<a href="https://kyzylorda-news.kz/">Kyzylorda-news.kz.</a>&nbsp;Арал ауданында теңізге балық аулауға шығып, хабарсыз кеткен екі адам табылды.Оқиға Арал ауданына қарасты Қарашалаң елді мекені аумағында болған. Ауылдың екі тұрғыны 31 желтоқсаннан 1 қаңтарға қараған түні сағат 01:00 шамасында Арал теңізіне балық аулауға мотоциклмен шығып кеткен. Содан кейін байланысқа шықпаған. Хабарсыз кеткен балықшыларды жергілікті тұрғындар өз күшімен іздеуге шыққан. Нәтижесінде аталған екі азамат сағат 03:05-те Қарашалаң елді мекенінен 18 шақырым жерден табылған.&nbsp;<blockquote>«Мұздың жұқалығынан екі азаматтың мотоциклі суға түсіп кеткен. Содан кейін олар мұздың үстінде теңіздің жағасын таба алмай, байланысқа шығуға мүмкіндігі болмаған. Олардың денсаулығына зиян келмеген. Медициналық көмекті қажет етпеген», - деп хабарлады Қызылорда облыстық төтенше жағдайлар департаменті.</blockquote>

Аралда балық аулауға шығып жоғалып кеткен 2 адам табылды

<a href="https://kyzylorda-news.kz/">Kyzylorda-news.kz.</a> 2 қаңтарда бірнеше өңірде ауа райына байланысты ескерту жариялады, деп хабарлайды Қазгидромет.ҚР аумағының басым бөлігі циклон жырасы мен атмосфералық фронттардың ықпалында болады. Соған байланысты қар, оңтүстікте, батыста – жауын-шашын (жаңбыр, қар) жауады. Елдің басым бөлігінде тұман, көктайғақ, желдің күшеюі, бұрқасын күтіледі.Кызылорда облысының шығысында, орталығында оңтүстік-батыстан, батыстан жел соғады, күші 15-20 м/с, екпіні 23-28 м/с, кей уақытта 30 м/с және одан да асуы мүмкін. &nbsp;

2 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 1 қаңтардан бастап республикада ең төменгі жалақы 70 мың теңгені құрады, деп хабарлайды <a href="https://sputnik.kz/20230101/qazaqstan-en-tomengi-zhalaqy-30799654.html">Sputnik.kz.</a>Бұған дейін оның мөлшері 60 мың теңге болған еді. Осының арқасында әртүрлі меншік нысанындағы кәсіпорындарда жұмыс істейтін жалақысы 70 мың теңгеге дейінгі 1,8 миллионға жуық жалдамалы жұмысшының табысы өседі.Ең төменгі жалақының көтерілуі, ең алдымен, айлығы төмен қызметкерлерге қатысты болады. Екіншіден, жалақы деңгейін белгілеу кезінде ең төменгі жалақы көрсеткішін пайдаланатын жұмыс берушілер разрядаралық біліктілік жүйесін ескере отырып, қызметкерлердің басқа санаттарының жалақысын қайта қарайды.Еңбек кодексіне сәйкес, жұмыс берушілер еңбекақыны ең төменгі жалақыдан кем емес деңгейде төлеуге міндетті. Сондай-ақ айлық есептік көрсеткіш (АЕК) 3 450 теңгеге дейін артты.2022 жылғы 1 қаңтардан бастап оның мөлшері 3 063 теңге болды, ал 2022 жылғы 1 сәуірден 3 180 теңгені (жәрдемақы мен әлеуметтік төлемдер үшін) құрады.Айлық есептік көрсеткіш жәрдемақы, айыппұл, салық және басқа да төлемдерді есептеу үшін қолданылады. Яғни, қаңтардан бастап жәрдемақылар мен айыппұлдардың мөлшері ұлғаяды.Фото: <a href="https://egemen.kz/">Egemen.kz</a> &nbsp;

Қазақстанда ең төмеңгі жалақы мөлшері өсті

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 181 адамнан коронавирус табылды, 17 адам ковидтік пневмонияға шалдықты.1 қаңтардағы мәлімет бойынша, 2 806 адам коронавирус инфекциясынан емделуде, олардың ішінде 259 пациент стационарда, 2 547 науқас амбулаториялық деңгейде ем қабылдап жатыр.Індетке шалдыққандар арасында 8 адамның жағдайы ауыр, 5 пациенттің жағдайы өте ауыр, ал 2 науқас жасанды тыныс алдырту аппаратына қосылған. &nbsp;

