<a href="https://kyzylorda-news.kz/">Kyzylorda-news.kz.</a> Бүгін Жалағаш ауданында сенбілік ұйымдастырылды. Сенбілікке жалағаштықтар белсенді қатысып, күзгі тал егу жұмыстарына атсалысты.Ағаш отырғызу шарасына аудан әкімі Асқарбек Есжанов, аудан ардагерлері, мекеме қызметкерлері мен жастар қатысты.Жалпы, бүгін аудан көлемінде 700-ге жуық саялы ағаштар егіліп, жалағаштықтар көгалдандыру шараларында белсенділік танытты. Сонымен қатар, сенбілік барысында аудан аумағы қоқыстан тазартылды.Сенбілікке шыққан тұрғындар осындай шаралардың жиі ұйымдастырылуы тазалықты насихаттауда маңызды рөл атқаратын айтады. <img src="https://knadmin.beoblood.kz/uploads/314358182_1576695972782475_3040895323225109448_n_f50f47034c.jpg" alt="314358182_1576695972782475_3040895323225109448_n.jpg"><img src="https://knadmin.beoblood.kz/uploads/312895746_1576696052782467_6406135596588512972_n_99de935912.jpg" alt="312895746_1576696052782467_6406135596588512972_n.jpg"><img src="https://knadmin.beoblood.kz/uploads/314409169_1576695986115807_9100730013877311400_n_6c54278681.jpg" alt="314409169_1576695986115807_9100730013877311400_n.jpg"><img src="https://knadmin.beoblood.kz/uploads/313426895_1576695826115823_3163552669659947119_n_b6bd9a2a5f.jpg" alt="313426895_1576695826115823_3163552669659947119_n.jpg"><img src="https://knadmin.beoblood.kz/uploads/313353343_1576696042782468_1707615556152580610_n_a8962e2fae.jpg" alt="313353343_1576696042782468_1707615556152580610_n.jpg">

Жалағашта сенбілік өтті

<a href="https://kyzylorda-news.kz/">Kyzylorda-news.kz.</a> Бүгін Қазақстан Республикасының Президенттігіне кандидат Жигули Дайрабаев Алматы қаласының іргесі Нұра ауылындағы сайлаушылармен кездесті. Алматыдан Жетіген ауылына қатынайтын № 220 автобусқа отырып, халықпен бірге соңғы аялдамаға дейін барды. Жол бойы ауыл жайлы әңгіме өрбітті. Нұрадатұрғындармен кездесті. Елдімекеннің тұрмыс-тіршілігімен танысты. Ауылға дейінгі жол сапасын көзімен көрді. Олардың ел өміріне қатысты пікірлерін тыңдады.Нұра ауылы Алматы қаласынан 42 шақырым жерде орналасқан елді мекен. Кеңес үкіметі кезінде италия технологиясымен салынған, 10 мың ірі қара бордақылайтын Қазақстандағы жалғыз мал бордақылау кешені, 3 500 бас сиыр сауылатын сүт фермасы бар, жоңыршқа, жүгері және басқа дақылдары жайқалған да миллионер ауыл болды. Бірақ бүгін мұның бәрі өткен шақта айтылады. Бүгінде бұл ауылды да Қазақстанның бүкіл елдімекеніне тән жұмыссыздық жайлаған. Тұрғындардың басым бөлігі күн сайын Алматы қаласына қатынап жұмыс істеуге, студент жастары қала іргесіндегі ауыл саналатындықтан жатақханадан орын берілмейтіндіктен қатынап оқуға мәжбүр. Алайда ауыл мен Алматы арасында автобус жүрмегеніне 4 жылдай уақыт болған. Ол мәселені шешуге биіктегі биліктің ешқайсы құлық танытпаған. «Автомобиль көлігі туралы»ҚР Заңыбойынша қала маңындағы елу шақырымға дейінгі елдімекен қалалық қоғамдық көлікпен қамтамасыз етілуі керек болса да, мәселесот шешімі шықса да орындалар емес.Алматы қаласының әкімдігі сот шешімін орындаудың орнына қарсы шағым жазып әлек. Аталған ауылды су, жарық, денсаулық сақтау, білім берумен қамту да тек Қазақстанға тән жүйе – қағаз бетінде &nbsp;жүзеге асқан.&nbsp;<blockquote>«Алматы мен Нұра ауылы арасындағы автобус қатынасының мәселесіне «Ауыл» партиясы араласып, сотта ауыл тұрғындарының пайдасына шешім шығарылғанын білесіздер. Десек те, ол әлі де орындалған жоқ. Қала маңындағы ауыл осындай күйде болғанда шалғай елдімекендердің жай-күйі жайлы не айтуға болады. Сондықтан да менің сайлауалды бағдарламамның басым бөлігі ауыл шаруашылығын, ауылды жерлерді дамытуды басты назарға алған. Әлемдік қауымдастық мемлекет мәртебесін мегаполистермен емес, алыстағы ауылдың ахуалымен өлшейді. Сондықтан да мен Қазақстанды аграрлы державаға айналдыруға бар күшімді саламын», – деді Жигули Дайрабаев.</blockquote>Кездесуде кандидат бағдарламасына қызығушылық танытып, қызу қолдау білдірген ауыл тұрғындары оған саяси тартыста табыс тіледі. Өз мәселелерінің жақын арада шешімін табатынына сенім білдірді.<img src="https://knadmin.beoblood.kz/uploads/312939057_484388233722314_2806196701299118022_n_129bcb6e57.jpg" alt="312939057_484388233722314_2806196701299118022_n.jpg"><img src="https://knadmin.beoblood.kz/uploads/312368605_484388213722316_1859393875584163804_n_fed94a8096.jpg" alt="312368605_484388213722316_1859393875584163804_n.jpg"><img src="https://knadmin.beoblood.kz/uploads/312881611_484388227055648_276025627397811043_n_75c1feb5c3.jpg" alt="312881611_484388227055648_276025627397811043_n.jpg"> &nbsp;

