<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әлеуметтік-экономикалық жағдайы оң деңгейде қалыптасуда. Айталық, биыл аудан бюджеті 108,8 пайызға орындалып, кіріс көлемі артқан. Сондай-ақ, Шиеліде жұмыссыздық деңгейін азайту мақсатында жыл соңына дейін 3623 жаңа жұмыс орнын құру жоспарлануда.
Қазіргі таңда 2175 жаңа жұмыс орны ашылды. Жалпы ауданда 85 мыңнан астам халық болса, бүгінде оның 34 мыңнан астамы тұрақты жұмыспен қамтылған. Бұл туралы Өңірлік коммуникациялар қызметінде өткен баспасөз конференциясында Шиелі ауданының әкімі Нұржан Ахатов хабарлады.
<blockquote>
 «Жыл басынан бері ауданның барлық макроэкономикалық көрсеткіштерінде өсу тенденциясы қалыптасып отыр. Мәселен, өнеркәсіп өнімін өндіру көлемі – 108,6 пайызға, ал өңдеу өнеркәсібі – 107,2 пайызға, ауыл шаруашылығы саласының өнімі – 1,7 пайызға, сауда айналымы – 3,9 пайызға, инвестиция тарту – 13,2 пайызға артты. Шағын және орта кәсіпкерлік субъектілерінің саны – 5 564 бірлікті құрап, жұмыс істеп тұрған кәсіпкерлік нысандары өткен жылмен салыстырғанда 102,6 пайызға өсті. Сонымен қатар, биыл ауданға 25 млрд. теңгеге жуық инвестиция тарту межеленуде. Сәйкесінше соңғы 7 айда негізгі капиталға салынған инвестиция көлемі – 8 млрд. 547 млн. теңгені құрап, есепті кезеңмен салыстырғанда 114,2 пайызға көбейді. Аудан бойынша 33 инвестициялық жобаны жүзеге асыру жоспарлануда. Бұл жобалар толықтай іске қосылса 501 жаңа жұмыс орны ашылады. Шиелі ауданында құрылыс саласы да айтарлықтай дамуда. Осы жылы «Ауыл – Ел бесігі» бағдарламасы аясында Шиелі кентінде салауатты өмір салтын қалыптастыру мақсатында денешынықтыру-сауықтыру кешенінің құрылысы басталды. Сондай-ақ, ауданға қарасты елді мекендердегі бірқатар мектептерде бу қазандықтарын қайта жабдықтау және газ желілеріне құрылыс жұмыстары жүргізілуде. Аудан тұрғындарын тұрғын үймен қамту мақсатында «Нұрлы жер» мемлекеттік бағдарламасымен 18 пәтерлі 4 тұрғын үйдің құрылысы жүргізілуде», – деді аудан әкімі Нұржан Ахатов.
</blockquote>
<img src="https://kyzylorda-news.kz/wp-content/uploads/2022/09/305977656_1613777072351132_2348063483513540424_n.jpg" alt="" />

