<a href="https://kyzylorda-news.kz/">Kyzylorda-news.kz.</a>&nbsp;Бүгін «WorldSkills College - 2023» чемпионатының колледжішілік кезеңінің ашылу салтанаты өтті.&nbsp;Кәсіби шеберлік байқауының ашылу салтанатында М.Мәметова атындағы Қызылорда педагогикалық жоғарғы колледжінің директоры Тоғанова Жақсыгүл Қоханқызы WorldSkills халықаралық қозғалысының тарихына тоқталды. Елімізді дамытуда жұмысшы мамандығының маңызды роль атқаратынын атап өтіп, чемпионатқа қатысушыларға сәттілік тіледі.«Worldskills Kazakhstan» ұлттық чемпионаты білікті кадрларды даярлауға, жаңа идеялар мен трендтер жасауға, кәсіби білім сапасы мен кәсіби шеберлік дағдыларын арттыруға мүмкіндік береді. Байқауға қатысушылар «Мектепке дейінгі тәрбие», «Кіші сыныптарда оқыту», «Web дизайн және &nbsp;әзірлеу» құзыреттілігі, «Сән технологиясы» құзіреттіліктері бойынша 51 білім алушы бақ сынасады. Чемпионат 13 ақпан – 17 ақпан аралығында өткізіледі.

