<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясы жанындағы Журналистер мен сарапшылар клубының ұйымдастыруымен Тәуелсіздік күніне орай «Ел тәуелсіздігі және Қазақстан халқы Ассамблеясы» тақырыбында семинар-тренинг өтті.Семинарға Қорқыт Ата атындағы Қызылорда университетінің Журналистика мамандығы бойынша білім алып жүрген 20 студент қатысты. Тренингтің мақсаты - журналистердің этносаралық мәселелер қозғалғанда жауапкершілік пен этиканы сақтап, толеранттылықты нығайтуға атсалысуына ықпал ету және мамандықтарына пайдасы тиер әдістемелік нұсқаулар мен бағыт-бағдар беру. Сол арқылы қоғамдық келісім мен жалпыұлттық бірлік тақырыбын кеңінен насихаттау болып табылады. «Мұстафа Шоқай» ғылыми-конференция орталығында өткен семинарда Қызылорда облыстық қоғамдық даму басқармасы «Қоғамдық келісім» КММ директорының орынбасары Айбек Дайрабай және Журналистер мен сарапшылар клубының төрайымы Елена Рыбина өз еңбек жолындағы тәжірибелерімен және Қазақстан халқы Ассамблеясының негізгі бағыттары, мақсат, міндеті туралы, этножурналистика, ақпараттық қауіпсіздік, ел бірлігі тақырыптары бойынша тағылымды ақпараттармен бөлісті."Қоғамдық келісім" КММ директорының орынбасары Айбек Дайрабай "Тәуелсіздіктен кейін көп ұзамай-ақ құрылған жаңа қоғамдық институт қызметінің негізгі қағидаттары еліміздегі этносаралық келісім мәселелерімен айналысу болып айқындалды. Сол бағыттан ауытқымаған Ассамблеяның өткен жылдар ішіндегі қызметінің аса салмақты, тағдырлық сипаты бар. Соның ішінде, Ассамблеяға мүше әр этнос, яғни, Қазақстанның әр тұрғыны, өздерінің біртұтас халық екенін, ел тағдырына ортақ жауапкершілікте екенін жүректерімен ұғынғаны ең биік жетістіктердің бірі ретінде аталары анық. &nbsp;Қазіргі кезеңде Ассамблеяның қызметі қоғамның, мемлекеттің және әрбір азаматтың үйлесімді бірлігінің алгоритміне негізделіп отыр", -дей келе, қаладағы татулық пен келісім шаңырағына айналған Достық үйінде Журналистика мамандығының студенттеріне арнайы Ашық есік күнін ұйымдастырып, алдағы уақытта шақыратындығын хабарлап кетті. &nbsp;Клуб төрайымы Елена Рыбина студенттерге тақырыпқа сай ойындар ойнатып, тәуелсіз елдің ынтымағы, ҚХА рөлі және этносаралық келісімнің маңызы жайлы айтып өтті. Студенттер төрт топқа бөлініп, І топ Ел тарихы &nbsp;және Ассамблея (Қазақстанда этностық топтардың қалыптасуы), ІІ топ Бүгін және Ассамблея (Көпұлттылық – біздің артықшылығымыз), ІІІ топ Ел болашағы және Ассамблея (Жаңа Қазақстан құруда ҚХА рөлі ), ІV топ Қоғам және Ассамблея (Толеранттылық – бейбітшілік кепілі) тақырыптарын ашып, өз ой-пікірлерін ортаға салды. Тренинг нәтижесінде төрт топтың ішіндегі ең мықты I топ жеңіске жетті. &nbsp;&nbsp;Шара соңында семинар-тренингке белсенді қатысқан барлық студенттерге "Қоғамдық келісім" КММ директорының міндетін атқарушы Фархат Халилуллаевтың атынан арнайы сертификаттар табысталды.<figure class="image"><img src="https://knadmin.beoblood.kz/uploads/319686035_1119057865579857_7559420815558324789_n_fea101d918.jpg" alt="319686035_1119057865579857_7559420815558324789_n.jpg"></figure><figure class="image"><img src="https://knadmin.beoblood.kz/uploads/319632434_873190517149344_4250979939992232337_n_e5e09e2fff.jpg" alt="319632434_873190517149344_4250979939992232337_n.jpg"></figure><figure class="image"><img src="https://knadmin.beoblood.kz/uploads/319828333_527509369342605_6214490283069579375_n_0aeebe05b7.jpg" alt="319828333_527509369342605_6214490283069579375_n.jpg"></figure><figure class="image"><img src="https://knadmin.beoblood.kz/uploads/319557268_5945962355463943_450208807359938521_n_ab07c030b8.jpg" alt="319557268_5945962355463943_450208807359938521_n.jpg"></figure>

