<a href="https://kyzylorda-news.kz/">Kyzylorda-news.kz.</a> Бүгін ҚР Президенті Қасым-Жомарт Кемелұлы Тоқаевтың төрағалығымен Қазақстан халқы Ассамблеясының «Ел бірлігі – жаңарған Қазақстанның негізі» атты ХХХІ сессиясы өтті.
Сессияға облыс әкімі, облыстық ҚХА төрағасы Нұрлыбек Нәлібаев онлайн режимде қатысты. Ал, Нұр-Сұлтан қаласындағы сессия жұмысына Қызылорда облысынан 16 өкіл барды.
Жиында Мемлекет басшысы Ассамблея сессиясын Қазақстан халқының бірлігі күні қарсаңында өткізу игі дәстүрге айналғанын және мұның символдық мәні бар екенін атап өтті.
<blockquote>
 «Бірлік, татулық және бейбітшілік – біздің мызғымас құндылықтарымыз. Оның айрықша маңызды екенін қаңтар оқиғалары кезінде айқын сезіндік. Қазір қатерлі күндер артта қалды. Сол кезде қандай қауіппен бетпе-бет келгенімізді уақыт өткен сайын ұғына түсеміз. Шын мәнінде, біз мемлекеттілігімізді жоғалтып ала жаздадық. Халқымыз қаңтар қасіретінен сабақ ала білуі керек. Енді ондай жағдай қайталанбауы үшін қолдан келгеннің бәрін жасауға тиіспіз», – деді Президент.
</blockquote>
Қасым-Жомарт Тоқаев Қазақстан халқы Ассамблеясы қызметінің үш негіз құраушы басымдығын айқындап берді. Біріншісі – саяси реформаларды жүзеге асыру ісіндегі Қазақстан халқы Ассамблеясының рөлін күшейту. Екіншісі – ақпараттық жұмыстарды күшейту және Қазақстан халқы Ассамблеясының қоғамдағы әлеуетін арттыру. Үшіншісі – құқық қорғау қызметін күшейту. 
Президент келесі айда жаңа диалог алаңы – «Ұлттық құрылтайдың» алғашқы отырысы өтетінін хабарлады. Сондай-ақ, Конституциялық реформалар жобасы бойынша елде референдум өткізуді ұсынды.
Сессия барысында ҚХА Төрағасы Марат Әзілханов тәуелсіздікті, елдегі татулық пен келісімді күшейтуде Ассамблеясының қызметі айрықша екенін атап өтті.
Жиында ҚХА мүшелері, этномәдени бірлестіктерінің басшылары, азаматтық қоғам өкілдері, жастар және тағы да өзге қатысушылар пайымды пікірлерін айтып, орнықты ұсыныстарын жеткізді.
Айта кетейік, Сыр өңірінде облыс халқының 96,4% қазақ ұлтынан, 3,6% – түрлі 35 этностық топтан құралған. 11 этномәдени бірлестік жұмыс атқарады. Облыстық Ассамблея жанында 8 қоғамдық құрылымы бар. Аудандарда 5 этнобағытталған қоғамдық бірлестіктер жұмыс жасайды.