Жигули Дайрабаев: Мемлекет мәртебесі мегаполистермен емес, ауылдардың ахуалымен өлшенеді

<a href="https://kyzylorda-news.kz/">Kyzylorda-news.kz.</a> 2022 жылдың 4 қарашасында Алматыдағы ЖСДП белсенділері ҚР Президенттігіне үміткер Нұрлан Әуесбаевты қолдау мақсатында «Салауатты өмір салтын ұстану және табиғатты сақтау үшін!» акциясын өткізді.ЖСДП мүшелері табиғат аясында жаттығу жасап, «Медеу» мұз айдыны алдындағы 842 сатыдан тұратын «денсаулық баспалдағымен» бөгетке көтерілді. Акцияға партия мүшелері, ЖСДП жастар қанатының белсенділері мен қала тұрғындары қатысты.Сондай-ақ, марафон барысында партияның Алматы қалалық филиалының басшысы Нұрлан Әуесбаевтың сайлауалды бағдарламасының негізгі қаулылары жөнінде жиналған қауымға баяндап берді. Қазақстандықтардың өмір сүру сапасының стандарттары азаматтардың денсаулығының кепілі екенін атап өтті. Аталмыш стандарттарда адамның дұрыс тамақтану, ақпарат алу және демалысқа қатысты қажеттіліктері ескерілетін болады. &nbsp;

Алматыда үміткер Нұрлан Әуесбаевты қолдау мақсатында акция өтті

<a href="https://kyzylorda-news.kz/">Kyzylorda-news.kz.</a> Президенттікке кандидат Қасым-Жомарт Тоқаевтың Республикалық қоғамдық штабының сайлаушылармен кездесуі Қызылорда облысында жалғасты.Кәсіпкерлермен және аграрлық сектор өкілдерімен кездесуде РҚШ мүшелері өңірдегі көлік және әлеуметтік инфрақұрылымды дамыту мәселелерін талқылады.Бұдан соң Қызылорда жылу электр орталығының ұжымымен кездесу өтті. Кездесу барысында РҚШ мүшелері коммуналдық шаруашылық саласындағы кандидат ұсынған реформалар туралы айтып берді.Осы күні РҚШ мүшелері айтыскерлермен және жыршылармен кандидаттың мәдениетпен өнерді дамытуға, сондай-ақ халықаралық аренада Қазақстанды бейбітшілікпен келісім, ізгілікпен толеранттылық елі ретінде танытуға бағытталған сайлауалды бастамаларын талқылады.<blockquote>«Қазір біздің еліміз дамудың жаңа кезеңін бастан өткеріп жатыр және халықтың ертеңгі күнге деген сенімі зор. Әділдік бар жерде — халықтың ынтымағы да, өзара ауызбіршілігі де бекем. Мұндай қоғамның тұрақты дамитыны да сөзсіз», - деп атап өтті жыршы Ұлжан Байбосынова. &nbsp; &nbsp;</blockquote><img src="https://knadmin.beoblood.kz/uploads/Whats_App_Image_2022_11_05_at_12_36_50_2734becc1d.jpeg" alt="WhatsApp Image 2022-11-05 at 12.36.50.jpeg"><img src="https://knadmin.beoblood.kz/uploads/Whats_App_Image_2022_11_05_at_12_36_49_7918f7b305.jpeg" alt="WhatsApp Image 2022-11-05 at 12.36.49.jpeg"><img src="https://knadmin.beoblood.kz/uploads/Whats_App_Image_2022_11_05_at_12_36_48_a0c268efac.jpeg" alt="WhatsApp Image 2022-11-05 at 12.36.48.jpeg">

