<a href="https://kyzylorda-news.kz/">Kyzylorda-news.kz.</a>&nbsp;18 маусым күні Қызылорда қаласы «Титов» қыстағында «Байқоңыр» ӘКК» АҚ ұйымдастыруымен өңірлік тұрақтандыру қорынан алынған әлеуметтік маңызы бар азық-түлік тауарларының жәрмеңкесі өтеді.
<img src="https://kyzylorda-news.kz/wp-content/uploads/2022/06/288658759_1555910088137831_5129265909709815859_n.jpg" alt="" />

Қызылордада жәрмеңке өтеді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің міндетін атқарушы М.Жайымбетовтың №572 қаулысына сәйкес «Қайсар» Қызылорда облыстық футбол клубы» ЖШС директоры міндетін уақытша атқаруға белгілі спорт маманы және жанашыры Садық Шоңмұрынұлы Мұстафаев тағайындалды.
Жаңа директорды таныстыру мақсатында облыстық мәдениет және спорт басқармасының басшысы Руслан Рүстемов келді. Ол футбол клубының алдында тұрған зор міндетті сабақтап, жаңа басшыға артылар аманат ауқымды екенін жеткізді. Сөйтіп, Садық Мұстафаевқа сәттілік тіледі.
Өз кезегінде Садық Шоңмұрынұлы: «Қайсардың» бұл маусымда бірінші лигадан Премьер-лигаға шығуына барынша атсалысатынын, клубтың қаражат мәселесін шешуге мүмкіндік қарастыратынын айтып, команда жауапкершілігі ортақ екенін білдірді.
Клуб ұжымы келелі мақсатты алға оздыруға айрықша атсалысатын жаңа директордың қызметіне сәттілік тіледі.

