<a href="https://kyzylorda-news.kz/">Kyzylorda-news.kz.</a> Соңғы жылдары жалағаштықтар спорт саласында биік белестерді бағындырып, ел мерейін үстем етуде. Әсіресе жуырда ғана онжылдықты қорытындылаған Жазалағаш ауданындағы «Наркескен» спорт клубының сала саңлақтарын шыңдауда жасаған еңбегі зор. Еліміздің, әлемнің түкпір-түкпірінде өтіп жатқан байрақты бәсекелерде аталған спорт клубының спортшылары жеңіс тұғырынан табылып жүр.&nbsp;Қарашаның алғашқы онкүндігінде Индияның Нью Дели қаласында өтіп жатқан гір спортынан әлем біріншілігінде жалағаштық Қайсар Төлеген жеңіс тұғырынан көрініп, тұтас мемлекеттің мерейін үстем етті.&nbsp;Байрақты бәсекеге әлемнің 30 мемлекетінен 800-ге жуық спортшы қатысса, оның жүзге жуығы – қазақстандық спортшылар. Білектілер сайысында саңлақтар 63-тен 95 келіден жоғары салмақ арасында өзара мықтыны анықтады. Жерлесіміз Қайсар Төлегенұлы бұл додада 73 келі салмақта сынға түскен. Қайсардың бапкері – қазір аудан халқының ауызында жүрген Абдулхасан Сейтенов.&nbsp;Әлем біріншілігінде Қайсар Төлеген гір тасын ұзын циклды серпе көтеру бойынша сынға түскен болатын. Бұл сайыста қатысушыларға 10 минут уақыт берілген. Осынша уақытта 32 келілік 2 гір тасын 45 рет бағындырған мақтанышымыз үздік үштікті түйіндеді. Ал бірінші және екінші орындарға ресейлік спортшылар жайғасты. Жерлесіміз бұл жетістігін бапкермен жасаған ұзақ жылдық жаттығумен байланыстырады.&nbsp;<blockquote>«Жалпы гір спортымен 7 сыныптан бері айналысып келемін. Мені сол уақыттан бері бапкерім Абдулхасан Жанатұлы жаттықтырады. Сол білікті бапкерімнің берген тәлімінің арқасында бойдағы күшті қабілетпен байланыстырып, бұған дейін де талай додаларда жеңіс тұғырынан көріндім. Салада жеткен барлық жетістігім сол жаттығу залында өткен күндердің жемісі деп білемін. Бұл жеңісімді барша отандастарыма арнаймын. Алдағы уақытта мұнан да биік белесті бағындыруға тырысамын. Алда әлі жарыстар бар, енді соған дайындықты бастауымыз қажет. Биылғы жылдың қорытындысы, яғни гір спортынан Қазақстан кубогына арналған дода күтіп тұр. Бұл жарыста да жерлестерімді жерге қаратпаймын», – дейді жеңімпаз.&nbsp;</blockquote>Қайсар Төлеген – Жадағаш кентіндегі Дәуімбай елді мекенінде орналасқан З.Жарқынбаев атындағы №202 орта мектептің түлегі. Ол бүгінде облыс орталығындағы Қорқыт ата атындағы Қызылорда университетінің «Дене шынықтыру» факультетінде облыс әкімінің грантымен білім алып жатыр. Бұған дейін салада жеткен жетістігін тарқатып айтсақ, Қайсардың атына заты сай азамат екеніне көз жеткізесіз. Жалағаштық спортшы осыған дейін Қазалы қаласында өткен «Алтын күз» ауыл спартакиадасында да 73 келі салмақта қарсылас шақ келтірмеді.&nbsp;Мұнан бөлек «Ақбидай» сайысында, ҚР біріншілігінде де жеңіс тұғырынан көрініп, аймақтың мерейін үстем еткен болатын. Ал биыл Бурабайда өткен гір спортынан Азия біріншілігінде де Қайсарға қарсылас шақ келмеді. Осылайша ол ел намысын қорғап, көк туымызды биіктен желбіретіп, әнұранымызды шырқатты &nbsp;<img src="https://knadmin.beoblood.kz/uploads/Whats_App_Image_2022_11_14_at_10_17_13_c067db3b6b.jpeg" alt="WhatsApp Image 2022-11-14 at 10.17.13.jpeg">