Қызылордада Журналистер клубының ұйымдастыруымен семинар-тренинг өтті

<a href="https://kyzylorda-news.kz/">Kyzylorda-news.kz.</a> ҚР Ішкі істер министрлігінің Байқоңыр қаласындағы Өкілдігінің жедел-криминалистикалық бөлімшесінің бастығы лауазымында полиция капитаны Бекнур Бактыбаев қызмет етеді. Ол өзінің еңбек жолын 2017 жылдан бастап қызмет атқарып келеді. Полиция капитаны Бекнұр Бақтыбаев қызметтік міндеттердің орындалуына, нақтылықты, ұқыптылыққа, жаңасын үйренуге дайын болу сияқты қасиеттермен ерекшеленеді.<blockquote>«Бала күнгі арманым – полиция қызметкері болу еді. Ең бастысы бүгінде құқық қорғау саласында ел тыныштығы жолында қызмет етіп келемін. Полиция қызметі – халық сенімінің айнасы. Сондықтан өзіме жүктелген абыройлы міндетті әрі қарай үлкен жауапкершілікпен атқаратын боламын», – деді Бекнұр Бақтыбаев.</blockquote>Жалпы криминалистердің қызметі таңғы 7:30-да басталады. Олардың бірі қылмыс болған орынға шығатын жедел-криминалистік топпен тәуліктік кезекшілікке шықса, екіншілері Тергеу басқармасындағы зертханада қылмысты ашу үшін қылмыскерлер қалдырған іздерді бекітіп, жүйеге енгізіп, зерттеу жүргізеді. Жалпы криминалистердің практикасына ашылған қылмыстар жөнінде мысалдар өте көп.<blockquote>«Күнделікті зерттеу жүргіземін. Бізге зерттеуге арнайы материалдар мен тапсырмалар беріледі. Солардың барлығын зерттеп, қорытынды жасаймыз. Әр түрлі деңгейдегі қылмыстар орын алып жатады», – деді тәртіп сақшысы Бекнұр Бақтыбаев.</blockquote>«Қызметке адал болу – кәсіби парызымыз»Криминалистер күнделікті тәуліктік кезекшілікке түсіп отырады. Шақырту кезінде кезекшіден жедел ақпарат түскен бойда тез арада оқиға орын алған жерге жедел-тергеу тобының құрамы жетеді. Онда тергеуші, криминалист, жүргізуші және жедел уәкіл болады. Әр маманның өз саласы бойынша жұмыс істейтін бағыты бар. Оқиға болған жерде қылмыскер міндетті түрде өзінің соңынан бірқатар көрінер-көрінбес іздер қалдырады. Ал криминалистер қылмысты ашу үшін сол қылмыскер қалдырған іздерді бекітіп, көшіріп алумен айналысады. Криминалистің айтуынша, қылмыскерлер көбіне қол, аяқ киім, бұзу құралдарының іздерін, көліктердің дөңгелек бедерлерін, иіс, биологиялық өзге де іздерді қалдырады екен. Сондай-ақ, жәбірленушілердің, куәгерлердің айтуымен күдіктінің фото портреті жасалып, «Образ++» арқылы есепте тұрған адамдардың ішінен оларды саралау арқылы күдіктіні танып, сол арқылы қылмыстың ізін суытпай ашады. Сонымен бірге тыйым салынған қарулар арқылы қылмыстар орын алған кезде криминалистердің міндеттеріне аталған қаруларға баллистикалық, суық қару зерттеулерін жүргізіп,қарудың атыс немесе рұқсат етілмеген қаруға жататын-жатпайтындығын анықтау кіреді.<blockquote>«Қазіргі таңда криминалистика саласында соңғы үлгідегі құрал-жабдықтар баршылық. Олардың ішінде әсіресе «IDEMIA», «Образ++» автоматтандырылған жүйелерді атап өтуге болады. Себебі, осы жүйелердің қылмыстарды ашуға септігі көп. Күдікті тұлғалардан саусақ іздерін сапалы алу үшін «Папилон» дактосканері қолданылады», – дейді криминалист.</blockquote>Қылмыстың жедел ашылуына септігін тигізіп жүрген криминалистердің қызметіне сәттілік тілей отырып, Қазақстан Республикасының өркендеуі жолында табысты қызмет ете берулеріңізге тілектеспіз! Отанымыздың өркендеуіне қосып жатқан үлестеріңіз аз емес, еңбектеріңіз әрқашан жемісті де табысты болғай.<figure class="image"><img src="https://knadmin.beoblood.kz/uploads/319826959_857571482334199_577427723304163056_n_f9ee60ee9e.jpg" alt="319826959_857571482334199_577427723304163056_n.jpg"></figure><figure class="image"><img src="https://knadmin.beoblood.kz/uploads/319407787_866092888168136_8345329572937155617_n_ce923d741f.jpg" alt="319407787_866092888168136_8345329572937155617_n.jpg"></figure>

Криминалистика – полиция қызметіндегі ең маңызды сала

<a href="https://kyzylorda-news.kz/">Kyzylorda-news.kz.</a> ҚР аумағының басым бөлігіне антициклон әсер етеді, онымен жауын-шашынсыз ауа райы күтіледі, деп хабарлайды Қазгидромет.&nbsp;Тек еліміздің шығысында, солтүстік-шығысында, оңтүстік-батысында атмосфералық фронталды бөліктердің өтуімен жаяу бұрқасынмен қар, оңтүстік-батысында жаңбыр мен қар түріндегі жауын-шашын жауады. Республика бойынша желдің күшеюі, солтүстікте, оңтүстікте тұман, оңтүстік-батыста көктайғақ болады.