Шиелі ауданының әлеуметтік-экономикалық әлеуеті артқан

<a href="https://kyzylorda-news.kz/">Kyzylorda-news.kz.</a> Экономиканы көтерудің төте жолы – кәсіпкерлікті дамыту. Әсіресе, шағын бизнестің үлесін көбейту арқылы жаңа жұмыс орындарын құрып, халықтың табысын арттыруға мүмкіндік бар. Бұл ретте кәсіпкерлік саласының әлеуетін көтеру үшін бизнес өкілдерімен пікірлесу маңызды.
Облыс әкімі Нұрлыбек Нәлібаев өңірдегі бизнес өкілдерімен кездесіп, ортақ мәселелерді талқылады. Басқосуға «Атамекен» Ұлттық кәсіпкерлер палатасы басқарма төрағасының орынбасары Тимур Нақыпбеков және облыс прокуроры Нұрлан Бижанов пен салалық құрылым басшылары қатысты. 
Жиында отандық өнім өндіру, азық-түлік қорын көбейту және жергілікті тауарөндірушілерді қолдау шаралары мен өңдеу салаларының дамуы ашық айтылды.
Аймақ басшысы мұнай қорының сарқылуына байланысты газ өндіру ісінің көлемін арттыруға басымдық берілгенін, өндіріс орындарының жанынан ілеспе зауыттар ашу арқылы жаңа жұмыс орындары құрылатынын жеткізді. Сондай-ақ, инвестиция тартуға қолайлы жағдай жасау арқылы кәсіпкерлердің жаңа жобаларды жүзеге асыруға мүмкіндік мол екенін қаперге салды.
<blockquote>
 «Инвесторларды қолдау мақсатында «Байқоңыр» әлеуметтік кәсіпкерлік корпорациясының рөлі күшеюде. Оның құрамында «Қызылорда инвестициялық және талдау орталығын» ашып, инвестиция тартуға кең мүмкіндіктері мен қызметтік байланыстары бар ірі кәсіпкерлерді шақырамыз. 
 Алдағы уақытта агроөнеркәсіптік кешенді дамытуға басымдық береміз. Бұл бағытта бірінші кезде ауыл шаруашылығының өнімділігін арттырып, агроөнеркәсіп өнімдерін өңдеу және экспорт көлемін арттыруды қолға аламыз. Өнім өндіруге ынталы азаматтарды қолдаймыз. 
 Келер жылы экспортқа шығарылатын томат концентратын өндіретін зауыттың құрылысын бастаймыз. Ал, әртараптандыру бағытында шет елдерде сұранысы көп азықтық жүгеріні егу қолға алынады. “Ақжарма и К” шаруашылығы СПК-мен бірлесіп жүгері өсіруге қажетті технологияны енгізуге инвестор тартуда. Мұнан бөлек, агро-индустриялық зоналар ашу жоспарымызда бар»,-деді Н.Нәлібаев.
</blockquote>
Кәсіпкерлер палатасының ұсынысымен өткізілген жында Тимур Нақыпбеков мұндай кездесулердің саладағы өзекті мәселелерді ашық талқылауға мүмкіндік беретінін атап өтті.
<blockquote>
 «Атамекеннің» бастамасымен осындай кездесулер барлық облыста ұйымдастырылып жатыр. Қызылорда тоғызыншы өңір. Ал кәсіпкерлік мәселесімен айналысатын жұмыс тобын құрып отырған әзірге жалғыз облыс. Жергілікті мәселелерді әкімдік шешіп берсе, республикалық деңгейдегі проблемаларды Үкіметке біз жеткізіп отыратын боламыз», – деді Атамекен ҰКП Басқарма төрағасының орынбасары Тимур Нақыпбеков.
</blockquote>
Келелі кездесуде Нұрлыбек Нәлібаев шетелдік кәсіпкерлердің тәжірибесі мен инновацияларын енгізу ісі басталғанын тілге тиек етті. Мәселен, украиналық инвесторлармен тұкым шаруашылығын дамыта отырып күріш, бидай, жүгері, соя дақылдардың жаңа сорттарын шығаруда ынтымақтастық орнаса, австралиялық «Рубикон» компаниясының суды пайдалану тиімділігі тәжірибесі қолға алынған.
Жиында сөз алған облыстық кәсіпкерлік және өнеркәсіп басқармасының басшысы Мұса Қалдарбеков кәсіпкерлерді қолдауда әртүрлі көздерден 20 млрд. теңге шамасында қаржы қаралып, бүгінде 700-ден астам жобаға жеңілдікпен несие берілгенін айтты. Ауылдық елді-мекендердің кәсіпкерлері үшін шағын несиелер беру бағытында кәсіпкерлердің 393 жобасы 6,1 млрд. теңгемен қаржыландырылған.
Басқосуда «Жан-Арай» ЖШС директоры Бақдәулет Махашов көтерме-тарату орталығының әлеуетін жоғарылату арқылы азық-түлік өнімдерінің бағасын тұрақтандыру жолдарын ұсынды. Ал, «Ер-Әлі» шаруа қожалығының төрағасы Әліби Бекжанов егін шаруашылығын әртараптандыру туралы тәжірибесімен бөлісіп, бақша дақылдарын көбейтудің желісін жандандыру мәселесін көтерді. 
Облыс әкімі азық-түлік өнімдерінің басым бөлігін сырттан әкелу тәуелділігінен арылу үшін бақша дақылдарын егу ісінде жергілікті кәсіпкерлерді, ынталы бизнесмендерді әрдайым қолдайтынын ашық айтты.
Көкөністердің біразын көрші аймақтардан алатынымыз жасырын емес. Картопты Павлодардан, сәбізді Қостанайдан әкелудеміз. Қалғаны Түркістан облысынан келеді. Бұл проблеманы жою үшін егін егуге ынталы шаруаларға жер бөлуді тапсырып, оларға жағдай жасадық. Бақша өнімдерін, көкөністі егуге біздің өңірдің мүмкіндігі жетеді. Істі ілгерілетіп әкеткен шаруалар да бар. Күрішке ғана иек артып қоюға болмайды. Артылса, өнімді сатуға мүмкіндікті де қарастырамыз,-деді Н.Нәлібаев. 
Сондай-ақ, бірқатар кәсіпкерлер жаңа емхана ашу, бос тұрған ғимараттарды кәсіпкерлік мақсатта пайдалану, туризмді дамыту, жеке балабақшаларға субсидия бөлу, жеңіл өнеркәсіп саласына жағдай жасау сынды өзекті мәселелерін ортаға салды.
Жиын соңында аймақ басшысы өңірде бизнес климатты жақсарту үшін кәсіпкерлердің ұсыныстары мен жобаларын қарайтын арнайы жұмыс тобы құрылатынын жеткізді.
«Атамекен» Ұлттық кәсіпкерлер палатасы басқарма төрағасының орынбасары Тимур Нақыпбеков мұндай жұмыс топтың алғаш болып Қызылорда өңірінде бастау алатыны қуантарлық жағдай деді.
<img src="https://kyzylorda-news.kz/wp-content/uploads/2022/09/305967408_379785947675989_733103968982857324_n.jpg" alt="" />
<img src="https://kyzylorda-news.kz/wp-content/uploads/2022/09/306098574_379785881009329_1201056511243800129_n.jpg" alt="" />

