​<a href="https://kyzylorda-news.kz/">Kyzylorda-news.kz.</a> ​Бүгін Қазалы аудандық жастар ресурстық орталығында аудан жастарымен еркен форматта кездесу өтті. Кездесуге аудан әкімінің орынбасары Даурен Тілеумбетов, Ауған соғысының ардагері Күмісбай Серікбаев қатысып, жастармен пікір алмасты.&nbsp;Басты мақсат – жастардың бойында Отанға деген сүйіспеншілікті арттыру, әскери-патриоттық рух қалыптастыру, азаматтарды Отан алдындағы борышын өтеуге шақыру.Ауған соғысының ардагері Күмісбай Серікбаев қазіргі таңда елдің патриоттары болатын ұрпақ тәрбиелеу міндеті тұрғанын айтып, жастарды &nbsp;Отан алдындағы борышын өтеуге шақырды.&nbsp;Ал жас сарбаз Бағдат Әділхан әскердегі қызмет, жауынгерге тән жауапкершілік, ондағы қызықты сәттер туралы әңгімеледі.<blockquote>«Әскерге барудан қашпау керек, онда өткен уақыттың әрбір минуты қызықты деуге болады. Қасыңда жүрген жолдастарың бір жылдың ішінде бір үйдің балаларындай болып кетеді. Әскерге бару арқылы көптеген достар таптық, тазалықты, ұқыптылықты, азамат ретінде жауапкершілікті сезінуді үйрендік»,- дейді жас сарбаз.</blockquote>Аудан әкімінің орынбасары Даурен Тілеумбетов еліміздің қауіпсіздігін қамтамасыз ету патриоттық сезімі бар жастардың қолында екендігін &nbsp;және ауданда жыл сайын дәстүрлі түрде күзгі және көктемгі мерзімде әскерге шақыру науқаны жүретінін айтты.&nbsp;Кездесу соңында жастар сұрақтар қойып, ұсыныс-пікірлерін білдірді.<figure class="image"><img src="https://knadmin.beoblood.kz/uploads/Bezymyannyj_f694094f58.jpg" alt="Безымянный.jpg"></figure>

Қазалыда жастармен еркін форматта кездесу өтті

<a href="https://ura.news/news/1052632258">ФОТО</a><a href="https://kyzylorda-news.kz/">Kyzylorda-news.kz.</a>&nbsp; Бүгінде Қызылорда қалалық сотта 11 нәзік жанды судьяда қызмет етеді. Олардың атқаратын міндеттері аса жауапкершілікті қажет етеді. Өйткені, Заңға қатысты қаралған іс әрбір азаматтың тағдырын шешеді. Өңірлік коммуникациялар қызметінің ақпарат алаңында 10 наурыз – Халықаралық әйел судьялар күніне орай заң саласының арулары БАҚ өкілдеріне арнайы брифинг өткізді.<blockquote>«Қай заманда да отбасы құндылығы бірінші кезекте маңызды саналады. Себебі әрбір жанұя еліміздің іргетасы іспетті. Бүгінде Қызылорда қалалық сотында еңбек ететін заң саласының қызметкерлері ҚР Конституциясы мен Азаматтық кодекстің негізінде істерді жүзеге асырады. Өздеріңіз білетіндей, бұл салада қызмет ету әсіресе нәзік жанды жандар үшін оңай емес. Өйткені қызмет бабында түрлі жағдайларға кездесіп жатады. Одан бөлек, отбасы мен осы саланы қатар алып жүруде үлкен жауапкершілік. Заң саласының қызметкері болу үшін ең алдымен психологиялық тұрғыда мықтылық керек, одан кейін заң тұрғысында сауатты болу маңызды. Әрине әйел жаратылысы болғаннан кейін бірінші кезекте баланың мүддесі үшін уайымдаймыз. Ата-аналары екі жаққа бөлек кетпеуі үшін өзіміздің кеңесімізді айтып, ойлануға уақыт береміз. Соның арқасында өз арызын кері қайтарып алатын отбасылар бар», - деді қалалық сот судьясы Әйгерім Қаршыға.</blockquote>-Бүгінгі 10 наурыз – Халықаралық сот судьясы күнімен барша заң саласының аруларын құттықтаймын! Осы салада абыройлы қызмет етіп жүрген барша нәзік жандылардың еңбегі ерен. Жалпы құқықтану факультетінде оқып жүрген кез келген қыз балалардың судья болу арманы. Сол ізбасар қыздарға айтарым, заң қызметкері атану үшін әділетті, мамандыққа адалдық, ішкі сезіміне беріктік, білімді болуы керек. Біздің атқаратын қызметіміз адам тағдырына байланысты болғандықтан жауапкершілік жүгі жеңіл емес, - деді қалалық сот судьясы Маржан Ақынбек.<hr><figure class="image"><img src="https://knadmin.beoblood.kz/uploads/335643658_1181132249273032_5132049151196149642_n_88a0faa99e.jpg" alt="335643658_1181132249273032_5132049151196149642_n.jpg"></figure>

