<a href="https://kyzylorda-news.kz/">Kyzylorda-news.kz.</a> «AMANAT» партиясы саяси менеджмент академиясы ұйымдастырып отырған көшпелі семинардың Сыр өңірінде үшінші толқыны басталып, 19 ауылдық округ әкімдері біліктілік курсынан өтуде.
Олардың біліктілігін арттыру үшін Саяси менеджмент академиясы толыққанды дайындық бағдарламаларын әзірледі. Бүгін қатысушылар өздері басышлық ететін ауылдық округке скрининг жасап, анықталған деректерге сәйкес тиімді бизнес жобаларды дайындау, әрбір ауылдық ерекшелігіне, мамандануы негізінде кооперация құру, сонымен қатар ауылдағы дайын өнімді стандарттау мен сертификаттаудың мемлекеттік нормалары төңірегінде прақтикалық курстардан өтуде. Оқу барысында олар тәуекелдер, күтпеген жағдай туындаған кездерде бизнесті қайта бағдарлауға машықтануда.
3 күннен, күніне 8 сағаттан білімін жетілдіріп жатқан ауыл әкімдері ауыл халқының табысын арттыруға, елді мекенді экономикалық тұрғыда өркендетуде алып жатқан білімдерінің септігі зор екендігін айтады. Мәселен, Арал ауданына қарасты Қосаман ауылдық округінің әкімі ӘЛІБИ ІЗБАСАРОВ дайын өнімді стандарттау мен сертификаттаудың мемлекеттік нормаларын үйрену ірі бизнес жобаларды жүзеге асырып отырған ауыл әкімдері үшін өте қажет деп санайды. 
Ал, Сырдария ауданына қарасты Қалжан ахун ауылдық округінің әкімі ҒАЛЫМЖАН ӘКБАРОВ оқу семинарының алғашқы күнінде ақ скринингтік талдау жасау сабағының көңілінен шыққандығын айтады.
<blockquote>
 «Жалпы медицинада скринингтік талдау жасау арқылы ағзада қандай жерің ауырғандығын анықтайды. Бүгінгі семинарда тура сол секілді біз өзіміз басқарып отырған ауылдық округке скрининг жасау арқылы жергілікті жердегі азаматтардың тұрмысы, табысынан бастап, сол елді мекендегі түрлі ықтимал ошақтарды анықтаудың жолын үйреніп жатырмыз. Бұл өз кезегінде елді мекендегі әлеуметік, экономикалық мәселелердің алдын алуға, оларды дер кезінде шешудің тиімді жолдарын қарастыруға мүмкіндік береді», – дейді ол.
</blockquote>
Оқу семинарға партияның облыстық филиалының Атқарушы хатшысы Ләйлә Төрешова арнайы келіп, білім алуға келген ауыл әкімдеріне сәттілік тіледі.
Айта кетейік, 13-22 маусым аралығына жоспарланған көшпелі оқу семинарының екі кезеңінде бүгінге дейін Қызылорда облысынан 128 кент, ауыл, ауылдық округ әкімдері мен партияның аумақтық филиалдарының атқарушы хатшылары білімін жетілдірді.
<img src="https://kyzylorda-news.kz/wp-content/uploads/2022/06/289419524_401224802043162_1083538198173116186_n-1.jpg" alt="" />

Ауыл әкімдері біліктілігін арттырудың үшініші кезеңі басталды

<a href="https://kyzylorda-news.kz/">Kyzylorda-news.kz.</a> Қазақстан бойынша 21-23 маусымға арналған ауа райы болжамын синоптиктер ұсынды – ел аумағында қатты жаңбыр жауады, найзағай ойнайды, аптап ыстықтың аздап төмендеуі күтілуде.
<blockquote>
 «Алдағы үш күнде Қазақстанның басым бөлігінде жауын-шашын болады. Бұған аймақта қысқа мерзімді жаңбыр жауатын фронтальды учаскелер ықпал етеді: 21 маусымда солтүстікте, республиканың таулы және тау бөктеріндегі аймақтарында найзағай ойнап, қатты жаңбыр жауады, жел күшейеді, бұршақ жаууы мүмкін», – делінген «Қазгидромет» РМК хабарламасында.
</blockquote>
Болжам бойынша, жауын-шашынға қарамастан, республиканың басым бөлігінде температура фонында айтарлықтай өзгерістер болмайды, тек солтүстік облыстарда күндіз 18-28 градусқа дейін ыстықтың аздап төмендеуі күтілуде.

