<a href="https://kyzylorda-news.kz/">Kyzylorda-news.kz.</a> Қызылордада «Үздік кәсіпкерлік және бизнес негіздері» пәні мұғалімдерінің байқауы өтті.
Бүгінде жеке кәсіп ашып, нәпақа табамын дейтін жастар баршылық. Бірақ, бәрі бірдей бизнестің қыр-сырын біле бермейді. Осы орайда олардың қаржылық сауаттылықтарын артыру мақсатында білім ұяларында «кәсіпкерлік және бизнес негіздері» пәні енгізілген болатын. Пән аясында Қызылорда қаласы бойынша білім бөлімінің ұйымдастыруымен «Үздік кәсіпкерлік және бизнес негіздері» пәні мұғалімдерінің байқауы өтті.
Байқаудың мақсаты шығармашылықпен жұмыс жасайтын кәсіпкерлік және бизнес негіздері &nbsp;пәнінің мұғалімдеріне қолдау көрсету және олардың кәсіби шығармашылығын анықтау.&nbsp;
Бес кезеңнен тұратын байқауға мұғалімдер жоғары дайындықпен келген.&nbsp;
<blockquote>«Кәсіпкерлік – бұл әрекет, тәжірибе арқылы оқып, қолдана білу. &nbsp;«Кәсіпкерлік және бизнес негіздері» пәнін игерген балалар тәуекелге баруға қорықпайды. Өйткені, бұл – тарих немесе математика емес. Көбіне стандартты емес шешімдер ұсынады, қиялға ерік береді. Пән мектеп оқушылары үшін өте қызықты», – дейді қалалық білім бөлмінің әдіскері Ғалия Ибрагимова.&nbsp;</blockquote>
«Үздік кәсіпкерлік және бизнес негіздері пәні мұғалімі – 2022» байқауының қалалық кезеніңде жүлделі І орынды М.Дүйсенов атындағы №15 мектеп-лицейінің мұғалімі Күлшара Садуақасова, ІІ орынды Ә.Құдабаев атындағы &nbsp;№197 орта мектептің мұғалімі Ұлбосын Жұмабекова иеленді. Ал, ІІІ орынға Ә.Мүслімов атындағы №101 ІТ мектеп-лицейінің мұғалімі Мақсат Байділдақызы пен С.Толыбеков атындағы № 3 ІТ мектеп-лицейнінің мұғалімі Ақбота Ерібай лайық деп танылды.
<img src="https://knadmin.beoblood.kz/uploads/310580634_1219617248766381_4899558829925173509_n_5d951532a7.jpg" alt="310580634_1219617248766381_4899558829925173509_n.jpg">

Қызылордада «Үздік кәсіпкерлік және бизнес негіздері» пәні мұғалімдерінің байқауы өтті

<a href="https://kyzylorda-news.kz/">Kyzylorda-news.kz.</a>&nbsp; Жаңақорған ауданында биыл егілген 6072 гектар күріш дақылын жинау жұмыстары 3 қазан күні толығымен аяқталды.
Жыл сайын қайталанып жүрген су тапшылығының алдын алу мақсатында аудан әкімдігі мен сала мамандары тарапынан жүргізілген түсіндірме жұмыстарының нәтижесінде диқандар сыр маржанын егуді және суға бастыруды ерте көктемнен қолға алып вегетациялық кезеңнің соңына қарай орын алуы мүмкін су жетпей қалу қауіпін сейілтті. Осылайша толық пісімге ілінген күріш дақылының өткен жылмен салыстырғанда өнімділігі артып қазіргі таңда орташа есеппен әр гектардан 54 центнерден сыр маржаны алынды.&nbsp;
Биылғы жылы Сырдария өзенінінің төменгі ағысына жіберілген су көлемі жеткілікті деңгейде болып барлық егістің вегетациялық кезеңі толық қамтамасыз етілді. Бұл үшін Сырдария өзенімен шекаралас болып табылатын көрші елдермен мемлекетаралық келісімдерді жүйелі жүргізген облыстық және республикалық деңгейдегі басшылық өкілдеріне диқан қауымның алғысы шексіз.&nbsp;
Сонымен қатар 26 тамыздан басталған күріш жинау науқаны қарсаңында 10-11 қыркүйекте Елордада ұйымдастырылған Қызылорда облысының ауылшаруашылығы өнімдерінің жәрмеңкесінде Жаңақорған ауданынан "Нұрбол И" шаруа қожалығынан жеткізілген күріштің сапалы "Лидер" тұқымы тұтынушылардың үлкен сұранысына ие болды.
<img class="image_resized" style="width:66.65%;" src="https://knadmin.beoblood.kz/uploads/ris_6fcf29c3bf.jpg" alt="ris.jpg">
&nbsp;

