<a href="https://kyzylorda-news.kz/">Kyzylorda-news.kz.</a> Дін тазасын діннен ізде... Исламды өз мүддесіне пайдаланушылар саны әлі азаймай тұрғанын ескерсек, діни кітаптар, түрлі роликтер мен уағыздарды тыңдағанда мұқият болуға шақырамыз. Діни ақпарат тұтынуда нені ескеру қажет екенін роликтен біле аласыз.<figure class="media"><div data-oembed-url="https://youtu.be/JPgnI9MNL9o"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/JPgnI9MNL9o" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Деструктивті діни ағымдарға еріп кетпеудің басты шарттары

<a href="https://kyzylorda-news.kz/">Kyzylorda-news.kz.</a> Сайлау – мемлекет тарихындағы маңызды күндердің бірі. Ал алдағы кезектен тыс Президент сайлауы жаңашылдықтарға толы. Бұл жолы ел басқару мерзімі 7 жылға дейін ұзартылып, Президент өкілеттілігі бір реттік болып қысқартылды.Осы уақыт аралығында Президент өз бағдарламасында көздеген мақсаттарын жүзеге асырып, еліміз дамудың жаңа белесіне көтерілуі керек. Сол үшін де әділетті Президент таңдау – біздің алдымыздағы басты міндет. Халық үнімен үндес, мұңымен мұңдас, жұртын жұмылдырып, кез келген қиындықтан шыға алатын көреген басшыны сайлауға бәріміз үлес қосуымыз керек.Бұл сайлау саяси жаңғырудың жаңа кезеңі, қоғамдағы оң өзгерістердің бастамасы болады деп сенім білдіремін. Енлдеше, соған лайықты Президентті бірге таңдайық!Әділбек Әйімбетов,Арал аудандық ардагерлер кеңесінің төрағасы<figure class="image"><img src="https://knadmin.beoblood.kz/uploads/315189255_3414352148893147_7561445717960107869_n_3ec89fa0a9.jpg" alt="315189255_3414352148893147_7561445717960107869_n.jpg"></figure>