Алдағы күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қармақшы ауданы «Қорқыт ата» мемориалдық кешенінде «Мәдениетті ана – мәдениетті ұлт» республикалық жобасы аясында «Ана мен бала денсаулығы – ұлт болашағы» атты фестиваль өтті.
Облыстық ҚХА жанындағы Аналар кеңесінің төрайымы Рахима Ахметованың айтуынша, қазақстандық әйелдерді қолдау және дамыту жобасы Қазақстан халқы Ассамблеясының республикалық Аналар кеңесінің отырысында бастау алған.
Спикер жобаның міндеттері мен бағыттары туралы егжей-тегжейлі айтып берді. Атап айтқанда, қоғамдағы ананың рөлін, отбасы және отбасылық құндылықтар институтының маңыздылығын арттыру, сондай-ақ жастарды рухани-адамгершілік және патриоттық тәрбиелеуде ата-аналардың рөлін күшейту.
Фестивальге облыстық Іскер әйелдер қауымдастығының төрайымы, облыстық мәслихат депутаты Манат Алмашева, «Қазпошта» АҚ облыстық филиалының директоры, облыстық мәслихат депутаты, аналар кеңесінің мүшесі Аида Әбибуллаева қатысты.
Жоба аясында аудандағы сегіз әйел алғыс хаттармен марапатталды. Соңында қатысушылар мұражайдың жұмысымен танысты.
<img src="https://kyzylorda-news.kz/wp-content/uploads/2022/06/289391116_326559712998613_46738425198709310_n.jpg" alt="" />

Қармақшыда «Ана мен бала денсаулығы &#8211; ұлт болашағы» атты фестиваль өтті

<a href="https://kyzylorda-news.kz/">Kyzylorda-news.kz.</a> Қызылорда қаласында жаңартылған «Smart Qyzylorda» мобилді қосымшасына «Дәрігердің қабылдауына жазылу» қызметі қосылды.
Бұл қосымша&nbsp; жаңалықтар, денсаулық сақтау, білім беру, транспорт, ойын-сауық қалалық 
қызметтер тағы сол секілді 50-ден астам сандық қызметтерді қамтиды.&nbsp;
Мобилді қосымшаға жаңадан – «Дәрігердің қабылдауына жазылу» қызметі қосылды. Бұл сервис 
дәрігерлердің қабылдау кестесіне сәйкес олардың қабылдау күні мен уақыты көрсетілген 
жауапты алу мүмкіндігін береді.
Қосымша Google Play және App Store қолданбаларында қолжетімді. Жүктеу үшін 
сілтемені басыңыз: https://onelink.to/eex92h 
Пікірлер мен қандайда бір ұсыныстарыңыз болған жағдайда бізбен байланысыңыз! 
Электронды пошта: supportapp@dit.kz 
Телеграмм бот: @smartcity_support_bot

