<a href="https://kyzylorda-news.kz/">Kyzylorda-news.kz.</a> Қызылорда қаласында 7 сынып оқушысы асық ойнайтын робот ойлап тапты. Бүгінде жеткіншек бұл жобасын алдағы IT жарыстарға дайындап жатыр.&nbsp;Бұдан бөлек "бағдарламалау мектебі" жобасы аясында қаладағы білім ұяларында өзге де оқушылар өздерінің тың идеяларын іске асыруда. Дидар Көбенов №3 IT мектеп-лицейінің 7 сыныбында оқиды. Ол асық атуды құрдасымен емес, құлтемірмен ойнауды жөн көріпті. Оқушы өз жобасы арқылы ұлттық ойынды насихаттағым келеді дейді. Дидардың айтуынша, роботтың жобасын сызып құрастыруға көп уақыт кетпеген.&nbsp;<blockquote>«Роботтың аты – асық ату. Бұл роботтың мақсаты шеңберде тұрған асықтарды атып, шеңберден шығару. Бұл роботты жарысқа дайындап жатырмын. Бұл жерде жолақшаның бойымен асық сырғанап келеді де асық резинканың күшімен атылады», – дейді жас өнертапқыш Дидар Көбенов.</blockquote>Ал 3 сынып оқушысы Аруна Даниярова бір жылдан бері осы мектептегі 3Д модельдеу үйірмесіне қатысады. Мұнда ол 3Д қаламы арқылы түрлі бұйымдарды қолмен жасайды. Балақай бос уақытымды осы үйірмедегі жұмыстарыма арнаймын дейді.&nbsp;<blockquote>«Біз мектептегі үйірмеде 3Д қаламмен түрлі бейнелер жасадық. Бұл жасап шығарған заттарды сыйлық ретінде үйімізді әсемдеу үшін қолдануға болады», – деп түсіндірді өз жұмысын №3 IT мектеп-лицейінің оқушысы Аруна Даниярова.</blockquote>Былтыр қолға алынған "бағдарламалау мектебі" жобасы № 3 IT мектеп-лицейінде 3 бағыт бойынша жүзеге асырылып жатыр. Мәселен жоба аясында мектепті басқару жұмыстарын автоматтандыру, оқушыларға арналған 13 үйірме, сондай-ақ телестудия кабинеті жұмыс істейді. Қазір балалар осы арқылы IT әлемінің мүмкіндіктерін ашып, тәжірибе жинауда.&nbsp;<blockquote>«Ең біріншіден біздің мақсатымыз оқушылардың шығармашылығын дамыту. Яғни оқушылардың интеллектісін ояту. Сондай-ақ, оқушының бос уақытын игеру. Яғни оқушы бос уақытында мектепке келіп, мұғалімдермен жұмыс жасап, өздерін дамыту үстінде болады», – дейді Қызылорда қаласы №3 IT информатика пәнінің мұғалімі Гүлжазира Әбдіразақова. &nbsp;</blockquote>Білім ұясының басшылығы алдағы уақытта техникалық базаны дамыту үшін жұмыстар атқарылатынын айтады. Ал "бағдарламау мектебі" жобасы қала бойынша барлық мектептерде қолға алынған. &nbsp;<img src="https://knadmin.beoblood.kz/uploads/robot1_bca55b6734.png" alt="робот1.png"><img src="https://knadmin.beoblood.kz/uploads/asy_5a7fb42c4f.png" alt="асық.png"><img src="https://knadmin.beoblood.kz/uploads/asy_1_123bc6226c.png" alt="асық1.png">

