<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Аққыр ауылындағы №188 орта мектеп ұжымы жыл сайын жаңа оқу жылын жақсы нәтижемен қорытындылауда. Оған түлектердің жоғары оқу орындарына оқуға түсуі дәлел. Ал жуырда күрделі жөндеуден өткен зәулім ғимарат білім қуған оқушылардың қажетіне жарауда.&nbsp;
 Мектеп директорының оқу ісі жөніндегі орынбасары Гүлмира Алимова ауыл мектебінде балалардың білім алуында ешқандай мәселе жоқ екенін айтады. Сондай-ақ ол жыл сайын білім алатын оқушылар қатарында айтарлықтай өсім болып жатқанын да жасырмады.&nbsp;
<blockquote> «Иә, біз – аудан орталығынан шалғайда жатқан елді мекенбіз. Дегенмен мемлекеттің ауылдық елді мекендерді, ондағы әлеуметтің әлеуетін жақсартуға бағытталған барлық қолдауынан құр қалып жатқанымыз жоқ. Өткен жылдары өзіміз жұмыс жасайтын, шәкірттер білім алатын осы мектеп ғимаратына күрделі жөндеу жұмыстары жүргізілді. Аудан және облыс орталығынан шалғайда демесеңіз, бізге де қажетті заманауи құрал-жабдықтармен жабдықталған жаңа зәулім нысанда жұмыс жасаған ұнайды. Оған мемлекет қолдау көрсетіп отыр. Осындай үлкен қолдау барда біздің алдымыздағы жауапкершілік те еселенетінін жақсы білеміз. Сондықтан шәкірт тәрбиелеуде шабытынымызды еселеп, жеткен жетістікке тоқмейілсімей, одан да жоғары нәтижеге кол жеткіземіз», – дейді Гүлмира Әбдіразаққызы. &nbsp;</blockquote>
№188 орта мектеп былтыр оқу жылын 155 оқушымен бастаған. Оның жетеуі – мектеп бітіруші. Ал ұлттық бірыңғай тестілеу нәтижесі ұстаздардың жемісті еңбек еткенін аңғартады. Мәселен, былтыр бұл мектептен түлеген 7 оқушы да ҰБТ-ға қатысып, жеті оқушының алтауы еліміздегі жоғары оқу орындарында білім алуға мемлекеттік грант жеңіп алса, біреуі облыс әкімінің грантына ие болған.&nbsp;
 Айта кетейік, биыл Аққырдағы №188 орта мектеп жаңа оқу жылын 167 оқушымен бастаған. Биыл алғаш ауылдағы алтын ұяның табалдырығын 23 бала аттап отыр. Былтыр 1 сыныпқа қабылданған балалар саны 17 болған.&nbsp; Аққырдағы ертеректе іргетасы қаланған білім ордасы 30 жылдан аса уақыт күрделі жөндеу көрмеген. Осыдан 2-3 жыл бұрын мемлекеттік бағдарлама игілімен 200 млн теңгеден астам қаражатпен көне нысан қайта жаңарды. Білім ұясының шатыры жаңартылып, есік-терезелері заманауи құрылыс материалына ауыстырылған. Ғимараттың ішінен дәретхана салынып, су, кәріз жүйелері жүргізілген. Тозығы жеткен электр жүйесі жаңаланған. Ішкі қабырғалары қайта сыланып, жаңа еден төселген. Нысанның сыртқы қабырғалары металл сайдингпен қапталған. Аулаға брусчатка, асфальт төселіп, абаттандыру жұмыстары жасалған. Мердігер мекеме білім нысанының сыртынан да дәретхана жасаған. Сыртқы есік &nbsp;жанынан мүгедектер арбасы еркін сиятын арнайы пандус салынған. Мектеп ғимаратының алдына да балалар демалатын жайлы орындықтар орнатылған. &nbsp;
 Биыл Аққырдағы орта мектепті 9 бала тәмамдайды. Олардың барлығы бүгінде ұлттық бірыңғай тестілеуде бақ сынауға ниетті. Мектеп директоры Гүлбану Орынбаева түлектерден айына екі рет ҰБТ-ға дайындық мақсатында тест алынатынын айтады. Бастысы білікті мұғалімдерден құралған бұл ұжымның бәсекеге қабілетті ұрпақ тәрбиелеудегі еңбектерінде нәтиже бар. &nbsp;
<img src="https://knadmin.beoblood.kz/uploads/19_4d09c84268.jpg" alt="19.jpg">
<img src="https://knadmin.beoblood.kz/uploads/18_f773b59cec.jpg" alt="18.jpg">