Қазақстан халқы Ассамблеясының ХХХІ сессиясына Қызылордадан 16 өкіл барды

<a href="https://kyzylorda-news.kz/">Kyzylorda-news.kz.</a> Қызылордада жас мемлекеттік қызметшілердің алғашқы құрылтайы өтті.
Құрылтай «Сыр болашағы» жас мемлекеттік қызметшілер клубының жұмыс жоспары аясында ұйымдастырылып отыр. Аталған клуб 2012 жылы ашылып, 2012-2014 жылдары белсенді жұмыс істеген болатын. Мемлекеттік қызметтің имиджін арттыру мақсатында биылдан бастап клуб өз жұмысын қайта жандандырды.
Мемлекеттік қызмет істері агенттігінің Қызылорда облысы бойынша департаменті ұйымдастырған құрылтайда аймақтағы ең белсенді жас мемлекеттік қызметшілер басқосты.
Құрылтайға аймақтағы мемлекеттік органдарда қызмет атқаратын жас мемлекеттік қызметкерлер арасындағы көшбасшылары, елдің тағдарына бей-жәй қарай алмайтын патриоттар, мемлекеттік қызметтің нағыз жанашырлары қатысты.
Шараға «Сыр болашағы» жас мемлекеттік қызметшілер клубының құрылтайшысы Жандос Тұсмағамбетов модераторлық жасады. Көптен күткен құрылтай барысында облыстық ішкі саясат басқармасының басшысы Мира Қазбекова, Мемлекеттік қызмет істері агенттігінің Қызылорда облысы бойынша департаментінің басшысы Ғалым Тұрсынбаев, Мемлекеттік басқару академиясы филиалының басшысы Мұрат Әйтімовтер тұщымды баяндамалар жасап, өз тәжірибелерімен бөлісті.
Шара барысында, клубты 10 жыл бұрын басқарған сол уақыттағы жас мемлекеттік қызметші, қазіргі таңда тәжірибелі мемлекеттік қызметкер Айдын Қайруллаев естеліктерімен бөлісті.
Клубтың жаңа төрағасын таңдауда мемлекеттік органдардан келген делегаттардың таңдауы облыс әкімі аппаратының бас инспекторы, белсенді жас мемлекеттік қызметші Мади Бекмағамбетовке түсті. Көпшіліктің таңдауына ие болған Мади Бекмағамбетов сөз сөйлеп, клубтың жұмысына сәттілік тіледі.
Сонымен қатар, жас мемлекеттік қызметші Бақытбек Шайкамалов пен облыстық жастар ресурстық орталығының директоры Асқар Құрмаш клубтың дамуына жаңа идеялар қосып, іске асыруда белсенділік танытуға шақырды.
Көшбасшылар бас қосқан құрылтайда жас мемлекеттік қызметкерлер арасынан ұсыныстар жинақталып, алдағы жоспарларына ортаға салып талқылады. Алдағы уақытта көш басында жүрген жас мемлекеттік қызметкерлердің көркем әрекеттерінің куәсі болатынына сенімдіміз.
<img src="https://kyzylorda-news.kz/wp-content/uploads/2022/04/kwryltaj.jpg" alt="" />

Қызылордада жас мемлекеттік қызметшілердің алғашқы құрылтайы өтті

<a href="https://kyzylorda-news.kz/">Kyzylorda-news.kz.</a> Құрметті Сыр жастары! Қазақстан Республикасы Ақпарат және қоғамдық даму министрлігі «Жастар» ғылыми-зерттеу орталығы тәуелсіз сарапшылар және серіктестермен бірлесіп халықтың, оның ішінде жастардың хабардарлығын арттыру мақсатында «Gov2Jastar» Telegram арнасының іске қосылғанын хабарлайды.
Арнада жастарды дамытудың өзекті мәселелері мен шешу жолдары, іс-шара, жоба, гранттар және т.б. жастарға қатысты маңызды ақпараттар жарияланады.
Баршаңызды <a href="https://t.me/G2Jastar">t.me/G2Jastar</a> сілтемесі арқылы арнаға қосылуға шақырамыз!

«Gov2Jastar» Telegram арнасы іске қосылды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев басқа тілде сөйлейтін азаматтарды кемсітуге болмайтынын айтты, деп хабарлайды Sputnik Қазақстан.
<blockquote>
 «Тілдер жайлы сөз қозғағанда, Қазақстан тарихы мен этникалық ерекшелігіне байланысты көптілді мемлекет екенін түсінуіміз керек. Бұл біздің артықшылығымыз, активіміз. Десе де мемлекеттік тіл – қазақ тілі, біз мұны ұғынып, қазақ тілінің мәртебесін нығайту үшін шаралар қабылдауымыз керек. Бірақ басқаларға зиян тигізуге, әсіресе, қандай да бір тілдер мен сол тілде сөйлейтін азаматтарды кемсітуге болмайды», – деді Тоқаев Қазақстан халқы Ассамблеясының ХХХІ сессиясында.
</blockquote>
Президент Біріккен ұлттар ұйымында жұмыс істегенін еске алып, көпұлтты мемлекеттерде ұлттық бірлікті сақтау және қолдау қаншалықты маңызды екенін білетінін атап өтті.
<blockquote>
 «Мен қазақ тілін жетік меңгерген азаматтарымызға үлкен құрметпен қараймын. Бұл азаматтарды бүгін Алексей Лодочников (қазақ тілінде сөйлейтін блогер) айтқандай, әртүрлі әдіспен жан-жақты қолдау қажет. Тілдерге қатысты ешқандай кемсітуге, қорлауға жол жоқ. Конституцияда бұл сұраққа нақты жауап бар: біздің еліміздің мемлекеттік тілі – қазақ тілі. Бірақ Ата заңымызда орыс тілі де тиісті орнын алған. Сол себепті осыны да ескеріңіздер», – деді президент.
</blockquote>

