<a href="https://kyzylorda-news.kz/">Kyzylorda-news.kz.</a> Қазалылықтар Албанияның Дуррес қаласында ауыр атлетикадан өткен Әлем чемпионатында өнер көрсеткен, оның ішінде жүлделі орыннан көрінген қайсар қыздары Таисия Алексеева мен Алтынай Тәңірбергенованы күтіп алды.Бүгінге дейін талай додада аудан, облыс қала берді ел намысын абыроймен қорғап жүрген ауыр атлетші арулардың қоржыны жүлдеден кенде емес. Ал бұған Таисия Алексеева жуырда Албанияның Дуррес қаласында өткен Әлем біріншілігінен күміс жүлдені қосты. Ал Алтынай Тәңірбергеноваға сәттілік жетіспеді. Сонда да болса әлі талай шыңнан көрінетін қайсар қыз мұнымен жігері мұқалмайтынын айтады.Қазалы халқы бас қосқан жиынға аудан әкімі аппаратының басшысы Ринад Тілеп арнайы барып, жерлестерімізбен мақтанатынын айтты.<blockquote>«Аудандағы спорт саласының деңгейі тым биікте. Оны мұндай дәрежеге жеткізген Сіздер секілді спортшыларымыз. Тек жеңістің шыңынан көрініп, аудан халқын қуанышқа кенелте беріңіздер», - деді Ринад Ібайдуллаұлы.</blockquote>Әрдайым бірін-бірі қолдап жүретін киелі жердің жұрты зілтемірші қыздардың әрқайсысына 250 мың теңге сыйақы мен гүл шоқтарын табыс етті. Одан бөлек, спортшылардың бапкері Азиз Жақсылыққа 17 олимпиадалық резервтің мамандандырылған балалар-жасөспірімдер мектебінің бір топ жаттықтырушылары шапан жауып, әрбір мықты спортшының артында білікті бапкер тұрғанын жеткізді.Мұнан ел мәртебесін көкке көтеріп, көк туымызды желбіреткен Таисияны өз ауылы, яғни Басықара халқы ыстық ықыласпен қарсы алды.

Қазалы: Жүлдегер зілтеміршіні күтіп алды

<a href="https://kyzylorda-news.kz/">Kyzylorda-news.kz.</a> Е.Бозғұлов атындағы №249 мектеп-лицейде аудан әкімі Мұхтар Оразбаевтың төрағалығымен құқық бұзушылық пен топтық төбелестің алдын алу мақсатында «Бала тәрбиесі – баршамызға ортақ» атты мәжіліс өтті.Жиынды ашып, жүргізіп отырған аудан басшысы ең әуелі басқосудың себебіне тоқталды. Яғни, отырыста аудандағы топтық төбелеске тосқауыл қойып, бала тәрбиесіне қатысты мәселелерді талқылау қажет екенін тілге тиек етіп, алғашқы сөзді аудан прокуроры Дарын Әбішке берді.<blockquote>– Баршамызға белгілі, 6 сәуір күні ауданда оқушылар арасында төбелес орын алды. Аталған оқиғаға қатысты әлі де тергеп-тексеру жұмыстары жүріп жатыр. Сондықтан қатысы бар адамдарға заңдылығына сай тиісті шара көріледі. Десе де, менің айтпағым бұл емес. Жастар әліде бұл жағдайға селсоқ қарап жүр. Сонда бір аптадан бері күн демей түндемей жүрген азаматтардың жұмысы қайда қалды. Еңбектері еш кеткені ме?! Осы ретте менің айтар ұсынысым- әр сынып жетекшісі әр баланың әлеуметтік даму паспортын жасау қажет. Сондай-ақ, ата-ана мен мұғалім бірлесе отырып, әлеуметтік желідегі чаттарда белсенді жұмыс жасауы қажет. Сосын «ауруын жасырған өледі» демекші, құқық бұзуға бейім балаларды тіркеуді бастайтын уақыт жетті. Оған қоса, қазір полиция мен мектеп арасында байланыс жоқ, үзілген. Сондықтан тығыз қатынаста болып, келеңсіз жайттардың алдын алу қажет. «Жұмыла көтерілген жүк жеңіл» демекші, сіз болып, біз болып әрекет жасамасақ, барлығын бір адамға артып қоюға болмайды, – деді Дарын Елтайұлы.</blockquote>Мұнан соңғы сөз кезегін алған Жанқожа батыр атындағы орталық мешіттің бас имамы Берік Мәдиұлы қоғамдағы әкелердің рөліне қатысты ой қозғады. Сондай-ақ, діни тұрғыда түрлі мысалдар мен оқиғаларды келтіріп, түсінік жасады.<blockquote>– Ұрпақ тәрбиесі – ұлт болашағы. Адамға бірінші білім емес, тәрбие берілу керек. Тәрбиесіз берілген білім адамзаттың қас жауы деген сөз бекерден-бекер айтпаған. Жаратқанның бізге берген аманаты – бала. Сондықтан бала тәрбиесіне ерекше көңіл бөлу қажет. Ел аман жұрт, тыныш болсын, – деді ауданның бас имамы.</blockquote>Сонымен қатар, басқосуда М.Горький атындағы №16 мектеп-лицейдің қамқоршылық кеңес төрағасы Ертай Қабылшаұлы, гуманитарлық-техникалық колледждің ата-аналары атынан Роза Зинединқызы ой қосты. Одан бөлек, ата-аналар мен ақсақалдар тарапынан түрлі ұсыныс-пікірлер айтылды.Аудан әкімі Мұхтар Оразбаев қорыта келе, бүгінгі ата-ананың бала тәрбиесін уыстан шығарып алғаны туралы айтты. Сондай-ақ, алдағы басты міндет - жасөспірімдердің арасындағы құқық бұзушылықтың алдын алу екеніне тоқталды.<blockquote>– Байқасақ қазір үлкендердің барлығы «біз кезінде әкемізден жасқанып тұрушы едік, әкең келе жатыр, әкеңе айтам деген сөз бізді тәрбиелеген еді. Ал, қазір керісінше. Балалар әкеден именбейді, анадан жасқанбайды» деп шағымданады. Бұған бірден-бір кедергі – көп ата-ана үшін тәрбие бірінші орында болмағандығы. Мойындау керек, қазір әлеуметтік желінің жетегінде жүрген бала көп. Дастархан басында да, жастықтың астында да сол ұялы телефон. Өкініштісі сол, мұндайда тоқтам қоятын ата-ананың да қатары азайып келеді, – деген аудан басшысы аудандық білім бөлімі, полиция бөлімі, қала, кент және ауылдық округ әкімдері, мәдениет және спорт бөлімі және басқада бірқатар бөлімдерге тапсырма жүктеді.</blockquote>Айта кетейік, жиынға аудандық мәслихат төрағасы, облыстық, аудандық мәслихат депутаттары, ардагерлер, кент, қала және ауылдық округ әкімдері, аудандық ардагерлер және қоғамдық кеңес мүшелері толық қатысты. Одан бөлек, құқық қорғау органдарының, мекеме-кәсіпорын басшылары, әйелдер кеңесінің төрайымдары, көше комитеттерінің төрағалары, зиялы қауым өкілдері, мектеп директорлары мен тәрбие ісі жөніндегі орынбасарлары, учаскелік полиция инспекторлары, колледж студенттері және білім саласының қызметкерлері, аудандық және қалалық жастар ресурстық орталығының басшылары қатысты.

