<a href="https://kyzylorda-news.kz/">Kyzylorda-news.kz.</a>&nbsp;Қарулы күштердің 30 жылдығы аясында Қызылорда гарнизонында өткен «Айбын–2022» VIII облыстық әскери-патриоттық жастар жиынында Сыр өңірінің сарбаздары бағын сынады.
Аталған іс-шара 20-25 маусым күндері Қарағанды облысындағы Қазақстан Республикасы Қарулы күштерінің «Спасск» оқу орталығында өтетін дәстүрлі «Айбын-2022» VIII республикалық әскери-патриоттық жастар жиынына жас сарбаздарды іріктеу мақсатында ұйымдастырылып отыр.
Сайысқа Қызылорда облысының 7 ауданынан және Қызылорда қаласынан келген жалпы саны 120 оқушы қатысты. Жиын ережесіне сәйкес, әр облыстан 15 оқушы, яғни, 10 ер, 5 қыз бала анықталып, облыс намысын қорғайтын болады.
Жастар әскери-қолданбалы спорт түрлерінен, плащ түріндегі жалпы әскери қорғаныс жинағы мен газқағарды уақытқа кию, әскерилендірілген эстафета және АК-74 автоматын бөлшектеу, жинақтау сынды жарыс түрлерінен нормативтер тапсырды.
<blockquote>
 &nbsp;«Жыл сайын ұйымдастырылатын бұл шараға талантты жастар қатысуда. Алдыңғы жылдармен салыстырғанда нәтижелер анағұрлым жақсы деуге болады. Тартысты өткен іріктеу сайысынан анықталған 10 ер баламыз бен 5 қыз баламыз алдағы республикалық сайыста жақсы нәтижелер көрсетеді деп сенемін», – деді Қызылорда облысының қорғаныс істері жөніндегі департаменті Қарулы күштер ардагерлерімен жұмыс және әскери-патриоттық жұмыс қызметінің бастығы майор Ерлан Абдуллаев.
</blockquote>
«Айбын – 2022» VIII облыстық әскери-патриоттық жастар жиынының қорытындысы бойынша жалпы командалық жүлделі 1 орынды Арал ауданының командасы иеленді. Ал 2 орынға Қызылорда қаласының командасы табан тіресе, 3 орынға Жаңақорған ауданының командасы лайық деп танылды.
Сайыстарда жоғары нәтиже көрсеткен оқушылар болды. Атап айтсақ, Арал ауданы атынан қатысқан 10 сынып оқушысы Ақпейіл Жамсапқызы арқаға жатып денені көтеруді 1 минутта 58 мәрте орындап, қатысушылар арасынан үздік атанды. Жаңақорған ауданының 10 сынып оқушысы Саят Шәрібек белтемірде 30 мәрте тартылып, қарсыластарынан алда болды.
Жеңімпаз командалар мен жекелей сайыстар бойынша орын алған жастар дипломдармен және бағалы сыйлықтармен марапатталды.
<img src="https://kyzylorda-news.kz/wp-content/uploads/2022/05/55503026-95f7-4bf5-84a6-503c0aea86d6.jpg" alt="" />
<img src="https://kyzylorda-news.kz/wp-content/uploads/2022/05/bb2dd5c9-c4e2-4f95-b2e9-7442c15cb15e.jpg" alt="" />
<img src="https://kyzylorda-news.kz/wp-content/uploads/2022/05/b88efffc-879f-4d13-9464-f408e0b9f39f.jpg" alt="" />
<img src="https://kyzylorda-news.kz/wp-content/uploads/2022/05/f3fb3768-25b2-4351-9d17-900fb5f83645.jpg" alt="" />

