<a href="https://kyzylorda-news.kz/">Kyzylorda-news.kz.</a> Домбыра – қазақтың киесі, қасиеті, көненің көзі, бабадан қалған асыл мирас. Қазақ пен домбыра егіз ұғым ғой! Халқымыздың қадір тұтып, төрге ілген киелі аспабының құрметіне өскелең ұрпақ санасына сіңіру мақсатында шілденің бірінші жексенбісі Ұлттық домбыра күнін болып айқындалды.
Домбыра – қазақ үшін жай ғана музыкалық аспап емес, одан әлдеқайда биік тұрған киелі құндылық. Ол Ұлы Даланың төсінде ерте заманнан бері халқымызбен бірге жасап келе жатыр. Бір кездері Майтөбенің тұсынан домбыраның суреті бар Таңбалы тас табылғанын бәріміз білеміз. Арал маңында домбыра ұстаған адамның мүсіні біздің дәуірімізден 4 ғасырдың мұрасы болыпты. Ал Алтайдан табылған ата домбыра біздің дәуірімізден 5 ғасырға тиесілі. Алтайдан Атырауға дейін бүкіл Қазақстанның даласы 4-5 мың жылдан бері осы домбыраның үнін естіп келе жатыр. Ол бар қазақтың бір екенін, қанымыздың да, жанымыздың да бір екенін дәлелдейтін көрініс.
«Кең даланы мекен еткен қазақ жұртының ең аяулы да қасиетті музыкалық аспабы домбыраның бірде күмбірлеген, бірде шертілген ойлы дыбысы құлаққа жағымды,жүрекке жақын, оның күмістей сыңғырлаған үні талай сырдың басын қайырады. Сымдай тартылған қос ішектен сан ғасырдың сан алуан сипаты ақыл-ойы, көңіл күйі жатыр. Домбыра – көшпелі елдің көнекөз шежіресі, көпті көрген қарияның көкірек күйі», – дейді Ахмет Жұбанов. Белгілі қазақ композиторының қанатты сөздері күмбірлеген қара домбыраның сан ғасырлық тарихын әспеттесе керек.
Қазіргі уақытта ұлттық аспаптың заманауи музыка ырғағымен үйлесімді үндесіп жатқанын назарға алсақ, домбыра ғұмыры әлі талай ғасыр жасайтынын аңғаруға болар. Ұлттық руханиятымызды дәріптейтін мереке домбыраның мәртебесін биікке көтере берсін!
Айтжан Оразбақов 
Облыстық ҚХА жанындағы ғылыми-сарапшылық тобының жетекшісі
<img src="https://kyzylorda-news.kz/wp-content/uploads/2022/07/291149434_3245800382405786_1581461978130287546_n.jpg" alt="" />

Домбыра – көшпелі елдің көнекөз шежіресі

<a href="https://kyzylorda-news.kz/">Kyzylorda-news.kz.</a> «AMANAT» партиясының Сайлауалды бағдарламасын жүзеге асыруға бағытталған республикалық Жол картасының 110-шы пунктінде 2025 жылға дейін Қызылорда облысында 26 мәдени нысан салыну көзделген. Осы жұмыстардың орындалу барысы партия филиалы жанындағы Азаматтық қоғам мен мәдениетті дамыту жөніндегі «Miras» аймақтық қоғамдық кеңесінің отырысында талқыланды.
Жиын барысында өңірдегі апатты жағдайдағы, күрделі жөндеуді немесе жаңа ғимарат салуды қажет ететін мәдени нысандар бойынша жүргізілген мониторинг жұмыстарының қорытындысы таныстырылып, жауапты басқарма өкілінен осы бағытта жасалған жұмыстар есебі сұралды. Сонымен қатар, партияның Сайлауалды бағдарламасында 2021-2025 жылдары аралығында өңірімізде бой көтеретін 26 мәдени нысан қай аудандарда және биылғы жылға жоспарланған 5 нысан жылдың аяғына дейін пайдалануға беріледі ме?. Осы және өзге де сауалдарға облыстық мәдениет және спорт басқармасы басшысының орынбасары Ерділдә Сұлтанбековтің хабарламасы тыңдалды.
Басқарма басышысының айтуынша өткен жылы Сайлауалды бағдарлама аясында облыста 4 нысан яғни, Қазалы ауданы, Әйтеке би кентінде 600 орындық мәдениет үйі, Жаңақорған ауданы Шалқия кентінде, Шиелі ауданы Жиделіарық ауылында 150 орындық ауылдық клубтарының құрылысы жүргізілген.
<blockquote>
 «Шиелі аудандық тарихи-өлкетану музейі жанына қосымша салынған 2 қабатты ғимаратты тиімді пайдалану мақсатында Шиелі аудандық орталық және балалар кітапханалары көшіріліп, орналастырылған. Ал ағымдағы жылы Қармақшы ауданының Қуаңдария, Жаңақорған ауданының Өзгент, Жайылма, Қазалы ауданының Кәукей, Қызылорда қаласының Талсуат және Қарауылтөбе елді мекендерінде 6 мәдени нысанының құрылысы жүргізіледі», -дейді Ерділдә Сұлтанбеков.
</blockquote>
Жалпы өңірде мәдени нысандардың жәй-күйі бойынша мәселелер аз емес. Жиын барысында комиссия мүшелері осы бағыттағы жұмыстарды жетілдіруге қатысты өз ұсыныстарын ортаға салып, келесі отырыстың күн тәртібін бекітті.