Сәрсенбі күнге арналған ауа райы болжамы

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен кадрлық өзгерістерге байланысты актив отырысы өтті.&nbsp;Жиынға Сыр еліне арнайы келген Қазақстан Республикасы Қаржы министрлігі ішкі мемлекеттік аудит комитетінің төрағасы Ержан Мыңжасаров және облыс әкімінің орынбасарлары, департамент пен сала басшылары қатысты.&nbsp;Аймақ басшысы осы кезге дейін Қызылорда облысы бойынша Ішкі мемлекеттік аудит департаментінің басшысы қызметін абыроймен атқарып, ротация тәртібімен Жамбыл облысына департамент басшысы лауазымына тағайындалған Марат Егембердиевтің іскер басшы, білікті маман ретіндегі зор еңбегін атап өтті.Актив отырысында Қазақстан Республикасы Қаржы министрлігі Ішкі мемлекеттік аудит комитетінің бұйрығымен Қызылорда облысы бойынша Ішкі мемлекеттік аудит департаментінің басшысы болып Күзембаев Ербол Қабаштайұлы таныстырылды.&nbsp;<blockquote>«Ербол Қабаштайұлы, Сізді жаңа қызметіңізбен құттықтай келе, алдағы уақытта Мемлекет басшысымен қойылған міндеттерді бірлескен түрде тиімді жүзеге асырамыз деп сенеміз. Қызметіңізге сәттілік тілейміз»,-деді&nbsp;облыс әкімі&nbsp;Нұрлыбек&nbsp;Нәлібаев.</blockquote>Ербол Күзембаев тәжірибелі маман, жауапты салаларда қызмет атқарған, әлеуеті жоғары кадр. Ол 1974 жылы Қызылорда қаласында дүниеге келген. Қазақ мемлекеттік басқару академиясын «Экономист» мамандығы бойынша бітірген.&nbsp; Еңбек жолын 1995 жылы Қызылорда облысы бойынша Кеден басқармасының кедендік сараптау және зерттеу қызметінің инспекторы ретінде бастап, Қызылорда облысы бойынша кедендік бақылау департаментінде әртүрлі басшылық қызметтерді абыроймен атқарған.Қаржы саласының майталманы ретінде әр жылдары Қаржы министрлігі Ішкі мемлекеттік аудит комитетінің Қызылорда, Түркістан облыстары бойынша департаменті басшысының орынбасары болды.2022 жылдың ақпан айынан бастап Қызылорда облысы бойынша департамент басшысының орынбасары қызметін абыроймен атқарып келді.&nbsp; Жиын барысында облыс әкімі Нұрлыбек Нәлібаев денсаулық жағдайына байланысты мемлекеттік сатып алу басқармасының басшысы қызметінен босатылған Талғат Исмағұловқа ілтипат білдіріп, аймақ жұртының атынан Құрмет грамотасын табыстады.<blockquote>«Талғат Абдулхаисұлының тікелей басшылығымен облыс бойынша мемлекеттік сатып алу саласындағы заң бұзушылықтарды азайту мақсатында бірқатар ұйымдастыру шаралары жүзеге асты.Есепті кезеңде уәкілетті органмен күші жойылған сатып алулардың саны 165-тен 118-ге, яғни 28 пайызға кеміді.&nbsp; Бұл көрсеткіштің азаюына Талғат Абдулхаисұлының еңбегі зор деп санаймыз.Осы күрделі де жауапты салада атқарған еңбегіне Сыр жұртшылығы атынан алғысымды білдіремін.&nbsp; Талғат Абдулхаисұлы, Сіздің мемлекет мүддесі жолындағы еңбегіңізге табыс, зор денсаулық, отбасыңызға амандық тілеймін»,-деді&nbsp;Нұрлыбек Машбекұлы.</blockquote>Актив отырысында тағы бір сала басшысы таныстырылды. Бірыңғай конкурстық комиссияның шешіміне сәйкес, облыс әкімінің өкімімен Қызылорда облысының мемлекеттік сатып алу басқармасының басшысы қызметіне Шәменов Бауыржан Серікұлы тағайындалды.<blockquote>«Бауыржан Серікұлы, өздеріңізге жақсы таныс, мемлекеттік қызметте абыройлы еңбек етіп, сатылап өскен білікті де тәжірибелі маман. Маңызды салаларда басшылық қызмет атқарған, әр істі тиянақты түрде орындайтын жауапкершілігі жоғары азамат.Бауыржан Серікұлы, өте жауапты саланың тізгінін ұстадыңыз, кәсіби әлеуеті жоғары заңгер ретінде мемлекеттік сатып алу жұмыстарының ашық әрі заң шеңберінде өткізілуін қатаң бақылауға алу – тікелей міндетіңіз.Осы кезге дейін жинақтаған мол тәжірбиесін күрделі де жауапты қызметке арнап, аймақтағы мемлекеттік сатып алу үшін пайдаланылатын қаржының оңтайлы және тиімді бағытталуын қадағалайды деп сенеміз»,-деді өңір басшысы.&nbsp;</blockquote>Жиын соңында ардагерлер кеңесінің төрағасы Серік Дүйсенбаев, қоғамдық кеңес төрағасы Әріп Қожбанов сөз алып, жаңа қызмет алған азаматтардың әрқайсысы осы кезге дейін елге адал әрі лайықты деңгейде қызмет атқарғанын тілге тиек етті.Бауыржан Шәменов 1981 жылы Қызылорда облысында дүниеге келген.Еңбек жолын «Рух» заң компаниясының заңгері ретінде бастаған. Әр жылдары облыстық қазынашылық департаменті мен мемлекеттік қызмет істері агенттігінің облыс бойынша басқармасында жауапты қызметтер атқарған.2008-2013 жылдары облыс әкімі аппартының мемлекеттік-құқықтық жұмыстар бөлімінің басшысы болған.2013 жылдан бастап облыстық табиғи ресурстар және табиғат пайдалануды реттеу басқармасы басшысының орынбасары лауазымында, 2019-2022 жылдар аралығында осы басқарманың басшысы қызметінде болды.2022 жылдың мамыр айынан бастап, Қызылорда облысының бақылау жөніндегі басқармасының басшысы қызметін атқарды.&nbsp; <img src="https://knadmin.beoblood.kz/uploads/FB_IMG_1670937580857_98f46dc7d7.jpg" alt="FB_IMG_1670937580857.jpg"><img src="https://knadmin.beoblood.kz/uploads/FB_IMG_1670937573470_cec2109193.jpg" alt="FB_IMG_1670937573470.jpg"><img src="https://knadmin.beoblood.kz/uploads/FB_IMG_1670937571104_cd2c5494e0.jpg" alt="FB_IMG_1670937571104.jpg"><img src="https://knadmin.beoblood.kz/uploads/FB_IMG_1670937577648_42714a2f93.jpg" alt="FB_IMG_1670937577648.jpg">

Қызылорда: Актив отырысында жаңа басшылар таныстырылды

<a href="https://kyzylorda-news.kz/">Kyzylorda-news.kz.</a> Бүгінде елімізде жыл сайын көз жұматын жандардың өліміне әсер ететін басты фактор жол-көлік апаты болып отыр. Жол апатына әкеліп соғатын басты себеп – жүргізушілердің қауіпсіздік ережелерін сақтамауы, сондай-ақ мас күйінде көлікке отыруы.Осы орайда, жол-көлік апаттарын алдын алу мақсатында Қармақшы ауданы прокуратурасының ұйымдастыруымен 2022 жылдың қараша айының 25-і желтоқсан айының 5-і аралығында қадағалау аумағы бойынша көлік құралдарының жол жүру ережесі қағидаларының сақталу барысына патрульдік полиция тобының қызметкерлерімен бірлескен түрде рейдтік іс-шаралар жүргізілді.&nbsp;Нәтижесінде, сот қаулыларымен белгілі бір мерзімге көлік құралын басқару құқығынан айырылған 3 тұлғаның заңсыз қайта көлік құралын басқарып жүргендегі анықталды. Бұл азаматтарға қатысты Қазақстан Республикасының Әкімшілік құқық бұзушылық туралы Кодексінің 612-бабының 3-бөлігімен әкімшілік құқық бұзушылық туралы хаттама толтырылып, жинақталған құжаттар шешім қабылдау үшін соттың қарауына жолданылды. Сот әкімшілік құқық бұзушылық туралы істі қарау қорытындысымен 2 азаматты аталған баппен кінәлі деп танып, құқық бұзушыларға 50 айлық есептік көрсеткіш мөлшерінде айыппұл салынып, 1 азаматқа 10 тәулік мерзімге әкімшілік қамаққа алу шарасы қолданылды. Бұл бағыттағы жұмыстар жалғасын табуда.<img src="https://knadmin.beoblood.kz/uploads/20_316a1b9ce6.jpg" alt="20.jpg">