Жаңақорған ауданында әр гектардан 54 центнер күріш жиналды

<a href="https://kyzylorda-news.kz/">Kyzylorda-news.kz.</a> Шиелі ауданында қоғамдық тәртіпті сақтау және құқықбұзышылықтың алдын алу мақсатында аудандық полиция бөлімінің қызметкерлерімен арнайы мәжіліс өтті.
Мәжіліске Қызылорда облысы полиция департаментінің бастығы Мұхтар Қожабаев, аудан әкімі Нұржан Ахатов, аудан прокуроры Нұрбек Қаратаев, сот төрағасы Нұржан Бекетаев, мәслихат хатшысы Тұрмағамбет Жағыпбаров және аудандық полиция бөлімінің жеке құрамы мен сала ардагерлері, БАҚ өкілдері қатысты.&nbsp;
Жиын барысында аудандық полиция бөлімінің бастығы Беркімбаев Дәулет Сүлейменұлының «Шиелі аудандық полиция бөлімінің 2022 жылдың 9 айында атқарылған жұмыстары туралы» есебі тыңдалып, аудан көлеміндегі проблемалық мәселелер талқыланды.
Облыстық полиция департаментінің бастығы Мұхтар Аманқұлұлы полиция бөлімінің бастығының есебіне қатысты ұсыныс-пікірлерін ортаға салғаннан кейін аудан әкімі Нұржан Ахатовқа және аудандық мәслихат хатшысы Тұрмағамбет Жағыпбаров пен қоғамдық кеңес төрағасы Қабілеш Бекішовке "Қазақстан полициясына - 30 жыл» төсбелгісін табыстады.
Сонымен қатар Жалағаш ауданында да қоғамдық тәртіпті сақтау және құқықбұзышылықтың алдын алу мақсатында аудандық полиция бөлімінің қызметкерлерімен арнайы мәжіліс өтті.
Маңызды мәселелер талқыланған жиынға Қызылорда облысы полиция департаментінің бастығы Мұхтар Қожабаев, аудан әкімі Асқарбек Есжанов, аудан прокуроры Шыңғыс Есжанов, аудандық мәслихат хатшысы Гүлзат Құрманбаева, аудандық полиция бөлімінің жеке құрамы мен кент, ауылдық округ әкімдері, сала ардагерлері қатысты.
Жиын барысында аудандық полиция бөлімінің бастығы Талғат Лекеровтың Жалағаш аудандық полиция бөлімінің 2022 жылдың 9 айында атқарылған жұмыстары туралы есебі тыңдалды. Облыстық полиция департаментінің бастығы Мұхтар Аманқұлұлы полиция бөлімінің бастығының есебіне қатысты ұсыныс-пікірлері мен нақты тапсырмаларын ортаға салды. Сондай-ақ аудан көлеміндегі мәселелер талқыланып, шешу жолдары айтылды.
<img src="https://knadmin.beoblood.kz/uploads/310981760_1410641849466270_2057475059455896643_n_ec73adaf21.jpg" alt="310981760_1410641849466270_2057475059455896643_n.jpg">
<img src="https://knadmin.beoblood.kz/uploads/310821827_1552423978543008_8707081303889938909_n_533eb10cde.jpg" alt="310821827_1552423978543008_8707081303889938909_n.jpg">

