<a href="https://kyzylorda-news.kz/">Kyzylorda-news.kz.</a> ҚР аумағы бойынша циклон жырасы мен атмосфералық фронттардың ықпалында болады, соған байланысты қар жауады, батыста, шығыста, оңтүстік өңірінде – жауын-шашын (жаңбыр, қар) жауады, деп хабарлайды Қазгидромет.&nbsp;Республика бойынша екпінді жел күшейеді, еліміздің басым бөлігінде көктайғақ, бұрқасын, ҚР батысында, оңтүстігінде, оңтүстік-шығысында тұман түседі.&nbsp;

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> 2023 жылдың 1 қаңтарынан бастап айлық есептік көрсеткіштің (АЕК) 3450 теңгеге өсуіне байланысты жүргізушілер жол қозғалысы ережесін бұзғаны үшін көбірек төлейді, деп хабарлайды <a href="https://adyrna.kz/post/143129">«Адырна» ұлттық порталы</a>.Жаңа жылдан бастап Қазақстанда жол қозғалысы ережесін бұзғаны үшін салынатын айыппұлдың жаңа мөлшері күшіне енді.Айыппұл көлемінің артуына АЕК мөлшері әсер етті – қаңтар айынан бастап ол 3450 теңге болып бекітілді.Енді ең төменгі айыппұл мөлшері 6 900 теңге (2 АЕК) болады. Бұл зиянды заттар шығару немесе шу деңгейін көтерген көлік иелеріне ғана емес, сонымен қатар рұқсат етілмеген жерден немесе бағдаршамның тыйым салынған түсіне өткен жаяу жүргіншілерге де қатысты.Ең ірі 172 500 теңге (50 АЕК) көлеміндегі айыппұл жүргізуші куәлігінсіз рөлге отырған және жол апаты болған жерден қашып кеткен жүргізушілерге салынады.Сонымен қатар, көлікті сақтандырмағаны, жылдамдықты асырғаны, апатты жағдай тудырғаны және құжатсыз көлік жүргізгені үшін салынатын айыппұлдар да өсті. Олардың көлемі 17 жарым мыңнан 70 мың теңгеге дейін барады.

Жол қозғалысы ережесін бұзғаны үшін салынатын айыппұлдың мөлшері өсті

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев бірқатар заңға қол қойды. Олар қазақы ит тұқымдарын сақтау және өсімін молайту, қылмыстық және қылмыстық-процестік кодекстеріне экологиялық құқық бұзушылықтар және вандализм көріністері үшін жауаптылықты күшейту және сыбайлас жемқорлыққа қарсы іс-қимыл және мемлекеттік қорғауға жататын адамдардың қауіпсіздігін қамтамасыз етуге қатысты, деп хабарлайды <a href="https://exk.kz/kk/news/151513/priezidient-kazaky-it-tukymdaryn-saktauga-katysty-zanga-kol-koidy">Экспресс К</a>.&nbsp;Бұл туралы<a href="https://akorda.kz/kz/events"> Ақорда </a>хабарлады. Қазақи ит тұқымдарын сақтау құжатында қазақы тазы және төбетті сақтау саласындағы қызметті жүзеге асырудың құқықтық, ұйымдастырушылық және экономикалық негіздерін белгілеу мақсаты көзделеді. Яғни қазақы ит тұқымдарының сақталуын қамтамасыз ету жүйесіне жауапты мемлекеттік органдар мен ұйымдар айқындалады. Онда уәкілетті органның құзыретіне қазақы ит тұқымдарының есебін жүргізу, мониторингін жүзеге асыру және қазақы ит тұқымдарының стандарттарын бекіту сияқты функциялар жатқызылады.Сондай-ақ заң аясында қазақы ит тұқымдарының ұлттық орталығын құру, әрі қазақы ит тұқымдарын сақтау және көбейту саласындағы қызметті қаржыландыру көзделеді.Ал сыбайлас жемқорлыққа қарсы іс-қимыл аясында қол қойылған заң шеңберінде кірісі мен шығысы сәйкес келмейтін шенеуніктер мәселесі қозғалған. Яғни құжатта 2027 жылдан бастап мемлекеттік қызметкерлердің декларациялардағы кірістері мен шығыстарындағы алшақтық тексеріледі. Егер кірісі мен шығысы сәйкес келмейтін болса, онда айыппұл төлеп, жұмыстан қуылатыны жазылған. &nbsp;