Қасым-Жомарт Тоқаев: Қазақ тілін жетік меңгерген азаматтарымызға үлкен құрметпен қараймын

<a href="https://kyzylorda-news.kz/">Kyzylorda-news.kz.</a> 2022 жылы 29 сәуірде ҚР Президенті Қ.Қ.Тоқаевтың, ҚХА Төрағасы Марат Әзілхановтың төрағалығымен Қазақстан халқы Ассамблеясының ХХХІ сессиясы өтті.
Сессия жұмысына аймақ әкімдері – Нұр-Сұлтан, Алматы, Шымкент қалаларындағы және облыстардағы ҚХА төрағалары, орталық мемлекеттік органдар басшылары, ҚР Парламенті депутаттары, Қазақстан халқы Ассамблеясы мүшелері, аймақтық және республикалық этномәдени бірлестіктердің төрағалары, саяси партиялар, діни бірлестіктер, ҮЕҰ, ғылыми, шығармашылық интеллигенция өкілдері және БАҚ өкілдері қатысты. Сессияның жұмысына барлығы 425 мүше қатысты.
Сессия «Ел бірлігі – жаңарған Қазақстанның тірегі» күн тәртібімен өтті. Сессияда ҚХА мүшелері, этномәдени бірлестіктерінің басшылары, азаматтық қоғам өкілдері, жастар және тағы да өзге қатысушылар сөз сөйледі.
ҚХА Төрағасы Марат Әзілханов тәуелсіздікті, елдегі татулық пен келісімді күшейтуде Қазақстан халқы Ассамблеясының қызметі айрықша екенін атап өтті.

