<a href="https://kyzylorda-news.kz/">Kyzylorda-news.kz.</a>&nbsp; Қызылорда мен Түркістан облыстарында ауа райының қолайсыздығынан автомобиль жолдарының бірқатар бөлігінде көлік қозғалысына шектеу қойылды, деп хабарлайды ҚазАқпарат.Қызылорда облыстық төтенше жағдайлар департаментінің мәліметінше, аймақта ауа райы күрт нашарлады. Қар аралас жаңбыр жаууда. Көру мүмкіндігі төмен.<blockquote>«Осыған байланысты «ҚазАвтоЖол» АҚ Қызылорда облысы бойынша филиалы мәліметіне сәйкес, 2 ақпанда Астана уақытымен 5.40-тан бастап республикалық маңызы бар «Самара-Шымкент» автомобиль жолының 1357-1806 шақырым аралығына барлық көлік қозғалысына уақытша шектеу қойылды. Ол Арал ауданы орталығынан Қызылорда қаласына дейінгі аралықты қамтиды», - деп жазылған хабарламада.</blockquote>Сол сияқты, Түркістан облысында да жауын-шашын салдарынан бірқатар жолдар жабылуда. Кешеден бері жауын-шашын көп болып, тұман түсуіне байланысты полиция жүргізушілер мен жаяу жүргіншілерге жолдарда сақ болуды ескертеді. Себебі мұндай ауа райында көлік құралын басқару қиындап, жол көлік оқиғаларының болу ықтималдығы артады. Сондықтан жауын салдарынан жол үстінде болатын көктайғақта жол қозғалысы ережелерін қатаң сақтау қажет.Осыған орай полиция қызметкерлері Созақ ауданы арқылы өтетін «Ұланбел-Созақ-Екпінді», Бәйдібек ауданы бойынша «Шаян-Шолаққорған» тасжолдары уақытша жабылғанын хабарлады.Одан бөлек облыстың Арыс, Қазығұрт, Ордабасы, Сайрам, Төлеби, Созақ, Сауран аудандарында ауа райы күрт өзгеріп, қар аралас жауын-шашын толастамай тұр.Сондықтан полицейлер ең алдымен жол қозғалысы ережелерін мұқият сақтап, жылдамдықты арттырмай, қашықтықты, жол белгілерінің талаптарын орындаңыздар деп кеңес береді.Сондай-ақ аса қажеттілік болмаса жолға шықпауға шақырады.

Қызылорда мен Түркістан облыстарында ауа райының қолайсыздығынан көлік қозғалысы шектелді

<a href="https://kyzylorda-news.kz/">Kyzylorda-news.kz.</a> Қызылорданың сол жағалауында екі автобус соқтығысты.&nbsp;Оқыс оқиға сол жағалаудағы «ORDA school» жеке мектебінің жанында орын алған. Әзірге зардап шеккендер туралы мәлімет жоқ. Куәгерлер соқтығысқан қоғамдық көліктер жақында қалаға әкелінген жаңа автобустар екенін айтып жатыр.<figure class="image image_resized" style="width:100%;"><img src="https://knadmin.beoblood.kz/uploads/Avtobus_afbecc7472.jpg" alt="Автобус.jpg"></figure>

Қызылордада екі жаңа автобус соқтығысты

<a href="https://kyzylorda-news.kz/">Kyzylorda-news.kz.</a> «Отбасы - тәрбие бесігі» атты кеңесте Қызылорда облыстық білім басқармасының басшысы Мейрамбек Шермағанбет тәрбие жұмысын жаңдандыру қажеттігін жеткізді.<blockquote>«Психологиялық-әлеуметтік жұмыстарды үйлестіретін, әдістемелік көмек көрсететін басқарма жанынан «Тәрбие орталығын» құруды ұсынамын», - деді басқарма басшысы.</blockquote>Алдағы уақытта жыл сайын кәмелетке толмаған жасөспірімдер арасындағы құқықбұзұшылық, суицидтің, зорлық-зомбылықтың алдын алу мақсатында ведомствоаралық жоспар бекітіледі. Сондай-ақ, облыстық білім басқармасының қадамдық жоспары әзірленіп, соның аясында білім беру ұйымдарына тиісті тапсырмаларға сәйкес жұмыстар жүргізілетін болады.&nbsp;

