<a href="https://kyzylorda-news.kz/">Kyzylorda-news.kz.</a> Биылғы жылдың 4 желтоқсанында елордасы Астана қаласында «Worldskills Kazakhstan 2022» VII республикалық кәсіби шеберлік чемпионаты жалауын көтерген еді.&nbsp;6 желтоқсан күні Астана қаласында «WorldSkills Kazakhstan 2022» кәсіби шеберліктің VII республикалық чемпионатының ашылу салтанаты өткен дүбірлі додаға еліміздің барлық өңірлерінен 500-ден астам жас маман, WorldSkills өңірлік турларының жеңімпаздары 30 ресми құзырет бойынша сайысқа түсті. Олардың қатарында М.Мәметова атындағы Қызылорда педагогикалық жоғары колледжінен «Мектепке дейінгі тәрбие» құзіреттілігі бойынша Сәуле Нұрымбетова мен «Кіші сыныптарда оқыту» құзіреттілігі бойынша Аружан Сьездқызы бар.&nbsp;Заман талабына сай кадр даярлаудың орнықты үлгісін қалыптастыруды, адами капиталды дамыту және бизнес пен кәсіптік білім беруді мақсат еткен Халықаралық «WorldSkills» чемпионатының республикалық кезеңінде колледждің студенті Аружан Съездқызы оқ бойы озық шығып, Сыр білімінің жетістік қоржынына «Алтын жүлде» салды. Ал, «Мектепке дейінгі тәрбие» құзіреттілігі бойынша бақ сынаған Сәуле Нұрымбетова байқау қорытындысына сәйкес «Үздік маман» номинациясын иеленді.<blockquote>«Сырдың үмітін арқалап, елдік додада үздіктер қатарынан табылған колледжіміздің қос шәкіртінің жеңісі құтты болсын, жерлестер! Ізденушісі санасына бағдарлы білім мен кәсіби мүмкіндіктерді сіңіру жолында биік белестерді бағындырып келе жатқан колледж ұжымы мен шәкірттер жетістігі молая бергей», - деп тілектестік білдірді колледж ұжымы.</blockquote>Айта кетейік, «WORLDSKILLS-2022»​ техникалық және кәсіптік білім беру ұйымдарының студенттері арасындағы республикалық чемпионатқа Сыр өңірінен 16 құзыреттілік бойынша 17 қатысушы бақ сынап, нәтижесінде алғаш рет 2 алтын,​ 1 күміс, 1 қола​ медалімен және 7 қатысушымыз медальонмен марапатталды.Конкурс қорытындысы бойынша нәтиже төмендегідей:​ ​ ​&nbsp;​1. М. Мәметова атындағы Қызылорда педагогикалық жоғары колледжінен қатысушы Съездқызы Аружан &nbsp;«бастауыш білім беру» құзыреттілігінен 1-орын (Алтын медаль);2. Жаңақорған аграрлы-техникалық колледжінен қатысушы Матен Нұрдәулет &nbsp;«Кірпіш қалау» құзыртілігінен 1-орын (Алтын медаль);3. Абылай хан атындағы жоғары колледжінен қатысушы Амангелдиев Алматбек &nbsp;«құрғақ құрылыс және сылақ жұмыстары» құзыреттілігінен 2-орын (Күміс медаль);Қазалы аграрлы-техникалық колледжінен қатысушы Ақжол Рамазан &nbsp;«Жеңіл автомобильдерді жөндеу және пайдалану» құзыреттілігінен-3 орын (Қола медаль);Сонымен қатар,​ «Үздік маман» номинациясы бойынша И. Әбдікәрімов атындағы Қызылорда аграрлы-техникалық жоғары колледжінің қатысушысы Жақсылық Айбол​ «Инженерлік графика cad» құзыреттілігі бойынша;Абылай хан атындағы жоғары колледжінің қатысушысы Пак Анастасия «Шаштараз» құзыреттілігі бойынша;Абылай хан атындағы жоғары колледжінің қатысушысы Рашит Айнаш «Сән технологиясы» құзыреттілігі бойынша;Қазалы аграрлы-техникалық колледжінің қатысушысы Мырзағұлов Дамир &nbsp;«Дәнекерлеу технологиясы» құзыреттілігі бойынша;Қазалы аграрлы техникалық колледжінің қатысушысы Үйрекбай Аида «Графикалық дизайн» құзыреттілігі бойынша;Текей батыр Қарпықұлы атындағы жоғары колледжінің қатысушысы Аманбай​ Диас «Сантехника және жылыту» құзыреттілігі бойынша;М. Мәметова атындағы Қызылорда педагогикалық жоғары колледжінің қатысушысы Нұрымбетова Сәуле «Мектепке дейінгі білім" құзыреттілігі бойынша медальонмен марапатталды.«Worldskills» - әлемде жұмысшы мамандықтарының мәртебесін көтеруге, білікті мамандарды даярлауға бағыттайтын бірегей жоба.&nbsp;<figure class="image"><img src="https://knadmin.beoblood.kz/uploads/318638213_1338027047006728_2855030476084162278_n_fea01ad02d.jpg" alt="318638213_1338027047006728_2855030476084162278_n.jpg"></figure>

