<a href="https://kyzylorda-news.kz/ru/">Kyzylorda-news.kz</a>. Саяхат – қанша ақша шығындасаң да, өзіңді одан бірнеше есе бай қыла түсетін жалғыз нәрсе. Соңғы жылдары осы бағытта туристік агенттік ретінде кәсібін дөңгелетіп қана қоймай, мыңдаған адамға ерекше әсер сыйлап, тур арқылы өзін де, өзгені де байытып жүргендер көбейіп келеді. «Қозғалу, зерттеу, саяхаттау – өмір сүру дегеніміз осы» дейді Ганс Христиан Андерсен. Тарихи мекендерді танытып, талайдың өмірінде саяхаттауды әдетке айналдыруға септігін тигізіп жүрген Абылай Шайхыслам – «Orda travel» туристік агенттігінің иесі.Жас болса да бас болып, жауапкершілігі жоғары жаңа салада өзін сынап жүрген азаматтың айтуынша, саяхаттауға, демалуға қаржысын аямайтындар қатары артып келеді. Агенттік ұйымдастыратын турлар жайлы ақпаратты инстаграм әлеуметтік желісіндегі orda_travel парақшасынан білуге болады. Тіпті, мұнда саяхатқұмар оқырманның саны 20 мыңнан асқан.Айта кетейік, агенттік 2020 жылы желтоқсан айынан бастап жұмыс істеп келеді. 2022 жылға дейін де үзіліссіз саяхаттар жүргізіліп, біраз қызылордалықтарды қуантуда. Турдың иесі Абылай Шайхысламның негізгі мамандығы – ғылыми математика. Дегенмен ол қазіргі таңда мыңдаған адамға ұмытылмас әдемі әсер сыйлап, өміріне ерекше леп әкелетін рухани, физикалық демалдыратын тур агенттіктің жұмысын толықтай қолға алған. Үлкен қалалардағы тур агенттіктердің жұмысы жанданып жатқанын көрген ол жеке өзі осы саланың қыр-сырына үңіліп, өңірдегі алғашқы турларды ұйымдастыра бастаған.Агенттіктің ең алғашқы саяхаттау нүктесі – Шымкент қаласы маңындағы Тау самалының қысқы шаңғы базасы болыпты. Шымкент пен Түркістан қалаларындағы негізгі 5 локация: Арыстан баб, Қожа Ахмет Яссауи кесенесі, Гаухар ана, Отырар қаласы, жаңа Венеция аталып кеткен Керуен сарайы. Қазіргі таңда тур арқылы Өзбекстан мемлекетінің екі ірі қаласы Ташкент пен Самарқанд қалаларына да жол ашылды.<blockquote>«Біздің туристер Алматы облысын¬дағы Көлсай – Қайыңды – Ша¬рын локацияларына жиі барады. Жылдың әр мезгілінде Бурабайға, Шымкенттің көптеген локацияларына түрлі тур ұйымдастырдық. Осы аптада 160-ыншы турды ұйымдастырып, аяқтадық. Және де осы уақытқа дейін бізбен бірге 13000-ға жуық қызылордалық, астаналық туристер саяхат жасады. Әсіресе, бұл тур астаналықтарға ерекше ұнайды. Біздің турдың ерекшелігі – әншілер, өнер адамдарының гид болуымен көңілді сапар болуында әрі тарихи құндылығында. Себебі біздің гидтер саяхат барысында түрлі мекеннің тарихына тоқталып, сол жерге қатысты аңыз-әңгімелермен таныстырып өтеді, яғни жерлестеріміз тек қана демалып қайтпайды, сонымен бірге танымын кеңейтіп, жаңа ақпараттарға қанығып, тарихтан сусындайды. Сондықтан бір рет бізбен саяхаттаған жан қайтадан жаңа сапарға шығуға асығып, жаңа мекенмен танысқысы келіп жүреді. Бұл – біз үшін де үлкен қуаныш»,– дейді кейіпкеріміз.</blockquote>Тур агенттіктер шетелдерге шығатыны да жасырын емес. Соның ішінде Өзбекстанға алғашқы сапар 2021 жылы қазан айында басталған. Содан бері бұл мекен де туристердің сүйікті орнына айналды. Абылайдың айтуынша, алдағы уақыттаҚырғызстан мемлекетіндегі Бішкек қаласының таулы аймақтарын аралау да жоспарда бар.<blockquote>«Алматының таулы локацияларына баруға сұраныс көп. Ташкентке барамын деушілер де күннен күнге көбеюде. Себебі ол елдің тарихи мекендерінен бөлек «Magic city» аталып кеткен Диснейленд қалашығы ерекше сұранысқа ие. Бәрі сол үшін барады. Алдағы уақытта саяхат бағыттарын одан әрі көбейтеміз деген ойдамын», – дейді маман.</blockquote>Турдың жұмысын жандан¬дырып отырған топтың құрамында 20 шақты маман бар. Бірі мобилограф, бірі менеджер, бірі ұйымдастырушы, бірі көлік жүргізуші болса да, мақсат ортақ – саяхаттауға шыққан адамға сапардың сапалы болуын қамтамасыз етіп, жайлы демалыс сыйлау, естен кетпейтін естеліктер жасауға атсалысу. Сонымен бірге барлық бағыттағы турдың бағасына бару-келу жолы, гид қызметі, сапарға арналған бағдарлама кіреді екен. Мүмкіндік барда, неге пайдаланбасқа? Алтыдағы баладан алпыстағы қартқа дейін саяхаттауына мүмкіндік сыйлап жүрген агенттіктің жұмысы жаз маусымына орай одан сайын жанданатыны сөзсіз.

