<a href="https://kyzylorda-news.kz/">Kyzylorda-news.kz.</a> Сәуір айында Қызылорда өңірінің 3 ауданында 4 ауылдық округтің әкімі сайланады.Қазақстан Республикасының Сайлау туралы конституциялық Заңына сәйкес, бүгін Қызылорда облысы, Қазалы ауданына қарасты Арықбалық ауылдық округі мен Қармақшы ауданына қарасты Ақтөбе ауылдық округі әкімдерінің өкілеттілік мерзімдерінің аяқталуына байланысты сайлау науқаны өткізілуде.&nbsp;Жергілікті уақытпен сағат 07.00-де &nbsp;Арықбалық ауылдық округіндегі №70 сайлау учаскесі дауыс беруге кірісті. Сайлауда Арықбалық ауылдық округінің әкіміне 3 азамат үміткер болды. Оның 2-еуі өзін-өзі ұсынса, 1-еуі «Amanat» партиясы арқылы ұсынылды. 1 азаматтың декларациядағы мәліметтерінің сәйкес келмеуіне байланысты кандидат ретінде тіркеуден бас тартылды. Айта кеткен жөн болар, Арықбалық округінде 973 сайлаушы тіркелген.Қармақшы ауданындағы Ақтөбе ауылдық округінің әкіміне 3 кандидат үміткер атанды. Олардың 3-еуі де өзін-өзі ұсыну жолымен кандидат ретінде тіркелді. Барлығы да мемлекеттік қызметшілер. Сағат 07.00-де &nbsp;Ақтөбе ауылдық округіндегі №107 сайлау учаскесі дауыс беруге кірісті. Ақтөбе округінде 880 сайлаушы бар. &nbsp; &nbsp;

