<a href="https://kyzylorda-news.kz/">Kyzylorda-news.kz.</a>&nbsp; Осыған байланысты еліміз жанармай тапшылығына ұшырауы мүмкін.&nbsp;ҚР Энергетика министрі Болат Ақшолақов Қазақстандағы жанармайдың қымбаттау себебін түсіндірді.&nbsp;<blockquote>- Қазақстанда дизель отыны тапшылығының басты себебі&nbsp; &nbsp;бағадағы диспропорция. Отандық отын бағасы көрші елдермен&nbsp; салыстырғанда айтарлықтай арзан. Қазақстан – әлемдегі жанармайы арзан он елдің қатарында, - деді миинстр.</blockquote>Мысалы, Ресейде дизель бағасы орташа есеппен литріне 345 теңге, біздегі нарық бағасынан 45%-ға қымбат. Қырғызстандағы баға 64%-ға жоғары, яғни литріне 390 теңге, Өзбекстандағы баға бізбен салыстырғанда екі есеге қымбат - литріне 480 теңге, бағамыздағы айырмашылық&nbsp; - 101 пайыз.&nbsp; &nbsp;&nbsp;Нарықтағы дизельге сұраныстың тұрақты өсу себебінің негізгі факторы транзиттік көлік ағыны, бұдан басқа Қазақстаннан шетелге сұр схема бойынша алып кетіп жатқан экспорт.&nbsp;Өткен жылы мамандардың есептеуінше шетелдік транзиттік көлік тұтынған дизель көлемі шамамен 150 мың тоннаны құрады, бұдан басқа сұр экспортпен кеткен отынның көлемі шамамен 200 мың тонна («IHS Markit» есебі бойынша).&nbsp;Фото: ашық дереккөздерден

Бағаның төмендігі қазақстандық жанармайдың шетелге сатылуына ықпал етуде

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың VIII сайланған Парламенттің бірінші сессиясында бұқаралық спортты дамыту туралы айтқан сөзіне қатысты Қызылорда облыстық Қазақстан халқы ассамблеясының жанындағы«Ассамблея жастар» ұйымының белсендісі Милиярова Бахар Закарияевна пікір білдірді.&nbsp;Қазір саламатты өмір салтын насихаттап, бұқаралық спортты дамыту айрықша маңызды. Әсіресе, балалардың спортпен айналысуына жағдай жасау қажет. Мұның бәрі халықтың денсаулығын жақсартуға мүмкіндік береді, - деп айтты Мемлекет басшысы Қасым-Жомарт Кемелұлы Тоқаев VIII сайланған Парламенттің бірінші сессиясында.Жастарды спортқа баулу – жарқын болашақ кепілі. Сондықтан Президентіміз айтқандай бұл тұрғыдағы атқарылар жұмыстарды жандандыру аса маңызды. Әрі кезек күттірмейтін мәселе. Болашағымыз деп үміт артқан жастарымыздың дені ғаламтордың шырмауынан шыға алмай жатқаны да көңіл құлазытпай қоймайды. Қазіргі қоғам – жаңа ақпараттық технологиялардың қоғамы және XXI ғасырдың бұл ағымы – қоғам дамуының жаңа дәрежесіне жеткізді. Ақпарат алмасу, қарым-қатынас орнату, жұмыс іздеу, білім алу мүмкіндігі және тағы басқа іс-әрекеттер шынайы әлемге қарағанда виртуалды әлемде жүзеге асатын болды. Интернет жастардың ең сенімді құралдардың біріне айналды.&nbsp;Сол себепті, балаларды жастайынан спортқа бейімдеу басты мақсатымыздың бірі болуға тиісті. &nbsp;Спортты жанына серік ету арқылы олар дені сау ұрпақ ретінде қалыптастып қана қоймай, тәрбиелі әрі саналы жастардың қатарын арттыруға септігін тигізеді. Ол үшін әлбетте біздің қоғам соған сай жағдай да жасай білуі қажет-ақ. Бүгінгі жасөспірімдер әлжуаз болса, онда біздің болашағымыз да бұлыңғыр. Ел көлемінде бұқаралық спорт дамығанда ғана біз саламатты Қазақ елі ретінде дамуға бет аламыз.

