<a href="https://kyzylorda-news.kz/">Kyzylorda-news.kz.</a> Қызылорда облыстық мәслихат депутаты Нұридин Әмитовтың төрағалығымен сессия алдындағы тұрақты комиссияларының бірлескен отырысы өтті.&nbsp;
Жиынға облыстық мәслихат хатшысы Наурызбай Байқадамов, облыстық мәслихат депутаттары және БАҚ өкілдері қатысты.&nbsp;
Күн тәртібіндегі өзекті мәселе облыстың денсаулық сақтау саласының жайы және оны жақсарту шаралары және &nbsp;тегін дәрі-дәрмек немесе жеңілдікпен берілетін тегін медициналық кепілді көмек жайы туралы облыстық денсаулық сақтау басқармасының басшысы Сәбит Пазылов, ал ветеринария саласындағы кейбір шешімдердің күші жойылды деп тану, облыстың елді мекендерінде жануарларды аулау, уақытша ұстау және жансыздандыру қағидаларын, үй жануарларын ұстау және серуендету қағидаларын бекіту туралы мәселелер бойынша облыстық ветеринария басқармасының басшысы Шахмардан Қойшыбаев баяндама жасап, аталған мәселелер егжей-тегжейлі талқыланды.
Баяндама тыңдалған соң, «AMANAT» партиясының фракция мүшелері, облыстық мәслихат депутаттары Ібайдулла Тілеп, Қылышбай Бисенов, Тілеуберген Шаутай, Аида Абибуллаева, Лаура Ибраимова және т.б өз сауалдары мен ұсыныс-пікірлерін жеткізіп, басқарма басшылары тарапынан тиісті жауаптар берілді.
Отырыс соңында күн тәртібіне ұсынылған 11 мәселе бойынша шешім жобасын сессия қарауына жіберу туралы бірауыздан қаулы қабылданды.
Одан соң, облыстық мәслихаттың кезекті 20 сессиясы өтті. Оған облыс әкімі Нұрлыбек Нәлібаев, облыс әкімінің орынбасарлары, барлық деңгейдегі мәслихат хатшылары мен құқық қорғау органдарының басшылары және тиісті басқарма басшылары қатысты. Сессияға облыстық мәслихат хатшысы Наурызбай Байқадамов төрағалық етті. Күн тәртібінде 11 мәселе қаралды.
Сессия жұмысының алдында облыс әкімі Нұрлыбек Нәлібаев аймақтың ағымдағы жылғы 9 ай қорытындысымен әлеуметтік-экономикалық дамуына қысқаша тоқталып өтті.
<blockquote>«Есепті кезеңде өңірдің барлық макроэкономикалық көрсеткіштері бойынша өсім қалыптасты. Осыған дейін айтқанымдай, мұнай газ саласындағы жағдайды реттеу және жаңа мұнай кен орындарын анықтау мақсатында өткен жылдан бері «Шу Сарысу», «Арал» және «Сырдария» шөгінді бассейндерінде геологиялық-геофизикалық зерттеу жұмыстары жүргізілуде. Бұл жұмыстар нәтижелі жүзеге асырылса, жаңа мұнай кен орындарын игеруге мүмкіндік аламыз. Өңірде салынған шыны зауытының күйдіру пеші қажетті температурасына жетіп, ағымдағы жылдың 9 қазанында алғашқы сынама шыны өнімі өндірілді. Қазіргі таңда шығарылған өнімді қажетті сапаға жеткізу жұмыстары жүргізілуде. Өздеріңізге белгілі, ағымдағы жылғы шілде айындағы Мемлекет басшысының төрағалығымен өткізілген Үкіметтің кеңейтілген отырысында халықтың табысын арттыруда Қызылорда облысының көрсеткіші төмендегенін айтқан болатын. Күні кеше өткен Үкімет отырысында халықты жұмыспен қамтамасыз ету шаралары туралы мәселе қаралып, осы саладағы көрсеткіштерде Қызылорда облысы республика деңгейінде ең алдыңғы қатардан көрінді. Президентіміздің тапсырмасына сәйкес, өңірде халықтың табысын арттыру бойынша жаңа жұмыс орындарын құру, жұмыспен қамтуға жәрдемдесу, еңбек ресурстарының біліктілігін арттыру және жастардың кәсіптік бағдарлануын қамтамасыз ету үш бағыты айқындалды. Осының негізінде жыл соңына дейін 30 мыңнан аса жаңа жұмыс орнын құру жоспарланған. 9 айдың қорытындысымен 5 691 жұмыс орны ашылып, көрсеткіш 124,1 пайызға орындалды. Соңғы алты айдағы тынымсыз атқарылған жұмыстардың нәтижесінде және Өздеріңіздің ұсынған жобаларымызды қолдауларыңыздың арқасында оң нәтижелерге қол жеткізудеміз», - деді аймақ басшысы Нұрлыбек Нәлібаев.</blockquote>
Күн тәртібіне ұсынылған тұтынушылардың құқықтарын қорғаудың жайы, облыс әкімінің дербес құрамын келісу, терроризмге қарсы облыстық комиссияның құрамын бекіту, тексеру комиссиясының ережесін бекіту, облыстық мәслихаттың Кәсіпкерлікті дамыту, жастар ісі және құқықтық мәселелер жөніндегі тұрақты комиссиясының есебі туралы өзге де мәселелер бойынша тиісті басшыларының хабарламалары тыңдалды. Сондай-ақ, облыс бойынша тексеру комиссиясының төрағасын тағайындау үшін республикалық бюджеттің атқарылуын бақылау жөніндегі есеп комитетінің мүшесі Нұрлан Амангелдіұлы Нұржанов хабарлама жасады.&nbsp;
Тексеру комиссиясының төрағасы лауазымына Мұса Оспанұлы Қалдарбековтің кандидатурасы ұсынылып, оның кандидатурасы депутаттар тарапынан қолдау тауып, қабылданды.
<figure class="image"><img src="https://knadmin.beoblood.kz/uploads/Aida_3ddb73a126.jpg" alt="Аида.jpg"></figure>