Өткен тәулікте 181 адамнан коронавирус табылды

<a href="https://kyzylorda-news.kz/">Kyzylorda-news.kz.</a> Украинаның Днепр қаласында қазақстандықтарды телефон арқылы арбауына түсіріп, алаяқтықпен айналысқан СаІІ орталық анықталды, деп хабарлайды <a href="https://stan.kz/">Stan.kz</a> ақпарат агенттігі.Олар құқық қорғау органдарының және банктің өкілі ретінде хабарласып, ел тұрғындарының есепшоттары туралы мәліметтерге қол жеткізген. Осылайша азаматтардың шотындағы қаражаттарын иемденді. Тіпті кейбір тұрғындарға алдау арқылы несие рәсімдеткен. Ал бұл СаІІ орталықта украиналық 40 азамат жұмыс істеген.Қазақстандық және украиндық киберполицейлер жүргізген арнайы операция кезінде қылмыстық топтың 32 адамы қолға түсті. Қылмыстық топты ұйымдастырушылар орталық операторларына түскен қаражаттан сыйақы төлеп отырған. Әзірге қанша қазақстандықтың алданғаны белгісіз. Қазір Украина тарапы қылмыстық топтың Қазақстан азаматтарына келтірген залалын анықтауда.<blockquote>«Рұқсат етілмеген тұлғалар транзакцияларды тоқтатамыз деген желеумен олардың есепшоттарына қол жеткізді. Онлайн несиелер алдырған. Жәбірленушілердің ақшасын қылмыскерлердің бақылауындағы есепшоттарға аударыпты», – деді ҚР ІІМ киберқылмысқа қарсы күрес орталығының басшысы Жандос Сүйінбай. &nbsp;</blockquote>

Қазақстандықтарды телефон арқылы алдап жүрген СаІІ орталық Украинада анықталды

<a href="https://kyzylorda-news.kz/">Kyzylorda-news.kz.</a> Қызылорда қаласына қарасты Тасбөгет кентінде орнатылған жаңажылдық шырша өртеніп кетті.Тасбөгет кентіндегі шыршаның өртенгені туралы ақпарат 1 қаңтарда сағат 02:01-де келіп түскен.&nbsp;<blockquote>«Аталған шақырту бойынша №4 өрт сөндіру бөлімінен 7 қызметкер 1 техникамен оқиға орнына барды. Өрт 02:07-де оқшауланып, 02:08-де толық сөндірілді. Өрттің шығуына электр сымның қысқаша тұйықталуы себеп болуы мүмкін. Шығын мөлшері анықталып жатыр», – деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова. &nbsp;</blockquote>

Қызылордада шырша өртенді

<a href="https://kyzylorda-news.kz/">Kyzylorda-news.kz.</a> Мемлекет басшысы Жаңа жыл түнінде жұмыс істеген қазақстандықтарға алғысын білдірді, - деп хабарлайды <a href="https://aikyn.kz/233782/vladimir-putin-kazakstan-prezidentin-karsy-aldy/">БОРТ№1</a> Telegram каналы.<blockquote>«Жаңа жыл түнінде азаматтардың қауіпсіздігі мен денсаулығын сақтау, сондай-ақ маңызды нысандардың үздіксіз жұмыс істеуін қамтамасыз ету үшін еңбек еткен медицина қызметкерлеріне, құтқарушыларға, өрт сөндірушілерге, полицейлерге, әскери қызметшілерге, коммуналдық және басқа да салалардағы азаматтарға алғыс айтамын»,- делінген хабарламада. &nbsp;</blockquote>

Қасым-Жомарт Тоқаев Жаңа жыл түнінде жұмыс істеген қазақстандықтарға алғыс айтты

<a href="https://kyzylorda-news.kz/">Kyzylorda-news.kz.</a> «Казгидромет» РМК-ның мәліметінше, Қазақстан аумағының басым бөлігінде әліде Солтүстік антициклонның жотасы ықпалын тигізеді, ауа-райы көбінесе жауын-шашынсыз күтіледі. Еліміздің солтүстігі, солтүстік-батыс, орталық, оңтүстік-шығысы және шығысында атмосфералық фронтальды бөліктердің өтуіне байланысты кей жерлерінде қар жауады. Республиканың кей жерлерінде тұман, желдің күшеюі, шығысында бұрқасын күтіледі.Ақмола, Алматы, Жамбыл, Қызылорда, Атырау, Батыс Қазақстан, Ақтобе, Қостанай, Солтүстік Қазақстан, Павлодар облыстарының кей жерлерінде тұман түседі. Манғыстау облысының кей жерлерінде жел 15-20 м/с күшейеді. &nbsp;

