<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының Халыққа қызмет көрсету орталықтары жыл басынан бері 134 мың 971 мемлекеттік қызмет көрсетті. Көрсетілген қызметтердің көш басында Электронды цифрлық қолтаңба беру қызметі тұр. Мамандар жылдың І тоқсанында өңір тұрғындарына 41 мың 722 ЭЦҚ берген. Бұл көрсетілген қызметтердің 31% құрайды.&nbsp;Танымал қызметтердің екінші сатысынан 18%-бен ел азаматтарын құжаттандыру қызметі көрінді. ХҚО мамандары қызмет алушыларға 24 мың 468 жеке куәлік пен паспорт табыстаған.&nbsp;Сұранысқа ие қызметтердің алғашқы үштігін көлік құралдарын тіркеу қызметі 11%-пен қорытындылады. Мамандар осы қызметке түскен 15 мың 58 тапсырысты орындаған.Жылжымайтын мүлікті тіркеу мен жүргізуші куәлігін беру де танымал қызметтердің сапында. Филиал арқылы 13 мың 555 (10%) жылжымайтын мүлікті тіркеу қызметі орындалып, 6 мың 386 (5%) жүргізуші куәлігі табыс етілген.&nbsp;

Жыл басынан бері 135 мыңға жуық мемлекеттік қызмет көрсетілді 

<a href="https://kyzylorda-news.kz/">Kyzylorda-news.kz.</a> Бүгінде аймақтағы 560 тарихи-мәдени мұра нысаны мемлекет қорғауына алынған. Оның ішінде, 31-і республикалық, 256-сы жергілікті маңызы бар тарих және мәдениет ескерткіштерінің мемлекеттік тізіміне енгізілген болатын. Бұл туралы Өңірлік коммуникациялар қызметінің ақпарат алаңында өткен брифингте Облыстық тарихи және мәдени ескерткіштерді қорғау жөніндегі коммуналдық мемлекеттік мекемесінің басшысы Ерқазы Алданазаров мәлімдеді.Сондай-ақ 273 ескерткіш алдын ала есепке алынған тарихи-мәдени мұра нысандарының тізіміне алынған.<blockquote>«Ескерткіштер – халықтың мәдени мұрасы. ЮНЕСКО шешімімен 1983 жылы 18 сәуір – халықаралық ескерткіштер мен тарихи орындар күні болып бекітілді. &nbsp;Қазіргі күнде «Қазақстанның киелі жерлерінің географиясы» жобасы жүзеге асырылды. Оның нәтижесі бойынша энциклопедия жинағына жалпыұлттық 12, өңірлік 60 қасиетті нысан енгізілді. Тәуелсіздік жылдары 15 археологиялық ескерткішке зерттеу жасалып, 38 сәулет ескерткішіне қайта жаңғырту жұмыстары жүргізілді. Сондай-ақ 125 монументті өнер құрылысы салынып, 80 ескерткіштің қорғау аймақтары &nbsp;белгіленді. &nbsp;Бүгінде 3 ескерткіш – Қорқыт &nbsp;ата ескерткіш кешені, Сығанақ, Жанкент &nbsp;қалашықтары толығымен қоршалды. Соңғы жылдары мәдени құндылықтар мен ұлттық тарихымызға көп назар аударылып жатыр. Биыл облыс әкімдігінің қолдауымен бірқатар жобалар жүзеге асырылады. Соның негізінде ежелгі өркениет ошақтары саналатын &nbsp;сақтардың орталығы Бәбіш мола, оғыздардың ордасы Жанкент және қыпшақ, қазақ хандықтарының астанасы болған Сығанақ қалашықтарында археологиялық қазба жұмыстары жүргізіледі. Мұнан өзге, 2023-2024 жылдары Қызылорда облысында бірқатар ескерткіштерге реставрациялық жұмыстарды жүргізу жоспарланып отыр. Осы орайда тұрғындарды ескерткіштер мен тарихи орындарды сақтауға, қастерлеуге шақырамыз», - деді Ерқазы Жарылқасынұлы.</blockquote>

Қызылордада 560 тарихи-мәдени мұра нысаны мемлекет қорғауына алынған

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің Арал аудандық пробация есебіндегі «С» есімді сотталған «Бастау Бизнес» жобасы аясында кәсіпкерлік негізінде «Атамекен кәсіпкерлік палатасында» оқытылып, мал шаруашылығын дамыту бойынша бизнес жобасын дайындап, 1 миллион 380 мың теңге көлемінде мемлекет тарапынан қайтарымсыз грант ұтып алды.&nbsp;<blockquote>«Мемлекет тарапынан біз секілді азаматтарға қолдау көрсетіп, қайтарымсыз грант бөлініп жатқандығы бизнес жобамыздың жандануына септігін тизгізгеніне өте қуаныштымын. 2022 жылдың қараша айынан бастап Арал аудандық пробация есебіне алындым. Тұрақты жұмысым болмаған соң жеке кәсіп ашсам деген ниетпен пробация қызметкерлерінен құқықтық көмек алып, нәтижесінде мемлекеттен қайтарымсыз грант ұтып алдым. Мал шаруашылығымен айналысып, кәсібімді жандандырсам деймін. Жаза басып жаңылған уақытта қолдау көрсеткен отбасыма да көмек бергім келеді. Пробация қызметкерлеріне де алғысым шексіз», - дейді сотталған азамат.</blockquote><blockquote>«Мемлекет тарапынан берілген қайтарымсыз гранттарға пробация есебіндегі азаматтар да белсенділік танытып, бизнес жобаларын дайындап комиссия мүшелеріне ұсынуда. Солардың ішінде осы сотталған азаматтың бизнес жобасы мақұлданып, мемлекеттен қайтарымсыз грант берілді. Жаза басып жаңылған азаматтардың жеке кәсіпке бет бұруы бізді де қуантады», – дейді аудандық пробация қызметінің бастығы Серік Сейталиев.</blockquote>