Бүгін - Халықаралық әйел судьялар күні

<a href="https://kyzylorda-news.kz/">Kyzylorda-news.kz.</a>&nbsp;Алдағы үш күнде еліміздің басым бөлігінде құбылмалы ауа райы сақталады. Ұйытқыған жел жауын-шашынды, қар мен жаңбырды айдап өтеді, солтүстік-батыс, солтүстік және шығыс аудандарда бұрқасын болуы мүмкін, деп хабарлайды Egemen.kz «Қазгидромет» баспасөз қызметіне сілтеме жасап.Синоптиктердің мәліметінше, 11-12 наурызда елдің оңтүстігінде нөсер жаңбыр жауады, республиканың шығысында 12-13 наурызда қатты жауын-шашын (қар, жаңбыр) болуы мүмкін, Қазақстанның оңтүстік-шығысында 12-13 наурызда нөсер жауын жауады. Елдің барлық бөлігінде тұман түсіп, солтүстік бөлігінде көктайғақ болуы мүмкін. Республиканың оңтүстігінде күн күркіреп, найзағай ойнайды.Ауа температурасы: елдің батыс облыстарында түнде – 0-10 градус жылы ауа райынан -2-8 градусқа дейін құбылса, күндіз 3-15-тен 7-18 градус аралығында жылы болады. Солтүстік-батыста, солтүстікте, елдің орталық пен шығысында түнде 0-12-ден 3-15 градусқа дейін төмендесе, күндіз минус 3- плюс 10-нан, минус 5- плюс 3-ке дейін суытады. Оңтүстікте түнде минус 3-плюс 10 болса, күндіз 10-20 градусқа дейін жылиды. Оңтүстік-шығыста түнде 0-8 болса, күндіз де 2-18 аралығында жылы болады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жаңақорған аудандық оқушылар үйінде жұмысын бастаған «мобилография» үйірмесі әрбір мектеп оқушысын қабылдап, шығармашылығын шыңдауға дайын.Бұл саланы жастар жағы жақсы білгенімен, үлкен буын түсінбей жататыны айқын. Бұл – телефонның көмегімен әртүрлі бейнероликтер түсіріп, монтаждайтын арнайы серификатталған маман. Трендтке айналған мамандыққа деген сұраныстың көптігі сонша, бүгінде әлеуметтік желі арқылы арғысы Алматыдан 500 мыңға дейін курстар алып, оқып жатқандардың қарасы көп. Себебі сол, бұл мамандық – жүздеген есе қаражат алып келеді.Оқушылар үйінде жұмысын бастаған бұл үйірменің басты мақсаты – қызығушылығын өз мамандығына айналдырған оқушы қалыптастыру. Бүгінде жан-жақты бағытта жұмыс жасайтын үйірме арнайы студиомен, штатив, жарық бергіш сәулелі аппараттар мен дыбыс жазу құрылғыларымен жабдықталған. Яғни, шығармашылық бағытта бейнероликтер түсіріп, әлеуметтік желінің жұлдызы атанамын дегендерге барлық мүмкіндік қарастырылған. Бүгінде бұл үйірмеге 36 оқушы қатысады. Күн өткен сайын аталмыш мамандыққа деген сұраныс жоғарылап, оқушылар саны артты. Мобилография саласын жетік меңгеріп шыққан шәкірттер әрі қарай жұмыс жасап, кәсібін де айналдыра алады.Енді тақырып ауанын тереңнен тарқатсақ. Қыран Талапбек есімді танымал жас Америкада оқып жүріп, аталмыш саланы Қазақстанға алып келді. Негізін салды деуге де болады. Бүгінге дейін мыңдаған шәкіртті онлайн және офлайн форматта оқытып, ресми «мобилограф» атандырды. Үздік шәкірттердің құрамында бұл саланы өмірлік бизнесіне айналдырып жүрген жаңақорғандық жастар да бар. Мәселен, инстаграм желісінде @alimusа.03 парақшасымен танылған жас мобилограф шеберлік шыңының арқасында әлемге әйгілі «Toyota» компаниясымен келісім-шарт негізінде жұмыс жасауда. Алматының ашық аспанында жүріп, үлкен армандар мен мүмкіндіктерге жол бастауда.Ал, ауданымызға оралатын болсақ, «Galiya event» студиосын білмейтін жан кемде-кем. Кәсібін ең алғаш мобилографиядан бастаған Мұхаммедәлі Шаханов бұл саланы жетік меңгерген. Фантазиясынан түрлі тренд видеолар, студиолық жобалар мен жаңа айдарлар туындаған. Ауданымыздың саяси-мәдени ақпараттық рубрикаларын тереңнен танытып, жұмыс жасап жүр. Ерекше айта кететіні, күллі ауданның ақпаратын көзтартарлық бейнероликпен түсіріп, өңдеп, желіде таратып жүрген Берік Атахожаевты қазір танымайтындар кемде-кем. Кент әкімдігінің баспасөз маманы қызметіне осы мобилографиялық шеберлігінің арқасында келген. Алғашында туған жері Түгіскеннің тынысын түсіріп, экрандағы жұмысы арқылы танылған ол бүгінде аудан әкімдерінің тікелей жанында жүріп, Жаңақорған ауданының тіршілігін танытуда.Осындай аға буынның ізін жалғап жүрген жастардың қатарына Ақмырза Мейрамбек есімді мобилографты қосуға да болады. Шеберлігінің арқасында «Ақжол» желілік сауда орнының жарнамасын жасап жүр. Өз нәпақасын осы саладан тапқан келесі жас – Рахымжан Нәжімов. Аудан, облыс, қалалар арасында тапсырыс алып, қоғамдық саласының көшбасынан көрінуде.Кәсіп. Кәсіп түбі – нәсіп. Дана қазақтың айтып кеткен аталы сөзі заманына қарай өзгеруде. Қазіргі хитке айналған кәсіп – мобилография. Кіп-кішкентай смартфон арқылы айналаны аударып, төңкеріп, көз тартарлық видеолар түсіріп, көпті таңқалдыруға болады. Бұрынғыдай жер қазып, маңдай терді сарқа жұмсамай-ақ, ой ұшқырлығы мен логиканы байланыстырып, қыруар қаражатқа кенелуге де болады. Ол үшін әрине тақырыпқа арқау еткен аға буынды үлгі етіп, үйірменің мүмкіндігін пайдаланған абзалырақ Ең бастысы, болашағымыз саналатын балаларға арналған тегін үйірме, оқушыларға жасалған қолайлы жағдай. Өз мақсаты айқын кез-келген жастарға оқушылар үйінің есігі айқара ашық.

