<a href="https://kyzylorda-news.kz/">Kyzylorda-news.kz.</a> Жылдағы дәстүрмен шығыс халқының жыл бастауы – Наурыз мейрамын Байқоңыр ғарышкерлер айлағының тұрғындары да үлкен ұйымшылдықпен қарсы алды.Орталық алаңда таңнан басталған мерекеде ұлттық нақышта орнатылған киіз үйлерде қала тұрғындарына наурызкөже таратылып, мекемелер өнерпаздарының ұйымдастыруымен ұлтымыздың салт-дәстүрлері, әдеп-ғұрыптары туралы сахналық қойылым көрсетілді. Онда «Бесікке салу», «Құда түсу», «Тойбастар», «Тұсаукесер» және басқа қазақы салт-дәстүрлері көрініс тауып, мерекені одан әрі қазақша күрес, асық ату, ләңгі тебу, гір тасын көтеру сынды ұлттық ойындар жалғастырды.Мерекелік шарада байқоңырлықтар мен қала қонақтары қалалық мәдениет үйінің өнерпаздарының концерттік бағдарламасын тамашаласа, Наурыз мерекесінің жоғары дәрежеде өтуіне кәсіпкерлер де өзіндік үлес қосты. Осы ретте айта кету керек, қаладағы 60-қа жуық кәсіпкер 12 қанатты ұлттық нақышта безендірілген киіз үй тігіп, тұрғындарға ыстық палау мен наурызкөже таратты.Мерекелік шараға Қазақстан Республикасы Президентінің арнаулы өкілі Қайрат Нұртай, Байқоңыр қалалық әкімшіліктің басшысы Константин Бусыгин қалалықтарды әз Наурыз мерекесімен құттықтап, биылғы жылға қала тұрғындарының әл-ауқатын арттыруға арналған жобалар жайында әңгіме тінін тарқатты. Ұжым өнерпаздары сахналаған «Сырға салу», «Тұсаукесер» және басқа да қазақ халқының салт-дәстүрін тамашалап, жайылған мерекелік дастарқаннан дәм татты.Барша мұсылман қауымының ұлық мерекесі – әз Наурызды ақайлықтар да өз дәрежесінде тойлады. «Достық» саябағында «Әз Наурыз – Жаңа күн» атты мерекелік шара өткізілді.Ақай ауылы әкімі Эльмира Қазиева және ақсақалдар алқасының төрағасы Жақсылық Қыпшақбайұлы, әйелдер кеңесінің төрайымы Ұлжамал Ділекешова, Мүсірәлі Сопы Әзіз мешітінің найб имамы Нұрсұлтан Күнмырза ауыл тұрғындарын Наурыз мейрамымен құттықтап, шара шымылдығын ашқан соң, ауыл әкімі мерекені өткізуге атсалысқан мемлекеттік мекемелер мен қоғамдық ұйым өкілдеріне ауыл әкімінің алғыс хаты мен демеушілер тағайындаған сый-сияпатты тапсырды.Одан әрі арқан тарту, қол күрес, қой көтеру сайыстарына ұласты. Сайыс барысында білекті еразаматтар өзара күш сынасып, мерекенің шырайын келтірді. Жеңімпаздар ауыл әкімінің алғыс хатымен және демеушілердің қаржылай сый-құрметіне бөленді.Мереке соңында ауыл өнерпаздарының концерттік бағдарламалары қойылып, тұрғындарға түрлі тағамдардан наурызкөже таратылды.Наурыз мерекесін төретамдықтар да ерекше ықыласпен қарсы алды.Оған Төретам кент әкімі Ғалымжан Елеусінов, кент және Байқоңыр қаласының ардагерлері қатысып, жұртшылықты мерекемен құттықтап, ізгі тілектерін арнады . Еңбек ардагерлері мен ақсақалдары ұйымдастырушыларға ағалық батасын беріп, ризашылықтарын білдірсе, ақжаулықты аналарымыз шашу шашып, ұлтымыздың әдеп-ғұрпы жайлы әңгімеледі. Ал, жастар мерекені тамашалауға жиналғандарға өнерлерін көрсетіп, көтеріңкі көңілкүй сыйлады.Кенттің орталық алаңына орналастырылған ұлттық нақыштағы ақшаңқан киіз үйлерде наурызкөже таратылып, ата-бабадан жалғасын тауып келе жатқан салт-дәстүрлерден көрініс көрсетілді. Тұрғындар арасында ұлттық ойындар сайысы өтіп, жеңімпаздарға сыйлықтар табысталды.Қармақшы ауданы орталығынан шалғай орналасқан КСРО Батыры Тәйімбет Көмекбаев атындағы ауылда да жоғары деңгейде аталып өтті. Мерекені ауылдағы мекемелер, тұрғындар көркейту, көгалдандыру, тазалық жұмыстарын жүргізумен бастады. Биылғы жылғы Наурызды 1988-1989 жылғы туған азаматтар өз міндеттеріне алды.1971 жылы туған азаматтар мен азаматшалардың ұйымдастыруымен «Марат Разақов» атында шағын футболдан мерекенің алғашқы күні өткен аудандық жарыс кешкілік әуез мектебінің алғашқы директоры Жалғасбек Ләпбайұлы атындағы «Ретро әндер» байқауымен жалғасты. Шара соңы ауыл жастарының би кешіне ұласты.Келесі күні ауыл әкімі Нұрлан Ахметов, ардагерлер кеңесінің төрағасы Сақтапберген Қосбаев сөз сөйлеп, мерекелік лебіздерін білдірді.Қазақтың ұлттық салт-дәстүрлерінен мекемелер арасында сахналық қойылымдарға ұласқан шара одан әрі қазақ эстрадасының жұлдыздары Ғазизхан Шекербек, Кенжебек Жанәбілов, Бекзат Молдабергенов, «Әгугай» тобы ән шырқап, мерекенің шырайын әрледі. Сонымен қатар, ауыл тұрғындары мен қонақтарына арнап тігілген ақшаңқан киіз үйлерде дастарқан жайылып, наурыз көже таратылды.Наурыз мерекесі аясында қазақша күресі, гір тасын көтеру, арқан тартыс, қол күресі, қошқар көтеру сияқты жарыстар өткізіліп, жеңімпаздар демеушілер тағайындаған сыйлықтармен марапатталды. Мереке түс ауа ауыл сыртындағы ипподромда ат жарысымен аяқталды.Ал, Қуаңдария ауылында тұрғындардың көркейту, тазалық жұмыстарын жүргізумен басталған «Нұр себеле – Ұлыстың Ұлы күні» атты мерекелік шарасы да жоғары деңгейде аталды. Жыл сайын ауыл тумаларының ұйымдастыруымен өтетін дәстүрлі Наурыз тойы 1978 жылғы туғандардың қолдауымен өтті.Екі күнге созылған мерекелік шараның алғашқы күнінде, яғни 21 наурыз күні кешке Қазақстанның эстрада жұлдызы, Қазақстан Республикасы мәдениет қайраткері, «НұрМұқасан» тобының әншісі Нұрлан Қонысбаевтың қатысуымен және Ақсәуле Көптілеуқызының ұйымдастыруымен «Ретро әндер» байқауы, лоторея ойындары ойналып, соңы ауыл жастарының би кешіне ұласты.