Kyzylorda-news.kz. Бүгін Сыр диқандары егінге орақ салды. Қызу еңбекті алғаш болып Сырдария ауданының шаруалары бастады. Орақ салу рәсіміне облыс әкімі Нұрлыбек Нәлібаев, ҚР Ауыл шаруашылығы министрі Ербол Қарашөкеев пен ҚР Экология, геология және табиғи ресурстар министрі Серікқали Брекешов қатысты. Сондай-ақ, ҚР Еңбек Ері Абзал Ералиев, сала ардагерлері мен ауыл шаруашылығы құрылымдарының өкілдері егіншілердің қуанышына ортақтасты.
Ел ырысы саналатын сары алтынды қамбаға жинау жұмыстарын «Ақжарма и К» фермерлік қожалығы бастады. Аймақ басшысы министрлермен бірге күріш алқабына барып, алғашқы орақ салу рәсімін өткізді. Нұрлыбек Нәлібаев Президенттің, Үкіметтің қолдауы негізінде биыл шаруалар былтырғыдай су тапшылығын көрмегенін тілге тиек етіп, Сыр диқаншыларына ақжарма тілегін арнады.
<blockquote>
 Облыс халқының басым бөлігі ауылда тұрғандықтан біз қашанда егін егу мен жинау науқандарын аса жауапкершілікпен өткіземіз. 
 Жыл басында күріш көлемін былтырғы 84 мыңнан 64 мың гектарға дейін түсіру жоспарланғанын жақсы білесіздер. Алайда ондай шешімнің аймақ халқы үшін зардаптарын болжай отырып біз ол қадамға бармадық яғни күріш көлемін 78,6 мың гектар көлемінде сақтап қалдық. Орын алған қиындықтарға қарамастан суды тиімді пайдалану, егістікті кезектеп суару, қашыртқыдағы суды екінші рет пайдалану қолға алынды. Бұған қоса, әртараптандыру бағытында суды аз қажет ететін мал азығы, көкөніс, бақша дақылдарының көлемін арттыруға жұмыс жасалды,-деді Н.Нәлібаев.
</blockquote>
Мұнан кейін меймандар егін жинауға арналған ауыл шаруашылығы техникаларымен, облыста өндірілетін агроөнім түрлерімен танысып, сала мамандармен пікір алмасты. 
Ведомоство басшылары өз кезегінде диқаншылардың ала жаздай еткен еңбегін жоғары бағалап, ел Үкіметі қысқа мерзім ішінде мемлекеттік бағдарламаларды одан әрі жандандыру міндетін қойғанын тілге тиек етті.
<blockquote>
 “Қызылорда – күріштің астанасы. Саралап қарасақ, 6,8 мың гектар Алматы облысында бар, Түркістан облысында да аз емес, шамамен 1,5 мың гектар. Ал, негізі 78,6 мың егіс алқабының бәрі, яғни 90% дәл осы Сыр өңірінде. Ең өзекті мәселе, яғни дренажды жүйелерді жақсартуға жеткілікті мән берілсе өнімділік одан да арта түседі. Бұл аймақта күріш өндіру өте жақсы деңгейде дамыған ішкі қажеттілікті де, экспортты да дамытып отырғаны осы шаруалардың зор еңбегін атап өту қажет,-деді Ербол Қарашөкеев.
</blockquote>
Егіс алқабындағы мерейлі сәт «Дала күні» cеминар-кеңесімен жалғасты. Шет елдің ғалымдары мен білікті мамандары және отандық кәсіпкерлер өзара тәжірибе алмасып, тиімді байланыс орнату мәселесін сөз етті.
Алқалы басқосуда облыс әкімі Ербол Қарашөкеевке су тапшылығы жағдайында күріш шаруашылығын одан әрі дамыту үшін арнайы бағдарлама қабылдау қажет екенін және Ы.Жақаев атындағы Қазақ күріш шаруашылығы ғылыми-зерттеу институтының жұмысын жандандыруда бірлескен шаралар қабылдауды алға тартты. 
Ал, Серікқали Брекешовке аймақтың 178 мың гектар инженерлік жүйеге келтірілген егістіктен айрылып қалу қаупі бар екенін жеткізді. Сол себептен суармалы жерлерді қалпына келтіру және айналымға қосу бойынша әзірленген жобалардың іске асуына ықпал етуді сұрады.
Биыл өңірдегі диқаншылар тұқым сапасын арттыруда украиндық ғалымдарымен бірге ауыл шаруашылығы дақылдары сорттарын тәжірибе ретінде егуді қолға алды. Бұл ретте Украина ауыл шаруашылығы ғылыми ұлттық академиясы күріш институтының директоры Владимир Дудченко әріптестік танытуға мүдделі.
Нұрлыбек Нәлібаев суды аз қажет өнімдерге басымдық беру арқылы өнімділік мәселесін жолға қоюға болатынын жеткізді. Айталық, аймақта жүгері егу суды қажет етеді, егер оны экспорттасақ оның табысы күріштен де қомақты болады. Сондықтан сала мамандары жүгері өндіру ісіне ерекше мән бермек. Бұл – әртараптандырудың нақты мысалы болмақ.
Сыр өңірінде су мәселесі проблемалық деңгейде болғаны рас. Дегенмен мемлекеттік қолдау шараларының нәтижесінде Қызылорда облысындағы су шаруашылығы жағдайы тұрақтанды.
<blockquote>
 “Су тапшылығының алдын алу мақсатында биыл 22 каналды механикалық тазалау, 41 ұңғыманы жөндеу және бұрғылау, сорғы қондырғыларын сатып алу жұмыстарын жүргізуге Үкімет резервінен 3,6 млрд. теңге бөлініп, тиісті жұмыстар атқарылуда. Қабылданған шаралардың арқасында жалпы биыл вегетациялық кезең шығынсыз аяқталуда,-деді Серікқали Брекешов.
</blockquote>
Облыста 188,5 мың гектарға егін орналастырылды. 
Бүгінде бидай, арпа, сұлы дақылдарын жинау аяқталса, мақсары, картоп, көкөніс, бақша, жүгері, мал азығы дақылдарын жинау жұмыстары жалғасуда.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді. 
Айта кетейік, күзгі егін жинау және дала жұмыстары үшін қажетті жанар-жағар май қоры жеткілікті. Сондай-ақ, ауыл шаруашылығы техникалары күріш егісін оңтайлы мерзімде жинап алуға толық дайын. 
Алдағы егін жинау науқаны Сыр диқаншылар үшін қолайлы кезең болады деп болжанып отыр. Демек, науқанды 10 қазанда аяқтау жоспары белгіленді.
<img src="https://kyzylorda-news.kz/wp-content/uploads/2022/08/img-20220820-wa0000.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0002-1.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0003.jpg" alt="" />
<img src="https://kyzylorda-news.kz/wp-content/uploads/2022/08/img-20220820-wa0001.jpg" alt="" />

