<a href="https://kyzylorda-news.kz/">Kyzylorda-news.kz.</a>&nbsp; Қазақстан тұрғындарының ақша аударымдарының көлемі жылдан жылға өсуде. Оның себептерінің бірі – &nbsp; цифрландырудың белсенді дамуы және ақшамен операциялардың басым бөлігінің онлайн жүргізілуі.&nbsp;Fingramota.kz азаматтарға өз ақшаларын аудару үшін қандай мүмкіндіктер бар екені жөнінде айтып береді.Біздің әрқайсымыздың күнделікті өмірде басқа адамға ақша аударатын кездер болады. Бүгінгі күні банктік сервистердің дамуымен ақша аударымдарын бірнеше минут ішінде жасауға болады.Ақша аударымына үш тарап қатысады: жөнелтуші, яғни ақшаны жіберетін адам, алушы - адресатжәне делдал – ақшаны адресатқа жеткізетін адам.&nbsp;Ақша аударымын жүзеге асыру үшін қызмет көрсету нүктелеріне (банктер, ақша аударымдары жүйесінің офисі) өтінуге, ақшаны пошта арқылы аударуға не төлем қызметтерін жеткізушілердің (делдалдардың) қызметтерін пайдалануға болады.&nbsp; Аударымдардың түрлері:&nbsp; - сыртқы– Қазақстаннан шетелге (ақша аударымдары жүйесі және SWIFT халықаралық аударымдар жүйесі арқылы);&nbsp; - ішкі– Қазақстанның ішінде (карточкадан карточкаға, пошта аударымдары мен банк шоттарына аударымдар). Заңнамаға сәйкес ішкі аударымдар қатаң түрде бір жұмыс күні ішінде есептелуі мүмкін, ал халықаралық аударымдар арқылы ақша аудару мерзімі&nbsp; 1 күннен 3 жұмыс күніне дейін құрайды.&nbsp; Ақшаны қандай тәсілмен аударуды таңдау жөнелтуші мен алушының талаптары мен қалауына, сондай-ақ келесі факторларға байланысты: - қандай делдалдардың жақын жерде офистері бар; - қандай соманы жіберу керек, бір аударымның мөлшеріне немесе бір күндегі, айдағы аударым сомасына шектеулер болуы мүмкін; - аударымның жеделдігі; - операция үшін комиссиямөлшері – әдетте,неғұрлым қысқамерзімдегі аударымдар үшін &nbsp;жоғары тарифтер көзделеді; – жөнелтуші ел– делдалдардың комиссияларының мөлшері ақша аударымының бағытына байланысты.Төлем карточкалары арасындағы ақша аударымдарының айырмашылығы неде?Банктік аударымдар – бұл барлық клиенттерге ыңғайлы, әсіресе жіберуші мен алушының бір банкте шоты болған жағдайда, таптырмайтын әмбебап әдіс.Аударымды онлайн режимінде мобильдік қосымша немесе банктің сайты арқылы жеке кабинетте, сондай-ақ банкоматтар немесе тікелей кассадағы банк бөлімшесі арқылы жасауға болады.&nbsp;Мәселен, мобильдік қосымшада немесе банктің сайтындағы жеке кабинетте аударым жасау үшін төлем карточкасының 16 таңбалы нөмірін және аударым сомасын көрсету қажет. Клиенттерге ыңғайлы болу үшін көптеген банктер клиенттің телефон нөмірі бойынша банк ішінде ақша аударуға мүмкіндік береді, ал жекелеген қаржы институттары клиенттердің ақшаларын басқа банктердің клиенттеріне телефон нөмірі арқылы аударады. Бірақ оның жедел төлем жүйесіне қосылғанына және телефон нөмірі арқылы ақшаны басқа банктерге аудару мүмкіндігінің бар екендігіне көз жеткізу үшін банкке алдын ала хабарласу керек. Аударым сол сәтте түседі.&nbsp;Банкомат арқылы аудару үшін жіберушіде, әдетте, эмитент-банктің карточкасы болуы керек. Сізге сондай-ақ алушының шотының, картасының немесе телефонының нөмірі қажет болады. Кейде банктер банкоматтар арқылы тек өз клиенттеріне ақша аударуға рұқсат береді. Ал кейбір банкоматтар жіберушіде карта болмаса да, бірақ алушының сол банкте шоты болған жағдайда аударым жасауға мүмкіндік береді,Көптеген делдал ұйымдар қаражатты қолма-қол ақшасыз, яғни шоттан шотқа немесе касса арқылы қолма-қол ақша салу арқылы аударуға мүмкіндік береді. Екінші жағдайда, алушы өз қаласындағы әріптестің кассасынан ақша ала алады.