<a href="https://kyzylorda-news.kz/">Kyzylorda-news.kz.</a> Қазалы ауданы әкімдігінде кезекті рет мәжіліс жиын шақырылды. Онда аймақтағы жер қатынастарының жағдайы және жылдық есебінің орындалуы, салық базасын кеңейту қаралды. Сонымен қатар, 2023 жылдың І тоқсанындағы қаржы игеру болжамы, көктемгі әскерге шақыру мәселелері де көтерілді.Әкімдік мәжілісінің күн тәртібінде тұрған ең әуелі аудандағы жер қатынастарының жағдайы және жылдық есебінің орындалуы туралы аудандық ауыл шаруашылығы мен жер қатынастары бөлімінің басшысы Еркін Сейтов хабарлама жасады. Ол саладағы толымды істер мен тұрғындар тарапынан жасалған заңсыздық жайын жасырмады. Мұны еңсеруге бағытталған істер әрі қарай жалғасын табатынын жеткізді.Бұдан соң аппарат мәжілісіндегі 3 мәселе жайында әңгіме өрбіді. Айта кетерлігі, биыл жыл қорытындысымен аудан бюджеті рекордық көрсеткішке жетті. Аудандық мемлекеттік кірістер басқармасының басшысы Темірлан Қожаназаров 2022 жылы 2 миллиард теңге түсім тіркеліп, жоспар 104,6 процентке орындалғанын айтып сүйіншіледі. Бұл кәсіпкерлігі құлаш жайған, өндіріске жаңа бет бұрған аудан үшін толағай табыс ретінде бағалады.Салық басқармасы басшысының мәлімдеуінше, ауданда салық базасын ұлғайту жөнінде 2 жедел топ жұмыс жасап жатыр. Өткен жыл үшін жиналуға тиісті салықтың ірі көлемі Әйтеке би кенті, Қазалы қаласы, Қызылқұм, Майдакөл ауылдық округтерінде қалыптасқан. Қазіргі таңда жеке тұлғалардан жиналатын жер, мүлік және көлік құралдары салықтарының базасын нақтылау және уақытылы жинау жұмыстары жүргізілуде. Сонымен қатар, ауданда кәсіпкерлік нысандарға түгендеу және заң шеңберінде қайта бағалау жұмыстары атқарылып жатыр.Жиын барысында осы жылдың І тоқсанындағы қаржы игеру болжамы туралы аудандық экономика және қаржы бөлімінің басшысы Әліби Әбиев, көктемгі әскерге шақыру жұмыстары туралы аудандық қорғаныс істері бөлімінің бастығы Нұрлан Көлбаев хабарлама жасады.Мәжілісте Қазалы ауданы әкімі Мұхтар Әуесұлы күн тәртібінде қаралған мәселелер бойынша нақты тапсырмалар берді. Салық түсімдерін арттыру бағытындағы жұмыстарды жеделдетіп, кіріс көздерін ұлғайту мақсатында ауыл әкімдігіне берілген заманауи құрылғылардың көмегімен жұмысты күшейтуді тапсырды.Мерзімді әскерге шақыру комиссиясына шақырылған азаматтарды жеткізу жұмыстарын қолға алмаған ауыл әкімдерін сынға алып, медициналық сараптаманы толық аяқтауына бақылауды күшейтуді қадап айтты.Сондай-ақ, әскерге шақырудан жалтарып жүрген азаматтарға қолданыстағы заң аясында нақты шаралар көріп, учаскелік полиция инспекторларымен бірге жекелеген жұмыстар жүргізуді жүктеді.

Қазалыда мәселелер реттілігімен шешіледі

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағанов 14 наурыз - Көрісу күніне орай, көпбейінді облыстық ауруханадағы науқас жандардың жағдайымен танысып, мерекемен құттықтады.&nbsp;Аймақ басшысының орынбасары емделушілерге жылы лебізін білдірді.<blockquote>«Өздеріңізге белгілі, бұл күн қыс мезгілінен аман-есен шығып, адамзат баласының бір-бірімен қауышатын күні.&nbsp;Көрісу - жаңа жыл, жаңа өмір, жана күн. Яғни, халық көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді. Ендеше әулеттің көпті көрген үлкеніне амандық-саулық тілеп, ізеттілікті дəріптейтін, алыстағы туған-туыспен көрісіп, татулыққа бастайтын халқымыздың ежелден келе жатқан мерекесі əр шаңыраққа құт-береке əкелсін», - деді Нұрымбет Сақтағанов.</blockquote>Одан соң, облыстық денсаулық сақтау басқармасы басшысының міндетін атқарушы Жангелді Мырзагелдіұлы мен медицина саласының ардагері Тұрғанбай Маханұлы аурухана мұражайымен қатар кардиохирургия, эндоваскулярлы хирургия, хирургия №1 бөлімше жұмыстарымен таныстырды.Ауруханада ішіндегі кардиохирургия бөлімі 20 төсек орынға арналған. Қазіргі таңда мұнда 26 науқас ем алуда.&nbsp;Ал эндоваскулярлы хирургия бөлімінде екі ангиограф орнатылған. Жылына 4 мыңнан аса ота жасалады.&nbsp;Хирургия №1 бөлімшесі 25 төсек орынға арналған, оның ішінде бет жақ хирургиясына 5 төсек орын бөлінген. Қазіргі таңда 19 науқас ем алуда.Көпбейінді облыстық ауруханасында 525 тәуліктік төсек орын қызмет көрсетеді. Оның 170-і хирургиялық, 105-і кардиология, 45 орын инсульттік, 95 орын реабилитациялық, 110-ы терапиялық бейінді. Сонымен қатар 115 төсек орындық күндізгі стационар жыл бойына халыққа медициналық көмек көрсетуде. &nbsp;&nbsp;2021 жылы 30 төсек орындық хирургиялық және терапиялық салаға арналған ақылы бөлім ашылды. Одан бөлек 2020 жылдың 1 шілдесінен бастап «Короновирусты инфекция» індетін жұқтырған соматикалық патологиясы бар науқастарға арналған инфекциялық бөлімше қызмет атқарады. Өткен жылы аталған бөлімшенің төсек орын саны эпидахуалға байланысты 5 төсек орыннан 30 төсек орынға дейін өзгеріп отырды. Жылдың аяғында 5 төсек-орын қызмет атқарды. Жалпы ауруханада 675 төсек орын бар.Көпбейінді облыстық аурухана өңірдегі үшінші деңгейдегі стационарлық көмек көрсететін жалғыз ұйым. Дәрігерлердің 80 пайыздан астамы мен орта медицина қызметкерлерінің 60 пайызының біліктілік санаттары, 74 қызметкердің денсаулық сақтау үздігі, 2 дәрігердің медицина ғылымдарының кандидаты атағы бар. Аурухананың медициналық мақсаттағы бұйымдармен жабдықталуы 95,78 пайызды құрайды.&nbsp;Былтырғы жылы тәулік бойы жұмыс істейтін стационарда 19 534, күндізгі стационарда 5386 науқас ем қабылдады. Жалпы хирургия, жүрекке ашық ота жасау, эндоваскулярлық кардиохирургия, қан тамырлары хирургиясы, офтальмологиялық хирургия, травматология және ортопедия, гинекология, урология, нейрохирургия, жақ-бет хирургиясы және оториноларингология салаларында барлығы 10 мыңнан аса ота жасалады.<figure class="image"><img src="https://knadmin.beoblood.kz/uploads/335413830_1377575222784224_4644081344303019889_n_779f8baf0d.jpg" alt="335413830_1377575222784224_4644081344303019889_n.jpg"></figure><img src="https://knadmin.beoblood.kz/uploads/335417762_595100979145488_1530145755962950294_n_784180e573.jpg" alt="335417762_595100979145488_1530145755962950294_n.jpg"><img src="https://knadmin.beoblood.kz/uploads/335386009_5951660164928111_3526351908947396910_n_8305064442.jpg" alt="335386009_5951660164928111_3526351908947396910_n.jpg"><img src="https://knadmin.beoblood.kz/uploads/336187586_233140335832094_6642610852314130493_n_1_27b6d56129.jpg" alt="336187586_233140335832094_6642610852314130493_n (1).jpg"><img src="https://knadmin.beoblood.kz/uploads/335414478_744437987265160_4972670136303253952_n_50c576ca04.jpg" alt="335414478_744437987265160_4972670136303253952_n.jpg">

