<a href="https://kyzylorda-news.kz/">Kyzylorda-news.kz.</a> «Ақ жол» партиясы республикалық штабының мүшелері Берік Дүйсембинов, Дмитрий Васильев, Абай облысы филиалының төрағасы Ержан Тілеужанов және Мәжіліс пен жергілікті мәслихат депутаттығына кандидаттар «Қазполиграф» ЖШС мен Семей цемент зауытының еңбек ұжымдарымен кездесу өткізді.Партия төрағасының орынбасары Берік Дүйсембинов партия саяси бағдарламасының алты басым бағытын атады. Олар – Тәуелсіздік пен «Алаш» ұлттық идеясы, демократия мен парламентаризм, сыбайлас жемқорлық және деофшоризациямен күрес, әлеуметтік әділеттілік, нарықтық экономика және кәсіпкерлікті қолдау, сыртқы саясат. Ол сыбайлас жемқорлықпен күреске қатысты мәселеге жан-жақты тоқ­талып, «Ақ жол» демократиялық партиясы қыл­мыстық-атқару жүйесінде жазасын өтеп жатқан жемқор шенеуніктерді шартты түрде мерзімінен бұрын босатуға заң жүзінде тыйым салу қажет деп санайтынын айтты.«Ақ жол» депутаттары 2019 жылдан бері бұл ұсынысты бірнеше рет енгізді, 2020 жылы мұндай норма Қазақстан Республикасының Қылмыстық кодексінде, бірақ ауыр және аса ауыр сыбайлас жемқорлық қылмыстарға қатысты ғана қабылданды. «Мұны жеткіліксіз деп есептейміз және барлық жемқор шенеунікті шартты түрде мерзімінен бұрын босатуға тыйым салуды талап етеміз», деді кандидат.Сонымен қатар жиында әділ сайлау мә­селесі көтерілді. Ақжолдықтар мұғалім­дерді бөгде жұмысқа тартуға тыйым салу, мұға­лім­­дердің сайлау комиссияларына қатысуын шек­теу, қосымша құн салығының сара­лан­ған мөл­шерлемелерін енгізу, инфляция­мен күрес, ипо­текалық несиенің жоғары пайыздық мөл­шер­лемесі туралы айтты.Кандидаттар «Ақ жол» демократиялық партиясы Үкімет құрамын Мемлекет басшысы емес, Парламенттік сайлауда жеңіске жеткен партия жасақтап, оны Президенттің бекітуіне ұсынып, сол үкіметтің жетістіктері мен сәтсіздіктеріне жауапты болуы керек деп санайтынын еске салды.Жиналғандар зейнет жасын төмендету, әлеуметтік баспанаға қатысты сұрақтар қойды. Сондай-ақ Үкімет алдында ауыл шаруашылығын қолдау мәселесін көтеруді сұрады.

Басым бағыттар аталған кездесулер

<a href="https://kyzylorda-news.kz/">Kyzylorda-news.kz.</a> Жалпыұлттық социал-демократиялық партиясының мүшелері, Парламент Мәжілісінің депутаттығына бірмандаттық аумақтық сайлау округі бойынша кандидат Валерий Смоквин мен облыстық мәслихат депутаттығына кандидат Жанғали Ілияс «Көкшетау минералды сулары» АҚ еңбек ұжымымен кездесті.Іс-шара барысында кандидаттар партияның сайлауалды бағдарламасының басым бағыттары жөнінде баяндады. Оның ішінде сыбайлас жемқорлыққа қарсы күреске бағытталған ұсыныстар сайлаушылардың ерекше қызығушылығын тудырды.<blockquote>«Тұрғындар «парамен ұсталды» деген ақпаратқа селк етпейтін болды. Жемқорларды құрықтайды деген қызметкерлердің өздері кейде парамен ұсталып жатады. Жемқорлықпен күрес іс-шаралары жүйелі жалғасып жатыр деп ұрандатқанымен, көлеңкелі қылмысқа жол берушілердің саны азаймай тұр. Соның ішінде, жауапты мемлекеттік лауазымды атқаратын және мемлекеттік функцияларды орындауға уәкілеттік берілген азаматтардың қызметтік өкiлеттiктерін теріс және заңсыз пайдалану, кәсіпкерлік қызметке заңсыз араласу, кедергі жасау, пара алу, пара беру, парақорлыққа делдал болу, қызметтік жалғандық, жеке және заңды тұлғалардың заңсыз материалдық сыйақы беру сынды сыбайлас жемқорлық деректері де ел аумағында әлі белең алып отыр. Мемлекет бюджетін мақсатсыз пайдалану, қызмет бабын жеке бас пайдасына жарату, жұмысқа қабылдау барысында белгілі бір қаражат мөлшерін талап ету, тексеріс мекемелерінің келуіне орай қаржы жинау секілді сыбайлас жемқорлық тәуекелдері де қазір қоғамда жиі ұшырады. Ең алдымен, заң үстемдігін орнатып, нағыз құқықтық мемлекет құру үшін жемқорлықтың тамырына балта шабу керек. Құқық қорғау органдары батыл әрекет етпей, сыбайлас жемқорлықпен тиімді күрес жүргізу мүлде мүмкін емес. Көп жыл бойы олар мәселені терең зерттемей тұрып, пара алушыларды қылмыс үстінде ұстап келді. Әртүрлі адам бір лауазымды атқарып отырып, бірдей мәселелерді шешкені үшін кінәлі деп танылған. Ал сыбайлас жемқорлықтың белең алуына қатысты себептер мен жағдайлар ешкімді қызықтыра қоймаған. Тек соңғы жылдары ғана осы мәселеге назар аударыла бастағаны байқалады», деді Валерий Смоквин.</blockquote>&nbsp;