Абылай Шайхыслам: Қызылордалықтардың саяхатқа деген көзқарасы өзгерген

Қазалылықтар сенбілікке шықты ​<a href="https://kyzylorda-news.kz/">Kyzylorda-news.kz.</a> «Тазалық иманнан» деген тәмсілді тереңнен түсінетін қазалылықтар бүгін сенбілікке шығып, аудан аумағының қоқыстан тазаруына белсене араласты.&nbsp;Тазалық – денсаулықтың кепілі. Онсыз реттілік орын алмайды. Қазалы ауданы әкімі Мұхтар Әуесұлы де осы маңға келіп, тазалық сенбілігінің қалай өтіп жатқанын көзбен шолып шықты.&nbsp;<blockquote>«Бәрі де көпшілікпен бітетін жұмыс қой. «Жұмыла көтерген жүк жеңіл» демекші, әп-сәтте тазалықтың орын алғаны көңіл қуантады. Туған мекенді қоқыстардан арылту жақсы іс болды. Бұл шараға азаматтар келіп қатысуда. Осындай игі істерді жасасақ, азаматтығымызға сын болады. Тазалық бар жерде береке де болады. Қала өзіміздікі болған соң, оның тазалығына да жанашырлықты өзіміз бастағанымыз жөн. Көрер көзге түрпідей тиетін бейберекетсіз шашылған қоқыстарды жинап, даланы ретке келтірген көпшілік атырапты мұнтаздай таза етті. Мұның өзі кейінгі жас буынға өнеге екені де рас. Еңбекпен шыныққан адам баласы өз саулығын да тіктеп алады. Еңбектен қашпағандар ғана өз мақсаттарына еріседі. Қазалылық тұрғындар әркезде де жақсылық пен игіліктерге бастамашыл бола біледі», – дейді Қазалы ауданы әкімі Мұхтар Оразбаев.</blockquote>Қазалы ауданы көлемінде жүргізіліп жатқан тазалық жұмыстарына барлық мекеме қызметкерлері бір кісідей атсалысып, әрбір ұжым бөлінген аумақтарда тазалық жұмыстарын қарқынды жүргізді. Соның ішінде «Қазақ қорымы» аумағы, 5 квартал аумағындағы TS май құю бекетінің арты және Жанқожа баба кесенесі қоқыстан тазартылды. Сондай-ақ, Батыс темір жол өткелі – Бас қақпа аралығы, Тесік көпір аумағы, «Биг бен сағаты – Алтын көпір» аумағымен «Биг бен сағатынан – батыс темір жол өткелі» аралығы жиналды.Сенбілік – бұл ұжымдық рухты, бірегейлікті, ауызбіршілікті көрсететін керемет шара. Аудан көлеміндегі сенбілік жұмыстарын аудан әкімі Мұхтар Оразбаев арнайы аралап, туған жердің тазалығы үшін еңбек етіп жатқандарға сәттілік тіледі.

Қазалылықтар сенбілікке шықты

Арал: Ақиректе берекелі тірлік бар

<a href="https://kyzylorda-news.kz/ru/">Kyzylorda-news.kz</a>. Талап қылған жанға мүмкіндік көп. Талпынсаң алдыңнан жол ашылады. Бұған уақыт дәлел, жылдар куә болып отыр. Әсіресе қазіргі уақытта мемлекеттің ынталы жанға жігер сыйлап, ілгері ұмтылуға арналған бағдарламалары өте көп. Солардың бірі кәсіпкерлікке бет бұрып, ойлағанын жүзеге асырамын деген жандарға жасалған жағдай. Бұл бағыттағы жұмыстар еліміз тәуелсіздік алғалы бері жалғасын тауып келеді. Десе де соңғы жылдары халықтың көзқарасы, талпынысы ерекше.Жалпы кәсіпкерлікке қадам басу уақыттың жаңалығы емес екенін жақсы білеміз. Білімді, білікті жандар қай уақытта болса да жоспар құрып, сол жоспары арқылы алға жылжудың жолын таба білген. Бұл сөзімізіге Шығыстың ойшылы Ахмед Иүгінекидің «Білікті білім жинап, кәсіп етер, Білімнің дәмін татып, өсіп өнер» деген сөзі анық дәлел.Расында білім өсіп-өркендеудің, өрге қарай жылжудың бірден бір адастырмас жолы десек артық айтқандық емес. Санасы аппақ парақтай тап-таза бүлдіршіндерге дұрыс бағыт, тура жол сілтейтін ұстаздардың да құрметке бөленуі сондықтан. Біздің бүгінгі кейіпкеріміз де ұлағатты жолды таңдап, сол бағытта білім алып, алған білімін өзінің кәсібіне айналдырып отырған жас кәсіпкер Әдемі Қуандықова.1997 жылы Арал қаласы, Құланды ауылында туған Әдемі Ерқосайқызы мектеп қабырғасында жүріп өзіне білім берген ұстаздарына деген қызығушылықпен осы мамандықты таңдайды. Алдымен Қарағанды қаласында «Болашақ» колледжін қазақ тілі мен әбедиеті пәні мұғалімі мамандығы бойынша оқып бітірген ол кейіннен Арқалықтағы «Ыбырай Алтынсарин атындағы педагогикалық институтында» бастауыш сынып оқушыларына білім беру мамандығын оқып шықты.Бірақ мектеп қабырғасындағы шәкірттерге дәріс беру мүмкіндігі болмады. Дегенмен қос дипломмен қарап отыру бүгінгі қоғамда қамсыздықтың бейнесі екенін түсінген Әдемі өз білімін жаңа бағытта жүзеге асырып, қолдан келер жұмысты кәсіпке айналдыруды ұйғарды. Осылайша былтыр «Zeyin» оқу орталығын ашып, осы жерде бастауыш сынып оқушыларына білім беруді қолға алды.<blockquote>Бүгінгі таңда қай салада болмасын оқу бітіріп, бірақ жұмыссыз жүрген жастар көп. Бұл тәуекел етпеуден деп білемін. Байқап қарасақ қыз балалар әдетте оқу бітірген соң тұрмыс құрады. Одан кейін әрбір қыз ана бақытын сезінуі қажет. Осылайша жұмысқа орналасуға мүмкіндік болмай жатады. Бірақ талап қылсаң, көздеген мақсатыңа жетуді ойласаң қазірде мемлекетімізде жан-жақты жағдай жасалған. Мен де қазір үш баланың анасымын. Баламен үйде отырып, олардың сабағына қараймын. Бұл маған өз мамандығым бойынша алған білімімді тәжірибе жүзінде жүзеге асыруға, оны ары қарай дамытуға үлкен көмек болды. Мұнан бөлек өзге де оқу орталықтарында дәріс беріп, балалармен жұмыс істеуге машықтығымды ары қарай дамыта түстім. Бірде жолдасыммен ақылдаса отырып, кәсіпке бет бұруды шештік, – дейді Әдемі Қуандықова.</blockquote>Расында қазіргі қоғамның сұранысындағы кәсіпті жаңылмай тауып, заман талабына сай жұмыс істеуді көздеген кәсіпкер мұнан бөлек:<blockquote>&nbsp;Баланың санасы біліммен, оқумен жетіледі. Білімнің тұрақтылығы оның жиі қайталап, еске салып отырғандығында. «Қайталау – білімнің анасы» деген сөз мұғалімдердің қашаннан ұранына айналған. Оқушының мектепте алған білімі санасында жатталып қалуы үшін тұрақты түрде қадағалап, оны жиі қайталатып отырған абзал. Әлбетте бұл жұмыс ата-ананың үйдегі басты міндеттерінің бірі. Бірақ заманның қазіргі талабы, ағыны бөлек. Ата-аналар балалары бақытты өмір сүруі үшін, олардың тоқ жүруі үшін бірінші кезекте жұмыс жасап, еңбек етеді. Ал баланың сабағын қадағалау көп уақытта мүмкін бола бермейді. Міне «Zeyin» оқу орталығында алдымен соны назарда ұстаймын. Сонымен қатар ата-аналармен, балалардың мұғалімдерімен байланыса отырып, әр оқушының осал тұсы, балаға қиындық тудырып жүрген тақырыптар, пәндер бойынша жұмыс істеп келемін. Бұл ретте жеке оқытуға да сұраныстар көп. Ал осы жүргізілген жұмыстардың нәтижесін орталықтан білім алып жүрген шәкірттердің жетістігінен анық байқай аласыздар. Жақында Қазақстандық интеллектуалды олимпиадалар сайтының ұйымастыруымен 1 сынып оқушыларының білімін тексеру мақсатында математика пәні бойынша орталықтан білім алып жүрген Шерхан Райханов І дәрежелі дипломға ие болды, – деді.</blockquote>Әңгімелесу кезінде жас кәсіпкер алдағы жоспарларымен де бөлісті. Ата-аналар мен балалардың алғысына бөленіп келе жатқан Әдемі «әрбір білім алушым «апай, мен бүгін мектептен бес алдым» деп қуанып келгенде менен бақытты адам болмайды дейді. Расында қазақтан шыққан математик Асқар Жұмаділдаев «Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!» деген екен. Баланың бақыты, болашағы үшін еңбек етіп келе жатқан кәсіпкерге біз де сәттілік тіледік.

