<a href="https://kyzylorda-news.kz/">Kyzylorda-news.kz.</a> Биыл Кеңес әскерлерінің Ауғанстан аумағынан шығарылғанына 34 жыл. Осыған орай, Қорқыт ата атындағы Қызылорда университетінің студенттер сарайында «Ауған соғысының ақиқаты мен тарихи тағылымы» атты дөңгелек үстел өтті.&nbsp;Тағылымы мол басқосуға облыстық қоғамдық даму басқармасының басшысы Алмасбек Есмаханов, «Аманат» партиясының Қызылорда облыстық филиалының төрағасы, тарих ғылымдарының кандидаты Наурызбай Байқадамов, Қорқыт ата атындағы Қызылорда университетінің профессор-оқытушылары, зиялы қауым өкілдері мен Ауған соғысының ардагерлері қатысты.&nbsp;Жиында Ауған соғысының ауыр зардаптары мен оған қатысқан батырлардың өшпес ерлігі айтылып, тарихта таңбаланған оқиғалар еске алынды. Өз кезегінде облыстық қоғамдық даму басқармасының басшысы Алмасбек Есмаханов Ауған соғысында ерлікпен қаза тапқан батырлар ешқашан ұмытылмайтынын айтып, жауынгерлердің өжеттігін жас буынға насихаттау керектігін жеткізді.<blockquote>«Екінші жаһан соғысына пара–пар, зардабы мен залалы ауыр Ауған соғысының тарих қоржынына кеткенімен оның жарасы жазылған жоқ. Ауған соғысы – батырлардың ерең ерлігімен есте қалған алтын тарих. Жылдар жылжып өткенімен, ерлікпен қаза тапқан ержүрек жауынгерлеріміздің ерлігі ел есінде мәңгі сақталады. Сондықтан да жас буынға Ауған ардагерлерінің өжеттігін үлгі ету, опат болған жауынгерлердің рухына тағзым етуге, есімдерін қастерлеуге тәрбиелеу әрқайсымыздың қасиетті борышымыз», - деді басқарма басшысы Алмасбек Есмаханов.&nbsp;</blockquote>Одан кейін сөз алған «Аманат» партиясының Қызылорда облыстық филиалының төрағасы Наурызбай Байқадамов Ауған соғысына қатысқан батырлардың ерлігі ерең екенін тілге тиек етті.<blockquote>«Жастық шағын туған жерден тыс жерде, майдан даласында өткізген азаматтардың ерлік істерін ұрпаққа дәріптеу – біздің бүгінгі басты парызымыз. Осы ретте, жыл сайын 15 ақпанды Ауған жерінде интернационалдық борыштарын өтеу барысында қаза тапқан жауынгерлерді еске алу күні ретінде атап өтіп жүрміз. Қазақ қашанда «Ер – елдің қорғаны» деп, ер-азаматтың қоғам алдында бағасын асырып, мерейін тасыта білген халық. Осы ретте, шейіт болған сарбаздарымыз, Ауған соғысы ардагерлері, азаматтық пен батырлықтың биік үлгісін көрсетті, Отан алдындағы парызын адал ақтады», - деді Наурызбай Байқадамов.&nbsp;</blockquote>Айта кетейік, Сыр өңірінен Ауған соғысына 827 адам қатысып, 18 адам қаза тапты. Қазіргі кезде, облыс көлемінде &nbsp;667 ауған соғысының ардагерлері бар.<figure class="image"><img src="https://knadmin.beoblood.kz/uploads/329934118_3371610613098391_6599900626013563760_n_a97933dd6a.jpg" alt="329934118_3371610613098391_6599900626013563760_n.jpg"></figure>

Қызылордада ауған соғысының ақиқаты туралы дөңгелек үстел өтті

<a href="https://kyzylorda-news.kz/">Kyzylorda-news.kz.</a> 17 ақпанда ауа райының бұзылуына байланысты бірнеше өңірде ескерту жарияланды6 деп хабарлайды Қазгидромет.Қызылорда облысының солтүстігі мен орталығында көктайғақ, тұман күтіледі. Жел батыстан соғады, облыстың орталығында күндіз күші 15-20 м/с құрайды. &nbsp;