«WorldSkills Kazakhstan 2022»: Қызылордалық жас мамандар жеңіс төрінде 

<a href="https://kyzylorda-news.kz/">Kyzylorda-news.kz.</a> Жүктелген функцияларға сәйкес Қазақстан Республикасы Бәсекелестікті қорғау және дамыту агенттігінің Қызылорда облысы бойынша департаменті белгілі бір тауар нарықтарына талдау жүргізе отырып, тауар нарықтарының жай-күйін, ондағы бәсекелестік деңгейін тұрақты негізде зерделейді.Тауар нарықтарына талдаулар Қазақстан Республикасы Кәсіпкерлік кодексінің 196-бабының және Қазақстан Республикасы Бәсекелестікті қорғау және дамыту агенттігі Төрағасының 2022 жылғы 3 мамырдағы №13 бұйрығымен бекітілген тауар нарықтарындағы бәсекелестіктің жай-күйіне талдау жүргізу жөніндегі әдістеменің негізінде жүргізіледі.Мәселен, департамент биылғы жылдың 11 айының қорытындысы бойынша отын-энергетика кешені, азық-түлік тауарлары, денсаулық сақтау және өзге де нарықтар саласындағы белгілі бір географиялық шекаралар бөлінісінде тауар нарықтарына 46 талдау жүргізді. Талдау мақсаттары нарықтағы бәсекелестік ортаның жай-күйін бағалау, үстем немесе монополиялық жағдайға ие нарық субъектілерін анықтау, тауар нарығына кіру кедергілерін анықтау, сондай-ақ тауар нарықтарындағы бәсекелестікті қорғау саласындағы заңнаманы бұзу белгілерін анықтау.Талдау барысында талданған 35 нарықта бәсекелестік дамымағаны, тек талданған 3 нарықта бәсекелестік жеткілікті дамығаны анықталды, яғни, бәсекелестік дамыған нарықтар - бұл газбен жабдықтау саласындағы құрылыс-монтаж жұмыстары, бастапқы тұрғын үйді сату, автомобиль жолдарын орташа жөндеу саласындағы нарықтар.Бұл ретте, жоғары білім беру қызметтері, домофон жүйелерін орнату және оларға қызмет көрсету, коммуналдық есепке алу аспаптарын орнату, таксиді диспетчерлеу қызметтері, жанар-жағармай материалдарын, сұйытылған мұнай газын көтерме және бөлшек саудада өткізу қызметтері, электр энергиясын бөлшек саудада өткізу, ақ-қантты, тұзды, жұмыртқаны,тауық етін,қайта өңделген сүтті көтерме саудада өткізу, көмірді бөлшек саудада өткізу, вагондарды жөндеу, пренаталды скрининг қызметтері және басқа да дамымаған нарықтар бәсекелестікті күшейтуді талап етеді.Мысалы, жанар-жағармай материалдарын және сұйытылған газды бөлшек саудада өткізу нарығында бәсекелестікті дамыту үшін авто жанармай және автогаз құю станциялар санын ұлғайту, сондай-ақ осындай авто жанармай және автогаз құю станциялар ашу үшін келісім алу рәсімдерін оңайлату қажет деп санаймыз.Сондай-ақ, белгілі бір тауар нарығының бәсекелестігін дамыту үшін және кәсіпкерлікті қолдау мақсатында шағын және микрокәсіпкерлік субъектілеріне субсидия немесе ең төмен пайыздық мөлшерлемемен кредиттер беруді ұлғайту қажет деп санаймыз. Бұл кәсіпкерге белгілі бір нарықта бәсекелес болуға және өз бизнесін дамытуға көмектеседі.Сонымен қатар, жүргізілген талдаулардың нәтижелері бойынша жаңа компаниялардың нарыққа "кіруіне" кедергілер анықталды. Бұл бағаны мемлекеттік реттеу, таратушы желілердің дамымауы және белгілі бір нарықта әрекет ететін субъектілердің үлестес болуы, нормативтік құқықтық актілерде бекітілген шектеулер және басқа да кедергілер. Осы кедергілер бәсекелестікке теріс әсер етеді. Бәсекелестікті дамыту-бұл барлық мемлекеттік органдар шешуге жауапты болатын кешенді міндет.Осыған байланысты, өз қызметін жүргізу барысында мемлекеттің әрбір органының міндеттерінің бірі субсидия, гранттар, несиелер, лизингтер беру, сондай-ақ кеңес отырыстарын өткізумен нарықтағы кедергілерді анықтау және оларды жою жөніндегі жұмыстарды жүргізу арқылы белгілі бір нарықта бәсекелестікті дамыту болып табылады.<figure class="image"><img src="https://knadmin.beoblood.kz/uploads/tauar1_1249a271f1.jpg" alt="тауар1.jpg"></figure>

Қызылордада тауар нарықтарына талдау жасалды

<a href="https://kyzylorda-news.kz/">Kyzylorda-news.kz.</a> 12 желтоқсанда ауа райының бұзылуына байланысты бірнеше өңірде ескерту жарияланды, деп хабарлайды Қазгидпрмет.Атап айтқанда, Павлодар облысының солтүстігінде жаяу бұрқасын күтіледі. Оңтүстік-батыстан жел соғып, өңірдің солтүстігінде күші 15-20 м/с артады.Шығыс Қазақстан облысының солтүстігінде, шығысы мен орталығында жаяу бұрқасын болжанады.Ақмола облысының солтүстігі мен шығысында жаяу бұрқасын күтіледі. Оңтүстік-батыстан жел соғып, өңірдің солтүстігінде, шығысында екпіні 15-20 м/с артады.Таңертең және күндіз Қызылорда облысының орталығында жел солтүстік-шығыстан соғады, күші 15-20 м/с құрайды.Күндіз Солтүстік Қазақстан облысының солтүстігінде, солтүстік-шығысында жаяу бұрқасын күтіледі. Оңтүстік-батыстан жел соғып, түнде батысында, күндіз облыстың басым бөлігінде екпіні 15-20 м/с жетеді.12-13 желтоқсанда Жамбыл облысының оңтүстігінде, таулы аудандарында тұманды болады. Солтүстік-шығыстан жел соғып, өңірдің шығысы мен таулы аудандарында екпіні 25 м/с жетуі ықтимал.