Пробация есебіндегі азамат қайтарымсыз грант иегері атанды

<a href="https://kyzylorda-news.kz/">Kyzylorda-news.kz.</a> Дүйсенбі күні «Арман» мәдениет үйнің залында Шиелі ауданының әкімінің орынбасары Ерсұлтан Апетовтың төрағалығымен "Ауыл Аманаты" жобасы аясында өңірге бөлініп отырған "2,5 пайыздық 3 млрд теңге көлеміндегі несие қаражатын ұтымды пайдаланудың жолдары" тақырыбында жиын өтті.Жиынға аудандық жұмыспен қамту орталығының директоры Алмат Алдабергенов, мәслихат депутаттары, салалық бөлім қызметкерлері мен тұрғындар қатысты. Кездесу барысында тұрғындар тарапынан несие алу үшін қажетті кепілдік түрі, несие алуға мүмкіндік беретін кәсіптің түрлері мен жолдары туралы сауалдарын қойды.&nbsp;"Ауыл Аманаты" жобасының негізгі қаржыландыру бағыттары: 1) Өңдеу саласына қатысты жобалар; 2) Өсімдік шаруашылығын дамыту; 3) ауыл шаруашылығы коперативтерін жабдықтау; 4) мал шаруашылығын дамыту; 5) басқа бағыттағы бизнес жобалар;Несиенің негізгі шарттары: 1) шағын несие мерзімі 5 жылға дейін; мал шаруашылығындағы жобалар үшін 7 жылға дейін; 2) шағын несиенің ең жоғарғы сомасы - ауылдық елді мекендер мен шағын қалаларда 2,5 АЕК, яғни (8.6 млн теңге), зәкірлік кооперация – шағын және орта шаруа (фермерлік) қожалықтары және/немесе ауыл шаруашылығы кооперативтері үшін 8 мың АЕК (27.6 млн теңге) дейін; 3) сыйақы мөлшері жылына 2.5 пайыздан аспайды;Несие талаптары: 1) несие алушы жеке кәсіпкер ретінде тіркеуде болуы тиіс; 2) басқа несиелері бойынша мерзімі өткен жарналар болмауы керек; 3) Мемлекеттік кірістер органдарында берешек болмауы тиіс; 4) кепілмен қамтамасыз ету; 5) зейнет жасына жетпеген; 6) Ауыл шаруашылығын жүргізу үшін қажетті жағдайдың (жер телімі, қораның) болуы қажет;Жоба әкімшісі ретінде облыстық ауыл шаруашылығы және қатынастары басқармасы белгіленсе , сенімді өкіл ретінде "Байқоңыр" ӘКК" ҰҚ" белгіленіп отыр. Ал, жоба "Өңірлік инвестиция орталығы" МҚҰ арқылы жүзеге асырылатын болады.