Президент Қасым-Жомарт Тоқаев бірқатар заңға қол қойды

<a href="https://kyzylorda-news.kz/">Kyzylorda-news.kz.</a> Ел Үкіметі Қазақстанда жаңа шетелдік тасымалдаушыларды тартуға мүмкіндік беретін «ашық аспан» саясаты жалғасатынын мәлімдеді, деп хабарлайды <a href="https://exk.kz/kk/news/151458/2023-zhyly-kazakstanda-zhana-uie-rieistieri-iskie-kosylady">Экспресс К</a>.Осылайша елімізде әлемдік қаржы орталықтарымен тікелей әуе қатынастарын ашу жалғасады. Атап айтқанда Астанадан Дохаға, Ақтау мен Шымкенттен Анкараға, Алматы мен Ақтаудан Мединаға, көктемгі-жазғы навигация кезеңінде: Астанадан Бакуге және Шымкенттен Душанбеге рейстер ашылады деп күтілуде.Сондай-ақ Астана, Алматы, Ақтау, Түркістан және Атыраудан Ыстамбұлға, Астана мен Алматыдан Антальяға, Алматыдан Баку, Тбилиси, Пхукет және Малеге рейстерді ұлғайту жоспарланған.Сонымен қатар Астана — Бішкек, Ақтау — Ереван, Алматы — Самарқан, Шымкент — Кутаиси бағыттары бойынша рейстер қайта ұша бастайды деп күтілуде. Ал Air Asia Х малайзиялық лоукост-әуекомпаниясы көктемгі-жазғы навигация кезеңінде Куала-Лумпурдан Алматыға, ал Thai Air Asia әуекомпаниясы Бангкоктан Алматыға ұшуды жоспарлап отыр.Бұдан бөлек Qeshm AIR әуекомпаниясы «ауа еркіндігінің» 5 дәрежесін пайдалана отырып, Алматы — Токио бағыты бойынша ұшуларды орындамақ. Ал Air Astana әуекомпаниясы орта мерзімді перспективада Алматы — Тель-Авив бағыты бойынша Израильге аптасына екі рет тұрақты рейс орындау мәселесін қарастырып жатыр.Осы тұста Қазақстанда рейсін кешіктірген әуе компанияларына 21,4 миллион теңге айыппұл салынғанын еске сала кетейік. &nbsp;