Әділбек Әйімбетов: Лайықты Президентті бірге таңдайық

<a href="https://kyzylorda-news.kz/">Kyzylorda-news.kz.</a> Балық саласы – балық аулау және жасанды балық өсіру арқылы экономикалық өсу мен халықты жұмыспен қамтитын экономиканың маңызды салаларының бірі. Қазақстан, оның ішінде Сыр өңірі балық ресурстарына өте бай. Сондай-ақ, негізгі балық аулау Атырау, Алматы, Шығыс Қазақстан және Қызылорда облыстарында жүргізіледі.Осы орайда, бүгін Экология министрі Серікқали Брекешев ҚР Парламенті Мәжілісіндегі Үкімет сағатында республикада балық шаруашылығын дамыту жөніндегі шаралар туралы баяндады.Айта кетейік, табиғи су қоймаларында жыл сайын шамамен 40-45 мың тонна балық ауланады және бұл көрсеткіш жыл сайын өсуде. Сонымен қатар, Қазақстанға шамамен 41 мың тонна балық өнімдері, негізінен мұхит пен теңіз балық түрлері, яғни скумбрия және майшабақ әкелінсе, шамамен 25 мың тонна экспортталады, мұндағы негізгі үлес терең өңделген өнімдерге балық филесіне тиесілі. Бұл ретте, отандық балық өнімдері әлемдік нарықта сәтті бәсекелесуде.<blockquote>«Саланың негізгі міндеті – теңіз балық шаруашылығын игеру және тауарлық балық шаруашылығын дамыту есебінен балықтың ішкі тұтынуын арттыру, сондай-ақ экспорттық әлеуетті және импортты алмастыруды одан әрі арттыру», - деп атап өтті Министр.</blockquote>ДДҰ ұсынымына сәйкес адам баласы жылына кем дегенде 16 кг балық тұтынуы керек, ал Қазақстанда бұл көрсеткіш 4 кг құрайды, бұл жан басына шаққандағы балықтың аз тұтынылуын көрсетеді.Бүгінгі таңда елде мыңнан астам балық шаруашылығы субъектілері жұмыс істейді, оларға 1646 балық шаруашылығы су айдындары мен олардың учаскелері бекітілген. 2021 жылы шамамен 45 мың тонна балық ауланды, ал өсірілген балық көлемі соңғы 5 жылда 5,5 есе - 2,7 мың тоннадан 15 мың тоннаға дейін өсті. Мемлекеттік балық өсіру кәсіпорындары жыл сайын бағалы балық түрлерінің шабақтарын жасанды өсіруді қамтамасыз етеді. Алайда, кәсіпорындардың өндірістік базасы тозғанын және жаңғыртуды талап ететінін ескеру қажет.Осы проблемалық мәселелерді ескере отырып, Мемлекет басшысы Атырау қаласындағы екі бекіре зауытын қайта құру мен жаңғыртуды тапсырды. Сонымен қатар, бағалы балық түрлерін табиғи жолмен молықтыру үшін өзендердің гидрологиялық режимін жақсарту бойынша жұмыстар жүргізілуде, қорғау іс-шаралары күшейтілуде, заңнамалық база жетілдірілуде. «Салық кодексіне өзгерістер енгізу туралы» заң жобасы шеңберінде балық өңдеумен айналысатын субъектілер үшін ҚҚС-ты 70%- ға төмендету көзделеді. Заң жобасы Парламент Сенатында қаралуда.Сондай-ақ, өндірілген және өсірілген балықты терең өңдеуге, қосылған құны жоғары балық өнімдерін шығаруға жағдай жасауға аса көңіл бөлінеді. Көлеңкелі айналымды төмендету үшін балық өнімдерін қадағалаудың ақпараттық жүйесін әзірлеу жүргізілуде.<blockquote>«Өткен жылы Үкімет «Балық шаруашылығын дамытудың 2030 жылға дейінгі бағдарламасын» қабылдады, онда балық шаруашылығына басты назар аударылды. Бүгінгі таңда практикалық іске асыру жұмыстары жүріп жатыр. Нәтижесінде 2030 жылға қарай жылына 270 мың тонна балық өсіру, балық өнімдерін ішкі тұтынуды жылына 134 мың тоннаға дейін ұлғайту, импорт көлемін 45 мың тоннадан 25 мың тоннаға дейін азайту жоспарлануда. Бұдан бөлек, кемінде 10 мың қосымша жұмыс орнын құру және негізінен ауылдық жерлерде халықтың табысын арттыру жоспарлануда», - деді Серікқали Брекешев.</blockquote>Қабылданып жатқан шараларға қарамастан, салада бірқатар проблемалық мәселелерді шешу үшін ведомство басшысы бірқатар ұсыныстар айтып, депутаттық корпус өкілдерін бастаманы қолдауды сұрады.Айта кетейік, балық шаруашылығы мәселелері Мемлекет басшысы мен Үкіметтің ерекше бақылауында.<img src="https://knadmin.beoblood.kz/uploads/baly_sharuashyly_y_9b32e0daa7.jpg" alt="балық-шаруашылығы..jpg">

Серікқали Брекешев: Кемінде 10 мың қосымша жұмыс орнын құру жоспарлануда

<a href="https://kyzylorda-news.kz/">Kyzylorda-news.kz.</a> Синоптиктер алдағы 15-17 қарашаға арналған ауа райы болжамын жариялады.«Қазгидромет» мәліметінше, алдағы тәуліктерде елдің солтүстігінде, орталығында, оңтүстігінде қатты жауын-шашын (жаңбыр, қар) жаууы мүмкін.<blockquote>«Республика бойынша бұрқасын, көктайғақ, тұман болып, қатты екпінді жел 15-28 м/с жылдамдықпен соғады. Аптаның соңында Солтүстік-батыс антициклонының енуімен жауын-шашынның тоқтауы және температура фоны төмендейді деп болжанып отыр», – дейді синоптиктер.</blockquote>Ауа температурасы түнде суытып, солтүстік, солтүстік-батыс, шығыс және орталықта – 10-20 градус, ал оңтүстік, оңтүстік-шығыста – 2-10 аяз, таулы аймақтарда 10-15 градус аяз болады.