Қасым-Жомарт Тоқаевтың Республикалық қоғамдық штабы Қызылорда облысында кездесулер өткізді

<a href="https://kyzylorda-news.kz/">Kyzylorda-news.kz.</a> Жасөспірімдер мен ересектер арасында IQ тесттерінде ең жоғары балл жинаған Мэрилин Вос Савант американдық журналдарда қызмет етеді. Оның күйеуі Роберт Ярвик жасанды жүректің алғашқы үлгісін жасаған. Бұл жұп сонымен қатар «Нью-Йорктің ең ақылды жұбы» атанған.IQ дегеніміз не?IQ ағылшын тілінің «intelligence quotient» – адамның оқу, түсіну, ақпаратпен жұмыс істеу және тиімді әдістерді қолдану қабілетін өлшейді. IQ тестілері баллдық жүйе арқылы бағаланады және дүние жүзіндегі адамдардың шамамен 68 пайызының IQ деңгейі 85 пен 115 аралығында. IQ деңгейі 70-тен төмен немесе 130-дан жоғары адамдар өте аз кездеседі.Жоғары IQ болуы басқаларға қарағанда ақылды болу дегенді білдіреді. IQ деңгейі ең жоғары адамдар қатарына Альберт Эйнштейн – 160-190, Натан Леопольд – 210, Надя Камукова – 210, Уильям Сидис – 250 кіреді. Олардың қатарында Гиннестің рекордтар кітабына ресми түрде енген Мэрилин Вос Савант та бар.<figure class="image"><img src="https://knadmin.beoblood.kz/uploads/f64f2d9061694e9261206ba33d2838f7_1f9573fee7.jpg" alt="f64f2d9061694e9261206ba33d2838f7.jpg"></figure>Мэрилин Вос Савант деген кім?Мэрилин Савант Мэрилин Мач 1946 жылы 11 тамызда Миссури штатының Сент-Луис қаласында дүниеге келген. Ол көміршілердің қарапайым отбасынан шыққан, ал оның ата-анасы Германия мен Италиядан келген иммигранттар болатын. Саванттың тамырында итальян, чехословакия, неміс және аутриялық қан бар. Ол физик және философ Эрнст Мачтың алыс ұрпағы. Әкесінің аты Джозеф Мач, ал анасы Марина вос Савант.Мэрилиннің интеллектісі IQ тестінің 2 түрі арқылы тексерілді. Солардың бірі - 10 жасында ауызша сөйлеу қабілетін анықтау үшін Стэнфорд Бинет тесті.Екінші сынақ - Hoeflin Mega Test. Вундеркинд екі сынақта да өте жоғары 228 балл жинап, 1986 жылы ресми түрде Гиннестің рекордтар кітабына планетадағы ең ақылды адам ретінде енді. Бұл қарапайым адамнан 2 есе жоғары бал. Саванттың ұпайы кішілер мен ересектер арасында ең жоғары бал жинаған. Әрине, IQ тесті ең жоғары Сайдис. Бірақ ол 1944 жылы 46 жасында қайтыс болған.IQ тестіне қатысты дау 1990 жылы Гиннестің рекордтар кітабына тестілеуді тоқтатуға әкелді, ал Савант рекордқа ие болған соңғы адам ретінде қалды.