Тұрақты комиссияның отырысы өтті

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев елімізге мемлекеттік сапармен келген Түркия Республикасының Президенті Режеп Тайип&nbsp; Ердоғанмен келіссөз жүргізді, деп хабарлады <a href="https://akorda.kz/kz/kazakstan-men-turkiya-prezidentteri-kelissoz-zhurgizdi-129415?fbclid=IwAR3udLxru70BlRa8lyw3M528P-YD_70HsI95dDXVEq9aN08URFL7Tay4Fb8">Ақорда.</a>
«Ақорда» резиденциясында Түркия басшысын салтанатты қарсы алу шарасы өтті. Қасым-Жомарт Тоқаев пен Режеп Тайип Ердоған бір-біріне делегациялар құрамын таныстырды. Құрмет Қарауылының бастығы екі ел басшыларына рапорт беріп, Қазақстан мен Түркияның әнұрандары орындалды. Салтанатты рәсімнен кейін мемлекеттер басшылары екіжақты кездесу өткізді.
Қасым-Жомарт Тоқаев Режеп Тайип Ердоғанға ілтипат білдіріп, Қазақстанға мемлекеттік сапармен келгені үшін ризашылығын жеткізді.
<blockquote>– Сіздің бүгінгі&nbsp; мемлекеттік сапарыңыз екі елдің ынтымақтастығына үлкен серпін береді деп ойлаймын. Біз Түркиямен тең дәрежедегі ынтымақтастықты одан әрі нығайтуға баса мен береміз. Бұл менің ерекше назарымда. Кездесуіміздің күн тәртібіндегі бірқатар мәселелер бойынша пікір алмасып, уағдаластыққа қол жеткіземіз деп ойлаймын, – деді Мемлекет басшысы.</blockquote>
Өз кезегінде &nbsp;Түркия Президенті Режеп Тайип Ердоған Қасым-Жомарт Тоқаевқа &nbsp;мамыр айында Түркияға мемлекеттік сапары мен Нью-Йорктегі екіжақты кездесуден кейін қайтадан жүздесіп отырғанына қуанышты екенін атап өтіп, қонақжайлығы үшін алғыс айтты.
<blockquote>– Бүгін Жоғары деңгейдегі стратегиялық ынтымақтастық кеңесінің 4-отырысын өткіземіз. Сондай-ақ ертең Азиядағы өзара іс-қимыл және сенім шаралары кеңесінің саммитіне қатысамыз. Сіздің көшбасшылығыңызбен жүргізілген реформалар қазақ халқының тыныштығын сақтап, әл-ауқатын жақсартатынына сенімім мол. 20 қараша күні болатын Президент сайлауы әділ әрі жаңа Қазақстан үшін қайырлы болуын және сізге сол сайлауда сәттілік тілеймін, – деді Режеп Тайип Ердоған.</blockquote>Сондай-ақ Түркия Президенті жаһандық және аймақтық тұрақсыздық белең алған&nbsp; шақта түркі мемлекеттерінің ынтымағын одан әрі нығайту қажет екенін, сондықтан стратегиялық серіктес әрі бауырлас ел Қазақстанның қауіпсіздігіне, тұрақтылығына, территориялық тұтастығына&nbsp; және экономикалық әл-ауқатының жақсаруына айрықша мән беретінін жеткізді.<blockquote>– Түркияға мемлекеттік сапарыңыз барысында қол қойылған 14 ынтымақтастық туралы құжат пен ортақ декларация қарым-қатынасымызға тың серпін берді. Бүгін осы келісімдерге қосымша жаңа құжаттар қосылады. Атажұртыма келген маған және менің делегацияма қонақжайлық көрсеткеніңіз үшін тағы да алғыс айтамын, – деді Режеп Тайип Ердоған</blockquote><img src="https://knadmin.beoblood.kz/uploads/1665576075_DSC_2763_2_7d1479179b.jpg" alt="1665576075_DSC_2763_2.jpg"><img src="https://knadmin.beoblood.kz/uploads/1665576183_KZ_4_5651_2_1_73b5c78873.jpg" alt="1665576183_KZ4_5651_2 (1).jpg">&nbsp;&nbsp;