Білім ордасының жұмысы жүйелі

<a href="https://kyzylorda-news.kz/">Kyzylorda-news.kz.</a> Ш.Уәлиханов атындағы Тарих және этнология институтында «Кеңестік Қазақстандағы әлеуметтік және этникалық қақтығыстар тарихы: методологиялық мәселелер» тақырыбында ғылыми-әдістемелік семинар өтті.&nbsp;
AP09259347 «Кеңестік Қазақстан: әлеуметтік және этникалық қақтығыстар тарихының тағылымы (1920-1991 жж.)»жобасын жүзеге асыру шеңберінде өткізілген семинарда Кеңес өкіметі үстемдік еткен жылдары барынша жасыруға күш салынған этносаралық шиеленіс сипатына ие болған, әлеуметтік себептерден туындаған қақтығыстарды зерттеудің ғылыми, әдістемелік мәселелері талқыланды @ХХ ғасырдың 30-жылдары ашаршылықтан және түрлі індеттерден қырылған халық, ұлт саясаты, әлеуметтік саладағы және экономика жүргізілген ауытқуларға қарсы бас көжтеруге. Большевиктік билік орын алған шаруалар көтерілістерін қарақшылық-басмашылық бас көтерулердің қатарына жатқызып, оларды барынша қаралап, әшкерелеу бағытында үгіт-насихат жүргізді.&nbsp;
Соғыстан кейінгі 50-60 жылдарда орын алған әлеуметтік қақтығыстардың ішінен Теміртау, Шымкент көтерілістері, 80-жылдардағы &nbsp;Жаңаөзен, Ұзынағаш, Алматы бас көтерулері қазірге дейін тиянақты зерттеуді күтуде. Семинар барысында «1959 жылғы Теміртау көтерілісі»тақырыбында сөз алған Ш.Ш.Уәлиханов атындағы тарихжәне этнология институтының бас ғылыми қызметкері, тарих ғылымдарының кандидаты Қ.Алдажұманов Теміртаудағы бас көтерудің басты себебі әлеуметтік мәселелер болғанын атап көрсетті.
<blockquote>«Теміртау көтерілісі барысында 16 адам қаза болған. Олардың ішінде жалғыз қазақ жігіті бар. Мәскеу архивтеріндегі ісін алып қарағанымда, Әшімхан Дарымбаев 1937 жылы туған, Теміртаудағы металлургия заводына слесарьдің көмекшісі болып барғанына 3-4 күн ғана болған екен. Теміртау көтерілісін басуға әкелінген мұздай құрсанған әскерилердің легін бұзу үшін руліне Ә. Дарымбаевты отырған «МАЗ» жүк автокөлігі бағытталған. Әскерилер 10 метрге таяп келген көлікке қарсы автоматпен оқ жаудырып, жүргізуші мерт болған» - дейді Қ.Алдажұманов.</blockquote>
&nbsp;Теміртау көтерілісінен кейін жаппай тазалау жүргізіліп, Қарағанды обыстық партия комитетінің 1-хатшысы Беляев, облыстық кеңес атқару комитетінің төрағасы Қаркеновтер қызметінен алынған. Баяндамашының мәліметінше, Теміртау көтерілісі бойынша тергеу жұмыстарына Қарағанды облыстық мемелекеттік қауіпсіздік комитетінің тергеу бөлімінің бастығы капитан Қылдыбаев басшылық жасаған. Көтеріліс бойынша материалдарды саралағанда дәл осы Қылдыбаевтың Теміртаудағы оқиғалардың қарсаңында метталургия заводында қауіпті ахуал қалыптасып келе жатқанын ескертіп, жоғарыға жолдаған 7-8 құпия хаты болғаны анықталған.Қылдыбаевқа осы үшін мерзімінен бұрын майор әскери атағын береді. Теміртау көтерілісінен кейін қанды бас көтеру Новочеркасск қаласында болып,партиялық эмиссар А.Микоянның басшылығымен қанға бөктіріліп басылған. Теміртау көтерілісі нәтижесінде жұмысшылардың әлеуметтік жағдайына назар аударылып, метеллургтерге көптер пәтер салынып, жұмысшылардың тұрмысына қажетті инфроструктураға көңіл бөліне бастаған.
Баяндама соңында ғалым Теміртау көтерілісіне қатысты маңызды құжаттар Мәскеудегі Ресей мемлекеттік архиві және Ресейдің қазіргі заман архивінде сақтаулы екенін айтып өтті.
Кеңестік Қазақстан тарихында сол кездегі алып тоталитарлық империя көлемінде айрықша оқиға болған, зерттелмей келген &nbsp;тағы бір бас көтеру – 1967 жылғы Шымкент көтерілісі туралы тарихшы, Ш.Ш.Уәлиханов атындағы тарих және этнология институының докторанты Е.И.Стамшалов баяндады. &nbsp;
