<a href="https://kyzylorda-news.kz/">Kyzylorda-news.kz.</a> Қызылорда қаласының әкімі Асылбек Шәменов Тасбөгет кенті тұрғындарымен кездесіп, атқарылған жұмыс жайын баяндады.Тасбөгеттегі С.Майқанова атындағы мәдениет үйінің залы халыққа лық толды. Тасбөгет кентінде жергілікті халықтан бөлек оған қарасты бірқатар саяжай тұрғындары да кездесуге келді.&nbsp;Шаһар басшысымен кездесуге келген тұрғындар көкейдегі сауалдарын жолдауға асыққан. Алдымен қала әкімі кентте бұған дейін атқарылған жұмыстарға тоқталды. Жалпы 30 мыңнан астам тұрғыны бар кент ауқымы жыл санап кеңейіп келеді. Инфрақұрылым дамыған, әлеуеті артқан бұл аумақта жаңадан қоныстанушылар көп. Сондықтан кенттің шет аймағындағы жол, ауыз су, электр желісі сынды мәселелер әлі де өзекті. Биыл осы шет аймақтың ахуалын жақсарту мақсатында 41 көшеге жөндеу жұмыстары жүргізіліп, электр желілері тартылмақ. Тұрғындар қозғаған қайсыбір мәселенің де маңызды екенін тілге тиек еткен қала басшысы оның кезең-кезеңімен, жоспар бойынша жүзеге асатынын айтты.Кенттегі шет аймақты есептемегенде жол, ауызсу мәселесі шешімін тапқан. Бұған дейін жөндеуді қажет еткен электр желілерін қайта жаңғыртуға бюджеттен 700 млн теңге бөлініп, бүгінде бұл жұмыстар аяқталуға жақын. Сондай-ақ кентке қарасты Сабалақ саяжайында да аталған мәселелер оң шешім тауып келеді. Саяжайлықтар сұраған мектеп, балабақша, жол, ауызсу, электр желісі қазіргі таңда ел игіліне жарауда. Тасбөгеттіктердің сұранысына сай кентте спорт мектебі де салынуда. Бұдан бөлек балаларға арналған спорттық ойын алаңдары да пайдалануға берілген. Кездесуде тұрғындарды толғандырған жайттар да назардан тыс қалмады. Жиналған жұртшылық емхана мәселесін қозғады. Кентте жаңа емхана ғимаратын тұрғызу тұрғындардың көптен бері айтып жүрген базынасы. Күрмеуі қиын мәселенің шешімі әлі күнге дейін табылмай келеді. Осыны айтқан тасбөгеттіктер қазіргі емхана нысанының талапқа сай келмейтінін айтты.Сондай-ақ кездесуге келген көпбалалы аналар бүгінгі күні пәтер жалдап тұрудың қалтаға салмақ салатынын, пәтер кезегі жеткенше уақытша баспана тауып берсеңіздер деген өтінішін жеткізді. Кентте апаттық жағдайда деп танылған үйлер жетерлік. Онда тұратын отбасылардың басым бөлігі бүгінде сол жағалауда жаңа пәтерге қоныстанған. Бұл бағыттағы жұмыстар әлі де жалғасын табады. Осы орайда көпбалалы аналар бос тұрған үйлерден уақытша пәтер беруді сұрады. Шаһар басшысы өз кезегінде мұны кент әкімі Семсер Сыздықов пен қалалық тұрғын үй инспекциясы бөлімінің басшысы Абзал Рысбекке бірлесіп шешуді тапсырды. Сондай-ақ жағдайды жеке бақылауына алатынын жеткізді.&nbsp;Тасбөгеттіктер мұнан өзге жаяу жүргіншілер жолын салуды, коммуналдық төлемдерді төлеу үшін арнайы бір орын белгіленіп, бір жерге біріктірілсе деген тілектерін айтты. Алда құрылыс жұмыстары қыза бастайды. Жаяу жүргіншілер жолы мәселесі жаңа жол түспей тұрып шешілуі тиіс. Сондықтан кент әкімі Семсер Зұлпыхарұлына бұл мәселені қайта қарап, қай аумақтың қамтылуы керектігін пысықтау тапсырылды. Ал коммуналдық төлемдерді төлеуге бір ғимарат қарастырылса деген тұрғындар өтінішіне мүмкіндік қарастырылатынын тілге тиек етті.