Аралда балаларды дамыту орталығы ашылды

​<a href="https://kyzylorda-news.kz/">Kyzylorda-news.kz.</a> Қазалы ауданы әкімі Мұхтар Оразбаев бастаған облыстық білім басқармасының басшысы Мейрамбек Шермағамбет пен аудан прокуроры Дарын Әбіш Жанқожа батыр атындағы №70 мектептің оқушылары және ата-аналарымен жиын өткізді.Ең алдымен аудан басшысы басқосуға қатысушы ата-аналар мен оқушыларға жуырда ғана мектеп ауласында болған төбелестің ушығып тұрғанын жеткізді. Сонымен қатар, әрбір шаңырақтың үкілі үміті болған балалардың ұдайы ата-анасының қадағалауында болуы қажет екенін айтты.Сол секілді білім басқармасының басшысы білім саласындағы бала үшін жасалып жатқан мүмкіндіктің зор екеніне тоқталды. Бірнеше оқушының арасында болған келеңсіз жайттың бұған дейін еңбекпен келген абыройды бір күнде аяқ асты еткенін тілге тиек етті. Сондықтан әрбір мұғалім білім алушылармен жеке-жеке байланысып, оқыс жағдайдың алдын алу үшін үлкен күш жұмсауын қозғады.Ал аудан прокуроры Дарын Әбіш бір ғана қате қадам бала болашағын бұлыңғыр ететінін айтты. Сонымен бірге, өткен оқиғаға қатысы бар оқушылармен олардың ата-аналары да зардап шегетінін сөз етті.Жиын соңында қатысушы ата-аналар тарапынан бірқатар ұсыныс-пікірлер қозғалып, олардың шешілу жолдары да назардан тыс қалмайтыны айтылды.

Қазалыдағы топтық төбелес: Қате қадам бала болашағын бұлыңғыр етеді

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгінгі мақалаға «Хабар» телеарнасында «Бағдарламалар өндірісі» бөлімінің редакторы, «Таңғы хабар», «Баспанаға бағыт», «Бизнеске бағыт», «Біздің назарда» бағдарламаларының редакторы, «Бүгін» саяси бағдарламасының, «Не хабар?» телевизиялық подкастының шеф-редакторы, «Ерекше бақылауда» телебағдарламасының жүргізушісі, жерлесіміз Нұрболат Жаңабергенұлы Үсенов арқау болмақ. Жас журналистің туып-өскен ортасы, қызметі мен өміріндегі өкініші туралы төменде баяндалады.&nbsp;Нұрболат туралы естідім. Әдетте жақсы жаңалықты қалт жібермейтін әдетпен оның байланыс нөмірін тауып, қоңырау шалдым. Телефон қоңырауын көтерген жарқын дауысты жігіт мән-жайды айтып түсіндірген соң, жұмысының тығыздығына қарамай мен қойған сауалдарға жауап берді.&nbsp;Нұрболат Жаңабергенұлы 1995 жылы Арал ауданы, Шөмішкөл ауылында Үсеновтер отбасында өмірге келді. Ол әкесі Жаңаберген мен анасы Бағдагүлдің бес баланың ішіндегі үшінші перзенті. Нұрболат 2002 жылы Шөмішкөл ауылындағы №66 орта мектептің табалдырығын аттады. Алғашқы ұстазы – өзінің анасы Бағдагүл Тәжімбетова. Қазір де сол мектепте бастауыш сынып мұғалімі болып қызмет етеді. Әкесі Жаңаберген Жүсіпов мұнайшы болған. Атасы Үсен Жүсіпов – сол №66 мектептің директоры болған азамат. Құрметті ұстаз.<blockquote>&nbsp; – 2013 жылы мектепті бітіріп, Алматы қаласындағы Абай атындағы ҚазҰПУ-ға оқуға түстім. Университетте «Атамекен» интеллектуалды-пікірсайыс клубын 2014-2016 жылдар аралығында басқардым. 2014 жылы университеттегі «Жасыл ел» қозғалысын басқардым. Түрлі деңгейдегі ақындар мүшәйрасының жеңімпазы атанып жүрдім. 2017 жылы университеттің филология факультетін «Қазақ тілі мен әдебиеті» мамандығы бойынша бітірдім, – деген Нұрболат оқу орнында жүргенде-ақ өзін сан қырынан таныта бастаған.</blockquote>Дипломды жас маманның еңбек жолы 2017-2018 жылдар аралығында Алматы қаласындағы Д.Снегин атындағы №30 мектеп-гимназиясында қазақ тілі мен әдебиеті пәнінің мұғалімі болудан басталады. 2018-2019 жылдары Алматы қаласындағы химия-биология бағытындағы Назарбаев зияткерлік мектебінде қазақ тілі мен әдебиеті пәнінің мұғалімі. 2019 жылдың қыркүйегінен бастап «Хабар» телеарнасында «Бағдарламалар өндірісі» бөлімінің редакторы болып жұмыс істеп келеді.<blockquote>– "Хабар" телеарнасында «Таңғы хабар», «Баспанаға бағыт», «Бизнеске бағыт», «Біздің назарда» бағдарламаларының редакторы, «Бүгін» саяси бағдарламасының, «Не хабар?» телевизиялық подкастының шеф-редакторы қызметтерін атқардым. «Ерекше бақылауда» телебағдарламасын жүргіздім. «Хабар» арнасынан осыған дейін шыққан талай арнайы жобалар мен мерекелік жобалардың, деректі фильмдердің сценарийсі, шеф-редакторы болып жүрмін. Ал қазіргі күні «Хабар» арнасына әр бейсенбі сайын эфирге шығатын «Бізге хабарласқан» атты халықтың әлеуметтік проблемаларын айтатын бағдарламасын жүргіземін әрі &nbsp;сюжет редакторымын. Және «Хабар 24» арнасынан әр сейсенбі, бейсенбі күндері 21.30-да тікелей эфирде шығатын «Пікірталас» бағдарламасының сценарийсі, жүргізушісімін. Күнделікті 14.00-15.00 аралығында эфирге шығатын «Айналайын» бағдарламасының шеф-редакторы, сценарийсімін, – деген Нұрболат елімізге танымал «Хабар» арнасындағы бір ғана емес, бірнеше қызметтерді қоса атқарып жүргендігін айтты. &nbsp;</blockquote>Нұрболат журналистика саласын бекер таңдаған жоқ. Өзі шалғай ауылда туып-өсті. Бала кезден елдің ішіндегі түрлі инфрақұрылымдық мәселелерді көрді. Сол «елге көмектессем ғой» дейтін бала жүрегінен туған арманы оны журналистика саласының білікті маманына айналдырды.&nbsp;<blockquote>– Журналистикада жүрудегі ең бірінші мақсатым – қарапайым халықтың проблемаларының шешілуіне себепкер болу. Кейбір азаматтар әкімдікке, құзырлы органдарға қатысты шағымын айтып телевидениеге хабарласады да, ол шешілмей жатса, бізге өкпесін айтады. Ол азаматтар бірінші кезекте журналистер былғары креслода отырмайтынын, кез келген проблеманы шеше салатын шексіз билік иесі емес екенін түсінуі керек. Біз қолдан келетін барлық әрекетті жасаймыз. Халықтың мұңын, мәселесін жауапты мекеме басшыларына жеткіземіз, шешіп беруін талап етеміз. Құдайға шүкір, бұл ісіміздің нәтижесін талай көрдік. Алайда бірден шешіле қоймайтын проблемалар бар екенін мойындау керек қой. Өзім туған Шөмішкөл ауылында да су мен жолдан бастап ірілі-ұсақты проблема жетеді. Арасында соларды көгілдір экранға шығарып жүрмін. Парламент қабырғасында отырған белгілі депутаттардан бастап, тиісті министрліктерге, облыстағы жауапты басқармаларға, аудандағы бөлім басшыларына байланысқа шықтым. Бірақ әлі мен айтқан түйткілдердің түйіні толық тарқатылмай келеді. Дегенмен тамшы тама берсе, тасты жаратыны секілді, мәселелер де біртіндеп шешілетініне сенемін. Кейбір істердің бел ортасына кеп қалдық, &nbsp;– дейді Нұрболат.</blockquote>Нұрболат бүгінде сөзі өтімді журналист. Өзінің саласында абыройлы еңбек етіп, мақсатына жеткен азамат. Дегенмен оның жүрек түкпіріндегі бір өкініші кейде көкірегін шаншып өткендей болады. &nbsp;<blockquote>– Көңілімдегі ең бір ешкімге айтпаған шерім – әкем мен атқарған істерді көріп, бір марқайса екен, өзі еккен егіннің жемісін жесе екен дейтінмін. Бірақ адамның емес, Алланың қалауы болады ғой. 2021-дің 21 қаңтарында өмірімдегі ең қаралы хабар жетті. Бала-шағаның қызығын енді көрер шағында әкем бақилық болды. Алла әкешімді өзінің панасына алсын. Қос қанатымның бірі қырқылған соң, шарықтап ұшуға шамам болмады біраз уақытқа дейін. Кейін ес жидық, тірі адам секілді тіршілік етуді үйреніп келеміз ақырындап, – деген Нұрболат жұмыр басты пенденің бәрінің бір кемтігі барын түсінгендей.&nbsp;</blockquote>Аллаға шүкір, Нұрболат еңбекте табысты болумен қатар отбасылық бақытқа да бөленіп отыр. &nbsp;Жары Гүлдана Төреханова екеуі үш жасар Айша есімді қыз бен бір жастағы &nbsp;Ақәділ &nbsp;батырдың ата-анасы.&nbsp; Аралда туып-өсіп, қазірде қазақ атын әлемге танытып жүрген жерлестеріміз жетерлік. Нұрболат Үсенов те солардың бірі деп айтуға толық негіз бар. Бүгінгі дарынды журналист ұлтының қамын ойлап, ұлы істердің басынан табыла білген ел ағасына айналарына сенім мол.