«Қайсар» футбол клубын уақытша Садық Мұстафаев басқарады

<a href="https://kyzylorda-news.kz/">Kyzylorda-news.kz.</a>&nbsp;ҚР аумағының басым бөлігіне, әлі де атмосфералық фронтальды бөлімдер әсер етеді. Осыған байланысты тұрақсыз ауа райы сақталады, найзағай болып, жаңбыр жауады, сондай-ақ бұршақ, дауыл күтіледі, деп хабарлайды Қазгидромет.
Еліміздің солтүстігінде, оңтүстігінде көбінесе жауын-шашынсыз ауа райы күтіледі. Республика бойынша желдің күшеюі, оңтүстікте шаңды дауыл күтіледі.
Күндіз Қызылорда облысында қатты ыстық болады. Аймақта төтенше өрт қаупі күтіледі.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры жыл сайын профилактикалық медициналық тексерулерді қаржыландыруға қаражат бөледі. Уақытында жүргізілген тексерулер аса ауыр ауруларды ерте кезеңде анықтауға және емдеуді бастауға көмектеседі. Скринингтік тексерулерді өткізіп алмау неліктен маңызды және оны қалай жасауға болады? Осы және басқа да сауалдарға «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовке жауап берді.
Скрининг дегеніміз не және ол не үшін қажет?
Скрининг – бұл шағымдары жоқ белгілі бір жастағы адамдарды ауруларды ерте сатысында анықтау және алдын алу үшін профилактикалық медициналық тексеру. 
Яғни, емханаға бір рет бару арқылы сіз арнайы тексеру әдістерін қолдана отырып, қатерлі ісік немесе басқа аурулардың болуының (скрининг түріне байланысты) алдын аласыз немесе олардың пайда болу ықтималдығын уақытында анықтай аласыз.
Сақтандыру қажет пе?
Профилактикалық қарап-тексеру және скрининг бойынша медициналық көмек ТМККК және МӘМС бойынша көрсетіледі. Яғни учаскелік дәрігердің қабылдауы ТМККК шеңберінде жүргізіледі, сондықтан сақтандырылған тұлға мәртебесі қажет емес. Алайда пациентті консультациялық-диагностикалық қызметтерге (кардиолог, эндокринолог және офтальмологтың консультациясы, талдаулар алу, рентгеннен өту немесе қандай да бір басқа тексерулерден өту) жіберу үшін түлғаның сақтандырылған мәртебесі болу керек, өйткені бұл қызметтер МӘМС жүйесінде көрсетіледі.
Кімге және қандай скринингтік тексеруден өту қажет?
– 30-39 жас аралығындағы әйелдер мінез-құлық қауіп факторларын ерте анықтау мақсатында скринингтен өтеді. Темекі шегу, дұрыс тамақтанбау, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі.
– 40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтау үшін скринингтен өтеді. Қан қысымының, холестериннің, қан глюкозасының деңгейі және дене салмағының индексі анықталады.
– 30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест және тереңдетілген диагностика – (бейне) кольпоскопия, биопсия және гистологиялық зерттеу, бейінді мамандардың консультациясын алады.
– 40 – тан 70 жасқа дейінгі әйелдер сүт безі обырын ерте анықтауға-екі проекцияда маммографияға тексеруден өтеді. Қажет болған жағдайда тереңдетілген диагностика – нысаналы маммография, сүт бездерінің УДЗ, трепанобиопсия, пункциялық немесе аспирациялық биопсия, гистология, бейінді мамандардың консультациясы жүргізіледі.
– 50-ден 70 жасқа дейінгі ерлер мен әйелдер гемокульт-тесттің көмегімен колоректалдық обырды ерте анықтауға тексеруден өтеді немесе қажет болған жағдайда тереңдетілген диагностика – жаппай бейне колоноскопия, оның ішінде наркоз, эндоскопиялық шертпелі биопсия, гистологиялық зерттеу арқылы мамандардың консультациясын алады.
Скринингтер өткізу «Скринингтік зерттеулерге жататын адамдардың нысаналы топтарын, сондай-ақ осы зерттеулерді жүргізу қағидаларын, көлемі мен кезеңділігін бекіту туралы» ҚР ДСМ м.а. № 174 бұйрығымен регламенттеледі.
Скринингтен қалай өту керек?
Көңіл-күйіңізге, денсаулығыңызға ешқандай шағым болмаса да, скринингтен міндетті түрде өту қажет. Профилактика – сіздің денсаулығыңызды қорғаудың маңызды әдістерінің бірі. Бүкіл әлемдегі медицина қазір дәрігерлердің, мемлекеттің ғана емес, азаматтардың өздерінің де денсаулығы үшін ортақ жауапкершілікті көтеруге шақырады. Сондықтан жасына қарай жасалынатын тексерулерді өткізіп алуға болмайды.
Әдетте, пациент тіркелген емхананың учаскелік медбикесі оны скринингтен өтуге шақырады. Алайда, сіз ол жерге жеке куәлігіңіз қолыңызда болса, өздігіңізден хабарласа аласыз.
Әрбір емханада скринингтік кабинеттер құрылған, онда дәрігер өмір салты мен тамақтану рационы, зиянды әдеттердің, тұқым қуалайтын аурулардың болуы туралы сұрақтар қояды, бойын, салмағын, қан қысымын өлшейді, қандағы қант пен холестерин деңгейін тексереді. Содан кейін қажет болған жағдайда пациент қосымша тексеруге немесе бейінді маманның кеңесіне жіберіледі. Жүргізілетін іс-шаралар тізбесі скринингтік зерттеу түріне байланысты болады.
Халық денсаулығы және денсаулық сақтау жүйесі туралы кодексте қызметкерлерге скринингтік зерттеулерден өту үшін жыл ішінде 3 жұмыс күніне дейін әлеуметтік демалыс берілетінін білу маңызды. Яғни, жұмыс беруші өз қызметкерін оның лауазымы мен орташа жалақысын сақтай отырып, скринингтен өтуге кедергісіз босатуы керек.
Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаған жағдайда, онда сіз ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.

Скринингтік зерттеулер туралы не білу қажет?