Тасбөгетте жаңа емхана салынады

<a href="https://kyzylorda-news.kz/">Kyzylorda-news.kz.</a> Қызылордаға көктем келісіменақ қаланың әр аумағында құрылыс қарқын ала бастады. Бейбарыс Сұлтан көшесіндегі жол құрылысы, әуежай мен шаһардағы бірнеше нысанның құрылыс жұмыстары қыза бастады. Ауқымды жұмыстардан бөлек қалаға қарасты ауылдарда атқарылып жатқан жұмыс аз емес. Бүгінгі мақалада шаһардағы құрылыс аясындағы тынымды тірліктерге тоқталып өткенді жөн көрдік.Жалпы Қызылорда облысы құрылыс секторындағы жоғары өсу қарқыны бар аймақтар қатарында. Бұл туралы Үкімет отырысында ҚР Ұлттық экономика министрі Әлібек Қуантыров хабарлаған еді.&nbsp;<blockquote>«Орындалған құрылыс жұмыстары бойынша Жетісу облысынан басқа барлық өңірлерде оң өсім тіркелді. Әсіресе, құрылыс-монтаж жұмыстарының жоғары өсімі Жамбыл, Маңғыстау, Ақтөбе, Абай және Қызылорда облыстарында байқалды», − деді ведомство басшысы.&nbsp;</blockquote>Қызылордада алдағы уақытта еден плитасы, жол плитасы, іргетас блоктары, маңдайша, таспалы іргетас, баспалдақ, темір-бетон тіректері сияқты темір-бетон және тауарлы бетон өнімдері шығатын болады. Бұл жұмыстарды «Строительнотранспортная компания» ЖШС жүзеге асырмақ. Қазіргі кезде серіктестік тұрғын үй-құрылыс комбинатын салуда. «2021-2025 жылдарға арналған кәсіпкерлікті дамыту жөніндегі ұлттық жоба» аясында жоба құрылтайшысы «Даму кәсіпкерлікті дамыту қоры» арқылы 370 млн теңге несие алып, құрылысын бастады. Жобаның жалпы құны – 2 млрд 600 млн теңгені құраса, оның 2230 млн теңгесін инвестор өз қаражаты есебінен салды. Жобамен танысу мақсатында 1 ақпан күні облыс әкімі Нұрлыбек Нәлібаев барғанда құрылыс жұмыстары 85 пайызға аяқталғаны, комбинат сәуір айында жұмысын бастайтыны айтылды.&nbsp;Нысан іске қосылғаннан кейін өндірісте 90 адам тұрақты жұмыспен қамтылмақ. Болат Өтемұратов қорының қаржысы есебінен Қызылорда әуежайының жаңа терминалы салынуда. Жаңа ғимараттың жалпы аумағы 7,5 мың шаршы метрден астам, жалпы құны 31 млн АҚШ долларын құрайды. Нысан пайдалануға берілген кезде көлік саласының көрсеткіштері бірнеше есе артады деген жоспар бар. Құрылыс кезінде 600-ден астам адам жұмыспен қамтылса, аяқталғаннан кейін 64 жаңа тұрақты жұмыс орны құрылмақ. 2025 жылға қарай жаңа терминал арқылы 3000 рейс орындалады деп күтілуде. Тасымалданған жолаушы саны 260 мыңнан 500 мыңға дейін ұлғайса, жүк тасымалы 150 тоннадан 300 тоннаға дейін артады деп межеленуде.&nbsp;Қызылордада «Ауылда денсаулық сақтауды жаңғырту» пилоттық ұлттық жобасы аясында жалпы құны 9,7 млрд теңгені құрайтын 27 нысан құрылысы жоспарлануда. Атап айтқанда, 24 дәрігерлік амбулатория, 2 фельдшерлікакушерлік және 1 медициналық бекет құрылысының тізімі Үкімет қаулысына енгізілді. Облыс әкімінің баспасөз қызметі 15 медициналық амбулатория мен 1 медициналық бекеттің құрылысы биыл басталатынын мәлімдеді.&nbsp;Қаладағы қарқынды құрылыстар қатарында Бейбарыс Сұлтан көшесі бар. Жалпы ұзындығы 4,2 шақырым жолды қалпына келтіру жұмыстары ақпан айында басталып, 12 ай ішінде аяқталмақ. Мұнда әрқайсысының ені 3,5 метрді құрайтын 4 жолақты жол салу жоспарланған. Жалпы биыл қала мен қалаға қарасты елді мекендердегі 236 көшеге орташа жөндеу жүргізу үшін 5 млрд теңгеден астам қаржы бөлінген. Бұл қаражатқа 99 көшеге асфальт және 137 көше тас жол құрылысын салу жоспарлануда.Ақсуат ауылдық округін газдандыру жұмыстары да жоспарға сай жүзеге асырылуда. 4500-ге жуық тұрғыны бар ауылға газ құбыры толық жүргізілген. 500-ге жуық үй осы көктемде көгілдір отынға қосылады деп жоспарлануда. Алдағы күздегі жылу беру маусымында ауыл тұрғындары газ игілігін көрмек. 2022 жылы бұл ауылдың орталығынан «Samruk - Kazyna Trust» корпоративтік қоры спорт кешенінің құрылысын бастаған еді. Салынып жатқан кешеннің жалпы құны 239 млн теңгені құрайды. Мұнда ауыл балалары спорттың барлық түрлерімен айналысуға мүмкіндік болмақ. Спорттық кешен келісім шарт бойынша тамыз-қыркүйек айларында аяқталады. Дегенмен мердігер мекеме басшылары құрылыс жұмыстарын екі ай көлемінде бітіріп, ел игілігіне пайдалануға беруді жоспарлап отыр.&nbsp;Сонымен қатар шаһарда Сырдария өзенінің сол жағалауында заманауи қаспетпен 10 ипотекалық тұрғын үй бой көтеруде. Тұрғын үй кварталында 5 қабатты 40, 50 және 60 пәтерлі тұрғын үйлер салынуда. Нәтижесінде пәтерлердің жалпы саны 470-ті құрайды. Құны 8,5 млрд теңге болатын жобаның құрылыс жұмыстарын 2023 жылдың cоңында аяқтау жоспарлануда. Негізінен биыл облыста жаңадан 131 нысанның құрылысы жүргізілмек. Соның ішінде білім саласында 22,3 млрд теңгеге 22 нысан салынбақ. Оның 10-ы «Жайлы мектеп» жобасы аясындағы жаңа мектептерге тиесілі. Ірі нысандардың бірі ретінде Сырдарияның сол жағалауынан 300 орынға арналған жатақханасы бар 400 орындық физика-математика бағытындағы мектеп-интернаттың құрылысын жүргізуге қолдау табылды.&nbsp;Денсаулық сақтау саласында 16 нысанды салуға 5,2 млрд теңге қаржы бөлінбек. Оның ішінде 12 дәрігерлік амбулатория, онкологиялық орталық, қан орталығы, Сексеуіл кентінде 40 төсектік аурухана салынады және Арал қаласында туберкулезге қарсы орталық қайта жаңғыртылады. Мәдениет саласында да ауқымды жобалар іске аспақ. Құны 4,5 млрд теңгені құрайтын 11 нысан ел игілігіне бағытталмақ. Оның ішінде 8 ауылдық клуб, Қызылорда қаласында көпсалалы кешен, Неке сарайы, Әйтеке би кентінде 600 орындық клуб құрылысы жүргізу жоспарға енген. Спорт бағытында жаңадан 7 нысан салу бастамасы бар. Оның басым бөлігі ауылдық жерлерде салынады. Мұнан бөлек Қызылорда қаласындағы көпсалалы дене шынықтыру-сауықтыру кешенінің құрылысы жүргізілмек.

