&nbsp;<a href="https://kyzylorda-news.kz/">Kyzylorda-news.kz.</a> &nbsp;Денсаулық сақтау министрлігі инфекцияның профилактикасы бағдарламасын енгізу үшін еліміздің 20 өңірінде перзентханалардың 25 госпиталдық эпидемиологтарын оқытуды өткізді. Қатысушылар қатарында Қызылорда облыстық перинаталдық орталығының эпидемиолог дәрігері Макашева Гүлзия Найзабайқызы да бар.&nbsp;Денсаулық сақтаудың стратегиялық міндеті медициналық көмектің сапасын қамтамасыз ету және қауіпсіз аурухана ортасын құру болып саналады.Барлық клиникалар сияқты медициналық босандыру ұйымдарында медициналық көмек көрсетуге байланысты инфекциялардың (МКБИ) профилактикасындағы басым бағыт инфекциялық қауіпсіздікті қамтамасыз ету болып табылады.Дәл осы фактор босанғаннан кейінгі нәтижелерге, әйелдердің өмірі мен денсаулығына әсер етеді.Бүгінгі таңда еліміздің денсаулық сақтау саласының алдында МКБИ профилактикасы және микроорганизмдердің микробқа қарсы препараттарға төзімділігін сақтау бойынша тиімді бағдарламаларды енгізу міндеті тұр.Клиникалардың бас дәрігерлерінің, акушер гинекологтардың, неонатологтардың, реаниматолог анестезиологтардың, бактериологтардың, клиникалық фармакологтардың, госпиталдық эпидемиологтардың және басқа да мамандардың жетекшілігінде мультимодалды тәсілге негізделген МКБИ профилактикасы бойынша бірыңғай стандартталған бағдарлама құрылады.2022 жылғы 14-15 қазан аралығында ДСМ бастамасымен «University Medical Center» корпоративтік қорының базасында перинаталдық орталықтардың үшінші деңгейдегі госпиталдық эпидемиологтарына арналған «Босандыру кезіндегі инфекциялық қауіпсіздік» тақырыбы бойынша семинар өткізілді.Семинардың шеңберінде эпидемиологтарды жекелеген тақырыптар бойынша оқыту жүргізілді: антибиотиктерді ұтымды пайдалану, перинаталдық технологиялар, босандыру мекемелерінде МКБИ профилактикасы, неонатологиядағы мейіргерлік күтімнің ерекшеліктері.«UMC» ҚҚ бөлімшелері қызметкерлерінің белсенді қатысуымен перзентхана блогында, орталық-стерилдеу бөлімшесінде, клиникалық-фармакологиялық бөлімшеде, қарқынды терапия және реанимация бөлімшесінде (ересектер, неонаталдық), акушерлік-гинекологиялық операциялық блокта, неонатология және акушерлік бөлімшелерде, микробиологиялық зертханада аралау жүргізілді.<figure class="image"><img src="https://knadmin.beoblood.kz/uploads/09501ed3_cdcd_4eec_b691_0668d0dc0fdd_79978a0eed.jpg" alt="09501ed3-cdcd-4eec-b691-0668d0dc0fdd.jpg"></figure>

