<a href="https://kyzylorda-news.kz/">Kyzylorda-news.kz.</a> Жалағаш ауданында әлеуметтік маңызы бар азық-түлік тауарларының бағаларын тұрақтандыру мақсатында азық-түлік өнімдеріне тұрақты түрде бақылау жұмыстары жүргізіліп келеді.Облыс әкімінің «Әлеуметтік маңызы бар азық-түлік тауарларына бағаларды тұрақтандыру тетіктерін іске асыру үшін сатып алынатын азық-түлік тауарларының шекті сауда үстемесін және тізбесін бекіту туралы» қаулысына сәйкес, аудандағы барлық сауда орындарына түсіндірме жұмыстары жүргізіліп, әлеуметтік маңызы бар азық-түлік тауарларының 19 түріне күнделікті мониторинг жүргізілуде.&nbsp;Аудандық ауыл шаруашылығы бөлімінің мәліметінше, өңірде жыл басынан бүгінгі күнге дейін 19 түрлі азық-түлік өнімдерінің 14 түрі &nbsp;қымбаттаған. Атап айтқанда, ақ күріш - 22,5 теңгеге (1,1 %), ұн - 44 теңгеге (1,2 %), рожки - 152,5 теңгеге (1,7 %), сиыр еті - 100 тг (1,1 %), тауық еті - 430 теңгеге (1,4 %), сүт - 228 теңгеге (1,9 %), айран - 170 теңгеге (1,6 %), ірімшік - 800 теңгеге (2,1 %), жұмыртқа - 147,5 теңгеге (1,3 %), сары май - 122,5 теңгеге (1,1 %), күнбағыс майы - 32,5 теңгеге (1,1 %), жуа - 52,5 теңгеге (1,5 %), қант - 165 теңгеге (1,4 %), тұз - 10 теңгеге (1,2 %). Ал керісінше, 5 өнімнің бағасы: Қарақұмық жармасы - 13 теңгеге, нан - 10 теңгеге, қырыққабат - 130 теңгеге, сәбіз - 25 теңгеге, картоп - 50 теңгеге арзандаған.Бүгінгі күнге Жалағаш ауданы бойынша ірі және шағын сауда орындарында ауданда өндірілетін және сырттан келетін 683,1 тн азық-түлік өнімдерінің қоры бар. Оның ішінде ұн - 118 тн, күріш - 120 тн, қант - 68 тн, макарон - 117 тн, күнбағыс майы - 50 тн, тұз - 45 тн, жуа - 34 тн, картоп - 53 тн, сәбіз - 23 тн.Әлеуметтік маңызы бар азық-түлік тауарларының қымбаттауының себебі азық-түлік өнімдері негізінен Қостанай, Петропавл, Түркістан облыстарынан, Шымкент қаласынан тасымалдануынан болып отыр екен. Осы кәсіпкерлердің азық-түлік өнімдерінің бағасы жоғары болуынан және тасымалдаушылардың бағасымен қоса есептегенде ауданда азық-түлік өнімдерінің бағасы өсуде.Дегенмен, аудан орталығындағы «Ақниет» көтерме сауда орны нан өнімдерінің бағасын тұрақтандыру мақсатында «Байқоңыр ӘКК» АҚ-мен 68 тн ұн алып аудандағы нан өнімдерін дайындайтын наубайханаларға өткізуде.Сондай-ақ, «Азық-түлік келісім шарт» корпорациясы аудандағы азық-түлік тауарларын сататын ірі және шағын дүкен иелеріне келісім-шартқа сәйкес төменгі бағада қант сататындығы жөнінде түсіндірме жұмыстарын жүргізген. Осыған сәйкес, қант өнімін алуға «Ақниет» және «Бағдат» дүкендері қызығушылық танытып, облыстық ауыл шаруашылығы және жер қатынастары басқармасына ұсынылып, «Ақниет» сауда дүкені 64 тн қант өнімін алып арзан бағада 1 кг 490 теңгеден аудан тұрғындарына сатып отыр. &nbsp;Сонымен қатар, «Ақниет-2» көтерме сауда дүкені әлеуметтік бұрыш ашу жөнінде «Байқоңыр» ӘКК» АҚ-мен меморандумға отырған. Қазіргі таңда әлеуметтік бұрыш ашылып, базар бағасынан 10-15 пайызға төмен бағада аудан тұрғындарына ұсынылып жатыр.Сонымен қатар, бағаны тұрақты ұстап тұру мақсатында азық-түлік өнімдерінің бағасына мониторинг жұмыстары күнделікті жүргізілуде. Мәселен, Жалағаш кенті тұрғындары азық-түлік бағаларын негізсіз көтермелеп отырған үй жанынан ашылған 3 дүкенге шағым түсірген. Осы орайда, әлеуметтік маңызы бар азық-түлік тауарларының бөлшек сауда бағаларына жүргізілген аудандағы ірі және шағын сауда орталықтарына мониторинг бойынша қымбаттаған азық-түлік тауарлары анықталып, аудандық кәсіпкерлік, өнеркәсіп және туризм бөліміне 5 мәрте мемлекеттік қадағалау шараларын қолдануға хаттар жолданған. Осыған сәйкес, бүгінде тиісті бөлім зерттеу жұмыстарын жүргізуде, заң бұзушылық анықталған жағдайда тиісті шаралар қолданылатын болады.Тағы бір нәтижелі істердің бірі – азық-түлік тауарларының бағаларын тұрақтандыру мақсатында 2022 жылы Қызылорда қаласында қала әкімінің бекіткен кестесі бойынша 2 рет ауыл шаруашылығы өнімдерінің жәрмеңкесі ұйымдастырылып, өнімдер қала тұрғындарына қолжетімді бағада ұсынылды. Сондай-ақ, ауыл шаруашылығы жәрмеңкесі Жалағаш кентінің орталығында 2 мәрте ұйымдастырылды. Айта кету қажет, ауыл шаруашылығы өнімдерінің жәрмеңкесі қарсаңында өнімдердің бағасы базар бағасынан 15-20 пайызға төмен бағада сатылған.Жалпы, ауданда азық-түлік бағасын тұрақтандыруда бірнеше нәтижелі жұмыстар легі атқарылған. Дегенмен, алдағы уақытта да азық-түлік және ауыл шаруашылығы өнімдерінің бағасын тұрақтандыру жөніндегі осындай жұмыстар жалғаса беретін болады. &nbsp;<img src="https://knadmin.beoblood.kz/uploads/fb1fc599_f02d_43fe_9341_526281372f86_ca0a589c8f.jpeg" alt="fb1fc599-f02d-43fe-9341-526281372f86.jpeg">

