<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігі циклон мен атмосфералық фронттардың ықпалында болады. Сондықтан қар жауады, деп хабарлайды Қазгидромет.&nbsp;Оңтүстікте, батыста жауын-шашын (жаңбыр, қар) жауып, тұман болады.Еліміздің солтүстігінде, орталығында, шығысында жаяу бұрқасын, батысында, оңтүстігінде, орталығында – көктайғақ, оңтүстігінде, оңтүстік-шығысында, шығысында - жел күшейеді.

30 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордалық Бақтияр Оспанов бейбіт күннің батыры. Олай дейтін себебіміз ол бірнеше рет адам өмірін оқыс оқиғадан арашалап, көзсіз ерлік танытқан. Сондай оқиғалардың бірі – жақында ол көрші үйдегі тұрғындарды қызыл жалыннан аман алып қалды. Өңірлік коммуникациялар қызметінде өткен баспасөз конференциясында БАҚ өкілдеріне &nbsp;болған оқиғаны баяндап берді.<blockquote>«Інімнің үйіне қонаққа барғанмын. Подъезге кіре бергенде мақта секілді бір заттың күйген иісі шықты. Баста мән бермедім. Қайтар кезде үйден шыға бергенде иістің өршігенін байқадым. Әйтеуір бір үйде оқыс жағдай орын алғаны белгілі болды. Содан інім екеуміз подъездегі барлық үйдің есігін қақтық. Ешкім ашпады. Сонда да тоқтатпадық. Содан бірінші қабаттағы көршінің есігін ұрып едім кішкене саңылаудан түтін шыға бастады. Тез арада өрт сөндірушілерді шақырып, әзер дегенде есікті аштық. Есікті аша бергеніміз сол еді үйден ер адам шықты. Жалғыз өзі екен. Иістен есеңгіреп қалса керек дер кезінде сыртқа алып шықтым. Газ құбырын жауып, өрт сөндірушілер жалынды өшіріп, бір апаттан аман қалдық. Мұның барлығы қас-қағым сәтте орын алды», – деді Бақтияр Оспанов.</blockquote>

Қызылордалық Бақтияр Оспанов бейбіт күннің батыры

<a href="https://kyzylorda-news.kz/">Kyzylorda-news.kz.</a> Қызылордалық әзілкештер республикалық «Қызық премия-2022» мерекелік шарасында «Көңілді жаңалық» номинациясы бойынша марапатталды.&nbsp;Көпшілікке Перовск арнасы ретінде қызықты оқиғаларымен танылған жастар бүгін Өңірлік коммуникациялар қызметінде өткен брифингте БАҚ өкілдеріне қызықты жобаның идеясы туралы айтып берді.<blockquote>«Біздің &nbsp;команда 2 жыл бұрын құрылған болатын. Командадағы әріптестерім әртүрлі мамандық иелері. Алайда бәріміз бірігіп, &nbsp;ерекше әрі халықтың көңілінен шығатын жоба құруды мақсат еттік. Жалпы бұл идеяның негізгі бағыты – қоғамдағы өзекті мәселелерді журналистика саласы арқылы әзіл ретінде жеткізу. Ең алғаш біз жастардың тілімен айтқанда вайн ретінде қалжыңдар түсіріп жүрдік. Одан кейін бірте-бірте толық басы мен аяғы бар бір оқиға желісін түсіруді қолға алдық. &nbsp;Осылайша әлеуметтік желіде екі жыл бойы 88 көңілді бейнесюжет шығарып, көрсетілім 1 миллионан асып кетті. Әртүрлі оқиғалардың ізімен құралатын әзіл оқиғалар жұртшылықтың жадында сақталуы үшін көп ізденеміз. Жалпы ПТК арнасы ақпарат құралдары саласының кішкентай ғана бөлігі. Осы формат халыққа ұнағаннан да болар әр әзіліміз өтімді болуда. Жақында республикалық «Қызық премия – 2022» &nbsp;мерекелік іс-шарасында көптеген командалардың арасынан «Көңілді жаңалық» номинациясын жеңіп алдық. Бізді қолдаған баршаларыңызға алғысымыз шексіз! Алдағы уақытта көңілді контенттер легін жалғастырып, ерекше жобаларды шығаратын боламыз», - деді жоба жетекшісі Ғани Абдиев.</blockquote>