Жемқорлықпен күресудің жаңа жолы

<a href="https://kyzylorda-news.kz/">Kyzylorda-news.kz.</a>&nbsp;Қазақстан үкіметі 2023 жылғы 3 наурыздағы "Мүлікті республикалық меншікке қабылдау туралы" қаулыға қол қойды, деп хабарлайды <a href="https://kaz.zakon.kz/6021855-azastan-bayoyrday-resey-menshgn-br-blgne-ie-boldy.html">Zakon.kz</a>.<blockquote>"Осы қаулы қосымшасына сәйкес Ресей Федерациясының федералды меншігіндегі мүлік республикалық меншікке өтеусіз негізде қабылдансын", - делінген құжатта.</blockquote>Осылайша Қазақстан өзінің жеке меншігі мыналар болды:1991 жылы шығарылған 11F647M «Экран-М» ғарыш кемесі, оның құрамдас бөліктері мен бөлшектері;1993 жылы шығарылған құрастыру-қорғау блогы, оның құрамдас бөліктері және қосалқы құралдар мен арматура;1991 жылы шығарылған объектілерді тестілеу жүйесі;1986 жылы шығарылған жүйелер - 2 дана.Жарлық қол қойылған күнінен бастап күшіне енеді.

Қазақстан Байқоңырдағы Ресей меншігінің бір бөлігіне ие болды

<a href="https://kyzylorda-news.kz/">Kyzylorda-news.kz.</a>&nbsp; Әлемде инвестициялар үшін бәсекелестіктің артуы күтіліп отыр. Сондықтан экономиканың барлық салаларында жаңа инвестициялық жобаларды іске асыру, сондай-ақ инвестициялық ахуалды одан әрі жақсарту бойынша белсенді шаралар қабылдау өте өзекті.Бұл ретте облыста экономиканы жандандыру жұмыстары жүйелі жүргізілуде. Аймақ негізгі капиталға салынған инвестиция қарқыны бойынша республикада бірінші орында. Тартылған инвестициялардың көлемі аймақтың ашықтығының, нарықтық экономикаға бейілділігінің әрі бизнес жүргізуге тартымдылығының басты белгісі. Сондай-ақ бұл – жағдайдың тұрақтылығының айқын дәлелі. Басқа да салалар бойынша Сыр өңірі алдыңғы көрсеткіштерге қол жеткізіп отыр.Айталық, облыс қазір қарқынды құрылыс алаңына айналды. Мемлекет басшысының қолдауымен өңірде жаңа жобалар жүзеге асырылып, ауқымды инвестициялар тартылып, экономиканың негізгі салаларында серпінді қадамдар жасалуда.Соңғы сегіз айда облыста инвестиция тарту қарқыны артқан. Биыл республикалық бюджеттен қаржы тарту көлемі де айтарлықтай артты. Мәселен, жыл басынан бері республикалық бюджетте құрылыс, жол және энергетика салаларына 62,8 млрд теңге қарастырылған. Жақын арада бұл көрсеткішті 100 млрд теңгеге дейін жеткізу жоспарлануда. Елді мекендерді дамытуға облыстық бюджеттен 15-20 млрд теңге бөлу жұмыстары жүргізілуде.2022 жылдың басымен салыстырғанда инвестиция қарқынының өсімі 5 есеге артады. Соның нәтижесінде өңір экономикасын айтарлықтай жандандыратын ауқымды жобаларды жүзеге асыру басталады.Облыс әкімі Нұрлыбек Нәлібаев Астана қаласына жұмыс сапары барысында бірқатар министрлермен кездесіп, өңір үшін маңызды жобаларды талқылаған болатын.Аталған жұмыс сапары барысында жасалған маңызды мәмілелер қатарында суару жүйелерін қалпына келтіру және жаңғырту, су бөлу процестерін автоматтандыру және цифрландыру, Кіші Аралды сақтап қалу мәселелері қамтылып отыр.Сондай-ақ, елді мекендерді дамыту мақсатында ауқымды жобалар қолға алынбақ. ҚР Экономика министрлігі биыл аймақта жалпы құны 5 млрд теңгені құрайтын 17 жобаны жүзеге асыруды жоспарлауда. Республикалық бюджетті нақтылау барысында тағы да 72 жоба ұсынылмақ. Жобалар елді мекендердің өзекті мәселелерін шешуге бағытталған.Сонымен қатар, Мемлекет басшысының қолдауымен облыста алдағы 3 жылда Ұлттық жоба аясында 21 жайлы мектептің құрылысы жүргізіледі. Жалпы, биыл өңірде 131 жаңа нысан салынады. Білім саласында 22,3 млрд теңгеге 22 нысанның құрылысы жоспарлануда. Оның 10-ы «Жайлы мектеп» жобасы бойынша жаңа мектептер құрылысы.Ірі нысандар қатарында Сырдарияның сол жағалауынан бой көтеретін 300 орындық жатақханасы бар 400 орындық физика-математика мектеп-интернатының құрылысын айтуға болады. Бұдан бөлек, 16 денсаулық сақтау нысанының құрылысына 5,2 млрд теңге бөлінді. Мәдениет саласында да ауқымды жобалар жүзеге асырылуда. Құны 4,5 млрд теңгені құрайтын 11 нысан ел игілігіне беріледі. Бұқаралық спортты дамыту үшін 7 жаңа нысанның құрылысы басталды. Олардың көпшілігі ауылдық жерлерде. Сонымен қатар, облыс орталығында көпсалалы денешынықтыру-сауықтыру кешенін салу жоспарлануда.