Нұрлыбек Нәлібаев: Жергілікті өнім шығаратын кәсіпкерлерді әрқашан қолдаймыз

<a href="https://kyzylorda-news.kz/">Kyzylorda-news.kz.</a> Бүгінгі күні Қазалы ауданындағы өзекті мәселелердің бірі тұрғын үй салу берілетін жер екені жасырын емес. Қазіргі таңда бір ғана Әйтеке би кентінің өзінде қаншама тұрғын кезекте тұр.
Бұл мәселе аудан әкімі Мұхтар Оразбаевтың назарынан түскен емес. Осыған орай биыл кезектілікті азайту мақсатында аудан орталығынан 600 гектар жерге инфрақұрылым жұмыстарын жүргізуге дайындық жұмыстары басталып кетті. Қазіргі таңда аудандық бюджеттен қаржы бөлініп, жоба-сметалық құжаттары дайындалуда.
Жоба жүзеге асқан жағдайда 3 700 тұрғынға жер учаскесі табысталады. Одан бөлек, мектеп, балабақша және кәсіпкерлік нысандар салуға арнайы жер қарастырылатын болады.

Қазалы ауданында 600 гектар жерге инфрақұрылым тартылды

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда қалалық филиалы жанындағы арнайы мониторингтік топ мүшелері халық тұтынатын аса қажетті тауарлар бағаларының тұрақтылығы, сапасы мен қолжетімділігіне бағамдау жұмыстарын жүргізді.
Топ мүшелері қала орталығында орналасқан ірі сауда орталықтары мен дәріханаларда болып, әлеуметтік маңызы бар азық-түлік тауарларының бағасын негізсіз өсірмеу жөнінде кәсіпкерлерге түсіндіру жұмыстарын жүргізді.
Мониторинг барысында кейбір сауда орындарында пияз, картоп бағасы бұрынғыдан төмендегіні байқалса, кейбір жерлерде нан бағасының қымбаттауына орай ескерту жасалды. Сондай-ақ дәріханаларда тұрғындар жиі тұтынатын дәрі-дәрмектер бағасы тұрақты әрі қоры жеткілікті екені анықталды.
Бұл жұмыстар апта сайын тұрақты түрде жалғасатын болады.
Айта кетейік, бұған дейін мониторингтік топ мүшелері «Тағзым алаңы» маңайында орналасқан әлеуметтік дәріханада болды.
Топ мүшелерінің айтуынша, адамдар аз шоғырланатын аймақта елеусіз орналасқан дәріханада дәрілік заттар бағасы едәуір төмен. Сонымен қатар онда дәрілік заттар зейнеткерлерге тағы да 5 пайыз жеңілдіктер ұсынады. Сондай-ақ жас шамасына қарамастан барлық келушілер сауда жасаған сәттен ұялы телефон нөмерін тіркеу арқылы әр саудадан бонус жинақтайды және жинақталған бонусқа дәрілік заттар ала алады.
<img src="https://kyzylorda-news.kz/wp-content/uploads/2022/09/305925977_186695053822621_3683902978749268091_n.jpg" alt="" />

