Kyzylorda-news.kz. Бүгін Сыр елінде Жеңістің 77 жылдығына арналған «Ұлы Жеңіс – ұрпаққа аманат» атты салтанатты іс-шара өтті.
Тағзым алаңында майдангерлердің ерлігін еске алатын ескі әуендерден шағын топтамасы мен Қазанғап атындағы Қызылорда музыкалық колледжінің үрмелі аспаптар оркестрінің концерті ұйымдастырылды. Облыс әкімі Нұрлыбек Нәлібаев аймақ тұрғындарын мерекемен құттықтап, Жеңіс қаһармандарының ерлігі ешқашан ұмытылмайтынын жеткізді.
<blockquote>
 «Ардақты ардагердер, бүгінгі бейбіт өміріміз бен тыныш тіршілігіміз үшін өздеріңізге кейінгі ұрпақ атынан мың мәрте алғыс айтамыз. Сіздер сияқты жеңімпаз жауынгерлер ұрпағы, достық пен ауызбіршілікті ту еткен аға буынның жалғасы екенімізді әрдайым мақтан етеміз. Мемлекет басшысы, Жоғарғы Бас қолбасшы Қасым-Жомарт Кемелұлы Тоқаев айтқандай: «Аға буынның теңдессіз ерлігін құрметтеп, зұлмат соғыстың зардаптарын ұмытпау – біздің қастерлі борышымыз!». Осынау ерлікке толы Күн тарихымыздың мәңгі ұмытылмас парағы болып қала бермек», – деді аймақ басшысы.
</blockquote>
Сыр жұртшылығы атынан аймақ басшысы Нұрлыбек Нәлібаев, облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев, қала әкімі Асылбек Шәменов және құқық қорғау органдарының басшылары ескерткішке гүл қойып, бейбіт өмір жолында шейіт болған майдангерлердің рухына тағзым етті.
Айта кетейк, соғыс жылдары майданға Сыр елінен 70 мыңнан астам адам аттанса, 35 мың адам майдан даласынан оралмады. Сыр елінің 21 азаматы көзсіз ерлігі мен қаһармандығы үшін Кеңес Одағының Батыры, 2-уі «Даңқ» орденінің толық кавалері атанды. 20 мыңнан астам жерлесіміз орден, медальдармен марапатталды. Қазіргі таңда өңірде 7 Ұлы Отан соғысының ардагері тұрады. Ұлы Отан соғысының қатысушылары мен оларға теңестірілген 2902 ардагер бар.
<img src="https://kyzylorda-news.kz/wp-content/uploads/2022/05/fb_img_1652097210684.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652097202629.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652097199692.jpg" alt="" />

Қызылорда облысының әкімі Тағзым алаңында гүл шоғын қою рәсіміне қатысты

<a href="https://kyzylorda-news.kz/">Kyzylorda-news.kz.</a> Қызылорда облысында ет өнімдерінен ішек таяқшалары тобының бактериясы табылды.
Қызылорда облысының санитариялық-эпидемиологиялық бақылау департаментінің мамандары сәуір айында өнімдердің қауіпсіздігіне мониторинг жүргізу мақсатында 173 сынама сатып алды.
Іріктеп алынған өнімдердің басым бөлігі (71,7%) – тағам өнімдерінің үлесінде.
Жүргізілген сараптама нәтижесінде өнімдердің 14 үлгісі т ехникалық регламенттердің талабына сай келмей шықты. Микробиологиялық көрсеткіштер бойынша 3 өнімнен сәйкессіздік табылды.
<blockquote>
 «Сондай-ақ, котлет, тефтели, тартылған ет секілді жартылай фабрикаттардан ішек таяқшалары тобының бактериясы табылды. Мұндай азық-түлікті пайдалану түрлі ішек инфекциясы мен тағамнан улану жағдайына алып келуі мүмкін. Жыл басынан бері тіркелген 281 жедел ішек инфекциясының 88%-ы тағам өнімдерімен байланысты болып отыр. Техникалық регламент талаптарына сай келмеген өнімдер бойынша өндірушілерге тиісті шара қабылдау қажеттігі жөнінде хабарлама жолданды», – деп мәлімдеді Қызылорда облысының санитариялық-эпидемиологиялық бақылау департаменті.
</blockquote>