Жол-көлік апаттарын алдын алу мақсатында рейдтік іс-шаралар жүргізілді

<a href="https://kyzylorda-news.kz/">Kyzylorda-news.kz.</a> Премьер-лига жолдамасын жеңіп алған «Қайсар» футбол клубын тәжірибелі бапкер &nbsp;Виктор Кумыков жаттықтырады.&nbsp;Бүгіннен бастап «Қайсар» футбол клубын тәжірибелі бапкер Виктор Кумыков жаттықтырады. Жаңа бапкердің жетекшілігімен 15-27 желтоқсан аралығында қайсарлық футболшылар Түркия елінде алғашқы оқу-жаттығу жиынын өткізбекші. Бұл туралы Өңірлік коммуникациялар қызметінде өткен брифингте «Қайсар» &nbsp;футбол клубының директоры Садық Мұстафаев хабарлады.<blockquote>«Қайсар» футбол клубы жаңа маусымда Виктор Кумыковпен жаттығатын болады. Виктор Болютович спорт саласында өте тәжірибелі мамандардың бірі. Ол бұған дейін де қызылордалық клубта жұмыс істеген. Сондай-ақ «Елімай», «Есіл», «Шахтер», «Ордабасы», «Атырау», өзбекстандық &nbsp;«Мащьал», «Насаф», «АГМК», «Андижан» клубтарында жетекші болған. Қазақстан футболы тарихында тұңғыш рет «Шахтерді» &nbsp;Еуропа лигасының топтық кезеңіне жеткізді. Сонымен қатар, үш мәрте Қазақстанның үздік бапкері. «Шахтер» ФК екі дүркін премьер-лига жеңімпазы атандырса, бір мәрте Қазақстан кубогы мен суперкубогының иегері болды. Ал 2008 жылдан бері PRO категориялы жаттықтырушы болып қызмет атқарып келеді. Бас бапкердің көмекшісі қызметін Олег Корниенко атқаратын болса, жергілікті маман Қанат Әлиев «Қайсардың» бапкерлік штабында жұмыс істейтін болады. Жалпы «Қайсар» футбол &nbsp;клубы &nbsp;жаңа маусымға үлкен дайындықпен қадам баспақ, - деді «Қайсар» футбол клубының директоры Садық Мұстафаев.</blockquote>Жаңа жаттықтырушы өз кезегінде 20 жылдан соң қайта оралғанына қуанышты екенін айтты.<blockquote>«Қызылорда менің ыстық ұям десем болады. 20 жылдан кейін қайта оралуға мүмкіндік алдым. Аймақ басшысы, Сыр жанкүйерлері сенім артып, жауапты қызметтің тізгінін ұстатты. «Қайсардың» алға қойған мақсатын жүзеге асыруда аянып қалмаймын. Алда үш оқу-жаттығу жиынын өткізіп, чемпионатқа тыңғылықты дайындық жүргіземіз», – деді Виктор Кумыков.</blockquote>Мұнан өзге, футбол мансабын аяқтаған мақтанышымыз Мақсат Байжанов биылдан бастап спорт директоры қызметін атқарады. Кемел кезеңге жеткен Мақсат «Қайсардың» жарқын болашағы үшін атсалысады.<figure class="image"><img src="https://knadmin.beoblood.kz/uploads/318531069_454139936913102_2820855799339758448_n_4e731d9b0f.jpg" alt="318531069_454139936913102_2820855799339758448_n.jpg"></figure>

«Қайсар» футбол командасын жаңа бапкер жаттықтырады

<a href="https://kyzylorda-news.kz/">Kyzylorda-news.kz.</a> Б.Қабылұлы атындағы Шиелі аудандық мәдениет үйінде әнші-композитор, «Құрмет» орденінің иегері, «ҚР еңбек сіңірген қызметкері» Әлмырза Ноғайбаевтың 75 жасқа толу мерейтойына орай республикалық дәстүрлі әншілер фестивалі өтті.Фестивальді ашып беру құрметіне ие болған аудандық мәслихат хатшысы Тұрмағанбет Жағыпбаров Әлмырза Әліұлына облыс әкімі Нұрлыбек Нәлібаевтың арнайы құттықтауын табыстады.&nbsp;Кеш барысында Әлмырза Әліұлы мен «Мәдениет майталманы» белгісінің игері Хайдар Өтеғалиевке шапан жабылып, лайықты құрмет көрсетілді.Айта кетейік, фестивальге еліміздің түкпір-түкпірінен оннан астам дәстүрлі әншілер қатысты. Өнер иелері Әлмырза Ноғайбаевтың әндері мен өзге де композиторлардың әндерінен шашу шашты. Мұнан бөлек, кеште Әлмырза Әліұлының өзі де ән шырқап, жиылған қауымның ыстық ықыласы мен қошеметіне бөленді.&nbsp;Айта кетейік, Әлмырза Ноғайбаев Қазақстанның еңбек сіңірген қызметкері. Ол Алматы қаласындағы эстрада студиясын (қазіргі эстрада-цирк өнері колледжі) Ғ.Құрманғалиевтың әншілер класы бойынша бітірген. 1967 жылы Қарағанды мемлекеттік филормониясының әншісі. 1997 жылдан Шиелі ауданы Балаби аудандық мәдениет үйінің директоры. 1977 жылы «Жас дәурен» ансамблі құрамында Португалияда өткен Халықаралық фольклорлық фестивальға қатысты. 1998 жылы Ашғабадта өткен Азия және Қазақстан әнші-сазгерлері фестивалінде бас жүлде алды. Композитор 60-қа жуық ән жазған, оның ішінде «Думан», «Бір үзім нан», «Ләйләжан», «Қара мең», т.б. әндері кең тараған.&nbsp;<figure class="image"><img src="https://knadmin.beoblood.kz/uploads/319892843_858943688590598_5916425302354842131_n_ccaf9aab41.jpg" alt="319892843_858943688590598_5916425302354842131_n.jpg"></figure><figure class="image"><img src="https://knadmin.beoblood.kz/uploads/319940385_1295843967841431_5621886886741404197_n_aa80f8aa99.jpg" alt="319940385_1295843967841431_5621886886741404197_n.jpg"></figure>

