<a href="https://kyzylorda-news.kz/">Kyzylorda-news.kz.</a> &nbsp;Елімізде қазіргі кезде мемлекет тарапынан жас мамандарға, жұмыссыз жастарға көптеген қолдаулар көрсетілуде. Солардың бірі – «Дипломмен ауылға» мемлекеттік бағдарламасы. Елімізде 2009 жылдан бері жүзеге асып келе жатқан «Дипломмен ауылға» мемлекеттік бағдарламасының басты мақсаты – ауылдық аймақтарды қажетті әлеуметтік, техникалық мамандар- мен қамтамасыз ету. Яғни, жас мамандарды ынталандыру мақсатында мемлекет тарапынан көтерме ақысы төленіп, баспана алуына жеңілдетілген несие беріледі. Осы бағдарламаның игілігін көріп отырған жастардың бірі – Төретам кентіндегі Жанқожа батыр атындағы №269 орта мектептің физика пәнінің мұғалімі Перизат Құдайбергенқызы.Ол өз мамандығы турасында мұғалім барлық мамандық иесін тәрбиелейтін, оқытып үйрететін абзал жан. «Мұғалім мамандығы – барлық мамандықтың анасы» деп қалай дәл тауып айтқан. Мен жақсы қасиеттерді бойыма сіңірген, жақсыдан тәлімтәрбие үйренген, бала жанын түсініп, өз пәнін сүйе білетін заман талабына сай жаңашыл мұғаліммін. Осы уақытқа дейін шәкірттерім ҰБТ-дан жоғары балл жинап грант иегері атанса, енді бір шәкірттерім аудандық, облыстық пәндік олимпиада мен ғылыми жобадан жүлделі орындар иеленіп, білім ордамыздың мәртебесін асқақтатып келеді. Ұстаздықтың ауыр жүгін арқалауды жүрегімнің қалауымен таңдадым. Сондықтан мамандығым – мақтанышым. Негізгі ұстанымым – баланы тұлға деп тану, оның пікірімен санасу, оқушының кішкентай қуанышын, табысын бағалай білу, – дейді ол.Перизат Құдайбергенқызы осы өңірде 1993 жылы қарапайым отбасында дүниеге келген. Тұрмыстағы жас бір кішкентай ханшайымның анасы. Ол №80 мектеп-гимназиясын үздік бітіріп, Абай атындағы ҚазҰПУ-дың физика-математика факультетіне физика мамандығы бойынша оқуға түсіп, 2015 жылы бакалавр дәрежесін алып шығады. Ұстаз болуды бала шақтан армандаған жас маман осы жылы қасиетті қарашаңырақ білім ордасы Жанқожа батыр атындағы №269 орта мектепке физика пәнінің мұғалімі болып жұмысқа орналасады.Мемлекеттік бағдарламаның басты мақсаты – ауылдық жердегі маман тапшылығын қамтамасыз ету ғана емес, қала мен ауыл мектептері, аурухана, емханалар арасындағы білім беру, денсаулық сақтау қызметі сапасын арттыру. Сол үшін тәжірибелі мұғалім, дәрігерге жағдай жасау қажет. Жастар үшін жасалынып отырған осындай игі жобаның шарапатын көріп отырған жас маманның әріптестеріне өз айтары бар.«Бағдарламаның аясында баспаналы болдым. Жастар үшін тиімдісі – бұл пайызсыз берілетін несие. Мерзімінен бұрын қайтарып, жауып тастауға да болады. Бұл жоба жас отбасы үшін жақсы мүмкіндік», – дейді Перизат Құдайбергенқызы &nbsp;

Қармақшылық жас мемлекет берген мүмкіндікті тиімді пайдалануда

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы тырысқақ ауруының жаһандық деңгейде таралу қаупі өте жоғары екендігі туралы ескерту жасады деп хабарлайды Риа Новости.Аурудың көбеюіне және олардың географиялық кеңеюіне, вакциналар мен басқа ресурстардың жетіспеушілігіне сүйене отырып, ДДҰ жаһандық деңгейде &nbsp;тырысқақ таралатынын мәлімдеді.<blockquote>«11 ақпаннан бері жаһандық жағдай одан әрі нашарлады: төрт ел инфекция туралы хабарлады. Қазіргі уақытта барлығы 24 елде тырысқақ таралған» делінген хабарламада келтірген.</blockquote>Тырысқақ инфекциясы тіркелген елдердің басым көпшілігі Африка мен Таяу Шығыста екен.Тырысқақ – адамзат тарихындағы ең қорқынышты аурулардың бірі. Ол әлі күнге дейін әлемнің кейбір бөліктеріндегі өлім-жітімге себепші. Инфекция соңғы 200 жылда жеті пандемияға себеп болды. Ол бір кездері «көк өлім» деп аталды.