12 желтоқсанға арналған ауа райы болжамы

Kyzylorda-news.kz. Қызылорда облысында 2022 жылғы 10 айдағы әлеуметтік-экономикалық дамуды сипаттайтын бірқатар макрокөрсеткіште өсім қалыптасты. Ауыл шаруашылығының жалпы өнім көлемі 0,1%-ға (163,0 млрд теңге), инвестициялар тарту 25%-ға (290,9 млрд теңге), пайдалануға берілген тұрғын үйлер көлемі 5,5%-ға (556,4 мың шаршы метр), құрылыс жұмыстарының көлемі 22,9%-ға (98,6 млрд теңге) және сауда көлемі 2,3%-ға (495 млрд теңге) артты. Нәтижесінде Қызылорда облысы республика өңірлері арасында үздік бестік қатарына кірді (Қостанай, Ақмола, Жамбыл, ШҚО облыстарынан кейін).Өнеркәсіп өндірісінде көрсеткіш 1,3%-ға төмендеді (854,2 млрд теңге). Бұл негізінен мұнай кен орындарының суалуы, тозуы салдарынан мұнай өндіру көлемінің 7,8%-ға (207 мың тоннаға азайған) төмендеуінен болып отыр.Экономикалық даму деңгейін сипаттайтын көрсеткіштер: жалпы өңірлік өнім көлемі 2022 жылдың І жартыжылдығында 1 009,1 млрд теңгеге жетіп, өсім 1,2%-ды құрады. Ал жан басына шаққандағы жалпы өңірлік өнім көлемі 1 222 мың теңгені құрады.Әлеуметтік-экономикалық даму жолында қабылданған шараларӨңірлік экономика құрылымын әртараптандыру, шикізаттық емес секторды (өңдеу саласы) дамыту шаралары жалғасып жатыр. Индустрияландыру бағдарламасы аясында облыс орталығында шыны зауыты іске қосылып, өнім өндіріліп жатыр. Биыл 40 мың тонна шыны шығару жоспарда бар. Алдағы міндет – өңір экономикасының өсуіне серпін беретін бұл өндірістің жобалық қуаттылыққа шығуын қамтамасыз ету (жылына 197 мың тонна).Шыны өндірісіне қажетті компонент – «кальциленген сода» өндіретін зауыт құрылысын салу мәселесін «Самұрық-Қазына Инвест» АҚ қарастырып жатыр.Өңдеу саласындағы ірі кәсіпорын «Аралтұз» компаниясы жаңа 3 испан цехын қосып, еңбек өнімділігін екі есе арттырды.Тау-кен және металлургия өнеркәсібінде «Шалқия» қорғасын-мырыш және «Баласауысқандық» ванадий кен орындарын игеру жобалары өңір экономикасының дамуына ықпал етпек.Жалпы Индустрияландыру аясында өңірде жалпы құны 613,1 млрд теңге болатын 37 жобаны жүзеге асыру көзделіп отыр. Оның биыл құны 4 млрд теңгені құрайтын 5 жобасы іске қосылады. Ауыл шаруашылығы саласында дәстүрлі күріш дақылын өсірумен қатар, ылғалды аз қажет ететін дақылдар егістігін арттыру жұмыстары жүргізілетін болады. Сондай-ақ мал шаруашылығына жем-шөп қорын қалыптастыру үшін мал азықтық дақылдар (жоңышқа, сүрлем, жемдік асқабақ) егістігін ұлғайту жұмыстары жүргізіледі.Инфрақұрылым, оның ішінде әлеуметтік инфрақұрылым жаңғыртылып жатыр. Тұрғын үй құрылысы белсенді жүргізілуде. Коммуналдық шаруашылығы мәселелері кезең-кезеңмен шешілуде. Бүгінде өңір халқының 98%-ы таза ауыз су пайдалануда. 2023 жылы сумен қамтамасыз етудің 11 жобасын республикалық және облыстық бюджеттен жүзеге асырып, халықты ауыз сумен қамту деңгейін 99%-ға жеткізу жоспарланып отыр. Халықтың 67%-ы табиғи газ тұтынуда, бұл 4 қала, 19 ауылдық елді мекен. Жылдың аяғына дейін тағы 5 ауылдық елді мекен газға қосылады. Келер жылы 7 ауылдық елді мекен көгілдір газға қосылатын болады (халықтың 72%-ы). Үздіксіз жылумен қамтамасыз ету үшін жаңа орталығының құрылысын салу мәселесі қарастырылып, ол «Акса энерджи» түрік компаниясының қаржысы есебінен жүзеге асырылмақ. Құны 215 млрд теңгені құрайтын нысанның құрылысы 3 жыл жүргізіледі.Әлеуметтік салада апаттық жағдайдағы, үш ауысыммен оқытатын мектептердің проблемалары кезең-кезеңмен шешіліп жатыр. 3-пен 6 жастағы балалар мектепке дейінгі тәрбиемен 100% қамтылған. Оған қоса, облыстағы балабақшалардың 73%-ы мемлекеттік-жекешелік әріптестік негізінде жұмыс жасайды.Халыққа медициналық қызмет көрсетудің сапасын арттыру бойынша жұмыстар жүріп жатыр. Бүгінде жалпы өлім-жітім көрсеткіші өткен жылмен салыстырғанда 24%-ға, жүрек қан тамыр ауруларынан болатын өлім жітім 17,7%-ға, туберкулезден болатын өлім-жітім көрсеткіші 20%-ға, қатерлі ісіктерден болатын өлім жітім 9,4%-ға төмендеп отыр.Облыстағы өңдеу өнеркәсібінің дамуы&nbsp;2022 жылғы 16 қарашада ҚР Премьер-Министрі Әлихан Смайыловтың төрағалығымен өткен Үкімет отырысында Қазақстанның биылғы 10 айындағы әлеуметтік-экономикалық даму қорытындылары қаралды. Аталған кезеңде республикада ЖІӨ өсу қарқыны 2,5%-ды құраған, сондай-ақ Қызылорда облысы өңірлер арасында инвестициялардың өсу қарқыны бойынша бірінші орында тұр, өйткені өңірдегі көрсеткіштің өсуі 25%-ды құрады.