1 қаңтарға арналған ауа райы болжамы

Kyzylorda-news.kz. &nbsp;Қазгидромет 1 қаңтарда бірнеше өңірде ауа райына байланысты ескерту жариялады.Қызылорда облысының солтүстігінде, орталығында тұман, көктайғақ болады. Жел оңтүстіктен соғады, таңертең және күндіз облыстың солтүстігінде, орталығында желдің жылдамдығы 15-20 м/с жетеді.Шығыс Қазақстан облысының солтүстік-шығысында қатты қар күтіледі. Облыстың басым бөлігінде бұрқасын күтіледі. Жел оңтүстік-шығыстан, оңтүстіктен соғады, облыстың солтүстігінде, батысында екпіні 15-20 м/с жылдамдықпен соғады.Абай облысының басым бөлігінде бұрқасын күтіледі. Жел оңтүстіктен, оңтүстік-батыстан соғады, облыстың батысында, оңтүстігінде, орталығында екпіні 15-20 м/с.Жетісу облысының шығысы мен таулы аудандарында қатты қар күтіледі. Түнде және таңертең облыстың таулы аймақтарында тұман, көктайғақ болжанады.Алматы облысының оңтүстігінде, таулы аудандарында тұман, көктайғақ күтіледі. Алматы қ аласында түнде және таңертең тұман, көктайғақ болады.Қарағанды облысының солтүстігінде, шығысында жаяу бұрқасын соғады. Оңтүстік-батыстан жел соғады, облыстың солтүстігінде, шығысында соққан желдің жылдамдығы15-20 м/с жетеді.Ұлытау облысының басым бөлігінде жаяу бұрқасын күтіледі. Оңтүстік-батыстан жел соғады, облыстың шығысында екпіні 15-20 м/с күтіледі.Түркістан облысының оңтүстігінде, таулы және тау бөктерлі аудандарында тұман, көктайғақ күтіледі. Шығыстан соғатын жел оңтүстік-батысқа ауысады, тау асуларында күші 15-20 м/с.Шымкент қаласында кей уақытта тұман, көктайғақ болады.Ақтөбе облысының оңтүстігінде жаяу бұрқасын, облыстың солтүстігінде, батысында тұман, көктайғақ күтіледі.Павлодар облысының басым бөлігінде жаяу бұрқасын күтіледі. Оңтүстік-батыстан жел соғады, облыстың батысында, солтүстігінде екпіні 15-20 м/с жетеді.Маңғыстау облысының солтүстігінде, орталығында тұман, көктайғақ күтіледі. Оңтүстік-батыстан соғатын жел солтүстік-батысқа ауысады, облыстың солтүстігінде, шығысында жел15-20 м/с жылдамдықпен соғады.Қостанай облысының оңтүстігінде, шығысында жаяу бұрқасын күтіледі. Облыстың солтүстігінде, батысында тұман. Солтүстік-батыстан соғатын жел оңтүстік-шығысқа ауысады, күші күндіз облыстың оңтүстігінде, шығысында 15-20, екпіні 23 м/с.Батыс Қазақстан облысының солтүстігінде, шығысында, көктайғақ, тұман түседі.Ақмола облысының шығысында жаяу бұрқасын күтіледі. Оңтүстік-батыстан жел соғады, түнде облыстың шығысында 15-20 м/с күтіледі.