«Smart Qyzylorda»: Жаңа қызмет іске қосылды

<a href="https://kyzylorda-news.kz/">Kyzylorda-news.kz.</a> Өңірде әлеуметтік маңызы бар 16 өнімнің бағасы бірнеше есеге жоғарылаған. Мәселен, қүріш – 2,0%, қант – 4,5%, күнбағыс майы – 4,6%-ға өскен. Осыған байланысты азық-түліктің бағасын бақылауда ұстау үшін тұрақтандыру қорынан 10 мың тоннадан астам өнім алынған. Бүгінде тұрақтандыру қорында 759,9 тонна азық-түлік қоры бар. Бұл туралы Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының басшысы Талғат Дүйсебаев мәлімдеді.
Басқарма басшысының айтуынша, қант бағасының шарықтау себебі – қант өндіруші өңірлердің қойған бағасына тәуелді болғандықтан өсуде деп түсіндірді. Қазіргі уақытта ірі сауда орталықтарында қанттың бағасы – 491 теңгеден, әлеуметтік дүкендерде – 370 теңгеден сатылуда.
<blockquote>
 «Соңғы бір аптада әлеуметтік маңызы бар азық-түлік бағаларының өсу индексі – 100,4 пайызды құрады. Соның ішінде қант өнімінің тапшылығы мен бағасына байланысты мәселелер туындауда. «Азық-түлік келісім шарт корпорациясы» ҰК арқылы тұрақтандыру қорына 272 тонна қант сатып алынып, 38 әлеуметтік дүкен мен 14 әлеуметтік бұрыштарға төменгі бағада сатылуда. Қазіргі таңда облыс бойынша 247 тонна қант бар. Сондай-ақ, 3 вагон яғни, 204 тонна қант жеткізілді. Одан бөлек, еліміздегі қант зауыттарынан 680 тонна шекер сатып алу бойынша жұмыстар жүргізілуде», – деді Талғат Дүйсебаев.
 «Жалпы әлеуметтік дүкендерде азық-түлікке байланысты тапшылық жоқ. Біз күнделікті әлеуметтік маңызы бар өнімдердің бағасына мониторинг жүргізіп отырамыз. Мәселен, нан – 55 теңгеден, қант – 370 теңгеден, өсімдік майы – 630 теңгеден, картоп – 130 теңгеден, күріш – 175 теңгеден сатылуда. Бұл нарық бағасынан бірнеше есеге арзан. Тұрғындар тарапынан келеңсіздік болдырмау үшін әрбір өнім шекті түрде беріледі», – деді «Байқоңыр» ӘКК АҚ басқарма төрағасы Нұржан Ахатов.
</blockquote>
Қаладағы ірі сауда орталықтарындағы азық-түліктің бағасына байланысты 4 арыз-шағым түскен. Дегенмен, сауда нысандарындағы өнімдердің бағасына 5,6 % – 11,7 %-ға дейін үстемақы есептелгендіктен заң бұзушылық анықталмады.
<blockquote>
 «Қазіргі таңда басекелестікті қорғау және дамыту департаментімен азық-түлік тауарларын сатудың барлық делдалдық схемасы бойынша тексеріс жүргізілуде. Талдау жұмыстарының қорытындысы бойынша анықталған заңбұзушылықтарға тиісті әкімшілік шаралар қабылданады. Сонымен қатар шағын және орта санаттағы сауда нысандарында азық-түліктің бағасына байланысты 7 арыз келіп түсті. Бұл бойынша тиісті шаралар қабылданды», – деді облыстық кәсіпкерлік және өнеркәсіп басқармасының орынбасары Ринат Сұлтангереев.
</blockquote>

Қызылордада күнбағыс майының бағасы 4,6 пайызға өскен

<a href="https://kyzylorda-news.kz/">Kyzylorda-news.kz.</a> Қазақстандықтарға көлікті кепілге қою немесе оны алып тастау онлайн режимде қолжетімді. Бұл туралы ҚР Ішкі істер министрлігінің өкілі Шұғыла Тұрлыбек мәлім етті, деп хабарлайды <a href="https://lenta.inform.kz/kz/kolikti-kepilge-koyu-nemese-ony-alyp-tastau-onlayn-rezhimde-kolzhetimdi_a3946274">ҚазАқпарат</a>.
<blockquote>
 «Kaspi банк Ішкі істер және Цифрлық даму, инновациялар және аэроғарыш өнеркәсібі министрліктерінің қолдауымен жаңа сервисті іске қосты. Көлікке кепіл қою немесе алып тастау енді онлайн режимде қолжетімді. Бұрын кепіл бойынша құжаттарды ресімдеу үшін банкке, мамандандырылған Халыққа қызмет көрсету орталығына, полицияға бару керек болатын. Бұл бірнеше сағаттан бірнеше күнге дейін созылады», – деді Шұғыла Тұрлыбек министрліктің баспасөз алаңында өткен брифинг барысында.
</blockquote>
Сонымен қатар ол Ішкі істер министрлігі қаржы мекемелерімен бірлесіп, екінші деңгейдегі банктердің қосымшалары арқылы азаматтар мен автокөліктерді тіркеу саласында қызмет көрсетуді жеңілдететін бірнеше жобаны іске қосқанын айтты.