Қызылордада ет фаршы өнімдерінен ішек таяқшасы табылды

Конституциялық реформаның тұжырымдамалық негіздері мен ерекшеліктері

<a href="https://kyzylorda-news.kz/">Kyzylorda-news.kz.</a>&nbsp;Шиелі ауылының тұрғыны, Ұлы Отан соғысының ардагері Сәрсенбек Байжанұлы 9 мамырда бірден екі айырқша оқиғаны тойлайды.
Екінші Дүниежүзілік соғыс басталған уақытта Сәрсенбек Байжанұлы 19 жаста болған. 1942 жылы үш ай дайындалып, Сталинградқа аттанған. Қорғаныс операциясының артынан бірден шабуылға шыққан. Ардагер «Уран» және «Кіші Старун» деп аталатын екі операцияға қатысқан.&nbsp;
<blockquote>
 «Сталинград үшін айқас соғыстағы өзгеріске толы кезең еді. Қиын әрі қорқынышты болды. Немістер берілуді ұсынды. Бірақ біз қорғанысты ұстап, шабуылға да шықтық. Операция бірінен кейін бірі болды. 97 мың немісті тұтқынға алдық, оның 24-і генерелдар мен фельдмаршалдар, 6 әскер қолбасшысы, Фридрих Паулюс», –&nbsp;дейді ардагер Сәрсенбек Байжанұлы.&nbsp;
</blockquote>
Сталинград түбінде Сәрсенбек ата ауыр жарақат алған. Ал 1944 жылы туған еліне қайтып келді. Ауылына келген соң мектепте мұғалім болып қызмет еткен.&nbsp;
<blockquote>
 «Оқушыларының көбісі Қазақстанда түрлі салада жұмыс істейді. Оны ешқашан ұмытпаймыз. Әділдігі, даналығы үшін құрметтейміз, бағалаймыз және жақсы көреміз. Ол – батыр әрі нағыз педагог, сонымен қатар өлең де жазады. Жұмыстары бірнеше рет басылған»,&nbsp;–&nbsp;дейді ардагердің тәрбиеленушісі Абай Баукенұлы.&nbsp;
</blockquote>
9 мамырда Сәрсенбек Байжанұлы Жеңісі күнімен қатар 100 жасқа толуын да атап өтпек.

ҰОС ардагері Сәрсенбек Байжанұлы қос тойын тойлайды

Kyzylorda-news.kz. Қызылорда облысының прокуроры Н.Бижанов және прокуратура қызметкерлері Ұлы Отан соғысында шейіт болған жауынгерлердің рухына тағзым етіп және Жеңіс күніне арнап мәңгілік алауға гүл шоғын қойды.
Қиян кескі соғыста Отан үшін от кешіп, жанын берген аталарымыздың ерлігін еске алып, бір минут үнсіздікпен құрмет көрсетті. Ұлы Отан соғысы жылдарында прокурорлық-тергеу кадрлары Отанды қорғауда майдандастарымен бірге өшпес ерліктерімен есте қалды.
Соғыс басталғаннан кейін 1942 жылдың тамыз айында еліміз бойынша 885 прокуратура қызметкерлерінің 411-і Қарулы Күштер қатарына шақырылып, соғысқа аттанды. Көптеген прокурорлар майдан даласынан оралмады.
Соғыс аяқталған соң прокуратура қызметкерлері барлық салада, әсіресе ауыл шаруашылығын қалпына келтіру бағытында белсенді жұмыс істеді.
<img src="https://kyzylorda-news.kz/wp-content/uploads/2022/05/fb_img_1652069078738.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069082018.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069093259.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069096986.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069100533.jpg" alt="" />
<img src="https://kyzylorda-news.kz/wp-content/uploads/2022/05/fb_img_1652069103985.jpg" alt="" />

