<a href="https://kyzylorda-news.kz/">Kyzylorda-news.kz.</a> Облыс әкімінің орынбасары Балмейір Сансызбайұлы Жалағаш ауданына жұмыс сапарымен барды. Аудандағы бірқатар әлеуметтік нысандарда болған аймақ басшысының орынбасарына Жалағаш ауданының әкімі Асқарбек Есжанов биыл жүзеге асырылатын жобалармен толыққанды таныстырды. Мұнан бөлек кент ішіндегі жөндеуден өтіп жатқан көшелерді аралап, қызу құрылыстың басы-қасында болды.&nbsp;Соңғы жылдары Жалағаш ауданында атқарылған жұмыс көп. Алдағы уақытта да біршама жоба жүзеге асырылады. Жалағашқа соңғы жылдары аудан тарихында болмаған қаржы тартылып, жергілікті халықтың әл-ауқатын арттыруға сеп болғаны бұл сөзімізге тұздық болары анық. Кент, ауылдар келбетінің көркеюі, оның ішінде құрылыстың қарқын алуы аудан дамуының көрінісі деуге болады. Соңғы жылдары бірнеше нысан пайда-лануға берілсе, бүгінде сол әлеуметтік нысандар ел игілігі үшін қызмет етіп жатыр.&nbsp;Көктем келісімен жүзеге асуы тиіс жоспардағы бірнеше жоба да бас-талып кетті. Мәселен, аудан орталығының өзінде биыл жалпы құны 643,6 млн теңгені құрайтын М.Шәменов, І.Нұркенов, И.Панфилов, Мысық би, А.Бектібаев көшелері күрделі жөндеуден өткізіліп, ПМК-09 көшесіне де ағымдағы жөндеу жұмыстары жүргізілмек және тағы қосымша 7 көшені күрделі жөндеуге жоба-сметалық құжаттар дайындалған. Сондай-ақ Дәуімбай учаскесі мен Жалағаш кентін байланыстыратын жалпы құны 184,9 млн теңгеге жуық қаражатқа жаяу жүргіншілерге арналған аспалы көпір құры¬лысы басталады. Бұл мәселе бұған дейінгі Жалағаш ауданының әкімі Асқарбек Есжановтың халықпен кездесулерінде жергілікті тұрғындар көтерген болатын.Жаңадан ашылған «Ақтерек» учаскесінде инженерлік инфрақұрылым-ның сумен жабдықтау жүйесі құрылысына ел қазынасынан 73,2 млн теңге, газбен жабдықтауға 618,6 млн теңге бөлініп, бүгінде жұмыстар жүріп жатыр. Жаңа учаскенің су ұңғымалары және су жинау-тарату кешенінің құрылысы да назардан тыс қалмай, 21,4 млн теңгеге қоса қаржыландырылды. Қазіргі таңда «Ақтерек» учаскесінің инженерлік-коммуникациялық инфрақұры¬лымының жұмыс жобасына және электрмен жабдықтаудың 2 кезеңіне ЖСҚ жасалды.&nbsp;Сонымен қатар аудан басшысы Асқарбек Темірбекұлы аймақ басшы-сының орынбасары Балмейір Сансызбайұлына кент орталығын аяқ сумен қамтамасыз ету мақсатында 2023 жылы 6 насос алынып, қазіргі таңда орнатылып жатқанын, абаттандыру жұмыстары барысында адам өмірінің қауіпсіздігін сақтауды негізге ала отырып, көлік қозғалысы көп көше қиылыстарына 4 бағдаршам орнатылатынын және барлық білім беру ұйымдарының алдына жасанды жол кедергілері қойылатынын да жеткізді.Бұл жұмыстардың барлығы тек кентте жүзеге асатындары ғана. Өңір басшысы ауданға қарасты елді мекендердің де әлеуметтік-экономикалық ахуалын жақсартуды басты назарда ұстайтыны белгілі. Ауылдарда соңғы жылдары бірқатар әлеуметтік нысандардың құрылысы жүріп, оның бірнешеуі елді мекендер халқына табысталыпды. Соның бірі жол құрылысы соңғы жылдары әсіресе ауылдарда қарқын алып, сапасы сын көтермейтін бірқатар көшелер ой-шұқырдан арылды. Бұл ретте қажетті қаражат та қаралып, ауылдардағы ішкі көшелер күрделі және орташа жөндеуден өтті. Тіпті елді мекендерді аудан орталығымен байланыстыратын жол да назардан тыс қалмады.&nbsp;Иә, әкімдердің жұмысы жөндеген жолдардың шақырымы мен оның сапасына қарай бағаланатыны белгілі. Балмейір Сансызбайұлы сапар барысында қазіргі таңда жүзеге асырылып жатқан сол жобалардың жұмы-сымен де танысты. Атап айтсақ, аудандық маңызы бар Жаңадария бағытындағы автожолды орташа жөндеу жұмыстарының жай-күйін ба-қылады. Жөндеу жұмыстары 2022 жылы басталған, жоба құны 392 млн теңге болатын автожолдың бүгінде 10 шақырымы жөнделуде.&nbsp; Жалпы, 17 шақырымдық автожол құрылысы мамыр айында аяқталып, ел игілігіне табысталады. Мұнан бөлек жалағаштықтар үшін маңызды Ақсу ауылына кіреберіс автомобиль жолын жөндеуге 76,6 млн теңге бөлініп, ауқымды жоба жүзеге аспақ. Сондай-ақ Ақсудың 3 ішкі көшесінің жөндеу жұмыстары үшін жоба сметалық құжаттар дайындалуда.Өңірде ауылдық округтердің ішкі жол мәселесі жыл санап оңтайланып, толықтай жаңартылып келеді. Мәселен, 2022 жылы М.Шәменов ауылында 8 көше күрделі жөндеуден өткізілсе, 2023 жылы ауылдың кіреберісінде орналасқан Бұқарбай батыр көшесін жөндеуге 66,5 млн теңге бөлінді. Қазіргі таңда 2 көшені күрделі жөндеуге, қосымша 2 көшенің және Ә.Тәшімбетов көшесінің құрылысына ЖСҚ әзірленген. Бұқарбай батыр ауылындағы 3 көшеге, яғни А.Құнанбаев, А.Төлеубаев, Бұқарбай батыр көшелеріне биыл жалпы құны 184,1 млн теңгеге күрделі жөндеу жүргізіледі. Батыр атындағы ауылдың 16 көшесін жарықтандыру жұмыстары тағы бар. Биыл Аққұм ауылында да жалпы құны 63,8 млн теңгені құрайтын 3 көшеге күрделі жөндеу жұмыстары жүргізілетін болады. Ал Қаракеткен ауылында 14 ішкі көше болса, оның 12-сі асфальтталған. Алдағы уақытта қалған көшелерді жөндеуге ЖСҚ әзірленуде. Ал Еңбек ауылдық округінде биыл Т.Дәуітбаев, Абай, М.Байділдаев көшелерінің сапасына мән беріліп, жөндеу жұмыстары жүр-гізілмек. Осылайша бұл ауылдарда жол сапасына қатысты мәселелер 2025 жылға дейін толық шешімін таппақ.Қорыта айтқанда, ауданның бүгінгі тынымсыз тірлігі тиянақты екенін сырт көзге сөзсіз аңғартып тұрған секілді. Ең бастысы, өңірде жасалып жатқан жұмыс жетерлік, нәтиже де жоқ емес. Жалағаштың жай-күйімен етене танысқан облыс әкімінің орынбасары жұмыс сапарының соңында ауданда атқарылып жатқан басқа да жұмыстарға жоғары баға беріп, мейлінше, құрылыстың сапасын назардан шығармауды тапсырды.