Қызылордалық жеткіншек асық ойнайтын робот құрастырды

<a href="https://kyzylorda-news.kz/">Kyzylorda-news.kz.</a> Аққыр ауылы – Жалағаш ауданының орталығынан ең шалғай орналасқан ауыл. Аудан орталығынан шалғайда орналасқанымен, көшелері кең, жарықтан мәселе жоқ, ауыз су жүйесі жаңа, мектебі де күрделі жөндеуден өткен. Соңғы жылдары бұл ауылда көркейту, көгалдандыру бағытында біршама жоба қолға алынған. Бірқатар әлеуметтік нысандар да жаңарып, мамандардың кедергісіз жұмыс жасауына мүмкіндік қарастырылыпты.Ауылдағы білім ошағының саладағы жетістігі көңіл қуантады. Бір жылда 7 бала мектеп бітіріп, ҰБТ-ға қатысып, жетеуі де грантпен жоғары оқу орындарында білім алуы мұндағы ұстаздардың біліктілігін көрсетсе керек.&nbsp;Аққыр ауылының дәрігерлік амбулаториясы да заманауи талаптарға сай. Медициналық нысан жаңа, мұнда дәрігерлердің халыққа емдік шаралар жүргізуіне мейлінше жағдай жасалған.Бұл нысан 2014 жылдың қаңтар айында ел игілігіне беріліпті. Сол уақыттан бері медициналық ғимарат мыңнан астам халқы бар Аққыр ауылының қажетіне жарап тұр. Аға медбике Сандуғаш Пірімжанова бұған дейін ескі нысанда халыққа емдік шаралар жүргізу қиынға соққанын айтады.&nbsp;<blockquote>«Бұған дейін ауылда 1964 жылы іргетасы қаланған ескі ғимаратта жұмыс істедік. Әрине көне нысан болғандықтан ондағы қиыншылықты айтпаса да белгілі ғой. Бірақ антымызға адалдық танытып, алдымызға келген науқасты дертінен айықтыруға бар тәжірибемізді жұмсадық. Әлі де халықтың денсаулығын күзетіп келеміз. Қазақ «Аурудың емін іздегенше, ауырмаудың жолын ізде» дейді. Мейлінше дертпен күрескеннен оның алдын алған абзал болғандықтан халыққа неқұрлым түсіндірме жұмыстарын да жүргізіп отырамыз. Қазір жағдайымыз шүкір, ғимарат жаңа, заманауи медициналық құрал-жабдықтарымыз да жетерлік. Шалғай ауылда денсаулық сақтау саласында айтарлықтай күрделі мәселе жоқ. Елдің денсаулық тәулік бойы күзетуге дайынбыз», – дейді Сандуғаш Пірімжанова.</blockquote>Аққыр дәрігерлік амбулаториясында барлығы 22 адам жұмыс істесе, оның 12-сі медицина қызметкері екен. Мұнда жұмыс таңғы сағат 8.00-де басталып, түскі сағат 12.00-ден 14.00-ге дейін үзіліс бар. Мұндағы абзал жандар кешкі сағат 18.00-ге дейін науқастарға емдік шараларын жүргізеді. Біз негізгі жұмыс уақытын ғана айтып жатырмыз. Болмаса сала мамандары уақытпен санасу дегенді білмейді. Оған өздері де дағдыланып алған. Түңгі 4-5-терде тұрғындардан қоңырау түссе де қабақ шытпайды.&nbsp;Аққыр ауылында бүгінде халық саны 1095 адамды құрайды. Жергілікті тұрғындарға күндізгі стационар бөлімінен 10 төсек орын қаралыпты. Кейін халық санының аздығына байланысты төсек орын бесеуге қысқарған. Жаңа жоғарыда айтылған 1095 халықтың 258-і түрлі дертпен есепте тұрады екен. Мұндағы медицина мамандарының емдік шаралары жергілікті халықтың көңілінен шығып отыр.&nbsp;<blockquote>«Ауылдағы ақхалатты абзал жандар хақында оң пікірден басқа не айтуға болады, бара қалсаң, емдік шараларын көрсетіп, үйде дертпен қалай күресуге болатыны жайында кеңес беріп, мейлінше сенің аурудан құлантаза айығуыңа жұмыс жасайды. Ал мұндай жандарға алғыстан басқа не айтамыз, өзім де жуырда қанқысымым көтеріліп осында хабарластым. Түні бойы денсаулығымды күзетіп, емдік шаралар жүргізді. Бұл ұжымның жұмысы жайында менің ғана пікірім емес, ауылдағы кез келген адамнан сұрасаңыз еститіндеріңіз осы», – дейді аққырлық зейнеткер Ақзада Шарипова.</blockquote>Сандуғаш Пірімжанова мұнда көбіне халық қант диабеті, қанқысымы, жүрек қантамыры ауруларымен келетінін айтады. Сондай-ақ маусымында тұмаумен келетіндер де болады екен.&nbsp;Алдына келген науқасты дертінен айықтыруға бар қарым-қабілетін жұмсайтын денсаулық сақтау саласы қызметкерлерінің шалғай ауылда көптеп болғаны дұрыс-ақ. Себебі бұл ауыл мен аудан орталығының арасы айтарлықтай қашық екені айтпаса да белгілі. Ал халық денсаулығын күзетуде уақыт жоғалтпау басты мәселе екенін ескерсек, бұл тығырықтан алып шығатын да Сандуғаш секілді білікті мамандар.&nbsp;Мұндағы мамандар кешегі коронавирус өршіген тұста ауылда да аталған дертке шалдыққандар болғанын жасырмайды. Десе де дәрігерлердің жүргізген түсіндірме жұмыстарын нәтижесінде халықтың екпе жұмыстарына деген көзқарасы өзгеріп, денсаулығына деген жауапкершілігі еселенген. Аға медбике ауыл халқы 100 пайыз вакцинаның барлық түрінен өткенін айтады.&nbsp; &nbsp;<img src="https://knadmin.beoblood.kz/uploads/a_yr_4878d95968.jpg" alt="аққыр.jpg">

