<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Мархабат Жайымбетов Арал ауданында болып, бірқатар құрылыс нысандарының жұмысымен танысты.Алдымен, Арал қаласындағы №6 мөлтек ауданындағы инженерлік инфрақұрылым жүргізу жұмыстарының барысын көрді. Мұндағы электр желісінің құрылысын «КРЭК» АҚ, су құбыры желісінің құрылысын «Жанарту» ЖШС жүргізуде. Екі жобада республикалық бюджеттен қаржыландырылды. Қазіргі таңда шағын ауданның құрылыс-монтаждау жұмыстары өз деңгейінде атқарылуда.Мұнан соң, облыс әкімінің орынбасары Сексеуіл кентіне барып, газ жеткізу құбырының және кварталішілік газ тарату желілерінің құрылысын көрді. Бүгінде кент аумағында газ құбырын салу жұмыстары қарқынды жүргізілуде. 40 000 метрді құрайтын кентішілік газ желісін тартуға 5 трактор және 18 қызметкер жұмылдырылған. Бас мердігер – «AKBARS STROY LTD» ЖШС болып табылады.Іссапар Жіңішкеқұм ауылдық округіне қарасты Тоқабай елдімекенінде жалғасты. Аталған елдімекенде апатты деп танылған №248 орта мектебі жеке кәсіпкердің демеушілігі есебінен қайта салынуда. Мархабат Жайымбетұлы қазіргі уақытта мердігер мекеме тарапынан жүргізіліп жатқан құрылыс жұмыстарының барысын көрді.Облыс әкімінің орынбасары Жақсықылыш кентіндегі денешынықтыру және сауықтыру кешенінде болды. Қазіргі кезде тоқтап қалған құрылыс нысанының жұмыстары қайта жанданып, орындаушы мекеме тарапынан жұмыстар тиісті деңгейде жүргізілуде.Іссапар соңы «Ауыл - ел бесігі» жобасы аясында салынып жатқан Қамыстыбас елді мекеніндегі денешынықтыру және сауықтыру кешенінде қорытындыланды. Мұндағы құрылыс жұмыстарын бағамдаған Мархабат Жайымбетов тиісті салалық басқарма басшылары мен мердігер мекемеге нысанды талапқа сай сапалы етіп жуық арада аяқтауды тапсырды.Барлық нысандар бойынша тапсырыс беруші облыстық басқарма басшыларына, аудан әкімдігіне, мердігер мекемелердің басшыларына құрылыстарды уақытында бітіріп, сапасына үлкен жауапкершілікпен қарауды жүктеді. &nbsp;<img src="https://knadmin.beoblood.kz/uploads/22_4313add52e.jpg" alt="22.jpg"><img src="https://knadmin.beoblood.kz/uploads/23_79eeca6f73.jpg" alt="23.jpg"><img src="https://knadmin.beoblood.kz/uploads/21_ba98cdf6da.jpg" alt="21.jpg"><img src="https://knadmin.beoblood.kz/uploads/19_6f94a6a229.jpg" alt="19.jpg"><img src="https://knadmin.beoblood.kz/uploads/18_de9fc9bd2e.jpg" alt="18.jpg">