Жалағашта жарқын жобалар жетерлік

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы Асқар Тоқмағамбетов ауылында балалар мен жасөспірімдердің спортқа баулу мәселесі оңтайлы шешілген. Ауылдағы №135 А.Тоқмағамбетов атындағы орта мектептің спорт залы мен жертөлесінде түрлі спорттық үйірмелер жұмыс жасайды.&nbsp;Бірнеше жыл бұрын күрделі жөндеуден өткен мектептің жертөлесінде жас спортшыларды қазақша күрес, гір көтеру тағы басқа спорт түрлеріне жас спортшылар дайындық жүргізеді. Бұл спорт залына ауданның орталығынан арнайы барып жаттығатын жасөспірім спортшылар да бар. Спорт үйірмесінің жаттықтырушылары болашақ чемпиондарды тәрбиелеп жатыр десек артық айтқандық болмас. Олардың алды облыстық, республикалық тіпті халықаралық турнирлерге қатысып, жүлдегер атанып жүр.Жақында Қостанай қаласында гір спортынан Ұлы Отан соғысының ардагері Баеке Шаяхметовты еске алуға арналған халықаралық турнир өтті. Байрақты бәсекеге Ақтөбе, Петропавл, Абай, Қызылорда облыстарымен қатар Ресейдің Тюмень, Омск облыстарынан да жалпы саны 180 спортшы қатысты. Біздің аймақтың, ауданның намысын қорғаған Асқар Тоқмағамбетов ауылының жас тұрғыны, 10-сынып оқушысы Әділхан Сейтбай 63 келі салмақ дәрежесінде өнер көрсетті. Жас гір көтеруші серпе және жұлқа көтеру түрінен үздік шығып, жарыс жеңімпазы атанды.<blockquote>Ауыл балаларын спортқа баулу ауданда жақсы жолға қойылған. Балалардың бос уақытын тиімді пайдалану мақсатында балалар спорт залына келіп, үнемі жаттығу жүргізеді. Біздің Әділханның ерік-жігері мықты, алдына қойған мақсаты бар. Халықаралық жарысқа дейін талай байрақты бәсекелерде топ жарған болатын. Міне, Сыр елінің, оның ішінде туған ауылымыз – ақиық ақын Асқар Тоқмағамбетовтың атын халықаралық дәрежеге танытқан жас спортшы әлі талай мәрте жеңімпаз болатынына сеніміміз зор. Кілең мықтыларға қарсы тұрып, өзінің еңбегімен жетістікке жеткен Әділханды шын жүректен құттықтаймыз, – дейді спортшының жаттықтырушысы Дархан Бодықов.</blockquote>Айту керек, Сырдарияда гір спортымен қатар ұлттық ойын тоғызқұмалақ, көгалдағы хоккей, волейбол спортынан халықаралық дәрежедегі спорт шеберлері шыққан.

Сырдариялық спортшы халықаралық турнирден олжалы оралды

<a href="https://kyzylorda-news.kz/">Kyzylorda-news.kz.</a> &nbsp;Темір жол көлігі Қазақстан экономикасын дамытуда басты рөл ойнап, жолаушылар мен жүктерді тасымалдаудың негізгі бөлігі. Кез келген мемлекетте теміржолдың атқарар рөлі зор. Ол қалаларды бір-бірімен жалғайтын ең маңызды транспортты артерия болып қала бермек. Елімізде өткен ғасырдың 30-жылдары пайда болған қос рельсті көлік бірнеше мыңдаған адамдарды жұмыспен де қамтамасыз еткені рас. Мәселен, қазір де «Қазақстан теміржолы» акционерлік қоғамында 150 мыңнан аса адам еңбек етеді. Болат жолдың бойынан нәр алып, өз заманында үлгілі еңбек еткен теміржолшылар династиясы баршылық. Бүгінде олардың ізін ұрпақтары жалғап келеді. Осындай жанның бірі – Жосалы стансасының қызметкері Гүлнар Нұрмаханова.Гүлнар Тілеулесқызының әкесі де, анасы да осы теміржолдан нәсібін тапты, отбасын асырады. Сондықтан болса керек бұл үйден өсіп- өнген жас жеткіншектер «теміржолшы» болуды мақсат етті. Ағайынды төрт бауыр бүгінде ата-ана ізін жалғастыруда. «Тепловоздың гудогі, темір доңғалақтардың гүрсілі бала кезімізден құлаққа таныс» дейді кейіпкеріміз. Себебі, олар ата-анасына еріп жүріп, мұндағы тынымсыз тірлікті көзбен көріп, көкейге түйіп ержеткен.<blockquote>«Әкем бала кезімізде «Теміржолда болашақ бар. Осы салада еңбек етіңдер» деп айтушы еді. Біз бақытымызды теміржолдан таптық. Әкеміз салған жолменен білім алдық, жұмысқа да орналастық. Қызметтік жолда жүріп, өмірлік жарыммен де таныстым. Өзім теміржолшы әулетте өсіп, теміржолшылар әулетіне келін болып түстім. Жолдасым да, ата-енем де осы саланың мамандары. Барлығымыз бір салада жүргендіктен шаңырағымызда түсініспеушілік орын алған емес. Негізінде 12 сағаттық ауысыммен жұмыс істеу әйел адамға ауыр. Ер адамға жүктелген міндет біздің де мойнымызға артылады. Қызмет ер, әйел деп бөлінбейді. Баршамызға қойылар талап бір. Сондықтан қай істе де өзіме тапсырылған жұмысты жауапкершілікпен атқаруға тырысамын», – дейді Гүлнар Нұрмаханова.</blockquote>Иә, ата-ананың өмірдегі жетістігі – осы балалары, байлығы – немере-шөберелері. Теміржолшылар әулетінен өрбіген перзенттердің ешқайсысы жаман болған жоқ. Әке мен ана атына кір келтірмей, саналы азамат атанды. Өсті, өнді, жетілді. Енді міне, мерейлі отбасының мерейін тасытып отыр. Өздері де ұрпақ тәрбиелеп, өнегелі отбасының үлгісін көрсетуде.<blockquote>«Осында сала ардагерлері еселі еңбек етті. Өзіміз де осындай тәжірибелі мамандардан тәлім-тәрбие алдық. Бүгінде сол кісілерден білгенімізді жастарға үйретіп, солардың өсіп-өнгеніне атсалысып жүрміз. Себебі менің бұл салаға келгеніме отыз жылдан асты. Мұнда босаңсуға болмайды. Себебі адам тағдырынан қымбат жауапкершілік жоқ. Жол бойының майы қалай жұқса, наны да солай сіңімді болады екен. Сондықтан да балаларыма қай істе де жауапкершілікпен адал еңбек еткенде ғана абыройлы боласыңдар деп айтып отырамын. Қазіргі таңда тұңғышымыз біздің жолымызды жалғап, теміржол саласында табысты еңбек етуде», – дейді ол.</blockquote>Саналы ғұмырын теміржол саласының дамуына сүбелі үлес қосуға арнаған қос әулеттің әр мүшесі теміржол саласының бейнеті мен зейнетін көріп өсті. Атакәсібі ұрпақтан-ұрпаққа жалғасқан үлкен шаңырақта қазіргі күні үшінші буын осы теміржол саласына қызмет қылып жүр. Көптің қызметіне жарайтын күре жолда бұл әулеттің әрбір мүшесінің өзіндік қолтаңбасы сақталып қала бермек.