Бахар Милиярова: Жастарды спортқа баулу – жарқын болашақ кепілі

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалының мамандары аудандарда МӘМС мәселелері бойынша консультациялар өткізуді жалғастыруда. Халықпен келесі есептік кездесулер ағымдағы жылдың 5 сәуірінде өтеді.Жосалы кенті, сағат 10.00, К.Рүстембеков атындағы Жыраулар үйі;Қатысушылар: Қармақшы ауданы әкімінің орынбасары Ж. Б. Ерқұсаев, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Т. Исмаханбетов, облыстық денсаулық сақтау басқармасы басшысының міндетін атқарушы Ж.М.Шаймбетов, Қармақшы аудандық орталық ауруханасының бас дәрігері Б. С. Нысанбаев.Байқоңыр қаласы, сағат 15.00, «Байқоңыр» кешеніндегі ҚР Президентінің арнайы өкілдігінің мәжіліс залы;Қатысушылар: ҚР Президентінің «Байқоңыр» кешеніндегі арнайы өкілі Қ.Ы. Нұртай, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Т. Исмаханбетов, облыстық денсаулық сақтау басқармасы басшысының міндетін атқарушы Ж.М.Шаймбетов, Байқоңыр қаласы көпсалалы ауруханасы бас дәрігері Т.Ә. Байтілеуов.

Қармақшы ауданы мен Байқоңыр қаласында МӘМС мәселелері бойынша халықпен кездесулер өтеді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «AMANAT»-тың кезектен тыс ХХІІ съезінде партия жұмысын қайта жандандыруды тапсырған болатын. Сондай-ақ, партияның қоғамдық қабылдау бөлмелері шағымдармен ғана емес, елді дамыту бойынша нақты идеялармен келетін азаматтар үшін тартымды орынға айналуы керек екенін айтқан еді.&nbsp;Бұл ретте Қазалы аудандық мәдениет және спорт бөлімі басшысының орынбасары Орысбек Жәмшейітов «AMANAT» партиясы Қазалы аудандық филиалының қоғамдық қабылдау бөлмесінде бекітілген кестеге сәйкес аудан тұрғындарын жеке мәселелерімен қабылдады. Қабылдау барысында тұрғындар жұмыспен қамту тақырыбындағы мәселелерімен жүгінді.&nbsp;Қазалы аудандық мәдениет және спорт бөлімі басшысының орынбасары Орысбек Жәмшейітов азаматтардың мәселелерін тыңдап, қолданыстағы заңнама аясында өз құзыреті шегінде олардың өтініштеріне толық жауап берді.Бөлім басшысының орынбасары немересіне жұмыс іздеп жүгінген қартқа алдағы өтініші бақылауға алынатындығын айтып, оң шешілуіне жұмыс жасайтындығын жеткізді. Мұнан соң жас маманның мәселесімен мұқият танысып шықты. Осылайша өз ісіне мығым мемлекеттік қызметкер тиісті түсіндірме жұмыстарын жүргізді.

