<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің №37 мекемесінде жыл басынан бері 60 рет кездесу өтті. Бұл туралы ҚАЖ департаментінің баспасөз қызметі хабарлады.Түзеу мекемелеріндегі &nbsp;бас бостандығынан айрылғандар қоғамнан оқшауланғанмен, олардың туыстарымен қарым-қатынасы үзілмейді. Өйткені жақындарымен байланысып отыру, олардың жаза мерзімін өтеу кезіндегі психологиялық жай-күйіне ерекше әсері бар. Сотталған азаматтардың туыстарымен кездесуі, оларды тәрбиелеудегі басты құрал болып табылады.Жыл басынан Қызылорда облысы бойынша Қылмыстық-атқару жүйесі департаментінің №37 мекемесінде &nbsp;60 рет кездесу болған. Мекемеде отбасыларымен туған-туыстарымен кездесулерге арнайы бөлме қарастырылған.Бүгін кезекті қысқа мерзімді кездесуге осы мекемеде жазасын өтеушілердің бірі анасымен кездесті.«Анамды көріп көзіме жас келді. Жаза басып, жаңылып кету әп-сәтте екен. &nbsp;Ұрлық жасап жазамды өтеп жатырмын. Анамнан отбасымнынң, туған-туыстардың жағдайын білдім. Анамнан кездесуге келген сайын кешірім сұраймын. Жазамды өтеп отбасыма оралған соң балаларыма жақсы әке болып, қателігімді енді қайталамауға өзіме уәде бердім. Анам арасында балаларымда да әкеліп тұрады. Балаларымды көрген сайын өмірге деген құлшынысым артып, болашаққа сеніммен қараймын. Жаңылып жаза басып, өкініп қалмаңыздар. Қылмыс әлемінен бойларыңызды аулақ ұстаңыздар», - &nbsp;деп өкінішін жеткізді жазасын өтеуші.&nbsp;<figure class="image"><img src="https://knadmin.beoblood.kz/uploads/Whats_App_Image_2022_11_18_at_15_50_31_be4c09ff03.jpeg" alt="WhatsApp Image 2022-11-18 at 15.50.31.jpeg"></figure>

ҚАЖ: Жыл басынан бері 60 рет кездесу өтті

<a href="https://kyzylorda-news.kz/">Kyzylorda-news.kz.</a> Шиелі ауданында жастар арасында облыстық айтыс өтті.Бүгін Шиелі аудандық «Ішкі саясат бөлімі» КММ-нің «Жастар ресурстық орталығы» КММ-сі тапсырысы аясында, Қазақстан Республикасының Тәуелсіздігі күніне орай аймақтық жастар арасында «Тәуелсіздік – мәңгілік елдің тұғыры!» атты жастар арасында аймақтық айтыс өтті.Ақындар айтысына аудандар мен облыс орталығынан 6 ақын қатысты. Аудандардың жүйріктері қатысқан айтыста ақындардың сөз тапқырлығына көрермендер риза болды.&nbsp;Қазылар алқасының шешіміне сәйкес, айтыстың бас жүлдесін Арал ауданының ақыны Бексұлтан Орынбасаров қанжығасына байлап, 150 мың теңге қаржылай сыйақы алды. Сонымен қатар Шиелі ауданының намысын қорғаған Шыңғыс Құдайберген жүлделі І орынды иеленіп, 100 мың теңгенің жүлдегері атанды. Шиелілік айтыскер ақын Ержігіт Бекжан мен Қармақшы ауданының ақыны Сырым Әділбек жүлделі ІІ орын мінберінен көрініп, ақындардың әрқайсысы 70 мың теңге қаржылай сыйға ие болды. Сонымен қатар қызылордалық ақын Бақдәулет Әбілдаев пен Шиелі ауданының айтыскер ақыны Айқын Төлеген ІІІ орынды қанжығаларына байлап, 50 мың теңгеге ие болды.&nbsp;Айтыс ұйымдастырушылары аймақты доданы өткізуге атсалысқан тіл жанашырлары Ержан Әмір, Кенжебай Жүсіп және Рахметулла Жолтаевқа алғыс білдірді.&nbsp;<figure class="image"><img src="https://knadmin.beoblood.kz/uploads/315530797_1443543752842746_3312449132042793228_n_5aea66d23b.jpg" alt="315530797_1443543752842746_3312449132042793228_n.jpg"></figure>