«Worldskills college – 2023» чемпионатының колледжішілік кезеңі басталды

<a href="https://kyzylorda-news.kz/">Kyzylorda-news.kz.</a>&nbsp; 2023 жылы мемлекет 15 жеңілдікті санаттағы әрбір азамат үшін ай сайын 4 505,6 теңге көлемінде жарна төлейді. МӘМС жүйесіне кім жарна төлеуден босатылады және азаматтардың 15 жеңілдік санатының қатарына кіру үшін қайда өтініш беру керек? Осы және басқа да сұрақтармен біз Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовке жүгіндік.Мемлекет есебінен МӘМС үшін жарна төленетін жеңілдікке ие 15 санат қатарына кімдер және қалай кіреді:1) 18 жасқа дейінгі балалар. Балаға туу туралы куәлігі табысталған, яғни жеке сәйкестендіру нөмірі (ЖСН) берілген уақыттан бастап «сақтандырылған» болып саналады. 2) Жұмыссыз ретінде ресми тіркелген тұлғалар. Мұндай мәртебе алу үшін Халықты жұмыспен қамту орталығына барып, жұмыссыз ретінде ресми тіркелу қажет. 3) Жұмыс істемейтін жүкті әйелдер. Аталған жеңілдік санатына ену үшін әйел тіркелген емханада жүктілігі бойынша уақтылы есепке тұруға тиіс. Соңғы 2 айда ол үшін зейнетақы жарналары мен әлеуметтік аударымдардың болмауы шарт. Жеке кәсіпкерлер ретінде тір¬келген және өз қызметін тоқтатпаған әйелдер, сондай-ақ БЖТ төлейтін әйелдер жұмыс істейтін болып саналады және жеңілдік санатына енгізілмейді. 4) Үш жасқа толмаған бала тәрбиесімен айналысатын жұ¬мыс істемейтін тұлға. Бұл санаттағылар автоматты түрде «сақтандырылған» мәртебесіне ие болады. Бірақ ресми түрде жұмыс істемеуі және де олардың атына соңғы 2 айда зейнетақы жарналары мен әлеуметтік аударымдар жасалмаған болуы керек. 5) Жүктілікке және босануға, жаңа туған баланы асырап алуға бай-ланысты, сондай-ақ бала үш жасқа толғанға дейін оның күтіміне байланысты демалыстағы жұмыс істемейтін тұлға. Олар демалысқа ресми түрде шыққан кезде «сақтандырылған» мәртебесін алады. 6) Мүгедек баланы күтіп-бағатын, жұмыс істемейтін адамдар. Баланың тиісті құжаттарын дайындаған кезде күтім жасайтын тұлғаның мәліметтері де-рекқорға енгізіледі. Кейін автоматты түрде «сақтандырылған» мәртебесін иеленеді. 7) Бірінші топтағы мүге¬декке күтім жасайтын жұмыс істемейтін адам. Мүмкіндігі шектеулі жанның тиісті құжаттарын дайындаған кезде күтім жасайтын тұлғаның мәліметтері дерекқорға енгізіледі. Ізінше «сақтандырылған» мәртебесі автоматты түрде беріледі. 8) Зейнетақы төлемдерін алушылар, оның ішінде Ұлы Отан соғысының ардагерлері. Бұл жерде мемлекеттен сақтандырылғандардың тізіміне Қазақ-станның Бірыңғай жинақтаушы зейнетақы қорынан зейнетақы алатындардың ғана енгізілгенін атап өту қажет. Зейнетақыны әлі ресми түрде рәсімдемеген адамдар және басқа мемлекеттерден зейнетақы алатын адамдар жеңілдік мәртебесін ала алмайды. 9) Қылмыстық-атқару (пенитенциарлық) жүйесінде сот үкімі бойынша жазасын өтеп жүрген адамдар. Бұл жеңілдік санатына ену үшін қамаудағы мекеменің жауапты қызметкері жазасын өтеуші адамның деректерін ақпараттық жүйеге енгізуі қажет. 10) Тергеу изоляторларындағы адамдар, сондай-ақ үйқамақ түріндегі бұлтартпау шарасы қолданылған жұмыс істемейтін адамдар. Бұл санаттағы жандар туралы мәліметті уәкілетті органның қызметкерлері жүйеге енгізеді. 11) Жұмыс істемейтін қандастар. «Қандас» куәлігін алған соң, соңғы екі айда МӘМС үшін төлем жасалмаған болу керек. Сонда автоматты түрде жеңілдік санатына енгізіледі. 12) «Алтын алқа», «Күміс алқа» алқаларымен марапатталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көпбалалы аналар автоматты түрде «сақтандырылған» мәртебесіне ие болады. 13) Мүгедектер. Ресми құжаты шыққан кезде, мәртебе автоматты түрде беріледі. 14) Орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын тұлғалар. Қазақстанда оқитын студенттер жеңіл-детілген санатқа автоматты түрде қосылады. Бұл жерде шетелдік оқу орындарында күндіз оқитын қазақстандық студенттер МӘМС жүйесінде «сақтандырылған» тұлғалардың автоматты түрдегі жеңілдік мәртебесін бірден ала алмайтынын ескеру керек. Олар egov.kz электронды үкімет порталындағы сервисті пайдалана отырып, жүйеде өз бетінше тіркелуі қажет. Ол үшін төмендегі әрекеттерді орындау керек: - Іздеу жолағына «Шетелде оқитын студенттерді тіркеу» деп теру; -Ашылған терезеде өтінішті толтыру және оқуды растайтын құжаттарды қоса беру; - Өтінішке ЭЦҚ көмегімен қол қою; -Көп жағдайда сақтандырудың жеңілдік мәртебесі жолдарды дұрыс толтырған уақытта 10 жұмыс күні ішінде беріледі; -Егер сақтандырудың жеңілдік мәртебесін беру көрсетілген мерзімнің ішінде жүзеге асырылмаса, Білім және ғылым министрлігінің Халықаралық ынтымақтастық департаментіне хабарласу қажет. Студент әрбір семестр аяқталғаннан кейін сақтандырылу мәртебесін тексеруі және оқудың өзектілігін растауы қажет екенін есінде ұстағаны дұрыс. Өйткені дерекқордағы мәліметтер өзгеруі мүмкін. 15) Жұмыс істемейтін мемлекеттік атаулы әлеуметтік көмек алушылар. Әлеуметтік төлем тағайындалған кезде «сақтандырылған» мәртебесі автоматты түрде беріледі. Егер сіз осы 15 санаттың біріне кірсеңіз, бірақ «сақтандырылмаған» болсаңыз, растайтын құжаттар тізімін жинап, Халыққа қызмет көрсету орталығына тапсыруыңыз керек. Ақпарат мемлекеттік органдарға жолданып, тиісті шаралардан соң сізге «САҚТАНДЫРЫЛҒАН» мәр¬тебесі беріледі және сіз үшін мемлекет жарна төлейді.Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.&nbsp;

МӘМС: медициналық сақтандыру кімге тегін?

