<a href="https://kyzylorda-news.kz/">Kyzylorda-news.kz.</a> Қызылорда облысы орталығында «Қайырымдылық жылы жүректен» атты қайырымдылық жасаушылар мен меценаттар форумы өтті.&nbsp;Маңызы жоғары шараға өңірдегі қайырымдылық жасаушылар мен меценаттар, облыстық ҚХА жанындағы волонтерлар мен жастар ұйымының жетекшілері, мүшелері және БАҚ өкілдері қатысты.Форумның мақсаты – Сыр өңіріндегі қайырымдылық жасаушы меценаттар мен кәсіпкерлерді қолдау, қайырымдылықтың дамуына жаңа екпін беру.&nbsp;Форум модераторы облыстық қоғамдық даму басқармасы басшысының орынбасары Алмасбек Есмаханов &nbsp;жыл көлемінде өңірлік ассамблеямен бірлесіп атқарылған ауқымы кең қайырымдылық шараларға тоқталып өтті.&nbsp;<blockquote>«Бүгінгі күні Қазақстан халқы Ассамблеясы туған жеріне, өсіп-өнген өлкесіне көмек жасауға талпынған азаматтарды қолдау және ынталандыру бағытында игілікті істер атқарып келеді. Аталмыш форумның мақсаты - жыл көлемінде ғана емес, өмірлік ұстаным ретінде қалыптасқан игі іспен айналысып жүрген жандарды таныту болып табылады. Атап өтер болсақ, Қызылорда облыстық ассамблеяның «Қайырымдылық керуені» акциясы аясында жүрегі жомарт жандардың қолдауымен 97 қайырымдылық шаралары ұйымдастырылып, 3000-ға жуық адамға 7,2 млн. теңгенің көмегі көрсетілді. Қайырымдылық жасаушылар арасында облыстық этномәдени бірлестік өкілдері, облыстық мамандандырылған Күзет қызметі басқармасы, жеке кәсіпкерлер және «Ассамблея жастар» ұйымы мен Достық үйі жанынан құрылған волонтерлер &nbsp;өз үлестерін қосуда», - деді Алмасбек Есмаханов.&nbsp;</blockquote>Шарада жыл бойына облыстық ассамблея тарапынан жасалынған қайырымдылық іс-шаралар туралы бейнеролик көрсетілімі қатысушылардың назарына ұсынылды.&nbsp;Форум аясында сөз сөйлеу құрметі мұқтаждарға мейірімділік танытып, қайырымды бағытта қарымды жұмыстар атқарып жүрген облыстық Қазақстан халқы ассамблея жанындағы волонтерлар қозғалысының жетекшісі Ирина Шек, облыстық мамандандырылған күзет қызметі басқармасының бастығы, полиция полковнигі Бижігіт Оспанбеков, &nbsp;шешен этномәдени бірлестігінің белсендісі, жеке кәсіпкер Арби Вагапов, «Ассамблея жастары» республикалық жастар қозғалысының облыстағы жетекшісі Елена Пакқа берілді. &nbsp;Мұнан соң қайырым жасауды өзіне мұрат еткен, ұрпаққа үлгі болар азаматтарды марапаттау рәсімі болды.&nbsp; Қазақстан халқы Ассамблеясының «Алғыс» төсбелгісін «Техоснастка - Ремсервис» ЖШС директоры, кәсіпкер Илларион Ли иеленді.Ал облыс әкімінің орынбасары Нұрымбет Сақтағановтың Алғыс хатымен «Мамандандырылған күзеті басқармасы» мемлекеттік мекемесінің бастығы Бижігіт Оспанбеков, шешен этномәдени бірлестігінің белсендісі, жеке кәсіпкер Арби Вагапов, &nbsp;Неміс этномәдени бірлестігінің белсендісі, жеке кәсіпкер Виктория Шек, Қызылорда облыстық қоғамдық даму басқармасы басшысы Мира Қазбекованың Алғыс хатымен «Ассамблея жастары» РЖҚ облыстағы жетекшісі мен белсенділері марапатталды.&nbsp;<figure class="image"><img src="https://knadmin.beoblood.kz/uploads/316811042_3367615516890938_7140295531193172831_n_888efb2471.jpg" alt="316811042_3367615516890938_7140295531193172831_n.jpg"></figure>