Аққыр ауылының дәрігерлік амбулаториясы заманауи талапқа сай

<a href="https://kyzylorda-news.kz/">Kyzylorda-news.kz.</a> Қызылорда облыстық мәслихат депутаты Мақсұт Нәлібаевтың төрағалығымен сессия алдындағы тұрақты комиссияларының бірлескен отырысы өтті. Жиынға облыстық мәслихат депутаттары, құқық қорғау органдарының басшылары және тиісті басқарма басшылары қатысты.Күн тәртібіндегі өзекті мәселе 2022-2024 жылдарға арналған үшжылдық облыстық бюджетке енгізілетін өзгерістер мен толықтырулар туралы облыстық экономика және бюджеттік жоспарлау басқармасының басшысы Нұрғали Рахымшаұлының хабарламасы тыңдалып, аталған мәселе егжей-тегжейлі талқыланды.Баяндама тыңдалған соң, «AMANAT» партиясының фракция мүшелері, облыстық мәслихат депутаттары Б. Махашов су қоймалары туралы және ішкі істер органдарына қаржы бөлу туралы есебімен бөлісті.&nbsp;І.Тілеп Қазалы ауданының көшелеріндегі электр желісін жаңғырту, жарықтандыру, Ж. Ысқақ Жаңақорған ауданы орталығындағы «Саяжай-1» учаскесіндегі 300 гектар аумаққа инженерлік-инфрақұрылымдық желілер орнату және музей мәселесі, Қ. Бисенов мектептердегі әлеуметтік аз қамтылған отбасыдан шыққан балаларды ыстық тамақпен, қоғамдық көлікте жеңілдікпен жүруін қамтамасыз ету, Г. Есқалиева білім саласына байланысты білім беру ұйымдары ғимараттарының шатырларын жөндеуге қаражат қажеттілігі, мектепке дейінгі ұйымдарды қосымша қаржыландыру, мүгедектерге әлеуметтік көмек көрсету, Т. Шаутай Жансейіт ауылындағы мектеп пен Жөлектегі балабақша жайы, О. Төлепов Жосалы кентіндегі орташа және күрделі жөндеу жұмыстары, С. Бихожа мекемелердегі штаттан тыс қызметкерлерді көбейту мен жедел әрекет ету қызметтерін реттеу, Е. Аяғанов Арал ауданындағы туб.диспансерлік ғимаратты реконструкциялау және Сексеуіл кентіндегі аурухана құрылысы, Н. Әмитов медицина колледжіндегі студенттерге қаржы бөлу, Б. Сабырқызы Шиелі ауданындағы 300 орындық мектепке қосымша құрылыс қажеттілігі және Еңбекші ауылдық округіне қарасты Қосүйеңкі елді мекеніндегі ауыз су, М. Нәлібаев Үкіметтің қаулысымен бекітілген мерекелердің шығындарына сәйкес, басқарма басшыларына қаражат бөлу мәселелері бойынша және т.б депутаттар өз сауалдары мен ұсыныс-пікірлерін жеткізді.Одан соң, күн тәртібіндегі екінші мәселе облыс әкімдігінің дербес құрамын келісу туралы облыс әкімі аппарат басшысының орынбасары Ж. Еркінбек хабарлама жасады.Отырыс соңында күн тәртібіне ұсынылған мәселелер бойынша шешім жобасын сессия қарауына жіберу туралы бірауыздан қаулы қабылданды.Одан соң, сағат 16.00-де облыстық мәслихаттың кезектен тыс 21 сессиясы өтті. Оған облыс әкімінің орынбасарлары, құқық қорғау органдарының басшылары және тиісті басқарма басшылары қатысты. Сессияға облыстық мәслихат депутаты Т. Жақыпбаев төрағалық етті.&nbsp;Cессия жұмысының басты өзегі болған 2022-2024 жылдарға арналған үшжылдық облыстық бюджетке енгізілетін өзгерістер мен толықтыруларға қатысты депутаттардың тарапынан болған ұсыныс-сауалдарға облыстық экономика және бюджеттік жоспарлау басқармасының басшысы Н. Қордабай мен өзге де басқарма басшылары тарапынан тиісті жауаптар берілді.<figure class="image"><img src="https://knadmin.beoblood.kz/uploads/315431188_1566358020466221_8483613440945046122_n_de306a59a0.jpg" alt="315431188_1566358020466221_8483613440945046122_n.jpg"></figure><figure class="image"><img src="https://knadmin.beoblood.kz/uploads/315559718_1566358040466219_4312735018088595787_n_5b75ff4eef.jpg" alt="315559718_1566358040466219_4312735018088595787_n.jpg"></figure><figure class="image"><img src="https://knadmin.beoblood.kz/uploads/315349979_1566358037132886_4191646420881995771_n_c2f5d0c458.jpg" alt="315349979_1566358037132886_4191646420881995771_n.jpg"></figure>