Қазалылықтар «AMANAT» партиясының қоғамдық қабылдау бөлмесінде болды

<a href="https://kyzylorda-news.kz/">Kyzylorda-news.kz.</a> Күлбибі Есенәліқызы – білікті маман, өз саласының білгірі. Ол отыз екі жылдан бері білім беру саласында абыройлы қызмет етіп, бала тәрбиесімен айналысып келеді екен. Есеп-қисапқа негізделген күрмеуі көп саланы жетік меңгеріп, кейінгі ұрпақ бойына білім нәрін құйып жүр. Ардақты ана, қарапайым жан кейде өз балаларынан халықтың баласына көбірек көңіл бөлетінін айтады.Сырдария &nbsp;ауданы орталығынан шалғайда жатқан Айдарлы ауылындағы №139 орта мектептің математика пәнінің мұғалімі болып қызмет ететін ұстаз бізге жылы шырай танытып, өзінің қарапайымдылығын көрсетті. Күлбибі апай – 1970 жылдың тумасы болып шықты. Жаны жайсаң жан Оңтүстік Қазақстан облысының Отырар ауданында дүниеге келген. Жоғары білімді Қызылорда қаласындағы Н.В.Гоголь атындағы Қызылорда педагогикалық институтында алған ол жастайынан арман еткен мұғалімдік мамандықтың қыры мен сырына осы оқу ордасында қаныққан. Ұстаздар ұстаханасына айналған оқу ордасында жары Базарбек Накиповпен кездесіп, Айдарлы ауылына келін болып түскені баршаға мәлім. Осылайша шымкенттік ару қызылордалық азаматпен отау құрып, шаңырақ көтергенің айта кетейік. Осы тұста Бауыржан Момышұлының бір сөзі ойға оралып тұр. «Жер бетіндегі ең батыр адам – қыз. Мен қанша батыр болсам да, бөтен, танымайтын елге бір сағат та тұрғым келмей қашамын. Ал, қыз болса, барған жерінде жалғыз өзі өмірінде көрмеген, танымайтын адамдармен тіл табысып, сол елді біріктіріп, ел де қыла алады, сыйлата да алады, алыса да алады, қаймықпастан ұрпағын да көбейтіп, сол елді жеңіп, мәңгі билейді» деген екен. Бір ел болғанымен, салты мен дәстүрінде айырмашылық көп Оңтүстік облыстан келген жас келінге алғашқыда біздің жақтың салтына үйренісу оңай болмапты. Күлбибі апай тәтті бір естеліктерді еске алып, бүгінде сол күндердің бәрі көрген түстей артта қалғанын айтады. Жазушы, Кеңес Одағының Батыры Б.Момышұлы айтқандай, Күлбибі апай бүгінде келін болып түскен жұртына әбден сіңісіп, ұрпағын көбейтіп, әулеттің ақылшы анасына айналған деседі.Қарапайым мінезімен ел-жұртқа сыйлы болып, адалдығымен тура жолдан таймаған ұстаз-ана өмірде үлкен жетістіктерге жеткен. Ең үлкен байлығы – береке мен бақыт ұялаған биік шаңырағы. Шаңырақтың құты болған, көзінің ағы мен қарасы болған қызы мен ұлы және олардан тараған немере, жиендер, көсегесі көгеріп, керегесі кеңіген жанұясы – бақыттың үлкені. Күлбибі апай мен Базарбек аға 1 ұл, 1 қыз тәрбиелеп өсірген. Ұлды ұяға, қызды қияға қондырып, немерелердің қызығына тоймай жүрген бақытты ата мен әже. Өмірлік жолдасы Базарбек Ермаханұлы да қазіргі таңда білім беру саласында, мектеп директорының ғылыми-бейіндік орынбасары болып қызмет етеді. Ұлы мен келіні де осы саланың білікті мамандары, ал қызы – қаржы саласында еңбек етеді.Ұлағатты ұстаздың білім беру саласындағы еңбегі де елеусіз қалмаған. Ұзақ жылғы еңбегінің нәтижесі – «ұстаздан озған» шәкірттері деуге негіз бар. Сабақ үрдісін жаңартылған технологияларға негіздей өтіп, тақырыпты оқушы санасына түгел игерте білетін маманның тәрбиелеген шәкірттерінің алды бүгінде үлкен қызметте. Олар жоғары білім мекемелерінде, шаруашылықтарда, басқа да түрлі салаларда жемісті еңбек етіп жүр. Ұстазы үмітті ақтаған шәкірттерімен мақтанса, шәкірт те білім алған ыстық ұясын, тәлім берген аяулы ұстаздарын еш уақытта естен шығарған емес. &nbsp;

Ұстаздың еңбегі - ерен

<a href="https://kyzylorda-news.kz/">Kyzylorda-news.kz.</a>&nbsp;Шаһардың шырайын келтіру, тазалығын сақтау – басты міндет. Бүгінде бұл міндет бойынша әр сенбі сайын қалада қызу тірлік басталды.Санитарлық тазалық және көркейту-көгалдандыру айлығы аясында қала көлемінде жаппай тазалық акциясы өткізілуде. Оған «Қоршаған ортаның тазалығына жауапкершілікпен қарау – әрбір азаматтың басты міндеті», - деп ұстанған әр мекеме қызметкерлері мен жастар белсенді түрде қатысуда. Айталық, наурыз айының соңында өткен сенбілікке мекемелерден 1700-ден аса қызметкер және 40-қа жуық арнайы техника жұмылдырылып, қала аумағын қоқыстан тазарту жұмысын жүргізген еді. Олар шөп шауып, арық арналарын тазартты және көшет отырғызды.Қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің мәліметі бойынша, қаланы көркейту-көгалдандыру мақсатында ағымдағы жылға жергілікті бюджеттен 484,7 миллион теңге қаражат бөлінген. Қазіргі күні барлық конкурсқа мемлекеттік сатып алу жұмыстары жүргізілуде.Қаланы абаттандыруға 564 миллион теңге бөлінгенАбаттандыру жұмысына келетін болсақ, өткен жылы 564 миллион теңге бөлінген-ді. Атап айтқанда, мерекелік іс-шараларды ұйымдастыру, машина және механизм қызметі, брусчатканы жөндеу, қоршауларды жуу мен сырлау, ескерткіштерді, су бұрқақтарын, аялдамаларды, аллея мен скверлерді, Қызылорда қаласының паспорттарын, контейнер алаңдарын, бильбордтарды, Қазақстан Республикасының Тұңғыш Президенті саябағын, қаладағы балалар ойын алаңдарын күтіп ұстау және жөндеу жұмыстары жатады.&nbsp;Мамандардың айтуынша, осы аталған жұмыстар толығымен орындалды. Сонымен қатар биыл да жүзеге асырылуда. Оған қоса күнделікті қаладағы жарықшамдар мен аялдамаларды тазалау жұмысы да қолға алынған.&nbsp;Көшелерді тазартуға биыл 836 миллион теңге қаралғанҚаланың санитарлық-тазалығы бойынша «Қызылорда тазалығы» МКК өз жұмысын тұрақты атқаруда. Осы ретте 2021 жылы санитарлық жұмыстарға 666 миллион теңге, 2022 жылы 699 миллион теңге, 2023 жылы 836 миллион теңге қаражат бөлініп отыр.&nbsp;Қала көшелерінің тазалығын қамтамасыз ету жұмыстарына қаралған қаржы қаланың 240 көшесін тазартуға бөлінген болса, іс жүзінде 350-ден астам көшеге жүргізілуде. Жаз айларында көше арам шөптерден тазартылып, бордюрлер, көше бойындағы талдар толығымен ақталып, қала көшелеріне екі мезгіл су себіліп, қоқыс қалдықтарынан тазартылуда. Сонымен қатар қалалық полигонға 2018-2020 жылдары күнделікті 340 шаршы метр қоқыс шығарылса, казіргі таңда күнделікті қалалық полигонға 780 шаршы метр қоқыс шығарылуда. Қала көлемінің ұлғаюынан шығарылатын қоқыс көлемі де 160 пайызға өсіп отыр.Қаладағы көшелердің санитарлық тазалығын қамтамасыз ету үшін және қала тұрғындарымен қоқыстарды бей-берекет белгіленбеген орындарға тастауынан антисанитариялық жағдайдың алдын алу, үйілген қоқыс алаңдары пайда болуына жол бермеу мақсатында кәсіпорын тарапынан осы жұмыстарға арнайы мобильдік топ құрылып, рейдтік іс шаралар жоспары жасалып, жоспарға сай жұмыстар жүргізілуде.

