<a href="https://kyzylorda-news.kz/">Kyzylorda-news.kz.</a> Жексенбіде, 13 қарашада таңертең Лас-Вегаста (АҚШ, Невада) WBO нұсқасы бойынша орта салмақтағы әлем чемпионы атағы үшін қазақстандық Жәнібек Әлімханұлы (12-0, 8 КО) мен ұлыбританиялық Дензел Бентли (17-1-1, 14 КО) арасындағы жекпе-жек өтеді.Олардың жекпе-жегі «Хабар» телеарнасында тікелей эфирде көрсетіледі. Тікелей эфир Астана уақытымен 08:00-де басталады.<a href="https://massaget.kz/layfstayl/sport/74302/">massaget.kz</a>

Әлімханұлы - Бентли жекпе-жегін қайдан және қашан көруге болады? 

<a href="https://kyzylorda-news.kz/">Kyzylorda-news.kz.</a> Қызылорда облысында «Құқықтық тәртіп» іс-шарасы жүргізіліп жатыр.Аймақта жүргізіліп жатқан «Құқықтық тәртіп» жедел-профилактикалық іс-шарасы барысында 9 қараша күні сағат 20:17 шамасында Қызылорда қаласы полиция басқармасының учаскелік полиция қызметкері полиция капитаны Бақтияр Ақжігіт бағыт аралау барысында 42 жастағы күдікті азаматты тоқтатқан.Тексеру барысында күдікті өзімен бірге құжаты жоқ ішкі істер орындарында тіркелмеген ИЖ-16 маркалы қаруды заңсыз алып жүрген. Бір ұңғылы, 16 калибрлі аңшы мылтығының нөмірі жоқ. Қызылордалық полицейлер қаруды заттай дәлелдеме ретінде алды.Аталған дерек бойынша Қазақстан Республикасы Әкімшілік құқық бұзушылық Кодексінің 482-бабының 1-бөлігімен (Ішкі істер органдарында тіркелмеген тегіс ұңғылы, газ қаруын және оның патрондарын заңсыз сатып алу, беру, өткізу, сақтау, алып жүру, тасымалдау) әкімшілік хаттама толтырылды.Аталған іске байланысты жинақталған материал сотқа жіберілетін болады.Айта кетейік, қазіргі таңда аймақта «Браконьер» жедел-профилактикалық іс-шарасы өтуде. Аталған шара аясында қызылордалық полицейлер 3 күнде табиғат қорғау заңнамасын бұзудың 19 дерегін тіркеді.Іс-шараның басты мақсаты - табиғат қорғау заңнамасын бұзушылықтарды, биологиялық ресурстар объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған. &nbsp;<figure class="image image_resized" style="width:75%;"><img src="https://knadmin.beoblood.kz/uploads/karu_79220d971b.jpg" alt="кару.jpg"></figure>

Қызылорда: «Құқықтық тәртіп» іс-шара аясында тіркелмеген қару тәркіленді

<a href="https://kyzylorda-news.kz/">Kyzylorda-news.kz.</a> Қызылордадағы кәмелетке толмағандарды бейімдеу орталығынан екі оқушы жоғалып кетті, деп хабарлайды Stan.kz.Полиция басқармасының мәліметінше, оқушылар екі күннен бері табылар емес. Белгісіз бағытқа кеткен 14 және 16 жастағы қыздарды көрдім-білдім деген жан жоқ.<blockquote>«Ювеналды полиция бөлімшесінің қызметкерлерімен барлық жасөспірімдер баратын жерлер араланды. Осы қыздар бойынша Шымкент қаласына 3 қызметкер жіберілді. Барлығы 43 қызметкерлер сол бойынша жұмыс атқарып жатыр», - деді Қызылорда қаласы ПБ ювеналды полиция бөлімшесінің бастығының орынбасары Ләззат Ахметова.&nbsp;</blockquote>

Қызылордада кәмелетке толмағандарды бейімдеу орталығынан шығып кеткен 2 оқушы әлі іздестіріліп жатыр