«Айбын–2022» VIII облыстық әскери-патриоттық жарыс өтті

<a href="https://kyzylorda-news.kz/">Kyzylorda-news.kz.</a>&nbsp; Заңда оған қатысуға құқығы бар адамдар тобы белгіленген – бұл&nbsp;18&nbsp;жасқа толған ҚР азаматтары.
Референдум өтетін күні оған қатысатын әрбір адам «Қазақстан Республикасының Конституциясына өзгерістер мен толықтырулар енгізу туралы» Қазақстан Республикасы Заңының жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?» деген жалғыз сауалға жеке өзі жауап беруге құқылы.
Тізімге тиісті сайлау учаскелерінің аумағында тұрғылықты жері бойынша тіркелген азаматтар енгізіледі.
Осы тізімдер а.ж. 15 мамырға дейін учаскелік референдум комиссияларына берілді, олар өз кезегінде оларды а.ж. 20 мамырдан кешіктірмей (дауыс беру күніне дейін 15 күн бұрын) азаматтарға танысу үшін ұсынады. Осы күннен бастап азаматтар олармен таныса алады.
Тізімдердегі өзі туралы деректердің дұрыстығына көз жеткізу маңызды және қателер, жаңсақтықтар анықталған немесе мәліметтер болмаған жағдайда, тиісті өзгерістер енгізу туралы референдумның учаскелік комиссияларына жүгіну керек.
Ол жерде азаматтар нақты болу орны бойынша басқа учаскеде дауыс беруге мүмкіндік беретін есептен шығару куәлігін ала алады.
Бұл туралы алдын ала қамдану керек, өйткені оларды беру а.ж. 4 маусым күні сағат 18:00-де тоқтатылады.

Бас прокуратура референдумды өткізу тәртібін жариялады

<a href="https://kyzylorda-news.kz/">Kyzylorda-news.kz.</a>&nbsp;Қызылордада онлайн түрде рәсімделген, дайын нөмірлерді, техникалық төлқұжатты және жүргізуші куәлігін табыстайтын АвтоХҚО бөлімі ашылды.
Бөлім Астана даңғылы 46, мекенжайы бойынша № 2 ХҚО ғимаратында орналасқан.
Қызылорда қаласының тұрғындары енді онлайн режимінде техникалық төлқұжат, мемлекеттік нөмір алу және жүргізуші куәлігін ауыстыру кезінде Астана, 46 мекен-жайында орналасқан АвтоХҚО-ның жаңа автобөлімінен дайын құжаттарды ала алады. Жаңа бөлімде бір терезе қызмет көрсетеді, онда дайын нөмірлер, техникалық төлқұжаттар және жүргізуші куәліктері беріледі (құжатты жаңарту кезінде ғана, алғашқы жүргізуші куәліктері емтихандарды тапсырғаннан кейін мамандандырылған ХҚО-да ғана беріледі). Жыл соңына дейін мұндай бөлімдерді Қазақстанның басқа да ірі қалаларында ашу жоспарланып отыр.
Қосымша, барлық аталған мемлекеттік қызметтерді eGov порталы арқылы онлайн режимінде рәсімдеуге болатының жеткіземіз. Сондай-ақ Kaspi және Halyk Homebank мобильді қосымшалары арқылы көліктерді қайта тіркеуге болады. Жаңа бөлімде электрондық үкімет порталы арқылы тұтынушыларға тіркеу куәлігі мен жүргізуші куәлігін қайта рәсімдеу және банктік қосымшалар арқылы автокөлікті тіркеу жолдарын түсіндіретін кеңесшілер жұмыс істейді.