Қызылордада қайырымдылық жасаушылар мен меценаттар форумы өтті

<a href="https://kyzylorda-news.kz/">Kyzylorda-news.kz.</a> Кеше JCI - Jaidarman Creative Industry орталығы республикалық жайдарман фестивалін ұйымдастырды.&nbsp;Н.Бекежанов атындағы драма театрында өткізілген әзіл кешінде республикалық «Жоғары лига» ойындарының құрамаларымен ардагер жайдарманшылар өнер көрсетті.Жекпе-жек форматында өткізілген фестивальде төмендегі командалар керемет өнер көрсетіп, көрермен көңілінен шықты деп ойлаймын.- «Медиум» командасы, Тараз қаласы; - «Эверест» құрамасы, Алматы қаласы; - «Абырой» командасы, Шымкент қаласы; - «Ақпен бірге» командасы, Алматы қаласы; - «Қазалы құрамасы», Қазалы ауданы; - «Рудный құрамасы», Қостанай облысы; - «Барыстар командасы», Ақтау қаласы; - «Арал АС» командасы, Қызылорда облысы.<blockquote>«Телевизиялық жайдарман ойындарын Сыр елінде өткізсек деген ұсынысымызды қабыл алып, барлық жағынан қолдау жасаған Есен Елеукен ағамызға алғысым шексіз. Шараның жоғары деңгейде өткізілуіне қолдау білдіргені үшін Қызылорда қаласының әкімдігіне, Қызылорда облыстық қоғамдық даму басқармасына және Нартай Бекежанов атындағы драма театрына алғыс білдіреміз», - дейді Қызылорда қалалық «Жастар ресурстық орталығы» КММ директоры Алиби Басаров.</blockquote><figure class="image"><img src="https://knadmin.beoblood.kz/uploads/316546336_3209232919387504_1210905843561335196_n_ffb12a8b0a.jpg" alt="316546336_3209232919387504_1210905843561335196_n.jpg"></figure><figure class="image"><img src="https://knadmin.beoblood.kz/uploads/317388232_3209233592720770_9180867704566439326_n_06e0e431d4.jpg" alt="317388232_3209233592720770_9180867704566439326_n.jpg"></figure><figure class="image"><img src="https://knadmin.beoblood.kz/uploads/316817680_3209233229387473_1078960876915831311_n_ef4380c2e6.jpg" alt="316817680_3209233229387473_1078960876915831311_n.jpg"></figure>

Қызылордада республикалық Жайдарман жекпе-жек ойыны өтті

<a href="https://kyzylorda-news.kz/">Kyzylorda-news.kz.</a> Қызылорда өңірінде барлық аудан орталықтары толықтай газға қосылған. Қазірдің өзінде аймақта тұрғындардың газ тұтыну деңгейі 68 пайызға жетті.Президент тапсырмасы аясында межеленген міндеттер өз уақытында орындалып, әр жыл сайын бірнеше елді-мекенге табиғи газ тартылып, тұрғындар көгілдір отынның игілігін көруде. Бұл туралы облыс әкімдігінің баспасөз қызметі хабарлады.Биыл елді мекендерді газдандыруға арналған 14 жобаны жүзеге асыруға бюджеттен 8,7 млрд.теңге қаржы бөлінген. 14 жобаның 8-і биыл аяқталса, қалған 6-ы келер жылы жүзеге асырылмақ.Осы жылы Шиелі ауданындағы Алғабас және Ақмая ауылдары, Тереңөзек кентіндегі газдандырылмай қалған көшелерге газ құбыры тартылып, Қазалы ауданындағы Қазалы қаласын газдандыру жұмыстары толық аяқталды.Ал, Жаңақорған ауданындағы Бірлік және Қыраш, Қазалы ауданы Пірімов, Жалаңтөс батыр, Басықара елді мекен тұрғындары да жақын күндері көгілдір отынның қызуын сезініп, көмір жағып, күл шығару мехнатынан арылады.Биылғы жылдың ІІ жарты жылдығынан бастап Қармақшы ауданындағы Төретам кенті мен Ақай ауылы, Арал ауданындағы Сексеуіл кентін газдандыру жұмыстары басталып кетті. Шиелі ауданындағы Тартоғай елді мекенінде автоматты газ тарату станциясын орнату жобалары да қатар жүзеге асады.Жобаларды іске асыру нәтижесінде биыл облыстың 19 мыңға жуық тұрғыны табиғи газқа қосылып, көгілдір отынның игілігін көреді.Айту керек, өткен жылы басталған Қызылорда қаласына қарасты Наурыз және Махамбет елді мекендерін газдандыру жобасының құрылыс жұмыстары 2023 жылға өтпелі. Дегенмен бұл жобаны да мердігер өз қаражатымен биыл аяқтауға ниетті.Әкімдік келер жылы Энергетика министрлігіне 15 жобаға өтінім ұсынды. Салалық министрліктен қолдау тапса, Сыр еліндегі бірнеше ауылға, қаланың шеткері аймақтарындағы тұрғын үйлерге алау оты жағылады. Мәселен, қала маңындағы Абай мен Досан ауылы, Шиелідегі Бестам, Еңбекші, Жиделіарық, Жаңақорғандағы Жайылма ауылы, Шалқия, Құттықожа, Төменарық және Кейден елді мекеніне газ жеткізу жоспарланған.Облыс орталығына жақын Сырдария ауданына қарасты С.Сейфуллин, Қалжан ахун, Жалағаштағы Ақсу ауылдары да бұл тізімде тұр.Аймақта 2027 жылға дейін тағы 45 елді мекенді көгілдір отынмен қамту жоспарда бар. Нәтижесінде, облыстың газдандыру деңгейін 85 пайызға жетеді.<img src="https://knadmin.beoblood.kz/uploads/317099094_439583325029584_4096106087001628103_n_e58bd66122.jpg" alt="317099094_439583325029584_4096106087001628103_n.jpg">