<a href="https://kyzylorda-news.kz/">Kyzylorda-news.kz.</a> «Самара-Шымкент» тас жолының 1533 шақырымында Қазалы ауданынан 53 шақырым қашықтықта жүк көлігі өртеніп жатқаны жөнінде хабарлама түсті. &nbsp;Аталған шақыртуға орай Қазалы ауданындағы №9 өрт сөндіру бөлімінен 6 қызметкер 1 техникасымен оқиға орнына жөнелтілді. Оқиға орнына жеткен өрт сөндірушілердің барлау жұмыстарының нәтижесінде Өзбекстан Республикасынан шыққан «МАН» маркалы жүк автокөлігінің тіркемесіне &nbsp;тиелген 600 қорап киім-кешектің 60 қорабы жанып жатқаны анықталды. Өрт сөндірушілердің жедел әрі нақты іс-қимылының нәтижесінде тіркемеде жиналған қалған киімнің өртенуіне жол берілмей, 540 қорап киімді өрттен аман алып қалды. Өрт сағат 13-тен 40 минут өткенде толық &nbsp;сөндірілді. Қазіргі таңда өрттің шығу себебі мен шығыны анықталуда.

Қазалыдан 53 шақырым қашықтықта жүк көлігі өртенді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының білім басқармасының «Дарын» облыстық қосымша білім беру орталығының ұйымдастыруымен облыс бойынша жалпы білім беретін пәндер бойынша республикалық пәндік олимпиаданың облыстық кезеңі бастау алды.Білім жодасының облыстық кезеңі жаратылыстану-математика, қоғамдық-гуманитарлық бағыттардағы 13 пән бойынша ұйымдастырылуда. Бүгін жаратылыстану-математикалық бағыт бойынша 1 кезеңнен 205 оқушы қатысып, бақ сынауда.Олимпиада «1 оқушы,1 компьютер, 1 камера» қағидасы бойынша «Ел үміті» платформасы арқылы өткізілуде. Білім бәсекесі кезінде ашықтық пен академиялық адалдықты бақылау үшін («Ақмешіт - Адалдық алаңы» жобалық кеңсесінің қызметкері, ата-аналар комитетінің өкілдері, журналистер, ғалымдар) шақырылды.Олимпиаданың өткізілу барысын төмендегі сілтеме бойынша тікелей эфир арқылы көре аласыздарМатематика пәні: 1 - кабинет <a href="https://youtube.com/live/k_uCfdXz9Ck?feature=share&amp;fbclid=IwAR2xTFPUDroktbd0XbjS9UB32cnih_uZYjKlY1wyPQXUUtbegglQ3tf5ECQ">https://youtube.com/live/k_uCfdXz9Ck?feature=share</a>2 - кабинет <a href="https://l.facebook.com/l.php?u=https%3A%2F%2Fyoutube.com%2Flive%2FtbMjGRmS_64%3Fsi%3DEnSIkaIECMiOmarE%26fbclid%3DIwAR1yECh4psY2YU6iRZ4dL8ps0flxvYjRJG7xgLn03dCWZmfB5BPEFOrYixc&amp;h=AT3thXxshAhjOWeDCNg-vqnuEbvsQQxItROiFmZ8O6szt9VtFfVijA27j61-J6RUkbZu3jQlqrVl1ZlBj2TEpLI4aRzjUh1FLQ9Sp8ARQhkcf6l3ddLF8kXPOhh5REgiqpx9&amp;__tn__=-UK-R&amp;c[0]=AT3vjJ4-vNmGYZilAcx0t3ujEYuhP4Cekc0bBC0uc7VMxUTC_VCcxZF0hxLiVtSFGGxSf5Gh0aB8Ym_PtR9E1quUQFj889Lw6QLnbeZwzv8mSSrRj3_WxnKbp-X95QnsUQLF4IFdaTRIZ7nU8ZYw9IXouo938ePj0TRMmL_9VvB3nSrKGvM0S7M-">https://youtube.com/live/tbMjGRmS_64?si=EnSIkaIECMiOmarE</a>Химия пәні: 1-кабинет <a href="https://l.facebook.com/l.php?u=https%3A%2F%2Fyoutube.com%2Flive%2FLdvg39Zs6k8%3Ffeature%3Dshare%26fbclid%3DIwAR0PSLCVvAUAU-CAuL6rnW2COp1-4LAL6ntirajhLXpEAnINgQqPBsuk8-E&amp;h=AT2k0A9yzcYUI8P-LvxjFG-u2lOCUA16QPcuMvn2voLZJR3hWHCBlGwVBV5m-W9xA7n4xYGHCag1FpfP-4p9Je3Etwza4eY6_w-kIBTjak7Kc9MHrE5IUQA_xO8vGxb2OJvA&amp;__tn__=-UK-R&amp;c[0]=AT3vjJ4-vNmGYZilAcx0t3ujEYuhP4Cekc0bBC0uc7VMxUTC_VCcxZF0hxLiVtSFGGxSf5Gh0aB8Ym_PtR9E1quUQFj889Lw6QLnbeZwzv8mSSrRj3_WxnKbp-X95QnsUQLF4IFdaTRIZ7nU8ZYw9IXouo938ePj0TRMmL_9VvB3nSrKGvM0S7M-">https://youtube.com/live/Ldvg39Zs6k8?feature=share</a>2 - кабинет <a href="https://youtube.com/live/tbMjGRmS_64?si=EnSIkaIECMiOmarE&amp;fbclid=IwAR2IsCv18Y-YFYl0t9WHs78JmSjclHmBczA8ILCCKnD2tiiZAVPJwLV3yOk">https://youtube.com/live/tbMjGRmS_64?si=EnSIkaIECMiOmarE</a>Физика пәні: 1 кабинет <a href="https://youtube.com/live/ARqNumTFbb0?feature=share&amp;fbclid=IwAR3PrM5vyqZgBzF2Dt2GQBgNjMIvY9PwVYW9WwScFoFs_6U_eZorBvYxgDk">https://youtube.com/live/ARqNumTFbb0?feature=share</a>

