<a href="https://kyzylorda-news.kz/">Kyzylorda-news.kz.</a> Қытайда коронавирус инфекциясының ең жоғары деңгейі қаңтар айының басында болуы мүмкін.<blockquote>«Менің ойымша, елдегі аурушаңдықтың шыңы қаңтар айының басында болады. Кейбір қалалар, мысалы, Бейжің бұл шыңнан өтіп үлгерді», - деп Бен Коулинг, эпидемиолог, эпидемиология және биостатистика кафедрасының профессоры.</blockquote>«Ірі қалаларды шарпыған ауру «цунамиінің» басылуына екі айға жуық уақыт кетуі мүмкін», - деп атап өтті мамандар.Жұма күні Bloomberg хабарлағандай, Қытайда осы аптада бір күнде 37 миллионға жуық адам коронавирус жұқтырған болуы мүмкін, бұл елде бүгінге дейін әлемдегі ең ірі індет болды.Ұлттық денсаулық сақтау комиссиясының отырысына қатысқан агенттік дереккөздерінің мәліметінше, желтоқсанның алғашқы 20 күнінде 248 миллионға жуық адам (халықтың 18%-ке жуығы) COVID-19 жұқтырған болуы мүмкін.Деректер расталса, биыл қаңтарда орнатылған рекорд жаңарады. Ол кезде күніне 4 миллион адам індетке шалыққан еді.<a href="https://sputnik.kz/20221224/qantar-ayynda-qytayda-koronavirus-auruynyn-shyny-30597160.html">Sputnik.kz</a>

Қаңтар айында Қытайда коронавирус жұқтыру көрсеткіші күрт артады

<a href="https://kyzylorda-news.kz/">Kyzylorda-news.kz.</a> «7-20-25» ипотекалық тұрғын үй кредиттеу бағдарламасы жалғасады, деп хабарлайды Ұлттық банк.Тиісті шешім туралы қаулыны ұлттық банк басқармасы 19 желтоқсанда қабылдады. 2023 жылы бағдарлама бойынша кредиттеу үшін 100 миллиард теңгеге дейін қаражат бөлінеді.Әрбір қарыз алушы бағдарламаға бір рет қана қатыса алады. Ұлттық банк мұны жеңілдетілген кредит алатын азаматтар саны көбірек болсын деген мақсатта жасалғанын айтады.Бағдарлама аясында берілетін ипотекалық тұрғын үй қарыздарының параметрлері:- бастапқы жарнаның ең төменгі мөлшері- қарыздың ең жоғары сомасы- сыйақы мөлшерлемесі- қарыз мерзімі- өңірлерде сатып алынатын тұрғын үйдің ең жоғары құны және басқа талаптар өзгеріссіз қалады.Биыл 22 желтоқсанда 852,2 миллиард теңге көлемінде 64 146 жеңілдетілген қарыз берілген. Бұл бағдарлама 2018 жылы іске қосылды. Жұмыс істейтін азаматтарды 20 %-тен бастап алғашқы жарнамен жылдық 7% жеңілдетілген мөлшерлеме бойынша ипотекамен қамтамасыз етуге арналған. Несие уақыты - 25 жылға дейін.Қаулының толық мәтінімен Қазақстан Ұлттық Банкі <a href="https://nationalbank.kz/kz/news/press-relizy/14735">сайтында</a> танысуға болады.

«7-20-25» ипотекалық бағдарамасында қандай өзгеріс бар?