1967 жылдың 13-14 маусымы аралығында болған Шымкент көтерілісінің де астарында әлеуметтік себептер жатты. Тоталитарлық билік барынша жасырып-жапқан Шымкенттегі жаппай тәртіпсіздіктердің тууына халық пен құқық қорғау органдары қызметкерлері арасындағы қарама-қайшылықтың шиеленісуі, оңтүстіктегі Шымкент сияқты ірі қалада түрме, түзету мекемелерінің, қылмыстың, сотталушылар санының артып кетуі түрткі болды. &nbsp;Баяндамашы Шымкент көтерілісі Л.И.Брежнев билікте болған кезеңдегі ең ірі бас көтеру болғанын, дүрбелеңнің тұтануына автопарк жүргізушісі Остроуховтың айықтыру мекемесінде қайтыс болуы себеп болғанына тоқталды. «Шымкент ол кезде 100 мыңнан астам тұрғыны бар өндірістік қала еді. Қалада жазасын өтеу мерзімінің соңында Ішкі істер комендатурасы бақылауымен еркін өндірістік кәсіпорында жұмыс істейтіндер, бұрын қылмыстық жауапкершілікке тартылып, сотталғандар көп болды. Шымкенттегі адам көп шоғырланған ірі базар қаланың бет-бейнесіне айналып, қалада алыпсатарлық, ұрлық өршіп, тіпті есірткі заттарына дейін сату орын алады.
Милиционерлердің көпшілігі қылмыспен күресудің орнына, олармен бірге ақша табуға жақын тұрған.&nbsp;
<blockquote>«Құқық қорғау органдары қызметкерлерінің қолға алған шаралары базарларда шиеленіс туғызғанын»сол кездегі облыс басшысы В.А. Ливенцовтың естелігінде де айтылады.» - дейді ғалым.</blockquote>&nbsp;Шымкент көтерілісі Кеңес Одағы орталық билігінің құтын қашырғанын Мәскеуден көтерілісті басу жұмыстарына жетекшілік жасау үшін СОКП ОК хатшысы А.П.Кириленко, КСРО қоғамдық тәртіпті сақтау министрі Н.А.Щелоковтың, Қазақстан КП орталық комитетінің 1-хатшысы Д.А.Қонаевтың арнайы келуінен байқауға болады. Шымкенттегі бас көтеру Түркістан әскери округі әскерлерінің күшімен басылып, 40-тан астам адам әртүрлі мезгілге сотталды. Әсіресе, оқиғаға түрткі болған Остроуховты өлтірді деген айыппен алдымен ату жазасына кесіліп, артынша жазасы 8-жылға кемітілген 21 жасар Спабек Сыздықовтың тағдыры тоталитарлық жүйенің табанына тапталды. Кеңестік жазалау аппараты жаппай тәртіпсіздікте белсенділік танытқандарды аяусыз жазалап, міндеттерін тастап қашқан милиция қызметкерлерін де қызметтерінен алып, партия мүшелігінен шығарды.Семинардың бағдарламасына сәйкес, «Қазақстандағы кеңестік билікке қарсы толқулардың шетелдік тарихнамасы»тақырыбында сөйлегент. ғ. д., профессор, Ш.Ш. Уәлиханов атындағы Тарих және этнология институты ЖҒҚ Г.К. Көкебаева 1959 жылғы Теміртау, 1986 жылғы Алматыдағы көтерілістер туралы батыс Европа елдерінде жарық көрген ақпарат, зерттеулерге тоқталды. &nbsp;Ал ҚазақстанРеспубликасы Орталық мемлекеттік архиві директоры, тарих ғылымдарының кандидаты С.Қ.Шілдебай «Кеңестік Қазақстандағы әлеуметтік және этникалық қақтығыстар тарихын зерттеудің ғылыми-әдістемелік мәселелері»тақырыбында баяндама жасап, әлеуметтік және этникалық қақтығыстардың кеңестік билік тарапынан бағалануы, тарихи оқиғалардың халық жадындағы бейнесі, тарихнамасы, қақтығыстар тарихын зерттеу әдістемесі мен әдістерін саралау өзектілігін сақтап отырғанын атап көрсетті.Семинар тақырыбына орай пікір алмасу бөлімінде сөз алған тарих ғылымдарының кандидаты А.Қ.Жұмәділ, тарих ғылымджарының кандидаты, аталған жобаның жетекшісі М.Ш. Қалыбековалар кеңестік Қазақстан кезеңіндегі әлеуметтік, этникалық қақтығыстарды зерттеудің басты сабағы әлеуметтік-саяси қателіктерден сабақ алу үшін керек екенін айрықша атап өтті.А. Ыдырыс&nbsp; Алматы облыстық мемлекеттік архивінің құжаттарды мемлекеттік есепке алу және сақталуын қамтамасыз ету бөлімінің қойма меңгерушісі<img src="https://knadmin.beoblood.kz/uploads/eb4fb580_5992_4345_aaa2_d473c5c9d37d_fca7b3f5ac.jpg" alt="eb4fb580-5992-4345-aaa2-d473c5c9d37d.jpg"> &nbsp;