Қызылордада алдағы 5 жылда 45 елді-мекенді көгілдір отынмен қамту жоспарланды

<a href="https://kyzylorda-news.kz/">Kyzylorda-news.kz.</a> 1 желтоқсан - халықаралық невролог күні. Адамның жүйке жүйесі барлық өмірдің процестерге қатысады. Көптеген аурулар неврологиялық себептерге байланысты болуы мүмкін. Шиелі аудандық ауруханасының дәрігерлері буғана плекситі диагнозы қойылған науқасқа көмек көрсетті.Бұл ауру қатты ауырсынумен, ісінумен, қолдағы сезімталдықтың жоғалуымен көрінеді. Осындай белгілермен Назира Төлешова емхана дәрігерлерге жүгінді. Шиелі аудандық мұрағатының 59 жастағы қызметкері күндізгі стационарға емделуге жолданды. Неврологиялық патологияны одан әрі емдеу үшін науқас Шиелі аудандық ауруханасының тәулік бойы стационарына жатқызылды.<blockquote>«Оң иығым қатты ауырды, орнымнан тұра алмадым. Қазір деңсаулық жағдайым жақсарды. Ауруханада қажетті емнің барлығын аламын – антибиотиктер, массаж, жаттығу терапиясы. Дәрігерлерге мың алғыс! Басқа аурулар бойынша есепте тұрған жоқпын. Тез жазылып кетемін деп сенемін, өткені жақында жылдық есеп», &nbsp;– дейді Назира Төлешова.</blockquote>Невропотолог Мира Әнуарбекованың айтуынша, аурудың асқынуы сал ауруына байланысты мүгедектікке әкелуі мүмкін.<blockquote>«Қозғалу аз, жарақаттар, остеохондроз, эндокриндік, аутоиммунды аурулар және басқа да бірқатар факторлар плекситтің себептері болып табылады. Уақтылы емдеу сіңір рефлекстерінің толық қалпына келуіне мүмкіндік береді», - деп атап өтті Мира Әнуарбекова.</blockquote>Шиелі аудандық ауруханасы мамандарының мәліметінше, терапия бөлімшесінің тәулік бойғы стационарында жыл басынан бері 2 мыңнан астам ауыл тұрғыны ем қабылдаған. Бұл мақсаттарға Әлеуметтік медициналық сақтандыру қорынан 366,6 млн. теңге бөлінді.<figure class="image"><img src="https://knadmin.beoblood.kz/uploads/Whats_App_Image_2021_11_29_at_11_55_22_40919ad853.jpeg" alt="WhatsApp Image 2021-11-29 at 11.55.22.jpeg"></figure>

МӘМС: Жыл басынан бері 2 мыңнан астам ауыл тұрғыны ем қабылдады

<a href="https://kyzylorda-news.kz/">Kyzylorda-news.kz.</a>&nbsp; Жаңақорған ауданында «Балалар жылына» орай үстел теннисінен 10-14 жастағы ұл-қыздар арасындағы ашық біріншілік ұйымдастырылды.&nbsp;Тартысты додада үздік нәтиже көрсеткен Қызылорда облысының № 4 олимпиадалық резерві мамандырылған балалар мен жасөспірімдер мектебінің құрама командасы І-ші орын алды. ІІ-ші орынға Жаңақорған ауданының құрама командасы орналасса, ІІІ-ші орын &nbsp;Төменарық ауылдық округінің командасына бұйырды.<blockquote>«Мұндай жарыстарға бірнеше мәрте қатыстым, бірақ осындай деңгейдегі турнирден алғаш бірінші орын алуым. Қарсыластарымды жеңіп, чемпион атанғаныма өте қуаныштымын. Алдағы уақытта бапкерімнің үмітін ақтап, республикалық сайыста да жеңімпаз болғым келеді. Менің қабілетімді байқап, спортқа бағыттаған ата-анама да алғысым шексіз. Олар үнемі менің қолдаушым болып жанымнан табылады», - дейді ойыншылардың бірі Айзере Ермұратова.</blockquote>Сондай-ақ, Қызылорда облысы құрама командасының бапкері Ернар Ибрай «Үздік жаттықтырушы» номинациясымен марапатталды.&nbsp; Мұнан бөлек, кейбір жеке ойыншылар «Ең жас ойыншы», «Үздік ойыншы» номинациясында марапатталды.Жарыс қорытындысымен жүлделі орындарға ие болған 7 үздік ойыншы Алматы қаласында өтетін турнирге жолдама алды.<figure class="image"><img src="https://knadmin.beoblood.kz/uploads/sport_2_5a6ec2f363.jpg" alt="спорт 2.jpg"></figure><img src="https://knadmin.beoblood.kz/uploads/sport3_43c3795354.jpg" alt="спорт3.jpg">