Шиелі кент тұрғындарына «Ауыл аманаты» жобасының алғы шарттары түсіндірілді

<a href="https://kyzylorda-news.kz/">Kyzylorda-news.kz.</a> Соңғы жылдары ауылдағы ағайынның еңсесінің көтеріліп, етек-жеңін жинай түскендігі көпке аян. Біреуі мал бақса, екіншісі құс өсіріп, егіншілердің де шаруасының шалқығаны көңілге қуаныш ұялатады. Арамызда кәсібін өркендетіп талай жанды жұмыспен қамтып отырған шаруа қожалықтар жетерлік. Солардың &nbsp;бірі – Ақтоған ауылындағы «Адына» шаруа қожалығы. Оған аудандағы ең жас кәсіпкерлердің бірі Кенжебек Әбдімәлікұлы жетекшілік етуде.Кәсіптің көзін табамын дегендерге бүгінгі таңда мүмкіндік көп. «Адына» шаруа қожалығы да бүгінде кәсіптің көзін тапқан қожалықтардың қатарында. Нақтырақ айтар болсақ, қожалық иесі 2019 жылы мемлекеттің меншігіне өткен, яғни иесіз қалған жерлерді сатып алып, сол жерге қайта жан бітірген. Әке жолын қуған Кенжебек Әбдімәлікұлы ең алғаш өз жұмысын кішігірім кәсіптен бастаған. Содан-соң 2020 жылы «Сыбаға» бағдарламасы арқылы 20 млн теңгеге 500 бас қой сатып алған. Содан бері жас кәсіпкердің кәсібі жанданып келеді.Жалпы қазіргі таңда «Адына» шаруа қожалығында 50 бас ірі қара малы бар.Оған қоса биылғы жылы Алматы қаласынан асыл тұқымды «Ангус» бұқалары әкелінген. Бүгінде уақ малдың өсімі қозыдан бөлек 800 басқа жетіп отыр. Сондай-ақ бұл шаруа қожалықта бригадир, комбайншы, бақташы, күрішші т.б. жұмысшылар өз ісін бірнеше жылдардан бері ойдағыдай атқарып келеді. Олардың әрқайсысын өз ісіне жауапты, нағыз еңбек адамдары деп айтуға болады. Мұнда жыл сайын төрт түліктің саны көбейіп, ата кәсіптің тасы өрге домалап жатыр.Бүгінгі таңда бұл шаруа қожалықта 9 адам заңды түрде тұрақты жұмыспен қамтылған. Бұдан бөлек, 6 адам маусымдық жұмыстар істеп, жалақы алады. Жалпы қожалық иесі қазіргі таңда 15 адамды тұрақты жұмыспен қамтып отыр.&nbsp; Мал өсірумен қатар диқандық кәсіпті қатар алып жүрген шаруашылықта 2020 жылдан бері 70 гектар жерге күріш егілуде. Сондай-ақ 50-60 гектар жерге мақсары, және жоңышқа, арпа бидай өнімдері орналастырылады. Ал 2022 жылы «КазАгроқаржы» мекемесінен 102 млн теңгеге «Хикаши 330» атты заманауи экскаватор сатып алынған. &nbsp;Бұдан бөлек биылғы жылы «Адына» шаруа қожалығы ірі қара малды көбейту үшін 24 млн 320 мың теңгеге кепілдендірілген несиемен 60 бас жылқы сатып алған.&nbsp;Шаруа қожалық иесі алдағы уақытта жылқы өндірісін көбейтуді мақсат етіп отыр. Сондай-ақ 25 гектар жерге бау-бақша өнімдерін, және 120 гектар жерге жоңышқа егуді жоспарлауда. Ал кәсіптің көзін тапқан жан өзшаруа қожалығы жайлы былай дейді:«Қазақ жастары ата кәсіппен айналысуы керек. Адам баласы өзіне сеніп, еркін өмір сүргені дұрыс. Бізге көп жағдайда батылдық жетпей жатады. Қазақта «Торғайдан қорыққан тары екпейді» деген сөз бар. Сондықтан шаруаның адамы боламын, кәсіп бастаймын дегендерге «қорықсаң, бизнеске барма, кәсіп оңай емес» дер едім. Расында, оның жауапкершілігі мол.Ұры-қары болады, далада ыстық-суықта жүресің, соған төзу керек. Сонда ғана сен шыңдаласың. Мына бейбіт заманда тірлік жасап, адал еңбектенсең ғана тірлігіңнің нәтижесін көресің. Шаруаның адамдары адал еңбектенсе оның жемісін міндетті түрде жейді. Ал біздің шаруа қожалыққа келер болсақ, жыл сайын жұмысымыз жанданып келе жатыр. Алдағы уақытта үлкен мақсатымыз – шаруашылықты әрмен қарай дамыту, сондай-ақ уақ малдың санын арттыру. Мемлекет тарапынан да қандай да бір қолдау болса, кәсібіміз бұдан әрі жанданар еді», – дейді кәсіпкер. &nbsp;Мемлекет тарапынан қолдау болса, шаруаның қай түрі болса да ширайтыны рас. Бастысы еңбек ету керек. «Еңкейгеннің еңсесін еңбек көтереді» демекші, еңбек етіп, мақсатқа жеткен жанның шаруасы шалқып, несібесі артатыны белгілі. Ендеше, біз де бейнеттің зейнетін көріп, адал еңбегінің ақ майын татып отырған «Адына» шаруа қожалығының жұмысы көпшілікке үлгі етуге тұрарлық дейміз.

Шаруасы шираған қожалық

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов білім бөлімінің жаңа басшысы Жібек Баймұратованы көпшілікке таныстырды. Оған облыстық білім басқармасының басшысы Мейрамбек Шермағанбет, ардагерлер кеңесінің төрағасы Өркен Исмаил, кент пен ауылдық округ әкімдері, білім саласының ардагерлері, дербес бөлімдер мен мектеп және балабақша басшылары қатысты.&nbsp;Аудан әкімі Нұржан Сәбитұлы жаңа қызметтің тізгінін ұстаған Жібек Орынбайқызының білім саласында тәжірибесі мол маман екендігін атап өтіп, жаңа қызметіне сәттілік тіледі.<blockquote>«Жібек Орынбайқызының ұйымдастырушылық қабілеті мен тәжірибесі мол. Себебі бұл сала оған таңсық емес. Алғаш еңбек жолын да осы саладан ¬бастап, директорлық қызметке дейін көтеріліп, абыроймен атқарды. Білім саласы біздің аудандағы ең ауқымды саланың бірі. Сіздің бұл салада жинаған тәжірибеңіз жеткілікті. Әріптестеріңізбен бірге нәтижелі жұмыс көрсетеді деп сенім білдіреміз. Жаңа қызметіңіз құтты болсын» – деді аудан әкімі.</blockquote>Одан кейін сөз кезегі облыстық білім басқармасының басшысы Мейрамбек Шермағанбетке берілді.&nbsp;<blockquote>«Бүгінгі заман білім беру жүйесі жан-жақты дамыған, өздігінен жұмыс істей алатын, үздіксіз білім алуға ынтасы бар жастарды дайындауды талап етеді. Себебі қоғамның әлеуметтік-экономикалық дамуында білім беру жүйесі жетекші рөл атқарады. Елімізде ондаған жылдар бойы қалыптасқан дәстүрлі білім беру моделі әлемдік көшке ілесуге ниетті. Ал оның алғышарттары жыл сайын қабылданатын мемлекеттік бағдарламалар. Бағдарламаның басты тетігі – білім, мақсаты – бәсекеге қабілетті маман дайындау. Демек, ұдайы дамып, үздіксіз жаңалықпен толығып отыруға бейім салмақты салаға артылған жүк те ауыр. Дәл осы бағытта Шиелі ауданы көлемінде де атқарылған істер ауқымды. Ал бұл іс Жібек Орынбайқызының қолынан келетініне кәміл сенеміз», – деді Мейрамбек Шермағанбет.</blockquote>Өз кезегінде жиынға қатысушы ардагерлер сала басшысын қызметімен құттықтап, алдағы істеріне толағай табыс тіледі. Сондай-ақ, ұлт болашағын қалыптастыратын жауапты да, жауапкершілігі мол білім саласына үлкен өзгерістер әкеледі деген сенім білдірді. &nbsp;