«AMANAT» партиясы мониторинг жұмыстарын жалғастыруда

<a href="https://kyzylorda-news.kz/">Kyzylorda-news.kz.</a>&nbsp;«AMANAT» партиясы Қызылорда облыстық филиалының активі Президент Жолдауын талқылады.
Алқалы жиында Қызылорда облыстық медицина орталығының директоры, облыстық мәслихаттағы «Amanat» партиясы фракциясы мүшесі, партия филиалының жанындағы білім беру және денсаулық сақтау мәселелері жөніндегі қоғамдық кеңес төрағасы Нұридин Әмитов баяндама жасады.
Баяндамашы Жолдауда айтылған Жаңа Қазақстанға қадам басқан ұлттың саулығы жолында қажетті батыл қадамдарды сөз етті.
<blockquote>
 «Еліміздің басты құндылығы – адам. Бұл – айқын нәрсе. Сондықтан, ұлттық байлықты тең бөлу және баршаға бірдей мүмкіндік беру – реформаның басты мақсаты. Ұлт саулығы жақсы болса ғана, қоғам орнықты дамиды», – деді Президент. Мемлекет басшысының бұл сөздері барша медицина саласының мамандарына соны серпін берді. Жолдауда денсаулық сақтау саласында біраз реформа жүргізілетінін айтты. Саладағы жылдар бойы қордаланған түйткілдер шешімін табуы керек. Президент медицина саласына қаржының жеткілікті бөлінбей отырғанын ашық айтты. Сақтандыру жүйесіне қосылса да, медициналық қызмет толық көлемде көрсетілмейді. Бұл туралы Президент «бүгінде медициналық көмек мемлекет кепілдік берген және сақтандыру пакеті деп екіге бөлінген. Ашығын айтсақ, мұндай жүйенің тиімділігі төмен. Тіпті, сақтандыру моделі тұрақсыз әрі жүйесіз дамуда. Бұл – үлкен олқылық. Ерікті медициналық сақтандыру жүйесін енгізетін уақыт әлдеқашан жетті», – деген болатын. Осы орайда Үкіметке денсаулық сақтау саласын және жалпы әлеуметтік саланы қаржыландыру жүйесін қайта қарауды тапсырды. Сондай-ақ Президент медициналық инфрақұрылымды кешенді түрде жақсартуға баса назар аудару керектігін айтты. Мемлекет пен жекеменшіктің серіктестігін тиімді пайдалануды тапсырды», – деді Нұридин Әмитов.
</blockquote>
Мемлекет басшысы «Медицина – инвестиция салуға қолайлы сала. Тек оған дұрыс жағдай жасау қажет.Мен келесі жылдан бастап ұлттық жобаны жүзеге асыруды тапсырдым. Бұл құжат, ең алдымен, ауыл тұрғындарының сұранысын қанағаттандыруға арналған» деген еді.
Қасым-Жомарт Кемелұлы еліміздегі 650 елді мекенде емдеу мекемесі жоғын айтты. Алдағы екі жылда бұл ауылдарда медициналық және фельдшерлік-акушерлік бөлімшелер салынып, қажетті құрал-жабдықпен толық қамтамасыз етіледі. Осылайша, мемлекет бір миллионнан астам адамның алғашқы медициналық-санитарлық көмек алуына мүмкіндік жасайды.
<blockquote>
 «Ұлттық жоба аясында 32 аудандық аурухана заманға сай жаңарып, ауданаралық көпбейінді мекемеге айналады. Онда инсульттен емдеу орталықтары, хирургия, жансақтау және оңалту бөлімдері ашылады. Бұл төрт миллионнан астам адамға көрсетілетін медициналық қызметтің сапасын арттырады. Сонымен қатар, телемедицина бағытын дамытамыз. Сол арқылы шалғайда тұратын халыққа сапалы медициналық қызмет көрсетілетін болады. Бұл жоба бағыттары жүзеге асса, шапағатын халық көреді», – деді орталық директоры.
</blockquote>
Президент денсаулық сақтау саласы бәсекеге қабілетті болуы үшін дәрігерлер дайындау жүйесін жетілдіру керектігіне назар аударды.
<blockquote>
 «Медициналық жоғары оқу орындарының жанынан көпбейінді ауруханалар және клиникалар ашылады. Алдағы үш жылда резидентураға бөлінетін грант саны 70 пайызға көбейеді. Мұның бәрі ұлт денсаулығын сөз жүзінде емес, іс жүзінде жақсартуға септігін тигізеді. Жолдауда ел игілігі үшін жасалуы қажет айқын мақсаттар айтылды. Оны жүзеге асыруға бәріміз бір кісідей атсалысайық», – деді Нұридин Әмитов.
</blockquote>
<img src="https://kyzylorda-news.kz/wp-content/uploads/2022/09/305923949_1782077198825328_6388193955189136590_n.jpg" alt="" />

