<a href="https://kyzylorda-news.kz/">Kyzylorda-news.kz.</a> «Қару» іс-шарасы барысында Қызылорда облысы тұрғынының көлігінен тіркелмеген мылтық пен патрон тәркіленді.Сараптама қорытындысына сәйкес, Модель Б маркалы, 16 калибрлі, ұңғысы шолақ кесілген аңшы мылтығы екені анықталып, атуға жарамды екендігі бекітілген. ​ Қазіргі уақытта осы факт бойынша ҚР ҚК-нің 287-бабының 3-бөлігімен (Атыс қаруын (тегiс ұңғылы аңшылық қаруынан басқа), оқ-дәрiлердi, жарылғыш заттарды немесе жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) сотқа дейінгі тергеп-тексеру жүргізіліп жатыр. Оқиғаның мән-жайы анықталады.

Қызылордалықтың көлігінен тіркелмеген мылтық пен патрон табылды

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайылов өңірдің әлеуметтік-экономикалық даму барысымен танысып, өзекті проблемалық мәселелерді шешу және негізгі инфрақұрылымдық, өнеркәсіптік және әлеуметтік нысандарды аралау үшін жұмыс сапарымен Қызылорда облысына келді.Әлихан Смайылов жалпы қуаты 197 мың тоннадан асатын «Orda Glass Ltd» шыны өндіру зауытының жұмысымен танысты. Кәсіпорын биылғы қазан айында «Қазақстандықтардың әл-ауқатын арттыруға бағытталған орнықты экономикалық өсу» ұлттық жобасы аясында іске қосылды. Мемлекеттік қолдау шаралары ретінде оған қажетті инженерлік инфрақұрылым (электр энергиясы, су, кәріз, газ, байланыс желісі), авто және темір жолдар жүргізілді. Қазіргі уақытта зауытта 370 адам жұмыс істейді. Өнім республиканың басқа өңірлеріне жіберіледі, экспортқа шығару жоспарда бар.Премьер-Министр шыны зауытының іске қосылуы Қызылорда облысында ғана емес, бүкіл Қазақстан бойынша құрылыс индустриясының дамуына серпін беретінін атап өтті.<blockquote>«Мұндай өндірістер құрылыс шығындарын және импортқа тәуелділікті айтарлықтай төмендетуге мүмкіндік береді. Биыл өнеркәсіпте 160 жаңа жоба іске қосылды. Үкімет өз тарапынан осындай кәсіпорындарға барлық қажетті көмек көрсетуді жалғастыруға дайын», - деді Әлихан Смайылов.&nbsp;</blockquote>Әрі қарай Премьер-Министр қуаты жылына 33 мың тоннадан асатын «Мағжан және К» ЖШС күріш өңдеу зауытында болды. Кәсіпорын заманауи жоғары технологиялық құрал-жабдықтармен жабдықталған және бірыңғай автоматтандырылған жүйе арқылы басқарылады.&nbsp; Сонымен қатар Үкімет басшысы ішкі нарыққа және ішінара экспортқа жіберілетін йодталған техникалық және ас тұзын өндіретін «Ассоль» зауытында болды. 2021 жылы компания өнімдер мен қызметтердің сапасы бойынша ҚР Президентінің «Алтын Сапа» сыйлығының жеңімпазы болып танылған.Әлихан Смайылов Қызылорда облысының республика бойынша күріштің негізгі өндірушісі екенін (90%) және тұз өндіру бойынша да жетекші орында (97%) тұрғанын атап өтті. Биыл өңірдің АӨК саласына құйылған инвестициялары 8,5%-ға өсті, 250 жаңа жоба іске асырылып жатыр. Осы орайда, Үкімет басшының айтуынша, еліміз өзін азық-түлік тауарларымен толық қамтамасыз етуі керек. Осыған ұмтылуымыз керек.Үкімет басшысы өңірдің ауыл шаруашылығы құрылымдарының басшыларымен кездесу өткізді. Аграрийлер саланың бірқатар мәселесін, соның ішінде суармалы сумен қамтамасыз ету және күріш өсірушілердің заманауи ауыл шаруашылығы техникасына қолжетімділігін кеңейту мәселелерін атап өтті. Әлихан Смайылов ауыл шаруашылығы тауарын өндірушілерді мұқият тыңдап, АӨК-тің проблемалық мәселелерін шешу Үкіметтің назарында екенін атап өтті.<blockquote>«Мемлекет ауыл шаруашылығы саласына үлкен қаржылық қолдау көрсетеді. Дегенмен өндірушілер де өз тарапынан халыққа сапалы және қолжетімді азық-түлік тауарларын ұсынуы қажет», - деді Премьер-Министр.</blockquote><figure class="image"><img src="https://knadmin.beoblood.kz/uploads/321191002_875327467145550_4654614714014772636_n_c888403e74.jpg" alt="321191002_875327467145550_4654614714014772636_n.jpg"></figure><figure class="image"><img src="https://knadmin.beoblood.kz/uploads/321298449_535054308666231_9113877187829732528_n_8f895ff148.jpg" alt="321298449_535054308666231_9113877187829732528_n.jpg"></figure><figure class="image"><img src="https://knadmin.beoblood.kz/uploads/321375053_869097657617418_8842666088409476817_n_20a0c316fa.jpg" alt="321375053_869097657617418_8842666088409476817_n.jpg"></figure>