Қазақстанда жаңа әуе рейстері іске қосылады

<a href="https://kyzylorda-news.kz/">Kyzylorda-news.kz.</a> 30 және одан да көп жыл педагогикалық өтілі бар педагогтер Ұлттық біліктілік тестілеуін (ҰБТ) тапсырудан босатылып, тек қызмет нәтижелерінің жан-жақты аналитикалық қорытындысын, яғни портфолионы ғана тапсырады, деп хабарлайды <a href="https://el.kz/enbek-otili-30-zhyldan-asqan-pedagogtar-biliktilik-testileuden-bosatyldy_60274/">El.kz</a>.Сондай-ақ ескі жүйе бойынша «бірінші», «жоғары» санаттары бар мұғалімдер жұмыс нәтижелерін жан-жақты қорытындылау арқылы «педагог-модератор» біліктілік санатына ауысса, онда ҰБТ-дан босатылады.Сонымен қатар зейнет жасына шығуға төрт жылдан аспайтын уақыт қалған мұғалімдер аттестациядан босатылады.<blockquote>«Оқу-ағарту министрлігі мұғалімдердің аттестациядан өту ережесіне өзгерістер енгізді. Бұл ретте педагогтердің ұсыныстары мен тілектері ескерілді. Мысалы, бұрын еңбек өтіліне және тәжірибесіне қарамастан барлық мұғалім ҰБТ тапсырса, енді жекелеген санаттар ҰБТ-дан босатылады. Бұл үлкен, 30 жыл педагогикалық өтілі бар, зейнетке шығуға 4 жыл қалған мұғалімдерге де қатысты. Аттестация мұғалімдердің біліктілік деңгейін анықтау мақсатында өткізілетінін, оның нәтижелері бойынша оларға біліктілік санаттары тағайындалатынын немесе бекітілгенін және жалақының 30-дан 50%-ға дейінгі мөлшерінде ай сайынғы үстемеақы төленетінін атап өтемін», - деді Оқу-ағарту министрлігінің Орта білім комитеті төрағасы Гүлмира Каримова.</blockquote>Аттестациядан өту кезеңдері де қайта қаралды. Бірінші кезеңде мұғалімдер білім беруді ұйымдастыру барысында біліктілік бағалаудан өтеді. Одан кейін өз қызметінің нәтижелерінің жан-жақты аналитикалық қорытындысын тапсырады, яғни олар портфолиосын сараптамаға ұсынады. Келесі кезең – Ұлттық біліктілік тесті.&nbsp; &nbsp;

Зейнетке төрт жыл уақыт қалған педагогтер аттестациядан босатылады

<a href="https://kyzylorda-news.kz/">Kyzylorda-news.kz.</a> Ауа райының нашарлауына байланысты Қазақстанның төрт облысында тас жолдар жабылды. Бұған қалың қар, боран және жолдың анық көрінбеуі себеп, деп хабарлайды <a href="https://el.kz/qazaqstannyn-tort-oblysynda-tas-zholdar-zhabyldy_60281/">Экспресс К</a>.QazAvtoJol ұлттық компаниясы баспасөз қызметінің мәліметінше, Ақмола, Ақтөбе, Қостанай және Қызылорда облыстарында қалың қар жауып, боран соғып, жолдың көрінуінің шектелуіне байланысты республикалық маңызы бар жолдар жабылды.Жабылған жолдар:Жезқазған — Петропавл, 377-595 шақырым (Қостанай облысының шекарасы — Солтүстік Қазақстан облысының шекарасы)Жақсы — Есіл — Бұзулык, 0-82 шақырым (Жақсы елді мекені — Бұзулық елді мекені)Екатеринбург — Алматы, 917-1003 шақырым (Жақсы елді мекені — Атбасар қаласы)Екатеринбург — Алматы, 1003-1247 шақырым (Атбасар қ. — Астана қ.)Көкшетау — Атбасар, 0-184 шақырым (Көкшетау қ. — Атбасар қ.)Ақтөбе облысында Самара-Шымкент тас жолының Белогорка ауылынан Қызылорда облысының шекарасына дейінгі учаскесі жабылды. Қарабұтақ-Комсомол-Денисовка-Рудный-Қостанай тас жолының Қарабұтақ ауылынан Қостанай облысының шекарасына дейінгі бөлігі де жабылды.Қарабұтақ — Комсомол — Денисовка — Рудный — Қостанай (Ақтөбе облысы шекарасының учаскесі — Рудный қаласы)Денисовка — Жітіқара — Мықтыкөл (Денисовка ауылының учаскесі — Ресей шекарасы)Қостанай — Әулиекөл — Сұрған (Тобыл қаласының учаскесі — Ақмола облысының шекарасы)Сондай-ақ Қызылорда облысында Самара-Шымкент тас жолының Ақтөбе облысының шекарасынан Арал қаласына дейінгі бөлігінде көлік қозғалысы шектелді.QazAvtoJol жолдарда төтенше оқиға болған жағдайда 1403 қысқа нөміріне хабарласуды сұрайды.