Республикалық олимпиаданың облыстық кезеңі басталды

<a href="https://kyzylorda-news.kz/">Kyzylorda-news.kz.</a>&nbsp; Business.enbek.kz порталында 2023 жылғы 20 ақпаннан бастап 2021-2025 жылдарға арналған кәсіпкерлікті дамыту жөніндегі ұлттық жоба шеңберінде 1-лек бойынша жаңа бизнес-идеяларды іске асыру үшін мемлекеттік грант алуға өтінімдер қабылдау басталады. &nbsp;Мемлекеттік грант – нысаналы мақсаты жаңа бизнесті іске қосу және дамыту болып табылатын өтеусіз берілген бастапқы капитал. Қызылорда қаласы бойынша бірінші лекте 95 адамға гранттар беру жоспарлануда. Грант көлемі 400 АЕК-ті (1 380 000 теңге) құрайды. Әр қатысушы оны тек бір рет ала алады. Гранттар қаражаты ісін жаңа бастаған кәсіпкерлерге өздерінің бизнес-әлеуетін ашуға, өндірісті жолға қоюға және дамытуға, сол арқылы өзін тұрақты табыспен қамтамасыз етуге мүмкіндік береді. &nbsp; Өтінім беру үшін қажет: - Порталда тіркелу; - грант алу шарттарына сәйкестігіне тексеруден өту; - бизнес-жоспар үлгісін жүктеп алып, оны толтыру және порталға енгізу; - өтініш нысанын толтыру және ЭЦҚ кілтімен қол қою. &nbsp;Грант алу үшін бірқатар шарттарды сақтау қажет. Бұл ретте үміткер төмендегі әлеуметтік санаттардың бірінен болу керек: - Мүгедектігі бар адамдар; - Қолданыстағы «кандас» мәртебесі бар адамдар; - Өңіраралық қоныс аударушылар - Аз қамтылған отбасы мүшелері; - Көпбалалы отбасы мүшесі (жұбайы / зайыбы); - Мүгедектігі бар баланы тәрбиелеп отырған адам (жұбайы / зайыбы); - Асыраушысынан айырылу бойынша жәрдемақы алушылар. Осы санатқа жататын азаматтар (азаматшалар) жұмыссыз немесе 3 жылға дейінгі жеке кәсіпкер болуы шарт. &nbsp;Үміткердің «Бастау Бизнес» жобасы бойынша кәсіпкерлік негіздеріне оқыту туралы 3 жылдан аспайтын мерзімге сертификаты болуы тиіс. Рәсімдердің ашықтығын қамтамасыз ету, адами факторды азайту, өтініш берушілерге ыңғайлы болу үшін гранттар берудің бүкіл процесі электрондық форматқа ауыстырылды.&nbsp; &nbsp;Грант алуға өтінімдерді қабылдау бірыңғай терезе – «Business.enbek.kz» порталы арқылы жүзеге асырылады. &nbsp; Грантты: қажетті құрал-саймандарды, еңбек құралдарын, технологиялық жабдықтарды, малдарды, жануарларды, құстарды, көшеттерді, бұталарды, тұқымдарды сатып алуға, орын-жайларды жалға алу ақысын төлеуге алуға болады. Гранттар: тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.<figure class="image"><img src="https://knadmin.beoblood.kz/uploads/1_8bd231aa4d.png" alt="1.png"></figure> &nbsp;<figure class="image"><img src="https://knadmin.beoblood.kz/uploads/3_bdca2f8624.png" alt="3.png"></figure>&nbsp;<figure class="image"><img src="https://knadmin.beoblood.kz/uploads/2_6db742284f.png" alt="2.png"></figure>

