<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының сарапшылары тегін медициналық көмектің кепілдік берілген көлемі және міндетті әлеуметтік медициналық сақтандыру аясында жеткізушілер көрсеткен қызметтердің сапасы мен көлеміне тұрақты түрде мониторинг жүргізеді.&nbsp;Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов хабарлағандай, 2022 жылғы мониторинг нәтижелері бойынша сарапшылар 95 мыңнан астам ақауларды анықтады. Салыстырар болсақ, 2021 жылы бұл көрсеткіш 67 мыңды құраған еді. Оның ішінде 26 млн теңгеге 5 073 көрсетілмеген қызмет көрсетілді деп жазылған.&nbsp;Медициналық көмек түрлеріне жіктеп айтсақ, 10 медициналық мекмелер бойынша жалған жазбалардың барлығы жан басына шаққандағы кешенді нормативтен тыс консультациялық-диагностикалық қызметтерге тиесілі (100%). Оның 8-і (80%) – мемлекеттік, 2-і (20%) – жекеменшік.«Құқық бұзған» денсаулық сақтау субъектілеріне қатысты айыппұл санкциялары қолданылды. Көрсетілетін қызметтердің қолжетімділігі мен сапасы тұрғысынан медициналық ұйымдардың міндеттемелері шарттық қатынастардың маңызды бөлігі болып саналады және Қор олардың орындалуын талап етуге құқылы.&nbsp;Сондай-ақ Қор жеткізушілері тегін медициналық көмектің кепілдік берілген көлемі және міндетті әлеуметтік медициналық сақтандыру пакеттері аясында көрсетілген медициналық қызметтерге ақы төлеу аталған қызметтердің сапасы мен көлеміне мониторинг жүргізілгеннен кейін ғана жүзеге асырылатынын атап өткен жөн. Яғни, медициналық көмек көрсетудің стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған ақылы қызметтер ғана төленеді.Егер пациент жалған жазбаны өздігінен анықтаса, бұл туралы медициналық сақтандыру қорына хабарлауы қажет. Қордың fms.kz ресми сайтына, Qoldau 24/7 мобильді қосымшасы арқылы немесе 1406 телефонына хабарласып, шағым немесе өтініш қалдыруға болады.<figure class="image"><img src="https://knadmin.beoblood.kz/uploads/6_c59a1a097e.jpg" alt="6.jpg"></figure>&nbsp;

МӘМС: Қызылордалық сарапшылар 5 мыңнан астам жалған мәліметті анықтады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбек ауданда карьерлер қазу қызметімен айналысатын «АНК-Дәулет» жауапкершілігі шектеулі серіктестігінің жұмысымен танысты. &nbsp;Қазіргі таңда серіктестік 60-қа жуық адамды жұмыспен қамтып отыр. Жауапкершілігі шектеулі серіктестіктің төрағасы - Дәулет Қанатбай. Ауыз толтырып айтуға тұрарлық жобалардың басы-қасында жүрген серіктестік төрағасы Қармақшы ауданының басшысы Жандос Еркінбекке кәсіпорынның өңдеу саласына да бетбұрыс жасағаны жайында айтып, кәсіпорынның қазіргі жұмыстарымен таныстырды. Оның ішінде сплиттерлік блоктар өндірісін жолға қойып, алдағы уақытта газоблок өндірісі жобасын іске асыруды жоспарлап отырғандығын жеткізді.&nbsp;Бүгінгі күні жобаны «Микробизнес-Қызылорда» бағдарламасы шеңберінде 60 млн теңгеге несиелендіру мақұлданған екен. Жобаның жалпы құны 120 миллион теңгені құрайды. Алдағы уақытта жоба іске асырылған жағдайда қосымша 10 адамды жұмыспен қамту жоспарланып отыр.Қармақшы ауданы әкімі Жандос Еркінбек өз кезегінде серіктестік төрағасының кәсібіне береке, жаңа бастамаларына табыс тіледі. Алдағы уақытта жаңа жобалар бастамасын тауып, істер ілкімді болмақ.<img src="https://knadmin.beoblood.kz/uploads/zhpp_8996fc5e42.jpg" alt="жпп.jpg">&nbsp;

Қармақшыда құны 120 миллион тұратын жоба іске асырылмақ

<a href="https://kyzylorda-news.kz/">Kyzylorda-news.kz.</a> Қармақшы ауданы, Жосалы кентінде тазалық жайы жиі көтеріліп жүр. Аудан болып сенбілікке шыққанмен, әр бұрйышта жататын қоқыстың қарасы азаяр емес. Осыған орай талапты күшейткен Жосалы кентінің әкімшілігі қоқыс тастағандарды анықтап, аудандық полиция бөліміне жолдап отыр.<blockquote>«Қоғамның тазалығы әрбір адамның жеке басының тазалығына мән беруінен басталады. Кез келген тазалық адамның өз бойынан көрініс тапса, өзгеге де, балаларына да сонысымен үлгі бола алады. «Бірінші байлық – денсаулық» деп жатады, ал денсаулықтың кепілі - тазалық. &nbsp;«Жаман жерді баспа», «Лас су төккен жерді баспа» , «Күлді баспа» деген қазақтың ырымдарының өзі тазалыққа негізделген. Себебі, лас жерді басқан адамның аяғымен үйге жаманшылық келеді, жеке басының жолы болмай, кәсібі кері кетуі мүмкін, немесе ауру жабысады деп ырымдаған. Ырым болғанымен оның түп-тамыры шындыққа негізделген, тәрбиелік мәні бар қағида. &nbsp;Қазақта «Жұғын бар жерде – шыбын бар, шыбын бар жерде – шығын бар», «Тазалық бар жерде береке бар» деп, қоқыс болған жерде шыбын болатынын, шыбын болған жерде түрлі ауру болатынын, ал тазалық бар жерге ырыс пен береке, бақ пен дәулеттің қонатынын астарлап ескертсе керек. Бірақ, бүгінде осы ырымдар мен мағыналы сөздердің мәні қалмаған тәрізді. Себебі, кейбір тұрғындарымыздың қазіргі іс-әрекеттері осыны дәлелдеп отыр. Көшелерге үйінен шыққан тамақтың қалдығы мен баланың жөргегін араластырып қапқа салып, толтырып қояды. Оны қаңғыбас ит пен мысық айналдыра шашып, керегін жеп кетеді. Болмаса үйінен шығады да кірдің суын жаяу жүргінші жолына немесе аяқ су арығының ішіне төге салады. Сол көшенің бойымен күнде өздері, болмаса балалары жүреді. Бірақ, ластанған көшені басып үйіне жағымсыз энергия әкелетінін, ырзық-несібесінен қағылатынын, бойына ауру жұқтыратынына аса мән бермесе керек. Ал, көктем мезгілі түрлі ауру қоздырғыштардың пайда болатын уақыты. Барлық адам дені сау болып, ұзақ өмір сүріп, ұрпағының қызығын көргісі келеді. Әсіресе адам өміріне қоршаған орта тазалығының әсері мол. Сондықтан, тазалық жоқ жерде ауа ластанып, бірінші денсаулығы сыр беріп, өмір сүру ұзақтығы қысқаратынын саналы адам ұғынуы тиіс» дейді Жосалы кенті әкімшілігінің мамандары.</blockquote>Жосалы кентінің әкімшілігі осындай үйінен шыққан қоқысын қапқа салып, көшеге тастаған бірнеше құқық бұзушылықты анықтап, заңға сәйкес айыппұл салуға аудандық полиция бөліміне жолдап жатыр. Дегенмен, әлі де тыйылмай тұр дейді мамандар. 10 сәуір күні дәл осы құқық бұзушылықпен тағы да екі азаматқа айыппұл салынған. Алдағы уақытта мұндай жұмыстар жалғасын таба бермек. &nbsp;