Қызылордада халыққа қызмет көрсету орталығының жаңа бөлімі ашылды

<a href="https://kyzylorda-news.kz/">Kyzylorda-news.kz.</a> Премьер-министрдің орынбасары – қаржы министрі Ерұлан Жамаубаев бюджеттік кредитердің не себепті төменгі мөлшерлемемен берілетінін түсіндірді, деп хабарлайды <a href="https://sputnik.kz/20220519/qarzhy-ministri-kredit-24911133.html">Sputnik Қазақстан</a>.
Бүгін сенат отырысынан кейін журналистер әлеуметтік желіде тараған үкімет басшысының қаулысына түсініктеме беруді сұрады. Осы құжатта бюджеттік кредиттер туралы жазылған. Мөлшерлемесі өте төмен, небәрі 0,1 процент. Ондай кредиттер “Бәйтерек” ұлттық холдингі арқылы сан алуан жобаларға таратады.
Мәселен, 55 миллиард теңге жүк көліктерінің жетекші белдемелерінің арқалықтарын көбірек шығаруға бөлінді деген мәлімет бар.
Қаржы министрі Ерұлан Жамаубаев ондай бюджеттік кредиттердің бар екенін растады. 
Оның айтуынша, бюджет қаржысы алдымен квазимемлекеттік компанияларға бөлінеді. Олар өз кезегінде тағы қосымша қаражат тартып, кәсіпкерлерге төмендетілген мөлшерлемемен кредит бере алады.
<blockquote>
 «Бюджеттік кредиттер алдымен квазимемлекеттік ұйымдарға беріледі. Ол “Бәйтерек” холдингі немесе Қазақстанның даму банкі болуы мүмкін. Олар өз кезегінде нарықтан тағы кредит алады да, барлық ақшаны араластырады. Сосын нақты секторға жеңілдетілген кредит береді», – деді Жамаубаев.
</blockquote>
Министрдің айтуынша, 0,1 процент бұл тым төмен мөлшерлеме емес. Себебі бюджеттік кредиттің негізгі мақсаты – кәсіпкерлерге қарызға берілген ақшаның мөлшерлемесін барынша азайту.
<blockquote>
 «Қазіргі кезде нарықтағы теңгемен берілген кредиттің мөлшерлемесі 15 проценттен жоғары. Кәсіпкерлер қиналып жатыр. Біз олардың қолдауымыз керек қой. Банктер кредит бермей жатса, экономика қалай дамиды? Жұмыс орындары қалай ашылады? Өндіріс орындары қалай жұмыс істейді? Оларға айналма ақша керек. Осыған байланысты біз жеңілдетілген процентпен алдымен квазимемлекеттік секторға бөлеміз. Соның арқасында кәсіпкерлер төмен мөлшерлемемен кредит ала алады», – деп атап көрсетті Жамаубаев.
</blockquote>

Қаржы министрі 0,1 проценттік кредиттер кімге берілетінін айтты

<a href="https://kyzylorda-news.kz/">Kyzylorda-news.kz.</a>&nbsp;Талғат Жақыпбекұлы Бигелдинов – Авиация генерал-майоры, Кеңес Одағының екі мәрте батыры, «Барыс» орденінің иегері. 1922 жылы 5-тамызда Сарыарқа даласында, Ақмола облысының Майбалық ауылында дүниеге келген.
Өзінің әскери өмірінде жауынгерлік барлау, немістің шабуылдаушы ұшақтарына шабуыл жасау секілді жүздеген оқиғалар болады.
Талғат Жақыпбекұлы өзінің алғашқы «Алтын жұлдыз» медалі мен Кеңес Одағының Батыры атағын 1944 жылы алды. Оның басшылығындағы ұшақтар Кировоград пен Знаменка қалаларын батылдықпен қорғады. Бір жыл өткен соң Бигелдинов сол атаққа екінші рет ие болды.
Кеңес Одағының Батыры Талғат Бигелдинов соғыста екі жыл ғана күрес жүргізсе де, бірақ осы уақыт ішінде 305 әскери шабуылға шығып, көптеген ұшақтарды құлатып, жүздеген командалық тапсырмаларды орындады. Ол Берлин үшін жүргізілген шайқастарға қатысып, мыңдаған жауынгерлермен бірге Қызыл алаңда жүріп өтіп, 23 жасында Кеңес одағының екі мәрте батыры атағын иеленіп, елге нағыз батыр ретінде оралды.
Соғыстан кейінгі қиын кезеңде ол оқуын жалғастырып, Мәскеудегі Қызыл Ту әуе күштері Академиясына түсті. Талғат Бигелдинов майданда жүрген кезінде-ақ коммунистік партияға қосылып, партияның съездері мен іс-шараларына белсенді қатысты.
Талғат Бигелдинов екі мәрте Кеңес одағының батыры атағын алған тұңғыш қазақ. Екі мәрте Кеңес одағы батыры атағын алған Талғат Бигелдинов болмысынан алға қарай ұмтылып тұратын адам болды. Ол сол мінезінің арқасында қосымша Мәскеу инженерлік-құрылыс техникумын да аяқтап үлгерді және бірнеше жыл Қазақ КСР Мемлекеттік құрылыс басқармасында әртүрлі департаменттерді басқарды.
2014 жылдың 10 қарашасында белгілі ұшқыш осы дүниеден озды. Оның ерлігінің құрметіне және 9 мамырдағы жалпы жеңістің құрметіне 2000 жылы Көкшетау қаласында Ұлы Отан соғысының даңқты батырының қола мүсіні қойылды.
Сонымен қатар, бүгінде Ақтөбелік жоғары азаматтық ұшқыш авиациясына, сондай-ақ батырдың өзі қайырымдылық іс-шаралары аясында жиі көмек көрсеткен Қарағандыдағы Республикалық әскери мектеп-интернатқа Талғат Бигелдиновтың есімі берілді. Сондай-ақ, авиация генерал-майорының өмірінің соңғы жылдары өткен Алматыдағы Қонаев көшесіндегі үйіне батырға арнап ескерткіш тақта қойылды.