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Белкөл кентінің әкімі Жасұлан Сәду өткен жылы Белкөл кентінде атқарылған жұмыстар туралы баяндады.Өткен жылы Белкөл кентінде халықтың сұранысына орай темір жол өткелі арқылы жаяу жүргіншілерге арналған көпір құрылысы бастау алып, Бірқазан елдімекенінде аяқ су ұңғымасы жүргізілді. Сонымен қатар, К.Әбдіқадыров көшесіне түнгі жарық шамдары орнатылып, жаңадан спорт алаңы бой көтерді.<blockquote>«Кенттің инфрақұрылымын дамытуда ауқымды жұмыстарды қолға алудамыз. Мәселен, биыл кенттегі орталық көшеге және Бірлік көшесінің мектепке дейінгі аралығына жаяу жүргіншілер жолы салынбақ. &nbsp;Ал, Жерұйық, Путейцев тұйығы, Әбдіқадыров №4, №2, №6, №9 көшелеріне қиыршық тас төселіп, Сарыарқа және Путейская көшелеріне асфальттау жұмыстары жүргізілетін болады», - деді кент әкімі.&nbsp;</blockquote>Жаппай кәсіпкерлікті дамытудың түрлі мемлекеттік бағдарламалары аясында кентте 132,8 млн. теңге көлеміндегі 13 жоба мақұлданса, 2021-2025 жылдарға арналған кәсіпкерлікті дамыту жөніндегі ұлттық жоба бардарламасының қайтарымсыз қаражаты есебінен жалпы құны 24 млн. теңгені құрайтын 20 жоба грантқа қол жеткізді. Соның нәтижесінде, кентте өткен жылдың өзінде жаңадан 124 кәсіпкерлік субъектісі тіркеліп, 135 тұрақты жұмыс орны ашылды.Мәселен, «Бір ауылға - бір жылыжай» жобасы аясында «Азимут-Сервис» ЖШС-і «Өңірлік инвестициялық орталық» микроқаржы ұйымы арқылы алған 6 млн. теңгеге жылыжай құрылысын жүргізіп, қазіргі таңда алғашқы өнімдерін алуда.&nbsp;Ал, «Бизнестің жол картасы 2025» бағдарламасы аясында жеке кәсіпкер «Сауенова» спорт кешені жанынан кіші футбол алаңы құрылысын жүргізді.&nbsp;Бұдан бөлек, «Марал Нұр» ЖШС-нің өз қаражаты есебінен кентте жолаушылар вагондарын жөндеу депосының құрылысы жүргізілуде. Жобаны 2023-2024 жылдары аяқтап, 300-400 адамды тұрақты жұмыспен қамтамасыз ету жоспарланған. Сонымен қатар, жеке кәсіпкер Мұрат Нұрсаитов &nbsp; өз қаражаты есебінен құны 200 млн. теңгені құрайтын «Құран жаттау» орталығын ашқан.

Белкөлде былтыр 135 тұрақты жұмыс орны ашылды

<a href="https://kyzylorda-news.kz/">Kyzylorda-news.kz.</a>&nbsp; Мәжіліс аралас сайлау жүйесі бойынша 98 депутаттан тұрады.

Мәжіліс аралас сайлау жүйесі бойынша 98 депутаттан тұрады 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысынан алдағы Мәжіліс пен жергілікті мәслихат депутаттығына 590 үміткер ұсыным берген. Соның ішінде 215 кандидат тиісті заң нормаларына сәйкес тіркеуден өтіп, кәуілігін алып үлгерген.&nbsp;&nbsp;Облыстық сайлау комиссиясында қалған үміткерлердің құжаты жіті тексеріліп жатыр. Бүгінде ұсынылған 590 кандидаттың 559-ының сәйкестендіру құжаты расталған. Десе де, 41 азамат өз өтініші негізінде саяси додаға түсуден бас тартыпты.&nbsp;Қазіргі таңда, Парламент Мәжілісінің депутаттығына 14, облыстық мәслихатқа 55, қалалық және аудандық мәслихатқа 424 адам өз кандидатурасын ұсынып отыр. Жалпы жергілікті мәслихаттарға барлығы 152 мандат берілген.<blockquote>Біз құжаттары сәйкес деп шешім қабылдағаннан кейін салық органдарына өздерінің кірістері туралы декларация тапсырып келетін болады. Жалпы тіркеу бізде 18 ақпан күні сағат 18-00 де аяқталады. Тіркеу аяқталғаннан кейін үгіт-насихат жұмыстары аяқталады», - дейді облыстық сайлау комиссиясының төрағасы Әділбек Ерсұлтанов.</blockquote><a href="qazaqstan.tv">Qazaqstan.tv</a>&nbsp;&nbsp;