Жосалы кентінде қоқыс тастағандар айыппұл арқалауда

<a href="https://kyzylorda-news.kz/">Kyzylorda-news.kz.</a> Сенбілік жұмыстары тек денсаулықтың кепілі ғана емес, экологиялық апаттардың алдын алатын маңызды шаралардың бірі. Сондықтан адамзат баласының қалыпты тіршілігі үшін жеке басының тазалығынан бастап, өзі өмір сүріп отырған айналасының, қоршаған ортасының тазалығы аса маңызды. Санитарлық-тазалық жұмыстары кент іші мен ауылдық окургтерде жыл он екі ай жүрсе де артық емес. Біз бұл тұрғыда көшелерді тазалауды және қаланы, кентті, ауылды көркейтіп, көгалдандыру жұмыстары тек арнайы мекемелер мен көше тазалықшыларының мойындарына артылған деген түсініктен арылуға тиіспіз. Әрбір тұрғын тазалыққа жауапты. Тіпті бұл жауапкершілік есі кірген баладан бастап, еңкейген қарияға дейін сұралуы тиіс. Басқа, басқа, дәл осы қоршаған ортаның тазалығына келгенде талапты күшейтіп, тәртіпті қатайту керек.Жапондардың ұғымына сіңіп, өмір салтына айналып кеткен екі ұстанымы бар көрінеді. Оның бірі – айналаны ластамау, екіншісі – бір-бірінің уақытын ұрламау. Ол елде осы екі &nbsp;ұстанымнан ауытқыған кез келген адам қылмыскер саналады екен. Мүмкін, күншығыс елінің дамуына осындай ұлттық ерекшеліктерінің әсері бар шығар. Біздің де осындай ұстаныммен өмір сүретін кез келді және ол аса қиындық туғызбайды. Өз аулаңды таза ұста, бау-бақша ек, көшеңді де таза ұста, саялы ағаш өсіріп, күтіп-баптап жайқалтып қой және көршілеріңнен де соны қатаң түрде талап ет. Болды! Ешқандай қиындығы жоқ. Есесіне, өзің таза ауамен еркін тыныстап, жақсы да, жайлы өмір сүресің, ұрпағыңа да жайлы өмір жасайсың.&nbsp;Тазалық әр адамның өзінен басталады. Ауласын таза ұстаған адам – ауылының тазалығына үлес қосады, ауылын көркейткен адам, қаланың гүлденуіне үлес қосады, қаланы абаттандырып, гүлзарға айналдырған адам елінің жасыл желекке айналуына үлес қосады. Қысқасы, қоршаған ортаның тепе-теңдігін сақтау, табиғатты қорғау, экологиялық апаттардың алдын алу тікелей адамзаттың өзіне байланысты. Айналаны күл-қоқыспен ластап, құрлықты да, суды да зиянды қалдықтармен бүлдіріп, экологиялық апаттардың туындауына себепші болып отырған адамзаттың өзі. Бірақ біз оны әуелі Алладан, содан соң бір-бірімізден көріп, жауапкершіліктен сытылып кеткіміз келеді...&nbsp;Қазірде көктем мезгілі. Ағаштар көктеп, жер көгерді. Жақын арада көше бойындағы арықтарға су келеді. Оған дейін арықтардың іші күл-қоқыстан арылып, аяқ су арнасы кеңейіп қазылуы керек. Олай болмаған жағдайда жолы жабылып, тоғанға тіреліп толған су арықтың ернеуінен тасып, көшеге жайылып, ысырап болады және көліктер мен жаяу жүргіншілерге кедергі келтіреді. Сондықтан кенттің әрбір тұрғыны үйінің маңайындағы су жүретін арықтарды тазалап, қазып қойғандары жөн. Сосын тағы бір айта кететін жайт, үйлеріне күрделі жөндеу жүргізген немесе жаңадан үй салып жатқан кейбір тұрғындар құм, тас секілді құрылыс заттарын көше бойындағы тротуардың үстіне түсіріп, жаяу жүргіншілердің жолына бөгет болып, әрлі-берлі өтуіне кедергі келтіреді. Бұл санитарлық-тазалық сөз болғанда ең алдымен ескеретін мәселе. Өйткені тротуар жабылса, жүргіншілердің амалсыз көшемен жүруіне тура