<a href="https://kyzylorda-news.kz/">Kyzylorda-news.kz.</a> 6 жасқа толған жеткіншектер балабақшадан шығарылмайды. Олар оқу процесі толық аяқталғанға дейін мектепке дейінгі ұйымда тәрбие алады. Бұл туралы ҚР Оқу-ағарту министрі Асхат Аймағамбетов айтты, деп хабарлайды ҚазАқпарат.<blockquote>«Мектепке дейінгі ұйымда бала 6 жасқа толған күннен бастап қаржыландырудың тоқтатылуы, жеткіншектерді мектепке дейінгі ұйымнан және мемлекеттік білім беру тапсырысынан шығаруға ведомствоның нормативтік-құқықтық актілерінде ондай заңнамалық негіз жоқ екенін хабарлаймыз» делінген Асхат Аймағамбетовтің Мәжіліс депутаттарының сауалына берген жауабында.</blockquote>Оның айтуынша, балабақшадағы тәрбие мен оқыту саласындағы қызмет нақты реттелген.Балалар контингентін мемлекеттік тапсырыспен қамтамасыз ету және заңнама талаптарын сақтау мәселесі биыл ақпан, тамыз айларында өткізген кеңестерде қаралды.Білім беру қызметін көрсету және мектеп жасына дейінгі балаларды тәрбиемен және оқытумен қамту бөлігінде нақты тапсырмалар мен ұсынымдар берілді.<blockquote>«Жергілікті атқарушы органдар немесе балабақшалар жағынан мектепке дейінгі тәрбиемен және оқытумен қамту немесе қаржыландыру бөлігінде заңнама нормаларының бұзылғанын растайтын фактілер болған жағдайда, Министрлікке хабарлауды сұраймыз. Балалар құқықтарын бұзу және оларды мектепке дейінгі ұйымдардан шығару жөніндегі депутаттық сауал үшін негіз болған фактілер анықталғанда, Министрлік қатаң шаралар қабылдауға әрі баланың білім алу құқығын қалпына келтіруге дайын», - деп жазды министр.</blockquote>

6 жасқа толған жеткіншектер балабақшадан шығарылмайды

<a href="https://kyzylorda-news.kz/">Kyzylorda-news.kz.</a> Қазгидромет 24 желтоқсанға арналған&nbsp;ауа райы болжамын жариялады.Ақмола облысының&nbsp;басым бөлігінде бұрқасын соғады. Күндіз облыстың солтүстігінде, батысында көктайғақ күтіледі. Оңтүстік-батыстан жел соғады, түнде облыстың басым бөлігінде 15-20, облыстың солтүстігінде, шығысында екпіні 25 м/с, күндіз облыстың солтүстігінде, шығысында екпіні 15-20 м/с жетеді.Астана қаласында&nbsp;жаяу бұрқасын күтіледі. Оңтүстік-батыстан жел соғады, түнде екпіні 15-20 м/с.Маңғыстау облысында&nbsp;оңтүстік-шығыстан жел соғады, желдің жылдамдығы облыстың батысында, оңтүстігінде 15-20 м/с жетеді.Жетісу облысының&nbsp;таулы аймақтарында тұман түседі. Батыстан жел соғады, күші облыстың солтүстікте, шығысында, таулы аймақтарында 15-20 м/с.Қостанай облысының&nbsp;солтүстігінде жаяу бұрқасын күтіледі. Күндіз облыстың солтүстігінде көктайғақ. Оңтүстік-батыстан жел соғады, облыстың солтүстігінде 15-20 м/с.Абай облысының&nbsp;батысында, солтүстігінде жаяу бұрқасын күтіледі. Жел оңтүстіктен, оңтүстік-батыстан соғады, облыстың солтүстігінде, орталығында желд15-20 м/с жылдамдықпен соғады.Түркістан облысының&nbsp;оңтүстігінде, тау бөктерлі аудандарында тұман күтіледі. Шығыстан, оңтүстік-шығыстан жел соғады, тау асуларында күші 15-20 м/с.Павлодар облысының&nbsp;батысында жаяу бұрқасын күтіледі. Оңтүстік-батыстан жел соғады, желдің күші 15-20 м/с жетеді.Солтүстік Қазақстан облысының&nbsp;түнде басым бөлігінде қар күтіледі. Түнде облыстың басым бөлігінде, күндіз облыстың солтүстігінде, батысында, шығысында бұрқасын күтіледі. Күндіз облыстың солтүстігінде, батысында көктайғақ болады.