Бүгін Қызылорда облысында 2 ауылдың әкімі сайланды

<a href="https://kyzylorda-news.kz/">Kyzylorda-news.kz.</a> Мемлекеттік грант Қазақстан Республикасы Еңбек және халықты әлеуметтік қорғау министрлігінің кәсіпкерлікті дамыту жөніндегі Ұлттық жоба аясында іске асырылып келеді. Осы жылдың жаңашылдығы жастарды несиелендіру. Мемлекет басшысы Қасым-Жомарт Тоқаев «Әділетті мемлекет. Біртұтас ұлт. Берекелі қоғам» атты жолдауында жастар арасындағы кәсіпкерлікті дамыту міндетін қойған еді. Жалпы жолдау жүктеген міндеттердің жүзеге асырылу нәтижесіне зер салсақ, осы жылдан бастап кәсіпкерлік салада сең қозғалып, бизнестің дамуына қатысты арнайы реформа жүзеге асырыла бастағанын байқауға болады. Соның бірі – жастарға арналған жеңілдетілген несие беру. Бұл – жастарға арналған жаңа мүмкіндік. Мұның тиімділігі — жастарды қолдай отырып, олардың арасындағы жұмыссыздықты азайту. Сонымен қатар осы жоба арқылы жас кәсіпкерлер несиеге қол жеткізіп, өз жұмысын жандандырса, елде бизнес нысандарының қатары да артады.Елімізде наурыз айынан бастап жастарға арналған жеңілдетілген несие беру бағдарламасы іске асырылуда. Жоба негізінде 21-35 жас аралығындағы жастар мөлшерлемесі 2,5 пайыз болатын несие алуға мүмкіндігі бар. Пайдалану мақсатына қарай мерзімі – бес жыл. Ал мал шаруашылығымен айналысатын жастарға жеті жылға дейін беріледі. Көктемгі егіс және күзгі жиын-терін жұмыстары үшін – үш жылға дейін, айналым қаражатын толтыру үшін (несиенің бір бөлігі) – екі жылға дейін беріледі. Несиенің ең үлкен сомасы 5 млн теңгені құрайды.Иә, бұл кәсібін бастағысы келіп жүрген жандарға не болмаса кәсібін кеңейтуге ниетті жастарға таптырмас мүмкіндік. Бағдарлама аясында биыл 28,9 млрд теңге қарастырылған. Осы қаражат есебінен 5796 адамға жеңілдігі бар несие беру жоспарланып отыр.Микрокредит алуға үміткер ұсынған құжаттардың мазмұны мен мәліметтерді сенім білдірілген өкілдің яғни агенттің тексеру мерзімі барлық қажетті құжаттармен бірге өтініш тіркелген күннен бастап 3 жұмыс күнін құрайды. Құжаттар мен олардағы мәліметтер микрокредиттеу шарттарына сәйкес келмеген жағдайда, сенім білдірілген өкіл қайтару себептерін көрсете отырып, микрокредит алуға арналған құжаттар топтамасын қайтарады. Сенім білдірілген өкіл өтініш тіркелгеннен күннен бастап 15 жұмыс күні ішінде барлық қажетті құжаттармен және олардың микрокредит беру талаптарына сәйкестігімен ұсынылған бизнес жобаға бағалау жүргізеді. Бизнес жобаны бағалаудан кейін сенім білдірілген өкіл 3 жұмыс күні ішінде құжаттарды және бағалау нәтижелерін конкурс комиссиясына (бұдан әрі – Комиссия) ұсыну үшін халықты жұмыспен қамту мәселелері жөніндегі жергілікті атқарушы органға жібереді. Бизнес-жобаларды іріктеу өлшемшарттары өзектілік, аргументтілік, экономикалық негіздемелік, қоғамдық маңыздылық, бұрын атқарылған жұмыстардың, іс-қимыл жоспарының болуы және бизнесжобаның өміршеңдігі болып табылады. Комиссия құрамында кемінде 7 адамнан кем емес, кәсіпкерлік мәселелері жөніндегі жергілікті атқарушы органдардың, оның ішінде аудандық (қалалық) деңгейдегі, ауыл шаруашылығы мәселелері жөніндегі жергілікті атқарушы органдардың, оның ішінде аудандық (қалалық) деңгейдегі, мәслихат депутаттарының, «Атамекен» өңірлік кәсіпкерлер палатасының, қоғамдық бірлестіктердің өкілдерінен, ғылымибілім беру мекемелерінің, бизнес, өңірлік бұқаралық ақпарат құралдарының, салалық сарапшылардың өкілдері, тұратын облыс, республикалық маңызы бар қалалар және астана әкімінің шешімімен құрылады. Қаражат болған жағдайда бизнес-жобаларды іріктеу жөніндегі конкурстық комиссияның отырысы айына бір реттен кем емес өткізіледі.Ең бірінші үміткердің «Бастау Бизнес» жобасы бойынша кәсіпкерлік негіздеріне оқыту туралы 3 жылдан аспайтын мерзімге сертификаты болуы тиіс. Сондай-ақ, портал грант алуға ерікті түрде қоныс аударуға қатысушыларды қоспағанда, жұмыспен қамтуға жәрдемдесу шараларының қатысушылары болып табылатын және соңғы 12 ай ішінде дәлелді себептерсіз жұмыспен қамтуға жәрдемдесу шараларына қатысуды тоқтатқан адамдардың өтініштерін қабылдамайды. Өтінім беру үшін порталда тіркелу, грант алу шарттарына сәйкестігіне тексеруден өту, бизнес-жоспар үлгісін жүктеп алып, оны толтыру және порталға енгізу, өтініш нысанын толтыру және ЭЦҚ кілтімен қол қою қажет. Ал жаңа бизнес-идеяны іске асыруға мемлекеттік грант алуға үміткерлердің еңбек санаты тіркелген жұмыссыздар немесе жеке кәсіпкерлер (тіркеу мерзімі 3 жылға дейін) болуы тиіс.Несиені алудың да өзіндік шарты бар. Соның бірі – кепіл қою. Егер үміткерде кепіл болмаған жағдайда үшінші тарап кепілгер бола алады. Кепілге жылжымайтын мүліктен басқа меншіктегі жер немесе арнаулы техника қабылданады. Сондай-ақ салық органдарына жеке кәсіпкер ретінде тіркелгеніне 5 жылдан аспауы тиіс. Өтініш берушінің жеке куәлігі, бизнес жоспары, жалақыны растайтын құжат, жеке шоттың болуы туралы анықтама, мүлікті бағалау туралы есеп және кепілдікпен қамтамасыз ету жөніндегі құжаттар қолында болу керек.Өтініш қабылданған соң 15 күн ішінде бизнес жоспарға сараптама жасалып, баға беріледі. Оң баға алған үміткердің құжаттары конкурстық комиссияның қарауына жіберіледі. Комиссия үш жұмыс күнінде қарап, жауабы шығарылады. Егер, жоба комиссия қарауынан өтсе, үміткер шақырылып, өз жобасын қорғайды. Соңында жас кәсіпкерге бағдарлама шарттарына сәйкес несие беріледі.Қазіргі қоғамда қалта томпайтар кәсіпті, тұрақты жұмыс пен бақуатты өмірді қаламайтын адам кемде-кем. Рас, ақша көктен жаумайды. Әлбетте еңбектену керек. Тұрақты жұмыс пен кәсіп қожайыны болмасаңыз табысты боламын деу бос сөз.Осы орайда, жастарға арналған бұл бастама кәсіппен айналысуға қабілеті бар, бірақ қаржы мәселесі тығырыққа тіреп жүрген жандар үшін таптырмас мүмкіндік болмақ.