Өңірде тұрғын үй саласында да жобалар сәтті жүзеге асырылуда. Биыл 23 тұрғын үй, оның ішінде 12 арендалық және 11 несиелік үй салынады. Сол жағалауда 84 пәтерлік жеті қабатты 6 тұрғын үй бой көтереді.Сондай-ақ, аймақ басшысы әлеуметтік маңызы бар бастамаларды жүзеге асыруға жергілікті меценаттарды көптеп тартып, ауқымды жобаларды жүзеге асыруға 9 млрд теңге қаржы бөлінді.Жыл соңына дейін құны 3,7 миллиард теңге болатын 1000 орындық «Өнер орталығын» пайдалануға беру жоспарлануда. Отбасын құруды жоспарлаған жастар үшін құны 1,6 миллиард теңгені құрайтын заманауи үлгідегі «Неке сарайы» да есігін айқара ашпақ. Белгілі кәсіпкер, меценат Марат Дүйсенбаевтың демеушілігімен құны 1,5 миллиард теңгені құрайтын «Аналар үйі» орталығының құрылысы жүріп жатыр. Облыстың Түркістан облысымен шекарасында демеуші қаржыға құны 200 миллион теңгеге кіреберіс қақпа салынуда.Аудандар мен шағын ауылдарда да жаңа нысандардың құрылысы тұрақты жүргізілуде. Бүгінгі таңда 200 орындық «Оқушылар үйі» мен 50 орындық «Өнер мектебі», «Балықшылар ескерткіші» мен аллея пайдалануға берілді. Заманауи үлгідегі демалыс саябағы ел игілігіне ұсынылды. Сонымен қатар, «Еңбекшілер аллеясы» бой көтерді.Облыс орталығында жолаушылар ағынын жақсарту үшін өткен жылы сатып алынған 150 автобустың 100-і келсе, биыл тағы 150 автобус сатып алуға қосымша қаражат бөлінді, осылайша автобус паркі 300 жаңа автобуспен толығады.Ақпан айында Қызылордада сметалық құны 12 млрд теңгені құраған «Қорқыт ата» әуежайының жаңа терминалының құрылысы басталады. Терминал құрылысын Болат Өтемұратовтың қоры қаржыландырмақ.«ҚазГерМұнай» бірлескен кәсіпорнымен жасалған келісімнің нәтижесінде облыс орталығында заманауи үлгідегі «Оқушылар сарайы» бой көтермек. Сондай-ақ 7 мың орындық жаңа стадионның құрылысы басталады. Құрылысқа «Саутс Ойл» компаниясы демеушілік етпек.Бүгінде Қызылорда, Арал, Қазалы, Байқоңыр қалалары ауызсумен 100 пайыз қамтамасыз етілген. Облыстағы 230 ауылдық елді мекеннің 98 пайызы орталықтандырылған ауызсуды тұтынады. Биыл ауылдық 20 топтық су құбырына қосу, ішкі су құбырларын тарту және су тазарту құрылыстарын орнату жұмыстары жүргізілмек.Биыл түрік инвесторларының қолдауымен құны 215 миллиард теңге болатын жаңа жылу-электр стансасының құрылысы басталып, қаланы жылумен толық қамтамасыз ететін болады.Өңірде жыл сайын бірнеше елді мекенге газ тартылып, мыңдаған отбасы «көгілдір отын» игілігін көруде. Мәселен, былтыр 7 ауылға газ тартылып, 15 мың тұрғын пеш жағудың әуре-сарсаңынан құтылды. Нәтижесінде облыс халқының «көгілдір отынмен» қамтылған үлесі 68 пайызды құрады. Биыл өткен жылы қолға алынған 7 жоба іске қосылып, 8 жаңа жоба жүзеге асырылмақ. Осылайша, жыл соңына дейін тұрғындарды газдандыру көрсеткіші 72 пайызға жетеді.Биыл Индустрия және инфрақұрылымдық даму министрлігіне 2,1 млрд теңгенің 5 жобасы ұсынылып, оның ішінде 923 млн теңгенің 2 жобасы қолдау тапты. Бюджетті нақтылау кезінде тағы 9 жоба ұсынылмақ. Жол сапасын арттыру саласында да көптеген жаңа жобалар қолға алынды. Былтырғымен салыстырғанда бөлінген қаржы көлемі екі есе артты. Биыл ұзындығы 440 шақырымды құрайтын жолдар мен көшелерді жөндеуге және 11 көпір құрылысына 14,8 млрд теңге бөлінді.«Ауыл – ел бесігі» бағдарламасы аясында Қызылорда қаласы мен 7 аудан орталығындағы 6 елді мекен, 25 ауылдың 100-ден астам ішкі көшелері толықтай жаңартылады. Жөндеу жұмыстарының нәтижесінде жыл соңына дейін облыстағы жолдардың жақсы және қанағаттанарлық көрсеткіші 87,5 пайызға жетеді.Аймақ экономикасына қаржы өзінен-өзі құйылып жатқан жоқ. Ол осы мәселені ұдайы назарда ұстап, республика бюджетінен, шетелден қаржы тартуға, табысты халықаралық келісімдер жасауға басымдық беріп отырған облыс басшылығының түрлі тың бастамаларға ұйытқы болуының, инвесторлар үшін оңтайлы орта қалыптастыра білуінің нәтижесінде мүмкін болып отыр.Тоқсан ауыз сөздің тобықтай түйіні, бүгінде Сыр өңірі инвестиция мәселесінде табысты өңірлердің біріне айналып отыр. Облыс басшылығы осы мақсатта ірі компаниялар, шетелдердегі шағын және орта бизнес өкілдерімен келіссөздер жүргізуде. Бұл орайда да ойластырылып отырған тартымды жобалар аз емес. Демек, сырттан құйылатын қаржы ағынын қамтамасыз ету арқылы өңір экономикасын әртараптандыруға бағытталған жұмыстар алдағы уақытта да жалғасын таба бермек.&nbsp;