Әлемде тырысқақ ауруының таралу қаупі жоғары - ДДСҰ

<a href="https://kyzylorda-news.kz/">Kyzylorda-news.kz.</a> Алдағы күндері геомагниттік дауылдың әсерін сезіледі деп хабарлайды Stan.kz ақпарат агенттігі.Оның қуаты алты ұпайға жетеді, бұл «қалыпты дауыл» көрсеткішіне сәйкес келеді. Ал 24 наурызда өте қуатты дауыл болады.Тәждік тесіктен Күн желінің жоғары жылдамдықты ағыны және тәждік массаның шығуы Жерге жақындайды. Күн сәулесіндегі ерекше белсенділік 20 наурызда болды.Сарапшылар бес баллдан жоғары геомагниттік дауылдың кесірінен адамдар көңіл-күйдің күрт өзгеруін, күштің төмендеуін, депрессияны сезінуі мүмкін екенін атап өтті.Әсіресе «атмосфераның бұзылуы» жүкті әйелдерге, қарттарға және балаларға әсер етуі мүмкін.Сонымен қатар, психикалық аурумен ауыратын адамдардың денсаулығының нашарлау ықтималдығы жоғары.<blockquote>«Магниттік дауылдар жүрек-қан тамырлары ауруларынан зардап шегетін адамның денесінде миокард инфарктісі, инсульт, гипертониялық дағдарысты өршітуі мүмкін. Бұл жағдайда қан қысымы жоғарылайды, Коронарлық қан айналымы нашарлайды» деп түсіндіреді дәрігерлер.</blockquote>