Биыл Сыр өңірінде 131 нысанның құрылысы жүргізілмек

<a href="https://kyzylorda-news.kz/">Kyzylorda-news.kz.</a> 2023 жылдың 30 наурыз күні сағат 21:00-ден бастап 31 наурыз күнгі таңғы сағат 04:00-ге дейін «Арай» тұрғын ауданы мен қаланың Сол жағалауындағы тұрғын ауданына беріліп отырған ауыз судың сапасын жақсарту мақсатында «Арай» су алу құрылымының таза су жинау резервуарларына және «Арай» тұрғын ауданының, қаланың Сол жағалауындағы және Набережная, Демесінов көшелеріндегі ауыз су жүйелеріне жуу, шаю және залалсыздандыру жұмыстары жүргізіледі.Осыған байланысты аталған тұрғын аумақтарда 30 наурыз күні сағат 21:00-ден сағат 23:00-ге дейін ауыз су беру уақытша тоқтатылады.Ауыз суды пайдаланар алдында кранды ашып, хлордың иісі толық кеткенше ауыз суды пайдаланбауды сұраймыз. Ведомстволық мекемелер 31 наурыз күні сағат 06:00-ден бастап хлордың иісі толық жойылғанға дейін суды ағызуға жауапты кісілерді бекіту қажет.Аталған тұрғын аумақтардағы көп қабатты тұрғын үйлерінің пәтерлер иелері кооперативтері мен көп қабатты тұрғын үйлерге жауапты мекемелер өжіре ішіндегі таратушы ауыз су құбырынан тазарту жұмыстарынан кейінгі құбыр ішіндегі шөгінді қалдықтар тазарғанша 10-15 минут ағызып жіберулеріңізді сұраймыз.

Қызылордада ауыз су беру уақытша тоқтатылады

<a href="https://kyzylorda-news.kz/">Kyzylorda-news.kz.</a> Пандемия жағдайы бизнес саласын да айналып өткен жоқ. Кей кәсіпорындар араға уақыт салып тірлігін түлете бастады. Солардың бірі - Қызылордадағы жеңіл өнеркәсіп қауымдастығы «АС-КА». Мұнда айына 2500 дана өнім өнідіріледі.Жеңіл өнеркәсіп қауымдастығының төрайымы Дина Махатова жергілікті кәсіпкерлер мектеп формасын тігуді 2019 жылы қолға алған.&nbsp;Облыс бойынша кәсіпорын арнайы киім тігу бойынша көшбасшылардың бірі болып табылады. Пандемия кезінде "Ас-кА" ЖШС медициналық бір реттік комбинезондар мен бахилаларды тігумен айналысты. Сол жылдардағы өнімнің бұл түрі медициналық салада өте жоғары сұранысқа ие болды. Жоғарыда аталған тауарлардың үлкен шығарылымы қысқа мерзімде осы кәсіпорынның жоғары тиімділігі мен құзыреттілігін көрсетеді.Осы оқу жылына ер балаларға арналған 1000 дана, қыз балаларға арналған 2000 дана мектеп формасын дайындаған.&nbsp; Жергілікті кәсіпкерлер маталарды Түркия, Қытайдан алдырып жатыр. Дина Махатова материалдардың барлығы да Оқу-ағарту министрлігі қойған талапқа сай келетінін, арнайы сертификаттары алынғанын атап өтті.�Мектеп формаларының бағасы нарық бағасынан анағұрлым төмен. Жейделер 2000-3000 теңгеден басталады. Ер балаларға арналған костюм, шалбар, жакеті 10 000 теңгеден.Өнімдері алғашқыда облысымызда, кейіннен еліміздің өзге де бірқатар өңірде сатылды. Кәсіп­орын қолданылатын ең соңғы үлгідегі автоматтандырылған тігін машиналарының тігісі жатық, ­теп-тегіс. Әр тұты­нушының дене бітімі мен талға­мы­на орай әрбір өлшемге мән беріліп, киімнің қонымды болуын есепке алынды. Дизайны мен тігісі шетел­дік костюм-шалбарлардан кем түспейтін отандық өнімнің матасы да сапалы.Өнім өте сапалы, ыңғайлы, мек­теп формасына қойылатын та­лаптар толық сақталған. Фаб­рика тапсырыстан бөлек, дайын өнімдерін сатылымға шығарады. Алматы, Ақтөбе &nbsp;қалалары мен еліміздің басқа өңірлеріндегі ресми және келісім бойынша дү­кендерде сатады, сондай-ақ түрлі жәрмеңкелерге қатысады.Кәсіпорын мектеп форма­сы­нан бөлек, теміржол, қорғаныс істері қызметкерлері үшін арнайы жұмыс киімін дайындайды. Фабрикада жеке лекалдар базасы бар. Соның арқасында киім өнімдері жаңа сән үлгілеріне сай дизайнда жасалады. Өндірісте жоғары дәрежелі ма­мандар істейді. Фабрика қызметі­нің арқасында жергілікті тұр­ғын­дардан 45 адам жұмыспен қам­тылған. Тапсырыстың көбе­юіне байланысты алдағы уақытта адам жұмысқа тарты­луы мүмкін.&nbsp;«АС-КА» тігін фабрикасында киім өндірісінің толық циклі – дизайнын әзірлеу­ден бастап қаптамаға дейін жүзеге асады. Барлық жұмысты шеберлер жоғары технологиялық жабдықтар арқылы атқарады. Фабрикада орнатылған шетелдік заманауи жаб­дықтар сапасы әлемдік бренд­терден еш кем түспейтін өнім өндіруге мүмкіндік береді.<blockquote>«Алдағы мақсат – осы ішкі нарықты қамтып, елімізде саты­лымдағы отандық өнім мөлшерін ұлғайту. Мектеп оқушыларын сапалы, сәнді, бағасы да қолжетімді мектеп формаларымен қамтамасыз ету. Осы орайда ата-аналар мен мектеп ұжымдарына отандық өндірушіні қолдап, отандық киім киюге шақырамыз. Себебі отандық өнімді тұтынудың ел экономи­касына пайдасы зор», – дейді Дина Махатова.&nbsp;</blockquote>Отандық нарықта сапалы киімдерімен танылған тігін фабрикасы еліміздің жеңіл өнер­кәсібінің өрісін кеңейтуде. «АС-КА» киім бренді еліміздің бірқатар өңірін­де кеңінен тарауда. Бүгін цех облысының мекемелерін ынтымақтастыққа шақырады.<figure class="image"><img src="https://knadmin.beoblood.kz/uploads/337523042_740560494220038_3542431094100943323_n_0cdd76815a.jpg" alt="337523042_740560494220038_3542431094100943323_n.jpg"></figure><figure class="image"><img src="https://knadmin.beoblood.kz/uploads/337292345_3284747741835887_396182044027722386_n_0c24e1ffc8.jpg" alt="337292345_3284747741835887_396182044027722386_n.jpg"></figure><figure class="image"><img src="https://knadmin.beoblood.kz/uploads/337127609_745845280386955_4015757962390764401_n_0fcb541b71.jpg" alt="337127609_745845280386955_4015757962390764401_n.jpg"></figure>