Қазақстан халқы Ассамблеясының ХХХІ сессиясы өтті

<a href="https://kyzylorda-news.kz/">Kyzylorda-news.kz.</a>&nbsp;Негізгі ҰБТ-ға өтініш қабылдау басталды. Ол 14 мамырға дейін жалғасады, деп хабарлайды&nbsp;<a href="https://stan.kz/">Stan.kz</a>.
ҰБТ-ға қатысу үшін тіркеуден (https://app.testcenter.kz) өту қажет. Білім министрлігінің хабарлауынша, тестілеу 16 мамырдан 5 шілдеге дейін өтеді. Талапкерлер негізгі ҰБТ-ны екі рет тапсырып, үздік нәтижемен гранттарды тағайындау конкурсына қатыса алады.
<blockquote>
 «Бұған дейін министр Асхат Аймағамбетов түлектерге жолдаған хатында талапкерлерге тиімді шешім қабылданғанын мәлімдеді. Енді олар ҰБТ тапсыруға және грантқа түсуге екі мүмкіндік алды. Сонымен қатар бір бейінді пәндердің комбинациясын екі рет таңдауға болады», – деді Ұлттық тестілеу орталығы директоры Руслан Емелбаев.
</blockquote>
Айта кетері, алдыңғы екі ҰБТ-2022 (қаңтар, наурыз) қорытындысы бойынша тест тапсырушының орташа балы – 68,5 балл, бұл былтырғы нәтижеден жоғары. Қатысушылардың 70%-дан астамы шекті балды жинай алды, ал ең үздік көрсеткіш – 135 балл.
Талапкерлердің академиялық адалдықты сақтауында да оң өзгеріс байқалады. Тыйым салынған заттарды алып өту әрекеті, сондай-ақ оларды тестілеу кезінде пайдалану 2-3 есе азайды. Сонымен қатар наурызда өткен ҰБТ-да әр пән бойынша жеке тақырыптық талдау енгізілді. Бұл талапкерлерге өздерінің әлсіз тұстарын жақсартып, негізгі ҰБТ-ға бұдан да тыңғылықты дайындалуға мүмкіндік береді.
<blockquote>
 «Түлектердің ҰБТ-ға жақсы дайындалуының тағы бір мүмкіндігі – Ұлттық тестілеу орталығының тегін онлайн-сынақ тестілеуін іске қосуы. Онымен қоса ҰТО-мен бірлесіп әзірленген білім беру орталықтарының тегін онлайн сабақтары да жалғасып жатыр», – делінген ақпаратта.
</blockquote>
Әрбір ҰБТ-ға қатысушысының жеке тест нұсқасы болады. Ережелерді бұзған және тест тапсырмаларын аудиториядан тыс жерге шығаруға тырысқан жағдайда, Ұлттық тестілеу орталығы ереже бұзушыларды анықтап, оның тест нәтижелерін жояды.
Пәндердің саны өзгеріссіз қалады – үш міндетті және екі таңдау пәні. Тест тапсырмаларының саны – 120. Оның ішінде Қазақстан тарихынан – 15, математикалық сауаттылықтан – 15, оқу сауаттылығынан – 20 және екі бейіндік пәннен – 35. Ең жоғарғы ұпай саны – 140. Тестілеудің жалпы уақыты – 4 сағат (240 минут).
Ерекше білім беруді қажет ететін талапкерлерге тест тапсырмаларын орындауға қолайлы жағдай жасау үшін алғаш рет негізгі 240 минутқа қосымша тағы 40 минут берілді. Ерекше талапкерлерге арналған тапсырмалардың мазмұнына да өзгерістер енгізілді. Олар үшін тест нұсқалары суреттерсіз, диаграммаларсыз және сызбасыз әзірленді. Сондай-ақ ҰБТ кезінде компьютер экранында калькулятор, Менделеев кестесі және металдардың бірқатар белсенділігі қосылған тұздың ерігіштігі кестесі болады.
Үміткерлер тестілеу аяқталғаннан кейін 30 минут ішінде апелляцияға бере алады.

Негізгі ҰБТ-ға өтініш қабылдау басталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Айтбай» мешіті сотталғандарға ауызашар берді.
Мешіттің наиб имамы Нұрлыбек Шаймерденұлы қауіпсіздігі барынша төмен ЗК-169/4 мекемесіне келіп, ораза ұстаған азаматтарға ізгі тілегін білдіріп, Рамазан айының қадір-қасиетін айтып, азаматтарды жақсылыққа үндеді.
<blockquote>
 «Ораза парызы – барлық нәрседен тиылу, яғни, құлағымызбен жаман сөз естімей, ауызымызбен жаман сөз айтпай, оразада жамандықтан аулақ жүріп, оны ғибратты өткізу керек. Ораза тұтқан азаматтардың оразасы, ниет етіп, дұға қылғандардың тілегі орындалсын», – деді Нұрлыбек Шаймерденұлы.
</blockquote>
Қазіргі таңда мекемеде 170-тен астам сотталған жазасын өтеуде, оның 25-і мұсылмандар үшін қасиетті Рамазан айында ораза ұстап жатыр.
<blockquote>
 «Менің ораза ұстап жүргеніме біраз жыл болды. Бастысы ниетің түзу болса болғаны. Ораза адамды сабырлыққа шақыратын ай.Осы оразада Алла тілеген тілектерімізді қабыл етсін. Бүгінгі ауызашар беріп жатқан мешіт қызметкерлеріне алғымыз шексіз», – деді сотталған.
</blockquote>
<img src="https://kyzylorda-news.kz/wp-content/uploads/2022/04/whatsapp-image-2022-04-29-at-10.08.57.jpeg" alt="" />

