<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде мектеп жасына дейінгі балаларға арналған «Ұмай» сауықтыру және тәрбиелеу қайырымдылық үйінің директоры Анар Ізден мен SES (Senior Experten Service) халықаралық ұйымының сарапшысы Эльфриды Паули&nbsp; студенттермен кездесу өткізді.
Кездесуді әлеуметтік және тәрбие&nbsp; жұмыстар жөніндегі проректор Жандос Базартай жүргізіп, мектепке дейінгі бала тәрбиесі, балабақшадағы білім мен тәрбиенің маңыздылығы туралы атап өтті.
Ал, «Педагогикалық-психологиялық білім беру және оқыту әдістемесі» кафедрасының меңгерушісі, философия докторы (PhD) Бақытжамал Бекжанова «Ұмай» сауықтыру және тәрбиелеу қайырымдылық үйі &nbsp;университеттегі кафедра филиалы екенін, білім алушылар жиі практикаға барып, тәжірибе алмасатынын атап өтті.
Кездесу барысында студенттер педагогика саласына қатысты сұрақтар қойып, өз пікірлерімен бөлісті.
Айта кету керек, білім алушылар 10-20 қазан аралығында&nbsp; «Ұмай» сауықтыру және тәрбиелеу қайырымдылық үйінің базасында SES (Senior Experten Service) халықаралық ұйымының сарапшысы Эльфриды Паулидің шеберлік сағаттарына қатысып, тәжірибе жинақтайтын болады.
«Ұмай» балалар үйінде Германиялық эксперт Эльфрида Паулидің тәрбиешілерге және Қорқыт Ата атындағы университеттің студенттеріне арналған оқу курсы жалғасуда. Эльфрида ханымның оқу процессінде пайдаланатын негіздер Қазақстандағы жақында бекітілген бағдарламаға сәйкес келеді. Жаңа форматтың әдіс-тәсілдері эксперт ұсынған процесске ұқсас.
Эксперттің ең басты принципі - тәриенушілерге бала өзін өзі дамытуға, дағдыларды өзі қабылдауға, білім алуға жәрдем беру. "Эарика!" деген принциппен бала өзі білімге жетіп, әрі қарай дағдыларын дамыту керек. Тәрбиешінің көмегімен. Бізде, керісінше, тәрбиеші үлгі етіп дайын дүниелерді ұсынады да, бала нәтижеге жету процессін өте күрделі деп есептейді.
Екінші принцип: қоғамда барлық адамдардың білім алу деңгейі бірдей емес, әсіресе, дамуында проблемалар балаларды оқу процессіне қосқанда. Эксперттің тәрбиешілерді үйрету тәсілі: әр баланың тек сол балаға қатысты мүмкіндіктеріне, қажеттіліктеріне талдау жасап, топта әр баланың орнын ерекше екенін ескеру, балалардың мүмкіндіктері мен қажеттіліктерін байланыстыру», - деді «Ұмай» балалар үйінің директоры Анар Ізден.
<img src="https://knadmin.beoblood.kz/uploads/310632125_5273749956066779_5212587074846721679_n_a257c338e2.jpg" alt="310632125_5273749956066779_5212587074846721679_n.jpg">
<img class="image_resized" style="width:100%;" src="https://knadmin.beoblood.kz/uploads/fd8a7c9c781dbb41145d0c1537ed908d_19c7555b41.jpg" alt="fd8a7c9c781dbb41145d0c1537ed908d.jpg">

Халықаралық ұйымының сарапшысы студенттермен кездесті 

<a href="https://kyzylorda-news.kz/">Kyzylorda-news.kz.</a>&nbsp; Umai ұлттық сыйлығының аясында Балалар жылына орай «Үздік балалар спектаклі» сыйлығы тағайындалды, деп хабарлайды <a href="https://www.inform.kz/kz/balalar-zhylyna-oray-memlekettik-syylyk-tagayyndaldy_a3987018">ҚазАқпарат</a>.
Орталық коммуникациялар қызметінде «Umai-2022» сыйлығының шарттарын таныстырған ҚР Мәдениет және спорт вице-министрі Нұрғиса Дәуешов арнайы өнер номинациясы тағайындалғанын айтты.
«Хореографиялық өнер» бойынша «Үздік би ұжымы», «Балеттегі үздік орындаушы», «Үздік хореограф», «Үздік балет спектаклі» аталымдарына арнайы жүлде тағайындап отырмыз. Келесі бір номинациямыз – «Бейнелеу және сәндік-қолданбалы өнер» номинациясы. Бұл жерде «Үздік сәндік-қолданбалы өнер туындысы» үшін және «Бейнелеу және сәндік-қолданбалы өнер» аталымы бойынша екі сыйлық көркем сурет, графика, сондай-ақ заманауи өнердегі жұмыстарға беріледі.
Жалпы «Umai-2022» сыйлығы аясында Балалар жылына орайластырылған «Үздік балалар спектаклі үшін» номинациясын қойып отырмыз. Бұл жерде жүлде қорымыз әр номинация бойынша 2 млн теңгеден басталып, 6 млн теңгеге дейін белгіленген», - деді вице-министр.