Госпиталдық эпидемиологтар біліктілігін арттырды 

<a href="https://kyzylorda-news.kz/">Kyzylorda-news.kz.</a> Қызылорда қаласына арнайы келген Халықаралық су ресурстарын басқару институтының өкілдері Кахрамон Джумабаев, Зафар Гафуров және Илхом Бабаев Ы.Жақаев атындағы Қазақ күріш шаруашылығы ғылыми-зерттеу институтының ғалымдарымен кездесіп, халықаралық «Эко-Арал» жобасы аясында атқарылған жұмыстардың нәтижелерімен және алдағы уақытта Арал өңірінде су қорларын тиімді пайдалану бағытында атқарылатын жоспарлармен танысты.Кездесу барысында «Қызылорда» білім тарату орталығына «Эко-Арал» жобасы аясында Қызылорда облысының су-мелиоративтік және басқа цифрлы мәліметтерді қамтитын компьютерлік бағдарламалар енгізілген 2 ноутбук және 3 бағытта жұмыс жасайтын принтер сыйға берілді.Өз кезегінде күріш институтының басқарма төрағасының ғылыми жұмыстар жөніндегі орынбасары Әсет Тоқтамысов және «Қызылорда» білім тарату орталығының жетекшісі Жанұзақ Байманов Халықаралық су ресурстарын басқару институтының басшылығына алғыс айта отырып, алдағы уақыттада су қорларын тиімді пайдалану технологияларын зерттеп, оны өндіріске енгізу бағағытындағы жобаларды бірлесіп атқаруға ынталы екендіктерін білдірді.Айта кету керек, күріш институтының ғалымдары өңірімізде қалыптасқан су тапшылығы жағдайында су қорларын тиімді пайдалану технологияларын ендіру бағытында біршама жұмыстар атқаруда.Осы бағытта институттың білім тарату орталығының жетекшісі Жанұзақ Байманов ағымдағы жылдың ақпан айында Ташкент қаласындағы Халықаралық су ресурстарын басқару институтында Сыр өңіріндегі егін шарушылығын суғарудың өзекті мәселелерімен және оны шешу бағытында жасалып жатқан шаралармен таныстырып қайтқан болатын. Осы кездесудің нәтижесінде шілде айында, күріш институтының білім тарату орталығында, Германияның GIZ компаниясының қолдауымен, Халықаралық су ресурстарын басқару институтының эксперт-тренерлері өңіріміздегі Қазсушар, Арал-Сырдария бассейндік инспекциясының және Қорқыт Ата атындағы Қызылорда университетінің су шаруашылығы бағытындағы мамандары үшін семинар ұйымдастырған болатын.

Ғалымдар «Эко-Арал» жобасымен танысты

<a href="https://kyzylorda-news.kz/">Kyzylorda-news.kz.</a> ҚР Парламенті Сенаты Төрағасының орынбасары Асқар Шәкіров пен Әлеуметтік-мәдени даму және ғылым комитетінің хатшысы Ақмарал Әлназарова «Арал өңіріндегі қоршаған орта және халықтың денсаулығы» халықаралық ғылыми-практикалық конференцияға қатысты.Төраға орынбасары өз сөзінде Арал апаты аймақтық та, жаһандық деңгейде де шешуді талап ететін қазіргі замандағы өзекті мәселелердің бірі ретінде БҰҰ-да танылғанын атап өтті.<blockquote>«Қазақстан мен Өзбекстан Арал теңізі бассейніндегі экологиялық және әлеуметтік-экономикалық дағдарысты еңсеруде бірлескен күш-жігер жұмсап келеді. Екі елдің президенттері Арал өңіріндегі өзекті мәселелерді жедел шешуді, трансшекаралық су ресурстарын ұтымды пайдалануды және қоршаған ортаны қорғауды жүйелі түрде айтып отыр. Өтіп жатқан форумды біз екі ел, оның ішінде парламенттік байланыстар аясында жүргізіліп жатқан жұмыстардың заңды жалғасы ретінде қарастырамыз», - деді Төраға орынбасары.</blockquote>Депутат Ақмарал Әлназарова да Арал өңіріндегі климаттың әсерін және табиғи ортаның азып-тозуын азайту мақсатында Сырдария өзені мен Солтүстік Арал теңізін сақтау мәселелерін шешуде жалпыға бірдей қабылданған халықаралық конвенциялар мен стандарттарға сәйкес түбегейлі қадамдар қажеттігін атап өтті.<blockquote>«Экономиканың барлық салаларында климаттың өзгеруіне бейімделу шараларын қабылдау қажет, әсіресе ауыл шаруашылығында су үнемдеу технологиясы мен ылғалды аз қажет ететін дақылдарға көшу керек. Таяу жылдарда құрғап қалған теңіз түбінің жалаңаш жерлеріне орман өсіру, мал шаруашылығын дамыту үшін суы өздігінен шығатын ұңғымалардың айналасында оазис жүйесі жасалуы қажет. БҰҰ қамқорлығы аясында терең зерттеулер жүргізіп, тиісті ұсынымдар әзірленуі керек», - деп атап өтті сенатор Әлназарова.</blockquote>Конференцияға Өзбекстан Республикасы Олий Мәжілісі Сенаты Төрағасының орынбасары Содик Сафоев, ДДҰ Еуропалық бюросының басшысы Ханс Клюге, USAID жобасының жетекшісі Екатерина Стрикелева қатысып, сөз сөйледі.<figure class="image"><img src="https://knadmin.beoblood.kz/uploads/0c70eb6c451a4ee9b2b6b2548b0f5337_d959294b9a.jpg" alt="0c70eb6c451a4ee9b2b6b2548b0f5337.jpg"></figure>