Шиелі мен Жалағаш ауданында құқық бұзушылықтың алдын алу мәселелері талқыланды

<a href="https://kyzylorda-news.kz/">Kyzylorda-news.kz.</a> Корея Республикасы Ғылым және Білім Министрлігі жанындағы Корея тарихы және мәдениет орталығының бас хатшысы Чонг Кёнгвон бастаған делегация Достық үйіне келді. Кездесуде тараптар ғылым, білім, мәдениет және тарих саласындағы үшжақты меморандумға қол қойды.
Кванджу қалалық білім басқармасының үшжақты меморандумын жасау үшін Қызылорда облысы Қоғамдық даму басқармасының "Қоғамдық келісім" коммуналдық мемлекеттік мекемесімен, "Қазақстан корейлер қауымдастығы" Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге қол қойылды.
Меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі.
Атап айтқанда, серіктес елдің білім алмасу делегацияларының сапарларындағы, білім беру және стипендияларды басқару саласында Ақпарат және тәжірибе алмасу, оқу орындары арасындағы қарым-қатынасты нығайтуға және екі жақтың да білім алуын дамытуға байланысты басқа салалардағы ынтымақтастық.
Мазмұнды кездесуде "Қоғамдық келісім" КММ директорының орынбасары Айбек Дайрабай, Қызылорда облыстық корей этномәдени бірлестігінің төрағасы Ким Елена, Корея Республикасы Білім және ғылым министрлігі жанындағы Корея тарихы және мәдениет орталығының бас хатшысы Чонг Кёнгвон және Қорқыт Ата атындағы Қызылорда университеті ректорының міндетін атқарушы Нұрлан Оразбаев сөз сөйлеп, үшжақты қарым-қатынасты дамытуға белсенді түрде атсалысуға дайын екендерін жеткізді.
Айта кететіні, бұған &nbsp;дейін үстіміздегі жылдың тамыз айында Сыр өңірінің тарихы, мәдениетімен танысу ниетінде Оңтүстік Кореядан 100-ден аса студент, оқушылар келді. Олар өңірлік корей этномәдени бірлестігінің өкілдері және жастармен кездесіп, Корея және Қызылорда арасындағы үлкен дәрежедегі достықты, жан-жақты байланысты сөз еткен болатын. &nbsp;
<img src="https://knadmin.beoblood.kz/uploads/311015469_3321885741463916_3856280853374534837_n_4e3141448f.jpg" alt="311015469_3321885741463916_3856280853374534837_n.jpg">
<img src="https://knadmin.beoblood.kz/uploads/311290625_3321885821463908_2141966022527579633_n_4342e4fc8e.jpg" alt="311290625_3321885821463908_2141966022527579633_n.jpg">