Шиелі ауданында жастар арасында айтыс өтті

<a href="https://kyzylorda-news.kz/">Kyzylorda-news.kz.</a> Өткізіл іп жатқан IPO шеңберінде « ҚазМұнайГаз » АҚ акцияларына тиімді ақша салу сылтауымен алаяқтар Play Market -тің ресми дүкенінде күмәнді қосымшаларды белсенді түрде жарнамалауда. App Store -да әзірге мұндай сервистер пайда бола қойған жоқ. &nbsp;Fingramota.kz мұқият болу қажеттілігін, басқа пайдаланушылардың пікірлерін мұқият оқып шығу керектігін және жүктеуге ұсынылған мобильді қосымшалардың шығарылған күні мен рейтинг ін қарау керектігін еске салады. &nbsp; &nbsp;Алаяқтар тегін орнатуға болатын әртүрлі мобильді қосымшалардың көмегімен IPO-да «ақша табуды» ұсынады. &nbsp;Аңқау азаматтарды көбірек тарту үшін олар «ҚазМұнайГаз» АҚ-тың атауы мен логотипін пайдаланады, ал қосымшаларға сипаттамада аз ғана күш салып жоғары, әрі кепілді табыс алуға уәде етеді. Бұл қосымшалар үкіметтің қолдауымен әзірленді-мыс деп сендіреді.Алаяқтар IPO шеңберінде бағалы қағаздарға инвестиция салу жеңіл&nbsp; &nbsp;және әр инвестиция үлкен пайда әкеледі деп сендіреді. Дәлел ретінде олар жалған пікірлерді орналастырады.Мына деректерге: қосымшаның шығарылған күніне, ол қаншалықты жиі жаңартылатынына, әзірлеушісі кім екендігіне, пікірлердің саны мен жарияланған күні және пайдаланушылардың аты-жөндеріне назар аударыңыз. Қосымша сіздің деректеріңізді қалайша және қандай жолмен жинайтыны, өңдейтіні және әзірлеушіге беретіні туралы ақпарат маңызды болып табылады.Толығырақ <a href="https://fingramota.kz/kk/post/alayatar-ipo-bojynsha-zhal-mobildi-osymshalardy-iske-osty">"Абайлаңыз алаяқтар"</a> бөлімінен оқыңыздар&nbsp;

Алаяқтар IPO бойынша жалған мобильді қосымшаларды іске қосты

<a href="https://kyzylorda-news.kz/">Kyzylorda-news.kz.</a> Қазақстан Республикасы Оқу-ағарту министрлігінің «Үздік педагог - 2022» республикалық конкурсында бақ сынаған Жалағаш ауданы Т.Жүргенов атындағы №123 мектеп-лицейінің қазақ тілі мен әдебиеті пәнінің оқытушысы Салтанат Қосжанова жеңімпаз атанды.Салтанатты марапаттау рәсімінде Қазақстан Республикасының Оқу-ағарту министрі Асхат Аймағамбетов мектептер мен колледждердің үздік мұғалімдеріне ақшалай сертификаттар мен төсбелгілерді табыс етті. Сондай-ақ, жеңімпаз атанған әр ұстазға 3 млн теңгенің сертификаты берілді.Тек Жалағаш ауданының ғана емес, облыстың мерейін үстем еткен Салтанат Қосжанова үздіксіз шығармашылық ізденіс пен тынымсыз еңбектің нәтижесінде осынау жарқын жетістікке жеткенін айтады.Айта кету керек, биыл байқауға 5 500 педагог өтінім берген. Олардың ішінен ең үздік 120 педагог іріктеп алынды. Жалпы, байқаудың ақтық сынына балабақшалар мен мектептердің – 103, колледждердің 20 ұстазы қатысты. Қызылорда облысының атынан 5 мұғалім, оның 4-еуі Қызылорда қаласынан қатысқан. Аудандық, қалалық және облыстық турлардың қорытындысы бойынша ұсынылған мұғалімдер елордаға келіп, өздерінің ашық сабақтарын көрсетті. Соның қорытындысында жетекші әдіскерлер ең үздік деген мұғалімдерге дауыс берді. Үздіктер қатарына 64 педагог енді.&nbsp;<img src="https://knadmin.beoblood.kz/uploads/316235894_1586458778472861_5403280388881109615_n_6417e37c0c.jpg" alt="316235894_1586458778472861_5403280388881109615_n.jpg"> &nbsp;

Республикалық «Үздік педагог – 2022» байқауында жалағаштық мұғалім жеңімпаз атанды

<a href="https://kyzylorda-news.kz/">Kyzylorda-news.kz.</a> Қазіргі таңда Қармақшы ауданында өзін-өзі жұмыспен қамтып, өңірдің әлеуметтік-экономикалық әлеуетін жақсартуда үлес қосып жүрген азаматтар қатары артқан. Солардың бірі жұмыссыз жүрген ауыл тұрғыны Гүлнәр Есенова мемлекеттік бағдарлама арқылы қайтарымсыз қаражат 1 миллион 200 мың теңге грантты жеңіп алып, бүгінде "Кондитер өнімдерін өндіру" цехын іске қосып, өз кәсібін бастап, жас кәсіпкер атанып отыр.Гүлнәр кішкентайынан аспаздық өнерге жақын болыпты. Көпбалалы ана жұмыс жоқ деп отырып қалмай, қолдан келетін ісін әрі қарай дамытып, кәсібінің несібесін көріп отыр.<blockquote>«Өзім ас әзірлегенді, оның ішінде тәтті тоқаштар пісіргенді ұнатамын. Жұмыссыз болған соң, қандай жұмыс істеймін деп көп ойланбадым. Бизнес жоспарымды дайындап, мемлекеттік қолдауды ұтымды пайдалануды жөн көрдім. Қазір жаман емес, өнімге сұраныс бар. Біздің цехта ұннан жасалатын шәйға тістеуге түрлі тәттілер, қолдың таза етінен жасалған дайын тұшпара, самса, бәліш, бауырсақ өнімдерінің бәрі бар. Бағасы да қалтаға қонымды», – дейді кәсіпкер.</blockquote>Жалпы, ауданда кәсібімді бастаймын, жұмыс жасаймын, халыққа қызмет жасаймын дегендерге мемлекет демеу беріп, қарасып отыр. Ал Гүлнәр Есенова болса, келешекте цех аумағын кеңейтіп, пісіретін өнім түрлерін де ұлғайтсам дейді. &nbsp;<img src="https://knadmin.beoblood.kz/uploads/316115835_1768947900172396_4176436498904334901_n_a16418d9c0.jpg" alt="316115835_1768947900172396_4176436498904334901_n.jpg"><img src="https://knadmin.beoblood.kz/uploads/315931615_1768947796839073_2470393730727583502_n_0250f5f453.jpg" alt="315931615_1768947796839073_2470393730727583502_n.jpg">