Шиелі аудандық білім бөлімінің басшысы тағайындалды

<a href="https://kyzylorda-news.kz/">Kyzylorda-news.kz.</a> Болмысында бояма жоқ, білімі терең, парасат-пайымы жоғары Үрпек Жансариевке биыл 121 жыл толып отыр. Мұқым елді алты құрлыққа танытқан даңғайыр диқанды құрмет төріне қалай шығарсақ та жарасады.Сонымен, қолға қалам ұстадық…Ізі даңғыл, ісі дара Үрпек ­Жансариев 1902 жылы дүниеге келген. Ерен еңбегі неше мәрте еленіп, кеудесі орден мен медальға толы болған жанның жеткен жетістігі қаншалықты биік болса да, болмысы сондай қарапайым еді. Еңбекпен ерте есейген Үрпек ақсақал еңбек төсінде тынбай тер төгіп, даңғайыр диқан атанып, үздік еңбекшілер санатында болған.&nbsp; Сонымен қатар оның есімі «Алтын құрмет» кітабына енгізілген. Барлық күш – майдан үшін жұмсалған соғыс жылдары Ким Ман Сам, Ыбырай Жақаев, Ұлдар Дәуішева, Маман Қалдыбаев секілдіауданның бетке ұстайтын, шежірелі өлкеде күріш дақылын өсірудің негізін қалаған диқандардың сапында болды. Қызылорда облысынан майданға 60 тонна күріш салысы жөнелтілгенде Үрпек Жансариев бұл игі шарада да бой көрсетті.&nbsp;Күріштің әр гектарынан – 80 центнерден өнім алды. Нәтижесінде Үрпек Жансариевтің төсінде «Еңбек Қызыл Ту» ордені жарқырады. Тұлпар мінез топырақтан дарып, тектілігі қанында қайнаған еңбек адамының есімі Қаз ССР-нің алтын кітабына енгізіліп, ҚазССР Жоғары Кеңесінің «Құрмет грамотасымен» марапатталды. Қазақ «Адам ұрпағымен мың жасайды» деп тәмсілдеген. Үрпек атамыздан 2 ұл, 5 қыз тараған. Соның ішінде әке жолын қуып, ол жаққан отты сөндірмеген ұлы – ­Махамбетжан Үрпеков. Даңғайыр диқанның отбасында дүниеге келген, қайнаған еңбек ордасында ғұмыр кешкен, есейген Махамбетжанның еңбекпен етене болмауы мүмкін емес еді. Ол орта мектепті 1963 жылы тәмамдаған.&nbsp; Сол уақытта Шиелі ауданы мен көрші Жаңақорған ауданы қайта қосылып жатқан-ды. Шаруашылықтарда өзгеріс, қарбалас тірлік. Махамбетжан әке-шешесін ойлады. Әкесі Үрпек ақсақалдың зейнетке шығуы да сол қарбаласқа дөп келді. Ол жоғары оқу орнына барудан бас тартып, Қызылорда қаласындағы екі айлық механизаторлық курсты бітіріп, ­ауылына келіп, тракторға отырады. Бұл ісіне әкесі қарсы болған жоқ, қайта қуанды. Баласын күнде көріп жүретінін білген анасы да жадырап қалды.&nbsp;Сол кездегі колхоздың басқарма төрағасы Әнсары Әбдіхалықов та ерекше қуанды. Өйткені ауылда жұмыс қолы жетіспейтін-ді. Әсіресе, механизатор дегенің таптырмайтын зәру мамандық. Трактор «тізгінін» ұстаған күннен бастап еңбек қарқыны мен сапасына мән берді. «Ұлым, «темір» тұлпарды таңдаған екенсің талабың оң болсын, қадамың құтты болсын! Қатарыңның алды бол!». Әкесінің баласына берген батасы осы болды. Мықты механизатор Махамбетжан Үрпеков жетпістің желкенін тартқанша темір тұлпарын тізгіндеп келді. Әке дәстүрін жаңылмай жалғастырған жан ВДНХ-ның «Күміс медалі», «ХІІ бесжылдықтың озаты» медалімен, «Құрмет белгісі», «Еңбек Қызыл Ту» ордендерімен, «В.И.Лениннің 100 жылдығы» медалімен марапатталды.&nbsp;Осыдан бірнеше жыл бұрын, алтынмен көмкерілген егінді еселей орып, қамбаға тонналап астық құйған ол бүгінде құрметті еңбек демалысында. Еңбекпен шыңдалып, еңбекпен түлеген бұл әулет өмірдің небір қиындығына шыдас беріп, уақыттың зілмауыр салмағын да көтере білді. Ауылдастары ортасында абыройлы еңбеккер отбасының маңдай тер, адал еңбегі уақыт өткен сайын жаңғыра бермек.&nbsp;