Нұридин Әмитов: Жолдау маңызды міндеттерді жүктейді

<a href="https://kyzylorda-news.kz/">Kyzylorda-news.kz.</a> Ерекше білім алуды қажет ететін балалар үшін инклюзивтік білім алуға жағдай жасау басты міндет. Оларды қоғамға бейімдеу, жалпы ортаға қосып, бұзылысына қарай білім алуға жағдай жасау үшін білім беру ұйымдарында&nbsp; инклюзивтік орта қалыптастыру жұмыстары жүргізілуде.
Бүгінгі күні&nbsp; өңірдегі мектептерде&nbsp; 8 инклюзивтік ресурстық орталық,&nbsp; 235 мектепте&nbsp; инклюзивтік кабинет жұмыс істейді. Сонымен қатар, барлық мемлекеттік балабақшаларда инклюзивтік білім беруге жағдай жасалған.
Осы орайда, жеке балабақшаларда инклюзивтік білім алуға жағдай жасау бағытында зор үлесін қосқан «Шағбан» балабақшасы.
<blockquote>
 «Ерекше білім алуды қажет ететін балалармен жұмыс істеу барысында үнемі жаңа технология енгізілуде. Соның ішінде иппотерапия әдісі&nbsp; «Шағбан»&nbsp; балабақшасында&nbsp; алғашқы рет енгізілді. «Альтаир-Бөбек» қоғамдық қоры 2017-2018 жылдар аралығында 240 ерекше қажеттілігі бар балаларға оңалту қызметін көрсетті. 2017 жылы нәтижесінде «Иппотерапиямен оңалту» қызметін алушы Жақсылық Мөлдір Қазақстан Республикасы параолимпиадасының «Халықаралық ат спорты» жарысына облыс атынан қатысып, 3 орынды иеленді», – деді «Альтаир-Бөбек» қоғамдық қорының директоры, «Шағбан» жеке балабақшасының құрылтайшысы Жапырақ Ұзақбаева.
</blockquote>
Айта кетейік, Қызылорда облысы бойынша ерекше білім алуды қажет ететін 5912 бала тіркелген. Олардың 664 балабақшада, 1992 жалпы білім беру мектептерінде, 1013 үйден, 269 арнайы мектеп-интернаттарда білім алады. 2021 жылы 1590 бала арнайы білім беру ұйымдарында түзету көмегін алды.
<img src="https://kyzylorda-news.kz/wp-content/uploads/2022/09/0019f20a-3faa-486d-8acf-267c45776f0f.jpg" alt="" />
<img src="https://kyzylorda-news.kz/wp-content/uploads/2022/09/7e469fba-ddd2-4a50-89b0-c974027cd8f1.jpg" alt="" />
<img src="https://kyzylorda-news.kz/wp-content/uploads/2022/09/cef2bfe3-99f8-4d03-849f-50cc37c3dc60.jpg" alt="" />

«Шағбан» балабақшасында алғашқы рет иппотерапия әдісі енгізілді

<a href="https://kyzylorda-news.kz/">Kyzylorda-news.kz.</a> Шиелі ауданында күріш егісін ору жұмыстары 25 тамыз күні басталған болатын. Қазіргі таңда 10 750 гектар күріштің 865 гектары орылып, оның 395 гектары бастырылған. Бұл туралы аудандық ауыл шаруашылығы бөлімінің басшысы М.Әшірбеков хабарлады.
Бөлім басшысының айтуынша күріштен бөлек, 1649 гектар күздік бидайдан 1814 тонна, 456 гектар жаздық бидайдан 410 тонна өнім жиналған. Ал жоңышқа шөбінің бірінші орымынан 24 990 тонна өнім жиналса, бүгінгі күнге дейін екінші орымынан 19 600 тонна жиналған.
Ауданда көкөніс, бақша дақылдарын жинау жұмыстары да қарқынды жүруде. Мәселен, 1769 гектар көкөністің 1592 гектарынан 30224,8 тонна, 2408 гектар бақша дақылдарының 2 250 гектарынан 45 000 тонна өнім алынған. Ауыл шаруашылығы тауарын өндірушілерінде бүгінде күзгі дала жұмыстарына қажетті 331 дана трактор, 116 дана комбайн, 63 дана жатка, 52 дана автомашина және 164 дана трактор бар. Ал сол көліктердің жанар-жағармайына келер болсақ, аталған көліктерге мемлекет тарапынан 1726,0 тонна арзандатылған дизель отыны бөлініп, оператор «РК Мұнай» ЖШС арқылы литрі 210 теңгеден шаруашылық құрылымдарына берілуде. Бүгінгі күнге дейін шарушылық құрылымдарының QOLDAU kz-веб порталы арқылы берген сұраныстарына сәйкес оларға 246 тонна дизель отыны таратылған.
<img src="https://kyzylorda-news.kz/wp-content/uploads/2022/09/301365256_1380510682479387_4715868339130051401_n.jpg" alt="" />