Қармақшылық тұрғын қайтарымсыз грант алып кондитерлік цех ашты

<a href="https://kyzylorda-news.kz/">Kyzylorda-news.kz.</a> Арал ауданына қарасты Қарақұм ауылдық округіндегі Абай ауылы тұрғындарының негізгі табыс көзі - мал шаруашылығы. Бұл ауылда мал шаруашылығын толықтай қолға алған шаруа қожалықтары бар.Сондай құрылымдардың бірі – «Алмат» шаруа қожалығы. Ауыл шаруашылығын дамытуға бағытталған қожалықты 2008 жылы жергілікті тұрғын Жетес Асанбаев құрған. Шаруа қожалықта жылқы, қой, ешкі бар.Қызылорда облыстық ауыл шаруашылығы басқармасының мәліметінше, бүгінде Арал ауданында 60190 бас ірі қара, 103 мыңға жуық қой-ешкі, 44321 жылқы, 35,5 мыңнан астам түйе және төрт мыңнан астам құс есепке алынған. Бұл көрсеткіш өткен жылмен салыстырғанда мал басының айтарлықтай өскенін мамандар атап өтуде.Биылғы жылдың қаңтар айында аулдағы тағы бір шаруа қожалығы 44 ақбас сиыр сатып алды. Қазіргі таңда облыста асыл тұқымды мал бағатын барлығы 14 шаруа қожалығы бар. Оның жетеуі асыл тұқымды ірі қара мал, төртеуі жылқы, бір қожалық түйе бағады.&nbsp;Бүгінде аймақтағы шаруа қожалықтары 3750 бас қой сатып алуды жоспарлаған. Үш бірлестік 34,8 млн. теңгеге несие алып, оған 541 асыл тұқымды және 300 тауарлық қой сатып алды.&nbsp;Қызылорда облысында мал азығын дайындауға көп көңіл бөлініп келеді. 2022-2023 жылдардағы мал қыстауына барлық шаруашылықтар 180 мың тонна шөп пен жем-шөп дайындауды жоспарлап отыр.<figure class="image"><img src="https://knadmin.beoblood.kz/uploads/mal_5ca61bf237.jpg" alt="мал.jpg"></figure>