Қызылордада «Тәрбие орталығын» құру ұсынылды

<a href="https://kyzylorda-news.kz/">Kyzylorda-news.kz.</a> Н.Бекежанов атындағы театрда өткізілген «Отбасы - тәрбие бесігі» атты кеңесте Қорқыт Ата университетінің профессоры, академик, 5 баланың әкесі Нурбол Аппазов ата-аналарға бала тәрбиесі мен қауіпсіздігіне қатысты өз үндеуін жолдады.<blockquote>«Құрметті ата-аналар! Адамзат баласының ең ұлы ерлігі – ұрпақ жалғастырып, оны өрелі етіп өсіру, еркін білім алуына және оның барынша еркін ойлы болып өсіп-өнуіне жағдай жасау, ұлттық құндылықтарға негіздеп тәрбие беру. Осы мақсаттарға жету жолында біздерде, яғни, ата-аналарда қандай кемшіліктер кетуде, оның салдары қандай? Осы сұрақтарға біз жауап іздеуіміз керек?Біз көбіне ең бірінші жауапкершілікті тек қана мектеп пен мұғалімнен талап етіп жатамыз. Мөлшерлі уақытқа икемделген оқу мен тәрбиенің әдістемелері бала санасын барынша ізгілендіргенімен, ата-ана мейрімі мен ықыласынсыз ол - нәрсіз! Біз осыны түсінуіміз керек, құрметті ата-аналар!Баланың бұрмаланған ой-өрісінен, негізсіз талаптарға икемделіп өсуінен, тым кінәмшіл болып қалыптасуынан мектеп пен мұғалім ғана емес, тұтас қоғам зардап шегуі мүмкін. Осы жауапкершіліктің салмағын біздер, яғни ата-аналар толық сезінуі керек деп ойлаймын. Жас ұрпағымыз қанымызда болмаған «суицид», «ерте жүктілік», «игромания», «буллинг», «кибербулинниг» секілді оқиғалар кейіпкері болуда. Осы жағдайларға жол беріп, қол қусырып отырудың арты орны толмас зардаптарға әкелетінін әсте ұмытуға болмайды. Біз олардың алдын ала аламыз, алдын алуымыз керек және алдын алуға міндеттіміз құрметті ата-аналар!Атап айтатын тағы бір мәселе балаларымыздың ғаламтор желісіне шырмаулануы. Әр түрлі ойындар бала бойына түрлі жағдаяттарды туындатып өсіп келе жатқан жас буындарды қылмысқа, &nbsp;өздерін тежей алмайтын әрекеттерге &nbsp;алып келуде. Осындай әркеттерді тоқтату үшін ата-ана баласына ұялы телефондарына шек қою және қымбат дүниелерді &nbsp;алып беруде жас ерекшеліктерін ескеруі қажет деп ойлаймын.Ұлы сөзде ұят жоқ демекші, ерте жүктіліктің, зорлық-зомбылықтың алдын алуда репродуктивті денсаулықты балаға түсіндіруде ата-ана маңызды рөл атқаратынын ескеруіміз керек. Себебі баламен ол туралы сөйлесудің қажеттілігі мен маңыздылығы балаға зорлық көрсетудің алдын алуында жатыр. Көбіне бүгінде ата-ана мен бала арасында мәміле жоқ. Біздер баламен жиі әңгімелесіп, сырласып, сұхбаттасуымыз қажет. Баланың жасына қарай бейімделіп, балалармен солардың тілінде сөйлесуіміз керек.Тағы бір ерекше тоқталып өтетін жәйт, суицид. Отбасыларда түрлі жағдайлардың қалыптасуы бала тәрбиесіне кері әсерін тигізуде. Отбасындағы дағдарыс, ерлі-зайыптылардың жанжалдасуы, ажырасуы, маскүнемдік, заңсыз отбасын құру т.б келеңсіздіктер сөз жоқ, баланың жан дүниесіне ауыр соққы болып тиеді. Мұндай ортада өскен бала әрине өте қамкөңіл, тез ренжігіш, күйгелек мінезді болып өседі, ата-аналық мейірімді қатты аңсайды. Сол себепті баламен тығыз-қарым қатынас орнатып, олардың сырласы да, досы да болуымыз керек.Құрметті ата-аналар! Баланың мінез құлқы, тәрбиесі, білімі біздің көрсеткен үлгіміз арқылы өлшенетінін естен шығармауымыз керек. Жас шыбықты қалай исең, солай өседі ғой. Ата-ананың тәрбиесі үлкен із қалдыратынын ескерсек, бала тәрбиесінде біз қателеспеуіміз қажет. Бала – әр жанұяның бақыты ғой. Ендеше ата-аналар, өз бақытымызды бағала білейкші.Отбасын бақыт жағалауын бетке алып, өмір айдынында жүзіп келе жатқан қайыққа теңесек, оның қос ескегін әке мен ана дер едік. Сондықтан біздің ең үлкен басты мақсатымыз – өз баламыздың үлкен әріппен жазылатын АЗАМАТ етіп тәрбиелеу», - делінген үндеуде.</blockquote>