Қазақстанның басым бөлігінде ауа райына байланысты ескерту жарияланды

Kyzylorda-news.kz. &nbsp;«Жаңа жыл» мерекесі қарсаңында Қызылорда облысы әкімінің орынбасары &nbsp;Нұрымбет Сақтағанов және облыстық денсаулық сақтау басқармасының басшысы Сабит Пазилов облыстық перинаталдық орталығының &nbsp;босанушы аналары мен көпбейінді облыстық балалар ауруханасының емделуші балаларын құттықтады және &nbsp;сыйлықтарды үлестірді.&nbsp; &nbsp;Айта кетейік, облыстық перинаталдық орталығында босанған аналарға сыйлық табыстау дәстүрге айналған. Орталықта жылына шамамен 11 мыңға жуық әйел босанады. Жыл басынан бері облыс бойынша 18773 бала туылса, оның 10 358-і ана мен бала орталығында дүниеге келген. &nbsp; &nbsp; Ал көпбейінді облыстық балалар ауруханасы 200 төсек орынға арналған. Медициналық мекеме озық заманауи медициналық жабдықтармен жабдықталған. Атап айтар болсақ, ағымдағы жылы аурухана ИВЛ, кювез, УЗИ аппараттарымен толықты. Сондай-ақ, республикалық стационарлар реитінгінде «Үздік емдеу мекемесі» &nbsp;номинациясын иеленді.&nbsp; &nbsp;Онда жыл көлемінде 14 мың бала стационарлық ем қабылдайды.&nbsp; &nbsp;Үстіміздегі жылдың қаңтар айынан бастап аурухана құрамында «Қамқорлық» оңалту орталығы ашылып, 1800-ден аса бала оңалту емін қабылдады. Орталық мамандары республикалық Ресей және республикалық емдеу мекемелерінен кәсіби біліктіліктерін арттырған.<img src="https://knadmin.beoblood.kz/uploads/FB_IMG_1672483214856_836cac5455.jpg" alt="FB_IMG_1672483214856.jpg"><img src="https://knadmin.beoblood.kz/uploads/FB_IMG_1672483211968_d93423b051.jpg" alt="FB_IMG_1672483211968.jpg"><img src="https://knadmin.beoblood.kz/uploads/FB_IMG_1672483221683_5f93ce5795.jpg" alt="FB_IMG_1672483221683.jpg">

Президент құттықтауы Сырда жалғасты

Kyzylorda-news.kz. Кейінгі жылдары медицина ғылымындағы, жалпы саладағы жаңашылдықтармен қатар бұрын естіп-білмеген дерттердің түрі көбейгені жасырын емес. Бұл саланы дамытудың стратегиялық, басқа да жоспарларын ұдайы жетілдіріп отыруды талап етеді. Бір ғана коронавирус инфекциясы таралуының мысалы көп жағдайға көзімізді жеткізді.&nbsp;Бүкіл әлемді тарының қауызына сыйғызған індет бірінші байлығымызды бағалай білуге үйретті. Медицинаның бастапқы, алдын алу, стационарлық, жедел жәрдем, тағы басқа желілеріндегі жетпес тұстар көзге айқын көрінді. Құрылысы аяқталған Қазалы ауданы Әйтеке би кентінде аудандық емхана ғимараты, шалғай елді мекендердегі медицина нысандары, олардың медициналық құрал-жабдықтармен толықтырылуы, жедел жәрдем көліктерінің жаңаруы осы олқылықтардың орнын толтырады деп отырмыз.&nbsp; Оған қоса өңірдің жедел және шұғыл қажеттілігі, Арал аймағы үшін маңызы ескерілген нысан – Қызылорда қаласынан бір ауысымда 100 келуші қабылдайтын емханасы бар 300 төсек орнына арналған көп бейінді аурухана (онкологиялық бөлімшемен) құрылысын бастауға алдағы жылға 750,0 млн. теңге бөлінді. Бүгінде конкурс рәсімдері жүргізілуде.Алдағы жыл – «Ауылдық денсаулық сақтауды жаңғырту» пилоттық ұлттық жобасына старт берілетін жыл. Ол бойынша 27 нысан, &nbsp;атап айтқанда 24 дәрігерлік амбулатория, 2 фельдшерлік-акушерлік бекет, 1 медициналық бекет салынбақ, 16-сы келесі жылдан бастау алады. Қызылорда қаласындағы Қан орталығының құрылысы жалғасады. &nbsp;Ана мен бала денсаулығы – медицинаның ең өзекті әрі көкейтесті мәселесі. Ана мен бала өлімі көрсеткіші төмендетуге күш садамыз. Кейінгі&nbsp; 3 жылда, мәселен 2020 жылы 12 жағдай, 2021 жылы - 9, 2022 жылдың&nbsp; 11 айы бойынша 6 жағдай тіркелді. Ұйымдастыру-әдістемелік жұмыстардың арқасында соңғы 11 айда сәби өлімі төмендеді.Ана мен сәби өлімін барынша төмендетуге арналған кешенді іс-шаралар жоспары бекітілген. Босану ұйымдарының медициналық құрал-жабдықтармен қамтамасыз етілуі 84,97%, тағы 500 млн. теңгеге ИВЛ, УДЗ аппараттары, баканализатор, лапароскопиялық ота жасайтын аппарат, отоакустикалық эмиссиямен толықтырылды. Саланың 500-ге жуық маманы білім жетілдірді.Перинаталдық орталықтың артық жүктемесін азайту үшін жүктіліктің физиологиялық ағымы бар әйелдерді емдеуге арналған&nbsp; 50 төсектік қосымша ғимарат, қауіп тобындағыларға кеңес беру-диагностикалық бөлімі ашылды, катамнездік кабинет өз жұмысын жалғастыруда.(2022 жыл қорытындысы "Сыр бойы" газетінде жарияланған облыс әкімі Нұрлыбек Нәлібаевтің мақаласынан үзінді)