Қызылорда облыстық мәслихаттың кезектен тыс 21 сессиясы өтті

<a href="https://kyzylorda-news.kz/">Kyzylorda-news.kz.</a>&nbsp; Бүгін Қазақстанның ұлттық валютасы – төл теңгеміздің айналымға енгізілген күні. Сондай-ақ, 15 қараша республикада қаржыгерлердің кәсіби мерекесі ретінде де аталып өтіледі.&nbsp;Ұлттық теңгенің алғаш пайда болуыҰлттық валюта-бұл елдің заңмен белгіленген ақша бірлігі. Өзінің ұлттық валютасын енгізу Қазақстанның тәуелсіздігін нығайтуда және дербес дамуында маңызды рөл атқарады. Теңге елдің қаржылық Тәуелсіздігінің ажырамас символына айналды. Теңгенің тарихы ең алғаш қазақ даласында күміс монета XV-ғасырда Отырар қаласында «таньга» деген атаумен пайда болған. Ал Ұлттық валютамыздың тарихы 1992 жылдан бастау алады. 1992 жылдың 27 тамызы күні Қазақстаның Ұлттық банкі теңге купюрасының үлгілерін бекіткен болатын.Қазақ валютасын өмірге келтірген суретшілер Тимур Сүлейменов, Меңдібай Алин, Ағымсалы Дүзелханов, Қайролла Әбжәлеловтер ең алғашқы теңгемізде белгілі тарихи тұлғалардың портреттері, Алатау мен Көкшетау көріністері, Қожа Ахмет Яссауи кесенесінің бейнесі, Маңғыстаудан табылған тастағы таңбалар пайдаланды. Бір теңгелік банкнотқа Әбу Насыр әл-Фараби, үш теңгелікте Сүйінбай, бес теңгелікте Құрманғазы, он теңгелікте Шоқан, жиырма теңгелікте Абай, елу теңгелікте Әбілқайыр хан, жүз теңгелікте Абылай хан бейнесі сомдалды.1993 жылы алғашқы теңге партиясы Англияның ең көне әрі әйгілі «Харрисон және ұлдары» фабрикасында басылды. Теңгені елге тасымалдау үшін төрт ИЛ-86 ұшақтары Тұманды Альбион еліне 18 мәрте қатынады. Төл валютамыздың алғашқы партияларын сақтау үшін арнайы жерасты қоймалары дайындалып, дәл осы қоймалардан ұлттық теңгеміз еліміздің барлық өңірлеріндегі банктерге 8 күн ішінде жеткізілген еді.1993 жылдың 15 қарашасында Тәуелсіз Қазақстан Республикасының төл валютасы айналымға енді. Ескі ақшаны қазақстандық теңгеге айырбастау 1993 жылы 15 қарашада сағат 8.00-де басталып, 20 қарашада сағат 20.00-де аяқталды.Қазір банкнот - Ұлттық банктің Алматы қаласындағы Банкнот фабрикасында, ал монета - Өскемендегі Монета сарайында шығарылады.