Қызылордалық профессор ата-аналарға үндеу жолдады

<a href="https://kyzylorda-news.kz/">Kyzylorda-news.kz.</a> Бүгін Қазақстанның солтүстігі мен шығыс жартысы антициклон сілемі әсерінде болып, күн жауын-шашынсыз болады, деп хабарлайды Қазгидромет.Республиканың оңтүстігі мен оңтүстік-шығысына оңтүстік циклон әсер етеді, соның әсерінен жауын-шашын болады, кей уақытта нөсер жауын (жаңбыр, қар) болады. Республика бойынша тұман түсіп, республиканың оңтүстігінде, оңтүстік-шығысында жел күшейеді, елдің оңтүстігінде, оңтүстік-батысында көктайғақ болады.Түркістан облысының оңтүстігінде, таулы аудандарында, Қызылорда облысының оңтүстік-шығысында, Жамбыл облысының таулы аудандарында нөсер жауын (жаңбыр, қар) жауады, күндіз Алматы облысының таулы аудандарында қалың қар түседі.

Ауа райы: Қызылордада жауын жауады

<a href="https://kyzylorda-news.kz/">Kyzylorda-news.kz.</a>&nbsp;Назарбаев Зияткерлік мектебі мен қарапайым мектепті қаржыландырудың арасындағы айырмашылық 6 пайызды құрайды. Ал ауыл мектептерімен 44 пайызды құрап отыр. Бұл туралы экс-сенатор Мұрат Бақтиярұлы Қызылорда облысында өткен «Отбасы – тәрбие бесігі» атты бірлескен кеңесте айтты.<blockquote>«Біздің басқосуымыз жас буынның тәлім-тәрбиесіне, біліміне қатысты көкейтесті мәселелер талқылап, ортақ шешім қабылдауға бағытталып отыр. Қазіргі оқып жатқан мектептерде, колледждерде, университеттерде студенттер, оқытушылар 80-90 жылдарда дүниеге келген ұрпақ оқытып жатыр. Олардың мектеп қабырғасындағы балалық шақтары социолистік қоғамнан нарықтық қоғамға, әлі де болса толық құнын анықтай алмаған кезге сәйкес келеді. Есімізге түсіріп көрейікші, кешегі 90-жылдардың басында біз мемлекет боламыз ба, болмаймыз ба, біз қайда барамыз, қандай күйде боламыз деген сұрақтар 13 жыл бойы санамызда тұрды. Сол уақытта балабақшалардың барлығы талан-таражға салынып, мектептерде оқу-білім, тәлім-тәрбиеге қаржы жетпей, айлар бойы айлық алмаған кездер болды. Сол кезеңде тәрбие алған ұрпақтар балабақшаларда, мектептерде жұмыс жасап жатыр. Бұл үшін ол ұрпақтарды кінәлауға болмайды. Оған біз, қоғам кінәлі. Сол кезден бастап қатыгез, мейірімді ұмытқан, үлкенге деген құрметі азайған, қала мен ауыл, бай мен кедей, әсіре діншіл дүбара ұрпақтың қалыптасуына ұласты. Білім, еңбек, парасаттылық, отбасылық құндылық деген ең қажетті қасиеттерді сіңіру екінші, үшінші орынға ығысты. Тек соңғы жылдары ғана мемлекетіміз есін жинап, білім мен тәрбиеге үлкен мән бере бастады. Осы тұста біз қоғам қалыптастырушы орта мектептерге ерекше назар аударуымыз қажет. Өйткені жаңа ұрпақтың өзіне деген сенімі төмендігіне, маман, тұлға ретінде тиісті дәрежеде қалыптаса алмауына біздің ұрпақ та жауапты. Бір-бірінен алшақ әлеуметтік топтардың болуы, олардың бір-біріне ашық қарсы шығуы, қатыгездік пен озбырлыққа баруының түп-тамыры білімде жатыр», - деді Мұрат Бақтиярұлы.&nbsp;</blockquote>Экс-сенатор баяндама барысында зерттеу бойынша еліміздегі 3,7 млн оқушылардың 1 пайызы ғана сапалы білім алып жатқанын айтып өтті.&nbsp;<blockquote>«Оқушылардың көпшілігі екі немесе үш ауысымдық мектепте оқиды. Әлемнің ең мықты мектептерінде екі ауысымдық мектеп жоқ. Оларда тек бір ауысымдық мектептер. Олар қалған екінші-үшінші ауысымды үйірмелерге арнайды. Біз өкінішке орай, бұл жағдайға жете алмай отырмыз. Демек, білім берудегі теңсіздік пен алшақтық бар, қала мен ауыл мектептерінің арасы айтарлықтай үлкен. Мысалы, Назарбаев Зияткерлік мектебі мен қарапайым мектепті қаржыландырудың арасындағы айырмашылық 6 пайыз болса, ауыл мектептерімен 44 пайызды құрайды. Енді ауыл мектептеріндегі оқушылардың Назарбаев Зияткерлік мектебі оқушысының білім деңгейіне жетуі үшін 6 жыл уақыт керек», - дейді Мұрат Бақтиярұлы.&nbsp;</blockquote><img src="https://knadmin.beoblood.kz/uploads/327329544_1632633963836799_1806359065622193182_n_affdc386db.jpg" alt="327329544_1632633963836799_1806359065622193182_n.jpg">