Арал ауданында мал басы артып келеді

<a href="https://kyzylorda-news.kz/">Kyzylorda-news.kz.</a> Мұрат осының алдында ғана біртүрлі түс көрген. Түсінде балыққа айналған бұны біреу аңдып жүр. Сол бейтаныс «біреу» бұны қармағына енді іле бергенде бұл жалт бұрылып, өзеннен жағаға секірді де қайтадан адамға айналған сәтте оянып кетті.Көрген түсі дәл өңіндегідей анық болғаны сонша, есін жинап, өзді-өзіне келуі үшін бірер минут қажет болды.Алдыңғы күні кешке әжесінің өтінішімен оның құрбысының мерейтойына сыйлық ретінде интернеттен ыдыс-аяқ іздеген. Сол шаруаның арасында бірнеше сайтқа кіріп шыққаны рас. Олардың бірінде кері байланыс үшін өзінің электронды поштасын көрсетті.<blockquote>«Электронды пошта деген банк картасының деректері немесе ұялы телефон нөмірі емес қой, онда тұрған не бар», – деп ойлады бала.</blockquote>Таңертең телефонына келген хабарламаға қараса, пошта жәшігі толып қалыпты. Мұрат бұған таңғалды, өйткені ол туыстарымен, достарымен көбінесе чатта сөйлеседі, ал электронды поштаны тек орындалған тапсырманы мұғалімдерге жіберу үшін сирек пайдаланады.Электронды поштадағы хаттың бірі ол кірген интернет-дүкеннен келіпті, ал қалғаны спам екені анық.Мұрат хаттарды бірден ашпай, Ерке мен Әлишаны «достық кеңеске» шақырды. Оларға тағы Галла сауысқан қосылды.- Бұл сенің таныстарыңнан келген хаттар ма? – деп қызыға сұрадыЕрке.– Жоқ.– Бұл саған қажет тауарлар туралы ақпарат па?– Жоқ.– Сонда сен интернеттен не іздедің?– Әжемнің құрбысына сыйлайтын кастрюль қарадым. Керегімді бір дүкеннің сайтынан таптым, енді әкем барып сатып алады.– Бірақ саған ұялы телефондар мен бренд киімдер сататын басқа сайттардан хабарласып жатыр ғой.– Бұл бекер емес, – деп сыбыр етті Әлиша.Балалар досының поштасына келген хаттар тізімін тағы бір қарап шықты. Барлығы жиырма шақты екен және әртүрлі мекенжайдан келген, бәрінде де әлдебір сілтеме бар.– Мен оларды жойып тастауды ұсынамын, – деді Әлиша үзілді-кесілді.– Ой, қойшы, ең болмаса біреуін ашып көрейік. Не ұсынады екен, қызық емес пе? – деген Еркені құрбысы тоқтатып үлгергенше ол курсорды басып қалды да......бірақ ештеңе болған жоқ.Бұл сайтқа кіріп тауар көруді, ол үшін көрсетілген сілтемеге өтуді ұсынған кәдімгі жарнамалық хатқа ұқсас хабарлама екен.– Түһ, шіркін, сервис қалай дамып кеткен! – Ерке таңырқай тамсанды. – Сатушылар қазір тауарлар каталогын электронды пошта арқылы тарататын болыпты.– Мен бұндайларға сенбеймін, – деді Әлиша күмәндана.– Мен де, – деп Мұрат оны қостады.– Қойыңдаршы, әзірше қорқатын түгі де жоқ. Жалғастырамыз ба? – Ерке достарының келісімін күтпестен сілтемені ашып жіберді.Дәл осы сәтте монитор экранына әлдебір киберқұбыжық шыға келді де бұларға қарай ұмтылғандай болды. Өзі Ақшажегішке ұқсайды, бірақ одан да қорқынышты.Зәресі ұшқан балалар ойбай салып, үстелдің астына тығылды.Ал Галла сауысқан бұларға қарағанда батыл да епті екен. Ол жалма-жан антивирус-бағдарламаны тұмсығымен бір шоқып, қосып жіберді. Бағдарлама ашулана шиқылдап, Ерке ашқан сайтты әп-сәтте жауып тастады. Киберқұбыжық ізім-ғайым жоғалды.– Бұл не? – Есеңгіреп қалған Әлиша шошына сұрады.– Сендер Ақшажегіштің «қақпанына» түсіп қала жаздадыңдар, – деп түсіндірді балалардың айғай-шуына жүгіріп келген Мұраттың анасы. – Жем іздеген аңқау балық секілді, Ақшажегіштің Мұратқа пошта арқылы лақтырып жіберген қармағына түстіңдер. Ол бір хат емес, он хат, шамасы!– Қалай сонда? – Ерке айран-асыр. – Бұл танымал сауда маркасының сайты ғой!– Жалған сайт! Фишер деп аталатын мұндай алаяқтар белгілі дүкендер мен банктердің жалған сайттарын жасауды меңгерген. Олар интернетпен, электронды пошта мен SMS-хабарлама арқылы фишинг сілтемелер жібереді. Алаяқтар интернет қолданушыны өзінің қармағына түсіріп, түрлі айла-шарғының көмегімен фейк-сайттарға логині мен құпиясөзін және басқа ақпаратты енгізуге мәжбүрлейді. Сөйтіп оның әлеуметтік желідегі аккаунты мен банк шотына қол жеткізуге тырысады. Ақыр соңында алаяқтар бүкіл ақшаны алып, жалған несие рәсімдейді. Ал сен ол тауарды ешқашан алмайсың. Ол аздай, сенің поштаң мен телефоныңа күн сайын спамды жаудырады.