Қазақстан мен Түркия президенттері келіссөз жүргізді

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық ҚХА жанындағы медиаторлар кеңесінің төрағасы Ләззат Бақтыбаева және облыстық ҚХА жанындағы медиаторлар кеңесінің үйлестірушісі Шахизат Абдраманова Town hall форматында студенттермен кездесу өткізді.
Кездесу барысында Қазақ гуманитарлық заң және техникалық колледжінің студенттеріне Медиацияны меңгеру тәсілдері, дау-дамайды медиация жолымен шешу, медиатор болудың артықшылықтары айтылды.
Ләззат Бақтыбаева кездесудің маңыздылығын атап, студенттерді белсенділік танытып, өзекті мәселелерді бірлесіп талқылауға шақырды.
<blockquote>«Медиацияның тиімділігі ең бастысы моральдық және материалдық шығындарды азайтады. 2015 жылы медиацияға жүгіну 1 пайызды ғана құрайтын. Қазіргі таңда қылмыстық істер бойынша 85 пайыздық межеге жетсе, азаматтық істер бойынша 50 пайызды құрап отыр. Медиатордың басты мақсаты - дауласқан екі жақты татуластыру. Медиация процесінде жеңімпаз және жеңілген тарап деген болмайды. Себебі медиацияның мақсаты екі тарапты да қанағаттандыратын шешім табу. Жалпы медиациялық жолмен дауларды шешу көп уақыт алмайды және тараптардың шығындарын үнемдеуге үлкен мүмкіндік береді», - дей келе, студенттерге қоғамға медиацияның қажеттілігі, соның ішінде оңтайлы тұстары жайлы толықтай мағлұмат беріп кетті.</blockquote>
Кездесуде студенттер сұрақтарын қойып, жан жақты жауап ала алды.
<blockquote>«Мұндай кездесулер біз үшін өте маңызды. Town hall дау-дамай мәселелерін шешу жолдарын меңгеруге және жедел шешімдер қабылдауға тамаша мүмкіндік. Сіздер елімізді дамытуда үлкен рөл атқарасыздар. Сондықтан білімдеріңізді жетілдіріп, қосымша дағдыларға ие болғыларыңыз келсе, біз сіздерге әрқашан қолдау көрсетуге дайынбыз. Бәсекеге қабілетті, сұранысқа ие маман болғандарыңызды қалаймыз», - деген пікір білдірді Шахизат Абдраманова.</blockquote><img src="https://knadmin.beoblood.kz/uploads/311465325_3327701284215695_532733424344037123_n_4ed3d90057.jpg" alt="311465325_3327701284215695_532733424344037123_n.jpg"><img src="https://knadmin.beoblood.kz/uploads/311605363_3327700937549063_7989657733453318717_n_95db3be03f.jpg" alt="311605363_3327700937549063_7989657733453318717_n.jpg">

Town hall форматында студенттермен кездесу өтті

<a href="https://kyzylorda-news.kz/">Kyzylorda-news.kz.</a> 15 қазан күні &nbsp;«Алтын дән - 2022» іс-шарасы аясында Қызылорда қаласында барлық аудандардың қатысуымен ауыл шаруашылығы өнімдерінің жәрмеңкесі өтеді.&nbsp;
Биылғы жылдың 14-15 қазан күндері Қызылорда облысы әкімдігінің ұйымдастыруымен «Алтын дән – 2022» салтанатты шарасы өткізіледі.
Қамбаны астыққа толтырған еңбек озаттарын марапаттау үшін облыс әкімі Нәлібаев Нұрлыбек Мәшбекұлының қатысуымен 14 қазан күні сағат 14:00-де Нартай Бекежанов атындағы драма театрында салтанатты жиын өтеді.
Айта кету қажет, «Алтын дән-2022» шарасы Қызылорда қаласының мерейтойына тұспа-тұс келіп отыр. Бұл ретте, Қызылорда қаласының әкімдігінің ұйымдастыруымен 14 қазан күні сағат 18:00-де орталық стадионда «Бірлік пен бақыт арнасы, қазақтың Қызылордасы» атты мерекелік гала-концерт өткізіледі.&nbsp;
15 қазан күні Қызылорда қаласы мен барлық аудандардың қатысуымен ауыл шаруашылығы өнімдерінің жәрмеңкесі ұйымдастырылады. Ала жаздай ризық-несібесін жерден терген Сыр диқандарының 1000 тоннадан астам ауыл шаруашылығы өнімдері халыққа нарық бағасынан төмен бағада ұсынылатын болады. Жәрмеңкеде Сыр диқандары мен шаруалар өндірген өнімдерін төмен бағада ұсынатын болады.&nbsp;
Құрметті қала тұрғындары мен қала қонақтары жәрмеңкеге келіп, Сыр диқандарының тартуын қабыл алыңыздар!
Ауыл шаруашылығы өнімдері жәрмеңкесінің өтетін орындары:&nbsp;
Арал ауданы - С. Торайғыров көшесінің бойы (Қорқыт Ата мен Исаев көшелерінің аралығы);
Қазалы ауданы - «Шұғыла» мөлтек ауданы (Ғ. Мұратбаев көшесі мен &nbsp;Қ. Яссауи көшесінің қиылысы);
Қармақшы ауданы - «Журба» көшесінің бойы (Сахи Романов көшесі мен Саламатов көшесінің аралығы);
Жалағаш ауданы – Титов қыстағы (Ә. Қашаубаев пен Жетікөл көшелерінің қиылысы);
Сырдария ауданы - Жанқожа батыр көшесі (Реалбаза алды);
Шиелі ауданы - Тасбөгет кенті (Орталық алаңы);
Жаңақорған ауданы - Астана даңғылы бойы (Е. Көшербаев көшесі мен А. Иманов көшесінің аралығы);
Қызылорда қаласы - Тағзым алаңының алды.
Сонымен қатар 15 қазан күні сағат 11:00-де қалалық ипподромда облыстың ең үздік сәйгүліктері мен айтулы атбегілерінің қатысуымен ұлттық ат спорты бәйгесі өтеді.
<figure class="image"><img src="https://knadmin.beoblood.kz/uploads/altyn_dan_82efb4831a.jpg" alt="алтын дан.jpg"></figure>