9 өңірде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық Аналар кеңесі және іскер әйелдер қауымдастығының ұйымдастыруымен «Аналар - асыл жандар» атты қорытынды мерекелік кездесу кеші өтті.&nbsp;Мерекелік шараға облыстық қоғамдық даму басқармасы «Қоғамдық келісім» КММ директорының орынбасары Айбек Дайрабай, облыстық Аналар кеңесінің төрайымы Рахима Ахметова, аудандық Аналар кеңестерінің төрайымдары мен белсенділері, облыстық және қалалық мәслихат депутаттары, білім, мәдениет сала мамандары, этномәдени бірлестіктерінің өкілдері, көпбалалы аналар, жастар және БАҚ өкілдері қатысты.Достық үйінің фойесінде қатысушыларды қазақ ұлттық аспаптар ансамблі әсем әуенмен қарсы алды. Шара модераторы, Аналар кеңесінің төрайымы Рахима Ахметова және «Қоғамдық келісім» КММ директорының орынбасары Айбек Дайрабай отбасы құндылықтары мен бала тәрбиесін насихаттау жұмыстарында облыстық Аналар кеңесінің рөлі ерекше екендігін айтып өтті. Жеткен жетістіктер мен атқарылған ауқымды жұмыстарды тілге тиек етті. Облыстағы әйелдер істері және отбасылық демографиялық саясат жөніндегі комиссия хатшысы Қаламқас Каримова республикалық «Мәдениетті ана – мәдениетті ұлт» жобасын жүзеге асыруға сүбелі үлесін қосқан жандарға арнайы номинацияларды табыстады.&nbsp;«Бала тәрбиесіндегі әженің рөлі» туралы Жаңақорған ауданының білім саласының ардагері Зерегүл Сапабекова сөз қозғады. «Отбасы құндылықтарын дәріптеудегі облыстық Аналар кеңесі мен білім беру мекемелерінің тәжірибесі» тақырыбында №140 қазақ орта мектебінің директоры, қалалық мәслихат депутаты Айгүл Мұсабаева орамды ойларын ортаға салды. Қармақшы аудандық соқырлар қоғамының төрайымы, 3-топ көз мүгедегі Элмира Үсенова «Мүмкіндігі шектеулі аналардың қоғамдық белсенділігін арттыру» мәселесіне тоқталып өтті. Ал облыстық мәслихат депутаты Дильфура Байрахтарова «Сыр аналары - береке мен бірліктің бастауы» екендігін алға тартып, Аналар кеңесінің бастамасымен қолға алынған жұмыстарға оң бағасын берді.Қорытынды шарада Сырдың сұлу ақын қызы Толқын Қабылша «Ана туралы» өлеңін оқып, жиылған қауымды тебірентті. Облыстық филармонияның әншісі Марат Сүгірбай мерекелік ән-шашуын барша аналарға арнады.&nbsp;<figure class="image"><img src="https://knadmin.beoblood.kz/uploads/321611503_883911426361452_2798517907068774617_n_84838f6055.jpg" alt="321611503_883911426361452_2798517907068774617_n.jpg"></figure><figure class="image"><img src="https://knadmin.beoblood.kz/uploads/321717700_835461427717857_2395610419890691876_n_2d6165bad2.jpg" alt="321717700_835461427717857_2395610419890691876_n.jpg"></figure>