«АС-КА» тігін фабрикасы айына 2500 дана өнім шығарады

<a href="https://kyzylorda-news.kz/">Kyzylorda-news.kz.</a> Қызылорда облысында жастар арасында үнемі есірткіге қарсы түрлі іс-шаралар ұйымдастырылады. Мектеп оқушылары мен студенттер арасында түрлі байқаулар өткізіліп, олардың арасында үздік деп танылғандар Қызылорда облысы полиция департаменті Есірткі қылмысына қарсы іс-қимыл басқармасының сый-сияпатына ие болып, дипломдармен марапатталады.&nbsp;Жасөспірімдер арасында жыл сайын ұйымдастырылатын есірткіге қарсы іс-шарасы биыл да өз жалғасын табуда. Қызылорда облысының оқушылары мен студенттері «Есірткі - зұлым!» ұранымен, #бізесірткігеқарсымыз #мыпротивнаркотиков хештегтерді ұстана отырып, Қызылорда облысы полиция департаменті Есірткі қылмысына қарсы іс-қимыл басқармасы ұйымдастырған челленджге қатысты.Жас полиция көмекшілері әзірлеген видеоларында қоғамға зиян келтіретін осы құбылысқа теріс көзқарастарын білдіріп, жас ұрпақты оның ықпалына берілмеуге, осылайша өз өмірін бақытты етуге шақырды.&nbsp;Челлендж қорытындысы бойынша №2 Арал ауданының мамандандырылған облыстық мектеп-лицей-интернатының оқушысы Гүлжанай Достанова, Қармақшы ауданындағы №185 орта мектебінің оқушысы Ералы Рахман және Ерәулет Жалағаш ауданындағы №118 орта мектебінің оқушысы Ерәулет Сейітжан үздік деп танылды. Челлендж жеңімпаздары сыйлықтармен және дипломмен марапатталады.Динара МАХАНОВА<figure class="image"><img src="https://knadmin.beoblood.kz/uploads/Whats_App_Image_2023_03_28_at_15_41_58_4c4d43700f.jpeg" alt="WhatsApp Image 2023-03-28 at 15.41.58.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_03_28_at_15_41_59_2_71116bb804.jpeg" alt="WhatsApp Image 2023-03-28 at 15.41.59 (2).jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_03_28_at_15_41_59_e49dfbc5a2.jpeg" alt="WhatsApp Image 2023-03-28 at 15.41.59.jpeg"></figure><figure class="image"><img src="https://knadmin.beoblood.kz/uploads/Whats_App_Image_2023_03_28_at_15_41_59_1_0d490ba394.jpeg" alt="WhatsApp Image 2023-03-28 at 15.41.59 (1).jpeg"></figure>