Қызылордада «Алтын дән - 2022» шарасы өтеді

<a href="https://kyzylorda-news.kz/">Kyzylorda-news.kz.</a> Қызылорда қаласында 14 қазан күні сағат 18:30-да Орталық стадионда қала күні мерекесінің салтанатты гала-концерті өтеді.&nbsp;
Айтулы кештің қонақтары: Қайрат Нұртас, Nazima, Raim және Мирас Жүгінісов.
Бұдан бөлек, концертте жергілікті өнерпаздар да өнер көрсетеді.

Қала күні: Қызылордада гала-концерт өтеді 

<a href="https://kyzylorda-news.kz/">Kyzylorda-news.kz.</a> Ауданның нағыз кітап сүйер қауымы мен ерікті жастарын Сырдария аудандық жастар ресурстық орталығы жанынан құрылатын «Кітап оқиық!» кітап клубының ашылуына шақырады.
А.Байтұрсыновтың 150 жылдығы мен А.Тоқмағамбетовтың дүниеден өткеніне 40 жыл толуына орай Сырдария ауданы әкімдігінің қолдауымен және аудандық кітапханамен бірлесе өтетін шараға «Кітап құрттары» кітап клубының жетекшісі Талғат Меңдібаев келіп, өз тәжірибесімен бөлісетін болады.&nbsp;
Іс-шара аудан әкімдігі ғимараты алдында бастау алып, ауданға келген қонақтар күтіп алынады. Қонақтардың қатарында «Кітап құрттары» кітап клубының жетекшісі және Жанар Бимураткызы, АқжолТүменбай, Үкітай Ерниязов, Әл-Фараби Бекарысұлы, Айдар Сайлауов, Ақтөре Ибрагимұлы т.б және ауданның ерікті жастары бар. Одан әрі Тереңөзек кенті, «Парасат» алаңындағы ақиық ақын Асқар Тоқмағамбетовтың бюстіне гүл шоқтарын қою рәсімі өтеді.&nbsp;
Мұнан соң Сырдария аудандық жастар ресурстық орталығы жанынан құрылатын «Кітап оқиық!» кітап клубының ашылу салтанаты ұйымдастырылады.
Шара барысында аталған кітап клубы тек еріктілерден кітап жинайтыны ескертіледі. Сондай-ақ жиналған кітаптар аудандағы үйден оқытылатын балаларға, аудандық ауруханада ем алатын науқастарға және өзге де оңалту орталықтарына тегін таратылатыны айтылады. Қазіргі таңда 200 ден аса кітап қоры бар. Жастар орталығында кез-келген уақытта жастардың кітап оқуына мүмкіндіктер қарастырылған.
<figure class="image"><img src="https://knadmin.beoblood.kz/uploads/kitap_ceb9ebec24.jpg" alt="китап.jpg"></figure>