Наурыз мейрамының екінші күні, яғни негізгі шарасында ауыл әкімі Ардақ Аймырзаев ауылдастарын мерекемен құттықтап, ыстық ықыласын білдірген соң, жиналған жұртшылық қазақтың салт-дәстүрлерінен мекемелер арасында ұйымдастырылған сахналық қойылымдарды тамашалады. Ауыл өнерпаздары ән шырқап, көрермендерге көтеріңкі көңіл-күй сыйлады. Одан әрі ұйымдастырушылар ауыл тұрғындары мен қонақтарына алаңда тігілген киіз үйлерде дастарқан жайып, наурызкөже таратты. Сонымен қатар, қол күрестен жарыс өткізді.Мереке ауыл сыртындағы ипподромда жүйріктер бәйгесімен өрнектелді. Тұлпарлар бәйгесінде жүлделі орын алғандарға демеушілердің бағалы сыйлықтары табысталды.Ал, Алдашбай ахун ауылдық округінде өткен Наурыз мерекесі түрлі спорттық іс-шаралар, оның ішінде қазақша күрес, қол күресі, арқан тарту, қошқар көтеру, волейбол, тай жарысымен, ауылдағы мекеме қызметкерлерінің қазақтың салт-дәстүр, әдеп-ғұрыптары туралы сахналық қойылымдары көп көңілінен шықты.Мерекелік шарада ауыл әкімі Нұрбол Тоғызбаев, «Майлыөзек К» ЖШС төрағасы Мақсат Байтұрсынов, ардагерлер кеңесінің төрағасы Қартабек Айтмаханов ауыл халқын Ұлыстың Ұлы мерекесімен құттықтаса, ауыл ақсақалы Нәби ата ақ батасын берді.Ұлысқа мерей, туысқа мейір сыйлаған Ұлыстың Ұлы мерекесі Наурыз даңғайыр ақын Тұрмағамбет ауылында да ерекше өтті.Ауылдың орталық алаңында өткен «Қош келдің әз Наурыз» шарасында ауыл әкімі Мұрат Алдамұратов ауылдастарын мерекемен құттықтап, ыстық ықыласын арнады.Шара басында ауыл әкімі ақсақалдармен бірге көктемгі тал егу рәсімін жасады. Мерекелік шара ауыл өнерпаздарының концертімен, түрлі спорттық және ат жарыспен жалғасын тапты. Сонымен қатар, демеушілер тағайындаған Наурызкөже тарататын орындарды ұлттық нақышта безендіру номинациясы бойынша қазылардың шешімімен бас жүлдені ауылдық амбулатория ұжымы жеңіп алса, ата-әжеге арналған ұлттық киім номинациясы бойынша Әмзебек Аймаханов пен Құрманкүл Амантаева, ұлттық киім киген «Ер мен әйел» номинациясы бойынша Ұлман Сағындықова мен Әбдірахман Байменов, ұлттық нақышта киім киген «Ұл мен қыз» номинациясы бойынша Зайыровтар әулеті марапатталды. Ал, қыз-келіншектердің самаурынмен шай қайнату номинациясы бойынша І орынды ауылдық амбулатория иемденіп, мерейі үстем болды. Қазақ күресінен ұйымдастырылған жарыста Даража Мирас, Ноян Ерсұлтан, Асылбек Қуаныш, Болатбек Бейбарыс, Ерланұлы Дінмұхаммед, Артур Шалқарұлы өз салмақтарында жеңімпаз атанса, түйе палуан жарысында Нұржан Өндібаев барлық қарсыласын жеңіп, бас жүлдені қанжығасына байлады. Қол күресінен Бағдат Еламанов, гір тасын көтеруде Нұржан Өндібаев, асық атуда Ерқанат Нұрлан, қошқар көтеру бойынша Дәулет Қазбаев, арқан тартуда 1996 жылғы азаматтар жеңімпаз атанып, демеушілер тағайындаған жүлдеге ие болды.Мереке соңы тұлпарлар жарысына ұласты. Тай және тоқ бәйгелерінде жалағаштық Батырбек Нұрмахановтың жүйріктері бәйге жеңімпазы болып танылды.Сан ұлтты саясына сыйдырған құтты мекен – ІІІ Интернационал ауылы тұрғындары да әз Наурыз мерекесін өте жоғары деңгейде қарсы алды. Мерекені тамашалауға жиналған ауыл тұрғындары мен қонақтарына ауыл әкімі Нұрлыбек Сайымов, аудандық мәдениет және спорт бөлімінің басшысы Дәурен Ержанов, «Достық Жер МК» ЖШС директоры Бекир Набиев құттықтауын арнап, мерекенің маңыздылығына тоқталды.Интернационалдықтар мерекені тал егуден бастады. Ақсақалдардың ақ батасымен жеміс көшеттері отырғызылды. Әрі қарай ауылдық мәдениет үйінде мекеме ұжымдарының қатысуымен «Наурыз дәмі» тақырыбында түрлі ұлт өкілдерінің тағамдары жұртшылыққа ұсынылса, ауылдағы мекеме, кәсіпорындардың театрландырылған қойылымы қойылып, салт-дәстүр, әдет-ғұрып көріністері арқылы ел тәуелсіздігі мен ұлт мұраты сынды ұлы құндылықтар дәріптелді. Сондай-ақ, ұлттық спорт түрлерінен сайыстар ұйымдастырылып, жүлдегерлер «Достық Жер МК» ЖШС мен «Болашақ» ШҚ демеушілігімен қаржылай сыйлықпен марапатталды.Ал, Қармақшы ауылында өткен Наурыз мерекесі қарсаңында ауыл әкімшілігінің ұйымдастыруымен еңбек ардагерлерінің қатысуымен ауыл шетіндегі алма баққа көшеттер отырғызылды. Мереке аясында №13 «Балбөбек» бөбекжай-бақшасы қызметкерлері бесікке салу көрінісін қойса, ауыл азаматы Тұрабай Кәдіровтің қолдауымен салынған спорт алаңының ашылу салтанаты өтті. Қазақ күресінен, арқан тарту, гір тасын көтеру, волейболдан жарыс ұйымдастырылып, оның жеңімпаздарына «Абыла» ауылдық корының демеушілігімен қаржылай қолдау көрсетілді. Ауыл әкімі Аяз Есқараев, еңбек ардагері Бисенбай Жүсіпбеков, ардагерлер кеңесінің төрағасы Мұхтар Таңбаевтар ауылдастарына мерекелік жүрекжарды лебіздерін білдірді.Наурыз мерекесінде оған қатысушылар «Әмит ишан» мешіті асханасында жайылған наурызкөжеден дәм татып, әруақтарға арнап бағышталған Құранға қол жайды. Мерекелік шарада ауылдық клуб қызметкерлері мен өнерпаздары ауыл тұрғындарын ән мен жырға бөледі. Мұндай мерекелік шара Қызылтам елді мекенінде де өтті.&nbsp;