Жаңақорғандық оқушыларға «мобилография» үйірмесі ашылды

<a href="https://kyzylorda-news.kz/">Kyzylorda-news.kz.</a> Жаңақорған ауданында балық шаруашылығымен айналысатын 23 су айдыны болса, соның 8-і тауарлы балық өсірумен, 15 кәсіпшілік балық аулау шаруашылығымен айналысады. «Балық шаруашылығын дамытудың 2021-2030 жылдарға арналған бағдарламасына» ауданымыздан 6 су айдыны, 1 тоған, 2 шарбақтық балық шаруашылығы енгізілген.<blockquote>«2022 жылы Жаманбала-Қамбаркөл және Қалғандария-1 көлдері тауарлы балық өсіру шаруашылықтарының қатарына қосылды. Келінтөбе ауылдық округіндегі «Ислам» тауарлы балық өсіру тоған шаруашылығы ұзындығы 100-120 метрді құрайтын 12 тоған құрылысын салып, тауарлы балық шабақтарын салған. Осы жылдан бастап межелі өнім алу жоспарлануда. Бұдан өзге Жаңақорған кенті, Жаңауыл елді мекенінен «Сарбасов Сейдахмет» ДК, Жаңарық ауылдық округінен «Перуза» ш/қ және «Ғафур» ДК, Төменарық ауылдық округінен «QYZYL BALYQ» ДК, Көктөбе ауылдық округінен «Мұратбек» ДК, Жайылма ауылдық округінен «Томирис» ш/қ тоған балық шаруашылығымен айналысуда», – деді ауылшаруашылығы бөлімінің бас маманы Жасұлан Тұрапов.</blockquote>Жауаптың маманның сөзінше, биыл «Қазсушар» РМК Қызылорда филиалы теңгеріміндегі Жайылма ауылдық округінде орналасқан «Жиделі» су қоймасы және Жаманбай батыр ауылдық округіндегі «Бесарық» су қоймасында шарбақтық балық шаруашылығын құру жұмыстары жоспарлануда. Бұл да жақсы жаңалық.<blockquote>«Балық шаруашылығын дамытудың 2021-2030 жылдарға арналған бағдарламасы» бойынша жұмыстарды жүргізу барысында мәселелер туындап отыр. Біріншіден, су айдындарында инфрақұрылым саласы, оның ішінде электр сымдарын тарту, бағаналар орнату жұмыстары кедергі келтіруде. Екіншіден, балық шаруашылығын дамыту үшін су айдынына су кіретін және шығатын бөліктеріне шлюз орнату да күн тәртібіндегі өзекті мәселе. Осы мәселелер шешілсе, үлке олжа болғалы тұр», – деді ол.</blockquote>Субсидияға қандай құжат қажет?Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің жауапты маманы Асылбай Дәулетханұлы инфрақұрылымдарын дамытуға байланысты электр желілерін жүргізу және трансформатор орнату үшін жобасметалық құжаттарын жасап ұсынған жағдайда, облыстық басқармаларға бюджеттік өтінім өткізіп, қолдау тапса, қаржы қаралатындығын атап өтті. Яғни, кез келген шаруашылық иесі бөлімге жоба-сметалық құжатын өткізуі тиіс.Аудандық кәсіпкерлік, өнеркәсіп және туризм бөлімінің басшысы Қаржыбек Тәжібайұлы су айдындары иелеріне бизнес жоспар, жоба-сметалық құжаттарын жасап, «Бизнестің жол картасы-2025» бизнесті қолдау мен дамытудың мемлекеттік бағдарламасына ұсыну арқылы мәселені шешуге болатындығын жеткізді. Сонымен қатар «Байқоңыр» ӘКҚ арқылы бірлескен өндіріс құру арқылы 51/49 проценттік үлеспен белгіленген мерзімге дейін төмендетілген пайызбен қажетті несие ала алады. Жақсы жобалар болған жағдайда гранттарға ұсынуға жәрдемдесетіндігін сөз етті.Бір сөзбен айтқанда, қос бөлім арқылы да, жоба-сметалық құжатты (ЖСҚ/ПСД) әзірлеп, өткізуге болады. Бірінде субсидия алсаңыз, енді бірінде қайтарымсыз қаржыға қол жеткізесіз. Екеуі де тиімді жол, қолдау тапса қос тараптан да кәсібіңізге инвестиция құйылады. Сөйтіп бабын тауып, балықтан да үлкен бизнеске қадам басуға мүмкіндік бар.Иә, біз неге бұл тақырыпты қозғап отырмыз? Өйткені, соңғы жылдары балық бизнесі толайым табыс көзіне айналды. Қазір дарияның өзінде балық қалмай бара жатыр. Қарап отырсаңыз, балықтың келісі еттің бағасына жетті. Көп тұтынатын сазан балығының келісі 1600 теңгеден асып жығылады. Сондықтан қолда тұрған алтынды қадірлеп, балық шаруасын ширату керекпіз. Бастысы, мемлекет тарапынан жеңілдік бар.

Жаңақорған ауданында балық бизнесі қарқынды дамуда

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде Оңтүстік Корея Республикасының Чоллабук-до провинциясының өкілдерімен кездесу өтті.Жиында Қорқыт ата атындағы Қызылорда университетінің Басқарма Төрағасы – Ректордың м.а, Академиялық мәселелер бойынша Басқарма мүшесі – проректор Дана Абдрашева білім ордасында Сеул ұлттық ғылым мен технология университетінің инженерлік мектебі ашылатынын атап өтті.Чоллабук-до провинциясының сыртқы ынтымақтастық департаменті, халықаралық ынтымақтастық тобының жетекшісі Сон Хе Вон провинцияда 18 жоғары оқу орны бар екенін айтып, университеттердің ерекшелігімен таныстырды.&nbsp;Кездесу барысында екі жақты әріптестік байланысты нығайту мақсатындағы ұсыныстар айтылды.&nbsp;Алдағы уақытта, екі мемлекеттің профессор-оқытушылары тәжірибе алмасып, ғылыми зерттеу жұмыстарын жүргізуге уағдаласты. Сондай-ақ, Қорқыт ата атындағы Қызылорда университетінің технопаркін құру, дамыту мәселелері талқыланды.Айта кету керек, жиынға Чоллабук-до провинциясының халықаралық қатынастар орталығы, халықаралық байланыс және ынтымақтастық департаментінің директоры Чо Хана, Чоллабук-до провинциясының сыртқы ынтымақтастық департаменті, халықаралық ынтымақтастық тобының координаторы Ли Джи Вон және Қорқыт ата атындағы Қызылорда университетінің проректорлары, ғалымдары қатысты. &nbsp;<figure class="image"><img src="https://knadmin.beoblood.kz/uploads/IMGL_2877_b5b61e55d0.JPG" alt="IMGL2877.JPG"></figure>&nbsp;<figure class="image"><img src="https://knadmin.beoblood.kz/uploads/IMGL_2781_054dca08b9.JPG" alt="IMGL2781.JPG"></figure>