Балалар жылына орай мемлекеттік сыйлық тағайындалды

<a href="https://kyzylorda-news.kz/">Kyzylorda-news.kz.</a> Жаз айларында орын алған дизель отынының тапшылығына байланысты ҚР Премьер-министрінің бірінші орынбасары Роман Склярдың төрағалығымен жедел штаб құрылып, пәрменді шаралар қабылданды.
Қызылорда облысы әкімінің орынбасары Серік Қожаниязовтың төрағалығымен жедел штаб құрылып, оның құрамына экономикалық тергеу, мемлекеттік кірістер, бәсекелестікті қорғау және дамыту департаменттері және т.б мүдделі органдардың басшылары енгізілді.
Ішкі нарықты әлеуметтік маңызы бар мұнай өнімдерімен қамтамасыз ету бойынша ҚР Энергетика министрінің бұйрығына сәйкес облыс аумағында бөлшек саудадағы мұнай өнімдерінің бағаларына күнделікті мониторинг жүргізілуде. Қазіргі таңда облыста 122 жанар-жағармай бекеттері жұмыс жасайды және келесідей мұнай өнімдерінің қорымен қамтамасыз етілген. АИ-92 маркалы бензині – 5 820,6 тонна, бұл 23 күнге дейін жеткілікті. Жазғы және қысқы дизель отыны – 5 438,7 тонна, бұл 22 күнге жеткілікті.
Биылғы жылдың 4 қазан айына дейінгі мониторинг мәліметтеріне сәйкес, облыста АИ-92 маркалы бензинінің орташа бағасы – 179,3 теңге, дизель отынының орташа бағасы – 228,1 теңгені құрап отыр.
Қазіргі уақытта әлеуметтік нысандарға сұйытылған отынды жеткізуші кәсіпкерлердің сұраныстарын бірінші кезекте қамтамасыз ету бойынша шаралар қабылдануда. Жалпы облыстағы жанар-жағармай нарығындағы жағдай тұрақты бақылануда.
<img src="https://knadmin.beoblood.kz/uploads/benzin_kaz_f03ae3545d.jpg" alt="benzin-kaz.jpg">

Қызылордада мұнай өнімдері нарығындағы ахуал тұрақты

<a href="https://kyzylorda-news.kz/">Kyzylorda-news.kz.</a>«Алты алаштың баласы бас қосқанда, төр мұғалімдікі» деп ақын Мағжан Жұмабаев айтқандай, шәкірттерін білім нәрімен сусындатып, адамгершілік асыл қасиеттерді, тәлім-тәрбиені &nbsp;бойына дарытатын ұстаздар қауымы барлық алғыс пен құрметке қашанда лайық.
Осы орайда Шәмшат Төлепова атындағы Қармақшы аудандық мәдениет үйінде «Ұстаз деген –ұлылардың ұлысы,қасиетіңе бас иелік мәңгілік» тақырыбында &nbsp;Ұстаздар күніне орай мерекелік концерт өтті.&nbsp;
Мерекелік шараға аудан әкімі Әділбек Ерсұлтанов қатысып, білім саласында аянбай еңбек етіп жүрген барша ұстаздар қауымын кәсіби мерекесімен құттықтады.
<blockquote>«Ұстаз – ұлы ұғым, ұлағатты есім. Халқымызда «Ұрпақ болашағы – ұстаздардың қолында» деген тағылымы мол сөз бар. Яғни, жас ұрпаққа сапалы білім, саналы тәрбие беретін мұғалімдер – мектептің жаны, руханияттың шамшырағы, білім мен ғылымның жанашыры. Сіздерді мерейлі мерекелеріңізбен &nbsp;шын жүректен құттықтаймын және дендеріңізге саулық, шаңырақтарыңызға шаттық тілеймін», – деді аудан әкімі.&nbsp;</blockquote>
Сондай-ақ Әділбек Бөрібайұлы &nbsp;ауданымыздағы &nbsp;білім саласында атқарылып жатқан игі істермен, жетістіктерді атап өтіп,бұл оңды көрсеткіштер бала өмірінің бағбаны бола білген ұстаздарымыздың маңдай тері мен еткен еңбегінің нәтижесі екендігін айтты.
Салтанатты шарада бірқатар ұстаздар ҚР Білім және ғылым министірінің Құрмет грамотасы, және облыс, аудан әкімдерінің Алғыс хаттарымен марапатталса,бүгінгі мерекенің мейманды қонақтары бола білген &nbsp;білім саласының ардагерлеріне де &nbsp;айрықша &nbsp;құрмет көрсетіліп, &nbsp;сый-сияпат жасалып, ақжарма тілектер арналды.
Кеш соңы аудан өнерпаздарының ән шашуымен жалғасын тауып,ұстаздар қауымына &nbsp;керемет &nbsp;мерекелік көңіл күй сыйлады.
<img src="https://knadmin.beoblood.kz/uploads/karmakshy1_49edb7d11f.jpg" alt="кармакшы1.jpg"><img src="https://knadmin.beoblood.kz/uploads/karmakshy2_96ed35d528.jpg" alt="кармакшы2.jpg">