Кореямен білім саласындағы ынтымақтастық артады

<a href="https://kyzylorda-news.kz/">Kyzylorda-news.kz.</a> Астанада «AMANAT» партиясының кезектен тыс XXIV Съезі өтті. Іс-шараға 1200-ден астам адам қатысты. Олардың қатарында Саяси кеңестің мүшелері, Парламент депутаттары, өңірлерден келген делегаттар, сондай-ақ сарапшылар, үкіметтік емес ұйымдардың өкілдері және т. б. болды.
Күн тәртібіне сәйкес, бірінші кезекте алдағы президент сайлауына партиядан кандидат ұсыну мәселесі қаралды.
Өз сөзінде, «AMANAT» партиясының Төрағасы Ерлан Қошанов AMANAT партиясының атынан Қасым-Жомарт Тоқаевтың кандидатурасын ұсынды.
Съезд барысында 7 адам жарыссөзге шығып, олардың барлығы да алдағы кезектен тыс Президент сайлауына Қасым-Жомарт Тоқаевтың кандидатурасын қолдады және партияластарын да қолдауға шақырды.
Осыдан кейін делегаттар Қазақстан Республикасының президенттігіне AMANAT партиясының кандидаты ретінде Қ.Тоқаевты ұсыну мәселесін талқыға салып, бірауыздан қолдау көрсетті.
<blockquote>«AMANAT партиясы XXIV съезінің шешімімен Қасым-Жомарт Кемелұлы Тоқаев бірауыздан ҚР президенттігіне кандидат ретінде ұсынылады», - деді съезд шешімін жариялаған AMANAT партиясының Атқарушы хатшысы Асхат Оралов.</blockquote>
<img src="https://knadmin.beoblood.kz/uploads/310160710_680980206722470_8734855666491316728_n_05f2c19a03.jpg" alt="310160710_680980206722470_8734855666491316728_n.jpg">

AMANAT партиясы Қасым-Жомарт Тоқаевты президенттікке ұсыну шешімін қабылдады

<a href="https://kyzylorda-news.kz/">Kyzylorda-news.kz.</a> Сырдария аудандық мәдениет үйінде аудандағы білім беру қызметкерлерінің кәсіби мерекесіне арналған салтанатты жиын өтті.
Салтанатты жиынды аудан әкімі Мұрат Ергешбаев ашып, еркін елдің ертеңі - бүгінгі жас ұрпаққа кемел білім мен кенен ғылым нәрін сусындатқан ұстаздар қауымын төл мерекелерімен құттықтады.
<blockquote>«Дамудың жаңа дәуіріне қадам басқан сайын, соған сай білім беру саласы да үздіксіз жетілдіріп отыруды қажет етеді. Мемлекет басшысы Қасым-Жомарт Тоқаев білім мен ғылымның дамуына аса мәнберіп, жастарды оқуға, жаңа ғылым-білімді игеруге үндеп келеді. Қазіргі уақыт – білектінің емес, білімдінің заманы. Рухани өресі биік, ұлттық құндылықтарды ұлықтай білетін азамат тәрбиелеу – ұстаздардың қолында. Бүгінгі күнгі білім саласындағы реформалар – жаңартылған білім мазмұны, бес күндік оқуаптасына көшу ұстаздардан өз білімдерін үздіксіз жетілдіріп отыруын талап етеді. Мерейлі мереке күні ауданның білім саласының барлық қызметкерлері мен ардагер-ұстаздарына ризашылығымды білдіремін. Төл мерекелеріңізбен құттықтай отырып, Сіздерге зор денсаулық, отбасыларыңызға амандық, еліміздің келешегін қалыптастыратын, дамуына үлкен үлес қосатын білімді ұрпақ тәрбиелеудегі еңбектеріңізге зор шығармашылық табыстар тілеймін», - деді аудан басшысы құттықтау сөзінде. &nbsp;</blockquote>
Осындай ұлты ұлықтаған ұстаздарды мереке қарсаңында аудан басшысы Тәуелсіз еліміздің әлеуетін көтеруде, жас ұрпақты оқыту және тәрбиелеу ісінде елеулі табыстары үшін №36 Ә.Тәжібаев атындағы мектеп-лицейінің химия-биология пәнінің мұғалімі Батишева Үміткүл Жағыппарқызын "Ы.Алтынсарин" төсбелгісімен марапаттады.
Сонымен қатар, жиында бірқатар мұғалімдер «Білім беру ісінің Құрметті қызметкері» &nbsp;төсбелгісімен, Оқу-ағарту министрлігінің «Еңбек ардагері» медалімен, ҚР Оқу-ағарту Министрлігінің Алғысымен, ҚР Салалық Білім және ғылым қызметкерлерінің кәсіподағы «Құрмет грамотасымен», облыс әкімінің, аудан әкімінің «Алғыс хатымен» марапатталды.&nbsp; Салтанатты шарада бірқатар білім беру саласының қызметкері 2021-2022 оқу жылының қорытындысымен №37 мектеп-лицейдің &nbsp;бастауыш сынып мұғалімі Сейтасқарова Роза Айнашқызы "Үздік педагог" &nbsp;атағымен, «Үздік білім беру ұйымы» номинациясымен №42 мектеп-лицей ұжымы, «Білім бәйтерегі» &nbsp; номинациясымен №35 мектеп-лицей ұжымы, «Үздік жаңашыл мектеп» номинациясымен №139 орта мектеп ұжымы марапатталып, үздіктерге қаржылай сыйлықтар табысталды.
Мерекелік шара аудандық мәдениет үйі, əуез мектебі көркемөнерпаздарының, мектеп оқушыларының концерттік бағдарламасына ұласты.
<img src="https://knadmin.beoblood.kz/uploads/Syrdariya_dffb5b661e.jpg" alt="Сырдария.jpg">