Сыр елінде егінге орақ түсті

<a href="https://kyzylorda-news.kz/">Kyzylorda-news.kz.</a>&nbsp;Аутизм – кең таралған ауру. Ауру әртүрлі белгілермен жүреді. Бұл патологиядан зардап шеккен танымал адамдар да бар. Кейбір көрнекті тұлғалар аутизмнің қандай да бір түрін бастан кешірді. Тіпті, тарихта мұндай ауруға шалдыққан тұлғалар да болған.
<img src="https://kyzylorda-news.kz/wp-content/uploads/2022/08/adamdar.png" alt="" />
Аутизм белгілерінің диапазоны кең және бұл ауруға нақты анықтама беру өте қиын. Біз белгілі бір адам аутизммен ауырды немесе зардап шегеді деп нақты айта алмаймыз. Соған қарамастан, кейбір атақты адамдардың мінез-құлқы аутисттік белгілермен анық байқалатыны анық: бұл жерде Билл Гейтсті, Исаак Ньютонды, Альберт Эйнштейнді, тіпті Стивен Спилбергті айтуға болады.
Сөзсіз, бұл адамдар кәсіби қызметте және жеке мүдделер саласында өздерін тамаша көрсетті, сондықтан оларды кейде аутист ғалымдар деп атайды. Альберт Эйнштейн өзінің ерекше адамдар санатына жататынын болжаған сияқты, өйткені ол бірде: «Математика сізге қиын болғандықтан, ренжімеңіз. Сізді сендіремін, мен үшін бұл қытай әрпі».
Аутизм сияқты ауруды дәл тану үшін жүргізілген диагностикалық зерттеулердің нәтижелері әлі де жеткіліксіз. Дегенмен, біз білетін көптеген адамдардың мінез-құлқында осы психикалық аномалияның қандай да бір түрі, соның ішінде Аспергер симптомы бар секілді көрінеді. Ендеше, танымал тұлғалар тізіміне шолу жасайық!
Аутизммен ауыратын танымал тұлғалар
Аутизммен ауыратын немесе зардап шегетін танымал тұлғалардың тізімі үнемі жаңартылып отырады. Әрине, біз мұнда өте дарынды және табысты адамдар туралы айтып отырмыз. Бірақ олардың дарындылығы мен табысы шынымен аутизмге байланысты ма? Төменде мінез-құлқы немесе өмір салтында аутизм белгілерін (белгілі бір дәрежеде күмәнмен болса да) болжауға болатын адамдардың есімдерін береміз.
Мысалы, Альберт Эйнштейн басқа адамдармен байланыс орнатуда қиындықтарға тап болған. Мектепте жақсы оқымаған, өз ойын жеткізуде қиналған. Болашақ ғалым адамдармен араласуды ұнатпағандықтан, жұмыс таба алмады. Ол адамдардың өзіне жанасуына шыдай алмады.
Моцарт – аутизммен ауыратын танымал адамдардың бірі. Ол, көптеген аутист адамдар сияқты, мимиканың болмауымен сипатталды. Қолдар мен аяқтардың стереотиптік қозғалыстары болды. Оның есту қабілеті сезімтал болғандықтан тым өткір және қатты дыбыстар ауырсынуды тудырды. Моцарттың көңіл-күйі жиі өзгеретін болған. Аутизм ауруына қарамастан, ол көрнекті композитор болды.
Чарльз Дарвиннің аутизммен ауырғаны туралы деректер бар. Ол бала кезінен жалғыз қалғанды ұнататын болған. Адамдармен араласқанды ұнатпай, жазуға әуес болған. Жазу арқылы басқалармен байланысын үзді. Оның хоббиі әртүрлі заттарды жинау болды. Қозғалыстағы стереотиптер Дарвинге тән. Бірақ ол ең ақылды адам болды және эволюциялық доктринаны жасады, оны өмірінің соңына дейін ұстанды.
Танымал режиссер Стэнли Кубрик аутизм ауруынан зардап шекті. Ол Аспергер синдромымен ауырған. Түсірілім алаңында ұсақ-түйек нәрселерге әуестеніп, өзін дөрекі ұстайтын болған.
Бобби Фишер. Көптеген адамдар барлық уақыттағы ең ұлы шахматшы деп есептейтін американдық шахмат гроссмейстері Бобби Фишер де өзінің аутист тұлғасының үлкен шоғырлануына сүйене отырып, өзінің ломбард ойынын жасады.
Ал, Америка Құрама Штаттарының бұрынғы президенті Томас Джефферсон аутизммен ауырған. Ол әлеуметтік байланыстарға бейімделмеген, адамдармен әрең араласатын, аудитория алдында нашар сөйлейтін болған. Сондай-ақ, ол қатты дыбыстардан шошынатын болған.