Қармақшыда ұлағатты ұстаздар ұлықталды

<a href="https://kyzylorda-news.kz/">Kyzylorda-news.kz.</a> Синоптиктер алдағы үш күнде Қазақстандағы ауа райына қатысты болжамын жариялады.
Аптаның екінші жартысында ел аумағының басым бөлігі әлі де кең ауқымды антициклон ықпалында болады. Республиканың солтүстік, орталық облыстарында жылы, жауын-шашынсыз күн райы сақталады, антициклонның ығысуымен ел шығысында жауын-шашын тоқтайды.
Өз кезегінде, Скандинавия түбегінен әсер ететін циклонның батыстан шығысқа ауысуынан алдымен батыс, солтүстік-батыс, ал аптаның соңына қарай елдің солтүстік және орталық облыстарында найзағай ойнап, жаңбыр жауады.
Солтүстікте түнде жауған жаңбыр қарға ұласуы мүмкін. Сондай-ақ жел күшейіп, күндіз батыс облыстарда бұршақ жаууы ықтимал. Республиканың оңтүстігінде фронтальды ағынның өтуімен күн күркіреп, таулы аймақтарда жаңбыр жауып, қарға ауысады. Республиканың барлық аумағында түнде тұман түседі.
Күндіз ел батысында 15-23 градус, ал орталықта 15-25 градус жылы болады. Солтүстік жартысында кей жерлерде термометр бағаналары 10-18 градус жылылықтыы көрсетеді. Шығыста ауаның температурасы 8-17 градустан 14-23 градусқа дейін, оңтүстік-шығыста 15-23 градусқа дейін, таулы аймақтарда 8-13 градустан 20-25-ке дейін жоғарылайды, республиканың оңтүстігінде негізгі температуралық фон 20-28 градусқа дейін көтеріледі. Таулы аймақтарда 10-15 градус жылы болады.
&nbsp;

Алдағы үш күнде қар жауады

<a href="https://kyzylorda-news.kz/">Kyzylorda-news.kz.</a>&nbsp; Биыл облыс бойынша жеке тұлғалардың мүлік салығынан бюджетке 132,4 млн.теңге түскен. Бұл туралы Өңірлік коммуникациялар қызметінің ақпараттық алаңында өткен брифингте Қызылорда облысы бойынша Мемлекеттік кірістер департаментінің өндірістік емес төлемдер басқармасының басшысы Гүлжамал Шортанбаева мәлімдеді.
Айта кетейік, 2021 жылдан бастап жеке тұлғалардың мүлік және жер салығы жаңа формада біріктірілген бюджеттік жіктеу коды арқылы төленіп, салықтың екі түрі үшін бір төлем жасалуда.
«Жеке тұлғалардың мүлік салығын төлеу мерзімі 1 қазанға дейін екені белгілі. Осы тұста, салық төлемеген тұлғалар заңнама нормаларына сәйкес банк қызметтерін ала алмайды. Оның ішінде, банк шоттар ашуға, аударымдар жасауға, несие рәсімдеуге шектеу қойылған.Сонымен қатар, мерзімі өткен әрбір күн үшін ҚР Ұлттық Банкі белгілеген қайта қаржыландырудың ресми мөлшерлемесінің 1,25 еселенген мөлшерінде өсімпұл есептеледі. Айта кеткен жөн, «e-Salyq Азамат» арқылы қандай көлікке, мүлікке салық есептеліп тұр көруге болады. Және де қате тіркелген нысандарды түзетуге, жаңартуға өтініш бере алады»,-деді Гүлжамал Сейтбайқызы.
Сонымен қатар, жеке көлігі бар азамат салық сомасын өз бетінше есептеп, келесі жылдың 1 сәуіріне дейін төлейді.
<img src="https://knadmin.beoblood.kz/uploads/310422318_1634314486964057_7008086497663132895_n_4cb0ea846b.jpg" alt="310422318_1634314486964057_7008086497663132895_n.jpg">