Қызылорда облысынан 215 кандидат тіркеуден өтті

<a href="https://kyzylorda-news.kz/">Kyzylorda-news.kz.</a>&nbsp; Өңірде «Аңсаған сәби» мемлекеттік бағдарламасы іске қосылғалы 800-ге жуық жанға квота берілді. Ал биыл облыста аталған бағдарламаның көмегімен 161 жүктілік тіркеліп, 42 нәзік жанды сәбилі болды. Жалпы 2022 жылдан бүгінгі күнге дейін балалы болуға ниетті 462 отбасы арнайы тізімде кезекте тұр. Бұл жөнінде Өңірлік коммуникациялар қызметінде өткен брифингте облыстық денсаулық сақтау басқармасы басшысының ана мен бала денсаулығын қорғау жөніндегі орынбасары Мая Мирзанова хабарлады.<blockquote>««Аңсаған сәби» арнаулы бағдарламасының басты мақсаты – қосалқы репродуктивті технологиялардың көмегімен отбасылық-демографиялық мәселелерді шешуге жәрдемдесу. Жалпы бұл бағдарлама 2021 жылдан бастап елімізде жүргізіліп келеді. Осы уақыт аралығында көптен бері сәби күтіп жүрген жанұялар балалы болды. Біздің аймақта да аталған бағдарламаның көмегімен нәрестелі болып жатқан отбасылар аз емес. Нақтырақ айтқанда, 2021 жылы облыста 281 квота бөлініп, былтырғы жылдың қараша айына дейін толық игерілді. Нәтижесінде 119 бала экстракорпоральды ұрықтандыру арқылы дүниеге келіп, үш отбасында егіз сәбилер туылды. Ал былтыр «Аңсаған сәби» бағдарламасы бойынша 277 квота бөлініп, оның орындалу көрсеткіші 100 пайызды құрады. Сонымен қатар жыл басынан бері 161 жүктілік есепке алынды. Олардың ішінде 42 әйел ана бақытына ие болса, 45 әйел жүктілікке байланысты есепке алынып, олар дәрігерлер бақылауында. Айта кетейін, «Аңсаған сәби» бағдарламасы шеңберінде жүргізілген ЭКҰ циклдеріне мониторинг жүргізу, пациенттердің құжаттарын қабылдау және құрылған комиссияға ұсыну жұмыстары басқарма тарапынан жүргізіледі», - деді басқарма басшысының орынбасары Мая Миранбайқызы.</blockquote>