Сенатта Арал өңірі проблемаларын шешу ұсынылды

<a href="https://kyzylorda-news.kz/">Kyzylorda-news.kz.</a> Биылғы жылдың сәуір айынан бастап «Танкаман» серіктестігінің балмұздақ цехы іске қосылып, «Auylym» сауда маркасымен 100 пайыз экологиялық таза балмұздақ өндіруде.Кәсіпорынның өндірістік процесі қазіргі заман талабына сай Италияның озық технологиясымен жабдықталған. Кәсіпорындағы қызметкерлер аталған жабдықтарда жұмыс жасауы үшін арнайы оқытудан өткізілді.Балмұздақ өндіруге қажетті негізгі шикізат – сүт кәсіпорынның жем-шөп базасымен қамтылған жеке фермасынан өндіріледі. Кәсіпорын қазіргі кезде жиырмадан астам балмұздақ түрін өндіруде. Оның ішінде классикалық нұсқадағы – пломбир және кілегейлі балмұздақтар, сонымен қатар экзотикалық дәмдегі – манго, ананас, киви, құлпынай, қауын, орео, кофе, пісте және тағы басқа түрлері өндірілуде. Өндірілетін өнімнің сапасын үнемі бақылау үшін цех зертханамен қамтылған.Қазіргі кезде кәсіпорын өнімі Қызылорда қаласы және аудандарға тасымалданып жатыр. Алдағы уақытта, өңіраралық кооперация аясында көршілес өңірлерді де сапалы өніммен қамтамасыз ету жоспарлануда.Жалпы, Қызылорда облысында кәсіпкерлік саласы қарқынды дамып келеді. Қазіргі таңда кәсіппен айналысуға ниетті тұрғындарға мемлекет тарапынан қолдау көп.&nbsp;<figure class="image"><img src="https://knadmin.beoblood.kz/uploads/morozh1_127e8c645a.jpg" alt="морож1.jpg"></figure>

Қызылорда облысында 20-дан астам балмұздақтың түрі өндіріледі

<a href="https://kyzylorda-news.kz/">Kyzylorda-news.kz.</a> Мемлекет басшысы «Әділетті мемлекет, Біртұтас ұлт, Берекелі қоғам» атты Қазақстан халқына Жолдауында «Мемлекеттік сатып алу» туралы жаңа заң қабылдауды, мемлекеттік және квазимемлекеттік сатып алуды бырыңғай платформаға көшіруді тапсырды. Осыған сәйкес, «Мемлекеттік сатып алу туралы» жаңа Заң жобасын әзірлеу бойынша жұмыс тобы құрылып, қазіргі таңда тиісті талқылаулар жүргізілуде. Бұл туралы Өңірлік коммуникациялар қызметінде өткен брифингте Қызылорда облыстық мемлекеттік сатып алу басқармасының басшысы Талғат Исмағұлов мәлімдеді.Басқарма басшысының айтуынша, Қызылорда облысының әкімі Нұрлыбек Нәлібаевтың тікелей тапсырмасы бойынша уақытында жарияланбаған сатып алуларға апта сайын мониторингтік жұмыстар жүргізіліп келеді.&nbsp;<blockquote>«Мемлекеттік сатып алуды жүзеге асырудың басты принциптерінің бірі – сатып алуға бөлінген қаржының тиімді әрі сапалы жұмсалуы болып табылады. Соған сәйкес, аймақ басшысының тікелей тапсырмасының негізінде мерзімінде жарияланбаған сатып алуларға апта сайын мониторинг жүргізіліп келеді. Жалпы жыл басынан бері облыста мемлекеттік сатып алу бойынша 2897 конкурс жоспарланып, оның 2792-і жарияланды», - деді басқарма басшысы Талғат Исмағұлов.</blockquote><figure class="image"><img src="https://knadmin.beoblood.kz/uploads/311591549_1646750699053769_4719141193610049558_n_03f087c7b5.jpg" alt="311591549_1646750699053769_4719141193610049558_n.jpg"></figure>