<a href="https://kyzylorda-news.kz/">Kyzylorda-news.kz.</a> Арал ауданының әкімі Серік Сермағамбетов Жетес би, Аманөткел және Қосжар ауылдық округтерінде халықпен кездесіп, жергілікті жердегі өзекті мәселелерді тыңдады.Ауыл тұрғындарымен өткен кездесуде аудан басшысы өлкедегі оң өзгерістерге тоқталып, алдағы жоспарлармен де бөлісті. Президент тапсырмасына сәйкес, негізгі жұмыс халықты &nbsp;қажетті инфрақұрылыммен, яғни ауыз су, электр энергиясы, жолмен қамтамасыз етуге бағытталғанын айтып өтті. Экономикалық-әлеуметтік даму динамикасы бойынша &nbsp;2022 жылдың 9 айының қорытындысымен Арал ауданы облыста алдыңғы орынға тұрақтаған. Негізгі макроэкономикалық көрсеткіштер толық орындалған. Ауылшаруашылығын дамытуға арналған Жол картасы бекітіліп, егін, егуге айрықша мән беріліп, мал және балық шаруашылығымен айналысушыларға мемлекет тарапынан белгіленген субсидия берілуде екендігін жеткізді. &nbsp;&nbsp; Аудан әкімімен өткен кездесуде Жетес би ауылдық округі, Ескұра ауылының тұрғындары интернет сапасын арттыру бойынша ұсыныс көтерді. &nbsp;Өз кезегінде Серік Сағитжанұлы бұл мәселе назарда екендігін, ол үшін тиісті мекемелермен жұмыстар жүргізіліп жатқандығын жеткізді.&nbsp;Ал Қосжар халқы &nbsp;2 шақырым болатын ауылішілік автомобиль жолының қажет екендігін айтты. Аудан әкімі аталған нысан бойынша жоба-сметалық құжаттары әзірленгендігін жеткізіп, жол мәселесінің тез арада шешу бағытында тиісті шаралар атқарылып жатқандығын айтты.&nbsp;Аққұлақ ауылының тұрғындары аудан әкімімен кездесуде жол мәселесін көтерді. Ұзақ уақыт халықтың қатынауына қиындық тудырған елді-мекенге кіре беріс, 8 шақырым жол мәселесі жақын арада шешімін таппақ. Автомобиль жолы құрылысын жүргізу мақсатында мемлекеттік сатып алу жұмыстары жүргізіліп, мердігер мекеме анықталған. Құрылыс жұмыстары 2023 жылы басталу жоспарлануда екенін айтты аудан әкімі.&nbsp;Аудан әкімі Серік Сермағамбетов жұмыс сапары барысында ауыл халқымен кездесіп, олардың түйткілді деген мәселелерін тыңдап, елді-мекендердегі әлеуметтік нысандардың жұмыс барысын саралады. Халық үшін қажетті деген ғимараттардың тоқтаусыз жұмыс ітсеуін, оның ішінде білім беру мен медициналық орталықтардың қысқы маусымда отын қорымен толық қамтамасыз етілуін тиісті бөлімдерге тапсырды.<figure class="image"><img src="https://knadmin.beoblood.kz/uploads/aral1_7d59624ea7.jpg" alt="арал1.jpg"></figure>