Сырдария ауданында мұғалімдер марапатталды

<a href="https://kyzylorda-news.kz/">Kyzylorda-news.kz.</a> Қазалы ауданында қайсар жандардың мерекесіне орай «Пейілі кең, жүрегі қайсар жандар» атты шара өтті.
Әйтеке би кенттік клубында өткен басқосуда аудан әкімі Мұхтар Оразбаев құттықтау сөз сөйлеп, игі тілегін жеткізді.
<blockquote>«Баршаңызды еліміздегі қайсар жандардың мерекесімен шын жүректен құттықтаймын! Сіздер әрдайым болашаққа сеніммен қарап, қай салада болмасын адам баласының мүмкіндігі шектеусіз екендігін дәлелдеп жүрсіздер. Мұны мен Сіздердің қайтпас қайсарлықтарыңыз бен мықты ерік-жігерлеріңіздің арқасы деп білемін. Осы бір мерекеде қоғам өз назарын тұрмыс тауқыметін көріп жүрген мүмкіндігі шектеулі жандардың мәселелеріне, жалпы мүгедектер жағдайына аударуы аса маңызды деп білемін. Ауданымызда қайсар жандардың құқықтарын қамтамасыз ету және олардың өмір сүру деңгейін жақсарту бойынша мақсатты жұмыстар атқарылып келеді. Мүмкіндігі шектеулі жандарды әлеуметтік қорғау, оларға әлеуметтік көмек көрсету бағытында бюджеттен осы жылы 75 млн теңге қаржы бөлініп, тиісті жұмыстар жасалуда. Мәселен жеке оңалту бағдарламасына сәйкес мүмкіндігі шектеулі жандар тиісті құрал-жабдықтармен қамтамасыз етілді. Сондай-ақ, мүмкіндігі шектеулі жандар үшін арнайы «Инватакси» қызметі де көрсетіледі. Бұдан бөлек, Қызылорда қаласындағы «Талсуат» елді мекенінде орналасқан «Мүгедектерге арналған оңалту орталығына» 33 мүгедек тегін жолдамамен барып, денсаулықтарын жақсартып қайтты», - деді аудан басшысы.</blockquote>
Мұнан соң Мұхтар Әуесұлы бірқатар қайсар жандарды аудан әкімінің «Алғыс хатымен» марапаттап, құрмет көрсетті.
Мүмкіндігі шектеулі жандардың мерейін үстем еткен көңілді кеште өнерпаздар ән-күйден шашу шашып, арнайы сыйлықтар ұсынылды.&nbsp;
Мерекелік шарада Даража Тұрмағамбетова, Серікбол Шайықов және Серік Ерболатов әуелете ән шырқады.
<img src="https://knadmin.beoblood.kz/uploads/311044038_3474586699428919_7513228494886305620_n_dcf01fa3c0.jpg" alt="311044038_3474586699428919_7513228494886305620_n.jpg">
<img src="https://knadmin.beoblood.kz/uploads/310920623_3474586282762294_4072523039167753625_n_c35b1cbffc.jpg" alt="310920623_3474586282762294_4072523039167753625_n.jpg">