Медицинаның мәселелері уақыт күттірмейді

Kyzylorda-news.kz. «Қазгидромет» РМК қаңтар айына ауа райы болжамын ұсынды, деп хабарлайды ҚазАқпарат.Қаңтардың бірінші онкүндігінде Қазақстанда қарқынды Атлантикалық және Оңтүстік циклондардың әсерімен құбылмалы күн райы күтіледі. Республиканың солтүстік жартысында мол қар жауып, бұрқасын болжанады. Оңтүстік бөлігінде – жауын-шашын (жаңбыр, жылбысқы қар), оңтүстік және шығыс аудандарда қатты жауын-шашын жаууы ықтимал. Республиканың оңтүстік-батыс жартысында тұман және көктайғақ күтіледі. Елдің басым бөлігінде желдің күші 15-20 м/с, екпіні 23-28 м/с құрайды.Республиканың басым бөлігінде ауа температурасы түнде -15-25 градустан -3-12 градусқа дейін, күндіз -7-15 градустан 0-8 градусқа дейін; еліміздің оңтүстігінде және оңтүстік-шығысында түнде -5-15 грудастан +2° градусқа дейін, күндіз 0,-8 градустан +1+8 градусқа дейін ауытқиды.Еліміздің батыс аудандарында ауа температурасы түнде -5+5° градустан -15-25 градусқа дейін, күндіз -3+8 градустан -10-20 градусқа дейін төмендейтіні күтіледі.Бірінші онкүндіктің соңында Қазақстанның басым бөлігінде солтүстік-батыс антициклоннын әсерінен ауа температурасы түнде -20-30 градусқа, ал күндіз -10-18 градусқа дейін, республикамыздың оңтүстік-батыс, оңтүстік және оңтүстік-шығысында түнде -10-20 градусқа, күндіз -5-15 градусқа дейін төмендейді.Консультативті болжамға сәйкес 2023 жылдың қаңтар айының екінші және үшінші онкүндігінде Қазақстанның басым аумағында күн райы жиі өзгереді: аяздың беті қайтып, қарлы боран, бұрқасын және екпінді жел күтіледі.Оңтүстік циклондардың әсерінен қарқынды жылу толқындары байқалады, бұл кезде ауа температурасы еліміздің солтүстік жартысында күндіз -5+2 градусқа, оңтүстік жартысында және оңтүстік-батысында күндіз +2+12 градусқа дейін жоғарылайды.Ал солтүстік-батыс антициклоннын енуіне байланысты карқынды суық толқындар болжанады, бұл кезде ауа температурасы республикамыздың солтүстік жартысында және орталығында түнде -25-35 градусқа, күндіз -15-25 градусқа дейін, оңтүстік жартысында және оңтүстік-батысында түнде -12-22 градусқа, күндіз -3-15 градусқа дейін төмендейді.«Бір айға арналған болжам консультативтік ретінде пайдаланылуы керек. Ол кейіннен синоптикалық жағдайдың өзгеруіне қарай түзетіледі және онкүндік пен 2-3 күндік ауа райы болжамдарымен нақтыланады», - деді Қазгидрометтен. &nbsp;

Қазақстан және Қызылорда облысының жаңалықтары