Қармақшыда теміржолшылар династиясы бар

<a href="https://kyzylorda-news.kz/">Kyzylorda-news.kz.</a> Қармақшы ауылында туған елінің өсіп-өркендеуі жолында тер төге еңбек еткен атпал азаматтармен бірге аналарымыз да еңбек етті, ел құрметіне бөленді. Оның ішінде, ауылдағы демографиялық ахуалды көтеруде аналардың үлесі зор. Бүгінгі таңда ауылда Рысты Тоқшылықова, Патыма Махамбетова, Әмина Сәденова және бар саналы өмірін ауылдың өсіп-өркендеуіне, оның ішінде мал шаруашылығына сүбелі үлесін қосқан Аманкүл Берманова, Әлимаш Жаңқасқаева, Базаркүл Қалағанова, Жұмагүл Қалағанова, Лиза Басанова, Маруся Мұхамбетиярова, Ақберген Үсенова, Бақыт Ділмаханова мен Маржан Смадиярова сынды «Алтын алқа» иегерлері бар. Сондай алтын құрсақты аналар қатарында ауылдың байырғы тұрғыны Кәтіш Әсенованың орны ерекше.Ұлы Отан соғысы басталардан 19 күн бұрын Әбдірасыл атамыз бен Дәмелі анамыздың отбасында дүние дидарын ашқан Кәтіш апаның балалық шағы ауылдың өзге балалары сияқты өте қиын жағдайда өтті.<blockquote>«Бізді жұрт «соғыс балалары» деп атайды. Өйткені біз сол зұлмат жылдардың зардабын көріп өстік. Есімді білмесем де соғыс аяқталған жылдары анамның үнемдеп аузымызға салған қара нанның дәмін таттық. Әкем 1942 жылы майданға аттанды, бірақ ол кейін хабар-ошарсыз кетіп, майданнан қайтпады. Ол кісінің өлгенін, я тірі екенін осы күнге дейін білмеймін», – деп бастады әңгімесін Кәтіш апа.</blockquote>Ия, халықтың асыға күткен соғысы да аяқталып, елімізде бейбіт өмір басталды. Соғыстан қайтқан майдангерлер халық шаруашылығын қайта қалпына келтіруге кірісті. Кәтіш апайымыз да ауылдың өзге балалары сияқты мектепте білімдерін жалғастырды.«Орнында бар оңалар» деп дана халқымыз айтқандай, жылдар өте мектепті тәмамдаған Кәтіш Әбдірасылқызы алғашқы еңбек жолын ауылда бастап, көп ұзамай ауыл баласы Әбдіқаппар Үркенбаевпен өмірін байланыстырады. Оған да 60 жылдан асты.Алғашқы кезде еңбек жолын фермада сауыншылықпен бастаған ол бірер жылдан кейін көлік жүргізуші болып нәпақасын тауып жүрген отағасы Әбдіқаппар ағамен ақылдаса келе екеуі ауыл басшыларының қолдауымен мал бағуға шығады.Халық арасында «Қарақұм емес, қарағым» деп аталып кеткен ауыл шопандарының құтты мекені Қарақұмда орналасқан «Жауғашты» атты Орынбек Өткелбаев басқаратын №1 қой фермасында шопан болып еңбек жолын жалғастырды.<blockquote>«Еңбекке араласа бастаған жылдарда ауыл фермасында Аманкүл, Зейнеш, Рәзия, Рысты және басқа да қыз-келіншектермен бірге жұмыс істедім. Ол кезде сиырды қолмен сауатын едік. Қиын болғанымен білмеймін, күніміз қызықты әрі тез өтетін. Ол жылдар бақытты сәттерге толы кезең еді. Бүгінде сол құрбыларымның бірі бар да бірі жоқ. Кейде сол жылдарды қатты сағынамын», – деп көз жасын бір сығып алып, әңгімесін жалғастырды апамыз. «Содан отағасымен ақылдаса келе ауыл басшыларының ұсынысымен мал бағуға шықтық. Мен – шопан, ағаң – көмекшім. Иә, иә. Мен бастық, ол менің жұмысшым» деді маған күле қарап. Табиғаты керемет, ауасы қандай таза, шөбі шұрайлы, көлдері тып-тұнық «Жауғаштыда» Телқара, Тұрақ, Аманкелді, Бақыт-Манат сияқты шопандармен қонысымыз бір болған жылдар да өте қызықты болды. Еңбегім де Үкімет тарапынан еленді. 1973 жылы коммунистік партия қатарына қабылдандым. Жыл өте Қызылтам елді мекені атынан ауылдық кеңеске депутат болып сайландым. Бірнеше рет «Социалистіқ жарыстың жеңімпазы», «Бесжылдықтың жеңімпазы» деген төс- белгілердің иегері атандым. Одан да құрметті марапаттардан құр қалмадым. Аудан, облыс, тіпті Мемлекет басшысының да құрметіне бөлендім. Ал менің өміріме бақыт сыйлаған – ол Алла Тағала сыйға берген ұрпақтарым», &nbsp;дейді алтын құрсақты Кәтіш апа.</blockquote>Батыр ана отағасы Әбдіқаппармен бірге 14 ұл-қызды тәрбиелеп, олардың қоғамнан өз орындарын қалап алуларына еңбек сіңірді. Отбасының үлкені Құлтайы мен Гүлмирасы өмірден өткен. Бірақ балалары ата-ана жолын жалғастыруда. Содан кейінгі Әскер мен Әбілсейіт, Боранкүл Байқоңырда, Гүлзира мен Рүстем, Дархан және Кенжегүл Алматыда өздері таңдаған мамандықтары бойынша еңбек етуде. Рысқалиы Жалағашта, Ләйласы Жосалыда, Мирамбегі Қызылордада, ал Жұмабайы мен Жұмабегі ауылда анамыздың қолқанаты болып жүр.Иә, әлемдегі ең сұлу да керемет атау – Ана. Оның қадірі мен қасиетін түсіну мүмкін емес. Өйткені түн ұйқысын төрт бөліп, сіз үшін өл-өлгенше жанын беретін ананың балаға деген махаббаты мәңгілік.Сондықтан да «Жұмақтың кілті анаңның табанының астында» деген сөздің мәнін ашу үшін анаңызды Меккеге үш рет апару аздық етеді. Ана бір қолымен әлемді, бір қолымен бесікті тербетуші жер бетіндегі ең қасиетті адам. Оның алақаны тікеннің өзін жұмсартып, асаудың өзін жуасытар құдіретке ие. Жүрегінің кеңдігі сондай өз баласына ғана емес әлемнің баласына орын бар. Өйткені ана мен бала бір-бірі үшін жаралған қос сөздегі бір ұғым.