Қазалыда қайсар жандардың мерекесі аталып өтті

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Мархабат Жайымбетовтың төрағалығымен биылғы жылдың 9 айдың қорытындысы бойынша жол инфрақұрылымын дамыту саласындағы атқарылған жұмыстар барысы қаралды.
Жиында жол саласына жауапты жергілікті мемлекеттік органдардың басшылары, аудан және Қызылорда қаласы әкімдерінің салаға жауапты орынбасарлары қатысты.
Күн тәртібіндегі мәселе бойынша Қызылорда облысының жолаушылар көлігі және автомобиль жолдары басқармасының басшысы П.Шамұратов баяндама жасап, саладағы өзекті мәселелерге тоқталды.
2022 жылы жергілікті жол желісін дамытуға 18,6 млрд теңге бөлініп, ұзындығы 359 шақырымды құрайтын жолдар мен көшелер және көпір өткелдері жөндеуден өткізу жоспарланған.
Есепті кезеңде бөлінген қаржының 82% игеріліп, ұзындығы 275 шақырымды құрайтын көшелер мен жол желілері жөндеуден өтті.
Облыс әкімінің орынбасары М.Жайымбетов аудандар мен Қызылорда қаласы әкімдерінің салаға жетекшілік ететін орынбасарларына, жауапты мемлекеттік орган басшыларына автомобиль жолдары мен көшелердің салу, жөндеу және күтіп-ұстау жұмыстарының сапасын қамтамасыз ету, құрылысы жүргізіліп жатқан объектілердің бекітілген жоспарға сәйкес жүргізу және мерзімінде аяқтау, жол белгілерін жаңарту, күтіп ұстау жұмыстарын қатаң бақылауға алу жөнінде тапсырмалар берді.
<img src="https://knadmin.beoblood.kz/uploads/zhol1_827616197f.jpg" alt="жол1.jpg">