Алдағы үш күнде Қазақстанда 20 градусқа дейін аяз болады

<a href="https://kyzylorda-news.kz/">Kyzylorda-news.kz.</a> Соңғы жылдары Сыр өңірінде ауылдық елді-мекендерді сумен қамтамасыз ету мәселесі көтеріліп жүргені бәрімізге белгілі. Дегенмен мемлекет әлеуметтік тұрғыдан алғанда маңызы зор бұл проблеманы шешу үшін тиісті жұмыстарды атқаруда. Осыған дәлел, биылғы жылдың маусым айында Арал ауданы, Жаңақұрылыс ауылдық округінің сумен қамтамасыз етілуін және экологиялық жағдайын жақсарту мақсатында «Нұралы-Жарма» каналына гидротехникалық құрылыс жұмыстары басталған.&nbsp;Атқарылған құрылыс жұмыстары Сырдария өзені мен «Нұралы-Жарма» каналының арасын біріктіру, елдімекендер мен жайылымдық жерлерді кедергісіз сумен қамтамасыз ету және аймақтың балық шаруашылығын дамуына үлес қосу мақсатында сағалық гидротехникалық құрылыс жұмыстары мен 700 метрге жуық канал бойы қазылып, тазарту жұмыстары жүргізілді.&nbsp;«Халқымызда «Өзен мен өмір ағысын бөгеуге болмайды», деген жақсы сөз бар. Олай болса тіршілік көзі саналатын су проблемасын шешуге қазынадан бөлініп жатқан қомақты қаржы «ұстағанның қолында, тістегенннің аузында» кетпесе, азғантай жылдың ішінде әлеумет үшін маңызы зор бұл проблеманы түпкілікті шешуге әбден болады, оған міне, көзіміз де жетіп отыр» дейді елді мекен тұрғындары.Айта кетейік, айға жуық атқарылған гидротехникалық құрылыс жұмыстары 12 қараша күні комиссияның шешімімен қабылданып, ел игіліне берілді.<img src="https://knadmin.beoblood.kz/uploads/315389983_1340562730032539_1700948094092734007_n_f185924e95.jpg" alt="315389983_1340562730032539_1700948094092734007_n.jpg"><img src="https://knadmin.beoblood.kz/uploads/315309335_1340562740032538_6521576287857015755_n_d422b036a0.jpg" alt="315309335_1340562740032538_6521576287857015755_n.jpg">