«AMANAT» партиясы облыстық филиалы жанындағы «Miras» кеңесінде мәдени нысандардың жәй-күйі талқыланды

<a href="https://kyzylorda-news.kz/">Kyzylorda-news.kz.</a>&nbsp; 2022 жылдың 1 шілдесінен бастап пәтер иелері кооперативтерінің орнына мүлік иелері бірлесітігі мен жай серіктестіктер құрылып бітуі керек болған.
Бұл реформа тағы кейінге шегерілді. Тағы деп отырғанымыз, әуел баста пәтер иелері мен тұрғын емес ғимараттардың меншік иелері 2021 жылдың 7 қаңтарына дейін мүлік иелерінің бірлестігіне немесе жай серіктестіктерге бірігуі керек болған.
Бірақ пандемия Индустрия және инфрақұрылымдық даму министрлігінің жоспарын өзгертіп, бұл шара 2022 жылдың 1 шілдесіне шегерілген. Жуықта ҚР Парламенті Мәжілісі Энергия үнемдеу туралы заң жобасына Сенат енгізген өзгерістерді қабылдаған еді. Аталған құжат бойынша, пәтер иелері кооперативтері тағы бір жыл жұмыс істейтін болды.

Пәтер иелері кооперативтері тағы бір жыл жұмыс істейді

<a href="https://kyzylorda-news.kz/">Kyzylorda-news.kz.</a>&nbsp; Республиканың көп бөлігінің ауа-райына оңтүстік циклон әсер етеді, ол найзағаймен жаңбыр әкеледі.
02 шілдеде батыста, 03 шілдеде солтүстік-батыста, 04 шілдеде оңтүстікте, республиканың орталығында қатты жаңбыр жауады, сондай-ақ бұршақ, дауыл, желдің күшеюі күтіледі. Қазақстанның барлық аумағында салқын ауа райы сақталады.

