<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қасиетті Қармақшы төрінде ән әуелеп,күй күмбірлеген, жырдан жақұт жауған ғажап күн болды. Қазақтың күміс көмей әншісі, Халық қаһарманы Роза Бағланованың 100 жылдық мерейтойы аясында өнер иесі атындағы ұжым ауданымызға гастрольдік сапармен келді.
Мемлекет басшысы Роза Бағланованың қайталанбас дарын мен көрнекті дауыс иесі екенін, сол үшін халық оны «қазақтың бұлбұлы» деп атап кеткенін айта келе, Роза Бағланованың есімін мәңгі сақтап қалу шараларын қабылдауды тапсырған болатын. Осыған орай, еліміздің басты концерттік ұйымы – Қазақ концертке Роза Бағланованың есімі берілді.
Қорқыт қобызының мәңгілік сарыны қалған, ақындық пен жыраулықтың ақ бесігі болған қасиетті Қармақшы жеріне келген «Қазақконцерт» ұжымы өнерсапарын ең алдымен Қорқыт кесенесіне тағзым етуден бастады.
Одан соң Шәмшат Төлепова атындағы аудандық мәдениет үйінде &#171;Қазақ деген халықтың еркесімін&#187; тақырыбымен өткен гала концертке ұласты.
Мерейлі кеште аудан әкімі Әділбек Бөрібайұлы сөз алып, аудан халқын рухани жігерлендірген өнер ұжымына қармақшылықтар атынан алғысын білдірді.
<blockquote class="wp-block-quote">«Бүгін халықтың рухани тынысын кеңейткен күн болды. Өнерден сусындаған аудан халқының көңілі тағы бір серпілді. Алдағы уақытта да қасиетті Қармақшы ауданы өнер мен мәдениеттің қара шаңырағы саналатын «Қазақконцерт» ұжымына қолдау көрсетуге қашанда әзір. Осындай мазмұнды шараның жоғары деңгейде өтуіне атсалысқан баршаңызға аудан халқының атынан алғысымды айтамын. Сондықтан сіздердің шығармашылықтарыңызға шалқар шабыт, отбастарыңызға бақ-береке тілеймін», &#8212; деп тілектестігін білдірді аудан әкімі. </blockquote>
Қармақшылық өнерсүйер қауым асыға күткен концертте еліміздің ән әлеміндегі жарық жұлдыздары мен халықаралық сахналарда шыңдалған жас өнерпаздары өнер көрсетті.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/308968834_2177748662396028_3789044724421157659_n.jpg" alt="" class="wp-image-168572" srcset="https://kyzylorda-news.kz/wp-content/uploads/2022/10/308968834_2177748662396028_3789044724421157659_n.jpg 1280w, https://kyzylorda-news.kz/wp-content/uploads/2022/10/308968834_2177748662396028_3789044724421157659_n-768x512.jpg 768w" sizes="(max-width: 1280px) 100vw, 1280px" /></figure></div>

Ән падишасы Роза Бағлановаға 100 жыл

Kyzylorda-news.kz. Қызылорда облысында электрондық сауда алаңдары арқылы сұйытылған мұнай газын өткізу кезінде монополиялық жоғары бағаны белгілеуге жол берген «ҚазГерМұнай» БК» ЖШС-не 126,6 миллион теңге көлемінде әкімшілік айыппұл салынды. 
Қызылорда облыстық прокуратурасы Бәсекелестікті қорғау және дамыту агенттігінің Қызылорда облысы бойынша департаменті мамандарымен бірлесіп, «ҚазГерМұнай» БК» ЖШС-не қатысты тексеру жүргізген болатын. Тексеру нәтижесінде заң бұзушылық анықталды.
«Былтыр аталған серіктестік Қызылорда облысы және оңтүстік макро өңір аумағында электрондық сауда алаңдары арқылы сұйытылған мұнай газын өткізу кезінде монополиялық жоғары бағаларды белгілеген. Оны ұстап тұрумен айналысқан. Облыстық соттың қаулысына сәйкес аталған серіктестік бәсекелестікті қорғау саласындағы заңнаманы бұзу бойынша кінәлі деп танылды. Оларға 126,6 миллион теңге көлемінде әкімшілік айыппұл салынды. Монополистік қызметті жүзеге асыру нәтижесінде алынған 881,4 миллион теңге монополиялық табысы мемлекет пайдасына тәркіленді», &#8212; деп мәлім етті Бәсекелестікті қорғау және дамыту агенттігінің Қызылорда облысы бойынша департаменті тергеп-тексеру бөлімінің басшысы Ерлан Кәрібаев.
Серіктестік тарапынан соттың санкциясында көзделген әкімшілік айыппұл мен монополиялық табысты өз еркімен мемлекет бюджетіне төленді.
<a href="https://www.inform.kz/kz/kyzylordada-gaz-otkizude-zan-buzgan-kompaniyaga-ayyppul-salyndy_a3985739">ҚазАқпарат</a>