Құрылыс-монтаждау жұмыстарының көлемі бойынша – Қызылорда облысы алдыңғы қатарда. Есепті кезеңде Арал өңіріндегі құрылыс-монтаждау жұмыстарының көлемі 22,9%-ға артқан. Барлық негізгі макро көрсеткіштер бойынша Қызылорда облысы өсім байқалған бестікке кірген. Бұл ретте орнықты даму қарқынын ұстап тұру үшін экономиканы одан әрі әртараптандыру, инвестициялар тарту және тұрақты жұмыс орындарын құру жөніндегі жұмысты күшейту қажет. Қызылордада мұнай қоры азайғанын жоққа шығаруға болмайды. Жаңа тетіктерді іздеп, өндірісті ілгерілетуге ерекше назар аудару қажет. Ауыл шаруашылығында күріштің түсімі азайған. Егісті бастамас бұрын, шаруаларға күріш дақылдарының нақты көлемін анықтау тапсырылды. Биыл егін егіп, жер өңдеп, қажетті өнім алғысы келетін шаруа отбасыларына мүмкіндік берілді. Күрішпен қатар, диқандар басқа дақылдарды, соның ішінде қауын егіп, әртараптандыру саласы кеңейтілді. Өндірісті дамыту, шағын және орта кәсіпкерлікті жандандыру және мұнай мен күрішке сүйенбей мал шаруашылығының әлеуетін арттыру бойынша жұмыс істеу қажет.Мұнай газ саласындағы жағдайды реттеу және жаңа мұнай кен орындарын анықтау мақсатында 2021 жылдан бері «Шу Сарысу», «Арал» шөгінді бассейндерінде геологиялық зерттеу жұмыстары жүргізіліп жатыр.Биыл Шу-Сарысу шөгінді бассейнінде геологиялық-геофизикалық зерттеу жұмыстары аяқталады. Жұмыстардың келесі кезеңін – «мұнай-газ өндіру әлеуетін бағалауды» барлау жүргізетін компаниялар атқаратын болады.&nbsp;Сондай-ақ мұнай-газ секторындағы жағдайды реттеудің бірнеше шаралары орталық мемлекеттік органдарға ұсынылып, пысықталып жатыр. Атап айтқанда:- мұнай өндірудің жаңа әдісін енгізу аясында «ҚазМұнайГаз» АҚ-мен 5 мың метрден астам тереңдікте көмірсутек шикізатына геологиялық барлау жұмыстарын жүргізу,- мұнай кен орындарындағы мұнай өндіру көлемін арттырудың құралы ретінде пайдаланып келген газды өңдеу жұмыстарын жүргізу.2022 жылғы 1 қарашадағы жағдай бойынша Қызылорда облысының аумағында өңдеу өнеркәсібімен айналысатын 328 кәсіпорын жұмыс істеп, 3 289 адамды жұмыспен қамтып отыр.Осы жылдың 10 ай қорытындысымен өңдеу өнеркәсібі саласында 193,8 млрд теңгенің өнімі өндіріліп, өткен жылдың осы кезеңімен салыстырғанда 8,3 пайызға артты (2021 ж. 10 айы – 141,7 млрд&nbsp;теңге).Атап айтқанда, өңдеу өнеркәсібінің келесі салаларында өсім байқалған:&nbsp;- металлургия өнеркәсібі 12,2%-ға;-&nbsp;резеңке және пластмасса бұйымдарын өндіру 25,8%-ға;-&nbsp;жеңіл өнеркәсіп 53%-ға;-&nbsp;құрылыс материалдарының өндірісі 3,2%-ға;-&nbsp;тамақ өнімдерін өндіру 10,4%-ға;-&nbsp;химия өнеркәсібі 2,3%-ға.Соңғы 3 жылда өнеркәсіптік өндіріс құрылымындағы өңдеу өнеркәсібі үлесінің артуы байқалады, өсім 6,8%-ды құрады (2019 ж. – 17%; 2020 ж. – 23,2%; 2021 ж. – 23,8%).Сондай-ақ осы жылдың қазан айынан бастап алғашқы шыны өнімі шығарыла бастады (610 млн теңгеге 4 558 тонна шыны). Бүгінде өнім Астана, Алматы, Шымкент қалаларына жіберілуде. Жыл соңына дейін шыны зауыты 40 мың тонна өнім өндіруді жоспарлап отыр.Қызылорда облысында 2022 жылдың соңына дейін бес өндіріс ашу жоспарланып отыр.&nbsp;Өңірде агроөнеркәсіп кешенінде төрт нысан және құрылыс индустриясында бір нысан пайда болады. Бес өндіріске салынған инвестициялардың жалпы көлемі 9 млрд теңгені құрайды. Ақпаратқа сәйкес, өңірде осы жылдың соңына дейін сою пунктін жаңғырту жөніндегі жобаны іске асыруды аяқтау жоспарланып отыр.Бұл жобаның құны 2 млрд теңгені құрайды, қуаты – жылына 5 мың тонна өнім.Сондай-ақ биыл екі аяқталмаған құрылыс іске қосылады. Атап айтқанда, 5,2 млрд теңгеге құс фабрикасының ашылуы күтілуде. Кәсіпорында жылына 3,5 мың тонна құс етін шығару жолға қойылады. Мұнда 120 адамды жұмыспен қамту жоспарланып отыр. Келесі инвестордың құс фабрикасы 2 млрд теңге тұрады. Бұл нысанның қуаты жылына 1,5 мың тонна өнімді құрайды. 60 адам жұмыспен қамтамасыз етіледі.Өңірде 600 млн теңге тұратын&nbsp;балық өңдеу өндірісі іске қосылады. Қуаты – жылына 324 тонна, жұмыс орындары – 40.Облыста 2022 жылдың соңына дейін ішкі және сыртқы есіктер өндірісін жолға қою керек. Жоба құны 100 млн теңгені құрайды. Жоба екі кезеңде жүзеге асырылып жатыр. Бірінші кезең аясында металл сыртқы есіктер, екінші кезеңде ішкі есіктер шығарылады.<figure class="image"><img src="https://knadmin.beoblood.kz/uploads/301141892_368499612137956_6593471075380674963_n_5c538008a1.jpg" alt="301141892_368499612137956_6593471075380674963_n.jpg"></figure>