Шиелі ауданында композитор Әлмырза Ноғайбаевтың 75 жылдығы аталып өтті

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасының мамандары 11 айда 900-ден аса кәсіпкердің құқығын қорғап, 1 млрд теңгеге жуық ақшасын сақтап қалды. Кәсіпкерлер құқығын қорғау үшін үш айдан жылға дейін сот табылдырығын тоздырған.Кәсіпкерлер палатасы қызметінің басты бағыттарының бірі – кәсіпкерлердің құқығы мен заңды мүддесін қорғау және әкімшілік кедергілерді азайту.Биыл 11 айда Палата заңгерлері құқығын қорғауды сұраған 464 өтінішті қарады. Оның 129-ын нақты шешіп, 87-сін зерттеп жатыр. Ал қалған өтініштер бойынша кәсіпкерлерге түсіндірме берді.Проблемаға айналған үш салаКәсіпкерлерден түскен өтініштерге жасалған сараптама Қызылордада бизнесті алаңдататын үш саланы көрсетіп отыр. Олар: мемлекеттік сатып алу, ауыл шаруашылығы және салыққа қатысты мәселелер.Сатып алу бойынша мемлекеттік орган өкілдеріжасалған жұмыс, жеткізілген тауар, көрсетілген қызметтердің актілерін бекітпей, уақытылы төлем жүргізбеген.<blockquote>«Бұл мәселе бойынша біз жүзден аса өтінішті қарадық. Ондағы қаржы көлемі 50 мың теңгеден 15 млн теңгеге дейін жетеді. Нәтижесінде әзірге оларға 27 млн теңгесін мемлекеттен өндіріп бердік», – дейді Кәсіпкерлер палатасы директорының орынбасары Салават Құлмахан.</blockquote>Ауыл шаруашылығы саласында қызмет етіп жүрген кәсіпкерлерді субсидия проблемасы жиі мазалай бастады. Бақылаушы-қадағалаушы органдар ауыл шаруашылығы саласын субсидиялау заңдылықтарына тексеру жүргізіп, ауыл шаруашылығы тауарын өндірушілерден мемлекеттен берілгенқолдау қаржысын бюджетке кері қайтару туралы талап қойды.Осы сұрақ бойынша Палата заңгерлері 80-нен аса кәсіпкердің құқығын сотта қорғап, 200 млн теңгеге жуық қаржысын сақтап қалды.Негізгі проблемалардың үштігін салыққа қатысты мәселе, соның ішінде мәмілелерді жарамсыз деп тану түйіндейді.Облыста көлемінде сотқа мәмілерді жарамсыз деп тану туралы түскен талап арыздардың 99 пайызы мемлекеттік кірістероргандарымен берілген. Былтыр сотта 145 арыз қаралса, биыл 225 болды.Әр іс бойынша сотқа кем дегенде екіден төрт кәсіпкерге дейін тартылып жатыр.Соттың тек бірінші сатысында қаралу мерзімі 3 айды құрайтынын ескерсек, апелляциялық, кассациялық сатыларын қоса есептегенде кәсіпкердің аталған дау үшін 3 айдан 1 жылға дейінгі уақыты кетеді.Қазір мемлекеттік кірістер органдарымен сотқа мәмілелерді жарамсыз деп тану туралы талап қою бойынша Қызылорда республика көлемінде Алматы, Астана қалаларынан кейін 3 орында тұр.Бұл күрделі сұрақты кәсіпкерлер өңірге жұмыс сапарымен келген Қазақстан кәсіпкерлерінің құқығын қорғау жөніндегі уәкіл Рустам Жүрсінов пен «Атамекен» ҰКП басқарма төрағасының орынбасары Ербол Өстеміровтің алдында да көтерді.Осы жеке қабылдауда Рустам Жүрсінов проблеманы шешудің маңыздылығына тоқталды.<blockquote>«Мен үшін бұл – елдің ұлттық экономикалық қауіпсіздігіне қатысты аса маңызды мәселе. Сондықтан мәселені Президенттің қарауына ұсынамын», – деді бизнес-омбудсмен.</blockquote>Қазір Кәсіпкерлер палатасы облыстық сот, прокуратура, мемлекеттік кірістер органдарымен бірлесе мәселені зерттеп, шешу жолдарын қарастырып жатыр.Бұдан бөлек Палатаға түскен арыздарда жер, құрылыс, сәулет және табиғи монополиялар салаларына қатысты проблемалар да бар.Кәсіпкерлер палатасының директоры Пірмұхаммед Сыздықов кәсіпкерлерден түскен өтініштерге талдау жасалғанын атап өтті.<blockquote>«Талдау барысында 46 арыз бойынша мемлекеттік органдар рұқсат беруді рәсімдеу барысында заңнамада қаралмаған қосымша құжаттарды талап еткенін, 44-інде кәсіпкерлердің арызын салғырт қарағанын анықтадық. Ал, өтініштердің 40 пайызы кәсіппен айналысатын азаматтардың заң талаптарын толық біле бермейтінін көрсетті. Әріптестерімізбен ақылдаса келе, алдағы уақытта кәсіпкерлікке қатысы бар заң талаптарын әртүрлі алаңды пайдаланып түсіндіруге басымдық бермекпіз, – деді Пірмұхаммед Сыздықов.</blockquote><figure class="image"><img src="https://knadmin.beoblood.kz/uploads/304893194_5208739119249108_2245395102907859368_n_4b678c0fea.jpg" alt="304893194_5208739119249108_2245395102907859368_n.jpg"></figure>Кеңесте 200-ден аса кәсіпкердің құқығы қорғалдыПалата жанында Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес жұмыс істейді.Осы жылы кеңестің 10 отырысы өтті. Онда кеңес мүшелері 18 мәселені қарап, мемлекеттік органдарға 55 ұсыныс берді. 17 ұсыныс орындалып, 13-ін зерделеп жатыр. Нәтижесінде 200-ден аса кәсіпкердің құқығы мен заңды мүддесі қорғалды, &nbsp;5 лауазымды тұлға жауапкершілікке тартылды.Әкімшілік кедергілермен жұмыс, ұсыныстарПалата заңгерлері биыл кәсіпкерлер жиі кездескен, әкімшілік кедергі келтіретін жүйелі 17 мәселені арнайы тізілімге енгізді. Оның 8-і оң шешілді, қалғанын әзірге мемлекеттік органдар қарап жатыр.Сонымен бірге, Палата мамандары жергілікті атқарушы органдар ұсынған 94 қаулы және шешім жобасына сараптамалық қорытынды берді. Қолданыстағы заң талаптарына қайшы келетін немесе кәсіпкерлік қызметке кедергі келтіретін талаптарды анықтап, 24-не өзгерістер енгізуді ұсынды. &nbsp;

Қызылордада 900-ден аса кәсіпкердің құқығы қорғалды

<a href="https://kyzylorda-news.kz/">Kyzylorda-news.kz.</a> Елімізде жастарға арналған сыбайлас жемқорлыққа қарсы үздік идеялар мен жобалар байқауы басталды. «Әділетті Қазақстан – Жастардың тандауы» акциясы аясында бастау алған байқауда әрбір жас азамат сыбайлас жемқорлыққа қарсы күрес туралы өз көзқарасын білдіре алады. Бұл туралы Өңірлік коммуникациялар қызметінің ақпараттық алаңында өткен брифингте "Әділдік жолы" РҚБ Қызылорда облыстық филиалының басшысы Ляззат Бақтыбаева баяндады.&nbsp;Өтінімдер info@adildik.kz электронды мекен-жайына 2023 жылдың 15 қаңтарына дейін қабылданады. Одан кейін байқау комиссиясы еліміздің әр өңіріндегі үздік жұмыстарды таңдап, бағалы сыйлықтармен марапатталады.&nbsp;<blockquote>«Озық идеялар эксперименттік пилоттық жобалар ретінде жүзеге асырылады. Әділетті Қазақстан үшін таңдау жасадық. Енді жастардың бұл арманға жетуіне нақты мүмкіндік бар. Әрбір азамат сыбайлас жемқорлық деңгейін төмендетуге өз үлесін қоса алады»,-деді Ляззат Шайзадақызы.&nbsp;</blockquote>Айта кетейік, байқау ережелерін adildik.kz сайтынан біле аласыздар.Жалпы, халықаралық сыбайлас жемқорлыққа қарсы күрес күні 2004 жылдан бастап жыл сайын 9 желтоқсанда атап өтіледі. БҰҰ Бас Ассамблеясы жариялаған. 2003 жылдың дәл осы күні Мексикада қол қою үшін БҰҰ-ның Сыбайлас жемқорлыққа қарсы конвенциясы ашылды.<figure class="image"><img src="https://knadmin.beoblood.kz/uploads/319341146_676693890795479_6536935958333580207_n_82ec010ace.jpg" alt="319341146_676693890795479_6536935958333580207_n.jpg"></figure>