Балаға қатал қадағалау қажет

<a href="https://kyzylorda-news.kz/">Kyzylorda-news.kz.</a>&nbsp; Айдынды Арал өлкесінің тарихына үңілер болсаңыз теңізбен тамырлас мекеннің төскейіндегі ауыл тіршілігінен де хабардар болғаныңыз жөн. &nbsp;Ендеше бүгінгі күні аудан орталығынан 150 шақырым қашықтықта орналасқан Бөген ауылдық округі жайында сөз қозғамақпыз. Атаулы ауылдық округ 1921 жылы бой көтеріп, құрамына Бөген және Қарашалаң елді мекенін кіргізеді. Жалпы ауылда 315 тұрғын үй болса, 1818 халық тұрады.Ауыл тұрғындарының негізгі тіршілігі – балық пен мал шаруашылығы болып отыр. Балық аулау маусымында «Бақыт» шаруа қожалығы, «Арал сервистік дайындау орталығы» ЖШС және де Қарашалаң елі мекеніндегі «Қарашалаң сервистік дайындау орталығы» ЖШС күніне қатарынан 50 тонна балық, сондай-ақ 400 тонна балық сақтайтын мұздатқыш цехтары жұмыс жасап келеді.Қай ауыл болмасын олардың негізгі кәсібі мал шаруашылығы екендігі белгілі. Ауылдық округ бойынша осы жылдың қараша айында 2460 бас мүйізді ірі қара, 3380 бас уақ мал, 1467 бас жылқы, сонымен бірге 424 бас түйе малы тіркелген екен. Олардың жалпы саны – 7731 құрап отыр. Оның ішінде биыл «Жасыл дәліз» бағдарламасы бойынша 90 бас мүйізді ірі қара және де 30 бас түйе тіркеуге алынған.Ауыл шаруашылығы дақылдарын егу жұмыстары бойынша округ көлемінде жүйелі жұмыстар жүргізіліп келеді екен. 13 ауыл тұрғыны 10 гектар жерге көкөніс дақылдарын егу жұмыстарын жүргізген. Сонымен қатар округте жаңа су айдау насосы пайдалануға берілді. Ендігі кезекте егін егу жұмыстарына қызығушылық білдіріп отырған ауыл тұрғындары бақша дақылдарын егуді қолға алмақ.Бүгінгі күні атаулы ауылдық округте «Тұщы-2» көлі мен Кіші Арал теңізі аралығында орналасқан Сарытерең (Арық) каналын қазу жұмыстары жүргізіліп келеді. Сонымен бірге аталған каналды қазу жұмыстарын Қазақстан Республикасы Экология, геология және табиғи ресурстар министрлігі Су Ресурстары Комитетінің «Қазсушар» шаруашылық жүргізу құқығындағы республикалық мемлекеттік кәсіпорынның Қызылорда облысы бойынша филиалы жүргізуде екен.Тағы айта кетерлік ақпарат, округке қарасты «Тікаша», «Домалақ», «Насос көлі» каналдарын қазу, тазарту жұмыстары өз мәресіне жеткен. Алдағы уақытта «Сафон» каналын қазу, сондай-ақ «Тәуір» бөгетін биіктету жұмыстары қолға алынбақ.Өңірдің өсіп-өркендеуінің басты себептерінің бірі – жол құрылысының сапасында екендігі анық. Бөген-Ақлақ бағытындағы өтпелі 20,52 шақырымды құрайтын автожолына жөндеу жұмыстары жүргізіліп келеді. Сонымен бірге бүгінде 12 шақырым жолға асфальт төселіп, Бөген-Аманөткел бағытындағы автожолдың &nbsp;бүлінген аумақтарына орташа жөндеу жұмыстары да жүріп жатыр.Бөген ауылдық округінде ел экономикасының дамуына үлес қосып жүрген жандар да баршылық. Мәселен ауылда жеке кәсіпкер Болатпек Алипов өз қаражаты есебінен балабақша құрылысын аяқтап, пайдалануға берді. Сонымен бірге жеке кәсіпкер Ғарифолла Смағұлов өз қаражаты есебінен 200 орындық мейрамхана құрылысын тәмәмдап, қалың көпшілікке пайдалануға берді. Сондай-ақ жеке кәсіпкер Б. Енсепова май құю бекетінің құжатын толық рәсімдеп, жұмыс істеуде. Айта кетейік, ауылдық округ бойынша 3 ауыл тұрғыны қайтарымсыз грант алып, қаржыландырылған болатын.Бөген ауылдық округінің даму барысымен де таныс болдық. Атаулы ауыл тынымсыз тіршілігінің арқасында ілгері дамып келеді. Тұрғындарға да мемлекет тарапынан берілетін мүмкіндіктер де баршылық екеніне тағы көзіміз жетті. Ендігі кезекте алдағы уақытта балық пен мал шаруашылығын тіршілік көзіне айналдырған ауыл тұрғындарының ел дамуына қосатын үлестері зор екендігіне сенеміз.

