<a href="https://kyzylorda-news.kz/">Kyzylorda-news.kz.</a>&nbsp; Халық арасында 2,5 пайыздық несие аталып кеткен жастарға арналған жеңілдетілген несиеге құжат қабылдау басталды. Бұл бағдарлама бойынша несие кімге, қалай, қандай тәртіппен беріледі? Осы және өзге де сұрақтарға Қызылорда облысы кәсіпкерлер палатасындағы Қаржылай емес қолдау бөлімінің бастығы Әсел Алушаева жауап берді.- Әсел Ғайдуллақызы, жауапты мемлекеттік органдар кәсіппен айналысқысы келетін жастарға арналған жеңілдетілген несиеге құжат қабылдау наурыз айында басталады деген болатын. Жұмыс басталды ма? Бұл несиені кімдер ала алады?- Жеңілдетілген несие 2,5 пайызбен жастардың кәсіпкерлік бастамаларын қолдау мақсатында беріледі. Облыста бұл бағдарлама бойынша өтінім қабылдау басталды. Құжаттарды «Аграрлық несие корпорациясы» АҚ Қызылорда облыстық филиалы жинақтап жатыр. Жеңілдетілген несиені 21-35 жас аралығындағы барлық азамат ала алады. Шектеу қойылмаған. Студент те, жұмыс істейтін, жұмыссыз жастардың да мемлекеттік бағдарламаға қатысуға мүмкіндігі бар. Ол үшін кәсіпкерлік субъектісі ретінде тіркелуі керек. Бұған дейін кәсіпкер болып тіркелгендердің мерзімі 5 жылдан аспауы қажет. Несие мал шаруашылығы үшін 7 жылға, өзге бағыттарға 5 жылға беріледі. Несие сомасы 5 млн теңгеге дейін.- Әсел Ғайдуллақызы, жас кәсіпкер несие алу үшін жүріп өтетін барлық жолды кезең-кезеңімен айтып бере аласыз ба?- Әрине. Бірінші жас кәсіпкер сенім білдірілген өкілге, яғни «Аграрлық несие корпорациясы» АҚ Қызылорда облыстық филиалына құжаттар өткізеді. Оған қандай құжаттар керек деген заңды сұрақ туындайтыны анық. Несие алуға үміткердің жеке куәлігі, несие тарихы, бизнес-жоспары, кепіл мүлкі, кепілге қойылатын мүліктің, сондай-ақ кепіл берушінің құжаттары, кепілге қойылған мүлікті бағалау есебі, екінші деңгейлі банктегі арнайы есеп-шоты керек. Ең басты талаптардың бірі – несие тарихы. Мемлекеттік бағдарламаға қатысушының соңғы 2 жылдағы несие тарихы мұқият тексеріледі. Кешіктірілген несие төлемдерінің мерзімі 180 күннен аспауы тиіс. Несие алуға үміткер осы құжаттарды жинақтап, өткізгеннен кейін «Аграрлық несие корпорациясы» АҚ Қызылорда облыстық филиалы олардың толықтығын тексереді. Егер толық болмаса кері қайтарады, дұрыс болса 15 жұмыс күнінің ішінде ұсынылған бизнес-жоспарды тексеріп, бағалайды. Одан кейін аталған ұйым ары қарай құжаттарды шағын несие беру бойынша бизнес-жобаларды қарау жөніндегі конкурстық комиссияға ұсынады. Облыстық конкурстық комиссия бизнес-жоспарды қарап, шешім қабылдайды. Жобаны қаржыландыруға шешім қабылданса тараптар келісімшартқа қол қойып, жас кәсіпкердің есеп-шотына қаржы аударылады.- Бизнес жоспар әзірлеуге көмектесе аласыздар ма? Несие алғаннан кейін бірден төлем бастала ма? Ол ісін жаңа бастаған азаматтар үшін ауыр емес пе?- Кәсіппен айналысуға ниетті кез келген азаматқа біз – Қызылорда облысының кәсіпкерлер палатасы қаржылай емес қолдау көрсетуге әзірміз. Оған не кіреді? Біріншіден жоғарыда айтқан түсіндірме жұмыстарын жүргіземіз. Ары қарай бизнес-жобасын әзірлеп береміз. Одан кейін түрлі бухгалтерлік, салықтық есептерін тапсыруға көмек көрсетіп, құқықтық құжаттарының жобасын тексеріп, әзірлейміз. Бұл қызметтердің барлығы ақысыз – тегін жүргізіледі. Ауыл азаматтарына бұл қызметті Кәсіпкерлер палатасының аудандардағы филиалы көрсетеді. Кәсіп бастаған кез келген жас, кез келген азаматқа біз қай уақытта да көмек көрсетуге дайынбыз. Ал несиені алғаннан кейінгі төлемге келетін болсақ, кәсіпкер берілген мерзімнің үштен бір уақытына каникул кезеңін алуына болады. Каникул кезеңін негізгі қарызға да, сонымен бірге үстіндегі пайыздық өсіміне де алуға болады.- Кепілге қойылатын мүлікке қандай талап қойылады? Көбіне азаматтар жылжымайтын мүлікті арзан бағалады деген секілді өкпелерін айтып жатады...- Кепілге жылжымайтын да, жылжитын да мүлік қоюға болады. Жылжитын мүлік дегенде арнайы техникаларды ғана кепілге ала алады. Жеке автокөліктерді жылжитын мүлік ретінде кепілге қоя алмайды. Ал жылжымайтын мүлікке қатысты Қызылорда қаласындағы мүлік бойынша бастапқы құнның 80 пайызы, аудан орталықтарындағы ғимараттың 70 пайызы, ауылдағы кепілдің 60 пайызы есептеледі.- Биылға Қызылорда облысына бөлінген қаржы көлемі белгілі ме? Қанша жасты қамтуға мүмкіндік бар?- Жоба 2025 жылға дейін жүзеге асырырылады. Биыл біздің облысымызға 1,3 млрд теңге бөлінді. Оған 250-ден астам жастың жобасы қаржыландырылады деп жоспарланып отыр. Келесі жылға 1 млрд 342 млн теңге, 2025 жылға 1,4 млрд теңге қаралған. Жалпы кәсіпкерлікке қатысты мемлекеттік бағдарламалар бойынша кеңес алғысы келген азаматтар Кәсіпкерлер палатасына 8 /7242/ 40-09-81 байланыс нөмірі арқылы хабарласа алады.- Сұхбатыңызға рақмет.&nbsp; &nbsp;