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысының әкімі Нұрлыбек Нәлібаевтың төрағалығымен құқық бұзушылық профилактикасы жөніндегі ведомствоаралық комиссия отырысы өтті. Жиынға жауапты сала басшылары мен онлайн форматта бірқатар аудан әкімдері қатысты.
Күн тәртібінде екі мәселе қаралды. Есірткі бизнесіне қарсы күресте мүдделі органдармен атқарылатын шаралар және алаяқтық қылмыстың, оның ішінде интернет алаяқтық қылмыстардың алдын алу.
Алдымен облыстық полиция департаментінің бастығы Сұлтан Бектөре есірткі бизнесіне қарсы күрес бағытында атқарылған жұмыстарды тарқатып берді. Оның айтуынша, Қызылорда облысында өткен 5 ай ішінде 73 есірткі қылмысы тіркеліп, оларды тергеп-тексеру барысында «марихуанна» заттары және «ПиВиПи» синтетикалық есірткі заттары тәркіленіп алынған. Осы есептік мерзімде есірткіге қатысты қылмыстардың ашылуы 53 процентті құрап отыр.
Өңірімізде қылмыскерлер марихуанна есірткі өсімдігінің «Индийский» және «Голландский» деген түрлерін өсіруді кәсіпке айналдырған. Кейбіреулері тіпті далалық жерлерде тереңнен су тартатын насостар қолданып, суды тамшылатып суару технологиясын қолдану арқылы өсіруді қолға алған.
Аймақта биылғы жылдың 1 маусымынан бастап 31 қазанға дейін республика көлемінде «Қарасора» жедел-профилактикалық іс-шаралар өткізуде. Оның барысында қалалар мен ауылдардағы бау-бақшалар, шаруа қожалықтарының аумақтары және облыстың барлық далалық жерлерінде әуеден мониторинг жасау арқылы жұмыстар жүргізілуде.
Облыс әкімі есірткіге қатысты қылмыстардың ашылу көрсеткіші төмен екенін ескертіп, бірқатар нақты тапсырмаларды жүктеді.
<blockquote>
 «Есірткі заттары тасымалданатын каналдарды, дайындайтын және өткізетін орындарды анықтап, пәрменді әшкерлеу шаралары қабылдансын. Есірткі өсімдіктерін өсірудің жолын кесу бағытында заманауи технологияларды пайдалану мүмкіндіктері қарастырылсын. «Ғарыштық мониторинг» қызметін қолдану үшін облыстық экономика және қаржы басқармасымен бірлесіп, ұсыныс берілсін. Облыстық қоғамдық даму басқармасымен бірлесіп, заңсыз есірткінің құқықтық жауаптылықты түсіндіру үшін заңнамаға сәйкес бұқаралық ақпарат құралдары арқылы кеңінен жариялануы керек», – деді Нұрлыбек Нәлібаев.
</blockquote>
Сонымен қатар нашақорлыққа және есірткі бизнесіне қарсы іс-қимылға бағытталған қызметті үйлестіру жөніндегі облыстық штабтың жұмысын күшейтіп, жастар басым қолданатын әлеуметтік желілерде нашақұмарлықтың зияндылығы туралы арнайы бейнероликтер мен посттар жариялау қажет екенін баса айтты.
Комиссия отырысында интернеттегі алаяқтық қылмыстар мәселесі ашық қаралды. Сұлтан Бектөре биылғы жылдың 5 айында Қызылорда облысында алаяқтың қылмыстардың 297 дерегі тіркеліп, өткен жылмен салыстырғанда 27,4 пайызға төмендегенін жеткізді. Бірақ, анықталған қылмыстардың 53,1 пайызы «интернет-алаяқтық» сипатында болған.
Аймақ басшысы алаяқтық, қаржылық пирамида, интернет желілері арқылы жасалатын құқық бұзушылықтың алдын алу жұмыстарын күшейтуді қатаң түрде тапсырды. Әсіресе, интернет алаяқтықтың жолын кесу үшін нақты шараларды қабылдап, адам санасын арбайтын түрлі жазбалар мен ақпараттардан сақтандыратын имуннитет қалыптастыру қажет екенін қаперге салды.
<img src="https://kyzylorda-news.kz/wp-content/uploads/2022/06/287869496_323922279929023_3234127627195117803_n.jpg" alt="" />