Республикалық маңызы бар автожолдар жабылды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-ның мәліметінше, 3 қаңтарда ел аумағында қар, батыс пен оңтүстік өңірлерде жауын-шашын жауады. Елдің басым бөлігінде тұман, көктайғақ, желдің күшеюі, бұрқасын соғады.Қызылорда облысының басым бөлігінде түнде жауын-шашын (қар, жаңбыр) жауады. Облыстың орталығында тұман түсіп, көктайғақ болады. Қызылордада кей уақытта жауын-шашын болады, көктайғақ, тұман түседі. Оңтүстік-батыстан соққан желдің екпіні түнде 18 м/с жетеді. Күндіз бұрқасын соғады. Оңтүстіктен жел соғады, күші – 15-20, екпіні – 25 м/с. &nbsp;

 3 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қылмыстық атқару саласына қарасты Қызылорда қаласындағы №68 мемлекеттік мекемесінің жеке құрамы қоғамның әлсіз тобына (қарттар, көп балалы, жалғызбасты аналар мен мүгедектерге) әрдайым қайырымдылық жасап тұрады. &nbsp;Ел Призиденті Қасым-Жомарт Тоқаев 2022 жылды «Балалар жылы» деп жариялауына байланысты, мекеме қызметкерлерінің қолдауымен балалаларға да біршама көңіл бөлінді. &nbsp; Атап айтсақ, жыл басында, мекеменің Режим және күзет бөлімінің &nbsp;бақылаушысы әділет старшинасы Тоқжолова Ақмаралдың ұйымдастыруымен, &nbsp;жеке құрам және ерікті жалдамалы қызметкері бірігіп, пәтерден- пәтерге көшіп-қонып жүрген, &nbsp;алты баласы бар, жалғыз басты анаға &nbsp;азық- түлік және қаржылай көмек көрсетті. &nbsp;1 маусым - Балаларды қорғау күніне орай, «Балаларға балмұздақ» акциясын ұйымдастырып, &nbsp;орталық саябаққа барып,100 балаға тегін балмұздақ &nbsp;үлестірді.Сондай-ақ, республикалық «Мектепке жол» &nbsp;акциясы аясында үш мүгедек балаға және әкесі жоқ 5 жетім балаға оқу-құралдарын алып берген болатын. Ал, жыл соңында Қызылордадағы мүгедектер қоғамдық қорына қарасты «Шуақты бөбек» қоғамдық қорына барып, 40 балаға жаңа жылдық сыйлықтарын таратты.Мекеменің кадр саясат тобының ұйымдастыруымен болған бұл игі іс-шарада барлық жеке құрам мүшелері бірауыздан демеушілік танытты. Нәтежиесінде қор жетекшілері мен ата- аналар тарапынан алғысқа ие болды.<blockquote>«Біздің «Шуақты бөбек» қоры &nbsp;Дауна синдромына шалдыққан балалары бар ата-аналардың басын біріктіріп, &nbsp;балаларын сауықтыру жолында ортақ шешім табу мақсатында құрылған болатын. Мұнда бүгінгі таңда облыс бойынша 130 - ға жуық бала бар. Соның 45 – і қалада тұрады. Жаңа жылдық мекрекеге орай, погондағы азаматтардың әкелген сыйлықтары біздің балаларымызды ерекше қуантты. № 68 мекемесінің бастығы, әділет майоры Ильясов Қайырбек Есетайұлы басқарған ұжымға ата-аналарымыздың атынан алғыс білдіремін», - деді қор құрылтайшысы Светлана Қамбарова.</blockquote>Тергеу изоляторының жеке құрамы жұмыстарының қауырттығына қарамастан, осылайша балаларға да, көңіл бөліп келді. Өйткені олар да, бір емес бірнеше балаларды дүниеге әкеліп, тәрбиелеп отырған ата-аналар. Осы орайда, мекеменің кадр саясат тобының аға инспекторы, әділет лейтенанты Даулетиярова Жаннұр мен АКАӘПТЖБ- нің бастығының міндетін атқарушы, әділет аға лейтенанты Ниязов Нұрсұлтан аяз- ата мен ақша қар киімін киіп, жаңа жыл күні қарсаңында мекеме қызметкерлерінің үйіне барып, балаларына тосын сый жасады.Соның ішінде, РжКБ-нің бақылаушыс,әділет сержанты көп балалы әке Қанат Сақтағановтың жолдасы ұжымдастарының балаларына әкелген сыйлықтары үшін разылығын білдірді.<figure class="image"><img src="https://knadmin.beoblood.kz/uploads/Whats_App_Image_2023_01_04_at_12_03_09_6485b7b65b.jpeg" alt="WhatsApp Image 2023-01-04 at 12.03.09.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_01_04_at_12_03_08_1a7071d0aa.jpeg" alt="WhatsApp Image 2023-01-04 at 12.03.08.jpeg"></figure>