Аралдағы ауылда 400 тонна балық сақтайтын мұздатқыш цех бар

<a href="https://kyzylorda-news.kz/">Kyzylorda-news.kz.</a>&nbsp; Сыр өңіріндегі сапары барысында партия Хатшысы Эльдар Жұмағазиев облыстық және қалалық мәслихаттағы «AMANAT» партиясы депутаттық фракциясының мүшелерімен арнайы кездесті. Бұл туралы «AMANAT» партиясы облыстық филиалының баспасөз қызметі хабарлады.«AMANAT» партиясының Хатшысы Эльдар Жұмағазиев жиында алдымен фракция мүшелерін депутаттық мандаттарымен құттықтады.<blockquote>«Өздеріңізге белгілі, бұл сайлау бұрынғыдан өзгерек болды. Үміткерлеріміз партиялық тізіммен және мажоритарлық жүйе бойынша сайлауға түсті. Сайлаушылар қолдауымен «AMANAT» партиясы Мәжіліс пен жергілікті мәслихаттарда басым орындарды иеленді. Депутаттар корпусы біршама жаңарып, жаңа тұлғалар сайланды. Біздің партия үшін мемлекет пен халықтың мүддесі бәрінен биік. Сондықтан ел игілігі жолындағы жұмыстарыңызға сәттілік тілеймін», - деді партия Хатшысы Эльдар Жұмағазиев.</blockquote>Кездесу барысында фракция жұмысын жетілдіру, партияның алдағы 5 жылды қамтитын сайлауалды бағдарламасын тиімді іске асыру мәселелері талқыланды. Сонымен қатар ашық ойлар мен келелі ұсыныстар айтылып, депутаттар пікірлерін ортаға салды.&nbsp;&nbsp;