Жалағаш ауданында азық-түлік бағасы бақылауда

<a href="https://kyzylorda-news.kz/">Kyzylorda-news.kz.</a>&nbsp; Арал теңізінің тартылуы, 80-шы жылдардан бастап балық шаруашылығы саласы тоқырауға ұшыратты. Теңіз суының тұздылығы 30 мгр/л дейін өсіп, балық аулау мүлдем тоқтайтын деңгейге жетті. Ондаған балық өңдейтін кәсіпорындар мен балық аулайтын шаруашылықтар жабылды. Осының салдарынан балықшылар басқа өңірлерге көшуге мәжбүр болды. Салыстырмалы түрде айтатын болсақ, 2000 жылы Солтүстік Арал теңізінен бар-жоғы 400 тонна балықтың бір-ақ түрі, камбала глосса балығы ауланған.Дер кезінде қабылданған шешімнің арқасында «САРАТС» жобасы саланың дамуына серпін берді. Қазірде Арал халқының ата кәсібіне айналған балық шаруашылығы жыл санап дамып келеді. Балық шаруашылығының өркен жаюы халық тұрмысыныңда түзелуіне оң ықалын тигізуде. Ауданда жылдық қуаттылығы 23 900 тоннадан асатын 9 балық өңдеу зауыттары жұмыс істейді. Оның 5-еуі балықты тереңінен өңдейтін болса, қалған 4-еуі балықты қатыру, мұздату және ыстау сияқты өңдеумен айналысады.Аудан аумағында балық шаруашылығы маңызы бар Кіші Арал теңізінің 18 учаскесі, Сырдария өзені және 20 көл бар.Осы теңіздің 18 учаскесімен 20 көлдің 17 көлін табиғат пайдаланушыларға ұзақ мерзімге берілген, 3 көліміз резервте.Кіші Арал теңізінде балықтың 19 түрі мекендейді, кәсіпшілік балық аулау мақсатында балықтың 17 түрі ауланады.Балық аулау кезеңі ағымдағы жылдың 1 шілдесінен келесі жылдың 1 шілдесіне дейін есепке алынады, сондықтан &nbsp;2022 жылдан 2023 жылға дейін, Кіші Арал теңізінен 6924 тонна, Қамыстыбас және Ақшатау көлдер жүйесіне 477 тонна, сонда аудан бойынша барлық лимит 7401 тонна болып бекітілген. Ауланған балық 01.11.2022 жылға 1002&nbsp;тн&nbsp;болса,&nbsp;өңделген балық 3518&nbsp;тонна.Атап өту қажет, ауданда Еуропа нарығына шығуға мүмкіндік беретін Еврокод белгісі тек&nbsp;екі&nbsp;кәсіпорында бар.&nbsp;«Арал балық өңдеу зауыты» және «Арал сервистік дайындау орталығы» ЖШС-гі балық өңдеу зауыттары.Арал аудандық ауыл шаруашылық бөлімінің соңғы мәліметі бойынша 2259 тонна балық өнімдері экспортқа шығарылды, оның ішінде&nbsp;(Ресейге – 1380 тн, Польша – 181 тн, Литва – 197 тн, Әзербайджан – 60 тн, Германия – 327 тн, Грузия – 280 тн, Нидерланды – 50 тн, Венгрия – 32 тн, Голландия – 17, Прага – 35 тн&nbsp;аудандағы негізгі экспорттаушы кәсіпорындар «Арал СДО» ЖШС, «Agrofish 2020» ЖШС, «Қарашалаң СДО» ЖШС, ЖК «Караев Жамбыл» ЖК «Кошкарбаев С», ЖК «Мырзагазиев Ж» шығарып отыр.Қосжар ауылдық округінде орналасқан Қамыстыбас балық питомнигі мен оның Тастақ бөлімшесінде балық өсіруге арналған арнайы инкубациялық цехтары бар. Оның 1-еуі гуманитарлық көмек арқылы Израильден әкелініп құралдарымен жабдықталған. Облыс көлемінде табиғи су айдындарының балық қорын көбейту мақсатында республикалық бюджеттен жыл сайын Кіші Арал теңізіне және Ақшатау көлдер жүйесімен Приморский, Қамыстыбас көлдер жүйесіне осы «Қамыстыбас балық питомнигі» РМКҚ арқылы 14 млн 800 мың дана майда бір жылғы шабақтар және 420 мың екі жылғы шабақтар жіберіліп өсірілуде.<figure class="image"><img src="https://knadmin.beoblood.kz/uploads/ryba_db864d0077.jpg" alt="ryba.jpg"></figure>