Қызылорда облысынан 80,4 мың тонна ауыл шаруашылығы өнімдері экспортталды

<a href="https://kyzylorda-news.kz/">Kyzylorda-news.kz.</a> Қызылордада «Дипломмен ауылға» мемлекеттік бағдарламасы бойынша 800-ден астам жас маман жұмысқа орналасты.&nbsp;«Дипломмен ауылға» бағдарламасы жас мамандарға берілген жаңа мүмкіндік.&nbsp;Бағдарламаның басты мақсаты – ауыл-аймақты қажетті әлеуметтік, техникалық мамандармен қамтамасыз ету. Бағдарлама аясында жас мамандарды ынталандыру мақсатында мемлекет тарапынан көтерме ақысы төленіп, баспана алуына жеңілдетілген несие беріледі. Биыл Қызылорда қаласында «Дипломмен ауылға» бағдарламасы бойынша көтерме жәрдемақыны 110 маман алды. Оларға 33 млн. 693 мың теңге қаржы қаралды. Бюджеттік кредитке 25 маман өтінім беріп, оларға 114 млн. 863 мың теңге қаражат бөлінді. Қазіргі таңда аталған қаржы толық игерілді.Қызылорда қаласына қарасты ауылдық округ және кенттерге жұмыс істеуге барған мамандар саны жылдан-жылға артып келеді. Бүгінге дейін барлығы 838 жас маман жұмысқа орналасып, көтерме жәрдемақы алды. Сонымен қатар 280 жас баспаналы болды.Айта кетейік, өткен жылы &nbsp;облыс көлемінде 105 &nbsp;маманға 291700 теңгеден барлығы 30628,5 мың теңге қаржы толық игерілген. Оның ішінде білім саласынан 64 маман 18668,8 мың теңге, &nbsp;денсаулық сақтау саласынан 17 маман 4958,9 мың теңге, &nbsp;мәдениет саласынан 7 маман 2041,9 мың теңге, спорт саласынан 4 маман &nbsp;1166,8 &nbsp;мың теңге, агроөнеркәсіп саласынан 10 маман 2917,0 мың теңге, мемлекеттік қызметшілер 3 маман 875,1 мың теңге көтерме жәрдемақымен қамтамасыз етілді.<img src="https://knadmin.beoblood.kz/uploads/319119057_1278408029618605_8498461366747014533_n_189acc29cf.jpg" alt="319119057_1278408029618605_8498461366747014533_n.jpg">

Қызылордада «Дипломмен ауылға» бағдарламасы қарқынды жүруде

<a href="https://kyzylorda-news.kz/">Kyzylorda-news.kz.</a> Биыл мемлекет қайраткері, ұлт ұстазы, ұлттық жазудың реформаторы, ағартушы Ахмет Байтұрсынұлының туғанына 150 жыл толып отыр. Осыған орай Сыр өңіріндегі барлық білім беру ұйымдарында түрлі іс-шаралар қолға алынып, жоғарғы деңгейде ұйымдастырылуда.&nbsp;Облыс орталығындағы Тәкей Есетов атындағы N264 мектеп-лицейінің «Ұлт ұстазының ұлы жолы» атты бастауыш әдістемелік бірлестігінің онкүндігі ұйымдастырылып, апталық аясында жоспарға алынған барлық іс-шаралар, ашық сабақтар, сыныптан тыс жұмыстар сәтті және жоғары деңгейде ұйымдастырылды.«Басқадан кем болмау үшін біз білімді, бай һәм күшті болуымыз керек. Білімді болу үшін оқу керек. Бай болуға кәсіп керек. Ал күшті болуға бірлік керек»,- деп Ахмет Байтұрсынұлы айтқандай, бүгінде аталған мектеп оқушылары түрлі сайыстарда бақ сынап, жүлделі орындармен марапатталуда.Оқу үрдісін жетілдірумен қатар баланың шығармашылық, жас және жеке ерекшеліктерін ескере отыра, рухани-адамгершілік ,эмоционалдық және дене дамуын қамтамасыз ету керек. Сол себепті де бастауыш сынып мұғалімдері онкүндік жоспарын құра отырып келесі міндеттерді қойды. Атап айтқанда оқушының оқуға деген оң мотивациясын қалыптастыру, сабақ және сыныптан тыс шараларды қызықты өткізу формаларын қолдана отырып, барлық балаларды оқу және тәрбие үрдісіне тарту болып табылды.&nbsp;Онкүндіктің қорытындысы бойынша мәнерлеп оқу сайыстары, пәндік олимпиадалар, диктант жазу сайысы, зияткерлік сайыстар, ашық сабақтар мен түрлі байқаулар ұйымдастырылып, оқушылардың қызығушылықтары оянды. Ата-аналар да жүргізілген жұмыстардың нәтижелі екендігін айтып, жылы лебіздерін білдіруде.Жалпы әр істе жаңашылдық таныту,оқушыларды оқыта отырып дамыту әр ұстаздың парызы екенін әр адам сезінді, түсінді, ой түйді. Осындай ауқымды, мазмұнды, мәнді, игілікті істер жалғаса бермек.<figure class="image"><img src="https://knadmin.beoblood.kz/uploads/Bez_imeni_fb7640b5cf.jpg" alt="Без имени.jpg"></figure>