Нұрымбет Сақтағанов ауруханадағы емделушілермен кездесті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті түлектерінің ассоциациясы және «Business-Start» бизнес инкубаторының ұйымдастыруымен «Social innovation projects» семинары өтті.&nbsp;Білім алушыларға арнайы ұйымдастырылған семинардың спикері - «Қызылорда облысының Үкіметтік емес ұйымдарының Альянсы Ассоциациясы» төрайымы Ізден Анар Жарылқасынқызы.&nbsp;"Әлеуметтік инновациялық жобалар” тақырыбы аясында өткен тренингке түлектер қауымдастығының төрайымы Гүлшат Берікбайқызы, &nbsp;Business-Start бизнес инкубаторының мамандары және университеттің 30 белсенді студенті қатысты.&nbsp;Қатысушылармен танысудан бастау алған семинарда теориялық біліммен қатар практикалық тапсырмалар орындалды. &nbsp;2 сағатқа жуық өткен тренингте &nbsp;әлеуметтік және коммерциялық жобалар, жобалар мен бағдарламалардың арасындағы айырмашылық, стартап дегеніміз не?, идея, инновация тақырыптары қозғалды. Семинар барысында белсенді болған 2 қатысушыға спикер өзінің кітапханасынан мотивациялық кітаптарды сыйға тартты.Әлеуметтік инновациялық жобалар тақырыбы аясында өткен кездесудің нәтижесінде Қорқыт ата атындағы Қызылорда университетінің 12 студентіне әлеуметтік жобаларға қатысуға Анар Жарылқасынқызы 3 күндік семинар өткізуді қолға алды.Алдағы уақытта жастардың, белсенді студенттердің әлеуметтік жобалар туралы білімін арттыру мақсатында кездесулер өтетін болады.&nbsp;<figure class="image"><img src="https://knadmin.beoblood.kz/uploads/576_1_3053033642.png" alt="576-1.png"></figure>

Университетте «Social innovation projects» семинары өтті

<a href="https://kyzylorda-news.kz/">Kyzylorda-news.kz.</a> Қыстан қалған жердің тоңы жібіп, тіршілік атаулыға жан бітіп, күн жылынып, көктем келген шақта айналаның барлығында тазалық жұмыстарының басталатыны белгілі. Себебі Табиғат-ананың оянып, жаңғыратын шағында осы мәселеге ден қойып, жасыл желектің көмегімен ауаны тазартып, қолайлы микроклиматты қалыптастырудың маңызы зор. «Атадан мал қалғанша, тал қалсын» дейді халқымыз. Ендеше, балғын мезгілдің басын көшет отырғызып, айналаны қоқыстан тазартып, тазалық жұмыстарын жүргізуден бастауға ауданның әр тұрғыны жұмыла кірісуге тиіс.Жер-дүние бусанып тұрған шақта санитарлық тазарту, абаттандыру, көркейту-көгалдандыру жұмыстарын жүргізу аудан экологиясының жақсаруына оң әсер ететіні анық. Осы мақсатта ауданның төңірегінде ашық сенбіліктер ұйымдастырылып, көшет отырғызу науқандары басталып кетті. Мәселен, «Ақмая» шаруа қожалығы Самара-Шымкент трассасының ¬бойына жеміс ағаштарын отырғызған болса, «Жиделі топтық су құбыры» өндірістік бөлімшесі, «Шиелі-Сұңқар» филиалдары сенбіліктерге шығып, көктемгі көгалдандыру мақсатында қызу жұмыстарға кіріскен. Сондай-ақ 21-бекеттің тұрғындары мектеп пен балалар алаңының айналасына, балабақша жолдарына ағаш егу ісін қолға алып, сенбілік жұмыстарын атқарса, Шиелі Индустриалды-аграрлық колледжі аудан аумағына 300 көшет отырғызған. Айта кету керек, көктемгі абаттандыру және көркейту-көгалдандыру жұмыстарын атқаруда Шиелі ауданы 14 учаскеге бөлінген.Қазіргі уақытта аудан көлемінде жүргізіліп жатқан қызу тазалық жұмыстарына барлық мекеме қызметкерлері бір кісідей атсалысып, әр ұжым бөлінген аумақтар мен көшелерде қарқынды жұмыс істеуді жалғастырып жатыр. Бұл шара ең әуелі тұрғындардың табиғатқа деген оң қарым-қатынасын қалыптастыруға және ауданның санитарлық жағдайын жақсартуға бағытталған.Иә, көктем мезгілі басталған соң ағаш егу жұмыстарына көңіл бөлу – адамзаттың алдында тұрған ¬басты парыздарының бірі. Себебі жасыл желектің жердегі экологиялық жағдайға тигізетін әсері өте үлкен. Жер бетіндегі барлық тіршілік иелері ауаны қажет етеді. Фотосинтез барысында ағаштар көмірқышқыл газын сіңіріп, оттегіні шығарады. Өкпедегі газ алмасу процесін реттеп, тыныс алуды жақсартуға серпін береді. Ағаштарға жақын жерде өмір сүру физикалық және психикалық жағдайды жақсартады. Себебі олар қан қысымын төмендетіп, стрессті азайтатын қасиетке ие. Тізбектей берсек, тағысын тағы.Сонымен қатар қасиетті дінімізде де ағаш егу сауапты іс саналады. Егер отырғызған ағаштың көлеңкесіне бір адам саяласа, ол үшін бұл іс садақа болып жазылады. Адам дүниеден өткен шағында да еккен ағашының сауабы қурап кеткенше оған келіп тұратын көрінеді. Адамдар үшін ағаш отырғызудың пайдасы қаншалықты мол екенін екі дүниенің сардары болған Пайғамбарымыздың (с.ғ.с.) бірнеше хадистерінен де байқауға болады: «Егер әлдебір мұсылман ағаш көшетін отырғызса немесе егін ексе, кейін оның жемісінен адам жесе де, құс шұқыса да, мал жесе де, ол үшін садақа болып жазылып тұрады». Сондықтан әрбіріміз аула алдына бір түп ағаш отырғызсақ та, бұл әрекетіміз үлкен сауапқа кенелтетін, ең абзал істердің қатарынан болмақ.Деректер бойынша, бір кәрі ағаштың 3 адамды оттегімен қамтамасыз ете алатын қауқары бар. Дегенмен, қазіргі таңда автокөліктер мен түрлі зауыттардың көптігі экологияның бұзылуына алып келетіндіктен, бұл көрсеткіш аздық етеді. Бұдан бөлек, бүгінде аудан ішіндегі немесе ауыл-аймақтардағы ағаштардың көбі кәрі ағаштар екені жасырын емес. Әрине, жыл сайын аудан мен ауылдық округтердің айналасында көшеттер отырғызылып жатыр. Бірақ оны уақытында суару, күтіп ұстау жағы әлсіреп тұр. Тіпті кейбір көшелерде аяқ судың тапшылығы әсерінен көшет егуге арнап қоршалған жерлерді арам шөптер басып үлгерген.Мұның нәтижесі ағаштардың құрып кетуіне әкеліп жатыр. Бұл мәселенің алдын қалай аламыз? Осы тұста шет мемлекеттерде кең қолданыс тапқан өсімдіктерді тамшылатып суару әдісі жақсы шешім бола алады. Бұл әдіс жасыл желектің тамырына суды, тыңайтқыштар мен оларды зиянкес¬терден қорғайтын агрохимиялық заттарды біркелкі жеткізу үшін пайдаланылады. Тамшылатып суаруға арналған құбырлар топырақ үстімен немесе астымен орналасады. Тамшылатып суарудың бір қасиеті – суды әрбір егілген дақылдың үстіне тамшылатып қоюында. Суарудың мұндай түрі тыңайтқышты да, суды да қажетті мөлшерде, яғни барынша үнемді түрде қолдануға мүмкіндік береді.Бүгінде аталған әлемдік озық тәжірибелерді еліміздің ауыл шаруашылығына да енгізу жоспары жүзеге асырылып жатыр. Атқарылған жұмыстардың нәтижесінде көкөніс өсіруде арықпен суару әдісі шығынға ұшырататыны, оның орнына шөлейтті аумақтарда, әсіресе тұщы су тапшылығында тамшылатып суару мол өнім алуға қолайлы екені іс жүзінде дәлелденген. Шетелдік және отандық тәжірибелер көрсеткендей, бұл еліміздің су тапшылығы бар аймақтарында шаруашылықты жандандыруға мүмкіндіктің бар екенін аңғартады. Демек, аудандағы аяқ су жетпейтін көшелерге аталған әдісті пайдалану тиімді нәтижесін берері анық. Бұл іс аумақтың экологиялық таза болуына және шығынның азаюына үлкен үлесін қосар еді. Жақсылықтың жаршысына айналған көктем мезгілі – барлық игі іс пен қызу еңбектің бастауы. Егер осы кезеңде айналамызды жасыл желекпен толтырып қойсақ, жайқалған табиғат өз кезегінде ауданның көркіне көрік қосып қана қоймай, оттегінің де мол қорына кезіктіріп, экологияны жақсартуға септігін тигізер еді. Әлемде ағаш егу мәдениетін қалыптастыру мақсатына Халықаралық ағаш егу күнін атап өтеді екен. Осы бір дәстүрді біз де қолданысқа енгізе алсақ, нұр үстіне нұр емес пе?Ағаш отырғызудың дінімізде пайдасы мол, сүннет амал екенін айтып өттік. Сол себепті сауабы мол іске адамдық парызбен үлес қоссақ, ауданның гүлденуіне деген перзенттік борышымызды ақтаған болар едік.