Сыр өңіріндегі тартымды инвестициялық жобалар

<a href="https://kyzylorda-news.kz/">Kyzylorda-news.kz.</a> «АIaqeum eIeсtriс» компаниясының еншілес серіктестігі «КСМ КZ-2022» ЖШС – өңірдегі іргелі кәсіпорынның бірі.Толыққанды заманауи құрылғылармен қамтамасыз етілген, өндіріс қуаты артып, құрылыс саласына қажетті өнімдер өндіруде. Қазір электp бағандары мен электр тасымалдаy құрылымдарына қажет темiр-бетон бұйымдарын шығарып жатыр. Көпқабатты тұрғын үйлерге арналған 9 метрлік плиталарды шығаруды да алғаш болып қолға алды.Серіктестiк материалдарына сұраныс жоғары. Зауыттың өндiрiстік-техникалық бөлiм басшысы Аманбай Жұмабековтың айтуынша, өндірiсте 200-ге жуық адам жұмыс iстейді. Мұнда ерлермен қатар әйелдер де еңбек етедi. Кран айдайтындар да, технологтар да – солар. Ісiне жауапкершілікпен қарайды.<blockquote>«Бізде біраз адам зейнет жасына жетсе де, жұмыс істеп жатыр. Өйткені, кадр тапшылығы бар. Электр дәнекерлеушi, электрик, краншылар керек», – дейді бөлім басшысы.</blockquote>Өндірілетін өнімдер қатарында көп бөлімді жабын және таспалық фундамент тақталары, қабырға блоктары, темір-бетонды маңдайшалар, дөңгелек темір-бетон шеңберлері, су жүретін трубалар, жол тақталар, жылу жүретін трассалардың лотоктары, резервуар қабырғасының тақталары, жол жиегіндегі тас тақталар секілді өнімдер бар.<blockquote>«Жылдан жылға өнім түрі көбейіп, нарықтың сұранысына сай жұмыс жасалуда. Осыдан бірнеше жыл бұрын электр бағаналары мен электр тасымалдау құрылымдарына қажетті темір-бетон бұйымдарын шығаруды облыста алғашқы болып қолға алғанбыз. Енді, міне көпқабатты тұрғын үйлерге арналған 9 метрлік плиталарды шығаруды да біздің зауыт бірінші болып өндіріске енгізді. Айта кету керек, зауыттың материалдық-техникалық базасы да жыл өткен сайын жаңарып, бәсекеге қабілеті артып келеді. Құрылғылардың дені Ресейден әкелінген. Бұл жерде жұмысшылардың 30 проценті – қыз-келіншектер. Технолог, инженерлік-техникалық құрам, кранның барлығын игеріп отыр. Жұмыстары өте тиянақты. Ерлермен тең дәрежеде иық тірестіріп, еңбек етуде. Ішкі нарықты толық қамтып отырған зауыт аймақтағы ірі, қуатты «Интегрострой», «Промстройсервис-Е», «Аман-құрылыс», «Асар», «Келешек» серіктестіктері, «ЕрАру» ЖК секілді 34 тапсырыс беруші мекемемен тығыз байланыста. Кәсіпорын алдағы уақытта да өнімділікті арттыруда белсенді еңбек ете береді», – дейді зауыт директоры Азамат Мұханов.</blockquote>&nbsp;