Қызылордада газ өткізуде заң бұзған компанияға айыппұл салынды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қызылорда облысының әкімі Нұрлыбек Нәлібаев сырбойылық ұстаздар қауымын төл мерекемен құттықтады. 
«Берекелі күздегі қазан айының алғашқы жексенбісінде ұстаздар күнін атап өтіп, ұлағатты мамандық иелеріне арналған салтанатты шараға қатысып, Сыр жұртшылығы атынан ілтипатымды білдірдім. Оқушы жүрегіне ізгілік дәнін сепкен ұлағатты, парасатты жандарды құттықтау &#8212; азаматтық және шәкірттік парызымыз.
Биыл алғаш рет саналы ғұмырын шәкірт тәрбиелеуге арнаған Төлепберген Қасымов пен Марк Подольский ұстаздарымызға облыстың Құрметті азаматы атағын табыстадық. Бұл үрдісті дәстүрге айналдыратын боламыз.
Төл мерекеде еңбегімен елге танылған, абырой арқалап, шәкіртімен мерейі артқан бірқатар ұстаздарға марапат табыстадық. Ал, жыл қорындысымен үздік нәтиже көрсеткен 10 мұғалімге 900 мың теңгеге жуық қаржылай сыйақы беру рәсімін өткіземіз. 
Қадірлі ұстаздар! Мерейлі сәтте барша Сыр ұстаздарын кәсіби мерекесімен құттықтай отырып, терең білімді ерен еңбекпен ұштастырып, Әділетті Қазақстанның перзенттерін жаңашыл, жаңғырған болмыста тәрбиелеуде мықты денсаулық, қажырлы күш- қайрат, отбастарыңызға құт-береке, амандық тілеймін! Төл мерекелеріңіз құтты болсын!», &#8212; деп жазды облыс әкімі.
<div class="wp-block-image"><figure class="aligncenter size-full"><img loading="lazy" width="2048" height="1646" src="https://kyzylorda-news.kz/wp-content/uploads/2022/10/309556024_165075339512288_6533601655631482693_n.jpg" alt="" class="wp-image-168526" srcset="https://kyzylorda-news.kz/wp-content/uploads/2022/10/309556024_165075339512288_6533601655631482693_n.jpg 2048w, https://kyzylorda-news.kz/wp-content/uploads/2022/10/309556024_165075339512288_6533601655631482693_n-768x617.jpg 768w, https://kyzylorda-news.kz/wp-content/uploads/2022/10/309556024_165075339512288_6533601655631482693_n-1536x1235.jpg 1536w" sizes="(max-width: 2048px) 100vw, 2048px" /></figure></div>

Нұрлыбек Нәлібаев: Парасатты жандарды құттықтау &#8212; азаматтық және шәкірттік парызымыз