Ақшаны қолма-қол ақшасыз жолмен, мысалы, банк арқылы аудару үшін қаржы институтында шот ашудың қажеті жоқ. Жіберушіден тек аударым туралы өтініш және жеке басын куәландыратын құжат қажет. Өтініште жөнелтуші ақша келіп түсуге тиіс банктің атауы мен деректемелерін, сондай-ақ адресаттың тегін, атын, әкесінің атын (бар болса) және оның төлқұжаттық деректерін көрсетеді. Алушыға ақша банк кассасында беріледі. Сіз жай ғана адресаттың банктік шотын көрсете аласыз, ақша сол жерге аударылады.Қызмет көрсету тарифтеріне келетін болсақ, әдетте, бір банктің ішінде аударымдар үшін комиссиялар алына бермейді. Бір банктен екінші банкке аударған кезде комиссиялардың сомасы соманың 0,1-ден 1%-ға дейін құрауы мүмкін немесе бұл белгілі бір сома, мысалы, бір операция үшін 150 теңге болуы мүмкін.Ақша аударымдарының жүйелеріҚазақстандықтар ақша аударымдарыжүйелерінің біреуі арқылы ақша жібере алады. Оларды Қазақстан халқы ел аумағында ақша аударымдарын жүргізу үшін де, шетелге/шетелден ақша аударымдарын жөнелту/алу үшін де пайдаланады. Қазақстанда халықаралық ақша аударымдарының бірнеше жүйесі, соның ішінде «ЗолотаяКорона», Contact, WesternUnion, MoneyGram, «Юнистрим», Faster, American Express және басқалары жұмыс істейді.Олардың көпшілігінде әртүрлі елдерде ақша жөнелту және алу пункттері бар. Сондай-ақ олар банктермен, байланыс салондарымен, поштамен ынтымақтасады. Бұл әдіс барлығына дерлік, әсіресе шетелге ақша аударымдары кезінде жарамды. Қолма-қол ақшаны аудару үшін жөнелтуші өтінімді толтырып, кассаға ақша салып, құпия кодты алып, оны алушыға беруі керек. Аударымды алу үшін жеке басын куәландыратын құжатты көрсетіп, құпия кодты атау қажет.Ақша аударымдары жүйесінің сайты арқылы банктік картадан алушының шотына, оның ішінде шетелдік шотқа аударымдар жасауға немесе қолма-қол ақшаны алуды бөлімше арқылы ресімдеуге болады.Жүйелер арқылы аударымның ең көп сомасы бойынша шектеулердің мөлшері әр түрлі, осы компаниялардың кеңселерінде және осы жүйелермен ынтымақтасатын банктерде нақтылау қажет. Мәселен, бір банкте жүйелердің біреуі арқылы аударымның ең көп сомасы 10 мың АҚШ долларын құрайды, ал екіншісінде – 5 мың АҚШ доллары және т.б. Қазіргі уақытта Қазақстанда SWIFT-аударымдар бойынша шектеулер жоқ. Төлем жүйесіндегі аударым үшін комиссия орташа алғанда 1%-ды құрауы мүмкін. Ақшаны аудару жылдамдығы - бірнеше минуттан 3 жұмыс күніне дейін.Ақша аударымы үшін комиссия тарифтерге сәйкес жөнелтушіден ғана алынады және жіберілетін соманың мөлшері мен межеленген елге байланысты болады. Аударымды төлеу валютасын аударымды жөнелту кезінде жөнелтуші айқындайды. Ақша аударымдарын төлеу, әдетте жүйеде қолданылатын бағам бойынша межеленген елдің валютасында жүзеге асырылады, кейбір елдерде төлемдер USD (АҚШ доллары) арқылы жүргізіледі.