Қала тазалығы мен көркі назардан тыс қалмауы керек

<a href="https://kyzylorda-news.kz/">Kyzylorda-news.kz.</a> Қазалы ауданына қарасты Каукей ауылындағы №225 орта мектеп оқушылары арасында тағамнан улану дерегі анықталды. Бұл туралы Қызылорда облысы бойынша санитариялық-эпидемиологиялық бақылау департаментінің баспасөз қызметі хабарлады.Қазалы аудандық санитариялық-эпидемиологиялық бақылау басқармасына 2023 жылдың 29 &nbsp;наурызында сағат 17:28-де Қазалы аудандық көпбейінді орталық ауруханасының Қызылқұм дәрігерлік амбулаториясынан №225 орта мектеп оқушылары арасында «Тағам токсикоинфекциясы» диагнозымен топтасқан тағамнан улану жағдайының тіркелуі туралы шұғыл хабарлама келіп түсті.&nbsp;Науқастар 29-наурызда №225 орта мектептің асханасынан сағат 09:35 шамасында тамақтанып, 1 сағаттан кейін мектептің медицина қызметкеріне 3 оқушы іш ауыруына шағымданған. Әрі қарай медицина қызметкері сыныптарға барып, қалған оқушылардың жағдайын сұрау барысында олардың да іштері ауырып, мазасызданып тұрғандарын анықтаған.&nbsp;Мектептің медицина қызметкері науқастарды елді мекендегі «Қызылқұм» дәрігерлік амбулаториясына жолдап, онда емхананың меңгерушісі балаларды тексеріп, оларға «Тағам токсикоинфекциясы» диагнозы қойылған.<blockquote>«Тағамнан уланғандар саны 25. Барлығы 14 жасқа дейінгі 1-5 сынып оқушылары, оның ішінде Қазалы аудандық көпбейінді ауруханасының жұқпалы аурулар бөліміне жатқызылғандар саны - 21, амбулаторлық ем тағайындалғандар саны - 4. Қазалы аудандық көпбейінді аурухананың жұқпалы аурулар бөлімшесіне түскен кезде ауруға шалдыққан балалардың денсаулық жағдайы орташа ауыр, жалпы интоксикациялық және ішектік диспепсиялық белгілері болған. Оқушылар арасында ауыр ағымдағы және жансақтау бөліміне ауыстырылғандар болған жоқ. Ауруханада науқастарға тиісті ем тағайындалып, жағдайларының жақсаруына байланысты 2023 жылғы 30 наурызда ата-аналарының қолхатымен барлық науқас ауруханадан үйіне шығарылып, емін амбулаториялық жағдайда жалғастырды», - делінген ақпаратта.</blockquote>2023 жылғы 29 наурызда «Қазалы &nbsp;ауданы бойынша мектеп оқушыларының тағамнан улану ауруының алдын алу жөніндегі шараларды күшейту туралы» Қазалы ауданының Бас мемлекеттік санитариялық дәрігерінің №1 қаулысы шығарылып, тағамнан улану жағдайы бойынша мүдделі органдарға тиісті ақпараттар мен тапсырмалар берілді.Қазалы аудандық санитариялық-эпидемиологиялық бақылау басқармасы және «Ұлттық сараптама орталығы» Қызылорда облысы &nbsp;бойынша филиалының Қазалы аудандық бөлімшесімен бірлескен бұйрығымен жұмысшы топ құрылып, ауру ошағында санитариялық-эпидемиологиялық зерттеу жұмыстары жүргізілуде.2023 жылғы 29 наурызда санавияциямен облыстық жұқпалы аурулар ауруханасынан инфекционист дәрігер мен Қызылорда облысының санитариялық-эпидемиологиялық бақылау департаментінің Инфекциялық және паразиттік ауруларды эпидемиологиялық бақылау және қадағалау бөлімінің бас маманы ошақта індетке қарсы және профилактикалық іс-шаралар жүргізді. &nbsp;&nbsp;Санитариялық-эпидемиологиялық зерттеу барысында бактериологиялық зерттеулерге 120 жұғынды, 1 су, 7 тамақ үлгісі, асхана қызметкерлерінен патогенді микрофлораға тамақ, мұрын қуыстарынан жұғынды және ректальды сынамалар алынып, зерттеу жүргізілуде. Бүгінгі &nbsp;күнге бактериологиялық зерттеуге алынған сынамалардың нақтыланған қорытынды нәтижелері жұмыс үстінде. Қазалы ауданының Бас мемлекеттік санитариялық дәрігерінің Қаулыларымен мектеп асханасының аспазы мен аспаз көмекшісі және мектеп мейірбикесі медициналық байқаудан өтпеуіне байланысты жұмыстан уақытша шеттетілді.