<figure class="image"><img src="https://knadmin.beoblood.kz/uploads/65d2456407d6422da320d8bc25a91947_433de76b61.jpg" alt="65d2456407d6422da320d8bc25a91947.jpg"></figure>Қоғамнан алшақ қалған балаОның балалық шағы кәдімгі балалар сияқты өткенін, ата-анасы Савантқа ерекше көңіл бөлмегенін айтады. Саванттың ата-анасы оның талантын жария етпеу және коммерциялық мақсатта өзгелер пайдаланудан қорғау үшін оны көпшілік назарынан тыс қалдырған.Ол тек жаратылыстану мен математиканы жақсы меңгеріп қана қойған жоқ, сонымен қатар жазу қабілеті де жақсы болды. Жасөспірім кезінде ол жергілікті газеттерге үнемі мақалалар жариялап тұрған.Савант Meramec Community College-де оқып, кейін Сент-Луистегі Вашингтон университетінде философия бойынша білімін жалғастырған. Алайда екі жылдан кейін отбасының бизнесін жүргізуге көмектесу үшін колледжді тастап кеткен. Осыдан кейін құнды қағаздар, жылжымайтын мүлік және инвестициялар саласында еңбек жолын бастаған. Алайда әрқашан жазушы болуды армандаған. 5 жылдан кейін ол материалдық жағдайын жақсартып, жазумен айналыса бастаған. Вос Савант лақап атымен романдар, әңгімелер, саяси сатиралар жазып, журналдар мен газеттерге беттер дайындаған.Оның күйеуі Роберт Ярвик жасанды жүректің алғашқы үлгісін жасаған. New York Magazine басылымдарының бірінде бұл жұп «Нью-Йорктың ең ақылды жұбы» деп аталды. Савант қазір Нью-Йорк журналында қызмет етеді.<figure class="image"><img src="https://knadmin.beoblood.kz/uploads/72486dc9021185519c82d5c867ea5036_de7f43ad87.jpg" alt="72486dc9021185519c82d5c867ea5036.jpg"></figure>«Біз қоғамнан алған игіліктерді қайтаруымыз керек»Савант «Логикалық ойлаудың күші: ойлау өнеріндегі жеңіл сабақтар» атты кітап жазды. Бұл кітапта автор: «Біз миымыздың 10 пайызын ғана пайдаланамыз. Қазіргі нақты есептеулерді білмеймін. Мүмкін 5-15 пайыз. Бірақ мотивация болса, адам көп нәрсеге қабілетті», - деп жазды.Ал 2002 жылғы «Өсу: америкалық классикалық балалық шақ» кітабы отбасыларға көлікке техникалық қызмет көрсетуден бастап, 3 пен 18 жас аралығындағы балаларға арналған мансап таңдауы мен іс-әрекетіне дейінгі барлық мәселелер бойынша практикалық кеңес береді.Кейінгі жылдары Савант жасанды интеллект (AI) адам интеллектін басып озғанына көбірек қызығушылық танытты. 2020 жылы The New York Times газетіне берген сұхбатында ол жасанды интеллект бірнеше онжылдықта «суперинтеллектке» қол жеткізе алады, бұл адамзат үшін ауыр зардаптарға әкелетінін айтты.<a href="https://massaget.kz/layfstayl/tehno/bilesiz-be/73963/?fbclid=IwAR3bV1UfzLHDdA5SpyALjR-gWGCzLcizZMsbNJGwxoG1F-JtejObnLCdPOE">Massaget.kz</a>