Облыс әкімінің орынбасары Арал ауданындағы құрылыс нысандарын аралады

Жұлдызнамашылар күздің соңғы айы ақшалы болатын шоқжұлдыз өкілдерінің атын атады, деп хабарлайды <a href="https://kaz.zakon.kz/6015462-zhuldyznamashy-karashada-baiyp-ketu-mumkindigi-zhogary-zhuldyz-belgilerin-atady.html">Zakon.kz</a>.<a href="https://ftimes.ru/488703-denezhnyj-noyabr-kakie-znaki-zodiaka-imeyut-vse-shansy-razbogatet-v-poslednij-mesyacz-oseni-2022-goda.html">FTimes.ru</a> порталы мәліметінше, үздік алтылық тізіміне Суқұйғыш, Арыстан, Торпақ, Таразы, Шаян және Тауешкі сияқты белгілер енген.СуқұйғышБұл рейтингте қараша айында жылжымайтын мүлік мәселелеріне ден қойған Суқұйғыш өкілдері көш бастайды.Бәлкім, басқа жаққа көшуді ойластырып, үйіңізді сатуыңыз мүмкін. Барлығын отбасылық жағдай, балалардың шаруасы анықтайды. Сіз олардың өмір сүру жағдайын жақсарту үшін қолдан келгеннің барлығын жасайсыз.АрыстанҚараша айында Арыстанның өзінің және туған-туыстарының кәсіби және қаржылық саласында өзгерістер орын алады.Сізді тиімді ұсыныстар күтіп тұр немесе қызметте жоғарлайсыз. Осыдан соң, әрине айлығыңыз айтарлықтай өседі. Мүмкін, туыстарыңыздың бірі сізге өз бизнесін табыстағысы келетін шығар. 23 қарашада жаңа Ай туған кезде көп табысқа кеңелесіз. Бұл - сіздің, мүмкін тіпті көпжылдық күш-жігеріңіздің нәтижесі.ТорпақҮшінші орынға Торпақ жайғасқан. 23 қарашада Күн тұтылғанда оларға өкіртіп ақша табатын уақыт келеді.Сондай-ақ туған-туыстарыңызға да, отбасы мүшелеріне де табыс ағылады. Мүмкін, олардың бірі өз бизнесін ашады немесе сіз ипотека алу туралы шешім қабылдайсыз. Тіпті болмаса, біреу сізге мұра қалдыруы мүмкін, сондықтан барлық қажетті құжаттарды рәсімдеп, әуре-сарсаңға түсуіңіз ықтимал.ТаразыҚарашадағы үш бақытты жұлдыздың бірі - Таразы. 8 қарашада Күн тұтылу кезінде олар несиені жабу немесе керісінше несиені рәсімдеу сияқты маңызды мәселелерді шеше алады.Сондай-ақ, сіз мұра аласыз немесе аяқ-астынан, күтпеген жерден ақша келеді. Мысалы, сізге қаржылық жағынан біреу көмектеседі немесе әлдеқашан берген қарызыңызды қайтарады. Мемлекеттік құрылым да сізге төлемдер аударуы мүмкін. Осыдан кейін сіз жылжымайтын мүлік, мәселен пәтер, жер телімін сатып алуды жоспарлай бастайсыз.ШаянСоңғы кездері Шаяндар өз жұмысына көңілі толмай жүр, сондықтан олар бір күні оны өзгерту туралы шешім қабылдаса, таң қалмаңыз. Бұл - өте заңды.Тіпті, өзіңізге жұмыс істей аласыз, мысалы фрилансер болып дегендей. 23 қарашада Ай туатын кез жақындағанда қаржылық жағынан үлкен секіріс жасайсыз. Халықаралық жобаға қатысып, шетелдік серіктестерді табуға бұл таптырмас тамаша ай. Бұл жағдай 2023 жылдың көктеміне дейін сізді айтарлықтай пайдамен қамсыздандырады. Сонымен қатар, жұбайыңыздың немесе жақын туыстарыңыздың бірінің кәсіби қызметінде өзгерістер болуы мүмкін.ТауешкіРейтингтің көшбасындағылардың тағы бірі - Тауешкі. Олар үшін қараша айында ақша мен жеке жинақ ерекше маңызға ие болады.Сіз материалдық жағынан дамуға қол жеткізіп, өз-өзіңізге дән риза боласыз. Мүмкін сіз жеке бизнесіңізді ашатын шығарсыз немесе өте жақсы пайда әкелетін перспективалы жобамен айналысасыз. Сонымен қатар, белгілі бір компания, беделді ұжым сізді қызметке шақыруы ықтимал. 8 қарашаға қарай нақты нәтижелерге қол жеткізіп, әмияныңызды қампайтасыз. Тіпті болмаса, шетелден шот ашу немесе халықаралық құжаттарды рәсімдеу мүмкіндігін де жоққа шығара алмаймыз.