Әлихан Смайылов: Өндірушілер халыққа сапалы және қолжетімді азық-түлік тауарларын ұсынуы қажет

<a href="https://kyzylorda-news.kz/">Kyzylorda-news.kz.</a> Бүгін Қызылорда облысына жұмыс сапарымен ҚР Премьер-министрі Әлихан Смайылов келді.&nbsp;Үкімет басшысы ең алдымен шыны зауытына барды.Жылына 197 мың тонна өнім шығаруға қабілетті шыны зауыты іске қосылып, қазан айынан бастап алғашқы өнім шығарды. Бүгінде 17 мың тонна шыны Астана, Алматы, Шымкент қалаларына жөнелтілді, алдағы уақытта өнімді Өзбекстанға экспорттау жоспарлануда. Биылғы жылы шамамен 30 мың тоннаға жуық шыны шығару жоспарлануда.

Үкімет басшысы Қызылорда облысына келді  

<a href="https://kyzylorda-news.kz/">Kyzylorda-news.kz.</a> 2022 жылғы 22 желтоқсанда мобильді байланыстың бесінші буыны (5G) үшін радиожиіліктерге ашық аукцион өткізілді. Онлайн сауда &nbsp;«gosreestr.kz» электрондық сауда-алаңында ұйымдастырылды, деп хабарлайды ҚР Цифрлық даму, инновациялар және аэроғарыш өнеркәсібі министрлігінің баспасөз қызметі.Қатысушылар 5G технологиясына арналған 3600-3700 МГЦ (100 МГЦ) радиожиілік жолақтары бойынша бәсекеге түсті. Аукционның алғашқы бағасы 1 761 225 000 теңгеден басталды.Онлайн сауда-саттық, аукционның ашық өтуіне септігін тигізе отырып, қатысушылардың арасындағы бәсекелестік ортаны қалыптастырды. Аукцион талаптарына сәйкес келетін ұйымдар ашық онлайн саудаға қатыса алды.Нәтижесінде, радиожиілік жолақтары үшін сауда-саттық (аукцион) барысындағы баға 62 669 775 351 теңгеге дейін көтеріліп, жеңімпаз болып «Мобайл Телеком Сервис» ЖШС («Теле 2» және «Алтел» бренді) және «Кселл» АҚ («Кселл» және «Актив» бренді) тұратын консорциум анықталды.Жоғарыда аталған аукционның жеңімпазына республикалық маңызы бар қалаларда және облыс орталықтарында мобильді байланыстың бесінші буынын (5G/IMT) енгізу және дамыту бойынша міндеттемелер жүктеледі.Міндеттемелерге сәйкес, аукцион жеңімпазы кезең-кезеңімен жалпы саны 3527 базалық станцияны іске қосуы керек. 2027 жылға қарай республикалық маңызы бар қалалардың 75%-ы, облыс орталықтарының 60%-ы 5G технологиясымен қамтамасыз етіледі деп күтілуде.Сондай-ақ, 5G технологиясы мемлекет пен бизнес үшін Интернет сервистерін дамыту тиімділіктеріне ие, бұл елдегі цифрландыру қарқынын айтарлықтай жеделдетеді.5G желісінің негізгі пайдаланушылары - қарапайым абоненттерден бастап, &nbsp;интернеттің жоғары жылдамдығын қажет ететін ірі бизнес өкілдері болады.Ал, ертең, 2022 жылғы 23 желтоқсанда &nbsp;5G технологиясына арналған 3700-3800 МГЦ (100 МГЦ) радиожиілігі үшін 2 лот бойынша аукцион өткізіледі. &nbsp;<img src="https://knadmin.beoblood.kz/uploads/058f30c86ecb24ca33ebc0ed2c35d5b4_1280x720_90cb6b6088.jpg" alt="058f30c86ecb24ca33ebc0ed2c35d5b4_1280x720.jpg">