Жаңақорған ауданында үстел теннисінен ашық біріншілік өтті

<a href="https://kyzylorda-news.kz/">Kyzylorda-news.kz.</a> Қармақшы ауданында жан-жақты қолдаудың, кәсіпкерлікті дамытуға арналған түрлі бағдарламалардың нәтижесінде аудан орталығымен қатар, кент, елді мекендерде де кәсіппен айналысуға ниетті азаматтар саны артып, кәсіпкерлік нысандары да көбеюде. Мұның бірден-бір басты себебі қазіргі таңда мемлекет тарапынан кәсіпкерлік саласына ерекше ден қойылып, бизнесті дамытуға қолайлы жағдай жасалуында десек қателеспейміз.&nbsp;Осы ретте, бүгін Қармақшы ауданы әкімі Әділбек Ерсұлтанов қатысуымен Жосалы кенті орталығында жаңа «Адина» жеміс-жидек сауда үйі ашылып, өз жұмысын бастап кетті.Салтанатты рәсімде сөз алған аудан әкімі жаңа сауда үйі тауар түрлерін қолжетімді бағамен қатар әрқашан тұрғындарға сапалы өнім ұсынып, тиімді қызмет көрсетуіне тілектестігін білдірді.Бүгінде «Адина» сауда үйінің егесі, жеке кәсіпкер Нағима Тоқсанбаева өз қаражаты есебінен әлеуметтік маңызы бар жеміс-жидектер дүкенін ашып отыр. Жаңа нысанда 5 жұмыс орындары ашылды. Осылайша, өңірде жұмыссыз азаматтардың да саны кеміп, халықтың әл-ауқаты жақсаруда. Сонымен қатар, кәсіпкер «Адина» киім-кешектер сауда үйін ашып, халыққа қызмет көрсетіп келеді.Айта кетейік, қазіргі уақытта аудан бойынша кәсіпкерлік субъектілерінің саны 4032 бірлікті құрап, өткен жылдың сәйкес кезеңімен салыстырғанда 120,6 пайызды құрайды. <img src="https://knadmin.beoblood.kz/uploads/6_c595333d9e.jpg" alt="6.jpg"><img src="https://knadmin.beoblood.kz/uploads/8_240e52a8e6.jpg" alt="8.jpg"><img src="https://knadmin.beoblood.kz/uploads/7_385bfa1ec6.jpg" alt="7.jpg">

Өңірде мемлекеттік бағдарламалар арқасында кәсіпкерлер қатары артып келеді

<a href="https://kyzylorda-news.kz/">Kyzylorda-news.kz.</a> &nbsp;Бүгін Әбділда Тәжібаев атындағы Қызылорда облыстық кітапханасында оқырмандардың кітап оқу мәдениетін қалыптастыру мақсатында «Артық білім кітапта» тақырыбында жаңа әдебиеттердің кітап көрмесі ұйымдастырылды.Мақсаты - оқырмандардың кітап оқуға қызығушылығын арттыру, кітап оқу арқылы мәдениеттілікке тәрбилеу, кітапхана мен оқырмандар арасындағы байланысты нығайту.Көрмеге қойылған белгілі қаламгер, ақын Аманжол Қорғанбектің «Айсберг астындағы ағыстар» кітабында &nbsp;көркем әдебиетке қатысты ой-толғамдары, эссе-мақалалары мен сұхбат әңгімелері топтастырылған. Салтанат Минайханың «Жеңілмейтін махаббат» атты кітабы Отанға деген сағыныш, ата-ананың махаббаты, екі жастың адал сезімдерімен қатар ауылдың сағынышка толы естеліктері суреттелген. Егеухан Мұқамәдиқызының «Талбесік» атты төрт бөлімнен туратын &nbsp; жыр жинағына өлеңдері мен толғау-поэмалары және соңғы кездері жазған жаңа шығармалары енген. &nbsp;Ақын жырларының әрбір жолынан ана жүрегінің мейірімге толы ыстық лүпілі аңғарылып тұрады.&nbsp;Сондай-ақ, көрмеге Мадина Омарованың «Менің қаһарман шөберем» кітабы, Нұргали Оразовтың балалар мен жасөспірімдерге арналған хикаяттар мен әңгімелері жинақталған «Ақ ұлпа» жинағы, Надежда Чернованың «Летящие в тумане», ақын Базарбай Исаевтың «Мөлдір», Ділдар Мамырбаеваның хикаяттар мен әңгімелері енген «Роботтар отбасы» кітаптары, Ербол Тілешовтың Алаш қозғалысының тұлғалары, тарихы жайлы «Алаш туы астында…» ғылыми танымдық жинағы, Нұржан Светқалидың «Жастықтың жазғы жайлауы» т.б. кітаптар оқырман назарына ұсынылды.<figure class="image"><img src="https://knadmin.beoblood.kz/uploads/316813781_3438582746464329_2205321906747717096_n_bd8501e5df.jpg" alt="316813781_3438582746464329_2205321906747717096_n.jpg"></figure>