Қызылорда қалалық Айтбай мешіті сотталғандарға ауызашар берді

<a href="https://kyzylorda-news.kz/">Kyzylorda-news.kz.</a> Алдағы демалыс күндеріне арналған ауа райы болжамы жарияланды.
Демалыс және мереке күндері, қазақстандықтарды көктемгі ауа райы қуантпайтын болады. 1 мамырда ел аумағына тағы бір суық антициклон басып кіріп, жылы ауа массаларын елден тыс жерлерге ығыстыра бастайды.
Суықтың көп бөлігі солтүстік аймақтарға кетеді: түнде термометр бағандары 0-5 жылуды көрсетеді. Ал оңтүстік және оңтүстік-шығыс аймақтар тауларды суықтан қорғайды, осылайша жылы, бірақ жаңбырлы ауа райы болады.

Қазақстанда мамыр айының басында күн суытады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінде Қазақстан Республикасының еңбек сіңірген гидротехнигі Мәделхан Нәлібаев атындағы су шаруашылығы музейінің салтанатты ашылу рәсімі өтті.
Жиынға облыс әкімінің орынбасары Мархабат Жайымбетов, Қазақстанның Еңбек Ері Абзал Ералиев, қоғам қайраткерлері, зиялы қауым өкілдері және университеттің профессор-оқытушылар құрамы мен білім алушылары қатысты.
Музейде Сыр еліндегі ежелгі елді мекендердің суландыру жүйелерінің пайда болу кезеңінен бастап, бүгінге дейінгі даму тарихы баяндалған. Аймақтың байырғы сыр мұрабтарының өмірі, ізін жалғастырған инженер-гидротехниктердің еңбегі, олардың зерттеулері мен карталары, тас бөгеті мен су тораптарының салынуы, су-шаруашылығы саласының өсіп өркендеуі суреттелген. 
«Су мен жердің ерекшелігін, табиғаттың тілін, ауа-райының жағдайын жақсы білетін, ел алдындағы жауапкершілікті бәрінен биік қойған асыл азаматтардың бірі – Мәделхан Нәлібаев. Гидротехниктің еңбек жолына, атқарған еңбегіне қарап-ақ елге деген құрметі мен қамқорлығын аңғару қиын емес. Сыр перзенті тұтас елге игілік әкелетін жұмыстарға тәуекел етті, жанашырлықпен атқарды. Соңына із қалдырып, кейінгілерге бағыт берді.
Осыдан жиырма жылдай уақыт бұрын Мәделхан Нәлібаев Сыр мұрабтары мен диқандарының еңбегін, су шаруашылығындағы озық тәжірибелерді топтастырып, тарихи музейді ашу жұмыстарын ұйымдастырды. Биыл музейдің университеттегі №5 оқу ғимаратынан ашылуы мыңдағын студенттердің ғана емес, қала тұрғындары мен қонақтарының да тарихи жәдігерлермен танысуына мүмкіндік бермек»,-деді Ғылыми жұмыстар және халықаралық байланыстар жөніндегі проректордың м.а. Абайбек Жүнісов.
Сыр мұрабтары мен диқандарының, су және суармалы жерлерді тиімді пайдаланудың озық тәжірибелерін тарихи деректермен сабақтастырып, алдағы атқарылар үлкен істерге бағдар болатын мұражайдың заманауи үлгіде жабдықталуына Қазақстанның Еңбек Ері Абзал Ералиев демеушілік жасады.
Қорқыт ата атындағы Қызылорда университетінде гидромелиорация және ауыл шаруашылығы құрылысы мамандықтары бойынша&nbsp; алғашқы түлектер 1981 жылы түлеп ұшты. Содан бері 2000-ға жуық маман білім алып, бүгінде ауыл шаруашылығы және су шаруашылығы мекемелерінде, облыстық жер қатынастары басқармасында, қалалық жер-кадастрлық филиалдарында, мемлекеттік ғылыми-өндірістік орталығының кәсіпорындарында, ел экономикасының түрлі салаларында жұмыс атқаруда.
Қазіргі таңда «Су шаруашылығы және жерге орналастыру» кафедрасында &nbsp;&nbsp;3 профессор, 6 ғылым кандидаты, 4 PhD доктор, 5 магистр қызмет етеді. Профессор-оқытушылар дайындаған 23 студент халықаралық, республикалық конференциялардың жүлдегері. Ал 125-ке жуық студент пәндік олимпиадалардың жеңімпазы атанған.
<img src="https://kyzylorda-news.kz/wp-content/uploads/2022/04/p1866283-scaled.jpg" alt="" />