Жеке құрам  балалар жылында қандай игі шаралар атқарды?

<a href="https://kyzylorda-news.kz/">Kyzylorda-news.kz.</a> Қазақстандық спортшылар биыл қандай әлемдік сайыстарда бақ сынайды? Алда көптеген жарыстар күтіп тұр. Олардың әрбіріне үлкен дайындық керек. Сондықтан сол сайыстарда қазақстандық спортшылардың жоғары деңгейде ойын көрсетуіне зор сенім артамыз.Қысқы УниверсиадаҚаңтар айында АҚШ-тың Лейк-Плэсид қаласында XXXI Қысқы Универсиаданың алауы жағылады. Ойындар 12-22 қаңтар аралығында өткізіледі.Аталған жарыста спорттың 12 түрінен 86 медаль сарапқа салынады. Оған әлемнің 50 елінен 1500-ге жуық спортшы келеді деп күтілуде.Халықаралық жарыс 1960 жылдан бері тұрақты түрде ұйымдастырылып келеді. Қазірге дейін қазақстандық спортшылар барлығы 107 медаль еншіледі. Оның ішінде 20-ы алтын, 40-ы күміс, 47-і қола.Жарысқа 17-28 жас аралығындағы жастар қатыса алады.Сондай-ақ, 2017 жылы Қысқы Универсиада Алматы қаласында болды.ФристайлАл 25 қаңтар мен 5 ақпан аралығында Грузияның Бакуриани қаласында фристайлдан әлем чемпионаты өткізіледі. Аталған бәсекеде еліміздің атынан сынға түсетін Юлия Галышева, Павел Колмаков мен Анастасия Городько жүлделі орындардан көрінеді деген үміт бар. 2021 жылы Алматы қаласында өткізілген әлем чемпионатында олар жүлдегерлер қатарында болды.Шорт-трекНаурыз айының 10-12-і күндері Оңтүстік Корея астанасы Сеул қаласында әлем чемпионаты болады. Қазақстандық спортшылар Қытайда өткен олимпиадада жақсы көрсеткішімен қуантқан еді. Онда 500 метр қашықтыққа Абзал Әжғалиев төртінші орынға тұрақтаса, ол Денис Никиша, Яны Хан и Ольги Тихоновой6 место заняла сборная команда в составе того же Ажгалиева, Дениса Никиши, Яна Хан және Ольга Тихонова секілді әріптестерімен бірге тағы бір бәсекеде алтыншы орын алды. Олар енді әлемдік додада сол көрсеткіштерін жаңалауы мүмкін бе?БоксҚазақстандық жанкүйерлер 15-31 наурыз аралығында Үндістан астанасы Нью-Дели қаласында әйелдер арасындағы әлем чемпионатын тамашалай алады. Бұдан бұрын Түркия жерінде өткен жарыста еліміздің әйелдер құрамасы 1 күміс, 4 қоламен жалпы командалық есепте сегізінші орынға тұрақтады. Ал Иордания жерінде өткен Азия чемпионатында екінші орын алды. Қазақстандық спортшылар жақсы көрсеткішімен қуантады деген ойдамыз.Допты хоккейНаурыз айының соңы мен сәуір айының басында Швецияның Обно қаласында допты хоккейден әлем чемпионаты жалауын көтереді. Аталған спорт түрінен қазақстандықтар бірнеше мәрте жүлдегерлер қатарынан көрінді. Қазірге дейін еліміздің құрамасы алты мәрте қола медаль алды. Соңғы мәрте мұндай жетістікке 2015 жылы қол созған еді. Биылғы әлем чемпионатында қазақстандық спортшылардан басқа Швеция, Финляндия, Норвегия, Қазақстан, АҚШ, Германия, Эстония және Венгрия құрамалары бақ сынайды.БоксӨзбекстан астанасы Ташкент қаласында 1-14 мамыр күндері ерлер арасында әлем чемпионаты болады. Кейінгі уақытта еліміздің былғары қолғап шеберлері жанкүйер сенімінен шығатын деңгейде ойын көрсете алмай келеді. Алдағы жарыста сол олқылықтың орны толады деген үміттеміз.Шайбалы хоккейШайбалы хоккейден ел құрамасы биыл әлем чемпионатында топ-дивизионда сынға түседі. Дүбірлі дода 12-28 мамыр аралығында Финляндияның Тампере және Латвияның Рига қалаларында өткізіледі деп жоспарланып отыр. Қазақстандық хоккейшілер 2021 жылы жақсы ойын өрнегімен жанкүйерді қуантса, былтыр әупіріммен үздіктер қатарындағы орнын сақтап қалды. Биыл әдемі ойынымен көпшілік сенімін ақтайды деген ойдамыз.Жеңіл атлетикаҚазақстандық желаяқтар 19-27 тамыз аралығында Венгрия астанасы Будапешт қаласында жеңіл атлетикадан әлем чемпионатына қатысады. Ел спортшыларына аталған сайыста сәттілік тілейміз.КүресӘлемнің мықты балуандары 16-24қыркүйекте Сербия астанасы Белград қаласында бас қосады. Онда еркін, грек-рим және әйелдер күресінен жүлделер сарапқа салынады.Азия ойындарыСарықұрлық сайыпқырандары 23 қыркүйек пен 8 қазан аралығында Қытайдың Ханчжоу қаласында өтетін XIX Жазғы Азия ойындарына жиналады. Бұдан бұрын қазақстандық спортшылар жалпы командалық есепте тоғызыншы орынды місе тұтты. Жастарымыз жоғары жетістігімен қуантады деген сенімдеміз.<a href="https://www.inform.kz/kz/biyl-alemdik-dengeyde-kanday-sport-sayystary-otedi_a4019238">ҚазАқпарат</a>