Ақша аударымын төлеу кезінде қиындықтар туындаған жағдайда, жөнелтуші ақша аударымын жөнелту пунктіне жүгінуі қажет. Аударым белгілі бір уақытқа дейін жүйеде сақталады. Сондай-ақ жүйеде тиісті өтініш беру арқылы аударымда өзіңе қайтару туралы өтініш беруге болады, бірақ жүргізіліп қойған аударым үшін комиссия әдетте қайтарылмайды.Электрондық әмиян арқылы жасалатын аударымдарАқша аударудың тағы бір тәсілі электрондық әмиян болып табылады. Ол арқылы &nbsp;соманы басқа электрондық әмиянға жіберуге болады. Алдағы уақытта электрондық әмиянға түскен қаражатты банктік шотқа өтеуге (шығаруға) не электрондық ақшаның эмитент-банкінен қолма-қол ақшамен алуға болады.&nbsp;Қазіргі уақытта Қазақстанда бірнеше төлем жүйесінің, оның ішінде Qiwi, Wooppay, WalletOne, AllPay және басқа да жүйелердің электрондық әмияндары жұмыс істейді. Қазақстан аумағында жұмыс істейтін электрондық ақша жүйелерінің тізбесі &nbsp;Қазақстан Республикасы Ұлттық Банкінің интернет-ресурсында жарияланады және https://nationalbank.kz/ru/news/sistemy-elektronnyh-deneg-kazahstana сілтемесі бойынша қолжетімді болады.Электрондық әмияндарда барлық аударым шот ашусыз, онлайн жүзеге асырылады. Бар болғаны сайт арқылы жүйелердің біріне кіріп, өзіңіздің жеке электрондық әмияныңызды ашу керек. Оны жүйенің сайты арқылы өз картаңыздан онлайн, сондай-ақ оператор компанияның төлем терминалдары арқылы қолма-қол ақшамен не серіктестердің банкоматтары мен бөлімшелері арқылы толықтыруға болады.&nbsp;Комиссияның мөлшері әмиянның түріне, аударымның, мысалы әмиянға немесе картаға жіберілуіне байланысты болуы мүмкін. Орта есеппен алғанда 0%-дан 3%-ға дейін. Әмияндардың арасында ақша жылдам жіберіледі, ал әмияннан картаға немесе банктегі шотқа 3 жұмыс күніне дейін жіберілуі мүмкін.«Қазпочта» АҚ арқылы аударымдарБұл тәсіл ақшасын әсіресе жақын жерде банктердің бөлімшелері жоқ, бірақ поштаның бөлімшелері бар Қазақстанның шағын елді мекеніне жіберетін адамдар үшін ыңғайлы. Сіз ақшаңызды осы бөлімшелер арқылы қолма-қол жібере аласыз, ал адресат оны поштадан алады. Ол үшін алушының тегі, аты, әкесінің аты (бар болса) және оның мекенжайы қажет. Жіберушіге тек жеке басын куәландыратын құжат керек. Сондай-ақ қолма-қол ақшаны банктегі банк шотына жіберуге болады, бірақ алушының мекенжайының орнына оның шотының нөмірін көрсету қажет.Аударым жасағанда ақшаны жоғалтып алмау үшін не істеу қажет?Егер сіз онлайн-аударым жасасаңыз, фишингтік сайтқа емес, компанияның ресми сайтына кіргеніңізге көз жеткізіңіз.Алаяқтардың құрбаны болмау үшін мынадай сақтандыру шараларын сақтаңыз: - Аударым жайында қандай да бір ақпаратты алушыдан басқа, үшінші тұлғаларға хабарламаңыз; - Ақша аударымдарының жүйесі арқылы ақшаңызды бейтаныс адамдарға мүлдем жібермеңіз әрі олардан алмаңыз; - Адам сенгісіз қызықтыратындай болып көрінген мәмілелерден немесе ұсыныстардан абай болыңыз;&nbsp; - Интернет-аукцион арқылы сатып алған тауардың ақысын төлеу үшін ақша аударымдарының жүйесін пайдаланбаңыз; - Лотереялардың ұтыс ойындары бойынша салықтарды немесе алымдарды төлеу үшін ақша аударымдарын мүлдем жібермеңіз. Әрбір елде ақша аударымдарының талаптары және көрсетілетін қосымша қызметтердің бары туралы толық ақпаратты банктің немесе «Қазпочта» АҚ-тың қызметкері аударым жіберілетін жерде беруі мүмкін.Fingramota.kz сайтымен бірге қаржылық сауаттылығыңызды арттырыңыз!&nbsp;&nbsp;&nbsp;