Шиелі ауданында 900 гектарға жуық күріш алқабы орылды

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапарымен келген «Атамекен» ҰКП Басқарма төрағасының орынбасары Тимур Нақыпбеков Өңірлік кеңес мүшелерімен кездесіп, аймақ кәсіпкерлерінің өзекті мәселелерін тыңдады.
Тимур Нақыпбеков «Атамекеннің» бастамасымен еліміздің барлық өңірінде әкімдердің кәсіпкерлермен кездесуі ұйымдастырылып жатқанын жеткізді. Сонымен бірге, мамыр айындағы бизнес қауымдастықпен кездесуде Мемлекет басшысының Бас прокуратураға Ұлттық кәсіпкерлер палатасымен бірге әр аймақта тоқсан сайын кездесулер өткізіп, негізсіз әкімшілік және қылмыстық қудалауға түскен кәсіпкерлердің мәселелерін, әкімшілік кедергілерді қарауды жүктегенін атап өтті.
<blockquote>
 «Бұл шаралардың нәтижелі болуы кәсіпкерлерге тікелей байланысты. Бизнес өкілдері көтерілген мәселелерді қоғамдық бақылауға алып, дер кезінде жүзеге асырылуын талап етуі керек. Осы жұмыстардың жергілікті жерде орындалуына әдістемелік көмек беру үшін біз – «Атамекеннің» басқарма мүшелері облыстарды аралап, кәсіпкерлермен кездесіп жүрміз. Қызылорда тоғызыншы өңір», – деді «Атамекен» ҰКП Басқарма төрағасының орынбасары Тимур Нақыпбеков.
</blockquote>
Өңірлік кеңес отырысында кәсіпкерлер салық саясатын қайта қарап, қаржыны қолжетімді етуді сұрады. Бұдан өзге, байқоңырлық кәсіпкерлердің, сондай-ақ облыстағы жеке балабақшалар мен медицина ұйымдарының проблемасы мен жеңіл өнеркәсіп, құрылыс саласын дамытуға қатысты ұсыныстар айтты.
Атап айтқанда, кәсіпкерлер Темір Бисембаев, Бейбітәлі Тілеулиев, Аслан Орынғалиев кірістер органдары тарапынан салық мәселесі бойынша қатаң қадағалау жасалып, тексерулердің жиі жүргізілетінін, сол үшін салаға қатысты талаптар реттеуді қажет ететінін жеткізді.
Ал «Ас-кА» ЖШС директоры Дина Махатова жеңіл өнеркәсіп саласына жоғары талап қойылатынын алға тартып, бұл салада қызмет көрсететін шағын кәсіпкерлерге жеңілдіктер қарастырылуын сұрады.
«Қазақстандық үздіксіз білім беру қауымдастығы» жеке кәсіпкерлер мен заңды тұлғалар бірлестігі Қызылорда облыстық филиалының төрайымы Наталья Мишукова балабақшада 2 жасқа толған балалар үшін берілетін субсидия облыста шешімін таппай отырғанын жеткізді.
Кәсіпкер Әнуар Дәуленбаев байқоңырдағы бизнес өкілдерінің қосарланған салық төлеп, жеңілдетілген несиеге қол жеткізе алмай жүргенін, сатып алған ғимараттарының жер телімін пайдалана алмай отырғанын айтты.
Кәсіпкер Раушан Базарбай жеке медициналық ұйымдарда жұмыс істейтін жас мамандардың мемлекеттік қолдау тетіктерін қолдана алмайтынын атап, мәселені Үкіметтік деңгейде көтеруді сұрады.
Отырыста «Атамекеннің» басқарма мүшесі кәсіпкерлердің көтерген мәселелеріне жеке-жеке тоқталып, шешу үшін қабылданатын қадамдарды атап өтті.
<blockquote>
 «Біз үшін қазір кәсіпкерлермен кері байланысты жолға қою аса маңызды. Осындай кездесулерде айтылған мәселелер кейін қалай шешілді, нәтижесі не болды, бұл жөнінде бизнес өкілдері көбіне хабарсыз қалып жатады. Сол үшін біз қазір Ұлттық палата жанындағы салалық комитеттерде өңірлердің өкілдерін көбейтуді жоспарлап отырмыз. Бұл қадам аймақтарда көтерілген мәселелердің орталыққа дер кезінде жетіп, уақытылы шешуге мүмкіндік береді», – деді Тимур Нақыпбеков.
</blockquote>
Сонымен қатар, ол «Атамекеннің» қазір саладағы мәселелерді жан-жақты зерттеп, проблемасына, шешу жолдарына жүргізген талдауларын кәсіпкерлердің көріп, таныс болуы үшін телеграмнан арнайы <a href="https://t.me/nppanalytics">канал</a> ашқанын жеткізді.
Кәсіпкерлердің аталған каналда оқып, танысып қана қоймай, пікір білдіруге, ұсыныс жасауға мүмкіндіктері бар.
<img src="https://kyzylorda-news.kz/wp-content/uploads/2022/09/img_7843-scaled.jpg" alt="" />