Аралдың төл перзенті: Хабар телеарнасындағы бағдарламалардың редакторы       

<a href="https://kyzylorda-news.kz/">Kyzylorda-news.kz.</a> Кез келген ортаның көркін ашып, келбетін келісті ететін, шырайын келтіріп, әрін арттыра түсетін оның тазалығы мен жайқалған жасыл желегі екені белгілі. Бүгінде елді мекендерді көк өскінге толтырып, түрлі экологиялық ахуалдардың алдын алуға жағдай жасау – күн тәртібінен түспей тұрған мәселелердің бірі. Осы мақсатта аудан Өбойынша жүргізіліп жатқан көркейту-көгалдандыру жұмыстарына тұрғындардың қолдау білдіріп, бір кісідей атсалысуы көңіл қуантады. Себебі көктем келгелі бері аймақ маңында түрлі сенбіліктер ұйымдастырылып,мыңдаған жас шыбықтар отырғызылып үлгерген. Бұл игілікті істен Жансейіт елді мекенінің қариялары да кенде емес.Жуырда Жансейіт ауылдық ақсақалдар кеңесінің төрағасы Шопанбек Сәрекенің бастамасымен көктемгі көгалдандыру шараларына байланысты 4 сотық жерге ағаш көшеттері отырғызылды. Бұл игі істің жүзеге асуына себепші болған жандардың қатарында Базарбек Тінейбеков, Сағын Нұрланов, Сейдалы Қалкөзов, Мейірбек Ташмұхамед, Жұманбек Сарекеев, Қоңырат Қожабеков, Амангелді Исмаилов, Яхия Нұрымбетов, Ескендір Жаңабаев, Қоғамбек Сәреке секілді ауыл ақсақалдары бар. Сондай-ақ аталған берекелі бастамаға №21 бекет қариялары да өз үлестерін қосты. Ауыл іргесіндегі мешіт маңына көшет отырғызу барысында аталған аймақтың ардагерлер кеңесінің төрағасы Әлияр Сейітов бастаған Әмзе, Ибрагим, Шарапат сияқты басқа да бірқатар үлкен буын өкілдері Жансейіт тұрғындарына көмек қолын созды. Бұл бірлесе атқарылған жұмыс ауылдың ажарлана түсуіне серпін болды. Табиғат жанашырларының осы бір ауызбіршілікпен жанданған істің өзгелерге үлгі болса екен деген тілегі бар.&nbsp;<blockquote>«Жансейіт ауылындағы қолға алынған көшет егу жұмыстары қос елді мекеннің қарияларының ауызбіршілігімен, келешек ұрпаққа үлгі әрі естелік болып қалсын деген ниетте жүзеге асты», – дейді Шопанбек Сәреке.</blockquote>Ағаш өсіруді бала тәрбиелеумен пара-пар көрген халқымыз үшін туған топырақты таза ұстап, жасыл желекке бөлеу бағзыдан маңызды істің бірі саналған. Бүгінде олар гүлдендірген алпауыт ағаштар жазда сая, қыста қамсау бола алатын бәйтерекке айналды. «Атадан мал қалғанша, тал қалсын» деген ұлағатты сөздің мәні де осында жатса керек.