Биыл Талғат Бигелдиновтің туғанына 100 жыл толады

<a href="https://kyzylorda-news.kz/">Kyzylorda-news.kz.</a>&nbsp;5 маусымда Конституцияға енгізілетін өзгерістер бойынша референдум өтеді.
Референдум туралы толық ақпарат <a href="https://referendum2022.kz/">REFERENDUM2022.KZ</a> телеграмм-арнада жарияланады.

Референдум туралы ақпарат телеграмм-арнада жарияланады

<a href="https://kyzylorda-news.kz/">Kyzylorda-news.kz.</a>&nbsp;2022 жылға Әлеуметтік медициналық сақтандыру қорында медициналық ұйымдардың ҚР тұрғындарға скринингтік зерттеулер мен профилактикалық тексерулерді жүргізуіне шамамен 23,7 млрд теңге қарастырылған. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов скринингтің кімге және қандай түрлерінен өту керектігін еске салды.
Профилактикалық тексерулердің арқасында қатерлі ауруларды ерте кезеңде анықтап, уақтылы емдеуді бастауға болады. Скринингтерді денсаулықтарына шағымдары жоқ және аталған аурулар бойынша есепте тұрмайтын азаматтар белгілі бір жаста өтеді.
Тұрғындар бекітілген емханасында учаскелік мейірбикенің шақыруы бойынша скринингтен өтеді. Скринингтен өтуге қажетті жасқа жеткен кезде азаматтар емханаға өз бетінше де жүгіне алады. 
Айта кетейік, жұмыс берушілер скринингтерді өту үшін қызметкерлерді жұмыс уақыты кезеңінде лауазымын және орташа жалақысын сақтай отырып, кедергісіз жіберуі керек («Халық денсаулығы және денсаулық сақтау жүйесі туралы» Кодексінің 87 бабына сәйкес).
Скринингтік зерттеулердің түрлері және нысаналы топтар
– 30-39 жас аралығындағы әйелдер мінез-құлық қауіп факторларын ерте анықтау үшін скринингтен өтеді. Темекіні пайдалануға, дұрыс тамақтанбауға, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі. Скрининг жүргізу кезінде пациенттің денсаулығы тексеріледі. Созылмалы аурулар немесе олардың даму қаупі анықталған жағдайда пациентті дәрігерлердің қадағалауына қояды, қажетті емдеу-диагностикалық іс-шаралар жүргізіледі.
– 40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтауға арналған скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады. Скрининг осы аурулардың дамуын болдырмауға және қауіп тобындағы пациенттерді бақылауға жүргізіледі, қажет болған жағдайда – есепке алуға және емдеу мен дәрі-дәрмектермен қамтамасыз етуге мүмкіндік береді.
– 30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест немесе тереңдетілген диагностика – (бейне) кольпоскопия, биопсия және гистология, бейінді мамандардың консультациясын алады.
– Әйелдер 40 жастан 70 жасқа дейін сүт безі обырын ерте анықтау үшін тексеруден өтеді – екі проекциядағы маммография. Қажет болған жағдайда тереңдетілген диагностика – нысаналы маммография, сүт бездерінің УДЗ-і, трепанобиопсия, пункциялық немесе аспирациялық биопсия, гистология, бейінді мамандардың консультациясы.
– 50-ден 70 жасқа дейінгі ерлер мен әйелдер гемокульт-тест көмегімен колоректальды обырды ерте анықтауға тексеруден өтеді. Қажет болған жағдайда тереңдетілген диагностика – жаппай бейне колоноскопия, оның ішінде наркозбен, эндоскопиялық шертпелі биопсия, гистология, мамандардың консультациясы жүргізіледі.
Егер сізде скринингтен өтуге қатысты қосымша сұрақтар туындаса, сіз оларды учаскелік дәрігерге немесе өз емханаңыздағы Пациенттерді қолдау қызметіне қоя аласыз.
Егер жағдайды сол жерде шешу мүмкін болмаса, онда ыңғайлы байланыс арнасы арқылы Әлеуметтік медициналық сақтандыру қорына жүгінуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.
<img src="https://kyzylorda-news.kz/wp-content/uploads/2022/05/skrining_kaz.jpg" alt="" />