Мұрат Бақтиярұлы: НЗМ мен қарапайым мектепті қаржыландырудың айырмашылығы 6 пайызды құрайды

<a href="https://dszn.ru/press-center/news/2953">ФОТО</a><a href="https://kyzylorda-news.kz/">Kyzylorda-news.kz.</a> Бүгін Қызылордада өткен «Отбасы – тәрбие бесігі» атты бірлескен кеңесте мемлекет және қоғам қайраткері Мұрат Бақтиярұлы елімізде кибербуллингке ұшырағандардың көбісі 11-16 жас аралығындағы жасөспірімдер екенін айтты.&nbsp;<blockquote>«Жаңа технология ғасырында біздің санамызға бойлап кіріп, миымызды улап жатқан боуллинг, моббинг, кибербуллинг, хейзинг сияқты бұрын-соңды естімеген сөздерге етіміз де, құлағымызды үйреніп кетті. Мұның барлығы да әлеуметтік желілер арқылы қорлау, қорқыту, мазақтау және қудалау. Бүгінде жалғанның жетегінде кеткен жастардың басым көпшілігін осы кибершабуылдың құрбаны деп санауға болады. Алайда зардап шеккендер мен олардың қорғаушылары негізінен 11-16 жас аралығындағы жасөспірімдер, олар біздің еліміз бойынша 12 пайызды құрайды. Дәл қазіргі қоғам үшін адам құқықтарын, оның ішінде балалардың құқықтарын қорғау, кибербуллингтен сақтау аса маңызды», - деді Мұрат Бақтиярұлы.&nbsp;</blockquote>Қоғам қайраткері өз сөзінде, көптеген елдерде интернет платформаларының қауіпсіздік деңгейін арттыру, кибербуллингтен қорғау мақсатында тиісті заңдар қабылданғанын айтты.&nbsp;<blockquote>«Германияда кибербуллинг ұйымдастырған азаматтар 10 жылға дейін бас бостандығынан айырылады. Бізде осы мәселеге қатысты 17 сенатор 2020 жылы кибербуллингке қарсы заңды күшейтуге қатысты Үкіметке депутаттық сауал жолдаған болатынбыз. Өкінішке орай, көптеген себептерге байланысты ол депутаттық сауалдың жартысы ғана орындалды. Осы жиыннан соң кибербуллингке қатысты заңды күшейту бойынша Сенат депутаттарына хат жолдауға болады. Мәселені қайта қарап, көтеруге артық етпейді», - деді Мұрат Бақтиярұлы.&nbsp;</blockquote>