Жұлдызнамашы қарашада байып кету мүмкіндігі жоғары жұлдыз белгілерін атады

Kyzylorda-news.kz. Қорқыт ата атындағы Қызылорда университетінің 85 жылдық мерейтойы аясында І Түлектер форумы өтті. Жиында әр салада табысты еңбек етіп жүрген көшбасшы түлектер бас қосты.&nbsp;Жиында ҚР Парламент Мәжілісінің депутаты, университет түлегі Ғалым Әміреев білім ордасы жаңа даму деңгейіне көтерілгенін және алдағы уақытта да ауқымды бастамалардың жүзеге асуына үлес қосатынын жеткізді.&nbsp;Ал, Қызылорда облысы әкімі аппаратының басшысы Шахмардан Байманов университет көптеген жастың тұлға болып қалыптасуына үлкен ықпал еткеніне тоқталды. Сондай-ақ, енді үздік түлектер студенттермен жиі кездесіп, «жетістіктер формуласы» атты шеберлік сағатын өткізіп, байланыс орнату керегін айтты. Шарада университеттің Басқарма Төрағасы – Ректор Бейбіткүл Кәрімова &nbsp;оқу орнының стратегиялық дамуына түлектердің қосқан үлесі ерекше екенін атап өтті.<blockquote>«Университетте 2005 жылдан бастап Түлектер қауымдастығы жұмыс жасайды. Түлектеріміздің қамқорлығымен үнемі материалдық-техникалық базаны нығайту және университетті дамыту мақсатындағы жұмыстар атқарылуда. Әсіресе, ғылыми-зерттеу бағытындағы лабораторияларды ашуға үлкен демеушілік жасалуда. Қазіргі таңда университетіміз түлектермен жұмыс жасаудың жаңа кезеңіне қадам басқалы тұр. Халықаралық және отандық үздік оқу орындарының тәжірибесі зерттелді. Болашақта өздеріңіз секілді Отанымызға қажетті мықты кадрларды тәрбилеу үшін университеттің жан-жақты стратегиялық дамуы өте маңызды және осы бағытта бірлесіп жұмыс атқаруға шақырамын» – деді Бейбіткүл Сәрсемханқызы.</blockquote>Түлектер қауымдастығының тең төрағасы, И.Әбдікәрімов атындағы Қызылорда аграрлық-техникалық жоғары колледжінің директоры, физика-математика ғылымдарының докторы, профессор Бахытхан Әбдікәрімов, қауымдастықтың тең төрағасы, техника ғылымдарының докторы, профессор Мақсұт Досжанов ұйымның осы кезге дейінгі жұмысына тоқталып, қауымдастық университет пен түлектер арасындағы мықты байланыстың орнауына ықпал еткенін айтты.Форумда «Мансап» ЖШС бас директоры, іскерлік әкімшіліктендіру магистрі(MBA), ағылшын тілі мамандығының түлегі София Абдуразакова, «First Heartland Jysan Bank» АҚ Қызылорда облысы филиалының директоры, іскерлік әкімшіліктендіру докторы(DBA), халықаралық қатынастар мамандығының түлегі &nbsp;Роман Цой, филология ғылымдарының докторы, профессор, университет түлегі Жеңіс Сәдуақасұлы пікір білдірді.&nbsp;Айта кету керек, университетте 2021 жылдан бастап Эндауменд қоры құрылды. Алдағы уақытта университет дамуына үлес қосқан шәкірттерге арнайы «Алтын түлектердің тақтасы» және «Біздің түлектер» атты электронды кітабы әзірленеді.Жиында Түлектер қауымдастығының жаңа жетекшісі болып университеттің корпоративтік хатшысы, «Экономикалық теория және мемлекеттік басқару» кафедрасының аға оқытушысы, экономика ғылымдарының кандидаты Гүлшат Дүзелбаева сайланды.&nbsp;Сондай-ақ, бірқатар түлектер Қорқыт ата атындағы Қызылорда университетінің «Үздік түлек» медалімен марапатталды. Форум соңында түлектер еркін форматта пікір алмасып, университеттің стратегиялық дамуын талқылады. Алдағы уақытта университет пен Түлектер қауымдастығы оқу ордасын дамыту бойынша бірлескен жол картасын даярлау жөнінде келісімге келді. <img src="https://knadmin.beoblood.kz/uploads/312555283_613083067227896_8840067617201305309_n_b6ddfbc83d.jpg" alt="312555283_613083067227896_8840067617201305309_n.jpg"><img src="https://knadmin.beoblood.kz/uploads/313421585_613082910561245_2697374380013127543_n_49574b5e98.jpg" alt="313421585_613082910561245_2697374380013127543_n.jpg"><img src="https://knadmin.beoblood.kz/uploads/313422780_613082653894604_3993459136787059234_n_ed5f1a09b1.jpg" alt="313422780_613082653894604_3993459136787059234_n.jpg">