Шиеліде тал егу жұмыстары жүргізілуде 

<a href="https://kyzylorda-news.kz/">Kyzylorda-news.kz.</a>&nbsp; Биылғы жылдың ең ауқымды саяси оқиғасы - Мәжіліс пен еліміздің барлық деңгейдегі мәслихаттарына сайлау жақындап келеді. Сайлау учаскелерінде дауыс беру процесінің ашықтығы мен ашықтығын бақылаушылар, оның ішінде «Baqyla» қоғамдық қозғалысының тәуелсіз бақылаушылары қадағалайтын болады. Қызылорда қаласы бойынша «Baqyla» қоғамдық қозғалысының мобильді кураторы Жанарыс Тубекбаев облыс орталығындағы бақылаушылар жұмысының ерекшеліктері туралы әңгімелейді.- Бақылаушылар қозғалысының пайда болу тарихы туралы айтыңыз: ол қашан, қалай, қандай мақсатта құрылды? Жұмыстың негізгі бағыттары қандай, қозғалыстың негізін кім құрайды және қатысушылар қандай мақсатта жұмыс істеуге келеді?«Baqyla» қоғамдық қозғалысы таза және ашық сайлауды қамтамасыз етуге бағытталған. Қозғалыстың жетекшісі-Қазақстандағы ашық сайлаудың негізін қалаушы Дос Көшім. Біздің қозғалысымыздың миссиясы-тәуелсіз бақылаушы-еріктілердің жұмысын ұйымдастыру. 2022 жылы біздің байқаушылар Қазақстан Республикасы Президентінің кезектен тыс сайлауында жұмыс істеді. Егер өткен жылы біз сайлау учаскелерінде жұмыс істеу үшін 150 үміткердің ішінен 92 бақылаушыны таңдасақ, 19 наурыздағы сайлауда 200 тілек білдірушінің ішінен таңдалған 99 бақылаушы ұсынылады. Республика бойынша қозғалыс 15 қаладағы 3 мың сайлау учаскесін қамтиды.&nbsp;Жалпы, бақылаушылардың жұмысы дауыс беру процесін Конституция мен сайлау туралы заңнаманы бұзбай, жалған бюллетень салу, "карусельдер", қайта-қайта келіп дауыс беру секілді заң бұзушылықтарға жол бермей, сайлаудың барынша ашық, жариялы және әділ өтуін қамтамасыз етуге бағытталған.Негізінен іріктеуге жастар жазылады. Алдымен Болашақ бақылаушылар жалпы ниет білдірушілердің ішінен таңдалады. Содан кейін олар оқытылады, ұйымның жарғысын алады, сайлау учаскесіне жолдама алады және сауалнама мен іс-шара хаттамасы бар бақылаушының дәптерін алады.- Бақылаушылар жұмысының хроникасы қандай: бақылаушының жұмыс күні қалай өтеді, балалар қандай жағдайда жұмыс істейді және оларға қандай міндеттер қойылады?- Сайлаудан бір күн бұрын бақылаушылар өздерінің сайлау учаскелеріне барып, учаске басшысымен танысады. Сайлау күні олар учаскеге таңғы сағат 5.30-да келеді, сағат 6.00-де сайлау учаскесі ашылып, сайлау өткізуге дайындық басталады. Бақылаушы залға кіріп, оны тексеріп, өзінебекітілген орынға орналасады. Оған қажетті құжаттар, яғни жарғы, хаттама, бейджик беріледі.Күні бойы бақылаушы дауыс беру процесін бақылайды және қандай да бір бұзушылықтар анықталған жағдайда оларды хаттамада не өзінің жазбаларында тіркейді және Орталық аппаратқа баяндайды.- Бақылаушының жұмысы төленеді ме, егер жоқ болса, бақылаушылардың болашақта тағы қандай артықшылықтары бар?- Бақылаушының жұмысы үшін жалақы төленбейді, сондықтан бізге негізінен жастар келеді. Олар үшін бұл саяси реформалардың барысы туралы көбірек білуге, сайлау процесінің ерекшелігін түсінуге және еліміздің демократиялануына өз үлесін қосуға жақсы мүмкіндік. &nbsp;<figure class="image"><img src="https://knadmin.beoblood.kz/uploads/4c837ca9_afc0_4deb_9eee_74e58e348b33_00c4e74338.jpg" alt="4c837ca9-afc0-4deb-9eee-74e58e348b33.jpg"></figure>&nbsp;<figure class="image"><img src="https://knadmin.beoblood.kz/uploads/c5c39d7f_b5e5_4048_9d58_64d62facd03e_afa74aa105.jpg" alt="c5c39d7f-b5e5-4048-9d58-64d62facd03e.jpg"></figure>

«Baqyla» қозғалысының кураторы: «Байқаушының жұмысы - Қазақстанды демократияландыруға қосқан үлесі»