«САРАТС» жобасы балық шаруашылығының дамуына серпін берді

<a href="https://kyzylorda-news.kz/">Kyzylorda-news.kz.</a> Тергеу изоляторына теологиялық жұмыстар үшін діни кітаптар сыйға тартылды, деп хабарлайды Қызылорда облысындағы №68 мемлекеттік мекемесінің баспасөз қызметі.&nbsp;Бүгінгі таңда қоғамда қордаланған мәселенің бірі – жат ағымның ықпалына түскендерді оңалту. Осы орайда, Қылмыстық-атқару саласына қарасты Қызылорда облысындағы №68 мемлекеттік мекемесінде жат ағымға кіріп, «адасып» кеткен, яғни мекеменің оқшауланған аймағындағы сотталғандарымен үздіксіз теологиялық оңалту жұмыстары жүргізілуде. Бұл теологиялық жұмыстар, әртүрлі дәрістер мен психологиялық тренингтер, ақпараттық-түсіндіру жұмыстары қолданушылардың радикалды үгіт-насихатқа деген иммунитеттерін қалыптастырады. Сондай-ақ, дінге сенуші сотталғандардың &nbsp;бойында оң иммуниттет қалыптастыру мақсатында, сотталғандардың өз беттерімен сауаттарын арттырып, танымдарын кеңейтулері үшін, діни әдебиеттермен қамтамасыз етіліп отырылады. Осы орайда, мекеменің теолог маманы Рашид Рузиев « Асылмұра» &nbsp;қоғамдық қорынан мекеме кітапхана қорын толтыру үшін дәстүрлі ислам бағытындағы кітаптарды сұратқан болатын. Теологтың сұранысы негізінде, осы қоғамдық қордың өкілі Айжан Асылмұратқызы 21 діни әдебиетті әкеліп берді.<blockquote>«Бүгінгі жаһандану кезінде адамдар дінге деген ізденісін, яғни діни вакумды өз бетінше ізденіп толтыруда. Ал, бұл олардың &nbsp;ғаламтор арқылы улы &nbsp;уағыздарын насихаттап жүрген әртүрлі жат ағымдардың &nbsp;қармауына ілінуге әкелетіндігін байқамайды Арнайы зерттеуші мамандардың айтуы бойынша, теріс жолға &nbsp;түсіп кетушілердің көбі, діни білімнің және зайырлы білімнің аздығынан болады екен. Сондықтан, біздің «Асылмұра-Орда» қоғамдық қоры тергеу изоляторында қамауындағы экстремиз және терроризм басптары бойынша сотталған азаматтармымен теологиялық жұмыстар жүргізу мақсатында пайдаланылатын 21 діни кітаптар сыйға берілді. Бұл кітаптар жазасын өтеушілердің түзелуіне ықпалын тигізеді, сотталғандарды рухани тәрбиелейді. Оларды адамгершілікке, имандылыққа тәрбиелеуге оң әсерін беріп, кейбір жаза өтеушінің өмірлік көзқарастарын жағымды бағытқа өзгертуге септігін тигізеді», - дейді Айжан Асылмұратқызы.&nbsp;</blockquote>Бұл кітаптар радикалдық бағытқа қарсы арнайы тексерістен өтіліп, әр кітап бойынша қысқаша түсіндірме жұмысын жүргізілген соң, мекеменің арнайы контигент арасында әлеуметтік психологиялық тәрбие жұмысы бөлімінің қызметкерлеріне табысталды.<figure class="image"><img src="https://knadmin.beoblood.kz/uploads/Whats_App_Image_2022_12_08_at_15_10_57_1cefc8ccbb.jpeg" alt="WhatsApp Image 2022-12-08 at 15.10.57.jpeg"></figure>

Қызылордада тергеу изоляторына діни кітаптар сыйға берілді

<a href="https://kyzylorda-news.kz/">Kyzylorda-news.kz.</a> Жақында Сыр елінің ұстаздары Астана қаласында өткен «Үздік педагог-2022» республикалық байқауында жеңіпаз атанды. Еліміздің түкпір-түкпірінен қатысқан 123 педагогтың арасынан топ жарған &nbsp;сырбойылық 4 ұстазға ҚР Оқу ағарту министрі Асхат Аймағанбетов «Қызылорда облысының білім беру саласын дамытудағы еңбегі үшін» төсбелгісін тағып, 3 миллион теңгенің сертификатымен марапаттады. Бүгін Өңірлік коммуникациялар қызметінде өткен брифингте үздік атанған қызылордалық ұстаздар барша Сыр жұртшылығына алғыстарын білдіріп, алдағы жоспарларымен бөлісті.<blockquote>«Мен 17 жылдан бері Жалағаш ауданы №123 мектебінде қазақ тілі мен әдебиеті пәні бойынша мұғалім болып қызмет атқарып келемін. Жақында Елорда төрінде өткен республикалық «Үздік педагог-2022» &nbsp;байқауына қатысу мүмкіндігі туды. Биылғы &nbsp;байқаудың ерекшелігі – әр аймақтан жиналған ұстаздар Астана қаласындағы мектептердің бірінде ашық сабақ өткізіп, тың әдістерімен бөліседі. Әрине, өзіміз танымайтын ортада сабақ беру сәл қиындық тудырса да, оқушылармен қызықты дәріс өткіздік. Сабақ аяқталғаннан кейін әділ қазы алқалары &nbsp;барлық сабақ құрылымына өте жақсы деген баға берді. Осы уақытқа дейін оқушыларым да республикалық, облыстық, ауданаралық жарыстарда жүлделі орындармен марапатталып келеді. Сол тәжірбиемнің арқасында республикалық байқауда өзім де «үздік педагог» атандым деп ойлаймын», - деді &nbsp;Жалағаш ауданы №123 мектебінің мұғалімі Салтанат Қосжанова.</blockquote>Брифинг барысында №9 дарынды балаларға арналған облыстық «Білім-инновация» лицей-интернатының мұғалімі Ләззат Құлымбетова еңбектің жоғары дәрежеде бағаланғанына ризашылығын білдірді.&nbsp;<blockquote>«Мен 20 жылдан астам білім саласында еңбек етіп келемін. Қазіргі таңда №9 дарынды балаларға арналған облыстық «Білім-инновация» лицей-интернатында география пәнінен сабақ беремін. Елордада өткен республикалық байқауға қатысқаныма өте қуаныштымын. Онда еліміздің әр аймағынан келген педагогтармен етене жақын танысып, мол тәжірбие алмасып, еркін пікірлестік. Бұл байқауда білім саласында қажырлы еңбек еткен ұстаздардан бөлек, балабақшада бала тәрбиесіне айрықша үлес қосып жүрген тәрбиешілерде қатысты. Сол үздіктердің арасында сырбойылық 4 ұстаз марапат төрінен көріндік. Еңбегіміздің жоғары дәрежеде бағаланғанына сеп болған барша жандарға алғысымыз шексіз», - деді №9 дарынды балаларға арналған облыстық «Білім-инновация» лицей-интернатының мұғалімі Ләззат Құлымбетова.</blockquote><figure class="image"><img src="https://knadmin.beoblood.kz/uploads/318772237_1683438878718284_5412029837268099859_n_795df681a0.jpg" alt="318772237_1683438878718284_5412029837268099859_n.jpg"></figure>