Көлікті кепілге қою немесе оны алып тастау онлайн режимде қолжетімді

<a href="https://kyzylorda-news.kz/">Kyzylorda-news.kz.</a> Бүгін «Саламатты Қазақстан» мамандандырылған медициналық пойызы Алматы облысының Байсерке станциясынан жолға шықты, деп хабарлайды ҚазАқпарат.
Медициналық пойыз Жетісу облысына барып, шалғай станциялар мен разъездерде тұрғындарға қызмет көрсетеді.
Пойыз 20 маусым мен 2 қараша аралығында еліміздің 67 шалғай станциясына барады. Маршрут келесі облыс аумақтары арқылы өтеді: Алматы, Шығыс Қазақстан, Павлодар, Солтүстік Қазақстан, Ақмола, Қостанай және Қарағанды облыстары, сондай-ақ үш жаңа өңір – Жетісу, Абай және Ұлытау.
<img src="https://www.inform.kz/radmin/fotofiles/a/2022/06/20/2206200952462320g.jpg" alt="" />
<blockquote>
 «Саламатты Қазақстан» пойызы жапон және неміс өндірісінің медициналық жабдықтарымен қамтылған: қажет болған жағдайда кеңейтілген жалпы және биохимиялық талдауларды, рентгенография мен флюрографияны, ішкі ағзалар мен тамырлардың УДЗ-зерттеулерін, электрокардиограмма және гастрофиброскопияны, диагностикалық зерттеулердің өзге де түрлерін жасауға мүмкіндік бар. Сонымен қатар биыл стамотологиялық құрылғылар да жаңартылған», – деді «Саламатты Қазақстан» пойызының аға дәрігері Арман Исайнов.
</blockquote>
<img src="https://www.inform.kz/radmin/fotofiles/a/2022/06/20/2206200952516621g.jpg" alt="" />
Мамандандырылған медициналық пойыз 8 вагоннан тұрады: дизель-генератор вагоны, 4 медициналық вагон, 1 конференц-зал және мейрамхана, 2 купе вагон. Дизель-генератор вагоны қажет болған жағдайда төтенше жағдай кезінде шағын елді мекенді электр энергиясымен қамтамасыз ете алады.
Пойыздар республиканың жетекші клиникаларымен телемедициналық консультациялар жүргізу үшін телефон байланысымен, интернет желісімен жабдықталған.
Медициналық персонал білікті мамандардан құралған: терапевт, педиатр, кардиолог, невропатолог, окулист, ЛОР, гинеколог, хирург, уролог, маммолог, стоматолог, рентгенолог, кардиолог, УДЗ дәрігері, эндоскопист, функционалдық диагностика дәрігері. Биыл медицина мамандарының құрамына психолог және дерматовенеролог қосылды, жобаға барлығы 36 маман қатысады. Дәрігерлер бригадасы халыққа барлық қызметті тегін көрсетеді.
<img src="https://www.inform.kz/radmin/fotofiles/a/2022/06/20/2206200952540222g.jpg" alt="" />
Жоба «Самұрық-Қазына» АҚ компаниялар тобының атынан «Samruk-Kazyna Trust» әлеуметтік жобаларды дамыту қорының қаржылай қолдауымен, ҚР Денсаулық сақтау министрлігінің қатысуымен, «Қазақстан темір жолы» ҰК АҚ жанындағы «Әлеуметтік жобалар қоры» корпоративтік қорымен бірлесіп іске асырылуда.
Айта кетейік, «Саламатты Қазақстан» – жоба бойынша екінші пойыз. Себебі, 23 мамырдан бастап «Жәрдем» медициналық пойызы шалғай аудандарда тегін медициналық көмек көрсете бастады.
<img src="https://www.inform.kz/radmin/fotofiles/a/2022/06/20/2206200952596024g.jpg" alt="" />