Қызылорда облысының прокурорлары жауынгерлер рухына тағзым етті

Kyzylorda-news.kz. Қызылорда облысының әкімі Нұрлыбек Нәлібаев сырбойылықтарды Жеңіс күнімен құттықтады.
«Қадірлі соғыс және тыл ардагерлері! Ардақты жерлестер! Баршаңызды Ұлы Отан соғысындағы Жеңістің 77 жылдық мерекесімен шын жүректен құттықтаймын!
Бұл күн – аталарымыз бен әкелеріміздің майдан даласындағы жанқиярлық ерлігі мен аналарымыздың ауыр күндердегі ерге бергісіз елдік істерінің жемісі.
Уақыт алға жылжыған сайын бұл ерліктің шоқтығы биіктеп, қадір-қасиеті артып, тағылым-тәрбиесі мен мән-мағынасы тереңдей түсуде.
Өкінішке қарай, соғыс және тыл ардагерлерінің қатары жылдан-жылға сиреп барады.
Биылғы Жеңіс күнін бізбен бірге 7 майдангер мен 3 мыңға жуық тыл еңбеккері қарсы алып отыр. Оларға құрмет тек бір күнмен ғана шектелмейді, ерлігі әрдайым дәріптеледі. Ардагерлеріміз арамызда аман болып, бейбіт елдің тұтастығы сақталып, әр шаңырақтан береке үзілмесін! Жеңіс күні құтты болсын!», – деді облыс әкімі.

Нұрлыбек Нәлібаев: Уақыт өткен сайын бұл ерліктің шоқтығы биіктеп, қадір-қасиеті артып келеді

<a href="https://kyzylorda-news.kz/">Kyzylorda-news.kz.</a> Ресейден Қошқарбаев пен Булатовтың рейхстагқа ту тіккенін растайтын құжаттар елге жеткізілді. Осылайша Қазақстан Қарулы Күштерінің Мемлекеттік әскери-тарихи музейі Ресей Федерациясы Қорғаныс министрлігінің Орталық мұрағатынан алынған құжаттармен толықты.
Бұл туралы ведомство әлеуметтік желідегі парақшасында жазды. Құжаттар 1945 жылдың 30 сәуірінде Рақымжан Қошқарбаев пен Григорий Булатовтың Рейхстаг қасбетіне Жауынгерлік Туды тігу туралы ерлігін растайды.
<blockquote>
 “Бұл мұрағаттық құжаттар 1945 жылдың 30 сәуірінде Рақымжан Қошқарбаев пен Григорий Булатовтың Рейхстаг қасбетіне Жауынгерлік Туды тігу туралы ерлігін растайды. Құжаттардың өскелең ұрпақты Ұлы Отан соғысы жауынгерлерінің ерлігі мысалында әскери-патриоттық сезімге тәрбиелеуде маңызы зор”, – делінген хабарламада.
</blockquote>
<a href="https://www.exclusive.kz/expertiza/daily/129718/?fbclid=IwAR10SEJztHDnba8Kp5G3T9WgJfOCLJvO6a2MbRrYZYsk5veVGnl-FvM8ZDA">exclusive.kz</a>

Ресейден Қошқарбаев пен Булатовтың ерлігін растайтын құжаттар жеткізілді

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев қазақстандықтарды 9 мамыр – Жеңіс күні мерекесімен құттықтады.
«Қымбатты отандастар! Сіздерді Жеңіс күнімен шын жүректен құттықтаймын!
9 мамырдың төл тарихымыздағы орны ерекше. Бұл – жанқиярлықпен ел қорғаған аталарымыз бен әкелеріміздің, әжелеріміз бен аналарымыздың рухына тағзым ететін күн. Бұл – фашизмді жеңген ерлердің ерен ерлігін жадымызда жаңғыртатын күн.
Сұрапыл соғыста халқымыз күш-жігерін сарп етіп, орасан зор шығынға ұшырады. Майдангерлердің қаһармандығы мен қайсарлығының, тыл еңбеккерлерінің жанкештілігінің арқасында жеңіске жеттік. Елдің азаттығы мен ұрпақтың жарқын болашағы үшін жанын пида еткен боздақтарымызды мәңгі есте сақтау – қасиетті борышымыз.
Өкінішке қарай, қан майданның қияметін басынан өткерген ардақты аға буынның қатары жыл өткен сайын сирей түсуде. Қазақстанда Жеңістің 77 жылдығын небәрі 376 ардагер, 68 347 тыл еңбеккері ғана қарсы алып отыр. Еліміздің барша азаматтары өздеріңізге бас иеді.
Мемлекет соғыс ардагерлеріне жан-жақты қолдау көрсетіп келеді. Олар қоғамымыздың да құрметін көріп, қамқорлығына бөленуге тиіс.
Баршаңызға зор денсаулық, бақ-береке тілеймін!
Жеңіс күні құтты болсын!», – делінген Президенттің құттықтауында.