Қызылордалық үздік педагогтар жерлестеріне алғыс білдірді

<a href="https://kyzylorda-news.kz/">Kyzylorda-news.kz.</a> Өңірлік коммуникациялар қызметінде өткен баспасөз мәслихатында Қызылорда облыстық кәсіпкерлік және өнеркәсіп басқармасының басшысы Қамбарбек Мүбәраков Индустрияландыру бағдарламасы аясында биылғы жылы құны 4 млрд. теңгені құрайтын 5 жобаның іске қосылуы жоспарланып, қазіргі таңда 3 жоба іске қосылғанын айтты. &nbsp;Қызылорда облысында бірыңғай индустрияландыру картасы аясында құны 613 млрд. теңгені құрайтын 6,8 мың жұмыс орнын құруға бағытталған 37 жоба жүзеге асырылуда.&nbsp;<blockquote>«Мемлекет басшысының Жолдауынан туындайтын негізгі міндеттердің бірі – отандық және шетелдік инвестиция тарту болып табылады. Биылғы жылы облысқа 373,5 млрд. теңге инвестиция тарту қажет. Бекітілген жоспарға қол жеткізу үшін қала, аудан әкімдіктеріне меже бекітілді. Биылғы жылдың 10 айында өңірге 290,9 млрд. теңге инвестиция тартылып, жоспар 77,8 пайызға орындалды. Атап өту қажет, көрсеткіштің өсімі және жоспардың орындалуы бойынша өңір республикада бірінші орында», - дейді Қамбарбек Мүбәраков.&nbsp;</blockquote>Баспасөз мәслихатында басқарма басшысы әлеуметтік маңызы бар азық-түлік тауарларының бағаларына мемлекеттік бақылау орнату мақсатында жұмыстар жүргізіліп жатқанын да айтып өтті. Бүгінде аймақта 47 сауда нысандарына жоспардан тыс тексеру жұмыстары жүргізіліп, 2 мыңнан астам кәсіпкерлік нысандарына хабарламалар берілген. Аталған нысандарға апта сайын мониторинг жүргізілуде.<blockquote>«Облыста 5 600 сауда орны бар және 30 базар тіркелген. Үш сауда базары, атап айтқанда, «Сыбаға», «Сұлтан», «Асбол» жаңғырту жұмыстарын жүргізу мақсатында 9 млрд. теңгеге экскиздік жобаларын әзірледі. Сауда базарларын жаңғырту жұмыстары 2025 жылы толығымен аяқталып, іске қосу жоспарлануда», - дейді Қамбарбек Мүбәраков.&nbsp;</blockquote>Басқарма басшысының айтуынша, биылғы жылдың 9 айында өңірге 74 мыңнан астам турист келген, оның ішінде 3 мыңнан астамы шетелдік азаматтар. Келушілердің саны былтырғы жылдың ұқсас кезеңімен салыстырғанда 19,8 пайызға артқан. Сондай-ақ, туристтерге көрсетілген қызмет көлемі 9,3 пайызға артқан.<figure class="image"><img src="https://knadmin.beoblood.kz/uploads/Kambarbek_e4310afed5.jpg" alt="Камбарбек.jpg"></figure>