«Нұралы-Жарма» каналы ел игілігіне берілді

<a href="https://kyzylorda-news.kz/">Kyzylorda-news.kz.</a> Еліміздің барлық өңірінде нарықтағы баға күннен-күнге өсіп бара жатыр. Соның ішінде азық-түлік бағасының тым шарықтап кетуі халықтың наразылығын тудырып отыр. Бұны әлеуметтік желілердегі бағаға қатысты жазбалардан және оған жазылған төмендегі пікірлерден аңғаруға болады. Алайда Мемлекет басшысы бағаны тұрақтындыру және оны қатаң қадағалау жөнінде тиісті министрлікке, жауапты органдарға және әр өңірдің басшыларына жедел тапсырма берді. Бағаны реттеу бағытында жұмыс та жасалып жатыр. Азық-түлікті халық күнделікті тұтынады. Сондықтан оған сұраныс жоғары. Оның үстіне жазғы маусымда базарға түсетін бақша дақылдары мен жеміс-жидектердің дені сырттан тасымалданады. Жергілікті өнім аз, тіпті жоқтың қасы. Жасыратыны жоқ, еңкейіп еңбек етуге келгенде, көбінің кежегесі кейін тартып тұрады. Айтатын сылтауы – аяқ су.Жуырда облыс орталығында өткен бір жиында аймақ басшысы Нұрлыбек Нәлібаев Жалағаш ауданының облыс орталығына жақын орналасуы бау-бақша мен фермерлік кәсіпті дамытуға мүмкіндік беретінін және соның нәтижесінде халықтың тұрмысы сәл де болса түзеліп, баға да тұрақталатынын айтқан еді.&nbsp; Сөзден іске көшкен Жалағаш ауданындағы «Ер-Әлі» шаруа қожалығы алма бағының өнімін биыл үшінші жыл нарыққа шығарып отыр. «Ер-Әлінің» алмасына облыс көлемінде сұраныс өте жоғары. Одан бөлек, осы уақытқа дейін Жаңадария аулының шаруалары қауынның сарала сортын көрші Ресейге экспортқа шығарып келді. Биыл да бұл аталған ауылдағы диқандар аяқ суды сылтау қылып үйінде құр жатқан жоқ, ала жаздай еңбек етіп, өздері бір жыл тұтынатын өнімін жинап алды. Ал күз Жалағаш ауданының орталығындағы базарда Таң ауылының бақша өнімдері сатылды.&nbsp;Облыс әкімі Нұрлыбек Мәшбекұлы азық-түлік қорын молайтып, бағаны тұрақтындыру мақсатында әр аудан, әр ауылдарда арнайы егістік жер дайындап, бақша дақылдарын егу жөнінде тапсырма беріп келеді. Аймақ басшысының сол тапсырмасына сәйкес көктемде Жалағаш ауданы бойынша 256 гектар егістік жер дайындалған. Есет батыр, Темірбек Жүргенов, Жаңаталап, Мәдениет, Шәменов, Ақсу ауылдарының тұрғындары да биыл бақша егіп, өнімін жеді. Арасында қыстық азығын да қамдап алған диқандар бар.&nbsp;Сонымен бірге Жалағаш кенті тұрғындарына да Ақсу ауылдық округіне қарасты «Бостай», «Ақ Бостай» учаскелерінен бау-бақша дақылдарын егуге 12 гектар жер берілді. Аталған аумақтағы жерден 87 адам өз үлесін алды. Білегін сыбанып, қолына кетпенін алып қызу кіріскен шаруалардың жерге тастаған дәні мол өнім берді. Атап айтсақ, 12 гектар аумақтың 8 гектарына картоп, ал қалғанына бақша дақылдары мен көкөністер егілді. Мәселен, 10 сотық жердің 6 сотығына картоп, қалғанына қауын-қарбыз және қияр, қызанақ, сәбіз, асқабақ, қырыққабат, жүгері еккен Қуаныш Трықбаев биыл жоспардан артық өнім алған.<blockquote>«Аудан әкімінің тапсырмасымен «Сәрке батыр» және «Абай» ИК шаруашылықтары көктемде халыққа егістік жер берді. Жерді баптасаң, мол өнімнен үміт бар. Тек ерінбей кірісу керек. Оның үстіне бұл базар бағасын тұрақтандырудың ең тиімді тәсілі. Әрбіріміз гектарлап егіп, алған өнімді базарға шығармасақ та, ауламыздан аядай болса да жер дайындап немесе осындай мүмкіндіктерді пайдаланып, жаз бойы және қыс бойы жейтін бақша өнімдерін егіп алсақ, нарыққа тәуелді болмас едік. Сосын сұраныс болмаған соң алыпсатарлар өздері үшін бағаны түсіреді. Мәселен, мен биыл жаз бойы базардан бақша дақылдарын сатып алған жоқпын», – дейді Қуаныш Трықбаев.&nbsp;</blockquote>Қуаныш Трықбаев 15 қарық картоп, 15 қарық қауын-қарбыз және майда дақылдар егіпті. Тым жақсы өнім жинаған. Келесі жыла да бау-бақша дақылдарын егіп, өнім көлемін арттыруды жоспарлап отыр. Өзінің айтуынша, картоп бой алып, қауын-қарбыз пәлек жайғанша қажетті тыңайтқыштарын да өз мөлшерімен уақытылы беріп тұрыпты. Бақша егіп, өнім аламын деген адам оның бейнеті барын да ұмытпағаны жөн. «Алма піс, аузыма түс» деп шалқадан жататын жалқаулардың заманы өтті.&nbsp;<figure class="image"><img src="https://knadmin.beoblood.kz/uploads/313050725_128350086688593_7843829312318525549_n_832fef8f80.jpg" alt="313050725_128350086688593_7843829312318525549_n.jpg"></figure> <img src="https://knadmin.beoblood.kz/uploads/269750881_2029160053902612_1613726090614369539_n_e5037063f3.jpg" alt="269750881_2029160053902612_1613726090614369539_n.jpg"><img src="https://knadmin.beoblood.kz/uploads/311576015_1560643647721041_3563245004610275427_n_433e459008.jpg" alt="311576015_1560643647721041_3563245004610275427_n.jpg">&nbsp;