Жас кәсіпкерді жетелейтін жоба

<a href="https://kyzylorda-news.kz/">Kyzylorda-news.kz.</a> Франция құрамасының шабуылшысы әрі капитаны Килиан Мбаппе «ПСЖ» командасының рекордын орнатты, деп хабарлайды <a href="https://www.championat.com/football/news-5070037-mbappe-stal-luchshim-bombardirom-pszh-v-matchah-chempionata-francii.html">Сhampionat.com</a> сайты.Алынған мәліметке қарағанда, Мбаппе Франция чемпионатының 31-турында «Ланспен» өткен матчта 31-минутта гол соқты. Осылайша, Килиан «ПСЖ» құрамында Франция біріншілігінде соққан гол санын 139-ға жеткізді. Бұл көрсеткіш жөнінен ол уругвайлық шабуылшы Эдинсон Каваниден (138) асып түсті. Швециялық Златан Ибрагимович (113) үшінші орында.Мбаппе биылғы маусымда Франция чемпионатында 20 рет көзге түсіп, мергендер көшін бастады. «Лион» клубынан Александр Ляказет пен Джонатан Дэвидтің («Лилль) есебінде 19 доптан бар.Сондай-ақ, Мбаппе осы маусымда Еуропаның үздік 5 чемпионатында гол санын 20-ға жеткізген төртінші ойыншы атанды. Осыған дейін бұған Эрлинг Холанд, Гарри Кейн және Виктор Осимхен қол жеткізген еді.Биылғы маусымда 24 жастағы франциялық шабуылшы «ПСЖ» құрамында барлық турнирлерде 35 матч өткізіп, 31 гол соғып, 7 рет нәтижелі пас берді.«ПСЖ» Франция біріншілігінде екінші орында келе жатқан «Ланстан» 9 ұпайға ұзап кетті. Ол 72 ұпаймен бұрынғыша көш бастап келеді.