2027 жылға дейін облыс орталықтарының 60%-ы 5G технологиясымен қамтамасыз етіледі

<a href="https://kyzylorda-news.kz/">Kyzylorda-news.kz.</a> Қызылорда облысында аққуды ұстап, өлтірген адам анықталды.22 желтоқсанда әлеуметтік желіде аққуды ұстап, өлтірген адам туралы бейнежазба жарияланды. Осыған байланысты облыстық полиция департаменті тарапынан жедел түрде тексеру жұмыстары жүргізілді.<blockquote>«Оқиға бойынша осы күнге дейін Полиция департаментіне тіркелмеген. Бейнежазбадан соң іс материалдары Сырдария аудандық полиция бөлімінің «Ақпаратты есепке алу кітабына» тіркелді. Нәтижесінде бейнежазбадағы облыстың 26 жастағы тұрғыны анықталып, полиция бөліміне жеткізілді. Тексеру барысында, аталған оқиғаның 2013 жылы балық аулау кезінде күріштіктің каналының жағасында болғаны, бейнежазбаға түсірілгендігі анықталды», - деп мәлім етті Қызылорда облыстық полиция департаментінің баспасөз қызметі.</blockquote>Ведомство мәліметінше, тексеру қорытындысына қарай оның іс-әрекетіне құқықтық баға беріліп, түпкілікті шешім шығарылады.

Қызылордада аққуды өлтірген адам анықталды

<a href="https://kyzylorda-news.kz/">Kyzylorda-news.kz.</a> Алашты әлемге танытқан қазақ әдебиетінің классигі, Абайтану ғылымының негізін салушы &nbsp;Мұхтар Әуезовтің 125 жылдық мерейтойына орай өткізілген «Сөздің кені, ойдың кемелі» атты жыр додасы өз мәресіне жетті.&nbsp;Айтыстың ақтаңгері Аманжол Әлтаев тізгіндеп, Елена Әбдіхалықова, Ақберен Елгезек, Бауыржан Халиолла, Ұларбек Нұрғалымұлы, Мұхтар Ниязовтар қазақтың қақындары қазылық еткен байқау нәтижесінде Темірбек Жүргенов атындағы арнайы жүлде ұстаз, ақын Ержеңіс Тастыбай Әбді мен Тілеген Әділовке, Бибігүл Жаппасбаева атындағы арнайы жүлде қармақшылық Сырым Әділбековке бұйырды.Жүлделі ІІІ орынды жуырда ғана Алтын домбыра сайысында халық қошеметіне бөленген Сырдың қызы Мөлдір Айтбай мен белгілі айтыскер Шұғайып Сезімхан иеленсе, ІІ орынды өз қолтаңбасын қалыптастырып келе жатқан жас ақын Бексұлтан Орынбасар арқалы ақын Айбек Қалиевпен бөлісті. І орынды талай аламанда Сыр елінің абыройын асқақтатқан Мейірбек Сұлтанхан жеңіп алса, Алаштың арынды ақындарының бірі Рүстем Қайыртайұлы бас жүлдеге лайық деп танылды.<figure class="image"><img src="https://knadmin.beoblood.kz/uploads/321625901_1090864238252788_6156125332328574134_n_931b4a69c6.jpg" alt="321625901_1090864238252788_6156125332328574134_n.jpg"></figure><figure class="image"><img src="https://knadmin.beoblood.kz/uploads/321548738_471144325209544_4918047384342164864_n_697882d827.jpg" alt="321548738_471144325209544_4918047384342164864_n.jpg"></figure><figure class="image"><img src="https://knadmin.beoblood.kz/uploads/321570476_546145030753994_8547935950123690197_n_e6827a02c3.jpg" alt="321570476_546145030753994_8547935950123690197_n.jpg"></figure>