Еңбекпен есейген әулет

<a href="https://kyzylorda-news.kz/">Kyzylorda-news.kz.</a> Өңдеу барысында жастық ішіндегі қауырсындар бактерияны жоятын ультракүлгін сәулесімен тазартылып, кептіру арқылы қоқыстан ажыратылады. Содан кейін тазартылған мамық жаңа жастық қабына, ал жастық ішінен шыққан майда тастар, құм, шыбық сынды қоқыстар қондырғының арнайы бөлігіне жиналады. Қайта өңдеу барысында жастық тек қана тазармайды, өзінің байырғы пайдалы қасиеттерін қалпына келтіреді. Жаңа жастық алсаңыз да, оның ішінде қандай қалдықтар барын білмейсіз.&nbsp;Кейбірінен пакеттің қиындылары, мақтаның таяқ қалдықтарына дейін шығады. Ал ондай қоқыс заттар адамның денсаулығына кері әсер етіп, аллергиялық қоздырғыштың қызметіне жол ашады. – Жастық тазалау процесі ұзақ уақыт алмайды, небәрі 15-20 минуттық шаруа. Тапсырыс берушілер жұмыс барысын бақылап тұра алады. Шамамен 10 ескі құс жастықтан 6-7 дана жаңа жастық шығады. Біткен соң клиентке шыққан қоқысты көрсетеміз. Сонда біздің жұмысымыздың қаншалықты шынайы екенін байқайды, – дейді ол.&nbsp;Тазалап болған соң жастықтың тысын тігіп, тап-тұйнақтай етіп иесіне тапсырады. Тынымсыз Тамара тек жастық тазалаумен шектелген жоқ. Көкшоқы мөлтек ауданында тұрмысқа қажетті бұйымдар тігетін «Мамық» деген атпен тігін цехы бар. Онда көрпе-көрпеше, жайма жапқыштар мен заманауи шоперлер, тоқыма сөмке, жастық тыс секілді түрлі бұйымдар тігеді. Тіпті Петропавлдан арнайы қаздың жүнін алдырып, содан жастық жасайды. Бағалары да қолжетімді.Мәселен, үйіңіздегі ескі құс жастығыңызды тазартқыңыз келсе, дайын күйінде қолыңызға алатын бір жастықтың құны – 2000 теңге, ал қаз жүнінен жастық – 10 мың, синтефон жастықтың бір данасы – 3 мың, жұбымен алсаңыз 5 мың теңге. Тоқыма сөмкелер – 5-10 мың арасында болса, шоперлер 2-3 мың теңгеге, сыпыра – 6 мыңға сатылуда.Бүгінде Тамара Асқарқызы өзі тағдырлас 3 адамды жұмыспен қамтып отыр. Иә, ол арбаға таңылса да өмірге деген құлшынысы жоғары, арманы шексіз, ерік-жігері мықты, қиындыққа еш мойымайтын жан. Аудандағы көптеген қоғамдық іс-шараларға да белсене қатысады. Өзеннің ағысын тоқтатуға болса да, өмірдің ағысы тоқтамайтынын айтқан кәсіпкердің еңбекпен өрілген саналы ғұмыры бүгінгі ұрпаққа үлгі болатындай.

Жастық тазалайтын жалқы цех

<a href="https://kyzylorda-news.kz/">Kyzylorda-news.kz.</a>&nbsp; Халықтың денсаулығын жақсарту үшін нестеу керек? Иә, медицина мамандарының көкейінде осы сауал тұрғаны жөн. Қазіргі уақытта медицина мамандары көпшілік арасында бірнеше диагноз бойынша аурушаңдық анықталғанын алға тартады.&nbsp;Мәселен, 2023 жылға қан айналым жүйесі ауруларын ерте сатысында анықтау мақсатында жоспарланған адам саны 3210, оның ішінде ағымдағы жылдың 1 тоқсанында 1022 (31,8%) адам тексеруден өтіп, 13&nbsp; (1,3%) ауру анықталған. Барлығы диспансерлік есепке алынған. Қан айналым жүйесі ауруларының асқынуының алдын алу мақсатында аудандық емханада күнделікті қан қысымын бақылау құралы (СМАД) және ЭКГ-ні күнделік холтермонитерлеу «ХОЛТЕР», «Телеметрия»&nbsp; аппараттары жұмыс жасауда. Жүрек қан тамыр жүйесі&nbsp; ауруларына жоғары қауіп қатер тобына 830 адам анықталып, жоспарға сәйкес холтерлік&nbsp; мониторлеуден&nbsp;- 254, тредмилден – 7 науқас қамтылған. Ал «Глаукома» бойынша жоспарланған жалпы 4020 халықтың 1183-і қамтылған. Мүмкін болған мерзімде ауру анықталмаған. Сонымен бірге қант диабеті ауруын ерте сатысында анықтауға жоспарланған 3954 адамнан 1086 адам тексеруден өткен. Оның ішінде, 4 ауру анықталып, есепке алынды. Сүт безі қатерлі ісігін ерте анықтау мақсатында жүргізілетін скринингке жоспарланған әйел саны 1667 болып табылады. Қазіргі таңда аппарат іске қосылмауына байланысты скрининг басталмаған. Жатыр мойны қатерлі ісігі бойынша жоспар 1125 болса, оның ішінде 455 әйел тексеруден өткен, 25 ауру анықталып, 5 әйел диспансерлік есепке алынған. Тік және тоқ ішек қатерлі ісігі бойынша 2067 адам жоспарланып, 347 кісі тексеруден өтті. Нәтжесінде, 12 науқастық белгісі&nbsp;бар адам анықталған.&nbsp;<blockquote>Қазіргі уақытта адамның күтіп, өз-өзіне қарауы маңызды рөл ойнайды. Біз қашанда денсаулықты&nbsp;ерте кезден ұғыну керектігін науқастарға айтып келеміз. Озық медицинаның көмегімен емделу жолдарын қарастыруға болады. Кез келген диагоноздың ерте сатысында анықтаған абзал. Сырқаттанған кезде дәрігерге уақытылы келген дұрыс. Себебі, әрбір науқастың сырқатын айықтыру үшін асқындырып алмаған жөн. Күнделікті берілген ем-шараны қолданып, айығуға бекінген жандар сырқатты женіп шығуға мүмкіндігі бар. Жоғарыда көрсетілген диагноздардың анықталуына байланысты науқасқа ем-шара қабылдаймыз. Тиісті медицина орталықтарға жолданған науқастар уақытылы ем алуға мүмкіндік алады. Тегін дәрі-дәрмекпен қамтылып, науқасты айықтыруға барымызды саламыз, – дейді аймақтық дәрігер Мәншүк Қалдыбаева.</blockquote>