Қазалыда оқушылар мектеп асханасындағы тамақтан уланды

<a href="https://kyzylorda-news.kz/">Kyzylorda-news.kz.</a> Биыл Қызылорда облысы бойынша Конго-қырым геморрагиялық қызбасының қоздырғышы ретінде 106 елді мекен анықталды. Сәйкесінше, залалсыздандыру жұмыстары сәуір айының екінші онкүндігінен басталады деп жоспарлануда. Бұл туралы Өңірлік коммуникациялар қызметінің ақпараттық алаңында өткен брифингте облыстық санитариялық-эпидемиологиялық бақылау департаменті басшысының міндетін атқарушы Әлия Әбдіқайымова мәлімдеді.<blockquote>«Кенеге қарсы дәрілеу аясында 30824 мал қора, 0,68 шаршы шақырым жерді құрайтын буферлік аймақтар және барлығы 556052 бас мал басы қамтылатын болады. Осы шаралардың тиімділігін арттыру үшін тұрғындар назарына қора-аула тазалықтарын қатаң сақтауды және қолайсыз елді мекендерде жүргізілетін өңдеу жұмыстары барысында мал бастары мен қора, аулалардың толық дәріленуіне үй иелері тарапынан қатаң бақылау қажеттігін еске саламыз», - деді Әлия Мүтәліпқызы.</blockquote>Брифингте эпидемиолог мамандар облыста жыл басынан бері 46 адам кене шағу жағдайымен медициналық көмекке жүгінгенін айтты. Бұған қоса, көктемгі эпидмаусымында аса қауіпті жұқпалы ауруларға қарсы профилактикалық шаралар белсенді жүргізіледі.&nbsp;<blockquote>«Аталған аурумен көбінесе адамдардың белгілі бір кәсіби тобы ауырады. Яғни малшылар, егіншілер, фермерлер және табиғат аясында демалушылар көп шалдығады. Бұл ауру кене шағу барысында, ауру кененің қаны арқылы тікелей жұғу қаупі өте жоғары. Он төрт күн ішінде науқаста ауру пайда болуы мүмкін. Ал белгілеріне тоқталып өтсем, адамда дене қызуы қатты көтеріледі, бас айналу және басқа да жағдайлары болады. Сондықтан көктемгі эпидмаусымда барынша сақтық шараларын қатаң сақтауымыз керек», - деді облыстық жұқпалы аурулар ауруханасының бас дәрігері Айна Мұхамбетова.</blockquote><figure class="image"><img src="https://knadmin.beoblood.kz/uploads/339907660_1071015813887143_972619928568868519_n_78a586863f.jpg" alt="339907660_1071015813887143_972619928568868519_n.jpg"></figure>