Талғат Исмағұлов: Жаңа заң талқылануда

Фото:&nbsp;<a href="https://www.instagram.com/svyazkz/">https://www.instagram.com/svyazkz/</a><h4 style="margin-left:0px;">&nbsp;</h4><h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Әрбір қазақстандыққа – жоғары жылдамдықты интернет! Алдына осындай мақсат қойған телеком «LTE везде» атты жаңа жобаны іске қосты.</h4>2020 жылы басталған «250+» бағдарламасының аясында Beeline байланысы еліміздің 1500-ден астам елді мекенінде пайда болды. Сондай-ақ ұялы байланыс операторы осы уақыттың ішінде өз жоспарының шеңберінде 600-ден астам ауылды өз бетінше қамтыды. Ал енді Beeline-ның базалық станциялары орнатылған әр облыста жоғары жылдамдықты 4G болады! Шалғайдағы елді мекендердің тұрғындарын сапалы байланыс және интернетпен қамтамасыз ету компания үшін маңызды міндет болып табылады.Айта кету керек, соңғы айларда оператор 4G желісін едәуір нығайтты және оны Қызылорда облысындағы қолдану аясын әлдеқайда кеңейтті. Жаңғырту қажеттілігі жыл сайын трафикті тұтынудың артуымен тікелей байланысты. Орташа алғанда оңтүстік аймақтың әрбір тұрғыны айына 20 Гб-тан астам мобильді интернет тұтынады. Салыстырмалы түрде қарасақ, әлемде бұл көрсеткіш небәрі 9,9 Гб құрайды. Тұтыну көлеміне қарамастан Қазақстан ең арзан интернеті бар ТОП-10 елдің қатарына кіреді.&nbsp;Beeline жыл санап желіге артып келе жатқан жүктемеге төтеп беру үшін өз желісін дамытуға үнемі инвестиция салады. Өткен 2021 жылы компанияның желіге салған шығындары 57,7 млрд теңгені құрады.<blockquote>«Интернет пен ұялы байланыс бүгінде адамдар үшін таза су немесе электр энергиясы сияқты негізгі қажеттілікке айналды. Сондықтан біз LTE-ге барлық жерде қол жеткізуді қамтамасыз етуге тырысамыз. Шалғайдағы ауылдар мен кенттерді байланысқа қосу <a href="https://kapital.kz/gosudarstvo/107506/pochemu-250-slozhnyy-dlya-realizatsii-proyekt.html">өте көп еңбекті қажет ететінін түсінген жөн.</a> Өйткені жаңа нысанның орналасу орнын анықтай отырып, радиожоспарлауды жүргізу, жабдықты сатып алу және жеткізу, нысанды салуға және пайдалануға барлық қажетті рұқсаттарды алу, монтаждау және іске қосу-реттеу жұмыстарын жүргізу қажет. Бұл процестердің барлығы өте ұзақ, кейде 12 айға дейін созылады», - дейді Қызылорда қаласындағы Beeline-ның техникалық бөлімінің бастығы Юрий Вакуленко.</blockquote><figure class="image image_resized" style="width:82.89%;"><img src="https://knadmin.beoblood.kz/uploads/Bezymyannyj_1_63366798e6.png" alt="Безымянный 1.png"><figcaption>Фото:&nbsp;<a href="https://www.instagram.com/svyazkz/">https://www.instagram.com/svyazkz/</a>&nbsp;</figcaption></figure>&nbsp;Қызылорда облысында жүргізілген жұмыстардың нәтижесінде қазір 4G байланысы "KAZPETROL GROUP" ЖШС, "Сибу" ЖШС, "Қуат Амлон Мұнай" БК, "Құмкөл Транс Сервис" ЖШС, "ПетроҚазақстан Құмкөл Ресорсиз" АҚ (Қарабұлақ ш/а) сияқты компаниялардың мұнай кен орындарында және бес ауданның (Арал, Қазалы, Қармақшы, Шиелі және Қызылорда қ.) 18 кентінде бар. 3G/4G жаңа базылық станциилары 9 ауылда, соның ішінде Түктібаев, Абай (Қазалы ауданы), Мәдениет, Дүр-Оңғар және т.б. ауылдарда қамтылған. Сондай-ақ Қызылорда қаласының бірнеше шағын аудандарында да салынып, іске қосылды.Компанияның мәліметінше, өткен жылы трафикті тұтыну Қызылорда қаласы бойынша 17%-ға және облыстың өзі бойынша 35%-ға өскен.Естеріңізге сала кетейік, <a href="https://kapital.kz/economic/106559/kazakhstan-voshel-v-top-10-stran-s-deshevym-mobil-nym-internetom-2.html">Internet Accessibility Index рейтингіне</a> сәйкес, Қазақстан арзан мобильді интернеті бар ТОП-10 елдің қатарына кіреді, ал елдегі мобильді интернетпен қамту деңгейі 96% құрайды.<a href="https://vigo.ru/">Vigo</a> компаниясының деректеріне сәйкес, мобильді интернеттің сапасы бойынша <a href="https://beeline.kz/ru/number1">Қазақстандағы №1 байланыс операторы Beeline</a> болып табылады. Бүгінгі таңда Beeline Қазақстанда 10 миллионнан астам абонентке қызмет көрсетеді және Қазақстанның 30 ірі салық төлеушілерінің қатарына кіреді. &nbsp;