Қазақстанның басым бөлігінде салқын ауа райы сақталады

<a href="https://kyzylorda-news.kz/">Kyzylorda-news.kz.</a> Республикалық «Мәдениетті ана – мәдениетті ұлт» жобасы Жаңақорған ауданында қорытындыланды.
Ел тағдырына елеңдеп, ұлт болашағы үшін деп жүрген аналармен жылы жүздесу өтті. 
Жүздесу басталмас бұрын Қызылорда облысынан келген Аналар кеңесінің төрайымы Рахима Ахметова бастаған делегацияны Жаңақорған ауданының әкімі М. Тлеуімбетов қабылдады. 
Қабылдауда алдағы жоспарлар мен осы жоба аясында жүзеге асырылытан ауқымды жұмыстар сөз болды.
Мұнан соң аудан аналарымен жүздесу басталды.
«Барлық ұлтта, барлық дінде бір ғана мақсат қойылады. Ана – адамзаттың ұрпағын жалғастырушы және тәрбиелеуші. Сондықтан, басқа ұйым емес, барлық ұлт пен ұлыстың басын біріктіріп отырған Ассамблеяның ұлт тәрбиесі, отбасы құндылығы бағытындағы жұмыстарды алғашқы болып қолға алғаны көңіл қуантады» – деді өңірлік кеңестің төрайымы Р.Ахметова.
Жүздесуде делегация мүшелері, аналар кеңесінің белсенділері Қаламқас Каримова, Әйгерім Алиева, Жақсыгүл Тоғанова, Манат Алмашева, Ирина Шек, Қуанышкүл Мырзабаева сөз сөйлеп, ел мүддесі үшін салауатты да саналы ұрпақ тәрбиелеу және үлгілі отбасы бейнесін қалыптастыру үшін бірлесіп жұмыс жасауға шақырды.
Ұлт денсаулығы, бала бақыты, отбасындағы ана, әке рөлі жайында аудандық аналар кеңесінің белсенділері тұшымды ой пікірлерімен бөлісті.
Жылы жүздесуде еңбегі елеулі аудандық аналар марапатқа ие болды. Шара аналарға арналған әсем әнмен аяқталды.
Аналарда бір ғана мақсат бар. Ол аймақтағы нәзік жандыларды қолдау. Қай кезде болмасын, қазақтың қыздары өздерінің батылдығымен, қайраткерлігімен танылған. Ондай қыздар Сыр өңірінде жетерлік. Тек оларға қолдау көрсету керек. Ана – өмір жасаушы құдірет қана емес, сол өмірді гүлдендіруші. Ал Аналар кеңесі сол жандардың еңбегін бағалау арқылы қарапайым аналарды да назардан тыс қалдырмай, жұртшылыққа таныстыруды мақсат көреді. Осы бағыттағы жұмыстарды да жандандырады.
<img src="https://kyzylorda-news.kz/wp-content/uploads/2022/07/290905197_3245111049141386_4557119385696925598_n.jpg" alt="" />
<img src="https://kyzylorda-news.kz/wp-content/uploads/2022/07/290931605_3245110282474796_1743686345552913070_n.jpg" alt="" />

«Мәдениетті ана &#8211; мәдениетті ұлт» жобасы Жаңақорған ауданында қорытындыланды

<a href="https://kyzylorda-news.kz/">Kyzylorda-news.kz.</a> Қазіргі таңда, «e-Salyq Azamat» қосымшасын 28 мыңнан астам қала тұрғыны қолданып отыр. Қосымшаның тиімділігі – тұрғындар банк бөлімшесіне бармай-ақ, комиссиясыз мерзімінде салық төлей алады.
<blockquote>
 «Биыл жалпыға бірдей декларацияға көшудің бірінші кезеңі жүзеге асырылуда. Жалпыға бірдей декларациялаудың бірінші кезеңі аясында 250.00 нысандағы декларацияны мемлекеттік қызметшілер мен оларға теңестірілген тұлғалар, сондай-ақ олардың жұбайлары (зайыптары) ұсынуда», – деді Қызылорда қаласы бойынша Мемлекеттік кірістер басқармасының бас маманы Қуанышбек Тыныс.
</blockquote>
Бұдан бөлек, қазіргі таңда салық органына жеке тұлғалардың меншік құқығына тіркелген мүлік, жер, көлікке есептелінген салық берешегі бойынша шағымдардың түсуі артқан. Шағымның басым көпшілігі жеке тұлға меншігіне тіркелген мүлікпен келіспеуіне байланысты бағытталған.
<blockquote>
 «Осы ретте, айта кетерлігі Мемлекеттік кірістер басқармасы жеке тұлғалардың меншігін тіркеу немесе тіркеуден шығару бойынша қызмет көрсетпейді. Аталған қызметті уәкiлеттi мемлекеттік органдар және “Азаматтарға арналған үкімет” мемлекеттік корпорациясы жүзеге асырады», – деді Мемлекеттік кірістер басқармасының Жеке тұлғалармен жұмыс бөлімінің басшысы Жорабек Суюрбаев.
</blockquote>
Сондай-ақ, басқарманың бастамасымен қалалық полиция басқармасының, жеке сот орындаушыларының өңірлік палатасымен бірлесіп, көлік салығынан берешегі бар салық төлеушілерге рейдттік іс-шара жүргізілуде. Іс-шара нәтижесінде жолдардағы салық берешегі бар автокөліктер анықталып, 57 салық төлеушіден бюджетке 7 426,4 мың теңге көлік салығы өндірілген, бұдан бөлек 4 автокөлік арнайы айыппұл тұрағына қамалған.