Қасым-Жомарт Тоқаев: Боздақтарымызды мәңгі есте сақтау – қасиетті борышымыз

<a href="https://kyzylorda-news.kz/">Kyzylorda-news.kz.</a> Бүгін республиканың батысы мен оңтүстігіне циклон әсер етеді. Осыған байланысты найзағай жарқылдап, күн жауын-шашынды болады, еліміздің батысында қатты жаңбыр жауады, деп хабарлайды Қазгидромет.
Қазақстан бойынша кей жерлерде жел күшейеді, шаңды дауыл соғып, батыста, оңтүстікте бұршақ жауады.
Қызылорда облысының солтүстігінде, батысында күн күркірейді, дауыл тұрады, облыс орталығында шаңды дауыл, желдің екпіні – 15-20 м/с.

Ауа райы: Қызылордада күн күркіреп, дауыл тұрады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 7 Ұлы Отан соғысының ардагері бар.
<img src="https://kyzylorda-news.kz/wp-content/uploads/2022/05/qabaq.jpg" alt="" />
<img src="https://kyzylorda-news.kz/wp-content/uploads/2022/05/toelegen.jpg" alt="" />
<img src="https://kyzylorda-news.kz/wp-content/uploads/2022/05/ljubov.jpg" alt="" />
<img src="https://kyzylorda-news.kz/wp-content/uploads/2022/05/tilewbergen.jpg" alt="" />
<img src="https://kyzylorda-news.kz/wp-content/uploads/2022/05/aebdirahman.jpg" alt="" />
<img src="https://kyzylorda-news.kz/wp-content/uploads/2022/05/jahija.jpg" alt="" />
<img src="https://kyzylorda-news.kz/wp-content/uploads/2022/05/saersenbek.jpg" alt="" />