Ахмет Байтұрсынұлының 150 жылдығы: Ұлт ұстазының ұлы жолы

<a href="https://kyzylorda-news.kz/">Kyzylorda-news.kz.</a> Қызылорда облысында 262 учаскелік полиция инспекторы және олардың 63 көмекшісі бар. Бұл туралы Қызылорда облыстық полиция департаментінің бастығы Мұхтар Қожабаев «<a href="https://www.facebook.com/100000985577469/videos/3372749836326137/">Facebook</a>» әлеуметтік желісіндегі парақшасында «Сәлеметсіз бе, мен Сіздің учаскелік полиция инспекторыңызбын!» атты рубрикасы арқылы хабарлады. &nbsp;<blockquote>«Тұрғындар тыныштығын күзеткен учаскелік инспекторлар әмбебап мамандар. Жұмыстары шаш етектен. Күнделікті көршілердің айқай – шуынан бастап, қоқыс пен темекі тұқылын тастау сынды құқық бұзушылықтардың жолын кесіп қана қоймай, олардың алдын алуда. Таң атқаннан кеш батқанға дейін қайнаған тіршіліктің ортасында жүрген учаскелік полиция инспекторлары қызметінің көзге көрінбейтін ауыртпалығы көп, жауапкершілігі мол», - дейді департамент бастығы Мқхтар Қожабаев.&nbsp;</blockquote>Аймақтың бас тәртіп сақшысы өз сөзінде учаскелік полиция инспекторларының азаматтардың құқықтарын қорғау, отбасылық-тұрмыстық зорлық-зомбылық, құқықтық тәртіп пен жол қауіпсіздігін қамтамасыз ету, көші-қон, қоршаған ортаны қорғау, кәмелетке толмаған жеткіншектердің ата-анасының рұқсатынсыз түнгі уақытта жүруі секілді мәселелерді шешу жүктелгенін айтты. &nbsp;<blockquote>«Жауапкершілік үлкен, себебі учаскелік полицейдің жұмысының нәтижесі бойынша жалпы ішкі істер органдарына баға берілетіні белгілі. Бұл ретте учаскелік инспекторларды халық пен полицияны байланыстырушы буын десек артық айтпаспыз.&nbsp;Бүгінде өңірімізде халықтың тыныштығы мен тәртібін 262 учаскелік полиция иснпекторлары және олардың 63 көмекшісі қадағалайды. Олар күнделікті өздеріне тиесілі әкімшілік аймақтарын аралап, жалға берілетін пәтерлерді &nbsp;анықтап, &nbsp;азаматтығы жоқ адамдарды тұрақты немесе уақытша тіркелген мекенжайы бойынша тексеріп, азаматтық қару иелерінің қару-жарақты сақтау талабының орындалуын тексереді. Учаскелік инспектордың бұдан өзге де толып жатқан міндеті бар. Тұрғындардың арыз-шағымдарын қарайды, туындаған мәселелерді құқықтық заңға бағындырады.&nbsp;Тұрғындардың тыныштығын күзеткен учаскелік полиция инспекторлары азаматтар үшін танымал, қолжетімді, беделді десек артық айтпаспыз. 24 сағат байланыста болатын олар үшін ең бастысы халық тыныштығы мен қауіпсіздігі. &nbsp;Халықпен ашық диалог жүргізетін олар қай кезде болмасын көмек қажет кезде тұрғындардың жанынан табылады.&nbsp;Мемлекет басшысының тапсырмасымен, сервистік модельді масштабтау және «жұртқа жақын полиция» қағидатын іске асыруда құқық бұзушылықтардың алдын алу саласындағы негізгі буын ретінде учаскелік полиция инспекторлары қызметіне беріледі. &nbsp;Олар халықпен жиі кездесулер өткізіп тұрады. Әр аймақ өз учаскелік полиция инспекторын &nbsp;жақсы таниды. &nbsp;Бұл да қазіргі полицияның халыққа жақын екенін көрсетеді. Визиткадан бөлек, учаскелік инспектордың фотосы, аты-жөні жазылған ақпарат парақшасының әр үйге таратылатынына тұрғындар куә», - дейді Мұхтар Қожабаев.&nbsp;</blockquote>Айта кетейік, Қызылорда облысы полиция департаментінің «<a href="https://www.facebook.com/profile.php?id=100082749573094">Facebook</a>»және «<a href="https://www.instagram.com/kzo_pd/?hl=ru">Instagram</a>» әлеуметтік желілеріндегі ресми парақшаларында тұрғындардың тыныштығын күзеткен учаскелік полиция инспекторлары туралы ақпарат орналастырылған.<figure class="image"><img src="https://knadmin.beoblood.kz/uploads/318564961_155996430502009_4650562545819281053_n_57a79b9d97.jpg" alt="318564961_155996430502009_4650562545819281053_n.jpg"></figure>