– Сонда алаяқтардың «қармағына» түспеу үшін не істеу керек? – деп сұрады балалар Мұраттың анасынан.– Бейтаныс адамнан келген хаттар мен хабарламаны ашпаңдар. Бұл бірінші ереже. Екінші ереже: банк картасы мен басқа да жеке мәлімет туралы ақпаратты сұрайтын хатқа сенбеңдер. Жалған фишинг сайттарын анықтау оңай. Қазір мен оны сендерге көрсетейін.Мұраттың анасы телефонындағы браузерді ашты:- Қауіпсіз веб-сайтта әрдайым кішкентай жабық құлыптың суреті болады, ал жалған сайтта ондай жоқ! Және де сайттың мекенжай жолағына назар аударыңдар, ол http емес, https деп жазылуы керек. Яғни, соңындағы «s» әрпі сен жіберіп жатқан деректердің шифрланғанын білдіреді. Әрине, бұл кәсіби хакерге кедергі бола қоймауы мүмкін. Сол себепті, компьютердің немесе телефонның қауіпсіздігіне жауапты антивирус-бағдарламаны үнемі жаңартып отырыңдар. Тағы бір айтарым, қаржылық сауаттылықты үйреніңдер, сонда ғана фишер-алаяқтардың айла-шарғысына түспейсіңдер!***Мұрат белгісіз біреулерден келген барлық хатты жойып, антивирусты жаңартты. Қаржы сөздігіФишинг-сілтеме – жалған интернет-ресурсқа сілтеме. Фишинг сайты – түпнұсқадан толығымен немесе ішінара көшірілген сайт. «Сенемін – сенбеймін» тестіІ: Сенің электронды поштаңа мынадай хат келді: «Банк картаң бұғатталды. Бұғаттан шығару үшін сілтемеге өтіп, карта нөмірін және оның PIN-кодын енгіз». Сен не істер едің?Деректерді енгіземін және енді бұғаттамауы үшін картаға тағы да ақша саламын. Сілтемеге өтпеймін және деректерді енгізбеймін. Банк картамда көрсетілген нөмір бойынша банкке қоңырау шаламын немесе ата-анама айтамын. II: Телефоныңа банк картасымен төлем жасау коды бар SMS келді. Іле-шала бейтаныс адам қоңырау шалып, ақша төлеу кезінде нөмірден қателескенін және SMS-хабарламадағы санды айтуды сұрады. Сен не істейсің?Бас тартуға ұялып, оның өтінішін орындаймын. Әңгімені доғарамын, өйткені жеке ақпаратты бейтаныс адамға беруге болмайды. III: Саған лотерея ұтысы туралы электронды хат келді. Жүлдені алу үшін оны жеткізу ақысын төлеу керек. Сен не істер едің?Ата-анамнан жеткізу ақысын төлеуді сұраймын немесе өз картамнан төлеп, сыйлықты күтемін. Мен бұл лотерея туралы ештеңе білмегендіктен, хатқа назар аудармаймын. Дұрыс жауаптар: I – 2; II –2; III – 2.«Күміс теңге» детективқұмарлар клубы&nbsp;1. Комикс-сабақФишер-балықшының торына түспеу үшін не істеу керек?&nbsp;Тек қауіпсіз веб-сайттарды пайдалан: веб-мекенжайлар https:// деп басталуы керек және браузердің мәртебе жолағында кішкентай жабық құлыптың суреті тұруы керек. Егер сенің электронды поштаңа немесе телефоныңа бейтаныс адамнан хабарлама келсе, әсіресе жеке мәліметті немесе төлем туралы сұраса, оны ашпаған жөн. Жеке мәліметтеріңді және банк картасының нөмірін белгісіз сайттарға енгізбе, әлеуметтік желіде жариялама. Компьютерің мен телефоныңды қорғау үшін операциялық жүйені жаңартып отыр, вирусқа қарсы бағдарламалық құралды пайдалан. 2. Экономикалық ойын-лабиринт&nbsp;«Балықшылар мен балықтар»&nbsp;Құрметті «Ұлан» оқырмандары, бұл ойында сендерге ...балықтың рөлі ұсынылады. Сенің міндетің – фишердің қармағына түспеу, өйткені олар нағыз балықшы емес, қаржы алаяқтары. Олардың айла-шарғысына алдырмаған ойыншы ғана мәреге аман-есен жүзіп жетеді.&nbsp;Сенің көмекшің – дана тасбақа, ал Ақшажегіш – фишердің жақтасы!&nbsp;Фишинг түрлері:&nbsp;Пошта фишингі (электронды поштаға жалған ақпарат жіберу). SMS-фишинг (зиянды сілтемесі бар мәтіндік хабарлама). Дыбыстық фишинг (жеке ақпаратты сұрайтын дыбыстық хабарлама). Клон-фишинг (нақты адам жіберген ақпараттың зиянды көшірмесін жасау, онда бастапқы хаттағы сілтеме немесе басқа ақпарат қауіпті дереккөзбен ауыстырылады). «Зұлым фишинг» (WiFi желісінің көшірмесі, ол арнайы фишинг-сайттың тұзағына түсіреді). Әлеуметтік желідегі фишинг (желі пайдаланушылардың құпия деректерін алу үшін әлеуметтік желіде күмәнді сілтемелер тарату). Іздеу жүйесіндегі фишинг (хакерлер жасаған жалған веб-сайт).&nbsp;&nbsp;&nbsp;