Қармақшыда 14 құрсақ көтерген ана бар

<a href="https://kyzylorda-news.kz/">Kyzylorda-news.kz.</a>&nbsp; Аудан әкімі Берік Сарменбаев &nbsp;жұмыс сапары барысында Айдарлы ауылының тұрғыны, жас кәсіп иесі Ерасыл Жұмахметовтің жасап жатқан жұмыстарымен танысқан еді.&nbsp;Негізінен, Ерасыл Жұмахметов өз қаражаты есебінен дірілі бар үстел, бетон араластырғыш, қалып және басқа да құрал жабдықтарын сатып алған екен. Ол – ауылдың 2 жасын жұмыспен қамтып, сәуір айынан бастап, жаяу жүргіншілер жолына арналған бордюр, плита шығара бастады. Қазіргі уақытта Айдарлы ауылындағы «Досбол датқа» көшесінің бойына 1,5 км жаяу жүргіншілер жолының құрылыс жұмыстарын жүргізетін мердігер мекемемен келісім жасалып, құрылыс заттарын сату жоспарлануда екен.&nbsp;<blockquote>&nbsp;Біз қашанда жеке кәсіпкерлерді қолдауымыз керек. Қашанда өз бизнесін бастап, табыс табуға ынталы болған жастарды демей алсақ, кәсібі дөңгеленіп кететіні сөзсіз. Әрине, жергілікті кәсіпкердің тың бастамасы көңіл қуантады. Қазіргі уақытта құрылыс материалдарын өзіміз өндіру ауадай қажет. Сапасы жоғары құрылыс материалдарын аудан игілігі үшін пайдалану – құптарлық жағдай. Аудан орталығынан шалғайда орналасқан Айдарлы ауылында енді бордюр мен плита шығарылатынына дән ризамыз. Алдағы уақытта «Досбол датқа» көшесіне төселетін құрылыс заттарын өндіруге кәсіпкер мүдделі. Жеке кәсіпкердің жұмысына сәттілік тілейміз, – деді аудан әкімі. &nbsp;</blockquote>

Сырдарияда жас кәсіпкер құрылыс материалдарын шығарады

<a href="https://kyzylorda-news.kz/">Kyzylorda-news.kz.</a> Көктемнің басы, егістің алдында ҚР Ауылшаруашылығы министрі Ербол Қарашөкеевтың жұмыс сапарымен Сыр өңіріне келуі көптеген түйінді мәселені тарқатуға мүмкіндік берді.Алдымен министр Сырдария ауданы Н.Ілиясов ауылындағы көркейту, көгалдандыру, абаттандыру жұмыстарымен танысты және Республика көлемінде өтетін ауылды дамыту тақырыбындағы семинарды талқылады. Ауыл шаруашылығы құрылымдарының басшыларымен кездесіп, жеке қабылдау өткізді. Қызылорда қаласындағы бірқатар ауыл шаруашылығы құрылымдарын аралап, жұмысын барысын көрді. Өңір үшін өзекті мәселелерге министр қан жүгірткендей ықпал етті.Елімізде көктемгі егіс жұмыстары &nbsp;басталып кетті. Әдеттегідей, биылғы жылы да егіншілердің алды болып дала төсіне оңтүстік аудан диқандары шықты. Олар 4913 гектар жаздық бидайдың 4368 гектарын егіп үлгерді. Ал, күрішке әлі ерте. Көктемгі көкейтесті шаруа – жанар-жағар майдың жайы. Жанар-жағар май жеткізіп берушілер сылбырлығын шаруалар кешіргенімен, табиғаттың кешірмейтіндігі анық.Көктемгі жұмыстарды жүргізуге арзандатылған дизель отынының көлемі былтырғы жылға қарағанда 13,0 мың тоннаға ұлғайтылып, 413,0 мың тоннаны құрады, Қызылорда облысына 12,1 мың тонна бөлінді.Мемлекет басшысының бастамасымен «Ауыл аманаты» арнайы &nbsp;бағдарламасы бойынша ауыл халқының табысын арттыруға бағытталған ауқымды жұмыс басталды. Бұл мақсатқа Қызылорда облысына ағымдағы жылы 3 млрд. теңге бөлінеді және бұл 600 микрокредит беруге және 636 жаңа жұмыс орнын құруға мүмкіндік береді.Республика Үкіметімен көктемгі егіс науқанын сәтті өткізу үшін 140 млрд. теңге қаралды, оның ішінде Қызылорда облысына 2,2 млрд. теңге бөлінді.Жалпы ағымдағы жылы саланы субсидиялауға байланысты Қызылорда облысына 12,6 млрд. теңге тиесілі. &nbsp;Бірінші кезекте, бұл қаражат субсидиялар бойынша өткен жылы жиналған берешектерді өтеуге жұмсалады.Ауыл тұрғындарын жеке қосалқы шаруашылықтарға арналған жайылымның тапшылығы толғандырады.Қызылорда облысының жеке шаруа қожалықтарында мал саны бірнеше есе өсті. Енді мақсатсыз және тиімсіз пайдаланған жерлерді қайтып алып, &nbsp;қоғамдық пайдалануға беру көзделген. Өткен жылы өңірден 157,3 мың гектарға жуық жер мемлекет құзырына қайтарылды.Түйінді мәселенің бірі – жер үлестері иелеріне қатысты. Осы мәселе бойынша республикада арнайы жұмыс комиссиясы жұмыс істейді. Жер үлестерін иеленушілердің құқын қорғау мақсатында қолданыстағы заңнамаға өзгерістер мен толықтырулар, бірқатар түзету әзірленіп, Қазақстан Республикасы Парламенті Мәжілісінің қарауына енгізілді.