Қызылордада Аналар кеңесінің қорытынды кездесу өтті

<a href="https://kyzylorda-news.kz/">Kyzylorda-news.kz.</a> Бүгін Қазақстан Республикасының Экология, геология және табиғи ресурстар вице-миниcтрі Серікәли Мұқатаев жұмыс сапарымен Сыр еліне арнайы келді. Вице-министр аймақ тұрғындарымен кездесіп, министрлік тарапынан атқарылып жатқан шаралар туралы, оның ішінде Сыр бойында жүзеге асырылып жатқан жобалар жөнінде кең көлемде атқарат ұсынды.Өңір тұрғындарымен кездесуде облыстық табиғи ресурстар және табиғат пайдалануды реттеу басқармасының басшысы Марат Құрманбаев шараның маңыздылығын атап өтіп, вице-министрге сөз кезегін ұсынды. Серікәли Мұқатаев кездесу барысында алдымен аймақтың орман шаруашылығы, қоршаған оратаны қорғау, геология, су, сондай-ақ балық және жануарлар дүниесін қорғау салаларының даму бағыттарынан бастады.Сонымен қатар, вице-министр облыс тұрғындарын алаңдатып отырған Арал теңізінің солтүстік бөлігін сақтап қалу мәселесі, өңірдің су, балық шаруашылығы саласын дамыту, аймақтың экологиялық жүйесін жақсарту, қалдықтарды басқару жүйесін дамыту, сондай-ақ мемлекет басшысының тапсырмасы бойынша Арал теңізінің құрғаған ұлтанында сексеуіл егу және орман қорын көбейту мен молайтуға байланысты мәселелерді тілге тиек етті. Кездесуге келген тұрғындар көкейде жүрген сауалдарын вице-министрге тікелей жолдады.Жұмыс сапарының екінші және үшінші бөлігінде Серікәли Мұқатаев БАҚ өкілдеріне брифинг беріп, қоғамдық бірлестік өкілдері мен жергілікті тұрғындар арасында жеке қабылдау өткізді. Вице-министр қабылдауға келгендердің түйіткілді мәселелерін тыңдап, тиісті сала басшыларына тапсырмалар жүктеді.<img src="https://knadmin.beoblood.kz/uploads/321800746_528826939184160_2400940726667398366_n_658c8f336b.jpg" alt="321800746_528826939184160_2400940726667398366_n.jpg"><img src="https://knadmin.beoblood.kz/uploads/321511920_556014969705270_579097717290496212_n_a15be0a44c.jpg" alt="321511920_556014969705270_579097717290496212_n.jpg"><img src="https://knadmin.beoblood.kz/uploads/321577458_893577554992594_6607022156249844897_n_6562171d96.jpg" alt="321577458_893577554992594_6607022156249844897_n.jpg"><img src="https://knadmin.beoblood.kz/uploads/320972435_3537070743192365_5330084577956222266_n_1f22215cc3.jpg" alt="320972435_3537070743192365_5330084577956222266_n.jpg">