Қызылордада ақындар айтысы өтті

<a href="https://kyzylorda-news.kz/">Kyzylorda-news.kz.</a> Жыл сайын желтоқсан айының үшінші жексенбісі – энергетиктер күні болып белгіленген.Энергетика саласы – әлеуметтік сала мен индустрияны алға жылжытушы күш, әрі экономиканың алтын өзегі, локомотиві және негізгі діңгегі.Бұл саладағы биылғы жылдың басты жаңалығы - оңтүстік өңірлерді үздіксіз электр энергиясымен қамтамасыз ету туралы Мемлекет басшысының тапсырмасына сәйкес, Қызылорда қаласында құны 215 млрд.теңгеден асатын қуаттылығы 240 мегаватт электр энергиясын беретін жаңа жылу электр орталығын салу қолға алынды.Облыс әкімі Нұрлыбек Нәлібаевтың тапсырмасымен бастау алған жоба «Акса Энерджи» түрік компаниясының инвестициясы есебінен салынады. Нәтижесінде, аймағымыз электр энергиясына тәуелділіктен арылып, өңіріміздің энергия қауіпсіздігі сақталатын болады.Облыс әкімі мен инвестордың қатысуымен Қызылорда жылу электр орталығы аумағында арнайы капсула салу шарасы өткізілді.Мереке қарсаңында облыс әкімінің орынбасары Мархабат Жайымбетұлы өңірдің энергетика саласының дамуына үлес қосып жүрген азаматтармен кездесіп, аймақ басшысының құттықтауын жеткізді.Кездесуде Қызылорда облысының Құрмет грамотасымен «Қазақэнергиясараптама-Қызылорда» ЖШС-нің бас директоры Жанат Темірбаев, ҚР Энергетика министрлігінің «Еңбек сіңірген энергетик» төсбелгісімен «Қызылорда электр тарату тораптары компаниясы» Акционерлік қоғамының басқарма төрағасы Батыржан Көмекбайұлы «Қызылордажылуэлектрорталығы» МКК-ны, слесарі Жалғас Серікбайұлы және бірқатар азаматтар мемлекеттік наградалармен марапатталды.«Электр желілерін басқару жөніндегі Қазақстан компаниясы» АҚ-ның қосалқы станциялар қызметінің шебері Наурыз Әмірұлы, «Қызылорда газ тарату жүйесі» КМК-ң Қармақшы аудандық газ шаруашылығының басшысы Ержан Темірбекұлы да марапат төрінен көрінді.<img src="https://knadmin.beoblood.kz/uploads/321679803_628940898981476_5608628974329285747_n_ffb664bb52.jpg" alt="321679803_628940898981476_5608628974329285747_n.jpg"><img src="https://knadmin.beoblood.kz/uploads/321443325_560912718805696_6107235524215272247_n_0307c8ce5e.jpg" alt="321443325_560912718805696_6107235524215272247_n.jpg">

Қызылордалық энергетиктер кәсіби мерекелерін атап өтті

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК-сы бүгінгі ауа райы болжамын жариялады.Атлантикалық циклонның терең жырасы мен атмосфералық фронталды бөліктердің өтуіне байланысты Қазақстанның басым бөлігінде жаяу бұрқасын соғып, қар жауады, түнде шығыстың таулы аудандарында қалың қар түседі. Солтүстік-батыс антициклон жотасының әсерінен, еліміздің солтүстік-батысында, оңтүстік-батысында және орталығында күн жауын-шашынсыз болады.Республикамыздың солтүстік-батысында, оңтүстігінде, оңтүстік-шығысында тұман түсіп, батыста, оңтүстік-шығыста - көктайғақ, Қазақстанның солтүстігінде, батыс және оңтүстігінде жел күшейіп, бұрқасын күтіледі.