Кореялық делегация қызылордалық ғалымдармен кездесті

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданы Тасарық ауылдық округінің тұрғыны Гүлмира Асанханова қайтарымсыз грант және өз қаражаты есебінен қажетті жабдықтар сатып алып, шағын наубайхана ашып, халықты тоқаш, нан өнімдерімен қамтамасыз етіп отыр.Наубайхана иесі Байқоңыр колледжін «аспазшы» мамандығы бойынша тәмамдап, туған ауылына үлкен арманмен келеді. Жеке кәсіпкерлік ашып, оны ілгерілетуді ойлайды. Сондай-ақ, ол – бір үйдің ұйытқысы, сүйікті жар және аяулы көп балалы ана. Кәсіпкер Гульмира Асанханова наубайхана ашуды көптен бері жоспарлап жүрген еді. Енді міне, мемлекеттік бағдарламасының арқасында бизнес жобасын өзі туып-өскен ауылында жүзеге асырды.Мемлекеттік қолдаудың арқасында бой көтерген кәсіпкерлік нысан мектептің жанында ашылған. Жаңа бизнестің арқасында, мұнда піскен нанның иісі аңқып, келушілердің де қатары артқан, басым бөлігі- мектеп оқушылары мен мұғалімдер. Наубайхана қуаттылығы —күніне 17 кг нан, нан мен тоқаш өнімдерінің сан алуан түрін пісіретін наубайхана болашақта Тасарық ауданы нарығының 20 процентін қамтымақ ниетте.Наубайxана нан пісіруге қажетті барлық заманауи құрал жабдықтармен жабдықталған. Мұнда тәулігіне тапсырысқа сай 30-40 таба-нан пісіріледі.Кәсіп иесінің айтуынша, наубайхананы толықтай іске қосуға 2,9 млн теңге гранты көмек болған. Бұл қаражатқа наубайханаға қажетті пештер, нан илейтін машиналар мен тағы басқа жабдық сатып алынды Қазіргі уақытта жаңа кәсіп нысаны бірқатар сауда нүктелерін күнделікті жаңа пісірілген нанмен қамтамасыз етіп отыр. Жергілікті шаруалардан жеткізілген ұннан мұнда нанның 10 шақты және тоқаш өнімдерінің 15 түрін пісіріп отырады.Наубайханаға әзірге 3 ауыл тұрғыны тұрақты жұмысқа алынған. Кәсіпкердің жоспары көп. Қазіргі уақытта цехты жалға алып отса, болашақта өз наубайханасынан жаңа піскен нан шығарғысы келеді.&nbsp;

Тасарықтағы жаңа наубайхана 

<a href="https://kyzylorda-news.kz/">Kyzylorda-news.kz.</a>&nbsp; Бүгін Белкөл кентінде теміржолдың екі бетін байланыстыратын жаяу жүргіншілер көпірі пайдалануға берілді.Ел игілігіне арналған көпірдің ашылу салтанатында сөз алған шаһар басшысы «Бұл көпір халықтың көптен бергі сұранысы бойынша салынып, тұрғындардың теміржолдан өту қауіпсіздігін қамтамасыз етуге мүмкіндік береді.Көпір құрылысы өткен жылы басталды. Құрылыс жұмыстарын сапалы әрі мерзімінде жүргізгені үшін мердігер мекеме «Голден сити» жауапкершілігі шектеулі серіктестігінің қызметкерлеріне алғысымды білдіремін.Ұлт даналығында «құдық қазған, көпір салған және ағаш еккен» деген үш сауап бар. Бүгінде біз сол сауаптың ең күрделісі және маңыздысын орындадық. Мұны адам тағдырына жауаптылық, қолайлы мүмкіндік жолы деп есептеймін» – деді.Бірнеше жылдан бері көтеріліп келген мәселеге нүкте қойылып, қолайлы жағдай жасалғанына белкөлдіктер ризашылықтарын білдіріп, ел азаматтарына ақ батасын берді.Айта кету керек, қазіргі таңда аймақ басшысының қолдауымен қала көлемінде жол инфрақұрылымын дамыту мақсатында ауқымды жұмыстар атқарылуда.Биыл қала мен оған қарасты кент және ауылдық округтер бойынша жалпы сомасы 10 млрд. теңгеге 231 көше жөнделеді. 19 көшеге жаяу жүргіншілер жолы салынады. &nbsp;Ол үшін облыстық бюджеттен 690 млн теңге бөлінді. Сонымен қатар, Ғани Мұратбаев және Яссауи көшелерінің қиылысындағы теміржол арқылы өтетін жаяу жүргіншілер көпірі құрылысына Ұлттық қор және облыстық бюджеттен 320,6 млн теңге бөлініп, алдағы айларда құрылыс-монтаж жұмыстары бастау алады.Жанқожа батыр көшесі арқылы өтетін темір жол өтпесін салуға жоба-сметалық құжаттамасын сараптама қорытындысымен әзірлеуге облыстық бюджеттен 51,2 млн теңге бөлініп, құжаттары рәсімделуде.Бәйтерек тұрғын ауданына «Қызылжарма» каналы арқылы көпір құрылысы да қарқынды жүргізілуде.