<a href="https://kyzylorda-news.kz/">Kyzylorda-news.kz.</a> Биыл аудандық ауылшаруашылығы саласында жаңалық көп. Мал шаруасы мен құс бағытындағы жұмыстар жетерлік. Әсіресе, төрт түліктің төлін көбейтіп, өнім өндіруде ілгерілеу бар. Соның бір ғана көрінісі шұжық шығаратын зауытты айтуға болады. Сол секілді биыл егін шаруасы да ширай түсуде. Бүгін біз осы бағыттағы атқарылып жатқан жұмыстарды жүйелеп, тағы бір пысықтап алсақ.Биыл егіспен айналысатын 485 шаруашылық 37 781 гектар дән тастауды жоспарлап отыр. Соның 8346 гектары күрішке арналады. Жыл сайын әртараптандыру бағытына басымдық беруді көздеп отырған диқандар жөнінде толығырақ таразылауға тырыстық.<blockquote>«Азық-түлік қауіпсіздігін сақтау мен бағаны тұрақтандыру мақсатында қосымша жерлер ашылып ұжымдық түрде 295 гектарға картоп, көкөніс, бақша дақылдарын орналастыру бағытында жұмыстар атқарылуда.Нақтырақ айтқанда 845 адам отбасылық егістікпен айналысып, нәтижесінде әлеуметтік маңызы бар азық-түліктермен өзін-өздері қамтитын болады.Бүгінгі таңға шаруашылық жетекшілерінің демеуімен 150 гектарға жуық егістік алқаптары шеңгел,жусандардан тазартылып, 90 гектары қоршаланып дайындалды», – деді бас аграном Дәурен Абибуллаев.</blockquote>Ауданның ауыл шаруашылығы құрылымдары биылғы жылдың егісі үшін &nbsp;3151 гектар күздік бидай егуді және 7300 гектар сүдігер айдауды қамтамасыз етіпті. Сонымен қатар ағымдағы жылы бірқатар шаруашылықтар тарапынан тамшылатып суару әдісі мен жаңбырлатып суару жүйесіне көшуге басымдық берілуде.Тамшылатып суару технологиясымен Талап ауылдық округінде «Қызылорда Агроплюс» ЖШС-де 5 гектар қызанақ егуді жоспарлауда. Жаңбырлатқыш суару технологиясымен Қожакент ауылдық округіне қарасты «Береке» шаруа қожалығы 30 гектар малазықтық дақылдарды егуді мақсат етіп отыр. Жалпы біздің ел әлемнің 123 еліне 800-ден астам тауар түрін экспорттайды. Тауарлардың 65 пайызы Қытай, ЕАЭО және ЕО елдеріне жеткізіледі. Сарапшылардың айтуынша, қазақ тауарларының экспорттық әлеуетін көтеретін мүмкіндіктердің алғышарты енді қалыптасты.Оның негізі осы салада жатыр. Мәселен, біздегі қарбыз, жүгері сусыны мен шұжық өнімі осының бастауы деп білеміз. Егер бақша өнімін көбейте беретін болсақ базар нарығын өзіміз-ақ реттейтін боламыз.<blockquote>«Аудан бойынша 2023 жылдың егісі үшін шаруашылық құрылымдарының қолында 2087 тонна күріш тұқымы бар. Сонымен қатар, 2023 жылдың егісіне қажет 50 тонна жоңышқа тұқымы толығымен дайын, ал 50 тонна мақсары тұқымы дайындалды. Биылдың егісіне қажетті минералдық тыңайтқыштардың көлемі 4462 тонна, оның ішінде 4226 тоннасы – азотты, 236 тоннасы фосфорлы тыңайтқыштар болса, қажетті гербицидтердің көлемі 3113 литрді құрайды. Қазіргі таңда шаруашылықтар тарапынан минералдық тыңайтқыштардың 4220 тоннасы (94,6%) және 1005 кг/л (32,3%) гербицид сатып алынды», – деді жауапты маман.</blockquote>Техника және жанар-жағар майдың да жайы алаңдатады. Аудан бойынша көктемгі дала жұмыстарына 1 422 тонна дизель отыны бөлінген. «Жібек Жолы LTD и К»ЖШС – 524 тонна, «Жаңақорған ОiI» ЖШС – 898 тоннаны жауапкершілігіне алыпты. Қазіргі таңда аудан бойынша 10 шаруашылық құрылымы бойынша «Жаңақорған ОiI» ЖШС-нен 150 тоннаға жуық дизель отыны алынған.Көктемгі дала жұмыстарына 207 трактор, 38 соқа, 28 дән сепкіш, 21 автомашина, 52 трактор тіркемесі толығымен дайын екен.<blockquote>«Ауданда &nbsp;2023 жылы межеленген егіс көлемдеріне сәйкес, көктемгі дала және егіс егу жұмыстарына қажетті қаржы көлемі 615 млн теңгені құрайды. Осы қажет қаржыдан шаруашылықтардың өз есебінен 197 млн теңге, инвесторлар тарапынан 160 млн теңге, басқа көздер арқылы арқылы 140 млн теңгеге қаржыландыру жоспарланды. Сонымен қатар, «Қамқоршы» несие серіктестігі арқылы «Кең-Дала» бағдарламасымен 14 шаруашылық құрылымдары 82,3 млнтеңге несие несие берілді», – деді бас аграном.</blockquote>Сонымен биылғы жылы көктем ерте шығып, аудан шаруашылық құрылымдары көктемгі дала және егін егу жұмыстарына аяқтап, санаулы күннен кейін дән тастап бітеді. Бүгінгі таңға аудан бойынша 1700 гектар жаңа жоңышқа егу, &nbsp;2100 гектар күздік бидай және ескі жоңышқаның 6400 гектарына тырмалау жұмыстары жүргізіліп, көктемгі дала және егін егу жұмыстары жалғасуда.Міне, аудандағы аграрлы саладағы серпілістің бір келбеті осылай реттелуде. Бұл дегеніміз отандық өнімнің өрісін кеңейту, сонда ғана нарықты өзгелер емес, өзіміз-ақ реттейтін боламыз. Халықтың негізгі тұрмыс-тіршілігі ауылшаруашылығы саласымен тығыз байланысты болғандықтан осы бағытта атқарылар жұмыс ауқымды. Әсіресе, ауылдағы ағайын егін мен мал шаруасынан жыл он екі ай нәпақасын тауып отыр. Бұйырса биылғы егіс мол өнім береді деп күтілуде. Ол үшін күтім мен аяқ су уақытылы берілсе болғаны. Қалғаны уақыттың еншісінде.