Кеңестік Қазақстандағы Теміртау, Шымкент көтерілістері туралы не білеміз?

<a href="https://kyzylorda-news.kz/">Kyzylorda-news.kz.</a> Қызылорда қаласында демеуші мердігер мекемелердің қаражаты есебінен 50 ойын алаңы құрылысын салу жоспарланған болатын. Бүгінде 12 ойын алаңы ел игілігіне берілді. 13-нің құрылысы басталса, 26 балалар алаңының орны белгіленген. Сонымен қатар қазір бұзылған ойын алаңдары жаңартылып, балалар денсаулығына қауіп туғызатын барлық ойын алаңқайы жөнделеді.
Сондай-ақ, «Нұрлы жер» бағдарламасы аясында СПМК-70/2 тұрғын ауданында ипотекалық 50 пәтерлі 10 көпқабатты және Сырдария өзенінің сол жағалауында 50 пәтерлі 1 көпқабатты тұрғын үйдің құрылысы жүргізілуде. Бұл нысандар жыл аяғына дейін пайдалануға берілмек.
Бұған қоса, сол жағалаудың №2 шағын ауданынан салынатын 5 қабатты 10 тұрғын үйдің құрылысына облыстық бюджеттен 3 млрд 149 млн теңге бөлінген. &nbsp;Аталған тұрғын үйлерді инженерлік инфрақұрылым бойынша тиісті жұмыстар жыл соңына дейін аяқталады.
Сонымен қатар, жеке инвесторлар есебінен қалада 9,9 млрд. теңгеге 509 пәтерлі 18 үйдің құрылысы жүргізілуде. Осылайша, қаланың инфрақұрылымының дамуы экономиканың түрлі салаларындағы жаңа бағдарламалар мен жобаларды іске асыру арқылы қамтамасыз етілетін болады.
 <img src="https://knadmin.beoblood.kz/uploads/14_eb407446d0.jpg" alt="14.jpg">

Қызылордада заманауи балалар ойын алаңдары ашылды

<a href="https://kyzylorda-news.kz/">Kyzylorda-news.kz.</a> Осы себепті аталмыш кандидаттар тіркеуге алынбаған.
Орталық сайлау комиссиясы Хайрулла Габжалилов, Талғат Ерғалиев&nbsp;және Фатима Бизақованы президенттікке үміткер ретінде тіркеуден бас тартты.
Хайрулла Ғабжалиловтың туған жері Қазақстан емес әрі &nbsp;мемлекеттік қызметтегі тәжірибесі жеткіліксіз.
Талғат Ерғалиевте де мемлекеттік қызметтегі жұмыс тәжірибесі бір жарым жыл жетпейді.
Сол сияқты Фатима Бизақова мемлекеттік қызметте жұмыс өтілі мүлдем болмаған.
Осы себепті аталмыш кандидаттар талапқа сай келмейді деп тіркеуге алынбаған.&nbsp;

 Орталық сайлау комиссиясы үш бірдей үміткерді тіркеуден бас тартты

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев жеке қабылдауына жазылған тұрғындардың талап-тілектерін тыңдап, өзекті мәселелердің шешілуіне қажетті тетіктерді қарастырды.&nbsp;
Жеке қабылдауға тұрғындардың өтініштеріне сәйкес аудан әкімінің орынбасарлары, дербес бөлім басшылары, кент және ауылдық округ әкімі қатысты.
Жеке қабылдауға келген тұрғындардың дені тұрақты жұмысқа орналастыру мәселесін қозғады. Сонымен қатар көпқабатты тұрғын үйлерді жөндеу проблемасы да көтерілді. Сондай-ақ тұрғындар тарапынан Әйтеке би кентінен жер алу мәселесі қозғалды. Ал, Бекарыстан би ауылының тұрғыны, жеке кәсіпкер мал жайылымдылығына байланысты қиындық туындап отырғанын жеткізді.
Қабылдау барысында аудан әкімі Мұхтар Оразбаев әрбір тұрғынның мәселесін тыңдады. Тұрғындарға барлық мән-жай түсіндіріліп, оларға заңдылыққа сәйкес түсініктеме берілді.&nbsp;
Сонымен қатар аудан әкімі жұмыс сұраушыларға бүгінгі таңда аудан бойынша бос жұмыс орындарын ұсына отырып, мәселесін шешу үшін тиісті бөлімнің жауапты қызметкерлеріне тапсырмалар жүктеді. Алдағы уақытта қабылдауға келген тұрғындардың мәселелері оң шешімін табатынына сенім мол.&nbsp;
<figure class="image"><img src="https://knadmin.beoblood.kz/uploads/kazaly1_79eaf948d4.jpg" alt="казалы1.jpg"></figure>