Сырдария ауданында кітап клубы құрылды

<a href="https://kyzylorda-news.kz/">Kyzylorda-news.kz.</a> Халықтың негізгі тұтынатын өнімі азық-түлік екені баршамызға белгілі. Сол себепті оған сұраныс жоғары. Оның үстіне базарда сатылатын бау-бақша өнімдерінің дені сырттан тасымалданады. Жергілікті бақша дақылдарының өнімі аз. Жасыратыны жоқ егін егіп, жер жыртып, еңбек етуге келгенде қиындықтан қашып, артқа тартып тұратындар да бар. Әрине оған сылтауда жетерлік. Сондықтан болар базардағы азық-түлік бағасының төмендемей тұрғаны.
Аймақ басшысы Нұрлыбек Нәлібаев Жалағаш ауданына сапарында ауданның облыс орталығына жақын орналасуы бау-бақша мен фермерлік кәсіпті дамытуға мүмкіндік беретінін және соның нәтижесінде халықтың әлеуеті түзеліп, азық-түлік бағасы да тұрақталатынын баса айтқан еді. Осы орайда биыл шаруашылықтар егін шаруашылығын әртараптандыру мақсатында бақша дақылдарын егуді қолға алған болатын. Солардың бірі «Ер-Әлі» шаруа қожалығы. Шаруа қожалық биыл алғаш рет ірі көлемде картоп еккен. Өнімі де жаман емес. Шаруа қожалықтың төрағасы Әліби Бекжановтың ең бірінші мақсаты жиналған өнімді сырт өңірлерге қымбат бағамен сатып, пайдаға кенелу емес, аудан халқын картоппен қамтамасыз етіп, бағаны тұрақтандыруға үлес қосу екен.&nbsp;
Бүгінгі таңда кент орталығында шағын жәрмеңке ретінде 25 тонна картоп өнімі Жалағаш ауданының тұрғындары үшін арзандатылған бағада сатылып жатыр. Мәселен базарда делдалдар арқылы әкелінген картоп 180-200 теңгеден сатылып жатса, тікелей өндірушіден 120 теңгеден сатып алуға мүмкіндік бар.
<blockquote>«Биыл біз шаруашылықта 24 гектарға картоп, 5 гектарға сәбіз ектік. Картоптың әр гектарынан 22 тоннадан өнім алудамыз. Әлі де аудан тұрғындарына қолжетімді бағада өнімдерді әкелеміз. Бірінші өзімнің жерлестерімнен бастап жатырмын. Жалағаш ауданының тұрғындарын толықтай қамтамасыз еткеннен кейін ғана облыс орталығына, басқа аудандарға жеткізу ойымда бар», – дейді Әліби Бекжанов. &nbsp;</blockquote>
<figure class="image"><img src="https://knadmin.beoblood.kz/uploads/9_c8e083063e.jpeg" alt="9.jpeg"></figure>

Жалағашта картоп өнімі арзандатылған бағада сатылуда

<a href="https://kyzylorda-news.kz/">Kyzylorda-news.kz.</a> Қызылорда облысында сәулеті жарасқан әлеуметтік нысандардың құрылысы қарқынды дамып келеді. Биыл өңірде 108 нысанның құрылыс жұмыстары жүруде. Бүгінгі күнге дейін 7 нысан ел игілігіне берілсе, жыл соңына дейін 97 нысан пайдалануға берілмек. Бұл жөнінде Өңірлік коммуникациялар қызметінде өткен брифингте облыстық құрылыс, сәулет және қала құрылысы басқармасы басшысының орынбасары Мәди Әліп хабарлады.
<blockquote>«Осы уақытқа дейін Әйтеке би кентінде 250 орындық емхана, 2 медициналық бекет, Жалағашта оқушылар үйі мен Таң ауылында дәрігерлік амбулатория, Арал қаласында 200 орындық мектеп пен 100 орындық интернат және шыны зауытының теміржол тұйығы салынды. Қазіргі күні білім саласында - 12, денсаулық сақтау саласында – 6, мәдениет және спорт саласында – 25 нысан, халыққа қызмет көрсету саласы бойынша неке сарайының құрылысы жүргізілуде. Сондай-ақ, жыл аяғына дейін «Нұрлы жер» мемлекеттік бағдарламасы аясында 1294 пәтерді құрайтын 31 тұрғын үй халыққа табысталмақ. Ал 9 айдың қорытындысымен 519,8 мың шаршы метр тұрғын үй пайдалануға берілді», - деді басқарма басшысының орынбасары Мәди Раманқұлұлы.</blockquote>
<figure class="image"><img src="https://knadmin.beoblood.kz/uploads/madi_6b725e42c6.jpg" alt="мади.jpg"></figure>