Жерде геомагниттік дауыл сезіледі

<a href="https://kyzylorda-news.kz/">Kyzylorda-news.kz.</a> Біздің бүгінгі кейіпкеріміз қалаға келіп, сауда орталықтарында саудамен айналысып, бүгінде өз сауда орталығының иесі атанып отырған жайы бар. Қармақшы ауданы Төретам кентіндегі Жанқожа батыр көшесінің бұрылысындағы «Ақсеңгір» сауда орталығының алдынан үнемі ағылған халық пен ызғыған автокөлікті көресіз. Орталыққа сауда жасаушылардың бірі кіріп, бірі шығып жатады. Бұл жерде дүкендегі заттардың бағасы басқа дүкендерге қарағанда төмен. Әрі алатын затыңды өзің таңдап алатыныңның өзі жақсы. Төретам кентіндегі жеке кәсіпкер Әкімжан Қазиев басқаратын «Ақсеңгір» сауда орталығының бірнеше бөлімі бар.Бұл сауда орталығы төретамдықтар, байқоңырлықтар және ақайлықтар үшін негізгі сауда көзіне айналған нүкте десек те болады. Қашан да «Ақсеңгір» сауда орталығының алдына жолыңыз түсіп бара қалсаңыз, қызу сауда, кезекте тұрған халықты көресіз. Бұның бір сыры – сауда орталығындағы заттың бағасы халықтың қалтасы көтеретіндей болып отырғаны.Осы сауда орталығының иесі Әкімжан Жұмажанұлы қай кезде көрсеңіз де үнемі көңілді жүретін ағамыз 1962 жылы қасиетті Арал топырағындағы Құмбазар деген жерде дүниеге келген. Кеңес дәуірі кезінде үкіметтің шаруашылық қызметтерінде әртүрлі жұмыстар істейді. Еліміз егемендік алған тұстағы нарық заманының қысылтаяң кезеңінде 1994 жылы тіршілік қамымен осы Байқоңыр өңіріне көшіп келеді. Келген жылдарда қаладағы орталық базарда бизнеспен айналысқан. Екі қолға бір жұмыс табылмай, көпшілік халыққа күнделікті тұтынатын қажетті заттар жетіспей, қат болып қалған кездер есте болар. Дәл осындай кезде сауданың көзін таба білгендердің күнкөрісі жақсара түскені де анық. Қазақтың «Алла берер жағын байламасын» деген сөзі осы сауда ісін қолға алып, нәтижесінде үлкен сауда орталығын ашқан Әкімжан Жұмажанұлына арналғандай. «Кең болсаң, кем болмайсың» деген сөзді осы орталық басшысы есінен әсте шығарған емес. Біз әңгімелесіп отырғанда күнделікті сауда жайымен немесе жеке шаруамен келген адамдарды жылы қабылдап, оларға қанағаттанарлықтай жауап беріп отырды. Бәзбіреулер секілді бастықпын деп жан-жағындағылардың апшысын қуыратын жан емес. Керісінше қызметкерлерінің жағдайын жасап, шешімін таппаған мәселенің күрмеуін тарқатуға тырысатын басшыға қалайша риза болмайсыз. Қабылдауға келушілерге айтар жауабы тек «иә, жарайды, болады». Басшының қарапайым болуы көпшілік қауым үшін күтпеген жағдай. Ал, қарапайым, сөзге тоқтайтын осындай басшы жұмысының алға өрлеуінің өзі сүйегінің асылдығында деп білемін. Ол ұзын бойлы, жасы алпысты алқымдаған бидай өңді келген кісі екен. Өзіне атбасын тіреп келген жандардың айтар сөзін тыңдап, тыңғылықты жауап беріп, тез арада шешім қабылдай білетін жан.«Ақсеңгір» сауда орталығының еншісінде бірнеше дүкен бар. Бірінде күнделікті тұтынатын азық-түлік тауарлары сатылса, екіншісінде көкөністер, жемістер саудаланады. Ал тағы бірінен шаруашылыққа керекті заттың бәрі табылады. Дүкендерде 15-тей адам жұмыс істейді. Осы орайда орталық жұмысының ыстық-суығына көніп, еңбек етіп жүрген жандарды сөз ете кеткенді жөн көрдік. Бизнесменнің тікелей көмекшісі, өзінің әйелі Бибігүл Тәжімбетова болса, Жанат Дінахметова мен Жадыра Әкімжанқызы сынды ұйымдастырушылары бар. Дүкенге келген тұтынушыға жылышырай танытып, сұрағанын тауып беретін сатушылардың орны бір бөлек. Орталықта Гүлнәр Қожахметова, Гаухар Қосмамбетова, Гуля Ералиева, Алма Нақыпова, Құттыбике Төлегенова, тағы басқалары жұмыс істейді.Сатушылар 15 күндік ауысым бойынша кезектесіп тұрады. Олардың барлығы дерлік медициналық қараудан мерзімінде өтеді. Жұмысқа алған кезде талапқа сай болуына аса мән беріледі. Сауда көзі тауарды көбінесе Түркістаннан алады. «Рахат», «Баян сұлу», «Прима», «Рошен», «Grad House» секілді фирмалардың жергілікті жердегі филиалдарымен тығыз байланыста.Кәсіпкер былтыр кәсібін кеңейту мақсатында жұбайы Бибігүл Қадырқызының бастамасымен және мемлекеттік бағдарламалардың қолдауының арқасында наубайхана ашқан болатын. Бүгінде жергілікті халыққа таңертеңгі 9-дан кешкі 18-ге дейін күнделікті демалыссыз жұмыс істеп тұрған наубайханада төрт адам тұрақты жұмыспен қамтылған.Мұнда күнделікті көмеш, таба нан, бөлке және 20-дан аса нан өнімдері дайындалады. Сұранысқа сай, наубайханада күнделікті сатылатын және тапсырыспен дайындалатын той дастарқанының сәнін ашатын түрлі тәттілер эклер, дәмді рулеттер пісіріп жүрген Гүлбаршын Отыншиева, Нұргүл Есмағамбетова, Шолпан Қуанбаева мен сатушы Алтынай Баекешовалардың еңбектері елеулі. «Бұл біздің отбасылық кәсібіміз болғандықтан келіншегім, балаларымның көмегімен істі жүргізіп отырмыз. Мемлекет тарапынан кәсіпкерлерге берілер көмек көп. Оны тек тиімді түрде пайдалану қажет», дейді жеке кәсіпкер.Мемлекеттік бағдарламалардың игілігін көріп, жергілікті мекеннің дамуына үлес қосып жатқан осындай жандардың қатары күн санап көбейіп келе жатқаны қуантады. Одан бөлек, «Байқоңыр Әлеуметтік Кәсіпкерлік корпорациясы АҚ» арқылы кәсіпкер 20 млн теңге несие алып, әлеуметтік дүкен ашқанын да айта кеткеніміз жөн. Өмір сүріп отырған ортасының жай-жапсарымен танысып, қоғамда өз орнын білдіріп отыру, кез келген мәселеге пікір білдіру белсенді азаматтың басты қағидасы. Себебі, ол жергілікті әкімшілік тарапынан болған сұраныс, өтініштерге дер кезінде жауап беріп, қаржылай көмек қолын созып отырады. Айтпақшы, өзінің жомарттығымен еленген ағаның біз білмейтін бір құпиясы бар екен. Ол өз жанынан өлең шығаратындығы. Ой толғамдары ерекше, жазған қолжазбаларын парақтағанымызда ұмытылып бара жатқан сөздерді қолдану көптеп кездеседі екен. Жазбаларының өзіндік стилі, мазмұны, мәні бар. Ол жігіттік шағында ақынжанды ағамыз «Қара мерген» ертегісінің желісінде өлең-жыр түрінде дастан жазыпты. Өлеңге, жырға құмар Әкімжан Жұмажанұлының «Сырдың құрақ жағасы» атты кітабы жарық көрген. Оған өлеңдер мен толғау, дастандар енген.Кәсіпкер бүгінде зайыбы Бибігүл Қадырқызы екеуі Әлия, Жадыра, Бақыткүл есімді үш қыз тәрбиелеп өсіріп, олардан немере сүйіп отырған ардақты ата мен әже. «Тәрбие – отбасынан басталады» дегенді ескерсек, ағамыз немересінің сабағына көмектесіп, оқу үлгерімін қадағалайды. Бос уақытын пайдалы өткізуіне сеп болып, өз пікірін білдіріп отыратын жайы бар.&nbsp;