Скринингтер қатерлі ауруларды ерте кезеңде анықтайды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында 650 мыңнан астам адам «Сақтандырылған» мәртебесіне ие болса, МӘМС жүйесінен тыс – 133,5 мың тұрғын. Егер сіз сақтандырылған мәртебеңізді және өзіңіз үшін жарналардың түсетінін не түспейтінін білмесеңіз, оны бірнеше жолмен тексеруге болады. Сақтандырылғандарға МӘМС бойынша қажетті медициналық қызметтерді қалай алуға болатынын, Әлеуметтік медициналық сақтандыру қорының Қызылорда облысы бойынша филиалының бас сарапшысы Айгүл Аханова айтып берді.
Көптеген адамдар міндетті әлеуметтік медициналық сақтандыру шеңберінде медициналық көмекті қалай алуға болады деп ойлайды, өйткені МӘМС бойынша тар бейінді дәрігерлердің консультациялары, гормондарға талдаулар, КТ/МРТ және басқа да қажетті диагностикалық қызметтер қолжетімді болып келеді.
Бірінші қадам – өзіңіздің сақтандыру мәртебеңізді тексеру.
Міндетті медициналық сақтандыру жүйесіндегі мәртебеңізді бірнеше жолмен тексеруге болады:
1. **Egov.kz. электрондық үкімет порталы 
**Ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН-ді енгізу қажет. Нәтиже 10 минут ішінде пайда болады.
2. **Әлеуметтік медициналық сақтандыру қорының fms.kz ресми сайты 
**«Мәртебені анықтау» қалқымалы терезесі сайт бетінің оң жақ бұрышында орналасқан. Оны басу және ЖСН-ді енгізу жеткілікті.
3. **Goldau 24/7 мобильді қосымшасы 
**PlayMarket немесе AppStore-да қосымшаны жүктеп алыңыз. Мәзірде «Сақтандырылу мәртебесін тексеру» бөлімін таңдап, ЖСН-ді енгізу қажет. Терезеде мәртебе және алдыңғы 12 айға төлемдердің болуы туралы ақпарат пайда болады.
4. **Telegram-дағы @SaqtandyrýBot. 
**Ботты іске қосу үшін келесі сілтемені ашу керек: https://t.me/SaqtandyryBot немесе іздеу жолына оның атын енгізіңіз, содан кейін «Сақтандыру мәртебесін анықтау» бөлімін таңдаңыз, ЖСН-ді енгізіңіз. Алдыңғы 12 айдағы төлемдердің жағдайы мен бар – жоғы туралы ақпарат көрсетіледі.
Сақтандырылған мәртебеңіздің бар екенін тексергеннен кейін, сіздің МӘМС тізбесі бойынша сақтандырылған азаматтарға көрсетілетін медициналық қызметтерді пайдалануға құқығыңыз бар. Ол үшін Әлеуметтік медициналық сақтандыру қорының жеткізушісі болып табылатын алғашқы медициналық-санитарлық көмек көрсететін медициналық ұйымдардың біріне бекітілгеніңізді тексеру қажет. Бекітілмеген жағдайда, egov.kz. сайты арқылы бекітілуге өтінім беріңіз.
Енді сіз өзіңіздің учаскелік дәрігеріңіздің қабылдауына жазыла аласыз. Көрсетілімдер болған кезде дәрігер базалық немесе кеңейтілген талдаулар тізбесіне жолдама жазады, қажет болған жағдайда сіздің денсаулығыңыздың жай-күйін бағалау және емдеуді тағайындау үшін диагностикалық тексеруге немесе тар бейінді маманның консультациясына жібереді. Бұл қызметтердің барлығын МӘМС аясында Әлеуметтік медициналық сақтандыру қоры төлейді, пациент олар үшін ақы төлемеуі керек.
Егер сізде медициналық көмектің сапасы мен уақтылығы туралы сұрақтар туындаса, сіз емхананың Пациенттерді қолдау және ішкі аудит қызметіне хабарласа аласыз. Егер жағдайды шешу мүмкін болмаса, Әлеуметтік медициналық сақтандыру қорына келесі кері байланыс арналары арқылы өтініш жіберуге болады: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyrýBot.