Қызылордада кенеге қарсы залалсыздандыру жұмыстары жүріп жатыр

<a href="https://kyzylorda-news.kz/">Kyzylorda-news.kz.</a> Спорт – денсаулық кепілі. Осы қанатты сөз тек сөз күйінде қалмау үшін осыған дейін бұқаралық спортты дамыту мақсатында біршама бағдарламалар түзіліп, халыққа үндеу тасталды. Яғни жаппай бұқараны спортқа тартып, халық денсаулығын нығайту жолында қаншама спорттық шаралар ұйымдастырылып, тартысты бәсекелер өтіп келеді.&nbsp;Спортта тек адамның күші ғана сынға түспейді. Әрине, физикалық тұрғыдан дене қуаты да болуы керек. Әйтсе де ең бастысы, төзім мен сенім. Төзім кез-келген спорт түрлеріне байланысты ауыр да, қиын жаттығуларда қажет болса, сенім жеңіске жетелейді. Жалағаштық жеңіл атлет Гүлдана Қаппарованың бойында спортшыға тән осы екі қасиет те бар. Үнемі өзін шыңдап жүретін Гүлдана талай жарыстарда алдына қара салмаған жеңімпаз. Гүлдананың әрбір жеңісі жалағаштықтар үшін мақтаныш болса, оның әуесқой спорттағы жолы жастарға үлгі.&nbsp;Наурыз мейрамының қарсаңында Астана қаласында ҚР Жеңіл атлетика федерациясының ұйымдастыруымен ардагерлер арасында Қазақстан Республикасының II қысқы чемпионаты өтті. Чемпионатқа 35 жастан асқан еліміздің барлық аймағынан ардагер жеңіл атлеттер қатысып, бақ сынады. Осы додада Қызылорда облысының құрамасы нәтижелі өнер көрсетіп, жүлделі орындарға ие болды. Облыстық құрамадағы 9 спортшы қатарында жерлесіміз Гүлдана Қаппарова да бар.&nbsp;Ядро лақтыру, ұзындыққа секіру, жүгіріп келіп секіру, 400 метрге жүгіру секілді жеңіл атлетика түрлерінен сайысқа түскен жерлесіміз қарсыластарынан оза шауып, ядро лақтыру, ұзындыққа секіру және жүгіріп келіп секіруден 1 орын иеленсе, 400 метрге жүгіруден қола медалға қол жеткізді.&nbsp;Бұл әуесқой Гүлдананың алғашқы жетістігі емес. Ол осыған дейін де бірнеше рет облыстық және республикалық жарыстардың жүлдегері атанған.&nbsp;<blockquote>«Бұл менің ғана емес, ауданның қуанышы. Жалпы есепте құрама 28 алтын, 13 күміс, 4 қола медаль иеленді. Ал, құрамалар арасында өткен негізгі сайыс эстафетадан жүлделі 1-ші орын алып, Қызылорда облысының абыройын асқақтаттық. Әрине, жеңіс үлкен еңбекпен келеді. Тынымсыз жаттығуда тер төгіледі. Осы орайда жарысқа дайындаған жаттықтырушыларыма, қолдаған тілекші халыққа және де-меушілерге алғыс айтамын», – дейді Гүлдана Әділханқызы.</blockquote>Бала кезінен спортты жанына серік етіп келе жатқан жерлесіміз қазіргі таңда Мәдениет ауылында Ілияс Қабылов атындағы №32 мектеп-лицейде дене шынықтыру пәні мұғалімі. Ол әріптестерінің арасында да абыройлы, шәкірт жүрегіне жол тапқан білікті ұстаз.&nbsp;Иә, Жалағаш ауданының спорт саңлақтары спорттың бірнеше түрі бойынша аймақ абыройын ғана емес, әлемдік аренада мемлекетіміздің туын желбіретіп жүр. Бірақ, ауданымызда жеңіл атлетикамен айналысатын азаматтар қатары өте аз, жоқ десек те болады. Тіпті жастардың жүгіргісі де келмейтін көрінеді. Әрине, ауылдарда жеңіл атлетикамен айналысатын спорттық алаңдар салынып, жағдай жасалса, аталған спорт түрімен шұғылданатын жастар қатары артатынына кейіпкеріміз кәміл сенеді.&nbsp;– Жеңіл атлетика кез келген жаста қолжетімді. Қартайғанша жүгіруге болады. Сонымен қатар бұл арзан спорт түрі, көп қаражат талап етпейді. Бүгінде мен отбасымды жүгіруге ынталандырдым. Олар күнде кешкі мезгілде жүгіруді әдетке айналдырған. Адамдар өз денсаулығы туралы ойлағаны және спортпен шұғылданғаны дұрыс, – дейді спортшы.Гүлдана Қаппарованың қатысатын жарыстары да, жеңістері де әлі алда. Биыл Қазақстан бойынша тағы да бірнеше жарыс өтеді, онда да ол өнер көрсетуді жоспарлап отыр. Ал, біз бүтіндей Сыр елінің намысын арқалаған жеңіл атлетші жерлесімізге алдағы бәсекеде сәттілік тілейміз.