Жаңақорған ауданы 3151 гектар күздік бидай егуді бастады

<a href="https://kyzylorda-news.kz/">Kyzylorda-news.kz.</a> Жыл басынан бері өңірде 50-ге жуық тұтынушының құқығы қорғалып, 800 мың теңгеден астам қаржы толық қайтарылған. Тұтынушылардан келіп түскен арыз-шағымдардың басым бөлігі бөлшек сауда мен сапасыз тауарлардың нарықта сатылуына тікелей қатысты. Бұл туралы Өңірлік коммуникациялар қызметінде өткен брифингте Қызылорда облысы бойынша Сауда және тұтынушылардың құқықтарын қорғау департаментінің басшысы Ерқасым Сүлейменов мәлімдеді.<blockquote>«Әр жыл сайын 15 наурыз – дүниежүзілік тұтынушылардың құқығын қорғау күні ретінде аталып өтеді. Биыл бұл күн «Таза энергияға көшу арқылы тұтынушылардың мүмкіндіктерін кеңейту» ұранымен белгіленді. Өздеріңіз білетіндей, біздің департамент тұтынушылардың құқықтарын бекітілген заң арқылы қорғайды. Яғни, &nbsp;"Тұтынушылардың құқықтарын қорғау туралы" ҚР Заңында сатып алушылардың нақты құқықтары бекітілген. Аталған Заң сатып алушылардың тауарларды иеленуге еркін шарт жасасуға, тауар туралы ақпарат алуға, қауіпсіз заттарды сатып алуға, денсаулығына және мүлкіне келтірілген залалды толық көлемде өтеуге байланысты &nbsp;құқықтары қарастырылған. Бұл ретте тұтынушыны нарықтық қатынастарда барынша қорғау мақсатында тұтынушылардың құқықтарын қорғау туралы заңнамаға өзгерістер мен толықтырулар енгізіліп отыратындығын атап өткен жөн», - деді департамент басшысы Ерқасым Жайбергенұлы.</blockquote>Қазіргі таңда азаматтар интернет арқылы, оның ішінде әлеуметтік желілер арқылы тауарларды сатып алу және оны төлеу кезінде алаяқтарға жиі тап болып жатады. Осыған байланысты, қазіргі таңда ҚР кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы қаулы әзірленуде. Тұтастай алғанда, сатып алушылардың құқықтарын қорғау туралы заңға ұсынылатын түзетулер әлеуметтік тепе теңдікті қалыптастыруда оң нәтиже бермек.

Қызылордада 50-ге жуық тұтынушының құқығы қорғалды

Ақтөбе ауылында 78 кәсіпкерлік нысан қызмет етіп тұр

<a href="https://kyzylorda-news.kz/">Kyzylorda-news.kz.</a> Қызылорда қаласында тазалық жұмысымен бірге көркейту-көгалдандыру, абаттандыру жұмысы басталып кетті. Бұл бойынша тиісті шаралар жылда атқарылып келеді. Биыл да жалғасын табуда.Қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің мәліметіне сүйенсек, өткен жылы қаланы көркейту-көгалдандыру мақсатында жергілікті бюджеттен 427 млн теңге қаржы бөлініп, оның ішінде 51 сквер-аллея орналасқан аумақтарда көлемі 54 мың шаршы метр гүлдер мен газондар, қала аумағының орталығындағы ұзындығы 54,6 шақырым арық жүйелерін, жасыл екпелерді суаруға арналған насостарды, талдарды балақтау, ақтау, талдарды химиялық өңдеу, символдарды және ұңғымаларды күтіп ұстау жұмыстары қарастырылған. Бұл толығымен атқарылды.Сонымен қатар былтыр Қызылорда қаласын аяқсумен қамтамасыз ету мақсатында «Жібек жолы» және «Қызылжарма» каналдарын күтіп ұстау, пайдалану, сондай-ақ, олардың қауіпсіздігін қамтамасыз етуге жұмыстарына 25,7 млн теңге бөлінді. Ұзындығы 13,8 шақырым болатын «Қызылжарма» каналы арқылы КБИ, Коммунизм, Шанхай, Гагарин шағын аудандарындағы арық жүйелерімен 40 мыңға жуық халқы мен Қызылжарма ауылдық округіндегі 8 мыңға жуық тұрғын аяқсумен қамтылды.&nbsp;Қызылорда облысының әлеуметтік-экономикалық дамуы және экологиялық ахуалы Сырдария өзені бассейнінің кепілді сумен қамтамасыз етілуіне тікелей тәуелді. Осыған орай бүгінде күрделі болып отырған аяқсу мәселесі бойынша Қызылорда қаласында су тапшылығының алдын алу мақсатында барлығы 31 техникалық ұңғыма орнату бойынша республикалық бюджетке өтінім жолданып, Үкімет резервінен қолдау тауып, қалаға 11 және қалаға қарасты кент, ауылдық округтерге 20 техникалық ұңғыма орнатылды. Қаланы көркейту-көгалдандыру мақсатында жергілікті бюджеттен 484,7 млн теңге бөлініп, қазіргі таңда барлық конкурстарға мемлекеттік сатып алу жұмыстары жүргізілуде. Бұдан бөлек, аяқсумен қамтамасыз етуге 14 техникалық ұңғыма орнату бойынша мемлекеттік сатып алу конкурстары жүргізілуде және нәтижесі анықталғаннан кейін тиісті жұмыстар атқарылмақ.Абаттандырудың жайы бөлек. Мамандардың айтуынша, абаттандыру жұмыстарына келетін болсақ, жалпы 2022 жылы 564,0 млн теңге бөлінді. Атап айтқанда, мерекелік іс-шараларды ұйымдастыру, машина және механизм қызметі, брусчатканы ағымдағы жөндеу, қоршауларды жуу мен сырлау, ескерткіштерді, су бұрқақтарын, аялдамаларды, аллея мен скверлерді, қала паспорттарын, контейнер алаңдарын, бильбордтарды, ҚР Тұңғыш Президенті саябағын, қаладағы балалар ойын алаңдарын күтіп ұстау және ағымдағы жөндеу жұмысы жатады. Осы аталған жұмыстар толығымен орындалды. «Қызылорда қаласындағы Қазыбек би көшесінен Қазантаев көшесіне дейін Әйтеке би көшесін абаттандыру» жобасы бойынша өткен жылы сараптаманың оң қорытындысы алынып, абаттандыру жұмысы атқарылды.&nbsp;Бұл бойынша 1502 м2 кеспе тастар, 480 м жиек тас, 19 заманауи жарық бағанасы, 2 заманауи пішіндер, 1 арка, 33 орындық қоқыс жәшігімен бірге және 1 «Глобус» тәрізді субұрқағы орнатылды. Сонымен қатар облыстық бюджет қаражаты есебінен 2020 жылы бастау алған Ы.Жақаев, Әйтеке би, Бұқарбай батыр көшелері, орталық стадион аумағын абаттандыру жұмыстары және қаладағы 5 көше жарық бағанасын орнату жұмыстары жүргізіліп, облыстық бюджеттен осы жұмыстарды толығымен аяқтауға қосымша 237,0 млн теңге қаржы бөлінді. Аталған жобалардың ішінен қазіргі таңда Әйтеке би көшесі және қаладағы 5 көшені жарықтандыру толығымен аяқталды. «Қызылорда қаласы, С.Бейбарыс көшесін Н.Назарбаев даңғылынан Тәуелсіздік даңғылына дейін абаттандыру» жобасы бойынша сараптаманың оң қорытындысы алынып, жалпы сметалық жоба құны 1 741,7 млн теңгені құрайды. Осы жұмыстарды бастауға облыстық бюджеттен 300 млн теңге қаражат бөлінді.&nbsp;«Қызылорда тазалығындағы» тіршілік «Қызылорда тазалығы» мекемесін бәрі біледі. Бүгінде бұл мекеме 5 бағыт бойынша өз жұмысын атқаруда. Атап айтар болсақ, санитарлық тазалық, тұрмыстық-қатты қалдықтарды шығару, көпқабатты тұрғын үйлерге қызмет көрсету, тұрғын үйлерді қайта жаңғырту және полигон қызметтері кіреді. Аталған қызметтердің ішінде санитарлық тазалық жұмыстарына қаралған қаржы кәсіпорынға түсетін негізгі кіріс көзі. Осы ретте 2021 жылы санитарлық жұмыстарына 666 млн теңге, 2022 жылы 699 млн теңге, 2023 жылы 836 млн теңге қаражат бөлініп отыр. Қала көшелерінің санитарлық тазалығын қамтамасыз ету жұмыстарына қаралған қаржы қаланың 240 көшесін тазартуға бөлінген болса, іс жүзінде 350ден астам көшеге жүргізілуде. Жаз айларында көше арам шөптерден тазартылып, бордюрлер, көше бойындағы талдар толығымен ақталып, қала көшелеріне екі мезгіл су себіліп, қоқыс қалдықтарынан тазартылуда. Осы бағытта қалалық полигонға 2018-2020 жылдары күнделікті 340 м3 қоқыс шығарылса, казіргі күні күнделікті қалалық полигонға 780 м3 қоқыс шығарылуда. Қала көлемінің ұлғаюынан шығарылатын қоқыс көлемі де 160%-ға өсіп отыр.&nbsp;Қаладағы көшелердің санитарлық тазалығын қамтамасыз ету үшін және қала тұрғындарымен қоқыстарды бей-берекет белгіленбеген орындарға тастауынан антисанитариялық жағдайдың алдын алу, үйілген қоқыс алаңдары пайда болуына жол бермеу мақсатында кәсіпорын тарапынан осы жұмыстарға арнайы мобильдік топ құрылып, рейдтік іс шаралар жоспары ұйымдастырылып, жоспарға сай жұмыстар жүргізілуде. Өткен жылдың соңында жүргізілген рейдтік ісшаралар нәтижесінде жеке сектор мен көпқабатты үйлердің тұрғындарына 2396 ескертпе парақшасы таратылып, 850 үй иесіне түсіндірме жұмысы жүргізілді. Рейдтік іс-шара барысында санитарлық талаптарды бұзған 38 азаматқа «Әкімшілік құқық бұзушылық туралы» Кодексінің 505 бабы бойынша ескерту беріліп, 434-2 1 тармағы бойынша 86 азаматқа жергілікті полицияның учаскелік инспекторларымен айыппұл салынды. Шағын және орта кәсіптік нысанның иелеріне 18 ескерту жасалып, 58 кәсіптік нысанның иесіне түсіндірме жұмыстары жүргізілді. Қала орталығы және қаланың шет аймақ көше қиылыстарына қоқыс тастамау жөнінде 91 ескерту тақтайшасы орнатылды.Көпқабатты тұрғын үй арасында орналасқан қоқыс алаңына құрылыс қалдықтарын тастамау жөнінде 40 ескерту тақтайшасы ілінді. Көппәтерлі тұрғын үйлерге тозығы жеткен 341 қоқыс жәшігі жаңартылды. Қазіргі уақытта қала және шет аймақтары бойынша тазалықты бақылау мақсатында жылжымалы 3 бейне бақылау құрылғысы жұмыс істеуде. Бейне бақылау арқылы анықталған 27 заңсыз белгіленбеген орындарға қоқыс тастау фактілері бойынша шара қолдану үшін жергілікті полиция басқармасына жолданды. Оның 14 фактісі бойынша әкімшілік хаттама толтырылып, соның ішінде 6-ына ескерту шаралары берілсе, 8 факті бойынша 14585 теңгеден әкімшілік айыппұл салынған.<img src="https://knadmin.beoblood.kz/uploads/60934ef34eb93fbaba2afc22bd6e0f89_48d77de730.jpg" alt="60934ef34eb93fbaba2afc22bd6e0f89.jpg">