«Қызық премия-2022»: «ПТК арнасы» жүлдемен оралды

<a href="https://kyzylorda-news.kz/">Kyzylorda-news.kz.</a> Биыл 23 микроқаржы ұйымы мен 35 коллекторлық агенттіктің қызметі тоқтатылды. Бұл туралы Мемлекет басшысына есеп берген Қаржы нарығын реттеу және дамыту агенттігінің төрағасы Мәдина Әбілқасымова баяндады.Агенттік төрағасының мәліметінше, микрокредиттердің сыйақы мөлшерлемесі төмендетіліп, борыш жүктемесінің коэффициентін есептеу тәсілі қатаңдатылған. Сондай-ақ, банктер мен микроқаржы ұйымдарының проблемалық кредиттермен жұмыс істеу жөніндегі жеке жоспарлары қабылданды. Жалпы микроқаржы және коллекторлық ұйымдардың қызметіне қойылатын талап күшейген.Сонымен қатар, банктердің активтері жыл басынан бері 14,4 пайызға өсіп, 43,1 триллион теңгеге жеткен. Халықтың салымдары 16,8 пайызға немесе 15,7 триллион теңгеге дейін көбейген.Фото: <a href="https://fingramota.kz/ru/post/mikrokredity-v-detalyah-o-chem-nuzhno-znat-zaemshchikam">fingramota.kz</a>

23 микроқаржы ұйымы мен 35 коллекторлық агенттіктің қызметі тоқтатылды

<a href="https://kyzylorda-news.kz/">Kyzylorda-news.kz.</a> 31 желтоқсан күні сағат 20:00-де Қызылорда облысындағы орталық алаңда Жаңа жылдық мерекелік гала концерт өтеді.&nbsp;<blockquote>«Мерекелік кешті жерлесіміз, елімізге танымал жайдарманшы Асылхан Дүкенбаев жүргізіп, эстрада жұлдыздары Ақбота-Нұр, Әбдіжаппар Әлқожа және жергілікті өнерпаздар Сіздер үшін арнайы өнер көрсететін болады. Сіздерді Жаңа жыл мерекесімен құттықтай отырып, келе жатқан 2023 жылды бірге қарсы алуға шақырамыз», - делінген хабарламада</blockquote>