«Есірткі - зұлым»: Қызылордада оқушылар челленджге атсалысты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қазақстанның Еңбек Ері Абзал Ералиевті 63 жасқа толған мерейтойымен құттықтады.Аймақ басшысы Абзал Жұмашұлының ерен еңбегі мен өнегелі өмір жолына тоқталып, туған елге жанашырлығы үшін алғыс білдірді.<blockquote>«Халқымыздың «Туған жерге туың тік» деген тәмсілінде патриотизмнің кіндік қаның тамған жеріңе, өскен ауылыңа деген сүйіспеншіліктен тамыр тартатыны айтылған. Абзал Жұмашұлының Нағи Ілиясов атындағы ауылға 2 млрд.қа жуық инвестиция салуы бұл елді мекенді республикадағы үлгілі ауылдар қатарына қосты. Ауылын түлеткен азаматтың бастамасы еліміздегі елеулі оқиғаның бірі болды. 2013 жылы Қазақстан Республикасы Президентінің Жарлығымен елге сіңірген ерен еңбегі үшін Абзал Ералиевке мемлекетіміздің жоғары наградасы – «Қазақстанның Еңбек Ері» атағы мен Алтын жұлдызы берілді. Ол облыстық Күріш өндірушілер және өңдеушілер қауымдастығының президенті ретінде Сыр салысының сапалық деңгейін еселеп, жерсіндірілген жаңа сорттар өндірісіне жаңа леп қосты. Жасыратыны жоқ, ел «Ералиев» дегенде ерен еңбекті елестетеді, «Абзал» дегенді асқақ рухқа арқау етеді. Өйткені ол –еңбектің адамы, әрбір бастамасы ерліктің қадамы», – деді облыс әкімі.</blockquote>Сыр елінің дамуына қосқан ерекше үлесі үшін Абзал Жұмашұлына Қызылорда облысының «Құрмет» грамотасы және ҚР Ауыл шаруашылығы министрінің арнайы құттықтауы табысталды.Мерейтой иесін ел ағалары, ауыл шаруашылығы саласының ардагерлері Шахизат Төребаев, Нұрлыбай Ұлықпанұлы және Орынбасар Төлепов құттықтады.Абзал Ералиев 1960 жылы қазіргі Сырдария ауданы Нағи Ілиясов ауылында дүниеге келген. Еңбек жолын 1984 жылы Қызылорда үй құрылысы комбинатында құрылыс шебері болып бастап, осы мекемеде прораб, монтаждау учаскесінің бастығы қызметіне дейін көтерілді.1994 жылы күріш өсірумен және өңдеумен айналысатын «Абзал және Компания» толық серіктестігін құрды. Еңбекқорлығының арқасында оны елімізге ғана емес, ТМД елдеріне, бірқатар Еуропа мемлекеттеріне танымал әрі бірегей серіктестікке айналдырды. Ол 2012-2016 жылдары Қызылорда облыстық мәслихатының депутаты, 2016-2021 жылдары Қазақстан Республикасы Парламенті Мәжілісінің депутаты болды.&nbsp;Қазіргі таңда «Абзал және Компания» толық серіктестігі тек күріш бағытын ғана емес, тұз өндірісін де қарқынды дамытып келеді. «Ассоль» брендімен тәулігіне 200 тоннаға дейін тұз өңдеп, Қазақстанның барлық аймағымен қоса, көршілес Ресей, Қырғызстан және Беларусь, Моңғолия, Латвия, Литва секілді елдерге экспортқа шығаруда.<figure class="image"><img src="https://knadmin.beoblood.kz/uploads/338383787_2039326949737185_3673164191801095250_n_1d69ec1033.jpg" alt="338383787_2039326949737185_3673164191801095250_n.jpg"></figure>&nbsp;<figure class="image"><img src="https://knadmin.beoblood.kz/uploads/338364934_1267914090770730_3685619478168100773_n_560a505b6e.jpg" alt="338364934_1267914090770730_3685619478168100773_n.jpg"></figure>&nbsp;<figure class="image"><img src="https://knadmin.beoblood.kz/uploads/338399772_945767559939359_2045350011361265238_n_bcccf79eff.jpg" alt="338399772_945767559939359_2045350011361265238_n.jpg"></figure>

 Облыс әкімі Еңбек Ері Абзал Ералиевке құрмет көрсетті 

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университеті Өзбекстанның жетекші университеттерімен меморандумға қол қойды. Бұл туралы Өңірлік коммуникациялар қызметінің ақпараттық алаңында өткен брифингте Қорқыт ата атындағы Қызылорда &nbsp;университеттің &nbsp;проректоры Майнұр Бөрібаева хабарлады.&nbsp;<blockquote>«Ташкент ирригация және ауыл шаруашылығын механизацияландыру инженерлері институты» Ұлттық ғылыми-зерттеу университетімен қос дипломды мамандарды даярлау бойынша бірлескен білім беру бағдарламасын жүзеге асыру туралы келісім мен іс-шаралар жоспары жасалды. Алдағы уақытта қос университет 7 білім беру бағдарламасы бойынша білім береді. Бұған қоса, &nbsp;Ташкент мемлекеттік экономика университеті жанындағы Профессор-оқытушылар құрамын қайта даярлау және біліктілігін арттыру салалық орталығы арасында ынтымақтастық туралы меморандумға қол қойылды. Сондай-ақ, осы орталықтың базасында Қорқыт ата атындағы Қызылорда университеті өкілдігін ашу туралы келісім жасалды. Мұнан өзге, әлемнің 30-дан астам тілінде тілдік лингвистикалық оқытуды қамтамасыз ететін Самарқанд мемлекеттік шет тілдер институтымен SamSIFL ынтымақтастық туралы меморандумға қол қойылды. Сапар барысымен барған қызылордалық делегация Өзбек мемлекеттік әлем тілдері университетіне де барып, бірлескен білім беру бағдарламаларын құру мүмкіндіктері туралы келісімге қол жеткізілді», - деді Майнұр Әбілтайқызы.&nbsp;</blockquote>Брифингте университеттің Коммерцияландыру бөлімінің басшысы Нұржан Еділбаев университет өкілдері Орталық Азиядағы ең ірі технопарк қызметімен танысып, білім алушыларды &nbsp;тәжірибеден өткізу, қызметкерлердің білікітілігін арттыру және т.б бағыттар бойынша өзара жұмыс жүргізу жөнінде келісімге келгенін атап өтті.&nbsp;Айта кету керек, өткен оқу жылында шетелдегі қазақ жастарына арнап 10 білім грант бөлінсе, биыл 100-ге жуық білім гранты тағайындалмақ. Осылайша, Қорқыт ата атындағы Қызылорда университеті Өзбекстан Республикасындағы университеттер мен ұйымдардың инфрақұрылымымен, ғылым мен инновациядағы жетістіктермен, университеттердің академиялық саясатының ерекшеліктерімен танысып, шетелдік мықты университеттермен байланысты нығайта түсті.<figure class="image"><img src="https://knadmin.beoblood.kz/uploads/l_ef299819c8.jpg" alt="л.jpg"></figure>

Қорқыт ата атындағы Қызылорда университеті Өзбекстанның жетекші университеттерімен байланысты нығайтуда