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Қазақстанда қазаннан бастап бірқатар өзгеріс болады.&nbsp;25 қазан &#8212; Республика күні болып бекітілді. Сондай-ақ, салық, депозит тақырыптарына қатысты да жаңалықтар болады.&nbsp;
Қазанда қазақстандықтар қанша күн демалады?
Президент Қасым-Жомарт Тоқаев кинематография, мәдениет және мерекелер мәселелері бойынша өзгерістер мен толықтырулар енгізу туралы заңға қол қойған еді. Осыған орай&nbsp;25 қазан &#8212; Республика күні болып белгіленді. Ал&nbsp;қазақстандықтар биыл Республика күнінде 3 күн,&nbsp;қазанның 23-25 күндері демалады.
Қазанда ауа райы қандай болады?
Күзге арналған ауа райы болжамына сәйкес, алғашқы екі айда республиканың басым бөлігінде ауа температурасы нормадан 1-2 градусқа жоғары болады деп болжанған. Қыркүйек пен қазанда жауын-шашын мөлшері Қазақстанның басым бөлігінде нормадан аз болады, яғни көбіне құрғақ болады.
Қазанда депозит бойынша ең жоғары көрсеткіш бекітілді
Отбасы банкі 1 қазаннан бастап жылдық пайыздық мөлшерлемені өсіреді. Бұған дейін бұл көрсеткіш 7 пайыз болса, енді 11,5 пайызға дейін көтеріледі. Осы арқылы банк жинақ мәдениетін қалтастыруды көздейді. Бұл туралы QAZAQSTAN телеарнасының сюжетінде айтылған.
&#171;Отбасы банк&#187; өкілдері бұл өзгеріс мемлекеттік бағдарлама арқылы баспана алғысы келетіндерге қатысы жоғын айтқан. Бұл тек аралық тұрғын үй несиесіне сараланған пайыздық мөлшерлемелерге қолданылады. Яғни, үй құнының 50 пайызын жинап, депозитте ай сайын қаражат салмаған, бірақ бірден үй сатып алғысы келетіндерге қатысты болады.
Мүлік салығын төлеу мерзімі аяқталады
1 қазанда жылжымайтын мүлік және жер учаскелерінің меншік иелеріне 2021 жылға есептелген мүлік салығын төлеу мерзімі аяқталады. Дегенмен елімізде 1,7 миллион меншік иесі салық міндеттемесін әлі орындамаған. Бұл туралы ҚР ҚМ Мемлекеттік кірістер комитетінің баспасөз қызметі хабарлаған.&nbsp;Сондықтан ведомство 2022 жылғы 2 қазаннан бастап жеке тұлғалардың салық берешегі туралы хабарламаларды борышкерлерге жібереді.&nbsp;1 айлық есептік көрсеткіштен аса берешек сомалары бойынша хабарлама жіберілген соң отыз жұмыс күнінен кейін берешекті мәжбүрлеп өндіріп алу туралы салық бұйрығы жіберіледі. Бұл салық бұйрығы 5 жұмыс күні өткеннен кейін жеке сот орындаушыларына мәжбүрлеп өндіріп алу үшін беріледі. Жеке сот орындаушылары берешек сомасынан басқа шоттарға тыйым салу секілді қолайсыздықтарды айтпағанда, салық берешегі сомасының 25 пайызына дейінгі мөлшерде қосымша төлемді өндіріп алады.
Тауар тасымалдау ережелері өзгереді
Маңғыстау облысы Мемлекеттік кірістер департаменті мәліметінше, 2022 жылғы 1 қазаннан бастап жеке тұлғалардың қолдануына арналған тауарды бажсыз әкелу нормасы төмендеген. 2022 жылғы 28 сәуірден бастап қолданыста болған норманы ұлғайту туралы уақытша шешімнің күші жойылады.&nbsp;
&#171;1 қазаннан бастап шекараны кесіп өтетін азаматтар 500 евродан аспайтын (қазір &#8212; 1000) және салмағы 25 келіден аспайтын (қазір &#8212; 31 келі) тауарды бажсыз әкеле алады. Көрсетілген шектен асқан жағдайда құнның 30 пайызы мөлшерінде баж төлеу керек, мөлшерінен асса, 1 келі үшін кемінде 4 еуро төлеу керек&#187;, &#8212; деп түсіндірген Департамент өкілдері.
Тасымалдаушы жеткізетін немесе Еуразиялық экономикалық одақтың кедендік аумағына халықаралық пошта жөнелтілімдері арқылы жіберілетін жеке пайдалануға арналған тауарға қатысты 2022 жылғы 1 қазаннан бастап тауардың құн шарттары 1000-нан 200 еуроға дейін төмендейді. Бұл жағдайда салмақ шегі қолданыстағы шекте қалады, яғни 31 келіге дейін.
Темекі тасымалдауға қатысты шекті мөлшер де өзгеріссіз қалады &#8212; 200 темекі немесе 50 сигара (сигарилла) немесе 250 грамм табака. Сонымен қатар, 18 жасқа толған бір жеке тұлғаға есептегенде, жалпы салмағы 250 граммнан аспайтын тізімде көрсетілген өнімдер болады.
Алкогольді бажсыз әкелу нормасы өзгеріссіз қалады, 18 жасқа толған бір жеке тұлғаға есептегенде, 3 литрге рұқсат беріледі.
20 мың теңгелік жаңа банкнот айналымға шығады
1 қазаннан бастап Ұлттық банк номиналдық құны 20 мың теңгелік банкнотты айналымға шығарады.
Банкнот айналымдағы ақша белгілерімен бірыңғай стильде жасалған. Мысалы, бет жағында көбіне тігінен орындалған бейнелер, сырт жағында көлденең орындалған бейнелер орналасқан. Дизайны номиналдың голографиялық бейнесі тігінен орналасқан металсыздандырылған жолақты қолдана отырып жасалған.
Банкноттың 25 қорғаныш элементі бар, мөлшері 155х79 мм және сұр түске басымдық берілген.
<a href="https://massaget.kz/basty-zhaalytar-438/72607/">Massaget</a>

Қазақстанда қазаннан бастап не өзгереді?