Қызылордада мерекелік гала концерт өтеді

<a href="https://kyzylorda-news.kz/">Kyzylorda-news.kz.</a> Қызылорда облысы Жастар ресурстық орталығында «Жас сарбаз» жасөспірімдер әскери-патриоттық қозғалысы республикалық қоғамдық бірлестігі Қызылорда облыстық филиалының «Жас сарбаз – жаңа белес» атты іс-шарасы өтті.Биылғы жылды қорытындылайтын іс-шараға Жастар ресурстық орталығының директоры Талғат Тілес, «Қарулы күштердің ардагерлері» Республикалық қоғамдық бірлестігі Қызылорда облыстық филиалының төрағасы, Қарулы күштердің құрметті ардагері Мыңділда Ршауов, Қызылорда облысы қорғаныс істері жөніндегі департаменті бастығының орынбасары подполковник Алмат Жақыпов пен «Жас сарбаз» жасөспірімдер әскери-патриоттық қозғалысы, республикалық қоғамдық бірлестігінің Қызылорда облыстық филиалының төрағасы Әкімжан Төлебай және қоғам өкілдері, арнайы қонақтар қатысты.Республика мен облыс көлемінде жастарды әскери-патриоттық тәрбиелеу мақсатында «Жас сарбаз» жасөспірімдер әскери-патриоттық қозғалысы ауқымды істер атқарып келеді. Тәуелсіздіктің баянды болуы жолындағы жастардың бойына сіңіріп жүрген патриоттық, батырлық және еліне, жеріне адал болу сияқты қасиеттерінің дамуына әскери қызметшілеріміз бен Қарулы күштер ардагерлерінің де қосқан үлесі орасан.Іс-шара барысында Сыр еліндегі әскери-патриоттық бағыттың дамуы мен патриоттық тәрбиелеуге үлес қосқан, ерекше қолдау білдірген бірқатар азаматтар «Құрмет грамотасы» және «Алғыс хаттармен» марапатталды. Жыл бойына көптеген әскери сайыстарда жоғары нәтиже көрсетіп, биік шыңдардан көрінген «Жас сарбаз» қозғалысының үздік тәрбиеленушілеріне де арнайы алғыс хаттар табысталды.Іс-шара соңы жас өнерпаздармен талантты жастардың өз өнерлерімен тәнті еткен концерттік бағдарламасына ұласты.<figure class="image"><img src="https://knadmin.beoblood.kz/uploads/Whats_App_Image_2022_12_29_at_15_24_10_f5df9f695e.jpeg" alt="WhatsApp Image 2022-12-29 at 15.24.10.jpeg"></figure>

Жас сарбаз – жаңа белес

<a href="https://kyzylorda-news.kz/">Kyzylorda-news.kz.</a> Қазақстанда ауа райының қолайсыздығына байланысты жабылған жолдарда көлік жүргізгендер 15 тәулікке қамалуы мүмкін, - деп хабарлайды <a href="https://kolesa.kz/content/news/do-15-sutok-aresta-grozit-za-vyezd-na-perekrytye-iz-za-nepogody-trassy/">Kolesa.kz</a>.Бұған дейін адамдардың жабық тасжолға шығып кеткені үшін барлық жауапкершілік полицияда болатын. 2022 жылғы қазанда «Жолдарда көлік құралдарының қозғалысын тоқтату немесе уақытша шектеу қағидаларын бекіту туралы» Үкімет қаулысы шығып, жүргізушілерді жолды жабу туралы ескертуді елемегені үшін және жолға шыққаны үшін жазалау міндеттелді.Портал мәліметінше, тәртіп бұзушылар ҚР Әкімшілік құқықбұзушылық туралы кодекстің 667-бабы бойынша жауапкершілікке тартылуы тиіс. Автомобиль жолдарға шығатын жолды жауып тастаған полиция қызметкерлеріне бағынбағаны үшін азаматтар бірінші 30 АЕК немесе 2022 жылы 91 890 теңге айыппұл төлейді немесе 15 тәулікке дейін қамауға алынады. Бір жыл ішінде тағы бұзса – 15 күннен 20 тәулікке дейін қамауға алу. Қамауға алынбайтындарға (мысалы, мүгедектер) 50 АЕК, яғни 152 150 теңге көлемінде айыппұл салынады.

Жабылған жолда көлік жүргізгендер 15 тәулікке қамалады

<a href="https://kyzylorda-news.kz/">Kyzylorda-news.kz.</a> Жалағаш ауданы, Аққұм ауылының кішкентай тұрғыны Мерей Бақыт көзсіз ерлігімен көпке үлгі болған батыр қыз.Ол абайсызда тоқ кернеуінің күшею әсерінен үйінде өрт шыққан сәтте өзінен кейінге үш бауырын терезеден шығарып, тілсіз жаудан аман алып қалған. Содан кейін кішкентай батыр қыз көшеге шығып, адамдардан көмек сұраған. Осы кезде ауыл тұрғындары дер кезінде өртті ауыздықтап үлгерді. Өңірлік коммуникациялар қызметінің ақпарат алаңында өткен брифингте батыр қыз БАҚ өкілдеріне сұқбат берді.<blockquote>«Мен қазір Аққұм ауылындағы Алдаберген Бисенов атындағы 38 орта мектебінде 2 сыныпта оқимын. Жақында Астана қаласына арнайы шақыртумен барып қайттым. Сол кезде ҚР Мәдениет және спорт министрі Дәурен Абаев кеудеме төсбелгі тағып, мені құттықтады. Өте қуанышты сезімде болдым. Мектептегі ұстаздарым мен сыныптастарымда мені құттықтап, ізгі тілектерін білдірді. Мен өскенде дәрігер болғым келеді. Барлық адамдарды емдеп жазып, мықты дәрігер болуды қалаймын», - деді Мерей Бақыт.</blockquote>