Жаңа бизнес-идея: Мемлекеттік грант алуға өтінімдер қабылдау басталады

<a href="https://kyzylorda-news.kz/">Kyzylorda-news.kz.</a> Түркияның вице-президенті Фуат Октай елдегі жойқын жер сілкінісі салдарынан қаза тапқандар туралы жаңа деректерді жариялады, деп хабарлайды РИА Новости.&nbsp;Фуат Октайдың сөзінше, соңғы мәліметтер бойынша Түркиядағы зілала салдарынан көз жұмғандар саны 24 617-ге дейін өскен.&nbsp;Сондай-ақ ол 113 адамды қамауға алуға ордер берілгенін айтты. Бұл азаматтар талапқа сай салынды деген ғимараттардың құлауына байланысты күдікке ілінген. Қазіргі таңда бір адам қамауға алынған.&nbsp;Еске сала кетейік, дүйсенбі 6 ақпан күні Түркияның оңтүстік-шығысында магнитудасы 7,5 болатын жойқын жер сілкінісі болды. Дәл осы күні магнитудасы 7,6 болатын тағы бір жер сілкінісі тіркелді. Табиғи апат көршілес Сирияға да әсер етті.&nbsp;Түркия президенті Режеп Тайип Ердоғанның айтуынша, бұл - елдегі 1939 жылдан бергі ең үлкен зілзала.&nbsp;Табиғи апатқа байланысты Түркияда жеті күндік аза тұту күні жарияланды. Сондай-ақ апаттан зардап шеккен 10 провинцияда үш айға төтенше жағдай режимі енгізілді. Зілаза салдарынан Қазақстанның екі азаматы қаза тапты. Олардың денесі 11 ақпанда елге жеткізілді.&nbsp;