Қызылордада жастарға арналған жеңілдетілген несиеге құжат қабылданып жатыр

<a href="https://kyzylorda-news.kz/">Kyzylorda-news.kz.</a>&nbsp;Өмірбек Жолдасбеков атындағы халықаралық байқауда &nbsp;Қызылордадағы Зияткерлік мектептің оқушылары &nbsp;Жанайым Сәлімжанқызы қола еншілесе, Даяна Хегай грамотамен марапатталды.&nbsp;Математика және механика пәндері бойынша өткен көктемгі ғылыми жобалар байқауына Тәжікстан, Қырғызстан және Қазақстанның барлық өңірлерінен 150 оқушы қатысты. Жас ғалымдар «Математика», «Қолданбалы математика», «Механика», «Экономикадағы математикалық әдістер» секциясы бойынша 112 жоба ұсынды.&nbsp;ІІІ дәрежелі дипломға ие болған Жанайым жетекшілері Сәкен Сүлейменов пен Сәндігүл Сүлейменовамен бірге мұнай кен орындарындағы жер асты суларды егістік мақсатта пайдалану үшін кіші құдықтарды тиімді орналастыру моделін ұсынды.&nbsp;<blockquote>«Шаруашылықта бір ғана үлкен скважина қойғаннан гөрі, кіші бірнеше құдықтарды орналастыру &nbsp;әлдеқайда тиімді. Және ол техникалық қызмет көрсетуді жеңілдетеді. Құдықтардан алынған су, арнайы су қоймасында сақталып тазартылады. Біз сол әрбір скважинадан қоймаға дейінгі арақашықтықтардың қосындысы ең аз болатындай қойманы оңтайлы орналастырудың есебін қарастырдық», – дейді жүлдегер.</blockquote>Даяна мен жетекшісі Мақпал Серікбол Блокчейн технологиясы негізінде сапалы-сандық сайлау жүйесін әзірледі. Бұл жұмыстары әділқазылардың ерекше бағасын алып, грамотамен марапатталды.<figure class="image"><img src="https://knadmin.beoblood.kz/uploads/331434434_168819382647826_8994831323413443304_n_b3e33ecfeb.jpg" alt="331434434_168819382647826_8994831323413443304_n.jpg"></figure>

Сырбойылық зияткерлер халықаралық байқауда ерекшеленді

<a href="https://kyzylorda-news.kz/">Kyzylorda-news.kz.</a>&nbsp; 2023 жылғы 3 наурыздан бастап жеке тұлғалардың банкроттығы рәсіміне өтінімдер қабылдана бастады. «Қазақстан Республикасы азаматтарының төлем қабілеттілігін қалпына келтіру және банкроттығы туралы» ҚР Заңы (бұдан әрі – Банкроттық туралы заң) рәсімдердің үш түрін – соттан тыс банкроттықты, сот банкроттығын және төлем қабілеттілігін қалпына келтіруді көздейді. Бұл рәсімге қарыз алушының өзі ғана бастама жасай алады.Азаматтар eGov.kz порталында «Соттан тыс банкроттық рәсімін қолдану» мемлекеттік көрсетілетін қызмет бөлімінде және eGov Mobile, Salyq Azamat қосымшасында не жақын жердегі Халыққа қызмет көрсету орталығының бөлімшесі арқылы қағаз жеткізгіште соттан тыс банкроттықты қолдануға өтініш бере алады. Сот банкроттығын қолдану қажет болған жағдайда борышкер тұрғылықты жері бойынша сотқа өтінішпен жүгінеді. Жеке тұлғаның банкроттығы тәртібі туралы толығырақ ақпарат ҚР Қаржы министрлігінің және ҚР Қаржы министрлігі Мемлекеттік кірістер комитетінің интернет-ресурстарында жарияланған.Білгеніңіз жөн! ҚР Қаржы нарығын реттеу және дамыту агенттігі (бұдан әрі – Агенттік) оператор болып табылмайды және бұл мәселе бойынша өтінімдерді қабылдауды және азаматтарды жеке қабылдауды жүзеге асырмайды.Қарыздар мен микрокредиттерді өтеуде қиындық көріп отырған қарыз алушылардың құқықтарын қорғау мақсатында 2021 жылғы 1 қазаннан бастап банктерге және МҚҰ-ға төлемге қабілетсіз қарыз алушыға қатысты мерзімі өткен берешекті реттеудің міндетті тетігі заңнамалық түрде енгізілді. Осы тетіктің шеңберінде азаматтар қарыздарын қайта құрылымдау үшін тиісті өтінішпен кредиторға жүгіне алады. Мерзімі өткен берешекті реттеу тетігі туралы ақпарат Агенттіктің интернет-ресурсында жарияланған .Банкроттық рәсімін қолдану бойынша қосымша ақпарат алу үшін «Азаматтарға арналған үкімет» МК» КЕАҚ-тың байланыс орталығына 1414 (қосымша нөмірі 3) нөмірі арқылы не https://t.me/SalyqBot тelegram-чатына жүгінуге болады.&nbsp;