Астанадан жеңіспен оралды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет отырысында Президент Қасым-Жомарт Тоқаевтың 2023 жылғы 29 наурызда Парламент сессиясының ашылуында берген тапсырмаларын іске асыру туралы мәселелер қаралды. Жиында ведомство басшылары өз салалары бойынша атқарылған жұмыстарды баяндады.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді. Парламенттің бірінші сессиясында Мемлекет басшысы айқындаған 8 басымдық бойынша нақты шаралар қабылдап, оны сапалы іске асыру қажеттігін атап өтті.Бірінші басымдық «Іскерлік белсенділікті ынталандыру» бойынша ашық салық жүйесін қалыптастыру, теңгерімді бюджеттік саясатты жүргізу, кәсіпкерлікті қолдау өте маңызды. 2023 жылға облыс бюджеті 520,7 млрд.теңге көлемінде бекітілсе, нақтылау нәтижесімен бүгінде ол 542,3 млрд.теңгеге жетті. Оның ішінде облыс бюджетінің өз кірістері 75 млрд. теңгені құрайды. Осыған орай, Қызылорда облысы бойынша кірістер департаментіне биылға жоспарланған облыс бюджеті кіріс көлемінің уақытылы түсуін және жыл ішінде кіріс көзін ұлғайту шараларын жүзеге асыру тапсырылды.Президент Қасым-Жомарт Тоқаев «Елдің өндірістік әлеуетін барынша арттыру» басымдығын жүзеге асыру үшін геологиялық барлау және кеніштерді игеруге инвестиция тартуды айтқан болатын. Мәжілісте жаңа мұнай кен орындарын зерттеудің уақытылы аяқталуын және «Сырдария» бассейніндегі зерттеу жұмыстарына қажетті қаржының бөлінуін пысықтау тапсырылды.Мемлекет басшысы өз сөзінде инфрақұрылымды дамытуға қатысты ұстанымдарды қайта қарауға баса назар аударды. Осы ретте тозған электр, жылу, су және кәріз желілерінің үлесін азайтуға, автомобиль жолдарының жағдайын жақсартуға бағытталған жобаларды дайындау өте маңызды. Республикалық бюджетті нақтылау кезінде биылға жылу желілерін қайта жаңғырту үшін 7,6 млрд. теңгенің 6 жобасына, сумен жабдықтау және кәріз жүйелерін жаңғырту үшін 1,9 млрд. теңгенің 6 жобасына қаржы бөлінді. Енді құрылыс жұмыстарын сапалы жүргізіп, бөлінген қаражатты уақытылы игеру керек.Сонымен қатар кәсіпкерлікті дамыту, әлеуметтік осал топтағы азаматтарды қолдау және өңір мектептерін материалдық-техникалық жабдықтау бойынша тапсырмалар жүктелді.Президент басымдық берген тағы бір мәселе – су қауіпсіздігін қамтамасыз ету. Облыс әкімі жауапты тұлғаларға егін егу науқаны қарсаңында гидротехникалық нысандардың, каналдардың дайындығын, инфрақұрылымның жәй-күйін зерттеуді, каналдарды тазартуды, су насостарымен жеткілікті қамтамасыз етуді тапсырды.Жиында саламатты өмір салтын насихаттау және бұқаралық спортты дамыту жөнінде бірқатар міндет қойылды. Облыс әкімі бұқаралық спортпен шұғылданушылар қатарын арттыру үшін биыл 11 спорт нысанының құрылысы жүргізілетінін, Қызылорда қаласының сол жағалауында «Көпсалалы дене шынықтыру-сауықтыру кешені құрылысының» жоба-сметалық құжаттамасын әзірлеуге жергілікті бюджеттен қаржы бөлінгенін хабарлады. Облыс елді мекендерінде 5 ауылдық клуб салынуда, ал Қызылорда қаласында жыл соңына дейін көпфункционалды 1000 орындық «Өнер орталығы» пайдалануға берілмек.Осыған орай, облыстық мәдениет және спорт басқармасына «Өнер орталығында» өтетін концерттік бағдарламаларға көпшіліктің көңілінен шығатын туындыларды енгізу жүктелді. Аймақ ерекшелігін киноиндустрияны дамыту арқылы насихаттау мүмкіндіктерін қарастыру, жергілікті әдебиет және өнер иелерін қолдау, ынталандыру бойынша ұсыныстар беру тапсырылды.<figure class="image"><img src="https://knadmin.beoblood.kz/uploads/339131105_748147573523732_1541970123437910900_n_7bca2d7ebf.jpg" alt="339131105_748147573523732_1541970123437910900_n.jpg"></figure>&nbsp;<figure class="image"><img src="https://knadmin.beoblood.kz/uploads/339410365_792171192339302_7912112282912429890_n_4324f00497.jpg" alt="339410365_792171192339302_7912112282912429890_n.jpg"></figure>&nbsp;<figure class="image"><img src="https://knadmin.beoblood.kz/uploads/339117423_1611570812603532_5259793756498647182_n_e6cf7bde50.jpg" alt="339117423_1611570812603532_5259793756498647182_n.jpg"></figure>