Жалағаштықтар бау-бақша егіп, мол өнім жинады

<a href="https://kyzylorda-news.kz/">Kyzylorda-news.kz.</a> Студенттер сарайында «Аймақтағы отбасылық-демографиялық саясатты насихаттау» әлеуметтік жобасы аясында Қызылорда облыстық қоғамдық даму басқармасының тапсырысымен және "Qazaqstan jastary" қоғамдық қорының ұйымдастырумен «Мақтау сөзге лайық жан – өзің ғана, әке!» тақырыбында әкелер форумы өтті. Форумның мақсаты – заманауи қоғамдағы, отбасындағы әкенің рөлі мен маңызын насихаттау, дәріптеу.Форумға әр салада қызмет атқаратын, шаңырақтың негізгі тірегі болып табылатын әкелер қатысты. Олардың арасында қалалық «Мерейлі отбасы-2022» байқауының жүлдегері, «Шиелі ауданының Құрметті азаматы» Жүзбай Таңрақбаев, «Мерейлі отбасы» байқауының екі дүркін жүлдегері, 6 баланың әкесі &nbsp;Ғани Байұлов, қалалық мәслихаттың депутаты Талғат Телеубаев, кәсіпкер, көп балалы әке Данабек Жалғасов, жас әке Орынбасар Ербозым бар.Әкелер форумына жас ұрпақ өкілдері – Қорқыт ата атындағы Қызылорда университетінің білім алушылары, жалпы ниет білдіруші жастар қатысты. Форум соңында қонақтарға алғыс хат табысталды.Әкенің мінез – құлқы, болмысы, өзгелермен қарым – қатынасы – баланың көз алдындағы үлгі, өнеге алатын, оған қарап өсетін нысанасы екендігін ескерсек, форумның бүгінгі жастарға келтірер пайдасы күмән тудырмайды.<figure class="image"><img src="https://knadmin.beoblood.kz/uploads/315645333_1665588613836644_5361035591549863488_n_99683b4e6e.jpg" alt="315645333_1665588613836644_5361035591549863488_n.jpg"></figure><figure class="image"><img src="https://knadmin.beoblood.kz/uploads/315448365_1665588623836643_6773055966482004292_n_d904c61b18.jpg" alt="315448365_1665588623836643_6773055966482004292_n.jpg"></figure>

Қызылордада әкелер форумы өтті

<a href="https://kyzylorda-news.kz/">Kyzylorda-news.kz.</a>&nbsp; 18 қарашада Қызылорда облысына Қазақстан кәсіпкерлерінің құқығын қорғау жөніндегі уәкіл Рустам Жүрсінов пен «Атамекен» ҰКП Басқарма төрағасының орынбасары Ербол Өстеміров жұмыс сапарымен келеді.Олар 18 қараша сағат 09.30-11.30 аралығында қызылордалық кәсіпкерлерді жеке мәселелерімен қабылдайды.Сондай-ақ,Қазақстан кәсіпкерлерінің құқығын қорғау жөніндегі уәкіл Рустам Жүрсінов пен «Атамекен» ҰКП Басқарма төрағасының орынбасары Ербол Өстеміров жұмыс сапары барысында облыстық соттың төрағасы Әділхади Шигамбаевпен, Облыстық сыбайлас жемқорлыққа қарсы қызмет департаментінің басшысы Серікжан Мырзаламен және облыс әкімі Нұрлыбек Нәлібаевпен кездеспек.&nbsp;Облыс прокуроры Нұрлан Бижановпен кездесу аясында Қызылорда облысының прокуратурасы мен кәсіпкерлер палатасы арасындағы 2023 жылға арналған ынтымақтастықты іске асыру жөніндегі өңірлік жоспарға қол қойылады.Осы орайда, кәсіпкерлерді Қызылорда облысы кәсіпкерлер палатасына хабарласып, қабылдауға жазылуға шақырамыз.Мекенжайымыз: Қызылорда қаласы, Қорқыт ата 123, «Бизнеске арналған үкімет» ғимаратының 3-қабаты. Қабылдау мәжіліс залында өтеді. Байланыс нөмірі: 8 /7242/ 40-09-81, 8&nbsp;777&nbsp;456 30 90.&nbsp;<figure class="image"><img src="https://knadmin.beoblood.kz/uploads/atameken_1_5a37a01e48.jpg" alt="атамекен 1.jpg"></figure>