Байқоңырда наурыз мерекесі тойланды

<a href="https://kyzylorda-news.kz/">Kyzylorda-news.kz.</a> Өткен жыл саяси өзгерістерге толы жаңашылдыққа бет бұрған, жаңа реформалар мен билікті қайта құруға бағытталған бастама жылы болды. Мемлекет басшысы «Жаңа Қазақстан: жаңару мен жаңғыру жолы» атты халыққа Жолдауында алдағы орындалуы тиіс тапсырмаларды айқындап берді. Бұл қоғамның қажеттілігі мен сұранысына негізделген еліміздің саяси жүйесін кешенді жаңғыртуға бағытталған бағдарлама еді. Жаңашылдыққа, халық үшін тиімді өзгерістерге бетбұрыс жасауды қолға алған тұста Президент Қасым-Жомарт Тоқаев өзінің сайлауалды бағдарламасында енді бәрі бұрынғыдай болмайтынын, болашаққа қадам жасауда түбегейлі өзгеріс керектігін айтып, «Әділетті Қазақстанның» іргетасын қалаймыз деген еді.Осы орайда 19 наурыз Президент ҚасымЖомарт Тоқаевтың Жарлығымен ҚР Парламенті Мәжілісі және барлық деңгейдегі мәслихат депутаттарын сайлау күні болып бекітілді. Бұл саяси науқан елімізді түбегейлі өзгеріске бастайтын қадам болды. Жаңа науқанның бұрынғы сайлаудан өзгешелігі – депутаттарды халық өзі сайлады. Сайлаушылар өз округінен сайлаған депутат міндетін дұрыс атқармаған жағдайда мандатын кері қайтаруға құқылы. Бұл халық қалаулыларының елмен етене байланыс жасап, халықтың мұң-мұқтажына көңіл бөлуде жауапкершілік жүктейтінін сезіндірді. Өткен аптаның соңында, яғни 19 наурыз күні ҚР Парламенті Мәжілісі және барлық деңгейдегі мәслихат депутаттарының сайлауы өтті. Сайлаушылар таңғы сағат 7.00-ден дауыс беруді бастады. Таңдау жасау кешкі 20.00-ге дейін жалғасты. Бұл науқанда «AMANAT», «Ақ жол», «Respublica», «Baytaq», «Qazaqstan Halyq», Жалпыұлттық социал-демократиялық партиясы, «Ауыл» сынды 7 партия өзара бақ сынады. Маңызды науқан облыста да өз деңгейінде ұйымдастырылды. Аймақта 373 сайлау учаскесі бойынша 486002 сайлаушы тіркелген болса, қалада 120 сайлау учаскесі жұмыс істеді.&nbsp;Сайлаушылар өз сайлау округі бойынша лайықты кандидатқа дауыс беріп, еліміздің болашағы үшін таңдау жасады. Саяси дода Наурыз мерекесі қарсаңында өткізілгендіктен әр сайлау учаскесінде мерекелік көңіл-күй сезілді. Киіз үйлер тігіліп, сайлаушыларға ұлттық дәм ұсынылды. Өнерпаздар ән айтып, би билеп келушілерге көтеріңкі көңіл-күй сыйлап, ұлттық ойындар ойнатылды. Кейбір сайлау учаскесінде тұрғындар жасару мен жаңарудың белгісі ретінде көшет отырғызды. Сондай-ақ дауыс беруге бірінші келіп, арнайы жәшікке алғаш бюллетень салған сайлаушыларға, 18 жасқа толып алғаш рет дауыс беруге келген жастарға естелік сыйлықтар берілді.&nbsp;Сырбойылылықтар саяси науқанға белсенді қатысты. Сайлау учаскелерінің комиссия мүшелері заңдылықтар мен ереже-талаптарын сақтап, қала тұрғындарына сайлау күні дауыс беруге жылжымалы жәшіктер арқылы мүмкіндіктер жасады. Осы орайда Ұлы Отан соғысының ардагерлері де сайлау күні мүмкіндікті пайдаланып, үйден дауыс берді. Бұдан бөлек мүмкіндігі шектеулі азаматтардың таңдау жасауы үшін арнайы 13 инвотакси қызмет көрсетті. Сонымен қатар сайлаудың заңға сәйкес өтуін Еуропадағы қауіпсіздік және ынтымақтастық ұйымынан келген байқаушылар бақылады. Жалпы сайлаушылардың дауыс беру көрсеткіші бойынша Қызылорда облысы республикада бірінші орынға шықты. Бұдан кейінгі орынға Қостанай, Солтүстік Қазақстан, Жамбыл облысы тұрақтады. Маңызды науқан жергілікті уақытпен кешкі 20.00-де аяқталды.