Партия алаңында фракция жұмысын жетілдіру мәселелері талқыланды

<a href="https://kyzylorda-news.kz/">Kyzylorda-news.kz.</a> Жалпы, осыған дейін кітапханашылардың мәртебесі де, жалақысы да төмен болды. Алайда соңғы бір-екі жылдың көлемінде бұл мәселе шешімін тапты. Тіпті былтырдан бастап 24 қазан «Кітапханашылар күні» деп бекітілді. Бұл жаңалық барша кітапханашыларға қуаныш сыйлағаны анық.&nbsp;Өкініштісі сол, әлі күнге олардың жұмысын оңай деп ойлайтындар көп. Алайда кітап сақшысы болудың да өз жауапкершілігі бар. Сондықтан кітапханашы болу әркімнің қолынан келе бермесі анық. Өйткені кітаптың қасиеті мен құдіретін терең түсінген адам ғана рухани орында жұмыс істейді. Ал &nbsp;бүгінгі кітапханашыға қойылар талап көп. Олар ең алдымен, жастарды кітап оқу мәдениетіне тәрбиелеп, оқырманның талғамына сай әдебиетті ұсынуы керек. Бір сөзбен айтқанда, кітапхана табалдырығын аттаған әрбір оқырманның сұранысын қанағаттандыра білу қажет. Ол үшін ең бірінші кітапханашы сауатты, жан-жақты болуы шарт. Міне, оларға артылар жауапкершілік жүгі де осы.&nbsp;Бүгін тілшілік қызметті бір мезет кітапханашылыққа ауыстырдық. Қызылорда қаласының орталықтандырылған кітапханалар жүйесінің басшысы Гүлмира Рахметоваға хабарласқан едік, бізге А.С.Пушкин атындағы орталық кітапхананы ұсынды. Осылайша кітапханашының бір күнгі жұмыс барысымен танысып, өзімізді кітапханашы ретінде сезініп қайттық. Мұнда бір ерекшелігі, заман талабына сай кітапханашылар енді қағаз толтырып, карточка ашпайды. Кітапханада оқырманға электронды қызмет көрсетіледі. Бізге жұмыстың мән-жайын орталық кітапхананың меңгерушісі Қарлығаш Махамбетжанқызы таныстырды. Оқу залындағы кітапханашы апайдың қасына жайғасып, жұмысқа кірісіп кеттік. Ең алдымен кітапты уақытылы тапсырмаған оқырмандарға хабарластық. Одан қалды, кітапханаға келген студенттерге іздегенін тауып беруге атсалыстық. Осылайша жұмыс барысы жүре берді. Журналист болған соң, бәрін білгің келеді ғой. Ол жерде қандай кітаптар барын сұрап, құнды, ескі кітаптың қалай сақталатынын білдік. Кітапханашы мұнда кітаптың атауы мен ретін, оның мазмұнын білу маңызды. Алдыңа келген оқырманға тек бір әдебиетті қолына ұстата салып, «өзің тауып ал» деу кітапханашы мәдениетіне жат. Жоғарыда айтып өткендей, кітапханада әр бөлімнің жұмысы өз алдына қызық.&nbsp;Кітапханадағы тыныштықРасында, бірінші курс студенті сабақтан шыға сала кітапханаға жүгіреді. Бұл жағдай бәріміздің де басымыздан өтті. &nbsp;Кітап бетін ауыстырғандағы әлсіз сыбдыр ғана бұзатын оқу залындағы тыныштық әлі есімде. Ал сессия уақытында мұнда ине шаншыр жер болмайтын. Бір үстелге бес адамнан отырып, бір кітапқа он шақтымыз кезекке тұрып, күтіп отырушы едік. Жас болған соң, бір-бірімізбен сөйлесеміз. күлеміз. Әйтеуір, тыныштықты бұзамыз. Сондай кезде кітапханашыдан ескерту аламыз. Бір жақсысы қандай кітап сұрасаң да, бірден тауып береді. Біз оны қызық көріп, бәріміз жамырай, ана кітап, мына кітап деп кітапханашыны отырғызбаушы едік.&nbsp;Қазіргі кезде халық арасында кітапханаға кім барады?, кітапханашы не істейді?, кітап оқылмайды деген теріс пікірлер көп айтылады. Себебі бүгінде ғаламтор – басты орында. Сондай-ақ бірнеше томды еркін сыйғыза алатын электронды кітаптар да жетерлік. Жасыратын несі бар, бүгінде интернет &nbsp;әр үйдің қожайынына айналды ғой. Қолымыздан келетін дүниені жасамай, алтын уақытты босқа өткізіп жүрміз. Дегенмен бұл пікірге кітапханашылар мүлдем келіспейді. Себебі кітапхана қайнаған тіршіліктің ортасы. Мұнда оқырмандармен тығыз байланыс орнату мақсатында көптеген шаралар ұйымдастырылады. Сонымен қатар ақын-жазушылардың айтулы күндері міндетті түрде аталып өтіледі.Оқылмайтын кітап бар ма?Орталық кітапхана меңгерушісінің айтуынша, ешқашан кітаптың қадірі кетпейді. Өйткені кітап – рухани азық, білімнің бұлағы, руханият¬тың шырағы. Бір сөзбен айтқанда кітапты көп оқыған адамның күштімен күресер құдіреті бар. Осы орайда жазушы Әбіш Кекілбаевтың «Адамды адам еткен – кітап, адамзат еткен – кітапхана» деген дана сөзі еске түседі. Алайда «Кітап маған тақтан да қымбат», – деп айтып кеткен Шекспирдің әдемі тәмсілін «Интернет маған кітаптан да қымбат» деп жүрген жастар жетерлік. Әрине, бәріне бірдей топырақ шашудан аулақпыз. Арамызда кітапхана табалдырығын тоздырып, кітап оқып, «маған уақыт қымбат» деген жастар да көп. Кітапханашының айтуынша, негізі барлық жанрдың өз оқырмандары бар. Мәселен, біреуі тарихты жақсы оқыса, енді бірі көркем әдебиетті таңдайды. Бүгінде тек оқылмайтын бұрынғы кеңес үкіметі кезінде жарық көрген саяси кіаптары ғана есептен шығарылуда.