Байқоңырлық кәсіпкер несие алып, әлеуметтік дүкен ашқан

Қадірлі ағайын!Күллі мұсылман қауымының асыға күткен қасиетті Рамазан айы да келіп жетті.Сіздерді көңілге – қанағат, ынсап, жүрекке – мейірім, шуақ, адамға – ынтымақ, ауызбіршілік сыйлайтын отыз күн оразаның басталуымен шын жүректен құттықтаймын!Рамазан – мұсылман үшін қасиетті де берекелі ай.Құран Кәрім осы айда түсе бастаса, мың айдан да қадірлі болып саналатын Қадір түні де осы айдың ішінде.Ішкі дүниемізді жаман ойдан арылтып, сыртқы дүниемізді теріс әрекеттен тазартатын ораза – мұсылман қауымының үлкен сабыр мектебі.Шарапаты мен шапағаты мол ай адамзатты ізгілікке, береке-бірлікке жетелеп, жабыққанға жанашыр, қамыққанға қайырымды, бір-біріне көмектесіп, бауырмал, мейірімді, кішіпейіл, кешірімді болуға шақырады.Бiр ай бойы астан ғана емес, бейәдеп сөзден, жат қылықтан тартындырып, сабыр мен төзімге тәрбиелейді.Құрметті жерлестер!Берекесі мен бірлігі, татулығы мен тірлігі жарасқан Рамазан айында жасаған игі амалдарыңыз, тілеген барлық дұға-тілектеріңіз, ықылас-ниетпен ұстаған оразаларыңыз қабыл болсын!Елді біріктіре түсетін қасиетті айда әрбір отбасына шадыман шаттық, бақ-береке, амандық, егемен елімізге тыныштық пен өрлеу тілеймін!Құрметпен, Н.Нәлібаев

Облыс әкімі қасиетті Рамазан айымен құттықтады

<a href="https://kyzylorda-news.kz/">Kyzylorda-news.kz.</a> &nbsp;Қылмыстық атқару &nbsp;жүйесі Қызылорда облысы бойынша ҚАЖ департаментіне қарасты №68 мемлекеттік мекемесінде АКАӘПТБ-нің &nbsp;қызметкерлері &nbsp;шаруашылық бөліміне қалдырылған сотталғандар арасында &nbsp;наурыз мерекесіне орай, спорттық іс-шара ұйымдастырды. &nbsp;Бұл мерекелік іс-шараға &nbsp;Қызылорда облысының мәдениет &nbsp;және спорт басқармасының бұқаралық &nbsp;спорт бөлімінің әдіскерлері &nbsp;арнайы шақыртылып, төрелік етті.Жазасын өтеуші азаматтар арқан тарту, қол күресі, турникке тартылу мен &nbsp;брусия бойынша &nbsp;жарысқа &nbsp;түсті.Сотталғандармен ҚР llМ 13.08.2014 жылгы «Бас бостандығынан айыруға сотталғандармен тәрбие жұмысын жүргiзу қағидасын бекіту туралы» № 508-бұйрығына сайкес тәрбие жұмысы жүргізіледі.<blockquote>«Спорттық iс-шара өз деңгейiнде өтті. Белсенді қатысқан сотталғандарға мекеме бастығының құқығымен мақтау қағазы берілді. Аталған іс-шара жазасын өтеушілерге оң әсер тигiзетінi анық» деді тәрбие бөлімі бастығының міндетін атқарушы, әділет аға лейтенанты Н.Ниязов.</blockquote>Жарысқа қатысқан жазасын өтеушілер де іс-шарадан бір серпіліп қалды.<blockquote>Спортпен айналысқан адамның денсаулығы мықты, өзі шыдамды болады. Бала кезімнен спортты жаныма серік еткенмін. Бүгінгі жарысқа қызыға қатыстым. Әсіресе, ұлттық ойын түрі арқан тарту, ләңгі ойнауда балалық шағым есіме түсіп, біраз серігіп қалдым. Оның үстіне көгілдір көктемдегі шуақты күн наурыз мерекесінің аурасын сезінгендей болдым. Бостандықта жүргенде , бұл күнді отбасымызбен бірге &nbsp;мерекелік дастарқан басында қарсы алатынбыз. Әйелімнің наурыз көжесі тура анамдікіндей дәмді болатын. Ендігі наурызда &nbsp;сот бекіткен жаза мерзімім аяқталады. Бұйырса келесі жылғы мерекені ағайын туманың ортасында қарсы аламын деген үмітім бар» деді жарысқа қатысқан жазасын өтеуші.</blockquote>