Салықтың екі түрі үшін бір төлем жасалады

<a href="https://kyzylorda-news.kz/">Kyzylorda-news.kz.</a> «Көгілдір фишкалар» терминімен инвестициялауды енді бастаған инвесторлар,әдетте, қор биржасында сауда-саттыққа кіріскен кезде танысады. Бұл дәстүр бойынша бағалы қағаздарды сатып алушылар арасындағы ең құнды акциялар болып табылады.&nbsp;
Fingramota.kzолардың не үшін бағаланатыны, сондай-ақ ісін жаңадан бастаған инвесторлар үшін инвестициялаудың қандай нұсқалары жарайтыны жөнінде айтып береді.&nbsp; Сенімді компаниялардың акцияларын казинодағы фишкаларға ұқсас көгілдір фишкалар деп атап кеткен, ол жердегі мұндай түсті жетондар ең қымбат болып саналады. Биржадағы айналымға бұл термин 1920 жылдардан бастап кірген.&nbsp; Көгілдір фишкалар немесе bluechips–елдің, өңірдің немесе бүкіл әлемнің ірі, тұрақты, сондай-ақ сенімді компанияларының әдеттегі акциялары.
Мұндай компаниялардың негізгі сипаттамалары: 1. Ол нарықта бұрыннан белгілі және оның беделі жоғары.&nbsp; 2. Оның капиталдануы жоғары, және кірісі тұрақты болады. 3. Әдетте, ол өз саласында алдыңғы қатарда.&nbsp; 4. Оның акцияларының өтімділігі жоғары және бағасы қатты өзгермейді, яғни оның құбылмалылық деңгейі төмен.
Өтімділік инвестордың осы компанияның бағалы қағазын сатып алу бағасы мен сату бағасының арасындағы болмашы айырмашылықпен тез сату мүмкіндігін білдіреді. Әдетте, көгілдір &nbsp;фишкаларға, сұраныс жоғары болады, демек олардың бағасы жоғары болғандықтан оларды тез сатуға болады. Көгілдір фишкалармен инвесторлар әдетте көп мәмілелер жасасады. &nbsp;
Капиталдану деген компаниялардың барлық акцияларының құны екенін айтып өтелік. Алайда, бағалы қағаздар құнының жоғары болуы компанияның сенімділігінің көрсеткіші емес, себебі акцияның бағасы болашақтағы табысты ескеріп өсуі мүмкін. «Көгілдір фишкалардың» жоғары &nbsp;капиталдануы бұл компаниялардың кірісінің айтарлықтай жоғары екендігін білдіреді, ол миллиардтаған АҚШ долларымен есептеліп, &nbsp;оларда меншікті үлкен активтері болады. Осының барлығы инвесторларға бұл компаниялардың акциялары құнсызданбайды және олардың баға белгілеулері күрт құлдырамайды деген нық сенім береді.
Көгілдір фишкаларды сонымен бірге қор нарығының индикаторлары деп атайды. Олар бүкіл нарықтағы ахуалға әсер етіп тұрады, себебі ірі компаниялардың акцияларына баға көтерілсе, онда «екінші эшелонның», яғни аса ірі емес компаниялардың акцияларының бағасы да өседі деп саналады.
Көгілдір фишкаларды қайдан көруге болады?
Дәстүр бойынша, ұлттық және әлемдік биржалар көбінесе өздерінің арнайы индекстеріне көгілдір фишкаларды қосады, оған тек инвесторлардың жоғары сеніміне кірген таңдаулы компаниялар кіреді. Бірақ бұл тізім тұрақты емес, кейбір компаниялар индекстен шығып қалуы, кейбіреулері оған кіруі мүмкін. Танымал индекстердің ішінде, мысалы, Доу Джонстың (DowJonesIndustrialAverage немесе DJI) өнеркәсіптік индексін атауға болады. Бүгінгі күні оған АҚШ-тың ең көп капиталы бар 30-ға жуық компаниясы, оның ішінде Coca-Cola, Apple, Boeing, Microsoft, Nike, Visa, WaltDisney және басқалары кіреді.&nbsp; Ал Еуропада ірі компаниялары бар осындай индекс болып EURO STOXX 50 компаниясы саналады. Оған Еуроаймақтан 50 компания кіреді, оның ішінде Total, Volkswagen, Telefonica, Siemens және басқалары. Ұлыбританияда осындай индекстің аналогы деп FTSE 100-ді атауға болады, оған, мысалы, BritishAmericanTobacco, Burberry, Vodafone сияқты компаниялар кіреді. Жапонияда инвесторлар Honda, Sony, Panasonic, Toyota, Nissan және басқалары сияқты компаниялардың бағалы қағаздарынан тұратын Nikkei 225 индексіне сенім білдіреді.&nbsp; Қазақстанда ең өтімді акциялардың тізімін Қазақстан қор биржасының (KASE) сайтынан көруге болады. Көгілдір фишкалар – бұл KASE өкілдік тізіміне кіретін қазақстандық ірі эмитент-компаниялардың акциялары. Қазіргі уақытта оған қызметі экономиканың негізгі секторларына жататын: Банк ЦентрКредит, Халық Банк, KCell, KEGOK, Kaspi.kz, «Қазатомөнеркәсіп» ҰАК, Қазақтелеком, ҚазТрансОйл сияқты 8 эмитенттің қағаздары кіреді.
Көгілдір фишкалардан қалай көп ақша табуға болады?