&nbsp;Қолдан-қолға тимейтін кітап көпРухани азықтың қажетті қорын іздеген жан кітап¬ханаға барары сөзсіз. Қарап тұрсаңыз, онда иісі, ауасы, аурасы бөлек бір әлем қол бұлғайды. &nbsp;Тіпті ұялы телефонға телмірген уақытта кітапханада кітап оқып, миың мен жаныңды тыныштандыру деген ерекше сезім. Мұны сөзбен айтып жеткізу әсте болмас. Оны барып, сезінген адам ғана түсінері анық. Кітапханада отырғанымызда студенттер көбіне психологиялық кітаптарды көп сұрады. Соған қарағанда &nbsp;оқырмандар көбіне алға жетелейтін, өмірге деген құштарлығын оятатын мотивациялық еңбектер мен психологиялық құралдарды, аудармаларды сұрайды. &nbsp;Сондай-ақ шетел әдебиеттерінің аудармалары сұраныста екен. Кітапхана меңгерушісі Қарлығаш Махамбетжанқызының айтуынша, егер оқырман сұраған әдебиет не еңбек кітапханада болмаса, арнайы тізім түзіп, сол әдебиеттерді алдыруға тырысады. Олар тіпті әлеуметтік желілер арқылы да оқырманның қандай кітап оқып жатқанын зерделеп отырады. Сонымен қатар көркем әдебиетті де жастар жақсы оқиды екен.Қалалық орталықтандырылған кітапханалар жүйесіне қарасты 21 кітапхананың әлеуметтік желіде белсенді екенін де білеміз. Олар күнделікті өткен шарасын салып, оқырман тартып, олармен байланыс орнатуда. &nbsp;Бір сөзбен айтқанда, оқырманға кітап беріп қана қоймай, түрлі шаралар өткізіп, руханиятқа өзіндік үлес қосып келеді. Әсіресе «Пандемия» кезінде жазушылар мен ақындарды, қайраткерлер мен ғалымдарды әлеуметтік желінің әлеуетімен оқырман қауыммен қауыштырып, тікелей эфирде тілдестірді. Ұдайы онлайн шаралар өткізді. Ондағы мақсат – жас өрендердің &nbsp;кітапқа деген ынтасын ашу, әдебиет әлемімен таныстыру, таным көкжиегін кеңейту. Негізгі аудиториясы балалар және жасөспірімдер болғанымен, мұнда түрлі буын өкілдері келеді. Әсіресе, кітапханашылар өзге ұлт өкілдерімен тығыз байланыс орнатқан.&nbsp; Орталық кітапханада 107 мыңнан аса кітап қоры бар. Жыл басынан бері 4 мыңнан астам оқырман осында бас сұққан. Мұндағы 6 қызметкер әрбір оқырманға ерекше құрметпен қарайды. Дегенмен кітапхананың мәселесі де жоқ емес. Орталықта орналасқанымен ескі көпқабатты үйдің бірінші қабатында орналасқан. Бұл кітапхананың оқырманға жайлы болу үшін де, жаңа ғимарат керегі білініп-ақ тұр. &nbsp;Мамандығым – мақтанышымТүсінген адамға алтынға да айырбастауға келмейтін қасиетті кітапты көзінің қарашығындай сақтап, насихаттап, ел игілігіне жаратып жүрген кітапханашылардың еңбегі орасан зор. Бүгінде адалдықтың ақ жүгін арқалаған кітапханашылардың айтулы мерекесі заң жүзінде бекітілді. Енді олар жыл сайын қазан айының 24-ші жұлдызы күні «Кітапханашылар күнін» тойлайды. Қашанда кітапханашы мамандығы жоғары болуы тиіс. Кітапханашы кітапханада кітапты қолға береді деген пікірді жойып, бұл мамандықтың да өз орнын қалыптастыратын уақыт келген сияқты. Себебі жоғарыда айтып өткеніміздей, кітаптың құдіретін терең түсіне білген жан ғана осы рухани ордада қызмет атқарады. &nbsp;алады. «Мамандықтың жаманы жоқ, бірақ мұның кез келгеніне икемділік қажет» демекші, &nbsp;ұзақ жылдар кітапханашы болып келе жатқан Қарлығаш Сражадинова кітапхананың жұмысымен толық таныстырып, өз міндетін жілікше шағып айтып берді. Ол &nbsp;әсіресе жас ұрпақтың кітаппен тонның ішкі бауындай жақын болуына үлес қосып келеді. Отыз жылдам астам өмірін кітапханаға арнап, әлі де осы саланың қазанында қайнап жүр. Оның айтуынша, оқырманның жанын ұғып, қажетті дүниесін дөп басу да оңай жұмыс емес. &nbsp;<blockquote>«Қай мамандықтың болмасын, өз ерекшелігі бар. Маған өзімнің мамандығым ұнайды. Бұл менің &nbsp;өмірімді арнаған сүйікті кәсібім. Оқырманмен жұмыс, олардың қойған сұрақтары, білуге, үйренуге деген талпыныстары мені шабыттандырады. Қазіргі таңда салалық басылымдарға қарағанда әдеби басылымдарға сұраныс өте жоғары. Бүгінде кітапхана қоры жаңа кітаптармен жақсы толығып отыр. Сондай-ақ өсіп келе жатқан жас буынның &nbsp;кітапқа деген ынтасы өте жоғары. Оған үйдегі ата-ананың да бағыт сілтеуінің арқасы деп білеміз. Баламен балаша жұмыс істеу де оңай емес дегенмен өз жұмысынан ләззат ала білген адам үшін аса қиын емес деп ойлаймыз», – деді ол.&nbsp;</blockquote>Бұрын кітапханада жұмыс істеу денсаулыққа зиян екенін жиі айтатын. &nbsp;Алайда қазір бұл жансақ пікірге айналды. Расында, бұрын кітапханашылардың жалақысына қосымша ақша қосылып, үнемі ағарған берілген. Бірақ бүгінде мұндай жағдай жоқ. Себебі қазір әрбір кітапханада тазалық – басты орында.&nbsp;Кітапханашылардың бір ғана арманы бар. Олар фаст-фуд тағамдарына кезекке тұрғандай, кітапханаға да кезекке тұрғанын көрсек қой дейді. Құтханадан шығып бара жатып, «Кітап оқуды қойған адам ойлауды да қояды» деген тәмсіл ойға келіп, кітап арқалап қайттық.