Шиелі ауданында көшет егу жұмысы жалғасуда

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев Әйтеке би кентіндегі бірқатар құрылыс нысандарын аралап шықты. Алдымен 5 квартал аймағындағы 210 гектар жердегі инфрақұрылым жобаларымен танысты. Бұл маңдағы тұрғын үйлерді төмен қысымды газ және электр желісімен жабдықтау жұмыстары биыл аяқталмақшы. Жоба бойынша 137 тұрғын үй электр желісімен, 450-ге жуық тұрғын үй газбен қамтылады. Аталған жұмыстарды «Ремстрой» ЖШС жүргізіп жатыр.Мұнан соң аудан басшысы Достық көшесінде салынып жатқан 250 орындық мектептің құрылыс алаңына барды. Мектеп ғимаратының құрылысы аяқталуға жақын. Жаңа оқу жылында пайдалануға беріледі деп күтілуде.«Водокачка» елді мекеніне барар жолда және Әйтеке би кенті мен Қазалы қаласының аралығында жаңа арендалық үйлер орналасатын жер де назардан тыс қалмады. Нақты кезеңде Қазалы ауданы бойынша тұрғын үйге мұқтаж 1879 азамат кезекке тіркелген. Соның ішінде халықтың әлеуметтік жағынан осал топтары үшін тұрғынжай сатып алуға жоба әзірленіп, республикалық бюджет қаржысы есебінен қаржыландыруға ұсынылды.Әлеуеті дамыған елдердің «байығың келсе, жол сал» деген ұстанымы бекер емес. Биыл аудан орталығы Әйтеке би кентіндегі 37 көшеге орташа жөндеу жұмыстары жүргізіледі. Аудан әкімі 5 квартал аймағындағы қиыршық тас төселетін көшелерді, Т.Әубәкіров көшесіне асфальт төсеу жұмыстарын бақылады.Т.Әубәкіров көшесін орташа жөндеуге биыл «Ауыл – ел бесігі» бағдарламасы аясында 32,4 млн теңге бөлінген. Қазіргі таңда «Нұрас и К» ЖШС негізгі қабатын тегістеп жатыр.Сондай-ақ, Ғ.Мұратбаев ауылына кіреберіс автомобиль жолын орташа жөндеу жұмыстары басталды. Бұл үшін «Көлік инфрақұрылымын дамыту» бағдарламасы аясында 131,1 млн теңге бөлінген.Аудандық маңыздағы жолдарды жөндеу жұмыстарын қолға алған мердігер компания сапаның бекітілген стандартқа сай болуын қадағалауы тиіс. Бүгінде «Строймодуль Астана» ЖШС жолдың бұзылған учаскелерін қалпына келтіру жұмыстарын жүргізуде.Агроөнеркәсіп кешенін тұрақты дамыту, азық-түлік қауіпсіздігін қамтамасыз ету – бүгінгі күннің өзекті мәселенің бірі. Бұл бағытта Қазалы ауданында атқарылған істер баршылық. Көктемнің әр күнін жылға азық санайтын дала еңбеккерлері шуақты сәтті қалт жібермеуге тырысуда. Ауыл арасындағы қарбалас қимыл соны аңғартады. Аудан әкімі егістікті аралап, Бекарыстан би ауылындағы «Сақыбай» каналын механикалық тазалау жұмыстарымен танысты. Бұл егістік және жайылымдық жерлерді ағын сумен қамтамасыз ету үшін тиімді. Сонымен қатар, Майдакөл ауылдық округіндегі жайылымдық және шабындық жерлерді ағын сумен қамтамасыз етіп отырған «Қараарық» каналында болып, мұндағы ағайынның жұмысына сәттілік тіледі. Келесі нысан – «РЗА-Агро» ЖШС-ның егістігінде 600 гектар ескі жоңышқа тырмаланып, 120 гектар жаңа жоңышқа егілген.Бұл аудан көлемінде атқарылып жатқан көктемгі дала жұмыстары күн тәртібінен түспей, бақылауда болатынын көрсетеді.&nbsp;

Қазалыда құрылыстың өсу қарқыны жоғары

​<a href="https://kyzylorda-news.kz/">Kyzylorda-news.kz.</a> Адам – қоғамның негізгі өндірістік күші саналады. Дегенмен ауыр жарақат пен кәсіби аурулардың пайда болу мүмкіндігі, еңбек жағдайларының қалай қамтамасыз етілуі, оның еңбекке деген қабілетінің дамуы мен сақталуы прогрестің даму уақытына тәуелді. Еңбек қауіпсіздігінің шиеліністерін шешудегі жүйелік сәйкестігінің маңыздысы – технологиялық процесс. Сонымен қатар қондырғылар, құрал-жабдықтар.&nbsp;Еңбек қауіпсіздігін қамтамасыз ету мәселелері біздің елде де түйінді қиындықтардың бірі. Ел ұйымдарындағы еңбекті қорғаудың жайкүйі Үкіметінің және өкілетті мемлекеттік органдардың тұрақты қадағалау нысаны болып табылады. Мемлекеттегі кәсіпорындарда еңбекті қорғау жұмыстары заңдық және өзге де нормативтік-құқықтық актілер негізінде әзірленген еңбек жағдайларын жақсарту жөніндегі кешенді жоспарлармен санитарлық-сауықтыру іс-шараларына сәйкес жүзеге асырылады. Тексерулер көрсеткендей, экономика салаларындағы ірі кәсіпорындардың көбінде еңбекті қорғау жөніндегі қызметтер құрылған. Олар өз мәртебесі бойынша негізгі өндірістік қызметтерге теңестірілген және сол ұйымның басшысына бағынады.&nbsp;Соңғы жылдары республика өндірістерінде жыл сайын үш мыңнан астам жазатайым оқиғалар тіркелген. Соның салдарынан 300-350 адам қаза тапқан. Мыңдаған азамат кәсіби аурулардан зардап шегеді. Оның ішінде, тау-кен металлургиясы, химия, мұнай химиялық кәсіпорындарындағы және құрылыс саласындағы жағдай ерекше алаңдатушылық туғызуда. Өңірлерде өндірістік жарақаттану жағдайы бойынша ең жоғары көрсеткіш ШығысҚазақстан мен Қарағанды облыстарында кездеседі. Өндірістегі жазатайым оқиғаларға қатысты құбылыстардың сақталуы көп жағдайларда еңбек қауіпсіздігі мен еңбекті қорғау саласындағы нормативтік құқықтық базаның жеткіліксіздігіне, оның экономикалық реформалар қарқынына ілеспей, артта қалып қоюына да байланысты. Сондықтан еңбек қатынастарын реттеу саласындағы негізгі міндеттердің бірі – еңбекті қорғаудың тиімді басқару жүйесін әзірлеу және жүзеге асыру болып табылады. Осы мақсатта «Еңбек қауіпсіздігі және еңбекті қорғау туралы» жаңа заң шықты. Ол 2004 жылдың наурыз айынан бастап күшіне енді. Еңбекті қорғаудың тиімді жүйесін құру жөніндегі перспективті және экономикалық жағынан негізделген тәсілдерін белгілеу жұмыс берушілерді қауіпсіз технологиялар әзірлеу және енгізу, еңбек қауіпсіздігіне қол жеткізу және өндірістік жарақаттануды барынша төмендету үшін материалдық және қаржы ресурстарын ұтымды пайдалануда экономикалық ынталандырылады.&nbsp;Қазақстан Республикасы Еңбек Кодексінің 181-бабына сәйкес, жұмыскердің еңбек қауіпсіздігі және еңбекті қорғау жөніндегі талаптарға сәйкес жабдықталған жұмыс орнына, еңбек қауіпсіздігі және еңбекті қорғау жөніндегі талаптарға, сондай-ақ еңбек, ұжымдық шарттарға сәйкес санитариялық-тұрмыстық үй-жайлармен, жеке және ұжымдық қорғаныш құралдарымен қамтамасыз етілуге, еңбек инспекциясы жөніндегі жергілікті органға өз жұмыс орнындағы еңбек жағдайларына және еңбекті қорғауға тексеру жүргізу туралы өтініш білдіруге құқы бар.&nbsp;Заң шеңберінде еңбекті қорғау ережелерін бұзған қызметтегі адамдар, материалдық, әкімшілік және қылмыстық жауапкершілікке тартылады. Жарақаттану анализі әдістерін, олардың артықшылықтары мен кемшіліктерін білу қажет. Сондай-ақ ақпаратты өңдеу мен тіркеудің, жинаудың кәсіби аурулар мен жарақаттанудың қазіргі кездегі әдістерін білген жөн. Бақытсыз жағдайлар мен апаттардың көп болуы адамдардың бұрыс іс-әрекеттері және жөндеу жұмыстардың дұрыс ұйымдастырылмауы және дайындық кезеңінің жүргізілмеуінен болады.