«Аңсаған сәби»: Қызылордада 42 әйел ана бақытына ие болды

<a href="https://kyzylorda-news.kz/">Kyzylorda-news.kz.</a> Өткен жылы мемлекеттік сатып алу саласындағы заңнамаларға енгізілген өзгерістердің нәтижесінде «жосықсыз қатысушы» тізіліміне еніп кеткен қызылордалық 7 кәсіпкер кінәсіздігін дәлелдеп, қайта жұмыс істеуге мүмкіндік алды.<blockquote>«Мемлекеттік сатып алуға қатысатын кәсіпкерлер «жосықсыз сатып алуға қатысушылардың тізіліміне» кіру дегеннің не екенін жақсы біледі. «Қара тізімге» енген адал кәсіпкерлер кіріссіз қалып, тіпті кей жағдайда бизнесін жабуға мәжбүр болады», – дейді Қызылорда облысы кәсіпкерлер палатасының директоры Пірмұхаммед Сыздықов.</blockquote>«Жосықсыздар» қатарында болмау үшін кәсіпкер мемлекеттік сатып алуға қатысқанда дер кезінде шартқа қол қойып, шарттың орындалуына кепілдік беретін қаржыны аударуы керек. Бұл талаптар орындалмаған жағдайда кәсіпкер автомат түрде жосықсыз өнім берушілердің тізіліміне түсіп, екі жылға мемлекеттік сатып алуға қатысу құқығынан айрылады.Бұрын «қара тізімнен» шығудың екі-ақ жолы болатын. Екі жыл мерзім біткен соң автомат түрде немесе сот арқыры кінәсіздігін дәлелдей алған жағдайда шығарылады. Оның өзінде сот процесіне үш айдан бір жылға дейін уақыт кетуі мүмкін.Былтыр мемлекеттік сатып алу саласындағы нормативтік-құқықтық құжаттарға өзгерістер енгізіліп, кәсіпкердің шағымын тапсырыс беруші мекемеде құрған келісім комиссиясында қарау мүмкіндігі туды.<blockquote>«Біз былтыр 9 келісім комиссиясының отырысына қатыстық. Нәтижесінде объектив себептермен келісімшарттарға уақытылы қол қойып үлгермеген 7 кәсіпкердің құқығы қорғалып, «қара тізімнен» шығарылды. Бұл– кәсіпкерлерге берілген тамаша мүмкіндік», – дейді Палата директорының орынбасары Салават Құлмахан.</blockquote>Палата заңгері жағымды жаңалықпен бірге келісім комиссиясына қатысты проблеманы да атап өтті.«Келісім комиссиясын барлық тапсырыс беруші ұйымдар құруы тиіс және комиссияның құрамында міндетті түрде Кәсіпкерлер палатасының өкілі енуі керек. Мемлекеттік сатып алу порталына сараптама жасағанымызда Қызылорда облысында мыңнан аса тапсырыс беруші барын анықтадық. Алайда олардың тек 92-сі немесе 9 пайызы ғана келісім комиссиясын құрған», – дейді Салават Құлмахан.Кәсіпкерлер палатасы құқығы бұзылған бизнес өкілдерін Палатаға жүгінуін сұрайды.Мекенжайымыз: Қызылорда қаласы, Қорқыт ата, 123 үй «Бизнеске арналған Үкімет» ғимаратының 3-қабаты. Байланыс телефоны 8 /7242/ 40-09-81.

Қызылордада 7 кәсіпкер «қара тізімнен» шықты

<a href="https://kyzylorda-news.kz/">Kyzylorda-news.kz.</a> Қазақстан Республикасы Президентінің кеңесшісі Мәлік Отарбаев Қорқыт ата атындағы Қызылорда университетінің ғалымдары және білім алушылары, жас зерттеушілермен кездесті.Жиынға университетттің Басқарма төрағасы – ректоры Бейбіткүл Кәрімова, Қызылорда облысы әкімінің орынбасары Нұрымбет Сақтағанов қатысты.<img src="https://korkyt.edu.kz/files/news%20photo/IMGL9737.JPG" alt="IMGL9737.JPG"><img src="https://korkyt.edu.kz/files/news%20photo/IMGL9788.JPG" alt="IMGL9788.JPG">Кездесуде Президент кеңесшісі Мәлік Нұржанұлы елімізде жастардың тұлғалық дамуына, білім алуына барынша жағдай жасалғанын атап өтті. Қазіргі бәсекелестік заманда жастардың нақты мақсаты болуы керегін, кітап оқитын, үздіксіз ізденетін, интеллектуал ұрпақ қана жарқын болашақты қалыптастыратынына тоқталды.Ал, білім алушылар еңбек нарығына қажетті мамандардың даярлануы, жетістіктер формуласы, жастардың дамуына қатысты сұрақтарын қойды.Жиын соңында Мәлік Нұржанұлы университеттегі «Археология және этнография ғылыми зерттеу» орталығының көрме залымен танысты.<img src="https://korkyt.edu.kz/files/news%20photo/IMGL9853.JPG" alt="IMGL9853.JPG">