келеді де, көлік қозғалысында қауіп-қатер туындайды. &nbsp;Кеше кент ішінде кезекті сенбілік жұмыстары жүргізілді. Әдеттегідей барлық мекеме қызметкерлері белсенді түрде қатысты. Айта кету керек, соңғы уақытта ерікті түрде сенбілікке қатысатын тұрғындарды да көзіміз шалып қалып жүр. Сонымен бірге тротуар бойымен әрлі-берлі өтіп жатқандардың арасынан көшеде жатқан қоқыстарды теріп алып кететіндерді көргенде ішіміз жылып қалады. Әрине бұл қуанарлық жайт. Тазалыққа деген дағды осылай қалыптасады.&nbsp;Сонымен өткен сенбілікке барлығы 72 мекемеден 925 адам қатысып, 4 тасымалдауышы техника жұмылдырылды. Кент орталығы мен Дәуімбай елді мекеніндегі Абай, Бұқарбай батыр, Желтоқсан, М.Шәменов, Н.Мырзалиев, Өмірбай шешен, Жеңістің 50 жылдығы, Қазыбек би, Әйтеке би, Т.Жүргенов, Нысанбай жырау, А.Ізтілеуова, Сәрке батыр, Т.Қыстаубаев, Н.Алмағамбетов секілді 14 көше мен «Тағзым» және «И.Қабылов атындағы» саябақтың іші тазартылды. Жеті жарым шақырым көмілген арықтар аршылып, 300 түп түрлі ағаштың көшеті отырғызылды. Сенбілікке қатысқандардың еңбегінің нәтижесінде 120м3 (30 тонна) күл-қоқыс арнайы орындарға шығарылды.&nbsp;Кент әкімі Мардан Жамалатовтың айтуынша, сәуірдің жиырмасына таяу кент ішіне аяқ су жіберіледі. Ал аяқ су шықпайтын биік жерлерге арнайы қысымды құрылғылармен су көтеру жоспарланып отыр екен. Яғни үш жаңа насос іске қосылады. Сондықтан тұрғындар осы бастан ауласындағы бау-бақшасының орнын даярлап, үйінің айналасына жеміс ағаштарының және жасыл желекке айналатын саялы ағаштың көшеттерін егіп қойса, бірер жылда ыстықтан көлеңкелеп, жемісін жейтіні анық.&nbsp;Арнайы тоқталғанды жөн көрдік, өткен сенбілікте Дәуімбай елді мекеніндегі Ақпан батыр көшесінде де (бұрынғы Ы.Алтынсарин тұйығы) ерекше санитарлық-тазалық және көркейту-көгалдандыру жұмыстары жүрді. Нақтырақ айтсақ, Ақпан батыр Жұмырұлының еліміздің әр өңірінде тұратын ұрпақтары жиналып, аталған көшенің бойын тазалады, ұзақ жылдан бері аяқ су келмей, көміліп қалған арықтарын қазды және көшенің екі қапталына көшет отырғызып, шарбақпен қоршады. Шын мәнінде бұны тек кезекті сенбілік қана емес, тағылымды шара деуге болады.&nbsp;<blockquote>«Тазалық, көркейту-көгалдандыру жұмыстары баршамызға ортақ. Әр сенбілікке тұрғындар ерікті түрде қатысып, білек сыбанып жұмыс істеуі керек. Өйткені бұл жалпыхалықтық іс. Ал мұндай игілікті іс жұмыла кіріскенде ғана нәтижелі болады. Өткен сенбіде Ақпан батыр Жұмырұлы атындағы көшені күл-қоқыстан тазартып, арығын қазып, көгалдандыру жұмысын бастадық. Оған батырдың қалада, далада тұратын барлық ұрпақтары мүмкіндігінше қатысып, атсалысты. Бұл бір күндік жұмыс қана емес, алдағы уақытта бұл үрдіске айналады. Тағы бір айта кететін жайт, бұл жерден рушылдық сипат іздеудің де қажеті жоқ, қазақ халқының азаттығы, келешегі үшін күрескен батыр бабаларымыздың барлығы да біз үшін бірдей, олардың ерлігі ұрпағымызға үлгі. Біз тек игілікті іске бастамашы ғанамыз. Келешекте бұл тазалық шарасы жалпыхалықтық сипат алады. Біздің мақсатымыз жастарды еңбекке баулып, тәрбиелеу әрі өзіміз өмір сүріп отырған ортамызды таза ұстау, көркейту», – дейді ардагер Өтеген Нұғыманұлы.</blockquote>