Басты назарда – еңбек қауіпсіздігі

<a href="https://kyzylorda-news.kz/ru/">Kyzylorda-news.kz</a>. Қай халықтың да болмысын аша түсетін, елдігін танытатын әлбетте сол елдің ұлттық киімі. Оның құндылығы қашанда өзгелерден биік тұрған. Бірақ бір кездері қазақылығымызды танытатын қастерлі дүниенің кенжелеп қалуы, күнделікті тұрмыстан шеттеуі байқалды. Оған да себеп бар. Себебі егемендікке енді ғана қол жеткізіп, қайтадан аяққа тік тұру жолында көптеген қиындықтардан өттік. Тіпті киім түгілі, ішер асты табу да қиындап, халық өте ауыр күндерді көрді. Бірақ бүгінде жоғымыз табылып, кеткеніміз қайта оралды. Дәл осы уақытта өзгелерді әлемдік брендтермен таңғалдыра алмаймыз десек те артық емес шығар. Есесіне, сол әлемдік брендтердің орнын басатын ұлттық нақыштағы киімдерге сұраныс өте жоғары.&nbsp;Ұлттық киімдерге көнеден келе жатқан тек киім деп қарауға болмайды. Мұнда қазақтың тіршілігі мен танымы, терең тәрбиесі мен нағыз шеберлікті қажет ететін айшықты өнері жатыр. Расында ата-бабамыз киім тігу барысына аса қатты көңіл бөлген. Әр киімді киюдің өзіндік әдебі қалыптасқан. Тіпті киімге салынатын ою-өрнекке дейін жіті қадағалап, мағынасына терең үңілген. Ұлттық киімнің түрлерін дайындауда көшпелі қазақ халқы төрт түлiк малдың жүнi мен терiсiн пайдаланған. Жүндi иiрiп, мал терісін илеп, күнделікті киетін киімдерін дайындаған.Бірақ қазіргі таңда қолжетімділік артып, шикізатты тек жүннен емес, өзге де тауар түрлерінен тұтынушылардың талғамына сай, сұранысына бейімдеп әзірлеуге мүмкіндік мол.&nbsp;Осы мүмкіндіктерді пайдаланып, бүгінде ұлттық киімдерге жаңаша сән беріп отырған тігінші Тұрсын Жәнібекова. Жас кәсіпкер жаңа үлгідегі ұлттық киімдерді әзірлеудің тілін терең меңгерген. Осы салада жүргеніне 2 жыл ғана уақыт өтсе де, шебердің қолынан шыққан дүниелерге сұраныс өте жоғары.«Балапан ұяда не көрсе, өскенде соны алады» демейді ме?! Тәлімі мол тәмсіл Тұрсынның да осы салаға келуіне қозғаушы болған. Бала күнінен әжесі мен анасының жанында отырып, көрпе, құрақ құрауды, көйлек тігуді үйреніп өсті. Кейіннен мектеп қабырғасында жүріп моншақпен жұмыс істеуге машықтанған ол бала күнгі қызығушылығын кәсіпке айналдыруды ойлады.Арманның ақиқатқа айналуын ойлаған тігінші аудандық кәсіпкерлер палатасының кеңесімен өз жұмысын бастады. Мемлекеттің қолдауынан жігерленген Тұрсын жай ғана тігін тігумен емес, ұлттық нақыштағы дүниелер жасауды мақсат етті. Осылайша ұлттық киімдерге ден қойды. Ал былтыр «Бастау Бизнес» жобасы аясында LUNEVIL кестесі негізінде ұлттық киім тігу бағыты бойынша 1 225 200 теңге грантты жеңіп алған кәсіпкер «Бұл жастарға берілген үлкен мүмкіндік. Әркім өз кәсібін бастауға ниетті. Ал сол кәсіпті бастап, кейіннен түрлі қиындықтарға байланысты жарты жолдан тастап кетіп жатқандары қаншама. Оларды естіп, көріп жүрміз. Бірақ жас кәсіпкерлерге берілген қайтарымсыз грант осы қиындықтың нақты шешімі дер едім. Өйткені өз жұмысымды одан әрі дамытуды ойлап жүрген маған үлкен көмек болды. Қажетті техникаларды алдым. Олар маған бұрынғыдан да көп мүмкіндіктер сыйлады» дейді. Мәселен, ұлттығымызды танытатын киімдерді атай қалсақ, алдымен қазақтың түрлі ою-өрнегі мен кестелері еске түсе кетеді. Бірақ оның киімге қондыру үшін көптеген функциялар жасалуы қажет. Ал арнайы техникалар мен машиналар осы функцияларды орындауды жеңілдетіп, тапсырыстың барынша тез дайындалуына жағдай тудырады.Сондай-ақ өз сөзінде Тұрсын Сарқұлқызы:<blockquote>&nbsp;Негізінен ұлттық нақыштағы киімдердің салтанат құратын жері тойда екені жасырын емес қой. Талай қиындықтардан өтсек те, еліміз халықтың қазынасы саналған тойда қазақ деген ұлттың қандай боларын анық көрсетіп келді. Әлі күнге дейін солай. Қыз ұзатуға арналған ұлттық киімдерге өте көп тапсырыс түседі. Сонымен қатар тұсаукесер тойларына да тапсырыс беретіндер аз емес. Бірақ біздің ұлттық киімдеріміз тек осындай жерлерде қолданылады деп ойлауға да болмайды. Өйткені ұлттық нақыштағы заманауи киімдерді күнделікті тұтынғысы келетіндер бар. Әсіресе қыз балалар осы бағыттағы тапсырыстарды жиі береді. Қазіргі заманауи киімдерде ұлттық болмысымыздың көрініс табуы нағыз бақыт деп білемін, – деді.</blockquote>Жас кәсіпкердің алға қойған мақсаты да айқын. Алдағы уақытта «Сырғалым» брендімен көшшіліктің сұранысын орындағысы келеді. Қазақтың әрбір сырғалысы осы брендтің өнімін пайдаланып жатса, ауданның абыройы, кейіпкеріміздің бақыты емес пе?!"Шебердің инесі де, күймесі де – алтын" демекші, тапсырыс берушінің талғамына сай келетін ұлттық киімнің қалай дайындалатынын өте жақсы білетін Тұрсыннан алдағы уақытта тек жақсы жаңалықтар күтеміз.