Бірыңғай индустрияландыру картасы аясында 37 жоба іске асырылуда

<a href="https://kyzylorda-news.kz/">Kyzylorda-news.kz.</a> Шағын және орта кәсіпкерлік саласын дамыту – еліміздің алға қойған басты міндеттерінің бірі. Қазалы ауданында&nbsp;шағын және орта кәсіпкерлік субъектілерінің саны өткен жылдың тиісті кезеңімен салыстырғанда 107,1 процент (+392 бірлікке артып), 5 893 бірліктіқұрады.Өткен жылдың тиісті кезеңімен салыстырғанда тіркелген кәсіпкерлер саны 7,1 процентке артып отыр.Жыл басынан жаңадан1858 кәсіпкер тіркеліп,&nbsp;жабылған кәсіпкерлердің саны 1399 бірлікті құрап, яғни жыл басынан бері ШОК субъектілерінің саны 459 бірлікке&nbsp;көбейді.Дегенмен, кейбір ауылдық округтерде әлі де ашылған кәсіпкерлік субъектілерінің санынан жабылған кәсіпкерлік субъектілерінің үлесі басым.<blockquote>«Арықбалық&nbsp;ауылдық округінде ағымдағы жылдың 10 айында 19 кәсіпкерлік бірлік жаңадан тіркелсе, жабылғаны 35 бірлікті құрап отыр. Айырмасы -16 бірлікке тең.Бұл төмен көрсеткіш Қарашеңгел, (-9 бірлік) Аранды, Басықара, Сарыкөл, Сарбұлақ (-6 бірліктен) ауылдық округтерінде орын алып отыр. Әрине, аталған ауылдық округтертердегі кемшіліктер ауданның көрсеткіштерін артқа тартып отырғанын ескеруіміз керек. Ал, өсу динамикасына келетін болсақ, Әйтеке би кенті (+349 бірлік), Қазалы қаласы (+122 бірлік), Майлыбас (+11 бірлік), Ақжона, Көларық (+8 бірлік), Құмжиек (+5 бірлік) ауылдық округтерінде айтарлықтай оң нәтиже қалыптасып отыр. Алайда, осы аталып отырған белсенді кент, қала және ауылдық округтерде бұл көрсеткішпен тоқтап қалмай, өсу қарқынын жоғарылатуға жұмыстарын ширатуы қажет. Жұмыс жасап тұрған ШОК субъектілері бойынша саны 5631 бірлікті құрап, өткен жылдың тиісті кезеңіне 108,8 процент. Белсенділіккөрсеткіші 95,6 процентті құрады. Бұл көрсеткіш бойынша 95 пайыздан төмен көрсеткішті Қазалы қаласы – 94,5 процент, Сарбұлақ – 91,4 процентті көрсетіп отыр. Аталған қала және ауылдық окургтерде әрекетсіз кәсіпкерлердің қызметін қайта қосуға жұмыстар атқарылуы керек», -&nbsp;дейді Қазалы ауданының кәсіпкерлік бөлімінің басшысы Ақтілек Бөрқұлақов.</blockquote>Сонымен қатар, ауданда шағын және орта кәсіпкерлікте тіркелген халықтың үлесі небәрі 7,5 процентті құрайды.&nbsp; Бұл көрсеткіштің төмен екендігін ескеруіміз керек.Шағын және орта кәсіпкерліктегі халықтың үлесі бойынша 5 пайыздан төмен көрсеткіш Майдакөл (4,9 процент), Басықара, Майлыбас (4,7 процент) ,Алға, Бөзкөл (4,4 процент), Тасарық, Бірлік (4,2 процент), Аранды (4,1 процент), Қарашеңгел (3,4 процент) ауылдық окургтерінде қалыптасқан.&nbsp;Бұл көрсеткіш облыс әкімінің де сынына ілікті. Себебі, Қазалы ауданы сауда-саттық дамыған, кәсіпкерлікке бейім аудан ретінде бағаланады.&nbsp;Сондықтан аймақ басшысының жыл соңына дейін аудан кәсіпкерлігіндегі халықтың үлесін 9 процентке жеткізу тапсырмасы тұр.&nbsp;<blockquote>«Сондай-ақ, кәсіпкерлердің санын көбейту үшін барлық әкімдерге&nbsp; өз аумағы бойынша заңсыз кәсіппен айналысушыларды қолданыстағы заңнама шеңберінде салық басқармасына жеке кәсіпкер ретінде тіркетуді және өткен жылдары «Еңбек» мемлекеттік бағдарламасы аясында грант қаражатына ие болып, кәсіп ашқан азаматтардың қызметін қатаң бақылауға алып, жеңілдетілген несиемен қамтудыұсынамын.&nbsp;Себебі, көрсеткіштің төмендеуі осы кәсіпкерлердің кәсібін жыл өткен соң жауып тастауы салдарынан орын алып отыр.Бұдан бөлек, ШОК субъектілерінің санын жыл басымен салыстырғандаөсу қарқынын кемінде 10 процентке арттыру мақсатында аудан әкімімен бекітілген Қазалы ауданындатіркелген және жұмыс жасап тұрған ШОК субъектілері бойынша 2022 жылдың қорытындысымен қолжеткізілу қажет межесінің іс-шара жоспары ұсынылған болатын.&nbsp;Мұндағы мақсатымыз әрбір әкімшілік аумақтағы кәсіпкерлер санын ай-сайын арттыру болатын. Бұл меже бойынша 10 ай қорытындысымен тіркелген және жұмыс жасап тұрған ШОК субъектілері санын ұлғайту яғни, 2 бағыт бойынша тек Әйтеке би кенті, Қазалы қаласы, Ақжона,Алға, Майдакөл, Мұратбаев, Майлыбас, Өркендеу ауылдық округтерінде ғанаорындалған. Қалған ауылдық округтерде 10 ай қорытындысымен кәсіпкерлер санын қажетті межеге жеткізу жұмыстары өз деңгейінде жүргізілмегендігін аңғартады», - деді бөлім басшысы.&nbsp;</blockquote>Ендігі кезекте, кәсіпкерлікті қолдау шараларына келсек,&nbsp;кәсіпкерлікті дамыту және кәсіпкерлер санын арттыру үшін кәсіпкерлік бастаманы қаржылай қолдау шараларын жүргізу өте маңызды. Бұл бағытта ағымдағы жылдың 10&nbsp;айында аудан кәсіпкерлеріне сауда айналымын қаржыландыру, өндіріс түрлерін ашу және ауыл шаруашылығын дамыту мақсатында түрлі қаржы ұйымдары тарапынан 636өтінішкежалпы көлемі 3 млрд 523млн500 мың теңгенің несиесі мен грант қаражаты берілген.Ауданға қарасты барлық әкімшілік-аумақтық бірліктің кәсіпкерлері мемлекеттік қолдау шараларымен қамтылған.Атап айтар болсақ, кәсіпкерлікті дамытудың 2021-2025 жылдарға арналған Ұлттық жоба шеңберінде (БЖК – 2025) және мемлекеттік бағдарламадан тыс екінші деңгейлі банктер арқылы – 194&nbsp; жоба, 2 млрд 63млн 600 мың теңге.КС «Қазалы Несие» ЖШС арқылы – 9 жоба, 441 млн 400 мың теңге болса, «Аграрлық несие корпорациясы» АҚ арқылы – 23 жоба, 180 млн 800 мың теңге. «Атамекен – Қызылорда» МҚҰ арқылы – 13 жоба, 56 млн 100 мың теңге және «Қызылорда» Өңірлік инвестициялық орталығы арқылы – 12жоба, 78 млн 400 мың теңге.Ал КС «Сырдария 1» ЖШС арқылы – 15 жоба, 195 млн 500 мың теңге, КС «Ауыл» ЖШС арқылы – 3 жоба, 58 млн 4 мың теңге, 400 АЕК көлеміндегі «Стартап» грант жобасы арқылы – 366 жоба,446 млн 400 мың теңге және Кәсіпкерлікті дамытудың 2021-2025 жылдарға арналған Ұлттық жоба шеңберінде гранттық қаржыландыру жобасы бойынша – 1 жоба, 2 млн 900 мың теңге.Сонымен қатар, түрлі қаржы ұйымдарында аудан бойынша 401,6 млн теңгенің 44 жобасы қаржыландыруды күтуде.Сондай-ақ, әрбір әкімшілік-аумақтық бірлік экономикалық қажеттілігіне қарай, өз аумағында жоқ кәсіп түрін ашуға бетбұрыс жасауы қажет. Мысалы, қызмет көрсету саласында қоғамдық монша, автокөлік жуу, вулканизация, шаштараз т.б. ал, өндірістік мақсатта нан-кондитер цехы, құрылыс бұйымдары цехын ашқысы келетіндерге қаржылай қолдау жұмыстарына сүйемелдеуді&nbsp; күшейту керек.Осы ретте, әрбір әкімшілік аумақтық бірліктің ШОК субъектілерінің экономикалық қызмет түрлеріне талдау жасалып, кәсіпкерлік паспорттары жасалған болатын. Нәтижесінде, Алға, Басықара, Бозкөл,Бірлік, Құмжиек, Майлыбас, Тасарық ауылдық округтерінде қоғамдық монша, шаштараз сынды қызмет көрсету саласындағы кәсіпкерлік қызмет мүлде тіркелмеген.Ендігі кезекте, осы жұмыстарды өз деңгейінде орындау мақсатында сыртта жүрген табысты азаматтарды елге инвестор ретінде тарта отырып, өңірімізде қызмет көрсету немесе өндіріс бағытындағы бизнестерін дамытуға, жұмыссыздық деңгейін төмендетуге және салық базасының ұлғайюына септігін тигізу үшін жаңа мүмкіндіктерді қарастыру қажет деп ойлаймын.Осы жерде, 2021 жылы Ақтөбе қаласының кәсіпкері, Бекарыстан би ауылының тумасы, жерлесіміз Болат Сансызбаев Майдакөл ауылдық округінде 100 орынға арналған бала-бақша құрылысын пайдалануға беріп, жергілікті жерлен 17 адамды жұмыспен қамтығандығын тілге тиік етіп айтуға болады.<blockquote>«Сонымен қатар, 2022 жылдың 10 айының және жыл қорытындысымен облыста шағын және орта кәсіпкерлік саласының макроэкономикалық көрсеткіштері мен хаттамалық тапсырмалардың орындалуы туралыкеңейтілген мәжілістер ұйымдастырылады.Шағын және орта кәсіпкерлік саласының макроэкономикалық көрсеткіштерінің орындалуы аймақ басшысының басты назарында және бұл сектордың экономикадағы рөлінің жоғары екенін ескере келе, әрбір көрсеткіштердің орындалуын мұқият қадағалап, өз әкімшілік аумақтарыңыз бойынша кәсіпкерлер санының азайып кетуіне жол бермей, керісінше олардың санын ұлғайтуға&nbsp; жұмыс жасап, мемлекеттен қолдау алған кәсіпкерлердің қаржысының мақсатты жұмсалуын бақылауға алуға шақырамын», – дейді бөлім басшысы А.Талайлыұлы.</blockquote>Фото: <a href="https://citynews.kz/uncategorized/kasipkerlik/">Сitynews.kz&nbsp;</a>