Жалағаш: Сенбілікте 300 түп түрлі ағаш көшеті отырғызылды

<a href="https://kyzylorda-news.kz/">Kyzylorda-news.kz.</a> Аралдың қос бренді бар. Біз айтпай-ақ белгілі дүниелер ол. Оның бірі – "Аралтұздың" ақ алтыны болса, екіншісі – теңіз маржаны. Расында алақандай ғана Аралды әлемге әйгілі етіп, жаһан жұртшылығына танытып отырған осы екі өнім қазірде аудан экономикасының артуына айтарлықтай серпін беріп отыр. Біз кездері табаны сортаңға айналған теңіздің қасіретін тартқан жұрт бүгінде сол кәсіпті қайта түлетіп, балығымыздың балдай дәмі шетел асып жатқаны көңіл қуантады. Бұл да болса мемлекеттің қолдауымен, халықтың тынымсыз тіршілігі, таудай талабының арқасында қол жеткізген нәтиже.Расында солай – үлкен нәтиже. Тоқтала кетер болсақ, биылғы жылдың алғашқы алты айының есебі бойынша аудандағы өнеркәсіп орындары 11,1 млрд теңге болатын өнім өндірсе, өндірілген өнімдердің 70,0 %-і өңдеу өнеркәсібіне тиесілі. Есепті мерзімдегі өңдеу өнеркәсібінің өсімі 42,7 пайызды құрады. Нақты айтар болсақ, 6 ай мерзімде аудан бойынша барлығы 361,8 мың тонна тұз, 141,8 мың тонна йодталған тұз, 54,3 мың шаршы метр табиғи құм қазылып, 156 тонна ет, 640 тонна нан және нан өнімдері өндірілген болса, 2121 тонна балық та осы өндірістің қатарына кіреді.Балық аулау лимиті биылғы жылға 7430 тонна балық болып бекітілген. Жарты жылдың ішінде оның 6590 тоннасы ауланып, 1600 тонна балық өнімдері өңделді. Мұнан бөлек жылдық қуаттылығы 23 900 тоннадан астам 9 балық өңдеу зауыты жұмыс істейді. Олардың қатарында «Еврокод» белгісін «Арал балық өңдеу зауыты» және «Арал сервистік дайындау орталығы» ЖШС алғаны осы уақытқа дейін де айтылып жүр.Балық шаруашылығын дамытудың 2021-2030 жылдарға арналған өңірлік бағдарламасына сәйкес ауданға қатысты тауарлық балық өндірісін ұлғайту үшін Ақшатау-Сорғақ, Домалақ, Тұщы, Қаракөл, Алаша, Ақбілек және Шөмішкөл 7 тауарлы көлі тізімге енген. Қазіргі таңда осы бағдарламаны іске асыру шеңберінде тізімге енгізілген көлдердің каналдарын тазалау, қажетті жерлерге гидротехникалық құрылыстарын салу және электр желілерін жеткізу бойынша жұмыстар жүргізілуде. Сонымен қатар тауарлы балық шаруашылығын дамыту мақсатында биылғы жылы 3 тоған шаруашылығын іске қосу жоспарға енгізілді. Аталған жобалар жүзеге асқан жағдайда ішкі нарық тұрақты балық өнімдерімен қамтамасыз етіледі.Осы тұста балық шаруашылығы тек оны аулаумен ғана шектелмейтінін ұмытпаған жөн. Сондықтан балық өсіру де ауданның басты міндеттерінің бірі болып отыр. Қазіргі уақытта бұл бағытта да айтарлықтай ауқымды жұмыстар жасалып, жолға қойылған. Соның бір дәлелі Ерімбетжағадағы тоған десек болады.Иә, шалыс естімедіңіз. Кәдімгі Қарақұм қойнауындағы Ерімбетжағаны айтып отырмыз. Ысылдаған бұйрат құмдардың арасында балық өсіріп жатқан Шалғынбай Алматбаев дейтін азамат бар. Тоған жұмысының тынысын білу үшін кәсіпкердің өзімен тілдестік.<blockquote>&nbsp;Ауылдағы шағын ғана көл бос жатыр. Ол көлдің де қалай пайда болғаны бөлек әңгіме. Бірақ осы көлді неге ел игілігіне игермеске деген ой келді. Іс жүзінде жүзеге асыруға талап қылдым. Осылайша 2019 жылы өз қаржыммен алғашқы болып жұмысты бастадым. Бірден табысқа жету, нәтижеге ұмтылу мүмкін емес қой. Теңізге барып, балық аулап, тірі балықтарды қалаға жеткіздім. Осы қаладан суды ауыстырып, тазалап, соны ауылға апарып, көлге жіберіп көрдім. Бір барғанда 10, келесіде 20-30 балықтан өсіріп көрдім. Жаз мезгілі қиындық тудырмады. Бірақ қыста "әлде қалай болады?" деп қорықтым. Қатқан мұзды ойып, қарап тұрдым. Келер жылы балықтар мұздың астында жүріп те өсті. Тіпті уылдырық шашты. Кейін Қамыстыбас балық питомнигінен де балық жеткізіп, соны өсірдім. Қазіргі уақытта сазан, толстолоб, беломор, карп тектес балықтар өсіріп жатырмын, – дейді.</blockquote>Үш жыл ғана уақыт өтсе де қырдың өлкесіне Сырдың балығын өсіріп отырған Шалғынбай алдағы уақытта да бұл кәсібінің көкжиегін кеңейтуді көздейді. Бірақ әзірге тек уақыттың еншісіндегі жұмыс қана. Алдағы уақытта қолдау да болады деген ойдамыз. Себебі аудан әкімі Серік Сермағамбетов Ерімбетжағаға жасаған сапарында мұндай кәсіпті қолдауға қашан да дайын екенін айтқан болатын. Сондай-ақ Қазақстан Республикасының Экология, геология және табиғи ресурстар министрлігінің Балық шаруашылығы комитетінің төрағасы Нариман Жүнісов Арал ауданында іссапармен болған кезінде де тоғанның жұмысын оң бағалап кетті.Иә, мүмкін емес нәрсенің болмайтынын осыдан-ақ білуге болады. "Талапты ерге нұр жауар" деген осы. Өзінің сүйікті ісін істеген адам емес, өз ісін сүйіп істеген адам ғана жетістікке жетеді.