Қызылордада кітап оқу мәдениетін қалыптастыру көрмесі өтті

<a href="https://kyzylorda-news.kz/">Kyzylorda-news.kz.</a>&nbsp; «Күміс теңге» операциясы» атты танымдық қаржылық детективінің кезекті шығарылымы қаржы пирамидаларына қарсы іс-қимыл тақырыбына арналған.Қосымшада алаяқтардың айла-амалдарына қалай түспеуге болатындығы, қаржылық пирамиданы қандай белгілермен анықтауға болатындығы және олардан қалай қорғану керектігі туралы жауаптар берілген.Шығарылымда «Қауіпті пирамидалар» оқу комиксі және «Пирамиданы айналып өт» деген экономикалық лабиринт ойыны бар, бұл жас оқырмандарға өткен материалды бекітуге мүмкіндік береді.Балаларға арналған қаржы детективі ҚР Қаржы нарығын реттеу және дамыту агенттігінің қаржылық сауаттылық бойынша арнайы қосымшасы аясында «Дружные ребята» және «Ұлан» республикалық газеттерінде шығатынын еске саламыз. Ол бастауыш және орта мектеп жасындағы балаларға арналған.Әжесі Мұратқа қонақ бөлмені жинауды тапсырған. Бала кітап сөресінің шаңын сүртіп жүргенде олардың бірінен кішкентай алтын пирамида мен тасбақа-қобдиша тұрған кәдімгі үй тәпішкесін тауып алғанда қайран қалды. Бұл пирамиданы бұрын-соңды үйден көрген емес. Тәпішкенің ішінен: «Көмекке мұқтаж адамды ізде» деген жазба шықты.Мұрат көп ойланбастан спаниель Ричиге тәпішкені иіскетіп еді, ит шабалана үріп, есікке қарай жүгірді. Күртесін асығыс кие салып, бала да оның соңынан ерді. Жол-жөнекей алдарынан шыққан Әлиша бұлардың тобына қосылды.Ит көшені біраз шиырлап, Еркенің үйіне бастады.Шатырда Галла сауысқан мазасыздана шықылықтап отыр екен. Шамасы, оны кедергі жасамасын деп үйден шығарып жібергенге ұқсайды.Балалар есікті қақты.Есікті ашқан Ерке бұларды бастырмалата қойған сұрақпен қарсы алды:– Сендер маған нағыз доссыңдар ма?– Сен не, бізге сенбейсің бе? – Мұрат ренжіп қалды.– Жай, әншейін, анықтап алайын дегенім ғой. – Ерке сұрақтың қате қойылғанын түсінді. – Бүгін таңертең маған белгісіз біреуден: «Егер сенің достарың нағыз дос болса, бұл жобада саған міндетті түрде қолдау көрсетеді!» деген қысқа мәтінді электронды хат келді. Сол себепті сұрадым.- Әрине, біз сенің досыңбыз. Бірақ алдымен қандай жоба екенін біліп алайықшы? – деп Әлиша сөздің ашығын айтты.Ерке қызбалана түсіндіруге кірісті:- Бұнда жақсы ақша табуға болады, әрі жаның қиналып ештеңе істемейсің. Тек диванда жатып алып, тәпішкелерді алып-сатумен айналысасың. Бұл үшін саған белгілі бір пайыз түседі, сосын ол нақты ақшаға айналады.Таңғалғаннан Мұраттың аузы ашылып қалды:– Диванда жатқаның үшін ақша төлейтінін бірінші рет естіп тұрмын! Олай болса біздің мысық баяғыда миллионер болар еді!- Мен де басында сенбедім, бірақ сосын ойлана келе бір тәпішке сатып алдым...Енді Әлиша айран-асыр:- Бір ғана тәпішке? Жалғыз тәпішкені не істейсің? Сен сыңар аяқ емессің ғой...– Егер сен екеуің және тағы бір-екі досым осы жобада мені қолдаса, мен екінші деңгейге өтіп, екінші тәпішкені сатып аламын және қатысқаным үшін пайыз береді.– Бірақ маған тәпішке керек емес, – деп Әлиша бас тартты. - Менде онсыз да жаңасы бар.– Маған да керегі жоқ, – деп Мұрат құрбысын қостады. – Айтпақшы, сенің сыңар тәпішкең неше тұрады?– Үш мың теңге, – деп жауап берді Ерке.Мұрат ысқырып жіберді:– Бір тәпішке үшін үш мың теңге!? Паһ, шіркін, мен оны көргім келіп тұр! Көрсетесің бе?Ерке ыңғайсызданып қалды:– Көрсете алмаймын, ол виртуалды.– Мәссаған, оны әлі киюге де болмай ма?!Мұрат пен Әлиша таңғалғаннан сөз таппай қалды.– Біздің жұмбақ тасбақамыздың әрекеті тағы да дұрыс болып шықты, – деді Мұрат күрсініп. – Сен расында да көмекке мұқтаж жансың!