Никола Тесла заманауи айнымалы ток электрмен жабдықтау жүйесін жобалауға үлкен үлес қосты. Ол Аспергер синдромымен ауырады деген қауесет тараған.
Жазушы Вирджиния Вулф шығармаларымен үнемі тұрып жұмыс істеген дейді.
Эндрю Джексон – Америка Құрама Штаттарының жетінші президенті: ол жерді теп-тегіс деп есептеген.
Дарил Ханна – Бала кезінде бұл актриса аутизмнің ілеспе белгілері бар дислексиядан зардап шеккен.
Сью Рубин – «Аутизм – бұл әлем» деректі фильмінің кейіпкері.
Вуди Аллен – тамаша актер және режиссер.
Боб Дилан – аутизмге бейім музыкант.
Энди Кауфман – әйгілі комедия және актер.
Винсент ван Гог – эксцентрик және ерекше дарынды суретші.
Энди Уорхол – дарынды суретшінің өмір салты аутист болғанын көрсетеді.
Кортни Лав – Нирвана көшбасшысы Курт Кобейннің жесірі. Үш жасында оған аутизмнің бастапқы кезеңі диагнозы қойылды.
Хикари Оэ – әйгілі жапон композиторы.
Дилан Скотт Пирс – мінез-құлқы жоғары аутизммен ауыратын жануарлар суретшісі.
Донна Уильямс – австралиялық жазушы, «Ешкім ешқайда», «Бір жерде» дуологиясының авторы. Жиырма жасында оған аутист диагнозы қойылды.
Аспергер синдромы бар атақты адамдар
Танымал адамдарға мінез-құлқы Аспергер синдромымен байланысты белгілермен сипатталатын көптеген адамдар кіреді. Олардың көпшілігінде бұл психикалық бұзылыс ресми түрде анықталмағанымен, олардың мінез-құлқында аутизмнің белгілері анық байқалады. Мысалы, белгілі бір күнделікті тәртіпті ұстануға немесе стереотиптік әрекеттерді орындауға деген обсессивті ұмтылыс. Аутизмнің бұл түрі Аспергер симптомы ретінде келесі танымал тұлғаларда болуы мүмкін:
Гарри Трумэн – Трумэннің ата-анасы мінез-құлқында аутизмнің айқын белгілерін көрсеткендіктен, ол да осы психикалық бұзылудан зардап шеккен деп есептеледі.
Авраам Линкольн – Америка Құрама Штаттарының 16-шы президенті депрессия мен мазасыздық шабуылдарынан зардап шекті, бұл белгілерді көптеген зерттеушілер аутизммен байланыстырды. Сонымен қатар, Линкольн жүйке ауруымен ауырған.
Дэн Акройд – актер бір кездері өзінде Аспергер синдромы бар екенін мәлімдеді. Бірақ оны ешкім байыппен қабылдаған жоқ.
Сатоси Тажири – Покемонды жасаушының мінез-құлқы аутизмнің барлық негізгі белгілерін көрсетеді деп айтылады.
«Барселона» футбол клубының ең атақты футболшыларының бірі және шабуылшысына Аспергер синдромы (аутизмнің бір түрі) диагнозы қойылды.
Танымал савант-аутистер
Саванттар – ерекше қабілеттері бар адамдар. Олардың кейбіреулері бүкіл әлемге белгілі.
Джеймс Гарфилд – Америка Құрама Штаттарының жиырмасыншы президенті бір уақытта екі қолмен жаза алатынын айтады: оң қолымен латын тілінде және сол қолымен ежелгі грек тілінде.
Леонардо да Винчи – Оның кемелдікке ұмтылуы кейде құмарлыққа айналды. Ол Мона Лизаның ернін бояуға он екі жыл уақытын жұмсаған деп айтылады.
Әрине, мұнда мінез-құлқы аутистикалық ерекшеліктермен сипатталатын бірнеше танымал адамдар ғана аталған. Біз бұл көңіл-күй туралы көбірек білсек, атақты адамдар арасында аутизмді тани аламыз.
Бұрын аутизммен қазіргідей мамандар айналыспайтын. Бұл ауру өте жас, бірақ қазір оны диагностикалау және сәтті емдеу әдістері бар. Қазір аутист балалар ерте жастан бақыланады. Оларға терапияның заманауи әдістері жүргізілуде.
<a href="https://www.bugin.kz/26288-autizm-qanday-dert-autizmge-shaldyqqan-tanymal-tulghalar-foto?fbclid=IwAR3xwe7I54_cKmHPYEqkb2fFcrrYLlksURob6yCEAVQNs_-hT9okV-Kzwiw">Bugin.kz</a>