Қызылордалық кітапханашының бір күні

<a href="https://kyzylorda-news.kz/">Kyzylorda-news.kz.</a>&nbsp; Өңірлік коммуникациялар қызметінің ақпараттық алаңында өткен брифингте ҚР Ауыл шаруашылығы министрі Ербол Қарашөкеев осы жылы әлеуметтік-кәсіпкерлік корпорациялар арқылы агроөнеркәсіп кешені саласындағы ірі өнеркәсіптік инвестициялық жобаларды іске асыру мақсатында Солтүстік Қазақстан облысының тауарлы-сүт фермаларын салу жөніндегі оң тәжірибесін республикамыздың басқа өңірлеріне тарату жөніндегі ауқымды жұмыстар басталатынын айтты. Осы мақсаттарға 100 млрд. теңге бөлінді. Соның есебінен 65-ке жуық тауарлы-сүт фермаларының құрылысы қаржыландырылатын болады. Бұл сүт өндіру көлемін кемінде 373 мың тоннаға арттыруға мүмкіндік береді.<blockquote>- Фермерлердің ұсыныстары мен тілектерін ескере отырып, субсидиялаудың жаңа бірыңғай мемлекеттік жүйесі енгізілді. Ол фермерлерге тегін негізде қызмет көрсететін болады және негізгі мемлекеттік дерекқорлармен интеграциялау есебінен ұсынылатын құжаттардың саны қысқарды. Бұл жүйені қолданысқа енгізудің бастапқы кезеңінде оның жеке функцияларында белгілі бір ақаулар мен кемшіліктер болғанын жасырмаймын. Ол негізінен фермерлер арасында түсіндіру жұмыстарын жүргізу мен жергілікті ауыл шаруашылығы басқармаларының қызметкерлерін оқытуда жіберілген кемшіліктердің салдарынан болды. Қазір бұл олқылықтар жойылуда. Сонымен қатар шаруалар алқаптарды цифрландыру жөніндегі космостық деректерінің дәлдігіне күмән келтіруде. Осы мәселені ескере отырып, жуық арада алқаптардың электрондық карталарын беру туралы талаптарды ережеден жыл аяғына дейін уақытша алып тастау туралы шешім қабылдадық. Қазіргі сәтте Министрлік қызметкерлері осы аймақта тиісті түсіндіру жұмыстарын жүргізіп, жаңа субсидиялау жүйесін пайдалану ережелерін қосымша үйретіп жатқанын атап өткім келеді. Қазақта «Көш жүре түзеледі» деген нақыл сөз бар. Жұмыс барысында осындай кемшіліктерді түзете отырып, осы жаңа жүйенің жұмысын тұрақты түрде жетілдіріп отыратын боламыз. Бүгінгі күні бұл жүйе жалпы штаттық режимде жұмыс істеуде деп айтуға болады ,- деді министр Ербол Қарашөкеев.</blockquote>

Жаңа субсидиялау жүйесін пайдалану ережелері түсіндіріліп жатыр 

<a href="https://kyzylorda-news.kz/">Kyzylorda-news.kz.</a> Аудан орталығындағы №36 Ә.Тәжібаев атындағы мектеп-лицейі кенттегі ең ірі білім ордаларының бірі. Мұнда білімге құштар, талай бәйгеден суырылып алға шыққан талантты оқушылар білім нәрімен сусындауда. Ұлағатты ұстаздардан сапалы білім мен тәрбие алып жатқан биылғы жылдың мектеп бітірушілері өнегелі істің басынан табылды.Жас түлектер ерте көктемде жылдағы дәстүр бойынша мектеп-лицей ауласына ағаш отырғызуға мұрындық болды. Мектеп-лицейден биылғы оқу жылында ұшқалы тұрған шәкірттер, атап айтқанда 11 сыныбының бітіруші түлектері сынып жетекшісі Палмахова Шолпан Таңатарқызының ұйымдастыруымен ізгі іс-шараға қатысты.Жас түлектерге білім ордасының ауласын көгалдандыруға, "Түлектер аллеясына" ағаштар отырғызуға ата-аналар қолдау білдірді. Түлектер аллеясына осы күні әрбір мектеп түлегі жаңа туя қылқан жапырақты ағаштарын &nbsp;отырғызды. Қолдарына күрек пен шелек алып, жас ағаштарды мәпелеп, тілектерін айтып отырғызған түлектердің ізгі ниеттеріне мектеп-лицей директоры Жанар Төреқұлова да қолдау көрсетті. Мектеп басшысы оқушылармен бірге ағаш отырғызды.<blockquote>«Бір жылдығын ойлаған халық бидай егеді, жүз жылдығын ойлаған халық ағаш егеді, мың жылдығын ойлаған халық саналы ұрпақ тәрбиелейді", – деген қазақта даналық сөз бар. Міне, бүгін мектеп түлектері сынып жетекшілерімен бірге жақсы істің басынан табылды. Жылдағы дәстүрмен мектеп-лицей ауласын жасыл желекпен көгалдандыруға атсалысты. Жас ағаштармен бірге түлектеріміздің де арманы өсіп, асқақтай берсін. Алдағы білім сынағынан жоғары баллмен өтіп, әрқайсысы білім грантын иеленсін», – дейді мектеп-лицей директоры Жанар Төреқұлова.</blockquote>Ұстаздардан білім нәрін алып, алысқа қарап, қанаттанған алтын ұя мектептің түлектеріне, өнегелі істің иелеріне бізде сәттілік тілейміз. &nbsp;

Сырдариялық жас түлектер ағаш отырғызды

<a href="https://kyzylorda-news.kz/">Kyzylorda-news.kz.</a> ҚМДБ-ның Қызылорда облысы бойынша өкілдігінің ұйымдастыруымен «Рамазан қоржыны» акциясы кезекті 100 отбасыға қуаныш сыйлады.Нақтырақ айтар болсақ, қалалық «Құддыс ишан», «Төлен ата» және Талсуат ауылындағы «Ерназар Мақсұм» мешіттері мен Арал ауданында өткен қайырымдылық шараларында тұрмысы төмен, көп балалы жанұяларға азық-түлік қоржындары табысталды.