Шұғыл түрде ақша аудару керек: оны қалайша және қайда жасауға болады

<a href="https://kyzylorda-news.kz/">Kyzylorda-news.kz.</a> Қызылорда облыстық «Жастар орталығы» КММ-нің бастамасымен жас кәсіпкерлер қауымдастығы құрылмақ.Қауымдастықтың басты мақсаты – жастар арасындағы кәсіпкерлікті дамытуға үлес қосу және аймақтағы жас кәсіпкерлердіӊ басын біріктіру. Онда өңіріміздегі кәсібін бастаған жас кәсіпкерлер мен орталық қызметкерлері бас қосып, тың жобаларды жүзеге асырудың жолдарын талқылайды. Жастар ресурстық орталығымен бірлесе құрылған қауымдастық алдағы уақытта кәсіпкерлік саласында алғаш жұмысын бастаған барлық кәсіпкерлерге үлкен қолдау көрсетпек.&nbsp;<blockquote>«Бұл бастама кәсіппен айналысамын деген жастарға үлкен мүмкіндік беретінін айтқым келеді. Біз жастардың бизнес идеялары мен старт-ап жобаларын іске асыруға жан-жақты қолдау көрсетуге дайынбыз. Ол үшін барлық мүмкіндіктер бар. Жас кәсіпкерлердіӊ қауымдастығын құру бастамасы өте орынды деп есептеймін. Себебі, мұндай қауымдастық барлық бизнес идеялардыӊ жүзеге асуына тікелей түрткі болады. Тікелей Жастар орталығымен бірлесе жастардың бизнестегі жолын ашып, бағдар беретін нәтижелі жұмыс жүргіземіз», - деді облыстық «Жастар ресурстық орталығы» &nbsp;КММ-нің директоры Талғат Тілес.</blockquote>Кездесу барысында жастар көшбасшысы жас кәсіпкерлердің ой-ұсыныстарын тыңдап, сұрақтарына жауап берді. Кәсіпкерлер өз кәсібін қалай бастағанын және қазір қандай деңгейге жеткізгенін көрсетті.&nbsp;Кездесу соңында жастар нақты ұсыныстарын жеткізіп, алдағы жоспарларын талқылады.<figure class="image"><img src="https://knadmin.beoblood.kz/uploads/314642184_1386419645466024_9035882733105910515_n_ef80ef3330.jpg" alt="314642184_1386419645466024_9035882733105910515_n.jpg"></figure>