Қызылордалық оқушы бауырларын өрттен құтқарған

<a href="https://kyzylorda-news.kz/">Kyzylorda-news.kz.</a> Елімізде кейінгі тәулікте 263 адамнан коронавирус анықталды. Бір адам қайтыс болған, деп хабарлайды <a href="https://massaget.kz/basty-zhaalytar-438/76229/?fbclid=IwAR3b3lJxl8ZVzJbJLDCySY7jjEwMkDUaPPPchB1WCYB1ro_DzwnVND4-X8k">Massaget.kz</a>.29 желтоқсандағы мәлімет бойынша, 2729 адам коронавирус инфекциясынан емделіп жатыр. Олардың ішінде 256 пациент стационарда, 2473 науқас амбулаториялық деңгейде ем қабылдауда. Нақтырақ айтсақ, 7 адамның жағдайы ауыр, 6 пациенттің жағдайы өте ауыр, 2 науқас ӨЖЖ аппаратына қосылған.Еске салайық, ресми статистика бойынша, коронавирус пандемиясынан бері COVID-19-дан елімізде 13 693 адам қайтыс болған.&nbsp;Фото: <a href="https://www.rbc.ru/society/08/03/2020/5e621fd09a79473bf7fe0830#">rbc.ru</a>

Коронавирустан бір адам қайтыс болды

<a href="https://kyzylorda-news.kz/">Kyzylorda-news.kz.</a> Бүгін магистратура бойынша мемлекеттік білім гранты иегерлерінің есімдері белгілі болды.&nbsp;Мемлекеттік гранттар республикалық комиссия отырысының қорытындысы бойынша берілген. Комиссия құрамына мемлекеттік органдардың, үкіметтік емес ұйымдардың өкілдері, журналистер және Қазақстан Студенттер альянсының өкілдері кірді.Білім беру гранттарын тағайындау конкурсына барлығы 2029 адам қатысса, коммиссия қорытындысы бойынша 1774 үміткер мемлекеттік білім беру грантының иегері атанды. Оның ішінде бейіндік магистратура бойынша – 100 грант.Оқуға құжат қабылдау 10 қаңтарға дейін жүзеге асырылады, ал оқу ЖОО-ның академиялық күнтізбесіне сәйкес басталады.Грант иегерлерінің толық тізіммен <a href="https://www.inform.kz/download/2022/magistr292022.pdf">мына</a> сілтемеге өту арқылы танысуға болады. &nbsp;