Beeline Қызылорда облысының тұрғындары үшін байланысты жақсартты

<a href="https://kyzylorda-news.kz/">Kyzylorda-news.kz.</a> ҚР басым бөлігінде күн жауын-шашынды, елдің шығысында қар аралас жаңбыр жауып, көктайғақ болады. Оған Атлантикалық циклон шұңқырының әсерінен және атмосфералық фронтальды бөлімдердің өтуі әсер етеді, деп хабарлайды Қазидромет.Тек еліміздің оңтүстік-шығысында жауын-шашынсыз ауа-райы күтіледі. ҚР бойынша жел күшейеді, республиканың батысында, солтүстік-батысында тұман сақталады.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; ҚР Сыбайлас жемқорлыққа қарсы іс-қимыл Агенттігінің Превенция қызметінің басшысы Саян Ахметжановтың Қызылорда облысына жұмыс сапары аясында өткен бизнес-қауымдастық өкілдерімен кездесуде Кәсіпкерлер палатасының директоры Пірмұхаммед Сыздықов кәсіпкерлердің құқығын шектеп жүрген үш саланы атады.Сыбайлас жемқорлыққа қарсы күрес мәселелері талқыланған жиынға облыс әкімінің орынбасары Мархабат Жайымбетов төрағалық етіп, кәсіпкерлер, мемлекеттік мекеме басшылары мен өзге де сала өкілдері қатысты.Шарада Қызылорда облысы кәсіпкерлер палатасының директоры Пірмұхаммед Сыздықов облыста 63 мыңнан астам шағын және орта кәсіпкерлік субъектілері тіркелгенін, өткен жылмен салыстырғанда көрсеткіш 11,8 пайызға артқанын атап өтті. Қазір өңірдегі шағын және орта бизнес субъектілерінде 104 мыңнан астам адам жұмыс істеп жатыр екен.<blockquote>«Бұл оң көрсеткіштер облыста бизнесті қолдауға бағытталған шаралардың нәтижесі деп білемін. Мемлект басшысы бизнес қауымдастықпен кездесулерінде кәсіпкерліктің дамуын тежеп тұрған проблемаларды ортаға салып, «Атамекен» мен Үкіметке, жергілікті атқарушы органдарға бизнесті тежейтін кедергілерді азайтуды тапсырды. Бұл бағытта Ұлттық кәсіпкерлер палатасы кәсіпкерлікті қорғаудың экожүйесі жобасын жүзеге асырып жатыр», – деді хабарламасында Пірмұхаммед Сыздықов.</blockquote>Палата директоры аталған жоба аясында Кәсіпкерлер палатасы Қызылорда облысының прокуратурасымен бірлескен бұйрық шығарып, жұмыс тобын құрғанын жеткізді. Жұмыс тобының құрамында Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің өкілдері де бар.Бизнесті қорғаудың экожүйесі аясында кәсіпкерлік субъектілерінің қылмыстық қудалау органының сотқа дейінгі іс жүргізу барысында құқығын бұзу фактілерін және мемлекеттік реттеуді жүзеге асыру кезінде қажетсіз әкімшілік кедергілерді азайтуға бағытталған ұсыныстар әзірлеу көзделген.Бұл бағытта өңірімізіде тиісті шаралар жүргізіліп жатыр. Оған қыркүйекте облыс әкімінің, қазанда облыс прокурорының бизнес қауымдастықпен кездесуінде көтеріліп, шешіліп жатқан мәселелер дәлел.Пірмұхаммед Сыздықов Кәсіпкерлер палатасына құқығын қорғауды сұраған өтініштердің 20 пайызы мемлекеттік сатып алу, 12 пайызы ауыл шаруашылығы, 9 пайызы салық саласына тиесілі екенін атап өтті.<blockquote>«Кәсіпкерлер мемлекеттік сатып алу бойынша тапсырыс берушілердің келісім шарт бойынша актілерге қол қоймай, уақытылы төлем жүргізбейтініне шағымданып жатыр. Ауыл шаруашылығы саласындағы проблема субсидия заңдылықтарына байланысты болса, салық саласында мәмілелерді жарамсыз деп тану фактілерімен жиі кездесетініне наразы», – деді Палата директоры.</blockquote>Атап өту керек, соңғы 10 айда кәсіпкерлер Палатаға құқығын қорғауды сұрап, 420 өтініш берген. Бұл өтініштердің 119-ы оң шешілді. Нәтижесінде кәсіпкерлердің 167, 2 млн теңге қаржысы сақталған. &nbsp;<figure class="image"><img src="https://knadmin.beoblood.kz/uploads/311862304_5866830046700833_6831168981067794363_n_2e8c668f6d.jpg" alt="311862304_5866830046700833_6831168981067794363_n.jpg"></figure>