МӘМС жүйесіндегі мәртебеңізді қалай білуге болады?

<a href="https://kyzylorda-news.kz/">Kyzylorda-news.kz.</a> Қармақшы ауданында «Қорқыт ата» мемориалдық кешенінде және аудандық тарихи-өлкетану мұражайында тағылымы мол, мәдени көпшілік іс-шаралар өтті.
Айтулы күнде «Қорқыт ата» мемориалдық кешенінде ашық есік күні мен «Қорқыт: Ақиқат пен аңыз» атты іс-шара ұйымдастырылды. Мәдени іс-шараға аудан басшысы Әділбек Ерсұлтанов қатысып музей қызметкерлерін кәсіби мерекелерімен құттықтап, алдағы жұмыстарына сәттілік тіледі.
Мерекелік іс-шарада жас жыршылар жырдан шашу шашып, «Тұсау кесер» салтының көрінісі қойылып, викториналық ойындар мен ұлттық спорт түрлерінен сайыстар ұйымдастырылды. Сондай-ақ, Қазақстан Республикасының суретшілер одағының мүшесі, саяхатшы М.Төтеевтің шеберлік сағаты өтті.
Әрі қарай мәдени көпшілік іс-шаралар тізбегі аудандық тарихи-өлкетану мұражайында «Музей – мәдени құндылықтар мекені» атты іс-шарамен жалғасты.
Іс-шарада «Қасиет қонған Қармақшы» композициялық көрінісі қойылып, мұражай ғимаратында көркем сурет залының ашылу салтанаты өтті. Сондай-ақ, Сыр сүлейлері Тұрмағамбет Ізтілеуұлының 140 жылдығы және Балқы Базар Оңдасұлының 180 жылдығына орай жырдан шашу шашылды. 
Сонымен қатар, музей күніне орай арнайы көрмелер ұйымдастырылып, «Музей түні» жобасы аясында мұражайдың экспозициялық залдары бойынша сағат 00.00-ге дейін экскурсиялар ұйымдастырылды.
<img src="https://kyzylorda-news.kz/wp-content/uploads/2022/05/mwzej2.jpg" alt="" />
<img src="https://kyzylorda-news.kz/wp-content/uploads/2022/05/mwzej1.jpg" alt="" />
<img src="https://kyzylorda-news.kz/wp-content/uploads/2022/05/mwzej3.jpg" alt="" />
<img src="https://kyzylorda-news.kz/wp-content/uploads/2022/05/mwzej3-1.jpg" alt="" />
<img src="https://kyzylorda-news.kz/wp-content/uploads/2022/05/mwzej4.jpg" alt="" />