<a href="https://kyzylorda-news.kz/">Kyzylorda-news.kz.</a> Қызылорда қаласындағы бірнеше мөлтек ауданда ауыз су уақытша тоқтайды.&nbsp;2023 жылдың 30 наурыз күні сағат 21:00-ден бастап 31 наурыз күнгі таңғы сағат 04:00-ге дейін «Арай» тұрғын ауданы мен қаланың Сол жағалауындағы тұрғын ауданына беріліп отырған ауыз судың сапасын жақсарту мақсатында "Арай" су алу құрылымының таза су жинау резервуарларына &nbsp;және "Арай" тұрғын ауданының, қаланың Сол жағалауындағы және Набережная, Демесінов көшелеріндегі ауыз су жүйелеріне жуу, шаю және залалсыздандыру жұмыстары жүргізіледі.Осыған байланысты аталған тұрғын аумақтарда 30 наурыз күні сағат 21:00-ден сағат 23:00-ге дейін ауыз су беру уақытша тоқтатылады.Ауыз суды пайдаланар алдында кранды ашып, хлордың иісі толық кеткенше ауыз суды пайдаланбауды сұраймыз.Ведомстволық мекемелер 31 наурыз күні сағат 06:00-ден бастап хлордың иісі толық жойылғанға дейін суды ағызуға жауапты кісілерді бекіту қажет. Аталған тұрғын аумақтардағы көп қабатты тұрғын үйлерінің пәтерлер иелері кооперативтері мен көп қабатты тұрғын үйлерге жауапты мекемелер өжіре ішіндегі таратушы ауыз су құбырынан тазарту жұмыстарынан кейінгі құбыр ішіндегі шөгінді қалдықтар тазарғанша 10-15 минут ағызып жіберулеріңізді сұраймыз.<figure class="image"><img src="https://knadmin.beoblood.kz/uploads/cu_e4f12d8496.png" alt="cу.png"></figure>

Қызылорда: Ауыз су уақытша тоқтайды

<a href="https://kyzylorda-news.kz/">Kyzylorda-news.kz.</a> Қызылорда облысында алаяқтық қылмысы азайып келеді. Бұл туралы Өңірлік коммуникациялар қызметінде өткен брифингте облыстық полиция департаментінің Криминалды полиция басқармасы бастығының орынбасары Рустам Сайділдинов мәлімдеді.&nbsp;Бүгінгі таңда интернет алаяқтарының құрығы ұзын болып тұр. Бұл мәселе тек біздің елімізде ғана емес, әлемдік мәселеге айналғаны сөзсіз.&nbsp;Қызылорда облыстық полиция департаментінің Криминалды полиция басқармасы бастығының орынбасары Рустам Сайділдиновтің айтуынша, қазіргі таңда аймақта ғаламтордағы алаяқтық қылмысына қарсы түрлі іс-шаралар жүргізіліп жатыр.&nbsp;<blockquote>«Жыл басынан бері алаяқтық деңгейі өткен жылмен салыстырғанда 64 пайызға төмендеді. Сондай-ақ, бүгінде халықтың интернет алаяқтарға алданып қалмауы үшін ҚР Қаржы нарығын реттеу және дамыту агенттігі Ішкі істер министрлігінің өңірлік департаменттерімен бірлесіп «Финграмота» атауымен ресми сайт әзірленіп, көпшілік назарына ұсынылуда. Сонымен қатар, күнделікті интернет-алаяқтық қылмыстарын болдырмау мақсатында түсіндірмелік мақалалар мен &nbsp;профилактикалық бейнероликтер әлеуметтік желілерге үнемі жариялануда. Осы орайда, облыс тұрғындарын жеке куәлік деректерін, төлем карталарының мәліметтерін мұқият пайдалануға шақырамыз», - деді Рустам Тұрарұлы.</blockquote><figure class="image"><img src="https://knadmin.beoblood.kz/uploads/338042456_610237794311819_7522988257926162876_n_db3077e5e4.jpg" alt="338042456_610237794311819_7522988257926162876_n.jpg"></figure>