Қызылорда облысында 262 учаскелік полиция иснпекторы бар

<a href="https://kyzylorda-news.kz/">Kyzylorda-news.kz.</a> Қызылорда облысында есірткі курьерінен 40-тан астам орама тәркіленді.&nbsp;Қызылорда облысы полиция департаменті Есірткі қылмысына қарсы іс қимыл басқармасының қызметкерлері жүргізілген жедел-іздестіру іс-шараларының нәтижесінде қала көшелердің бірінде аса ірі көлемде “Пирролидиновалерофенон” есірткі затын жасырын таратып жүрген облыс тұрғынын қолға түсірді.Күдікті өзінің мобильді қосымшасы арқылы әлеуметтік желіден тапсырыс алып, оларды қала ішіндегі белгілі бір жасырын жерлерге салып отырғандығы анықталды. Қызылордалық тәртіп сақшылар оны синтетикалық бетбелгі қалдырып жатқан жерінен ұстады. Айғақ зат ретінде барлығы 42 дана синтетикалық заты бар орама алынды.Аталған дерек бойынша ҚР Қылмыстық кодексінің 297-бабы 3-бөлігінің 3-тармағымен (Аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру басталды. Күдікті уақытша ұстау изоляторына қамауға алынды.Қызылордалық полицейлер соңғы бір ай көлемінде аса ірі мөлшердегі синтетикалық есірткі сатудың екінші дерегін анықтап, жолын кесті.<figure class="image"><img src="https://knadmin.beoblood.kz/uploads/poli_761a1c4c87.jpg" alt="поли.jpg"></figure><img src="https://knadmin.beoblood.kz/uploads/nasha1_b0bdc3afc0.jpg" alt="наша1.jpg">

Қызылордалық полицейлер есірткі курьерін қолға түсірді

<a href="https://kyzylorda-news.kz/">Kyzylorda-news.kz.</a> Сырдария ауданына қарасты Аманкелді ауылының тұрғындарына медициналық көмек көрсетіледі.&nbsp;Бүгін 16 желтоқсан - Тәуелсіздік күніне орай Сырдария аудандық ауруханасына қарасты Аманкелді дәрігерлік амбулаториясында дәрігер психитр, онколог, маммолог, кардиолог, уролог, хирург, ересектер және балалар невропатологы, акушер гинеколог мамандары ауыл тұрғындарына мамандандырылған медициналық көмек көрсетті.&nbsp;Қабылдау барысында барлығы 282 пациент қабылдауға келіп, олардың барлығы дәрігерлер қабылдауында болды. Сонымен қатар 15 балаға аудиограмма аппараты арқылы есту қабілеттерін тексеру зерттеуі жүргізілді. Сондай-ақ бұл шарадан мүмкіндігі шектеулі жандарда шет қалмады. Дәрігерлер мүмкіндігі шектеулі азаматтардың үйлеріне барып, үй жағдайында қабылдау ұйымдастырды.Сонымен қатар, шараға жиналған тұрғындарға Міндетті әлеуметтік медициналық сақтандыру, скринингтік тексеруден өту, салауатты өмір салтын қалыптастыру бойынша ақпараттар берілді. Ауыл тұрғындары аудандық аурухананың игі бастамасына өз алғыстарын жеткізіп, алдағы істеріне сәттілік тіледі. Сондай-ақ мұндай мүмкіндік көптеп ұйымдастырылса деген ниеттерін жеткізді.<figure class="image"><img src="https://knadmin.beoblood.kz/uploads/318572128_1469104900280452_5236576876714346759_n_63a37d264e.jpg" alt="318572128_1469104900280452_5236576876714346759_n.jpg"></figure>

Сырдария: Аманкелді ауылы тұрғындарына медициналық көмек көрсетілді

Kyzylorda-news.kz. Бүгін аудан әкімі Мұхтар Оразбаев пен аудандық мәслихат хатшысы Бақытжан Жарылқап Әйтеке би кентіндегі «Мега планета» сауда орталығына арнайы барып, жаңадан ашылған кәсіпкерлік нысанның жұмысын көрді.Кәсіпкерлік нысанның иесі «Марлен» сауда үйінің екінші қабатында орналасқан дүкенде барлық отбасыға арналған киімдер сатылатынын жеткізді.Аудан басшысы Мұхтар Әуесұлы жаңа кәсіпкерлік нысанның жұмысына сәттілік тілеп, тұрғындарға қалтқысыз қызмет көрсете берулеріне тілектестігін білдірді.«Мега планета» сауда орталығының ашылуына орай жеке кәсіпкердің демеушілігімен 11 тұрмысы төмен отбасыларға 15 мың теңгенің сертификаты тапсырылды. Сертификат иелері дүкеннен осы қаржыға киімдерді тегін ала алады.Аудан әкімі Мұхтар Оразбаев Әйтеке би кентінен жаңадан жұмысын бастаған әлеуметтік дүкенге де барды.Әйтеке би кентіндегі әлеуметтік дүкенді жеке кәсіпкер Қуандық Еңсепбаев «Байқоңыр» ӘКК» АҚ-нан 20 млн теңге займ алып, ашып отыр.Бұл дүкенде әлеуметтік маңызы бар азық-түлік тауарларының 12 түрі бар.Атап айтар болсақ, ұн, картоп, пияз, қырыққабат, сәбіз, қарақұмық жармасы, макарон, тұз, сары май, нан, сүт жане тағы да басқа өнімдер сатылады.Өнімдер нарықтан 10-15 пайыз төмен бағада босатылуда.<img src="https://knadmin.beoblood.kz/uploads/FB_IMG_1670670071572_f579e34768.jpg" alt="FB_IMG_1670670071572.jpg"><img src="https://knadmin.beoblood.kz/uploads/FB_IMG_1670670075281_4a880c8e97.jpg" alt="FB_IMG_1670670075281.jpg"><img src="https://knadmin.beoblood.kz/uploads/FB_IMG_1670670069302_f4fb6d9b67.jpg" alt="FB_IMG_1670670069302.jpg">