Қызылордада биыл 108 нысанның құрылыс жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Сарапшылардың айтуынша, биыл Қызылорда облысында негізгі макроэкономикалық көрсеткіштер бойынша оң динамика байқалады. Оның ішінде инвестиция көлемі 6 пайызға артты. Сондай-ақ, Сырдария өзенінің жоғарғы сағасында орналасқан мемлекеттермен су ағынының көлемін былтырғымен салыстырғанда ұлғайту, сондай-ақ жылу беру маусымына 100 пайыз дайын болу жөнінде келісімге қол жеткізгені Нұрлыбек Нәлібаевтың еңбегі. Мамандар Қызылордада жаңа жылуэлектрстанция салу туралы келісімге келуді де жоғары бағалайды. Түркиялық компания 215 миллиард теңгеге жылуэлектр орталығын салады, деп хабарлайды Toppress.kz.
Облыста жолдарды жөндеу жұмыстары қарқынды жүргізілуде. Биылғы жылы аймақта 347 шақырым жол жөнделді. Сондай-ақ, республикалық жолдардың сапасы бойынша 82 пайызға жеткен.&nbsp;
Қызылорда облысында елімізде жалақының өсімі бойынша көрсеткіш – 31,3 пайызды құрайды. Ұлттық статистика бюросының мәліметінше, өткен жылмен салыстырғанда екінші жартыжылдықтағы көрсеткіш 24 пайызға артқан.
Айта кету керек, Нұрлыбек Нәлібаев қыркүйекте өте белсенді болды. Ол 2 жасар баланы құдықтан құтқарып қалған жасөспірімге екі бөлмелі пәтердің кілтін табыстады. Сонымен қатар бірнеше ірі жобалардың іргетасын қалады. Атап айтқанда жаңа Неке сарайы, Өнер сарайы, Қан орталығының құрылысы қарқынды жүріп жатыр. Биыл дәстүрлі тамыз кеңесінде облыстың үздік мектебіне 34 млн теңгенің сертификатын берді.&nbsp;
Айта кету керек, биыл мектеп түлектеріне облыс әкімінің 100 білім гранты бөлінген болатын. Тамыз айында аймақ басшысын Мемлекет басшысы қабылдап, облыстың тұрақты әлеуметтік-экономикалық дамуын қамтамасыз етуді тапсырды.
<figure class="image image_resized" style="width:93.87%;"><img src="https://knadmin.beoblood.kz/uploads/bez_nazvaniya_7_600x424_1_1_9968fbe19b.jpeg" alt="bez-nazvaniya-7-600x424-1-1.jpeg"></figure>

Әкімдер рейтингі: Нұрлыбек Нәлібаев төртінші орында

<a href="https://kyzylorda-news.kz/">Kyzylorda-news.kz.</a> «Адамды адам еткен - еңбек» демекші, қашанда жұмысына асқан жауапкершілікпен, ұқыптылықпен қарап, адал маңдай терімен еңбек ету арқылы өзіне де, айналасындағы ағайынға да пайда келтіріп жүрген еңбексүйгіш жандар аз емес. Мәселен солардың бірі Жалағаш ауданы Аққұм ауылының азаматы Ерлан Жақсылықов. Бала кезінен еңбекке дағдыланған ағамыз бүгінде мал шарушылығының қыр-сырын игеріп, ауылдың 10 тұрғынын тұрақты жұмыспен қамтып отыр.&nbsp;Еңбек адамы Ерлан Жақсылықов алғашында азын-аулақ малымен бастап, уақыт өте мал шаруашылығының қыр-сырына қаныға бастапты. Қазір жеке малын мыңғыртып, осыдан жеті жыл бұрын «Нұрдәулет» шаруақожалығын құрып, ет бағытындағы жұмыстарды қолға алған. Еттен бөлек, сүт, айран, сыр, құрт секілді өнімдері аудан халқы арасында сұранысқа ие. Бүгінде шаруа қожалықта төрт-түліктің төртеуі де бағылады. &nbsp;Атап айтсақ, 1300 бас жылқы, 400 бас ірі қара, 50-60 түйе, 100 бас уақ малы бар.&nbsp;<img src="https://knadmin.beoblood.kz/uploads/2_3d6b47e32a.jpeg" alt="2.jpeg"><blockquote>«Еңбек еткен адам барлық нәрсеге қол жеткізеді. Еңбек етпей елге де өкпелеуге болмайды. Әрине қазір айтуға оңай, бірақ басында қиын болды. Дегенмен бұл қиындықтарды адал еңбек ету арқылы жеңіп шықтық. Ертеректе совхоздың малын бағып, сол жерден мал бағымын түсініп алдым. Сондықтан да қандай кәсіп бастасаңда ізденіс пен талпыныс керек. Қазір мал азығына жыл сайын 100 тонна жем мен 5 мың тонна пресс жоңышқа сатып аламын. Жем кенттегі «Элеватордан» келсе, жоңышқаны жергілікті шаруашылықтар жеткізіп береді. Сондай-ақ Қараөзектің бойында 5 мың гектар жайылымдық жеріміз де бар. Жаз жайлау сонда болса, бақташылар күріш алқаптары ашылғаннан көктемге дейін төрт-түлікті егіс алқаптарына жаяды. Мал азығынан мәселе жоқ. Ал жұмысшыларыма тоқталсам, шүкір қазір 10 ауыл тұрғынын, оның ішінде сауыншылары бар жұмыспен қамтып отырмын. Жалақылары уақытылы, 100 мың теңгеден кем емес», – дейді шаруа қожалық төрағасы Ерлан Жақсылықов.</blockquote>Бұған дейін мал басын көбейтуге ден қойған кәсіпкер енді төрт-түліктің басын асылдандыруға кіріскен. Осы мақсатта қазақтың ақбас асыл тұқымды бұқасынан 10 бас, «Әулиекөл» тұқымынан 2 бас бұқа алып келіпті.&nbsp;Төраға туған жерге тағызым етуді де әсте естен шығарған емес. Ауылдағы жағдайы төмен отбасыларға ет және сүт өнімдерін тегін үлестіруді әдетке айналдырған. Сонымен қатар былтыр Аққұм ауылындағы бір көшеге жарық жүргізіп беріпті. Төрағаның айтуынша келешекте туып-өскен ауылын көркейтуге ойда жүрген біраз жобалары да бар екен. Бір қынжылтатыны бүгінгі таңда жастардың арасында ата кәсіпке мойын бұратын жандарды табу қиындап баратын көрінеді. Ешкім мал баққысы келмейді. Сол себепті ауыл жастарын ауылда еңбек етуге, сол арқылы ел әлеуетін арттыру үшін күш жұмсауға шақырды.<blockquote>«Төрт-түліктің жай-күйін жақсы танимын. Бала кезден ауылда өскен соң болар мал бағу мен үшін таңсық іс емес. Ең бастысы, уақытылы жем-суын беріп, қоражайды тазалап отыру керек. Сонда ғана малдың күйі жақсы болады. Жұмысым өзіме ұнайды, айлығы да жақсы», – дейді шаруашылық малшысы Полатбек Бекмұратов.</blockquote>Еңбек еткен адамның қор болмайтыны белгілі. Ердің атын еңбек шығарады демекші, бүгінде Ерлан Жақсылықовты ауыл тұрғындарының бәрі құрметтейді. Өйткені ол өз адал еңбегі арқылы көпке үлгі десек болады.&nbsp; &nbsp;<figure class="image"><img src="https://knadmin.beoblood.kz/uploads/1_bab4ff2a17.jpeg" alt="1.jpeg"></figure>&nbsp;<figure class="image"><img src="https://knadmin.beoblood.kz/uploads/3_c538b92f1e.jpeg" alt="3.jpeg"></figure><figure class="image"><img src="https://knadmin.beoblood.kz/uploads/4_99480aba46.jpeg" alt="4.jpeg"></figure><figure class="image"><img src="https://knadmin.beoblood.kz/uploads/7_7e74518c33.jpeg" alt="7.jpeg"></figure>&nbsp;