Вице-миниcтр Серікәли Мұқатаев жұмыс сапарымен  Сыр еліне арнайы келді

<a href="https://kyzylorda-news.kz/">Kyzylorda-news.kz.</a>&nbsp; Бүгін Қарауылтөбе ауылындағы А.Хангелдин атындағы №179 орта мектеп базасында алғашқы әскери және технологиялық дайындық пәні мұғалімдері арасында «АӘТД БАРЫСЫ » турнирі өтті. Ашылу салтанатына Қызылорда қаласы бойынша білім бөлімінің әдіскері Бағлан Аманбекұлы, мектеп директоры Асқар Ануарұлы, Қызылорда қаласының қорғаныс істері жөніндегі басқарма бастығының міндетін атқарушы Мұхтар Нұрханов және қазақша күрестен Әлем чемпионы, «Евразия барысы» Нұрым Сәлімгерей қатысып, балуандарға сәттілік тіледі.<blockquote>«Ұлттық спорт түрлері – ата-бабаларымыздан келе жатқан асыл мұрамыз. Біз оны көзіміздің қарашығындай сақтап, дамытуымыз керек. Бұл бағыттағы жұмыстарымыз аз емес. Оның айғағы ретінде қазақ күресінен Әлемдік деңгейде биік тұғырлардан көрінген, әлем чемпионатының жеңімпазы, әлем барысының күміс жүлдегері, Евразия барысы жеңімпаздарын айта аламыз. Бүгінгі жарыс барысында балуандарға сәттілік тілеймін», – деді Асқар Ануарұлы.</blockquote>Ұлттық қазақ күресін бұқара арасында кеңінен насихаттап, дамыту мақсатында ұйымдастырылған турнир биыл тұңғыш рет өтті. Қазақ спортын, оның ішінде ұлттық күресті насихаттауға бағытталған бірігей жоба елдің көңілінен шығып, сүйікті жарысына айналды. Кім мықтыны анықтайтын сайысқа қала мектептерінен сайдың тасындай тізілген 32 палуан қатысты.Иығына қасқыр терісін ілген балуандар боз кілемге өз қарсыластарын «соқыр» жеребе арқылы анықтады.«АДС» тобы рухты әндерімен балуандарға дем берді. Әр белдесуі жан алып, жан беріскен айқаспен өткен турнир айта жүрерліктей болғанын жанкүйерлердің қолдауынан көрінді.«Күш атасын танымас» деген балуандар өзара мықтыны анықтап, бабы мен бағы келіскен қатысушылар финалда белдесті. Делебені қоздырып, көңіл көркін қыздырған белдесулер қызыққы толы болды.Турнир нәтижесінде 80 кг дейін салмақта «Көрермен көзайымы» болып Б.Момынбаев атындағы №278 ІТ-мектеп-лицейінің мұғалімі Әлмұрат Исмайлов атанды. Жүлделі ІІІ орын Ә.Молдағұлова атындағы№173 орта мектебінің мұғалімі Асхат Даужановқа, ІІ орын А.Байтұрсынов атындағы №211 орта мектебінің мұғалімі Бауыржан Қобылановқа бұйырды. Жауырыны жер иіскемей, топ жарған №145 орта мектебінің мұғалімі Еркеғали Мырзахметов жүлделі І орынға жайғасты.Ал, 80 кг жоғары салмақта «Көрермен көзайымы» болып №282 орта мектебінің мұғалімі Нұрсұлтан Ниязов атанды. Ал, жүлделі ІІІ орын №138 орта мектебінің мұғалімі Ерболат Усаев, ІІ орын С.Толыбеков атындағы №3 ІТ-мектеп-лицейінің мұғалімі Нұрлан Бекжанға бұйырды. Жеңіске жеткен және қарсыластарына мүмкіндік бермеген Ж.Қизатов атындағы №23 мектеп-лицейінің мұғалімі Нұржан Әбілдаев І орын иеленді.Жүлдегерлерге Қызылорда қаласы бойынша білім бөлімі мен қалалық кәсіподақ комитетінің дипломдарымен мен сыйлықтары табысталды.Турнирге қатысушылар Қызылорда қаласы жастар ресурстық орталығы мен Қызылорда қаласының қорғаныс істері жөніндегі басқармасының «Алғыс хатымен» марапатталды.«Қазақстан барысы», «Әлем барысы» секілді дүбірлі додалар көптеген апайтөс алыптарды шыңдап, ұлттық спортымыз әлем жұртшылығының назарын аударғанын айта кеткен жөн. Әрине, осындай ғажап күресі бар қазақтан әлем мойындаған күш атасы Қажымұқандай талай даңқты балуандардың шығатынына сенеміз. 2011 жылы ұйымдастырылған алғашқы "Қазақстан барысы" турнирінде қызылордалық Ұлан Рысқұловтың топ жаруы Сыр елі жыр елі ғана емес, қасқыр жүректі балуандар туғызған қастерлі топырақ екенінің айқын дәлелі. Ұланның жеңісті жолын жалғаған Еламан Ерғалиев, Нұрым Сәлімгереев, Мақсат Исағабыловтар бүгінде үлкен ареналарда ел намысын абыроймен қорғап жүр.<img src="https://knadmin.beoblood.kz/uploads/321445929_1861785957517303_400341917032854847_n_5ce39f427d.jpg" alt="321445929_1861785957517303_400341917032854847_n.jpg"><img src="https://knadmin.beoblood.kz/uploads/321750936_535496001961968_4330622528638609573_n_6d8a96dd3c.jpg" alt="321750936_535496001961968_4330622528638609573_n.jpg"><img src="https://knadmin.beoblood.kz/uploads/321247263_1213539242921759_9072366975600623896_n_9f07338181.jpg" alt="321247263_1213539242921759_9072366975600623896_n.jpg"><img src="https://knadmin.beoblood.kz/uploads/320723306_1641068679629339_2718271139065512208_n_8c109d8882.jpg" alt="320723306_1641068679629339_2718271139065512208_n.jpg">