«Саламатты Қазақстан» медициналық пойызы жолға шықты

<a href="https://kyzylorda-news.kz/">Kyzylorda-news.kz.</a> Биыл Ғани Мұратбаевтың 120 жылдығы қарсаңында 12 тамыз – Халықаралық жастар күнінде республикалық «Ғани жастар сыйлығы» беріледі.
Құжаттар қабылдау уақыты маусым айының 30 жұлдызына дейін. Сыйақы мөлшері 120 000 теңге!
Республикалық «Ғани Мұратбаев» атындағы жастар сыйлығын беру жөніндегі конкурстың Ережесі:
<ol>
<li>Жалпы ережелер 
Республикалықи «Ғани Мұратбаев» атындағы жастар сыйлығы (бұдан әрі – Сыйлық) Қазақстандық патриотизмді арттыруға елеулі үлес қосқан жас дарынды белсенділерді қолдау, Орта Азия мен Шығыс жастарының жалынды жетекшісі, белгілі қоғам қайраткері Ғани Мұратбаевтың ісі мен өнегесін өскелең ұрпаққа дәріптеу, кеңінен насихаттау мақсатында өткізіледі. Сонымен қатар, Сыйлық талантты жастарды ынталандыру және олардың айрықша сіңірген еңбегін тану мақсатында беріледі.</li>
<li>Сыйлықты беру тәртібі</li>
<li>Сыйлықты беру мақсаттары: 
1) Қазақстан халқының бірлігін нығайту, қоғамдық келісімді қамтамасыз ету; 
2) Жастарды жан-жақты дамыту және қазақ тілін, мәдениетті, өнерді, дәстүрлерді, тарихи мұраны жастар ортасында насихаттау; 
3) Қазақстанның жас патриоты бейнесін көпшілікке тарату. 
​2. Сыйақыларды тағайындау және дипломдар мен бағалы сыйлықтарды тапсыру рәсімі Қазалы ауданында өткізіледі. 
​3. Сыйлық иелерін анықтау және сыйлықтарды тағайындау комиссия (бұдан әрі – Комиссия) шешімімен жүзеге асырылады. 
​4. Комиссия құрамына облыс, аудан әкімі аппаратының жауапты қызметкерлері, депутаттар, қоғам қайраткерлері, жастар ұйымдарының және үкіметтік емес ұйымдардың өкілдері, сала мамандары, БАҚ өкілдері кіре алады. 
​5. Конкурстың жұмысшы органы Қазалы ауданының әкімдігі (бұдан әрі – ұйымдастырушы) болып табылады. 
​6. Осы Ереже конкурсқа қатысуға үміткер барлық тұлғаларға танысу үшін ұсынылады және бұқаралық ақпарат құралдарында жарияланады. 
​7. Жеңімпаздар байқауға қайта қатысуға 5 жылдан кейін ғана құқылы. 
​8. Сыйлық жылына бір рет, Комиссия шешімімен белгіленген номинациялар бойынша тағайындалады. 
​9. Үміткер бір ғана конкурстық өтінім беруге құқығы бар. 
​10. Әр номинация бойынша сыйлықтың қаржылай мөлшерiн Қазалы ауданының әкімдігі белгiлейдi. 
​11. Конкурстық комиссияға жолданған материалдар қайтарылып берілмейді. 
​12. Сыйлық жеңімпазына ресупбликалық «Ғани Мұратбаев» сыйлығының дипломы, омырауға тағатын белгiсі және естелік сыйлығы беріледі. 
​13. Сыйлық 2022 жылдың маусым айының І-ші онкүндігінде өткізіледі.</li>
<li>Сыйлыққа қатысу шарттары 
​1. Сыйлыққа қатысушылар: 
Сыйлықты алуға үміткер ретінде 35 жасқа дейінгі жоғары кәсіби жетістіктері бар Қазақстан Республикасының азаматтары бола алады. 
​2. Сыйлық келесі бағыттар бойынша беріледі: 
-мәдениет пен өнер саласындағы жетістіктері (қыл қалам шеберлері) үшін; 
-білім және ғылым саласындағы жетістіктері үшін; 
-әдебиет және журналистика саласындағы жетістіктері (ақын немесе шығармашыл жастар) үшін; 
-спорт саласындағы жетістіктері үшін; 
-мемлекеттік тіл саясаты саласындағы жетістіктері үшін; 
-Қазақстандық патриотизмді қалыптастыру ісіндегі қоғамдық-саяси белсенділігі мен жетістіктері.</li>
<li>Өткізу кезеңдері 
​1. Бастапқы кезең. 
Конкурсты өткізу және оған қатысу шарттары туралы хабарландыру бұқаралық ақпарат құралдарында 1 (бір) ай аралығында жарияланады. 
​2. Негізгі кезеңі. 
Конкурсқа қатысушылар жазбаша нысандағы өтініш және материалдарын қағаз түрінде Ұйымдастырушыға ұсынады. 
Конкурсқа үміткерлердің материалдары Ұйымдастырушының мекен-жайына келіп түседі. 
Ұйымдастырушы Сыйлықты тағайындауға 10 күн бұрын материалдарды әр номинация бойынша бөліп, тізімін қалыптастырады және Комиссияның қарауына ұсынады. 
Комиссия өз жұмысының нәтижелері бойынша Сыйлық жеңімпаздарын белгілейді. 
​3. Сыйлық бойынша номинациялардың саны 14 адамнан аспауы тиіс. 
5.Үміткерлерді бағалау және іріктеу рәсімі</li>