Наурыз мерекесінде жазасын өтеушілер арқан тартысты

<a href="https://kyzylorda-news.kz/">Kyzylorda-news.kz.</a> Дәрігердің біліктілігі жеткенімен, нақты диагноз қоюда науқасты бүге-шігесіне дейін тексеріп беретін аппараттардың тапшылығы қолбайлау болып жататыны жасырын емес. Өмір болғасын түрлі жағдайлар орын алады. Күйік шалу, жол апаты, тағы басқа да күрделі жайттарда осыған дейін аудан тұрғындары Қызылорда қаласы не болмаса Қазалы ауданына жол жүріп, компьютерлік томографияға түсетін болса, бұдан былай аталған құрылғы өз ауруханамызда қызмет көрсететін болады. Бізге бұл сүйінші жаңалықты Қармақшы аудандық аурухана бас дәрігерінің емдеу ісі жөніндегі орынбасары Жандос Мирманов жеткізді.<blockquote>«Негізгі атқаратын жұмысы – рентген секілді сәулемен жұмыс істейді. «Компьютерлік томография қазіргі уақыттың озық технологиясы. Оны КТ аппараты деп те атаймыз. Бірақ, рентгентте көптеген патология (адам денсаулығындағы бұзылыстар, аурулар) көрінбейді. Ал, мына заманауи аппарат жақсы көрсетеді әрі айналдырып, жан-жағынан түсіретіндіктен сапасы жоғары. Науқастың денсаулығындағы бүкіл кінәратты тауып, қай жерде қандай мәселе туындап тұрғанын толығымен айқындайды. Аппарат бас, ішкі құрылыс, кіші жамбас қуысындағы ағзаларды, жедел патология кезінде, айтап айтқанда, қан құйылу, сынған сүйектерді жақсы көрсете алады» дейді Жандос Ишанбекұлы.</blockquote>Бұйырса құрылғы 10-15 күн шамасында іске қосылады дейді мамандар. Соған қарағанда Қармақшы аудан жұртының осыған дейін қол жетпес дүниесі болып келген КТ-ның игілігін көретін күні де алыс емес секілді.Науқас жандарға бұрынғыдай сыртқа жүгірудің енді қажеті болмайды. Өйткені оған өзімізде мүмкіндік болады. Мұның тағы бір тиімді тұсы – ауруханада емделіп жатқан адамдарға да пайдасы мол болмақ. Себебі, түрлі жарақатпен, ісік ауруымен, инсульт, инфарктпен түсетін емделушілер болады. Сол кісілерге дер кезінде ем-шара қабылдауға КТ өте қолайлы. Ота жасауға қиналатын едік. Жолға жарамайтын науқастар болады. Оларды жансақтау бөлімінде әбден өзіне келіп, күш жинағанша ұстайтынбыз. Сосын барып жедел жәрдеммен қалаға жеткізетінбіз. Қалай десек те, осы аппараттың қажеттілігі қатты сезілетін. Бүгінде құрылғы құрастырылуда. Әрі кетсе 2 аптаның көлемінде іске қосылады деп күтілуде.<blockquote>«Құрылғыны аламыз дегеннен бастап бас дәрігеріміз Бақытжан Сағилатұлы кәсіби тұрғыда жұмыс істейтін бірқатар маманды алдын ала оқытып, дайындап қойып отыр. Әзірге 1 дәрігер, бірнеше лаборант халыққа қызмет ететін болады. Құрылғы қызметі ауруханада ем қабылдайтындарға тегін. Шынымызды айтсақ, аппараттың ауданымызға келгеніне медицина қызметкерлері – өзіміз де қатты қуаныштымыз» дейді Қармақшы аудандық аурухана бас дәрігерінің орынбасары.</blockquote>Денсаулық адам үшін аса маңызды фактор. қазақ атамыз айтпақшы, "Қай жеріңіз ауырса, жаныңыз сол жерде". қазір ауру да, оның түрі де көп. Алда-жалда сырқат сыр беріп, халіңіз мүшкілденіп қалса, ауруханаға маңдай тірейміз. Онда медперсоналдар қолынан келген ем-шарасын жасап, науқастың айығып кетуіне жанын салады. Кейде осындай кезде заманауи құрылғылардың да қажеттілігі туындап жатады.&nbsp;

Қармақшыға жаңа компьютерлік томография келді

<a href="https://kyzylorda-news.kz/">Kyzylorda-news.kz.</a> Наурыз мейрамына &nbsp;орай, Қызылорда облысы бойынша ҚАЖ департаментіне қарасты 37 &nbsp;мекемесіндегі жазасын өтеушілер арасында спорттық жарыс өтті. Олар шағын футболдан, гір көтеруден, арқан тарту сынды спорт түрінен сынға түсті.Жазасын өтеуші азаматтар командаға бөлініп арқан тартудан үш команда, футболдан төрт команда қатысып жарыс көркін қыздырды. Ал гір тасын көтеруден 16 кг гір тасын 70 рет көтерген азамат басқа қатысушыларды басып озды. Арқан тартудан «Орда», «Қыран», «Тұлпар» командалары сынға түсті. Арқан тарту аламаны тартысқа толы болды. Қызықты да тартысты өткен додада «Тұлпар» командасы І орын алса, ІІ, ІІІ орынды «Орда», «Қыран» командасы бөлісті. Ал шағын футболдан №2 жасақтың футбол құрама командасы қарсыластарын қапы қалдырып, бас жүлдені қанжығасына байлады. Жарыс қорытындысымен үздік нәтиже көрсеткендер &nbsp;алғыс хатпен марапатталды.<blockquote>«Жаза мерзімін өтеуші азаматтарды жазасын өтей отыра түзелу жолына салу, салауатты өмір салтын қалыптастыру мақсатында, мекеменің тәрбие бөлімі қызметкерлері әртүрлі тәрбиелілік іс-шара ұйымдастырып отырады. Бүгінгі шараға қатысушылардың барлығы да белсенділік танытып, өздерінің спортқа деген оң көзқарастарын көрсете білді. Мекемедегі жазасын өтеушілердің барлығы қатыстырылды. Тартысты өткен ойын азаматтардың өмірге құлшынысын арттырып, олардың қайта құқық бұзушылық жасамайтынын және оңалуына септігін тигізеді деп есептейміз» деді әділет аға лейтенанты Айнұр Абдрашитова.</blockquote>