 Қызылордада мұғалімдер арасында қазақ күресінен турнир өтті

<a href="https://kyzylorda-news.kz/">Kyzylorda-news.kz.</a> ҚР Индустрия және инфрақұрылымдық даму министрлігі республикадағы жергілікті жолдары үздік өңірлерді атады, деп хабарлайды баспасөз орталығы.&nbsp;Биыл еліміздегі 4,6 мың шақырымдай жергілікті автожол жөндеудің барлық түрімен қамтылып, оның 2,6 мың шақырымында тиісті жұмыстар аяқталды. Осы мақсатқа 372 млрд теңге бөлінген.Қазақстанда өңірлердің ішіндегі жол инфрақұрылымын дамыту үшін 486 жоба іске асырылып жатыр. Оның ішінде 391 жоба бойынша күрделі және орташа жөндеу жұмыстары қолға алынса, жаңғырту мен тұтастай құрылысқа байланысты 95 жоба жүзеге асырылып келеді. Осы жылдың аяғына дейін автомобиль жолдарын жөндеуге байланысты 164 жобаны, сондай-ақ жолды салып, жаңғырту бойынша 6 жобаны соңына дейін жеткізу межеленіп отыр.&nbsp;<blockquote>«Солтүстік Қазақстан облысындағы Лавровка – Чкалово автомобиль жолының 160-168 шақырымдай аралығын жаңғырту мен Қызылорда облысындағы Әйтеке би – Басықара аудандық маңыздағы көлік жолындағы көпірді жөндеуге байланысты жұмыстар аяқталуға жақын. Сондай-ақ Шымкенттегі шығыс айналма жолында жүргізіліп жатқан құрылыстың 1 кезеңі тәмамдалып қалды», - деді ИИДМ Автомобиль жолдары комитетінің өкілдері.</blockquote>Бұдан бөлек биыл Алматыдағы Абай даңғылының жалғасын абаттандыру бойынша да жұмыстар соңына дейін жеткізілмек. Бұл ретте аталған даңғыл Мемлекет басшысының тапсырмасына сәйкес іске асырылып жатқан Үлкен Алматы айналма автомобиль жолының 6 радиалды тармағының бірі саналатынын айта кеткен орынды. Жүргізілген жұмыстардың қорытындысы бойынша еліміздегі жергілікті жолдар желісінің нормативтік жағдайы жыл соңына дейін 85%-ға жеткізіледі деп көзделіп отыр. Осы орайда өңірлерге де байланысты алдын ала қорытындылар шығарылыпты.«Алдын ала жасалған қорытындыға сүйенсек, жергілікті жолдардың жағдайы Маңғыстау (95%), Жамбыл (95%) және Алматы (91%) облыстарында жақсы. Ал сапасы көңіл көншітпейтіндей жолдар Батыс Қазақстан (39%), Ақтөбе (66%) және Атырау (70%) облыстарына тиесілі», деп нақтылады Автомобиль жолдары комитетінің өкілдері. &nbsp;

Жергілікті жолдарының сапасы жоғары өңірлер белгілі болды

<a href="https://kyzylorda-news.kz/">Kyzylorda-news.kz.</a> Қаржы министрінің 2022 жылғы 22 ақпандағы бұйрығына сәйкес бір қорап темекінің ең төменгі бағасы 40 теңгеге қымбаттайды, деп хабарлайды <a href="https://egemen.kz/article/331311-qazaqstanda-temeki-baghasy-qymbattaydy">Egemen.kz</a>.2023 жылдың 1 қаңтарынан бастап сүзгісі бар 20 темекінің, сүзгісіз темекінің, қыздырылған темекі өнімдерінің ең төменгі бөлшек сауда бағасы 630 теңге болады.Енді темекінің бөлшек саудадағы ең төменгі бағасы 590 теңгені құрайтын болады.Айта кетейік, Қазақстанда темекі бағасы жылына екі рет көтеріледі.