«Күміс теңге» операциясы:  Балалар қаржы детективі  

<a href="https://kyzylorda-news.kz/">Kyzylorda-news.kz.</a> М.Мәметова атындағы Қызылорда педагогикалық жоғары колледжі «Мектепке дейінгі педагогика» ПЦК-ның ұйымдастыруымен «Ізденіс жолындағы шығармашылық – биікке жетелейді» тақырыбында тәжірибелік алаң өткізілді.&nbsp;Мақсаты - ұлттық және адамзаттық құндылықтар, ғылым мен практика жетістіктері негізінде жеке адамды қалыптастыруға, дамытуға және кәсіби шыңдауға бағыттау. Білім алу үшін қажетті жағдайлар жасау, оқытудың жаңа технологиясын енгізу, білім беруді ақпараттандыру.&nbsp;Тәжірибе алмасу алаңына Қызылорда облыстық оқу орталығының орынбасары Гүлнар Дихамбаева, Шиелі аудандық «Айналайын» бөбекжай бақшасының әдіскері Индира Тоқсанбаева, «Бегім Ана» бөбекжай бақшасының меңгерушісі Жанат Муханбеткалиева, бөлім меңгерушісі С.Назарова және топ студенттері мен оқытушылары қатысты.Шара барысында Қызылорда облыстық оқу орталығының орынбасары Дихамбаева Гүлнар Батырбекқызы «Мектепке дейінгі тәрбие мен оқытуды дамыту моделін іске асыруда педагогикалық үдерісті жаңаша ұйымдастыру» тақырыбында баяндама оқып, биылғы оқу жылындағы ерекшеліктерді бітіруші түлектерге жан-жақты түсіндіріп өтті.Сонымен қатар, Шиелі аудандық &nbsp;«Айналайын» &nbsp;бөбекжай бақшасының әдіскері Индира Арызбайқызы «Ойын - баланың жетекші әрекеті» және «Бегім Ана» бөбекжай бақшасының меңгерушісі &nbsp;Жанат Муханбетқалиқызы «Мектепке дейінгі білім беру деңгейіндегі сапалы трансформация»тақырыбында баяндама жасап, «Мектепке дейінгі ұйымдағы топта күн бойына екі педагог» пилоттық жобасының мақсат-міндетін ашып түсіндірді.&nbsp;Тәжірибелік алаң соңында заттық-дамытушы ортаны балаларға қолжетімді етіп жабдықтау іс-тәжірибесі бойынша бейне материалдар ұсынылып, студенттер мен әріптес қонақтар бірігіп түрлі әдіс-тәсілдер бойынша тапсырмалар орындады.<figure class="image"><img src="https://knadmin.beoblood.kz/uploads/315713713_1320874445388655_5500862617802009061_n_063627d346.jpg" alt="315713713_1320874445388655_5500862617802009061_n.jpg"></figure><figure class="image"><img src="https://knadmin.beoblood.kz/uploads/315421299_1320873445388755_9044321025989237672_n_407d38790f.jpg" alt="315421299_1320873445388755_9044321025989237672_n.jpg"></figure>

Ізденіс жолындағы шығармашылық жастарды биікке жетелейді

<a href="https://kyzylorda-news.kz/">Kyzylorda-news.kz.</a> Бүгін Жаңақорған ауданында көшпелі қоғамдық қабылдау өтіп, аудан халқын толғандырған бірқатар мәселелер шешімін тапты. Қабылдауға облыстық денсаулық сақтау басқармасы бастығының орынбасары Жангелді Шайымбетов, еңбек және әлеуметтік қорғау департаментінің бөлім басшысы Айжан Бұхарбаева, қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің бас маманы Абылай Самыратов қатысты.Қоғамдық қабылдауға келген ауыл тұрғындарына сала мамандары тарапынан денсаулық сақтау, жалпы әлеуметтік салаға қатысты, оның ішінде зейнеткерлік, зейнетақы төлемдері, мүгедектікке шығару, жұмыспен қамту, жалғыз басты аналарға, көпбалалы аналарға берілетін әлеуметтік көмектер мен жәрдемақылар және несиеге байланысты қиындықтар мен құқықтық сипаттағы мәселелер бойынша заңдылығына қарай кеңестер мен ақпараттар берілді.Жауапты мекеме басшылары алдағы уақытта осындай көшпелі қоғамдық қабылдаулар жүйелі түрде жалғасын табатынын, сондай-ақ қоғам, халық, тұрғындар тарапынан түскен талап-өтініш, сұранымдар мен ұсыныстар бойынша жұмыстар атқарылып, бақылауда болатынын жеткізді.<img src="https://knadmin.beoblood.kz/uploads/1668765099_oo_2_03edf73612.jpg" alt="1668765099_oo-2.jpg"> &nbsp;

Жаңақорған: Көшпелі қоғамдық қабылдауда тұрғындар мәселелерінің шешімі табылды

<a href="https://kyzylorda-news.kz/">Kyzylorda-news.kz.</a> Халықтың негізгі тұтынатын өнімі – азық-түлік. Сол себепті бұл өнімдерге сұраныс жоғары. Сұраныс жоғары болғандықтан бағада көтеріңкі болады. Оның үстіне базарда сатылатын бау-бақша өнімдерінің дені сырттан тасымалданады. Ал жергілікті бау-бақша дақылдарының өнімі аз.&nbsp;Аймақ басшысы Нұрлыбек Нәлібаев Жалағаш ауданына сапарында ауданның облыс орталығына жақын орналасуы бау-бақша мен фермерлік кәсіпті дамытуға мүмкіндік беретінін және соның нәтижесінде халықтың әлеуеті түзеліп, азық-түлік бағасы да тұрақталатынын баса айтқан еді. Осы орайда, биыл аудан шаруашылықтары егін шаруашылығын әртараптандыру мақсатында бақша дақылдарын егуді қолға алған болатын. Солардың бірі Мақпалкөл ауылдық округіне қарасты «Ер Әлі» шаруақожалығын айтсақ болады. Бүгінде шаруақожалық еккен картоп, сәбіз өнімін делдалсыз тұрғындарға тікелей қамтамасыз ету және бағаны тұрақтандыру мақсатында Жалағаш кентінің тұрғындары үшін арзандатылған бағада сатуда.Нақтырақ айтсақ, картоптың келісіне "Челленджер" сорты 120 теңге болса, сәбіздің "Тангерина F1 гибрид сорты 125 теңгеден өткізіліп жатыр.Ал шаруақожалықтың төрағасы Әліби Бекжановтың ең бірінші мақсаты жиналған өнімді сырт өңірлерге қымбат бағамен сатып, пайдаға кенелу емес, аудан халқын картоп, сәбіз көкөністерімен қамтамасыз етіп, бағаны тұрақтандыруға үлес қосу екен.&nbsp;«Биыл біз шаруашылықта 24 гектарға картоп, 5 гектарға сәбіз ектік. Өнім көлемі жаман емес. Өнімді сатуда бірінші өзімнің жерлестерімнен бастап жатырмын. Жалағаш ауданының тұрғындарын толықтай қамтамасыз еткеннен кейін ғана облыс орталығымен қоса басқа аудандарға жеткізу жоспарда бар», – дейді Әліби Бекжанов.&nbsp;<img src="https://knadmin.beoblood.kz/uploads/314487176_1586257778492961_7805807518877491969_n_9d1eab4563.jpg" alt="314487176_1586257778492961_7805807518877491969_n.jpg"><img src="https://knadmin.beoblood.kz/uploads/316176636_1586257761826296_6395116703490079987_n_75a2745714.jpg" alt="316176636_1586257761826296_6395116703490079987_n.jpg"> &nbsp;