ҚР еңбек сіңірген гидротехнигі Мәделхан Нәлібаев атындағы су шаруашылығы музейі ашылды

<a href="https://kyzylorda-news.kz/">Kyzylorda-news.kz.</a> 2022 жылы алғаш рет 30 сәуірде күн тұтылады. Бұл туралы Мәскеу планетариясы ресми&nbsp;сайтында&nbsp;жазылған.
<blockquote>
 «2022 жылы алғаш рет 30 сәуірде күн тұтылады. Күннің тұтылғанын Антарктидада, Оңтүстік Америкада, Тынық мұхитының оңтүстік-шығысынан көруге болады» делінген хабарламада.
</blockquote>
Алдағы астрономиялық оқиғаның ерекшелігі – 30 сәуірдегі күннің тұтылуы 2022 жылы алғашқы тұтылу дәлізін ашады, ол 16 мамырға, ай тұтылғанға дейін жалғасады.
Бұл күні, 2022 жылдың 16 мамырында, ай тұтылады. Ол Солтүстік және Оңтүстік Американың көп бөлігінде, сондай-ақ ішінара Африка мен Еуропада көрінеді. Бұл табиғат құбылысы Нұр-Сұлтан уақыты бойынша 9:14-те болады.
2022 жылдың астрономиялық күнтізбесінде тұтылудың екі дәлізі бар: 2022 жылдың 30 сәуірінен 16 мамырына дейін және 2022 жылдың 25 қазанынан 8 қарашасына дейін. Барлығы 2022 жылы 4 рет (2 рет күн және 2 рет ай) тұтылады.
<a href="https://lenta.inform.kz/kz/30-sauirde-kun-tutylady_a3928184">ҚазАқпарат</a>