Қазалы ауданында кәсіпкерлік әлеуеті артуда

<a href="https://kyzylorda-news.kz/">Kyzylorda-news.kz.</a> Қызылорда облысында 159 жобаға шағын несие беру мақылданған. Бұл туралы Өңірлік коммуникациялар қызметінің баспасөз алаңында өткен брифингте Қызылорда облыстық кәсіпкерлік және өнеркәсіп басқармасының басшысы Қамбарбек Мүбәраков хабарлады.&nbsp;<blockquote>«Жыл басынан бері 3423 кәсіпкерлік бастама гранттармен қаржыланырылып, 1939 жоба банктер мен қаржы институттары арқылы 28,3 млрд. теңгеге несиелендірілді. Қазірдің өзінде «Қызылорда» өңірлік инвестициялық орталығымен шағын кәсіпкерлердің 159 жобасына 965,5 млн. теңге шағын несие беру мақұлданды. Сонымен қатар биылғы жылы қаңтар оқиғасынан зардап шеккен 21 кәсіпкерлік субъектісінің қызметін қайта қалпына келтіру жұмыстары жүргізілді», - дейді басқарма басшысы.&nbsp;</blockquote>Өнеркәсіп саласының 70 пайыздан астамы тау-кен секторына тиесілі. Соңғы 8 жыл ішінде өңір үшін үлкен проблема мұнай өндіру көлемінің қысқаруы болып табылады. Мұнай өндіру ісі жыл сайын 10-12 пайызға қысқарып келеді.&nbsp;<blockquote>«Биылғы жылы мұнай өндіру көлемі 700 мың тоннаға төмендеп, 3,5 млн. тоннаны құрайды. Осыған орай, мұнай өндіру көлемінің төмендеуіне байланысты 10 айда өнеркәсіп өндірісінің көлемі 1,3 пайызға төмендеп, 854 млрд. теңгені құрады. Дегенмен, мұнай қорын толықтыру мақсатында геологиялық зерттеу жұмыстары жүргізілуде. Республикалық бюджет қаражаты есебінен Шу-Сарысу, Сырдария және Арал бассейндерінде зерттеу жұмыстарын жүргізу көзделген», - дейді Қамбарбек Мүбәраков.&nbsp;</blockquote>Айта кетейік, 2013 жылдан бастап өңірде мұнай өндіру көлемі шамамен 60 пайызға қысқарды. 2013 жылы 10,5 млн. тонна өндірілсе, өткен жылы бұл көрсеткіш 4,2 млн. тоннаны құрады.&nbsp;<figure class="image"><img src="https://knadmin.beoblood.kz/uploads/Kambarbek_e4310afed5.jpg" alt="Камбарбек.jpg"></figure>