Бүгін - ұлттық валюта күні

<a href="https://kyzylorda-news.kz/">Kyzylorda-news.kz.</a> 15 қарашада еліміздің 8 облысында қолайсыз ауа райына байланысты ескерту жарияланды, деп хабарлайды "Қазгидромет" РМК.Қызылорда облысының орталығында көктайғақ болуы ықтимал. Батыстан соққан желдің екпіні 15-20 м/с, кей тұста 23 м/с құрайды. Қызылордада батыстан соққан желдің екпіні - 15-20 м/с.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазалы ауданында шағын және орта кәсіпкерлік саласында өсім байқалады. Аталмыш ауданда жаңашыл жобаларын ұсынған азаматтарға қолдау бар.&nbsp;Бүгінгі кейіпкеріміз - кент тұрғыны Ұлан Мендібаев. &nbsp;Темір-бетон бұйымдарын шығаратын Ұлан &nbsp;өз кәсібін 2020 жылы бастап, бүгінде 3 адамды жұмыспен қамтып отыр. Бұл кәсіп иесінің өніміне аудан тұрғындарының сұранысы көп. Үйлердің кәріз жүйесіне арналған бетон құдықтары мен қақпағы жасалып, аудан тұрғындарына сатылады.<blockquote>«2013 жылдан бері сантехникалық жұмыстармен айналыстым. Уақыт өте келе, кәріз жүйесіне темір-бетон сақиналарын орналастыратындар көбейді. Алайда ауданда ондай өнімді табу оңай емес еді. 2020 жылы осы кәсіпті зерттеп, тиімділігі болғандықтан өнім шығаруды жоспарладық. Сұраныс көп, мамыр мен маусым айында өнім көптеп сатылады. &nbsp;Биыл өңірлік инвестиция орталығынан 4 млн теңге несиеге жаңадан құрылғы сатып алдық. Алғашқыда құрастырылмалы қалыппен жұмыс істесек, бүгінде өндіріс автоматтандырылған. Шикізатты, яғни, цементті Шиеліден, щебеньді Жаңақорғаннан келісім-шарт бойынша алдыртамыз», – дейді Ұлан Мендібаев.&nbsp;</blockquote>Алғашқы жылы 200 дана өнім дайындаса, өткен жылы сұранысқа сай 459 өнім саудаланған. Ал биылғы жартыжылдыққа бұл өндіріс орнынан 700-ге жуық өнім дайындалып сатылған.Байқағанымыздай, бүгінде ауданда мемлекет берген мүмкіндікті тиімді пайдаланып, кәсіпкерлік көкжиегін кеңейткендер жетерлік. Бұл бағыттағы жұмыстар қарқынды жүргізілсе, алдағы жылдары аудан әлеуеті әлдене бермек.<figure class="image"><img src="https://knadmin.beoblood.kz/uploads/314979546_1306503486777512_7303019564863598199_n_12b93f1c9b.jpg" alt="314979546_1306503486777512_7303019564863598199_n.jpg"></figure>