ҚНРДА жеке тұлғалардың банкроттығы рәсімі шеңберінде оператор болып табылмайды 

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасының Қаржы нарығын реттеу және дамыту агенттігі 2022 жылы жүргізген әлеуметтанушылық зерттеуге сәйкес қаржы жүйесіндегі құқық бұзушылықтардың кеңінен таралған түрі – алаяқтық.Зерттеу көрсеткендей, алаяқтардың жиі қолданатын схемалары – бұл фишингтік сайттар мен мобильдік қосымшаларда жалған хабарламалар жіберу арқылы дербес деректерді ұрлау; мобильдік құрылғыдағы жеке кабинетке кіру мақсатында азаматтарды алдаумен өздерін қаржы ұйымдарының қауіпсіздік қызметінің қызметкері ретінде көрсету.Зерттеу қорытындысы бойынша респонденттердің 55,8%-ы қаржылық алаяқтыққа, оның ішінде 34,2%- ы телефон алаяқтығына (вишинг), 32,7%-ы интернет-алаяқтыққа (фишинг) тап болғаны анықталды. Сауалнамаға қатысқандардың 21,6%-ы қаржы пирамидалары тарапынан, ал 11,5%-ы төлем карталарымен алаяқтық әрекеттердің қатысушылары болған.Қаржылық алаяқтыққа ұшырауға бейім негізгі тәуекел тобы - зейнет жасындағы адамдар. 63 жастан асқан сауалнамаға қатысқандардың 50,7%-ы алаяқтықты бірден ажырата алмаған, оның ішінде 6,3%-ы қылмыскерлерге жартылай ақпарат берген және ешқашан қылмыскер телефон соққан ұйымның деректеріне нақтыламаған.Азаматтарды алдау үшін алаяқтардың қолданатын құралдар жиыны жеткілікті. Олар әлеуетті құрбандарға телефон соғып шығу үшін қазақстандық қаржы институттарының абоненттік нөмірлерін қайталауға мүмкіндік беретін бағдарламалық қамтылымды (SIP-телефонияны) пайдаланады.Ақша қаражатын қолма-қол ақшаға айналдыру үшін алаяқтар алдына ала келісілген адамдарды тартады, олар өздерінің аңғалдығының салдарынан және оңай жолмен ақша табу мақсатында алаяқтардың айла-шарғыларына көнеді. Бұл ретте, тергеу іс-шараларын жүргізу кезінде құқық қорғау органдары бірінші кезекте осындай адамдарға шығатындарын еске саламыз. Егер сіз алаяқтарға ақша аударған болсаңыз не істеу керек?&nbsp;Ең алдымен, сізге банкке хабарласып, менеджерден ақшаны қалай қайтаруға болатынын білу керек. Егер қаражат әлі аударылып жатқан болса, онда операцияны тоқтатуға болады. Соңғы операцияны қайтару туралы өтініш жазыңыз. Банктердің қаражатты қайтаруы немесе соңғы операцияны тоқтатуы бірнеше сағаттан 60 күнге дейін жүзеге асырылады.Егер аударым іске асырылған болса, дереу құқық қорғау органдарына хабарласыңыз. Құқық қорғау органдары азаматтарды жәбірленуші деп таныған жағдайда, олар ҚР АК 9-бабына сәйкес үшінші тұлғалардың алаяқтық әрекеттері бойынша сотқа талап-арызбен жүгінуге құқылы.Сондай-ақ, банктердің техникалық төлемдері жақсы қорғалғанын есте сақтаңыз. Алаяқтар банктердің техникалық қауіпсіздігін бұзуға емес, азаматтардың сеніміне кіруге баса назар аударады. Шоттарыңыздағы барлық операцияларды бақылау үшін мобильдік банкті және SMS-хабарламаларды қосып алыңыз. Осылайша сіз алаяқтардың әрекеттеріне жылдам жауап бере аласыз — мұндайда уақытты өткізіп алмау өте маңызды.Өзіңізбен бірге алып жүретін және күнделікті шығындар үшін пайдаланатын картада көп ақша сақтамаңыз. Қажет болған жағдайда негізгі шоттан немесе депозиттен аударым жасаған дұрыс. Оның үстіне, банктердегі ішкі операциялардың көпшілігі тегін.Алаяқтар сіздің атыңызға жалған кредит ресімдеген жағдайда не істеу қажет?&nbsp;Егер сіздің дербес және төлем деректеріңіз киберқылмыскерлердің қолына түскен жағдайда, олар сіздің онлайн- немесе мобильдік банкингіңізді бұзып, алаяқтық тәсілмен кредит ресімдеулері мүмкін. Атыңызға заңсыз кредит ресімделу фактісін кредиттік тарихтың көмегімен анықтауға болады, оны тоқсанына кемінде 1 реттен кем емес үнемі тексеріп тұру қажет. Дербес кредиттік есепті Мемлекеттік кредит бюродан, Бірінші кредиттік бюродан, ХҚО-дан немесе egov.kz порталы арқылы алуға болады.Егер сіз «басқа адамның кредитінің» құрбаны болсаңыз, онда бірінші кезекте, қарыз ресімделген кредиттік ұйымның атауын біліп алыңыз, және оған өтінішпен жүгініңіз. Өтінішті сондай-ақ, құқық қорғау органына да беру қажет. Сіздің өтініштеріңіз тіркелуге тиіс, өтінішті қабылдау күні көрсетілген тіркеу нөмірі сіз өзіңізге қалдыратын өтініштің көшірмесіне де қойылуға тиіс.Кредитордан міндетті түрде ішкі қызметтік реттеу жүргізуді талап етіңіз. Сонымен қатар, кредиттік ұйым сізге шарттың көшірмелерін, оған қосымшаларды және жеке басты куәландыратын құжаттарды, сондай-ақ ақша аударылған шоттың деректемелерін ұсынуға тиіс. Сізге кредит берген және шартты ресімдеген қызметкердің деректерін нақтылау қажет.Кредиттік ұйым құжаттар ұсынудан бас тартқан жағдайда, сіз ҚР Қаржы нарығын реттеу және дамыту агенттігіне шағым бере аласыз.Егер кредиттік ұйым ақшаны сіздің жеке куәлігіңіз бойынша алаяқтардың алғанына дәлелдер таба алмаса, тұрғылықты мекенжайыңыз бойынша сотқа мәмілені жарамсыз деп тану туралы шағым-талап беру қажет. Сот шешімді сіздің пайдаңызға шығарған жағдайда, кредиттік ұйым:- сізден борышты төлеуді талап етуді тоқтатуға;- берешекті есептен шығаруға;- кредиттік бюроға сіздің кредиттік тарихыңыздан басқа адамның қарызы бойынша ақпаратты алып тастау жөнінде хат жолдауға тиіс.Өзіңізді және жақындарыңызды алаяқтардың алдауынан қалай қорғауға болады?Алаяқтардың құрбаны болмау үшін азаматтар сақтауға тиіс негізгі қауіпсіздік ережелері:Егер сізге банк қызметкерлерінен қоңырау түссе, әңгімені бірден тоқтатыңыз. Есіңізде болсын, нағыз банк қызметкері, банктердің байланыс орталықтарының операторлары ешқашан телефон арқылы жеке деректерді сұрамайды. Бұл конфиденциалды ақпарат тек алаяқтарға қажет. Егер күмәнданған болсаңыз, сізге қызмет көрсететін банктің Call-орталығына өзіңіз хабарласып біліңіз.Егер сізге өзін құқық қорғау органдарының қызметкері ретінде таныстыратын адам хабарласса, қандай жағдайда да үрейге бой алдырмаңыз. Ықтимал күдіктінің полицияның нақты қай бөлімшесінде екенін, оған қатысты қандай баптың қолданылып жатқаны, іс-әрекеттің қашан жасалғаны, адвокат көмегінің көрсетілген-көрсетілмегені және онымен қалай байланысуға болатыны туралы сұраңыз. Сондай-ақ сізге оның атынан хабарласқан ұйымның: ҚР ІІМ және аудандық полиция бөлімшесінің шұғыл желісіне өзіңіз қоңырау соғыңыз.Егер желіде қор нарығында табысқа кенелу ықтималдылығы 99%, бұрын-соңды болмаған ақша табуға мүмкіндік беретін таңғажайып платформаға қол жеткізу үшін сауалнамадан өтуді ұсынса, сенбеңіз. Өзіңіздің дербес деректеріңізді еш жерде, интернет кеңістігінде, әсіресе, фишингтік сайттарда қалдырмаңыз. Егер сіз мұны жай қызығушылықпен жасап, жалған нөмірлерді тіркесеңіз де мұның салдары болуы мүмкін.Ешқашан және ешкімге жеке деректеріңізді, банк картаңыздың деректемелерін, картаның жарамдылық мерзімін, CVC/CVV кодты (банк картасының артқы жағындағы үш санды, картаның түпнұсқалығын тексеру кодын), құпия сөзді және ақша қалдығын, жасалған операцияны растау үшін SMS-кодты: төлемді, аударымды және т.б. айтпаңыз. Интернет-банкингтегі немесе мобильді қосымшадағы жеке кабинетіңіздің паролін ешкімге айтпаңыз.Қарт туыстарыңызға алаяқтардың айла-амалдары туралы айтыңыз, қаскүнемдердің нысанына айналатындар – көбінесе солар.Өзіңізге, жақындарыңызға қамқорлық жасаңыз және қаржылық сауаттылығыңызды Fingramota.kz-пен бірге арттырыңыз!&nbsp;