«КСМ КZ-2022»  – құрылыс саласындағы іргелі кәсіпорын

<a href="https://kyzylorda-news.kz/">Kyzylorda-news.kz.</a>&nbsp; Бұл – «АIaqeum eIeсtriс» компаниясының еншілес серіктестігі «КСМ КZ-2022» ЖШС мекемесі. Осы ұжымда ұзақ жылдан бері табанды жұмыс істеп келе жатқан майталман маман Фая Шакурова қазір зейнетте. 1977 жылдан бері осы мекемеде кран айдайды. Айтуынша, бәрі де кездейсоқ болған. Алғашында кран руліне қаймыға отырған жас қыз уақыт өте келе, техника тілін меңгеріп алды. Үйде қай заттың қай жерде тұрғанын білмесе де, мұнда қай бұрышта қай зат тұрғанын бес саусағындай біледі.Жұбайы Әли Сәрсенов осы мекемеде жүргізуші болған. Екеуі – бүгінде 4 баласынын 14 немере сүйіп отырған бақытты жандар.<blockquote>– Кран айдап келе жатқаныма 50 жылға жуықтады. Бұл жерде ең бірінші, жұмысқа деген жауапкершілік талап етіледі. Уақытпен санаспай, бөрене, плиталарды түсіріп, реттейміз. Жұмысымды өте жақсы көремін. Зейнетке шыққаннан кейін, ұл-қызым да, жолдасым да жұмыс істеуіме қарсы болды. «Саған не жетпейді, біз бармыз ғой» деді. Бірақ маған ақша маңызды емес, өйткені жұмысымды жақсы көремін, жауапкершілігін сезінемін. Тіпті күйбең тірліктің бітпейтін проблемаларын да ұмытып кетемін. Мұндағы бірге жұмыс істейтін серіктеріммен әңгімелесемін. Денсаулық жарап тұрғанда жұмыс істеу керек деп үйдегілерге бой бермей келемін. Кран айдаудың еш қиыншылығы жоқ, тек жұмысына жауапты бол. Мұны тек ер адамдардың жұмысы деген – жаңсақ пікір, ер адам ғана айдасын деп еш жерде жазылмаған. Жаратқан денсаулық берсе, шамам келгенше қызмет етемін. Жұмысымда керек екенімді түсінемін, – дейді еңбек адамы бізбен әңгімесінде.</blockquote>Фая апа жасы келгеніне қарамастан, ширақ қимылдайды. Мінезі ашық үнемі күліп жүреді. «Еңбек ер атандырады» деп осындайда айтса керек-ті.&nbsp;

Фая Шакурова: Кран айдап келе жатқаныма 50 жылға жуықтады

<a href="https://kyzylorda-news.kz/">Kyzylorda-news.kz.</a>&nbsp;Жаңақорған және Шиелі аудандарында МӘМС мәселелері бойынша халықпен кездесу өтеді.Әлеуметтік медициналық сақтандыру қорының Қызылорда облысы бойынша филиалының мамандары аудандарда МӘМС мәселелері бойынша консультациялар өткізуді жалғастыруда. Халықпен келесі кездесулер ағымдағы жылдың 10 наурызында өтеді.Жаңақорған кентіндегі кездесу сағат 09.00-де аудандық әкімдіктің мәжіліс залында өтеді. Кездесуге Жаңақорған ауданы әкімінің орынбасары Б.Нұриинов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Исмаханбетов, облыстық денсаулық сақтау басқармасы басшысының міндетін атқарушы Ж.Шайымбетов, Жаңақорған аудандық ауруханасының бас дәрігері С.Усейнов қатысады.Шиелі кентіндегі сағат 11.00-де аудандық әкімдіктің мәжіліс залында өтеді. Шиелі ауданындағы кездесуге аудан әкімінің орынбасары Б.Смағұлов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Исмаханбетов, облыстық денсаулық сақтау басқармасы басшысының міндетін атқарушы Ж.Шайымбетов, Шиелі аудандық ауруханасы бас дәрігерінің міндетін атқарушы Г.Құрманғалиева қатысады.