Қызылордада тазалық айы басталды

<a href="https://kyzylorda-news.kz/">Kyzylorda-news.kz.</a> Қала іргесіне қоныс тепкен бұл ауылды қалаға қарасты ауылдардан оқ бойы озық деуге болады. Тіршілігі тынбайтын, тірлігі қарқынды Ақсуат ауылдық округі жыл өткен сайын көркейіп, дамып келеді. Ондағы халық саны – 9536 адам. Ал экономикалық белсенді халық саны – 4 мыңға жуықтайды. Оның ішінде 682-сі өзін-өзі жұмыспен қамтығандар. Сонымен бірге демографиялық өсімде байқалады.Көш ілгері келе жатқан ауыл халқының әлеуметтік ахуалын әлсіз деуге келмейді. Мұнда бар-жоғы 135 адам атаулы әлеуметтік көмек алатын болса, көмекке мұқтаж 5 балаға үй жағдайында қызмет көрсетіледі. Мұндай сәтте ауыл кәсіпкерлері де қалыс қалмайды қолдан келгенше ұйымшылдық танытып, тиісті көмек қолын созуға дайын. Мұны олардың тұрақты түрде аз қамтылған және көп балалы отбасыларға заттай, қаржылай көмек көрсетуін, балаларды елеусіз қалдырмай мереке сайын сыйлықтар табыстауын байқауға болады. Бірлігі бекем ауылдың түтіні түзу ұшып, өзгелерге ауызбірлікпен үлгі екенін ерекше атап өтуге болады.Білімді, мәдениетті жастар ауылдан шығадыБүгінгі жас өреннің білімді де, мәдениетті, салауатты жас боп өсуі мектеп қабырғасында, айналасын қоршаған ортада қалыптасатыны белгілі. Бұл ауылдық округте 3 білім ордасы бар. Оның біреуі жекеменшік мектеп болса, біреуі мектеп-лицей және орта мектеп. Ауылдың екі мыңнан аса оқушысы аталған оқу ордаларында тәлім алады. Ал мектеп алды жасындағы балалар екі мемлекеттік мектеп пен 5 жеке балабақшадан тәлім алуда.Ауыл халқының рухани демалыс орны мұндағы мәдениет үйі болып табылады. Бекітілген жоспарға сәйкес руханият ошағында түрлі мәдени іс-шаралар ұйымдастырылып тұрады. Мәселен, жыл басынан бері онда 55 мәдени көпшілік мерекелік кештер өткізілген. Бұдан бөлек онда 6 үйірме жұмыс істейді. Ауыл өнерлі, талантты балалардан кенде емес. Түрлі деңгейдегі байқауларда үйірме қатысушылары жеңімпаз атанып, ауыл атын асқақтатып жүрген жайы бар. Мысалы, VI Республикалық «Жарық жұлдыз» атты балалар өнер байқауында «Эстрада вокал» жанры бойынша 1 орын, «Сырдария- достық өзені» атты республикалық әншілер байқауында 3 орын, &nbsp;І халықаралық өнер мен білім фестиваль – конкурсында «Қызғалдақ» би тобы І-дәрежелі лауреат иегері атанса, «Сыр сұлтаны» атты қалалық сайыста және «Жеті қазына» атты облыстық байқауында клуб қызметкерлері 3-орынмен марапатталған.Ауылда жаңа спорт алаңы салынудаБұқаралық спортты дамытуда да ауыл кәсіпкерлерінің үлесі зор. Ауылдық округте бұқаралық спортты &nbsp;дамыту мақсатында, мектептерде футбол, волейбол, баскетбол, стол теннисі және күрес, қыздар күресі үйірмелерімен қатар, асық, шахмат үйірмелері ұйымдастырылған. Сондай-ақ, №143 мектептен бокс, еркін күрес залдары жабдықталып үйірмелер жұмыс жасауда. Жасөспірімдер мен балаларға арналған үш спорт ойын алаңы, &nbsp;көше тренажеры мен ауыл кәсіпкерлерінің қолдауымен салынған орталық алаң ауыл тұрғындарының игілігіне жарауда.Десе де, былтыр спорттық ойын алаңдарының тозуына байланысты 9 миллион 781 мың теңгеге ағымдағы жөндеу жұмыстарын жүргізу үшін және &nbsp;12 миллион 500 мың теңгеге балалар спорт алаңын орнату үшін жоба сметалық құжаттар әзірленді. «Балалар жылы» аясында демеушілердің қаражаты есебінен ауылдық округтен екі спорттық ойын алаңдары құрылысы мен «Samruk – Kazyna Trust» корпоративтік қоры 239 миллион теңгеге кең көлемдегі спорт кешені құрылысы басталды.Ауылда бұқаралық спортты дамыту көңіл бөлуге тұрарлық. Себебі ауыл спортшылары түрлі додаларлдан олжалы оралып жүр. Мәселен, волейболдан өткен қалалық спартакиададан &nbsp;жүлделі 1 және 2 орынды, облыстық спартакиадада жүлделі 2 орынды, республикалық волейболдан өткен жарыста 2 орын, &nbsp;кент және ауылдық округтер арасында 7 спорт түрінен өткен қалалық жалпы командалық жарыста 2 орын, Шымкент қаласында өткен Қазақстан Республикасының Чемпионатында &nbsp;қыздар арасындағы еркін күрестен үздік өнер көрсетіп жүлделі &nbsp;1-ші, 2-ші &nbsp;және 3-ші орынды иеленген жеңімпаздар жетерлік.Ауыл бейнесі оның шаруашылығыАқсуат ауылдық округінің ауыл шаруашылығы мақсатында бөлінген жер көлемі – 13751 гектарды құрайды екен. Оның 27 гектарына күріш, 60 гектар жерге бидай, 315 гектар аумаққа жоңышқа егілген. Биыл шаруа қожалықтары күріштен 99,3 тонна, бидайдан 60 тонна өнім алды. &nbsp;Ал мал басы саны бойынша 2403 бас мүйізді ірі қара, &nbsp;1319 бас жылқы, 14 бас түйе мен 3049 бас уақ малы бар. Олардың барлығы дерлік сырғаланып, компьютерлік дерек базасына тіркелген. Өткен жылға қарағанда мал басының өсімі 16,9 процентті құраған.