Қызылордада 120 сайлау учаскесі жұмыс істеді

<a href="https://kyzylorda-news.kz/">Kyzylorda-news.kz.</a> Қызылордалық қолөнерші әрі кәсіпкер Қарлығаш Ілиясованы білмейтін жан жоқ шығар… Сыр еліне ұлттық киімді дәріптеумен бірге қазақы нақыштағы бұйымдарды тігіп, көрмелерге қатысып, жүлделі орын алып жүрген қолөнершінің бірі. Бүгінде оның өз орталығы, өз тұтынушылары бар.Қарлығаш Ілиясова осыдан 15 жыл бұрын Қырғыз елінен өз туған жеріне көшіп келеді. Алғаш келген кезде тек күнкөріс қамы үшін ұлттық нақыштағы қолөнер бұйымдарын тігіп, тұтынушыға ұсынады. Уақыт өте келе кәсібін кеңейтуді ойлап, кәсіпкерлер палатасынан бизнес кеңес алады. Осы мекемеден инновациялық жобаларға арналған грант туралы да естиді. Оған өзінің бизнес-жоспарын ұсынып, грантқа, яғни қайтарымсыз қаржыға қол жеткізеді. Осылайша шағын шеберханасын ашып, қосымша тігін машиналарын алуға мүмкіндік туады. Одан бөлек, үйінде жұмыссыз отырған қыз-келіншектерге өзінің білгенін үйретіп, кәсібін одан әрі ұлғайтуды көздейді.<blockquote>«Негізі қолөнермен айналысқаныма 26 жылдан астам уақыт болды. Бастапқы жетістігімнен бастасам, «Қазақстанның үздік тауары», «Шебер» фестивалі сынды шараларға қатысып, жүлделі орындарға ие болдым. 2017 жылы «ЭКСПО» көрмесіне қатыстым. Ол жерде ұлттық киімдерді де көрсеттік. Ұлттық киімдердің матасы синтетика емес, кезінде әже-апаларымыз киген барқыттан тігіледі. Сапасына қарай бағасы қымбаттау. Дегенмен халықтың қалтасы көтеретіндей», – дейді кәсіпкер Қарлығаш Ілиясова.</blockquote>Бүгінде қызылордалық қолөнерші Қарлығаш Ілиясова таза былғарыдан қол сөмкелер, қазақтың тұс киізі, этно стильдегі шапандар тігуді қолға алды. Кейіпкеріміздің айтуынша, бұл сұранысқа ие бұйымдар екен.<blockquote>«Сондай-ақ қыз жасауы, ұлттық киімдерді де тігіп жатырмыз. Оған қоса таза былғарыдан тігілген этно стильдегі сөмкелерге жұрттың қызығушылығы жоғары болып тұр. Бірақ бізде тігіншілер жетіспейді. Бұл шеберлікті одан әрі шыңдап, дамыта беруге болады. Әйткенмен дәл қазіргі кезде арнайы ғимарат болмай отыр. Әйтпесе жүзеге асыратын идеялар өте көп», – деді шебер иесі.</blockquote>Шебердің жаңа жобасыКейіпкеріміз үнемі ізденіс үстінде жүреді. Жақында жаңа жобаны да қолға алды.<blockquote>«Қызылорда облысындағы қыз-келіншектерге көмегім тисін деп «Қарлығаш» шеберлер орталығының кәсіби жас дизайнерлер арасында «QYZYLORDA CRAFT FASHION WEEK» жобасын бастадым. Бұл жоба үйінде нәпақасын тауып отырған нәзік жандардың сұранысынан туған идея. Олар да өздерінің жасаған туындысын халыққа ұсынғысы келді. Маған хабарласып, пікір алмастық. Сол кезде осы жобаны шығару ойыма келді. Жоба қаржысыз жасалды. Әрине, игі жақсылар көмектесті, себепкер болды. Алғысым шексіз. Мендегі мақсат – жас буынға, өскелең ұрпаққа өз тәжірибеммен бөлісіп, білгенімді үйреткім келеді. Негізі алдағы уақытта осы облыстан қолөнер орталығының өндірісін ашқым келеді. Шыны керек, ғимарат жағынан шамалы кедергілер болып тұрғаны жасырын емес», – деп қолөнерші қолдау күтетінін жеткізді.&nbsp;</blockquote>Расында да, егер бұл жоба қолға алынса, қыз-келіншектер арасында да жұмыссыздық азаяр еді.Былғары сөмке сұранысқа иеҰлттық құндылығымыздың дәріптелуіне, ұрпақтар сабақтастығының жалғасын табуына септігін тигізіп жүрген қолөнершінің туындылары ерекше-ақ. Қашанда жаңа идея ойлап жүретін ол бұл жолы ұлттық нақыштағы сөмкелерді шығаруды қолға алды.<blockquote>«Жаңа туынды таза былғарыдан жасалған. Бұған дейін өңірде былғарыдан сөмке жасау ісі болған емес. Аяқкиім шығарудың өзі енді-енді қолға алынуда. Бұл көптен бері ойда жүрген мақсатым еді. Этно стильдегі сөмкелерге сұраныс көп. Алғашқы үлгілері құрақ стилінде болды. Қазір әртүрлі бейнеде шығарылуда. Жалпы ұлттық өнерді дамыту тек құрақ көрпе, шапан сияқты дүниелерден тұрмайды ғой. Кез-келген қолданыстағы дүниеге қазақы нақыш беріп әрлеуге болады. Бұл бір бағытта жұмыс істемей жан-жақты дамудағы мақсат болды. Көпшілік қызығушылық танытуда. Жаңа &nbsp;жоба одан әрі дами түседі деп ойлаймын», – дейді шебер бізбен әңгімесінде.</blockquote>Жалпы қазақы ою-өрнекпен әрленіп, әсемделген қол сөмкелер нарықта сұранысқа ие. Сондай-ақ мұндай дүниелерді жасап шығарушылар да баршылық. Бұған дейін кейіпкеріміз арнайы матадан тігілген сөмкелерді жарыққа шығарған. Енді оны былғарыға ауыстырып, қайта жаңғыртуда.<blockquote>«Қайсыбір істі бастау үшін қаражат қажет екені белгілі. Тиісті орындарға барып жобамды ұсындым. Олар көңіл бөлгенімен қолдау бола қоймады. Солай біршама уақыт бұл іс тоқтап тұрды. Кейін өз қаражатыма жұмысымды жандандырайын деп шештім. Солай ақырындап бастаған жайым бар. Оған жұртшылық арасында сұраныстың артуы қуантты», – дейді кейіпкеріміз.</blockquote>Иә, нарықта қол сөмкесінің түр-түрі бар. Ал талғампаз қыз-келіншектер үшін этно стильдегі сөмкенің орны ерекше болары анық. Түрі де, түсі де бір-біріне ұқсас сөмкелерден мұның ерекшелігі де осы болмақ.Жасынан ұлттық өнерді серік етіп сол жолда тынбай ізденіп жүрген Қарлығаш Ілиясованың балалары да ана жолын қуып, зергерлік бұйымдар дайындаумен айналысады. Бүгінде қазақы қолөнерді сабақтастыра білген ана мен бала салт-дәстүрді, ұлттық болмысты осылайша дәріптеп келеді.Иә, қолөнер – таза еңбек. Ал ол еңбектің арқасында Қарлығаш Қазақстан шеберлер Одағының мүшесі және оның облысымыздағы өкілі, әрі қолөнер шебері. Оның қолынан шыққан эксклюзивті бұйымдар халықаралық мәдени-этнографиялық фестивальдерде, көрме-жәрмеңкелерде көптеген алғыс хаттармен, дипломдармен, сыйлықтармен марапатталған. Сонымен қатар Сыр елінде өткен «Сән мен сахна» халықаралық дизайнерлер фестивалінің жеңімпазы. Кейіпкеріміздің алар асуы әлі алда деп білеміз.