<li>Комиссия сыйлыққа үміткерлерді таңдау кезінде келесі критерийлерді басшылыққа алады: 
үміткердің қоғамда алатын орны мен беделі; 
шығармашылық жобасының мән-мағына тұрғысынан тереңдігі; 
қазақстандық патриотизмді нығайтуға қосқан үлесі; 
ұлтаралық достастық пен келісімді нығайтуға тигізген әсері; 
ұлттық мәдениетті, тілді, өнерді, салт-дәстүрлерді насихаттау мен жаңғыртуға қосқан үлесі; 
жеке, кәсіптік, байқау жұмыстарымен жеткен жетістіктері үшін қоғамдағы танымалдылығы. 
Комиссия шешім шығару барысында шығармашылық және кәсіби одақтардың, қоғамдық бірлестіктердің пікірін ескеруге құқылы. 
Комиссия шешімі ашық дауыс беру жолымен қабылданады және оған Комиссия мүшелерінің жалпы санынан басым бөлігі дауыс берсе, қабылданған деп саналады. Дауыстар тең болған жағдайда, төрағаның дауысы шешуші болып табылады. Шешім хаттамамен ресімделеді.</li>
<li>Комиссияның құқықтары мен міндеттері</li>
<li>Комиссия: 
барлық қатысушылар үшін тең жағдай жасауға; 
Сыйлық нәтижелері туралы мәліметтердің уақытынан бұрын жария етілуіне жол бермеуге міндетті. 
Спектакльдердi, кино және телефильмдердi, бейнелеу өнерiнiң көрмелерiн қарауды, концерттiк бағдарламалар мен музыкалық шығармаларды тыңдауды ұйымдастыру, сыйлыққа ұсынылғандардың қызметімен танысуға. 
Комиссия: 
Ұсынылған жұмыстар осы Ереженің талаптарына сәйкес келмеген жағдайда, үміткерді конкурсқа қабылдамауға; 
келіп түскен материалдарға баға беруге; 
сыйлықты тағайындай отырып, конкурс қорытындыларын шығаруға; 
комиссия мүшелері өз өкілеттігін теріс пайдаланғаны анықталған жағдайда сыйлық беру қорытындыларын жоққа шығаруға құқылы.</li>
<li>Үміткерлердің құқықтары, міндеттері мен жауапкершілігі</li>
<li>Үміткер: 
Сыйлықты өткізу шарттары мен тәртібі туралы ақпарат алуға; 
Ұйымдастырушы органынан осы Ереженің тармақтары бойынша түсіндірме алу үшін жүгінуге құқылы. 
Осы Ереженің талаптарына сәйкес ресімделген материалдарды уақытылы ұсынуға; 
Осы Ережеде көзделген шарттарды сақтауға міндетті. 
Үміткер материалдар мен түйіндемеде көрсетілген ақпараттардың шынайылығына қойылатын талаптарды бұзғаны үшін, сондай-ақ осы Ережеде белгіленген шарттарды сақтамағаны үшін жауапты болады. 
8.Үміткерлердің дайындайтын құжаттары</li>
</ol>
<ul>
<li>Өз саласы бойынша жоғары және жақсы көрсеткіштерге қол жеткізгені үшін;</li>
<li>Әлеуметтік маңызды жобалар және қоғамдық өмірге белсене қатысуы;</li>
<li>Мемлекеттік жастар саясатын жүзеге асыру және жетілдіру бойынша қосқан жаңашыл бастамалары;</li>
<li>Жеке басының жетістіктері;</li>
<li>Облыстық, республикалық, сайыстарға қатысуы және жеңімпаз аталуы;</li>
<li>Жұмыс орнынан /оқу орнынан/, саласы бойынша мемлекеттік мекемелер мен ұйымдардан ұсыным хаттары (қол жеткізген жетістіктері мен марапаттарын көрсете отырып);</li>
<li>Түйіндеме (қазақ тілінде, 3х4 фотосуретімен);</li>
<li>Өмірбаяны;</li>
<li>Жұмыс орнынан /оқу орнынан/ анықтама;</li>
<li>Орта арнаулы немесе жоғары білімі туралы диплом (көшірмесі);</li>
<li>Жетістіктері (алғыс хаттары, мақтау қағаздары, дипломдары және т.б) сканер арқылы жасалған көшірмелері;</li>
<li>Мемлекеттік жастар саясатын жүзеге асыру бойынша өткізген, қатысқан шаралары жайлы мәлімет, жарияланған мақалалар, жүзеге асырған жобалары және басқа да ұсыныс, кепілдеме хаттары;</li>
<li>10х15 фотосуреті (1 дана, электронды нұсқасымен);</li>
<li>Жеке куәлігі (көшірмесі), тұрғылықты мекен-жайы бойынша анықтама. 
Құжаттар беттеліп, бекітіліп, ұсынылуы қажет (портфолио түрінде). 
Құжаттар «Қазалы ауданының ішкі саясат бөлімі» КММ-не тапсырылады. 
Ескерту: Тапсырылған құжаттар рәсімдеу талаптарына сәйкес келмеген немесе толық ұсынылмаған жағдайда қараусыз қалдырылатын болады. 
Қосымша ақпараттарды: Ж.Нұрмұхамедұлы көшесі №130, Қазалы ауданы әкімдігі ғимаратының 2 қабатында орналасқан «Қазалы ауданының ішкі саясат бөлімі» коммуналдық мемлекеттік мекемесінен алуға болады. 
8/724 38/ 79-2-80, /6920, 6921, 6922/.</li>
</ul>