Арал ауданында өңдеу өнеркәсібінің өсімі 42,7 пайызды құрады

<a href="https://kyzylorda-news.kz/ru/">Kyzylorda-news.kz</a>. Біреуге спорт жай ғана ермек немесе белгілі бір жас аралығындағы кәсіп болып көрінер. Бірақ шын жан-тәнімен спортты сүйген жандардың жаны да сергек, бойы да сергек, ойы да жүйрік болады. Бұл істің куәсі болған адамдар арамызда да көп. Расында спорттың нәтижесінде жетістікке жеткен жандардың бірі – ардагер спортшы, аудандың осы бағытта дамуына бар қызметін арнаған – Ерболат Қараев. Қазірде зейнетке абыроймен шыққан азаматтың еңбек жолы көптеген спортшы жастарға үлгі боларлықтай.Ерболат Сағынбайұлы 1959 жылы 21 қаңтарда Арал қаласында дүниеге келген. 1966-1976 жылдар аралығында №177 қазақ орта мектепті &nbsp;бітіріп шыққан ол бала кезінен оянған қызығушылығын, арманын ақиқатқа айналдыру мақсатында спорттан алыстамады. 1977-1979 жылдары Кеңес армиясында болып, 1979-1980 жылдары ШЧ да электромонтер болып жұмыс жасады. 1980-1992 жылдар аралығында Арал ауданында БЖСМ 11 жылдан аса уақыт еркін күрестен жаттықтырушы болған ол, талай бозкілем мықтыларын тәрбиелеп шықты. Шәкірттері түрлі деңгейдегі жарыстарда олжа салып, бапкердің мерейін үстем етті. 1989-1994 жылдары кәсіби білімін жетілдерген Ерболат Қараев Қызылорда қаласында Қорқыт ата атындағы институтында денешынықтыру пәнінің мұғалімі мамандығын алып, еселі еңбегінің арқасында 1992-1993 жылдары Арал ауданында оқу ісі меңгерушісі болды. 1993-2008 жылдары Арал ауданындағы спорт мектебінің директоры қызметін атқарған ол, 2008 жылдан бастап зейнет жасына дейін Сексеуіл кентіндегі №20 Арал ауданының БЖСМ &nbsp;директоры қызметін абыроймен атқарды. Осы жылдар аралығында бапкерлігінен бөлек басшылық, ұйымдастырушылық қабілетімен көзге түсті. Оған осы еңбек еткен жылдар көлемінде 7 оқушысының ҚР чемпиондары мен жүлдегерлері болғаны дәлел бола алады.Ердің еңбегін қашан да ел біледі деген ғой. Ерболат ағамыздың да еңбегі елеусіз қалмады. 2011 жыл қазақтың батыр қыздары Әлия-Мәншүк атындағы &nbsp;спорттық-патриоттық клубы қоғамдық бірлестігі атынан осы клубтың құрылғанына 5 жыл толуына орай кеудесіне медаль тақса, Қызылорда облысына 70 жыл толуына орай да медаль тағылды. Мұнан бөлек 2009 жылы Қазақстан Күрес федерациясынан еркін және әйелдер күресінен Қазақстан Республикасы кубогының жоғары дәрежеде өтуіне қолғабыс тигізгені үшін, 2010 жылы Қызылорда облысында &nbsp;экологиялық туризмді дамыту &nbsp;мәселелері тақырыбында өткізілген семинар-кеңесті ұйымдастырып өткізуге атсалысқан үшін Қызылорда облысының туризм, дене шынықтыру және спорт басқармасынан, 2015 жылы Қазақстан Республикасы Ауған соғысы ардагерлер қауымдастығынан Алғыс хат-соғыс ардагерлерін еске алуға арналған аудандық жекелей біріншіліктің жоғары деңгейде өтуіне атсалысқаны &nbsp;үшін &nbsp;Алғыс хатымен марапатталса, 2018 жылы &nbsp;қайрымдылыққа үлес қосқаны үшін Арал &nbsp;аудандық &nbsp;мешітінің және еркін &nbsp;күрестен Мыңбай Құттыбайұлы мен Толыбай батырды еске алуға арналған қалааралық турнирін ұйымдастыруға қосқан зор үлесі үшін Сексеуіл кенті ардагерлер кеңесінің Алғыс хатын алды. 2019 жыл «Nur Otan» партиясы облыстық &nbsp;филиалы атынан «Nur Otan» партиясының 20 жылдық мерейтойына орай, кентте спорт саласының өсіп-өркендеуіне қосқан сүбелі &nbsp;үлесі үшін Сексеуіл кенті әкімінің &nbsp;Алғыс хаттарымен марапатталған. «Nur Otan» партиясы облыстық филиалы атынан да Алғысқа бөленді. Қазақстан Республикасы Президентін сайлау кезінде де ерекше атсалысып, «Nur Otan» партиясының сайлауалды іс-шараларына қатысып, азаматтық белсенділік танытқаны &nbsp;үшін Алғыс хат иеленді.Еңбегі аудан, облыс көлеміне ғана емес, республикаға танымал білікті бапкер, білімді басшы зейнетке шығар тұста Қызылорда облысының дене шынықтыру және спорт басқармасының Алғыс хатымен және қазақстандық салалақ мәдениет, спорт, туризм және ақпарат қызметкерлерінің кәсіптік одағының "Еңбек даңқы" төсбелгісімен марапатталды.<blockquote>Бүгінде зейнет демалысындағы ағамыз "Спорт – менің өмірімнің маңызды бір бөлшегі. Өзінің сүйікті ісін істеген адам бақытты емес, өз ісін сүйіп істеген адам бақытты дегендей, мен үшін ең бірінші орында тұрады. Кейінгі жастарға да спорттан алыстамауға кеңес беремін. Себебі келешек еліміздің, Жаңа Қазақстанның болашағы дені сау ұрпақтың қолында" дейді.</blockquote>