Бизнес-омбудсмен мен «Атамекен» ҰКП Басқарма төрағасының орынбасары қызылордалық кәсіпкерлерімен кездеседі

<a href="https://kyzylorda-news.kz/">Kyzylorda-news.kz.</a> Дүниежүзілік қант диабетімен күрес күні жыл сайын канадалық дәрігер және физиолог Фредерик Бантингтің туған күнінде аталып өтеді, ол ол 1922 жылы дәрігер Чарльз Бестпен бірге қант диабетімен ауыратын адамдардың өмірін сақтайтын инсулин препаратын жасады.Қазақстанда қант диабетін емдеу тегін. Қант диабеті әлеуметтік маңызды ауруларға жатады, яғни мемлекет есебінен қаржыландырылады.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндіріп өткендей, егер учаскелік дәрігер / терапевт динамикалық бақылауға жататын осы созылмалы ауруды анықтаса, барлық азаматтарға тегін медициналық көмектің кепілдік берілген көлемі шеңберінде (ТМККК) бірқатар медициналық қызметтер қолжетімді. Бұл бейінді дәрігерлердің кенесі, диагностикалық тексерулер, күндізгі және тәулік бойы стационарларда емдеу, паллиативтік көмек (ауыр сырқаттармен ауратын науқастарға демеуші терапия) және басқа да медициналық қызметтер.Сондай-ақ, ТМККК шеңберінде, ҚР Денсаулық сақтау министрлігінің № 75 бұйрығына сәйкес, қант диабетімен ауыратын науқастарға 23 дәрі-дәрмек және 7 медициналық мақсаттағы бұйым, оның ішінде шприц - қаламға арналған инелер, бір реттік инсулиндік шприцтері, несептегі кетондіқ денелерді анықтауға арналған тест-жолақтары, қандағы глюкозаны анықтауға арналған тест-жолақтары, инсулин помпалары, инсулиндік помпаларға арналған инфузиялық жинақ, инсулиндік помпаларға арналған резервуар тегін беріледі. Барлығы әртүрлі мөлшерде және көлемде.Басқаша айтқанда, шұғыл араласуды және байыпты мемлекеттік реттеуді талап ететін барлық нәрсе ТМККК есебінен, ал тегін қызметтердің кепілдік берілген көлемінен тыс қосымша қызметтер – МӘМС есебінен қамтамасыз етіледі. Көпшілігінде қант диабеті скрининг кезінде анықталады. Осыған байланысты дәрігерлер оны назардан тыс қалдырмауға кеңес береді. Шынында да, кез-келген сырқаттың диагнозы ертерек анықталса, емдеу соғұрлым сәтті болады.<figure class="image"><img src="https://knadmin.beoblood.kz/uploads/1020_Saharnyj_diabet_3_slajd_chist_1_kaz_baf9ba5891.png" alt="1020_Сахарный диабет_3 слайд_чист_1_каз.png"></figure>&nbsp;