Қармақшыда музей күні аталып өтті

<a href="https://kyzylorda-news.kz/">Kyzylorda-news.kz.</a> ҚР Президенті жариялаған “Бала жылы” аясында балалардың денсаулығын қорғау жөніндегі шараларды іске асыру бөлігінде Қазақстан денсаулық сақтау министрлігі аурулардың алдын алуға ерекше назар аударады. Бұл туралы ҚР Президенті жанындағы Орталық коммуникациялар қызметінің брифингінде ДСМ басшысы Ажар Ғиният хабарлады.
<blockquote>
 “Өздеріңіз білетіндей, Қазақстан Республикасының Президенті 2022 жылды “Бала жылы” деп жариялады. Балалардың денсаулығын қорғау жөніндегі іс-шараларды іске асыру шеңберінде Министрлік алдын алуға ерекше назар аударатын болады. Осыған байланысты жүргізіліп жатқан зерттеулердің ағымдағы көлемін ескере отырып, балаларды профилактикалық тексеру пакеттері кеңейтілетін болады”, – деп атап өтті министр.
</blockquote>
Сонымен қатар, республикалық бюджет қаражатынан 16,4 млрд теңге мөлшерінде қаржыландыру, сирек кездесетін 9 ауруы бар, оның ішінде жұлын-бұлшық ет атрофиясы және эпилепсиясы бар балаларды емдеу үшін дәрілік заттардың 24 позициясын сатып алу көзделген.
2021 жылдан бастап Қазақстан Республикасы Президентінің тапсырмасы бойынша “Аңсаған сәби” арнайы бағдарламасы іске қосылды, онда 2026 жылға дейін ЭКҰ-ға жыл сайын 7000 квота бөлу көзделген. Ағымдағы жылдың сәуір айындағы жағдай бойынша ЭКҰ арқылы 3063 әйел жүкті болды, 1307 бала дүниеге келді.
Сонымен қатар, ведомство басшысы өз сөзінде аурухана инфрақұрылымын жаңғырту туралы айтқан болатын, осы тапсырманы іске асыру аясында ағымдағы жылы 20 медициналық нысан ашу жоспарланған, 2023 жылы 37 нысан пайдалануға беріледі деп күтілуде. Сонымен қатар, 2025 жылға қарай 500 МСАК нысанының құрылысы жоспарланған.
Мемлекет басшысының тапсырмаларын іске асыру аясында министрлік медициналық техниканы орталықтандырылған сатып алу механикасын әзірледі, дәрілік заттар мен медициналық бұйымдардың отандық өндірісінің үлесін арттыруды қамтамасыз ету үшін нақты шаралар қабылдады.

Балалар жылы: Министрлік балалардың денсаулығын қорғау бойынша қандай шараларды жүзеге асырады?

<a href="https://kyzylorda-news.kz/">Kyzylorda-news.kz.</a> Бүгін «Қайырымдылық керуені» апталығы аясында «Қоғамдық келісім» КММ ұйымдастыруымен Талсуат және Тасбөгет оңалту орталықтарындағы ерекше жандарға арналған спартакиада өтті.
«Жарысқа шық жанұя» спартакиадасына ем алушы 10 жеткіншек ата-анасымен бірге қатысты.
Көңілді әрі тартысты ойынға облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, төрт дүркін әлем чемпионы Илья Ильин, облыстық ҚХА жанындағы волонтерлар орталығының үйлестірушісі Мақпал Тілеубекова қазылық етті.
Жеңімпаздар мен барлық қатысушыларға бағалы сыйлықтар мен дипломдар табысталды.
<img src="https://kyzylorda-news.kz/wp-content/uploads/2022/05/img_4574-1-scaled.jpg" alt="" />
<img src="https://kyzylorda-news.kz/wp-content/uploads/2022/05/img_4618-scaled.jpg" alt="" />