Нұрлыбек Нәлібаев: Интернеттегі алаяқтықтың жолын кесу керек

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысының әкімі Нұрлыбек Нәлібаевтың төрағалығымен облыс әкімдігі жанындағы Сыбайлас жемқорлыққа қарсы іс-қимыл мәселелеріне арналған комиссия отырысы өтті.
Басқосуға құқық қорғау органдарының басшылары, селекторлық режимде аудан әкімдері қатысты.
Күн тәртібінде екі мәселе қаралды. Қызылорда облысының мәдениет және спорт басқармасының сыбайлас жемқорлық сипатындағы құқық бұзушылықтың профилактикалық шаралары туралы басқарма басшысы Руслан Рүстемов баяндама жасады.
Оның айтуынша, өткен жылдың ІІ жартыжылдығында мәдениет саласында 2 қызметкер және спорт саласында 5 қызметкер тарапынан сыбайлас жемқорлық сипатындағы құқық бұзушылық орын алған. Салада мұндай келеңсіздіктерге жол бермес үшін түрлі профилактикалық шаралар ұйымдастырылып келеді.Сонымен бірге, сыбайлас жемқорлықтың алдын алуға бағытталған жұмыстарды өз деңгейінде жүргізу мақсатында басқарманың жұмыс жоспары қайта қаралып, пысықталған.
Аймақ басшысы сыбайлас жемқорлық тәуекелдеріне ішкі талдаудың сапасы мен алдын алу тиімділігіне аса назар аудару қажет екенін баса айтты. Сондай-ақ, жасөспірімдер арасында тегін үйірмелер мәселесіне қатысты мүдделі салалық құрылымдарды жұмылдыра отырып, бағдарламаның тиімді іске асуына бағытталған ұсыныстар енгізуді жүктеді.
Отырыста қаралған тағы бір мәселе – кіші және орта кәсіпкерлікті дамытуға бөлінген қаражаттың тиімді пайдаланылуы. Облыстық кәсіпкерлік және өнеркәсіп басқармасының басшысы Мұса Қалдарбеков 2021 жылы жеке кәсіпкерлікті қолдау мақсатында республикалық және облыстық бюджеттен 6 млрд. 400 млн. теңге бөлінгенін тілге тиек етті. Мұнан бөлек, мемлекеттік гранттар беру аясында облыстың жаңашыл болып танылған 68 жобасы қолдау тапқанын жеткізді.
Жалпы бөлінген қаражат аясында өңірдің 2 342 кәсіпкерлік субъектісі 33 млрд. 437 млн. теңгеге жеңілдетілген несие түрінде қаржылай қолдау тапты. Нәтижесінде жаңадан 817 кәсіпкерлік субъектісі ашылып, шағын және орта кәсіпкерлікте жұмыспен қамтылғандардың саны 1110 адаммен толықты, сондай-ақ қосымша 21,3 млрд. теңгеге өнім өндірілді.
Аймақ басшысы кәсіпкерлік саласындағы бөлінген қаражаттың мақсатты жұмсалуын қатаң бақылауға алуды тапсырды. Себебі қазір теңгенің де тиімді бағытталуы аса маңызды екенін алға тартты.
<blockquote>
 «Барлық аудан және қала әкімдері мен басқарма басшылары мемлекеттік көрсетілетін қызметтердің сапалы, заңмен белгіленген мерзімінде орындалуын қамтамасыз етіп, қызметкерлердің кәсіпкерлік субъектілері мен жеке тұлғалармен қызметтен тыс уақытта ретсіз араласуын болдырмасын», – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2022/06/287747785_323921546595763_5721088153967162212_n.jpg" alt="" />
<img src="https://kyzylorda-news.kz/wp-content/uploads/2022/06/287309847_323921603262424_3025451969174317090_n.jpg" alt="" />

Нұрлыбек Нәлібаев кімдердің қызметтен тыс ретсіз араласуына тыйым салды?

<a href="https://kyzylorda-news.kz/">Kyzylorda-news.kz.</a> Шиелі ауданы әкімінің орынбасары Алмасбек Есмахановтың төрағалығымен «Мерейлі Отбасы – 2022» ұлттық конкурсының аудандық деңгейіндегі комиссия отырысы өтті.
«Мерейлі отбасы» Ұлттық конкурсының негізгі мақсаты өнегелі құндылықтарды жаңғырту, балаларды тәрбиелеуде ата-ананың жауапкершілігін арттыру, отбасы құндылықтарын кеңінен насихаттауға бағытталған.
Конкурсқа қатысуға 35 отбасы өтінім берді. Комиссия отырысына жинақталған құжаттар «Мерейлі Отбасы – 2022» конкурсының бекітілген ереже талаптарына сай қаралды.
Айта кетейік, соңғы жылдары «Мерейлі отбасы» ұлттық байқауында Шиелі ауданы жоғары жетістіктерге қол жеткізіп, облыстық, республикалық лауреаттары атанды. Атап айтар болсақ, 2016 жылы Ноғайбаевтар отбасы облыстық деңгейде, 2017 жылы Исламхановтар отбасы Республикалық деңгейде, 2018 жылы Ишанқұловтар отбасы Республикалық деңгейде жүлдегер атанып, Мемлекет басшысының атынан облыс әкімі Қ.Көшербаев Ишанқұловтар отбасына «Нива-Шевролет» көлігінің кілтін табыстады. 2019 жылы Қиянбековтер отбасы Республикалық деңгейде жүлдегер, 2021 жылы Әбілдашевтар отбасы «Мерейлі отбасы» Ұлттық конкурсының Республикалық кезеңінде бас жүлдеге ие болып, лауреат атанды.