Қызылорда облысында жеті майдангер бар

<a href="https://kyzylorda-news.kz/">Kyzylorda-news.kz.</a> Жаңбыр сатушы деген сөз құлаққа оғаш естіледі: «Жаңбырды сатуға бола ма?» Иә ол сондай. Чарльз Хэтфилд есімді адам осындай ерекше қабілетімен тарихта қалды.
Ол 1875 жылы Канзаста ағылшын отбасында дүниеге келген. Ересек шағында тігін машинасын сатумен айналысқан. Бірақ ол жасанды жаңбыр жауғызу арманымен өмір сүрді. Бос уақытында метеорология, химия, физика пәндерін оқыды. 1902 жылы Чарльздың көп жылғы қажырлы еңбегі өз жемісін берді. Ол ылғалды бағындыру әдісін ойлап тапты. Оның жаңбыр жаудыру әдісіне 28 заттың қоспасы кірді. Бұл заттар өзара әрекеттесу нәтижесінде қызып, буланып нәтижесінде жаңбыр жауатын.
<img src="https://massaget.kz/userdata/u53822/2022-05/resize/ca2def3ac34eef93e6d4ad51dd32dd1e.jpg" alt="" />
Пікірталасқа түскен алғашқы тәжірибе жақсы ақша әкелді. Екі жыл бойы тәжірибесін жетілдіргеннен кейін Чарльз маңызды кәсіппен айналысуды шешеді. Ол және ағасы Пол бірнеше газеттерге жарнама беріп, Калифорниядағы құрғақшылықтан зардап шеккен фермерлерге өз қызметтерін ұсынады. Ол 50 долларға ғана жаңбыр жауатынын, ақшаны алдын ала емес, кейінірек төлеуге болатынын айтады. Кейбір шаруалар бұған сенбесе де, тәуекелге барып, онымен келісім-шартқа отырады. Чарльз бір жерден ең биік төбені тауып алып, оның үстіне алты футтық ағаш мұнара тұрғызады.
<img src="https://massaget.kz/userdata/u53822/2022-05/resize/d8b8f345e846d57498ceec26daff2188.jpg" alt="" />
Мұнара ішіне мырыш қазанын орнатып, ішіне ылғал сіңіретін зат құйып, от жағады. Жағымсыз иіс айналаға таралып, бу көкке көтеріледі. Екі күннен кейін нөсер нөсер жаңбыр жауа бастайды. Чарльз Хатфилд үшін ақша емес, «Жаңбырдың билеушісі» атағы маңызды еді.
1915 жылы құрғақшылық орнаған кезде Калифорниядағы Сан-Диего үкіметі Чарльздан су қоймасын 10 000 долларға толтырып беруді сұрайды. Морена көлінің жағасында Чарльз жаңбыр жаудыратын мұнарасын орнатады. Реакцияны бастайды.
1916 жылы Чарльз 25 000 долларға келісімшартқа отырды. 1928 жылы Калифорнияда кеуіп қалған Ұлы Аю көлі суға толтырады. Бір жылдан кейін Гондурас үкіметі оны ірі табиғи өртті сөндіруге шақырады. Бұл «Жаңбыр билеушісінің» соңғы жетістігіеді. 1929 жылы басталған Ұлы депрессия Чарльз Хэтфилдті банкротқа ұшыратты.
Ол 1958 жылы 83 жасында қайтыс болып, «ылғалды үдеткіш» әдісінің сырын ешкімге айтпай кетті.
<a href="https://semeytany.kz/10537/10537?fbclid=IwAR1VFr9z1T2_IfgrGy3tWESEvluiByAfKcOZ7jo06ggX1N99xTk5H5uZ6bs">Semeytany.kz</a>

Жаңбырды сатып байыған ағылшындық жауын жауғызу құпиясын қалай ашты?

Kyzylorda-news.kz. «Мұз айдыны» спорт кешенінде мәнерлеп сырғанаудан Әлем чемпионатының күміс жүлдегері Элизабет Тұрсынбаеваның жүлдесіне арналған республикалық турнир жалауын көтерді. Дәстүрлі доданың ашылу салтанатына қала әкімі Асылбек Шаменов қатысып, жас спортшыларға сәттілік тіледі.
<blockquote>
 «Элизабет Тұрсынбаева – әлемдік спорт сахнасында өзіндік орны бар мәнерлеп сырғанаушы, Қазақстан спортының тарихында осы спорт түрінен қыздар арасында Әлем чемпионатында жүлде алған және рекорд орнатқан алғашқы спортшы. Ел мақтанышының жүлдесіне арналған шара өскелең ұрпақты отансүйгіштікке тәрбиелейді. Жас өрендерімізді салауатты өмір салтына ынталандырады. Жарыстың әрбір қатысушысына спорттық көңіл-күй, күш-қуат, жеңіске деген жігер тілеймін», – деді Асылбек Шәменов.
</blockquote>
Республикалық турнирге қатысуға Ресей мен Қырғызстаннан және еліміздің барлық өңірінен 200-ге жуық спортшы келді. Дүбірлі сайыс 10 мамыр күні қорытындыланады.
Айта кету керек, бұл жарыс биыл алтыншы рет ұйымдастырылып отыр.
<img src="https://kyzylorda-news.kz/wp-content/uploads/2022/05/fb_img_1651999261615.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651999264552.jpg" alt="" />
<img src="https://kyzylorda-news.kz/wp-content/uploads/2022/05/fb_img_1651999274860.jpg" alt="" />

Қазақстан және Қызылорда облысының жаңалықтары