Жаяу жүргіншілер көпірі ел игілігіне берілді

<a href="https://kyzylorda-news.kz/">Kyzylorda-news.kz.</a> Руханиятымыздың алтын қазығы – қазақ халқының ғасырлар бойы қалыптасқан әдет-ғұрпы, салт-дәстүрі, мәдениеті мен өнері екендігі көпке белгілі. Тек қала орталықтарында ғана емес, ауылдарда да мәдениет пен өнердің жаңғыруы сондағы клубтар мен мәдениет үйлеріне қатысты. Қалаға қарасты ауылдық округтердің мәдениет саласындағы жетістіктері қандай? Бүгінде ауыл мәдениетін жоғары деңгейге жеткізу үшін қандай ауқымды жобалар жүзеге асуда? Осы сұрақтарға жауап алу мақсатында Ақсуат ауылдық округінің мәдениет үйіне&nbsp; бет алдық.Үлгілі елді мекенАқсуат ауылдық округіне осымен бірнеше рет жол түсті. Бұған дейін ауылдың өсіп-өнуі, кәсіпкерлігі жайында сөз еткенбіз. Бүгін рухани тұрғыда дамуына назар аударғанды жөн көрдік. Алдымен&nbsp; тарихтан бастасақ. Деректерге сүйенсек, Ақсуат ауылының негізі 1928 жылы қаланған. Ауыл алғашқы ауыл шаруашылығы артельдерін ұжымдық шаруашылықтарды ұйымдастыруға қатысқан Ешпан Жанбосыновтың атымен Ешпан ауылдық кеңесі аталған. 1928-1932 жылдар аралығында құрылған майда серіктестіктер 1934 жылы төртінші ауылдық кеңесі бойынша Жасқайрат, Жаңатұрмыс, Киров, Қызылорақ, Қызылқұм, Қара Қожа, Батбаққара ұжымдық шаруашылықтары болып ұйымдасқан. 1938 жылы мамыр айында бұл 7 шаруашылық бірігіп, Жасқайрат, Жаңатұрмыс, Кировтай 3 шаруашылық құрылды. Одан кейін бұл үшеуі іргелі шаруашылық Киров колхозы болып құрылды. 1972 жылы колхоз көкөніс және сүт өндіретін шаруашылыққа айналды.1993 жылдың ақпан айында халық депутаттары облыстық кеңесінің қаулысымен Сырдария ауданы Ақсуат ауылдық кеңесі болып аталды. Ал бір жылдан соң елді мекенге Кеңес Одағының батыры Жақыпбек Махамбетовтің аты берілді. 1997 жылдың маусымында ауыл Сырдария ауданы құрамынан шығарылып, Қызылорда қаласына қарады.Ауылдағы көнекөз қариялар – тірі тарихтың көзі. Олардан ауыл жайлы мәліметке толық қанығуға болады. Білім саласының ардагері Қадыр Әмзеев «Ауылым сұлу Сырдың жағасында» атты кітап жазып шығарған. Мұнда елді мекеннің дамуына еңбегі сіңген кісілер туралы толық жазылған. Ақсуат жайлы жазылған кітап жан-жақты зерттелген. Ал «Ауылым» атты ән округтің әнұраны болып қабылданған.Бүгінгі Ақсуат бейнесі өзгерген. Қазір елді мекен жаңарған. Осындай жетістік нәтижесінде 2014 жылы «Үлгілі елді мекен» деген атаққа ие болды. Жан-жақты даму жолынан көрінген ауылдың мәдениеті де жоғары деңгейде.Таланттар ауылдан шығады&nbsp;«Театр – киім ілгіштен басталады» демекші, ауыл мәдениеті де клубтан басталады.&nbsp; Ауылдың мәдениетін қалыптастыруға үлесін қосқан Жақыпбек Махамбетов ауылдық клубы 2013 жылы пайдалануға берілген. Одан кейін 2014 жылдың тамыз айынан бастап Ақсуат ауылдық округі әкімі аппараты жанындағы «Ақсуат мәдениет үйі» мемлекеттік коммуналдық қазыналық кәсіпорны болып құрылған. Ауылдағы мәдениет үйі – қаншама адамға ізгілік дәнін сеуіп, өнерді сүюге тәрбиелеген. Қазіргі таңда мұнда 6 үйірме жұмыс істейді. Оған 75 адам қатысады.&nbsp;<blockquote>«Мәдениеттің мәйегі өнер арқылы дәріптеліп, халықтың құлағына жетіп жатады. Мұндағы атқарылып жатқан игі істер – ұлттық дәстүрді дамыту, өнер мен мәдениеттің өмірмен өзектестігін бағамдау, өнерді өнеге тұтқан елдің рухани дүниесін байыту мақсатын көздейді. Үйірмелер өнерлі жастардың өнерге деген қызығушылығын оятып, үлкен сахнаға баулу үшін жас өрендермен тығыз байланыста. Мәселен, «Бұлбұл»&nbsp; ән&nbsp; үйірмесі&nbsp;ән&nbsp; &nbsp;айтуға,&nbsp; танылмай&nbsp;жүрген&nbsp; өнерпаздарды&nbsp; халық-қа&nbsp;таныту,&nbsp;өнерлерін шыңдау,&nbsp; бейімдеу бағытында жұмыс істеуде. Үйірме&nbsp; мүшелері&nbsp;қалалық,&nbsp; облыстық,&nbsp; республикалық&nbsp;байқауларға қатысып,&nbsp; жүлделі&nbsp; орындарға&nbsp;ие&nbsp; болды. Атап айтсақ, осы үйірменің қатысушысы Дильназ Жаханова көптеген биіктен көрініп жүр. Ол ХХІV облыстық «Бозторғай» конкурсында ІІІ орын, «Сырдария – достық өзені» атты республикалық әншілер байқауында ІІІ орынмен марапатталған. Сондай-ақ VI республикалық «Жарық жұлдыз» атты балалар өнер байқауында «Эстрада вокал» жанрында өнер көрсеткені үшін «Балдаурен» ән үйірмесінің қатысушысы Орынбай Асылымның өнері І орынға лайық деп танылды. Сонымен қатар «Көркемсөз»&nbsp; оқу&nbsp; үйірмесі балаларға тіл байлығын үйрету,&nbsp; келешекте&nbsp;қаламгерлерлікке бейімдеу мақсатында ашыл-ған.&nbsp; «Қызғалдақ»&nbsp;би&nbsp; үйірмесі де қалалық іс-шараларда өз өнерлерін көрсетіп келеді. Олар Алматы қаласында өткен «Наурыз айы туғанда!» атты І халықаралық өнер мен білім фестиваль-конкурсында І дәрежелі лауреат атанды», – дейді мәдениет үйінің әдіскері Гүлназ Алданазарова.</blockquote>Таланттар ауылдан шығатыны осының дәлелі. Ал бұл таланттарды таныту үшін мәдениет үйі қызметкерлері аянбай еңбек етіп келеді. Атап айтсақ, олардың жетістіктері өз алдына бөлек. Мәселен, «Ел іші – өнер кеніші» атты қалаға қарасты кент және ауылдар арасында ұйымдастырылған дәстүрлі қалалық байқауда «Ақсуат мәдениет үйі» ІІІ дәрежелі дипломмен марапатталған. Қармақшы ауданында өткен «Жеті қазына» атты ашық аспан астындағы клуб қызметкерлерінің облыстық байқауында мәдени ұйымдастырушы Еркеғали Нұрғали ІІІ орынға лайық деп танылған.<blockquote>«Мәдениет үйінде өтіп жатқан барлық шараның тың ойлы, жаңашылдықпен өтуіне өз үлесімізді қосып жүрміз. Осы жолда жеткен жетістіктер көп. Жасаған еңбегіміздің нәтижесінде шәкірттер биіктен көрінуде. Бізге бұдан асқан марапат жоқ. Әр істі бастарда одан шығатын нәтижеге назар аударамыз. Жас өрендермен, халықпен жұмыс істеу біздің міндетіміз. Мәдениет үйінің есігі жастарға қашанда ашық. Тың ой, идеясы бар ортаны қа-лыптастырып, халықты мәдени шаралармен сусындатып, жаңашылдықты енгізу – біздің басты мақсатымыз», – дейді мәдениет үйінің әдіскері.</blockquote>Әнімен әдемі әжелерАқ жаулықты әжелер – ұлтымыздың ұлағат тұтар ардақтылары. Оларға қандай жылы сөз айтсақ та, сый-сияпат көрсетсек те артық етпейді. Олардың ел алдында айдай болып жарқырап жүргені жүрегімізге жылулық сыйлайды. Қазіргі уақытта көптеген ауылда әжелер ансамблі құрылып, ұлттық өнерді паш етіп жүр. Солардың бірі – ауылдағы «Ақ бата» әжелер ансамблі.Жылдан-жылға ұжым өнеріне ынтық көрермендер қатары артып келеді. Әжелер тобы облыстық, қалалық бәйгелерде топ жарып жүр. Ансамбль жетекшісі әрі әншісі Жәмила Тәжікова:<blockquote>«Бұл – халықтың сұранысы. Қазір жұртшылық жанды дауысқа, ұлттық өнерге құштар. Ансамбль құрылғалы бері ауылда екі рет жеке концертімізді қойдық. Сол кезде жұртшылықтың ұлттық өнерге сусындап қалғаны байқалды. Қошемет жақсы болды. Қазір ауыл әкімі, жеке кәсіпкерлер, мәдениет үйі демеушілік жасайды», – деді ағынан жарылып.</blockquote>Ансамбль мүшелері әр салада қызмет еткен, бүгінде зейнетке шыққан әжелер қауымы. Бүгінде шаңырақтарының құты мен берекесін кіргізіп отырған аяулы жандар. Алғашқыда олардың қатары аздау болатын. Уақыт өте келе ниет білдірген әжелер көбейді. Әрбірі қазақы салт-дәстүрді де, халық әндерін де жақсы біледі<blockquote>«Жанды дауыста баян, домбыра секілді аспаптардың сүйемелдеуімен орындаймыз.&nbsp; Ансамбль мүшелері жеке-жеке де ән айтады. Олардың ішінде қазақтың халық әндері, композитор Ш.Қалдаяқовтың туындылары бар. Ән орындап қана қоймаймыз, халықтың салт-дәстүрлерін насихаттаймыз. Көрініс көрсетеміз, жүн сабап, ұршық иіріп, диірмен тартамыз, киіз басу, сырмақ сыруды да ұмытпаймыз. Мысалы, ана туралы ән айтсақ ананың балаға деген махаббатын, баланы бесікке салу, тұсау кесу сияқты дәстүрлерді дәріптейміз», – дейді Жәмила әжей.&nbsp;</blockquote>Бұл ұжым облыс, қала көлемінде өткізілетін мәдени шаралардың бәріне қатысады. Сондай-ақ аудандарда, ауылдарда өнер көрсетіп жүр.Балалар кітабы көбейсе…Мәдениет үйінің ішінде қалалық орталықтандырылған кітапханалар жүйесіне қарасты №8 кітапхана орналасқан. Мен де ішіне бас сұғып, тұрғындардың кітап оқуға деген қызығушылықтарын байқадым.<blockquote>«Ауыл тұрғындары бір сәт осында келіп, кітап оқығанды жақсы көреді. Кітап қоры&nbsp; – 17053 дана. Оның ішінде 10559-ы қазақ тілінде. Барлық салалық кітаптар қамтылған. Тұрақты 600-ден аса оқырман жиі бас сұғып, өзіне қажетті дүниелерді іздейді. Соңғы жылдары кітапханаға келушілер саны көбеюде. Балаларға арналған кітаптар көбірек болса екен дейміз. Оқырмандар залы бар. Мұнда түрлі іс-шара, көрме ұйымдастырылады. «Ертегімен есейемін» жобасы бойынша жақында түрлі тақырыпта іс-шара өтті. Атаулы мереке күндері ескерусіз қалмайды. Мәселен, «Әке – шаңырақтың тірегі» әңгімелер кеші, «Табиғат – сырлы да қазыналы әлем» тақырыбында эко-логиялық сағат, «Қылқаламның хас шебері» сурет байқауы өткізілді», – деді кітапханашы Сәнім Шәкиева.</blockquote>Ауыл – ұлттың қаймағы. Еліміздің даңқын асырып жүрген таланттардың көбі сол ауылдан шықты. Ауылдың өнері өркен жайса, қазақтың мәдениеті қанатын кең жаяды.