Қызылордада І Түлектер форумы өтті

Kyzylorda-news.kz. Синоптиктер 6 қарашада Астанада мен еліміздің 10 облысында қолайсыз ауа райына байланысты ескерту жариялады, деп хабарлайды «Қазгидромет» РМК.Астанада оңтүстік батыстан, батыстан жел соғады деп күтіледі, екпіні - 15 м/с.Ақмола облысының солтүстігінде көктайғақ болып, қар ұшқындап, боран соғады деп болжанады. Түнде өңірдің басым бөлігінде, күндіз шығыста оңтүстік батыстан, батыстан 15-20 м/с жылдамдықпен жел соғады. Көкшетауда түнде және таңертең қар ұшқындап, жолдарда көктайғақ болады. Түнде батыстан соққан желдің екпіні 15-20 м/с құрайды.Маңғыстау облысының түнде оңтүстік батысында, күндіз оңтүстік шығысында қатты жаңбыр жауады. Облыстың солтүстігі, оңтүстігі, батысында солтүстік шығыстан оңтүстік шығысқа ойыса жео соғады, екпіні - 15-20 м/с. Ақтауда күндіз оңтүстік шығыстан солтүстік шығысқа ойыса соққан желдің екпіні 15-18 м/с құрайды.Түнде және таңертең Ақтөбе облысының солтүстігінде тұман түседі. Ақтөбеде таңертең тұман болады.Түнде Қарағанды облысының шығысында тұман түседі.Түркістан облысының солтүстігінде, оңтүстігінде, таулы аймақтары мен тау бөктерінде тұман түседі. Тау асуларында ұйытқи соққан желдің екпіні 15-20 м/с жетеді.Түнде Жетісу облысының солтүстігінде, оңтүстігінде және таулы аймақтарында тұман түседі. Алакөл ауданы маңында солтүстік-шығыстан соққан желдің екпіні 15-20 м/с, кей тұста 23-28 м/с жетеді.Түнде Солтүстік Қазақстан облысының басым бөлігінде қар жауады. Облыстың солтүстігінде, оңтүстігінде, шығысында көктайғақ болып, қар ұшқындап, боран соғады. Түнде батыстан соққан желдің екпіні 15-20 м/с, кей тұста 23-28 м/с құрайды, күндіз облыстың солтүстігінде, шығысында соққан желдің екпіні 15-20 м/с жетеді. Петропавлда. &nbsp;

Жексенбіде еліміздің басым бөлігінде тұман, боран, көктайғақ болады

Қазақстан Республикасының 2022 жылғы Президент сайлауы (ВИДЕО)

Қазақстан Республикасы Президентінің кезектен тыс сайлауы (ВИДЕО)

&nbsp;<figure class="media"><div data-oembed-url="https://youtu.be/K6JNwZR9LEo"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/K6JNwZR9LEo" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