Қазгидромет бүгінгі ауа райы болжамын жариялады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаевтың Өзбекстанға барған мемлекеттік сапарының ресми делегациясының құрамында Қызылорда облысының әкімі Нұрлыбек Нәлібаев болды.Екі күндік сапардың алғашқы күнінде аймақ басшысы Нұрлыбек Нәлібаев бастаған облыстық делегация Қазақстан-Өзбекстан өңіраралық бизнес форумына қатысты.Бизнес форумға өңір атынан Байқоңыр әлеуметтік-кәсіпкерлік корпорациясының басқарма төрағасы Самат Ерниязов, "Абзал және К" директоры Абзал Ералиев, "Дана" ЖШС директоры Мамадияр Қадырбеков, "CT Solutions" және «Frac Jet» компанияларының директоры Аслан Орынғалиев пен «Агрохимсервис» ЖШС Сергей Ким барды.Бүгінде Қызылорда өңірі мен Науаи облысы арасында ынтымақтастықты одан әрі дамыту, инвестициялық мүмкіндіктерді кеңейту, тауар айналымын ұлғайту арқылы жаңа жобаларды іске асыруда ортақ мүдде бар.Форум аясында қызылордалық кәсіпкерлер су үнемдеу технологияларын енгізу, минералды тыңайтқыштарды сатып алу және ауыл шаруашылығы техникаларын шығаратын бірлескен кәсіпорын құру, күріш өсіру және әртараптандыру бағытында бірлескен жұмыстарды пысықтады.Басқосуда қызылордалық делегация мүшелері су реттеу мәселелері және ауыл шаруашылығы бағытында өзара келісімге келді. Мұнан бөлек, «Frac Jet» компаниясының директоры Аслан Орынғалиев Өзбекстандағы ірі сауда желілеріне өнім жеткізу бағытында меморандумға қол қойды.Жұмыс сапардың екінші күні Мемлекет басшыларының қатысуымен кеңейтілген құрамда екіжақты келіссөз жүргізілді. Басқосуда Қазақстан Республикасының Президенті мен Өзбекстан Республикасы Президентінің алдында облыс әкімі Нұрлыбек Нәлібаев пен Науаи облысының хокимі Нормат Тұрсунов екіжақты ынтымақтастықты дамытуды көздейтін арнайы Жол картаға қол қойды.Аталған Жол карта екі өңір арасындағы әріптестік байланысты күшейтіп, сауда-экономикалық ынтымақтастықты одан әрі нығайтып, жаңа жобаларды жүзеге асыруға жол ашады. Өңірлердің инвестициялық және туристік әлеуетін көтеретін, мал шаруашылығын дамытатын ортақ жобалар да Картада қамтылған. &nbsp;Айта кетейік, Түркістан және Қызылорда облыстарымен шекаралас аймақ Өзбекстан Республикасының ірі өнеркәсіптік орталығы саналып, мемлекет экономикасында маңызды рөл атқарады. Науаи облысы өнеркәсібінің жетекші салалары тау-кен, металлургия, химия, энергетика, машина жасау, тоқыма және құрылыс материалдарын өндіруде әлеуеті мол.<figure class="image"><img src="https://knadmin.beoblood.kz/uploads/Whats_App_Image_2022_12_22_at_17_32_06_9b04964a9a.jpeg" alt="WhatsApp Image 2022-12-22 at 17.32.06.jpeg"></figure>

Қызылорда мен Науаи облыстары арасындағы ынтымақтастықты кеңейту жол картасына қол қойылды