Хокинг те, Билл Гейтс те емес: Әлемдегі ең ақылды адамды білесіз бе?

Қазақстан Республикасы Президентінің кезектен тыс сайлауы (ВИДЕО)

<a href="https://kyzylorda-news.kz/">Kyzylorda-news.kz.</a> Түркияның Бұрса қаласында «Қорқыт Ата» түркі әлемінің фестивалі шеңберіндегі Түркі әлемі кино саммиті басталды.Түркия Мәдениет және туризм министрлігі тарапынан ұйымдастырылған шараның басты мақсаты – түркітілдес мемлекеттер арасындағы тарихи, рухани байланыстарды нығайту, кино саласындағы мүмкіндіктерді пайдалана отырып, ортақ жобалар жасау, кәсіби бірлікті арттыру.Түркия Республикасы Мәдениет және туризм вице-министрі Ахмет Демирджан түркі журналистерге берген сұхбатында Түркі әлемі фильм фестивалі шеңберінде Кино саммиті, Фестивальдағы байқау жеңімпаздарын марапаттау, киноиндустрия саласындағы ортақ жобалард ақылдасу басты мақсат екенін айтты.Шараға түркі мемлекеттерінің мәдениет министрліктерінің өкілдері, продюсерлер, өнер қайраткерлері мен БАҚ өкілдері қатысып жатыр.Сонымен қатар Түркі әлемі фильм фестивалі шеңберінде Қазақстан киносының күндері өтіп жатыр.Шараға Қазақстанның Халық әртісі Нұржұман Ықтымбаев, Қазақстанның еңбек сіңірген әртісі Жанна Қуанышева, Қазақстанның еңбек сіңірген қайраткерлері Ақан Сатаев, Азамат Сатыбалды, Жайдарбек Күнғожинов, Сатыбалды Текеев, продюсерлер Анара Қашағанова, Айгүл Байбек, Алмагүл Тілеуханова, Айгүл Черендинова, режиссер Бекарыс Елубай т.б. қатысуда.2022 жылдың 1 қарашасында басталған Түркі әлемі фильм фестивалі 6 қарашаға дейін жалғасады. Шетелдік көрермендер назарына «Дос-Мұқасан» көркем фильмін, «Мұқағали» өмірбаяндық драмасын, «Ұлы Дала Таңы» және «Ақ боз үй» тарихи таспаларын, «Еуразия билеушілері» деректі фильмін, «Мұзбалақ» анимациялық картинасын және Қазақстан мен Татарстан бірлесіп шығарған «Тарлан» картинасын ұсынылған.<img src="https://knadmin.beoblood.kz/uploads/1667563558_4187398c_ed5b_4b63_994a_eedfa7c4afc1_696x394_43c886b555.jpeg" alt="1667563558_4187398c-ed5b-4b63-994a-eedfa7c4afc1-696x394.jpeg">

«Қорқыт Ата» түркі әлемінің фестивалі

<a href="https://kyzylorda-news.kz/">Kyzylorda-news.kz.</a> Шиелі ауданына қарасты Тартоғай ауылдық округінде «Балалар жылы» аясында және облыс әкімі Нұрлыбек Нәлібаевтың бастамасымен және ауылдың жанашыр азаматтарының демеушілгімен шағын футбол алаңы бой көтерді.Шағын футбол алаңының тұсаукесер рәсіміне аудан әкімінің орынбасары Айтбай Жандарбеков, ауыл ақсақалдары мен тұрғындар қатысты. Алғаш болып сөз алған аудан әкімінің орынбасары тартоғайлықтарды қуаныштарымен құттықтады.<blockquote>«Өздеріңізге белгілі Президентіміз Қасым-Жомарт Тоқаев биылғы жылды «Балалар жылы» деп жариялап: – Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз, – деп, бұл жылда істелетін жұмыс нәтижесін құр даңғыра сөзбен емес, нақты іспен көрсету керектігін ескерткен болатын. Осы орайда, ауданымызда балалар спортын дамытуға зор көңіл бөлініп, заман талабына сай спорт алаңқайлары, балалар ойын алаңдары, спорт кешендері салынуда. Мәселен, биыл облыс әкімінің тапсырмасына сәйкес «Балалар жылы» аясында демеушілер есебінен ауданда 6 спорттық балалар ойын алаңдары бой көтерді. Сондай-ақ Бала би елді мекенінде балалар-жасөспірімдер спорт мектебінің ғимаратына күрделі жөндеу жұмыстары жүргізілуде», – дейді Айтбай Жандарбеков.</blockquote>Айта кетейік, Тартоғай ауылдық округінде бой көтерген шағын футбол алаңының көлемі 950 шаршы метр. Шағын футбол алаңдарының құрылысына осы ауылдың тумасы Ерлан Ахметов пен ауылдың жанашыр азаматтары демеушілік жасаған. Алдағы уақытта футбол алаңының жанына жаттығу алаңдары орналастырылатын болады. &nbsp;<img src="https://knadmin.beoblood.kz/uploads/4_345eb667f7.jpg" alt="4.jpg"><img src="https://knadmin.beoblood.kz/uploads/2_491d2272bc.jpg" alt="2.jpg"><img src="https://knadmin.beoblood.kz/uploads/5_6e9952f5c2.jpg" alt="5.jpg"><img src="https://knadmin.beoblood.kz/uploads/1_d87c82bbbb.jpg" alt="1.jpg">