<a href="https://kyzylorda-news.kz/">Kyzylorda-news.kz.</a>&nbsp;Президенттікке кандидат Қасым-Жомарт Тоқаевтың Республикалық қоғамдық штабының сайлаушылармен кездесуі Қызылорда облысында жалғасты.Мәселен, кәсіпкерлермен және аграрлық сектордың өкілдерімен болған кездесуде РҚШ мүшелері өңірлердегі көлік және әлеуметтік инфрақұрылымды дамыту мәселелерін талқылады.<blockquote>«Әділетті Қазақстан: бәріміз және әрқайсымыз үшін. Қазір және әрдайым» деп аталатын сайлауалды бағдарламаға сәйкес, алдағы 7 жылда республикалық маңызы бар 8 мың шақырым және облыстық, аудандық маңызы бар 14 мың шақырым автожолдың сапалы салынуы мен жөнделуін қамтамасыз етіледі. Сондай-ақ, барлық республикалық және негізгі облыстық автожолдар сапалы ұялы және интернет-байланыспен қамтылады», – деді Республикалық қоғамдық штабтың басшысы Ерлан Қошанов.</blockquote>Бағдарламада әлеуметтік инфрақұрылымға ерекше көңіл бөлінді. Оқуға қолайлы жағдайы бар 1,5 млн оқушы орны енгізіледі. Жыл сайын шағын қала, аудан орталығы мен ауылдағы кемінде мыңнан астам мектеп заман талабына сай жаңартылады. Сонымен қатар, ауылдық жерде жаңа жабдықпен жарақталған, білікті медицина қызметкерінен жасақталған 700 жаңа медициналық нысан ашылады.Осы күні Қызылордадағы жылу электрорталығының ұжымымен кездесу өтті. Кездесу барысында РҚШ мүшелері кандидат ұсынған коммуналдық шаруашылық саласындағы реформалар туралы айтты.Ыстық сумен жабдықтау және сутарту желілерінің тозу көрсеткіші кезең-кезеңімен 40%-ға дейін төмендейді. Барлық өңірде тұрғын үй-коммуналдық инфрақұрылым жаңғыртылады. Сондай-ақ, кандидаттың сайлауалды бағдарламасында «инвестиция үшінтариф» қағидаты бойынша ТКШ саласына жаңа инвестиция тарту көзделуде.РҚШ мүшелері айтыскерлермен әңгімелесіп,мәдениет пен өнер саласындағы мәселелерді талқылады. Қасым-Жомарт Тоқаев ұсынған әділдік, тұрақтылық құндылықтары барша қазақстандықтарды біріктіреді, дейді айтыс ақындары.Әңгімелесу барысында олар мәдениет пен өнерді дамытуға, сондай-ақ Қазақстанды халықаралық аренада бейбіт, ізгі әрі толерантты мемлекет ретінде ілгерілетуге бағытталған сайлауалды бастамаларды қолдайтындарын атап өтті.Қызылорда облысындағы барлық кездесуде сайлаушылар 20 қарашада өтетін президент сайлауында Қасым-Жомарт Тоқаевтың кандидатурасына дауыс беруге дайын екендерін жеткізді. &nbsp;Әзірленді: Республикалық қоғамдық штаб&nbsp; Тапсырыс беруші: М. Ж. Оспанов&nbsp; Қазақстан Республикасы Президенттігіне кандидат Қ. К. Тоқаевтың сайлау қорының қаражатынан төленді<img src="https://knadmin.beoblood.kz/uploads/21_d867581514.jpeg" alt="21.jpeg">

Қасым-Жомарт Тоқаевтың бағдарламасы – 22 мың шақырым автожолды жөндейміз және саламыз