14 қараша - Дүниежүзілік қант диабетімен күрес күні

<a href="https://kyzylorda-news.kz/">Kyzylorda-news.kz.</a> Соңғы жылдары Сыр өңірінде су тапшылығы байқалады. Дегенмен өңірде су тапшылығының алдын алу үшін бірнеше жқмыстар атқарылуда. Осы ретте қызылордалық оқушылар егін алқаптарына кететін суды үнемдеудің тың әдістерін ойлап тапты. Оны жүзеге асыру үшін арнайы құрылғы да құрастырған.Бүгінде егіс алқаптарында жаңбырлатып суару технологиялары пайдаланылады. Бірақ ол адамдардың қатысуымен жүзеге асады. &nbsp;Ал 10-сыныпта оқитын Сания мен Жансая жаңбырлатып суару технологиясын толықтай автоматтандыруға болатынын дәлелдеп отыр. Олар бұл ойын шағын макет ретіндегі құрылғыға айналдырып, оны тәжірибеден өткізуде.<blockquote>«Бұл жобада біз 3 түрлі датчикті, яғни ылғалдылықты анықтайтын, күн сәулесінің түсуін қадағалайтын және ауа температурасын есептейтін датчиктердің бірлесіп жұмыс жасауын ескере отырып, арнайы құрылғы орнатқан болатынбыз. Яғни осы жоба сыртқы факторларды ескере отырып жасайды да, өсімдікке қолайлы жағдай туындаған кезде ғана конвейір іске қосылады», – дейді Сания Мұратова.</blockquote>Республикалық байқауда үздіктер қатарынан көрінген бұл жоба арқылы егіс алқаптарына кететін судың көлемін 30 процентке дейін үнемдеуге болады, дейді жас ізденушілер.&nbsp;Сания мен Жансая енді бұл құрылғыны үлкен көлемде құрастырып, мектеп ауласында егілетін дақылды суаруға сынап көруді жоспарлап отыр. Осылайша халықаралық байқауларда бақ сынауға ниетті.&nbsp;Дарынды оқушылар агрономның да жұмысын автоматтандыруға болады дейді. Мәселен, Еңлік пен Назгүл өсімдіктің жағдайы мен егіс басындағы климаттық ахуал туралы ақпаратты арнайы құрылғы арқылы жинақтауға болатынын дәлелдеп отыр. Осылайша фермер алқап аралап сабылмай, дақылдың жай-күйін қашықтан біліп отыра алады. &nbsp;<blockquote>«Бұл тек ауылшаруашылығына ғана пайдаланылмайды, біз оған көп датчиктер қосатын болсақ, ол барлық салада да қолдана аламыз. Яғни оны біз саябақтарға апарып, жасыл желектердің өсуін де қадағалай аламыз. Қазақстанда біздікіне ұқсас жоба жоқ, алайда Венгрияда бар. Алайда оның бағасы біздікінен қымбатырақ. Құрылғы 1 шақырым радиусқа дейін қоршаған орта туралы мәліметті жинауға қауқарлы. Бұл ақпаратты арнайы базада жинақтау арқылы, ғаламдық жылыну мәселелерінің алдын алу үшін ғылыми ұсыныстар беру мақсатында да пайдалануға болады», - дейді өнертабыс авторлары.&nbsp; &nbsp;</blockquote><img src="https://knadmin.beoblood.kz/uploads/1653925073_1596425794694148_a1acd59c47.jpg" alt="1653925073_1596425794694148.jpg">