Тартоғайда шағын футбол алаңы ашылды

<a href="https://kyzylorda-news.kz/">Kyzylorda-news.kz.</a> Технология мен техниканың қарқынды дамыған мына заманда алған білімін қолданысқа енгізе алатын, жаңашыл ойланып, ел өркендеуіне өз үлесін қоса алатын сауатты азаматтар қажет. Тек сауатты болып қана қоймай, жаңа технологияларды жетік меңгеруі аса маңызды.&nbsp;Осы орайда, Шиелі ауданының білім саласында жаңа технологияларды меңгеруде бірқатар ілгерілеу мен қолдау бар. Олай дейтін себебіміз, Шиелі ауданының әкімі Нұржан Ахатов қараша айының орта шенінде Германияда өтетін «WRO-2022» халықаралық робототехника сайысына жолдама жеңіп алған Нұрмұхамед Оразбекті қабылдап, алдағы сайыста жеңіспен оралуына тілектес екендігін жеткізді.<blockquote>«ХХІ ғасыр - технократтардың заманы. Бұл ретте робототехника мамандарының алар орыны ұшан теңіз. Бүгінде экономикамыздың бір шеті технологияға байланғандықтан, елімізде жас өнертапқыштардың бұл салаға ден қойып жатқаны қуантарлық жағдай. Өзіңдей жас өреннің Республикадағы алдыңғы қатарлы білім ордаларының бірі «Назарбаев зияткерлік мектебінде» оқи жүріп, Германияда өтетін халықаралық робототехника сайысына жолдама алуың ауданымыз үшін үлкен мақтаныш. Алдағы сайыста мерейің үстем болып, мәртебең биік, ел абыройын асқақтатып оралуыңа тілектеспін»,– деді аудан әкімі.</blockquote>Айта кетейік, Нұрмұхамед Оразбек «Назарбаев зияткерлік мектебінде» 12 сыныпта оқиды. Бұған дейінде бірнеше мәрте Республикалық деңгейдегі робототехника сайыстарына қатысып, жүлделі болған.&nbsp; &nbsp;

Шиелілік жас өнертапқыш Германияда өтетін сайысқа жолдама алды

<a href="https://kyzylorda-news.kz/">Kyzylorda-news.kz.</a> Ә.Тәжібаев атындағы облыстық әмбебап ғылыми кітапханасының ұйымдастыруымен облыс кітапханашыларының арасында «Жыл кітапханашысы − 2022» байқауы өтті. Кітапханашылардың кәсіби шеберлігін шыңдау, беделін арттыру және оң имиджін қалыптастыру мақсатында өткен байқауда 8 маман бақ сынады.Қатысушылар «Мен − кітапханашымын» кезеңінде бейнеролик арқылы өздерін таныстырды. «Ұшқыр ой, ұтымды жауап» кезеңінде мамандық бойынша кәсіби сұрақтарға жауап берді. Ал «Білікті маман – креативті жоба» кезеңінде кітапханашылар шығармашылық, инновациялық жобаларын ұсынды. Ең соңғы «Мен өлкемді жырлаймын» кезеңінде қатысушылар жергілікті ақын-жазушылардың туған жерге арналған ән-жырларын орындап, өз өнерлерін көрсетті. Сонымен қатар байқауға қатысушылар үй тапсырмасы бойынша «Жыл кітабын бірге оқимыз» тақырыбында 2022 жылы «Бір ел – бір кітап» республикалық акциясы аясында жаппай оқуға таңдалған Ахмет Байтұрсыновтың шығармаларынан бейнеролик дайындап ұсынды.Cала мамандарының біліктілігін саралайтын қазылар алқасына Ә.Тәжібаев атындағы облыстық әмбебап ғылыми кітапханасының басшысы Нұрлыбек Мыңжас төрағалық етті. Құрамында облыстық мәдениет және спорт басқармасының бөлім басшысы Жанар Нұржақыпова, Қорқыт ата атындағы Қызылорда университеті ғылыми кітапханасының жетекшісі Гүлмира Сәтбаева болды.Қазылар алқасының шешімімен байқаудың бас жүлдесін Арал &nbsp; аудандық &nbsp;орталық &nbsp;балалар &nbsp;кітапханасының &nbsp;меңгерушісі &nbsp;Құндызай Шалбаева &nbsp;жеңіп алды. Отыз жылдық тәжірибесі бар маман кәсібі бойынша қойылған сұрақтарға мүдірмей жауап беріп, балаларға арналған ерекше жоба қорғады. «Библиотерапия: шексіз мүмкіндіктер әлеміне жол» жобасының &nbsp;мақсаты балалардың кітапханада білім көкжиегін дамытуға бағытталған. Жобаны жүзеге асырса, бір тоқсанда 35 даму мүмкіндігі шектеулі &nbsp;балалар &nbsp; кітапхана қызметін пайдаланып, өздерін қоғамның толыққанды мүшесі ретінде сезінеді. Олардың кітапқа деген қызығушылықтарын &nbsp;ояту, &nbsp;оқылған нәрсені нақты өмірмен байланыстыруға үйретіп, баланың жеке басының шығармашылығын дамытуға арналған. Нәтижесінде өзін-өзі танып мінез-құлқы, қызығушылығы қалыптасады. Аталған кітапханада &nbsp;28 мыңнан аса кітап қоры бар. Білікті маман Құндызай Кенжебекқызы басқаратын кітапхананың 3120 оқырманы бар.Шиелі ауданы, Көкшоқы ауылдық кітапханасының кітапханашысы Айдана Әділсерікқызы I орынды жеңіп алды. Жалағаш аудандық кітапханасының бөлім меңгерушісі Жансұлу Ешімова мен Қызылорда қалалық №12 кітапхананың кітапханашысы Манат Жұмахметова келесі жүлделі орындарды иеленді.Байқауға қатысушыларға арнайы диплом, алғыс хаттар және бағалы сыйлықтар табысталды.