Қызылордада жол инфрақұрылымын дамыту мәселесі қаралды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев бірқатар әлеуметтік және өндірістік нысанды аралады.
Алдымен аймақ басшысы «Қорқыт ата» әуежайының инфрақұрылым мәселелері мен жаңадан салынатын терминалдың жобасы бойынша cала мамандарымен пікірлесті.
Бұған дейін облыс әкімі демеушілерді тарта отырып, 70 млн.теңге қаражатқа әуежайдың ескі терминалын ішкі және сыртқы әрлеу жұмыстарын жүргізді, нәтижесінде әуежай алаңы жаңарып, ауласы тазаланып, қалыпқа келді. Меценат Болат Өтемұратовтың қоры өңірде халықаралық стандарттарға сай заманауи терминал салуға ниет білдірді. Бұған дейін де облыс әкімі Сыр еліне келген қор өкілдерімен екіжақты кездесулер өткізіп, ортақ жобаны пысықтап, талқылады.
Қазіргі күні әуежай жылына 137 мың адамға қызмет көрсетсе, жаңа терминал қосылғаннан кейін шамамен 220 мың жолаушыны қабылдай алады. Ал, жүк тасымалдау көлемі 150 тоннадан 240 тоннаға дейін ұлғаяды.
Құны 12 млрд. теңгені, алаңы 7500 шаршы метрді құрайтын әуежайда телескопиялық трап екіқабатты болады, ал жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Жылдам әрі жайлы қызмет көрсету өзін-өзі тіркеу бағандары мен жүктерді беру және өңдейтін автоматтандырылған жүйемен жабдықталады. Терминал 2024 жылы аяқталмақ.
Облыс әкімі әуежай өңірдің негізгі қақпасы және оның заманауи сипатқа ие болуы тиіс әрі халыққа қолайлы қызмет етуі қажет деді. Бұл ретте орынбасары М.Жайымбетовке, қала әкімі А.Шәменовке, жауапты басқарма және әуежай басшысына әуежайды күтіп ұстау және тазалығына ұдайы мән беруді жүктеді. Сондай-ақ, қор өкілдерімен бірге терминал құрылысына қажетті жұмысты үйлестіріп, уақытылы аяқтауды тапсырды. Мұнан бөлек, қаладағы кәсіпкерлік және әлеуметтік нысандардың қасбеттерін әрлеп, аумағын тазалау жұмыстарын міндеттеді.
Нұрлыбек Нәлібаев Нартай Бекежанов атындағы Қызылорда облыстық музыкалық драма театрының жөндеу жұмыстарын көрді.
Өнер ордасы Сыр өңірінде 1960 жылдан бері жұмыс жасауда. Дегенмен, театр ғимараты ескіргендіктен жөндеуді қажет етті. Аймақ басшысының тікелей қолдауымен театрдың қасбетіне жөңдеу жұмыстарын жүргізу басталды. Демеушілер есебінен ғимараттың ішкі жұмыстары да заманауи талапқа сай қайта жаңарады.
Облыс әкімі киелі өнер шаңырағы қаланың басты мәдени нысаны болғандықтан, орынбасары Н.Сақтағановқа, жауапты басқарма басшысы мен мердігер компания өкіліне қысқа уақыт ішінде жөңдеу жұмыстарын уақытылы әрі сапалы орындау қажет екенін еске салды. Сондай-ақ, театр аумағын таза әрі жинақы ұстауды тапсырды.
Айта кетейік, облыс орталығында 1000 орынға арналған көпфункционалды Өнер орталығы салынуда. Құны 3,7 млрд.теңге екі қабатты өнер орталығының құрылысы шамамен келер жылдың соңында ел игілігіне берілмек.
Әрі қарай облыс әкімі шыны зауытындағы өндірісті іске қосуға дайындық барысын саралады. Аймақта өңдеу өнеркәсібін дамыту мақсатында құрылысы басталған зауыт қазан айының ішінде алғашқы өнімін шығарады деп жоспарлануда. Бұл ретте облыс әкімінің тапсырмасы негізінде осыған дейін арнайы штаб құрылды. Туындаған мәселелер шұғыл шешіліп, инвесторларға көмек көрсетілді. Нәтижесінде өндіріске қажетті газ, су, электр &nbsp;желілері тартылып, теміржол тұйығын жеткізу құжаттары әзірленуде. Балқыту пеші қосылып, қазірдің өзінде 1450 градус температураға жетті.
Алдағы уақытта шыны зауытының айналасында жаңа өнім түрлерін шығаратын 8 ілеспе кәсіпорын ашу көзделді. Мұнда шыны-талшықты, композиттік материалдар, айна, смартфондармен планшеттерге арналған ультражұқа шыны жобалары да шығарыла бастайды.
Өндірісте жергілікті шикізат Аралдың кварц құмы қолданылады.
Облыс әкімі жұмыс процесін бақылап, бірінші орынбасары Серік Қожаниязовқа және шетелдік компания өкілдеріне өндіріс орнының алғашқы өнімін шығару жұмыстары іркіліссіз және уақытылы басталуы қажет екенін тапсырды.
<img src="https://knadmin.beoblood.kz/uploads/ajmak1_2cfca7dc2c.jpg" alt="аймак1.jpg"><img src="https://knadmin.beoblood.kz/uploads/Bekezhanov_5c2c72a957.jpg" alt="Бекежанов.jpg"><img src="https://knadmin.beoblood.kz/uploads/orda_43768b17b6.jpg" alt="орда.jpg"><img src="https://knadmin.beoblood.kz/uploads/orda1_566cdd5488.jpg" alt="орда1.jpg"><img src="https://knadmin.beoblood.kz/uploads/zauyt_9a6551cb07.jpg" alt="зауыт.jpg"><img src="https://knadmin.beoblood.kz/uploads/ajmak_035c176991.jpg" alt="аймак.jpg"><img src="https://knadmin.beoblood.kz/uploads/shyny_4a185dc993.jpg" alt="шыны.jpg">