МӘМС: Жаңақорған және Шиелі ауданында халықпен кездесу өтеді

Сырдария ауданында төтенше жағдайды болдырмау шаралары жүргізілуде

<a href="https://kyzylorda-news.kz/ru/">Kyzylorda-news.kz</a>. Қоғамдық жұмыстың қай қырында болмасын, қатарының алдына шығып, көш бастап жүрген жас таланттар жетерлік. Олар елге қызмет еткеннен бақыт табады. Өйткені, туған елдің, туған жердің алдындағы перзенттік парыз әркез олардың көкейінде. Ел басына қиындық туған пандемия кезінде еріктілер қатарында ерінбей еңбек еткен Алмат Смайылов осындай ізгі жандардың бірі.Алматты қаладағы еріктілермен бірге қай істе болсын көретініміз жасырын емес. Автоволонтерлікте де белсенді болды. Жұмысқа білек сыбана кірісіп кететін қасиеті бар. Сондықтан да болар қызылордалық еріктілермен бірлесіп жұмыс істеді. Өзі ерікті қатарында емес, дегенмен төтенше жағдай кезінде ауруханаларға керекті үлкен газ баллонды жеткізіп беруге үлес қосты. Бұл да ерлік. Белсенді жастардың тұрмысы төмен отбасын да азық-түлікпен қамтығаны белгілі. Мұның ішінде біздің кейіпкеріміз де бар. Оның үстіне жастар орталығы дәріге мұқтаж жандарға керекті дәрі-дәрмегін табыстады. Бұл істе де Алмат жүрді. Қармақшы ауданында дүниеге келген Алмат №10 Ы.Алтынсарин атындағы қазақ орта мектебінде білім алған.Мектеп табалдырығын аттаған сәттен бастап сабақ оқуға ынталы болды. Сонымен қоса қоғамдық жұмыстарға белсене араласты. Бүгінде Алмат Жамалбекұлын танымайтындар аз. Ол «Болашақ» колледжінің «Есеп және аудит» мамандығында, «Болашақ» университетінде экономист-бухгалтер мамандығында білім алған. Студент атанған күннен бастап жастар арасында өткізілетін көптеген мәдени-көпшілік, саяси, шығармашылық іс-шараларға белсене қатысты. 2013 жылдан бері мемлекеттік жастар саясатын жүзеге асыру бағытында жұмыс істеп келеді. Қызылорда облысының жастар саясаты мәселелері басқармасында «Жастар тәжірибесі» бағдарламасы аясында тәжірибеден өтті. Тәжірибеден өткеннен кейін басқарманың ақпараттық-сараптамалық бөлімінде бас инспектор қызметін, облыстық жастар ресурстық орталығында жастар бастамаларын дамыту бөлімінің аға кеңесшісі қызметін атқарды. Сондай-ақ орталықтың жастар ұйымдары және оқу орындарымен жұмыс жасау бөлімін басқарды. Облыс және қала әкімінің бірнеше алғыс хатымен марапатталды. Сондай-ақ Қызылорда қаласы әкімінің «Самғау» жастар сыйлығының иегері.&nbsp;<blockquote>«Төтенше жағдай кезінде жасаған істерімді мақтаныш санамаймын. Ел басына күн туған кезде әр адам осылай істеуші еді. Иә, мен волонтер емеспін. Дегенмен де қолымнан келсе көмектесуге дайынмын. Сосын Болатбек Айтбенбетов басқарған волонтерлер өзіме ұнайды. Олар ешқашан шаршамайды. «Өзіме емес, өзгеге ғой» деген атүсті түсінік жоқ. Білек сыбана кірісіп кетеді. Барлық істің басы-қасында жүреді. Осы уақыт аралығында бірлесіп, қаншама іс тындырдық. Бірде бір реніш туындаған емес. «Мен неге істей беремін» деп те өкпе айтқандар болмады. Мүмкін волонтерлар сонысымен де ерекше шығар. Ал өзімнің жастардың арасында жүргеніме біршама уақыт болды. Сондықтан да бұл жақтан кеткім келмейді. Бір жасқа болса көмегім тисе, онда жұмысымның еленгені деп білемін», – дейді Алмат.</blockquote>Алмат – отбасылы. Бос уақытын балаларына арнайды. Отбасын, ата-анасын басты орынға қояды. Алмат – өз ісінің шебері. Бұған дейін жоғарғы оқу орындарымен тығыз байланыста болғанынан шығар, әр студенттің қай шараға қатысу керегін, қандай ақпарат алып, қай бағдарламамен танысу қажеттігін саралап отырады. Жастарға қатысты тың жоба болса, хабардар етуге дайын. Қай кезде де жалындап тұратын жастың қабағына кірбің түспесін дейміз.&nbsp;Иә, елдің дамуына еңбек етіп, биік шыңдарды еңсере жүретін әрбір жастың Алмат тәрізді қайратты, жігерлі, талапшыл болуын тілейміз. &nbsp;

Алмат Смайылов: Жастарға көмектесу міндетім

&nbsp;<a href="https://kyzylorda-news.kz/">Kyzylorda-news.kz.</a>&nbsp; Қазақстанның әлемдегі бәсекеге қабілетті елу елдің қатарына кіруі жөнінде мемлекет басшысы алға қойған міндетті жүзеге асыруда халықтың денсаулығы ең маңызды мәселе болып табылады. Қазіргі уақытта әлеуметтік жағдай, өмір сүру ұзақтығының төмендеуі және адам экологиясының қолайсыздығы бүкіл өркениетті әлем үшін көкейтесті мәселе болып отыр. Өмір салты мен денсаулық арасындағы өзара байланыс салауатты өмір салты ұғымын құрастырады. Салауатты өмір салтын насихаттауда, салауатты өмір сүру мәдениетін қалыптастыру мәселелерін жетілдіретін, осы саладағы басымдылықтарды анықтайтын ғылым да, өскелең ұрпақты оқыту, тәрбиелеу формалары мен жаңа әдістерді ұстанатын білім де қажет.&nbsp;Салауатты өмір сүру мәдениетін қалыптастыру дегеніміз:&nbsp; І. Жеке тұлғаның өзін қоршаған жансыз және жанды табиғи ортамен жан – жақты үйлесім тауып, өз ғұмырын Отаны, елі, отбасы және өзі үшін барынша пайдалы өткізу дағдысын қалыптастыру;&nbsp; ІІ. Салауатты өмір салты – ол денсаулықтың үйлесімді дамып, сақталуы мен орнығуын қамтамасыз ету мақсатында денсаулықты нығайтуға бағытталған іс – шараларды жүргізу.&nbsp;Біздіңше, адамның әлеуметтік – психологиялық және биологиялық жақтан салауатты өмір салтын қалыптастыруға мына жағдайлар негіз бола алады:&nbsp; - белсенді қозғалыс нәтижесінде организмді шынықтыру дене тәрбиесі немесе спортпен шұғылдану;&nbsp; - физикалық еңбектің гигиеналық талаптарын жүзеге асыру;&nbsp; - жеке және әлеуметтік гигиеналық талаптарын жүзеге асыру;&nbsp; - қарым – қатынас және экологиялық мәдениетке жету;&nbsp; - дұрыс жыныстық тәрбие алу;&nbsp; - зиянды әдеттерден аулақ болу.&nbsp;Сондықтан балаларды жасынан салауатты өмір салтына қалыптастыруға күш салып, зиянды әдеттерден сақтандыруымыз керек. Денсаулық тәрбиесі – ортақ мәселе. Халық санының өсуі, оның сапасы, деннің саулығы мемлекет әл – ауқатының дамуына мұрындық болады.Қазақстан спортының алғашқы шыққан, атақты да данықты чемпиондарынан бастап қәзіргі таңдағы олимпиада чемпиондары туралы викторина сайысы оқушылардың көңілінен шығып, оқушыларымыз өз елінің патриоты екендерін сабақ барысында дәлелдеп, мүдірместен жауап беруге тырысты. Ұлттық мерекемізді насихаттау барысында «Төрт түлікке ен салу», «Арқан тарту», «Қол күрес», «Асық ату» ойын түрлерінен жарыстар ұйымдастырып, ұлттық ойын өнерімізді өзге ұлт өкілдеріне насихаттау басты міндетіміз.Бұл ұлттық ойындар фестивалінің ұйымдастырылуы, тұсауы кесілуі ұлтымыз үшін үлкен жетістік деп білеміз.&nbsp;Ұлттық теле арнада салауатты өмір салтын насихаттау мақсатында өтіп жатқан жаңашыл әдістегі бағдарламалардың желісінде «Намыс дода», «Толағай» «Асық ату» атты спорттық, ұлттық ойындар сайысын сынып аралық топтық сайыс түрінде өткізу керек. Дене тәрбиесімен айналысатын адам өзін әрқашан сергек сезінеді. Ал сергек адамның өмірге көзқарасы ерекше.Спорт қайратты қажет етіп, өмірге құштарлықты арттырады.&nbsp;Жоғарыда аталған ұлттық спорттық ойындардың өтілу нәтижесінде:&nbsp; - Салт - дәстүрді құрметтеуі;&nbsp; - Ұйымшылдығы,ізденімпаздығы;&nbsp; - Намысқойлығы;&nbsp; - Жүйке жүйесінің шынығуы;&nbsp; - Ойлау қабілетінің дамуы;&nbsp; - Білім алуға құштарлығы;Қорыта айтқанда, алдымен жеке тұлғаның әлеуметтік құзыреттілігін дамытуды керек. &nbsp; &nbsp; &nbsp;Сәбит Тайжанов, Қызылорда жоғары көпсалалы колледжі оқытушысы &nbsp;<figure class="image"><img src="https://knadmin.beoblood.kz/uploads/31dcfcba_a092_4f69_b7cc_05bf391c3fef_821e6598cf.jpg" alt="31dcfcba-a092-4f69-b7cc-05bf391c3fef.jpg"></figure>