Аутизмге шалдыққан танымал тұлғалар

<a href="https://kyzylorda-news.kz/">Kyzylorda-news.kz.</a>&nbsp;Оқу-ағарту министрі Асхат Аймағамбетов Қазақстанда онлайн мектеп мен колледждер бойынша норма заңды түрде бекітілуі мүмкін екенін айтты. Сонымен қатар алдағы уақытта онлайн білім беруге арналған біліктілік шарттары да жасалуы мүмкін, деп хабарлайды&nbsp;<a href="https://stan.kz/">Stan.kz</a>.
<blockquote>
 «Пандемия барлығымыз үшін үлкен сын болды. Жүйені бір сілкінтіп алды. Әрине, онлайн білім беруге әр түрлі көзқарас болуы мүмкін, дегенмен мұның шындыққа айналғанын түсінуіміз керек. Біз онлай мектептер мен онлайн колледждер бойынша норманы заңды негізде бекіту үшін шара қабылдағымыз келеді», – деді ол тамыз конференциясында.&nbsp;
</blockquote>
Асхат Аймағамбетов бұл мәселенің алдын ала талқылаудан өтетінін&nbsp;айтып өтті.&nbsp;
<blockquote>
 «Қазір ғаламтордың шекарасы жоқ. Егер балалар біздің елде белгілі бағыттар бойынша онлайн колледжде білім ала алмаса, мұны өзге елдердің онлайн колледждерінде оқи алады. Сондықтан бізге мәселенің жоқ екенін айтудан гөрі, мәселені шешім, заңдастыру керек», – деп қосты ол.&nbsp;
</blockquote>
Министр мысал ретінде шетелдік тәжірибені келтірді. Мысалы, Ресейдегі Фоксфорд онлайн мектебі 1-сыныптан 11-сыныпқа дейін білім беріп, мемлекеттік үлгідегі аттестат ұсынады. Ал оқыту бағдарламасына барлық пәндер қосылған. Білім беру ақылы негізде жүргізіледі.&nbsp;
Ұлыбританияда онлайн мектептер тіркеле алады. Мұнда мұғалімдер онлайн режимде сабақ береді. Тек химия пәні ғана зертханалық тәжірибе жасалғандықтан онлайн режимінде өтпейді.