Президент кеңесшісі білім алушылармен кездесті  

<a href="https://kyzylorda-news.kz/">Kyzylorda-news.kz.</a>&nbsp; Коллектор лар жөнінде қалыптасқан түсініктер көп. Fingramota.kz мұндай түсініктерді Қазақстанның Ұлттық коллекторлар палатасының төрайымы Назгүл Естеусізовамен бірлесіп тарқатып береді.Коллекторлар қарыз алушылармен қалайша жұмыс істеулері қажет, қандай іс-әрекеттерге рұқсат берілген, нелерге берілмеген – бұл сұрақтардың барлығына жауаптарды біздің Instagram-аккаунтымызда &nbsp;тікелей эфире таба аласыздар.Аңыз №1. Кредиторлар төлем мерзімін өткізу пайда болысымен бірден коллекторларға жүгінедіШын мәнінде кредиторлар – банктер немесе микроқаржы ұйымдары төлем мерзімін өткізу пайда болған сәттен бастап 20 күн ішінде қарыз алушыны бұл туралы хабардар етеді. Ол Қазақстанда 2021 жылғы 1 қазаннан бастап қолданылатын азаматтардың қарыздар мен микрокредиттері бойынша проблемалық берешегін реттеу тәртібіне сәйкес талап етіледі. &nbsp;Хабарламада кредиторлар қарыз алушыға қарызды қайта құрылымдауға өтініш беру құқығы жөнінде хабарлайды, алайда қарыз алушы оны мерзімін өткізу пайда болғаннан 30 күн ішінде жасауға тиіс.Егер қарыз алушы ешқандай әрекет жасамаса, онда кредиторлар 90+ күн мерзімі өткен берешек пайда болғанда қарыз алушының қарыздарын, оның ішінде банктік қарыз немесе микрокредит беру туралы шарт бойынша өз құқықтары мен міндеттерін қоса бере отырып, &nbsp;коллекторлық агенттікке сатуға құқылы. Немесе кредитор коллекторға сотқа дейін өндіріп алуға немесе берешекті реттеуге, сондай-ақ берешекпен байланысты ақпарат жинауға шартты уақытша бере алады.Коллекторлық қызмет берешекті сотқа дейін реттеу тәртібі негізінде жүзеге асырылады. Аталған тәртіпке, коллекторлық қызмет туралы заңда айқындалған регламентке және қағидаларға сәйкес, коллектор борышкерді берешектің болуы, оны реттеу қажеттілігі және берешекті өтемеген жағдайда оның салдары жөнінде хабардар етуге тиіс.Аңыз №2. Коллекторлармен іс-әрекеттесу міндетті емесШын мәнінде борышкерлер коллекторлармен өзара іс-әрекеттестік жасамауға құқығы жоқ, алайда үшінші адамдар заң бойынша олармен өзара іс-әрекеттесуден бас тарта алады. Коллектор, егер борышкермен байланысу және оның орналасқан жерін немесе борышкердің байланыс деректерін анықтау мүмкін болмаса, борышкердің туысқандарына және таныстарына телефон соғуы мүмкін. Алайда, мұндай талап қарыз алушымен жасалған банктік қарыз (микрокредит) шартында көрсетілуге тиіс.Сол себепті, қарыздары коллекторларға берілген азаматтар заң бойынша тұрғылықты жерінің (заңды мекенжайы), телефон нөмірінің, жеке басын куәландыратын құжаттарын ауыстырғаны (қолданыс мерзімі аяқталған, жоғалтқан жағдайда) туралы коллекторлық агенттікті хабардар етуге міндетті екендерін естен шығармауға тиіс.Борышкерлер, өз кезегінде, коллекторлармен мына тәсілдердің бірін қолдану арқылы өзара іс-қимыл жасайды: жеке кездесулер, телефон арқылы келіссөздер, жазбаша немесе пошта хабарламалары, ұялы байланыс арқылы хабарламалардың барлық түрлері, интернет арқылы.Бұл ретте, қарыз алушылар коллекторлық агенттіктің қызметкерлерімен өзара іс-қимыл процесін аудио-немесе бейнетехника құралдарының көмегі арқылы дербес тіркеуге құқылы.Аңыз №3. Коллектор кез келген уақытта қоңырау шалып, келе аладыШын мәнінде коллекторлық агенттік өз тарапынан телефон арқылы келіссөздерді жұмыс күндері сағат 8.00-ден 21.00-ге дейін үш реттен артық жасамауға тиіс. Коллекторлардың бөгде телефон нөмірлерінен қоңырау шалуына болмайды. Коллекторлық агенттіктердің борышкерлермен байланыс жүргізетін барлық телефон нөмірлері ресми түрде тіркелуге тиіс әрі &nbsp;коллекторлық агенттіктер бұл жайында қаржы реттеушісін хабардар етеді.Қарыз алушының тұрғылықты немесе тіркелген жері бойынша не коллекторлық агенттіктің (филиалдың, өкілдіктің) үй-жайында өткізілетін жеке кездесулер жұмыс күндері сағат 8.00-21.00 аралығында аптасына үш реттен артық болмауға тиіс.Толығырақ "<a href="https://fingramota.kz/kk/post/kollektorlar-yzdardy-zho-shyaramyz">Кредиттер</a>" бөлімінен оқыңыздар.&nbsp;