Балалар Еркеге электронды поштамен келген ұсыныстың егжей-тегжейін өздерінше анықтауға тырысты, бірақ еш нәтиже болмады. Олар хаттағы сілтеме арқылы тапқан жарнама сайтында тәпішкелердің бақытты иелерінің пальмалар мен Египет пирамидаларының аясында жатқан әлем-жәлем суреттері өте көп болғанмен, пайдалы ақпарат жоққа тән екен. Сол себепті Мұрат зейнеткерлікке шыққанға дейін банкте жұмыс істеген әжесінен кеңес алуды ұсынды.– Сен қаржы пирамидасына тап болдың, – деді әжей Еркеге. – Қазір олар көбейіп кетті, әсіресе интернетте. Пирамида ұйымдастырушылар сенгіш адамдарды уысына түсіріп, қысқа мерзімде көл-көсір пайда табуға уәде береді. Тіпті ештеңе істеудің қажеті жоқ – ақшаңды сал да жата бер дейді. Егер сен жаңа адамдарды әкелсең, бұл үшін бонус алуға дәмелендіреді.– Сонда салымшылардың ақшасын алмайтыны рас па?– Пирамиданың мәні мынада: оған қосылған әрбір жаңа адам бастапқы жарна қосуға міндетті. Яғни, барлық қатысушылар осы жаңадан келгендердің жарнасы есебінен ғана баюы тиіс. Ақша ағыны мен жаңа адамдардың легі тоқтағанда пирамида құлайды, салымшының барлығы құр қол қалады...Мынаны естіген Ерке қызарып кетті:– Кешіріңдер, сендерге осындай нәрсені ұсынып тұрған мен жаман дос болсам керек...- Оңай олжаға сенуге болмайды, – деп әжей сөзін жалғады. – Қаржы пирамидалары ештеңе өндірмейді, бірақ олар кез келген саладағы ұйымның – инвестициялық компания, желілік маркетинг және басқаларының атын жамылып қитұрқы әрекет етеді.– Қап-ай, ә, үш мың теңгем жылап кетті ғой! – Ерке мұңая күрсінді.- Есесіне сенің нағыз достарың бар! – деп жұбатты да әжей балаларға бұйрық берді. – Диваннан тұрыңдар, виртуалды емес, шын тәпішкені киіңдер де шоланнан асқабақ әкеліңдер, манты жасаймыз.Мұрат аяқ киімін киіп жатқанда кітап сөресіндегі тасбақа-қобдишаға көзі түсті. Оның жанында тұрған алтын пирамида жоғалып кетіпті, неге екені белгісіз, бала бұған таңғалмады…Қаржы&nbsp;пирамидасы – ұдайы жаңа салымшы тарту есебінен қаражат түсетін қитұрқы жоба. Олар өздері ақша салып кіреді, содан кейін жаңа адамдарды әкеледі.Салымдарды – салымшылардың қаражатын тартуға, сондай-ақ қор нарығында қызмет жүргізуге құқығы бар қаржы ұйымдарының барлығында Қазақстан Республикасы Қаржы нарығын реттеу және дамыту агенттігінің лицензиясы болуы тиіс.Назар аударыңыз! Қазақстанда қаржы пирамидаларын құрған және оны жарнамалаған адамдар қылмыстық жауапкершілікке тартылады!Қауіпті пирамидалар&nbsp;Қаржы пирамидасына қатыспау және өз ақшаңнан айырылмау үшін не істеуге болады? Бұл үшін оның қалай жұмыс істейтінін білуің керек.&nbsp;1. Алаяқтар интернет-хабарлама немесе интернет-жарнама арқылы өте тиімді болып көрінетін жобаға қатысуға шақырады.2. Жобаға қатысудың міндетті шарты – қаржылай үлес қосу. Ұйымдастырушылар алғашқы қатысушылардың кейбіріне уәде етілген кірісті өз қаражатынан төлейді, бірақ олардан жаңадан адам әкелуді сұрайды.3. Оңай олжаға қызыққан салымшылар жобаға туыстары мен достарын шақырады. Жаңа қатысушыларға сыйақы олардан кейін келгендер есебінен төленеді.4. Жаңа қатысушылардың саны азайған кезде пирамида күйрейді, ақша ағыны да тоқтайды. Пирамиданы ұйымдастырушылар салымшылардың бүкіл ақшасымен бірге жоғалады. Салынған ақшаны қайтару мүмкін емес, өйткені Қазақстанда қаржы пирамидаларының қызметі заңсыз және оны ұйымдастырушылар қол қойған құжаттардың заңдық күші жоқ.<figure class="image"><img src="https://knadmin.beoblood.kz/uploads/kartina_igra_fe2dfb2645.jpg" alt="kartina-igra.jpg"></figure>