Қазалы ауданының әкімі кәсіпкерлік нысандарын аралады

<a href="https://kyzylorda-news.kz/">Kyzylorda-news.kz.</a> Бүгінде Қармақшы ауданында кәсіпкерлер тек мал басын көбейтіп, ет өнімін сатумен ғана айналысып қоймай, сүт өнімін өндіруді де қолға алған. Соның бірі - «Тұрмағамбет» ЖШС.Қармақшы ауданына қарасты Тұрмағамбет ауылынан ашылған сүт өңдейтін шағын зауыт қарқынды жұмыс істеп келеді. Бұрын ауыл халқы сүтін арқалап автобуспен қалаға тасыса, енді ол күндер артта қалды. Зауытта күнделікті сауған сүтін өткізіп, қолма-қол ақысын алып отыр.Елді мекенде қазір сүт бағытында мал асырауға бекінгендердің де қарасы қалың. Өйткені, бұл өнімге деген сұраныс тұтынушылар тарапынан жоғары.<blockquote>«Ауыл халкы- сутті бұрын қалаға, аудан орталығына апарып сататын. Казіргі таңда осы ашылған сүт зауытына өткізеді. Шағын зауыт ашылғалы ауыл халқынада кәсіп болды. Болашақта мал басын арттырып, сүтті молайту жоспарда бар. Сүт өнімдерін аудан көлемінде жеткізіп береміз. Қазір жұртшылық дән риза», - дейді «Тұрмағамбет» ЖШС-нің директоры Нұржан Пірмантаев.</blockquote>Егіс алқабынан бөлек, «Тұрмағамбет» ЖШС макарон өнімдерін өндіру және сүт өңдеу бағытында жұмыс жасайды.Сүтті үлкен ыдысқа құйып, оның майлылығы анықталған соң процесс әрі қарай жалғасады. Майлы сүттен каймак, кілегей, майы алынбаған айран жасаймыз. Сепаратор арқылы қаймағын бөлек аламыз. Содан кейін айран жасалады. Мұның бәрі арнайы аппарат арқылы жүзеге асады. Табиғи өнім болғандықтан ұзақ сақтауға келмейді.Жарамдылығы небәрі 10-12 күн. Мұнда айран, қаймақ, сүзбе, құрт, сарысу өңделеді. Тәулігіне 500 литр сүттен 1 тоннаға жақын өнім шығара алады. Мұндағы 21 млн теңге тұратын құрылғы Ресейдің Екатеринбург қаласынан әкелінген.&nbsp;Цехтың өнімдеріне халықтың көңілі толады. Бағасы да қалтаға қонымды әрі табиғи таза. Қолда бар шикізаттан дайын өнім шығарып, халықты қамтып отырған шаруашылыққа тұрғындар алғысын айтуда. &nbsp;<img src="https://knadmin.beoblood.kz/uploads/318981721_1327180888043105_7767208910865011648_n_660bca6978.jpg" alt="318981721_1327180888043105_7767208910865011648_n.jpg">

Қармақшылық кәсіпкер сүт өнімін өндіруді қолға алған

Kyzylorda-news.kz. Биыл жергілікті кәсіпкерлердің қолдауымен Арал ауданында 5 ойын алаңы ашылып, пайдалануға берілді. Бүгін балалар үшін тағы бір қуанышты жаңалық, Арал қаласының «Мостовая» мөлтек ауданынан жаңа ойын алаңы ашылды. Мұнда ойын алаңымен бірге жас аяқдопшылар үшін футбол алаңы да салынған.&nbsp;Бой көтерген нысанға аудан әкімі Серік Сермағамбетов барып, аудан ардагерлерімен бірге көше тұрғындары мен балғындарды жаңа ойын алаңының ашылуымен құттықтады.&nbsp;<blockquote>«Балалар үшін бүгінгі есігін айқара ашқан ойын алаңы баршаңызға құтты болсын! Жаңа алаңда асыр салып ойнаған бүлдіршіндердің қызығы таусылмасын. Әрдайым еліміздегі жас өскелең ұрпақ аман болып, еліміздің мақтанышы болуларына тілектеспін»,-деді Серік Сағитжанұлы.</blockquote>Айта кетейік, балаларға арналған жаңа ойын алаңын балаларға базарлық ретінде ауданға танымал, құрылыс саласында сапалы қызмет етіп жүрген Құлмырзаевтар әулеті тарту етті.<blockquote>«Балалар жылында балаларға керемет тарту болды. Гаджет пен смартфонға байланған қазіргі заманда баланы ойынға қызықтыру қиын. Ал осындай жаңа көз тартарлық аулалар балаларды ойынға тартады деп ойлаймын. Адал еңбектеніп тапқан қаржысын кәсіпкерлер өздеріне ғана жұмсаса да болар еді. Бірақ өзгенің де баласын ойлап, қаламыздың көркі үшін көмек көрсетіп жатқан Құлмырзаевтар әулетіне алғысымызды білдіреміз», - дейді Нұржамал Отаралиева.</blockquote><img src="https://knadmin.beoblood.kz/uploads/319523485_3435861293408899_5387016889057271975_n_57d330c736.jpg" alt="319523485_3435861293408899_5387016889057271975_n.jpg"><img src="https://knadmin.beoblood.kz/uploads/319365724_3435862510075444_6419276859123316250_n_98ad0538a3.jpg" alt="319365724_3435862510075444_6419276859123316250_n.jpg"><img src="https://knadmin.beoblood.kz/uploads/319306826_3435861136742248_5783605003199584573_n_1_4b5af4184d.jpg" alt="319306826_3435861136742248_5783605003199584573_n (1).jpg">

Қазақстан және Қызылорда облысының жаңалықтары