Кибербуллинг: Депутаттық сауалдың жартысы ғана орындалған

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> "Қазгидромет" РМК ұсынған болжам бойынша, ақпанның бірінші онкүндігінде республиканың оңтүстік жартысында күн жылы және жауын-шашынды болады.</h4>&nbsp;Оңтүстік циклондардың жиі шығуы қарқынды жауын-шашынның түсуіне әкеледі, Қазақстанның оңтүстігі мен оңтүстік-шығысындағы таулы аудандарында қатты жауын-шашын (жаңбыр, қар) болжанды.Ауа температурасы түнде -2+5°С-қа дейін, күндіз +5+12°С-қа дейін жоғарылайды. Онкүндіктің соңында қайтадан түнде -3-15°С-қа дейін, күндіз 0,+8°С-қа дейін салқындайды.Болжамға сүйенсек, еліміздің батыс аймақтарына солтүстік-батыс циклонмен байланысты атмосфералық фронттар әсер етеді, бірінші онкүндікте батыс аймақтарында ауа райы тұрақсыз болып, жаңбыр мен жылбысқы қар түріндегі аралас жауын-шашын мен екпінді жел болады.Ауа температурасының күндізгі фоны -3+5°С шегінде болжанады.<blockquote>Елдің қалған аймақтарында бірінші онкүндіктің бірінші жартысында Сібір антициклонының әсерімен аязды, негізінен жауын-шашынсыз ауа райы сақталады. Кезеңнің екінші жартысында Сібір антициклоны әлсірейді, Жерорта теңізі аудандарынан циклон республиканың солтүстік-батысына қарай жылжиды, еліміздің солтүстік жартысында атмосфералық фронттардың күшеюімен қар жауып, бұрқасын соғады, желдің күшеюі 15-25 м/с дейін болжанады", - делінген Қазгидромет хабарламасында.</blockquote>Ауа температурасы жоғарылайды:<ul><li>еліміздің солтүстігінде түнде -20-28°С-тан -15-20°С-қа дейін, күндіз -8-18°С-тан -5-10°С-қа дейін;</li><li>орталық аймақтарда ауа температурасы түнде -13-28°С-тан -7-15°С-қа дейін, күндіз -7-12°С-тан -1-7°С-қа дейін ауытқиды;</li><li>еліміздің шығысында ауа температурасының басым фоны түнде -15-28°С, күндіз -5-15°С шамасында болжанады.</li></ul>Ауаның орташа айлық температурасы республиканың басым бөлігінде норма шамасында, Шығыс Қазақстан облысында, Абай облысының басым бөлігінде, Павлодар облысының солтүстік-шығыс жартысында, Маңғыстау облысының оңтүстік-шығысында, Ақтөбе облысының қиыр оңтүстігінде, Қызылорда, Түркістан, Жамбыл, Алматы облыстарының оңтүстік жартысында және Жетісу облысының оңтүстік-шығыс жартысында нормадан 1° жоғары болады деп күтілуде.Осы жылдың ақпан айында жауын-шашын мөлшері республиканың басым бөлігінде норма шамасында, Түркістан, Жамбыл облыстарында, Қызылорда, Алматы облыстарының басым бөлігінде, Шығыс Қазақстан облысының оңтүстік-шығыс жартысында, Абай облысының қиыр оңтүстік-шығысында және Жетісу облысының оңтүстік-шығыс жартысында нормадан көп болады деп болжануда.Ақпанның екінші және үшінші онкүндіктерінде республика бойынша ауа-райының тұрақсыз сипаты болжанады: еліміздің басым бөлігінде негізінен қар аралас бұрқасын, елдің оңтүстігінде жауын-шашын (жаңбыр, қар), тұман, көктайғақ болжанады.Ауа температурасы:<ul><li>еліміздің батыс өңірлерінде түнде -15-25°С-тан -7-15°С-қа дейін, күндіз -5-10°С-тан -5+5°С-қа дейін;</li><li>республиканың солтүстік, орталық және шығыс өңірлерінде түнде -20-30°С-тан -10-15°С-қа дейін, күндіз -10-15°С-тан -2-7°С-қа дейін;</li><li>ҚР оңтүстігінде, оңтүстік-шығысында түнде -10-18°С-тан 0,-5°С-қа дейін, күндіз 0,-5°С-тан +3+10°С-қа дейін.</li></ul>

Ақпан айында ауа райы қандай болады?

<a href="https://kyzylorda-news.kz/">Kyzylorda-news.kz.</a>&nbsp;Өскелең ұрпақты жан-жақты дамытып, толыққанды тұлғаны қалыптастыру&nbsp;мақсатында ұйымдастырылған «Отбасы – тәрбие бесігі» атты бірлескен кеңесте мемлекет және қоғам қайраткері, саяси ғылымдардың докторы Мұрат Бақтиярұлы елімізде 1 млн-ға жуық бала ең аз қамтылған отбасыда тәрбиеленіп жатқанын айтты.<blockquote>«Қоғамда шешімін таппаған мәселе өте көп. Деректерге сүйенсек, елімізде 20 млн. халық болатын болса, соның ішінде 1 млн-ға жуық бала ең кедей отбасында тәрбиеленіп, білім алуда. Бұл ресми деректер, ал бейресми дерек мұнан да көп болуы мүмкін. Оларды жоғалып бара жатқан ұрпақ деп айтуға болады. Сондықтан да Президентіміз бірінші кезекте кедейшілікпен күресудің жаңа жүйесін жасауға Үкіметке тікелей тапсырма берген болатын. Қазіргі таңда біршама жұмыстар атқарылып жатыр. Соның бірі «Жайлы мектеп» жобасы. Жоба аясында республикалық бюджеттен 2,6 трлн. теңге бөлініп, алдағы үш жылда 800 мыңға жуық балаларды жайлы мектеппен қамтитын боламыз», - деді Мұрат Бақтиярұлы. &nbsp;</blockquote>

Мұрат Бақтиярұлы: Елімізде 1 млн-ға жуық бала ең кедей отбасында тәрбиеленіп жатыр