Сәбит Тайжанов: Денсаулық тәрбиесі – ортақ мәселе

<a href="https://kyzylorda-news.kz/ru/">Kyzylorda-news.kz</a>. Қызылордадағы жоғары оқу орындарының қарашаңырағы – Қорқыт ата атындағы Қызылорда университетімен Байкен-U және Хорасан-U компанияларының арасындағы екі жақты меморандум аясында Ғылым және академиялық білім беру саласындағы ынтымақтастықты дамыту &nbsp;бағытында кәсіпорындардың жауапты қызметкерлері, арнайы мамандары университет ғалымдарымен кездесті.Дөңгелек үстел басында ұйымдастырылған шараға «Байкен-U» жауапкершілігі шектеулі серіктестігі бас директордың өндіріс жөніндегі орынбасары Смаилов Ербол Қабылбекұлы, адам ресурстарын басқару бөлімінің басшысы Тәуіпбай Абзалбек Сұлтанбекұлы және «Хорасан-U» жауапкершілігі шектеулі серіктестігі бас директордың өндіріс жөніндегі орынбасары Айдүйсенов Бағдат Абжаппарұлы, &nbsp;бас геологтың орынбасары &nbsp;Ажихан Айдос, техникалық бөлімнің өндіріс бастығы Калиакпаров Берік және университеттің ғалымдары, профессор-оқытушылары мен білім алушылары, қоғамдық ұйымдар мен БАҚ өкілдері қатысты.Қорқыт Ата атындағы Қызылорда университеті Басқарма мүшесі-Ғылыми жұмыстар және халықаралық байланыстар жөніндегі проректоры Бөрібаева Майнұр Әбілтайқызы &nbsp;аталмыш шараның өзектілігі мен маңыздылығына тоқталып, алдағы уақытта кәсіпорынмен ортада маңызды зерттеу жобаларына қолдау табылатынына сенім білдірді.Ал, Байкен-U ЖШС бас директордың өндіріс жөніндегі орынбасары &nbsp;Смаилов Ербол Қабылбекұлына &nbsp;университет ғалымдарымен өткізіліп отырған шараның маңызы зор екенін жеткізді. Алдағы уақытта сала бойынша түйіткілді мәселелерді университет ғалымдарымен бірлесіп шешу үшін жоспарлар жасау маңыздылығына тоқталды. Ғылым мен ғылыми жаңалықтарды коммерциаландырудың өзектілігіне тоқталып, шараның тигізер әсері мен берер пайдасының зор екенін жеткізді.«Хорасан-U» жауапкершілігі шектеулі серіктестігі бас директордың өндіріс жөніндегі орынбасары &nbsp;Айдүйсенов Бағдат Абжаппарұлы университет түлектері мен бітіруші студенттердің кәсіпорын базасында өндірістік тәжірибеден өтуге шақырды. Ғылымда дамыту мен ғылыми жаңалықтарды өндіріске енгізу қажеттіліктерінің маңызына тоқталып, ғалымдар пікірлері мен ұсыныстарына баса назар аудару қажет екендігін жеткізді. &nbsp;Алдағы уақытта жас мамандардың жұмыспен қамтылуына, жергілікті оқу орындарының түлектерінің осы өңірде жұмыспен қамтылуына мүдделі екендігін сөз етті.Шара барысында сала бойынша пікір алмасу мен сұрақ-жауаптарға уақыт беріліп, тиімді тәжірибе алмасу мүмкіндіктері болды. Айта кету керек, мұндай шаралардың жастардың болашақтарын нықтауына, қазақтың бас ақыны Абай айтқандай, дүниенің кетігін тауып, кірпіші болып қалануына ықпалы зор.&nbsp;