«Мерейлі отбасы &#8211; 2022» ұлттық байқауының аудандық деңгейдегі іріктеу кезеңі өтті

<a href="https://kyzylorda-news.kz/">Kyzylorda-news.kz.</a> Ұлытаудағы Ұлттық құрылтайда Мұхтар Шахановқа Қазақстанның Еңбек Ері атағы берілді, деп хабарлайды Ақорда.
М.Шахановқа жоғары дәрежелі ерекшелік белгісі – «Қазақстанның Еңбек Ері» атағын беру туралы
2022 жылғы 16 маусым
ҚАУЛЫ ЕТЕМІН:
Қазақ әдебиетін дамытуға қосқан зор үлесі үшін жазушы Мұхтар Шахановқа жоғары дәрежелі ерекшелік белгісі – «Қазақстанның Еңбек Ері» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын. Осы Жарлық қол қойылған күнінен бастап қолданысқа енгізіледі.

Мұхтар Шахановқа Қазақстанның Еңбек ері атағы берілді

<a href="https://kyzylorda-news.kz/">Kyzylorda-news.kz.</a> Еңбек және халықты әлеуметтік қорғау министрі Тамара Дүйсенова зейнет жасын төмендетуге қатысты ұсыныстардың қаржы министрлігіне жіберілгенін мәлімдеді, деп хабарлайды <a href="https://sputnik.kz/20220616/zeynet-zhasyn-tomendetu-25572466.html">Sputnik Қазақстан</a>.
Бұған дейін Дүйсенова зейнет жасын төмендетуді талап етіп жүрген бір топ белсендімен кездескен болатын. Сол кезде олар бірнеше ұсыныс жасады. Министрлік те өз тарапынан ұсыныс енгізген болатын. Қазіргі кезде қаржы министрлігі барлық ұсыныстың тиімділігін зерделеп, есеп-қисапқа кірісті. Мамандар бюджеттен қанша шығын жұмсалатынын есептеп шығуы керек.
<blockquote>
 «Маңызды бір нәрсені түсіну керек, әлеуметтік саладағы кез келген бастама қаржыға тіреледі. Зейнет жасын төмендету болсын, көтеру болсын, барлығы қаржымен байланысты», – деді Дүйсенова.
</blockquote>
Оның айтуынша, зейнет жасын төмендеткен жағдайда адамның ай сайын қанша ақша алатынын ескеру керек.
<blockquote>
 «Еңбек өтілі мен жинақтың көлемі аз болса, зейнетақыны алуға мүкіндік бола ма? Мәселе сонда. Әлемдік тәжірибені ескерсек, тәжірибесі бар адамдарды әлеуметтік қызметке тарту керек. Сонда олар белсенді болады. Зейнетке жібере салып, еңбек жолын бірден аяқтауға болмайды», – деп атап көрсетті министр.
</blockquote>
Айта кетері, Қазақстанда бір топ белсенді әйел зейнет жасын 58-ге дейін төмендетуді талап етіп отыр. Жақында сенатор Дана Нұржігіт де осы бастаманы қолдап, әйелдердің зейнет жасын ұлғайту шешімі қалай қабылданғанын да еске алған болатын. Ол кезде Қазақстанда орташа өмір сүру ұзақтығы 71 жас деп алынған. 2021 жылы бұл көрсеткіш 70 жасқа дейін төмендеді.
Ал Ал БҰҰ-ның болжамына сәйкес, биыл Қазақстанда өмір сүру ұзақтығы әйелдер үшін 78 жас, ал ерлер үшін 70 жас болады.

Зейнет жасын төмендету мәселесі: Қаржы министрлігі есеп-қисапқа кірісті

<a href="https://kyzylorda-news.kz/">Kyzylorda-news.kz.</a> Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Бұл туралы Мемлекет басшысы Ұлытаудағы Ұлттық құрылтайда айтты.
<blockquote>
 «Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек. 1990 жылы 25 қазанда Қазақстанның егемендігі туралы декларация қабылданды. Бұл еліміздің тәуелсіздік жолындағы тұңғыш қадамы болатын. Осы құжатты қабылдаған кезде Тұңғыш Президент Нұрсұлтан Назарбаев аса маңызды, тіпті шешуші рөл атқарды. Республика күні елдің мемлекет құру жолындағы тарихи қадамының символы болуы керек. Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ, тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек», – деді Қасым-Жомарт Тоқаев.
</blockquote>

Президент: Мен Республика күніне ұлттық мереке мәртебесін қайтаруды ұсынамын

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласында 18-19 маусым күндері қаламгерлер арасында облыс әкімінің Кубогы үшін республикалық турнир өтеді.
Сыр өңіріндегі жарыста Нұр-Сұлтан қаласынан «Хабар» телеарнасы, «Экспресс-К» ақпараттық порталы, Талдықорған қаласынан «Қарекет», Жамбыл облысынан «Тараз-Пресс», Түркістан телеарнасының командасы, Алматы мен Шымкент құрамалары және сырбойылық қаламгерлер сынға түседі.