Қазалы ауданының әкімі жеке қабылдауға жазылған тұрғындардың мәселелерін тыңдады

<a href="https://kyzylorda-news.kz/">Kyzylorda-news.kz.</a> Экономикалық ахуалды жақсартудағы берілген тапсырмалар өңірде толық іске асырылып жатыр. Ұсынған деректерге сүйенсек, өнеркәсіп өндірісінде өсім байқалады.
Биыл Қызылорда қаласында өнеркәсіп өнімінің көлемі 487 775,9 млн теңгені құрап, 2021 жылмен салыстырғанда 90,3 пайызға артқан. Ал кен өндіру өнеркәсібінде 2586,3 мың тонна мұнай өндіріліп, өткен жылмен салыстырғанда 88,2 пайызды құрады. Табиғи газ бойынша 354,7 млн текше метр өндірілді. Сонымен қатар өңдеуші өнеркәсіп саласында құны 37 510,7 млн теңгені құрайтын өнім өндірілген. Тиісінше, бұл жалпы өнеркәсіп өнімінің 7,7 пайызын құрайды.
Шағын және орта кәсіпкерлікті дамыту – елімізде алдыңғы орынға шығарылып отырған мәселелердің бірі. Сондықтан, шаһарда шағын және орта бизнесті дамыту мақсатында түрлі жобалар қолға алынды. Нәтижесінде шағын кәсіпкерлік саласында да оң теңденция қалыптасып келеді. Өзін-өзі жұмыспен қамтамасыз ететін азаматтар қатары да артқан. Бұған дәлел биылдың өзінде қала бойынша жұмыс істеп тұрған шағын және орта кәсіпкерлік субъектілерінің саны былтырғымен салыстырғанда 125,4 пайызға артқан. Дәлірек айтсақ, қалада 36 614 кәсіпкерлік субъектісі тіркелсе, оның ішінде жұмыс істеп тұрғандары – 28 357 нысан. Сондай-ақ, осы жылы «Қарапайым заттар экономикасын дамыту» бағдарламасы аясында құны 228 млн теңгені құрайтын 2 жоба қолдау тапты. Алдағы уақытта басқа жобалар да жоспарға сәйкес іске қосылатын болмақ.

Қызылорда: Өнеркәсіпте тұрақты өсу бар

<a href="https://kyzylorda-news.kz/">Kyzylorda-news.kz.</a> Еліміздегі ең маңызды әрі күрделі салалардың бірі – коммуналдық сала болып табылады. Өйткені аталған саланың жұмысы бүкіл халықтың тұрмыс-тіршілігінде маңызды рөл атқарады. Сондықтан да өңірдің бас шаһарында тұрғын үй-коммуналдық шаруашылығы басты назарда.
Бүгінгі таңда Қызылорда қаласында аса қажетті саналатын ауыз су және кәріз желілерін жүргізуге бюджеттен 3,2 млрд. теңге бөлінген. Қаралған қаржыға 8 жоба жүзеге асырылуда.
Ауқымды жобаның тағы бірі – «Бәйтерек» тұрғын ауданындағы тұрғын сектордың инженерлік-коммуникациялық инфрақұрылымы. Оның ішінде, «ұңғымалар бұрғылаумен су жинағыш құрылысын салу» жобасы. Республикалық бюджеттен бөлінген 1 млрд 195 млн теңгеге қуаттылығы 7200 текше метр болатын 7 дана ұңғыма, 3 дана резервуардың құрылысы басталған. Жобаны жүзеге асыру арқылы «Бәйтерек» және қосымша Шанхай, КБИ тұрғын аудандарында орналасқан жеке тұрғын үйлерді тұрақты қысымды сапалы ауыз сумен қамтамасыз ететін болады. &nbsp;
Сонымен қатар, газ желісі тартылмаған елді мекендердің бірі – Ақсуат ауылдық округі. Аталған округке 2022 жылы республикалық бюджеттен 2.4 млрд. теңге бөлініп, құрылыс жұмыстары жүргізілуде. Жалпы, газдандыру жобасының құны 4.8 млрд. теңгені құрайды. 2023 жылы аяқталуы жоспарланған бастамаға 1.9 млрд. теңге бөлініп, тұрғындар толықтай көгілдір отынның игілігін көретін болмақ.
<img src="https://knadmin.beoblood.kz/uploads/12_59ebd52a72.jpeg" alt="12.jpeg">

Қызылордада коммуналдық саланың көкжиегі кеңеюде

<a href="https://kyzylorda-news.kz/">Kyzylorda-news.kz.</a>&nbsp; Арал ауданының әкімі Серік Сермағамбетов ауданда 9 айда атқарылған жұмыстардың қорытындысы бойынша Қарақұм ауылдық округі, Ерімбетжаға ауылы тұрғындарымен кездесті. Ел Президентінің «Әкімдердің халықпен кездесулерін өткізу туралы» Жарлығына сәйкес аудан басшысы өңірде атқарылған жұмыстарға тоқталды.
<blockquote>«9 айдың қортындысымен 9,2 млрд. теңгенің ауыл шаруашылығы өнімдері өндіріліп, өткен жылдың осы кезеңімен салыстырғанда 105,2 пайыз болды. Қазіргі кезде, аудандағы ауылшаруашылығы құрылымдарында барлығы 246 191 бас мал өсірілуде»,- деді Серік Сағитжанұлы.</blockquote>
Ерімбетжағалықтар аудан басшысымен кездесуде байланыс желісін жетілдіру бойынша ұсыныстарын айтты. Өз кезегінде Серік Сермағамбетов мобилді интернет мәселесі ұдайы назарда екендігін жеткізіп, ол үшін «Қазақтелеком» АҚ-мен бірлескен жобалар жасалынатындығын айтты.
Одан соң, аудан әкімінің жұмыс сапары Жіңішкеқұм ауылдық округі, Тоқабай елді мекенінде жалғасты. Мұнда Серік Сағитжанұлы арадагерлермен кездесіп, жеке инвестор есебінен бой көтеріп жатқан мектеп құрылысының жұмысымен танысты. Мердігер мекемеге білім ұясын сапалы әрі тиянақты жүргізу қажеттігін тапсырды.
Іссапар барысында әлеуметтік мекемелердің жылыту маусымына дайындық барысы да пысықталды. Ауылдағы амбулаториялық емхананың қазіргі жағдайы сараланып, қатты отынмен қамтылу қорын жеткілікті деңгейде ұйымдастыру керектігін айтты.
<img src="https://knadmin.beoblood.kz/uploads/311565259_3386703911657971_3608827154138525065_n_030f574481.jpg" alt="311565259_3386703911657971_3608827154138525065_n.jpg">
<img src="https://knadmin.beoblood.kz/uploads/311605380_3386677584993937_3788751653023909838_n_f9ec52c8b4.jpg" alt="311605380_3386677584993937_3788751653023909838_n.jpg">