Қызылорда: Ақсуат мәдениетінің ауқымы кең

<a href="https://kyzylorda-news.kz/">Kyzylorda-news.kz.</a> Қазалы тепловоз жөндеу зауыты Қазақстан теміржолы бойынша қалған зауыттардың арасында өзінің ерекше орны бар ірі өндіріс орны қатарында. Ондағы негізгі тұлға – білікті мамандар, мұнда күн-түн деместен жүретін жұмысшылар көптеген жылдар бойы осы зауытқа өздерінің күш-қуатын жұмсап, аянбай еңбек етуде.Әркез зауыт ұжымы бір мезет те жоспарсыз жүрмейді. Жұмысшылардың алға қойған мақсаттары айқын. Олардың басты міндеті – халыққа сапалы қызмет көрсету. Жеке тұлға есебінде сыйлау, еңбек жағдайын жасау, өндірстік табыс пен байлық болып табылады. Діттеген мақсатқа жету үшін кәсіпорынның қуатын күшейту, ғылыми техниканы кеңінен пайдалану, еңбек нәтижесі пайдалы болу, зауыттың келешекте өркендеуіне, болашақ күнге сеніммен қарап, үнемі жеткен жетістіктерді жаңартып отыру – келешек өркендеуіміздің қажеттілігі негіз болады.Бұл жерде ерлермен қатар әйелдер де иық тіресе ауыр жұмысты атқарады. Солардың қатарында Лиза Тұрсынбайқызы «Қамқор Локомотив» ЖШС филиалы Қазалы локомотив жөндеу зауытының көпірлі кран жүргізушісі болып жұмыс істейді.Қырық жылға жуық уақыт 5 разрядты көпірлі кран жүргізушісі қызметін мұнтаздай орындап келеді. Осы жылдарда еселі еңбегі еленіп, талай құрметке бөленді. Жақында аудан әкімінің «Алғыс хатымен» марапатталды. Ұжым, ағайын-туыс, дос-жарандардың арасында сыйлы жан өз кәсібін ерекше сүйіспеншілікпен орындайды. Оның өмірдегі бұлжымас ұстанымы – қиындыққа қайыспау жетістіктің бастауы. Ол ақиық ақын Мұқағали Мақатаевтың «Адам өз өмірінде екі нәрсені таңдауда қателеспеуі керек: біреуі – жар таңдау, екіншісі – мамандық таңдау» деген тәмсілін жанына жақын тұтады.<blockquote>«Краншы болғаныма намыстанып, немесе ауырсынбаймын. Өйткені өзімнің қалауыммен таңдалған кәсібім. Шүкір соның арқасында бұйырған несібемді тауып отырмын. Үш қызымды қияға ұшырдым. Ұлымды оқыттым. Алты нәзікжанды менімен Ақалтын, Күлзипа, Гүлбаршын, Айнұр, Жәмила, Қаламқас есімді қыз-келіншек кезектесіп, аусыммен жұмыс істейміз. Екі күніміз кранда өтсе, екі күн демаламыз. Қызмет барысында үлкен зілдей темірлерді көтереміз. Сондайда слесарьлардың өміріне алаңдаймыз. Солардың қауіпсіздігін ойлаймыз», – дейді Лиза Құспанова.</blockquote>Лиза Тұрсынбайқызы теміржолшылар отбасында тәрбиеленген. Ата-анасы осы депода қызмет еткен.<blockquote>«Анам бала кезімде бізде үлкен кран бар. Оны жас қыздар басқарады. Өздеріне ұнайды кәсіптері деп айтып отыратын. Сонда іштей қызығып жүретінмін. Әкеме түстенуге тамақ тасығанымда көзімнің қиығымен сол краншыларға қарап кетемін. Уақыт өте қызығушылығым оянды. Мектеп бітірген соң анам өзінің жанына жұмысқа орналастырды. Әуелде тазалықшы болдым. Кейін кранды меңгеру жолдарын үйретіп, емтиханнан өткен соң осы мамандықты маған жүктеді. Жұмыстың қиындығы мен қызығы бірге жүреді. Дегенмен бұл ісімді жақсы көремін. Жұбайым да теміржолшы», – дейді краншы.</blockquote>Осындай еңбекқор, ауыр жұмысқа төтеп беретін жұмысшылардың арқасында зауыт бұрынғысынша көрікті, қайта қуатталып жаңа өмір талаптарына сай алға қарай қарқынды қызмет атқаруда.