<a href="https://kyzylorda-news.kz/">Kyzylorda-news.kz.</a> Қызылорда қаласындағы ақыл-есінде ауытқуы бар азаматтарды оңалту орталығынан шу шықты. Мекемеде ем алып жатқан науқастардың туыстары қызметкерлердің дөрекілігіне шағымданып отыр. Тіпті психикалық дертке шалдыққан жандарды мамандар ұрып, соққыға жығатын көрінеді, деп хабарлайды <a href="https://stan.kz/deneleri-kogerip-zhuredi-naukastin-biri-kaship-ketken-k-375143/">Stan.kz</a>.Жүйке жүйесі ауруына шалдыққан жандарды оңалтуға арналған орталық Талсуат елді-мекенінде орналасқан. Мекеме Қызылорда облыстық жұмыспен қамту және әлеуметтік бағдарламалар басқармасының теңгерімінде. Әдетте мұнда ем ұзақ уақытқа созылады. Науқастар арнайы жолдама арқылы жатқызылып, мамандардың бақылауымен кешенді ем қабылдайды. Туыстарының айтуынша, орталыққа жатқаннан науқастардың жағдайы жақсара қоймайды екен.<blockquote>«Менің інім он жылдан бері психикалық дерті бойынша есепке алынған. Ұдайы дәрі қабылдап жүреді. Жыл сайын Талсуаттағы оңалту орталығына жатады. Бірақ артынан барған кезде үйге қайтқысы келетінін айтып, қызметкерлерге шағымданады. Өткен жылдары денесінің көгерген тұстары болды. Қызметкерлерінен сұрасақ, өзі құлап қалғанын айтады. Беріп отырған тағамдары да құнарсыз. Бұл жағдай қашанға дейін жалғасатыны белгісіз», - дейді Қызылорда қаласының Майра есімді тұрғыны.&nbsp;</blockquote>Расымен, оңалту орталығына қатысты шағым әлеуметтік желілерде де көбейген. 12 желтоқсан күні мекемеден психикалық дертке шалдыққан науқас қашып кеткен болатын. Азаматтың мәйіті теміржол бойынан табылған еді. Төтенше жағдайдан кейін орталықтың директоры мен бірқатар мамандары қызметінен босатылды. Бүгінгі күні қылмыстық іс тергеліп жатыр. Оқыс жағдай мамандардың Жаңа жылдық сыйақыдан қағылуына да әсер етті. Ал жоғарыда көрсетілген фотоларға қатысты тиісті мекеме жауап берді. Жауапты басқарма науқастар дене жарақаттарын өз-өздері салатынын айтады.<blockquote>«Орталықтың жұмысына бақылау үнемі жүргізіліп отырады. Қызмет алушылардың психикалық мінез-құлығының жиі өзгеруі өздеріне немесе айналасындағыларға қол жұмсауына әкеледі. Қызметкерлерге әл бермей кететін жағдайлар да орын алады. Тиісінше дер кезінде журналға тіркеліп, мамандармен дәрігерлік және психологиялық көмек көрсету жұмыстар жүргізіледі. Әлеуметтік желідегі ақпараттағы сурет қызмет алушының психикалық мінез-құлқы өзгеруіне байланысты алған жарақаттардың ескі суреті. Мониторинг жүргізу кезінде бұндай жағдай орын алмаған. Орталықта &nbsp;12 желтоқсанында орын алған оқиғаға байланысты орталық директоры және 5 жауапты қызметкерлер жұмыстан босатылды», - деп мәлімдеді Қызылорда облыстық жұмыспен қамту және әлеуметтік бағдарламалар басқармасының өкілді.&nbsp;</blockquote><figure class="image"><img src="https://knadmin.beoblood.kz/uploads/full_1671700209748780624698ad40e793c232ec18ac38_webp_16fc0ad460.webp" alt="full_1671700209748780624698ad40e793c232ec18ac38_webp.webp"></figure>

«Өзі құлап қалды дейді»: Қызылордада ақыл-есі кем азаматтарды оңалту орталығына қатысты шағым көбейді