Қызылорда облысында алаяқтық қылмысы азайып келеді

<a href="https://kyzylorda-news.kz/">Kyzylorda-news.kz.</a> Жастардың алға қойған мақсатының бірі – кәсібін дөңгелетіп, сала бойынша өз орнын табу. Ғылым мен техниканың қарқынды дамуымен қатар, кей мамандық қолданыстан шығып жатса, енді бірі қажеттіліктен пайда болып жатыр. Осындай қажеттіліктен туындаған кәсіптің бірі – адам денсаулығына пайдасы мол массаж түрлері.Қармақшы ауданында осы кәсіпті қолға алып, көп көңілінен шығып, халықтан алғыс арқалап жүрген жанның бірі – Назерке Қожаберген. Ол Қазалы ауданының тумасы. Оңтүстік Қазақстан медициналық колледжінде мед- бике мамандығын меңгеріп, Қазалыдағы теміржол ауруханасының реанимация бөлімінде үш жыл еңбек етеді. 2016 жылы жосалылық жігітке тұрмысқа шығып, киелі Қармақшы еліне келін болады. Жас кәсіпкер бүгінде екі перзенттің анасы. Декреттік демалыста отырғанына қарамастан білімін жетілдіруді ойлап, өткен жылы Қызылорда қаласындағы Айгүл Шадаеваның «Дем» массаж орталығынан массаждың бірнеше түрін меңгереді. Қазіргі уақытта Назеркенің жеке массаж кабинеті бар.<blockquote>«Көптеген адамдар жұмыс- сыз екенін айтып, өмірден түңіліп жатады. Бірақ, екі қолға бір күрек табылады ғой. Әрекеті – бізден, ал берекеті – Жаратушыдан екенін естен шығармаған жөн. Бала күтіміндегі ана болса да құр қарап отырмау керек. Түрлі тәттілер, тіл үйірер тағамдар даярлап, оны да кәсіп көзіне айналдыруға болады. Жас кез де бар жұмысты істеп көрген дұрыс. Сонда ғана қартайған шақта бейнеттің зейнетін көреміз. Мен өз бейіміме әрі мамандығыма қатысты болғандықтан массаж жасауды меңгергенді жөн көрдім. Кәсіп бастағаныма 9 ай болды. Осы уақыт аралығында тек елдің ризашылығын алып келемін», дейді кейіпкеріміз.</blockquote>Мамандығын жанындай жақсы көретін Назеркеге отбасы жігер беріп, кәсібін бастауға тікелей ықпал еткен көрінеді. «Отбасым мен сүйікті ісім – өмірімнің мәні. Адамға осыдан артық бақыт та керек емес шығар. Баламның кішкентайлығына қарамастан, менің оқуыма, білімімді жетілдіруіме, кәсібімді ілгерілетуіме ата-енем де, жолдасым да қолдау білдірді. Осы кісілердің қолдауының арқасында ойға алған ісімді дамытудамын» дейді ол.Негізінде массаж бірінші кезекте адамның қан айналымын жақсартады. Бұрын адамдар ертеден кешке дейін қозғалыста болғандықтан, оларға массаждың аса қажеттілігі болған жоқ. Ал қазір қозғалысымыз азайды. Жұмыстың көбін бізден гөрі техника атқарады. Тіпті, қарапайым жаяу жүретіндер де аз. Яғни, қазіргі адамдарға массаж ауадай қажет-ақ. Оны медицина да дәлелдеуде. Өйткені, дәрігерлер көптеген ауруға массаж алуды кеңес қылады.<blockquote>«Қан айналымының төмендеуі иммунитетті нашарлатып, ағзада түрлі дерттерді тудырады. Қан қысымының көтерілуі, бас ауруы, жүрек-қан тамыр аурулары, остеохондроз, артроз сынды кесел дер көпті мазалайтыны анық. Бұл мәселемен уқалау әдісімен ғана күресуге болады. Оның емдік қасиеті Грек және Рим ғасырларынан белгілі. Күн санап дамып жатқан саланы қолданбайтын адам жоқ. Тіпті, кейбіреулер шарықтап тұрған бағасына қарамастан массажға жазылып жатады. Әрине, бұл уқалаудың қаншалықты пайдалы екенін көрсетеді. Ал, ауырмаймын десеңіз де малдыратын массаждан гөрі батыстың классикалық және Қытайдың нүктелі массажын қосып алуға кеңес етемін. Осы екі массаждың емдік қасиеті бар. Маман ретінде массаждың емдік қасиеті барын алуды ұсынамын. Оны бас, мойынға, арқа мен белге, қол-аяққа, алақан-табанға, бетке де жасауға болады. Бірақ, кей кездері массажды мүлдем қолдануға болмайды. Себебі, денсаулығыңызды одан әрі асқындырып алу қаупі бар. Өткір безгек ауруы, психикалық, қан ауру, туберкулез, іріңді аурулар, өкпе, жүрек аурулары байқалса, уқалауға кеңес бермеймін. Қазіргі таңда емдік, классикалық, нүктелік, периосталдық массаждар өте танымал. Мәселен, адам денесінде 365 нүкте және маңызды 12 сызық бар. Бір ғана нүктелі массаждың өзі қан қысымын реттеп, инсулиннің деңгейін қалыпқа келтіріп, ас қорытуды жақсартып, иммунды жүйені реттейді, – деді жас кәсіпкер Назерке уқалаудың қыр-сырымен тереңінен бөлісіп.</blockquote>Кәсіпкердің айтуынша, әр істің өзіндік қиындықтары бар. Массаж жасау үшін үлкен ыждаһаттылық пен таусылмас энергия керек. Жас кәсіпкер бұл сала күн санап дамып жатқандықтан, гигиеналық, косметологиялық, нүктелі, емдік, мануалды секілді массаждың өзге де түрлерін жан-жақты меңгергісі келетінін атап өтті. Назеркенің алға қойған мақсаты айқын, жоспары нық.<blockquote>«Алдағы уақытта оңалту орталығын ашқым келеді. Мақсатым – күреп ақша тауып немесе атымды шығару емес, халыққа қызмет көрсету, кішкене болса да елге пайдамды тигізу. Мәселен таныстарымның арасында ерекше күтімді қажет ететін балалар да бар. Оларды аналары емдік массаж алу үшін өзге қалаларға алып жүреді. Осындай көптің сұранысына ие арнайы кабинеттер қосқым келеді. Қатты науқас кісілерге, көпбалалы аналарға, инсульт алған кісілерге өтініш бойынша үйіне барып та массаж жасаймын. Жағдайға қарай жеңілдіктер де жасап тұрамын. Бастысы – сәбилер мен үлкендердің саулығы мен амандығы. Мен үшін «Сенің массажыңнан кейін жақсы болып қалдым» деген алғыстан артығы жоқ», дейді Назерке Қожабергенқызы.</blockquote>Кейіпкеріміз кәсібі туралы таң атқанша жырлауға дайын. Жасап жүрген ісіне қарап-ақ, Назеркенің өз ісін сонша жақсы көретінін білдік. Өз ісінің шебері деген сөз осындай жандарға қарап айтылса керек. Жас болса да алдына айқын мақсаттар қойып, жарқын болашағын қазірден қалауда. Несібесін адал еңбекпен тауып, қатарластарына үлгі болып жүрген Назеркенің жаңа бастамаларына тек сәттілік тілейміз. Өзіме емес, елге қызмет етемін деген ақ ниетті осындай жастардың қатары арта берсе екен.