Сақтықта қорлық жоқ: алаяқтардың басты айла әрекеттері  

<a href="https://kyzylorda-news.kz/">Kyzylorda-news.kz.</a> Өткен жылы ауыл орталығынан «Samruk - Kazyna Trust» корпоративтік қоры спорт кешенінің құрылысы басталған болатын. Құрылыстың жұмысын қадағалау мақсатында ауыл әкімі Ақмырзаев Мәмбетәли Сейтжапбарұлы және мердігер мекеменің жауапты мамандары, ауылдық округ әкімшілігінің мамандары ауылымыздағы құрылыс-монтаж жұмыстарының жүру барысына аралау жұмыстарын жүргізді.&nbsp;Ойын алаңдары туралы әлеуметтік желіден көп сын айтылып жатады. «Қирап қалды, сынып қалды, қайда кетті» деген сияқты. Біз жыл санап ойын алаңдарына қатты мән беріп жүрміз. Өздеріңіз білесіздер, ауылымызда 3 ойын алаңдарымен қамтылған. Сонымен қатар, «Балалар жылы» аясында демеушілердің қаражаты есебінен ауылдық округтен екі спорттық ойын алаңдарының құрылысы басталып, кіші футбол алаңы мен тренажерлық құрылғылары орнатылып, 1 спорт ойын алаңы пайдалануға берілді, екіншісінің құрылыс жұмыстары жүргізілуде.<blockquote>«Бірінші кезекте сапаға мән беріп, құрылыс жұмыстарын уақытылы аяқтау маңызды. Барлық жұмыстарды абыроймен жұмыс істеп, тездетіп бітіру керек. Күнделікті өзім қадағалап, бақылауда ұстаймын. Материал да жұмыс та сапалы болсын», – деп нықтап тапсырды ауыл әкімі.</blockquote>Жасөспірімдер қамы үшін салынып жатқан кешеннің жалпы құны 239 млн. теңге құрайды. Мұнда ауыл балалары спорттың барлық түрлерін ойнай алады. Спорттық кешен келісім-шарт бойынша тамыз-қыркүйек айларында аяқталады. Дегенмен мердігер мекеме басшылары құрылыс жұмыстарын екі ай көлемінде бітіріп, ел игілігіне пайдалануға беруді жоспарлап отыр.