Қазақстанда онлайн мектептер мен колледждер пайда болуы мүмкін

<a href="https://kyzylorda-news.kz/">Kyzylorda-news.kz.</a>&nbsp;Жыл соңына дейін Қазақстанда 5 жаңа ұшақ сатып алынады. Fly Arystan әуе компаниясының паркі 2 ұшақпен, Air Astana – 3 әуе кемесімен толығады, деп хабарлайды <a href="https://24.kz/kz/zha-aly-tar/o-am/item/560149-biyl-aza-standa-5-zha-a-sha-satyp-alynady">«Хабар 24</a>».
Индустрия және инфрақұрылымдық даму министрі Қайырбек Өскенбаев жаңа әуе кемелерін жеткізуді жеделдетуді тапсырды. Ол өзінің Telegram-дағы парақшасында Air Astana әуе компаниясының президенті Питер Фостермен кездескенін хабарлады. Министр соңғы уақытта жиі болған әуе рейстерінің кешігуі мен ауыстырылуы, сондай-ақ билеттердің тапшылығына алаңдаушылық білдірді. Рейстердің кешігуі кезінде жолаушылардың құқықтары бұзылмау керектігін де айтты. Жалпы 2025 жылға дейін елге 24 жаңа ұшақ келеді деп жоспарланған. Ал ұшақ тарифтері ай сайын өсуде. Мысалы, маусымда әуе билеттері мамырға қарағанда 15 процентке қымттаған. Баға өсімін Ұлттық статистика бюросы тіркеді.

Биыл Қазақстанда 5 жаңа ұшақ сатып алынады

<a href="https://kyzylorda-news.kz/">Kyzylorda-news.kz.</a>&nbsp;Елімізде оқу жылы 31 мамырға дейін ұзартылған болатын. Бүгін Республикалық Тамыз конференциясына қатысқан Оқу-ағарту министрі Асхат Аймағамбетов оқу жылын ұзарту арқылы білім саласындағы бірқатар мәселені шешуге болатынын айтты.
<blockquote>
 «25 мамыр – 31 мамыр. Былай қарағанда, санаулы күндер. Алайда бұл санаулы күндер қандай мәселені шешейін деп жатыр? Біріншіден, алты күн оқып жатқан, яғни сенбі күні демалмай жүрген бір жарым миллионға жуық оқушы бір жылдың ішінде 36 күн демалыс алады. Сенбі күні ата-анасының қасында болып, қосымшаларға барып, білімін дамыта алады, кітап оқып, үйде демалады. Екіншіден, бізде көп мектеп екі ауысымда жұмыс істейді. Оқу жүктемесінің азайғанына байланысты екі ауысымда оқып жатқан балалардың үш жүз мыңға жуығы бірінші ауысымда оқитын болады. Сонымен қатар жүз елу мыңға жуық мұғалім енді сенбі күні үйінде болады. Олар да демалуы керек. Балалармен жұмыс – өте күрделі жұмыс. Сондықтан 1 қыркүйектен оқу жылының соңына дейін мұғалім шаршайды», – деді министр.
</blockquote>
Сонымен қатар Оқу-ағарту министрі биыл оқу жылын ұзарту арқылы үш ауысымдағы 100 мектептің мәселесі шешілетінін айтты. Бұл да білім саласындағы маңызды мәселе.
<blockquote>
 «Шахтинск қаласы Білім басқармасының басшысымен сөйлестім. Шахтинскінің барлық мектебі 5 күнге өтіп отыр. Сондай-ақ Алматы қаласында артық жүктемемен оқып жатқан мектептер 5 күнге өтіп жатыр. Сондықтан осы шешімге түсіністікпен қарауды өтінемін», – деді Асхат Аймағамбетов.
</blockquote>
<a href="https://aikyn.kz/213318/mugalimder-men-okushylar-senbi-kuni-demalady-aymagambetov/?utm_source=target&utm_medium=post&utm_campaign=aprl">aikyn.kz</a>

Асхат Аймағамбетов: Мұғалімдер мен оқушылар сенбі күні демалады

Kyzylorda-news.kz. Қазақстанда жаңа оқу жылы 2 аптаға ұзартылды. Енді оқушылар жазғы демалысқа әдеттегі 26 мамырда емес, 1 маусымнан бастап шығады. Сонымен қатар тоқсан арасындағы демалыс уақыттары да қысқарған.
Жаңа оқу жылында күзгі демалыс 31 қазаннан 6 қарашаға дейін, яғни 7 күн созылады.
Екінші тоқсаннан кейінгі қысқы демалыс 31 желтоқсанда басталып, 9 қаңтарға дейін жалғасады.
Ал 6 ақпан мен 12 ақпан аралығында бірінші сынып оқушыларына 7 күндік қосымша демалыс беріледі. Көктемгі демалыс 9 күнге, яғни 18 наурыздан 27 наурызға дейін созылады. Жазда оқушылар 3 айлық демалысқа шығады. Жазғы демалыстың жалпы ұзақтығы – 92 күн.
<img src="https://kyzylorda-news.kz/wp-content/uploads/2022/08/full_166081518191d3073ddb56ac41af73c92526cc506b_webp.webp" alt="" />
<a href="https://stan.kz/2022-2023-oku-zhilina-arnalgan-keste-okushilar-kansha-k-368980/.kz.">Stan.kz</a>