Кәсіпкерлер палатасының директоры Қызылордада бизнес өкілдерінің құқығын шектеп жүрген үш саланы атады

<a href="https://kyzylorda-news.kz/">Kyzylorda-news.kz.</a> Сыр елінде Ұлттық мерекеге ұйымдастырылатын іс-шаралардың бір бағыты - қоғамдық келісім мен жалпыұлттық бірлікті насихаттау. Бұл бағытта ғылыми конференциялар, шығармашылық кештер, фестивальдар, форумдар, дөңгелек үстелдер мен танымдық кездесулер, ашық сұқбат алаңдары, тақырыптық лекциялар ұйымдастырылатын болады.Атап айтқанда, Қорқыт Ата университетінің базасында 21 қазанға «Егемендік декларациясы: Тәуелсіздіктің бастауы» атты шетелдік ғалымдардың қатысуымен халықаралық ғылыми-практикалық конференция жоспарланған.Халықаралық конференцияға Қызылорда облысы әкімінің орынбасары Нұрымбет Сақтағанов, Селчук университетінің қауымдастырылған профессоры, тарих ғылымының докторы Шағатай &nbsp;Бенхур (Түркия), Эберхард және Карл атындағы Тюбинген университетінің профессоры, археология докторы Генрих Харке (Германия), Л.Н.Гумилев атындағы Еуразия ұлттық университеті Қазақстан халқы Ассамблеясы кафедрасының меңгерушісі, саяси ғылымының докторы, профессор Наталья Калашникова (Астана қ.), жетекші отандық және шетелдік жоғары оқу орындары мен ғылыми орталықтардың белгілі ғалымдары, оқу орнының профессор-оқытушылары мен білім алушылары, қоғамдық ұйымдар мен БАҚ өкілдері офлайн және онлайн форматта қатысады деп күтілуде.Сондай-ақ, «Мемлекеттік тілді қызмет тіліне айналдыру» тақырыбындағы облыстық семинар, Қазақстан халқы Ассамблеясы институты аясында түрлі этностар арасында танымдық кездесулер, этномәдени бірлестіктердің шығармашылық бастамаларын қолдауға арналған «Өнеріміз саған, Қазақстан!» республикалық фестивалінің өңірлік кезеңі өткізіледі.Бұған дейін мерекелік күнтізбе аясында 2023 жылға Үкіметтік емес ұйымдарға арналған жобаларды жария талқылау кездесуі, Қызылорда облысы медиаторларының форумы ұйымдастырылған болатын.