Ерболат Қараев: Жаңа Қазақстанның болашағы дені сау ұрпақтың қолында

<a href="https://kyzylorda-news.kz/">Kyzylorda-news.kz.</a> Қоғамдық сана қалыптасу үшін, уақыт талабына сай өзгеру үшін де оған ықпалды күш болады. Олар – өмірлік тәжірибесі бар аға буын. Қай қоғамда да алдыңғы аға буын өзінен кейінгілерге жол көрсетіп, бағыт береді. Қазақ қоғамында ол міндетті қариялар атқарыпты. Дала заңы бойынша ел ішіндегі екеуара немесе руаралық дау-дамайды әділ шешіп, жанжалдасқан екі тарапты мәмілеге келтіріп, татуластырыпты, тентек-теліні тезге салып, түзетіп отырыпты. Яғни қандай жағдайда да ақсақалдарымыз ел ішінің бірлігін сақтап қалуды көздеген.&nbsp;Қазір де ел ісінде ақсақалдардың үлес салмағы басым. Тәуелсіздіктен соң қоғамдық институттар қалыптасты. Солардың бірі – ақсақалдар кеңесі және бұл кеңес түрлі деңгейде нәтиежелі жұмыс істеп келеді. Десе де заманның өзгеруіне, қоғамның дамуына қарай жұмыс жүйесі де жаңаланып, жанданып отыруы тиіс.&nbsp;Жалағаш ауданы әкімдігі жанынан аудандық Қазақстан халқы Ассамблеясының ақсақалдар кеңесі құрылды. Бұл – Қазақстан халқы Ассамблеясы жанындағы консультативтік-кеңесші орган. Жуырда кеңестің алғашқы отырысы өтті. Кеңес құрамында жергілікті қоғамдастықтың ақсақалдары, этномәдени бірлестіктердің, үкіметтік емес ұйымдардың беделді, белсенді өкілдері, қоғамдық пікір көшбасшылары және аймағымызға белгілі зиялылар бар. Кеңес отырысын аудан әкімінің орынбасары Ғани Сүлейменов жүргізді.&nbsp;– Қай кезде де қоғамның локомативі – алдыңғы буын өкілдері, яғни елағалары мен ақсақалдар. Кейінгілерге бағыт беретін ақсақалдары бар елдің тыныштығы, бірлігі, ынтымағы бұзылмаған. Елімізде бұған дейін түрлі қоғамдық институттар құрылып, жұмыс жүргізіп келеді. Олар бүгінде бірлік пен тыныштықтың кепілі, жастар тәрбиесінің тиімді тетігіне айналды. Осы тұрғыдан қарасақ, бүгінгі құрылып отырған кеңестің де келешегіміз үшін маңызы зор, елдің тыныштығы мен бірлігі жолында атқаратын міндетінің салмағы бар, жұмысы да ауқымды. Кеңес құрамы да лайықты жасақталды.Президент Қасым-Жомарт Кемелұлы ел ішін аралап, халықпен кездескен сәттерінің бірінде «Қазақ қай заманда да төрде отырған үлкенді сыйлап, құрмет тұтқан, ақсақалдардың жөнді сөзіне тоқтам жасап, олардың ізіне ерген. Ал ауызы дуалы қарияларымыз бен ақсақалдарымыз қашанда елдің ұйытқысы болып, тату-лықты насихаттап, бірлікті сақтап отырған. Ендеше осы үрдісті әлі де жандандырып, бір жүйеге түсіру керек. Бәлкім кеңестерді Ассамблеяның жанына топтастыру керек шығар» деген еді.&nbsp;Міне, Мемлекет басшысының бұл ұсынысы халықтан қолдау тауып, қазіргі таңда барлық аймақта Қазақстан халқы Ассамблеясы жанынан Ақсақалдар кеңесі құрылып, жұмысын бастап кетті. Өздеріңізге белгілі, бүгінде Ассамблея еліміздің саяси өміріне әртүрлі қоғамдық, әлеуметтік саладағы қазақстандықтарды тарту мақсатында жаңа тәсілдерді енгізуді жетілдіруде. Қазақстандық біркелкілікті және бәсекеге қабілетті ұлтты қалыптастыру процесінде Ассамблея жанындағы Аналар кеңесінің, ғылыми-сарапшылық топтың, медиация кабинетінің және ассамблея жастарының атқарып келе жатқан жұмыстарын жоғары бағалаймыз. Ал жаңадан құрылған кеңес сол жұмыстарға тың серпін беріп, ел бірлігіне жұмыс істеп, ұлтаралық татулықты нығайта түседі деп сенемін және сіздердің алдағы жұмыстарыңызға сәттілік тілеймін, – деді Ғани Кенжеғараұлы.Кеңестің жалпы ережелері, міндеттері өкілеттіктері таныстырылды. Одан соң кеңес отырысы күн тәртібіндегі екі мәселе бойынша жалғасты. Алдымен кеңес мүшелерінің бірауыздан қолдап, дауыс беру нәтижесімен Жалағаш аудандық Қазақстан халқы Ассамблеясы жанындағы Ақасқалдар кеңесінің төрағасы болып Асылбек Тәуіпбаев сайланды.&nbsp;Асылбек Тәуіпбаев ауданымызда ұзақ жылдар басшылық қызметтерді үлкен жауапкершілікпен және абыроймен атқарды. Зейнетке шыққанымен әлі күнге дейін ауданның саяси-әлеуметтік, мәдени-рухани өміріне де белсене араласып келеді. Өзінен кейінгі жастарға өнегелі сөзімен, нәтижелі ісімен үлгі болып, елдің бірлігіне жұмыс істеп жүрген ақсақалдарымыздың алдыңғы қатарынан көреміз. Сондықтан кеңес мүшелері төрағаны сайлауда лайықты таңдау жасады. Сонымен бірге Асылбек Тынарбайұлының ұсынысымен кеңес төрағасының орынбасары ретінде Болатбек Мырзабековтың кандитатурасы мақұлданды.&nbsp;Болатбек Мырзабеков өз саласы бойынша ауданның дамуына зор үлес қосып, абыройлы қызмет атқарды. Ал қазір зейнеткерлікке шықса да, кәсіппен айналысып, аудан хал¬қына сапалы қызмет көрсетіп келеді. Сонымен бірге жастар тәрбиесіне де бейжай қарамайды. Қоғамдық тәртіпті қалыптастырып, заманға сай жастарды түрлі пайдалы кәсіпке баулуда өз үлесін қосып жүр.&nbsp;Сонымен бірінші мәселе бойынша кеңес төрағасы мен орынбасары сайланды, құрамы толық бекітілді. Күн тәртібіндегі екінші мәселе бойынша кеңестің биылғы жоспары бекітіліп, негізгі басымдықтары белгіленді. Аталған кеңестің жұмыс жоспарына сәйкес құрамы тоқсан сайын бас қосады. Уақыт күттірмейтін түйткілді мәселелер туындап жатса, кезектен тыс отырыс өткізіледі. Кеңестің әр отырысында көтерілген әлеуметтік және басқа да мәселелерге сәйкес жауапты бөлімдер мен мекемелердің басшылары, ұйымдардың төрағалары қатысады. Олар кеңес мүшелерінің көтерген мәселелері мен ұсыныстарын бірге талқылап, шешеді.&nbsp;Кеңес отырысы барысында ғасырлар бойы қазақ халқымен бірге тату-тәтті ғұмыр кешіп келе жатқан жергілікті өзге ұлт өкілдерін басылым беттеріне жиі жариялауға басымдық беру және мерекелік шаралар мен атаулы күндері түрлі деңгейдегі марапаттардан тыс қалдырмау секілді ұсыныстар айтылды.