Магистратура бойынша комиссия отырысының қорытындысы шықты

<a href="https://kyzylorda-news.kz/">Kyzylorda-news.kz.</a> &nbsp;Бүгін «AMANAT» партиясы Қызылорда облыстық филиалының кезектен тыс XXX конференциясы өтті. Онда партия ұйымының жылдық жұмысы қорытындылады.Алқалы жиынға партия хатшысы Дәулет Кәрібек, партия филиалының Саяси кеңесі мен Саяси кеңес Бюросы мүшелері, аумақтық партия филиалдарының Атқарушы хатшылары, бастауыш партия ұйымдарының жетекшілері мен белсенділері, фракция мүшелері мен «Жастар Рухы» жастар қанатының өкілдері қатысты.Филиал тарапынан ауқымды жұмыс атқарылды. Мәселен, жыл басынан бері партияның қоғамдық қабылдау бөлмелеріне тұрғындардан 3184 өтініш түсіп, олардың 78% оң шешілген. Мұнан бөлек, 35 ауылда мобильді қабылдаулар өтіп, оларда көтерілген мәселелердің 53% шешімін тапты.«Халықтың әр түрлі топтарымен жұмыс жасауда партиямен бұрыннан жүзеге асырылып келе жатқан партиялық жобалармен қатар жаңа жобалардың іске қосылуы түрлі әлеуметтік топтарды қамтып қана қоймай, қоғамдағы түрлі өзекті мәселелерді шешуге септігін тигізіп отыр. Солардың бірі «Жер аманаты» жобасы. Аталған жоба аясында жыл басынан бері облыста аймақтық комиссияның жергілікті органдармен бірлескен жұмысы нәтижесінде ауылшаруашылық мақсататтағы 157,1 мың гектарды құрайтын заңсыз, сондай-ақ пайдаланылмай жатқан 257 жер учаскелері мемлекет меншігіне қайтарылды.Партияның Сайлауалды бағдарламасын жүзеге асыру жөніндегі Жол картасының аясында агроөнеркәсіптік кешен дамып келеді, жаңа өндірістер іске қосылуда, жұмыс орындары ашылуда, нәтижесінде өңір тұрғындарының әл-ауқаты жақсарып келеді. Сонымен қатар жаңа мектептер, медициналық мекемелер, мәдениет, спорт нысандары салынуда.«Тұрғын үй мәселесін шешуде ауқымды жұмыстар жүргізілуде. Есепті кезеңде 604,0 мың ш.м. метр тұрғын үй пайдалануға берілді.Өсім 106,4%-ды құрап отыр. 15 көпқабатты тұрғын үйге жаңғырту жұмыстары жүргізілді. 362 шақырым жолдарға жөндеу жұмыстары жүргізіліп, қалыпты жағдайдағы жолдардың үлесі 80%-ға дейін ұлғайтылды. 5 мәдениет нысаны, 11 спорт кешенінің құрылысы жүргізіліп жатса, Қармақшы ауданы, Қуаңдария елді мекенінде 100 орындық ауылдық клуб, Арал ауданы Аманөткел ауылы, Қазалы ауданы, Пірімов ауылында 2 спорт кешені пайдалануға берілді. Елді мекендерді газдандыру деңгейі 68 пайызға жеткізілді. Келер жылы Сексеуіл, Пірімов, Жалаңтөс батыр, Басықара, Қалжан ахун, Төретам, Ақай, Жайылма Бірлік, Қыраш, Шалқия, Құттықожа, Кейден, Абай, Наурыз, Махамбет елді мекендері газдандырылады.