Ғани Мұратбаев атындағы жастар сыйлығы беріледі

<a href="https://kyzylorda-news.kz/">Kyzylorda-news.kz.</a> Қазақ футболының аңызы Тимур Сегізбаевтың жүлдесі үшін аладоп аламаны аяқталды.
Жасөспірім футболшылардың мерейлі мерекесіне айналған турнирде «Қайсар» футбол орталығының 2008 жылғы тәрбиеленушілері алдына жан салмады. Олар топтық кезеңнің барлық кездесуінде айқын жеңіске жетіп, жартылай финалға жолдама алды.
Ақтық бәсеке үшін өткен кездесуде Сырдария командасын қапы қалдырса, финалда Қазалы құрамасын 1-0 есебімен жеңді.
Осылайша он үшінші мәрте ұйымдастырылған бәсі биік бәсекеде “Қайсар” өрендері жарыстың биік сатысына көтерілді.
Сондай-ақ турнирде өнегелі ойын көрсеткен Евгений Петрик «үздік ойыншы» атанса, Расул Жахат «үздік қақпашы» деп танылды.
Айта кетейік, шоқтығы биік аладоп бәсекесіне 10 команда, 150 ден аса балғын футболшылар қатысып, жарыстың көркін қыздырды.

«Қайсар» өрендері Тимур Сегізбаевтың кубогын еншіледі

<a href="https://kyzylorda-news.kz/">Kyzylorda-news.kz.</a> Шиелі ауданында саяқ шегірткелерге қарсы улау жұмыстары жүргізіліп жатыр.
Жалпы аудан бойынша 30600 гектарға зерттеу жүргізілді. Шаруашылық және мемлекеттік жер қорларынан 9460 гектар жерді өңдеу жоспарлануда.
Қазіргі таңда, кеше түнгі аласапыран дауыл салдарынан, бірқатар ауылдар мен кент ішінде жауған шегірткелерге қарсы улау жұмыстары жалғасуда.
<img src="https://kyzylorda-news.kz/wp-content/uploads/2022/06/289313747_1335505446979911_263607128996553125_n.jpg" alt="" />

Шиеліде зиянкестерге қарсы күрес жұмыстары жалғасуда

<a href="https://kyzylorda-news.kz/">Kyzylorda-news.kz.</a> «Майдан жолы» павлодарлық іздестіру-зерттеу отрядының іздеу жүйелері Беларусь жерінен Ұлы Отан соғысының он бір жауынгерінің сүйегін тапты, деп хабарлайды&nbsp;<a href="https://stan.kz/">Stan.kz</a>.
Жасақ командирі Александр Шитов бес күн бойы іздестіру жұмыстарының нәтижесін жария етті.
<blockquote>
 «Ұлы Отан соғысы кезінде осында қаза тапқан он бір қызыл әскердің сүйегін жыралардан таптық. Сондай-ақ олардың заттары – бақыраш, аяқкиім, күзет белгісі табылды. Бір шұңқырда снарядтан төрт жауынгер қаза тапқан», – деді Александр Шитов.
</blockquote>
Сондай-ақ Шитов 9 маусымда қайтыс болғандардың сүйегін алып шыққан жерден мемлекеттік награда – Қызыл Жұлдыз орденін тапқанын хабарлады. Оның кімге тиесілі екені жақын арада белгілі болады.
Павлодарлық «Майдан жолы» іздестіру тобы ERG «Батырлар жолымен» Еуразиялық тобының «Даңқ жолы» халықаралық патриоттық жобасы аясында Ұлы Отан соғысында қаза тапқан жауынгерлердің сүйегін іздеп жатыр. Беларусь Республикасы Витебск облысының Дубровно ауданында Понизовье ауылының маңында іздестірілуде.
Бұл жер кездейсоқ таңдалмаған. Бұл жерді азат етуге көптеген қазақстандық қатысып, сол жерде қаза тапты. Олардың сүйегін табу, өлгендердің аттарын қалпына келтіріп, керек болса жер қойнына беру – павлодарлық іздеу жүйелерінің игі мақсаты.