Қазалыда жас кәсіпкер темір-бетон өндірісін жүргізуде 

<a href="https://kyzylorda-news.kz/">Kyzylorda-news.kz.</a> Қазіргі уақытта ағымдағы жылғы 20 қарашаға тағайындалған ел Президентінің кезектен тыс сайлауы шеңберінде үгіт-насихат кезеңі жалғасуда. Осы кезеңде сайлауға байланысты қоғамдық пікірге сауал салуды жүргізу тәртібі заңмен қатаң реттеледі, деп хабарлайды ҚР Бас прокуртурасы.Сауал салуды жүргізу құқығын іске асырудың негіздері мен тәртібі «Қазақстан Республикасындағы сайлау туралы» Конституциялық заңның 29-бабында (9-тармақ, бұдан әрі-Конституциялық заң) бекітілген.Нақты айтқанда, аталған құқықтық нормаға сай қоғамдық пікірге сауал салуды оларды жүргізуде кемінде 5 жыл тәжірибесі бар, сауал салу ниеті туралы ОСК-ны (Орталық сайлау комиссиясын) алдын ала жазбаша хабардар еткен, тіркелген заңды тұлғалар жүргізуге құқылы.Хабарламада сауалнама жүргізуге қатысатын және онда жұмыс тәжірибесі бар мамандар, олар жүргізілетін өңірлер, қолданылатын талдау әдістері туралы мәліметтер көрсетілуі тиіс.Ағымдағы жылғы 14 қарашадағы жағдай бойынша осындай жазбаша хабарламалармен ОСК-ға 7 заңды тұлға жүгінді.Сайлау күні дауыс беруге арналған үй-жайда қоғамдық пікірге сауал салу жүргізуге тыйым салынады.Бұл ретте, сайлау күні сайлау учаскелерінен шығу кезінде ОСК-ны жазбаша хабардар еткен, заңнамада белгіленген тәртіппен тіркелген заңды тұлғаларға сауал салуды жүргізуге рұқсат етіледі.Өз кезегінде, БАҚ сауал салу нәтижелерін жариялау кезінде оны жүргізген заңды тұлғаны және сауал салуға тапсырыс берген және төлеген адамдарды, өткізу уақытын, ақпарат жинау әдісін, сұрақтардың нақты тұжырымын, сұралғандардың санын және сауал салу нәтижелерінің қателік коэффициентін көрсетуге міндетті.Сауал салу нәтижелерін, сайлау нәтижелерінің болжамдарын, сайлауға байланысты өзге де зерттеулерді БАҚ-та жариялауға дауыс беру күніне дейін 5 күн ішінде және дауыс беру күні жол берілмейді.Осылайша, ағымдағы сайлау науқаны жағдайында БАҚ сауал салу нәтижелерін 15 қарашаға дейін жариялай алады. Сайлау күні сайлау учаскелерінен шыққанда жүзеге асырылған қоғамдық пікірге сауал салу нәтижелерін БАҚ-та жариялау дауыс беру күнінен кейін рұқсат етіледі.Конституциялық Заңның көрсетілген талаптарын сақтамау Әкімшілік құқық бұзушылық туралы кодекстің 120-бабының тиісті бөліктері бойынша жауаптылыққа әкеп соғады.Қазіргі уақытта жеке тұлғалар жүргізген сауал салумен байланысты мұндай бұзушылықтардың 2 фактісі орын алды. Оларға әкімшілік айыппұл салынды.Мазмұндалғандар туралы хабарлай отырып, Бас прокуратура, барлық жеке және заңды тұлғаларды, бұқаралық ақпарат құралдарын сайлау процесінің бұзылуына жол бермеуге, оның ішінде сайлауға байланысты қоғамдық пікірге сауал салуды жүргізу және жариялау кезінде Конституциялық заңды мүлтіксіз сақтауға шақырады.

Сайлау-2022: БАҚ сауалнама нәтижесін тек 15 қарашаға дейін жариялай алады

<a href="https://kyzylorda-news.kz/">Kyzylorda-news.kz.</a> Сырдария &nbsp;аудандық жастар ресурстық орталығының қолдауымен «Мирас» жастар ұйымы қоғамдық бірлестігінің ұйымдастыруымен жұмыссыз және пробация есебінде тұратын жастармен семинар өтті.Семинарға Сырдария пробация қызметінің инспекторы, Сырдария аудандық ауруханасының психологы және Жастар денсаулық орталығының психологы қатысып, жастарға түсіндірме жасады.Семинардың басты мақсаты - жастар арасында салауатты өмір салтын насихаттау, жастардың бос уақыттарын тиімді пайдалану және қылмыс пен құқық бұзушылыққа жол бермеу болып табылады.Семинар барысында психолог мамандар &nbsp;сотталғандармен психологиялық тренинг өткізді. Жиын соңында сотталғандар сала мамандарына сұрақтарын қойып,тұщымды жауаптарын алды.«Жастармен жүйелі жұмыстар жүргізу, психологиялық кеңес беру, жастарға ой салу және жасаған қылмысты қайталамауына септігін тигізу мақсатында өткізілген кездесуге пробация есебіндегі 14 -29 жасқа дейінгі 12 сотталған қатысты. Аудандық жастар ресустық орталығымен меморандум бар. Алдағы уақытта осы меморандум аясында пробация есебінде тұрған азаматтарды спорттық шараларға тартып, әр-түрлі көмек түрлерін көрсетіп, жұмыссыз жастарды жұмысқа орналастыратын боламыз», - деді аудандық пробация қызметінің инспекторы &nbsp;әділет майоры Н.Дүйсенбаев.<figure class="image image_resized" style="width:75%;"><img src="https://knadmin.beoblood.kz/uploads/Whats_App_Image_2022_11_14_at_17_26_07_3f3d5c0e58.jpeg" alt="WhatsApp Image 2022-11-14 at 17.26.07.jpeg"></figure>

