, деп хабарлайды ҚазАқпарат.
«Республикалық референдум туралы» Конституциялық Заңның 7-бабы 4-тармағына сәйкес референдум қарсаңындағы күн мен референдум өтетін күні кез келген үгіт жүргізуге тыйым салынады. Демек, 4 және 5 маусымда бұқаралық ақпарат құралдарында, оның ішінде интернетте референдум бойынша үгіт жүргізуге болмайды.
Ақпарат және қоғамдық даму министрлігінің түсіндіруінше, «үгіт» ұғымының мәнін және мазмұнын негізге ала отырып, референдумға шығарылған сұраққа сайлаушыларды «келісемін» немесе «қарсымын» деп дауыс беруге түрткі болатын материалдар үгіт материалдары ретінде қарастырылады.
Бұл ретте, аталған бұзушылыққа жол берген жеке тұлғалар да, заңды тұлғалар да, оның ішінде әлеуметтік желілерді пайдаланушылар да әкімшілік жауапкершілікке тартылуы мүмкін. Интернет-ресурстарда бұрын жарияланған үгіт материалдар бастапқы орындарында сақталуына жол беріледі, оларды сайттың басты бетінде шығаруға тыйым салынады.
Сондай-ақ, референдумды өткізу күні, шарттары, дауыс беру тәртібі, оның ішінде жарнамалық баннерлер, референдумға дейінгі күндерді кері санау және басқа да туралы түсіндірме сипаттағы бұрын жарияланған ақпараттық материалдар интернет-ресурстар мен телеарналарда олардың бастапқы орындарында сақталуына жол беріледі.
ҚР Бас прокурорының орынбасары Болат Дембаев айтуынша, үгітке тыйым салынған кезеңде бұл іс-шаралар жүргізілген жағдайда ҚР Әкімшілік құқық бұзушылық туралы кодексінің (ӘҚБтК) 102-бабы бойынша жауапкершілік ескерілген.
<blockquote>
 «Екі немесе одан да көп рет немесе басқа біреу үшін дауыс беру, сондай-ақ учаскелік референдум комиссиясы мүшесінің азаматтарға өзге адамдар үшін дауыс беруге мүмкіндік жасау мақсатында бюллетеньдерді беру әрекеті ӘҚБтК-нің 108 және 110-баптары бойынша жауаптылыққа әкеп соғатынына да назар аударамыз», – дейді Бас прокурордың орынбасары.
</blockquote>

Қазақстан және Қызылорда облысының жаңалықтары

Қанша қазақстандық дауыс беруге келді?

Референдум: Қызылордалықтардың 28,87 пайызы дауыс беріп үлгерді

Президент референдумда дауыс берді

Бүгін 18 жасқа толған Нұрсұлтан алғаш рет дауыс берді

Соғыс ардагері референдумға барды

Президент әскерилер арасында өлім-жітім себебін тергеп-тексеру үшін комиссия құруды тапсырды

Қызылордада «Таңбасы тарих, байрағы биік – Қазақстан!» атты патриоттық акция өтті

Қазақстанда ту, елтаңба және гимн қалай қорғалады?

Қасым-Жомарт Тоқаев Мемлекеттік ту көтеру рәсіміне қатысты

Мемлекет басшысы қазақстандықтарды рәміздер күнімен құттықтады

Қызылордада жоғалған жасөспірім қыздар Алматыдан табылды

Бүгін – референдум алдындағы тыныштық күні

Қазақстан және Қызылорда облысының жаңалықтары

Қанша қазақстандық дауыс беруге келді?

Референдум: Қызылордалықтардың 28,87 пайызы дауыс беріп үлгерді

Президент референдумда дауыс берді

Бүгін 18 жасқа толған Нұрсұлтан алғаш рет дауыс берді

Соғыс ардагері референдумға барды

Президент әскерилер арасында өлім-жітім себебін тергеп-тексеру үшін комиссия құруды тапсырды

Қызылордада «Таңбасы тарих, байрағы биік &#8211; Қазақстан!» атты патриоттық акция өтті

Қазақстанда ту, елтаңба және гимн қалай қорғалады?

Қасым-Жомарт Тоқаев Мемлекеттік ту көтеру рәсіміне қатысты

Мемлекет басшысы қазақстандықтарды рәміздер күнімен құттықтады

Қызылордада жоғалған жасөспірім қыздар Алматыдан табылды

Бүгін &#8211; референдум алдындағы тыныштық күні

Қызылордада «Таңбасы тарих, байрағы биік – Қазақстан!» атты патриоттық акция өтті

Бүгін – референдум алдындағы тыныштық күні