Министр межелеген мүмкіндіктер

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев еңбек ардагері, Қуанышқали Шапшановты және жазушы, мәдениет қайраткері Бегімбай Ұзақбаевты мерейтойымен құттықтады.Аймақ басшысы мерейтой иелерінің жарқын жолы мен ғибратты ғұмырын өскелең ұрпаққа үлгі ету керектігін атап өтті.<blockquote>«Еңбек ардагері, Арал ауданының құрметті азаматы, Шапшанов Қуанышқали Рахманбердіұлы мерейлі 80 жасқа, жазушы, Мәдениет қайраткері, Арал және Қазалы аудандарының құрметті азаматы Ұзақбаев Бегімбай Ұзақбайұлы мерейлі 75 жасқа толды. Екі ағамыз да айдынды Аралдың жағасында туып, көк теңіздің толқынынан нәр алып, туған жерінің құрметіне бөленіп келеді. Расында қасиетті де құтты мекен —Сыр елінде елдік мүддені жоғары қоятын, парасаты биік, адами болмысы жоғары, абыройлы ағаларымыз жетерлік», - деді Нұрлыбек Машбекұлы.</blockquote>Ардақты азаматтардың көпжылдық еңбегіне лайықты сый-сияпат ретінде оларға Қызылорда облысының «Құрмет» грамотасы табысталды.Мерейтой иелерін облыстық Қоғамдық кеңес төрағасы Әріп Хожбанов, қоғам қайраткері Биғали Қаюпов, еңбек ардагері Сайлаубай Әбішев, ел ағасы Имамадин Оңғарбаев, ақын, Қазақстан Жазушылар одағы Қызылорда облыстық филиалының директоры Қаршыға Есімсейітова құттықтады.Қуанышқали Рахманбердіұлы 1943 жылы Арал ауданы, Құланды ауылында дүниеге келген. Еңбек жолын 1962 жылы осы ауылдағы 8 жылдық мектептің мұғалімдігінен бастаған. 1967 жылы Қызылорда қалалық атқару комитетінде нұсқаушы, 1967-1980 жылдары облыстық комсомол комитетінде лекторлар тобының жетекшісі, облыстық партия комитетінің лекторы және нұсқаушысы болған. 1980-1989 жылдары Қазалы аудандық атқару комитеті төрағасының орынбасары, төрағасы, 1989-1993 жылдары облыстық атқару комитеті төрағасының орынбасары, облыстық әкімшіліктің аппарат жетекшісі болып абыройлы қызмет атқарды. Одан кейін 11 жылдан астам уақыт аумақтық қоршаған ортаны қорғау басқармасын басқарды. Өңірдің экологиялық ерекшеліктеріне сәйкес қоршаған ортаны қорғауға елеулі үлес қосты. Германия, Израиль, Латвия, Литва және Ресейде өткен халықаралық форумдар мен ғылыми - тәжірибелік конференциялар мінберінде Арал теңізінің зардабы туралы баяндамалар жасады. Аймақтың экологиялық ахуалына шет мемлекеттер мен халықаралық ұйымдар назарын аударды. Одан кейінгі жылдары облыстық орман және жануарлар дүниесін қорғау басқармасында жауапты қызметтер атқарып, өнегелі ізін басатын шәкірттер тәрбиеледі. Зейнетке шыққаннан кейін де облыстың қоғамдық-саяси өмірінен шет қалмай, белсенді араласты. Қазақстан Журналистер одағының мүшесі ретінде 200-дей ғылыми-публистикалық мақала жазып, «Арал өңірінің экологиясы», «Қызылорда облысының экономикасын экологияландыру», «Сүтқоректілер көбеюінің биотехнологиясы мен эмбриоинженериясының негіздері» монографияларын шығарған.Бегімбай Ұзақбайұлы 1948 жылы 15 сәуірде Арал ауданы Қаратерең ауылында туған. Шығармашылықпен шұғылдана жүріп, бар саналы ғұмырын бірінші кезекте мемлекет ісіне арнаған.Бегімбай Ұзақбайұлы алғашқы еңбек жолын өзі дүниеге келген Аралдың Қаратерең ауылында балық өңдеу зауытында жұмысшы болып бастаған. Кейіннен мектепте тарихшы ұстаз, одан соң комсомол, партия, кеңес органдарында ұзақ жылдар жауапты қызметтер атқарды. Сонымен қатар, Аралдағы Қазанғап атындағы ұлт-аспаптар оркестрінің құрамында көрерменін өнерімен тәнті еткен.Тырнақалды туындылары Арал аудандық «Толқын» газетінде жарияланған. С.Киров атындағы Қазақ мемлекеттік университетінің журналистика факультетін, Алматы Жоғарғы партия мектебін, Мәскеудегі Одақтық ғылым академиясының қысқа мерзімді курсын бітірді. Бегімбай Ұзақбайұлының «Жалаңтөс», «Сартай батыр», «Байзақ», «Марал баба», «Сопы әзіз», «Алдаспандар рухы» «Қарабура», «Байқазақ» тарихи романдары және 17 прозалық кітабы Сыр өңірінің руханиятына салынған мол олжа болып, қомақты үлесін қосты.<figure class="image"><img src="https://knadmin.beoblood.kz/uploads/324193255_1442438939833273_2785366912433561839_n_42f681e818.jpg" alt="324193255_1442438939833273_2785366912433561839_n.jpg"></figure>

Облыс әкімі ардагерлерді мерейтойымен құттықтады

<a href="https://kyzylorda-news.kz/">Kyzylorda-news.kz.</a> «Қазгидромет» РМК 17 сәуірде күн райы нашарлауына байланысты бірнеше өңірде ескерту жариялады.Астана қаласында түнде және таңертең бұрқасын күтіледі. Солтүстік-шығыстан соғатын жел солтүстік-батысқа ауысып, түнде және таңертең екпіні 15-20 м/с құрайды.Алматы облысының оңтүстігі мен шығысында қатты жаңбыр болады. Таулы аудандарда кей уақытта жаңбыр мен қар түрінде қатты жауын-шашын күтіледі. Күндіз облыстың оңтүстігінде, таулы аудандарында найзағай, бұршақ болжанады. Желдің күші кей уақытта 24-29 м/с жетеді.Алматы қаласында оңтүстік-батыстан жел соғады, күндіз екпіні 15-20 м/с құрайды.Ұлытау облысының солтүстігі мен шығысында жаяу бұрқасын, көктайғақ, батысында тұман күтіледі. Желдің екпіні түнде облыстың басым бөлігінде, күндіз батысы мен солтүстігінде 15-20 м/с құрайды.Қызылорда облысының солтүстігі мен орталығында шаңды дауыл тұрады. Жел солтүстік-батыстан, солтүстіктен соғады, күші 25 м/с артуы ықтимал. Түнде облыстың солтүстігінде, орталығында 3 градус үсік күтіледі.Түнде Қарағанды облысының солтүстігінде қатты жауын-шашын (жаңбыр, қар) болады. Өңірдің солтүстігі мен шығысында жаяу бұрқасын, көктайғақ күтіледі. Облыстың басым бөлігінде желдің екпіні 15-20 м/с болады, оңтүстік пен шығыста 23-28 м/с жетуі мүмкін.Жетісу облысының оңтүстігі мен шығысында қатты жаңбыр жауады. Таулы аудандарда кей уақытта қатты жауын-шашын (жаңбыр, қар) күтіледі. Күндіз оңтүстікте, таулы аудандарда найзағай, бұршақ болжанады. Желдің жылдамдығы кей уақыттарда 23-28 м/с артады.Абай облысында жауын-шашын, түнде облыстың солтүстігінде қатты жауын-шашын (жаңбыр, жылбысқы қар) күтіледі. Облыстың солтүстігі мен шығысында көктайғақ болады. Желдің екпіні 23-28 м/с күшейеді.Таңертен және күндіз Павлодар облысының солтүстігінде солтүстік-батыстан жел соғады, екпіні 15-20 м/с құрайды.Шығыс Қазақстан облысында жауын-шашын күтіледі. Өңірдің солтүстігі мен шығысында жаңбыр, жылбысқы қар түрінде қатты жауын күтіледі. Облыстың солтүстігінде көктайғақ болады. Желдің екпіні 23-28 м/с артуы мүмкін.Түнде Ақтөбе облысының оңтүстік-шығысында жаяу бұрқасын күтіледі. Солтүстік-батыстан жел соғады, түнде облыстың оңтүстігінде, шығысында екпіні 15-20 м/с құрайды.Түнде Батыс Қазақстан облысының солтүстігінде 3 градус үсік күтіледі.Түнде Қостанай облысының оңтүстігінде жаяу бұрқасын, көктайғақ болады. Облыстың батысы мен солтүстігінде тұман күтіледі. Желдің екпіні 15-20 м/с құрайды.Түнде Солтүстік Қазақстан облысының батысында, солтүстігінде, шығысында солтүстіктен жел соғады, екпіні 15-20 м/с құрайды. Екпіні 23-28 м/с артуы ықтимал.Ақмола облысының оңтүстік жартысында бұрқасын, көктайғақ күтіледі. Солтүстік-шығыстан соғатын жел солтүстік-батысқа ауысады, облыстың оңтүстігінде, солтүстігінде, шығысында екпіні 15-20 м/с құрайды.