Қызылордада 100 отбасына «Рамазан қоржыны» берілді

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Сыр өңіріне жұмыс сапарымен келген Халықаралық «ТҮРКСОЙ» ұйымының Бас хатшысы Сұлтан Раевпен кездесті.Аймақ басшысы түркі халықтарының мәдениетін дамытуда «ТҮРКСОЙ» халықаралық ұйымының рөлі ерекше екенін атап өтті.<blockquote>«ТҮРКСОЙ» ұйымының бастамасымен түркі әлемінде биылғы 2023 жыл ұлт мәдениеті мен әдебиетінің көрнекті өкілі, жерлесіміз Темірбек Жүргеновтің 125 жылдығына орай «Темірбек Жүргенов жылы» болып жарияланды. Аймақ жұртшылығы, Өз атымнан Сіз басқаратын ұйым ұжымына шын жүректен ризашылығымды білдіремін. Бұл тарихи маңызды шешім түркітілдес елдердің өзара достығы мен ынтымағын, мәдени шығармашылық байланысын арттыра түсетіні сөзсіз. Темірбек Жүргенов – Қазақстан мен Орта Азия елдеріндегі оқу-ағарту, мәдениет пен әдебиет саласының өркендеуіне зор үлес қосқан қайраткер тұлға. Ол қазақ өнерінің дамуына өлшеусіз еңбек сіңіріп, Абай атындағы ұлттық опера және балет театрын құрғанын, Мәскеуде тұңғыш рет қазақ өнері мен әдебиетінің онкүндігінің өтуіне атсалысқанын баршамыз білеміз. Қайраткердің есімін ұлықтау, оны өскелең ұрпаққа насихаттау мақсатында мерейтой аясында Қызылорда облысында да бірқатар маңызды шаралар атқарылуда. Осындай айтулы шараларға қатысуға арнайы уақыт бөліп, қайраткердің туған жері Сыр өңіріне келгеніңіз үшін алғысымды білдіремін», – деді Нұрлыбек Нәлібаев.</blockquote>Өз кезегінде, «ТҮРКСОЙ» ұйымының Бас хатшысы облыс әкіміне ризашылығын жеткізіп, өзара рухани және мәдени ынтымақтастықтың жалғаса беретініне сенім білдірді.Айта кетейік, Сұлтан Раев Қызылорда облысына сапары барысында Темірбек Жүргеновтің жары, Қазақ КСР еңбек сіңірген дәрігері Дәмеш Жүргенова атындағы көшенің ашылуына, «Ұлт руханияты және Темірбек Жүргенов мұрасы: жасампаздығы мен зерттеу кеңістігі» тақырыбында халықаралық ғылыми-практикалық конференциясына қатысып, «Нарком Жүргенов» спектаклін тамашалады. Мұнан бөлек, Қызылорда қаласында өтетін «Жыр арқауы – Жүргенов» атты республикалық жазба ақындар мүшайрасына қатыспақ.

Облыс әкімі халықаралық «ТҮРКСОЙ» ұйымының Бас хатшысымен кездесті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің бітіруші түлектері жұмысқа орналасу бойынша сала мамандарымен кездесті. Жиында алғашқы жұмыс орнын таңдау, жастарға мемлекет тарапынан берілген мүмкіндер туралы айтылды. Бұл туралы университеттің баспасөз қызметі хабарлады.Кездесу барысында Қызылорда облыстық жұмыспен қамтуды үйлестіру және әлеуметтік бағдарламалар басқармасының бөлім басшысы Нұржан Өмірзақов пен қалалық жұмыс пен қамту орталығының бөлім басшысы Абылай Самыратов «Алғашқы жұмыс орны», «Жастар практикасы», «Ұрпақтар сабақтастығы» жобалары мен жастарға арналған жеңілдетілген несие бойынша ақпарат берді.Сонымен қатар, мемлекеттік білім беру тапсырысы және ауыл квотасы негізінде білім алған түлектерге 3 жыл жұмыспен өтеу міндеті туралы білім алушыларға «Қаржы орталығы» АҚ Мониторингілеу департаментінің аға маманы Арман Темірбаев ақпараттық-түсіндірме жұмыстарын жүргізді.Айта кетейік, кездесу ашық диалог форматында өтіп, қатысушылар мамандарға сұрақтарын қойды. Түлектерді жұмысқа орналастыруға арналған мұндай кездесулер Қорқыт ата атындағы Қызылорда университетінде &nbsp; тұрақты түрде жүзеге асып келеді.&nbsp;<figure class="image"><img src="https://knadmin.beoblood.kz/uploads/Whats_App_Image_2023_04_14_at_11_11_00_2_ac35e0f7b8.jpeg" alt="WhatsApp Image 2023-04-14 at 11.11.00 (2).jpeg"></figure>

Түлектерді жұмыспен қамту – басты назарда

<a href="https://kyzylorda-news.kz/">Kyzylorda-news.kz.</a> Өткен жылы Қызылорда қаласында 11 331 жаңа жұмыс орны ашылды. Оның ішінде 6698 азамат тұрақты жұмысқа орналасты. Бұдан бөлек Мемлекет басшысының 10 мың адамға 100 жаңа жұмыс орнын ашу тапсырмасы аясында 5732 жаңа жұмыс орны ашылды. «Жұмыспен қамтудың өңірлік картасы» шеңберінде 31 жоба арқылы 504 азамат жұмыспен қамтылды. Мүгедектігі бар адамдарды жұмыспен қамту мақсатында 12 мекемеге 26 азамат тұрақты жұмысқа орналасқан.Былтыр ауылдық округтердегі мәдениет және спорт мамандарына отын сатып алып беруге көмек көрсетілді. Мүгедектігі бар адамдарды ай сайын қаржылық көмек көрсеттік. Сонымен қатар ымдау тілі мамандары еңбегіне орай жалақы төленуде. Арнайы тапсырмамен мүгедектігі бар адамдарға &nbsp;көмек &nbsp;көрсетіліп келеді. Үйде тәрбиеленіп және оқытылатын мүгедектігі бар 507 балаға әлеуметтік төлем жүргізілді. Әлеуметтік тұрғыдан осал 225 отбасы ыстық тамақпен қамтылды, – деді қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Кенжегүл Құрақбаева. Басшының сөзіне сүйенсек, былтыр әлеуметтік топтамаға ие болған 1-6 жасқа дейінгі балаларға қосымша төлем ретінде қаржылық көмек көрсетілген.