Ұлы Отан соғысына қатысқан 11 сарбаздың сүйегі Беларусьтен табылды

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің ұйымдастыруымен Қызылорда облысы әкімінің Кубогы үшін қаламгерлер арасында шағын футболдан республикалық турнир өз мәресіне жетті.
Қызылорда қаласында тұңғыш рет ұйымдастырылған додаға Нұр-Сұлтан, Алматы, Талдықорған, Шымкент қалалары мен Жамбыл, Түркістан облыстарынан барлығы 9 команда бақ сынады. 
Тартысты ойындар нәтижесінде жартылай финалға «Хабар», «Экспресс-К», «Қарекет» және «Ақмешіт» командалары шықты. Финалда пенальтиде басым түскен «Экспресс-К» командасы Қызылорда облысы әкімінің Кубогы үшін өткен республикалық турнирдің чемпионы атанды. 
Додада оза шапқан «Экспресс-К» командасын қала әкімі Асылбек Шаменов арнайы кубокпен, медальдармен және 1 000 000 теңге көлемінде қаржылай сыйлықпен марапаттады. Екінші орынды жеңіп алған «Хабар» командасы – 700 мың, ал, қола жүлдегер атанған «Ақмешіт» командасы 400 мың теңге, төртінші орын иемденген «Қарекет» командасына 200 мың теңге табысталды.
Турнирдің Үздік ойыншысы номинациясымен ардагер журналист Шоқан Махан (Алматы) марапатталса, «Қарекет» командасының ойыншысы Есболат Айдаболсын үздік шабуылшысы деп танылды. «Тараз пресс» командасының ойыншысы Айбек Қабылша үздік қақпашы атанса, турнирдің Үздік қорғаушысы номинациясымен Шымкент қаласынан келген Арай Есенбек марапатталып, қаржылай жүлделер тапсырылды.
Еліміздің түкпір-түкпірінен 100-ге жуық БАҚ өкілдерінің басын қосқан турнирде қатысушылар қонақжай Сыр елі жұртшылығына ризашылықтарын білдірді.
<img src="https://kyzylorda-news.kz/wp-content/uploads/2022/06/289345205_325996206388297_1550338816913048322_n.jpg" alt="" />
<img src="https://kyzylorda-news.kz/wp-content/uploads/2022/06/289451252_325996289721622_5587631058619374253_n.jpg" alt="" />
<img src="https://kyzylorda-news.kz/wp-content/uploads/2022/06/289326826_325996259721625_5870856469365431789_n.jpg" alt="" />

Қазақстан және Қызылорда облысының жаңалықтары

Ауыл әкімдері біліктілігін арттырудың үшініші кезеңі басталды

Алдағы күндерге арналған ауа райы болжамы

Қармақшыда «Ана мен бала денсаулығы – ұлт болашағы» атты фестиваль өтті

«Smart Qyzylorda»: Жаңа қызмет іске қосылды

Қызылордада күнбағыс майының бағасы 4,6 пайызға өскен

Көлікті кепілге қою немесе оны алып тастау онлайн режимде қолжетімді

«Саламатты Қазақстан» медициналық пойызы жолға шықты

Ғани Мұратбаев атындағы жастар сыйлығы беріледі

«Қайсар» өрендері Тимур Сегізбаевтың кубогын еншіледі

Шиеліде зиянкестерге қарсы күрес жұмыстары жалғасуда

Ұлы Отан соғысына қатысқан 11 сарбаздың сүйегі Беларусьтен табылды

Қызылорда облысы әкімінің кубогын «Экспресс-К» командасы жеңіп алды

Қазақстан және Қызылорда облысының жаңалықтары

Ауыл әкімдері біліктілігін арттырудың үшініші кезеңі басталды

Алдағы күндерге арналған ауа райы болжамы

Қармақшыда «Ана мен бала денсаулығы &#8211; ұлт болашағы» атты фестиваль өтті

«Smart Qyzylorda»: Жаңа қызмет іске қосылды

Қызылордада күнбағыс майының бағасы 4,6 пайызға өскен

Көлікті кепілге қою немесе оны алып тастау онлайн режимде қолжетімді

«Саламатты Қазақстан» медициналық пойызы жолға шықты

Ғани Мұратбаев атындағы жастар сыйлығы беріледі

«Қайсар» өрендері Тимур Сегізбаевтың кубогын еншіледі

Шиеліде зиянкестерге қарсы күрес жұмыстары жалғасуда

Ұлы Отан соғысына қатысқан 11 сарбаздың сүйегі Беларусьтен табылды

Қызылорда облысы әкімінің кубогын «Экспресс-К» командасы жеңіп алды

Қармақшыда «Ана мен бала денсаулығы – ұлт болашағы» атты фестиваль өтті