17 сәуірге арналған ауа райы болжамы 

Аймақтағы білікті дәрігер кеңес берді

<a href="https://kyzylorda-news.kz/ru/">Kyzylorda-news.kz</a>. Әскери қызметкерлер бір орында тұрақтамайды. Олар апта, ай сайын өзге өңірлерге қоныс аударады. Бірде бас қалада жүрсе, енді бірде Сыр өңірінде жұмысын жалғастырады. Әскери қызметкердің отбасының да қоныс аударуға еті үйреніп кеткен. Қажет дүниелерін жиып алып, жүре береді. Самвел Мкртумян да әскери қызметкер. Павлодардан отбасымен бірге Сыр өңіріне келген. Бүгінде ҚР Ұлттық Қауіпсіздік комитеті Шекара қызметінің облыстық департаментінде жұмыс істейді. Аты-жөніне қарап, қазақ емесін аңғаруға болады. Ұлты – армиян. Бірақ қазақ тіліне жетік. Сөйлегенде еркін, көсіліп әңгімелеседі.<blockquote>"Өзгелер өз тілінде сөйлеуге шорқақ. Астана &nbsp;қаласының кез келген жерінде орыс тілінде сөйлесетіндер көп. Сыр өңірі де осыған жақындап келеді екен. Осыдан кейін "біз неге тілге шорқақпыз? деген ой келді. Маған қазақ тілі ұнады. Сөйлеуде қиындық жоқ. Бірден алып кеттім деу қиын. Бірақ не нәрсеге болса да үйренуге болатынын ұқтым", – дейді Самвел Мкртумян.</blockquote>Ол Павлодар облысы, Успенка ауданы, Қаратау ауылында дүниеге келген. Шекара қызметі академиясында білім алған. Орыс тілінде оқыған ол Сыр өңіріне келгеннен кейін тіл үйренеді. Тіл үйрену әрине оңайға соқпайды. Бірақ күн-түн демей жаттығады. Ақырында қазақ болса да тіл білмейтіндерді басып озады.<blockquote>«Бала кезден шекарашы болуды, еліміздің шекарасын күзетуді армандадым. Алдыға мақсат қойдым, ұмтылдым. Бүгінде мақсатқа жеттім деп ойлаймын. Нәтижесінде шекара қызметінің офицерімін. Сыр өңірі маған көп нәрсені үйретті. Ең маңыздысы, қазақ тілін осы жерден үйрендім. Мен нағыз қазақы салт-дәстүрдің қаймағы бұзылмаған киелі Қызылорда жерінде қызмет атқаратынымды мақтан тұтамын», – дейді ол.</blockquote>Самвелдің жеткен жетістігі, мақтау қағаздары көп. Ол олардың ешқайсысына мән бермейді. "Алғыс хаттың қажеті қанша?" дейді. Егер жұмысты тиянақты істеп отырса, басшылық жұмысына оң баға берсе, расында марапаттың қажеті де болмайды.<blockquote>"Менің жұмысымды халық бағаласа" дейді ол. Халықтың жағдайын жасап, елді күзетіп отырғанның өзі бір мәртебе. Әйтпесе өзің көрмеген адамнан марапат алғанның несі мақтаныш? Бастысы, жұмысына берілген, адал азаматтар көбейсе деймін. Әскерге баратын жастардың саны артса екен. Азаматтық борышын өтеген жастың көбейгені жақсы емес пе? Кімнен сұрасаңыз да "әскерге бармадым" деп жауап беретіні анық. Ал бұл біздің қуанатын емес, осал тұсымыз десем қателеспеймін", – дейді ол бізбен әңгімесінде.&nbsp;</blockquote>Шекарашы болудың өзіндік қиындығы бар. Туған жерден жырақта қызмет ету оңай емес. Сыр өңірі – қонақжай халық. Кімді болса бауырына тартып, қошетемін көрсетуге әзір. Самвелге де жерлестеріміздің сүйіспеншілігі күш беруде.