Қызылордада жас кәсіпкерлер қауымдастығы құрылады

<a href="https://kyzylorda-news.kz/">Kyzylorda-news.kz.</a> Қызылорда облысында «Арбамен марафон» атты облыстық спорт жарысы ұйымдастырылды. Сайыс №2 облыстық мамандандырылған балалар-жасөспірімдер олимпиадалық резерв мектебінде өтті.Шараның мақсаты - мүгедектігі бар адамдарға әлеуметтік көмек көрсетуден бөлек оларды түрлі шараларға қатыстырып, қоғамдық ортаға бейімдеу, белсенділіктерін арттыру, психологиялық тренингтер өткізу арқылы позитивті ойлау дағдыларын дамыту, спорттық, мәдени, қоғамдық іс-шараларға қатыстыру.Марафон - бұл ең ауыр спорт түрі, тіпті дені сау адамдар да марафон қашықтығына төтеп бере бермейді. Ал, дөңгелектерді қолдарымен айналдыра алатын тек мықтылар ғана. Ең бастысы-өзінді жеңу арқылы ғана мүгедектіктің жоқ екенің дәлелдеу.Бүгінгі марафон Қызылорда облысының жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы негізінде «Қызылорда облыстық мүгедектер қоғамы» ҚБ ұйымдастырумен өтті. &nbsp;Шараға облыс бойынша &nbsp;30-дан аса адам қатысты. Марафон қашықтығы 100 метр. Марафонға қатысушылар 3 категория бойынша сынға түсті. Ең алдымен 5-12 жас аралығындағы балалар, екінші 13-18 жас аралығындағы &nbsp;жасөспірімдер, сонымен қатар 18 жастан жоғары ересектер қатысты.&nbsp;Сайыс қорытындысы бойынша балалар арасында Бағдәулет Берікбол І орынға ие болды. Ал ІІ орынды Айзат Нұрадин жеңіп алды. ІІІ орын Шайхислам Қайырбекке бұйырды.&nbsp;Жасөспірімдер арасындағы жарыста І орынға Фархат Жетпісбаев ие болса, ІІ орынды Нұрсұлтан Шырынхан алды. Ал ІІІ орынды Тұрар Өмірзақ иеленді.<blockquote>«Біз мұндай жарысқа алғаш рет қатысып отырмыз және жүлделі орынға ие болғанымызға өте қуаныштымыз. Ұйымдастырушыларға, атап айтқанда Қызылорда облыстық мүгедектер қоғамының төрағасы Сиюов Сағатбек Қуанышбекұлына бізді назардан тыс қалдырмай шақырғаны үшін ерекше рахметімді айтамыз және алдағы уақытта да осындай жарыстар болып тұрса», -деді Айкүн Ошақбаева.&nbsp;</blockquote>Ерсектер арасында жүлделі І орынға Сәбит Серікбаев жайғасты. Ал ІІ орын Айша Айтпенбетоваға бұйырды. ІІІ орынды Ақтоты Тастаева иеленді.Жеңімпаздарға арнайы дипломдар мен бағалы сыйлықтар табысталды. Ал қалған қатысушыларға алғыс хат пен ынталаңдыру сыйлықтары табысталды.<figure class="image"><img src="https://knadmin.beoblood.kz/uploads/9d1f8528_154c_471b_8448_01d3535e2ede_1d30dcfcd0.jpg" alt="9d1f8528-154c-471b-8448-01d3535e2ede.jpg"></figure><figure class="image"><img src="https://knadmin.beoblood.kz/uploads/19e0313c_9458_4976_8468_298cfa87028a_714e0af569.jpg" alt="19e0313c-9458-4976-8468-298cfa87028a.jpg"></figure><figure class="image"><img src="https://knadmin.beoblood.kz/uploads/ecb788bb_f447_44e7_9991_c57daf799298_91c7178d84.jpg" alt="ecb788bb-f447-44e7-9991-c57daf799298.jpg"></figure><figure class="image"><img src="https://knadmin.beoblood.kz/uploads/e0cd6274_2b17_401f_a972_db4e8c54b543_486f42bbb5.jpg" alt="e0cd6274-2b17-401f-a972-db4e8c54b543.jpg"></figure>