Сырдарияда пробация есебіндегі жастармен семинар ұйымдастырылды 

<a href="https://kyzylorda-news.kz/">Kyzylorda-news.kz.</a> Дәстүр – кез-келген адамның рухани негізі. Адам өзінің ұлттық болмысынан ажыраған кезде жат ағымдардың жетегіне тез еріп кетеді. Жыр, ән, күй, терме арқылы ата-бабаларымыз адамгершілікті, имандылықты еске салып отырған.<figure class="media"><div data-oembed-url="https://youtu.be/uaYoUAEV2ss"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/uaYoUAEV2ss" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Жырмен айтылған нақыл 

<a href="https://kyzylorda-news.kz/">Kyzylorda-news.kz.</a>&nbsp; ҚР Президентінің «Алтын сапа» сыйлығы жыл сайын өтеді. Байқаудың басты мақсаты – отандық өнімнің сапасын арттыру. Осы тұрғыда &nbsp;компанияларға қойылатын басты критерийлер де белгіленген – &nbsp; ұйымның өнім немесе қызмет сапасы саласында елеулі нәтижелерге қол жеткізуі, өнімнің қауіпсіздігін қамтамасыз етуі, сондай-ақ ұйымның сапаны басқаруда жоғары тиімді әдістерді енгізуі бағаланады.Биыл байқауға қатысу үшін 281 компания өтінім берді. Оның төртеуі Қызылорда облысының кәсіпорны.- «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын» номинациясы бойынша күріш өндірісімен айналысатын «Асыл дән LTD» ЖШС; - «Өндiрiстiк мақсаттағы үздiк кәсiпорын» номинациясы бойынша цемент өндіретін «Компания Гежуба Шиели Цемент» ЖШС мен поливинилхлоридтен және төмен қысымды полиэтиленнен жасалған құбыр өнімдерін өндіретін «Казахстанская &nbsp;Нефтехимическая Компания Кемикал» ЖШС-нің Қызылорда филиалы; - «Қызметтер көрсететiн үздiк кәсiпорын» номинациясы бойынша мұнай кәсібіне арналған жабдықтарды әзірлеу, өндіру, жеткізу, сервистік қызмет көрсету және жөндеу бойынша қызметтер көрсету «Новомет-Казахстан» ЖШС.Жалпы «Алтын сапа» сыйлығын алуға арналған байқауда сыйлық жыл сайын үш номинацияда үш санатта тағайындалады: - «Өндірістік мақсаттағы үздік кәсіпорын»; - «Халық тұтынатын тауарларды шығаратын үздік кәсіпорын»; - «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын»; - «Қызмет көрсету саласындағы үздік кәсіпорын».Әр номинация бойынша келесі cанаттар бойынша үш жүлде беріледі: - Шағын кәсіпкерлік субъектісі; - Орта кәсіпкерлік субъектісі; - Ірі кәсіпкерлік субъектісі. Байқауда сонымен қатар мынадай арнайы сылықтар бар: - «Үздік индустриялық жоба»; - «Үздік инновациялық жоба». Байқау төрт кезеңнен тұрады. Қазіргі кезде сарапшылық комиссия материалдарды алдын ала бағалауды жүргізіп жатыр. Қазақстан Республикасы Президентiнiң 2006 жылғы 9 қазандағы №194 Жарлығына сәйкес барлық ақпарат байқаудың аяқталуына дейін құпия саналады және жарияланбайды.«Алтын сапа» сыйлығын алуға арналған байқауға Қазақстан аумағында тауар өндірумен (қару-жарақ және әскери техника өндірумен айналысатындардан басқа), қызмет көрсетумен айналысатын жеке кәсіпкерлер мен заңды тұлғалар қатыса алады. Толық ақпаратпен www.altynsapa.kz сайтынан танысуға болады&nbsp;&nbsp;