 Қызылордада «Жыл кітапханашысы − 2022» байқауы өтті

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің "Әкімдердің халықпен кездесулерін өткізу туралы" №826 жарлығына сәйкес Сырдария ауданының әкімі Мұрат Ергешбаевтың кент және ауылдық округ халқымен кездесуі Айдарлы, Жетікөл, Аманкелді ауылдарында өтті. Кездесуге аудандық полиция бөлімінің бастығы Н.Ибраев, аудандық ардагерлер кеңесінің төрағасы М.Келдібаев, аудандық дербес бөлім басшылары мен коммуналдық сала басшылары қатысты.Тұрғындармен кездескен аудан басшысы аймақ көлемінде атқарылып жатқан жұмыстар мен Шыны зауытының жандануы, Жаңақорған ауданындағы томат зауыты жобасы, жылу электр орталығының құрылысы, облыс орталығында бастау алған «Өнер» орталығы, «Қан» орталығы, «Аналар үйі» орталығы секілді ірі жобаларды атап көрсетіп, аймақ басшысы Н.Нәлібаевтың аудан орталығында өткізген тұрғындармен кездесуі мен құқық қорғау органдарының басшыларымен өткен жеке қабылдаулар туралы да айтып өтті.Сонымен қатар, жыл басынан осы мерзімге дейін аудан көлемінді атқарылған жұмыстарға тоқталды.&nbsp;<blockquote>«Аудан 2013 жылдан бері биылғы жылдың егін науқанының қорытындысымен су тапшылығына қарамастан «Үздік» аудан атанды. Бұл үлкен жетістік. Әрине, елмен бірлесе атқарған жұмыстың нәтижесі. Бірлігі бекем ел ғана озады. Алдағы уақытта да сол биіктен түспеуге және де ең бірінші тұрғындардың қажеттілігін шешу бағытында жұмыстар атқарылады. Бюджет қаржысы өлшеусіз емес. Бірінші елге қажетті жол, электр желілері, жаяу жүргіншілер жолы, ауыз су, аяқ су мәселелерінің жұмыстарын жүргіземіз», – деді Мұрат Ергешбаев.</blockquote>Аталған елді-мекендерде күрделі шешімін таппай келе жатқан мәселелер бар. Бұл ауылдарда ірі шаруашылықтар жоқ, электр желілері тозығы жеткен, аяқ су мәселесі өте күрделі жағдайда.&nbsp;Бұл мәселелерді тұрғындар алдыңғы кездесулерде көтерген болатын. Осы бағытта аудан әкімдігі тиісті сала басшылармен бірлесіп жұмыстар атқарды.&nbsp;Электр желілері бойынша аудан әкімдігімен ұсынылған жобаға сәйкес тиісті қаржы бөлінді. Қазіргі таңда мемлекеттік сатып алу жұмыстары жүргізілуде. Бүгінгі күні Жетікөл ауылына инвесторлар келуде. Алғашқы жер ашу, тұқым әкелу жұмыстарын жүргізуде.&nbsp;Аяқ су мәселесіне қатысты аталған елді мекендерге келетін каналдардың биылғы жылы тазартылғандары бар. Дегенмен, жұмысты тоқтатпай, облыстық мекемелермен бірлесіп, жобаларды ұсына отырып, тазарту жұмыстарын жалғастыруды аудан әкімі сала басшыларына тапсырды. Аяқ суды елді мекенге жеткізу бағытында облыстық бюджеттен ауданға 19 насос алынды.&nbsp;Биыл Айдарлы, Жетікөл, Аманкелді елді мекендері бақша дақылдарын орналастырып, жақсы көрсеткішпен нәтижелі бақша дақылдарын алды. Айдарлыда «Жастар бригадасы» жұмыс жасап, картоп пен қауын-қарбызды облыс көлемінде сатылымға шығарды. Жетікөл ауылында 120 га жоңышқа, 35 га бақша, 22 га жүгері егілді. Аманкелді ауылында жаңадан жер ашылып, насос арқылы бақша дақылдарын егіп, жинап алды.Жетікөл ауылында ұялы байланыс өте қиын болып келген. Ауыл әкімі демеушілерді тарта отырып, жыл соңына дейін «Kcell» байланыс операторының антеннасын орнату бойынша келсімге келгенін жеткізді.Әрбір елді мекендегі халықтың мәселесін шешу аудан әкімдігінің күн тәртібінен түспейді.<img src="https://knadmin.beoblood.kz/uploads/314415692_1239802283249328_7973825849551500529_n_449727d105.jpg" alt="314415692_1239802283249328_7973825849551500529_n.jpg"><img src="https://knadmin.beoblood.kz/uploads/312990660_1239803123249244_5770195262671494514_n_86f4b2b9c4.jpg" alt="312990660_1239803123249244_5770195262671494514_n.jpg"><img src="https://knadmin.beoblood.kz/uploads/314499400_1239801239916099_8094410106118717203_n_fffbb31998.jpg" alt="314499400_1239801239916099_8094410106118717203_n.jpg"><img src="https://knadmin.beoblood.kz/uploads/314419169_1239800099916213_3856842172418097673_n_49b787b364.jpg" alt="314419169_1239800099916213_3856842172418097673_n.jpg"><img src="https://knadmin.beoblood.kz/uploads/314416456_1239803913249165_7224520792495741932_n_b9e1bc03ca.jpg" alt="314416456_1239803913249165_7224520792495741932_n.jpg">