Биыл әлемдік деңгейде қандай спорт сайыстары өтеді

<a href="https://kyzylorda-news.kz/">Kyzylorda-news.kz.</a>&nbsp;Барыс жылы адамдарға көптеген уайым әкелді: ол тығылып жатқандай болып, кейін күтпеген жерден бұрыштан секіріп &nbsp;шығып, барлық адамды өзінің өткірлігімен және ашуымен таңғалдарды. Әрине, бұл жылы қуанышты жаңалықтар да көп болды. Өткен жылға өкпе жоқ. Алайда жыртқыш аң жылымен қоштастық, енді қара қоян жылы келді. Қара қоян жылы жайлы қызықты фактілер ұсынамыз.- Қытай күнтізбесі бойынша қоян жылы біз жаңа жыл деп санайтын түнде басталмайды. Қара қоян жылы өз күшіне 2023 жылдың 21 қаңтарында енеді.- Қара қоян жылы мысық және су қояны жылы деп те аталады.- 2023 жыл — қоян жылы «Иньге», яғни әйелдік бастама — қабылдаушы, қамқоршы, пассивті, жоққа шығарушыға сәйкес келеді.- Қоян әдетте, қорқақ жануар саналады, алайда ол негізгі жасырын батылдыққа ие. Қажет кезде ол өз өмірі үшін күреседі.- Бұл жыл су стихиясының қамқорлығында өтеді, ал ол жұмсақ, бірақ сенімді күшке ие.- Қоян отбасыға ұқыпты және жақсы орындаушы жануар саналады. Сондықтан бұл жылы отбасылық істер жайлы ойлану ұсынылады.- Қара қоян өз тоңын жақсы көретіндіктен және отырықшы өмір салтын ұстанатындықтан, бұл жылы тұрғын-үй сұрақтары оңай шешілетін болады: батыл ипотека алуға, үйді ауыстыруға немесе арманыңыздағы қалаға көшуге болады.- Қоян — тату жануар: бұл жылы ескі достық байланыстар жаңаруы және жаңа таныстар пайда болуы мүмкін.<a href="https://massaget.kz/layfstayl/zhadnama/76368/">massaget.kz</a>