Жазасын өтеушілер спорттық жарыстан бақ сынады

<a href="https://kyzylorda-news.kz/">Kyzylorda-news.kz.</a> Жаңақорған ауданында жер кезегіне тіркелушілердің саны жыл сайын артпаса, кеміген емес. Бірақ жер берудің жыры әлі де жалғасып, созбалаңға салынуда. Бұл мәселе аудан әкімінің қатаң бақылауында болғанымен, тиісті мекемелерден еститін жауабымыз – инфрақұрылым салынуы керек. Айтылуын айтылып жатыр, тек нәтиже жоқ. Аудан бойынша бас-аяғы 10211 адам жеке тұрғын үй құрылысы үшін кезегін күтуде. Жер кезегі неліктен жылжымай тұр? Биыл кімдер жер ала алады? Кезекті қалай бақылауға болады? Осы сұрақтар төңірегінде тиісті мамандардың пікірін білген едік.Қазақстанның жері кең болғанымен, халқы тым аз, сол аз тұрғынның үй салатын жер ала алмай жүргені қынжылтады. Расында, даламыз – дарқан, керегеміз – кең, жеріміз жетерлік. Кез келген азамат ақысыз жер телімін алуға құқылы. Бірақ жер кезегі оңай шешілетін мәселе болмай тұр. 18 жастан асқан кез келген қазақстандық жеке тұрғын үй салу үшін 10 сотық жерді алуға онлайн өтінім бере алады. Бұрынғыдай сабылмайды. Қазір жер алғысы келетін адамның жылжымайтын мүлкі, пәтері, үйі болса да өтініш қалдырады. Бұған қоса жерді елдің кез келген өңірінен алуға болады. Тұрақты мекен-жайы маңызды емес, құжат жинап әуре болмайды. Алайда «бөркімізді аспанға атып» қуанудың қажеті жоқ. Өйткені тұрғындар арасында саналуан әңгіме өріп жүр. Көбі беріліп жатқан жерді иелері кезекпен алды дегенге сенбейді. 10 жылдан бері жер кезегінде тұрған Оңдас Жарылқасынұлы:<blockquote>«2012 жылы жер кезегіне тіркеліп, өтінім беріп қойғанмын. Жылына екі рет арнайы барып, кезегімді тексеріп тұрамын. Әр барған сайын өзгермейтін сол баяғы сандар. Шыны керек, мұның тиімді жолын қарастырып, кезекті бір жолға қоятын уақыт келген секілді. Өйткені осылай жалғаса беретін болса халықтың сенімінен айырылып, сайып келгенде ел арасында түрлі пікірлер туындайды», – деген ойын жеткізді.</blockquote>Осы тектес пікірлер, қарапайым халықтың өкпе-реніші жетерлік. Бұл мәселеге қатысты Сенат спикері Мәулен Әшімбаев та өзіндік пікірін білдірген. Иә, жеріміз кең, аймақ жеткілікті, еш қиналмай үлестіре беруге болар еді. Дегенмен байланыс пен интернет тартпайтын, жолсыз, электр жүйесі мен су бармаған, кәріз жүйесі жоқ жерлерді азаматтар не деп алады? Осындай жерді алған соң адамға бейнет болмаса, ол жерден аса қайыр болмасы анық. Әшімбаев осы жайттарды ескеріп, әуелі инфрақұрылымдық мәселелерді шешіп алмай, қадам жасай беруге болмайтынын айтты. Заң талабы да соны көздейді. «Жер кодексінің» 44-бабында берілетін жерлер инженерлік алқаптардан болуы керек екені көрсетілген. Яғни алатын жеріңіз су және электр жүйесімен қамтылуы қажет. Бірақ барлық жерді қысқа мерзімде «гүлдендіре» салуға жетерлік ақша мемлекет қорында жоқ. Саладағы мамандар бұған дейін осы мәселені орнықтыру үшін мемлекеттің жартылай кеткен шығындарын жеке бизнес инвестициясы арқылы толтыруды ұсынған. Сонда ғана тізімді жылдамдата жүргізуге талпыныс болуы мүмкін.Алдымен аудандық жер қатынастары бөлімінің есігін қақтық. Заңдылыққа сүйенейік, Қазақстан Республикасының Жер Кодексінің 50-бабына сәйкес жер учаскелері ҚР азаматтарына жеке тұрғын үй құрылысы үшiн – 0,10 гектар жер тегін беріледі. Ал ауылдық жерлерде өзiндiк қосалқы шаруашылық (үй маңындағы және егiстiк телiмдердi қоса алғанда) жүргiзу үшiн суарылмайтын жерде 0,25 гектар және суармалы жерде 0,15 гектар ел азаматтарына жеке меншікке тегін беріледі. Ол үшін құжат тапсырасыз, бірақ биылдан бастап тек электронды түрде.