Килиан Мбаппе Францияда «ПСЖ» командасының рекордын орнатты

<a href="https://kyzylorda-news.kz/">Kyzylorda-news.kz.</a> Өткен түндерде бақыланған ауа райына нақты шолу жасады. Бұл туралы <a href="https://www.kazhydromet.kz/weather/summary">Қазгидромет </a>хабарлады.Ақмола облысында жауын-шашын (жаңбыр, қар), күндіз батыста, облыстың орталығында қатты жауын-шашын (жаңбыр, қар), түнде орталықта қатты қар жауды, облыстың батысында көктайғақ болды, жел 15-26 м/с күшейді, күндіз Бурабай СКФМ М-да тұман болды, түнде батыста, орталықта жаяу бұрқасын болды. Күндіз Батыс Қазақстан облысында жауын – шашын (негізінен жаңбыр), облыстың солтүстігінде, шығысында қатты жауын-шашын (негізінен жаңбыр) жауды, жел 15-23 м/с күшейді, түнде Жамбейті М-да көктайғақ болды. Күндіз Ақтөбе облысында жауын-шашын (негізінен жаңбыр), облыстың солтүстігінде, батысында қатты жауын-шашын (негізінен жаңбыр) жауды, түнде Комсомольское М-да қатты қар жауды, облыстың солтүстігінде көктайғақ болды, жел 15-22 м/с күшейді. Павлодар облысында жауын – шашын (жаңбыр, қар), түнде облыстың шығысында қатты қар жауды, Баянауыл М-де тұман болды, Екібастұз М-да түнде Көктөбе М-да көктайғақ болды, жел 15-19 м/с күшейді. Қостанай облысында жауын-шашын (жаңбыр, қар), түнде облыстың шығысында қатты қар жауды, жел 15-23 м/с күшейді, күндіз көктайғақ, түнде Железнодорожный М-да жаяу бұрқасын болды. Қарағанды, Шығыс Қазақстан облыстарында жауын-шашын (жаңбыр, қар) өтті, күндіз жел 15-22 м/с күшейіп, түнде Қарағанды облысында тұман, көктайғақ байқалды. Ұлытау, Абай, Жамбыл, Түркістан, Қызылорда, Атырау облыстарында жаңбыр жауды, жел 15-26 м/с күшейді, күндіз Қызылорда облысының Қызылорда М-да шаңды дауылмен, түнде найзағай, Қызылорда облысында – дауыл, түнде Түркістан облысында найзағай болды. Күндіз Маңғыстау облысында Қаламқас АМС-да аздаған жаңбыр жауды, түнде Құлалы М-де жаңбыр жауды, күндіз 15-21 м/с жел күшейді, Алматы облысында , Жетісу облысында, күндіз Солтүстік Қазақстан облысында 15-22 м/с жел күшейді.Айта кеткен жөн, Бүгін Қызылорда бойынша ауа температурасы +11+13. Күн көшпелі бұлтты. Желдің жылдамдығы 15-20, күндіз екпіні 23.

Бүгін ауа райы қандай болады?

<a href="https://kyzylorda-news.kz/ru/">Kyzylorda-news.kz</a>. Ғаламтор желісіне бағытталған веб-сериал түсіру идеясы кең тарауда. Көптеген танымал азаматтар кәсіби деңгейде кино түсіріп, оны онлайн платформа арқылы насихаттауға көшкен. Сыр жастары да жаңа бастаманы қолға алып, «Азулы асаба» сериалын YouTube-арнасында жариялады. Жуырда идея авторы Азамат Нұрмағанбетпен тілдесудің сәті түсті.– Азамат, «Азулы асаба» сериалын түсіру идеясы қалай пайда болды?– Көп жылдан бері асабалық өнерді серік етіп келемін. Той-томалақта түрлі оқиға, қызықты жайт орын алады. Әрбірі бүтін фильмге арқау қылуға жарайтын оқиғалар десем, артық емес. Сондықтан сол оқиғаларды өнер тілімен жеткізу мақсатында «Азулы асаба» сериалын түсіруді қолға алдым. Оның үстіне Сыр жастары да кино түсіре алатынын көрсеткім келді. Алдымен сценарий, кейін «қаңқасын» қағазға түсіріп, достармен фильм барысын талқылау басталды.Сериалдың негізгі өзегі – асаба өмірі. Жасыратыны жоқ, көптің көзіне асабаның жұмысы жеңіл көрінуі ықтимал. Алайда жауапкершілік, дайындық машақаты, ұйқысыз түндер бұл жұмыстың жеңіл емесін көрсетеді. Веб-сериалдың негізгі идеясы да осы ой төңірегінде өрбіп, әзілмен астарлап жеткізу ойластырылған.– Түсірілім барысында шығармашылық ұжымның потенциалы толық ашылды ма?– Ескеретін жайт, түсірілім толықтай достардың көмегімен өтті. Техникалық топ болсын, шығармашылық топ болсын, өмірде аралас-құралас қыз-жігіттерден құралған. Барлығы дерлік өнердің құнын түсінетін, шығармашылықтың мәнін ұғатын азаматтар. Бұл ойым түсірілім барысында да үстеле түсті. Әрбірі жүктелген міндеттің үдесінен шығуға талпынып, фильм сапасының артуына септесті. Алғашқы кинотуындым болғандықтан барынша ақыл-кеңесін аямай, келіспейтін тұсын түзеп отырғанын достарға алғысым ерекше.– Өзіңіз асабалық кәсіптен алыс емессіз. Түсірілім барысында бұл ерекшеліктің көмегі болды ма?– Өмірдегі қалып пен көркем әлем, яғни фильм образы екі бөлек дүние. Күнделікті өмірде еркін сөйлеп, мінез-құлық бостандығы сезілетіні анық. Ал камера алдында қысылу, болмысың мен кәсіби жұмысыңды ашыла көрсету қиынырақ. Мүмкін өнердің басты құндылығы да осында шығар. Дегенмен, бар үрейді жиып, негізгі образды шынайы жеткізуге талпындым. Сөйлеу мәнері, көзқарастың шынайы өмірдегі Азаматқа жақын болуына күш салғанымда айта кеткенім жөн. Ал оның қаншалықты нәтижелі болғанын көрермен айта жатар.– Сериалдың интернет желісіне тарағанына айға жуық уақыт болды. Осы аралықта көрермен қандай баға берді?– Қазіргі таңда YouTube-арнаға сериалдың 2 бөлімін жарияладық. Арнада жазылған пікірлерге сүйенсек, халықтың көңілінен шығуда. Оның үстіне асаба тақырыбы елге таныс, жұртқа жақын. Әзіл барысы да ой сергітуге ықпал ететін сюжетке толы. Бұрыннан кино саласында еңбек еткен аға-әпкелердің пікірі де біршама жетілдіретін тұсты көрсетті. Сондықтан әрбір сериал сайын көрерменнің көңілінен шығуға тырысамыз.– Қазақстандағы киноиндустрия саласының дамуы туралы ой бөліссеңіз.– Мысалмен сөйлейін. 2000 жылдары қазақтілді көрерменнің тұтынатын кинотуындысының басым дені «Қазақфильм» киностудиясына тиесілі еді. Олар жылына 2-3 фильм шығаратын. Оның өзі тарихи жанрға негізделген. Ал қазіргі ахуал қалай? Кез келген адам қолдағы смартфонның көмегімен фильм түсіруіне болады. Көрерменге ұсыну мүмкіндігі де мол. Әлеуметтік желілер, ғаламтор кеңістігі – тегін аймақ. Сол себепті заманауи қазақстандық киноиндустрия саласын қарыштап дамып келе жатқан бағыт ретінде қарастырған жөн. Мұны киноөндірісіндегі қазақша кино санының артуынан-ақ аңғару қиын емес.– Әңгімеңізге рақмет!