Kyzylorda-news.kz. Жыл сайын елімізде қазанның алғашқы жексенбісі ұстаздар күні мерекесі ретінде аталып өтеді, деп хабарлайды ҚазАқпарат.
Ұстаз – қасиетті ұғым. Ұлы Абай «Адамның адамгершілігі жақсы ұстаздан» деген болатын.
Ал Ыбырай Алтынсарин «Мен үшін жақсы мұғалім бәрінен де артық, өйткені мұғалім – мектептің жүрегі» дейді.
Еске салсақ, ұстаздар күні мерекесі 1965 жылы 29 қыркүйекте КСРО Жоғарғы Кеңесі Президиумының бұйрығымен бекітілген.
ҚР Ұлттық статистика бюросының дерегіне сәйкес, 2021-2022 оқу жылында елімізде 555 014 педагог еңбек еткен.
Былтырғы оқу жылының басында мектепке дейінгі ұйымдардағы педагог саны 96 723 адамды құрады, оның ішінде:
30 жасқа дейінгі педагогтер – 22,7% (21 931 адам)
30-дан 39 жасқа дейінгі педагогтер – 32,4% (31 363 адам)
40-тан 49 жасқа дейінгі педагогтер &#8212; 26,1% (25 259 адам)
50-ден 59 жасқа дейін – 16,2% (15 662 адам)
50 жастан жоғары – 2,6% (2 508 адам)
зейнеткерлік жаста – 2,5% (2 445 адам).
Ал жалпы білім беретін мектеп ұстаздарының саны өткен оқу жылында 385 830 адамды құрады, оның ішінде 80% астамы &#8212; әйел (311 623 адам).
Сондай-ақ, ұлттық бюроның мәліметі бойынша елімізде 36 378 педагог жоғары оқу орнында еңбек етіп жатыр.
Енді ұстаздар қауымына қатысты Қазақстанда іске асып жатқан реформалар мен жаңашылдықтарға тоқталып өтсек. Биыл Мемлекет басшысының тапсырмасы бойынша мұғалімдердің еңбекақысы&nbsp;<a rel="noreferrer noopener" href="https://www.inform.kz/kz/prezident-tapsyrmasy-oryndalyp-ustazdardyn-zhalakysy-artty_a3911030" target="_blank">25 пайызға артты</a>. Бұл мақсатта алдағы үш жылда 1,2 трлн теңге бөлінетіні айтылды.
Бұдан бөлек, Президент биыл Қазақстан халқына Жолдауында педагогикалық жоғары оқу орындарын аккредиттеудің жаңа стандарты қабылданатынын айтты.
<blockquote class="wp-block-quote">«Жаңа Қазақстанды құру ісінде мұғалімдердің рөлі айрықша екені сөзсіз. Мемлекетімізде соңғы жылдары ұстаз мамандығының абырой-беделін арттыру үшін көп жұмыс жасалды. Дегенмен бұл бағытта әлі де біршама өзгерістер қажет. Педагогикалық жоғары оқу орындарын аккредитациялаудың жаңа стандарты қабылданады. Сондай-ақ ұстаздардың құзырет аясы айқындалады. Жаһандық ғылыми-техникалық даму барысын ескерсек, жоғары сыныптарда жаратылыстану-математика пәндерін және ағылшын тілін оқытуды барынша күшейту маңызды», &#8212; деген еді Қасым-Жомарт Тоқаев.</blockquote>

Бүгін Қазақстанда ұстаздар мерекесі тойланады

Kyzylorda-news.kz. Қазгидромет синоптиктері 2 қазан, жексенбіге арналған ауа райы болжамын ұсынды.
Қазақстанның басым бөлігіне солтүстік антициклон ықпал етеді, сондықтан жауын-шашын жаумайды.
Тек еліміздің батысы, оңтүстік-шығысында атмосфералық фронттардың әсерінен жаңбыр, оңтүстік-шығыстың таулы аудандарында жауын-шашын (жаңбыр, жылбысқы қар) жауады.
Республика бойынша кей жерлерде жел күшейеді, батыста, шығыста, оңтүстік-шығыста тұман, оңтүстікте шаңды дауыл соғады.
Түркістан, Қызылорда облыстарының басым бөлігінде төтенше өрт қаупі сақталады, Қарағанды, Ұлытау облыстарының басым бөлігінде, Ақтөбе, Қостанай, Солтүстік Қазақстан облыстарының оңтүстігінде, Павлодар облысының орталығында, Алматы, Жамбыл, Шығыс Қазақстан облыстарының батысында төтенше өрт қаупі сақталады.
Түркістан, Қызылорда облыстарының солтүстігінде, Жамбыл облысының солтүстігі мен таулы аудандарында топырақ бетінде 1-3 градус үсік жүреді.

Жексенбіге арналған ауа райы болжамы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазалы ауданында Халықаралық қарттар мерекесіне орай салтанатты шара өтті.
Салтанатты шараға тыл еңбеккерлері, еңбек ардагерлері мен Қазалы ауданының құрметті азаматтары және көп балалы аналар қатысты.
Мерекелік шарада аудан әкімі Мұхтар Оразбаев құттықтау сөз сөйлеп, игі тілегін жеткізді.
Өмірінің көп бөлігін қоғамның әр саласында қажырлы еңбек етуге арнаған ардагерлерге аудандық ардагерлер кеңесінің төрағасы Оразғали Бекбанов та жылы лебізін білдірді.
Мерекелік шара барысында «Өнеге көрсету үлкеннен, үлгі алу жастардан» атты жаңа кітаптың тұсауы кесіліп, оқырмандарға жол тартты. Кітаптың авторы аудандық ардагерлер кеңесінің төрағасы Оразғали Достанұлы Бекбанов.
Ізгі тілектерден кейін еңбегімен еленіп, ел болашағы үшін аянбай тер төккен бірқатар ардагерлерге «Қазақстан ардагерлер ұйымына 35 жыл» мерекелік медалімен марапатталып, «Amanat» партиясы Қазалы аудандық филиалы мен Қызылорда облыстық ардагерлер кеңесінің «Құрмет Грамотасы», республикалық ардагерлер ұйымы мен аудан әкімінің «Алғыс хаттары» табысталды.
Қариялардың мерейін үстем еткен көңілді кеште аудандық мәдениет орталығының өнерпаздары ән-күйден шашу шашып, арнайы сыйлықтар ұсынылды.
<div class="wp-block-image"><figure class="aligncenter size-full"><img loading="lazy" width="1225" height="1280" src="https://kyzylorda-news.kz/wp-content/uploads/2022/10/308741802_3470255663195356_2545818532607323339_n.jpg" alt="" class="wp-image-168564" srcset="https://kyzylorda-news.kz/wp-content/uploads/2022/10/308741802_3470255663195356_2545818532607323339_n.jpg 1225w, https://kyzylorda-news.kz/wp-content/uploads/2022/10/308741802_3470255663195356_2545818532607323339_n-768x802.jpg 768w" sizes="(max-width: 1225px) 100vw, 1225px" /></figure></div>