Республикалық «Алтын сапа» байқауына Қызылордадан 4 компания қатысып жатыр

<a href="https://kyzylorda-news.kz/">Kyzylorda-news.kz.</a> Мемлекет басшысының биылғы жылғы «Әділетті мемлекет. Біртұтас ұлт. Берекелі қоғам» атты Жолдауында айрықша тоқталған «Ауылдағы денсаулық сақтауды жаңғырту» ұлттық жобасын жүзеге асыру шараларының аясында Аманкелді ауылының халқына үгіт-насихат, әдістемелік-тәжірибе алмасу және тұрғындарға медициналық көмек көрсетілді.&nbsp;Орталықта жасақталған бригада биылғы жылдың 9-10 қараша күндері құрамында денсаулық сақтау менеджері С.Ерімбет, ауданның бас педиатрі А.Құлеке ,терапевт, жұқпалы аурулар дәрігері М.Садықова, эпидемиолог мейірбике Г.Мырзабекова, Теренөзек кент орталығы аймақтарының орта буын қызметкерлері Ә.Әлиаскаров, Ә.Серікова, Г.Болатбекова және Н.Гажденбекова жұмыс жасады.Аманкелді ауылында 540 отбасы болса, 2609 халық бар. Медициналық көмек көрсету барысында 492 отбасы қамтылды. Қалған тұрғын үйлерде уақытша тұрғындардың болмауына байланысты қамтылмай қалғанымен жұмыс орындарында кездесулер болды.&nbsp;Дәрігерлер үй аралу барысында 1723 адамды қамтылды. Оның ішінде 26 жүкті әйел, тексеру барысында үй жағдайында ауырып жатқан 17 бала, 9 ересек анықталып, барлық анықталған науқастар амбулаторияға дәрігердің қабылдауына жолданды.&nbsp;Аула аралау барысында жұқпалы аурулар (тұмау), міндетті әлеуметтік медициналық сақтандыру және ауыл халқын скрининг тексеруден өткізу туралы түсіндірме жұмыстары жүргізілді. Амбулатория &nbsp;дәрігер қабылдауында жалпы терапевт, жұқпалы аурулар дәрігерінде 37 тұрғын болды. Оның ішінде 23 науқас, 14 дәрігерлік кеңес алуға келді, 3 науқас үй жағдайында көрілді және 3 науқасқа емдеу орындарын стационарлық көмек алуға жолданды. Ал балалар дәрігерінің қабылдауында 34 бала болса, оның 26 науқастарына байланысты, 8 бала кеңес алуға келді. Қабылдаған науқастардың барлығына амбулаториялық жағдайда ем берілді.<figure class="image"><img src="https://knadmin.beoblood.kz/uploads/314884333_1450158498841759_6502209562835875745_n_eaa93c1f30.jpg" alt="314884333_1450158498841759_6502209562835875745_n.jpg"></figure>

Аманкелді ауылында 492 отбасыға медициналық көмек көрсетілді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті облыстық полиция департаментінде «Қазақстан Республикасы Қаржылық мониторинг органдарының есірткі заттарын интернет және телеграмм каналдар арқылы тарату фактілерін анықтау бағытындағы жаңа мүмкіндіктері» тақырыбында тұсаукесер өткізді.Екі жақты кездесуде департамент басшылары Бақыт Қайшыбеков және Мұқтар Қожабаев бастаған басқарма басшылары мен есіркіге қарсы күрес құрылымдарының қызметкерлері қатысты.Таныстыру баяндамасын жасаған талдау тобының жетекшісі Нұрбол Әлкебайұлы есірткі контрабандасының есірткі зертханаларына қайта бағдарлануына байланысты онлайн сауда алаңдарын және қылмыстық жолмен табылған табыстың кірістелу схемаларын анықтау мақсатында қаржы барлау қызметінің жаңа мүмкіндіктеріне шолу жасады.Аталған кездесу Қызылорда облысы бойынша экономикалық тергеулер департаменті және Қызылорда облыстықполиция департаментінің арасындағы көлеңкелі экономикамен күрес, экстремизмді қаржыландыруға &nbsp;қарсы күрес, есірткі және психотроптық заттардың заңсыз айналымына қарсы тұру мәселелері бойынша екі жақты ынтымақтастық меморандумы аясында және бірлескен жұмысқа барлық мүмкіндіктерді пайдалану мақсатында жасалды.<figure class="image"><img src="https://knadmin.beoblood.kz/uploads/314319628_112341318354718_2413494694173939818_n_206342d5f6.jpg" alt="314319628_112341318354718_2413494694173939818_n.jpg"></figure>

Қазақстан және Қызылорда облысының жаңалықтары