Тимур Нақыпбеков: Өңірлік кеңестің белсенділігі маңызды

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев Мемлекет басшысының халыққа арнаған Жолдауынан туындайтын міндеттер мен тапсырмаларын іске асыруға арналған мәжіліс өткізді.
Аудан басшысы Президент Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты Жолдауында саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар нақтыланып, алдағы міндеттерді айқындап бергенін жеткізді.
<blockquote>
 «Жолдауда айтылған барлық бағдар бойынша нақты шаралар қабылдап, сапалы іске асыруға тиіспіз. Аудан бойынша 7 ай қорытындысымен барлық негізгі әлеуметтік-экономикалық көрсеткіштер бойынша өткен жылдың сәйкес кезеңімен салыстырғанда өсім қалыптасты», – деді Мұхтар Оразбаев.
</blockquote>
Басқосуда аудандық қоғамдық кеңес төрағасы Талайлы Бөріқұлақов, партия және еңбек ардагері Қасқырбек Мәмбетжан, Ы.Алтынсарин атындағы №204 мектептің директоры Ләззат Ізбасқанова Жолдауда көрсетілген міндеттер ел экономикасына серпін беретінін жеткізіп, ұсыныстарын ортаға салды.
Аудан әкімі Мұхтар Оразбаев бірқатар бөлім, мекеме басшыларына, кент, қала және ауылдық округ әкімдеріне Жолдаудан туындайтын міндеттер орындауға байланысты тапсырма берді.
<img src="https://kyzylorda-news.kz/wp-content/uploads/2022/09/305758280_3449610628593193_7773503231283627251_n.jpg" alt="" />
<img src="https://kyzylorda-news.kz/wp-content/uploads/2022/09/306002988_3449610685259854_8159023042090679815_n.jpg" alt="" />

Қазалыда Жолдау жүктеген міндеттер талқыланды

<a href="https://kyzylorda-news.kz/">Kyzylorda-news.kz.</a> «AMANAT» партиясының Арал аудандық филиалында ҚР Президенті Қасым – Жомарт Тоқаевтың Жолдауын талқылау бойынша партиялық актив өтті.
Партактивке аудандық мәслихат депутаттары, партия мүшелері, жастар қанатының өкілдері, сондай-ақ еріктілер қатысты.
Жиынды аудандық филиал төрағасы Серік Сермағамбетов ашып, жүргізді.
<blockquote>
 «Мемлекет басшысы Қасым-Жомарт Тоқаев Парламент палаталарының бірлескен отырысында «Әділетті мемлекет. Біртұтас ұлт. Берекелі қоғам» атты Жолдауын жариялады. Жолдау еліміздегі саяси жаңғыру процестерінің әлеуметтік-экономикалық өзгерістермен жалғасқанын айғақтайды. Қоғамның барлық саласы қамтылған Жолдау – Жаңа, Әділетті Қазақстан құру жолындағы түбегейлі және жан-жақты реформалардың жалғасы», -деді өз сөзінде Төраға.
</blockquote>
Сондай-ақ, Серік Сағитжанұлы ел мүддесі үшін еңбек етуде партияластар қалыс қалмауы керектігін айта отырып, Жолдау жүктеген міндеттерді саралап, елдегі тұрақтылық пен бейбітшілік үшін жұмыла әрекет етуге шақырды.
Сонымен қатар, актив барысында әр сала бойынша партиялық комиссиясының төрағасы Аманкелді Бөлекбаев, аудандық партия активінің беделді мүшесі Сәуле Ембергенова және «Жастар Рухы» ЖҚ Арал ауданы бойынша жетекшісі Ержан Сабырбайұлы сөз сөйледі.
<img src="https://kyzylorda-news.kz/wp-content/uploads/2022/09/305641936_756303768983624_2540247812555682388_n.jpg" alt="" />