Арал ауданының әкімі ауыл тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасы алаңында жер қатынастары саласына жауапты мемлекеттік орган мен ұйым өкілдері бизнес өкілдеріне сала құжаттарын рәсімдеу жолдарын түсіндіріп берді.
Шараға облыстық жер ресурстарын басқару департаментінің, «Азаматтарға арналған үкімет» КЕ АҚ Қызылорда облысы бойынша филиалының, қалалық сәулет және қала құрылысы мен жер қатынастары бөлімінің өкілдері қатысты.
Кәсіпкерлер палатасы директорының орынбасары Гауһар Елеусінова 2023 жылдың 1 қаңтарында кәсіпкерлік субъектілерін тексеруге қойылған үш жылдық мораторийдің мерзімі аяқталатынын атап өтті.
<blockquote>«Атамекен» Ұлттық кәсіпкерлер палатасы мораторий мерзімін 1 жылға ұзарту жөнінде Үкіметке ұсыныс берді. Дегенмен кәсіпкерлер осы уақытқа дейін рәсімделмеген құжаттары болса қазірден қолға алғаны жөн. Бүгінгі шарада жер қатынастары саласы бойынша мамандардың басын қосып отырмыз. Алдағы уақытта өзге де салалар бойынша түсіндірме жұмыстарын жүргіземіз», – деді Палата директорының орынбасары Гауһар Елеусінова.</blockquote>
Облыстық жер ресурстарын басқару департаментінің бөлім басшысы Руслан Баймаханов осы жылдың тамызында Мемлекет басшысы жерді бақылау саласына қатысты мораторийді алып тастағанын жеткізіп, жер учаскесі нысаналы мақсаты бойынша пайдаланылмаған жағдайда қабылданатын шараларды түсіндірді.
Ал қалалық жер қатынастары бөлімінің маманы Руслан Қыпшақбаев жер учаскесінің нысаналы мақсатын өзгерту тәртіптерімен таныстырып шықты. Сала маманы жер учаскесінің нысаналы мақсатын тұрғын үйден кәсіпкерлікке ауыстыруға бір ай мерзім кететінін атап өтті.
Қалалық сәулет және қала құрылысы бөлімінің бас маманы Нұрсұлтан Баймырзаев кәсіпкерлікке арналған құрылыс нысандарына қажет рұқсат құжаттарының талаптарымен таныстырды.
Кездесудің толық нұсқасын <a href="https://www.facebook.com/groups/KyzylordaBiz/permalink/2121801908019732/">мына</a> жерден көре аласыздар.
Айта кету керек, жақында қала әкімі Асылбек Шәменов, «Азаматтарға арналған үкімет» КЕ АҚ Қызылорда облыстық филиалының директоры Аида Әбибуллаева, Палата директоры Пірмұхаммед Сыздықов кәсіпкерлердің жер қатынастарына қатысты құжаттарын рәсімдеуді оңтайландыру үшін үш жақты меморандумға қол қойды.
Тараптар жер учаскесінің рұқсат құжаттарын заңдастыруға қатысты кәсіпкерлердің өтініштерін қысқа мерзімде қарап, рәсімдеу үшін тиісті шаралар қабылдауға келісті.
<figure class="image"><img src="https://knadmin.beoblood.kz/uploads/palata1_54b73223a0.jpg" alt="палата1.jpg"></figure>

Кәсіпкерлер палатасында уәкілетті ұйым өкілдері жер учаскесінің құжаттарын рәсімдеу жолдарын түсіндірді