Кәсібі келісті ауылТабыс көзін тауып, оны жеке кәсіпке айналдырып отырған ауыл тұрғындары бұл саланың қарқынды дамып, жұмыссыздықты жоюдағы үлесі зор. Қазіргі таңда ауылда 408 кәсіпкерлік нысан тіркелген. Оның 58-і шаруа қожалығы болса, 341-і жеке кәсіпкер және 9-ы заңды тұлға. Жеке кәсіп ашу биыл өткен жылға қарағанда екі есе артқан. Соның нәтижесіде ауылда жаңа жұмыс орындары ашылып, жұмыссыздық деңгейі төмендеген. Осы орайда кәсіпкерлік саланың дамуына мемлекеттік бағдарламалардың пайдасы зор екендігін айта кеткен жөн. Мәселен, биыл 1 шаруа қожалығы «Сыбаға» бағдарламасымен 23 миллион теңге несиеге 478 бас қой, өз қаражаты есебінен 20 бас асыл тұқымды қошқар алып шаруасын жүргізуде. Ал, «Ұлттық жоба» аясында &nbsp;18,3 миллион теңге болатын &nbsp;2 жоба қаржыландырылса, 2,0 миллион теңге болатын &nbsp;1 жоба қайтарымсыз грантқа ие болды. «Өңірлік инвестициялық орталық» микроқаржы ұйымы арқылы арқылы 33,0 &nbsp;миллион теңге болатын &nbsp;4 жоба, «Аграрлық несие корпорациясы» арқылы 31,0 миллион теңге болатын 6 жоба, «Инвест групп» ЖШС-гі арқылы 15,0 &nbsp;миллион теңге болатын &nbsp;2 жоба, «Сырдария -1» несие серіктестігі арқылы 16,7 &nbsp;миллион теңгеге &nbsp;1 жоба қаржыландырылса, «Бастау бизнес» &nbsp;жобасы шеңберінде кәсіпкерлік негіздеріне оқу курсын 46 адам оқып сертификат алған. &nbsp;Қайтарымсыз грант қаражаты есебінен жалпы құны 24 миллион 405 мың теңге болатын &nbsp;24 жоба қаржыландырылған. Жаңа жұмыс орындарының ашылуы нәтижесінде 89 адам тұрақты жұмыспен қамтылса, қоғамдық жұмысқа 29 азамат тартылған. Сонымен бірге кәсіби оқу және қайта даярлау курсынан 2 тұрғын өтсе, әлеуметтік жұмыс орнынан 3 адам, «Жастар тәжірибесі» бағдарламасымен 16 азамат жұмыс тапқан.Ақсуатқа газ келедіАуылдық округтегі маңызды мәселенің бірі – табиғи отын жайы. Ауылды газдандыру жұмысы кезең-кезеңімен жүзеге асырылуда. Осы орайда бюджеттен бөлінген 2 млрд. 439 миллион теңге қаржыға мердігер мекеме «Алия – Сервис» жауапкершілігі шектеулі серіктестігі 9,6 шақырым орта қысымды, 16,5 шақырым жоғары қысымды газ құбыры мен автоматты газ тарату станциясына (АГТС -1- &nbsp;ГГТП -1) кеңейту жұмыстары және 1460 тұрғын үйге түтік шығару жұмыстарын жүргізді. Ал 123 шақырым үйге төменгі қысымды газ құбыры тартылып, қазіргі таңда, қалған үйлерге түтік шығару жұмысы жасалуда. Ауылды газдандыру жобасының жалпы құны – 4 млрд 775 миллион теңгені құраған.Бұдан өзге жол жөндеу, жарықтандыру, аяқ су, электр желісі сынды мәселелер әлі де өзектілігін жойған жоқ. Биыл «Өңірлерді дамыту» бағдарламасы аясында жөндеуді қажет ететін №5 көшеге тас төсеу жұмыстарына 5млн. теңге қаржы бөлінген. Бүгінде мердігер «КазСервис ЛТД» мекемесі орташа жол жөндеу жұмыстарын жүргізген.Сонымен бірге, «Ауыл – ел бесігі» жобасымен 121 миллион 407 мың &nbsp;теңгеге Т.Бекмұратов, Ш. Беркінов, Ә.Құдабаев және Т. Ақмырзаева &nbsp;көшелеріне орташа жол жөндеу (асфальт) &nbsp;жұмыстарын жүргізу үшін облыстық экономика басқармасына бюджеттік өтінім жолданған. Өтінім қабылданып, тиісті қаражат бөлінсе тұрғындарды толғандырған жол мәселесі шешімін таппақ.Ауылда электр желілерімен қамтылмаған 22,5 шақырым болатын жаңа ауданның 32 көшесін электр желілерімен қамту үшін &nbsp;қалалық бюджеттен 4 миллион 849 мың теңге қаржы бөлінді. Оның мердігер мекеме «STROYCONSALTING» (СтройКонсалтинг) ЖШС-мен жоба сметалық құжаттарын әзірлеп, мемлекеттік сараптамадан оң қорытындысы алынған. Жобаны жүзеге асыруға 1 млрд. 95 миллион теңгеге бюджетке өтінім берілген.Аяқ су мәселесі бойынша мамыр айынан бастап мердігер мекеме «Нұржанова» қалалық бюджеттен бөлінген 2 миллион 122 мың теңгеге ауылдық округ тұрғындарын аяқ сумен қамтамасыз еткен. Дегенмен, &nbsp;аяқ сумен қамтамасыз ететін аяқ су сорғысының трансформаторының тозуына байланысты, 4 миллион 439 мың теңгеге жаңа трансорматор сатып алу жоспарлануда. Ал ауылдық округтегі аяқ сумен қамтылмаған жаңадан қоныстанушы тұрғындарды &nbsp;маусымдық аяқ сумен қамту мақсатында республикалық бюджеттен қаралған қаржыға Т.Бекмұратов және Сарыкөл көшесі бойынан мердігер «Бақ береке» мекемесі су ұңғымасын орнатып, &nbsp;пайдалануға берген.Ал көшелерді жарықтандыруда 2 миллион 149 мың теңгеге жеке кәсіпкер «Наружная реклама Демеу» мекемесі түнгі жарық бағаналарын безендіріп &nbsp;сырғалар орнатса, алдағы уақытта ауылдың 2 көшесін жарықтандыру үшін 10 миллион 469 мың теңге қаржы бөлуге қалалық экономика және бюджетті жоспарлау бөліміне өтінім берілген.Дамуға демеу болса көркеймейтін ауыл жоқ. Ауырбірлігі жарасқан ақсуаттықтардың бітімді тірлігі бірліктің арқасында жүзеге асып келеді. Ауылдық округтің жыл санап өсіп-өркендеуі, халық тұрмысының жақсаруы осындай атқарылған игілікті істердің көрінісі іспетті. Ауыл халқы сәл уақыттан соң табиғи отын келеді деп қуануда. Кәсіпкерлігі кең етек жайып, шаруасы оңтайланған жұртшылықтың қазіргі күткені осы. Ал бұдан бөлек істе алдыңғы қатардағы ауылдың бірі екені көзге көрініп-ақ тұр.