Қызылордалық кәсіпкер былғарыдан  қол сөмкесін тігуде

Республикалық ақындар айтысы өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының спортшылары біршама байрақты бәсекеде топ жарып, намысты қолдан берген емес. Жыл сайын сан түрлі спорт түрлерінен бақ сынап жүрген аудан саңлақтары кеше ұлық мерекені тойлаған болатын. Спорт саласының мамандарының ұйымдастыруымен өткізілген «Армысың, Әз-наурыз» атты мерекелік іс-шараның мән-мағынасы зор.Аудандық спорт кешенінде жүзеге асқан кешке Сырдария аудандық мәдениет және спорт бөлімінің басшысы Жігер Айекешов, Халықаралық «Қазақ тілі қоғамы» ҚБ Сырдария аудандық филиалының төрағасы Шаһарбек Нұрсейітов, Тереңөзек кенті ардагерлер кеңесінің төрағасы Зайдағали Жүсіпбайұлы, жекелеген мекеме басшылары, сала мамандары мен ардагерлер қатысты. Өз кезегінде аудандық мәдениет және спорт бөлімінің басшысы Жігер Айекешов сөз сөйлеп, жиналған көпшілікті мерекемен құттықтады.<blockquote>– Ізгіліктің нұры төгілген Наурыз мерекесімен барша жиналған қауымды құттықтаймын! Әрине, өткен жылға өкпе жоқ, келер жылдан үміт көп. Сырдария ауданының ұл-қыздары түрлі деңгейдегі байрақты бәсекелерде бақ сынап, аудан мерейін асқақтату үстінде. Спортшыларымыздың әрбір жеңісінің артында Сіздердің орасан еңбектеріңіз тұр. Міне, бүгін біз ынтымағы жарасқан, тірлігі бекем ұжым ретінде қазақтың жаңа жылында бас қосып отырмыз. Әрбір шаңырақта қуаныш пен береке, мол несібе орнасын. Наурыз мерекесі құтты болсын, – деді бөлім басшысы.</blockquote>Сән-салтанаты жарасқан мерекелік кеште қазыналы қарттар тілеулес ағайынға ақ батасын берді. Сонымен бірге наурыз көже, бауырсақ секілді қазақтың бірнеше ұлттық тағамы ас мәзіріне қойылды.Іс-шара барысында аудан спортшылары салт-дәстүрді дәріптеді. ҚР Журналистер Одағының мүшесі Серік Камалов жас келіннің бетін ашты. Ал аналар қауымы сәбиді бесікке салып, тұсауын кесті. Ұлттық салт-дәстүр жаңғыра түскен мерекелік кеште сәбиге үлкендер ақжарма тілегін жеткізді.Спорт саласының ардагері Зұлхарнай Тасберген спорт саласында еңбек етіп, бақилыққа аттанған спорт майталмандарының рухына Құран бағыштады. Өскелең спортшыларға жеңісті жолды жалғастыруға сәттілік тілеп, ақ батасын берді.<blockquote>– &nbsp;Асылында, түркі тілдес елдерге ортақ мереке саналатын ұлыс күнді өз дәрежесінде тойлаған абзал. Қашанда абырой, намыс, жеңіс сөздерін өмірлік ұстаным еткен спортшылар дәстүр сабақтастығын жалғастыру үстінде. Біз қай кезде де ұлтымыздың айрықша мәнге ие мерекесін тойлай бермекпіз.Көптеген спортшы бұл күнді көрмей кеткені өкінішті. Үлкендердің ізбасары бола білген жастардың болашағына зор үмітпен, үлкен сеніммен қараймыз. Оларға дәстүрді дәріптеуді, ұлттық мерекені ұлықтауды үйретуден жалықпаймыз. Спорт саласының мамандарының алдағы қызметіне сәттілік тілеймін, – деді сала ардагері.</blockquote>Үлкендердің ақ батасын алған сала мамандары спорт түрлерінен жарысқа түсті. Мәселен, гір тасын көтерген спортшы біткен мықтылық танытты. Қыздар мен ұлдар өзара бөлініп қол күресті. Сонымен бірге өзара арқан тартысқа шыққан олар көпшіліктің көзайымына айналды. Мерекелік басқосуда арнайы шақырылған меймандар өз құттықтауларын жеткізді.&nbsp;&nbsp;