2022-2023 оқу жылына арналған кесте: Оқушылар қанша күн демалады

Kyzylorda-news.kz. Қасым-Жомарт Тоқаев Ресей Федерациясының Президенті Владимир Путинмен келіссөз жүргізді, деп хабарлайды Stan.kz.
Кездесуде екі ел басшысы Қазақстан-Ресей стратегиялық әріптестігінің өзекті мәселелерін жан-жақты талқылады. Сауда-экономикалық және инвестициялық ынтымақтастықты нығайтуға ерекше назар аударылды.Қасым-Жомарт Тоқаев екіжақты қарым-қатынастардың қарқынды дамып келе жатқанын атап өтті.
<blockquote>
 «Шын мәнінде, Қазақстан мен Ресей арасында стратегиялық серіктестік негізіндегі қарым-қатынас орнаған. Биыл біз дипломатиялық қарым-қатынас орнатудың өте маңызды датасы – 30 жылдығын атап өтіп жатырмыз. Осыдан 30 жыл бұрын Достық, ынтымақтастық және өзара көмек туралы шартқа қол қойылды. 2013 жылы осы Шарт елдеріміз арасындағы одақтастық қатынастар туралы сіз қол қойған жаңа құжатпен толықтырылды. Сондықтан қалыптасқан негіз өте жақсы», – деді Тоқаев.
</blockquote>
Қасым-Жомарт Тоқаев сауда-экономикалық ынтымақтастық табысты дамып келе жатқанына тоқталып, өнеркәсіп кооперациясы біздің көңілімізден шығатындай елеулі нәтижелерге жеткенін атап өтті. Мемлекет басшысының айтуынша, сауда динамикасы дұрыс жағынан дамып жатыр. Былтыр сауда көлемі 24,5 миллиард долларды құрады. Президент бұл көрсеткішпен Ресей біздің тауар айналымымызда бірінші орында тұрғанын айтты.
Сонымен қатар Қасым-Жомарт Тоқаев БҰҰ және басқа да халықаралық институттар арқылы белсенді ынтымақтасып келе жатқанымызға тоқталды.
<blockquote>
 «Биыл Қазақстан ТМД-ға төрағалық етеді. Қазан айында ТМД саммиті өтеді. Оған өзіңіз қатысасыз деген сенімдеміз. Оның үстіне Ресей Тәуелсіз Мемлекеттер Достастығында маңызды рөл атқарады. Бұл – шынымен де халықаралық форматтағы ынтымақтастықтың басым бағыты», – деді президент.
</blockquote>
Мемлекет басшысы қазіргі геосаяси жағдайдағы екіжақты ынтымақтастықты одан әрі нығайту мәселелеріне назар аударды.
<blockquote>
 «Геосаяси жағдайдың ерекшелігі үкіметтерімізге қосымша нұсқаулар беру үшін келісіп алу қажет екенін көрсетіп отыр. Олар бір-бірімен табысты қызмет етіп келеді. Дегенмен өмірдің өзі жаңа міндеттер қояды және олар шешуді қажет етеді. Жалпы, біздің ынтымақтастығымыздың дамып келе жатқанына қанағаттануға толық негіз бар. Мен бұл тұрғыда сізбен келісемін. Бізді ортақ шекара біріктіреді. Ол – әлемдегі ең ұзын, құрлықтағы толығымен делимитацияланған шекара. Біздің ынтымақтастығымыздың болашағына қатысты пессимистік болжамдар жасауға, әрине, негіз жоқ! Мен Қазақстан Республикасының Президенті ретінде барлық салалардағы екіжақты ынтымақтастығымызға қосымша серпін беруге ниеттімін», – деді Қасым-Жомарт Тоқаев.
</blockquote>
Владимир Путин Қасым-Жомарт Тоқаевқа шақыруын қабыл алып, Сочиге келгеніне алғысын білдірді.
<blockquote>
 «Шақыруымды қабыл алғаныңызға рақмет. Біз екеуіміз үнемі кездесіп тұрамыз. Жақында ғана жүздескен едік, бірақ біз Сочиде кездесуге келістік. Алдымызда өте ауқымды жұмыс бар. Ал биылғы жыл ерекше. Біз қазан айында дипломатиялық қарым-қатынастың 30 жылдығын атап өтеміз. Осы датаға орай түрлі іс-шаралар жоспарланып отыр. Біздің министрліктер мен ведомстволар белсенді жұмыс істеп жатыр. Үкіметаралық комиссия қарқынды жұмыс істеп келеді. Сыртқы істер, қорғаныс министрліктері бірлесіп түрлі іс-шараларды, соның ішінде ҰҚШҰ аясындағы бірлескен оқу-жаттығуларды және тағы басқаларын дайындап жатыр. Тауар айналымы өсіп келеді. Былтыр 34,4 пайызға өссе, биыл бес айда 9 пайызға дерлік, 8,8 пайызға өсті. Инвестициялар екі жақтан да артып келеді. Меніңше, Ресей инвестициясы 18 миллиард долларға жетті, ал Қазақстанның Ресейге салған инвестициясы төрт жарым миллиард шамасында. Қазақстанның сауда-экономикалық серіктестері арасында Ресей бірінші орында келеді. Біз сондай-ақ жақсы ірі жобаларды әзірлеп жатырмыз. Жоғары технологиялық салаларда, соның ішінде ғарыш саласында жұмыс істейміз. Жалпы, жұмыс барлық бағыттар бойынша айтарлықтай қарқынды әрі оң бағытта жүріп жатыр. Біздің кездесуіміз, әрине, біздің сенімді стратегиялық серіктестігімізді дамытуға қосымша серпін беретініне өте қуаныштымын», – деді Ресей басшысы.
</blockquote>