Fingramota.kz балаларға арналған қаржы детективінің оныншы шығарылымын ұсынады  

Ұлттық тәлім-тәрбие беретін балабақша

<a href="https://kyzylorda-news.kz/">Kyzylorda-news.kz.</a>&nbsp; Ертеңнен бастап еліміздің 20 өңірінде Сенат депутаттығына кандидаттарды ұсыну басталады. Бұл туралы ҚР Орталық сайлау комиссиясы төрағасының орынбасары Константин Петров айтты, деп хабарлайды ҚазАқпарат.<blockquote>«Кандидаттарды ұсыну сайлау тағайындалған күннің ертеңінде басталады. Бүгін «Егемен Қазақстан» және «Казахстанская правда» газеттерінде Жарлықтың мәтіні ресми түрде жарияланды. Яғни, бүгіннен бастап Жарлық күшіне енеді. Соған орай кандидаттарды ұсыну ертеңнен басталып, дауыс беруге 1 ай қалғанға дейін сағат 18-00-де, яғни, 14 желтоқсан күні жергілікті уақытпен сағат 18-00-де аяқталады. Сенат депутаттығына кандидаттарды тіркеу барлық қажетті құжаттарды алған сәттен басталып, дауыс беруге 20 күн қалғанда жергілікті уақытпен сағат 18-00-де тәмамдалады. Кандидаттарды тіркеу барлық құжаттар алынғаннан кейін жүргізіледі», - деді ол бүгін ОСК отырысында.</blockquote>Оның атап өтуінше, Сенат депутаттығына кандидаттарды облыстардың, республикалық маңызы бар қалалардың және астананың сайлау комиссиялары қажетті құжаттары түгел және сайлау жарнасы төленген кезде тіркейді.<blockquote>«Бүгінде сайлау жарнасы 900 мың теңгені құрайды. Бұл констутциялық заңда 15 ең төменгі айлық мөлшерінде айқындалған жарнаға сай келеді. Қазіргі уақытта ең төменгі айлық 60 мың теңгені құрайды. Сайлау алдындағы үгіт 19 күнге созылады. Ол кандидаттарды тіркеу аяқталған сәттен басталып, сайлау қарсаңындағы күні жергілікті уақыт бойынша 00-00-де аяқталады. Яғни, үгіт жұмыстары 24 желтоқсан күні сағат 18-00-ден 2023 жылдың 13 қаңтар күні сағат 00-00-ге дейін жүргізіледі», - деді Константин Петров.</blockquote>ОСК төрағасы орынбасарының дерегінше, Сенат депутаттарын сайлау таңдаушылардың бірлескен отырысында өтеді және олардың 50 пайыздан астам қатысқан кезде сайлау өтті деп саналады. Ал дауыс беруге қатысқан таңдаушылардың 50 пайыздан астамының қолдауына ие болған кандидат Сенат депутаты болады.<blockquote>«Жалпы, науқан бүгіннен бастап, 14 қаңтарға дейін жалғасады. Кандидаттарды ұсыну мерзімі 16 күнді, тіркеу мерзімі – 26 күнге дейінгі уақытты құрайды. Сайлауалды үгіт жұмыстары 19 күнге созылады. Тыныштық күні – 13 қаңтар. Дауыс беру күні – 14 қаңтар. ОСК 7 күннің ішінде, яғни, 20 қаңтардан кешіктірмей сайлау нәтижесін анықтап, бұқаралық ақпарат құралдарында сайлау қорытындылары туралы ақпарат жариялайды», - деді ол.</blockquote>

Сенат депутаттығына кандидаттарды ұсыну басталады

<a href="https://kyzylorda-news.kz/">Kyzylorda-news.kz.</a> Адам баласы дүниеге келе салысымен оның бойында адамгершілік қасиеттің бірден пайда бола салмайтыны бәріне белгілі. Адамгершілік қасиет тек тәлім-тәрбие арқылы пайда болады. Ендеше, адамның әдепті немесе әдепсіз болуы жастайынан берілген тәрбиеге байланысты. Сондықтан да әке-шешенің ең әуелгі міндеттерінің бірі баланы бағып-қағып, жақсы тәлім-тәрбие беруінде. Тәрбиенің адам өмірінде елеулі орын алатынғы баршаға мәлім. Атам қазақ «Бала тәрбиесі бесіктен» деп, тәрбиені сәби кезден бастау керектігін білдірген.Осы орайда, бүгін Қармақшы ауданы прокурорының аға көмекшісі Е.Есетов, Қармақшы ауданының полиция бөлімінің Ювеналды полиция тобының аға инспекторы Г.Исмайлова, аудандық Жастар денсаулығы орталығының психологы Ә.Кетебаева, колледж директоры Б.Сайдулланың қатысуымен Қармақшы ауданының аграрлы-техникалық колледж студенттерімен «Құқықтық тәрбие және жігер» тақырыбы бойынша түсіндірме профилактикалық жұмыстары жүргізілді.Жиынның мақсаты колледж студенттерімен құқық бұзушылықтың алдын алу және білім алушылардың өмірі мен денсаулығын сақтау болып табылады.Сала мамандарымен өткен шарада білім беру ұйымдарында кәмелетке толмағандар арасындағы қылмыстық құқық бұзушылықтар, зорлық-зомбылық, интернет қауіпсіздігі, ерте жүктіліктің алдын алу, бопсалау, әлімжеттік жасаудың салдары жағдайлары туралы ақпараттық-танымдық біліммен қамтамасыз ету шаралары қамтылды.Шара барысында колледж студенттеріне «Кәмелеттік жасқа толмағандардың беймезгіл уақытта көшеде жүрмеуі» және «Балалардың қауіпсіз мінез-құлық ережелері» туралы арнайы дайындалған бейнероликтер көрсетіліп, құқықтық жадынама қағаздары таратылды.&nbsp; &nbsp;<img src="https://knadmin.beoblood.kz/uploads/317340761_627270249149270_240542339146444513_n_cb662d4285.jpg" alt="317340761_627270249149270_240542339146444513_n.jpg"><img src="https://knadmin.beoblood.kz/uploads/316959864_627270435815918_2333679709322592569_n_2e6b2c53f3.jpg" alt="316959864_627270435815918_2333679709322592569_n.jpg">