<a href="https://kyzylorda-news.kz/">Kyzylorda-news.kz.</a> ҚР Президенттігіне үміткер Қарақат Әбденнің сайлауалды штабы ТМД-ның байқаушылар миссиясы штабының басшысы Евгений Козякпен осы ұйымның мүшесі Алла Харченконы қабылдады.Кездесу барысында үміткер үгіт-насихат науқанының барысы мен сайлауалды штабтарының жұмысы туралы әңгімеледі. Бұдан бөлек, Қ.Әбден өзінің сайлауалды бағдарламасының негізгі тұстарына тоқталды. Халықаралық байқаушылар үміткердің өзі де, оның сайлауалды бағдарламасы да ерекше жарқын екендігін атап өтті, деп мәлімдейді Қ.Әбденнің баспасөз қызметі.<blockquote>«Біздің миссия 27 қазаннан бастап жұмысқа кірісті. Қазақстандағы сайлау науқанын байқау бойынша бұл біздің 16-шы миссиямыз, ал жалпы ТМД аумағы бойынша – 119-шы. Сайлауалды кампанияның өту барысы туралы үміткердің пікірін өз аузынан есту, оның үгіт-насихат жұмыстарын өткізу мүмкіндіктерін қалай бағалайтынын білу біз үшін маңызды болды. Үміткер тарапынан айтылған барлық мәліметті біз саралап, өзіміздің қорытынды құжаттарымызға енгіземіз»,- деп мәлімдеді Евгений Козяк.</blockquote>Ескесалсақ, елімізде 20 қараша күні кезектен тыс президент сайлауы өтеді. Үміткер Қ.Әбден ел аймақтарын аралап, 10 қала мен бірнеше ауылдық елді мекенде 20-дан астам кездесу өткізді. Алдағы уақытта ол Қызылорда, Ұлытау, Солтүтстік Қазақстан, Түркістан, Жамбыл облыстарының сайлаушыларымен кездесу өткізеді. <img src="https://knadmin.beoblood.kz/uploads/19_9b6a24949b.jpeg" alt="19.jpeg">

Халықаралық байқаушылар Қарақат Әбденнің  сайлауалды штабына барды

<a href="https://kyzylorda-news.kz/">Kyzylorda-news.kz.</a> 2022 жылдың 5 қарашасында ҚР Президенттігіне Жалпыұлттық социал-демократиялық партиясы атынан үміткер Нұрлан Әуесбаев Республикалық сайлауалды штаб ұйымдастыруымен тығыз құрылысқа қарсы бейбіт митингке қатысты. Іс-шара А.Пушкин көшесі мен Ш.Құдайбердіұлы даңғылы қиылысында орналасқан саябақ аумағында өтті.Акция барысында сөз сөйлеген үміткер тығыз құрылыс мәселесі тек елорда және Алматы қаласымен шектелмейтіндігін атап өтті. Бүгінгі күні бұл Қазақстанның барлық дерлік қалаларына таныс жағдай.Нұрлан Әуесбаевтың пікірінше, тығыз құрылыс қала қасіретіне айналуда. Одан бөлек тойымсыз құрылыс салушыларға ең жақсы жер телімдерініңберілетіні тағы бар. Оған қоса әкімдіктер игеруге бас жоспар бойынша мектеп, балабақша мен ауруханалар салынуы тиіс жерлерді беруде. Нәтижесінде тұрғындар әлеуметтік инфрақұрылымның жоқтығынан зардап шегеді.Қоғам алдында тұрған тағы бір мәселе – &nbsp;сыбайлас жемқорлық. Әуесбаевтың айтуынша,құрылыс салушылар өз мүдделерін ғана ойлап, ең жақсы жер телімдерін иеленуге ұмтылады. Мұндай жағдайларда әдетте пара беріледі.Нұрлан Әуесбаевтың пікірінше, жағдайды барлық деңгейдегі әкімдерді тікелей сайлауды енгізу арқылы ғана өзгертуге болады. Қала басшылары халық алдындағы жауапкершіліктерін сезінбейінше, парақорлықты жеңу мүмкін емес.Бұл тармақ ЖСДП үміткерінің сайлауалды бағдарламасында бар Қазақстанның саяси жүйесін реформалау жөніндегі бірқатар ұсыныстардың бірі болып табылады. Бұдан бөлек бағдарламадапарламенттік-президенттік басқару формасына көшу де қарастырылған.Митингке 50-ге жуық адам, оның ішінде елордадағытығыз құрылысқа қарсы белсенділер қатысты.<img src="https://knadmin.beoblood.kz/uploads/17_ecf0bc386a.jpg" alt="17.jpg"><img src="https://knadmin.beoblood.kz/uploads/16_816d3feafe.jpg" alt="16.jpg"><img src="https://knadmin.beoblood.kz/uploads/15_eee5c38fd0.jpg" alt="15.jpg"> &nbsp;