Жалағаш ауданында ақсақалдар кеңесі өтті

<a href="https://kyzylorda-news.kz/">Kyzylorda-news.kz.</a> Бүгінде Қызылорда қаласында кәсіпкерлік көкжиегін кеңейтіп, қызылордалық тұтынушылардың сұранысын қанағаттандырып келе жатқан жиһаз шығарушы цехтың бірі ЖК «Нұртөре».2020 жылы ата кәсіпті қолға алған Нұрлыбек Есқалиев 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, цех тынысын кеңейтіп отыр. Кәсіпкер ол қаражатқа өндіріске қажетті жабдықтар сатып алып, жұмыс өнімділігін арттырды. Бүгінде 5 адамды тұрақты жұмыспен қамтып отыр.Цехта үй мен кеңсеге, мектеп және басқа да ғимараттарға қажетті заманауи үлгідегі есіктер мен жақтаулардың, баспалдақтардың сан алуан түрі әзірленеді. Дайын болған өнімдер «Сығанақ» базарынан және Бәйтерек-3 тұрғын ауданы, 49 көше бойынан тұтынушыға жеткізіледі.«Қазір мемлекет тарапынан жеңілдетілген несие де, түрлі гранттар да берілуде. Бұл қолдауды тек тиімді пайдалана білу керек. Цехта әрбір материал сұраныс иесінің талабына сай дайындалады. Жиһаздарды дайындау барысында жергілікті өнімдерді пайдаланамыз. Мысалы, әйнек қызылордалық зауыттан шығарылса, есіктердің қаптамасын (упаковка) «Мүгедектер қоғамына» тапсырыс беріп, жасатудамыз. Осы іспетті, құрылыс жүргізіп жатқан мердігер мекемелерден қолдау күтеміз», - дейді «Нұртөре» ЖК-нің директоры Нұрлыбек Есқалиев.<img src="https://knadmin.beoblood.kz/uploads/340494833_595222172526856_8363224128926082016_n_a7ab62a845.jpg" alt="340494833_595222172526856_8363224128926082016_n.jpg"><img src="https://knadmin.beoblood.kz/uploads/340471165_563092838988960_1690752879786125598_n_012eb459a9.jpg" alt="340471165_563092838988960_1690752879786125598_n.jpg">

Қызылорда: Мемлекеттік бағдарлама цех өрісін кеңейтті

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық жастар орталығының бастамасымен «JASFest - 2023» студенттік өнер фестивалі бастау алды. Өнер фестивалі талантты жастардың шығармашылық шыңдалуына жол ашып ғана қоймай, музыкалық мәдениет пен өнерді жандандыруға, жаңа таланттарды ашуға және қолдауға бағытталды. Жастардың рухани әлеуетін көтеріп, шығармашылық өсуіне мол мүмкіндік қарастырылған өнер додасына аймақтағы 15 оқу орны қатысуға өтініш білдірді.&nbsp;Бір аптаға жоспарланған өнер додасында жастар эстрада және заманауи әндер, дәстүрлі және заманауи билер, күй өнері, поэзия жанры, бейнерликтер байқауы, Жайдарман, театрландырылған көрініс жанрлары бойынша сынға түсетін болады.&nbsp; Бүгін фестивальдің жастар орталығында ашылу салтанаты өтіп, орталық директоры Талғат Оспанұлы барша қатысушыларға сәттілік тіледі.&nbsp;<blockquote>«Құрметті дарынды да талантты жастар! Еліміздің ертеңі, мәдениет пен өнердің жанашырлары! Бүгін баршамыз облыстық өнер фестиваліне жиналып отырмыз. Сыр елі өзі мәдениет пен дәстүр, ұлттық өнер ошағы іспеттес. Түркі жұртын тоғыстырған дәстүрлі өнердің түп-тамыры орналасқан қасиетті мекен. Талай дүлдүлдер, ақын-жырау, сал-серілерді тудырған топырақ. Сол серілердің жалғасы өнерлі жастар - сіздерсіздер. Бүгін сынға түскелі отырған барша өнерпаздарға тек сәттілік тілей отырып, үздіктер жеңіске жетсін деймін», - деді Талғат Тілес.&nbsp;</blockquote>Алғашқы күні дәстүрлі және заманауи ән жанры бойынша 9 қатысушы өзара бақ сынады. Ән сайысына Мәдениет қайраткері, облыстық филармония әртісі - Үміт Медеуова, әнші, жас жұлдыз - Бекзат Молдабергенов және облыстық филармония конференсьесі Амандық Жаппарбердиев қазылық етті.Қазылар алқасының шешімімен «Popular voice» жанры бойынша 4 үміткер гала концертке жолдама алды. Мұнымен қоса барша қатысушылар арнайы алғыс хатпен марапатталды.<img src="https://knadmin.beoblood.kz/uploads/340531950_572588621332172_6251595007665526312_n_d99d6c5a59.jpg" alt="340531950_572588621332172_6251595007665526312_n.jpg"><img src="https://knadmin.beoblood.kz/uploads/340499610_220192177298030_5887307776461855958_n_e5d0388bef.jpg" alt="340499610_220192177298030_5887307776461855958_n.jpg"><img src="https://knadmin.beoblood.kz/uploads/340590975_771744100926843_5995919024567338286_n_77f8d6f78b.jpg" alt="340590975_771744100926843_5995919024567338286_n.jpg"><img src="https://knadmin.beoblood.kz/uploads/340582583_245818027824186_8712470405285501647_n_f30224ec60.jpg" alt="340582583_245818027824186_8712470405285501647_n.jpg">