Серік Сермағамбетов: Жолдау – Жаңа, Әділетті Қазақстан құру жолындағы реформалардың жалғасы

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық білім басқармасының басшысы Мейрамбек Шермағанбет Қазалы ауданына іссапармен барып, бірқатар білім беру ұйымдарын аралады.
Басқарма басшысы Жанқожа батыр ауылындағы апатты жағдайдағы №94 мектептің жай күйімен танысты. 1985 жылы салынған мектептің жалпы алаңы 4678,8 шаршы метрді құрайды. Ауыл тұрғындарының ұсынысы негізінде жаңа мектеп ғимаратын салу үшін жер көлемін ұлғайтылып, жалпы алаңы 28070,0 шаршы метр жерді құжаттандыру жұмыстары жүргізілуде. Бүгінде жаңадан 200 орындық мектеп ғимаратын салуға жоба-сметалық құжатын дайындалу үстінде.
Бұдан кейін Қазалы қаласындағы Қазалы аграрлық-техникалық колледжі мен Қазалы көлік-техникалық жоғары колледжінің ұжымымен кездесіп, «Жас маман» жобасы аясында жасақталған материалдық техникалық базаларымен танысты. Сондай-ақ, Қ.Пірімов ауылындағы №92, Ж.Жабаев атындағы №234 мектептің тыныс-тіршілігін бақылап, мектеп ғимаратының шатырын, электр желілерін ауыстыру мен қасбетін қаптау жұмыстарының жобасын қарап, оны жүзеге асыруды жеделтету мақсатында бірқатар тапсырмалар берді.
<img src="https://kyzylorda-news.kz/wp-content/uploads/2022/09/305201980_1435140586989142_8877421898025471600_n.jpg" alt="" />
<img src="https://kyzylorda-news.kz/wp-content/uploads/2022/09/305406652_1435140826989118_4982833721877020347_n.jpg" alt="" />
<img src="https://kyzylorda-news.kz/wp-content/uploads/2022/09/305482819_1435140940322440_2101644100433980749_n.jpg" alt="" />

Қызылорда облыстық білім басқармасының басшысы жұмыс сапарымен Қазалы ауданына барды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев Сыр еліне келген «Акса Энерджи» компаниясының атқарушы комитеті төрағасының орынбасары Коркут Озтуркмен кездесіп, жаңа жылу электр орталығын салу жұмыстары мәселелерін талқылады.
Айта кету қажет, биылғы жылғы мамыр айында Мемлекет басшысы Түркия еліне іссапары барысында «Екі мемлекет арасында инвестициялық ынтымақтастықты дамытудың жолдарын талқылауға және Түрік инвесторларының барлық бастамасын қолдауға және оларға қолайлы жағдай жасауға дайынбыз» – деп атап өткен болатын.
Бүгін, сол игілікті сапардың нақты нышаны ретінде «Акса Энерджи» түрік компаниясы өкілдерімен бірге жаңа жылу электр орталығы құрылысы нысанының капсуласы қаланды.
Аймақ басшысы компания өкіліне нысанды уақытылы аяқтау маңызды екенін және жобаны жүзеге асыруға қажетті қолдау шараларына дайын екенін жеткізді.
Мұнан бөлек, аймақта томат зауытын салу бойынша, Түркияның ірі компаниясымен бірлескен жұмыстар қолға алынады. Яғни томат зауытын салуға 25-30 млн. доллар көлемінде инвестиция тартылмақ.
<img src="https://kyzylorda-news.kz/wp-content/uploads/2022/09/305686152_379212807733303_3336603808610448745_n.jpg" alt="" />

Қазақстан және Қызылорда облысының жаңалықтары