Сырдария ауданы медициналық құрал-жабдықтармен қамтылған  

<a href="https://kyzylorda-news.kz/">Kyzylorda-news.kz.</a> Үкіметтің қаулысы бойынша, сәуірден бастап елдегі жанармай 20%-ке дейін қымбаттады. Бұған не түрткі болды? Себеп қандай?Қазақстанда осыған дейін АИ-92 және АИ-93 маркалы бензин аймаққа байланысты литрі 182-187 теңгеден, дизель отыны 230-260 теңгеден сатылатын. Енді бензиннің құны 205 теңгеге дейін, дизель отынының бағасы 295 теңгеге дейін өсті. Үкімет басшысы Әлихан Смайыловтың айтуынша, жанармайды қымбаттатудың бірнеше себебі бар.&nbsp;Біріншіден, елімізде былтырмен салыстырғанда жанармай тұтынатындардың саны 15%-ке артқан. Сұраныстың артуы елде бензин, автогаз, дизель отыны сияқты жанармай түрлерінің тапшы болуына әкелуі мүмкін.&nbsp;Екіншіден, көбі жанармайды заңды да, заңсыз да сыртқа таситын болған. Премьер-министр мұны Қазақстандағы жанармай көршілес мемлекеттерге қарағанда әлдеқайда арзан екенімен байланыстырды. Жанармай қымбаттады екен деп, кәсіпкерлер оның құнын шекті бағадан асырмауы керек.&nbsp;Осыған байланысты Шиелі ­аудан әкімдігінің ұйымдастыруымен жанар-жағармай құю бекеттеріндегі ішкі нарық жағдайымен танысу мақсатында аралау жұмыстары жүргізілді. Топтың құрамында аудан әкімінің орынбасары Ерсұлтан Апетов, «Amanat» партиясы Шиелі аудандық филиалының төрағасы Болат Сыздық, кәсіпкерлік бөлімінің бас маманы Азамат Ерназаров болды.Кенттегі жанармай бекеттерін аралау барысында ішкі нарықтығы әлеуметтік маңызы бар мұнай өнімдерінің қазіргі қоры анықталып, аудан әкімінің орынбасары Ерсұлтан Апетов жанармай бекетінің иелеріне мұнай өнімдерін қолдан тапшылық жасаған және заңсыз баға өсуіне жол берілген жағдайда заңға сәйкес тиісті шаралар қабылданатыны туралы түсіндірді. Әйтеуір, жанармай бағасының өсуі елдегі кезекті инфляция толқынына әкелмесе болғаны. Себебі жай ғана нан пісіріп, оны тасымалдау үшін жанармай қажет. Алғашында «тауар бағасын көтермеңдер» деп нарыққа бақылау жүргізіп, инфляцияны болдырмауға әрекет ету мүмкін болар. Бірақ тасымал, алыс-берістің барлығы көлікке, оның ар жағында жанармайға тіреліп тұрғанда азық-түлік, қызмет түрінің құнына әсер етпей қоймасы анық. Дәл қазір тұрғындарды толғандырып отырған да тап осы мәселе.