«Е-Salyq Azamat» қосымшасын 28 мыңнан астам қызылордалық қолданады

<a href="https://kyzylorda-news.kz/">Kyzylorda-news.kz.</a> Маймыл шешегі (monkeypoxes, MPXV) – сирек кездесетін жұқпалы ауру. 
Оғаг тән белгілер: қызба, жалпы интоксикация, бөртпе, везикулалар, папула.
Маймыл шешек вирусы – ДНҚ вирусы 1980 жылы бүкіл әлемде жойылған шешекке жақын. 
Таралу аймағы: Батыс Африка елдері (Конго Демократиялық Республикасы, Конго Республикасы, Камерун, Орталық Африка Республикасы, Нигерия, Кот-д ‘ Ивуар, Либерия, Сьерра-Леоне, Габон және Оңтүстік Судан).
Африкадағы сырқаттану саны тез өсуде, 2016 жылдан бастап ДДҰ-ның ресми деректері бойынша, ауру 20 есе өсті.
ДДҰ – ның алдын ала деректері бойынша, 2022 жылғы 30 маусымдағы жағдай бойынша әлемнің 66 елінде 5135 жағдай тіркелген (Ұлыбритания – 1076, Испания – 801, Германия – 874, Франция – 441, Португалия – 391, Канада – 283, Нидерланды – 257, АҚШ – 351, Италия – 160, Бельгия-117, Швейцария – 81 және т. б.)
Қазақстанда бүгінде маймылдардың шешек ауруына күдікті бірде-бір жағдай тіркелген жоқ.
<img src="https://kyzylorda-news.kz/wp-content/uploads/2022/07/291163229_402203948616343_1555244754017023319_n.jpg" alt="" />
<img src="https://kyzylorda-news.kz/wp-content/uploads/2022/07/291053184_402203921949679_5133701012422863228_n.jpg" alt="" />
<img src="https://kyzylorda-news.kz/wp-content/uploads/2022/07/291392480_402203941949677_2510393248751018817_n.jpg" alt="" />
<img src="https://kyzylorda-news.kz/wp-content/uploads/2022/07/291509356_402203935283011_3212556238457167372_n.jpg" alt="" />
<img src="https://kyzylorda-news.kz/wp-content/uploads/2022/07/291510033_402203925283012_2674511924551002271_n.jpg" alt="" />
<img src="https://kyzylorda-news.kz/wp-content/uploads/2022/07/291565126_402203938616344_8613025136915893917_n.jpg" alt="" />
<img src="https://kyzylorda-news.kz/wp-content/uploads/2022/07/291620061_402203931949678_6698994956260615650_n.jpg" alt="" />

Маймыл шешегі дегеніміз не және ол инфекциядан қалай сақтануға болады?

<a href="https://kyzylorda-news.kz/">Kyzylorda-news.kz.</a> ҚР ҰЭМ Табиғи монополияларды реттеу комитетінің Қызылорда облысы бойынша департаменті табиғи монополиялар субъектілерінің 2021 жылға бекітілген тарифтік сметалардың орындалуына талдау жүргізуде.
Талдау барысында «Жолдыкулов» ЖК кірме жолдар саласындағы реттеліп көрсетілетін қызмет бойынша тарифтік сметада көзделген шығындар баптарын толық көлемде орындамағандығы анықталды.
Осыған байланысты, табиғи монополиялар туралы заңнамаға сәйкес уақытша өтемдік тариф енгізу жолымен шаралар қабылданды. Атап айтқанда, «Жолдыкулов Б.» ЖК-дың тұтынушылары үшін кірме жолдар қызметі бойынша тамыз айынан енгізе отырып 1 жыл мерзімге тарифті 523,92 теңгеден 518,52 теңгеге дейін немесе 1 %-ға уақытша төмендету арқылы 38077 теңге негізсіз кіріс сомасы қайтарылады.