Қармақшылық жас кәсіпкер кәсібінің нәсібін көруде

<a href="https://kyzylorda-news.kz/">Kyzylorda-news.kz.</a>&nbsp;Кәсіпкерлік саласы мен ауыл шаруашылығы саласы етене жақын. Қазіргі күні ауыл шаруашылығын дамыту бағытындағы кәсіп түрлеріне деген халықтың қызығушылығы жоғары. Ондай кәсіп түрлері мемлекет тарапына да қолдауға ие. Ауданда жылыжай шаруашылығы дамып келеді. Саралап қарасақ, бұл шаруашылық өміршең кәсіп түрі ретінде айы оңынан туып тұр. Ал біздің өңір тұрғындарының жылыжай шаруашылығын дамытуы көңілге қуаныш ұялатады. Біз тап осы жылыжай туралы бекер сөз қозғап отырған жоқпыз. Себебі Сексеуіл кентінің тұрғыны Ахметжан Боханов кенттен жылыжай құрылысын бастады.&nbsp;Ауыл шаруашылығы өнімдерін өндіру өз кезегінде азық-түлік бағасының тұрақтауына әкеліп соғады. Бұл импортқа тәуелділікті азайтады. Облыс әкімі Н.Нәлібаев та &nbsp;азық-түлікпен өз-өзімізді қамтамасыз етуіміз керектігін айтып, саланы дамытуды әркез назарға алып отырады. &nbsp;Осы ретте Сексеуіл кентінің тұрғыны, жеке кәсіпкер Ахметжан Боханов 240 шаршы метрді құрайтын жылыжайдың құрылыс жұмыстарын бастап кетті.&nbsp;<blockquote>Жылыжай салуды бұрыннан жоспарлап жүрдім. Оны жан-жақты зерттеп көрдім. Ақырында таптырмас табыс көзі екендігіне көзім жетті. Сосын өзімнің кәсібіме неге айналдырмасқа деген ой келді. «Атамекен» кәсіпкерлер палатасында оқу курсынан өтіп, сертификат алдым. Бизнес жоспар дайындадым. Осылай биылғы жылдың басында қайтарымсыз гранттық қаражат алуға өз жобамды ұсындым. Сәтін салып жылыжай саламын деген арманымды жүзеге асыру үшін маған мүмкіндік туып, грант жеңіп алдым, – дейді кәсіпкер. &nbsp;</blockquote>Қазіргі таңда өз ауласынан жылыжай құрылысын салып біткен. Енді өнім өсіруге дайындық жұмыстары басталып кеткендігін айтқан кәсіпкер негізінен жылыжайдың негізгі бағыты – көкөніс өсіру екендігін айтты. Соның ішінде голландиялық қияр тұқымының Авелла F1, Лоджейн F1, Северин және Туми F1 сорттарын егу.<blockquote>Бұл – біздің ең алғашқы бастамамыз. Егер сәтін салып оң нәтижеге қол жеткізіп жатсам, тағы да басқа өнім түрлерін өсіріп көрмекпін. Жылыжай құрылысын аса ыждағаттылықпен жасадық. Барынша қателік жібермеуге тырыстық. Біздің өңірдің табиғаты бау-бақшаға қолайсыз болса да жылыжай жер талғамайтын кәсіп түрі болған соң мұнда қыс, жаз демей өнім алуға мүмкіндік бар, – дейді Ахметжан.</blockquote>Кәсіпкерлікке ден қойып, жылыжай ісін қолға алған кәсіпкер жары Қарлығаш екеуі көпбалалы отбасы. Жылыжай жұмысының тасы өрге домалап, өнім молайса, бес баланың ырзық-несібесі арта түспек.&nbsp;<blockquote>Бұған дейін отбасын бағу үшін әртүрлі жұмыстар істеп, нәпақа тауып жүрдік. Ал енді қазір өзім кәсіпкерге айналдым. Бір түсінгенім, қазір еңбек етемін деген адамға қай жерде де несібе бұйырады екен. Мемлекеттің осындай қолдауы болғаны үшін қуаныштымын,– дейді ол.&nbsp;</blockquote>Расында қазір аудан халқының көбі кәсіпкерлікке ден қойып, өз қызығушылықтарынан туған дүниелерді кәсібіне айналдыруда. Сол арқылы халық қажетін өтеп, өздері де тәуір табыс тауып отыр. Ахметжан Бохановтың да жылыжайы жемісті болса қияр сортын сырттан тасымай, Сексеуілдің қиярын тұтынатын боламыз.

Сексеуілде жылыжай іске қосылмақ

<a href="https://kyzylorda-news.kz/">Kyzylorda-news.kz.</a> ​Қызылорда қаласымен қатар дамыған Тасбөгет кентінде ауқымды жобалар жүзеге асуда. Солардың бірі – жаңадан салынатын дене шынықтыру-сауықтыру кешенінің құрылысы. Оған облыстық бюджеттен 542,1 млн. теңге бөлініп, қазіргі таңда мемлекеттік сатып алу жұмыстары жүргізілуде. Одан бөлек, биыл кенттегі 41 көшені жөндеуге облыс және қала бюджеттерінен 833,7 млн. теңге қаржы қаралды. Бұл қаражаттарға жалпы ұзындығы 28,8 шақырымды құрайтын көшелерге асфальт қабаты мен қиыршық тас төселетін болады. Жергілікті бюджеттен бөлінген 15 млн. теңгеге «Шауқаман бағы» да абаттандырылып, халыққа қолайлы жағдай жасалынады.​Тасбөгеттік кәсіпкерлер инвестиция құйып, кенттің кіре-берісінен 130 пәтерлі көпқабатты үй салуда. Ал, 2021 жылы жалпы құны 1 млрд. теңгеге 5 қабатты 53 пәтерлі тұрғын үйдің құрылысын бастаған «Фирма «МТО-Центр» ЖШС-гі нысанды мамыр айында пайдалануға беруді жоспарлауда. Бұл жұмыстармен бірге орталық саябақ жанынан 200 млн. теңгеге «Құддыс Ишан» мешітінің жаңа ғимараты бой көтеруде. Тағы бір жоба, «AЭS and Limited» ЖШС-нің демеушілігімен 100 млн. теңгеге Сабалақ саяжайына табиғи газ желісін тарту жұмыстарының жоба-сметалық құжаттары әзірленуде.​Жарқын жобалардың жүзеге асуына сәттілік тілеген тасбөгеттік ағайын шаһар басшысына алғыстарын білдірді. Кездесуден кейін қала әкімі тұрғындарды жеке мәселелері бойынша қабылдап, ұсыныс-тілектерін тыңдады.<figure class="image"><img src="https://knadmin.beoblood.kz/uploads/zh_be23eac2dc.jpg" alt="ж.jpg"></figure>

Қазақстан және Қызылорда облысының жаңалықтары