Жалағаштық спортшы әлем біріншілігінде жүлделі орынға ие болды

<a href="https://kyzylorda-news.kz/">Kyzylorda-news.kz.</a> Қазалы ауданындағы №17 олимпиадалық резервтің мамандандырылған балалар-жасөспірімдер мектебінің былғары қолғап шеберлері республикада ғана емес, әлемдік аренада топ жарып келеді. Оның басым көпшілігі ҚР-ның еңбек сіңірген жаттықтырушысы Бақытбек Құлбаев баптаған қазалылық боксшы қыздар.31 қазан мен 13 қараша күндері аралығында Иордания мемлекетінің астанасы Амман қаласында бокстан әйелдер арасындағы Азия чемпионатында №17 олимпиадалық резервтің мамандандырылған балалар-жасөспірімдер мектебінің тәрбиеленушісі Гүлсая Ержан күміс жүлдені қанжығасына байлады.Есте болса, 81 келі салмақта дәрежесінде бақ сынаған боксшы жартылай финалда вьетнамдық Ти Хонг Нгуенді 5:0 есебімен артта қалдырған болатын. Дегенмен ақтық сында Үндістан елінің боксшысы Савитиге есе жіберді.<blockquote>«Финалдағы қарсыласты менсінбеуге болмайды. Қанша дегенмен алтын жүлде сарапқа салынып жатқан соң, бар күш-жігеріңді саласың. Үндістандық ару тәжірибелі екен. Оны шаршы алаңда байқадым. Спорт болған соң жеңіс пен жеңіліс қатар жүреді. Бұл жолы күміс жүлде бұйырып тұр екен. Бірақ келесі жолы осы күмісті алтынға айырбастайтын боламын. Алдағы уақытта кеткен қателіктермен жұмыс жасап, әлемдік біріншіліктерде топ жаруға ниеттімін», – дейді Гүлсая Ержан.</blockquote>Айта кетейік, Амман қаласында өткен Азия чемпионатында Қазақстанның спортшы қыздары 3 алтын, 1 күміс, 5 қола медаль еншілеп, ел құрамасы командалық есепте топ бастады. &nbsp;<img src="https://knadmin.beoblood.kz/uploads/1668187788_img_20221111_wa0107_3a9163c3de.jpg" alt="1668187788_img-20221111-wa0107.jpg">

Қазалылық боксшы Азия чемпионатының жүлдегері атанды

&nbsp;<a href="https://kyzylorda-news.kz/">Kyzylorda-news.kz.</a> Сайлау күні дауыс беру процесінің адал әрі ашық өтуін Халықтық коалицияның 20 мың байқаушысы қадағалайды. Олар Саяси менеджмент академиясы әзірлеген арнайы курстан өтіп жатыр.20 қарашада Халықтық коалицияның байқаушылары заңға сәйкес, барлық сайлау процесінің адал әрі ашық өтуін қадағалайды.Саяси менеджмент академиясының мамандары байқаушылардың құқықтары мен міндеттері егжей-тегжейлі сипатталған әдістемелік құрал әзірледі.Байқаушы Нұрсұлу Намазбаева оқыту процесі интерактивті форматта өтіп жатқанын атап өтті.«Тренерлердің дайындық деңгейі өте жоғары. Дайындығымызға көп көңіл бөлініп жатқаны сезіледі. Сайлаудың ашықтығын қамтамасыз етудің Халықтық коалиция үшін маңызы зор. Оқыту процесі тәжірибеге бағдарланғаны қуантады. Сабақ барысында нақты жағдайларды талдаймыз», – деді ол.Айта кету керек, биыл 3 қарашадан бастап тренерлер барлық облыс пен ауданға барып, Халықтық коалицияның байқаушыларын сайлау күнгі жұмысқа дайындау, оқыту процесіне кірісті. Еліміздің 20 өңірінде 15 мыңнан астам байқаушы оқытылды. 18 қарашаға дейін 20 мың байқаушыны оқыту жоспарланып отыр.<figure class="image"><img src="https://knadmin.beoblood.kz/uploads/1cb5a4de_b8ff_481f_ab5b_42fe9b6387b3_f8a3464bd1.jpg" alt="1cb5a4de-b8ff-481f-ab5b-42fe9b6387b3.jpg"></figure>