Қызылордада студенттік өнер фестивалі бастау алды

<a href="https://kyzylorda-news.kz/">Kyzylorda-news.kz.</a> Облыстық дін істері басқармасының «Дін мәселелерін зерттеу орталығының» теолог мамандары Қызылорда облысы бойынша Қылмыстық-атқару жүйесі департаментінің №60 мекемесіндегі жазасын өтеуші азаматтарды бейімдеу және зайырлы қоғамда дінді ұстана отырып қыйындықсыз, кедергісіз өмір сүруге болатындығын түсіндірді.Оған мысал ретінде теолог мамандар қазақ даласындағы исламды ұстанған Ахундар мен Ишандар жайында әңгіме жүргізді. Яғни, қазақ даласындағы ахундар олар исламдағы фиқх, ақида және тағы да басқа діни білімдерден бөлек медецина, астрономия, инженерия, математика, геометрия, философия, тарих ілімдерін толықтай беске игеріп қорғап шыққан азаматтарға Ахун дәрежесін берген. Ал, ишандарға келер болсақ, олар құранды толықтай жатқа біліп, араб тілінде еркін тілде сөйлесіп фикх, ақида, усуль, ахлақ секілді ислам бағытындағы діни ілімді игеріп, иджма алған ғалымдарға Ишан дәрежесін берген.<blockquote>«Олардың өмірлік ұстанымдарын қарайтын болсақ, олар халықпен бірге болып олардын діни сенімдеріне қарап, яғни, християн, мұсылман деп бөлмей, бір жұрт болып жүргендігіне тарих дәлел. Оған қоса қазақ даласындағы &nbsp;жеті жарғымен келісіп біздін елдегі әдет-ғұрыптарды толықтай мойындап, қазақ халқына рухани азық беріп отырған. Олар дәстүрлі ислам бағытындағы «Абу Ханифа» мазхабын толықтай ұстанғандығына тәрихи деректерді дәлелдеп, оларға түсіндіріп өтті. Осылайша жазасын өтеуші азаматтарды бейімдеу және зайырлы қоғамда дінді ұстана отырып қыйындықсыз, кедергісіз өмір сүруге болатындығы түсіндірілді» дейді Қызылорда облысы бойынша Қылмыстық-атқару жүйесі департаменті №60 мекемесінің теолог маманы Қанат Искаков.</blockquote>&nbsp;

Жазасын өтеуші азаматтар теологтармен кездесті

​<a href="https://kyzylorda-news.kz/">Kyzylorda-news.kz.</a> Қызылорда қаласы бойынша білім бөлімінің ұйымдастыруымен &nbsp;Жанәбіл Нұрманов атындағы №198 мектебінде математика, информатика және физика пәндері мұғалімдерінің қатысуымен «ХХІ ғасыр педагогикасының функционалдық және цифрлық сауаттылығы» тақырыбында қалалық семинар өткізілді. Педагогтер семинарына Қызылорда қалалық білім бөлімінің әдіскері Жомартбек Құлмағанбетұлы арнайы қатысып, қалалық мектептердің ұстаздар қауымына сәттілік тіледі.Семинар оқушылардың оқу жетістіктерін бағалайтын халықаралық «PISA», «TIMSS», «PIRLS» зерттеулерінің тапсырмаларын оқу үдерісінде қолдану, математика, информатика және физика пәндері бойынша функционалдық сауаттылықты арттыру, оқушылардың алған білімдерін өмірде қолдана білуге үйрету, цифрлық, ақпараттық сауаттылық тақырыбында тәжірибе алмасу мақсатында ұйымдастырылды.&nbsp;Семинар барысында оқушылардың өздері жасаған «Робот - балалар көзімен», «3D жиынтық» пен жас бағдарламашылар клубы жұмыстарынан көрме ұсынылды. Семинар соңында келген қонақтар кері байланыс орнатып, семинардан алған әсерлерімен бөлісті.

Қызылордада «ХХІ ғасыр педагогикасының функционалдық және цифрлық сауаттылығы» семинары өтті

<a href="https://kyzylorda-news.kz/">Kyzylorda-news.kz.</a> Қызылорда облысындағы Қылмыстық-атқару жүйесі департаментіне қарасты №68 мекемесінде жазасын өтеушілермен психологиялық жұмыс жүргізу барысында қамаудағылардың &nbsp;жеке басына пенитенциарлық ортаның әсері және психодиагностикалық, психопрофилактикалық, тәрбие жұмыстарын жүргізуде әртүрлі тәсілдерді қолданады. &nbsp;Осыған орай, &nbsp;мекемеге &nbsp;«Ақниет ақпараттық-насихаттау және оңалту орталығы» қоғамдық қорының психолог кеңесшісі Алмагүл Жанділдәқызы Аяғанова арнайы шақыртылды. &nbsp;Тәжірбиелі маман психолог &nbsp; Аммон сынамасының көмегімен &nbsp;оқшауланған аймақта &nbsp;жазасын өтеп жатқан &nbsp;5 жазасын өтеуші азаматтың психодинамикалық құрылымын арнайы дайындап әкелген тест тапсырмалары арқылы &nbsp;зерттеп &nbsp;білді.<blockquote>«Адамды түзеу оңай іс емес. Майысқан темірді немесе қисық өскен талды түзетуге болады. &nbsp;Ал, түрлі қылмыс жасағандардың, әсіресе, &nbsp;экстремизм-тероризм баптары бойынша сотталған азаматтардың &nbsp;сана-сезіміне саңлау түсіру, тәрбиелеу, өмірге деген көзқарасын өзгерту өте ауыр жұмыс. Олар сот шешімін естіген соң, өте агрессивті, ашуланшақ болады. Сондықтан бұл жерде психологиялық қолдау маңызды. Біз олардың эмоциялары мен сезімдерін дұрыс түсініп одан әрі бейімделу процесіне дайындауымыз керек. Міне, &nbsp;осы мақсатта бүгін білікті маман Алмагүл Жанділдәқызы &nbsp;оқшауланған аймақта ұсталынатындарға 1997 жылы Г.Аммон әзірлеген динамикалық психиатрия тұжырымдамасы аясында тест тапсырмаларын орындатты. Тест психикалық денсаулықты бағалау үшін &nbsp;жүзеге асырылды. Алынған тест нәтижиесінде алдағы уақытта &nbsp;осы 5 жазасын өтеуші азаматпен әрі қарай жеке-жеке психологиялық жұмыстар жүргізілетін болады» дейді АКАӘПТЖБ-нің аға &nbsp;психологы, әділет капитаны Айзат Мырзалы. &nbsp;</blockquote>

Қазақстан және Қызылорда облысының жаңалықтары