Қызылордада жол қызметінің тарифі төмендетілді

<a href="https://kyzylorda-news.kz/">Kyzylorda-news.kz.</a>&nbsp;Жалағаш ауданында Ұлттық домбыра күніне орай «Домбыра – дастан» атты мерекелік концерт өтті. Салтанатты шараға аудан тұрғындары мен қонақтары, ардагерлер және БАҚ өкілдері қатысты.
Шарада аудан әкімі Асқарбек Есжанов сөз сөйлеп «Ұлттық домбыра күні» мерекесімен құттықтады.
<blockquote>
 «Домбыра – қазақ халқы үшін жай ғана музыкалық аспап емес, ол күнделікті барлық тұрмыс-тіршілігімізден биік тұрған киелі құндылық. Қазақтың сал-серісі үкілі домбырасын қолға алып, елге шыққанда халық оларды төредей күтіп, төбесіне көтерген. Ата-бабаларымыз үкілі домбыраны қастерлеп төрге ілген. Бабаларымыздан қалған осы бір игі дәстүр қазір де жалғасып келеді. Қазақтың кез-келген отбасында киелі домбыра шаңыраққа сән беріп, төрінде ілулі тұр», – деді аудан басшысы.
</blockquote>
Бірқатар сала қызметкерлері мәдениет саласының үздігі төсбелгісімен, аудан әкімінің «Алғыс хатымен»марапатталды.
Шара соңы Қ.Қазантаев атындағы аудандық Мәдениет үйінің көркемөнерпаздарының концерттік бағдарламасына ұласты.
<img src="https://kyzylorda-news.kz/wp-content/uploads/2022/07/291111455_1484750628643677_6849743169709278494_n.jpg" alt="" />
<img src="https://kyzylorda-news.kz/wp-content/uploads/2022/07/291519404_1484750651977008_8695269388665423950_n.jpg" alt="" />
<img src="https://kyzylorda-news.kz/wp-content/uploads/2022/07/291655462_1484750668643673_1121017644927348266_n.jpg" alt="" />

Жалағашта Ұлттық домбыра күні аталып өтті

<a href="https://kyzylorda-news.kz/">Kyzylorda-news.kz</a>. Қазақстанда шілде айында екі мереке – Елорда күні мен Құрбан айт тойланады.
Биыл Астана күні – 6 шілде, яғни сәрсенбіге түсіп тұр. Ол күні бес күн жұмыс істейтіндер де, алты күн жұмыс істейтіндер де бір күн демалады.
Ал мұсылман күнтізбесіне сәйкес биыл Құрбан айттың бірінші күні – 9 шілде, сенбіге түседі. Қосымша демалыс қарастырылмаған.
Шілдедегі демалыс күндері:
– Бес күн жұмыс істейтіндер үшін 20 жұмыс күні және 11 демалыс күні бар.
– Алты күн жұмыс істейтіндер үшін 25 жұмыс күні және 6 демалыс күні бар.

Шілде айында қазақстандықтар қанша күн демалады?

<a href="https://kyzylorda-news.kz/">Kyzylorda-news.kz.</a> Облыс аумағында өтіп жатқан «Заңсыз-келуші» жедел-профилактикалық іс-шарасының 4 күнінде 321 құқық бұзушылық анықталды.
Оның ішінде көші-қон заңнамасын бұзған243 шетелдік&nbsp; анықталды, сонымен қатар, шетелдіктерді қабылдайтын жеке немесе заңды тұлғалар көші-қон заңнамасын бұзған және шетелдік Қазақстан Республикасының еңбек қызметін заңсыз жүзеге асырған Қазақстан Республиканың 78 азаматына әкімшілік шаралар көрілді.&nbsp;
Іс-шара кезінде Өзбекстан Республикасының 17 азаматы елімізден шығарылды.
<blockquote>
 «Құрметті облыс тұрғындары шет мемлекеттерден жұмыс жасауға келген шетел азаматтарын заңда көрсетілген мерзімде құжаттарын жергілікті халыққа қызмет көрсету орталығы арқылы заңдастырып, жұмысқа рұқсат алып, ҚР халықтың көші-қон заңнамасын бұзбай, жұмыс жасатқандарыңыз абзал.
 Егерде заң талаптарын орындамай өрсекел бұзған жағдайда, Қазақстан Республикасының заңдарының талаптарына сәйкес шара көрілетін болады»,- деді Қызылорда облысы Полиция департаментінің бастығы Бектөре Сұлтан.
</blockquote>
<img src="https://kyzylorda-news.kz/wp-content/uploads/2022/07/whatsapp-image-2022-07-01-at-10.29.29-1.jpeg" alt="" />
<img src="https://kyzylorda-news.kz/wp-content/uploads/2022/07/whatsapp-image-2022-07-01-at-10.29.30.jpeg" alt="" />