Қазалы ауданында қарттарға құрмет көрсетілді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қазақ қоғамында ақсақалдар – елдік пен өнегелі өмір тәжірибесінің қайнар көзі. Қарттар қашанда елді береке-бірлікке, ырыс-ынтымаққа жұмылдыра білген. Халықтың «Ауылыңда қартың болса, жазып қойған хатпен тең», «Қариясы бар елдің – қазынасы бар» деген сөздерінің мәнісі – ақылдың кені, қазыналы қарттарды құрметтеу, ақсақалдар қауымын ардақтау болып табылады.
Бүгін 1 қазан – Халықаралық қарттар күні мерекесіне орай аудан әкімдігінің мәжіліс залында аудан әкімі Әділбек Ерсұлтанов ауданымыздың ардагерлерімен және тыл еңбеккерлерімен кездесті. Кездесуде сөз алған аудан әкімі Әділбек Бөрібайұлы ардагерлерді құттықтап, ізгі лебізін жеткізді.
<blockquote class="wp-block-quote">«Үлкенді сыйлау, оларға құрмет көрсету ата-бабадан келе жатқан салтымыз. Сіздердің өмірлік тәжірибелеріңіз бен ақыл-кеңестеріңіз, тәлім-тағылымдарыңыздың біз үшін орны бөлек. Себебі, әрқайсыларыңыздың еліміздің өсіп-өркендеуіне қосқан үлестеріңіз бен еңбектеріңіз ерен. Бүгінде еңбектеріңіздің зейнетін көріп отырған шақта Сіздерге мықты денсаулық, ұзақ-ғұмыр, отбастарыңызға береке-бірлік, амандық тілеймін», &#8212; деді.</blockquote>
Сонымен қатар аудандық ардагерлер ұйымының төрағасы Мереков Асқар, «Ұлт бірлігі &#8212; Қармақшы» қоғамдық Бірлестігінің төрағасы Шегебай Құндақбаев, қоғамдық кеңес төрағасы Әбдірахман Құлдүйсенов сөз сөйлеп, мерейлі мерекемен барша жиналған ардагерлерді құттықтап, ауданымыздағы ардагерлер үшін атқарылып жатқан ауқымды шараларға өзіндік алғысын жеткізді.
Сондай-ақ мерекелік қабылдаудан кейін аудан ардагерлері күллі түркі елінің абызы Қорқыт ата кешеніне және үш жүзге пір болған Марал Ишан кесенесіне зиярат етіп, құран бағыштады. Сонан соң мерейлі мереке құрметіне ардақты ардагерлеріміз үшін арнайы ас берілді.
<div class="wp-block-image"><figure class="aligncenter size-full"><img loading="lazy" width="1599" height="1066" src="https://kyzylorda-news.kz/wp-content/uploads/2022/10/308944168_2177492682421626_8359587934575286749_n.jpg" alt="" class="wp-image-168578" srcset="https://kyzylorda-news.kz/wp-content/uploads/2022/10/308944168_2177492682421626_8359587934575286749_n.jpg 1599w, https://kyzylorda-news.kz/wp-content/uploads/2022/10/308944168_2177492682421626_8359587934575286749_n-768x512.jpg 768w, https://kyzylorda-news.kz/wp-content/uploads/2022/10/308944168_2177492682421626_8359587934575286749_n-1536x1024.jpg 1536w" sizes="(max-width: 1599px) 100vw, 1599px" /></figure></div>