Президент айқындаған басымдықтар бойынша тапсырмалар жүктелді

<a href="https://kyzylorda-news.kz/">Kyzylorda-news.kz.</a> Министрлер кабинеті мүшелерінің көпшілігі өз орындарын сақтап қалды. Тек екі министр ауысты.Мұрат Нұртілеу Премьер-Министрдің орынбасары – Сыртқы істер министрі болып, Алмасадам Сәтқалиев Энергетика министрі болып тағайындалды. Ал Үкімет Аппаратының Басшысы Ғалымжан Қойшыбаев енді вице-премьер лауазымын қоса атқарады.

Үкімет құрамы бекітілді

<a href="https://kyzylorda-news.kz/">Kyzylorda-news.kz.</a> Қызылорда орман және жануарлар дүниесін қорғау жөніндегі мемлекеттік мекемесі Сыр жұртшылығын табиғатты өрттен сақтауға шақырады.Табиғат байлығының бірі орман екені барлығымызға белгілі. Олардың қоршаған ортаны қорғаудағы маңызы өте зор. Айта кетсек, олар су режимін бірқалыпты ұстап, топырақты түрлі эрозиялардан сақтап қана қоймай, ауаны улы газдардан тазартып, оттегі бөліп отырады. Табиғат тепе-теңдігін сақтап тұрушының негізгі себепшісі ол - орман. Алайда орман қорындағы әртүрлі өсімдіктер мен жануарларға үлкен залал тигізетін қатердің бірі өрт болып табылады. Өрттің негізгі себептеріне тоқталсақ, олардың табиғи факторлар есебінен орын алатыны өз алдына, адамзат тарапынан себепші болуы басты мәселе болып қала береді.Қызылорда облысындағы құрғақ және желді климат, шөптесін өсімдіктердің көп болуы, орман, дала өртінің тез өріс алуына мүмкіндік туғызады. Өрт қауіпті кезеңінде орман және дала өрттерінің өсуі көбінесе аумақты қажет емес қалдықтардан тазарту және ауыл шаруашылығы жерлерін қажет емес өсімдіктерді немесе қалдықтарды жағу жұмыстарын жүргізу барысында орын алады. Ауыл шаруашылығы жерлерін және қалдықтарды жағу жұмыстарын жүргізу кезінде тиісті бақылау жүргізілмеуінен, минералданған жолақтарының болмауынан, жақын орналасқан орман алқаптарына жалын тарап, артынша түзелмейтін шығынға әкеліп соқтырады.Сонымен қатар, орман қоры аумағында орын алған өрттердің негізгі себептері тұрғындардың және жеке шаруақожалық иелерінің өз жерлерін абаттандыру, жерді ашу үшін қураған шөптерді және қоқыстарды өртеу кезінде желдің әсерінен орман қоры аумағына шоқ ұшқындарының ұшуынан өртке ұластынын да естен шығармау керек.Облыс тұрғындарынан төменде көрсетілген ережелерді сақтауды сұраймыз:- шабындық, егістік, орман алқаптарында қураған шөптерді, қоқыстарды өртеуге және бақылаусыз қалдырмауға жол бермеуді;- ауа-райы құрғақ, ыстық және қатты жел кезінде алау жақпауды;&nbsp;- демалыс орнынан кетерде алауға су құйып, құм немесе топырақ сеуіп кетуді. Жанып жатқан қалдықтар мен сіріңкені лақтырмауды;- егер өрт аумағында болсаңыз өзіңіздің күшіңізбен сөндіру мүмкін болмаса, оның таралу бағытын, және шығу бағдарын анықтап құтқару қызметіне 101, 112 нөмірі арқылы хабарлауды.Орман, тоғайлы, далалық алқаптарда өрт қауіпсіздігі ережелерін бұзғаны үшін кінәлі тұлғалар жергілікті атқарушы органдар, полиция қызметі, орман шаруашылығы мен төтенше жағдайлар қызметі қызметкерлерінен мобильдік топтар мен әкімшілік жауапкершілікке тартылатыны жөнінде ескертеміз. Қазіргі таңда мобильдік топтармен орман, тоғайлы, далалық және егістік алқаптарда рейдтік шаралар жүргізілуде.Өрт – тілсіз жау. Орман, тоғайлы, далалық алқаптарда өрт оқиғаларын болдырмас үшін қарапайым қауіпсіздік шараларын сақтауды ұмытпайық.

Қазақстан және Қызылорда облысының жаңалықтары