Қызылордада мүмкіндігі шектеулі жандар сайысқа түсті

20 қараша - Қазақстан Республикасы Президентінің сайлауы күні

Мен сайлауға барамын

Менің таңдауым – елімнің болашағы

<a href="https://kyzylorda-news.kz/">Kyzylorda-news.kz.</a> Бүгін «Балалар жылы» аясында «Қызылорда қаламгерлер қауымдастығының» ұйымдастыруымен «Балапан» телеарнасының «Сиқырлы тас», «Әл-Фараби» мультсериалдары бойынша шығарылған бояу кітапшаларының тұсаукесері өткізілді.&nbsp;Тұсаукесер рәсіміне Қызылорда облысы әкімінің орынбасары Нұрымбет Сақтағанов, облыстық қоғамдық даму басқармасының басшысы Мира Қазбекова, облыстық мәслихат депутаты, «Сыр медиа» ЖШС бас директоры Аманжол Оңғарбаев, Қазақстан Суретшілер Одағының мүшесі, М.Мәметова атындағы жоғары педагогикалық жоғары колледждің оқытушысы Айнұр Қарамұрзаева, «ASU» баспа үйі» ЖШС-ның директоры Қасымхан Қыдырбаев, сондай-ақ балалар мен оның болашағына бей-жай қарамайтын аймағымыздың зиялы қауымының өкілдері, республикалық БАҚ-тың өңірдегі меншікті тілшілері, Қызылорда облыстық телеарнасы, қоғамдық теледидар және аймағымызға белгілі жергілікті мерзімді басылымдардың журналистері, білім беру саласының басшылары, кітап саудасы саласының менеджерлері қатысты.Шара барысында Қызылорда облысы әкімінің орынбасары Нұрымбет Сақтағанов шығармашыл топқа, балаларға жылы лебізін білдірді.&nbsp;Жобаны іске асыруға көп еңбек еткендердің бірі, «Сыр медиа» ЖШС бас директорының орынбасары Айжан Абдуллаева «Балалар жылын» да қорытындылайтын уақыт жақындап қалғанын айтты. Журналист ұрандап, мереке түрінде атап өту ғана емес, балаларды қорғау мақсатында ең алдымен денсаулық сақтау, білім беру және әлеуметтік қамсыздандыру саласында нақты іс-шаралар жасалуы тиіс екенін жеткізді. Осы орайда Қазақстан нарығында баспа саласында ширек ғасырдан аса қызмет көрсетіп келе жатқан «ASU» баспа үйі» ЖШС-ның бастамасымен «Балапан» телеарнасының арасында жасалған келісім шарт негізінде алғаш рет отандық анимациялық фильмдердің бояу кітапшаларын шығару қолға алынды.&nbsp;<blockquote>«Эфирлік қаралымы жоғары болған 3D форматындағы «Сиқырлы тас» мультсериалының кейіпкерлері алты жасқа дейінгі балаларға арналған. Бұл мультсериал балалардың ой көкжиегін кеңейтуде, қиял-ғажайып әлемін дамытуда үлкен маңызға ие. Әлемдік ғылымға екінші өмір сыйлағаны үшін шығыс ғұламалары Аристотельден кейінгі екінші ұстаз деп атаған ұлы ғалым Әбу Насыр әл-Фараби баба жайында түсірілген «Әл Фараби» мультсериалының жобасы алты жастан асқан балаларға арналып отыр. Мұнда балалар кейіпкерлерді бояп қана қоймайды, ұлы ойшылдың қанатты сөздерін көңіл зердесіне тоқиды. Көгілдір экраннан тамашалайтын сүйікті кейіпкерлерін бояй отырып, біздің жас достарымыздың бейнелеу өнеріне деген қызығушылығы артады деген ниетпен осындай жоба ұсынылып отыр», - дейді «Сыр медиа» ЖШС бас директорының орынбасары Айжан Абдуллаева.</blockquote>Кітапшада орналасқан QR белгісін сканерлеу арқылы екі мультсериалды да кез келген уақытта тамашалауға болады.<blockquote>«Мультсериалдар кейіпкері мен ондағы оқиғалар бейнеленген бояу кітапшалары күнделікті смартфон ұрлап жатқан бала тәрбиесіндегі бос кеңістікті толтырады деген сенімдеміз», - деді Айжан Абдуллаева.</blockquote><figure class="image"><img src="https://knadmin.beoblood.kz/uploads/kitap3_4a63cbdf9e.jpg" alt="китап3.jpg"></figure><figure class="image"><img src="https://knadmin.beoblood.kz/uploads/kitap_031426dad7.jpg" alt="китап.jpg"></figure>