Үміткер Нұрлан Әуесбаев тығыз құрылысқа қарсы бейбіт митингке қатысты

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында Қармақшы ауданының ауыл шаруашылығы өнімдерін өндірушілерінің қатысуымен жәрмеңке өтті.&nbsp;Жәрмеңкеге 50-ден астам жүк көлігімен 100 тоннадан жоғары ауыл шаруашылығы өнімдері әкелініп, нарық бағасынан төмен бағада сатылуда. Атап айтқанда, 20 тоннадан астам күріш, 60 тонна шамасында бақша өнімдері, 7 тоннаға жуық ет пен балық өнімдері, кондитер және бакалея өнімдері, 220 кг сүт өнімдері, 16 тонна жем шөп, 10 бас тоқты жеткізілді.Бүгін де мұнда сауда жасауға келген қызылордалықтардың қатары көп болды. Басым бөлігі бақша өнімдерін көптеп сатып алды. Ал ер кісілер жағы балық қойылған сөреге келгенде кілт тоқтайды. Тіпті мал азығын да молынан алып жатқан шаһар тұрғындары көптеп кездеседі.&nbsp;«Қазір нарықтағы кез келген өнімнің бағасы аспандап тұр. Оған кінәлі де өзіміз. Кез келген жерде өндірушіден тұтынушы көп болса, нарық құбылатыны заңдылық. Ала жаздай күтіп-баптағаннан өнімді сатып алғанды жөн көреміз. Біз секілді қала тұрғындарына жер мәселесі қиын, болмаса өзім де ішіп-жейтін бақша өнімдерін егіп, оны күтіп-баптауға қарсы емеспін. Бірақ ауламда мал ұстап отырмын. Осында ауыл шаруашылығы жәрмеңесі қаламызда жиі ұйымдастылса жақсы ғой. Өнімдердің бағасы қалтаға қонымды, сапасы да тәуір», &nbsp;– дейді қала тұрғыны.&nbsp;Жәрмеңкеге жарыса жүгірген жұртшылық қыс азығын қамдап, керекті өнімдерін алып, үйді-үйге жақсы көңіл күймен тарасуда.<img src="https://knadmin.beoblood.kz/uploads/6_efced7fc9d.jpg" alt="6.jpg"><img src="https://knadmin.beoblood.kz/uploads/10_2af8840caf.jpg" alt="10.jpg"><img src="https://knadmin.beoblood.kz/uploads/9_b8a1c01ca0.jpg" alt="9.jpg"><img src="https://knadmin.beoblood.kz/uploads/8_6537001096.jpg" alt="8.jpg">