Түркиядағы жер сілкінісі салдарынан қаза тапқандар саны 24 мыңнан асты 

<a href="https://kyzylorda-news.kz/">Kyzylorda-news.kz.</a> Қазақстанда қарыздарды ресімдеуде, тауарлық кредиттерді қолма-қол ақшаға айналдыруда делдалдық қызметтерді ұсынатын « кредиттік көмекшілер » пайда болды. Олардың алдау схемалары алаяқтарға өздерінің дербес деректерін өз еркімен беретін азаматтардың сеніміне негізделген. Бұл ретте алаяқтар өз іздерін уақ тылы жасыру үшін өз құрбандарымен тек қана онлайн өзара іс-қимыл жасайды.«Сіздің кредиттік тарихыңыз нашар ма? 200 мың теңгеден 3 млн теңгеге дейінгі кредитті мақұлдаудың жоғары пайызымен кепілсіз және алдын ала төлемсіз тез ресімдеуге көмектесеміз», «Сіз үшін кез келген сомаға және кез келген мақсатқа микрокредит ресімдейміз. Кепілдік – 100%», «Сізге шұғыл түрде ақша керек пе? Тауарды бөліп төлеңіз, біз оны жақсы бағамен сатып аламыз», «Кредиторларға бүкіл ақшаңызды беруден шаршадыңыз ба? Кредитіңізді банк пен МҚҰ базасынан алып тастауға және кредиттік тарихыңызды тазартуға көмектесеміз» – «көмекшілер» жалған бір күндік аккаунттар құра отырып, осындай мазмұны бар хабарландыруларды әлеуметтік желілерде, негізінен Instagram-да орналастырады.Алаяқтардың хабарландыруларға жауап берген пайдаланушылармен өзара әрекеттесуі мессенджерлер арқылы жүзеге асырылады. Бұл жағдайда &nbsp; &nbsp;&nbsp;алаяқтар WhatsApp арқылы хат алмасуды жөн көреді, онда жоғалып кететін &nbsp;хабарламалар режимі бар және екі схеманың бірі бойынша әрекет етеді. Оларды толығырақ қарастырайық.Бірінші схема: кредитті қолма-қол ақшамен ресімдеуҚарызды ресімдеу мақсатында интернет-алаяқтар әлеуетті жәбірленушіден кредиттің қажетті сомасын және жеке мәліметтерін: жеке басын куәландыратын құжаттың деректерін, төлем карточкаларының толық деректемелерін, шот нөмірлерін және т.б. нақтылап сұрайды. Алаяқтардың мақсаты – зардап шеккен адамға қарыз алушының қажеттілігінен едәуір асатын кредиттерді ресімдеу. Алаяқтарды әсіресе азаматтардың танымал онлайн-кредит беру ресурстарында жеке кабинеттерінің болуы қызықтырады. Олардың айтуынша, бұл ақпарат кредиттік ұйымдар жүз пайыз мақұлдайтын тиімді кредитті ресімдеу үшін қажет.Шын мәнінде, алаяқтар өз құрылғыларынан азаматтардың жеке кабинеттеріне қол жеткізу үшін қолдан келгеннің бәрін жасайды. Құпия сөзді қалпына келтіру үшін олар SMS-кодты сенімді «клиенттерден» сұрайды, мұны микрокредитке өтініш беру және оны ресімдеу қажеттілігімен түсіндіреді. Жеке кабинетті «бұзу» арқылы алаяқтар онлайн-сервиске байланысты мобильді нөмірді оңай өзгерте алады және бөгде адамдарға тіркелген нөмірін көрсетеді. Бұдан әрі олар жәбірленушінің атынан онлайн-қарыздар алу үшін түрлі МҚҰ-ға өтінімдер бере бастайды.Микрокредит мақұлданған жағдайда, алаяқтар қарыз алушылардан алынған қарызды мерзімінен бұрын жабу және жаңа өтінімді жіберу үшін қарыздың барлық сомасын немесе оның бір бөлігін өздері көрсеткен телефон нөмірінің балансына аударуды сұрайды. Олар қарыз алушыларды кредиттік ұйымның скоринг жүйесі оларды «адал клиенттер» деп санауы және болашақта соманы бірнеше есе алуға мүмкіндік беруі үшін мұны істеу керек деп сендіреді.Немесе алаяқтар алаяқтық жолмен қарыз алушылардың дербес және төлем деректерін алады, және, тиісінше, олардың онлайн-банкингіне, мысалы, AnyDesk қосымшасы арқылы қол жеткізеді. Содан кейін олар барлық қаражатты азаматтардың шоттарынан үшінші тұлғалардың шоттарына – дропперлерге немесе жалған телефон нөмірлерінің балансына аударады, содан кейін ақшаны алып, &nbsp;жазысқан хабарларды жояды.Алаяқтар әдетте заңсыз алынған ақшаны әр түрлі шоттар арасында аудару үшін дропперлерді «жалдайды». Бұл қылмыскерлерге іздерін шатастыруға және тергеу жұмысын қиындатуға мүмкіндік береді. Бұл жағдайда алаяқтық аударымдар әр түрлі елдерде және әр түрлі адамдардың атынан жасалуы мүмкін. Дроппер өз жұмысы үшін оның көмегімен алаяқтар аударған ақшаның пайызын ала алады. Ал қарыз алушы ақшасыз қалады және оның алаяқтарға сенім артқаны туралы дәлелі де болмайды.Екінші схема: тауар кредиттерін ресімдеу«Кредиттік делдалдар» хабарландыруларына жауап берген қарыз алушылардың дербес деректерін алғаннан кейін алаяқтар өздерінің ұялы телефондарынан және бөгде тұлғаларда тіркелген нөмірлерді пайдалана отырып, электроника сатушыларының сайттарында тауарды таңдайды және қарыз алушының көмегімен оны кредит алуға немесе бөліп-бөліп төлеуге ресімдейді. Бұл ретте алаяқтар өтінімді қарау үшін SMS-кодтар келетін өз нөмірлерін көрсетеді. Айлакер алаяқтар сондай-ақ дүкеннен алып кетуді немесе курьермен көрсетілген мекенжайларға жеткізуді көрсетеді.Кредит бойынша мақұлдау алғаннан кейін, алаяқтар қарыз алушыларға тауарлық кредитті ресімдей алмағанын немесе бірнеше тауарларды ресімдейтіндерін, ал олардың «клиентіне» тек біреуін беретіндерін хабарлайды.Тауарларды беру кезінде алаяқтарға SMS-код түседі, оны олар дүкен қызметкеріне немесе курьерге хабарлайды. Тауарды алғаннан кейін, алаяқтар жалған көмекшілерінің көмегімен оны тез сатуға тырысады, ал қарыз алушымен байланысқа шықпайды.