Шиелі: Жанармай бағасы бақылауда

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Балмейір Сансызбайұлы Қармақшы ауданына арнайы жұмыс сапарымен келді. Сапар барысында аудан әкімі Жандос Еркінбек аудандағы бірқатар әлеуметтік нысандардың жұмыс барысы мен жай-күйімен таныстырып өтті.Алдымен Қызылтам стансасында болған облыс әкімінің орынбасары Балмейір Сансызбайұлы елді мекен кіре-берісіндегі аудандық маңызы бар автомобиль жолының жағдайымен танысты.Сондай-ақ, Жосалы-Жалағаш автомобиль жолы бойындағы су деңгейінің күрт көтерілу әсерінен су шайып кеткен учаскесінің жай-күйін көрді. Одан соң, Жосалы кентіндегі Темір жол көпірін салу мәселесін талқылады.Сонымен қатар, Жосалы кентіндегі дене шынықтыру-сауықтыру кешенінің құрылыс жұмыстарын бақылап, №284 мектеп-лицей интернатына кіре-беріс автомобиль жолын салу мәселесін пысықтады. Ауданға жасаған сапарын қорытындылаған облыс әкімінің орынбасары Балмейір Сансызбайұлы тиісті сала басшыларына бірқатар тапсырмалар жүктеді. Алдағы уақытта қордаланған мәселелердің түйіні тарқайтын күн алыс емес.«Ауыл аманаты» жобасы аясында елді мекен тұрғындарына түсіндіру жұмыстары жүргізілдіҚармақшы ауданының әкімі Жандос Еркінбек және аудан әкімінің орынбасарлары, аудан әкімі аппаратының басшысы, тиісті сала басшыларымен бірге ауданға қарасты елдімекендерді аралап, тұрғындарға “Ауыл аманаты” жобасы бойынша арнайы түсіндірме жұмыстарын жүргізді.Түсіндірмелік жұмыстар барысында халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігін және азаматтардың өмір сүру сапасын жақсарту мақсатында іске асырылып жатқан «Ауыл аманаты» жобасы аясында жеңілдетілген шағын несиені алу тетіктері айтылып, жеңілдетілген шағын несиені алу тетіктері түсіндірілді. Сондай-ақ, тұрғындардың ұсыныс-пікірлері тыңдалып, жауаптары берілді.&nbsp;Қармақшы ауданының әкімі Жаңажол ауылдық округінің тұрғындарымен кездестіКездесу барысында аудан басшысы халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігін және азаматтардың өмір сүру сапасын жақсарту мақсатында іске асырылып жатқан «Ауыл аманаты» жобасы туралы түсіндірме жұмыстарын жүргізді.«Ауыл аманаты» жобасы қатысушыларға 2,5 процент қана құрайтын төмендетілген сыйақы ставкасы бойынша шағын несие беруді көздейді. Жоба аясында 2023 жылға Қызылорда облысына 3,0 миллиард теңге қаржы бөлінген.Осыған орай, аудан әкімі ауыл тұрғындарына мемлекет тарапынан жасалған қолдауды барынша пайдаланып, табысын еселеп, ауылдың өсіп-өркендеуіне үлес қосуға шақырды.Сондай-ақ, тиісті сала басшыларына жеңілдетілген шағын несиені алу тетіктері бойынша кең көлемде ақпараттық түсіндіру жұмыстарын жүргізуді тапсырды.Жиын соңында жоба жайында толық мәлімет алған ауыл азаматтары бірауыздан оң пікірлерін білдіріп, басталғалы тұрған істің берекелі болуына сәттілік тіледі. Бұдан бөлек, аудан әкімінің орынбасарлары, аппарат басшысы және тиісті сала басшылары ауданға қарасты елдімекен тұрғындарымен кездесіп, жоба бойынша түсіндіру жұмыстарын жүргізуде.<figure class="image"><img src="https://knadmin.beoblood.kz/uploads/336770093_256380603487973_6357635022786023656_n_61c19462f9.jpg" alt="336770093_256380603487973_6357635022786023656_n.jpg"></figure>Қармақшы ауданы әкімінің орынбасары Қуаңдария ауылының тұрғындарымен кездестіҚармақшы ауданы әкімінің орынбасары Жұлдызхан Ерқосаев Қуаңдария ауылдық округінің тұрғындарымен кездесті. Кездесу барысында аудан әкімінің орынбасары халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігін және азаматтардың өмір сүру сапасын жақсарту мақсатында іске асырылып жатқан «Ауыл аманаты» жобасы туралы түсіндірме жұмыстарын жүргізді.«Ауыл аманаты» жобасы қатысушыларға 2,5 процент қана құрайтын төмендетілген сыйақы ставкасы бойынша шағын несие беруді көздейді. Жоба аясында 2023 жылға Қызылорда облысына 3,0 миллиард теңге қаржы бөлінген. &nbsp;Осыған орай, аудан әкімінің орынбасары ауыл тұрғындарына мемлекет тарапынан жасалған қолдауды барынша пайдаланып, табысын еселеп, ауылдың өсіп-өркендеуіне үлес қосуға шақырды. Жиналысқа ауыл тұрғындары, шаруа қожалық басшылары және аудандық мәслихат депутаты Болат Бөгетов қатысты.<img src="https://knadmin.beoblood.kz/uploads/341494903_174856078795021_5170826306226546736_n_e13c1d3df0.jpg" alt="341494903_174856078795021_5170826306226546736_n.jpg">Аудан әкімінің орынбасары Дауылкөлде болдыҚармақшы ауданы әкімінің орынбасары Жұлдызхан Ерқосаев Дауылкөл ауылдық округінің халқымен кездесті. Кездесу барысында аудан әкімінің орынбасары халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігін және азаматтардың өмір сүру сапасын жақсарту мақсатында іске асырылып жатқан «Ауыл аманаты» жобасы туралы түсіндірме жұмыстарын жүргізді. «Ауыл аманаты» жобасы қатысушыларға 2,5% ғана құрайтын төмендетілген сыйақы ставкасы бойынша шағын несие беруді көздейді. Осыған орай, аудан әкімінің орынбасары ауыл тұрғындарына мемлекет тарапынан жасалған қолдауды барынша пайдаланып, табысын еселеп, ауылдың өсіп-өркендеуіне үлес қосуға шақырды. Жиналысқа ауыл тұрғындары, кәсіпкерлер және аудандық мәслихат депутаты Болат Бөгетов қатысты.<img src="https://knadmin.beoblood.kz/uploads/336713957_2191868841007949_2863308182112089241_n_1cdeb7769e.jpg" alt="336713957_2191868841007949_2863308182112089241_n.jpg">ІІІ Интернационалда да бұл мәселе талқыландыҚармақшы ауданының әкімі Жандос Еркінбекұлының тапсырмасына сәйкес, халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске тарту, азық-түлік қауіпсіздігін және азаматтардың өмір сүру сапасын жақсарту мақсатында іске асырылып жатқан «Ауыл аманаты» жобасы туралы жиын өтті.Жиында ІІІ Интернационал ауылдық округінің әкімі Нұрлыбек Сайымов, Қармақшы аудандық кәсіпкерлік бөлімінің бас маманы Бостан Құндақбаев аталған жоба бойынша түсіндіру жұмыстарын жүргізіп, тұрғындар тарапынан қойылған сұрақтарға жауап берді.Айта кеткен жөн болар, «Ауыл аманаты» жобасы қатысушыларға 2,5 процентті құрайтын төмендетілген сыйақы ставкасы бойынша (өңдеу саласына қатысты жобаларды қаржыландыру, өсімдік шаруашылығын дамыту, ауылшаруашылығы кооперативтерін жабдықтау, мал шаруашылығын дамыту және басқа бағыттағы бизнес жобаларды қаржыландыру) шағын несие беруді көздейді. Жоба аясында ІІІ Интернационал Ауылына 150 миллион теңге қаржы бөлу жоспарлануда.<img src="https://knadmin.beoblood.kz/uploads/341767391_955031485681703_2102609397845072722_n_42d7579615.jpg" alt="341767391_955031485681703_2102609397845072722_n.jpg">