Ауыл тарихындағы алғашқы спорт кешені

<a href="https://kyzylorda-news.kz/">Kyzylorda-news.kz.</a> Өңірде жеке кәсіпкерлік қанатын кеңге жайып келеді. Уақыт озған сайын заман талабына сай кәсіп түрлері көбейді. Әсіресе, кәсіп бастауға ынталылардың өнім өндіруге ықыласы ерекше екені көңіл қуантады. Бұл да болса нарықта өзіміздің өнім қатарын көбейтетіні сөзсіз. Бүгінде кәсіп ашсам дейтін жандардың қатары аз емес. Бұл еліміздегі кәсіпкерлік саласына жасалағн қамқорлықтың нәтижесі. Шынында, кәсіп бастағанға да, кәсібін дөңгелеткен кәсіпкерге де мемлекет тарапынан қолдау көп. Кәсіпті демейтін түрлі бағдарламалар мен қайтарымсыз қаржылай қолдаудың нәтижесінде кәсіп түрі де көбейді. Тіпті, қайтарымсыз қаржы алып тігін цехын ашқан, сұлулық салонын кеңейткен, сабын шығарып, етік тіккен де, жылыжай жұмысын жүргізгендер де, құрылысқа қажетті материалдар шығаруды қолға алғандар да, кондитерлік цех қатарын көбейткендер де аз емес. Мұның барлығы кәсіпті қолдаудың нәтижесі екені сөзсіз.Ал енді сөз еткелі отырған кәсіп тіпті ерекше. Қызылорда қаласының тұрғыны Мақпал Төлепбергенова ешкім бастамаған ерекше кәсіпті қолға алып, бұл іске білек сыбана кірісіпті. Алғаш естігін кезде тосырқап қалатынымыз жасырын емес. Себебі саңырауқұлақ дегенге қазақ соншалықты құмарта бермейтіні белгілі. Дегенмен бүгінде саңырауқұлақтан жасалған салаттан ешкім де бас тартпайтыны белгілі. Мейрамханалар саңырауқұлақтан әзірленетін тағам даярлау үшін бұл сұранысқа ие. Ал бұл бізге сырттан келетіні белгілі. Демек жаңа кәсіп бастаған Мақпалдың бұл кәсібі оның ерлігі десек те артық айтқандық емес. Сонымен, қызылордалық Мақпалдың саңырауқұлақ өсіру кәсібін қалай қолға алғанын баяндайық. Отыз үш жастағы Мақпал Төлепбергенова биыл көктемде бір ерекше кәсіп ашты. Бұл кәсіпті қолға алу үшін бір жыл бойы ойланып, ізденген кәсіпкер уақыты келгенде бастап та кетіпті. Ағасымен бірге жоспар құрып, «Бизнестің жол картасы-2025» бағдарламасы аясындағы байқауға қатысып, жобасын қорғап қол жеткізген грант қаржысына саңырауқұлақ өсіретін ферма ашты.Бүгінде фермада төрт адам жұмыс істейді. Саңырауқұлақ фермасының ауданы – 250 шаршы метр. Ол субстратталған екі камерадан тұрады. Кәсіпкердің айтуынша, шампиньон өсіру ұзақ уақытты қажет етеді. Саңырауқұлақтардың пісуінің әр кезеңіне қажетті ылғал деңгейін сақтай отырып, бөлме температурасынан ауытқымау өте маңызды.Қазір Мақпал екі айда 6 тоннаға дейін сапалы өнім жинайды. Өнімді сақтау үшін арнайы тоңазытқыш камералар сатып алған. Алдымен жергілікті мейрамханалар кәсіпкердің тұрақты тұтынушысына айналды, содан кейін шампиньонның пайдалы қасиеті жайлы білетін тұрақты тұтынушылар қатары да көбейе бастады.Саңырауқұлақ бизнесімен айналыспас бұрын біздің кейіпкеріміз олардың барлық пайдалы қасиеттерін зерттеді.&nbsp;<blockquote>«Шампиньон – өте құнды, төмен калориялы өнім, оның құрамында ақуыз мен темір көп. Сондықтан олар вегетариандар үшін өте қажет және диета ұстайтын, анемия, қант диабетімен ауыратын адамдар үшін пайдалы»,- дейді Мақпал Төлепбергенова.</blockquote>Саңырауқұлақтардың көптеген түрлері адамның иммундық жүйесін нығайтады.Саңырауқұлақтар негізінде судан тұрады (көкөністердің құрамында қанша су болса, оның құрамында сонша су бар), сондықтан олар төмен калориялы. Саңырауқұлақтар дене массасын азайтуды қалайтын адамдар үшін жақсы. Саңырауқұлақтар өздері өсетін топырақтың минералдарға бай болуына не болмауына байланысты, бізге минералдық тұздардың шамалы мөлшерін береді. Сонымен қоса, олардың құрамында каротин түріндегі A дәрумені, сондай-ақ елеулі мөлшерде B1, B2 дәрумендері бар. Қалған дәрумендер аз мөлшерде болады. Саңырауқұлақтардағы микроэлементтердің арасында калий, фосфор, кальций және темір басым болады, олар негізінде қатпарлы табақшаларда және түтіктерде болады. Сондай-ақ саңырауқұлақтар нәруыздың көзі, ол саңырауқұлақтардың ауыр қорытылуынан тек 60%-ға сіңіріледі. Сүт өнімдеріндегі, еттегі және жұмыртқадағы нәруыздың құрамына қарағанда, саңырауқұлақтардағы нәруыздың құрамының құндылығы төмен, бірақ сәбіздегіге қарағанда жоғары болады.Саңырауқұлақтарды тоңазытқышта ұзақ уақыт сақтау мүмкін емес, өйткені ол тез бұзылатын өнім. Сондықтан қауіпсіздік үшін фермаларда өсірілген шампиньондарды сатып алған дұрыс. Жиналған өнімді ұзақ сақтау үшін Мақпал саңырауқұлақ кептіретін арнайы жабдық сатып алды. &nbsp;Ерекше кәсіпті жүргізуде қиындықтар да аз емес. Соған қарамастан кәсіпкер болашаққа жоспар құруда. Еңсе тіктеп алған соң ол «Даму» Қорының қолдауымен саңырауқұлақ өсіруге арналған топырақ шығаратын цех ашуды жоспарлап отыр.