Халықтық коалиция байқаушыларды оқытуды жалғастыруда

<a href="https://kyzylorda-news.kz/">Kyzylorda-news.kz.</a> Қазақстан Республикасының кезектен тыс Президент сайлауы 2022 жылдың 20 қарашасында өтетіндігін әрбіріміз жақсы білеміз. Сайлау – саяси науқан. Бірақ Президент сайлауы туралы сөз болғанда мұның саяси ауқымы, елдік мұраты, халықтық қасиеті барынша кең ауқымға айналып шыға келеді. Өйткені халық қашанда әділ сайлау мен әділетті сенімге иек артқан. Сол арқылы өзінің де болашақ баянына сенімділік тұғырын орнықтырған.Осындайда әрбір көзі ашық, көкірегі ояу жан елдің бірлігі мен тұтастығына жауап береді деген ойдамын. Кезектен тыс Президент сайлауы Қазақстанның жаңа жолын, келер күндерін нұрлы белеске алып шығады деген үміттемін.Тарихи сәтті, таңдаулы кезеңді үлкен сеніммен күтіп, осы жолда азаматтық даусымды ашық білдіремін. Бұл сайлау әрбір қазақстандыққа үлкен жауапкершілік, азаматтық борыш жүктейді.Халқымыз – біртұтас. Тәуелсіздігіміздің ең жоғары құндылығы ретінде мемлекетіміздің іргесі – мығым. Алдағы Президент сайлауы осыған дәлел болуы керек. Сондықтан әрқайсысымыздың дауысымыз маңызды. Ел келешегін бағамдайтын науқанға біркісідей атсалысқанымыз абзал.Оразғали БЕКБАНОВ, Қазалы аудандық ардагерлер кеңесінің төрағасы<figure class="image image_resized" style="width:75%;"><img src="https://knadmin.beoblood.kz/uploads/Orazgali_fa7ef18dd0.jpg" alt="Оразгали.jpg"></figure>

Оразғали Бекбанов: Ел келешегін бағамдайық

<a href="https://kyzylorda-news.kz/">Kyzylorda-news.kz.</a> Қызылорда қаласында ерекше форматтағы «PechaKucha» іс-шарасы өткізілді.&nbsp;«PechaKucha» &nbsp;түрлі тақырыптағы баяндамалар мен презентацияларды ұсынудың ерекше үлгісі. Яғни спикерлер 20&amp;20 форматында ой бөлісіп, жаңа идеяларын ортаға салады. Дәстүрлі түрде бесінші рет ұйымдастырылған кеште бұл жолы цифрлық жобалар, халыққа қолжетімді мобильді қосымшалар таныстырылды.&nbsp;Цифрландыру және ақпараттық технологиялар қызметкерлерінің кәсіби мерекесіне орай өткен басқосуға облыс әкімі аппаратының басшысы Шахмардан Байманов қатысып, салаға елеулі үлес қоқан бірқатар азаматқа облыс әкімінің алғыс хатын табыстады. Сондай-ақ, спикер ретінде «Digital Qyzylorda» аясында мемлекеттік қызметтерді цифландыру барысын баяндады.&nbsp;Кешкі кездесуде спикерлер түрлі тақырыптарды қозғады. Гүлжазира Абдразақова «ІТ мектеп - мүмкіндік мекені», Шаризат Алмашова «Отбасының цифрлық картасы» жобасының ерекшеліктерімен бөлісті. Ал, Фархад Әбжаппаров «Цифрлы колледж», Роман Цой мен Асқар Райхан «Жусан» мобильді қосымшасының мүмкіндіктерін таныстырды. Темірхан Мұқанғали «Smart Qyzylorda» мобильді қосымшасы арқылы қызылордалықтар 60-тан аса сервисті пайдалана алатынын жеткізді.Айту керек, облыс әкімі Нұрлыбек Нәлібаевтың қолдауымен өңірде цифрлық жобалар сәтті жүзеге асып, жастардың озық идеясын қолдайтын түрлі ІТ байқаулар өткізілуде. Осыған дейін «Smart City Kyzylorda Hackathon» байқауы өтіп, үздік инновациялық жоба авторларына грант берілсе, желтоқсан айында INNOFEST байқауы өткізіліп, үздік инновациялық идеялар сарапқа түседі.<img src="https://knadmin.beoblood.kz/uploads/Bezymyannyj_6db2d6ce97.jpg" alt="Безымянный.jpg">