Аңыздарды жоққа шығарамыз: коллекторлармен қалай өзара іс-әрекет етуге болады 

<a href="https://kyzylorda-news.kz/">Kyzylorda-news.kz.</a> Бүгін аудандық қоғамдық кеңестің кезектен тыс отырысында ысырапшылдық мәселесі қаралды. Жиынға дін саласындағы республикалық ақпараттық-насихаттық тобының мүшесі, орталық «Ақмешіт-Сырдария» мешітінің бас имамы Болатбек Абуов арнайы қатысты.&nbsp;<blockquote>«Шариғатымыз әу бастан ысырапшылдықты қолдамайды. Қазіргі уақытта қоғамда жаназа және жерлеу рәсімдеріндегі ысырапшылдық мәселесі өткір тұр. Біздің мақсатымыз - халықты шариғатқа қайшы нәрселерден тыйып, қайғы түсіп жатқан шаңыраққа мейілінше жеңілдік жасау» - деді Болатбек Ұласқанұлы.&nbsp;</blockquote>Аудан тұрғындары да аталған мәселеге байланысты пікір білдіріп, бүгінде садақа дастарханы тойдан еш кем түспейтініне наразы екендіктерін жеткізді.&nbsp;Қоғамдық кеңес отырысының қорытындысымен діни салт-дәстүрлердегі (дүниеден өту, жерлеу, ас беру) ысырапшылдық мәселесі туралы аудан тұрғындарына арналған үндеу қабылданды. Жаназа рәсіміндегі дастархан мәзірі бұқаралық ақпарат құралдары мен әлеуметтік желілер арқылы аудан тұрғындарына ұсынылатын болады.

Қазалыда ысырапшылдық мәселесі туралы үндеу қабылданды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласының құрметті азаматы, «Ерен еңбегі үшін» медалінің иегері Дариха Ақмағамбетованы 80 жас мерейтойымен құттықтады.Салтанатты жиында аймақ басшысы өңірдің өсіп-өркендеуіне еңбегі сіңген абзал жандардың жарқын жолы мен ғибратты ғұмырын өскелең ұрпаққа үлгі етіп, лайықты құрмет көрсету игі дәстүрге айналғанын атап өтті.<blockquote>«Құрметті Дариха Ақмағамбетқызы, Сізді ақ пейілді, дархан көңілді Сыр жұртшылығының атынан мерейтойыңызбен шын жүректен құттықтаймын! Еңбек жолыңызды комсомол, партия ұйымдары өзіңізге жүктеген міндеттерді қапысыз атқарудан бастап, Тәуелсіз Қазақстанның еңсе тіктеуіне, ел бірлігі мен берекесін берік қалауға күш-қайратыңызды жұмсадыңыз. Адамгершілік, ақыл-парасат, даналық пен мейірбандыққа толы төл өнегеңіз ұрпаққа ұлағат болды. Қай кезде де жауапты қызметтің салмағын санамен, ауырлығын ар адалдығымен өлшей білген қасиетіңіз Өзіңізді құрмет төріне шығарды», - деді облыс әкімі.</blockquote>Сыр елінің дамуына, әлеуметтік саланың, азаматтық сектор жұмысының алға жылжуына зор үлес қосқан &nbsp;Дариха Ақмағамбетқызына Қызылорда облысының «Құрмет» грамотасы табысталды.&nbsp;Мерейтой иесін облыстық ардагерлер кеңесінің төрағасы Серік Дүйсенбаев, Қызылорда облысының Құрметті азаматы, «Парасат», «Құрмет», ордендерінің, «Ерен еңбегi үшiн» медалінің иегері Алмагүл Божанова, Арал, Жалағаш, Қармақшы аудандарының Құрметті азаматы, «ҚР еңбегі сіңген эколог» Биғали Қаюпов және Арал, Қазалы, Жаңақорған аудандары мен Қызылорда қаласының құрметті азаматы, «Құрмет» орденінің иегері, Нажмадин Мұсабаев құттықтады.Дариха Ақмағамбетова 1943 жылы Қызылорда облысының Арал ауданында дүниеге келген.Еңбек жолын 1966 жылы комсомол, партия комитетінен бастады. 1983-1997 жылдары Жалағаш аудандық, Қызылорда қалалық партия комитетінің хатшысы, Қызылорда қаласы әкімінің орынбасары қызметтерін абыроймен атқарған.Білім саласында да адал еңбек етіп, Қорқыт ата атындағы Қызылорда университеті жанындағы «Қабілет» мектебін басқарды. Қызылорда облыстық мәслихатының 2-ші шақырылымдағы депутаты ретінде аймақтың әлеуметтік-экономикалық мәселелерінің оң шешімін табуына атсалысты.Кейінгі жылдары облыстық әйелдер кеңесінің, «Қызылорда облысы Азаматтық Альянсы» қауымдастығының төрайымы ретінде азаматтық сектордың дамуына, қоғамдық көзқарастардың орнығуына өзіндік үлес қосты.&nbsp;Ұзақ жылғы табысты еңбегінің нәтижесінде «Ерен еңбегі үшін» медалімен, Қазақстан Республикасы Президентінің Құрмет грамотасы және Алғыс хатымен, «Қазақстан Республикасының білім беру ісінің үздігі» төсбелгісімен марапатталды. 2010 жылы облыстың бас шаһарының әлеуметтік-экономикалық дамуына қосқан ерекше үлесі үшін «Қызылорда қаласының құрметті азаматы» атанды.&nbsp;<figure class="image"><img src="https://knadmin.beoblood.kz/uploads/330982072_1396038434544385_8057965417602518621_n_68b3f6e7d1.jpg" alt="330982072_1396038434544385_8057965417602518621_n.jpg"></figure><figure class="image image_resized" style="width:100%;"><img src="https://knadmin.beoblood.kz/uploads/331405805_1182363019146822_4755054211055422580_n_ae67aded2a.jpg" alt="331405805_1182363019146822_4755054211055422580_n.jpg"></figure>