Қызылордада жастарға арналған үздік идеялар мен жобалар байқауы басталды

<a href="https://kyzylorda-news.kz/">Kyzylorda-news.kz.</a> Еңбек құқығын қорғау және жұмыскерлердің әлеуметтік мәселелерін оңтайландыру бағытында 2021-2023 жылдарға арналған облыстық келісімге өзгерістер мен толықтырулар енгізілді. Бұл туралы Өңірлік коммуникациялар қызметінде өткен брифингте облыстық кәсіподақтар орталығының төрағасы Мақсұт Нәлібаев хабарлады.&nbsp;<blockquote>«Биыл өңірде 53 ірі және орта кәсіпорындармен еңбек қатынастарын реттеу бойынша меморандум жасалды. Осыған сәйкес, еңбек заңнамасы бұзылған жағдайда тиісті шаралар қабылданады. Биыл 21 комиссия отырысы өткізіліп, еңбек-әлеуметтік мәселелер жіті қаралды. Сонымен қатар облыстық кәсіподақтар орталығына жыл басынан бері 2000-нан астам жұмыскер мүше болып қосылды. Ал аймақ көлемінде кәсіподақ ұйымы бар мекемелерде еңбек қауіпсіздігі және еңбекті қорғау бойынша 667 өндірістік кеңес құрылды», - деді Мақсұт Ыбырайханұлы.</blockquote>Брифинг барысында білім және денсаулық салалары бойынша кәсіподақ ұйымдарының өкілдері жыл басынан бері атқарылған жұмыстарды баяндады.&nbsp;<blockquote>«Биыл облыс көлемінде педагогтардың әлеуметтік және еңбек қатынастарын реттеу бойынша біршама нәтижеге қол жеткіздік. Нақтырақ айтқанда, балабақша педагогтарының арасында «Педагог мәртебесі туралы» ҚР Заңында көзделген талаптарды іске асыру қиындық туғызуына байланысты еңбекақы жетіспеушілігі өзекті мәселелердің бірі болды. Әйтсе де облыстық кәсіподақтың тікелей араласуымен мәселе оң шешімін тауып, облыстық бюджеттен қосымша қаржы бөлінді. Сонымен қатар педагогтарымыздың құқығын қорғауды қамтамасыз ету үшін мониторингтік жұмыстарды үздіксіз жүргізіп келеміз», - деді облыстық білім және ғылым саласының кәсіподақ ұйымының төрайымы Гүлнар Есқалиева.&nbsp;</blockquote>«Сенім» денсаулық сақтау саласының кәсіподақ ұйымының төрағасы Асылхан Абылайханұлы медицина қызметкерлеріне еңбек құқығы туралы түсіндірме жұмыстары жүргізілгенін айтты.<blockquote>«Жыл басынан бері облыстағы барлық емдеу мекемелеріндегі әлеуметтік әріптестермен кездесу барысында емдеу мекемелерінде жұмыс істейтін медицина қызметкерлеріне еңбек құқығы туралы түсіндірме жүргізілді. Денсаулық сақтау саласында аянбай еңбек етіп келе жатқан медбикелерге қаржылай қолдау көрсетіліп, арнайы сертификаттар табысталды. Алдағы уақытта да мұндай шаралар легін одан әрі көбейту жоспарымызда бар», - деді «Сенім» денсаулық сақтау саласының кәсіподақ ұйымының төрағасы Асылхан Абылайханұлы.</blockquote><figure class="image"><img src="https://knadmin.beoblood.kz/uploads/319647124_549161300054605_4347669042894256392_n_814843104f.jpg" alt="319647124_549161300054605_4347669042894256392_n.jpg"></figure>