<a href="https://kyzylorda-news.kz/">Kyzylorda-news.kz.</a> Бүгін Н.Бекежанов атындағы қазақ академиялық музыкалық драма театрында Қызылорда облысы білім саласы қызметкерлері мен ата-аналардың «Отбасы – тәрбие бесігі» атты бірлескен кеңесі ұйымдастырылды. Шараның негізгі мақсаты - өскелең ұрпақты жан-жақты дамытып, толыққанды тұлғаны қалыптастыру. Жиынға облыс әкімі Нұрлыбек Нәлібаев, мемлекет және қоғам қайраткері Мұрат Бақтиярұлы, қала, аудан әкімдері, құқық қорғау органдарының басшылары және селекторлық режимде аудандық қоғамдық кеңес өкілдері, білім саласының қызметкерлері мен ата-аналар қатысты.Кеңес модераторы, облыстық «Аманат» партиясының төрағасы, тарих ғылымдарының кандидаты, доцент Наурызбай Байқадамов жаһандану дәуірінде әр халық, әр ұлт үшін дінін, тілін, мәдениетін, тарихын мейлінше сақтап қалудың зор маңызын атап өтіп, осы ретте отбасылық тәрбие ерекше рөл атқаратынын айтты.Облыс әкімі Нұрлыбек Нәлібаев кездесуге аймақ басшысы ғана емес, әке ретінде ашық пікірлесу үшін келгенін айтып, өңірде балалар үшін атқарылған жұмыстарды баяндады.<blockquote>«Мемлекет басшысы өткен жылды «Балалар жылына» арнап, айрықша маңыз берді. Мерейлі жылы жеткіншектерімізге бұрынғыдан да көбірек көңіл бөлуге, асқақ армандарына басқан қадамдарын демеуге күш салдық.Бүлдіршіндерге тарту ретінде аймақта демеушілердің қолдауымен құны 1,6 млрд.теңгеге 80 балалар спорт-ойын алаңын пайдалануға бердік. Тек қаланың ортасында ғана емес, шеткері аймақтарда да ойын алаңдары салынды. 2022 жылы 19 балабақша ашылды. Өткен жылы 6 мектеп тапсырып, 2 апатты білім беру ұйымының мәселесін шештік. Жалағаш ауданында 250 орындық заманауи Оқушылар үйін ел игілігіне табыстадық.Үкімет басшысының Сыр еліне сапары барысында 300 орындық жатақханасы бар 400 орындық «физика-математика» бағытындағы мектеп-интернат, көпсалалы спорт кешенін салу жобасы қолдау тапты.Биыл «ҚазГерМұнай» компаниясы Қызылордада заманауиОқушылар сарайының құрылысын бастайды. Алдағы жаңа оқу жылының қарсаңында 150 орындық екі мамандандырылған мектеп дарынды балаларды қабылдайды», - деді облыс әкімі.</blockquote>Алдағы 3 жылда 64 балабақша ашу жоспарлануда. Осылайша 11 мыңға жуық бүлдіршін мектепке дейінгі тәрбиемен қамтылады.Бұған қоса биыл Жаңақорған, Шиелі, Қазалы, Арал аудандарында 940 орындық 4 жаңа мектеп пайдалануға берілмек.Мемлекет басшысының бастамасымен «Жайлы мектеп» ұлттық жобасы аясында 15 100 орынға арналған 21 мектеп салынады. Жалпы құны 100 млрд. аса теңгені құрайтын бұл білім саласындағы бұрын-соңды болмаған үлкен жоба.Аймақта жеке мектептердің де үлесі артуда. Қазірдің өзінде өңірде 21 жеке мектеп жұмыс істесе, алдағы 3 жылда инвесторлар 12 мектеп салуға ниет білдірді.Өңірдегі жетістіктерді саралаған аймақ басшысы қоғамда белең алған интернетке тәуелділік, құмар ойынға салыну, оқушылар арасындағы әлімжеттік және өзге де мәселелердің алдын алу мақсатында тиісті басқарма басшылары мен қала, аудан әкімдеріне балалардың бос уақытын тиімді өткізу және оларды толыққанды әлеуметтендіру іс-шаралар кешенін қолға алуды тапсырды.Облыстық білім басқармасының басшысы Мейрамбек Шермағанбет «Білім беру ұйымдарында құқық бұзушылық пен зорлық-зомбылықтың алдын алу және бала қауіпсіздігін қамтамасыз ету мәселелері» тақырыбында баяндама жасады. Балалардың бос уақытын қамту бағытында өңірде жалпы 61 мектептен тыс қосымша білім беру ұйымы, мектеп жанында 2170 спорттық секция және 1942 үйірме жұмыс жасайды. Онда 156 764 бала қамтылған.Оқушылар қауіпсіз ортада өмір сүруі мақсатында аймақтағы барлық білім беру ұйымдары бейнебақылау жүйесімен 100% қамтылып, 170 мектепке полиция бөлімшелеріне қосылатын дабыл түймесін орнату үшін 97 млн.теңге бөлінді. Барлық білім беру ұйымдарында дабыл түймесінің іске қосылуы осы жылы толықтай шешімін тапты.Кеңес отырысына арнайы қатысқан мемлекет және қоғам қайраткері Мұрат Бақтиярұлы өз баяндамасында қоғамдағы өзекті мәселелерді зерделеп, кибербуллинг, моббинг секілді аса қауіпті құбылыстардың әсерін назарға салды.Баяндамашылар өз салалары бойынша тәжірибелерімен бөлісіп, бала тәрбиелеуге қатысты ұсыныстарын ортаға салды.