Сырдария ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Әділбек Ерсұлтанов жұмыс сапарымен Ақтөбе ауылдық округіне барып, ауыл халқымен кездесті.&nbsp;Аудан басшысы ең әуелі ауыл тұрғындарымен жүздесу барысында &nbsp;биылғы жылдың Ақтөбе ауылы үшін жемісті жыл болғандығын яғни, егін шаруашылығы саласы бойынша «Ақтөбе и К» ЖШС озат ауыл шаруашылығы құрылымы болып табылып, &nbsp;І дәрежелі дипломмен, «Оңталап», «Дөит» шаруа қожалықтары озат шаруа қожалықтары атанып, І және ІІ дәрежелі дипломдармен марапатталғандығына тоқталды.Осы ретте, аудан әкімі &nbsp;ауыл халқын, дала еңбеккерлерін құттықтап, алғысын жеткізіп, алдағы жұмыстарына сәттілік тіледі.Ақтөбе ауылы бойынша ұзындығы 2 км болатын Т.Салқынбайұлы көшесін орташа жөндеуге «Ауыл-Ел бесігі» бағдарламасы аясында 2023 жылға республикалық бюджетке өтінім өткізілгендігі және ауылдық округтегі көшелерді жарықтандыру мақсатында аудандық бюджеттен қаржы бөлініп, жыл бойы көше жарықтарын күтіп-ұстау шығындарына жұмсалып келетіндігі айтылды.Сондай-ақ, Ақтөбе ауылдық округінің әкімі атқарылған жұмыстарына халық алдында есеп беріп, тұрғындардың түйткүлді меселелеріне аудан басшылығымен бірлесе отырып, заң аясында жауап берді.Кездесу соңында ауыл халқы әр ай сайын халықпен кездесіп, олардың мәселесін, мұң-мұқтажын тыңдап жүрген аудан басшысына өз алғыстарын білдірді.<img src="https://knadmin.beoblood.kz/uploads/312719337_2208437409327153_6203267677204279867_n_8150eb2ab5.jpg" alt="312719337_2208437409327153_6203267677204279867_n.jpg"><img src="https://knadmin.beoblood.kz/uploads/312404635_2208437459327148_6905059466945435956_n_5178b4d6c0.jpg" alt="312404635_2208437459327148_6905059466945435956_n.jpg">

Қазақстан және Қызылорда облысының жаңалықтары