Қармақшыда қарттар күні кең көлемде аталып өтті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жалағаш ауданының әкімі Асқарбек Есжанов білім саласының қызметкерлерімен кездесті. 
Кездесуде Мемлекет басшысы Қасым-Жомарт Тоқаевтың Жолдауындағы білім саласына қатысты мәселелер кеңінен талқыланды.
Жалағаш ауданы бойынша білім бөлімінің басшысы Талғат Садықов білім саласы бойынша атқарылған жұмыстарды баяндады.
Аудан басшысы сондай-ақ, алдағы уақытта №123 мектеп-лицей жанынан қосымша құрылысын салу жұмыстары жүргізілетінін, Оқушылар Үйі мен әуез мектебінің жаңа ғимараты жақын күндері пайдалануға берілетінін жеткізді.
Мәжілісте Асқарбек Темірбекұлы білім бөлімінің басшысына аудандық полиция бөлімімен бірлесіп, балалардың қауіпсіздігін қамтамасыз етуді қатаң тапсырды.
Сонымен қатар, зейнет жасына толатын мұғалімдер зейнеткерлікке шыққаннан кейін мектеп басшылары мұғалімдерді қабылдауда белгіленген нормаларды қатаң сақтап, біліктілігі жоғары мамандарды қабылдау қажеттігін де атап өтті. Білім бөлімінің қызметкерлерінен бастап, есепшілер, білім беру ұйымдарының басшылары, мектеп директорының орынбасарлары сыбайлас жемқорлықты болдырмау бағытында қатаң шаралар атқарулары тиіс екендігін де атап өтті. Сағат бөлінісін жасауда мектеп басшылары, оқу ісінің меңгерушілері сыбайлас жемқорлыққа жол бермеу қажеттігін тапсырды.
Қазіргі таңда тиісті министрлік талаптарына сәйкес ауданда білім беру ұйымдарының басшыларын ротациялау жұмыстары жүргізілуде.
Асқарбек Есжанов мектеп басшылары, балабақша меңгерушілерімен қатар, мектеп директорларының орынбасарларын да ротациялау жұмыстарын жүргізу қажеттігін тапсырды.
Жиналыста мектеп статусы, есепшілердің жұмысы, мемлекеттік сатып алу жұмыстары, білім беру ұйымдарындағы кәсіподақтар, ыстық тамақпен қамту мәселесі, тәрбие жұмысы, мектеп психологтарының жұмысы айтылды. Білім саласына қатысты қамтылмаған мәселелер қалмады. Асқарбек Есжанов білім беру саласының қызметкерлерімен ашық пікір алмасып, ұсыныс-пікірлерін тыңдап, алдағы жұмыстарына сәттілік тіледі.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/310108462_1548366662282073_7295255107239854550_n.jpg" alt="" class="wp-image-168589" srcset="https://kyzylorda-news.kz/wp-content/uploads/2022/10/310108462_1548366662282073_7295255107239854550_n.jpg 1280w, https://kyzylorda-news.kz/wp-content/uploads/2022/10/310108462_1548366662282073_7295255107239854550_n-768x512.jpg 768w" sizes="(max-width: 1280px) 100vw, 1280px" /></figure></div>

Жалағаш ауданының әкімі білім саласының қызметкерлерімен кездесті

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Қармақшы ауданының әкімі Әділбек Ерсұлтанов төрағалығымен аудан әкімдігі жанындағы құқық бұзушылық профилактикасы жөніндегі ведомствоаралық комиссиясының кезекті мәжілісі өтті.
Отырысқа комиссия мүшелері, құқық қорғау органдарының басшылары, бөлім басшылары және кент, ауылдық округі әкімдері бейнебайланыс арқылы қосылып отырды.
Отырыстың күн тәртібінде аудан жастары арасында құқық бұзушылықтардың алдын-алу жұмыстарының барысы, аудандық полиция бөлімінің жергілікті полиция қызметінің атқарып жатқан жұмыстарына аудан тұрғындары арасында жүргізілген әлеуметтік сауалнамалар қорытындысы және Қармақшы ауданы аумағындағы Батыс Еуропа-Батыс Қытай автодәлізі бойында орналасқан ауылдық округ әкімдерінің жол көлік оқиғаларының алдын алу бағытында атқарып жатқан шаралары туралы мәселелер қаралды.
Жиында аудан басшысы қоғамда құқық бұзушылықпен күресуді тұрақты жүргізуіміз керек екенін, құқық бұзушылықтың алдын алу және оны болдырмауға немқұрайлы қарау – ол әр түрлі қылмыстарға жол ашуға бірден-бір себеп екенін жеткізді.
Сондай-ақ, аудан бойынша 2022 жылғы 8 айдың қорытындысына сәйкес, жалпы қылмыстар саны былтырғы жылмен салыстырғанда азайғанын атап өтті.
Мәжіліс қорытындысымен аудан әкімі күн тәртібінде көтеріліп отырған мәселелерге байланысты комиссия мүшелерінің ұсыныс-пікірлерін тыңдап, тиісті сала басшыларына тапсырмалар жүктеді.
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/10/308840505_2176604092510485_869494946529862597_n.jpg" alt="" class="wp-image-168584" srcset="https://kyzylorda-news.kz/wp-content/uploads/2022/10/308840505_2176604092510485_869494946529862597_n.jpg 1280w, https://kyzylorda-news.kz/wp-content/uploads/2022/10/308840505_2176604092510485_869494946529862597_n-768x512.jpg 768w" sizes="(max-width: 1280px) 100vw, 1280px" /></figure></div>

Әділбек Ерсұлтанов: Қоғамда құқық бұзушылықпен күресуді тұрақты жүргізуіміз керек