Мақсұт Нәлібаев: Қызылордада 53 кәсіпорынмен меморандум жасалды

<a href="https://kyzylorda-news.kz/">Kyzylorda-news.kz.</a> Бүгінде Мемлекет басшысы Қасым-Жомарт Тоқаев білім саласына айырықша назар аударып, мұғалімдердің жағдайына жіті мән беріп отыр. Қабылданған жаңа заңның аясында педагогтардың мәртебесін көтеруде көптеген жұмыстар атқарылып келеді. Оның мақсаты – мұғалімдердің жағдайын жасау арқылы жаңашыл, ізденімпаз мұғалімдердің қатарын көбейту, жас ұрпаққа ұлттық тәрбие бере отырып, оларды жаңа методикалар арқылы әлемдік стандарттарға сәйкес оқытуға мүмкіндік туғызу.&nbsp;Жалағаш ауданындағы Т.Жүргенов атындағы №123 мектеп-лицей мұғалімдері дарынды балаларды, білікті шәкірттерді тәрбиелеуде республикада алдыңғы қатарлы білім ордаларының қатарында. Осы орайда, озат мектептегі қазақ тілі мен әдебиеті, шетел тілі пәндерінің білікті ұстазы Салтанат Қосжанованы ерекше атап өтуге болады.Білікті мұғалім Салтанат Қосжанованың ұстаздық жолға келгеніне де 15 жылдай уақыт болыпты. Ең алғашқы еңбек жолын Астана қаласындағы №49 орта мектепте қазақ тілі мен әдебиеті пәнінің мұғалімі болып бастаған. Кейіннен осындағы мемлекеттік гуманитарлық колледжінде ағылшын тілі пәнінен, Астана медицина университетінде шетел тілдері кафедрасында ағылшын тілі пәні бойынша, 2012 жылдың қыркүйек айынан бастап Т.Жүргенов атындағы №123 мектеп-лицейінде қазақ тілі мен әдебиеті, ағылшын тілі пәндерінің мұғалімі болып жұмыс істейді. Гуманитарлық ғылымдардың магистрі Салтанат Қосжанованың сабақ беретін сыныптың оқушылары талай білім бәйгесінде қатарларынан оза шауып, ұстаз мерейін асқақтатты. Өз ана тілін, әдебиетін, қазақтың ақын-жазушыларының өнегелі өмірлерін, шығармашылығын тереңінен оқып білген оқушылар сайыстарда, байқауларда топ жарып жүр.Шәкірттердің білім бәйгесін үздіктер қатарынан көрінуі де заңдылық. Себебі ұстазы Салтанат Қосжанова да білім саласының дамуына қосқан үлесі мен нәтижелі жұмысы үшін Қазақстан Республикасы Білім және ғылым министрлігінің «Құрмет грамотасымен» марапатталған. Сонымен бірге 2017 жылы іскер, қабілетті басшыны анықтау мақсатында ұйымдастырылған республикалық «Менің басшым – ең үздік директор» атты эссе байқауда жүлделі ІІ орын алса, осы жылы облыстық білім басқармасының «Құрмет грамотасы», «Үздік сындарлы сабақ», педагогикалық қызметкерлердің біліктілігін арттыру, «Жас ғалымдардың заманауи көзқарасы» тақырыбында өткен білім бәйгелерінде жүлделі орындармен марапатталған. Бұдан бөлек, «Үштілділік – білім берудің жаңа мүмкіндігі» облыстық байқауында ІІ орын, 2018 жылы оқушыларды ҰБТ-ға жүйелі дайындағаны үшін «Облыстық олимпиадалар және қосымша білім беру» орталығының дипломымен, 2018 жылы «BILIM LAND» сайты ұйымдастырған «Жаңашыл мұғалім-2018» байқауының финалисі атанғаны үшін «Алғыс хатпен», 2018 жылы Арал қаласында Ә.Нұрпейісовтің «Соңғы парыз» романы бойынша өткізілген облыстық командалық дебатта ІІІ орын иеленген.&nbsp;Сонымен қатар, «Қызылорда облысының білім беру саласын дамытудағы еңбегі үшін» жергілікті ерекшелік белгісімен, инклюзивті сыныпқа арналған сабақты жоспарлау облыстық байқауында ІІ орынмен, шығармашыл мұғалімдердің облыстық тәжірибе алаңында көрсеткен үздік жұмыстары үшін Құрмет грамотасымен, Әл-Фараби – әлемдік тұлға республикалық-ғылыми конференцияға қатысып, кәсіби шеберлік көрсеткені үшін республикалық «Дарын» орталығының дипломымен, республикалық қосымша білім беру оқу-әдістемелік орталығы ұйымдастырған «Білім беру жүйесіндегі бәсекеге қабілетті ұрпақ тәрбиелеудің маңыздылығы» атты республикалық конференцияда І орынмен, өткен жылы «Педагогикалық идеялар фестифалі – 2020» республикалық байқауында ІІІ орынмен марапатталып, Қазақстан Республикасы Білім және ғылым вице министрінің грамотасы мен медалін иеленді.&nbsp;Білікті ұстаз Қазақстан Республикасы Білім және ғылым министрлігі «Дарын» республикалық ғылыми-практикалық орталығы ұйымдастырған Қазақстан Республикасы Президенті Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына арналған жолдауындағы білім саласына байланысты бағыттарын кеңінен насихаттау мақсатында өткен «Білім беру ісінің үздік педагогі – 2020» атты республикалық байқау жеңімпазы атанып, жүлделі І орынды иеленген.Салтанат Қосжанованың марапат тақтасын Қазақстан Республикасы Білім және ғылым министрлігі «Оқулық» республикалық ғылыми-практикалық орталығы ұйымдастырған Елбасы Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласын білім беру ұйымдары мн білім алушылар арасында кеңінен насихаттау мақсатында өткен «Жаңартылған білім беру мазмұны бойынша оқытудағы жаңа әдіс-тәсілдер» атты республикалық байқауда иеленген І орын дипломы, Мемлекеттік тілдің дамуына қосқан елеулі үлесі мен қоғамдық жұмыстарға белсене қатысқаны үшін халықаралық «Қазақ тілі» қоғамының Құрмет грамотасы, «Педагогикалық идеялар фестифалі – 2020» республикалық байқауында &nbsp;алған ІІІ &nbsp;орын дипломы, Қазақстан Республикасы Білім және ғылым вице министрінің грамотасы мен медалі толықтырып тұр.Жыл сайын дәстүрлі түрде өткізіліп тұратын республикалық «Үздік педагог – 2022» байқауы жуырда мәресіне жетіп, қорытындыланды. Биыл аталған білім бәсекесіне республика бойынша 5 500 талапкер қатысса, соның 123-і облыстан іріктеліп, республикалық кезеңге өтті. Яғни, байқаудың соңғы кезеңінде білім беру саласының 123 қызметкері бақ сынады. Олардың ішінде Жалағаш ауданынан Темірбек Жүргенов атындағы №123 мектеп-лицейдің қазақ тілі мен әдебиеті пәні мұғалімі Салтанат Қосжанова да қатысты. Байқаудың қорытынды нәтижесінде алғаш рет өңіріміздің төрт ұстазы әртүрлі пәндер бойынша жеңімпаз атанды. Атап айтсақ, Темірбек Жүргенов атындағы №123 мектеп-лицейдің қазақ тілі мен әдебиеті пәні мұғалімі Салтанат Қосжанова, Мәншүк Мәметова атындағы Қызылорда педагогикалық жоғары колледжінің оқытушысы Ұлжан Есмаханова, №9 дарынды балаларға арналған облыстық «Білім-инновация» лицей интернатының география пәні мұғалімі Ләззат Құлымбетова және Жәлел Қизатов атындағы №23 мектеп-лицейдің биология пәні мұғалімі Айгүл Қиясова 2022 жылдың үздік педагогы деп танылды.&nbsp;Елордадағы «Radisson Hotel Astana» қонақ үйінде өткен байқаудың салтанатты марапаттау рәсіміне Қазақстан Республикасының Оқу-ағарту министрі Асхат Аймағамбетов арнайы қатысып, жеңімпаздарды құттықтаса, 1000 айлық есептік көрсеткіш көлемінде, яғни 3 млн теңге сыйақы мен «Үздік педагог» төсбелгісін табыс етті.&nbsp;<blockquote>«Мұғалім – ең қастерлі мамандықтың бірі. Сіздер Ахмет Байтұрсынов, Ыбырай Алтынсарин сынды ұлтына адал қызмет еткен көрнекті ағартушылардың ізін де, ісін де жалғастырып келесіздер. Мемлекет басшысының өзі білім саласына, ұстаздарға көп көңіл бөліп отыр. Соның нәтижесінде «Педагог мәртбесі туралы» заң қабылданды. Мұғалім мәртебесін көтерудің алғы шарты – мұғалімдердің айлық жалақысын көтеруді көздеді. Сонымен бірге ұстаздарды өзінің қызметтік міндетіне жатпайтын функциялардан босатуға мүмкіндік берді. Мұғалімдерге одан да басқа қолайлы жағдайлар жасала бастады. Алайда білім сапасына қатаң талап қойылды. Бүгін мәресіне жетіп отырған байқау да білім сапасын жақсартудың бір тетігі. Жылдан-жылға бұл байқаудың маңызы артып келеді және соған орай қатысушылардың да қатары көбейіп отыр. Бұл байқау мұғалімдерге өзінің білім деңгейін анықтап, салада жинаған тәжірибесін саралауына, еңбегін бағалауына мүмкіндік береді. Қай салада да бәсеке болуы керек. Сонда ғана даму болады, алға ілгерілеу болады. Әрине бүгінгі байқаудың жеңімпаздары өздерінің білім деңгейі мен біліктіліктерін дәлелдеп шықты. Сіздерді жеңістеріңізбен құттықтаймын және білім саласын дамытуға қосқан үлестеріңіз үшін алғысымды білдіремін, – деді Асхат Аймағамбетов.&nbsp;</blockquote>Салтанат Қосжанова – үнемі ізденіс үстінде жүретін жаңашыл мұғалім және жиған білімі, тәжірибесімен шәкіртті ғана емес, өзін де үнемі жетілдіріп отыратын нағыз ұстазға тән бекзат болмыстың иесі. Оқырмандардың ойына тағы да сала кеткенді жөн көрдік, Салтанат Қосжанова – Қазақстан Республикасының Оқу-ағарту министрлігі ұсынған «Абайтану» оқулығын әзірлеген авторлардың бірі. Нақтырақ айтсақ, биыл жаңа оқу жылынан бастап мектеп бағдарламасына еніп, пән ретінде оқытыла бастаған қосымша әдістемелігі «Абайтану» хрестоматиясын жазып, даярлаған республика бойынша үш мұғалімнің бірі.&nbsp;Сондай-ақ, Салтанаттың өз пәні бойынша дайындаған оқушылары облыстық, республикалық, халықаралық олимпиадалардан жүлделі орындар иеленіп жүр.&nbsp;<blockquote>«2012 жылдан бері өткізіліп келе жатқан бұл байқауға қойылатын талап өте жоғары. Байқаудың ережесі бойынша әр қатысушы мұғалімнің республикаға тараған педагогикалық тәжірибесінен жинақталған әдістемелері, авторлық бағдарламасы, республикалық конкурстарға, фестивальдарға, конференцияларға қатысқаны, ондағы жасалған баяндамалары болуы тиіс. Сонымен бірге түсірген телевизиялық сабақтары, «Оқуға құштар мектеп» жобасы, дебаттық қозғалыс бойынша атқарған жұмыстары және ата-аналармен қарым-қатынас жұмыстары, волонтерлық қызметтері, қайырымдылық іс-шараларына белсенділігі және басқа да педагог атқаруы тиіс жұмыстардың барлығы сұралады. Мен байқаудың облыстық кезеңінде өзге әріптестерімнен басым ұпай жинап, республикалық кезеңге өттім. Байқаудың ережесі бойынша бұрын көрмеген мектебімізде болып, танымайтын оқушыларға сабақ бердік. Сабақтарымды талдау кезеңінде комиссиядан жоғары баға алдым. Сабақтың құрылымы, сабақ барысында қолданылған тың әдістәсілдеріңіз, сабақтың әр кезеңінде оқушылармен қарым-қатынас орнатуыңыз, соның ішінде олардың әрбір сөзі мен әрекетіне жіті мән беруіңіз, оқушылармен жұмыстарды саралауыңыз көңілімізден шықты және біз оны тәжірибе ретінде өз сабағымызда қолданатын боламыз. Шынымды айтсам, комиссия мүшелері мен әріптестерімнің осындай бағасы мен үшін байқаудың жүлдесінен де қымбат болды», – дейді Салтанат Қосжанова.&nbsp; &nbsp;</blockquote><img src="https://knadmin.beoblood.kz/uploads/19_6604ff079a.jpg" alt="19.jpg">