Самвел Мкртумян: Әскерге барған жастардың дүниетанымы кеңейеді

<a href="https://kyzylorda-news.kz/ru/">Kyzylorda-news.kz</a>. Меценат, кәсіпкер, волонтер... Айта берсеңіз көп. Осы статустың барлығы бір адамға яки Мағжан Ералиевке тиесілі. Ол қай істе болса да жан жүрегімен патриот. Пандемия кезінде Мағжанның барлық атқарған ісі құптауға тұрарлық. Дәрі-дәрмек жеткізіп, мұқтаж жандарға таратты. Қайырымдылық істе де бұл есімді жиі естисіз. Әке жолын жалғастырып келе жатқаны айтпаса да түсінікті. Ал Абзал Ералиевтің есімі облыс емес, республикаға танымал. Осындай азаматтан тәлім-тәрбие алған Мағжанның басқа жолды тандамасы белгілі. Ол – “Абзал и К” компаниясының директоры.– Қай шараның басы-қасында сіз жүресіз. Белсенді ретінде жиі естиміз. Сіздер тарапынан жасалатын көмек те көп. Ол резерв есебінен беріле ме, әлде жыл сайын бөлінетін қаржыдан ба?– Қиналған жанға қол ұшын созу – менің азаматтық борышым. Бұл іспен әкем де айналысып келеді. Енді уақыт маған да жетті. Егер қолымнан келіп тұрса, көмектесуге мүмкіндік болса, мен неден қашуым керек? Жалпы жастарға қатысты істердің көбінің басы-қасында жүремін. Себебі өз ойым, ұсынысым бар. Өзімді белсенді санамаймын, себебі нағыз белсенді жастар біздің компанияда жетерлік. Мәселен, компанияның төнірегінде жас мамандар кеңесі деген ассоциация құрылған. Қазіргі таңда халық ауыр жағдайды бастан өткізуде. Барлық адамға қиындық туды. Жүректі қынжылтатыны, біршама азаматтан қапыда айырылып қалдық. Дәрі-дәрмек іздеп, үйіндегі науқас адамға жетуге асығатындар қаншама! Осыларды көзбен көре тұра, қалай тыныш отырасыз? Сөйтіп бюджетке қатысы жоқ, компания есебінен қарастырамыз. Басшылармен ақылдасып, бір шешімге келеміз. Әкем Абзал Жұмашұлы осы компанияның директорлық қызметін атқарып келе жатқаннан бастап қоғамдық жобаларға атсалысты. Елдегі әлеуметтік жағдайдың тұрақталуына көмектесіп, оң көзқараспен қарады. Біз де қайырымдылық жобалармен айналысамыз. Өзіміздің күріш егіп жатқан Сырдария ауданындағы Нағи Ілиясов ауылында біршама жобаларды іске асырдық. Соңғы 8 жылда шамамен 1,5 млрд қаражат жұмсадық. Ал қазір Нағи Ілиясов көздің жауын алады.&nbsp;– Сізді ерікті жас десек бола ма?– Мен өзімді ерікті жас қатарына қоспаймын. Себебі әр кезде еріктілердің қасынан табылып жүргенім жоқ. Жұмыстың ыңғайына қарай қатыса алмайтын шараларым болады. Сосын олардың жасаған жұмысына да көмектескен емеспін. Өзім ерікті сапында болмасам да, еріктілермен біргемін. Ал ерікті болу әрбір қазақтың, жастың сана-сезімінде болу керек. Қиналған жанға көмектесу керек. Қаржылай қолдау білдіру маңызды емес, қолдауды психологиялық тұрғыда көрсетуге, үйінде өзі атқара алмаған істі әп-сәтте бітіріп беруге болады ғой. Әр қазақ ерікті болуға міндетті. Бір сөзбен айтқанда, өз елінің патриоты болу керек. Елге жаны ашу керек. Қандай да бір жағдай туып жатса, мен ерікті болуға дайынмын.– Мақтааралда да бой көрсеттіңіз. Барып-келу жағы қиындық тудырмады ма?– Мақтааралдықтардың қиын жағдайда қалғанын естіп, қамсыз отыра алмадық. Басшылықпен келісіп, қалайда көмектесу керек деген тоқтамға келдік. Осылайша, азық-түлік апардық. Компания тарапынан 5 тонна ақ күріш, 3 тонна макарон жібердік. Жалпы, Мақтааралға бару барысында ешқандай қиындық туындаған жоқ. 10 шақты көлік жиналды. Көптеген ерікті, белсенділер мен меценаттар бірге барды. Кім қалай қол ұшын береді, соны бірлесе шештік. Құрылыс пен құрылыс компаниясы, азық-түлік беруге мүмкіндігі бар дүкен иелері қолдау білдірді. Азық-түлікті жеткізетін техникасы барлар көлігімен апарып, жеткізуді қамтамасыз етті. Осылайша толық көмек көрсетілді деп ойлаймыз. Мұқтаждық аяқ астынан пайда болатын нәрсе. Ешкім мен тоқырап қаламын, кәсібім кері кетеді деп жоспарламайды. Бәрі аяқ-асты күтпеген жерде орын алады. Сондықтан сабыр сақтап, бір-бірімізді қолдаған дұрыс.– Көп балалы жас отбасыға пәтер кілтін сыйлағаныңызды білеміз. Отбасын да жақсы танисыз…– Үшем тәрбиелеп отырған Кенжебековтер отбасына пәтер кілтін табыстағаным бар. Себебі бұл отбасы – көп балалы. Нұрболат біздің компанияда жұмыс істейді. Ал Ботакөз 23 жасында бес баланың анасы, ең жас ана ретінде танылды. Сосын олар баспанаға мұқтаж отбасылардың қатарында еді. Мекеме балансында пәтер болған. Компания басшыларымен ақылдаса келе, жас отбасыға яғни Нұрболатқа сыйлайтын болып шештік. Бұл істі араға 2-3 жыл салып, жүргізіп тұруды жөн санадым. Бұл уақыт аралығында түскен қаржыны мұқтаж отбасыға баспана алып беруге жұмсасам деген ойдамын. Мекеменің мүмкіндігін пайдалана отырып, болашақта мұқтаж жандарды баспанамен қамтысам деймін. Мүмкіндік болса біз жақсылық жасауға ұмтыламыз.– Сіз ең жас меценат қатарындасыз. Осы тұрғыда келейікші, сізге көмек сұрап келушілер көп пе? Әлде әкеңізбен ақылдасып, қажетті деген кісілерге қолдау білдіресіз бе?– Жасыратыны жоқ, көмек сұраушылар көп. Қазіргі жағдай барлығыңызға белгілі, көбісі жұмыс сұрап келеді, қаржылық көмек сұрайтындар да бар. Біз қолымыздан келсе, көмектесуге дайынбыз. Бірақ мына жағдайда жұрттың барлығына бірдей демеушілік жасаймыз деп айта алмаймыз. Оған біздің мүмкіндігіміз жоқ. Көмек сұрап келгендердің барлығының айтқанын істеп, бетін қайтармасақ, біздің жұмысымыз қалай алға өрбиді? Баласын қолынан жетектеп келіп, ем-домына ақша сұраушылар бар. Ол енді кейінге қалдыратын іс емес. Баланың болашағы, денсаулығы, амандығы бәрінен маңызды. Егер мүмкіндік болса, ескерусіз қалдырмаймыз. Науқастанған, қатты қиналған кісілерге азық-түлік, қаражат жағынан болсын қолдау білдіреміз. Жоғарыда атап өткенімдей, барлығына бірдей көмектесу қиын. Бір іс-шараға тура келіп, көмектесетін сәттер болады. Баласымен келетін кісілер де бар. Еміне мүмкіндігінше қолдау білдіреміз.– Пандемея кезінде де, оған дейін де халыққа қолдау білдірдіңіз. Дәрінің тапшылығында дәрі-дәрмекпен қамтып жатырсыз.&nbsp;– Халық дәрі-дәрмекке мұқтаж. Енді бірінің сатып алуға қаражаты жетпейді. Енді бірінің дәріханаға баруға мүмкіндігі жоқ. Осыны ескеріп, дәрі-дәрмек беруді жоспарладық. Шынын айтсақ, біз дәрі-дәрмекті сырттан алдырғанымыз жоқ. Өзгелер секілді ұзын-сонар кезекте тұрып, облыстық дәріханалардан сатып алдық. Сондықтан дәрі-дәрмекті қалай әкелетінін, қаншалықты қиындық тудыратынын білмеймін. Біз тұрғындардың, оның ішінде қарт кісілер мен мұқтаж жандардың жазылуына, дәрі-дәрмегін уақытымен қабылдауына сәл де болса септігіміз тигенін қаладық.&nbsp;– Сабыржан Кеңшілікпен сұқбатыңызда жас кәсіпкерлерге қолдау көрсетіп жатырмын дедіңіз. Тарқатып айтыңызшы, қай жағынан, қаржылай ма әлде кеңес беру ме?– Жас кәсіпкерлерге бағыт-бағдар көрсетуге болады. Мына істі былай жаса деп, өзіңше жол көрсеткендей боласың. Бірақ мен кәсіпті өзім бастаған жоқпын. Сондықтан жас кәсіпкерге кеңес бере алмаймын. Ал қолдауға келер болсақ, тиімді деп шешкен жағын айтамын. Қаржылай қолдау білдіруге мүмкіндігіміз бола бермейді.&nbsp;– “Мен кәсіпкерлікті 0-ден бастамадым” дедіңіз. Отбасылық кәсіпті игеруде қиындық бар ма?– Жоғарыда атап өткенімдей, мен әкем бастаған істі жүргізіп келемін. Әрдайым қасында жүріп, қыр-сырына қанық болдым. Қай істе қандай шешім қабылдау керегін үйрендім. Бір нәрсені дұрыс жасамасам, келесіде сол қателікті қайталамауды әдетке айналдырдым. Үлкен компанияны басқару оңай емес. Алайда менің әкем секілді демеушіңіз, кеңес берушіңіз болса қандай істе де жеңіп шығасыз. Отбасылық кәсіптің ерекшеліктері көп. Айтар әңгімеміз, ақылдасатын нәрселер бәрімізге де түсінікті. Өзге әлемде қалықтап жүрмейміз, үйдегілер де өз шаруалары ғой деп бейқам отыра бермейді. Қажет кезде кеңес айтып отырады. Жалпы компания жүргізерде кездесер қиындықтар жетерлік. Күріш егудің өзі оңай емес. Ал көп адамды басқаруды өзіңіз де елестете беріңіз. Бірақ менің пікіріммен санасып, бірлесе шешім қабылдайтын, жұмысына ұқыптылықпен қарайтын қызметкерлер көп. Сол бізді қуантады.&nbsp;– Әңгімеңізге рақмет!