Түрлі компаниялар акцияларының құны әр түрлі, мысалы, Қазақстанда – 1 акция үшін 100 теңгеден 20 мың теңгеге дейін және одан жоғары болуы мүмкін. Бағалы қағаздардың сауда-саттығымен KASE сайтында толығырақ танысуға болады.&nbsp; Мысалы, «Банк ЦентрКредит» АҚ акцияларының құны жыл сайын өсіп келеді. Егер сіз қағазды 2016 жылдың соңында сатып алсаңыз, онда бүгінгі күні салынған қаражатты бір акция үшін 168,41 теңгеден 479 теңгеге дейін 2,8 есеге ұлғайтар едіңіз (ағымдағы жылдың басынан бері өсім – 20,4%). Бірақ «ҚазТрансОйл» АҚ акцияларының құны ұқсас кезеңде 36,6%-ға, бір акция үшін 1231 теңгеден 780 теңгеге дейін төмендеді. Бұл көгілдір фишкаларға &nbsp;инвестициялаудан керемет пайда күтудің қажеті жоқ дегенді білдіреді. Кейде бұл бірнеше жылға созылады – бұл ұзақ мерзімді инвестициялар. Себебі бұл компаниялар өздерінің ұзақ тарихына байланысты баяу дамуда. Әдетте, көгілдір фишкалар дивидендтерінің мөлшері салымдар бойынша кірістіліктен аса жоғары емес. Сондықтан мұндай инвестициялар өз ақшаларын сақтау үшін қолайлы. Олардан түсетін табыс үлкен емес, бірақ тұрақты. &nbsp; Сондай-ақ акциялардан пайда дивидендтерден ғана емес, сонымен қатар акция құнының өсуінен де алынуы мүмкін. Бірақ, бұл акция бағасының өсуі де, сондай-ақ инвестор тақырға да отыруы әбден мүмкін екенін есте ұстау керек. Сонымен қатар көгілдір фишкалар тұрақты өсу мен дағдарыстарға, тіпті әлемдік деңгейге де төзімді. Егер олардың жұмысында қиын жағдайлар туындаса және нарыққа жақсы жаңалықтар келмесе де, бұл инвесторлар бірден бағалы қағаздарды сата бастайды дегенді білдірмейді. Әдетте мұндай компанияларға сенім артады және олар орын алған мәселелерді шешеді деп сенеді. Сондықтан олардың бағасы тұрақты болып қалады, әдетте олардың күрт көтерілуі немесе төмендеуі сирек кездеседі. &nbsp; Алайда, ешқандай нарық сізге кез-келген компания үшін 100% тұрақтылыққа кепілдік бермейді. Мысалы, 2008 жылғы әлемдік қаржы дағдарысы кезінде LehmanBrothers және GeneralMotors сияқты ірі компаниялар банкротқа ұшырады. Сондықтан үлкен ойыншылар да сәтсіздікке ұшырап, өз акциялары бойынша баға белгілеулерінің төмендеуін көрсетуі мүмкін.&nbsp; Пайдасының көп бөлігін одан әрі дамуына жұмсайтын жаңа компаниялардан айырмашылығы, арнайы индекстерге кіретін компаниялар өздерінің кірістерін инвесторлармен бөлісуге дайын, себебі олар жақсы позицияларға жетіп, жеткілікті қаражат тапты. Қалай болғанда да, сіз олардан тұрақты төлемдер алуға үміттене аласыз. Ірі компаниялар жыл сайын әрдайым дивидендтер төлей бермейтінін есте ұстаған жөн, бәрі олардың басшылығының шешіміне және нарықтағы жағдайға, компанияның қазіргі кездегі қажеттіліктеріне байланысты болады.&nbsp; KEGOC акционерлерінің жалпы жиналысы 2021 жылдың екінші жартыжылдығы үшін дивидендтер төлеуге 13,2 млрд теңге жұмсау туралы шешім қабылдағаны хабарланды, бұл бір жай акцияға есептегенде 50,85 теңге 85 тиынды құрады. Немесе «Қазатомпром» ҰАК» АҚ 2022 жылғы мамырда компания меншік иелерінің үлесіне тиесілі 2021 жылғы есепті қаржы жылындағы 140 млрд 773 млн 47 мың теңге мөлшеріндегі шоғырландырылған таза кірістің 100%-ын акционерлерге дивидендтер төлеуге жұмсайтынын хабарлады. «Қазатомпром» ҰАК» АҚ-ның бір жай акциясына шаққанда дивиденд мөлшері 876,74 теңгені құрады. Ірі шетелдік компаниялардың дивидендтерінің мөлшері әртүрлі, орташа алғанда олар жылдық 3 %-дан 5%-ға дейін.
Қызметін жаңа бастаған инвесторларға арналған үш ұсыным:
1. Инвестициялаудың алтын қағидаларының бірі – өз портфеліңізді әртараптандыру, яғни ақшаңызды әртүрлі активтерге салу керек. Егер бұл бағалы қағаздар болатын болса, онда экономиканың түрлі секторларындағы компанияларды таңдаған дұрыс және тек акциялармен ғана шектеліп қалмай, сондай-ақ, мысалы облигациялар сатып алу керек. Және, әрине, шаралар қолданып, өз инвестицияларыңызды қорғау үшін елдегі және әлемдегі жағдайды үнемі қадағалап отыру қажет. Дұрыс әрекет жасайтын болсаңыз, көгілдір фишкаларды қоса алғанда, бағалы қағаздардан тұратын жақсы портфель жинап алуға болады.
2. Егер сіз ұзақ мерзімді жинақтауды көздейтін болсаңыз, онда тәжірибелі инвесторлар бағалы қағаздар сатып алатын уақытта мынадай классикалық қағидатты ұстануға кеңес береді. Ол бойынша сіздің инвестициялық портфеліңіздің 60%-ы акциялардан және 40%-ы облигациялардан тұруы тиіс. Ісін жаңа бастағандар портфелінің бұдан да басым бөлігін облигациялармен толтыра алады. Дәстүр бойынша қаражат салудың сенімді әрі барынша тұрақты құралы мемлекеттік облигациялар болып саналады. Нарықта бір-бірінен купон бойынша, сондай-ақ айналыс мерзімі бойынша ерекшеленетін түрлі облигациялармен танысуға болады. Купон немесе купондық кірістің – облигация ұстаушыларға эмитенттен, яғни оларды шығарған компания не мемлекеттік органнан берілетін ақшалай төлемдер екенін түсіндіре кетейік. 3. Инвестордың тағы бір алтын қағидасы – ол жөнінде хабарыңыз бар құралға ғана ақша салу. Белгілі бір инвестициялық құралдың мәнінің неде екенін түсінбесеңіз, ақшаны босқа жұмсаудың қажеті жоқ. Өзіңіздің соңғы қаражатыңызды, сондай-ақ қарызға алған ақшаңызды инвестиция ретінде салмаңыз – қаржы нарығы сіздің мұндай қатеңізді кешірмейді. Сіз пайда таппағаныңыздан бөлек, бар ақшаңыздан айырылып қалуыңыз әбден мүмкін.
Fingramota.kz-пен бірге қаржылық сауаттылығыңызды арттырыңыз!
<img src="https://knadmin.beoblood.kz/uploads/aaaf362a_a652_4950_ba2d_a0c215b2365e_7141993e78.jpg" alt="aaaf362a-a652-4950-ba2d-a0c215b2365e.jpg"> &nbsp;