<blockquote>«Ауданда жер кезегі 2010 жылдан бері қалыптасты. Бүгінде 2015 жылға дейін кезекте тұрғандарына толыққанды берілді. Енді 2016 жылдан бастап кезекте тұрғандардың реті келді. Қарапайым халық жер кезегінің баяу жылжып жатқанын жете түсінбейді. Кенттің ішінен жерді белгілеп алып бере бермейміз. Әуелі, белгіленген жерді құрылыс бөлімі суын, жылуын, жарығы мен жолын жүргізіп болған соң ғана, біз жерді бере бастаймыз. Кезек екі түрлі себеппен жылжымай қалуы мүмкін. Біріншіден, егер қорда жер жоқ болса. Екіншіден, қорда жер бар болғаны¬мен, ол жерге су құбырлары, жарық, газ, жол сияқты инфрақұрылым тартылмаған болса. Осы негізбен әкімдік жерді беруді тоқтата алады. Негізі біздің ауданда жер кезегі жақсы жылжуда. Өзге аудандар әлі 2008-2009 жылдары кезекке тұрғандарға беріп жатыр. Осы тұста айта кетейін, жер учаскесін алу үшін кезектілікке тіркелмегендігі анықталса ҚР Ауыл шаруашылығы министрінің №301 бұйрығының 15-қосымшасына сәйкес «Жер учаскесін алу үшін кезекке қою» мемлекеттік қызметін көрсету қағидасы арқылы egov.kz порталына жеке электрондық цифрлық кілтіңіз арқылы кіріп тіркелуіңізге болады. «Жылжымайтын мүлік» батырмасын басып, «Жер қатынастары» тізілімін таңдап, «Жеке тұрғын үй құрылысына жер учаскесін алуға кезекті қарау немесе кезекке тұру» бөлімшесіне өтесіз. Жаңақорған кенті немесе республиканың кез келген аймағын таңдап өтініш білдіруге болады. Тағы айтамын, тіркелу тек электронды түрде», – деді жер қатынастары бөлімінің маманы Серік Төлендиев.</blockquote>Кезегіңізді білгіңіз келсе электронды түрде көре аласыз. Иә, қазір құжаттың басым бөлігі электронды жүйеге көшті. Ол үшін тиісті мекеме немесе кент есігін сығалап жүрмейсіз. Жер қатынастары бөлімі құжат тапсыру бойынша және атқарылған жұмыстарды жүйеледі. Жаңақорғандықтар асыға күтіп жүрген «Саяжай-1» мөлтек ауданының құрылысының жай-күйі қалай? Бұл бойынша аудандық сәулет, қала құрылысы және құрылыс бөлімінен жауап іздедік.– Жаңақорған кентінде жеке тұрғын үйге арналған жер учаскесімен қамтамасыз ету мақсатында 2021 жылы Жаңақорған кентінің «Саяжай-1» шағын ауданына нақты көлемі 300 гектар болатын егжей-тегжей жоспарлау жобасы (ПДП) жасалды. Бұл жоба аясында «Саяжай-1» шағын ауданынан жеке тұрғын үй құрылысына арналған 1746 жер учаскесі орналастырылады деп күтілуде. 2022 жылы аудандық және облыстық бюджеттен бөлінген қаржыға егжей-тегжейлі жоспарлау жобасына сәйкес инженерлік инфрақұрылым желілері құрылысын салуды мақсат етуде. «Тас жолдар» жобасы әзірленді, жобаның жалпы сметалық құны әзірленді. Жобаға 2022 жылғы 22 желтоқсанда №NORZ-0097/22 санды «Normal Z» ЖШС-ның оң сараптама қорытындысы алынды.Электрмен жабдықтау жобасы да әзірленді. Қазіргі таңда жоба сараптаманың қарауында. Ақпан айының бірінші он күндігінде сараптаманың оң қорытындысы алынады. Газбен жабдықтау жобасы да әзірленді. Бұл жоба да мемлекеттік сараптаманың қарауына ұсынылды. Осы жылдың сәуір-мамыр айында жобаға мемлекеттік сараптаманың оң қорытындысы алынады деп жоспарлануда. Ағымдағы жылы жоғарыда аталған жобалардың 2023-2024 жылдарға «Саяжай-1» учаскесін сумен жабдықтау, тас жолдардың құрылысын салуға облыстық және республикалық бюджеттерден қаржы бөлдіруге Қызылорда облысының құрылыс, сәулет және қала құрылысы басқармасына бюджеттік өтінім жолданды. «Саяжай-1» учаскесін электрмен жабдықтау жұмыстары бойынша сараптаманың оң қорытындысын алғаннан кейін, құрылысын 2023-2024 жылдары салуға облыстық және республикалық бюджеттерден қаржы бөлдіруге бюджеттік өтінім ұсынылатын болады, – деді бөлімнің сектор меңгерушісі Тұрарбек Өмірбеков.Бұл мәлімет келешекте түсетін «Саяжай-1» шағын ауданының инженерлік коммуникациялық инфрақұрылымымен қамтамасыз етуге арналған құжатта мақұлданып, алдағы уақытта құрылысына қаражат бөлінсе игі. Егер қаражат толық шешілсе, онда жауапты сала бір жылдың ішінде шағын ауданның шырайын келтіреміз дейді.