Қызылордалық жас өнертапқыштар егінді үнемдеп суару құрылғысын ойлап тапты 

<a href="https://kyzylorda-news.kz/">Kyzylorda-news.kz.</a> Жалағаш кентіндегі Қ.Қазантаев атындағы мәдениет үйінде «Жаны жарқын жан еді...» атты өнер және мәдениет қайраткері, аудан руханиятының көшбасшысы, кемел тұлға Комвуз Бердаулетовті еске алу кеші өтті.&nbsp; Комвуз Бердәулетов аудан өнерін ақиқат биігіне көтерген, алтын арай таң болып, жалын жүрек-от өрген, «Атамұра» ұлт аспаптар оркестрінің негізін қалаған, «Қызғалдақтар» мен «Алтын-Арай» халық ән-би ансамбльдерінің алтын қазығын өз қолымен қаққан.Комвуз Бердәулетов мәдениет саласын басқарған кезеңдерде ауыл мәдениетін көтеруге көңіл бөліп, мәдениет ошақтары жоқ елді мекендер мен ферма орталықтарына Қызыл Отау жылжымайтын кітапхана ұйымдастырды. Жаңадария кеңшарында Аққолқа, Бестам, Жалағаш кеңшарында Ақшал, Аққырда Шәргелтай қызыл бұрыштары ашылды. Облыс көлемінде тұңғыш рет мердігерлік әдіспен жұмыс жүргізетін отбасылық жылжымалы клубтар ұйымдастырылып, малшылар мен егіншілерге мәдени қызмет көрсетіле бастады.Мәні де маңызы да жоғары кеште аудан әкімі Асқарбек Есжанов сөз алып, Комвуз Бердәулетовтің тұлғалық келбетіне, шығармашылық өмір жолына тоқталды.Шарада қаламгер шығармашылығына арналып “Есімі ер есінде” атты тақырыптық көрме ұйымдастырылып, мәдениет қайраткерінің өмірбаянын арқау еткен шағын көрініс көрсетілді.Еске алу кешінде бас қосқан аға-інілері, әріптестері мен туысқандары естеліктермін бөлісті. Ардақты азаматтың жарқын бейнесі, жайдары кейпі жерлестерінің жадында мәңгі сақталары сөзсіз.<img src="https://knadmin.beoblood.kz/uploads/315410327_1581791515606254_3908717573284330484_n_323a98df26.jpg" alt="315410327_1581791515606254_3908717573284330484_n.jpg"><img src="https://knadmin.beoblood.kz/uploads/315391294_1581791518939587_3178498921589734529_n_a769e06c0c.jpg" alt="315391294_1581791518939587_3178498921589734529_n.jpg"><img src="https://knadmin.beoblood.kz/uploads/315314554_1581791532272919_1735516339765802465_n_c4a8b13966.jpg" alt="315314554_1581791532272919_1735516339765802465_n.jpg">

Жалағашта Комвуз Бердәулетовті еске алу кеші өтті

<a href="https://kyzylorda-news.kz/">Kyzylorda-news.kz.</a> Қызылорда облысында биыл 1 маусым мен 31 қазан аралығында «Қарасора-2022» кең ауқымды арнайы жедел-профилактикалық іс-шарасы өткізілді. Нәтижесінде 22 мың түп сора өсімдігі жойылып, облыстық полиция департаменті тарапынан есірткі қылмысына қатысты 121 құқық бұзушылық анықталды. Оның ішінде есірткі өсірудің - 55, есірткі сатудың - 12, есірткіні аса ірі мөлшерде сақтаудың -14, есірткі жарнамалаудың - 2 дерегі анықталды.<blockquote>«Заңсыз айналымнан 72 келіге жуық марихуана және 501 грамм синтетикалық есірткі заты тәркіленді. Есірткі өсірудің 18 дерегі далалық аймақтағы ірі есірткі алқаптарында тіркелсе, 37-сі үй, бау-бақша, саяжай аулаларына егу дерегі. Оқиға орындарында 21910 түп сора өсімдігі жойылды. Жалпы 10 тоннаға дейін марихуана шикі өнімінің заңсыз айналымға түсу жолы кесілді. Есірткі өсірумен айналысқан 54 адам қолға түсті», - деп мәлім етті Қызылорда облыстық полиция департаменті.</blockquote>Ведомство мәліметінше, іс-шара кезінде Қызылорда қаласына кіре-беріс тас жолдарда қойылған жылжымалы мобильді бекеттерінде автокөліктерді қызметтік іздестіру итінің көмегімен тексеру нәтижесінде есірткі тасымалдаудың 18 дерегі белгілі болды. Сол арқылы Астана, Ақтөбе, Атырау қалаларына аса ірі мөлшерде тасымалдаудың 7 дерегі анықталды. &nbsp;<img src="https://knadmin.beoblood.kz/uploads/karasora_3a47522ad9.jpg" alt="karasora.jpg">

Қазақстан және Қызылорда облысының жаңалықтары