Қызылорда облысының әкімі бірқатар әлеуметтік және өндірістік нысанды аралады

<a href="https://kyzylorda-news.kz/">Kyzylorda-news.kz.</a> Қазақстанның басым бөлігіндегі ауа райына Солтүстік антициклон ықпал етеді, сондықтан жауын-шашынсыз күн райы сақталады, деп хабарлайды Қазгидромет.
Елдің батыс, шығыс аймақтарында, оңтүстік-шығыс таулы аймақтарында атмосфералық фронттардың әсерінен жаңбыр жауып, оңтүстік-шығыс пен шығыстың таулы аймақтарында жауын-шашын (жаңбыр, қар) жауады.
Республиканың кей жерлерінде жел күшейеді, оңтүстігінде шаңды дауыл, түнде шығыста, оңтүстік-шығыстың таулы аймақтарында тұман болады.

Бүгін оңтүстікте үсік жүреді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша «Жол активтерінің ұлттық сапа орталығы» РМК облыстық филиалының мамандары 8 айдың қорытындысымен 131 нысан бойынша 364 рет жолға тексеру жұмыстарына шықты.&nbsp;
Қадағалау барысында 1001 сынама алынып, зертханада тексерілді. Соның ішінде 230 сынама нормативтік талаптарға сай болмай шықты. Ал аспаптық тексеру барысында 71 өрескел ақау анықталды. Орталық тарапынан берілген ескертпе ақаулардың нәтижесінде облыс бойынша 76 млн. 768 мың теңгенің 23038 м² асфальт жамылғысы және 1496 м³ инертті материалдар сүріліп, қайта салынды. Тапсырыс берушілер мен мердігер мекемелерге анықталған кемшіліктер бойынша хаттар жолданып, орын алған олқылықтар түзетілді.

Қызылордада жолдан алынған 230 сынама нормативтік талаптарға сай емес

<a href="https://kyzylorda-news.kz/">Kyzylorda-news.kz.</a> Қармақшы ауданы әкімінің орынбасары Ж.Ерқұсаевтың төрағалығымен кәмелетке толмағандардың істері және олардың құқықтарын қорғау жөніндегі комиссия отырысы өтті.&nbsp;
Отырысқа комиссия мүшелері, құқық қорғау органдарының басшылары, бөлім басшылары және тиісті сала басшылары қатысты. Комиссия отырысының күн тәртібінде екі мәселе қаралды.
Білім беру ұйымдарында қауіпсіздікті қамтамасыз ету туралы, яғни, бейнебақылау жүйелері, дабыл түймелері, турникет мәселесі бойынша Қармақшы аудандық полиция бөлімінің Жергілікті полиция қызметінің бастығы баяндама жасап, Төретам кенті әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның атқарған жұмыстары туралы екінші мәселе бойынша Төретам кентінің әкімі баяндама жасады.
Комиссия отырысы барысында құқық қорғау органдарының басшылары бала өмірінің қауіпсіздігі бағытында өздерінің ұсыныс-пікірлерімен бөлісіп, қорытындысымен аудан әкімінің орынбасары барлық білім беру ұйымдарындағы қауіпсіздікті қамтамасыз етуді күшейту мақсатында тиісті сала басшыларына хаттамалық тапсырмаларын берді.
<img src="https://knadmin.beoblood.kz/uploads/karmakshy1_583b1afbb6.jpg" alt="кармакшы1.jpg">

Қазақстан және Қызылорда облысының жаңалықтары