Қызылордада Қармақшы ауданының жәрмеңкесі өтті

<a href="https://kyzylorda-news.kz/">Kyzylorda-news.kz.</a> Облыстық «Жастар ресурстық орталығы» КММ-нің ұйымдастыруымен өңіріміздегі ерекше қабілетті жастардың шығармашылық қабілетін шыңдау, әлеуметтік белсенділігін арттыру және қолдау білдіру мақсатында «Сыр жұлдыздары» өнер фестивалі өтті. Фестивалда шексіз өнер мен талантты ұштастырған бірқатар ерекше жандар сахна төріне шығып, дүйім жұрттың алдында өз өнерлерін көрсетті.Өнер фестивалінде облыстық «Жастар ресурстық орталығы» КММ-нің директоры Талғат Оспанұлы мен Қызылорда облыстық мүгедектер қоғамы ҚБ-нің төрағасы Сағатбек Қуанышбайұлы сөз алып, қатысушыларға сәттілік тіледі.<blockquote>«Құрметті жас достар! Құрметті ерекше жандар! Бүгін фестивальдің атын «Сыр жұлдыздары» деп атауымыздың өзі тегіннен емес. Себебі бүгін өнер көрсететін әрбір ерекше жан жұлдыз болуға әбден лайық, өнерін паш етуге толық мүмкіндігі бар. Баршаңызға табыс тілеймін, шын жеңімпаздар жеңіске жетсін», – деді Талғат Оспанұлы.</blockquote>Фестиваль барысында ерекше қамқорлық пен қолдауға мұқтаж жиырмадан астам өнерпаз «вокал», «хореография» және өлең оқу номинациялары бойынша өз өнерлерін көрсетіп, сынға түсті.Балғындардың қабілетін жан-жақты дамытып, бойдағы өнерін қолдауға бағытталған бұл жоба жас таланттардың жарқырай түсуіне үлкен мүмкіндік берді. Фестивальде «хореграфия» немесе мәнерлеп оқу аталымы бойынша жүлделі III орынды Ұ.Таңсықбай мен А.Сапарбекова иеленді. Ал II орынды М.Кулдуйсенова иеленсе, I орын А.Туарбектің қанжығасына байланды. «Вокал» аталымы бойынша үздіктер қатарын жүлделі III орынмен Б.Сейфолла толықтырса, II орын ерлі-зайыпты Қ.Дәуренбек пен А.Оразбаеваға бұйырды. Г.Тастыбай I орынды иленсе, байқаудың бас жүлдесіне Д.Ешниязова лайық деп танылып, жеңімпаз атанды. Ал «Үздік өнерпаз» номинациясын Қ.Нұржігітов иеленіп, көрермен көзайымына айналды. Жеңімпаздар арнайы дипломмен, мүсінше мен бағалы сыйлықтармен марапатталды.Әлемге күн жылуы қандай қажет болса, адамға жүрек жылуы сондай қажет. Адам қашан да адамдық қасиеттерге мұқтаж. Әсіресе мүмкіндігі шектеулі жандар қоғамның әр қадамынан мейірімділік күтетіні бар. Бүгінгі шара осындай жандардың талантын ашып қана қоймай, бір сәт өмірге өзге көзқараспен қарауға үйретті. Шара соңында барлық қатысушылар фестиваль аясында арнайы дайындалған көрмені тамашалады. &nbsp;<img src="https://knadmin.beoblood.kz/uploads/313440409_1241207259770675_3951272367489976101_n_2732b5b483.jpg" alt="313440409_1241207259770675_3951272367489976101_n.jpg"><img src="https://knadmin.beoblood.kz/uploads/313923120_1241207209770680_8546270514322638581_n_464bd34b62.jpg" alt="313923120_1241207209770680_8546270514322638581_n.jpg"><img src="https://knadmin.beoblood.kz/uploads/313919303_1241207163104018_3418728011333300766_n_4d5c818c6b.jpg" alt="313919303_1241207163104018_3418728011333300766_n.jpg"><img src="https://knadmin.beoblood.kz/uploads/313412414_1241207106437357_727171654553549243_n_b75d3c5020.jpg" alt="313412414_1241207106437357_727171654553549243_n.jpg"><img src="https://knadmin.beoblood.kz/uploads/314536191_1241206656437402_8312580546395765757_n_5d5c4eebbc.jpg" alt="314536191_1241206656437402_8312580546395765757_n.jpg">

Қазақстан және Қызылорда облысының жаңалықтары

Облыс әкімінің орынбасары Арал ауданындағы құрылыс нысандарын аралады

Жұлдызнамашы қарашада байып кету мүмкіндігі жоғары жұлдыз белгілерін атады

Қызылордада І Түлектер форумы өтті

Жексенбіде еліміздің басым бөлігінде тұман, боран, көктайғақ болады

Қазақстан Республикасының 2022 жылғы Президент сайлауы (ВИДЕО)

Қазақстан Республикасы Президентінің кезектен тыс сайлауы (ВИДЕО)

Қазақстан Республикасы Президентінің кезектен тыс сайлауы (ВИДЕО)

Қасым-Жомарт Тоқаевтың бағдарламасы – 22 мың шақырым автожолды жөндейміз және саламыз

Халықаралық байқаушылар Қарақат Әбденнің сайлауалды штабына барды

Үміткер Нұрлан Әуесбаев тығыз құрылысқа қарсы бейбіт митингке қатысты

Қызылордада Қармақшы ауданының жәрмеңкесі өтті

«Сыр жұлдыздары» өнер фестивалі өтті