Білікті маманға бай Қазалы тепловоз жөндеу зауыты 

<a href="https://kyzylorda-news.kz/">Kyzylorda-news.kz.</a> Медициналық мамандықтардың ішінде жеңілі жоқ. Сол сияқты педиатордың баланың өміріндегі рөлі орасан. Ол кішкентай адамға туғаннан бастап қамқорлық жасайды. Халықтың алғысына бөленіп жүрген сондай дәрігердің бірі – Зарина Әділжанқызы.Жас маман Қазалының тумасы М.Горький атындағы №16 мектебінен түлеп ұшып, М.Оспанов атындағы медициналық университетінің емдеу ісі факультетіне түседі. Бұл жерден бала кезіндегі арманына қол жеткізіп, жалпы тәжірибелі дәрігер бойынша оқуды бітіріп шығады.&nbsp;Еңбек жолын «Болат жолы» аудандық емханасында аймақтық балалар дәрігері болып бастаған. Кейін 2013 жылы Қазалы теміржол ауруханасына аймақтық дәрігер-педиатр есебінде қабылданып, осы уақытқа дейін қызмет атқарып келеді.&nbsp;Зарина Әділжанқызы «Апаттар медицинасының теміржол госпитальдары» АҚФ Қазалы теміржол ауруханасының жалпы тәжірибиелі дәрігерлік қызмет жасаған жылдарында апатты жағдайда қажетті көмек көрсете алатын білікті маман ретінде өзін көрсете білді. Ол емдеу-диагностикалық жұмысында медицинаның соңғы жетістіктерін қолданады. Он жылдан аса уақытта баланың ағзасындағы ерекшеліктері мен ауруының клиникасын тап басып тауып, балалар және ата аналармен қарым қатынас жасай алады. Сонымен бірге балаға, медицинаға деген сүйіспеншілігінің арқасында жұмыс барысында кез келген жауапкершілікті өз мойнына алады. Әрдайым ізденіп, үйренуге қабілетті, дәрігерге сай шыдамдылықпен науқасқа жылы жүзбен барынша ем-дом көрсетеді. Оның амбулаторлы емханалық көмек бағдарламасы бойынша жасалып жатқан жұмысы өз деңгейінде жүргізілуде.&nbsp;<blockquote>«Келушілерге үлкен ілтипатпен қарайды. Ұжымда білікті мамандар қатарынан саналады. Халық арасында беделі жоғары, өте сауатты әрі жаңашыл дәрігер ретінде қабылдаймын. Жас мамандардың үйретуші ұстазы бола біледі. Өз білгенін кейінгілерге үйретуден жалықпайды. Аурухана өміріндегі әртүрлі мәдени жұмыстарға қатысып, белсене араласады», – дейді «Апаттар медицинасының теміржол госпитальдары» АҚФ Қазалы теміржол ауруханасының директоры Құбыл Ршымбетов.&nbsp;</blockquote>Жас дәрігер медицина саласында елеулі қызмет атқарып, жұмыс кезінде өзінің ұйымдастыру қабілетін, білімділігін, жұмысқа белсенділігін көрсете білді. Осыны ескерген аурухана әкімшілігі және кәсіподақ ұйымының төрағасы «Медицина қызметкерлерінің» төл мерекесінде марапатқа ұсынған. Бүгінде отбасында екі бала тәрбиелеп отырған бақытты ана.