Қазақстанда темекі бағасы қымбаттайды

<a href="https://kyzylorda-news.kz/">Kyzylorda-news.kz.</a> Ұлттық банк Koshpendi Sadagy коллекциялық монеталарын айналымға шығарады.Монеталардың сатылымға түсетін күніне қатысты ақпарат ҚҰБ-тың ресми сайтында қосымша жарияланады.ҰБ мәліметінше, Koshpendi Sadagy коллекциялық монеталары күмістен (алтын жалатылған) жасалған. Массасы 31,1 грамм, диаметрі 38,61 миллиметр, дайындау сапасы proof, номиналы 500 теңгелік, таралымы 5 000 дана.<blockquote>«Koshpendi Sadagy монетасының реверсінде садақ атып тұрған көшпенді жауынгердің бейнесі орналасқан. Ал монетаның жоғарғы бөлігінде көшпенділер қаруының символы ретінде ұшып бара жатқан жебелер көрсетілген. Монета аверсінің орталық бөлігінде Қазақстанның мемлекеттік елтаңбасы бейнеленген. Бұл қорғаныс қалқанының аллегориясын білдіреді. Елтаңбаның айналасында ою-өрнек пен мемлекеттік және ағылшын тілдеріндегі QAZAQSTAN RESPÝBLIKASY және REPUBLIC OF KAZAKHSTAN жазулары, ҚҰБ логотипі және монета номиналының, дайындау металының, сынама мен массаның белгілері орналасқан», - делінген хабарламада.</blockquote>Ежелден садақ көшпенділердің негізгі қаруы ретінде қолданылып, спорттық және бәсекелестік рухтың нышаны саналған.Коллекциялық монеталар Қазақстан Республикасының бүкіл аумағында төлемдердің барлық түрі бойынша, сондай-ақ банктік шоттарға аударуға және еліміздің барлық банктерінде аудару, айырбастау үшін олардың атаулы құны бойынша қабылдануға міндетті.Күмістен жасалған монеталар мемлекеттік, орыс және ағылшын тілдерінде ҰБК сапа сертификаттары бар кәдесый қаптамасында шығарылады. Коллекциялық монеталар Қазақстандық теңге сарайында жасалған.<a href="https://massaget.kz/basty-zhaalytar-438/76026/">massaget.kz</a>