Арал ауданының әкімі Сыр беткейінің халқымен кездесті

<a href="https://kyzylorda-news.kz/">Kyzylorda-news.kz.</a> 2022 жылдың 12 қарашасында ҚР Президенттігіне Жалпыұлттық социал-демократиялық партиясы атынан кандидат Нұрлан Әуесбаев Ақмола облысы Ақкөл қаласында сайлаушылармен кездесу өткізді.Іс-шара барысында жиналған қауымға сайлауалды бағдарламасының басым бағыттары жөнінде баяндады. Нұрлан Әуесбаевтың пікірінше, Қазақстан бірқатар саяси реформаларды жүзеге асыруы қажет.Бірінші кезекте, президенттік биліктен бас тартуымыз керек. Мемлекет басшысы қызметтерінің бір бөлігін мәжіліске беріп, оның қуатты әрі тәуелсіз орган болуына жағдай жасау қажет. Әуесбаевтың пікірінше, мәжіліс үкіметті құруы тиіс.Реформалар ішінде бюджеттік процедураларды жетілдіру ұсынысы да бар. Әр елдімекенде өзіне тиесілі ашық бюджет жасақталып, нақты уақыт режимінде онлайн түрде мемлекет ақшасының қалай және қайда жұмсалып жатқандығы ашық көрсетіліп отыруы керек.Сонымен бірге Нұрлан Әуесбаев заңсыз баюға қатысты жазаны қатаңдатуды ұсынды. Кандидаттың пікірінше, парақорлармен күрестің жалғыз тиімді әдісі осы. &nbsp;<img src="https://knadmin.beoblood.kz/uploads/Whats_App_Image_2022_11_14_at_09_12_37_1_d1c8fd7f6f.jpeg" alt="WhatsApp Image 2022-11-14 at 09.12.37 (1).jpeg">

Кандидат Нұрлан Әуесбаев Ақмола облысы Ақкөл қаласының тұрғындарымен кездесті

<a href="https://kyzylorda-news.kz/">Kyzylorda-news.kz.</a> Қазақстанда әлеуметтік маңызы бар азық-түлік тауарлары жыл басынан бері 20,7 %-ке қымбаттады, деп хабарлайды <a href="https://sputnik.kz/">Sputnik Қазақстан</a>.Ресми мәліметке сәйкес, өткен аптада әлеуметтік маңызы бар азық-түліктің бағасы тағы 0,2 процентке көтерілді.Бір аптаның ішінде қымбаттаған тауарлар:жұмыртқа, І санат + 1,6%пияз + 0,7%орамжапырақ + 0,6%Ал сәбіз (– 0,7%) бен қант (– 0,2%) сәл арзандады.Әлеуметтік маңызы бар кейбір тауарлардың орташа бағасы:түтік кеспенің (рожки) келісі – 294 теңге;сиыр еті, жауырын-төс бөлігінің келісі – 2 279 теңге;бір литр айран 2,5% – 349 теңге.Ал жылдық мәнде осы санаттағы тауарлар 20,2%-ке қымбаттады, бұл 2021 жылдың ұқсас кезеңімен салыстырғанда 6,4 процентке жоғары.Айта кетері, әлеуметтік маңызы бар азық-түлік тауарларының тізбесіне 19 өнім кіреді. Олар: түтік кеспе, қарақұмық, күріш, картоп, сәбіз, пияз, орамжапырақ, қант, күнбағыс майы, сиыр мен тауық еті, сүт, айран, жұмыртқа.