Тоқаев Путинмен келіссөздер жүргізді

Kyzylorda-news.kz. Өткен тәулікте елімізде 868 адам коронавирус инфекциясын жұқтырды.
Оның ішінде:
Нұр-Сұлтан қаласында – 152,
Алматы қаласында – 75,
Шымкент қаласында – 12,
Ақмола облысында – 74,
Ақтөбе облысында – 57,
Алматы облысында – 5,
Жетісу облысында – 15,
Атырау облысында – 22,
Шығыс Қазақстан облысында – 16,
Абай облысында – 20,
Жамбыл облысында – 11,
Батыс Қазақстан облысында – 89,
Қарағанды облысында – 109,
Ұлытау облысында – 19,
Қостанай облысында – 68,
Қызылорда облысында – 14,
Маңғыстау облысында -28,
Павлодар облысында – 58,
Солтүстік Қазақстан облысында – 48,
Түркістан облысында – 6.
Елімізде коронавирус инфекциясын жұқтырғандар саны 1 382 809 жетті.

Қызылордада 14 адам коронавирус жұқтырды

Kyzylorda-news.kz. Бүгін солтүстік-батыс антициклонының ықпалымен Қазақстанның басым бөлігінде күн жауын-шашынсыз болады, деп хабарлайды Қазгидромет.
Елдің солтүстігінде, солтүстік-батысында, шығысында, оңтүстік-шығысында жаңбыр жауады, елдің шығысындағы таулы аудандарда жауын-шашын (жаңбыр, қар) болады. Республиканың оңтүстік-шығысындағы таулы аудандарда бұршақ жауады.
Республиканың кей жерлерінде жел күшейіп, солтүстікте, солтүстік-батыста, орталықта, елдің шығысында түнде және таңертең тұман түседі, солтүстікте, шығыста, республиканың орталығында түнде топырақ бетінде 2 градусқа дейін үсік жүреді.
Күндіз Маңғыстау облысының басым бөлігінде қатты ыстық болады.
Қызылорда, Түркістан облысының оңтүстігінде, шығысында, Маңғыстау облысының оңтүстігінде, Бесқарағай ауданында Абай облысының төтенше өрт қаупі сақталады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Бүгін Қазақстан Парламенті Мәжілісінің депутаты Ғалым Әміреев Айдарлы ауылдық округіндегі ауыл жастарымен кездесті.
Кездесуге Сырдария аудандық мәслихат хатшысы Е.Әжікенов, «Аманат» партиясы аудандық филиалының Атқарушы хатшысы Еркебұлан Жақып, Аманкелді ауылдық округінің әкімі Мейрамбек Нұрғалиев, «Жалын» еріктілер штабының мүшелері және ауыл жастары қатысты.
Ең алдымен, аманкелділік «Жалын» еріктілер штабының үйлестірушісі Нұрман Абдрасилов елді мекендегі ерікті жастардың жұмыстары мен жетістіктерін баяндап, алдағы жоспарларымен бөлісті.
Мұнан соң ҚР Мәжілісінің депутатымен кездескен ауыл жастары, өз кезегінде түрлі сұрақтарын, ұсыныс пікірлерін қойды.
Сауалдар негізінен кәсіпкерлік жобаларға қолдау көрсету, ауылдан би үйірмесін ашу, ауыл жастарының бос уақытын тиімді пайдалану мақсатында жабық спорт кешенін салу, елді мекеннен «Жастар аллеясын» салу, еріктілік жұмыстарды дамыту төңірегінде болды.
Кездесу барысында Қазақстан Парламенті мәжілісінің депутаты жастар тарапынан қойылған сұрақтар мен ұсыныс-тілектерді назарға алып, оңтайлы шешімін табуына жұмыстар жасалатынын жеткізіп, жастарға алдағы уақытта көш басында болуына сәттілік тіледі.
<img src="https://kyzylorda-news.kz/wp-content/uploads/2022/08/300114483_1185274435368780_4394224981475806088_n.jpg" alt="" />
<img src="https://kyzylorda-news.kz/wp-content/uploads/2022/08/300260441_1185274405368783_8518237911949393245_n.jpg" alt="" />