Көгілдір фишка. Ісін жаңадан бастаған инвесторға  қаржысын қайда салуға болады

<a href="https://kyzylorda-news.kz/">Kyzylorda-news.kz.</a> Биылғы жылдың 1 қазаннан бастап заңнамаға түзетулер еніп, заң күшіне енді. Осыған сәйкес кредиттік тарих субъектісіне қатысты кез келген ақпаратты жаңарту мерзімі 15 жұмыс күнінен 10 жұмыс күніне дейін қысқарды және ақпаратты жеткізушілердің кредиттік бюроларға қарыз алушы туралы мәліметтерді ұсыну мерзімі 1 жұмыс күнін құрады. Неліктен бұл өзгерістер қабылданды? Бұл жаңалық қарыз алушыларға қалай әсер етеді? Бұл азаматтарды қаржылық алаяқтықтан қалай қорғауға мүмкіндік береді? Бұл сұрақтарды біз Instagram-дағы тікелей эфирде «Кредиттік тарих: ол туралы әрбір қарыз алушы нені білуге тиіс» &nbsp;тақырыбында шақырылған сарапшы, Гүлімай Әбілова - Мемлекеттік кредиттік бюроның Әзірлеме басқармасының бас сарапшысымен талқылаймыз. Өткізіп алмаңыз, жұма күні – 2022 жылғы 7 қазанда, сағат 16:00-де қосылыңыздар! Егер сіздердің осы тақырып бойынша сұрақтарыңыз болса, оларды осы пост астында қоя аласыздар. Әр адамға жауап береміз! Сіздерді мына <a href="https://www.instagram.com/fingramota.kz/">сілтеме</a> бойынша күтеміз.Кредиттік тарих не үшін қажет?Кредиттік тарих тек банктер үшін ғана емес, сіз үшін де маңызды. Егер оң тарихыңыз болса сіз үлкен сомадағы кредитті оңай ала аласыз. Және керісінше – егер сіз алдыңғы кредиттеріңізді уақтылы төлемесеңіз немесе мүлде төлемей қойсаңыз, онда банк сізге қарыз беруді мақұлдамайды. Егер сіз ешқашан кредит алмаған болсаңыз, онда сіздің кредиттік тарихыңызда жазба болмайды.Сізге қарызды ресімдеу кезінде банктер кредиттік бюролардан деректерді сұратады. Мәселен, сіз кредит алып, оны мерзімінде төледіңіз. Бұл ақпарат сіздің кредиттік тарихыңызда тіркеледі. Кейін, сіз басқа банкте кредит ресімдейсіз, оны банк алдыңғы кредитті уақтылы қайтарғаныңызды көреді және сізді жауапты клиент ретінде қабылдайды. Кез келген банк берілген қаражаттың қайтарылатынына және сенімді адамдарға кредит беруге сенімді болғысы келеді. Міне, сондықтан кредиттік тарихты қадағалау маңызды.

Клиент кредиттік тарихы туралы не білуі керек?

<a href="https://kyzylorda-news.kz/">Kyzylorda-news.kz.</a> «Күміс теңге» операциясы» атты балаларға арналған қаржы детективінің төртінші шығарылымында бас кейіпкерлер Мұрат, Ерке және Алишаның шытырман оқиғалары жалғасады.Балалар «өз қалтасындағы қазынаны» қалай табуға болатынын, үнемдеуді үйрене отырып, бүкіл отбасы бюджетті қалай көңілді жүргізе алатынын және «Тиын теңге үнемдейді» деген мақал нені білдіретінін біледі.Шығарылымда «Қаржылық мақсаттар қоюды және оларға жетуді қалай үйренуге болады» деген оқыту комиксі және «Ақшаға ие болу жеткіліксіз, оны жұмсай білу керек» деген ойын бар, бұл жас оқырмандарға өткен материалды бекітуге мүмкіндік береді.Балаларға арналған қаржы детективі ҚР Қаржы нарығын реттеу және дамыту агенттігінің қаржылық сауаттылық бойынша арнайы қосымшасы аясында «Дружные ребята» және «Ұлан» республикалық газеттерінде шығатынын еске саламыз. Ол бастауыш және орта мектеп жасындағы балаларға арналған.Толығырақ «<a href="https://fingramota.kz/kk/kids-app/publication/kmis-tege-operaciyasy-balalar-arzhy-detektivi-4-blim">Балаларға арналған қосымшалар</a>» деген бөлімнен оқыңыздар!Әлишаның кеңестері &nbsp; Отбасылық бюджетті үнемдеу – бұл өзіңді барлық жағынан: дәмді нәрседен, киім-кешек алудан, ойын-сауықтан шектеу деген сөз емес. Бұл өз қаражатыңды дұрыс пайдалануға мүмкіндік беретін жақсы дағды және ол сенің әдетіңе айналуға тиіс!&nbsp;1. Дүкенге барар алдында қажетті заттардың тізімін жасап ал – осылайша сен артық ештеңе сатып алмайсың. Жеңілдік карталарын және басқа да мүмкіндіктерді пайдаланып, қажетті өнімді арзанырақ сатып ал. 2. Заттың сапалысын ал, олар ұзаққа жарайды. 3. Есіңде болсын, хэндмейк – қолөнер бұйымдары – әрқашан сәнді болған және бола бермек. 3. Электр қуатын, газ бен суды үнемде, пайдаланбайтын кезде өшіріп қой. Энергия үнемдейтін шамдар кәдімгі шамдарға қарағанда біршама қымбатқа түседі, бірақ ұзақ қызмет етеді және электр қуатын аз жұмсайды. 4. Фаст-фудтан бас тарт, олар қымбат әрі зиянды. Ата-анаңмен бірге дәмді және пайдалы тамақ әзірлеп үйрен. 5. Тұрмыстық техниканы дұрыс пайдалануға тырыс, оның өзі де, жөндеуі де қымбат. 6. Өз заттарыңа ұқыпты бол. Қаржылық мақсат қоюды және оған қол жеткізуді қалай үйренуге болады?1. Өз кірісіңді бағала: қалтапұлдың айлық немесе апталық мөлшері, сандықшада жинақ ақшаның болуы.2. Мақсатыңды анықта және оған қол жеткізу үшін қанша ақша қажет екенін және оған қанша уақыт кететінін көрсет.3. Белгілі бір соманы тұрақты түрде кейінге қалдырып отыруға мүмкіндік болатындай етіп, кіріс пен шығыстың жоспарын жаса.4. Мақсатыңа ақша жинауды баста.&nbsp;<img src="https://knadmin.beoblood.kz/uploads/6e82582b_4d0e_4c06_89cc_7d66ffd50463_08ec367599.jpg" alt="6e82582b-4d0e-4c06-89cc-7d66ffd50463.jpg">&nbsp;