Әлеуметтік маңызы бар тауарлар қымбаттады

<a href="https://kyzylorda-news.kz/">Kyzylorda-news.kz.</a> Қазақстанның еңбек сіңірген артисі, "Құрмет" орденінің иегері Қызылорда қаласының құрметті азаматы Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованың киелі сахна төрінде өнер көрсетіп, жұлдыздай жарқырап жанғанына - 55 жыл толуына арналған "Театр - өмір, байрақ, бақытым!" атты шығармашылық кеші болып өтті.&nbsp;Кеште облыс әкімінің орынбасары Нұрымбет Аманұлы құттықтау сөз сөйлеп, мерекелік сый-сияпат жасады.&nbsp;Мерекелік кештің жұлдызды қонағы &nbsp;ұлт руханиятының абызы, Қазақстанның Еңбек Ері, КСРО және Қазақстанның халық әртісі, Мемлекеттік сыйлықтардың лауреаты, Қазақстан Театрлар Ассоцациясының президенті және М.Әуезов атындағы қазақ Ұлттық драма театрының көркемдік жетекшісі Асанәлі Әшімұлы мерейтой иелерінің қазақ театры тарихындағы өзіндік орны мен қолтаңбасына айрықша тоқталды.&nbsp;Мерейтойға арнайы келген Қазақстан &nbsp;Республикасының еңбек сіңірген қайраткері, жазушы, драматург Жолтай Әлмашұлы және Тахауи Ахтанов атындағы Ақтөбе облыстық қазақ драма театрының актері, Мәдениет қайраткері Мағзұм Бақытжанов, Маңғаз Маңғыстаудан келген Мәдениет қайраткері, "Құрмет" орденінің иегері Нұрнияз Мұханұлы, Шымкент қалалық Жұмат Шанин атындағы қазақ академиялық драма театрының көркемдік жетекшісі, Қазақстанның еңбек сіңірген қайраткері Бекболат Құрманғожаев және театр директорының орынбасары Тимур Ахметов, Қызылорда қалалық жастар театрының көркемдік жетекшісі, Мәдениет қайраткері Оңталап Нұрмаханов сахна төріне шығып, &nbsp;өз игі тілектерін білдірді.Мерейтойлық кеш барысында Бақытбек Алпысбаев пен оның өмірлік жары Кәмила Абжанова сомдаған рөлдерді, олар қойған спектакльдердің кейіпкерін кескіндеген әріптестері құттықтап, әннен шашу шашып, мерейтойлық тарту ұсынды. &nbsp;<img src="https://knadmin.beoblood.kz/uploads/315446215_1246659062558828_2491202049721578931_n_49bcb3857a.jpg" alt="315446215_1246659062558828_2491202049721578931_n.jpg"><img src="https://knadmin.beoblood.kz/uploads/315104411_1246659052558829_3848819967683177465_n_158259be07.jpg" alt="315104411_1246659052558829_3848819967683177465_n.jpg"><img src="https://knadmin.beoblood.kz/uploads/314720208_1246659132558821_1571185764103967985_n_f40ff8e281.jpg" alt="314720208_1246659132558821_1571185764103967985_n.jpg"><img src="https://knadmin.beoblood.kz/uploads/314754620_1246659082558826_3770012031071181634_n_927aa96615.jpg" alt="314754620_1246659082558826_3770012031071181634_n.jpg">

Театр саңлақтарының "Театр - өмір, байрақ, бақытым!" атты шығармашылық кеші өтті

<a href="https://kyzylorda-news.kz/">Kyzylorda-news.kz.</a> «BIR TOLQYNDA» диалог алаңының кезекті отырысында жастар белсенділері Қазақстан Республикасының Президенттігіне кандидат Қасым-Жомарт Тоқаевтың сайлауалды бағдарламасын талқылады.«Жастар Рухы» белсендісі Аида Қалуова Қасым-Жомарт Тоқаевтың білім беру және жастар саясаты саласындағы бастамаларына баса назар аударды.<blockquote>«Жастардың проблемаларын өздерінен артық ешкім білмейді, сондықтан олардың өзекті мәселелерін шешуде сіздердің пікірлеріңізді елемеуге болмайды. Сапалы білім – жастардың табысының, елімізді алға жылжытатын талантты мамандардың қалыптасуының кепілі. Қазақстандық жастардың өздерін ең белсенді сайлаушылар ретінде көрсететініне сенімдімін», - деді ол.</blockquote>«Жастар Рухы» жастар қанатының елордадағы филиалының төрағасы Арсланбек Мағзұмның пікірінше, жастардың өзін-өзі тануы үшін экономикалық және әлеуметтік жағдайлар жасалуы тиіс.<blockquote>«Жастардың алдағы президенттік сайлауға деген қызығушылығы олардың ел ісіне араласуға дайындығын, сайлау процестеріне деген өзіндік көзқарасы қалыптасқанын көрсетеді. Дауыс беру құқығы үлкен жауапкершілік екенін түсіну маңызды және таңдау импульсивті эмоционалды шешім емес, саналы және ұтымды болуы керек», – деді ол.</blockquote>Айта кету керек, «Bir Tolqyndа» диалог алаңының отырыстары еліміздің барлық өңірінде өтті. &nbsp;