<a href="https://kyzylorda-news.kz/">Kyzylorda-news.kz.</a> Қызылорда облыстық мәслихаттың кезекті сессиясында аймақ басшысы Нұрлыбек Нәлібаев пен республикалық бюджеттің атқарылуын бақылау жөніндегі есеп комитетінің мүшесі Нұрлан Нұржанов Қызылорда облысы бойынша тексеру комиссиясының төрағасы Сәуле Құлымбетованың құрметті еңбек демалысына шығуына байланысты жаңа комиссия төрағасын таныстырды.&nbsp;
Облыс әкімі Сәуле Құлымбетованың осы саладағы қажырлы еңбегін атап өтіп, аймақ жұртының атынан алғысын білдірді.
<blockquote>«Сәуле Ибрагимқызы басшылық жасаған жылдары 708 мемлекеттік аудит объектісіне сыртқы мемлекеттік аудит жүргізіліп, анықталған қаржылық бұзушылықтардың 18,9 млрд. теңгесі бюджетке өтелген және қалпына келтірілді. Жүргізілген сыртқы мемлекеттік аудиттің нәтижесінде 83 отырыс өткізіліп, заң бұзушылықтарды жою, келтірілген шығындарды қалпына келтіру мазмұнында 607 нұсқама мемлекеттік аудит объектілерінің басшыларына орындау үшін берілген. Экономика және бюджеттік жоспарлау саласында көп жылғы атқарған нәтижелі еңбегі үшін «Ерен еңбегі үшін» мемлекеттік наградасымен марапатталды. Бұл Сәуле Ибрагимқызының өлшеусіз еңбегіне берілген айрықша баға деп есептейміз», - деді Нұрлыбек Нәлібаев.</blockquote>
Жиында аймақ басшысы Президент Әкімшілігінің келісімімен және Республикалық бюджеттің атқарылуын бақылау жөніндегі есеп комитетінің ұсынысымен Қызылорда облысы бойынша тексеру комиссиясының төрағасы лауазымына тағайындалған Мұса Қалдарбековтың алдағы жұмысына сәттілік тіледі. &nbsp;
<blockquote>«Мұса Оспанұлы Қызылорда облысының тумасы, тәжірибелі маман, жауапты салаларда басшылық қызмет атқарған әлеуеті жоғары кадр. Әр жылдары қаржы және салық салаларында жауапты басшылық &nbsp;қызметтер атқарған. 2019 жылы Қармақшы ауданының әкімі, одан кейінгі жылдары экономика секторындағы екі ірі басқарманы абыроймен басқарып келді. Алдағы уақытта Мұса Оспанұлы тек өңірдің емес, республика деңгейіндегі экономика саласының білікті майталманы ретінде бюджет қаржысының мақсатты бағытталуына, тиімді жұмсалуына және Сыр елінің әлеуметтік-экономикалық дамуына аянбай еңбек етеді деген сеніміз мол», - деді облыс әкімі.&nbsp;</blockquote>Мұса Қалдарбеков 1972 жылы туған. Алматы технологиялық институты мен Алматы технология және бизнес университетін бітірген.&nbsp;Еңбек жолын Кентау қаласындағы тігін фабрикасының жұмысшысы ретінде бастаған. 1991-1997 жылдары – Жаңақорған өндірістік комбинатының жұмысшысы, «Кереге» кіші мемлекеттік кәсіпорны директорының орынбасары. 1997-2011 жылдары Алматы қаласының салық органдарында жауапты басшылық қызметтер атқарған.&nbsp;2011-2019 жылдары – Батыс Қазақстан облысы бойынша салық департаменті бастығының орынбасары, Қызылорда, Жамбыл облысы бойынша мемлекеттік кірістер департаменті басшысының орынбасары. 2019-2021 жылдары - Қармақшы ауданының әкімі, 2021-2022 жылдары облыстық жұмылдыру дайындығы басқармасының басшысы.2022 жылдың мамыр айынан бастап облыстық кәсіпкерлік және өнеркәсіп басқармасының басшысы қызметін атқарды.&nbsp;