Қызылордалықтар «РechaКucha» шарасында басқосты

<a href="https://kyzylorda-news.kz/">Kyzylorda-news.kz.</a> Қазақстанның 11 облысында көктайғақ пен желдің күшеюіне байланысты ескерту жарияланды, деп хабарлайды Қазгидромет.14 қарашада Қызылорда облысында оңтүстік-батыстан соғатын желдің күші 15-20, екпіні секундына 23-28 метрге жетеді.

Қызылордада желдің жылдамдығы артады

<a href="https://kyzylorda-news.kz/">Kyzylorda-news.kz.</a> ҚР Президенттіке үміткер Мейрам Қажыкен &nbsp;Қарағанды облысына барды. Аймаққа келуіне 3 қарашада шахтада орын алған қайғылы оқиға себеп болды. Компания шахталарында қайғылы жағдайлардың жиі кездесуі үміткерді алаңдатады.Теміртауда ол "АрселорМиттал" қызметкерлерімен кездесіп, олардың мәселелері мен ұсыныстарын тыңдады.&nbsp;Мейрам Қажыкен қазіргі жағдайда жазатайым оқиғалардың алдын алу үшін мүмкіндігінше тезірек шешім қабылдау керек екенін айтты. Ол бір кездері "Арселормитталға"тиесілі неміс компанияларының біріне барғанын тілге тиек етті.<blockquote>"Лакшми Миттал компанияны алған кезде, оны жаңғырту үшін алды. Мен оның Германиядағы кәсіпорнында болдым-ол жерде бәрі дамыған. Өйткені онда заңдар қатаң және тәуелсіз кәсіподақтар жұмыс істейді. &nbsp;Жалақы туралы тіпті айтудың қажеті жоқ. Бұл жалақыны Миттал емес, компания басшылығымен келіссөздер кезінде кәсіподақтар белгілейді", - деді ол.</blockquote>Соңында үміткер &nbsp;бос уәде бергісі келмейтінін айтты.&nbsp;<blockquote>"Адамдардың көзіне қарап, уәде беріп, орындамағаннан кейін сізді қалай құрметтеуге болады? Бірақ мен істеймін. Бұл сөзсіз", - деп қорытындылады ол.</blockquote>

ҚР Президенттіке үміткер Мейрам Қажыкен  Қарағанды облысында бірқатар кездесулер өткізді

Kyzylorda-news.kz. Қазақстандық Қамшыбек Қоңқабаев бокстан Амманда (Иордания) өтіп жатқан Азия чемпионатында финалдық жекпе-жекте жеңілді.2020 жылы Токиода өткен Олимпиадада 92 келіден жоғары салмақта қола жүлдегер атанған Қоңқабаев өзбекстандық Ләзизбек Мулложоновпен кездесті. Жекпе-жек 5:0 есебімен төрешілердің бірауыздан шешімімен жеңіс өзбекстандық спортшыға берілді.Айта кетейік, бұған дейін Санжар Тәшкенбай (48 келіге дейін), Асланбек Шымбергенов (71 келіге дейін) және Айбек Оралбай (92 келіге дейін) алтын алса, Сәкен Бибосынов (51 келіге дейін), Сабырхан Махмұд (54 келіге дейін), Серік Теміржанов (57 келіге дейін), Дулат Бекбауов (67 келіге дейін) және Нұрқанат Райыс (75 келіге дейін) күміске қанағат еткен.