Қазақстанда айналымға жаңа ерекше коллекциялық монета шығады

<a href="https://kyzylorda-news.kz/">Kyzylorda-news.kz.</a> Синоптиктер 24-26 желтоқсанға арналған ауа райы болжамын жариялады.Алдағы үш күнде Қазақстанның басым бөлігі жоғары атмосфералық қысым алқабы ықпалында болады, сондықтан жауын-шашын болмайды. Атлантикалық циклон жырасымен тек еліміздің солтүстік және шығыс өңірлерінде қар, бұрқасын және жел күшейеді, 24 желтоқсанда күндіз республиканың солтүстігінде көктайғақ болады.Еліміздің оңтүстігі мен оңтүстік-шығысында тұманды. Ауа температурасы түнде батыста 3-8 аяздан 8-13 аязға дейін, солтүстік, солтүстік-батыс және орталықта 5-13 аяздан 10-25 аязға дейін төмендейді, шығыста 15-23 аяздан 10-18 аязға дейін, оңтүстік және оңтүстік-шығыста 5-25 аяздан 0-15 аязға дейін біртіндеп жоғарылайды.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапары аясында Премьер-министр Әлихан Смайылов өңірдің негізгі инфрақұрылымдық нысандарының жұмысын тексерді, деп хабарлайды <a href="https://primeminister.kz/kz/news/alihan-smayylov-kyzylordada-zhana-zheo-kurylysynyn-zhobasymen-tanysty-23112826">primeminister.kz</a>.Атап айтқанда, Әлихан Смайылов Қызылордада 67 МВт электр қуаты мен 341 Гкал/сағ жылу энергиясын өндіретін ЖЭО-да болды. Сондай-ақ ол оңтүстік өңірлерді үздіксіз қуат көздерімен қамтамасыз етуге мүмкіндік беретін жалпы қуаттылығы 240 МВт және 277 Гкал/сағ болатын жаңа жылу электр орталығының құрылыс жобасымен танысты. Шетелдік инвестициялар есебінен іске асырылып жатқан жобаны 2025 жылы пайдалануға беру жоспарлануда.&nbsp;Премьер-министр жұмыс істеп тұрған ЖЭО өткен ғасырдың 60-шы жылдары салынғандықтан, тозығы жеткенін атап өтті. Сонымен қатар Мемлекет басшысының тапсырмасы бойынша 2025 жылға дейін оңтүстік өңірлерде бу-газ қондырғыларын салу бойынша бірқатар жоба іске асырылады.Ел экономикасы дамуымен қатар өнеркәсіптік және әлеуметтік нысандар да көптеп іске қосылуда, сондықтан қосымша энергия көздерін жедел іске қосу қажет. Осы міндеттер аясында Қызылорда облысында жаңа ЖЭО салынады. Бұл жобаны да уақытылы аяқтау керек, — деп атап өтті Әлихан Смайылов.Үкімет басшысының айтуынша, Қызылорда облысындағы тозығы жеткен электр желілерінің мәселесін де шұғыл түрде шешу керек, өйткені олардың техникалық жай-күйі өңір тұрғындары мен өнеркәсіптік объектілерін электр қуатымен қамтамасыз ету сапасына тікелей әсер етеді.Сондай-ақ Үкімет басшысы Сырдария өзенінің арнасында орналасқан Қызылорда су торабының жұмысымен танысты. Оның негізгі қызметі өзендегі су ағынын реттеу және Қызылорда қаласы, Сырдария, Жалағаш және Қармақшы аудандарының аумағында орналасқан 110 мың га суармалы жерді, 250 мың га шабындық жер мен жайылымдарды сумен жабдықтау болып табылады. 2020 жылы ҚР Үкіметінің қаулысына сәйкес гидроторапты кешенді қайта құру басталды, оны келесі жылы аяқтау жоспарлануда.Премьер-Министр қазіргі уақытта Су саласын дамытудың 2023-2025 жылдарға арналған кешенді жоспарын әзірлеу аяқталуға жақын қалғанын, оны іске асыру инвестициялар тартуға және бірінші кезектегі проблемалық мәселелерді шешуге мүмкіндік беретінін атап өтті.Сондай-ақ Әлихан Смайылов шекаралас елдермен жүргізілген келіссөздерден кейін биыл өңірде су тапшылығын төмендетуге мүмкіндіктер жасалғанын айтты. Сонымен қатар каналдарды тазарту және гидротехникалық құрылыстарды жөндеу жұмыстары жүргізілді, нәтижесінде егіс алқаптары толығымен суармалы сумен қамтамасыз етілді.&nbsp;Алдағы вегетациялық кезеңде ауыл шаруашылығы тауарын өндірушілерді суармалы сумен қамтамасыз ету жөніндегі шаралар да қарастырылған. Белгіленген су лимитін алу бойынша келіссөздер жалғасады.<figure class="image"><img src="https://knadmin.beoblood.kz/uploads/Untitled_63376045fa.jpg" alt="Untitled.jpg"></figure><figure class="image"><img src="https://knadmin.beoblood.kz/uploads/Untitled_1_4b67d55115.jpg" alt="Untitled (1).jpg"></figure><figure class="image"><img src="https://knadmin.beoblood.kz/uploads/Untitled_2_47ef100c23.jpg" alt="Untitled (2).jpg"></figure><figure class="image"><img src="https://knadmin.beoblood.kz/uploads/Untitled_3_ab067b5335.jpg" alt="Untitled (3).jpg"></figure><figure class="image"><img src="https://knadmin.beoblood.kz/uploads/Untitled_4_6c5d5a06cc.jpg" alt="Untitled (4).jpg"></figure>

Қазақстан және Қызылорда облысының жаңалықтары