«Құқықтық тәрбие және жігер» тақырыбында колледж студенттерімен құқықтық түсіндіру шаралары жүргізілді

<a href="https://kyzylorda-news.kz/">Kyzylorda-news.kz.</a> Жаңақорған ауданында өзінің қолдан келетін ісін кәсіпке айналдырып, өзін-өзі жұмыспен қамтамасыз етіп отқан азаматтар қатары артқан. Соның бірі Қаратаудың етегіндегі Қосүйеңкі ауылында халық аспаптарын жасаудың хас шебері Оспанхан Мұсаевтың қолынан шыққан домбыраларға сұраныс жоғары. Әуелгіде шағын шеберхананың шырайын келтіріп, қолда бар дүниемен қамданған қосүйеңкілік шебер «Қызылорда» өңірлік инвестициялық орталығы арқылы жеңілдетілген несие алған.Мемлкеттік қолдаудың арқасында кеңестік кезеңнен «мұраға» қалған станоктарын заман талабына сай жабдықталған аппараттармен жаңғыртты. Осылайша, кәсібін одан әрі дөңгелеткен шебер жаңа құрылғының көмегімен ағаштардың сан түрін миллиметріне дейін мінсіз жонып, тұтынушының талғамына сай ұлттық бұйым жасауда. Аспаптың ою-өрнектерін де қашап, тапсырыс берушінің талғамына сай өзі сызады.Жәдігер өнерге жан бітірген жігіттің ата-баба мұрасына қызығушылығы ақыры оны осы кәсіпке алып келді. Қазір шеберханасында қобыз бен домбыра ғана емес, кәдесый бұйымдарын дайындап, астау мен күбі, ер-тұрман шабады. Оның қолынан шыққан дүниелер қалалық, облыстық шеңберден асып, республикалық, халықаралық көрмелер төрінен орын тепті. Және өлмес өнердің қадірін танитындар тарапынан жақсы баға алды. Қу ағашқа жан бітірген Мұсаевтардың шеберлігі осы атыраптың әр адамына етене таныс.<blockquote>«Бала кезімнен қолөнерге қызығушылығыммен қатар бейімімде болды. Сол бейімімді әрі қарай дамытып, түрлі бұйымдар жасай бастадым. Кей жылдары мектепте еңбек технологиясынан дәріс бергенмін, жұмыстан тыс уақытта, үйімдегі шеберханада түрлі аспаптарды жасайтынмын. Тек музыкалық аспаптарды ғана емес, күнделікті тіршілікке қажетті тұрмыстық заттарды да жасап беремін»,– дейді кәсіпкер.</blockquote>Қазіргі таңда қосүйеңкілік қолөнер шеберін республика таниды десек артық айтқандық емес. Астана төрінде өткен «ЭКСПО-2017» халықаралық көрмесіне Қызылорда облысының мәдени күндері аясында 30-жуық домбырасын алып барып, пұлдады. Қосүйеңкіде жасалған қазақтың қара домбырасына шетелдіктер тарапынанда сұраныс жоғары болыпты.&nbsp;Аудандық, облыстық, республикалық қолөнер шеберлерінің көрмесінен бөлек, 2016 жылдың соңы мен 2017 жылдың басында Біріккен Араб Әмірлігіне бару бақыты бұйырды. Сыр елінің хас шеберлері құрамына енген Оспанхан Махамбетұлы Дубай төрінде бір айға жуық, Қазақстанның Біріккен Араб Әмірлігіндегі мәдени күндері аясында өз өнерін шетелдіктерге паш етті.&nbsp;<img src="https://knadmin.beoblood.kz/uploads/317447405_1318965875531273_7064157347130628096_n_c0ac73ccfc.jpg" alt="317447405_1318965875531273_7064157347130628096_n.jpg">

Қазақстан және Қызылорда облысының жаңалықтары