Саңырауқұлақ өсіріп, кәсіп ашқан Мақпал

<a href="https://kyzylorda-news.kz/">Kyzylorda-news.kz.</a>&nbsp;Белкөл кентінде теміржолдың екі бетін байланыстыратын жаяу жүргіншілер көпірі пайдалануға берілді.​Ел игілігіне арналған көпірдің ашылу салтанатында Қызылорда қаласының әкімі Асылбек Шәменов кент тұрғындарын құттықтады.<blockquote>«Бұл көпір халықтың көптен бергі сұранысы бойынша салынып, тұрғындардың теміржолдан өту қауіпсіздігін қамтамасыз етуге мүмкіндік береді.Көпір құрылысы өткен жылы басталды. Құрылыс жұмыстарын сапалы әрі мерзімінде жүргізгені үшін мердігер мекеме «Голден сити» жауапкершілігі шектеулі серіктестігінің қызметкерлеріне алғысымды білдіремін. Ұлт даналығында «құдық қазған, көпір салған және ағаш еккен» деген үш сауап бар. Бүгінде біз сол сауаптың ең күрделісі және маңыздысын орындадық. Мұны адам тағдырына жауаптылық, қолайлы мүмкіндік жолы деп есептеймін», - деді қала әкімі.</blockquote>Бірнеше жылдан бері көтеріліп келген мәселеге нүкте қойылып, қолайлы жағдай жасалғанына белкөлдіктер ризашылықтарын білдіріп, ел азаматтарына ақ батасын берді.Айта кету керек, қазіргі таңда аймақ басшысының қолдауымен қала көлемінде жол инфрақұрылымын дамыту мақсатында ауқымды жұмыстар атқарылуда.Биыл қала мен оған қарасты кент және ауылдық округтер бойынша жалпы сомасы 10 млрд. теңгеге 231 көше жөнделеді. 19 көшеге жаяу жүргіншілер жолы салынады. &nbsp;Ол үшін облыстық бюджеттен 690 млн. теңге бөлінді. Сонымен қатар, Ғани Мұратбаев және Яссауи көшелерінің қиылысындағы теміржол арқылы өтетін жаяу жүргіншілер көпірі құрылысына Ұлттық қор және облыстық бюджеттен 320,6 млн. теңге бөлініп, алдағы айларда құрылыс-монтаж жұмыстары бастау алады.Жанқожа батыр көшесі арқылы өтетін темір жол өтпесін салуға жоба-сметалық құжаттамасын сараптама қорытындысымен әзірлеуге облыстық бюджеттен 51,2 млн. теңге бөлініп, құжаттары рәсімделуде.Бәйтерек тұрғын ауданына «Қызылжарма» каналы арқылы көпір құрылысы да қарқынды жүргізілуде.<figure class="image"><img src="https://knadmin.beoblood.kz/uploads/334978497_702984568278074_1124285800908876398_n_2c5c41984a.jpg" alt="334978497_702984568278074_1124285800908876398_n.jpg"></figure><figure class="image"><img src="https://knadmin.beoblood.kz/uploads/334952566_923751958745156_427004683732434124_n_9c3cdedb89.jpg" alt="334952566_923751958745156_427004683732434124_n.jpg"></figure>

Қызылордада жаңа көпір ел игілігіне берілді

<a href="https://kyzylorda-news.kz/">Kyzylorda-news.kz.</a> «Amanat» партиясының атынан Парламент Мәжілісінің депутаттығына кандидат Мақсат Толықбай бастаған үгіт-насихат тобы Шымкент қаласында сайлаушылармен бірқатар кездесу өткізді. Олар теннис орталығында қаланың белгілі спортшыларымен, бапкерлерімен жүздесіп, партияның спорт және дене шынықтыруды дамыту бағытында атқаратын жұмысын талқылады.Партия алдағы 5 жылда Шымкент қаласында бұқаралық спортпен айналысатын тұрғындардың үлесін 50 пайызға дейін жеткізуді көздеп отыр. 2023-2027 жылдары Шымкентте 100 ашық спорт алаңын салуға ықпал етеді. Бұған қоса, Шымкентте жаңа ипподром ашылып, Металлургтер спорт кешені қайта жаңғыртудан кейін пайдалануға беріледі. Ал 2026 жылға қарай Қажымұқан атындағы орталық стадионды жаңарту жоспарланып отыр.Бұдан кейін республикалық сайлауалды штаб­тың мүшелері Шымкент қалалық жұмыспен қамту орталығында болды. Онда аманаттықтар партияның халықты тұрақты жұмыс және лайықты табыспен қамту бағытындағы жоспарымен бөлісті. Мақсат Толықбайдың айтуынша, партия әлеуметтік ма­ңызды кәсіп иесі – мәдениет саласының маманы, кітап­ханашы, төтенше жағдай, табиғатты қорғау, орман және балық шаруашылығы қызметкерлерінің жалақысын арттыруға ықпал етеді. Үкіметтің 2027 жылға дейін медицина қызметкерлерінің орташа жалақысын екі есе арттыруын қамтамасыз ету де көзделіп отыр. Технологиялық кәсіпкерлікті дамыту арқылы экономикадағы жоғары еңбекақы төленетін жұмыс орындарының үлесін арттыру, сондай-ақ, дербес жұмыскерлер – такси жүргізушісі, делдал, фрилансерлердің ең­бек құқығы мен мүддесін қорғауға баса назар аударылмақ.Сондай-ақ штаб мүшелері Шымкент қаласын­да белсенді жастармен кездесіп, «Жастар рухы» жастар қанаты мүшелерімен бірге «Есіктен есікке» акциясына қатысты. Сонымен бірге қала­дағы «Барыс» базарында сауда саласының қыз­меткерлерімен және өзін-өзі жұмыспен қамтыған жастармен экспромт-кездесу өтті.Кандидат алдағы сайлау Мемлекет басшысы Қасым-Жомарт Тоқаевтың бастамасымен іске асып жатқан ауқымды саяси реформалардың лайықты жалғасы екенін атап өтті.