Қызылордада ерекше жандарға арналған отбасылық спартакиада өтті

<a href="https://kyzylorda-news.kz/">Kyzylorda-news.kz.</a> Жеңілдетілген автонесие іске қосылғанымен, қазақстандықтардың басым бөлігі бағдарлама талаптарына наразы. Сөздерінше, мұның кесірінен үш есеге артық төлеуге мәжбүр екен, деп хабарлайды&nbsp;<a href="https://stan.kz/">Stan.kz</a>.
Сатып алушылар өздеріне лайықты көлікті таңдай алмағандарын айтқан. Себебі сұраныс көп болғандықтан, салондарда көлік таусылып қалған. Ал кейбірі бастапқыда басқа баға айтылса, сатып алар кезде мүлде басқа баға шығады дейді.&nbsp;
<blockquote>
 «Өзіме базалық жиынтықтағы көлік қарап жүрмін. 10 миллионнан қымбат емес көлік аламын деп жоспарлағанмын. Бірақ қазір ғана міндетті сақтандыру және қосымша баптаулар үшін көбірек төлеу керегін білдім. Енді арзанырақ нұсқа іздеймін», –&nbsp;деді сатып алушылардың бірі Ақтілек Әбділдаева.&nbsp;
</blockquote>
Қазір базалық жиынтықтағы көліктерге сұраныс артқан. Өйткені қосымша баптауларды өз қалауыңызша қосасыз. Әрі автосалон ұсынған баптаулар үшін&nbsp;артық төлемейсіз. Алайда сатушылар толық жиынтықтағы&nbsp;көлік&nbsp;сатып алуды ұсынады екен. Мұны басқа көліктердің таусылып қалуымен түсіндірген.&nbsp;
Көлік сатып алғысы келетіндер салондардың осылайша пайда көргісі келетінін айтады. Ал салон иелері мұндай қызметкерлерді бірден жұмыстан шығарып жатқанын мәлімдеді. Ал автоблогерлер менеджерлер құрығына түсіп қалмау үшін бірнеше кеңес берді.
<blockquote>
 «Егер көлікте бағасы 1,5-2 миллионға жететін баптаулар өте көп болса, мұндай менеджерден аулақ болыңыз. Бірден сату бөлімінің басшысына жүгініңіз. Мұндай баптауларды алып тастау керек. Немесе жедел желіге қоңырау шалыңыз», –&nbsp;деді блогер Роман Масленников.&nbsp;
</blockquote>
Егер нарықтағы көлік тапшылығына тап болсаңыз, сәл күте тұрыңыз. Өйткені ірі көлік салондары өз базасын екі апта сайын жаңартады екен. Мәселен, Индустрия және инфрақұрылымдық даму министрлігі жаңа көліктердің мамыр айының соңында әкелінетінін мәлімдеген. Дилерлер 8,5 мың көлікпен қамтылады.&nbsp;
<blockquote>
 «Автоөндірушілер мен салондар сатушыларға қандай да бір қызметті міндеттеуге тыйым салатын арнайы бұйрық шығарған. Яғни көлікті қосымша баптауларсыз сатып алуға болады», –&nbsp;деді Қазақстандық автобизнес ассоциациясы заңды тұлғалардың стратегиялық даму бойынша бірлестігінің директоры Қайрат Еламанов.&nbsp;
</blockquote>
Сарапшылар сатып алатын көлікті алдын ала таңдауға кеңес береді. Бағасын анықтап, соған қарай қаржыны жоспарлау қажет. Алайда КАСКО сақтандыру бойынша артық төлем жасалады. Себебі бұл кез келген нарықтағы міндетті талап.

Қазақстан және Қызылорда облысының жаңалықтары