Fingramota.kz балаларға арналған қаржы детективінің төртінші шығарылымын ұсынады  

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің студенті Жансая Мирамбекқызы цитрустық жеміс ағаштары мен құлпынай өсіруді қолға алды. Ол «Бизнестің жол картасы – 2025» бизнесті қолдау мен дамытудың мемлекеттік бағдарламасы аясында жоба ұсынып, 5 миллион теңгеге дейінгі қаржылай қолдау тапты.&nbsp;
Жансая Мирамбекқызы Қызылордада цитрустық жемістерді патенттеп, жерсіндіруді бастаған алғашқы кәсіпкерлер қатарында. Осыған дейін өз тәжірибесінде лимонды жерсіндіру мақсатында эксперимент жасап көрген.
&nbsp;«Ең алдымен жылыжайда құлпынай өсіріп көрдік. Жаңа жеміс түрін егіп көрудегі алғашқы мақсат – жерсіндіру. Оны зерттеп, қала ішінде егіп көрдік те, өсетініне көз жеткіздік. Жылыжайда қажетті технологияны сақтай отырып, әртүрлі өнімдерді өсіріп көруге болады. Температу¬расын, ылғалдылығын бақылап, қажетті дәрумендер мен қорегін уақытылы өз мөлшерімен беріп, заңдылықтарын сақтаса, жақсы нәтиже беруі мүмкін. Әрине, бұрын егілмеген жаңа жеміс түрлерін еккенде, Қызылорда облысының топырағы бойынша тәжірибе болмағандықтан түрлі қиындық кездесті. Алайда, қиындықтың бәрі – тәжірибе, білім. Бүгінгі күні жылыжайда лимон түйнек салып тұр», – деп атап өтті Жансая Мирамбекқызы.
Алдағы уақытта ол цитрустық жеміс ағаштары мен құлпынай көшеттерін өсіріп, жылыжай жабдықтарын алуды жоспарлап отыр. Жансая Мирамбекқызы – «Биология» мамандығының 4-курс студенті, «Президенттік стипендия» иегері. Жансаяның ата-анасы да аталмыш университеттің жылыжайында жұмыс істеген агрономдар. Бүгінде бұл жоба отбасылық кәсіптің жалғасы болмақ.
<img src="https://knadmin.beoblood.kz/uploads/310763576_134491852668352_3688118869929398688_n_b4a119aa09.jpg" alt="310763576_134491852668352_3688118869929398688_n.jpg"> &nbsp;

Қызылордалық студент цитрустық жеміс ағаштарын өсірмек

<a href="https://kyzylorda-news.kz/">Kyzylorda-news.kz.</a> Облыс орталығында жастар арасында «Жас автомеханиктер» сайысы өтеді. Аталған салада қызмет ететін немесе білім алып жүрген жастар бағын сынап, сүйікті ісіннің шебері екенін дәлелдеуге мүмкіндік туып отыр.&nbsp;
Сайыстың мақсаты - ерекше дарынды және интеллектуалды қабілеті жоғары қала жастары арасынан өз ісінің шеберлерін анықтап, жастардың кәсіптік және техникалық мамандықтарға қызығушылығын арттыру және қолдау білдіру. Сонымен қатар жастардың кәсіби біліктілігін арттыру және теория мен тәжірибені ұштастыра білу, жаңа технологияларды пайдалану арқылы көрсетілетін, тәжірибелік жұмыстарды жинақтау, іріктеу, қорытып &nbsp;және өз ісінің шеберлерін байқау нәтижесі бойынша анықтау. Жастардың бойында кәсіби шеберлікті шындау және мамандық бойынша заманауи технологияларын ендіру қажеттілігі негізінде базалық және кәсіптік құзыреттерінің қалыптасуына ықпал ету. Сондай-ақ болашақ мамандар даярлау және біліктілік деңгейін анықтау.
Сайыс екі кезеңнен тұрады. Ең алдымен теориялық &nbsp;кезеңде қатысушыларға мамандық бойынша тест сұрақтары беріледі. Ал екінші тәжірибелік &nbsp;кезеңде екі модульден тұратын тапсырма беріледі. Барлық тапсырма орындалмай модуль толық деп есептелмейді.&nbsp;
Сайысқа 16-29 жас аралығындағы жастар қатыса алады. Бас жүлде - 100 000 теңге.
Жарысқа қатысуға ниетті жастар қала тұрғыны болуы керек және 15 қазанға дейін тіркелуі қажет. Тіркелу үшін <a href="https://docs.google.com/.../1nEvW5rcg0r.../edit?fbclid=IwAR0fhdAHU7BliyF83LgblRbsLLqLf2ENTq1Fn8Wtwmph0vElz_MLce5ifXU">мына</a> сілтемеге өту керек. Қосымша сұрақтар бойынша 8 (708) 477-95-00, 8-776-567-32-32 нөмірлеріне хабарласуға болады.
<img src="https://knadmin.beoblood.kz/uploads/mehanik_3cd2a8a226.jpg" alt="механик.jpg">