Қызылордада 159 жобаға шағын несие беру мақұлданды

<a href="https://kyzylorda-news.kz/">Kyzylorda-news.kz.</a> Қызылорда облысы өңдеу өнеркәсібінің өсімі бойынша республика көлемінде алғашқы бестікке еніп отыр. Бұл жөнінде Өңірлік коммуникациялар қызметінде өткен брифингте Қызылорда облыстық кәсіпкерлік және өнеркәсіп басқармасының басшысы Қамбарбек Мүбәраков мәлімдеді.<blockquote>«Экономиканың тұрақтылығын қамтамасыз ету, тұрақты жұмыс орындарын құру мен кірісті ұлғайтудың басты факторы – кәсіпкерлікті дамыту екені белгілі. Биылғы жылдың 10 айында облыста тіркелген шағын және орта кәсіпкерлердің саны 22,3 пайызға ұлғайып, 69 415 бірлікке жетті. Нәтижесінде, жұмыс жасап тұрған белсенді кәсіпкерлердің саны 27,5 пайызға ұлғайып, 64358 бірлікті құрады. Тіркелген кәсіпкерлер санының өсу қарқыны бойынша облыс республикада 4 орында болса, белсенді кәсіпкерлердің өсу қарқыны бойына 5 орында», - дейді Қамбарбек Мүбәраков.</blockquote>Басқарма басшысының айтуынша, биылғы жылы кәсіпкерлікті қаржылай қолдауға әртүрлі көздерден 20 млрд. теңгеден астам қаржы тартылды. Оның ішінде, Кәсіпкерлікті дамыту жөніндегі ұлттық жоба шеңберінде 9,5 млрд. теңге, «Қызылорда» өңірлік инвестициялық орталығына 2,9 млрд. теңге қаржы қарастырылған.&nbsp;<blockquote>«Өнеркәсіп саласы төмендеуіне қарамастан, өңдеу өнеркәсібінде оң динамика байқалуда. Биылғы жылдың 10 айында өңдеу саласында 194 млрд. теңгенің өнімі өндіріліп, өсімі 8,3 пайызды құрады. Айта кету керек, өңдеу өнеркәсібінің өсімі бойынша облыс алғашқы бестікке енді. Сонымен қатар, өңдеу өнеркәсібін дамытудағы басты жаңалық – шыны зауытының іске қосылып, қазан айынан бастап өнім өндіруі. Бүгінгі күннің өзінде 17 мың тоннаға жуық шыны Астана, Алматы, Шымкент қалаларына жіберілді. Алдағы уақытта Өзбекстан Республикасына экспорттау көзделуде. Атап өту қажет, зауытты іске қосу арқылы шағын және орта кәсіпкерлікті дамытудың белдеуін дамытып, 8 ілеспе кәсіпорын құруға жұмыс жүргіземіз», - дейді басқарма басшысы Қамбарбек Мүбәраков.</blockquote><figure class="image"><img src="https://knadmin.beoblood.kz/uploads/Kambarbek_e4310afed5.jpg" alt="Камбарбек.jpg"></figure>

Қамбарбек Мүбәраков: Шағын және орта кәсіпкерлердің саны 22,3 пайызға ұлғайды

<a href="https://kyzylorda-news.kz/">Kyzylorda-news.kz.</a>&nbsp; Арал ауданы бойынша егін шаруашылығын дамыту мақсатында 2022-2024 жылдарға арналған даму жоспары әзірленіп, егіс көлемін 800 гектардан 3000 гектарға дейін жеткізудің жол картасы бекітілді. Сондай-ақ, егін шаруашылығын дамытуға байланысты оның ішінде, мал азықтық шөптер (жоңышқа), бақша, көкөніс және тағы да басқа дақылдарды ұлғайту шеңберінде біршама жұмыстар ұйымдастырылды.Егін шаруашылығындағы өнімділікті арттыру мақсатында жергілікті шаруалармен теориялық түсіндірме жұмыстарын ұйымдастыру үшін, облыс орталығынан келетін ғылыми қызметкерлердің қатысуымен ақпан айының бірінші онкүндігінде Арал ауданынан көшпелі семинар-кеңес өткізілді.Өз өзімізді азық түлік өнімдерімен және мал азықтық шөппен қамтамасыз ету үшін 2022 жылға егістік және шабындық жерлерді ұлғайту бойынша Ақирек, Жетес би, Аманөткел, Бөген, Райым және Қаратерең ауылдық округтерінің жер учаскелеріне далалық өлшеу жұмыстары жүргізіліп, нәтижесінде жалпы көлемі – 493 гектар жер учаскелері шаруашылықтарға табысталып берілді.Осының нәтижесінде, бүгінгі күнге аудан бойынша табысталып берілген жерлерге барлығы 704,2 гектар егістік дақылдары орналастырылды.&nbsp;Оның ішінде,11,7 га картоп, 53 га көкөніс, 170 га бақша, 73 га ескі жоңышқа, 221 га жаңа жоңышқа және 175,5 га күздік жоңышқа орналастырылып, одан орташа есеппен 163,8 тонна картоп, 636 тонна көкөніс, 2125 тонна бақша өнімдері &nbsp;және 401,2 тонна жаңа жоңышқа өнімдері жиналды.Биылғы жылы суды тиімді пайдалану әдістерімен суды аз қажет ететін қондырғылармен пайдалануды қолға алдық.Оған дәлел, Ақирек ауылдық округіндегі «Асхат» және «Нұр-Дана» шаруа қожалықтары подпленка әдісімен 7 гектар жерге бақша дақылдарын орналастырса, Сексеуіл кентінің жеке тұрғындары 3-4 га жерге бақша дақылдарын екті. Ал, Атанши ауылдық округіндегі жеке кәсіпкер Е.Төреханов 10 гектар жерге тамшылатып суару әдісімен бақша, көкөніс дақыларын орналастырса, Аманөткел ауылдық округіндегі «Camel Pro» шаруа қожалығы 80 гектар жерге жаңбырлатып суару қондырғысы арқылы жаңа жоңышқа тұқымын септі.Сонымен бірге егістік жерлерді суару үшін биылғы жылы 10 дана жылжымалы ДНУ-200/75 дизельді су насосы сатып алуға республикалық бюджеттен қаржы бөлініп, алынған су насостары егін егуге кіріскен сыр беткейіндегі ауылдық округтерге табысталды.Ағымдағы жылы ауданды азық-түлік қауіпсіздігін қамтамасыз ету мақсатында тұрғындардың өзін-өзі әлеуметтік маңызы бар картоп, көкөніс, бақша өнімдерімен қамтамасыз ету үшін жеке тұрғындар бойынша 70 гектардан астам жерге егіс егілді.Фото: Іnbusiness.kz