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасы жанындағы Агроөнеркәсіптік кешен комитетінің отырысына қатысушылар келер жылдан бастап халықтың табысын арттыру үшін берілетін 2,5 пайыздық несие, оған кәсіпкерлердің дайындығы, <a href="https://gosagro.kz/">https://gosagro.kz/</a> субсидиялаудың мемлекеттік ақпараттық жүйесін қарады.Шараға Кәсіпкерлер палатасының директоры Пірмұхаммед Сыздықов, облыстық ауылшаруашылығы және жер қатынастары басқармасының, «Аграрлық несие корпорациясы» АҚ Қызылорда облыстық филиалы мен «Байқоңыр» ӘКК» АҚ өкілдері, кәсіпкерлер қатысты.Облыстық ауылшаруашылығы және жер қатынастары басқармасының бөлім басшысы Дәулет Абдурасулов 2023 жылдың қаңтарынан <a href="https://qolday.kz/">https://qolday.kz/</a> сайтының жұмысы тоқтап, кәсіпкерлер мемлекеттік қолдауды <a href="https://gosagro.kz/">https://gosagro.kz/</a> субсидиялаудың мемлекеттік ақпараттық жүйесі арқылы алатынын жеткізді.<a href="https://gosagro.kz/">https://gosagro.kz/</a>-тің ерекшелігі – қызмет ауыл шаруашылығы тауарөндірушілеріне тегін көрсетіледі. Бұрынғы жүйеде ақылы көрсетілген.Дәулет Абдурасулов жаңа ақпараттық жүйе енді іске қосылып жатқанын, кемшіліктері бойынша бизнес өкілдерінің ұсыныстарын Кәсіпкерлер палатасы мамандарымен бірге жинақтап, жауапты ұйымға жолдайтынын айтты.<blockquote>«Жалпы субсидияға қатысты шаруалардың сұрақтары жеткілікті. Жаңа жүйенің жұмысына байланысты мәселе туындаған жағдайда агроөнеркәсіптік кешен комитетінде қарап, бағдарлама операторына жеткіземіз», – деді Палата директоры Пірмұхаммед Сыздықов.</blockquote>Отырыста халықтың кірісін арттыруға арналған мемлекеттік бағдарлама аясында берілетін 2,5 пайыздық несиені беру жолдары талқыланды.Президенттің Жолдау мен сайлауалды бағдарламасында айтқан халықтың кірісін арттыру туралы тапсырмасын орындау мақсатында келер жылдан бастап жаңа жоба жүзеге асырылады.Жоба аясында жалпы республика көлемінде жеңілдетілген несиеге 52,3 млрд теңге қаралған. Облыстың &nbsp;үлесі 3млрд теңге көлемінде.Палата жанындағы комитет отырысында кәсіпкерлерге жеңілдетілген несие беру талаптарының жобасы, қазірден бастап жасалатын дайындық шаралары түсіндірілді.Ауыл шаруашылығы саласында қызмет көрсететін кәсіпкерлер жоба шеңберінде берілетін жеңілдетілген несиенің көлемін арттыруды және ашықтығын, кепілге қойылатын жылжымайтын мүлікті бағалау коэффицентін көтеруді ұсынды.Сонымен бірге, кәсіпкерлер өз араларынан агроөнеркәсіптік кешен комитетінің төрағасын сайлады. Комитет мүшелерінің дауыс беруімен Өңірлік кеңес мүшесі, «Ақтөбе және К» ЖШС директоры Нұрлан Іздібаев &nbsp;комитет төрағасы болды.Айта кету керек, агроөнеркәсіп кешені комитетінің қарауына ұсыныс бергісі келген кәсіпкерлер Қызылорда облысы кәсіпкерлер палатасының бөлім бастығы Алма Пірмановаға 8 /7242/ 40-09-81 байланыс нөмірі арқылы хабарласа алады.&nbsp; &nbsp;<img src="https://knadmin.beoblood.kz/uploads/13_f7f64fbdf2.jpg" alt="13.jpg">

Қызылордалық кәсіпкерлер 2,5 пайызбен берілетін несиені алуға дайын ба?

<a href="https://kyzylorda-news.kz/">Kyzylorda-news.kz.</a> ҚР Индустрия және инфрақұрылымдық даму министрлігінің «Жол активтерінің ұлттық сапа орталығы» РМК өңірлердегі жол сапасының жағдайына байланысты халық арасында сауалнама жүргізіп жатыр.&nbsp;Құрметті қызылордалықтар! Сіздің «Аймақ жолдарының сапасына көңіліңіз тола ма?» сауалнамасынан қалыс қалмауға шақырамыз. Сауалнаманың нәтижесі сіздің өңірдегі жол сапасының жақсаруына өз әсерін тигізері анық. Сондықтан <a href="https://www.sapaortalygy.kz/kz/press-center/vote/vote_new.php?VOTE_ID=1">мына сілтемеге</a> өтіп, Қызылорда облысын таңдап, жол сапасына өз бағаңызды беріңіз. &nbsp;

Қазақстан және Қызылорда облысының жаңалықтары