Реформалардың лайықты жалғасы

<a href="https://kyzylorda-news.kz/">Kyzylorda-news.kz.</a> «Ауыл» партиясынан Парламент Мәжілісіне кандидат Серік Егізбаев, Ерболат Саурықов, Болатбек Қыстауов, Ілияс Досқожаев және жергілікті жердегі мәслихатқа кандидаттар Ақтөбе облысына барды. Олар «Айбек» ауыл шаруашылығы кооперативі мен «Новоальжан ұн комбинаты» ұжымымен кездесті.2008 жылы құрылған «Айбек» ауыл шаруашылығы кооперативі кешенді жұмыс істейді. Кәсіпорын құрамында мал өсіру, бор­дақылау, сою, ет комбинаты, ет бұқтыру, қал­бырлау зауыты бар. Ет бағытындағы малды 4 шаруашылық өсірсе, бордақылау алаңында жылына 600 басқа дейін ірі қара бордақыланып, сойылады. Ет бұқтыру зауытында оны қалбырлаумен қатар, тұшпара тәрізді жартылай фабрикаттың 6-7 түрі шығарылады. Аталған зауыттың өз мүмкіндігі тәулігіне 48 мың банкі шығаруына шикізаттың аздығы қолбайлау болып тұр. Кәсіпорын бүгінде 80-ге жуық адамды жұмыспен қамтып отыр.<blockquote>«Ауыл шаруашылығының үлкен көлемдегі аумағы еліміздің батыс өңірінде. Бірақ олар шашыраңқы орналасқандықтан өнімдерін өңдеу орындарына жеткізу өте қиын. Еліміз ауыл шаруашылығы өнімі шикізатын өңдеуді әлі толық иегере алмай жатқанының бір себебі осы. Әр аудан­да кем дегенде бір өңдеу мекемесі болу керек. «Ауыл» партиясының мақсаты шаруашылық өнімдерін өңдеп, сауда-саттық орындарына делдалсыз жеткізу. Ол дегеніміз – қосымша пайда. Өнім шикізат күйінде сатылса ол болмайды. Қайта өңдеу кәсіпорындары сол үшін керек. «Ауыл» партиясының мақсаты – осы саланың тамырына қан жүгірту. Қайта өңдеу мекемелерін мемлекет тарапынан қолдау деңгейі сұранысқа сай емес. Олар ойдағыдай жұмыс істеп, нәтиже көрсетуі үшін мемлекет оған аямай қаржы салып, көп көлемде инвестиция құю қажет. Бәрін бизнес өкілдерінің мойнына артып, қарап отыруға болмайды. Мемлекет қолдау тетіктерін жетілдіріп, қайта өңдеу мекемелерін қамтамасыз етуге тиіс. Сол кезде ғана экономикалық тиімділік болады. Қайта өңдеуші кәсіпорындарды қол­дап, олардың өнімдерінің шетелге саудалануы­на жағдай жасау керек. Шетелге шыққан тауар валюта әкеледі. Валюта көбейген сайын кәсіпорынның да әлеуеті артып, қосымша жұмыс орнын ашады», деді Ерболат Саурықов.</blockquote>

 Ерболат Саурықов: Валюта көбейген сайын кәсіпорынның да әлеуеті артып, қосымша жұмыс орнын ашады

<a href="https://kyzylorda-news.kz/">Kyzylorda-news.kz.</a> «Respublica» партиясының көшбасшылары мен кандидаттары Павлодарға барды. Аймақтағы халықпен өткен ауқымды кездесуге 3 мыңнан аса адам қатысты.Кездесу бейресми түрде өтті, партия мүшелеріне кез келген адамның сұрақ қоюына мүмкіндік берілді. Мәселен, Павлодар қаласы тұрғындарының бірі экология тақырыбына қатысты сауал қойды.«Біз партия қызметкерлерінің қағаздарды, парақшаларды таратып, плакаттар мен билбордтарды қалай іліп жатқанын көріп жүрміз. Оны басып шығару үшін қанша қағаз жұмсалды, қанша ағаш жойылды? Қанша өндірілген оттегіні жоғалтамыз? Табиғатқа келтірілген залалды қалай өтейсіздер?», деді ол.Оның сауалына партия төрағасы Айдарбек Қожаназаров: «Біздің партия экологияға байыппен қарайды, біз де сіздей жағдайды бастан кешіріп жатырмыз. Дегенмен біз тек сайлау кезінде немесе одан кейін ғана емес, табиғатқа әрдайым қамқор­лық танытатынымызды баса айтқым келеді», деп жа­уап берді.Партиялықтарға қойылған тағы бір сауал мүмкіндігі шектеулі жандардың жағдайына қатысты болды.<blockquote>«Мысалы, аяқ-қолынан айырылған адамдар жыл сайын мүгедектігін растауға мәжбүр. Әр жолы комиссия алдына барып, қолдары мен аяқтары жоқ екенін дәлелдейді. Павлодар – сырқат деңгейі жоғары өңір, қалада «химиямен» тыныс­таймыз. Неліктен біз басқа мәселелермен қатар, ауру екенімізді дәлелдеуіміз керек? Бұл мәселе қашан шешімін табады?», деп сұрады жиынға келген қала тұрғындарының бірі. Бұл сауалға ауылдардың бірінде ерекше балаларға арналған оңалту орталығын ашқан әлеуметтік кәсіпкер, Мәжіліс депутаттығына кандидат Динара Наумова жауап берді.«Мен де церебралды сал ауруымен ауырамын, сон­дықтан сіздің шағымыңызды жақсы түсінемін. Мен де жыл сайын осы комиссиялардан өтіп жүрмін, тағы өтемін. Бала кезімде өзіме де сол сұрақты қойып, әжемнен «Аяқ-қолынан айырылған адамдар мүгедектер арбасында отырып, жаңа аяғы өспегенін растауы керек пе?» деп сұрайтынмын. Сайлауалды бағдарламамызда қоғамдағы инклюзивтілікті дамытуға үлкен көңіл бөлдік. Бұл елдегі мүмкіндігі шектеулі жандардың жағдайын өзгерткіміз келетінін білдіреді. Оның ішінде қажетсіз және пайдасыз процедуралардан құтылу да бар», деді Динара Наумова.</blockquote>