Ұлттық киімді насихаттап келе жатқан кәсіпкер

<a href="https://kyzylorda-news.kz/">Kyzylorda-news.kz.</a> Қазіргі қоғамдағы ең өзекті мәселе бұқаралық спортты дамыту және жастарды спортқа көптеп тарту. Бұған байланысты мемлекет тарапынан арнайы бағдарламалар түзіліп және сол бойынша түрлі шаралар қолға алына бастады. Нәтижесі де жаман емес. Соның дәлелі ретінде біздің ауданымызды айтуға болады.&nbsp;Расымен, Жалағашта соңғы жылдары спорт саласында айтарлықтай серпін бар, оны мойындауымыз керек және онда «Наркескен» спорт клубының өзіндік қолтаңбасы барын да ешкім жоққа шығара алмас. Иә, аталған мекеменің жұмысы бүгінде бір ізге түскен. Оны ауданда "Наркескеннің" бастамасымен қолға алынған үлкен додаларға, жалпы ауқымы кең спорттық жарыстардағы нәтижесіне үңілген адам оңай аңғарады. Бүгін дәл осы мекеменің бастамасымен қолға алынған тағы бір жарыстың куәсі болдық. Мемлекет және қоғам қайраткері Темірбек Жүргеновтың 125 жылдығына орай баскетболдан аудандық турнир өтті. Кент және ауылдық округтерден келген спортшылар арасындағы бәсеке тартысты болды. Шараны аудан әкімінің орынбасары Ғани Сүлейменов ашып, қатысушыларға сәттілік тіледі.&nbsp;<blockquote>«Бүгінгі спорттық шараның маңызы зор. Бір жағынан бұл мемлекет және қоғам қайраткері, ұлт зиялысы Темірбек Жүргеновтың 125 жылдығына орай ұйымдастырылып отыр. Жалпы Темірбек Қараұлының 125 жылдығы түркі әлемінде аталып өтіледі. Туған жері Жалағаш ауданында бірқатар шара қолға алынған. Бүгінгі спорттық сайысты соның бірі де бірегейі деп қарауға болады. Қатысушыларға сәттілік тілеймін, спортты серік еткен өздеріңіздей жастар мемлекеттің өркендеуіне еңбек ете береді деп сенемін», – деді Ғани Кенжеғараұлы.</blockquote>Мұнан кейін кент және ауылдық округтерден келген командалар жеребе бойынша қай топқа қай команда баратынын анықтады. Осылайша 12 команда 4 топ бойынша сайысып, өзара мықтыны анықтады. Жарыстың шымылдығы «Наркескен» мен «Таң ауылы» командалары арасында ойынмен ашылды. Бұл кездесуде орталық жігіттері қонақтарды кешірмеді. Осылайша 34:10 есебімен «Наркескен» басым болды. Мұнан кейін келесі топтағы аудандық полиция бөлімінің жігіттерінен құралған команда мен «Қаракеткен» командасы өзара мықтыны анықтады. Бұл кездесуде ауылдың жігіттері 15 ұпай айырмашылықпен алға шықты.&nbsp;Кент орталығындағы №201 мен №123 мектеп-лицейі арасындағы тартысты бәсекеде мемлекет және қоғам қайраткері атындағы білім ошағының бәсі биік болды. Ал «Жалағаш жастары» мәдениеттің жігіттерін 40:2 есебімен шаң қаптырды. Басқа да командалар арасындағы ойын тартысты өтті. Қорытындысында 4 топтан 4 команда шығып, жартылай финалда Есет батырдың жігіттері мен «Наркескен» командасы ақтық мәренің жолдамасын сарапқа салды. Аламесектен келген қонақтар қарсыласын 22:15 есебімен жеңіп, ақтық мәреге өтті. Ақсу ауылынан келген жігіттер мен №123 мектеп-лицейінен келген команда арасында ақсулықтардың бағы басым болды. Осылайша ақтық мәреде «Ақсу» мен «Есет батыр» командасы кубокты сарапқа салса, «Наркескен» мен «123 мектеп-лицейі» командасы 3 орынға таласты.&nbsp;Жарыс қорытындысымен Есет батырдың жігіттері бас жүлдеге лайық деп танылды. Сондай-ақ олар кубок пен қаржылай 50 мың теңгеге ие болды. Ал ақтық мәреде оларға есе жіберген «Ақсу» командасына 30 мың теңгенің сертификаты табысталды. Үшінші орынға «Наркескен» командасы лайық деп танылды. &nbsp; &nbsp;Жалпы, ауданда спорттың бұл түріне қатысты әңгіме өрбісе, Есет батыр ауылының аты қатар айтылады. Бұдан Аламесктегі жастардың баскетболға бейім екенін түсіне қоямыз. Бүгінгі турнирде де ауылдың жігіттері топ жарды. Кент және ауылдық округтерден келген командалар арасынан қарсылас шақ келтірмеген Ақарықтың жігіттері осылайша ауылға олжамен оралып отыр. Жарысты басынан аяғына дейін тамашалап, тақым қысып, жанкүйер болдық. Расында жігіттер бабында тұр. Тіпті алды 35-тен асса да, Бекет Әйтімовтың қимылына қарап, командадағы жастардан жас айырмашылығын аңғару қиын танымайтындарға. Одан кейінгі алды Мақсат Өмірзақ, басқа да команда мүшелері де қарап қалмады.