Несібесін еңбектен тапқан кәсіпкер

<a href="https://kyzylorda-news.kz/">Kyzylorda-news.kz.</a> Халықаралық Enactus ұйымы Қызылордада «Road show Enactus Kazakhstan» республикалық форумын ұйымдастырды. Ауқымды жиынға Қорқыт ата атындағы Қызылорда университетінің білім алушылары, мектеп оқушылары, жас кәсіпкерлер қатысып, инновациялық жобаларымен таныстырды.
Форум аясында Қорқыт ата атындағы Қызылорда университеті ректорының міндетін атқарушы Нұрлан Уразбаев пен Enactus Kazakhstan қорының президенті Альбина Ержанова ынтымақтастық жөніндегі меморандумға қол қойды. Алдағы уақытта меморандум шеңберінде жастардың кәсіпкерлік әлеуетін дамытатын жобалар жүзеге асады.
Республикалық форумда Қорқыт ата атындағы Қызылорда университетінің ғылыми жұмыстар және халықаралық байланыстар жөніндегі проректоры Майнұр Бөрібаева оқу орнында бизнес бастағысы келетін жастарға мол мүмкіндік қарастырылғанын атап өтті.
<blockquote>«Университетте студенттер арасында кәсіпкерлікті дамыту, тың идеяларына қолдау көрсету мақсатында кәсіпкерлік орталығы жұмыс істейді. &nbsp;Кәсіпкерлікті дамыту бойынша осы кезге дейін «Startup Bolashak. Menin armanym» жобасы, «Zhas project» бағдарламасы, «HackDay» және «Smart city Kyzylorda» хакатондары және басқа да ауқымды шаралар ұйымдастырылды. Орталық бес жыл ішінде 7 мыңнан астам жасқа бағыт-бағдар берді. Қазіргі уақытқа дейін инкубатордан 89 резидент-түлек шығып, жалпы 70 миллионға жуық қаржы тартылды», – деді Майнұр Әбілтайқызы.&nbsp;</blockquote>
Мұнан бөлек жиында Enactus Kazakhstan қорының президенті Альбина Ержанова, жоба директоры Маржан Жанғали презентациямен таныстырып, алдағы жоспарлар, оқушылар мен студенттерге арналған жаңа мүмкіндіктерді айтты.&nbsp; Ал, Қорқыт ата атындағы Қызылорда университетіндегі кәсіпкерлік орталығының жетекшісі Жанарыс Түбекбаев бизнес идеяны жүзеге асыру, инвестор тарту жолдарын түсіндірді.&nbsp;
Айта кету керек, Enactus – кәсіпкерлік мүмкіндігін сынап көргісі келетін студенттер және іскер көшбасшылардың басын біріктіретін халықаралық коммерциялық емес ұйым.&nbsp;
«Road show Enactus Kazakhstan» республикалық форумы Қазақстанның 5 қаласында өтеді. Форумның алғашқы легі 29 қыркүйек күні Әль-Фараби атындағы Қазақ ұлттық университетінде ұйымдастырылып, оған &nbsp;жоғары оқу орындарының студенттері қатысты. &nbsp; &nbsp;
<figure class="image"><img src="https://knadmin.beoblood.kz/uploads/korkyt_759a0e7f53.jpg" alt="коркыт.jpg"></figure>