Kyzylorda-news.kz. Қызылорда өңірінде педагог қауымға көрсетілер сый-құрмет жоғары. Жыл сайын шипажайларға жолдама беру, үздіктерге төсбелгі тағу, қаржылай сыйақы тағайындау өңірдегі мұғалімдердің мәртебесін арттырып келеді. Ал, биыл өңірде алғаш рет шәкірт тәрбиелеуде ұлттық ұстанымды биік қойып, ұстаздық қызметте табанды тер төккен 2 ардагер ұстазға Қызылорда облысының Құрметті азаматы атағы берілді.
Бүгін облыс әкімі Нұрлыбек Нәлібаев ұстаздарды төл мерекесімен құттықтап, аймақ дамуына қосқан үлестері үшін алғысын білдіріп, ыстық ықыласын арнады.
<blockquote class="wp-block-quote">«Біз әрдайым Отанымыздың адал әрі абзал азаматтарын, шынайы патриоттарын тәрбиелейтін, Әділетті Қазақстанның жаңа буынын білім бәйгесіне қосатын ұстаздар қауымын ерекше қадірлейміз.Сәт сайын жаңарып, беталысы күнде өзгерген алмағайып дүниеде адамзат үшін ешқашан өзгермейтін құндылықтар бар. Ол – білім! Ол – еңбек! Бұл қос құндылықты да ұштастыра білген ұстаздардың қоғам алдындағы орны ерек, мәртебесі мерейлі! Мұғалімдерді әлеуметтік көтермелеу мәселесін назардан тыс қалдырмаймыз. Ел Президенті халықаралық пән олимпиадаларының жеңімпаздарына бір реттік қаржылай сыйақы тағайындады. Балалардың ұстаздарын да моральдық және материалдық тұрғыдан ынталандырды.Біз де өз тарапымыздан дарынды балаларды қолдау саясатын лайықты деңгейде жалғастыратын боламыз», &#8212; деді Нұрлыбек Нәлібаев.</blockquote>
Салтанатты жиында облыс әкімі жыл қорытындысымен еңбегімен көзге түсіп, шәкіртімен білім бәсекесінде топ жарған 10 ұстазға 900 мың теңгенің қаржылай сертификаты табысталатынын жеткізді.
Сыр елінің үлгілі ұстаздарына ҚР Оқу-ағарту министрлігі мен облыс әкімінің атынан марапат табысталды. Бірқатар облыс педагогына «Алтынсарин» төсбелгісі, «Қазақстан Республикасы Оқу-ағарту министрлігінің «Білім беру ісінің құрметті қызметкері» құрметті атағы, «Қызылорда облысының білім беру саласын дамытудағы еңбегі үшін жергілікті ерекшілік белгісі» мен облыс әкімінің Құрмет грамотасы және Алғыс хаты табысталды. Ал, Ұлттық біріңғай тестілеу көрсеткіші бойынша республика көлемінде «Үздік 100 мектеп» қатарына енген және үздік білім беру ұйымдарының педагогтарына ноутбук берілді.
Нартай Бекежанов атындағы мемлекеттік қазақ академиялық драма театрында өткен мерекелік іс-шарада ұстаз тағылымын театрландырылған қойылым аша түсті. Салтанатты кеш жергілікті өнер қайраткерлерінің концертімен аяқталды. 
<div class="wp-block-image"><figure class="aligncenter size-full"><img loading="lazy" width="1080" height="798" src="https://kyzylorda-news.kz/wp-content/uploads/2022/10/fb_img_1664629009911.jpg" alt="" class="wp-image-168489" srcset="https://kyzylorda-news.kz/wp-content/uploads/2022/10/fb_img_1664629009911.jpg 1080w, https://kyzylorda-news.kz/wp-content/uploads/2022/10/fb_img_1664629009911-768x567.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="709" src="https://kyzylorda-news.kz/wp-content/uploads/2022/10/fb_img_1664629014071.jpg" alt="" class="wp-image-168490" srcset="https://kyzylorda-news.kz/wp-content/uploads/2022/10/fb_img_1664629014071.jpg 1080w, https://kyzylorda-news.kz/wp-content/uploads/2022/10/fb_img_1664629014071-768x504.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="689" src="https://kyzylorda-news.kz/wp-content/uploads/2022/10/fb_img_1664629018242.jpg" alt="" class="wp-image-168491" srcset="https://kyzylorda-news.kz/wp-content/uploads/2022/10/fb_img_1664629018242.jpg 1080w, https://kyzylorda-news.kz/wp-content/uploads/2022/10/fb_img_1664629018242-768x490.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="881" src="https://kyzylorda-news.kz/wp-content/uploads/2022/10/fb_img_1664629020747.jpg" alt="" class="wp-image-168492" srcset="https://kyzylorda-news.kz/wp-content/uploads/2022/10/fb_img_1664629020747.jpg 1080w, https://kyzylorda-news.kz/wp-content/uploads/2022/10/fb_img_1664629020747-768x626.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="807" src="https://kyzylorda-news.kz/wp-content/uploads/2022/10/fb_img_1664629189168.jpg" alt="" class="wp-image-168496" srcset="https://kyzylorda-news.kz/wp-content/uploads/2022/10/fb_img_1664629189168.jpg 1080w, https://kyzylorda-news.kz/wp-content/uploads/2022/10/fb_img_1664629189168-768x574.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="638" src="https://kyzylorda-news.kz/wp-content/uploads/2022/10/fb_img_1664629194500.jpg" alt="" class="wp-image-168497" srcset="https://kyzylorda-news.kz/wp-content/uploads/2022/10/fb_img_1664629194500.jpg 1080w, https://kyzylorda-news.kz/wp-content/uploads/2022/10/fb_img_1664629194500-768x454.jpg 768w" sizes="(max-width: 1080px) 100vw, 1080px" /></figure></div>
<div class="wp-block-image"><figure class="aligncenter size-full"><img loading="lazy" width="1080" height="900" src="https://kyzylorda-news.kz/wp-content/uploads/2022/10/fb_img_1664629197304.jpg" alt="" class="wp-image-168498" srcset="https://kyzylorda-news.kz/wp-content/uploads/2022/10/fb_img_1664629197304.jpg 1080w, https://kyzylorda-news.kz/wp-content/uploads/2022/10/fb_img_1664629197304-768x640.jpg 768w" sizes="(max-width: 1080px) 100vw, 1080px" /></figure></div>