Жалағашта баскетболдан турнир өтті

<a href="https://kyzylorda-news.kz/">Kyzylorda-news.kz.</a> Спорт адам өмірінің бір бөлшегі. Сондықтан спортпен шұғылдану ісі жеке адамдар үшін ғана емес, жалпыхалықтық сипат алуы тиіс. Спорт – өмір, спорт – денсаулық, спорт – абырой. Бүгінде Жалағаш ауданында спорт саласы жанданып келеді. Әсіресе, жасөспірімдердің спортқа деген қызығушылығы артқан. Спорттың әр түрінен республикалық, халықаралық, әлемдік бәскелерде жоғары жетістікке жетіп, жеңіс тұғырынан көрініп жүрген жеткіншектер ауданымыздың абыройы. Өзге елде өз ұлтын, халқын танытқан жеңімпаздармен біз қашанда мақтанамыз, оларды құрмет тұтамыз. &nbsp; &nbsp; &nbsp; &nbsp;&nbsp;Жуырда жас спортшыларымыздың қоржыны тағы бір жүлдемен толықты. №13 олимпиадалық резервтің мамандандырылған балалар және жасөспірімдер мектебінің волейболдан жаттықтырушысы Ләззат Әбдіқалықованың шәкірттері республикалық командалық жарыста жеңімпаз атанды.Шымкент қаласында өткен қыстық чемпионатта жалағаштық волейболшы қыздар облыс құрамасы қатарында жүлделі бірінші орынды иеленді. “Жеңімпаз атану оңай, сол тұғырды ұстап қалу қиын” демекші, волейболшы қыздар көктемгі өтетін ел біріншілігіне де тыңғылықты дайындалған. Ыждағаттылық пен еңбектің арқасында Ұлыстың ұлы күні қарсаңында Өскемен қаласында волейболдан өткен 2010-2011 жылдары аралығындағы қыздар арасында көктемгі ел біріншілігінде Ақпейіл Маратқызы мен Назым Қанибай аймақ құрамасы қатарында өнер көрсетіп, бас жүлдені жеңіп алды. Осылайша өңіріміздің қайсар қыздары Сыр елінің мерейін тағы бір мәрте үстем етті.&nbsp;Аталған жарыста республиканың түк¬пір-түкпкірінен келген 21 команда бақ сынаған. Волейболдан облыстың құра¬масына ену оңай шаруа емес секілді. Ол үшін спортшы бірнеше жарыста бой көрсетіп, әдемі ойын мен чемпиондық мінезді көрсету керек. Ақпейіл мен Назым да өткен жылы күзде облыс құрама бапкерінің шақыртуымен команданың бірлескен жаттығуына қатысыпты. Содан бері жеңімпаз қос қарындасымыз бірде-бір жарысты қалдырмай қатысып, қысқа уақыттың ішінде мол тәжірибе жинақтаған.&nbsp;Жалпы, бұл спорт түрінен ел біріншілігі жылына 4 рет, яғни әр мезгіл сайын өтіп тұрады. Осылайша күзде Хромтау қаласында өткен республикалық жарыста Ақпейіл мен Назым бірінші рет облыстық команда қатарында ойнап, бесінші орынды місе тұтқан. Иә, жаттықтырушы да, спортшы қыздар да жеңістің оңай жолмен келмейтінін жақсы түсінеді.– Жарысқа барысында спортшыларымыз барын салып, терін төкті. Әрине, республиканың түкпір-түкпірінен жиналған қарсыластар осал емес. Бәрінің мақсаты – чемпион болу. Сондықтан өрендерге жеңіс оңай келмеді, – дейді білікті бапкер Ләззат Әбдіқалықова.&nbsp;Иә, жиырма жылдан аса уақыт жаттықтырушы болып еңбек етіп келе жатқан Ләззат ауданымызда бірнеше қайсар да қабілетті спортшы қыздарды, чемпиондарды тәрбиелеп, аудан спортының дамуына елеулі үлес қосып келеді.&nbsp;<blockquote>«Шүкір, ауданымыз мықты спортшылардан кенде емес. Спорттың тілімен айтсақ, өсіп келе жатқан жүйріктерге тәртіп пен төзімділік керек. Оның барлығы үйдегі ата-ана мен мектептегі ұстазды сыйлаудан басталады. Оған спортта жүрген бапкерлерді де қоса аламыз. Әрбір жаттықтырушы шәкіртінің жаман болғанын қаламайды, ерсі қылық жасауына жол бермейді. Сосын әрбір спортшы алдына мақсат қойып, әрдайым өзін бабында ұстап, бос уақытты құр өткізбей, жаттығу жасап, залда болуы қажет. Өйткені барлық жетістік, жеңіс төккен тердің, еткен еңбектің арқасында келеді. Санадағы қорқынышты сылып тастап, психологиялық тұрғыдан мықты болуы шарт. Сонда ғана барлығы оңынан болады. Айналып келгенде жаттықтырушымен тығыз байланыста болып, берілген тапсырманы артығымен орындау қажет. Соның барлығы тәртіппен келеді. Көріп тұрғаныңыздай, бүгінде еңбегім елеусіз емес, жетістігіміз жетерлік, шәкірттерім жүлдемен оралып жүр», – дейді Ләззат Әбдіқалықова.</blockquote>Айта кетейік, 2019 жылы Жаңақорғанда өткен 2006-2007 жылғы жасөспірімдер арасындағы сайыста воллейболшы қыздар үздік үштікке ілінді. Ал, Ақерке деген шәкірті облыс құрамасына еніп, Петропавл қаласындағы республикалық жарысқа қатысып, жүлделі орынға ие болған. Сондай-ақ былтыр Талдықорған қаласында өткен ауыл жасөспірімдерінің ойындарында облыс құрамасына енген шәкірті Нұрсұлу Мырзаш та жүлделі І орынды иеленген. Осылайша Нұрсұлу спорт шеберіне кандидат дәрежесін қорғап, аудан тарихында волейболдан бірінші рет осындай үлкен жетістікке жеткен қыздың бірі болды. Ақпейіл мен Назым да жеңімпаз апаларының жолымен жүруді мақсат етіп, еліміздің көк туын әлемдік додаларда желбіретуді көздейді.Айта кетейік, бүгінде болашағынан үлкен үміт күтіп отырған Ақпейіл Маратқызы №202 орта мектептің, ал Назым Қанибай 246 орта мектептің озат оқушылары. Жеңімпаз қыздар тек спортта ғана емес, мектеп қабырғасында да түрлі танымдық шараларда бой көрсетіп жүрген белсенді оқушылар қатарында екен.Кез келген мықты спортшының артында білікті бапкер мен жанкешті жат-тықтырушы тұратыны анық. Жеңіс пен жеңілісті спортшымен бірдей көтеретін мамандар көп жағдайда көзден тасада қалып жатады. Жаттықтырушы спортшының спортқа деген алғашқы қадамын басқызып, кәсіби спорттағы жолын бағдарлап, нағыз спортшы ретінде қалыптастыруға негіз болады. Түптеп келгенде, спортшыны жеңіске де, жеңіліске де жетелейтін жаттықтырушы болып табылады. Тәлімгерлік – көзге көріне бермейтін жұмыс. Осы орайда біз таудай жауапкершілік, асыл үміт пен мықты сенімді бірдей арқалаған Ләззат Әбдіқа¬лықова мен талапты да талантты шәкірттері өңіріміздің абыройын әлі де асқақтатарына сенеміз.

Қазақстан және Қызылорда облысының жаңалықтары