Қазалы: Халықтың алғысына бөленген дәрігер

<a href="https://kyzylorda-news.kz/">Kyzylorda-news.kz.</a> Сан ғасырдан бері қалыптасып келе жатқан қазақтың рухани жан дүниесіндегі ерекше қасиеттерінің бірі – ана мен қыз балаға деген шексіз құрмет көрсету тәрбиесі еді. Мұны ананың қоғамдағы ерекше орны мен сипатын бағалай білген ұлтымыздың ешкімге ұқсамас бірегей қасиеті деп ұғынған жөн. Қазақ тарихы мен мәдениетін зерделесек, сан ғасырлар бойғы күресте елдігін ерен ерлігімен, асқан парасатымен, даналығымен, шексіз шыдамдылығымен сақтай білген, ұлттық рухты ұрпағының бойына игі ісімен сіңіре білген әйел-аналар да аз емес.Дүйім жұртты тамсандырған Домалақ анаДомалақ ана қазақ даласына VII ғасырда жеткен Араб халифатының әскери өкілдерінен бұрын бейбіт мақсатпен келген, ислам дінін уағыздаушыларының бірі болған араб дегдарының қызы. Өзі де елді имандылыққа шақырып, жас кезінен сәуегейлігімен танылған. Осындай игі ісімен, тартымдылығымен Бәйдібек бабамыздың назарына іліккен. Ел аузында ол кісі жөнінде аңыз-әңгіме көп. Соның былай өрбиді: «Бәйдібек заманында жайлауында үйір-үйір жылқысы, келе-келе түйесі, отар-отар қойы өрген, шығыс пен батысқа керуендер жүргізген асқан бай адам болған. Бірде Алатау асып келген қалың жау Қаратау жонын жайлап отырған Бәйдібектің ауылын шауып, сан мың жылқысын түре айдап кетеді. Бәйдібек бастаған ел азаматтары ауылда болмаса керек. Содан жау шапты деген хабарды естіп, Бәйдібек елден жасақ жиып, қасына үлкен әйелі Сары бәйбішеден туған алты ұлын алып, жауға аттанғалы жатқанда Нұрилә:&nbsp;<blockquote>«Байеке, малдың құты, жылқының иесі құла айғыр қолда қалды. Амандық болса, алты күннен кейін жылқы жауға қайыру бермей өзі ауылға келеді. Жауды қума, азаматтар аман болсын, осы тілегімді беріңіз», – деп өз отауының белдеуінде матамен байлаулы тұрған, жүген-құрық тимеген шу асау айғырды көрсетіпті.&nbsp;</blockquote>Бірақ жауға кектенген батыр әйелінің тілін алмай, жасағын бастап жүріп кетіпті. Бәйдібек &nbsp;жасағы жауға Күйік асуында жетіп, қырғын ұрыс салыпты. Алайда жасанып келген жау аттанға ілесіп атқа қонған аз жасаққа теңдік бермепті. Осы соғыста қаза тапқан алты ұлын Үшқарасай жазығына жерлеп, кері қайтыпты. Арада алты күн өткенде байлаулы тұрған құла айғыр жер күңіренте дүлей күшпен кісінеді дейді. Сол күні кеш шамасында шығыстан қалың шаң көтеріліп, ұзамай Бәйдібектің қалың жылқысы көрінеді. Ереуілдеп барып, кері қайтара алмаған жылқыны Домалақ ана осылайша үйде отырып-ақ түгел қайтарып алса керек. Осылайша ел анасы жалғыз отағасына емес, барша елге даналығымен дараланған. Домалақ ана ел арасындағы ушыққан дау, асқынған араздықтың бейбіт шешімін табуға үлес қосқан. Ел билеген азаматтардың өзі кейбір келелі мәселелерді шешерде Домалақ анамен кеңесіп отырған. Домалақ анадан тараған ұрпақтарының бәрі де біліммен, ақылымен көзге түсіп, ел билеген.&nbsp;Дербіс әулетіне билігі жүрген Қаракемпір анаШежіре дерегінде Кіші жүз Қыдырсиықтан − Шеркеш, одан − Қосым, Қойыс, Жауғашты, Шумақ, Қылышкескен туыпты дейді. Осылардың Қойысынан − Дербіс туады. Дербістің бәйбішесі Зылиха деген кісі, өңі қара болған соң «Қаракемпір» аталып кеткен көрінеді. Бүкіл Дербіс әулетіне ұйтқы болып, жөн үйреткен, жол көрсеткен адам. Дербіс батырдың бәйбішесі Зылихадан − Тоқтар, Базар, Қошқар, екінші әйелінен − Түрке, Шыңбай, үшінші әйелінен – Сатай, Сатылған туған. Дербістің осы үш әйелінен тараған ұрпақтан жөн сұраса «шеркешпіз, оның ішінде қаракемпірміз» дейді. Сөйтіп, Қаракемпір ру атына шыққан. Қаракемпір туралы айтылатын қария сөз көп. Бірде әлімнің ел қамымен жүрген жақсы-жайсаңы жолаушылап келе жатып Сағыз бойында отырған Дербіс батырдың үйіне тап болыпты. Дербіс батырдың өзі үйде жоқ екен, сыйлы қонақтарға жақын жерден алдыра қоятын малдың реті болмай, Зылиха сол жерде күйеуі Дербіс батырдың жауға мінетін екі атының бірін сойып, қонақтарды құрметтеп аттандырыпты. Әлімнің жақсыжайсаңы былай шыққан соң «Апырай, Дербістің құты үйіндегі Қаракемпірі екен ғой!» деп таң-тамаша болысыпты. Содан, Дербіс батыр үйіне келеді. Бәйбішесі Зылиха: «Әлімнің алты жақсысы келіп еді, ақтабан атыңды сойып құрмет көрсеттім», – депті. Сонда, Дербіс батыр: «Әлімнің алты жақсысына құрмет көрсеттім дегенше, мені алпыс жауымнан құтқардым десейші!» – деген екен. Қаракемпірге халықтың құрметі сияқты ел ішінде тартылатын «Қаракемпір» атты күй бар.&nbsp;Наймандардың басын қосқан ана өсиеті&nbsp;Найман әулетіне дұшпан жолын тауып елге жойқын шабуыл жасапты. Тұтқиылдан тиген жау еркек кіндіктіні қырғындай қырып, қарт Найманның төрт ұлын көз алдында өлтіріп кетіпті. Найманның Тоқбан ұлынан Әлпеш (Ақсұлу, Мәзбура деп те айтылады) деген келіншегі жесір қалады. Әлпеш үйсін Дулат бидің қызы болса керек. Шабылған әулет пен қорғансыз қарт Найманның ауыртпалығы енді Әлпештің иығына түседі. Сол үміт жетегімен Әлпеш төркін жұртына барып, туысқан сіңлісі Гүлшені Найманға айттырып алып қайтады. Гүлше бір ұл табады. Бұл кезде Найман шаңырағының бас иесі болып отырған Әлпеш алты алаштың басын қосып, ақ түйенің қарынын жарып, ұланасыр той жасайды. Осы тойда үйсін Дулат би:&nbsp; – Найман – қаны араласқан қадірлес құдам еді, мына нәресте артында қалған белгі ғой, атын Белгібай қояйық дейді.<blockquote>«Балаға ат қою жолы біздікі еді, Найман атамыздың Тәңірден өкіріп жылап жүріп тілеген баласы ғой, атын Өкіреш қоямыз», − деп арғындар да тілек білдіреді.&nbsp;</blockquote>Қазақтың бүгінгі қалың рулы елінің болашағына осылайша Әлпеш ана сеп болып, әулетіне ұйытқы болыпты. Найманның кіндігінен тараған ұрпақ жиырма шақты ауыл болғанша «жат &nbsp;болып кетпесін» деп, енші бермей, мал-жанын ортақ ұстатыпты дейді.&nbsp;<blockquote>«Байдың малы ортақ болсын, батырдың жаны ортақ болсын, шебердің қолы ортақ болсын, шешеннің тілі ортақ болсын, балуанның күші ортақ болсын, біреуге біреу зорлық жасамасын!» деген өсиет осы Әлпеш анадан қалыпты деген сөз бар.</blockquote>

Қазақстан және Қызылорда облысының жаңалықтары