Жаңа алаяқтық схемалары: неліктен «кредиттік делдалдарға» сенбеу керек

<a href="https://kyzylorda-news.kz/">Kyzylorda-news.kz.</a> Дүйсенбі күні шығыс аймақтарда қар жауып, жаяу бұрқасын болады, деп хабарлайды Қазгидромет.&nbsp;Синоптиктердің болжауынша, батыс аймақтар мен ҚР оңтүстігінің таулы аудандарында жаңбыр және қар еріп жауады. Оңтүстік-шығыста, солтүстікте және орталықта – ауа райы жауын-шашынсыз болады. Республика бойынша желдің күшеюі, тұман және көктайғақ күтіледі.

Дүйсенбі күнге арналған ауа райы болжамы

Kyzylorda-news.kz. Өткен жылы “Қызылорда” автобус паркіне” «Өнеркәсіпті дамыту қоры» арқылы жаңадан лизингке 150 дана автобус алуға тиісті қаражаттар бөлінген болатын. Соның аясында, өткен жылы 100 жаңа автобус маршруттық бағыттарда жұмыс жасап келеді. Қалған 50 автобустын алдыңғы легі 24-і қалаға жеткізілді.Ертен, 13 ақпаннан бастап №12, №15 бағыт жолаушыларға үлкен сыйымдылықтағы жаңа автобустар қызмет жасайтын болады. Әр бағытта 12 автобус жолаушылар тасымалын жүзеге асырады.&nbsp; Қазіргі таңда жаңа автобустарға мемлекеттік нөмерлер тағылып, сонғы тексерулер мен дайындық жұмыстары жүргізілуде. Айта кетейік аталмыш бағыттар жолсызбаларына өзгерістер еңгізілмейді.Осы айдың аяғында қалған 26 автобус келуі жоспарлануда. Олар өз кезегінде №16, №31 бағыттар бойынша қызмет жасайтын болады.&nbsp;

Қызылордада қоғамдық көліктер жаңа автобустармен толықты

Kyzylorda-news.kz. &nbsp;Түркияда жер сілкінісінен қираған ғимараттарда ақау табылды. 8 адам, оның ішінде құрылыс мердігерлері қамауға алынды, - деп хабарлайды Massaget.kz.Ұсталғандар ғимараттар ақаумен салынғаны үшін, сондай-ақ бағандарды кесіп тастады деп айыпталып отыр.&nbsp;Түркияның оңтүстік-шығысындағы Шанлыурфа провинциясының Бас прокуратурасы бастаған тергеу жер сілкінісі салдарынан қираған ғимараттардағы ақаулар туралы тергеу жүргізіп жатыр. Бұл іс бойынша 8 адам қамауға алынды.Тергеу аясында ұстау және жауап алу жалғасып жатыр.&nbsp;