Ертең күн тұтылады

<a href="https://kyzylorda-news.kz/">Kyzylorda-news.kz.</a> Кенеттен қайтыс болған жағдайлардың 70-80% – ында қарыншалық тахиаритмия болап табылады. Бұл жылдам ырғақ (минутына 100-ден астам) жүректің тоқтауына әкелуі мүмкін. Осы жағдайда науқастарға автоматты кардиовертер-дефибрилляторды имплантациялау бойынша ота өту ұсынылады.
Байқоңыр қаласының тұрғыны, екінші топтағы мүгедек ұзақ жылдар бойы артериялық гипертензиямен аурады. 57 жастағы ер адамның жүрек ырғағының бұзылуынан тыныс алу, әлсіздік, аяқтарының ісінуі мазалайды. Үш жыл бұрын оған автоматты кардиовертер-дефибрилляторды имплантациялау ота жасалған. Осы жылдың ақпан айында науқасқа имплантантты ауыстыру тағайындалып, Қызылорда қаласындағы көпсалалы облыстық аурухананың кардиохирургтары жоспарлы отаны сәтті жасады.
Осындай жоспарлы ота Сырдария ауданы Жалағаш кентінің ресми жұмыссыз тұрғынына жүргізілді. 60 жастағы ер адам бұрын миокард инфарктімен ауырған және стенттеу жүргізілген. Ағымдағы жылдың наурыз айында кардиохирургтер жаңа дефибрилляторды науқастың жүрегіне орнатты. Екі науқас толыққанды өмірге аман-есен оралды.
<blockquote>
 «Жоғары технологиялық медициналық көмек диагностика мен емдеудің инновациялық, бірегей әдістерінің көмегімен көрсетіледі. Шұғыл жағдайларда ЖТМК – тегін медициналық көмектің кепілдік берілген көлемі шеңберінде жүзеге асырылады. Егер жоспарлы түрде болса, онда науқастың емделушінің мәртебесі «сақтандырылған» болуы тиіс. Бұл жағдайда медициналық қызметтерді МӘМС-тің активтері есебінен көрсетеді. Осы екі науқасқа да қымбат тұратын ота МӘМС жүйесі арқылы жасалды. Дефибриляторды имплантациялаудың құны 8,4 млн. теңге құрайды», – деді Қызылорда облысы бойынша Әлеуметтік медициналық сақтандыру қоры филиалының медициналық көмек сапасын бағалау және келісім-шарттық міндеттемелерді мониторинг жүргізу бөлімінің басшысы Гүлнар Кенжебаева.
</blockquote>
ӘМСҚ филиалының маманы түсіндіргендей, науқастың диагнозы негізінде учаскелік дәрігер бейінді мамандардың кеңесіне жібереді. Егер хирургиялық араласу қажеттілігі расталса, онда МӘМС-те сақтандырылған науқасты жоспарлы емдеуге жатқызуға дайындай бастайды. Емхана осыған қажетті талдауларды жинап, «Емдеуге жатқызу бюросы» порталына орналастыруды жүргізеді.
ӘМСҚ филиалының деректері бойынша, 2021 жылда 94 жоғары технологиялық оталар жасалды. Оталардың көбі медсақтандыру аясында. Бұл мақсатқа Әлеуметтік медсақтандыру қорынан шамамен 539,3 млн. теңге бөлінді. Ағымдағы жылдың басынан Қор жалпы сомасы 85 млн. теңгені құрайтын 15 отаны қаржыландырды.
<img src="https://kyzylorda-news.kz/wp-content/uploads/2022/04/img_4953-scaled.jpg" alt="" />
<img src="https://kyzylorda-news.kz/wp-content/uploads/2022/04/kardio-.jpeg" alt="" />
<img src="https://kyzylorda-news.kz/wp-content/uploads/2022/04/kardio-1-1.jpeg" alt="" />

Екі қызылордалыққа қымбат ота жасалды

<a href="https://kyzylorda-news.kz/">Kyzylorda-news.kz.</a> Қызылорда медициналық жоғары колледжінде М.Оспанов атындағы Батыс Қазақстан медициналық университетінің интернатура және резидентура филиалы ашылды.
Университет филиалында 12 резидент білім алуда. Оның ішінде 4 реаниматолог-анестезиолог, 3 инфекционист, 1 офтальмолог, 1 травматолог-ортопед және оториноларинголог, неонатолог резиденттер бар.
Биыл құрылғанына 65 жыл толатын М.Оспанов атындағы Батыс Қазақстан медициналық университеті қанатын кеңге жайып, өрісін кеңейтіп келеді.
Филиалдың ресми ашылу салтанатын Қызылорда облысы әкімінің орынбасары Балжан Шаменова құттықтау сөзімен ашып, көпжылдық тарихы бар М.Оспанов атындағы Батыс Қазақстан медициналық университеті филалының облыста ашылудағы басты мақсаты – жергілікті мамандардың кәсіби деңгейін арттыру, білім беруді тереңдету,емдеу-алдын алу мекемелерінде жұмыс істеу үшін білікті маман дайындау кезінде қолайлы жағдай жасау және аймағымыздағы медициналық кадр тапшылығы мәселесін шешу болып табылатындығын атап өтті.
Филиалдың ашылу лентасын қию рәсімі Қызылорда облысы әкімінің орынбасары Балжан Шаменова мен «М.Оспанов атындағы БҚМУ» КЕАҚ директорлар кеңесінің төрағасы, медицина ғылымдарының докторы, профессор Жақсылық Досқалиевке ұсынылды.
Салтанатты шара барысында қонақтар Қызылорда медициналық жоғары колледжіндегі филиалдың оқу-практикалық базасын аралап, оқу кабинеттері мен симмуляциялық орталықпен танысты.

Қазақстан және Қызылорда облысының жаңалықтары