Балалар жылы: Қызылордада бояу кітапшаларының тұсаукесері өтті

Әр азаматтың дауысы маңызды

Қазақстан Республикасы Президентінің кезектен тыс сайлауы

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің 85 жылдық мерейтойына орай «Ардагерлерді ардақтайық» атты І облыстық форум өтті. Жиында аға буын өкілдеріне құрмет көрсетіліп, марапат биігінен көрінді.<blockquote>«Халқымыз қашанда үлгі мен өнегенің сарқылмас бұлағындай, ой – парасаты биік аға буын өкілдерін құрмет тұтқан. Қай кезде де ауқымды жұмысты үлкеннің ақ батасымен бастап, ақыл-кеңесін тыңдаған. «Қариясы бар үйдің – қазынасы бар» деп, үлкеннің сөзін берекенің бастауы санаған. Сындарлы сәтте шыңдалған, өмірлік тәжірибесі мол, &nbsp;тағылымды жол көрсетер ардагерлер – біздің рухани құндылығымыз, шынайы жанашырларымыз», – деді Бейбіткүл Сәрсемханқызы. &nbsp;&nbsp;</blockquote>Шарада облыстық ардагерлер кеңесінің төрағасы Серік Дүйсенбаев ардагер ұстаздар университеттің 85 жылдық тарихында мыңдаған шәкірт тәрбиелеуге, білім беру саласының дамуына елеулі үлес қосқанын жеткізді.Ал, университеттің даму жолында өзіндік із қалыптастырып, қажырлы еңбек еткен Қазақстанның еңбек сіңірген қайраткері, университеттің құрметті ректоры, техника ғылымдарының докторы, профессор Қылышбай Бисенов оқу орнының қазіргі даму деңгейіне тоқталып, осы жетістіктердің барлығы профессор-оқытушылардың өлшеусіз еңбегі екенін атап өтті.&nbsp;Сондай-ақ, жиында облыстық білім және ғылым қызметкерлері кәсіподақ комитетінің төрағасы, облыстық мәслихат депутаты Гүлнар Есқалиева пікір білдірді. Университеттің ардагерлер кеңесінің төрағасы Қазыбай Құдайбергенұлы білім ордасының дамуына еңбек сіңіріп, ұзақ жылдар қызмет еткен әріптестер еңбегіне тоқталды.&nbsp;Форумда бірқатар аға буын өкілдері университеттің «Үздік оқытушы» медалімен, ректордың «Құрмет» грамотасымен марапатталды. Университеттің ардагерлер кеңесінің төрағасы, экономика ғылымдарының кандидаты Қазыбай Құдайбергенұлы «Білім және ғылым қызметкерлерінің кәсіподағына сіңірген еңбегі үшін» республикалық ұйым төрағасының медалімен және «Ардагерлер ұйымы» республикалық қоғамдық бірлестігінің ең жоғарғы марапаты – Орталық кеңесі төрағасының Құрмет грамотасымен марапатталды.«Философия және әлеуметтік-гуманитарлық пәндер» кафедрасының профессоры, философия ғылымдарының докторы Баймырза Қожамберлиевке, «Физика және математика» кафедрасының аға оқытушысы, педагогика ғылымдарының кандидаты Пажарбек Сапарходжаевқа, «Су шаруашылығы және жерге орналастыру» кафедрасының профессоры, техника ғылымдарының докторы Серікбай Қошқаровқа облыстың «Құрметті ардагері» медалі табысталды.Ал «Бастауыш оқытудың педагогикасы мен әдістемесі» кафедрасының ардагері Зинаида Сексенбаев облыстың «Құрмет грамотасымен» марапатталды.&nbsp; Айта кету керек, форумда «Дидар» халықтық фольклорлық-этнографиялық ансамблі, «Сыр сұлуы» вокальды ансамблі өнер көрсетіп, көрерменнің ыстық ықыласына бөленді.&nbsp;Форум соңында ардагерлер университеттің «Open spaсе» заманауи үлгідегі кітапханасымен танысты.&nbsp; &nbsp;<img src="https://knadmin.beoblood.kz/uploads/p2066788_1_f53a8ec60d.jpg" alt="p2066788 (1).jpg">