«Жергілікті мәслихаттардағы 152 мандаттың 126-ын иеленіп отырған фракция мүшелерімен жыл барысында 44 отырыс өтіп, 113 мәселе қаралды. Олардың қорытындысымен 373 шешім қабылданды. Шешімдердің басым көпшілігі аймақтағы өзекті мәселелермен қатар сайлаушылар алдындағы барлық міндеттемелер толық көлемде орындалуы үшін әрбір елді мекен бойынша өңірлік Жол карталары шараларын қаржыландыруға негізделді. Мұнымен қоса фракция мүшелерімен өткізілген 257 қабылдауға 758 тұрғын өтінішпен келіп, олардың 75%-ы оң шешілді.Партияның «Халыққа көмек» жобасы аясында Қызылорда қаласына қарасты «Ягодка» саяжайы тұрғындары үшін жаздық егіс суарылымына арнайы су каналының жүргізілуі мен электрнасостың қойылуына қолдау білдірілсе, Жалағаш ауданының Есет батыр ауылы тұрғыны, І топ мүгедегі Жартай Ешмахановтың үйіне жөндеу жұмыстары жүргізілді. Мұнан бөлек облыс орталығындағы үйлері өртке шалдыққан бірнеше азаматтарға партияластармен материалдық қолдау жасалынды.«Баланы мектепке даярлайық» Акциясы аясында белсенділеріміз облыстағы 2 мыңға жуық балаға 30 миллионға жуық көлемде қолдау білдірді.Сонымен бірге табиғи апат салдарынан зардап шеккен Қостанай облысы тұрғындарына сырбойылық партияластар 30 тоннадан астам гуманитарлық көмек жолдады.Қазір қиын жағдайда отырған Екібастұз қаласының 60 оқушысына қысқы демалыс кезінде демалыс ұйымдастыруды да қолға алып отыр.«Кедергісіз келешек» партиялық жобасы аясында 278 нысанға мониторинг жұмыстары жүргізіліп, мүгедектігі бар азаматтар үшін бейімделді.Конференция барысында делегаттар партияның облыстық филиалының жаңа төрағасын сайлады. Бұл лауазымға облыстық мәслихат хатшысы Наурызбай Байқадамовтың кандидатурасы ұсынылып, бір ауыздан қолдау тапты.Жиын соңында «AMANAT» партиясының хатшысы Дәулет Кәрібек сөз алып, тұрғындардың әлеуметтік-экономикалық әл-ауқатын жақсарту мен партия жұмысын күшейту бағытындағы алдағы мақсат-міндеттерге тоқталды.<figure class="image"><img src="https://knadmin.beoblood.kz/uploads/322905730_1211240053105658_3938023260177234059_n_c4c097b9e8.jpg" alt="322905730_1211240053105658_3938023260177234059_n.jpg"></figure>&nbsp;<figure class="image"><img src="https://knadmin.beoblood.kz/uploads/322401642_1125544391489374_8484212342908485612_n_e67359006f.jpg" alt="322401642_1125544391489374_8484212342908485612_n.jpg"></figure>