Қызылордада «Отбасы – тәрбие бесігі» атты кеңестің алғашқы отырысы өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы халқының 39 проценті балалар. Бұл туралы Қызылорда облысы білім беру қызметкерлері мен ата-аналарының «Отбасы – тәрбие бесігі» атты бірлескен кеңесінде Балалар құқығы мәселелері бойынша өңірлік уәкіл Жапырақ Ұзақбаева мәлімдеді.&nbsp;<blockquote>«Сыр өңірінде халық саны 832 488 &nbsp;болса, оның &nbsp;326 373 немесе 39%-і бала», - деді ол.&nbsp;</blockquote>Сонымен қатар, 24 315 бала көпбалалы, 30 994 аз қамтылған отбасында тәрбиеленіп жатыр. 6711 баланың мүмкіндігі шектеулі, 797-і ата-анасының қамқорлығынсыз қалған.&nbsp;<blockquote>«Республикалық статистикаға сүйенсек, жыл сайын облыста 5000-ға жуық отбасы құрылады, 2000 –ға жуығы ажырасады. Толық емес отбасында 16 636 бала тәрбиеленеді», - деді Жапырақ Ұзақбаева.&nbsp;</blockquote>

Қызылорда облысы халқының 39 пайызы балалар

<a href="https://kyzylorda-news.kz/">Kyzylorda-news.kz.</a>&nbsp;«Alumni NIS» қағидаттарына айналған OTANYŃDY SUI, ÄLEMDI ÖZGERT, ADAL BOL сөздері Назарбаев Зияткерлік мектептері түлектерінің Франкфурт қаласындағы Қазақстан Республикасының Бас консулдығында өткен кездесуінде айтылды.<blockquote>«NIS-тің мен үшін нағыз әлеуметтік лифтке айналып, үлкен мүмкіндіктер берген мекен екенін мақтанышпен айту үшін осындай тамаша сәтті күттім. Мен Өскемен қаласындағы Зияткерлік мектепке Шығыс Қазақстан облысындағы Қасым Қайсенов атындағы қарапайым ауылдық мектептен түстім, ағылшын тілі мен химия пәнінен қиындықтар бірден пайда болды. Бір шет тілін меңгерудің аздық ететінін түсініп, неміс тіліне қызыға бастадым, 12-сыныпта IELTS емтиханынан 8.0 балл алып, қатарынан бірнеше университетке, соның ішінде Экономика жоғары мектебіне грантқа шақырту алдым. Мен Германиядағы Рейн-Вааль қолданбалы ғылымдар университетін таңдадым, Солтүстік Рейн-Вестфалиядағы Клеве қаласында орналасқан. Қазіргі уақытта биоинженерия саласында оқимын, қазақстандық ғылымда, соның ішінде фармацевтикада өзімнің қолтаңбамды қалдыруды армандаймын. Бос уақытымда шығармашылықпен айналысып, ағылшын тілінде өлеңдер жазамын, екі кітап шығарып та үлгердім. Ауылымдағы мектепте оқып жүрген кезде шетелде білім алып, бірнеше тілді жетік меңгеремін деген ой мүлде болмаған. NIS маған үлкен мүмкіндіктер сыйлады, Зияткерлік мектепке түскеннен кейін өзіме деген сенімім артып, біздің басты қағидаттарымызға айналған «отан алдындағы жауапкершілік», «академиялық адалдық», «қоғамға қызмет ету» ұғымдарын бойыма сіңірдім», -деді Hochschule Rhein-Waal студенті Амина Бақтиярова.</blockquote>Аминаның жетістігі – жарқын, иланымды, есте қаларлық және ... барлық NIS түлектеріне тән. Назарбаев Зияткерлік мектептері өз оқушыларына бірегей үміт пен мүмкіндік берді. &nbsp;Кездесу қатысушылары Германиядағы биохимия, цифрлық технология, машина жасау, инженерия, логистика және экология салаларында мамандандырылған үздік университеттерде білім алуда.