«Заңсыз-келуші»: 4 күнде 321 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Қызылорда облысының табиғи ресурстар және табиғат пайдалануды реттеу басқармасы басшысының 2022 жылғы 30 маусымдағы №47 бұйрығымен Жылқайдаров Әмірқұл Романқұлұлы басқарманың шаруашылық жүргізу құқығындағы «Табиғат» МКК директоры қызметіне тағайындалды.
Қызылорда облысының табиғи ресурстар және табиғат пайдалануды реттеу басқармасы басшысы Марат Құрманбаев, Әмірқұл Жылқайдаровтың республикалық деңгейде түрлі салаларда мол тәжірибе жинап, абыройлы қызмет еткенін жеткізіп, алдағы міндеттерін абыроймен атқаратынына сенім білдірді.
Әмірқұл Жылқайдаров – «Инженер-құрылысшы-технолог», «Экономист», «Заңгер» мамандықтарын игерген.
Еңбек жолын 1983 жылы «Қызылордақұрылыс» тұрғын үй комбинатында шебер, цех меңгерушісі болып бастаған. Әр жылдары жеке секторда, еліміздіегі ірі компанияларда жауапты қызметтер атқарған. Сондай-ақ аймақтағы құрылыс саласына да елеулі еңбек еткен. 2004-2011 жылдар аралығында Қызылорда облыстық Жұмылдыру дайындығы, азаматтық қорғаныс, авариялар мен дүлей апаттардың алдын алуды және жоюды ұйымдастыру басқармасының басшысы, 2011-2012 жылдары Қызылорда облыстық Жолаушылар тасымалы және автомобиль жолдары басқармасының басшысы, 2012-2013 жылдар аралығында Қызылорда облыстық құрылыс басқармасының басшысы қызметтерін атқарған. Соңғы жылдары Қазақ құрылыс және сәулет ғылыми-зерттеу және жобалау институты Астана филиалы директорының орынбасары. 2017 жылдан бастап бүгінге дейін Қазақ құрылыс және сәулет ғылыми-зерттеу және жобалау институты АҚ-ы Бас директорының кеңесшісі лауазымында болды.
Облыстық мәслихаттың ІІ және ІІІ шақырылымының депутаты, «Құрмет орденінің» және «Төтенше жағдайлардың алдын алуда және жоюда үздік шыққаны үшін» медалінің иегері. Қазақстан Республикасының құрметті құрылысшысы.
<img src="https://kyzylorda-news.kz/wp-content/uploads/2022/07/291326444_1243120733110073_2689191785819906846_n.jpg" alt="" />

Қазақстан және Қызылорда облысының жаңалықтары

Домбыра – көшпелі елдің көнекөз шежіресі

«AMANAT» партиясы облыстық филиалы жанындағы «Miras» кеңесінде мәдени нысандардың жәй-күйі талқыланды

Пәтер иелері кооперативтері тағы бір жыл жұмыс істейді

Қазақстанның басым бөлігінде салқын ауа райы сақталады

«Мәдениетті ана – мәдениетті ұлт» жобасы Жаңақорған ауданында қорытындыланды

«Е-Salyq Azamat» қосымшасын 28 мыңнан астам қызылордалық қолданады

Маймыл шешегі дегеніміз не және ол инфекциядан қалай сақтануға болады?

Қызылордада жол қызметінің тарифі төмендетілді

Жалағашта Ұлттық домбыра күні аталып өтті

Шілде айында қазақстандықтар қанша күн демалады?

«Заңсыз-келуші»: 4 күнде 321 құқық бұзушылық анықталды

Табиғат мекемесінің директоры тағайындалды

Қазақстан және Қызылорда облысының жаңалықтары

Домбыра – көшпелі елдің көнекөз шежіресі

«AMANAT» партиясы облыстық филиалы жанындағы «Miras» кеңесінде мәдени нысандардың жәй-күйі талқыланды

Пәтер иелері кооперативтері тағы бір жыл жұмыс істейді

Қазақстанның басым бөлігінде салқын ауа райы сақталады

«Мәдениетті ана &#8211; мәдениетті ұлт» жобасы Жаңақорған ауданында қорытындыланды

«Е-Salyq Azamat» қосымшасын 28 мыңнан астам қызылордалық қолданады

Маймыл шешегі дегеніміз не және ол инфекциядан қалай сақтануға болады?

Қызылордада жол қызметінің тарифі төмендетілді

Жалағашта Ұлттық домбыра күні аталып өтті

Шілде айында қазақстандықтар қанша күн демалады?

«Заңсыз-келуші»: 4 күнде 321 құқық бұзушылық анықталды

Табиғат мекемесінің директоры тағайындалды

«Мәдениетті ана – мәдениетті ұлт» жобасы Жаңақорған ауданында қорытындыланды