«BIR TOLQYNDA»: Жастар Қасым-Жомарт Тоқаевтың сайлауалды бағдарламасын талқылады

<a href="https://kyzylorda-news.kz/">Kyzylorda-news.kz.</a> ҚР Президенттігіне кандидат Мейрам Қажыкен «АрселорМиттал Теміртау» қызметкерлерімен кездесу өткізді. Кәсіпорында үміткер өзі туралы және тәуелсіз кәсіподақтармен бірлескен жұмысы туралы айтты. Мейрам Қажыкен экономиканы, жалақы жүйесін және зейнетақы жүйесін реформалау жөніндегі өз жоспарларын егжей-тегжейлі баяндады. Ол өнеркәсіп қызметкерлерінің проблемаларымен бұрыннан таныс және бірнеше рет көмектесуге тырысқанын жеткізді.&nbsp;<blockquote>«Өткен жылы қараша айында Абай шахтасындағы қайғылы оқиғадан кейін біз хат жаздық (Еңбек және әлеуметтік қорғау министрлігіне). Екі күннен кейін Өскемен титан-магний зауытында екі адам қаза тапты. Бір аптадан кейін Көкшетауда құрылыс краны құлады. Біздің үндеуімізде біз қауіпті және зиянды еңбек жағдайлары туралы жаздық, бүкіл ел бойынша кәсіпорындарды тексеру үшін мемлекеттік комиссия құруды талап еттік. Қаңтар айында біз еңбек министрлігінен бәрі жақсы тексерілді деген жауап алдық. Бірақ ештеңе шешілмеді. Енді тағы бір трагедия. Тағы да олар бірдеңе істеу керек екенін есіне алды. Ал енді не істейді? Өлімнен өлімге дейін қанды іздермен жүру керек пе? Адамдар өледі және мыңдаған адамдар ауыр жарақат алады. Өндірісте жарақат алған адамдар өте аз ақы алады, сондықтан олар қайтадан жұмысқа орналасады. Әрине, көптеген заң бұзушылықтар бар. Менің ойымша, шыдамның да шегі бар», - деді ол.</blockquote>Мейрам Қажыкен 2021 жылы жасалған «лайықты жалақы үшін» петициясын еске салды. Құжатқа Қазақстан бойынша 17 мың жұмысшы өз қолдарын қойды.<blockquote>«Біз Еңбек министрлігіне жұмысшылардың талаптарын енгіздік. Осы уақытқа дейін жауап келген жоқ. 3 қарашадағы қайғылы оқиғадан кейін олар жалақы есептеулерін қайта қарау керек деп оянды. Менің бағдарламамда мұның бәрі бар», - деп атап өтті кандидат, сондай-ақ бағдарламада зиянды және қауіпті өндірістерде жұмыс істейтін қызметкерлердің ерте зейнетке шығуы туралы тармақ көрсетілгенін атап өтті.</blockquote>Жұмысшылар жұмыс істеуге тура келетін ескі жабдыққа, төмен жалақыға, аймақта кеншілер ауруларына маманданған жақсы дәрігерлердің жоқтығына, жоғары бағаларға шағымданды.<blockquote>«Мен осы проблемалардың барлығын білемін және олармен жұмыс істеуге және оларды жоюға дайынмын», - деп түйіндеді Мейрам Қажыкен.</blockquote>Естеріңізге сала кетейік, 3 қарашада Шахтинск қаласында шахтада. «АрселорМиттал Теміртау» компаниясына тиесілі Ленин газдандыру ұңғымаларын бұрғылау кезінде метан шығарылып, жарылыс болды. Оқиға салдарынан бес шахтер қаза тауып, төртеуі жарақат алды.<img src="https://knadmin.beoblood.kz/uploads/Whats_App_Image_2022_11_14_at_09_15_56_2eeeb1c595.jpeg" alt="WhatsApp Image 2022-11-14 at 09.15.56.jpeg">

ҚР Президенттігіне кандидат Мейрам Қажыкен Теміртауға іс-сапармен барды

<a href="https://kyzylorda-news.kz/">Kyzylorda-news.kz.</a> Терең ылғалды атлантикалық циклон мен атмосфералық ағындардың өтуіне байланысты Қазақстанның басым бөлігінде күн құбылмалы болады. Осыған байланысты жауын-шашын (жаңбыр, қар), көктайғақ, бұрқасын болып, жел күшейеді, деп хабарлайды Қазгидромет.Тек еліміздің оңтүстігінде, оңтүстік-шығысында күн жауын-шашынсыз болады. Қазақстан бойынша тұман түседі.