Жалағаш: Картоп, сәбіз өнімдері нарықтан төмен бағада сатылуда

<a href="https://kyzylorda-news.kz/">Kyzylorda-news.kz.</a> Енді ЭЦҚ алу үшін ХҚО-ға барудың қажеті жоқ. «Мобильді ХҚО» қосымшасында ХҚО операторымен бейнеқоңырау арқылы байланысып, ЭЦҚ-ға үйден шықпай-ақ тапсырыс беруге болады.Бұған дейін компьютері жоқ қазақстандықтарға ЭЦҚ алу үшін Халыққа қызмет көрсету орталығына баруға тура келді. Халықтың өтінішіне құлақ асып, Мемлекеттік корпорация жеке және заңды тұлғалар үшін «Мобильді ХҚО» қосымшасында ЭЦҚ алу мүмкіндігін енгізді. Ол үшін қосымшаға кіріп «бейне қызметі» батырмасын басу керек. Оператордың қосылуын күтіңіз, ол жеке куәлік пен SMS арқылы келген кодты сұрап, өтінімді қабылдайды.Сондай-ақ, аталған қосымшада жылжымайтын мүлікке құқық белгілейтін құжаттың телнұсқасын және жылжымайтын мүлік объектілерінің техникалық паспортының телнұсқасын беру, баланың тууына және бала күтіміне байланысты әлеуметтік төлем тағайындау, жерлеуге арналған бір реттік төлемдерді тағайындау, көп балалы отбасына жәрдемақы тағайындау, тұрғын үй көмегін тағайындау секілді ең көп сұралатын қызметтер де бар. Қандас мәртебесін беру немесе ұзарту қызметтерін де алуға болады.Қосымшаны Google Play және App Store онлайн-дүкендерден жүктеп алуға болады.&nbsp;

«Мобильді ХҚО» қосымшасы арқылы ЭЦҚ және басқа да жиі сұралатын қызметтерді алуға болады