&nbsp;Бейбарыс Есенгелдин екі жыл бұрын Шымкенттегі физика-математика бағытындағы NIS-ті тәмамдады, мектеп президенті болды, Франкфуртқа Венгрияның Дьор шаһарынан келді, Szent Istvan University-де оқиды. Жоғары оқу орнында Бейбарыстың жаратылыстану-математикалық бағыттағы академиялық дайындығы ғана емес, NIS-тің жан-жақты білімі мен маңызды адами қабілеттерге баулитыны таң қалдырды. Ал Талдықорғандағы Зияткерлік мектеп түлегі, бүгінде Technische Hochschule Würzburg-Schweinfurt студенті Назира Өмірбековаға ата-анасы осы кездесуге баруға кеңес берген. Алматыдағы физика-математика бағытындағы NIS түлектері Еликай Атабаева Мюнхен техникалық университетінде, Әдия Бекдәулетова Швайнфурт қолданбалы ғылымдар университетінде, Мадина Қарақұлова Мюнхендегі Людвиг және Максимилиан университетінде оқиды. Кристина Муляр Павлодардағы NIS түлектерінің алғашқы легін таныстырды, бүгінде Гамбургте жұмыс істейді, мектептегі академиялық дайындығының арқасында университеттегі замандастарынан ерекшеленгенін мойындады. Петропавлдағы NIS-тен Ангелина Бендер Technische Universität Munchen-де цифрлық технологиялар саласын меңгерген, бүгінде ол Германиядағы ең ірі сақтандыру компанияларының бірінде жұмыс істейді және сүйікті мектебінен мүмкіндіктер мен үлкен қолдау алғанын жасырмайды. Оралдағы NIS түлегі Данел Бегалиев Бранденбург қаласынан келді, ол Котбус-Зенфтенберг техникалық университетінде қоршаған ортаны басқару мамандығы бойынша оқиды. Әлихан Нұрдәулет елордадағы физика-математика зияткерлік мектебін бітірген, Karlsruher Institut fur Technologie-де машина жасау мамандығында білім алуда. Абдуллаким Замирбек уулу кездесудің күтпеген әрі ерекше қонағына айналды. Ол – болашақ дата-аналитик, The University of Messina-да білім алуда. Бішкек халықаралық мектебінің түлегі Абдуллаким Назарбаев Зияткерлік мектептерінің түлектеріне тән қасиеттердің арқасында табысқа жетудің жолын түсіну үшін Италиядан Франкфуртқа арнайы келді. Еуропаның озық университеттерінің үздік студенттері Зияткерлік мектепті тәмамдады, олар NIS бауырластығын мақтан тұтады, қиын уақытта бір-біріне қолдау көрсетіп, жеке оқиғаларымен шабыттандыруға әрқашан дайын.<blockquote>«Зияткерлік мектептер түлектерінің басты артықшылығы – академиялық жетістіктер емес, адами қасиеттер. Германияның әр жерінде тұрып, білім алып жатқан кездесу қатысушылары алғаш рет Франкфурттегі Қазақстан Республикасының Бас консулдығында жиналды. Дипломаттар тарапынан жасалған жайлы әрі отбасылық атмосфера, шынайы диалог пен дәмді дастархан үйлерінен жырақта жүрген балалардың көңілінен шықты», – деп мойындады Абдуллаким.</blockquote><blockquote>«Бүгінде Германияда білім алып жатқан әрбір қазақстандық студент – өз елінің өкілетті өкілі, олар Абай, Ахмет Байтұрсынов, Әлихан Бөкейханов, Міржақып Дулатов және қазақтың басқа да біртуар перзенттерінің рухани мұрасын әлемге танытуда», – деп атап өтті Франкфурт қаласындағы Бас консул Тауболды Үмбетбаев.</blockquote>«Назарбаев Зияткерлік мектептері» дербес білім беру ұйымының басқарма төрайымы Күләш Шәмшидинова Германиядағы кездесу желтоқсан-қаңтар айларында NIS түлектерінің туған жерінде басын қосқан бірінші «SAMGAU» форумының заңды жалғасатынын айтты.&nbsp;«Зияткерлік мектептің әрбір оқушысы, мұғалімі, ата-анасы біздің түлектеріміздің Қазақстанды әлемге лайықты танытып, «Alumni NIS» қағидаларына айналған «отанды сүю», «әлемді өзгерту», «нағыз тұлға» болуды насихаттайтынын мақтан тұтады», - деді Күләш Шәмшидинова.<figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_02_01_at_11_10_19_2_c873605902.jpeg" alt="WhatsApp Image 2023-02-01 at 11.10.19 (2).jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_02_01_at_11_10_19_1_30083a0d52.jpeg" alt="WhatsApp Image 2023-02-01 at 11.10.19 (1).jpeg"></figure>

Қазақстан және Қызылорда облысының жаңалықтары