Республика күні: Жалпыұлттық бірліктің айғағы

<a href="https://kyzylorda-news.kz/">Kyzylorda-news.kz.</a> Тарлан талант, поэзия бұлбұлы Тұрмағамбет Ізтілеуовтің туғанына биыл - 140 жыл.&nbsp;Ақын Сырдария облысының &nbsp;Қазалы уезіндегі Қуаңдария болысының екінші ауылында Ақтайлақ кезең атты елді мекенде дүниеге келген. Ата-анасы Ізтілеу атамыз бен Жұпар әжеміз табан ет маңдай терімен күн көрген еңбекші жандар болған екен. &nbsp;Тұрмағамбет Ізтілеуовтің жоқшылықтың зәрлі зардабын жас күнінен тартып өседі. Алғашқы кезеңде ауыл молдаларынан мұсылманша сауат ашады. Білімге деген құштарлығы өз замандастарынан жоғары болады. Алдына үлкен мақсат қойған ақын Ақтайлақ - Қалыңбас елді мекенінен әйгілі Бұхара шахарына оқуға аттанады. Кіре тартып бара жатқан саудагерлердің керуеніне ілесіп, Қызылқұмның шөл асулары &nbsp;арқылы өтіп, Бұхараға әрең жетеді. «Мир Араб», «Көкелташ» медресесін үздік бітіріп, Тәжік ғылым академиясының академигі Садриддин Сайдмұрадұлы Айнимен дос болып, шатырхатты (дипломды) бірге алады.Тұрмағамбет Ізтілеуовтің үздік оқумен қатар Бұхараның бай кітапханасынан сусындап рухани азық алады. Әсіресе, ол мұнда Арабтың әйгілі «Мың бір түнін», Үндінің «Тотынамасын», Парсының «Шахнамасын», Низамидің «Іскендірнамасын», Новойдің «Ләйлі-Мәжнүнін, Шығыстың тағы басқа әлемге әйгілі &nbsp;ақын жыршыларының шығармаларын құмарта оқиды. Араб, парсы, түрік, шағатай тілдерін терең меңгереді. Ақын осы тілдермен жазылған шығыстың классикалық шығармаларын ана тіліне аударып, қазақ оқырмандарының игілігіне айналдыруды мақсат тұтады. Халқын сүйген ақын бұл мұратына да жетеді. 1934 жылы маусым айында Алматы қаласында өткен Қазақстан жазушылар одағының тұңғыш съезіне делегат болып қатысқан ақын өз талантын астана жұртшылығына танытады. Осында Қазақстанның белгілі ақын жазушыларымен &nbsp;жыр атасы Жамбылмен, өз үзеңгілестері Нұрпейіс, Кененмен жүздеседі. Сөз өнерлерінің шын шеберлерімен кездесу ақынның шығармашылдықпен өрлей түсуіне әсер етеді. Тұрмағамбет ақынның өлеңдері,тақпақтары, рубайлары, нақылдары, мысалдары өсер ұрпаққа телегей теңіз ортаймайтын рухани байлық.Дүниеден өмірім бітіп өтсем де өзім Аралап жердің жүзін жүрер сөзім, Көре алмай кейінгіні кеттім ау деп, Арманда болмай ақ қой екі көзім деуі, қазіргі таңда шындыққа айналды. Ақын бүгінде дүниеге келгеніне 140 жыл болса да, ақын шығармалары маңызын жоймай сәулелене түсуде.Зарипа ТАСЫМОВА<figure class="image image_resized" style="width:75%;"><img src="https://knadmin.beoblood.kz/uploads/turmaganbet_3d36175dd3.jpg" alt="турмаганбет.jpg"></figure>