<a href="https://kyzylorda-news.kz/">Kyzylorda-news.kz.</a>&nbsp; Қазақстан кәсіпкерлерінің құқығын қорғау жөніндегі уәкіл Рустам Жүрсінов және «Атамекен» ҰКП Басқарма төрағасының орынбасары Ербол Өстеміров Қызылорда облысына жұмыс сапарымен келді.Олар сапар барысында қызылордалық кәсіпкерлерді жеке мәселелерімен қабылдады.Қабылдауға келген «Гежуба Шиелі компаниясы» ЖШС-нің бас директоры УЧеньхуа өндіріс нысандарының санитарлық-қорғау аумағына қатысты мәселені көтерді.Бұл компания 2018 жылдан бері өңірде цемент өндірумен айналысып келеді. Жылына 1 млн тонна цемент өндіре алады. Жобаның инфрақұрылымына бюджеттен 2,5 млрд теңге, ал кәсіпкердің 64 млрд теңге қаржысы салынған.Алайда 2021 жылдың соңында кәсіпорын орналасқан Шиелі ауданы, Ш.Қодаманов ауылының тұрғындары санитарлық-қорғау аумағы талаптарының сақталмауына шағымданып сотқа береді.Нәтижесінде биыл сәуірде Қызылорда облысының мамандандырылған ауданаралық әкімшілік соты цемент зауытына берілген санитарлық-қорғау аумағына қатысты сала мамандары қорытындысының күшін жойды.Ерекше атап өтетін жайт, облыстық санитариялық-эпидемиологиялық бақылау департаменттің берген ақпаратына сүйенсек, өңірде санитарлық-қорғау аумағының көлемін азайту жөнінде 15 кәсіпкерлік субъектісі 67 рет өтініш берген. Өтініштердің барлығы жоғарыда аталған негіз бойынша қанағаттандырылмаған.Осылайша, жергілікті атқарушы органдардың кәсіпкерлік нысандардың санитарлық аумағынан тұрғын үй құрылысы үшін жер телімдерінің беруі алдағы уақытта облыстағы бірқатар ірі кәсіпорындар жұмысының жаппай тоқтауына алып келуі мүмкін.<blockquote>«Осындай проблема Батыс Қазақстан облысында да болды. Кеше Түркістан облысына бардық. Онда да дәл осындай жағдай. Жергілікті атқарушы органдар санитарлық-қорғау аумақтарына қатысты талаптарға қарамастан, жеке тұрғын үй құрылысы үшін жер телімдерін табыстаған немесе өнеркәсіп кәсіпорындарын салуға рұқсат берген. Бұл өте күрделі, жүйелі мәселе. Оны шешуді бүгін қолға алмаса, алдағы уақытта қиын болуы мүмкін», – деді Рустам Жүрсінов.</blockquote>Бизнес-омбудсмен «Атамекен»-нің басқарма төрағасының орынбасары Ербол Өстеміровке прокуратурамен бірлесіп, санитарлық-қорғау аймақтарына жалпы талдау жүргізуді тапсырды. Талдау нәтижелері бойынша жергілікті атқарушы органдарға санитарлық-қорғау аймақтарының болуына назар аударуды қатаң бақылауға алу туралы ұсыныс енгізуді және аталған мәселені Үкіметтің қарауына да енгізуді жүктеді.Қабылдауға келген «Марал-Нұр» ЖШС директорының орынбасары Әбдімәулен Әбішев қосылған құн салығы есепке жатқызу әдісімен төленетін импортталатын тауарлардың тізбесіне бірқатар тауарларды енгізу мәселесін көтерді.Республика көлемінде кәсіпкерлердің жан-жақтан бірнеше рет берген өтініштерінің негізінде жақында, 21 қазанда ҚР Ұлттық экономика минитрлігінің 2018 жылғы 21 ақпандағы «Қосылған құн салығы есепке жатқызу әдісімен төленетін импортталатын тауарлардың тізбесін және оны қалыптастыру қағидаларын бекіту туралы» бұйрығына өзгерістер енгізілді.Алайда бұл тізбеге «Өздігінен жүрмейтін темір жол немесе трамвай, жолаушылар вагондары; өздігінен жүрмейтін жүк, почта және өзге де арнайы темір жол немесе трамвай вагондары» тармағы енбей қалады. Бұл тармақ осы жылдың 1 қаңтары мен 1 сәуірі аралығында қолданылған тізбеде болған.Қабылдауда көтерілген проблемалардың басым бөлігі мәмілелерді жарамсыз деп тануға қатысты болды.Қызылорда облысы бойынша 9 айда сотта мәмілелерді жарамсыз деп тану жөнінде 150 іс қаралды. Бұл талап арыздардың 127-і немесе 83% мемлекеттік органның пайдасына шешілсе, тек 25-де ғана немесе 17%-да ғана кәсіпкер жеңген.<blockquote>«Мемлекет басшысының тапсырмасы бойынша біз Салық кодексінде тиісті бақылау қағидасын бекітуге тырыстық. Ол үшін тиісті жұмыстарды да жасадық. Алайда Салық кодексіне бұл қағида енбей қалды. Өкінішке орай, Қазақстан Республикасының Жоғарғы Соты нормативтік қаулы жобасын дайындауды кешіктіріп жатыр. Мен үшін бұл елдің ұлттық экономикалық қауіпсіздігіне қатысты аса маңызды мәселе. Сондықтан мәселені Президенттің қарауына ұсынамын», – деді Рустам Жүрсінов.</blockquote>Жеке қабылдауда бұдан өзге, теміржол тасымалына қатысты, жергілікті бюджетте ауылшаруашылық жануарларына арналған жем-шөп шығындарын субсидиялауға қаражаттың жеткіліксіздігі, сондай-ақ жергілікті атқарушы органға қарайтын коммуналдық ұйымның, ауылдық округ әкімдігінің кәсіпкерлер алдындағы қарызын қайтармау мәселелері қаралды.Бизнес-омбудсмен әр сұрақты жеке талдап, шешу жолдарына қатысты кеңесін берді, жүйелі проблемаларды Үкіметтік деңгейде көтеретін болды.<blockquote>«Мемлекет басшысы тоқсан сайын бизнес өкілдерімен кездесіп, салаға қолдау көрсету тетіктерін жетілдіру үстінде. Бұл қадамы арқылы бизнес пен билік арасындағы ашық диалогтың үлгісін көрсетіп келеді. Кәсіпкерлердің шешілмей жатқан проблемасын президентке жеткіземін», – деді Рустам Жүрсінов.</blockquote>Облыс прокуроры Нұрлан Бижановпен кездесу аясында Қызылорда облысының прокуратурасы мен кәсіпкерлер палатасы арасындағы 2023 жылға арналған ынтымақтастықты іске асыру жөніндегі өңірлік жоспарға қол қойылды.Сондай-ақ, бүгін бизнес-омбудсмен облыстық соттың төрағасы Әділхади Шигамбаевпен, Облыстық сыбайлас жемқорлыққа қарсы қызмет департаментінің басшысы Серікжан Мырзаламен және облыс әкімі Нұрлыбек Нәлібаевпен кездеседі.&nbsp;<figure class="image"><img src="https://knadmin.beoblood.kz/uploads/986159d3_6d29_471c_9657_6e80c3014dd8_f512427ef0.jpg" alt="986159d3-6d29-471c-9657-6e80c3014dd8.jpg"></figure>

Қазақстан және Қызылорда облысының жаңалықтары