Салтанат Қосжанова: Білікті ұстаз білімді ұрпақ тәрбиелейді

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық «Жастар ресурстық орталығы» мекемесі мен «ORDA» жоғары колледжінің бірлесе ұйымдастыруымен «Сыбайлас жемқорлыққа қарсы мәдениетті нығайту» тақырыбында студенттермен кездесу өтті.Өскелең ұрпаққа сыбайлас жемқорлық жайлы түсіндірме жұмысын белсенді жүргізу мақсатында ұйымдастырылған жиынға ҚР Сыбайлас жемқорлыққа қарсы іс-қимыл агенттігінің облыс бойынша департаменті, превенция басқармасының бас маманы Жанар Жалғасбайқызы, Қызылорда облысының қоғамдық даму басқармасының заңгері Айсана Ерболатқызы және колледж студенттері, БАҚ өкілдері қатысты.Кездесу барысында сыбайлас жемқорлыққа қарсы мәдениет деңгейін қалыптастыру, сыбайлас жемқорлықпен күрес, моральдық-адамгершілік, этикалық мәдениетті тәрбиелеу мәселелері кеңінен талқыланды.Үкіметтің №358 Қаулысына сәйкес 2021 жылы үлгілік-базалық бағыт 4 жобасы құрылды. Жоба 4 бағытқа бөлінген:&nbsp; - Сыбайлас жемқорлық тәуекелдерін анықтау; - Сыбайлас жемқорлық тәуекелдерін жою; - Сыбайлас жемқорлыққа қатысты мәдениетті қалыптастыру; - Квазимемлекеттік сектор субъектілеріне комплаенс қызметтерін дамыту бойынша қазіргі таңда жүйелі жұмыстар жүргізіліп келеді.&nbsp;Шара барысында аталған мәселелер төңірегінде кеңінен сала мамандарымен талқыланып, студенттерге ақпараттық-түсіндірме жұмыстары жүргізілді.Шарада арнайы әзірленген видеороликтер көрсетілді.&nbsp;Шара соңында Жастар ресурстық орталығының директор орынбасары Ерлан Мырзалыұлы елімізде жемқорлықпен күреске нақты қадамдардың қолға алынғанын айтып, қоғамда жемқорлыққа қарсы пікір мен құқықтық сананы қалыптастырудың маңыздылығына тоқталды.<img src="https://knadmin.beoblood.kz/uploads/320060625_907748100602285_1962097620481800111_n_4162a61cff.jpg" alt="320060625_907748100602285_1962097620481800111_n.jpg">

Қазақстан және Қызылорда облысының жаңалықтары