Қызылордада «Road show Enactus Kazakhstan 2022» республикалық форумы өтті

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының заңгерлері «Қызылорда су жүйесі» мекемесінің бүгінгі таңда ұстанып отырған саясатынан 900-ге тарта кәсіпкер зардап шегуі мүмкін деп санайды. Солардың бірі «Ильяс Строй Сервис» ЖШС мен ЖК «RoyalLuxe».&nbsp;
Кәсіпкерлер мемлекеттік сатып алу конкурсының аясында 50 млн теңгеден астам қаржының тауарын алып беріп, жұмысын жасау үшін «Су жүйесімен» келісім шартқа отырады. Олар шартқа сай міндеттемесін толық орындап, тапсырыс беруші қабылдау актісіне қол қояды. Алайда кәсіпкерлерге әлі күнге ақшасы аударылмаған және қашан төленетіні де белгісіз.
Облыс орталығын ауыз сумен қамтамасыз етіп отырған «Қызылорда су жүйесі» мекемесінің қарызы бұнымен шектелмейді. Оның соңғы үш жылда бюджет, банк, жұмысшылары мен тағы да басқа ұйымдардың алдындағы қарызы 800 млн теңгеден асып кеткен.
Мекеме тығырықтан шығу үшін сотқа оңалту рәсімін қолдану туралы өтініш береді. Осылайша осы жылдың тамыз айынан бастап «Су жүйесі» мекемесі оңалту режимі қолданылатын ұйымдардың қатарында.
Бұл жағдай кәсіпкерлерге қалай әсер етеді?
Еліміздегі «Оңалту және банкроттық туралы» заңға сәйкес оңалту рәсімін қолданатын ұйымдар бірінші кезекте жалақы, бюджетке төленетін міндетті төлемдер, банктің алдындағы берешек секілді қарыздарын төлейді. Кәсіпкерлерге қарызы ең соңында қаралады екен. Нақты төлеу мерзімі белгісіз.
Енді мына жердегі мәселеге мән берсек, сот шешімі бойынша кәсіпорын оңалту рәсімін қолдану туралы шешім заңды күшіне енген күннен бастап үш айдан кешіктірмей кредиторлар жиналысы бекіткеннен кейін сотқа оңалту жоспарын ұсынуға міндетті. Оңалту жоспары ұсынылған күннен бастап жеті жұмыс күні ішінде сот ұйғарымымен бекітіледі. Оңалту жоспарын бекіту туралы сот ұйғарымы заңды күшіне енгенге дейін оңалтуды басқарушы кредиторлар талаптарының тізілімін жүргізуге міндетті.
<blockquote>«Біздің жағдайымызда «Су жүйесі» мекемесі оңалту рәсімін қолданып жатқаны туралы кәсіпкерлерге ескертпеген. Соның салдарынан кәсіпкерлер тізілімге енгізу үшін уақытында ұсыныс беріп үлгермей отыр. Мемлекеттік сатып алудың электрондық веб-порталынан алынған мәлімет бойынша мекеме 905 кәсіпкермен 873,3 млн теңгеге келісім шартқа отырған, яғни «Ильяс Строй Сервис» ЖШС мен ЖК «RoyalLuxe» кездескен проблема алдағы уақытта 905 кәсіпкерде де болуы мүмкін», – дейді Кәсіпкерлер палатасының заңгері Аида Қаюпова. &nbsp; &nbsp; &nbsp;</blockquote>
Бұл проблема жақында Қызылорда облысы кәсіпкерлер палатасының Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес отырысында да қаралды.
Отырыста кеңес мүшелері «Су жүйесі» мекемесі қызметінің қаржылық жағдайына қолданыстағы заң аясында &nbsp;тексеру жүргізу туралы ұсыныс берді. Қазір Кәсіпкерлер палатасының мамандары бұл бағытта Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті және облыстық прокуратурамен бірге жұмыс істеп жатыр.
<blockquote>«Сонымен бірге біз қазір «Су жүйесінен» қарызын ала алмай жүрген өзге де кәсіпкерлердің Палатаға жүгінуін сұраймыз. Мәселені қазір шешпесе алдағы уақытта ушығып кетуі мүмкін», – дейді Палата заңгері.</blockquote>Қызылорда облысы кәсіпкерлер палатасының мекен-жайы: Қызылорда қаласы, Қорқыт ата 123, «Бизнеске арналған Үкімет» ғимаратының 3-қабаты. Байланыс нөмірі 8 /7242/ 40-09-81. &nbsp;

Қазақстан және Қызылорда облысының жаңалықтары