Қоян жылы: 2023 жыл қандай болады?

<a href="https://kyzylorda-news.kz/">Kyzylorda-news.kz.</a>&nbsp;2023 жылғы 1 қаңтардан бастап 2021-2025 жылдарға арналған кәсіпкерлікті дамыту жөніндегі ұлттық жоба аясында жастарға жеңілдікпен шағын несие берудің жаңа тетігі енгізілді, деп хабарлайды <a href="https://primeminister.kz/kz/news/reviews/prezident-tapsyrdy-ukimet-iske-asyrdy-2023-zhyl-kazakstandyktardyn-omirine-kanday-zhanalyk-akeledi-31112728">primeminister.kz</a>.Несие 21-ден 35 жасқа дейінгі жастарға беріледі. Шағын несиелер «Аграрлық несие корпорациясы» АҚ арқылы беріледі.Қаражат бизнес ашқысы келетін не кәсіпкерлікпен, оның ішінде тауар өндірумен немесе сатумен, жұмыс орындаумен және қызмет көрсетумен, жеке қосалқы шаруашылықта өнім өндірумен айналысатын азаматтарға конкурстық негізде ұсынылады.Сыйақының номиналды мөлшерлемесі – жылдық 2,5%-дан аспайды, займның ең жоғары сомасы – 5 млн теңгеге дейін, мерзімі – мал шаруашылығын есепке алмағанда, кез келген мақсаттар үшін 5 жылға дейін (7 жылға дейін).Жалпы, бұл жобаға 2023 жылы 28 млрд теңгеден астам қаржы қарастырылған. Бұл 5,7 мыңнан астам жастарды қамтуға мүмкіндік береді.

Жастарға 5 млн. теңгеге дейін несие беріледі

<a href="https://kyzylorda-news.kz/">Kyzylorda-news.kz.</a>&nbsp;Ресейдегі WWF Дүниежүзілік жабайы табиғат қоры климаттық бағдарламасының директоры Алексей Кокорин 2023 жыл 2022 жылға қарағанда жылы болатынын айтты, деп хабарлайды <a href="https://stan.kz/2023-zhili-aua-rayi-kanday-boladi-sinoptikter-bolzham-z-375578/">Stan.kz</a>.Оның айтуынша, бәрі Тынық мұхитындағы ағыстардың күйіне, Эль-Ниньо (мұхит беті температурасының аномальді жоғарылауы) және Ла-Нинья (мұхит беті температурасының аномалиялық төмендеуі) құбылыстарына байланысты болады.Осы болжам бойынша 2020 жыл өте жылы болды, 2021 жылы суық болған болатын.<blockquote>«2023 жылдың басында Ла Нина фазасы, яғни суық фаза жалғасады. Бірақ содан кейін, жылы фаза басталады. Сондықтан, 2023 жыл жылы болуы мүмкін», - деп ескертті ол.</blockquote>Синоптик алдағы онжылдықта, оның ішінде 2023 жылы ауа райының қолайсыз оқиғалары жиі болатынын айтты. Оның айтуынша, ауа райының ауытқулары алдыңғы он жылмен салыстырғанда әлдеқайда көп болады.

Қазақстан және Қызылорда облысының жаңалықтары