12 қарашаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жалпы сан алуан дау-жанжалдарды, тіпті орта дәрежелі қылмыстық істерді де сотқа жеткізбей, бейбіт жолмен шешу елімізде кең тараған үрдіс. Әсіресе билер институтын медиация мүмкіндіктері арқылы заманауи жаңғырту, әділетті мемлекет, біртұтас ұлт, берекелі қоғам қалыптастырудағы медиацияның рөлін арттыру мақсатында Сыр өңірінде ауқымды шаралар өтуде. Соның бірі Қызылорда облыстық қоғамдық даму басқармасының «Қоғамдық келісім» КММ ұйымдастыруымен «Медиация – бейбітшілік пен келісім жолы» тақырыбындағы облыстық форум.&nbsp;Бұл форумның мақсаты тәжірибе алмасу, еліміздегі медиация институтын дамытудың жолдарын саралау, медиаторлар арасында кәсіби байланыстарды дамыту және Қазақстан халқы Ассамблеясы медиация құрылымының мемлекеттік органдар мен азаматтық қоғам институтымен өзара іс-қимылының негізгі тетіктерін талқылау.Форум басталмас бұрын кітап көрмесі мен «Медиация – мәміле алаңы» тақырыбымен дайындалған бейнеролик көпшіліктің назарына ұсынылды.&nbsp;Мұнан соң медиаторлар бас қосқан форумда облыстық қоғамдық даму басқармасы басшысының орынбасары, шара модераторы Бауыржан Камзаев сөз сөйлеп, оның маңыздылығы туралы айтып өтті.-Болашағы біртұтас елдің барлық мемлекеттік және азаматтық қоғам институттары қызметінің ең басты қағидаты – қоғамдық келісімді сақтау және нығайту. Осы орайда барлық тараптардың құқықтары мен бостандықтарын құрметтеу арқылы бітімгершілікке қол жеткізуге бағытталған медиация институтының ел бірлігін дамытудағы рөлі зор, - дей келе, этномедиация бағыты бойынша 2 күнге жалғасқан оқыту семинарында өз тәжірибелерімен бөліскен этномедиатор мамандарға алғысын білдіре отырып, форумға сәттілік тіледі.Шарада «Қоғамдық келісім» РММ ҚХА жобаларды іске асыру және қоғамдық құрылымдармен жұмыс жасау жөніндегі басқармасының бас сарапшысы Талшын Италиева Қазақстан халқы Ассамблеясы жанындағы медиаторлардың бітімгерлік бағытында атқарған толымды жұмыстарын сөз етті.&nbsp;<blockquote>«2015 жылдан бастап ҚХА негізгі бағыттарының бірі – медиация институтын дамыту, насихаттау болып табылады. Бүгінгі таңда &nbsp;республика көлемінде ҚХА-на қарасты 20 медиациялық кабинеттер жұмыс істейді. 367 диалогтық алаң бар. &nbsp;Осы уақытқа дейін 140 мыңнан астам медиациялық кабинеттерге жүгіну тіркелді», - деп атап өтті.&nbsp;</blockquote>Қызылорда облыстық ҚХА жанындағы медиаторлар кеңесінің мүшесі, «Бітім» медиация орталығы» қоғамдық бірлестігінің кәсіби медиаторы Қыдырбек Рашев және «Рух» психология және тұлғаны дамыту орталығының директоры, этномедиатор Резеда Баймухаметова, облыстық Қазақстан халқы ассамблеясы жанындағы медиаторлар кеңесінің мүшесі, қоғамдық медиатор Жақсыбай Жакеев татулық пен берекені, елдің тұтастығын сақтаудағы ең ұтымды тәсіл – бітімгерлік бағытын дамытып, нығайтуда атқарылып жатқан толымды жұмыстар үшін ұйымдастырушыларға ризашылығын білдірді.&nbsp;Форум соңында Қазақстан халқы бірлігі мен қоғамдық келісімді нығайтуда қосқан елеулі үлестері үшін бірқатар медиаторлар марапатталды.&nbsp;Айта кету керек, бүгінгі күні облыс көлемінде 615 қоғамдық медиатор тіркелген. Оның ішінде 2022 жылы облыстық ҚХА-мен бірлесіп жұмыс атқаратын 45 медиатордың тізімі жасақталды.Жыл басынан бері облыс көлемінде медиация институтын насихаттауға бағытталған түрлі форматта 64 шара ұйымдастырылып, 1000-ға жуық адам қамтылды.&nbsp;Үстіміздегі жылы қоғамдық медиаторлармен барлығы 2000-ға жуық дау шешілсе, оның 551-і сотқа дейін, 1397-і сотта медиациялық келісіммен, 42 дау қоғамдық медиаторлардың кеңес беруі нәтижесінде тоқтатылды.<figure class="image"><img src="https://knadmin.beoblood.kz/uploads/315359528_3353554101630413_5076698400352389891_n_428c83a9f7.jpg" alt="315359528_3353554101630413_5076698400352389891_n.jpg"></figure>