Арал ауданында 493 гектар жер учаскесі шаруашылықтарға берілді

<a href="https://kyzylorda-news.kz/">Kyzylorda-news.kz.</a> Діни сауаттылықтың қоғам үшін маңызы зор. Бүгінде діни сауатсыздықтан түрлі теріс ағымдардың құрығына түсіп, өз тағдырларын тәлкек еткен азаматтар жетерлік. Олардың арасында ақ пен қараның ара жігін ажыратып үлгермеген өрімдей жастардан бастап, егде жасқа келген азаматтар да кездеседі. Дегенмен, қазіргі таңда теріс діни ағымдар санасын улаған осындай азаматтарды оңалту, алдын алу мақсатында мемлекет тарапынан ауқымды жұмыстар жасалып жатыр. Осы ретте, азаматтардың діни сауаттылығын арттыруда имамдардың рөлі ерекше орын алатыны белгілі.Осы орайда, ҚМДБ-ның Қызылорда облысы бойынша өкілдігі Қармақшы аудандық «Қармақшы ата» мешітінде Қызылорда облыстық «Ақмешіт-Сырдария» мешітінің найб имамы, шариғат және пәтуа бөліміне жауапты маман, ЖАНТ мүшесі Мағжан Өмірбеков қатысуымен аудан және ауыл имамдарына арналған «Цифрлы заманда пәтуа берудің әдебі мен маңыздылығы» тақырыбында семинар болып өтті.Жалпы, пәтуа беру үлкен жауапкершілік. Алла Тағала Құранда: «Мұхаммед (оған Алланың салауаты мен сәлемі болсын) олар сенен, әйелдер жайында пәтуа сұрайды. Оларға Алла сендерге олар жайында пәтуасын білдіреді» («Ниса» сүресі, 127-аят) деген екен.Семинарда қоғамдағы өзекті мәселелерге қатысты пәтуа шығару, халық тарапынан келген сұрақтарға жауап беру ҚМДБ-ның басты жұмыстарының бірі екені айтылып, қосымша пысықталды. &nbsp;<img src="https://knadmin.beoblood.kz/uploads/318690114_851121316008410_854040136280634804_n_5a46ea0ca0.jpg" alt="318690114_851121316008410_854040136280634804_n.jpg">

«Цифрлы заманда пәтуа берудің әдебі мен маңыздылығы» тақырыбында семинар өтті

<a href="https://kyzylorda-news.kz/">Kyzylorda-news.kz.</a>&nbsp; Балықшылар мұз үстіне шығатын уақытты тағатсыздана күтеді. Бірақ, қыс кезіндегі балық аулаудың біршама&nbsp; қауіптілігі бар екендігін ұмытпау керек. Мұз үстіне шығу - әрқашан да қауіпті іс. Шиелі ауданының Төтенше жағдайлар бөлімі,&nbsp; балық аулаушылардың назарына жасалған, негізгі мұздағы қауіпсіздік ережелерін ұсынады. &nbsp;Мұзда адамның болуының негізгі қауіпсіз жағдайлары мыналар:&nbsp;- ұсынылған салмаққа мұз қалыңдығының сәйкес келуі;&nbsp;- бір адам үшін қауіпсіз мұздың қалыңдығы 7 см-ден кем болмауы керек;&nbsp;- жаяу өткел үшін қауіпсіз мұздың қалыңдығы 15 см және одан артық болуы керек;&nbsp;- автокөліктің өтуі үшін қауіпсіз мұздың қалыңдығы 30 см-ден кем болмауы керек;&nbsp;- судың температурасы 2-3°С кезде адамның суда 5-10 минут болуы оның өмірі мен денсаулығы үшін аса қауіпті.&nbsp;Мұз үстіндегі қозғалыс ережесі:&nbsp;•Мұз үстіне шығу тек тәуліктің жарық кезінде болуы керек;&nbsp;•Су айдынына шығар алдында мұздың мықтылығын тексеріңіз. Кәсіпқой балық аулаушыларға арналған жерлерде, тұрақты мұз қалыңдығын өлшеу жүргізіледі. Ол жеті сантиметрден кем болмауы керек;&nbsp;•Балық аулау орнына мұз үстімен жүргенде, қар басқан жерлерден аулақ жүріңіз;&nbsp;•Мұз үсті мөлдір болуы керек. Сүт түстес борпылдақ мұз беті қауіпті болады. Мұз бетімен жылжығанда оның түсіне назар аударыңыз. Неғұрлым мұз ашық түсті болса, ол соғұрлым қалың.&nbsp;Балық аулау барысында:&nbsp;•Мұз бетінде кішкентай алаңда көп топ болып жиналмаңыздар;&nbsp;•Шектеулі жерде көп ойықтар жасамаңыз;&nbsp;•Егер де сіз мұз астына түсіп кетсеңіз, үрейленбеуге тырысыңыз. Алдымен мұз бетіне бір аяғыңызды шығарыңыз, содан кейін екіншісін. Барлық денеңізбен мұз бетіне шыққанда, ақырындап қауіпсіз жерге сырғанаңыз. Киіміңізді ауыстыру үшін мүмкіндігінше су айдыннан тезірек кетіңіз.&nbsp;Құтқарушылардың көмегі қажет болған жағдайда 101, 112 телефондарына хабарласыңыз.

Мұз үстінде балық аулаушылар қауіпсіздік ережесін сақтауы тиіс

<a href="https://kyzylorda-news.kz/">Kyzylorda-news.kz.</a> Қармақшы ауданы, Ақжар ауылдық округі әкімдігінің ұйымдастыруымен жастарға түрлі тақырыпта бағыт-бағдар беру мақсатында ауыл жастары, оқушылар мен облыстық «Жастар ресурстық орталығы» мекемесінің қызметкерлері ашық алаңда бас қосты.Жиында жастардың өзекті мәселелері сөз болды. Атап айтар болсақ, мамандық таңдауда жіберілетін қателіктер мен оған бағыт-бағдар беру, кәсіпкерлік, кәсіп ашу туралы кеңестер беріліп, сала мамандарымен жастар еркін форматта пікір алмасты.Сонымен қатар облыстық «Жастар ресурстық орталығы» мекемесі директорының орынбасары Ерлан Мырзалыұлы ауыл жастарына Жастар ресурстық орталығының базасын таныстырып, орталық тарапынан жастарға көрсетілетін қызмет барысын түсіндірді. Қазіргі таңда жастар арасында өзекті саналатын жұмыссыздық пен кәсіпкерлік, кәсіп ашу мәселелерін де жастар мен сала мамандары өзара талқылады. Сондай-ақ ауыл жастары мемлекет тарапынан кәсіп бастауға берілетін жеңілдіктер мен несиелер, кәсіпкерлік бағытындағы бағдарламалар турасында да мол мағлұматтар алды.Шара соңы ауыл жастарының концерттік бағдарламасына ұласты. Жастар ән мен биден шашу шашты.<figure class="image"><img src="https://knadmin.beoblood.kz/uploads/318149419_1407575270017128_4202497241218663693_n_05446e028d.jpg" alt="318149419_1407575270017128_4202497241218663693_n.jpg"></figure>

Қазақстан және Қызылорда облысының жаңалықтары