Салт-дәстүр жаңғырған күн

<a href="https://kyzylorda-news.kz/">Kyzylorda-news.kz.</a> Шиелі ауданында ұлыстың ұлы күні әз-Наурыз мерекесі сән-салтанатымен атап өтілді.Оннан астам киіз үйлер тігіліп, салт-дәстүріміз бен әдет-ғұрпымызды айшықтайтын қойылымдар қойылды. &nbsp;Ән мен күй әуелеп, ұлттық ойын түрлерінен сайыстар өткізілді. Сондай-ақ, тұрғындарға арнап дастархан жайылып, Наурыз көже мен түрлі дәмдер берілді. &nbsp; Айтулы шараға аудан әкімі Нұржан Ахатов, құқық қорғау органдарының басшылары мен батагөй қариялар да қатысып, аудан басшысы барша аудан жұртын қазақ халқының төл мерекесі Наурыз мейрамымен құттықтады.<blockquote>«Ардақты ағайын! Құрметті аудан тұрғындары! Күн менен түн теңеліп, тіршілік атаулы оянып, айнала қуанышқа бөленетін Ұлыстың ұлы күні – жыл бастауы әз-Наурыз баршаңызға құтты болсын! Көктің тынысын тыңдап, жердің тамырын бас қан, тұрмыс-тіршілігін табиғат-анамен тығыз байланыстырған халқымыз Наурызды жаңару мен жасампаздықтың бастауы, ырыc пен берекенің арбағанпяу. Біз де осы дәстүрден жаңылмай жыл сайын төл мерекемізді сән-салтанатымен қарсы алып келеміз. Жалпы биылғы жыл аймағымыз бен ауданымыз үшін табысты, берекелі жыл болады деген үлкен сенім бар. Себебі, был Сырдария өзенінің сағасы қайта суға толып, жылдар бойы табаны кеуіп, таңдайы қураған дариямыз бен көлдерімізге түгелдей су жиналды. Бұл жаңалық нәпақасын осы қара жерден айырып отырған шаруалар мен жалпы аудан халқы үшін үлкен қуаныш болды. Күні кеше ғана еліміз үшін саяси маңызға ие Парламент Мәжілісі және мәслихат депутаттарының сайлауын халқымыздың бірлігі мен ынтымағының арқасында абыроймен өткізіп, аймағымыз халықтың белсенділігі жөнінен Республика бойынша көш бастады. Осы ретте, аймақ басшысы Нұрлыбек Машбекұлы 2022 жылы өткен Жалпыхалықтық референдумда және Президент пен Сенат сайлауында бірліктің озық үлгісін көрсеткен Сыр жұртшылығының осы жола да алдыңғы қатардан көрінетініне риясыз сенгендігін, және сол үмітінің ақталғанына шексіз қуанышты екендігін жеткізуде», – деді аудан әкімі өз сөзінде.</blockquote>Мұнан соң, мерекелік шара театрландырылған қойылымдарға ұласып, аудан өнерпаздары ән мен биден шашу шашты. Тіпті, бір мезетте 80 домбырашы балдырғандар шығып, ұлттық аспабымыз домбырамен әсем күйді әуелетті.Сондай-ақ, шара барысында аудан әкімі ата-анасының өтініші бойынша балдырғанның тұсауын кесіп, оның ғұмырлы, елге сыйлы азамат болуы үшін ақ тілегін арнады.<figure class="image"><img src="https://knadmin.beoblood.kz/uploads/337019899_3057103997923260_386837017962666605_n_d41cad4bf5.jpg" alt="337019899_3057103997923260_386837017962666605_n.jpg"></figure><figure class="image"><img src="https://knadmin.beoblood.kz/uploads/337128874_535595282027872_9168037646997952264_n_e686924eba.jpg" alt="337128874_535595282027872_9168037646997952264_n.jpg"></figure>

Шиеліліктер Ұлыстың ұлы күнін атап өтті

<a href="https://kyzylorda-news.kz/">Kyzylorda-news.kz.</a>&nbsp; Табиғат ананың бусанып, тіршілік тірілетін жаңару айын қазалылықтар сән-салтанатымен қарсы алуда. Орталық алаңда ақшаңқан 15 киіз үй тігіліп, ұлттық салт-дәстүрді дәріптейтін шаралар, спорт түрлерінен жарыстар ұйымдастырылды. Мереке нышаны саналатын наурыз көже әзірленіп, әсерлі ән мен жыр төгілді.Ұлыстың ұлы күнін Қазалы ауданының әкімі Мұхтар Оразбаев елмен бірге Наурыз тойын тойлап, ақжарма тілегін жеткізді.<blockquote>«Наурыз – жылдың басы, күн мен түннің теңелер шағы. Тамырын тереңнен тартқан осынау мереке – ежелден халқымыздың бір-біріне деген риясыз ақ көңіліне, татулығы мен ынтымақ-ықыласына арқау болып, шаттық пен қуанышқа кенелтетін ұлы күн. Наурызда айтылған барлық тілек қабыл болады деген наным бар. Тәуелсіздігіміздің тұғыры берік болып, еліміздің қуаты арта берсін. Ұлыстың ұлы күні құтты болсын!», – деді аудан басшысы.Ұлттық мерекеге орай құрылыс, ауыл шаруашылығы, білім, спорт салаларының ардагерлері «Қазалы ауданының Құрметті азаматы» атанды.</blockquote>Мерекеге жиналған тұрғындар ұлттық тағамдар мен наурыз көжеден дәм татты. Жергілікті өнерпаздар мерекені думанға бөлеп, көтеріңкі көңіл-күй сыйлады.Сонымен қатар, алаңда қайырымдылық шатыры тігіліп, мерекелік дастархан ұйымдастырылды. &nbsp;