Қызылордада 225 отбасы ыстық тамақпен қамтылды

<a href="https://kyzylorda-news.kz/">Kyzylorda-news.kz.</a> Бүгін Сыр өңіріне арнайы жұмыс сапарымен келген ҚР Ауыл шаруашылығы министрі Ербол Қарашөкеев ауыл шаруашылығы тауарөндірушілерімен кездесіп, саладағы өзекті мәселелерді талқылады.Облыс әкімі Нұрлыбек Нәлібаев ведомство басшысына Үкімет тарапынан көрсетілген қолдау үшін ризашылығын білдірді.<blockquote>«Соңғы жылдары орын алған су тапшылығына қарамастан Сыр диқандары Мемлекет басшысы мен Үкімет тарапынан көрсетілген қолдаудың арқасында егіннен мол өнім алып, салада өсім динамикасы қалыптасты. Тамақ өнімдерін өңдеу көлемі өткен жылдың қорытындысымен 6,3 пайызға артты.Былтыр ауыл шаруашылығының негізгі қорына 9,9 млрд. теңге инвестиция салынып, 2021 жылмен салыстырғанда 8 пайызға артса, биылғы қаңтар-ақпан айларында өткен жылдың сәйкес кезеңімен салыстырғанда 13,2 есе өсті.Өткен жылы саланы субсидиялауға 11,9 млрд. теңге қаржы бөлінсе, биыл 13,8 млрд. теңге қаралды. Сыр диқандары 195,6 мың гектарға ауыл шаруашылығы дақылдарын егуді жоспарлауда. Оның ішінде негізгі дақыл – күріш көлемі 83,9 мың гектар көлемінде межеленген», – деді аймақ басшысы.</blockquote>Ербол Қарашөкеев биылғы субсидиялау ережелерімен таныстырып, ауыл шаруашылығы жерлерін тиімді пайдалану мәселелерін талқыға салды.Жиынға облыстың ауылшаруашылығы саласының өкілдері, қала және аудан әкімдері бейнеконференция байланысы арқылы қатыстып, өз сұрақтарын қойды. «Абзал и К» ТС бас агрономы А.Алиакбаров, «Ақтөбе и К» ЖШС директоры Н.Іздібаев, «Ақжарма и К» ЖШС бас агрономы Ғ.Ізтілеуов, «Сейтжанов», ШҚ төрағасы Ш.Сейтжанов, «РК Мұнай» ЖШС құрылтайшысы Р.Нұржанова және «Ер-Әлі» шаруа қожалығының төрағасы Ә.Бекжанов ұсыныс-пікірлерін жеткізді.Айта кетейік, ҚР Ауыл шаруашылығы министрі Сыр өңіріне сапары барысында Сырдария ауданы Н.Ілиясов ауылындағы көркейту көгалдандыру, абаттандыру жұмыстарын көріп, республика көлемінде өтетін ауылды дамыту тақырыбындағы семинарға дайындық мәселелерін пысықтады. Жеке қабылдау өткізіп, жергілікті БАҚ өкілдеріне брифинг берді және Қызылорда қаласындағы ауыл шаруашылығы құрылымдары жұмысымен танысты.Өткен жылмен салыстырғанда облыста жалпы егіс көлемін 7,0 мың гектарға, оның ішінде күріш көлемін 5,3 мың гектарға, мал азықтық дақылдарды 2,3 мың гектарға, картоп, көкөніс, бақша көлемін 222 гектарға ұлғайту көзделуде. Вегетация кезеңіне су лимиті белгіленгеннен кейін егіс көлемі нақтыланатын болады.Су тапшылығын ескере отырып, ауыл шаруашылығын әртараптандыру үшін соңғы 2 жылда облыста күріш көлемі 11 мың гектарға дейін қысқартылып, орнына суды аз қажет ететін дақылдар көлемі 17,1 мың гектарға ұлғайтылды. 1,0 мың гектарға су үнемдеу технологиясын қолдану арқылы егін егілсе, биыл 667 гектарға қолданылатын болады. 2030 жылға дейін оның көлемін 17,2 мың гектарға жеткізу жоспарлануда. Биыл Украина ғалымдарымен тәжірибе ретінде демонстрациялық алқапқа әртараптандыру бағытындағы дақылдарды егу қолға алынды. Қазір көктемгі дала жұмыстары мен егін егу науқаны кестеге сай жүруде, диқандар тұқым, тыңайтқыш, техника және жанар-жағармаймен толық қамтылған.<figure class="image"><img src="https://knadmin.beoblood.kz/uploads/341395633_209940868431559_5724575190140212363_n_4b24733ae7.jpg" alt="341395633_209940868431559_5724575190140212363_n.jpg"></figure>&nbsp;<figure class="image"><img src="https://knadmin.beoblood.kz/uploads/341318327_143384901829122_1014767048932270058_n_4f41efb821.jpg" alt="341318327_143384901829122_1014767048932270058_n.jpg"></figure>&nbsp;<figure class="image"><img src="https://knadmin.beoblood.kz/uploads/341324903_722562379614699_5355449967744801095_n_f0b9908b96.jpg" alt="341324903_722562379614699_5355449967744801095_n.jpg"></figure>&nbsp;<figure class="image"><img src="https://knadmin.beoblood.kz/uploads/341276825_624000725758247_5406893597217647061_n_b8b5b7d0c7.jpg" alt="341276825_624000725758247_5406893597217647061_n.jpg"></figure>&nbsp;<figure class="image"><img src="https://knadmin.beoblood.kz/uploads/341395248_1270505900558455_7781455372090417650_n_6f191fd6ee.jpg" alt="341395248_1270505900558455_7781455372090417650_n.jpg"></figure>

Қазақстан және Қызылорда облысының жаңалықтары