Мағжан Ералиев: Отбасылық кәсіптің ерекшелігі көп

<a href="https://kyzylorda-news.kz/ru/">Kyzylorda-news.kz</a>. Мемлекет тарапынан қолдау ретінде берілетін қайтарымсыз грантты ұтып алған Жансая Мейрамбекқызы цитрустық жемістерді жерсіндіру арқылы өнімге қол жеткізуде. Жуырда ерекше кәсіп иесімен сұқбаттасудың сәті түскен еді.– Жансая, бұл салаға қалай келдіңіз?– Қорқыт ата атындағы Қызылорда университетінің 4-курс студентімін. Анам осы университеттің жылыжайында 10 жылдан аса уақыт жұмыс істеп, ғылыми бағытта студенттермен тәжірибе жасауда еңбек сіңірген. Ал қазіргі таңда әкем де, анам да «Болашақ» университетінің жылыжайында қызмет етуде. Анам Ақерке Тәжекеева – Болашақ мемлекеттік университетінің жылыжайында агроном, ауыл шаруашылығы ғылымының магистрі. Отбасымызбен түгел сол жылыжайда жұмыс істейміз.Негізінен анамның жылыжай саласында 25 жылдан аса тәжірибесі бар. «Ұяда не көрсең, ұшқанда соны ілерсің» деген мақал бар ғой. Сондықтан ата-анам өмірде де, мамандық таңдауда да алғашқы ұстазым десем артық емес.Университеттен бөлек үйімізде де түрлі мақсаттағы жеке жылыжайымыз бар. Қаладағы бірнеше мектептің жылыжай кешендеріне осы ғылыми бағыт бойынша кеңес беріп, сабақ өтіп тұрамыз. Мәселен, № 264, № 101, «Дарын» мектептерімен үнемі байланыстамыз. Сонымен қатар жеке кәсіпкерлердің жылыжайларына да анализ жасап, бағыт-бағдар көрсетіп жүрміз.– Цитрусты жемістердің патенті – өңірде бұрын соңды қолға алынбаған дүние. Грантқа ие болатыныңызға сенімді болған шығарсыз?– Осыған дейін де басқа бизнес жобаларды қорғап, грант конкурстарына қатысқан едім. Алайда ол кезде нәтиже болмады. Бірақ бұл жолы грант ұтатыныма сенімді болдым. Бизнес идеямызды жоба ретінде дайындап, ұсынғанда сұралған қайтарымсыз қаржының көлемі 5 миллион теңге болатын. Алайда конкурс бойынша іріктеу аяқталып, нәтижесінде 2 миллион 700 мың теңгеге ие болдым. Бұйырса, бұл қаражатқа лимон ағаштары мен құлпынай көшеттерін отырғызамын.Қызылордада цитрустық жемістерді патенттеп, өсіруді қолға алып жатқан алғашқы кәсіпкерміз. Оған арнайы авторлық куәлік алдық. Бұл бизнес идея қашан, қалай туындады? Осыдан біраз бұрын «Болашақ» университетінде цитрусты жеміс, соның ішінде лимонды жерсіндіру мақсатында эксперимент жасап көргенбіз. Екінші жағынан студенттерге ғылыми тәжірибе болсын дедік. Нәтижесінде жемістерді жерсіндірдік. Енді осы эксперименттің қорытындысы ретінде әдістемелік нұсқаулық жазып жатырмыз. Кітапша түрінде жасап, осы бағытта білім алатын студенттерге ұсыну міндеті тұр.– Қызылордада лимон егудің ерекшелігі неде? Қиындық болған шығар…– Ең алдымен құлпынай өсіріп көрдік. Жаңа жеміс түрін егіп көрудегі алғашқы мақсат – жерсіндіру. Оны зерттеп, қала ішінде егіп көрдік те, өсетініне көз жеткіздік. Жалпы жылыжайда қажетті технологиясын сақтай отырып, әртүрлі өнімдерді өсіріп көруге болады. Температурасын, ылғалдылығын бақылап, қажетті дәрумендер мен қорегін уақытылы өз мөлшерімен беріп, заңдылықтарын сақтаса, нәтиже беруі мүмкін. Әрине, бұрын егілмеген жаңа жеміс түрлерін еккенде, Қызылорда облысының топырағы бойынша тәжірибе болмағандықтан түрлі қиындық кездесті. Алайда қиындықтың бәрі – тәжірибе, білім. Бүгінгі күні жылыжайда лимон түйнек салып тұр.Екі жемісті қатар егуді жөн көруіміздің өзіндік себебі бар. Лимон ағашы алғашқы 2 жылында өнім бермейді, бірден түйнектемейді. Оларды күту керек. Цитрустық жемістер ылғалсүйгіш боп келеді. Сондықтан уақытты босқа жіберіп алмау үшін қосымша құлпынай егуді жоспарладық. Құлпынай еккеннен соң 1 айда-ақ жеміс береді. Бұйырса, лимонның алғашқы өнімін жинағанға дейін жергілікті жерге құлпынай сатып, кәсіп бастаймыз.– Сұқбатыңызға рақмет!

Қазақстан және Қызылорда облысының жаңалықтары