Аймақ басшысы облыстық тексеру комиссиясының жаңа төрағасын таныстырды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың қатысуымен облыстық мәслихаттың кезектен тыс XХ сессиясы өтті. Сессияны облыстық мәслихат хатшысы Наурызбай Байқадамов жүргізді.&nbsp;
Жиынға облыстық мәслихат депутаттары, басқарма басшылары қатысты.
Күн тәртібінде 11 мәселе қаралды. Атап айтсақ, облыстың денсаулық сақтау саласын жақсарту шаралары, Қызылорда облысында тұтынушылардың құқықтарын қорғау жайы, «Қызылорда облысы әкімдігінің дербес құрамын келісу туралы» мәслихат шешіміне толықтырулар енгізу, «Қызылорда облысының әкімдігі жанындағы терроризмге қарсы облыстық комиссияның құрамын бекіту туралы» мәслихат шешіміне өзгерістер енгізу, «Азаматтардың жекелеген санаттарына амбулаториялық емдеу кезінде тегін және жеңілдікті шарттармен тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша беру туралы» мәслихат шешіміне өзгеріспен толықтыру енгізу, Қызылорда облыстық мәслихатының кейбір шешімдерінің күші жойылды деп тану туралы.
Сонымен қатар Қызылорда облысының елді мекендерінде жануарларды аулау, уақытша ұстау және жансыздандыру қағидаларын бекіту, Қызылорда облысының елді мекендерінде үй жануарларын ұстау және серуендету қағидаларын бекіту, «Қызылорда облысы бойынша тексеру комиссиясы» мемлекеттік мекемесінің Ережесін бекіту туралы» мәслихат шешіміне өзгеріс енгізу, Қызылорда облысы бойынша тексеру комиссиясының төрағасын тағайындау және облыстық мәслихаттың Кәсіпкерлікті дамыту, жастар ісі және құқықтық мәселелер жөніндегі тұрақты комиссиясының есебі туралы айтылды. Әр мәселе бойынша жауапты сала басшылары баяндама жасады.&nbsp;
Жиында аймақ басшы биылғы 9 ай ішінде өңірдің әлеуметтік-экономикалық дамуында әр салада айтарлық өсім қалыптасқанын жеткізді. Мәселен, өңдеу өнеркәсібі 8,6%, ауыл шаруашылығының жалпы өнімі 3,1%, инвестициялар тарту 24%, пайдалануға берілген тұрғын үйлер көлемі 3,5%, құрылыс жұмыстарының көлемі 35,1% және сауда көлемі 2,3 пайызға өсті.
Өңір басшысы мұнай қорының сарқылуына байланысты жаңа кен орындарын анықтау мақсатында өткен жылдан бері «Шу Сарысу», «Арал» және «Сырдария» шөгінді бассейндерінде геологиялық-геофизикалық зерттеу жұмыстары жүргізілгенін баяндады.
Өңдеу саласында облыстың ірі кәсіпорындары өндіріс көлемін арттырмақшы. Мәселен, уран өңдеумен айналысатын «Байкен - У» ЖШС-і &nbsp;15%-ға, ас тұзын өндіретін «Аралтұз» АҚ 50%-ға және мұнай саласына қажетті полиэтиленді құбырлар шығаратын «КНК Кемикал» ЖШС-і – 60%-ға арттыруға ниетті.
Ал, шыны зауытының күйдіру пеші қажетті температурасына жетіп, биылғы жылдың 9 қазанында алғашқы сынама шыны өнімі өндірілді. Қазіргі таңда шығарылған өнімді қажетті сапаға жеткізу жұмыстары жүргізілуде.&nbsp;
Сессияда Нұрлыбек Нәлібаев бірлескен шұғыл шешімдердің нәтижесінде халық көптен күткен көпсалалы аурухана және емхана салуға қолдау таптық деді.&nbsp;
<blockquote>«Өңірге келгелі бюджеттің мүмкіндігіне иек артып ғана қоймай, елге жанашыр демеушілерді тарта отырып, әлеуметтік нысандар салуды қарқынды түрде бастап кеттік. &nbsp;Қазіргі таңда бюджетке көптеген қосымша қаражат тартуға жұмыс жасалуда. Бұған дейін Қызылорда қаласынан көпсалалы аурухана және емхана салуға республикалық бюджеттен 36,4 млрд.теңгеге ұсыныс берген болатынбыз. Сәті туып, қаржы алуға қолдау таптық. Құрылыс жұмыстарын келесі жылы бастауға 750 млн.теңге бөлуге шешім қабылданды. Бұл өңір үшін үлкен мүмкіндік. Білім саласында да жақсы жетістіктер бар. Келесі жылы жаңа мектептер салуға 19 млрд.600 млн.теңге қаражат бөлінеді», - деді Нұрлыбек Нәлібаев.</blockquote>
Айту керек, күні кеше Үкімет селекторында Қызылорда өңірі тұрақты жұмыс орындарын ашу бойынша аймақтар арасында алдыңғы қатарда.&nbsp;
<blockquote>«Жыл соңына дейін 30 мыңнан аса жаңа жұмыс орнын құру жоспарланған. Қабылданған шаралардың нәтижесінде өңірдің барлық саласында 21,8 мың жаңа жұмыс орны ашылды. Жаңа жұмыс орындарын құру, жұмыспен қамту, қысқартудың алдын алу және жалақы көлемін 50%-ға дейін арттыру бағытында облыстағы 52 ірі және орта кәсіпорындармен меморандум жасалғанын білесіздер. Соңғы алты айдағы тынымсыз атқарылған жұмыстардың нәтижесінде және Өздеріңіздің ұсынған жобаларымызды қолдауларыңыздың арқасында оң нәтижелерге қол жеткізудеміз. Дегенмен бұған тоқмейілсуге болмайтынын да білеміз. Жыл соңына дейін барлық макроэкономикалық көрсеткіштерде оң динамика қалыптастыруға ниеттіміз», - деді Нұрлыбек Нәлібаев.</blockquote><figure class="image"><img src="https://knadmin.beoblood.kz/uploads/kyzylorda_e6ba1e9995.jpg" alt="кызылорда.jpg"></figure>

Нұрлыбек Нәлібаев: Қызылорда қаласында көпсалалы аурухана және емхана салуға қолдау таптық

<a href="https://kyzylorda-news.kz/">Kyzylorda-news.kz.</a> 13 қазанда Қазақстанның басым бөлігі ауқымды антициклонның ықпалында болады, онымен жауын-шашынсыз күн райы сақталады, деп хабарлайды Қазгидромет.
Тек елдің батысы мен солтүстік-батысында Қара теңіз аумағынан келетін циклонның әсерінен жаңбыр жауады. Республиканың солтүстік-батысында, солтүстігі мен оңтүстік-шығысында жел күшейеді, батыста, солтүстік пен шығыста тұман болжанады.&nbsp;

Қазақстан және Қызылорда облысының жаңалықтары