Қызылорда: Жас мамандар жұмыссыз қалмайды

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «Қазақстанның үздік тауары» өңірлік көрме-байқауына өтінімдер қабылдау басталғандығын хабарлайды.«Қазақстанның үздік тауары» республикалық көрме-байқауы – отандық өнімнің сапасын арттыруға және Қазақстан нарығын сапасы жоғары әрі бәсекеге қабілетті өніммен толықтыруға бағытталған жеке және заңды тұлғалар қызметін жандандыру мақсатында жыл сайын өткізіледі.Байқау мынадай үш номинация бойынша жүргізіледі:1) «Өндірістік мақсаттағы үздік тауарлар»;2) «Халыққа арналған үздік тауарлар»;3) «Үздік азық-түлік тауарлары».Әр номинация бойынша үш жеңімпаз айқындалады.«Қазақстанның үздік тауары» көрме-байқауы бір жыл бойы өткізіледі және келесі негізгі кезеңнен тұрады.1. Өтінімді «Қазақстанның үздік тауары» өңірлік көрме-байқауының өткізілуіне кемінде 10 күн қалған мерзімде www.altynsapa.kz сайтында немесе өңірлік кәсіпкерлер палатасына ұсыну қажет.Өңірлерде көрме-байқаудың өткізілу кестесі облыс әкімдігінің келісімі бойынша жасалады және www.altynsapa.kz сайтында жарияланады.Байқауға қатысуға ниет білдірген заңды тұлға немесе жеке кәсіпкер Қазақстан РеспубликасыҮкіметінің 2009 жылғы 31 шілдедегі №1167 қаулысымен бекітілген «Қазақстанның үздік тауары» өңірлік және республикалық көрме-байқауына ұсынылатын материалдар мен өнімді ресімдеу, ұсыну және алдын ала сараптамалық бағалау ережесіне» (www.altynsapa.kz сайтында жарияланған) сәйкес өзі орналасқан жердегі өңірлік кәсіпкерлер палатасына материалдарын ресімдеп, ұсынады.Өңірлік көрмеге қатысу байқауға одан әрі қатысудың міндетті шарты болып табылады. Өңірлік байқаудың 9 жеңімпазы ғана «Қазақстанның үздік тауары» республикалық көрме-байқауына қатысу мүмкіндігіне ие болады.2. Астана қаласында республикалық көрме-байқаудың өткізілуі (қыркүйек-қазан). Көрме қорытындысы бойынша ҰКП сараптамалық тобы үш номинация бойынша 27 финалисті анықтайды.3. Үшінші кезеңде 27 финалист (15-25 қазан аралығында) онлайн-дауыс беруге қатысады.4. «Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-байқауының дипломанты атағын беру жөніндегі Комиссия байқаудың 9 қатысушысына «Қазақстанның үздік тауары» республикалық көрме-байқауының дипломанты атағын беру туралы шешім қабылдау отырысы (қараша).Байқау дипломанттарына диплом мен байқау эмблемасы тапсырылады. Дипломанттар төрт жыл бойы «Қазақстанның үздік тауары» байқауының эмблемасын жарнамалық мақсатта пайдалану құқығына ие болады.«Алтын сапа» және «Қазақстанның үздік тауары» байқауының жеңімпаздарын марапаттау жыл сайын Қазақстан Республикасы Президентінің қатысуымен салтанатты рәсімде өткізіледі.Байқауға әлеуетті қатысушыларды сайтта оқыту үшін: www.altynsapa.kz «Оқыту» бөлімінде байқауды өткізу тәртібі және конкурстардың материалдарын ресімдеу ережелері бойынша бейнесабақтар орналастырылған.Байқауды ұйымдастырушы ӨКП базасында тегін оқыту семинарларын өткізеді. Семинарларды өткізу кестесі биыл наурыз айында конкурс сайтында орналастырылады.Құрметті кәсіпкерлер, сапа саласындағы байқауға қатысуға шақырамыз.&nbsp;Барлық сұрақ бойынша Қызылорда қаласы, Қорқыт ата көшесі 123 мекенжайындағы «Бизнеске арналған үкімет» ғимаратының 3-қабат, №312 кабинетінде орналасқан Қызылорда облысы кәсіпкерлер палатасы Жобаларды сүйемелдеу бөлімінің сарапшысы Малика Тютебаеваға хабарласа аласыздар. Тел.: 8 /7242/ 40-09-81, +7 707 988 50 80, эл.адрес: project-support.kzo@atameken.kz. &nbsp;

Қазақстан және Қызылорда облысының жаңалықтары