Ұлыстың ұлы күнін сән-салтанатпен қарсы алды

<a href="https://kyzylorda-news.kz/">Kyzylorda-news.kz.</a> Қостанай тумасы, ресейлік ғарышкер Дмитрий Петелин Наурыз мерекесімен жерлестерін ғарыштан құттықтады деп хабарлайды <a href="https://stan.kz/garishtan-kyttiktau-kazakstan-tumasi-zherlesterin-nauri-379434/">Stan.kz</a>.Ғарышкер қазақ және орыс тілінде жерлестерін құттықтап, Жер орбитасынан видео жолдады.<blockquote>«Жерлестер! Сіздердің мерекелеріңіз құтты болсын! Өздеріңізді сақтаңыздар. Мен ғарыштан Жерге қарауға мүмкіндік алдым және сіздерге мынаны айтқым келеді: бір-бірлеріңізге ренжімеңіздер және ашуланбаңыздар. Біздің планетамыз үлкен және әдемі. Бүгін үлкен және жарқын мереке. Қиындықтарға биіктен қараңыздар, ал Күннің атуы мен батуын қуанышпен қарсы алыңыздар. Өмір – ғажап. Наурыз мерекесі құтты болсын», – деді ол.&nbsp;</blockquote>

Ғарыштан құттықтау: Қазақстан тумасы жерлестерін Наурыз мерекесімен Жер орбитасынан құттықтады

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы орталығы Тереңөзек кентінде Ұлыстың Ұлы күні мерекесіне арналған мерекелік іс-шаралар өтті. Жаңа жыл мейрамына орай ұйымдастырылған іс-шараға аудан тұрғындары мен қонақтары қатысып, «Наурыз – мереке бастауы» атты театрландырылған қойылымды тамашалады.Аудан әкімі Мұрат Ергешбаев жиналғандарды көктемнің шуақты мерекесімен құттықтап, ізгі тілегін білдірді.Құттықтау сөзінде: «Бұл мереке халқымызды береке-бірлік пен ортақ мүддеге жұмылдырады. Осы ретте ерекше атап өтуіміз керек, былтырғы жылы облыс бойынша «Үздік аудан» атанған Сырдария ауданы биылғы Наурыз мерекесін ерекше көңіл-күймен қарсы алуда.Аудан орталығы мен ауылдардың да келбеті жыл санап көркейіп келеді. Мұның бәрі – біздің бірлесе атқарған жұмыстарымыздың жемісі. Күні кеше өткен сайлауда да аудан халқы бекем бірліктің, көркем тірліктің жарқын үлгісін көрсетті. Ұлыстың ұлы күні әр отбасына шаттық, мол ырыс, ынтымақ әкелсін. Татулығы жарасқан елдің тұғыры биік болсын! Баршамызға Наурыз мерекесі құтты болсын – деді аудан басшысы.Мерекелік іс-шара барысында қазақы үлгіде безендірілген киіз үйлер тігіліп, ұлттық нақыштағы көрмелер мен спорттық сайыстар ұйымдастырылып, атадан-балаға мирас болып келе жатқан салт-дәстүрлер дәріптелді. Көпшілікке алтыбақан құрылып, жергілікті кәсіпкерлер сауда қатарларын ұйымдастырды.Наурыз мейрамына жиналғандар мерекенің басты тағамы наурыз көжеден ауыз тиіп, бір-біріне ақ тілектерін арнады. Әсем әндерді әуелете шырқаған көркемөнерпаздар аудан тұрғындары мен қонақтарына көтеріңкі көңіл күй сыйлады.&nbsp;&nbsp;

Ұлық мереке аталып өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев қызылордалықтарды 22 наурыз - Ұлыстың ұлы күнімен құттықтады.&nbsp;<blockquote>«Ардақты ағайын! Қадірлі жерлестер! Наурыз – көнеден келе жатқан мағынасы мәнді, тағылымы терең мереке. &nbsp;Күні бүгінге дейін жер шарындағы көптеген халықтардың дәстүрлі мейрамына айналды. «Наурыз» сөзі біріншіден, «жаңа күн» дегенді білдірсе, екіншіден, күн мен түн теңеледі, сондықтан барлық бастама, ұлы істі ырымдап халық осы күні бастаған. Сол себепті бұл күнді «Ұлы істің ұлы күні, яғни Ұлыстың ұлы күні» деп атаған. Ырымшыл халқымыз көптеген елеулі істерін осы күнге &nbsp;туралап үмітін үкілеген, кеткеніміз келсін, кемтігіміз толсын деп тілектерін жүректеріне байлап, елдің береке-бірлігін ту еткен. Тарихи тамыры тереңге бойлаған әз-Наурыз дана хал­­қымызда ерекше сән-сал­та­натпен аталып өтеді. Бұл бір жағынан өткенді саралап, бола­шағымызды болжайтын айрықша маңызға ие. Кейингі уақытта аймақта қаншама игілікті іс атқарылюда. Сыр өңірі сан-салалы серпілістің алтын бесігіне айналуда. Қашанда ауызбіршілігі мен ынтымағы берік Сыр халқы Парламента Мәжілісі және мәслихат депутатың сайлауында жарқын болашақ үшін белсенділік танытты. Сындарлы сәтте көрінген нық ұстаным мен ортақ мүддеге деген көзқарас елдіктің мерейін әрдайым асқақтата берсін! @Ақ ниетпен өткенге салауат айтып, ақ тілекпен жаңа Наурызды қарсы алайық. @Тәуелсіздігіміз тұғырлы, халқымыз аман, бейбітшілік заман болсын. Әр шаңыраққа бақыт пен шаттық тілеймін», - деді облыс әкімі.</blockquote>