Мүмкіндігі шектеулілерді қолдайды

<a href="https://kyzylorda-news.kz/">Kyzylorda-news.kz.</a> Қазақстан Халық партиясының төрағасы Ермұхамет Ертісбаев аймақтардағы сайлауалды үгіт-насихат жұмысын жалғастырып жатыр. Жуырда партия төрағасы Павлодар облысының сайлау­шыларымен кездесті.Е.Ертісбаев Павлодардағы&nbsp; «УПНК-ПВ» ЖШС еңбек ұжымымен кездесіп, партияның сайлауалды бағдарламасын таныстырды. Зауыт күйдірілген мұнай коксын өндірумен айналысады және экспортқа өнім жөнелтеді. Партия төрағасы зауыт жұмысшыларына Қазақстан Халық партиясының сайлауалды бағдарламасында социал-демократиялық бағытқа басымдық берілгенін баяндады. «Әлеуметтік әділеттілік идеясы халық арасында өміршеңдігін сақтап тұр, оны жүзеге асыратын уақыт келді», деді ҚХП төрағасы.Халық партиясы демократияны, мемлекеттік бас­қару мен басқа да жетекші салалардағы реформалар­ды, тегін медицина мен білім беруді, тұрғын үй бағ­дар­ламасын жүзеге асыруды, аймақтарды дамы­ту­ды, олигархиямен күресуді, күшті мемлекет қа­лып­­тастыруды жақтайды. Орта тап пен елдің барлық аза­матының өмір сүру деңгейін көтеруді қолдайды.<blockquote>«Еңбек заңнамасын түбегейлі өзгерту керек, – деді Ермұхамет Ертісбаев. – Кодекс жұмыс берушілердің ғана емес, қызметкерлердің де құқығын қорғауы керек. Сонымен қатар біздің партия ауыр және қауіпті өндірістерде жұмыс істейтіндердің зейнет жасын төмендетуді жақтайды.Бұдан соң партия төрағасы сайлауалды үгіт-насихат жұмысы аясында қалалық Мәдениет сара­йында халықпен кездесті. Іс-шара барысында ҚХП төрағасы қала тұрғындарына партияның сайлауалды бағдарламасын қысқаша таныстырып, сайлау­шылармен пікір алмасты. Үгіт-насихат жұмысы сұрақ-жауап форматында өтті.Ал Парламент Мәжілісі депутаттығына кандидат, ҚХП Жетісу облыстық филиалының төраға­сы Қахарман Жақсылық «Талдықорған облыс­­тық әйелдерді қолдау орталығы» қоғамдық бірлес­­тігінің ұжымына сайлауалды үгіт-насихат жұмы­сын жүргіз­ді. Ол Халық партиясы әйелдердің 58 жас­тан зейнет­ке шығу қозғалысын қолдағанын, нәти­жесін­де 61 жастан зейнетке шығуға 5 жыл мора­торий жарияланғанын атап өтті. «Халық пар­тия­сының сайлауалды бағдарламасында көп­балалы аналарға, толық емес отбасы мен мүм­кіндігі шектеулі баласы бар аналарға қолдау көр­сетуге басымдық берілген», деді Қ.Жақсылық.</blockquote>

Аймақ дамуына – айрықша назар

<a href="https://kyzylorda-news.kz/">Kyzylorda-news.kz.</a> «Байтақ» жасылдар партиясының Жамбыл облыстық сайлауалды штабы 18 ақпанда құрылып, қазіргі уақытта өз жұмысын жүргізіп келеді. Бүгінде депутаттыққа кандидаттар 10 аудан бойынша үгіт-насихат жұмыстарын жалғастырып жатыр.Жуырда Партиядан Мәжіліске кандидат Сапар Абдрахметов облыстық, қалалық мәслихат депутаттығына кандидаттармен бірге «Жамбыл-су» МКК ұжымымен үгіт-насихат кездесуін өткізді. Үміткерлер партияның мақсат-міндеттеріне тоқталып, Жамбыл облысындағы экология мәселесінің маңыздылығы жайында айтты. Қала тұрғындарының тұрмыс жағдайын жақсарту мәселесі талқыланды.Соңғы бірнеше жылда еліміз экологиялық мәселелермен, соның ішінде ауаның ластануы, өндірістік және тұрмыстық қалдықтар, су тапшылығы, радиоактивті ластану және басқа да өзекті мәселелермен бетпе-бет келді. Атап айтқанда, Жамбыл облысының орталығы – Тараз қаласындағы кәріз жүйелерінің суы мен шайынды суларын сүзу алаңдарының тазарту қондырғылары көп уақыттан бері жаңартылмағандықтан, экологиялық апат қаупін төндіріп отыр. Шайынды су, қала іргесіндегі Жамбыл ауданының аумағына, атап айтқанда, Жамбыл, Қостөбе елді мекендеріне жайыла бастады. Соның салдарынан жерасты сулары, ауыз су да ластанып отыр. Тараз қаласының кәріз жүйелерінен шыққан лас су мен өндіріс, өнеркәсіп қажетіне пайдаланылған шайынды су кез келген уақытта төтенше жағдайға ұшыратуы ғажап емес.Ал «Байтақ» жасылдар партиясының белсен­ділері Шымкентте тігін фабрикасына атбасын бұрды. Қаладағы сайлауалды штаб өкілдері еңбек ұжымымен кездесіп, саяси құрылым тұғыр­намасының негізгі бағыттарын таныстырды. Елде жүргізіліп жатқан саяси және экономикалық реформалар төңірегінде ой өрбітіп, алдағы науқан­ның маңыздылығы туралы пікір алмасты.Сонымен қатар байтақтықтар қоршаған орта мен экологиялық мәселелерге қатысты жұмыс­шы­лардың пікір-ұсыныстарын тыңдап, сауалдары­на жауап берді. Партия өкілдері кәсіпорын жұмы­сымен де танысты. Тігін фабрикасы 2013 жылы ашылған. Қазір мұнда 70 адам еңбек етеді. Фабрика тапсырыс арқылы арнайы киімдер тігеді. Айта кетейік, партияның республикалық және өңірлік штабтары кестеге сай жұмыс істеп жатыр.&nbsp;

Қазақстан және Қызылорда облысының жаңалықтары