Қызылордада жас автомеханиктер арасында сайыс өтеді

<a href="https://kyzylorda-news.kz/">Kyzylorda-news.kz.</a>&nbsp; Атақты әнші Роза Бағланованың 100 жылдық мерейтойы аясында Париждегі ЮНЕСКО штаб-пәтерінде Қазақстан өнер шеберлерінің концерті өтті. Сахнада Қазақстанның еңбек сіңірген артисі Майра Мұхамедқызы, Қазақстанның еңбек сіңірген қайраткерлері Ренат Гайсин, Жұбаныш Жексенұлы, Медет Шотабаев және тағы басқалар өнер көрсетті.
Іс-шараны ашқан Қазақстанның Мәдениет және спорт министрі Дәурен Абаев әншінің 100 жылдық мерейтойын ЮНЕСКО-ның атаулы күндер күнтізбесіне енгізу Роза Бағланованың сіңірген еңбегі мен талантын жоғары мойындау екенін атап өтті.
«Роза Тәжібайқызының шығармашылығы мен өмір жолын Қазақстаннан тыс жерлерде біледі. Ол біздің мәдениетіміз бен өнерімізді насихаттай отырып, көптеген елдерге гастрольдік сапарлармен шыққан. Оның бұлбұл дауысы 50-ден астам елдің көрерменін таңдандырды. 1957 жылы ол Венгрия, Германия, Қытай, Польша, Чехословакия, Ауғанстан, Үндістан, Австрия, Бельгия, Бирма, Швеция, Канадада концерттер берді. Оның репертуарында қазақ халық әндері, заманауи композиторлардың шығармалары, әлем халықтарының әндері үйлесімді көрініс тапты. Мұның бәрі Роза Бағланованың жай әнші емес екенін, оның есімі тарихта алтын әріптермен жазылған бүкіл дәуірдің алтын дауысы екенін көрсетеді», - деді Дәурен Абаев. &nbsp;
Айта кету керек, өткен жылы ЮНЕСКО-ның 2022-2023 жылдарға арналған халықаралық мерейтойлар тізімі қабылданды және ол тізімге Қазақстанның ұсынысы бойынша Роза Бағланованың 100 жылдығы қосылды.
Сонымен қатар, Парижде Дәурен Абаев ЮНЕСКО-ның Бас директоры Одри Азулемен кездесті. Тараптар мәдени-гуманитарлық өзара іс-қимыл мәселелерінің кең ауқымын және одан әрі ынтымақтастықтың келешегін талқылады.
Кездесу барысында Дәурен Абаев Одри Азулеге Қазақстанның материалдық емес мәдени мұрасын насихаттауға және жаңғыртуға, сондай-ақ еліміздің мәдени іс-шаралары мен айтулы күндерін ЮНЕСКО күнтізбесіне енгізуге қосқан үлесі үшін алғыс білдірді.
Сондай-ақ, ЮНЕСКО-ның Париждегі штаб-пәтерінде әлемге әйгілі ақын және қоғам қайраткері Олжас Сүлейменов басқаратын Халықаралық мәдениеттерді жақындастыру орталығының тұсаукесері өтті.
Тұсаукесер барысында Халықаралық мәдениеттерді жақындастыру орталығының ақпараттық материалдарымен, оның ішінде "Білгамеш" әлеуметтік және мәдени зерттеулер альманахының арнайы нөмірінің таныстырылымы мен көрме ұйымдастырылды. Көрме секцияларында орталық қызметінің негізгі бағыттары мен нәтижелері туралы ақпарат, сондай-ақ адамзаттың басқа мәдениеттерімен өзара байланыс контекстінде түркі мәдениетіне арналған материалдар ұсынылды.
Сонымен қатар, Францияға жұмыс сапары аясында ҚР МСМ Мәдениет комитетінің төрағасы Роза Кәріпжанова мен ҚР Ұлттық музейі директорының м.а. Айбек Сыдықов Лувр музейінің басшылығымен кездесті. Тараптар Парижде алдағы көрмені ұйымдастыру, бірлескен зерттеулер жүргізу және екіжақты ынтымақтастық мәселелерін талқылады.
Француз тарапы Қазақстандағы ислам тарихына және соңғы уақытта жүргізіліп жатқан археологиялық қазбаларға байланысты экспонаттарға қызығушылық танытты. Кездесу соңында тараптар бірнеше жобаны одан әрі бірлесіп іске асыру туралы уағдаласты.
<img src="https://knadmin.beoblood.kz/uploads/6d036e6a83db8a2937d70bc35172f0ad_1280x720_14e8484ea3.jpg" alt="6d036e6a83db8a2937d70bc35172f0ad_1280x720.jpg">
<img src="https://knadmin.beoblood.kz/uploads/1a29638c7dfddb73b10216c1ae501fef_1280x720_5f1f542292.jpg" alt="1a29638c7dfddb73b10216c1ae501fef_1280x720.jpg">
<img src="https://knadmin.beoblood.kz/uploads/ded3cdc1aa453ae6cc6e2dfd19146473_1280x720_31d7227c15.jpg" alt="ded3cdc1aa453ae6cc6e2dfd19146473_1280x720.jpg">

Қазақстан және Қызылорда облысының жаңалықтары