Жаңақорған ауданында жаңа «Саяжай-1» мөлтек ауданы ашылмақ

<a href="https://kyzylorda-news.kz/">Kyzylorda-news.kz.</a> Наурыз – қаншама ғасырлардан бері тойланып келе жатқан түркі халықтарының &nbsp;мерекесі. Наурыз – көктем мейрамы, табиғаттың жаңаруы, жаңа жылдың, жаңа өмірдің басталуы. Осы айтулы күнге орай, Қызылорда облысы бойынша Қылмыстық-атқару жүйесі департаментіне қарасты &nbsp;37 мекемесіндегі жазасын өтеушілерге облыстық филармония әншілері концерт қойды.Мерекелік іс-шараны мекеменің тәрбие бөлімінің бастығы, әділет майоры Абдулла Уайдаев ашып, Ұлыстың ұлы мерекесімен құттықтады.&nbsp;<blockquote>«Наурыз мерекесі қазақ халқы үшін – өткенге салауат айтып, келер күннен береке тілеп, шығыс халықтарын бір-бірімен табыстыратын қасиетті мейрам! Тұрмыс-тіршілігіміздегі әдеп-ғұрпымыз, ұлттық құндылықтарымыз әспеттеліп, &nbsp;көңілімізге қуаныш ұялатып, санамызға сілкініс тудырып, рухты көтеретін көктем мерекесі құтты болсын» деп жылы лебізін білдіріп, жаза басып жаңылып жазасын өтеп жатқан азаматтардың отбасыларына тезірек оралуларына тілек білдірді.</blockquote>Мерекелік іс-шара одан әрі облыстық филармония әншілерінің концерттік бағдарламасымен жалғасын тапты. Шарықтаған ән мен күйді тыңдап, &nbsp;қазақтың ұлттық тағамдары қойылған ақ дастарқаннан дәм татқан жазасын өтеушілер керемет іс-шараны ұйымдастырған мекеме әкімшілігіне алғыстарын білдірді.

Қызылордада жазасын өтеушілерге облыстық филармония әншілері концерт қойды

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев еліміздің тұрғындарын Қасиетті Рамазан айының басталуымен құттықтады.Ел басшысы мұсылмандар үшін маңызды айдың басталуына байланысты тілек жаудырды.<blockquote>"Сіздерді барлық мұсылмандар үшін маңызды Рамазан айымен шын жүректен құттықтаймын! Бұл – тұрақтылық, жанашырлық, байсалдылық, рухани ілімді сақтау және адамның жан-жақты жетілуі сияқты құндылықтарды дәріптейтін ерекше уақыт. Ата-бабаларымыз Рамазанды "он екі айдың сұлтаны" деп құрметтеп, ораза ұстаушыларға ауызшар өткізіп, бір-біріне деген сыйластықты көрсетті. Ғасырлар бойы Ұлы даланың дәстүрлері мен әдет-ғұрыптарымен байланысқан Ислам діні елімізде бірлік пен келісімді сақтауда маңызды рөл атқарды. Бір айда халқымыз мейірімділік танытып, ізгі істерін тындырып, соның жемісін көрсін! Баршаңызға зор денсаулық пен амандық тілеймін! Ораза қабыл болсын!" деді Тоқаев.</blockquote>2023 жылға Қазақстан қалаларына арналған ораза кестесі жарияланды Естеріңізге салсақ, Рамазан айы Қазақстанда 23 наурызда басталды. Ораза бір айға созылады және 20 сәуірде аяқталады.

Ел басшысы қазақстандықтарды қасиетті Рамазан айының басталуымен құттықтады

<a href="https://kyzylorda-news.kz/">Kyzylorda-news.kz.</a> &nbsp;«Қазгидромет» РМК 23-25 наурыз күндеріне ауа райы болжамын ұсындыСиноптиктердің мәліметінше, аталған күндері Қазақстанның басым бөлігі антициклон ықпалында болады. Күн шығып, жылынады.Тек солтүстікте және солтүстік-батыста, 23 наурызда оңтүстік-шығыстағы таулы аудандарда күн райы құбылмалы болып, жаңбыр мен қар түрінде жауын жауады.Республика бойынша тұман түсіп, оңтүстік-батыста шаңды дауыл тұрады. Елдің солтүстігі мен солтүстік-батысында жел соғады.

Қазақстан және Қызылорда облысының жаңалықтары