Қармақшы ауданында атқарылатын жұмыстар ауқымды

<a href="https://kyzylorda-news.kz/">Kyzylorda-news.kz.</a> Жалағаш ауданында &nbsp;жол құрылысына 9 жоба межеге қойылса, жалпы құны 760,9 млн теңгені құрайтын 7 көшеге күрделі жөндеу жасалды. Олардың қатарында ауднаға қарасты Еңбек ауылының 3, Мырзабай ахунның 2, Жаңадарияның 1, Аққырдың 1 көшесі бар. Сонымен қатар М.Шәменов ауылындағы 9 көшеге, Жалағаш кентіндегі 2 көшеге орташа жөндеу жұмыстары жүргізілген.Бұқарбай батыр ауылына кіреберіс автомобиль жолын орташа жөндеу жұмыс-тары аяқталып, Жаңадария бағытындағы аудандық маңызы бар автомобиль жолына орташа жөндеу жұмыстары жүргізілуде. Осы атқарылған жұмыстар арқылы аудандағы жақсы және қанағаттанарлық жағдайдағы жолдар үлесі 93 пайызға жетіп отыр.Бұдан бөлек 2023 жылы «Нұрлы жол» бағдарламасы аясында жалпы құны 1 млрд 133,5 млн теңгені құрайтын 3 елді мекеннің, яғни Жаңадария, Ақсу, Аққырдың кіреберіс жолдарына және «Ауыл – Ел бесігі» жобасы аясында 673,5 млн теңгеге 4 елді мекеннің 8 ішкі көшесіне, атап айтсақ, Жалағаш кентінен 1, Бұқарбай батырдан 3, Еңбектен 3, М.Шәменов ауылынан 1 көшеге жөндеу жұмыстары жүргізілетін болады. Мұның өзі ауылдардағы біршама көшенің сапасы қалыпқа келіп, ел қуанышын еселейді деген сөз. Ал жөнделіп, тап-тұйнақтай болған көшелерге электр шамдарын жарқыратып қойса, нұр үстіне нұр болары сөзсіз. &nbsp;Жарықтандыру бойынша да 4 жоба &nbsp;бар, жалпы құны 286,2 млн теңгені құрайды.Жалағаш кентіндегі Қазбек би көшесінің жарық шамдарын қайта жаңғырту, «Ақтерек-170 гектарға» инженерлік-коммуникациялық инфра¬құ¬ры¬лым құры¬лысы, М.Шәменов ауылына кіреберіс аудандық маңызы бар автомобиль жолын қайта жарықтандыру жүзеге асып, Қаракеткен, Аламесек, Аққұм елді мекендерінің ішкі көшелері жарықтандырылмақ.Жол құрылысына жалпы құны – 1 млрд 807 млн теңгені құрайтын 7 жоба қаралып, 11 көшеге күрделі жөндеу жасалмақ. Олар «Самара-Шымкент-Мәдениет-Т.Жүргенов-Жаңаталап-Аққыр» аудандық маңыздағы автомобиль жолының 32-52,6 шақырым аралығын күрделі жөндеу, &nbsp;«Ақсу ауылына кіреберіс» аудандық маңыздағы автомобиль жолын орташа жөндеу, «Есет батыр-Жаңадария» ауылы аралығындағы аудандық маңыздағы автомобиль жолының 20,3-37,4 шақырым аралығын орташа жөндеу, 2022 жылға 100 млн теңге республикалық бюджеттен &nbsp;қаралған. &nbsp;Аудан аумағында республикалық маңызы бар 50 шақырым, облыстық маңызы бар 60,6 шақырым, аудандық маңызы бар 123,5 шақырым, барлығы 234,1 шақырым автомобиль жолдары бар.Аудандық маңызы бар автомобиль жолдарының 115 шақырымы немесе 93,1 пайызы жақсы және қанағаттанарлық жағдайда, 8,5 шақырымы немесе 6,9 пайызы қанағаттанарлықсыз жағдайда екенін айта кеткен жөн.&nbsp;Ал елді мекендердің электр желілерінің көпшілігінің жағдайы орташа. Жалағаш ауданы бойынша &nbsp;электр желілерінің жалпы ұзындығы 457,5 шақырымды құрайды. Елді мекендердің электр желілерін жаңғырту жұмыстарын жүргізу мақсатында «ҚЭТТК» АҚ жарғылық қорын ұлғайтуға облыстық бюджеттен 2019 жылы 300 млн теңге, 2020 жылы 72,6 млн теңге, барлығы 372,6 млн теңге бөлінген.Бөлінген қаржыға сәйкес «ҚЭТТК» АҚ-мен 2019 жылы Аққыр, Жаңадария, 2020 жылы Мәдениет, Аққұм, Жаңаталап, 2021 жылы Бұқарбай батыр елді мекендерінің электр желілері қайта жаңғыртылған. Атқарылған жұмыстардың нәтижесінде 109,5 шақырым электр желісі, 35 дана трансформатор қондырғылары жаңартылып, электр жүйесінің орташа тозу деңгейінің көрсеткіші 75 пайыздан 45,2 пайызға төмендеді.Аудандағы М.Шәменов ауылына кіреберіс аудандық маңызы бар автомобиль жолын жарықтандыру жұмыстарына &nbsp;2022 жылы облыстық бюджеттен 17,198 млн теңге бөлінген болатын. Мердігер мекеме «Пульс» ЖШС-мен жұмыстар толық аяқталып, нысан пайдалануға берілді.&nbsp;Бұқарбай батыр елді мекенінің 16 көшесін жарықтандыру жұмыстарына жобалау-сметалық құжаттар әзірленді. Жалпы жоба құны 170,2 млн теңгені құрайды. Жобаларды бюджеттен қаржыландыру үшін 2023 жылға облыстық энергетика және тұрғын үй-коммуналдық шаруашылық басқармасына бюджеттік өтінім тапсырылған.Халық тұтынатын күрежолдар жөнделсе, кентішілік, ауылішілік жолдарға самаладай жарық орнатылса, тозығы жеткен электр желілері жаңартылса, елдің көкейінде жүрген талап-тілектер орындалатыны сөзсіз.

Қазақстан және Қызылорда облысының жаңалықтары