Қамшыбек Қоңқабаев Азия чемпионатының финалында өзбекстандық боксшыға есе жіберді

Kyzylorda-news.kz. Өзіңізге сенімді болуыңыз көп нәрсеге әсер етеді: отбасыдағы қатынас, жұмыста табысқа жету және жеке өмір. Өзіңізге деген сенімділікті қалай арттыруға болады?Жақсы жақтарыңызды дамытыңызӨзіңіздің әлсіз тұстарыңызға мән берудің орнына жақсы жақтарыңызды дамытыңыз. Сіз басқаларға қарағанда бірдеңені жақсырақ жасайсыз. Өзіңіздің мықты тұстарыңызды еске түсіріп, қағазға немесе ұялы телефонға жазып қойыңыз. Бұл тізімнің әрқашан қол астында болғаны жақсы. Қажет кезде онымен өзіңізді қолдай аласыз. Мінсіздіктің артынан қуудың қажеті жоқ. Бірақ дамуды тоқтатпаңыз. Көбірек оқыңыз, жаңа нәрселер біліңіз, саяхаттаңыз.Позитивті ойлаңызОйларыңыз қайда болса, энергияңыз да сол жақта. Ал энергия — өмір. Егер айналаңызда негативті адамдар болса, көп ұзамай сіз де сондай адамға айналасыз. Егер үнемі жаман нәрсе жайлы ойласаңыз, ол шынымен де болады. Айналаңыздағы адамдарға анализ жасаңыз, сіздің өзін-өзі бағалауыңызға кім жағымсыз әсер ететінін анықтаңыз. Содан соң жеке шекара орнату қажет немесе айтылған сөздерге мән бермеуді үйрену керек болады. Әрине, тағы бір әдіс бар: мүмкін болса, мұндай адамдармен мүлдем араласпау.Қажет емес қасиеттерден арылыңызСіз өзіңізді жақсы білесіз және кей қасиеттеріңіз сізді даму жолында тежейтінін түсінесіз. Оны анықтап, қабылдау — проблеманы шешуге деген алғашқы қадам. Сізді артқа тартатын нәрседен арылыңыз. Мақсатыңызға баяу, бірақ сенімді жылжыңыз. Басқа адамдардың сөзінен немесе естілмей қалудан қорықсаңыз, өз пікіріңізді білдіріңіз! Жаңа достар табудан немесе танысудан қорықсаңыз, әңгімені бірінші өзіңіз бастаңыз! Өзгерістерден қорықсаңыз, түбегейлі жаңа нәрсе жасауға тәуекел етіңіз! Қорқыныштарыңызды жеңіңіз және өзгеруден қорықпаңыз! Ештеңе істемесеңіз, жаңа нәрселер орын алмайтынын және ешқандай өзгеріс болмайтынын түсініңіз.Өзіңізге деген сенімділікті арттыру үшін көре алмаушылық, жалқаулық, айыптаушылық, ашуланшақтық секілді қасиеттерден арылу маңызды. Бұл әлсіздіктерді жеңу арқылы алға қойған мақсатыңызға жетесіз.Басқаларға көмектесіңізТек өзіңізбен және өз проблемаларыңызбен алысып жүрсеңіз, сіз қандай да бір жағдаймен басқалардың қолдауын және көмегін аласыз. Бірақ бірдеңе алу кезінде беруді де ұмытпау керек. Егер мән беріп қарасаңыз, әр адамның басында қандай да бір қиындық барын көре аласыз. Көмекті сізден де қатты қажет ететін адамдар да бар. Басқа адамға физикалық та, моральді де қамқор көрсету арқылы өмірдегі өзіңіздің маңыздылығыңызды түсінесіз.&nbsp;Massaget