Партияның Қызылорда облыстық филиалы жылдық жұмысын қорытындылады

<a href="https://kyzylorda-news.kz/">Kyzylorda-news.kz.</a> 2022 жылы 26 желтоқсанда «Атамекен» ұлттық кәсіпкерлер палатасының алаңында Сыбайлас жемқорлыққа қарсы қызметтің Қызылорда облысы бойынша департаментінің басшысы С.Мырзалының өңірдің жол саласындағы ірі кәсіпкерлерімен, оның ішінде инфрақұрылымдық жобалар саласындағы мемлекеттік тапсырыстардың негізгі алушыларымен кездесуі өтті.Кездесу Қызылорда облысы әкімінің орынбасары М.Жайымбетовтың, «Атамекен» ұлттық кәсіпкерлер палатасының облыстық филиалының директоры П.Сыздықовтың, сонымен қатар, мемлекеттік сатып алу, құрылыс, жолаушылар көлігі және автомобиль жолдары және т.б. салалық басқармалардың бірінші басшыларының қатысуымен өткізілді.Іс-шара барысында С.Мырзалы өз сөзінде кәсіпкерлер назарына бизнестің парасаттылығына жәрдем көрсету жөніндегі тұжырымдамалық шаралар, сонымен қатар Сыбайлас жемқорлыққа қарсы қызмет тарапынан кәсіпкерлерді әділетсіз бәсекелестіктен қорғау және бизнеске заңсыз араласудан қорғау бойынша жүргізіліп жатқан жүйелі жұмыстар жөнінде жеткізді.Атап айтқанда, мемлекеттік сатып алу заңнамасын жетілдіру арқылы нарықты монополиясыздандыру және бәсекелестікті арттыру, сыбайлас жемқорлыққа қарсы стандартты енгізуді қолдайтын және жалпы Заң аясында жұмыс істейтін компаниялар үшін мемлекеттік қолдау шараларына тоқталып өтті.Сонымен қатар, өңірдегі жол құрылысы саласындағы құқықбұзушылықтардың алдын алу мақсатында Департамент өз қызметінде Агенттік Төрағасымен енгізілген жаңа тәсілдерді қолданатыны жеткізілді.Оның негізгі мақсаты - қылмыстың жасалғанын немесе мемлекет қаржысы ұрланғанын күтпей, керісінше оларды болдырмау үшін шұғыл шаралар қабылдау. Бастысы - бюджет есебінен салынып жатқан объектілердің сапалы тұрғызылып, белгіленген мерзімде тапсырылуы.Бұл ретте бірқатар мысалдар келтірілді.Мәселен, Арал ауданындағы «Қамыстыбас – Аманөткель – Жаңақұрылыс» жол құрылысына жүргізілген мониторинг нәтижесінде, мердігер жол асты негізін көтеруге, салынатын жолдың жиегіндегі топырақтарды ысырып көтеріп жатқандығы, жоба-сметалық құжатта көрсетілген мемлекеттік стандарттарға сай емес құрылыс материалдарын пайдаланғаны анықталды.Өз кезегінде, тапсырыс беруші тарапынан мердігерге топырақты белгіленген жерден алуға арнайы жер телімін бөлу мәселесі қарастырылмаған, құрылыс нысаны бойынша тиісті бақылау жүргізілмеген.Осының салдарынан, салынған жолдар пайдалану мерзімінен бұрын жарамсыз болатыны және алдағы уақытта бөлінетін 154 млн.теңге бюджет қаржысы талан-таражға түсу қауіпі туындаған.Осындай тәуекелдер, «Әйтеке би – Қазалы» аралығындағы автомобиль жолын қайта жаңғырту құрылысы бойынша да орын алған. Бұл жерде мемлекетке 79 млн.теңге залал келтірілу қауіпі анықталған.Бұл тәуекелдер Департамент тарапынан Облыс әкіміне уақытылы жеткізіліп, нәтижесінде, қазіргі уақытта осы 2 нысан бойынша кемшіліктерді жою шаралары тапсырыс берушімен қабылдануда.Жалпы, сыбайлас жемқорлықтың алдын алу аясында, Департамент 6 нысанды тексеріп, 1 миллиард теңгеге жуық мемлекет қаржысының тиімсіз пайдалану қауіптерінің алдын алды.Бұдан бөлек, Департамент басшысы кәсіпкерлік қызметке заңсыз араласудан қорғау тетіктерін айтып өтті.Мемлекет басшысының ағымдағы жылғы 19 мамырдағы отандық бизнес өкілдерімен кезекті кездесуінде берген тапсырмаларын іске асыру мақсатында, Сыбайлас жемқорлыққа қарсы қызметпен кәсіпкерлерді қылмыстық қудалау шеңберіне тартуға жол бермеу жөнінде жүйелі шаралар қабылдануда.Атап айтқанда, бизнес субъектілеріне қатысты барлық процесстік шешімдер (істі тіркеу, шақыру, жауап алу, құжаттар алу, тінту және т.б.) Агенттікпен келісілуін көздейтін алгоритм қабылданды.Отырыс барысында көтерілген проблеммалық мәселелер бойынша облыстық Жолаушылар көлігі және автомобиль жолдары басқармасының басшысы П.Шамұратовтың және «Жол активтері сапасының ұлттық орталығының» өңірлік филиалының бөлім басшысы Е.Усмановтың баяндамалары тыңдалды.Сөз соңында, Департамент басшысы С.Мырзалы сыбайлас жемқорлыққа қарсы қызмет тарапынан кәсіпкерлікті қорғау мәселелері жергілікті атқарушы органдар басшыларының қатысуымен «Атамекен» ұлттық кәсіпкерлер палатасы алаңында талқылау тәжірибесі жалғасын табатынын жеткізді.

Қазақстан және Қызылорда облысының жаңалықтары