Ақсуаттағы айшықты істер

<a href="https://kyzylorda-news.kz/">Kyzylorda-news.kz.</a> Бүгін Амал мерекесі аясында қысқа ғұмырында жиырмаға жуық дастан мен мысалдар, екі жүз елуден астам өсиет, лирикалық толғау мен жұмбақ өлең, жыр-терме жазған Сырдың даңқты шайыры Омар Шораяқұлы бабамыздың туғанына 145 жыл толуына орай облыс аудандары мен Қызылорда қаласының жас термешілері жыр додасына түсті.Ақынның бай мұрасын насихаттап, ұрпақ жадында жаңғырту мақсатын мұраттаған бұл байқау Қызылорда қаласы әкімдігінің қолдауымен, облыстық халық шығармашылығын дамыту және мәдени-продюсерлік орталығы, қалалық мәдениет және спорт бөлімі, Айтыс ақындары мен жыршы-термешілердің халықаралық одағы Қызылорда облысы бойынша филиалының бірлесе ұйымдастыруымен, сондай-ақ, Омар Шораяқұлының ұрпақтарының демеушілігімен өткізілді.Жыр байқауына арнайы қатысқан қала әкімінің орынбасары Жанмұрат Сейілов жиылған жұртшылықты Амал мерекесімен құттықтап, талапкер жас жыршыларға сәттілік тіледі.<blockquote>«Кез келген ұлттың өзіндік кескін-келбеті мен болмыс-бітімін айқындайтын ұғымды оның өзіне тән ұлттық мәдениеті десек, өнер сол мәдениеттің ең маңызды құрамдас бөлігі саналады. Сондықтан өнердің қай түрі болмасын ата-бабамыздан қалған асыл мұрамыз, таусылмас қазынамыз. Соның ішінде «Сыр елі – жыр елі» деп айдар таққан осы топырақтан түлеген ұрпақтың қанға сіңген жыраулық өнерден алшағы жоқ екені даусыз. Өздеріңізге белгілі, Сыр елінде өзіндік тарихы қалыптасқан 3 жыршылық мектеп бар. Осы ретте, жүз жырау жүзіктеген Қармақшы өңірінен шыққан Омар Шораяқұлының бай мұрасын насихаттау арқылы жас ұрпақ жадында жаңғыртуды мұрат еткен бұл байқаудың берері мол деп білемін», – деді қала әкімінің орынбасары Жанмұрат Жақсымұратұлы.</blockquote>Сондай-ақ, шайырдың ұрпағы, Мәдениет саласының үздігі, Қармақшы ауданының құрметті азаматы, Алашқа танымал ақын Серік Ыдырысов жаңа талап жыршыларға батасын беріп, өнердегі жолдарың даңғыл болсын деген тілегін білдірді. Омар шайырдың термелері, сондай-ақ дастандарынан үзінді орындалған облыстық байқауға белгілі жырау, ҚР Мәдениет қайраткері Руслан Ахметов, белгілі жырау, облыстық халық шығармашылығын дамыту және мәдени-продюсерлік орталығының жыраулармен жұмыс секторының меңгерушісі Майра Сәрсенбаева және белгілі жырау Марат Сүгірбай қазылық жасады.Байқау нәтижесінде қызылордалық Ділдәбекқызы Аңсаған мен Рысбек Жанұзақ және Құрманғалиев Досымжан, қармақшылық Арай Оңғарқызы арнайы жүлде алса, Жалағаш ауданынан келген Бақытбек Дәулетбек, қармақшылық Амантай Айдана, қызылордалық Әбдікерім Қарақат жүлделі 3 орынды өзара бөлісті. Сондай-ақ, аралдық Толғанбекова Инабат пен қармақшылық Балтабай Талант 2 орын иеленді. Байқаудың 1 орыны қармақшылық Елдес Мәди мен қызылордалық Абдумажит Аяулымға бұйырса, бас жүлде және «Жыршы бала – 2023» номинациясын қызылордалық жас жыршы Айдосұлы Нөсер жеңіп алды.Жеңімпаздар мен жүлдегерлерге Омар Шораяқұлының ұрпақтары атынан қаржылай сыйлықтар табысталды.

Қызылордада «Орамды ойдың Омары» атты жас жыршылар байқауы өтті

<a href="https://kyzylorda-news.kz/">Kyzylorda-news.kz.</a> Қаржылық тәртіп қашанда басты назарда болуы қажет талап. Осы мәселені тұрақты назарда ұстап, жан-жақты жетілдіру мақсатында ел көлемінде түрлі деңгейде шаралар өтуде. Арал ауданы да бұл бағыттағы жұмыстардан тыс қалмай, жуырда аудандық мәдениет үйінде облыстық тексеру комиссиясының ұйымдастыруымен қаржылық бұзушылықтардың алдын алу және қаржылық тәртіпті нығайту жөнінде семинар өтті.Семинар-кеңеске аудан әкімі аппаратының, аудандық мәслихат аппаратының, дербес бөлімдердің, мекеме басшыларының және қала, кент, ауылдық округ әкімдерінің есепшілері мен қаржы жөніндегі жауапты мамандары қатысты.Аудан әкімінің орынбасары Е.Әбішевтің төрағалығымен өткен жиында 3 мәселе қаралды. Атап айтар болсақ, мемлекеттік аудитпен анықталған бұзушылықтар мен олардың алдын алу мәселелері талқыланып, мемлекеттік сатып алу заңнамасындағы өзгерістер мен мемлекеттік мекемелердің төлемдер жүргізу кезіндегі өзекті мәселелері түсіндірілді.Ауданға арнайы жұмыс сапарымен келген облыстық тексеру комиссиясының маманы М.Сатлабаев, облыстық мемлекеттік сатып алу басқармасының бас маманы Б.Нұрмаханов және аудандық қазынашылық басқармасының басшысы А.Әлімбетов аталған тақырыптар жөнінде баяндама жасап, қатысушылар тарапынан қойылған сұрақтарға жауап берді.Семинар кеңесте қатысушы есепшілер талқыланған мәселелер жөнінде ұсыныс-пікірлерін ортаға салып, сауалдарына жауап алды.

Қазақстан және Қызылорда облысының жаңалықтары