Қызылордада «Медиация – бейбітшілік пен келісім жолы» форумы өтті

<a href="https://kyzylorda-news.kz/">Kyzylorda-news.kz.</a>&nbsp; 11 қараша – Халықаралық энергияны үнемдеу күні. Бүгінде энергияны шекті мөлшерде тұтыну – экономикалық тиімділікке оң әсерін тигізеді. Осыған орай, облыста энергия үнемдеу және энергия тиімділігін арттыру бойынша 2022 жылға арналған жол картасы бекітіліп, тиісті жұмыстар атқарылуда. Бұл жөнінде Өңірлік коммуникациялар қызметінде өткен брифингте облыстық энергетика және тұрғын үй-коммуналдық шаруашылық басқармасы басшысының орынбасары Қайсар Мұстафаев мәлімдеді.<blockquote>«Биыл облыста көше жарықтандыру шамдарын ауыстыру мақсатында 4 жоба қарастырылған болатын. Қазіргі уақытта 2 жоба толық аяқталып, 614 энергия үнемдегіш шам орнатылды. Сонымен қатар, осы жылы 15 көпқабатты тұрғын үйге күрделі жөндеу жүргізілді. Ал Жаңақорған кентінің электр желілерін қайта жаңғыту үшін арнайы қаржы бөлініп, қуаттылығы 10/0,4 кв болатын электр желілеріне жөндеу жұмыстары жүргізілетін болады. Қазіргі таңда, басқарма тарапынан «Алматы проект энерго строй» ЖШС-мен Шиелі кентіндегі электр станциясын қайта жандандыру туралы жобалық-сметалық құжаттама әзірленуде», -деді басқарма басшысының орынбасары Қайсар Мұстафаев.</blockquote><blockquote>«Біздің мекеменің басты міндеті - облыс тұрғындарын үздіксіз электр энергиясымен қамтамасыз ету болып табылады. 2020 жылы энергия үнемдеу және энергия тиімділігін арттыру бойынша аудит жүргізілген болатын. Осыған сәйкес, 2026 жылға дейін арнайы жоспар бекітілді. Бүгінде «Қызылорда электр тарату тораптары» компаниясы 11,95 кабелдік желілерінің 90 пайызы жөндеуден өтсе, мекемеге соңғы заманауи вакумдік ажыратқыштар орнатылды», - деді Қызылорда электр тарату тораптары АҚ-ның Даму жөніндегі басқарушы директорының міндетін атқарушы Нұржан Күздібаев.</blockquote><img src="https://knadmin.beoblood.kz/uploads/315305418_1663593170702855_4899543065446039261_n_6075e1f08f.jpg" alt="315305418_1663593170702855_4899543065446039261_n.jpg">

Қазақстан және Қызылорда облысының жаңалықтары