Аймақ басшысы қызылордалықтарды құттықтады

<a href="https://kyzylorda-news.kz/">Kyzylorda-news.kz.</a> Жабырқағанның көңілін көтеріп, қазасын астарлы сөз, күңіренген күймен есітіртіп, ас-тойын жырау-жыршысыз өткізбейтін қазақ деген өнер қонған халықтың көнермес ұлы дәстүрінің бірі – жыраулық өнері. Жыршылық қай заманның болмасын ұрпақтарын ана тілімізде, қазақи ұлттық рухта, өнерпаз ата-бабаларымыз көздің қарашығындай сақтап бізге жеткізген дәстүрлі ұлттық мәдени мұралар негізінде тәрбиелеу бірінші орынға шықты. Баба жолын жалғамақ мақсатта жуырда Ақтөбе қаласындағы «Нар-қыз» жыр мектебінің директоры Жаңылсын Қуанышбайқызы мен ата-аналардың демеушілігімен «Жаңа талап жорғамын...» атты I республикалық жыраулар байқауы өтті.Аталған өнер додасына Роза Бағланова атындағы Қазалы аудандық мәдениет орталығынан аудан абыройын арқалап «Жыраулар» үйірмесінің мүшесі Абылай Құнанбайұлы да қатысқан еді.Сайысқа елдің шет-шетінен ұлт мұрасы – жыраулық өнердің тінін жалғап, дәріптеп жүрген жас жыраулар жиналды. Олар орындаушылық шеберлігін шыңдау мен жан-жақты дамуды, сондай-ақ, ұлттық өнерді дәріптеу мақсатында ел алдында қымсынбастан өнер көрсетті.Жас жыраулардың қай-қайсы да көптен бері жырға сусындап жүрген көрермендердің делебесін қоздырып, лайықты қошеметке бөленді. Әсіресе, жас жырау Абылай кешегі Сыр сүлейлерінің жауһар жырларын Кете Жүсіптің «Сұрмергенін» орындағанда залдағы қалың қазақтың қанын тулатты, ұлттық рухын оятты. Жүректердегі иман көзін ашты, сана саңылауларына сәуле түсірді.Басқа да қатысушылар өздері құндақтап жүрген қасиетті де, құнды өнерді сахнаға алып шығып, өздеріне тән дауыс бояулары, орындаушылық шеберліктерін көрсетті. Алайда, жарыс болған соң оның жеңімпазы да болады. Жыр додасы өз мәресіне жеткенде қазылардың әділ шешімі бойынша қазалылық Абылай Құнанбайұлы төл өнерді ту еткендер арасынан жарып шығып, бас жүлдені жеңіп алды.Осы орайда, жас өнерпаз Абылайдың жетекшісі Жамболат жыраудан жарыс жайын сұрасқан едік.«Сайыстың ұйымдастыру және өту деңгейі өте жоғары болды. Әсіресе облыстық деңгейде өткен байқаудың ерекшелігі жыр-дастандарға арнайы 10 минуттан бөлінген. Әр облыстан келген жас жыраулар «Сұрмерген», «Қырымның қырық батыры», «Тағай», «Орақ Мамайды» жырлап шықты. Балалар мұнымен жергілікті шайырлардың жыр-дастанын жаттап өскендіктен болашағынан зор үміт күттіреді деп ойлаймын. Негізі бұл бір жыраулық өнердегі өзгешелік болды. Себебі бұған дейін ересектер сайысы өтетін. Бүгін міне жас жырау, оқушылардың бағын сынап, өздерін көрсетуге үлкен мүмкіндік беріп жатыр. Алдағы уақытта да осындай кең көлемді, ауқымды байқаулар ұйымдастырылса дейміз. Сонда ұлттық өнеріміздің жібін үзбей, салт-дәстүрімізді жалғар жастар қатары қалыңдар еді. Ал Абылайға келер болсам, ол менің берген нұсқаулықтарымды, әрбір сабағымды қалт жібермейтін өте өнерлі, болашағынан зор үміт күттірер шәкірттерімнің бірі», – дейді Жанболат Өмірзақ.Айта кетейік, аталған байқаудың жеңімпазы жас жырау Абылай Құнанбайұлының жетекшісі Жанболат та ауданға аты белгілі, бірнеше аудандық, облыстық, республикалық байқаулардың жеңімпазы.

Қазалылық жастар жыраулар байқауында бақ сынады

<a href="https://kyzylorda-news.kz/">Kyzylorda-news.kz.</a> Бүгінгі нарық заңына сәйкес бизнес ашамын, жеке кәсіпкер боламын десеңіз ең әуелі жеткілікті қаражат болмаса несие алуға жүгінесіз.Ал, несие алу үшін кепілге қоятын бағалы мүлкіңіз болуы шарт және несие тарихыңыз да жақсы болуы қажет. Несие алып, бизнес ашқан күннің өзінде ай сайынғы төленетін қаржы тағы бар. Мұның өзі тәй-тәй басқан бизнестің өркен жаюына айтарлықтай кері әсерін тигізеді. Айта берсек кедергілер көп-ақ. Дегенмен мемлекет тарапынан шағын және орта кәсіпкерлікті дамыту мақсатында халыққа түрлі жобалар ұсынылып жатқандығын айта кету керек. Соның бірі – «Бастау Бизнес» жобасы. Аты айтып тұрғандай бизнес жоспар жасап, оны комиссия мүшелерінің алдында қорғап шықсаңыз, қайтарымсыз 1 млн 380 мың теңге бизнесіңізді бастауға зор мүмкіндік береді.Өткен аптаның сейсенбі, сәрсенбі, бейсенбі күндері осынау мемлекет тарапынан беріліп жатқан қайтарымсыз гранттың комиссия отырысы өтті.Комиссияға бақ сынап, кәсіпкер атанамын деп үмітпен келіп жатқандардың қарасы қалың. Үш күнге созылған комиссия отырысына 294 адамның бизнес жобасы таныстырылып, түрлі себептерге сәйкес 20 адам бизнес жоспарын қорғауға қатыса алмады.Кәсіпті нәсіпке балағандар «Fast food» орталығын, сұлулық салонын, автокөлік жөндеу шеберханасымен жуу орталығын, дәнекерлеу цехын, жартылай фабрикат өнімдерін өндіру цехын, кондитер цехын, жиһаз жасау және тігін цехын ашу, жем-шөп дақылдарын өсіру, жылқы, мал, омарта, құс шаруашылығын ашу бағытында бизнес жобаларын комиссия мүшелеріне таныстырды. Комиссия мүшелерінің қойған сұрақтарына талапкерлердің бірі жауап берсе, енді бірі бизнес жобаларын қорғай алмады. Комиссия мүшелері дайындықсыз келген үміткерлерге мамыр айында өтетін жобаға дайындалып қайта қатысуға кеңес берді.Өткен жылы ауданда 381 азаматқа 400 АЕК мөлшерінде жаңа бизнес-идеяларға мемлекеттік грант берілген болса, биылғы жылы 149 азаматқа грант беру жоспарланып отыр.

Қазақстан және Қызылорда облысының жаңалықтары