Қызылордада ұстаздар марапатталды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Бүгін Арал ауданының орталығында 1 қазан – Қарттар күніне арналған салтанатты шара өтті. Мерекелік кешке әр салада еселі қызмет еткен еңбек ардагерлері, тыл ардагерлері мен зейнеткерлер қатысты.
Жиында алдымен сөз алған аудан әкімі Серік Сермағамбетов ардагерлерді төл мерекелерімен құттықтады.
<blockquote class="wp-block-quote">«Қария &#8212; ағып жатқан дария, телегей теңіз іспеттес. Теңіздің тұнығы, дарияның тазалығы қандай болса, бізде өздеріңізді сондай деп білеміз. Бүгінде ата-әжелеріміз әр шаңырақта немере-шөбелеріне өзінің ақылын айтып, тәлімді тәрбиесін беріп, ұлағатты ұғымдарды сіңіріп отыр. Қай кезде де, небір сын сағатта да халқына сүйеу, жұртына қамқор болатын қарттарымыз аман болсын. Сіздерді бүгінгі мерекелеріңізбен шын жүректен құттықтай отырып, дендеріңізге саулық, ұзақ-ғұмыр, әулеттеріңізге амандық, ырыс-несібе тілеймін!»,-деді аудан әкімі Серік Сағитжанұлы.</blockquote>
Әр әулеттің саялы бәйтерегіне айналған, ұлағатты ұрпақ тәрбиелеп, ұлттық мүдде жолында елеулі еңбек еткен ардагер ақсақалдар мен ақжаулықты аналар бұл жиында аудан әкімінің құттықтау хатымен марапатталды. 
Шара одан әрі қарттар күніне арналған ұлттық би мен дәстүрлі әндер легімен жалғасты.
Мұнан соң аудан әкімі Серік Сағитжанұлы Қазақстан Республикасына еңбегі сіңген мәдениет қайраткері, Арал ауданының құрметті азаматы, ардагер-журналист Шәкірат Дәрмағамбетовты арнайы құттықтады. Абыз ақсақалды төл мерекесіне орай алғыс хатпен марапаттап, ізгі лебізін білдірді.
<div class="wp-block-image"><figure class="aligncenter size-full"><img loading="lazy" width="2048" height="1365" src="https://kyzylorda-news.kz/wp-content/uploads/2022/10/310141272_3375510542777308_2304522847180709281_n.jpg" alt="" class="wp-image-168537" srcset="https://kyzylorda-news.kz/wp-content/uploads/2022/10/310141272_3375510542777308_2304522847180709281_n.jpg 2048w, https://kyzylorda-news.kz/wp-content/uploads/2022/10/310141272_3375510542777308_2304522847180709281_n-768x512.jpg 768w, https://kyzylorda-news.kz/wp-content/uploads/2022/10/310141272_3375510542777308_2304522847180709281_n-1536x1024.jpg 1536w" sizes="(max-width: 2048px) 100vw, 2048px" /></figure></div>

Қазақстан және Қызылорда облысының жаңалықтары

Ән падишасы Роза Бағлановаға 100 жыл

Қызылордада газ өткізуде заң бұзған компанияға айыппұл салынды

Нұрлыбек Нәлібаев: Парасатты жандарды құттықтау — азаматтық және шәкірттік парызымыз

Қазақстанда қазаннан бастап не өзгереді?

Бүгін Қазақстанда ұстаздар мерекесі тойланады

Жексенбіге арналған ауа райы болжамы

Қазалы ауданында қарттарға құрмет көрсетілді

Қармақшыда қарттар күні кең көлемде аталып өтті

Жалағаш ауданының әкімі білім саласының қызметкерлерімен кездесті

Әділбек Ерсұлтанов: Қоғамда құқық бұзушылықпен күресуді тұрақты жүргізуіміз керек

Қызылордада ұстаздар марапатталды

Арал аудананың әкімі қарттарды құттықтады

Қазақстан және Қызылорда облысының жаңалықтары

Ән падишасы Роза Бағлановаға 100 жыл

Қызылордада газ өткізуде заң бұзған компанияға айыппұл салынды

Нұрлыбек Нәлібаев: Парасатты жандарды құттықтау &#8212; азаматтық және шәкірттік парызымыз

Қазақстанда қазаннан бастап не өзгереді?

Бүгін Қазақстанда ұстаздар мерекесі тойланады

Жексенбіге арналған ауа райы болжамы

Қазалы ауданында қарттарға құрмет көрсетілді

Қармақшыда қарттар күні кең көлемде аталып өтті

Жалағаш ауданының әкімі білім саласының қызметкерлерімен кездесті

Әділбек Ерсұлтанов: Қоғамда құқық бұзушылықпен күресуді тұрақты жүргізуіміз керек

Қызылордада ұстаздар марапатталды

Арал аудананың әкімі қарттарды құттықтады

Нұрлыбек Нәлібаев: Парасатты жандарды құттықтау — азаматтық және шәкірттік парызымыз