Қорқыт ата атындағы Қызылорда университетінде «Ардагерлерді ардақтайық» форумы өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменов Сыр өңіріндегі театр өнерінің корифейлері, Қазақстанның еңбек сіңірген әртісі, «Құрмет» орденінің иегері Бақытбек Алпысбайұлы мен өмірлік жары Қазақстанның еңбек сіңірген қайраткері Кәмила Әбжанованы қабылдап, киелі сахна төрінде жұп жазбай өнер көрсетіп келе жатқан 55 жылдық мерейтойларымен құттықтады.​Белгілі сахна майталмандары өнердің осынау айтулы белесіне үлкен еңбекпен, халық алақанына салған асқақ абыроймен жетіп отыр. Қазақстанның еңбек сіңірген әртісі Бақытбек Алпысбайұлы 1970 жылы Алматының М.Әуезов атындағы Академиялық драма театрының студиясын бітіріп, сол жылдан бастап Н.Бекежанов атындағы қазақ академиялық музыкалық драма театрының әртісі қызметін атқарады.Осы жылдар ішінде 250-ге жуық рөлдерді сомдап, әртүрлі жанрларда ойнай алатын кең ауқымды артист екенін дәлелдеді. Өнердің ерен жүйрігі жағымпаздыққа жаны қас, кімге болса да ойындағысын ашық айтатын, тік мінезді, қолға алған ісін орындамай тынбайтын адал да ақкөңіл, адамгершілігі мол азамат өмірлік серігі Қазақстанның еңбек сіңірген қайраткері Кәмила Әбжановамен жарты ғасырдан астам уақыт Н.Бекежанов атындағы қасиетті қара шаңырақта бірге еңбек етіп келеді. &nbsp; Мерейтойлық қабылдауда қала әкімі Асылбек Шаменов Сыр өңірі театрының тарихында өнерге өзіндік өрнек салған, қайталанбас рөлдерімен көрермен көңілін тапқан айрықша талант иелерін құттықтап, қазақы дәстүрмен сый-құрметін көрсетіп, жүрекжарды лебізін білдірді.«Театр – адамның өзін-өзі сахнадан көріп, өзін-өзі түсінетін орын» деп ұлт мақтанышы Шәкен Айманов айтпақшы, бекзат өнер саналатын театр сахнасында көрерменнің жанымен, ішкі түйсігімен үйлескен рөлдеріңіз арқылы көп көңілін жаулаған дарынды әртіс екендеріңіз даусыз. Өміршең өнер табыстырған Сіздерді сахнада да, қарапайым өмірде де кейінгі буынға лайықты өнеге көрсетіп келе жатқан үлгілі жанұя, бақытты жұп ретінде ерекше құрметтейміз. Өнерге деген адалдықтарыңыз бен өлшеусіз қызметтеріңіз еш ескерусіз қалмайды – деген шаһар басшысы Асылбек Шаменов «Өнерде жүзген қос ғұмыр» атты мерейтойлық кештің сәтті өтуіне тілектестігін білдірді.Естеріңізге сала кетейік, бүгін сағат 17:00-де Н.Бекежанов атындағы қазақ академиялық музыкалық драма театрында қос таланттың өмірі мен өнерінен сыр шертетін «Өнерде жүзген қос ғұмыр» атты әсерлі кеш өтеді.<figure class="image"><img src="https://knadmin.beoblood.kz/uploads/sahna2_c3e0f5c6f6.jpg" alt="сахна2.jpg"></figure><figure class="image"><img src="https://knadmin.beoblood.kz/uploads/sahna3_ba145ca7d7.jpg" alt="сахна3.jpg"></figure><figure class="image"><img src="https://knadmin.beoblood.kz/uploads/Sahna1_706e962435.jpg" alt="Сахна1.jpg"></figure>

Сырдың саңлақ сахнагерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a> Қазақстан Республикасы Президенттінің «Әкімдердің халықпен кездесулерін өткізу туралы» Жарлығын орындау мақсатында бүгін Жалағаш ауданы әкімі Асқарбек Есжанов тұрғындарды жеке мәселелері бойынша қабылдады.Жеке қабылдауға келген тұрғындар аудан әкіміне өтініш-тілектерін жеткізіп, мәселелерінің оң шешімін табуына ықпал жасауын сұрады. Қабылдауға келген тұрғындардың көбі әлеуметтік жағдайды жақсарту, яғни жұмыссыздық мәселесін алға тартып, тұрақты жұмысқа орналасу сұрағымен жүгінді. &nbsp;Жұмыссыздық мәселесімен келген тұрғындарға мамандықтарына сәйкес сұраныс болған жағдайда бос жұмыс орындарына кезектілікпен жіберілетіндігі түсіндірілді. Сонымен қатар, ауданда өзін-өзі жұмыспен қамтуға мемлкеттен қолдау көп екенін алға тартып, кәсіп ашуға да болатынын жеткізді.Аудан басшысы басқа мәселелер бойынша да тиісті заңдылықтарға сәйкес жұмыстар жүргізетінін айтты. Аудан әкімі Асқарбек Есжанов аудан әкімінің жауапты орынбасарлары мен тиісті сала басшыларына жеке қабылдауға келген әрбір азаматтың мәселесін бақылауға алу жөнінде тапсырма берді. Сондай-ақ, тұрғындар тарапынан айтылған мәселелердің барлығы өзінің тікелей бақылауында болатындығын жеткізді. &nbsp;<img src="https://knadmin.beoblood.kz/uploads/315245511_1581041572347915_8891082061082746434_n_806a8b983e.jpg" alt="315245511_1581041572347915_8891082061082746434_n.jpg"><img src="https://knadmin.beoblood.kz/uploads/315225208_1581041602347912_6852500255850393563_n_c22272eab2.jpg" alt="315225208_1581041602347912_6852500255850393563_n.jpg">

Қазақстан және Қызылорда облысының жаңалықтары