Қызылордада Дариха Ақмағамбетованың мерейтойы аталып өтті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен мәжілісте өңір халқының көптен күткен игілігі – «Қызылорда - Жезқазған» автомобиль жолын жаңғырту барысы қаралды.Аймақ басшысы Сыр өңірін елордамен, көршілес облыстармен байланыстыратын бұл жолды қалпына келтіру жұмыстары ел Президентінің тікелей бақылауында екенін айтты. &nbsp;«Қызылорда-Жезқазған» жолының жаңғыртылуы тек &nbsp;жолаушылар қатынасын ғана реттеп қоймай, Қызылорда облысының әлеуметтік-экономикалық дамуына оң әсер ететінін атап өтті.<blockquote>«Өткен аптада өңірімізге Қазақстан Республикасы Үкіметі Аппараты Басшысының бірінші орынбасары Сыздықбеков Ғабит Әбдімәжитұлы жұмыс сапарымен келіп, «Қызылорда-Жезқазған» автожолы құрылысының барысымен танысты. Жоба айналасында бірқатар шешілмеген түйткілдер бар екендігі анықталды. Әлі күнге дейін 2 лот бойынша мердігер мекемелер анықталмаған. Оған қоса, өткен жылы республика бойынша битум тапшылығы күрделі мәселеге айналды. Қолдағы бар мәліметке қарағанда, «Қызылорда-Жезқазған» жолының конкурсы анықталған 4 лоты бойынша 50 мың тонна битум қажет болса, қазіргі таңда өңірге тек 13 мың тоннасы ғана жеткізілген», - деді облыс әкімі.</blockquote>Мәжілісте «ҚазАвтоЖол» облыстық филиалының директоры Ерұлан Жүнісов құрылыс жұмыстарының барысын баяндады.Облыс әкімі осы құрылысқа қажетті материалдарды Қызылорда қаласының жолдарымен, Сұлтан Бейбарыс көшесіндегі көпір арқылы тасымалдау кезінде &nbsp;жергілікті жолдардың бұзылатынын ескертті. Сондықтан мердігер мекемелермен жолдарды қалпына келтіру жөнінде алдын ала келісімдер жасау қажеттігін баса айтты.Жиын қорытындысында аймақ басшысы «ҚазАвтоЖол» облыстық филиалына «Қызылорда-Жезқазған» автожолының құрылысын сапалы әрі мерзімінде аяқтауды қамтамасыз етуді, жұмыс сапасын Жол активтері Ұлттық сапа орталығымен бірлесіп қадағалауды тапсырды. Мұнан бөлек, мекемеге қажетті материалдардың жеткілікті көлемде жеткізілуі жөнінде тапсырма берілді.

Қазақстан және Қызылорда облысының жаңалықтары