Өзін-өзі бағалауды арттырудың 4 әдісі  

Kyzylorda-news.kz. Иордания астанасы Амманда мәресіне жеткен бокстан Азия чемпионатында Қазақстан құрамасы бірінші орынға ие болды, деп хабарлайды ҚазАқпарат.Қазақстандық боксшылар құрлық біріншілігінде жалпы саны 21 медаль жеңіп алды, соның алтауы – алтын, жетеуі – күміс, 8-і – қола.Өзбекстандықтар 13 медальмен (6 алтын, 3 күміс, 4 қола) екінші сатыда.Үндістандықтар 12 жүлдемен (4 алтын, 2 күміс, 6 қола) үздік үштікті түйіндеді.Бокстан 2022 жылғы Азия чемпионатының жалпыкомандалық медаль есебі:1. Қазақстан — 6-7-82. Өзбекстан — 6-3-43. Үндістан — 4-2-64. Иордания — 2-3-25. Таиланд — 2-2-16. Жапония — 1-5-17. Оңтүстік Корея — 1-1-48. Тайвань — 1-0-39. Филиппин — 1-0-210. Вьетнам — 1-0-111. Моңғолия — 0-2-812. Қырғызстан — 0-0-413. Иран — 0-0-213. Тәжікстан — 0-0-215. Пәкстан — 0-0-1.

Бокстан Азия чемпионатында Қазақстан жалпыкомандалық есепте бірінші орын алды

Kyzylorda-news.kz. Бүгін, 13 қарашада Атырау облысының басым бөлігінде оңтүстік-батыстан, батыстан жел соғады, екпіні 15-20, күндіз кей уақытта 23 м/с болады, деп хабарлайды &nbsp;Қазгидромет.Осы күні Түркістан облысының оңтүстігінде, батысында, таулы және тау бөктерлі аудандарында тұман түседі. Оңтүстік-батыстан жел соғады, күндіз тау асуларында екпіні 15-20 м/с дейін барады.Бүгін Қызылорда облысының оңтүстігінде тұман түседі. Жел оңтүстіктен, оңтүстік-батыстан соғады, күндіз күші - 15-20, екпіні 25 м/с күтіледі.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> 12 қараша күні сырдариялықтар күрек-тырма, сыпырғысын алып, жалпыаудандық сенбілікке шықты.&nbsp;Оған аудан көлемінде қызмет атқаратын барлық мемлекеттік органдар мен мекемелер, коммуналдық сала қызметкерлері қатысты.&nbsp;Тазалық жұмыстарына атсалысқан барша қызметкерлер арықтарды тазалап, жаяу жүргіншілер жолын сыпырып, қоқыстарды шығарды. Тереңөзек кенті бойынша Ғ.Мұратбаев, Д.Керейтбаев, О.Мәлібаев, Қ.Қазантаев, Қызылорда-Жалағаш автожолының бойы және де білім мен денсаулық саласының ғимараттарының ауласы тазартылды.Бүгінде сенбілікке шығу апта сайынғы үйреншікті дәстүрге айналды. Бұл – туған жерін, туған ауылын, ауласын жақсы көретін адамға оны іспен дәлелдеудің тамаша мүмкіндігі болды. Сенбілік – ауданның сәулеті мен сәнін арттыратын, тазалығы мен тәртібін түзейтін ерекше үрдіс. Таза ауа, таза су, таза орта деген дүниенің өзі адамның ішкі тазалығынан туындайды. Сондықтан оған әр тұрғын белсене атсалысуы қажет.Сенбілік барасында Д.Керейтбаев көшесінде тазалық жұмыстарын жүргізген аудандық орман және жануарлар дүниесін қорғау, Қазсушар аудандық учаскесі, аудандық ветстанция мекемелері, Қ.Қазантаев көшесінде арықтар мен жол жиектерін тазалаған аудандық кірістер басқармасы мен қазынашылық басқармасы тазалық жұмыстарын жоғары деңгейде жүргізді. Сонымен қатар, аудандық білім бөлімі мен оған қарасты мекемелердің қызметкерлері тазалық жұмыстарына ерекше ынтамен қатысып, үлгілі жұмысты көрсетті.Жалпыаудандық сенбіліктің мақсаты – аудан көшелерінің тазалығын сақтауға қоғам назарын аудару, тұрғындар арасында экологиялық мәдениетті қалыптастыру.<figure class="image"><img src="https://knadmin.beoblood.kz/uploads/315323126_1244863139409909_1214694843126138328_n_b8726e3dc3.jpg" alt="315323126_1244863139409909_1214694843126138328_n.jpg"></figure>

Қазақстан және Қызылорда облысының жаңалықтары