Түркиядағы қираған ғимараттарда ақау табылды: 8 адам ұсталды

<h1 style="margin-left:0px;">Алимент төлеуші жұмыссыз болған жағдайда балалары алдындағы қарызын кім өтейді? Мәселені шешудің қандай жолдары қарастырылған? Аталған сауалдардың жауабы Әділет министрлігі ұсынған мәліметте берілген, деп хабарлайды ҚазАқпарат.</h1><blockquote>«Егер борышкердің жалақысы болмаған жағдайда алимент тағайындау еліміздегі орташа айлық жалақы мөлшерін негізге ала отырып айқындалады. Жұмыссыз борышкердің алимент бойынша төлемі бюджет қаражатынан және Мемлекеттік әлеуметтік сақтандыру қорынан жәрдемақы ретінде беріледі», - делінген агенттік жолдаған сауал жауабында.</blockquote>Министрліктің хабарлауынша, еңбек етуге ниетті алимент борышкерлеріне жұмыс ұсынылады.<blockquote>«Әділет органдары, жеке сот орындаушыларының палаталары мен жергілікті әкімдіктер бірлесіп 2018 жылдан бастап тоқсан сайын бос жұмыс орындары жәрмеңкелерін өткізеді. Өткен жылы жүргізілген жұмыстың нәтижесінде 2150 борышкер тұрақты жұмысқа. орналастырылды», - дейді ведомстводан</blockquote>

Жұмыссыз борышкерден алимент қалай өтеледі? 

Kyzylorda-news.kz. &nbsp;ҚР Парламенті Мәжілісі және мәслихат депутаттарына үміткелердің ұсыным құжаттарын қабылдау аяқталды.&nbsp; Қызылорда облысының мәслихаттарына 152 депутат сайлануы қажет болса, оның ішінде 32 облыстық мәслихат, 23 қалалық, 97 аудандық мәслихат депутаты.Облыс бойынша барлығы 590 ұсыныс келіп түсті. ҚР Парламенті Мәжілісіне облыс үшін бір мандаттық №21 округ белгіленген. Оған барлығы 15 үміткер құжат ұсынды. Оның ішінде 10-ы өзін-өзі, 1-і қоғамдық бірлестік, 1-і «Ауыл», 1-і ЖСДП облыстық филиалы, 1-і «Аманат», 1- «Ақжол» партиясы тарапынан ұсынылды.&nbsp;Облыстық мәслихат депутаттарын партиялық тізімдер арқылы 6 саяси партиядан 67 кандидат ұсыным құжатын тапсырды.&nbsp;«ҚХП» партиясы - 4 кандидат,&nbsp; «Аманат» партиясы - 34 кандидат,&nbsp; «Ауыл» партиясы - 4 кандидат, «Байтақ» партиясы - 5 кандидат, «Республика» партиясы - 7 кандидат, «Ақ жол» партиясы – 13 кандидат ұсынды. Саяси партиялар құжаттарды Сайлау туралы Конституциялық заңның талаптарына сәйкес ұсынады. Әрбір партиялық тізімде әйелдер мен 29 жасқа толмаған адамдардың саны кемінде 30 пайызды құрайды.Облыстық мәслихат депутаттарын сайлау бойынша 16 бірмандаттық аумақтық сайлау округінде 58 кандидат, қалалық және аудандық мәслихат депутаттарын сайлауға 450 кандидат ұсынылды.&nbsp;Орташа есеппен бірмандатқа 3 адамнан келеді. &nbsp;Ең үлкен бәсекелестік №№4,6,16 округтерде 5 адамнан ұсынылған. Ең жас кандидат 2002 жылғы, ең ересек азамат 1958 жылғы.Сайлау туралы Конституциялық заңға сәйкес кандидаттарды тіркеу туралы мәліметтер БАҚ-та және сайлау комиссияларының интернет-ресурсында жарияланды. Барлық іс-шаралар Сайлау туралы конституциялық Заңға және Күнтізбелік жоспарға сәйкес өтуде.Ұсыну кезеңінде 3 өтініш келіп түсті. Оның ішінде 3-і де тікелей ұсыну мәселесіне қатысты. Жауаптар белгіленген мерзімдерде берілді.&nbsp;

Қазақстан және Қызылорда облысының жаңалықтары