Қызылордада БАҚ өкілдері арасында футзалдан республикалық турнир өтеді

Kyzylorda-news.kz. Қызылорда қаласының аумағындағы су айдындарында 4 адам суға кетіп қаза болған. Оның екеуі кәмелет жасына толмаған бала. Осыған сәйкес, төтенше жағдайлар департаментінің қызметкерлері күнделікті рейд жұмыстарын күшейтілген режимде жүргізуде.
<blockquote>
 «Жазғы маусымда балалардың суға кету және көпқабатты тұрғын үйлердің терезесінен құлау оқиғалары жиі тіркеледі. Мұнын себебі – балаларды қараусыз қалдырып, сақтық шараларына мән бермеудің салдарынан орын алады. Мәселен, 19 мамыр күні Белкөл кентіндегі Сталин каналында 2006 жылғы жасөспірім суға батып кеткен. Құтқарушылар дереу іздестіру жұмыстарына кірісіп, баланың денесін 500 метр жердегі су астынан тапты. Анықтай келе жасөспірімнің қауіпті жерде суға шомылғаны белгілі болды. Төтеншеліктер осы секілді қайғылы оқиғаларды болдырмау үшін қала тұрғындарына күнделікті түсіндірме жұмыстарын жүргізуде. Одан бөлек, қаламыздағы көпқабатты тұрғын үйлерде де полиция департаменті және БАҚ өкілдерінің қатысуымен рейдтік шаралар өткізіп жатыр», – деді Қызылорда қаласы төтенше жағдайлар басқармасының бастығы ЖасұланТүйменов.
</blockquote>

Қазақстан және Қызылорда облысының жаңалықтары

Қызылордада жәрмеңке өтеді

«Қайсар» футбол клубын уақытша Садық Мұстафаев басқарады

Жұма күнге арналған ауа райы болжамы

Скринингтік зерттеулер туралы не білу қажет?

Нұрлыбек Нәлібаев: Интернеттегі алаяқтықтың жолын кесу керек

Нұрлыбек Нәлібаев кімдердің қызметтен тыс ретсіз араласуына тыйым салды?

«Мерейлі отбасы – 2022» ұлттық байқауының аудандық деңгейдегі іріктеу кезеңі өтті

Мұхтар Шахановқа Қазақстанның Еңбек ері атағы берілді

Зейнет жасын төмендету мәселесі: Қаржы министрлігі есеп-қисапқа кірісті

Президент: Мен Республика күніне ұлттық мереке мәртебесін қайтаруды ұсынамын

Қызылордада БАҚ өкілдері арасында футзалдан республикалық турнир өтеді

Қызылордада жаз басталғалы 4 адам суға кетті

Қазақстан және Қызылорда облысының жаңалықтары

Қызылордада жәрмеңке өтеді

«Қайсар» футбол клубын уақытша Садық Мұстафаев басқарады

Жұма күнге арналған ауа райы болжамы

Скринингтік зерттеулер туралы не білу қажет?

Нұрлыбек Нәлібаев: Интернеттегі алаяқтықтың жолын кесу керек

Нұрлыбек Нәлібаев кімдердің қызметтен тыс ретсіз араласуына тыйым салды?

«Мерейлі отбасы &#8211; 2022» ұлттық байқауының аудандық деңгейдегі іріктеу кезеңі өтті

Мұхтар Шахановқа Қазақстанның Еңбек ері атағы берілді

Зейнет жасын төмендету мәселесі: Қаржы министрлігі есеп-қисапқа кірісті

Президент: Мен Республика күніне ұлттық мереке мәртебесін қайтаруды ұсынамын

Қызылордада БАҚ өкілдері арасында футзалдан республикалық турнир өтеді

Қызылордада жаз басталғалы 4 адам суға кетті

«Мерейлі отбасы – 2022» ұлттық байқауының аудандық деңгейдегі іріктеу кезеңі өтті