Сыр сүлейі Тұрмағамбет Ізтілеуовтің туғанына 140 жыл

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев қазақстандықтардың несиелік мәселелерін шешуге қатысты өз ұсынысын айтатынын жеткізді.<blockquote>"Мен тағы бір күрделі мәселеге тоқталғым келіп отыр. Елімізде көп адам несие алып, қарызға батып жүр. Бұл мәселе мені де қатты толғандырады. Таяу арада мен осы мәселе бойынша ұсынысымды халыққа жариялаймын", - деді мемлекет басшысы Жетісу өңірінің тұрғындарымен өткен кездесуде.</blockquote>Сонымен қатар, мемлекет басшысы әділетсіз шешім биліктің беделін түсіретінін атап өтіп, барлық мемлекеттік қызметкерлерді әділ болуға шақырды.<blockquote>"Әділетсіз қабылданған шешім биліктің беделін түсіреді. Қоғамға іріткі салып, халықтың наразылығын тудырады. Сондықтан, ешқашан әділдіктен аттауға болмайды. Барлық мемлекеттік қызметшіден әділ болуды талап етемін. Сонда ғана біз берекелі қоғам, мықты мемлекет боламыз", - деп жалғады президент.</blockquote>Еске салайық, Қасым-Жомарт Тоқаев президент болып сайланған алғашқы жылдары кредиттік амнистияны жүзеге асырған. 2019 жылғы 26 маусымда Тоқаев "Азаматтардың борыштық жүктемесін азайту шаралары туралы" жарлыққа қол қойды. Қазақстандықтар тұтынушылық қамтамасыз етілмеген несие бойынша қарызды толығымен немесе оның бір бөлігін есептен шығарды, атап өтерлігі екі жағдайда да сома 300 мың теңгеден аспауы шарт. Өтеуге арналған тізімге 2019 жылдың 1 маусымына дейін алынған кепілсіз несиелер енгізілген. &nbsp;

Қасым-Жомарт Тоқаев қазақстандықтардың несиелік мәселелерін шешуге қатысты өз ұсынысын жария етпек

<a href="https://kyzylorda-news.kz/">Kyzylorda-news.kz.</a> Бұл туралы Қызылорда облысы кәсіпкерлер палатасының директоры Пірмұхаммед Сыздықов әлеуметтік желідегі парақшасында жазды.Естеріңізде болса, қыркүйек айында Кәсіпкерлер палатасының бастамасымен, бизнесті қорғаудың экожүйесі аясында облыс әкімі Нұрлыбек Нәлібаев аймақтың бизнес қауымдастығымен кездесіп, проблемасын тыңдап, шешу жолдарын бірге талқылаған болатын. &nbsp;Осы кездесуде аймақ басшысы бұдан кейін бизнестің мәселесін жедел әрі дер кезінде шешіп отыру үшін облыстық деңгейде жұмыс тобын құратынын жеткізген.<blockquote>«Міне сол жұмыс тобы осы қазан айында құрылды. Оған облыс әкімінің бірінші орынбасары Серік Қожаниязова жетекшілік етеді. Құрамына Қызылорда қаласы мен барлық аудан әкімдерінің кәсіпкерлікке жауапты орынбасарлары, облыстағы жауапты басқарма басшылары, сондай-ақ салалық қауымдастық жетекшілері мен кәсіпкерлер енді. Жұмыс тобының қызметін біз – Кәсіпкерлер палатасы толық жүргізіп отырамыз. Осы орайда, кәсіпкерлерге өзекті мәселелерін бізге жолдауды сұраймыз», – деген жазбада Палата директоры.</blockquote>Кәсіпкерлер палатасында бұл шараларды директордың орынбасары Гауһар Елеусінова үйлестіріп отырады.Аталған мәселеге қатысты сұрақтар туындаған жағдайда Кәсіпкерлер палатасына хабарласуға болады. Мекен-жайымыз: Қызылорда қаласы, Қорқыт ата 123, «Бизнеске арналған Үкімет» ғимаратының 3-қабаты. Байланыс телефоны: 8 /7242/ 40-09-81. &nbsp;

Қазақстан және Қызылорда облысының жаңалықтары