Парламент Мәжілісінің депутаты Сырдария ауданының жастарымен кездесті

<a href="https://kyzylorda-news.kz/">Kyzylorda-news.kz.</a> Қазалы ауданында мерзімді әскерге шақыру бойынша түсіндірме жұмыстары жүргізілді.
«Әскери қызмет және әскери қызметшілердің мәртебесі туралы» Қазақстан Республиксының 2012 жылғы 16 ақпандағы №561-IV Заңының 31-бабына сәйкес он сегіз жастан жиырма жеті жасқа дейінгі, әскерге шақыруды кейінге қалдыруға немесе әскерге шақырылудан босатылуға құқығы жоқ азаматтар Қарулы Күштерді, басқа да әскерлер мен әскери құралымдарды жасақтау үшін қажетті санында мерзімді әскери қызметке шақырылуға жатады.
Осыған орай Қазалы аудандық қорғаныс бөлімі мен аудан әкімі аппаратының жұмылдыру және аумақтық қорғаныс бөлімінің қызметкерлері Сарыкөл, Көларық, Арықбалық, Майдакөл, Ақжона, Алға, Өркендеу, Бірлік, Аранды, Ғ.Мұратбаев, Майлыбас ауылдық округтерінде болып, есепті кезеңдегі күзгі мерзімді әскери қызметке келуге тиісті әскерге шақырылушыларға және ата-аналарына түсіндірме жұмыстарын жүргізді.
Оның ішінде, мерзімді әскерге шақыруға жататын азаматтар тарапынан әскерге барудан және медициналық тексерілуден немесе жиындардан жалтарғандар үшін Қазақстан Республикасының әкімшілік және Қылмыстық кодексімен жауапкершілікке тартылатындығы туралы айтылды.
Бұл жұмыстар алдағы уақытта басқа да ауылдық округтерде жалғасын таба беретін болады. «Ел тыныштығы – отбасымның тыныштығы» дегендей әрбір азамат Отан алдындағы борышын басты парызым деп сезініп, Тәуелсіз еліміздің тұғырлы болуына, сыртқы жаулардан сақтануға атсалысу қажет.
<img src="https://kyzylorda-news.kz/wp-content/uploads/2022/08/299375369_3434128770141379_7136433487369886108_n.jpg" alt="" />
<img src="https://kyzylorda-news.kz/wp-content/uploads/2022/08/300509511_3434128523474737_3850261138923720708_n.jpg" alt="" />

Қазалы ауданында мерзімді әскерге шақыру бойынша түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысы полиция департаментінің Жергілікті полиция қызметі басқармасы бастығының орынбасары полиция подполковнигі Бақыт Молдабековтің қатысуымен онлайн режимде тікелей эфир өтті.
Бақыт Молдабеков тікелей эфир барысында «Абайлаңыз – балалар» атты іс-шарасы жайлы тұрғындарды ақпараттандырып, олардың сұрақтарына толыққанды жауап берді.
<blockquote>
 «Біздің мақсатымыз адамның өмірі мен денсаулығын сақтап, қауіпсіздігін қамтамасыз ету. Сонымен қатар жүргізуші жылдамдықты межеден асырмай, жол ережелерін сақтап жүруге және жаяу жүргіншілерге де жол жағдайын ескеріп, тек белгіленген орыннан өту қажеттігін ескертемін. 
 Құрметті ата-ана! Жаңа оқу жылының қарсаңында балалардың жолда жүру кезінде барынша жол қауіпсіздігі бойынша түсіндірме жұмыстарын жүргізіп және сырт киімдеріне, сөмкелеріне мүмкіндігінше жарық қайтарғыш (светоотражатель) тағуларыңызды сұраймыз», – деп атап өтті Бақыт Молдабеков.
</blockquote>
Айта етейік, Қызылорда облысында жаңа оқу жылы қарсаңында Қазақстан Республикасы Iшкі істер министрлігінің нұсқауына сәйкес екі кезеңде 22-31 тамыз және 1-12 қыркүйек күндері аралығында «Абайлаңыз – балалар!» атты іс-шарасы өткізіледі.
<img src="https://kyzylorda-news.kz/wp-content/uploads/2022/08/bakyt.jpg" alt="" />

Қазақстан және Қызылорда облысының жаңалықтары