Азамат Нұрмағанбет: Сериал көрермен көңілінен шығуда

<a href="https://kyzylorda-news.kz/ru/">Kyzylorda-news.kz</a>. Сыр жасы Салих Қалиев – талантты әнші, «Өзіңе сен» қайырымдылық концертінің ұйымдастырушысы. Жас талант Салихтың жан-жақтылығы көпті сүйсінтіп келеді. Ол бір мезетте мәдени іс-шараларды ұйымдастырумен қатар сахнада өнер көрсетіп, елдің ықыласына бөленуде. Осы уақытқа дейін бірнеше қалада «Өзіңе сен» қайырымдылық концертін өткізіп үлгерген Салихпен жеке шығармашылығы жайында әңгіме өрбіттік.‒ Салих, өнер жолына қалай келдіңіз? Ән айтуға бала күннен қызығасыз ба?‒ Өнер жолына балалар үйінің тәрбиеленушісі кезімде қадам бастым. Бірақ ол жердің сахнасында өнер көрсетсем де, республикалық, облыстық байқауларға қатысқан емеспін. Кентау қаласындағы арнаулы кәсіптік оқу орнында оқыған тұста ғана колледждің тәрбие ісі жөніндегі орынбасары Эльмира Балтабекқызы менің ән айтып, іс-шараларды ұйымдастырып, сахна безендіретін, жалпы айтқанда бойымдағы талантымды байқап, батасын берді. Ол кісі режиссер ретінде де көп кеңес айтып, сахнада өзімді дұрыс ұстауды, ән айтуды үйретті. Сол үшін Эльмира ұстазыма және колледж басшысы Роза Мұратқызына алғысымды айтқым келеді. Негізі ән айтуға бала кезімнен қызығамын. 2000 жылдары телеарнада «SuperStar.kz» жобасы көрсетілетін. Сол жерде өнер көрсеткен Айқын Төлепберген, Қайрат Түнтеков сынды әншілерге қарап, өнерді түсіне бастадым. 2017 жылы М.Әуезов атындағы университетте «Мәдени тынығу жұмыстары» мамандығында білім алдым. Осы мамандық аясында қазір қайырымдылық іс-шаралар ұйымдастырушысы әрі фотомодель болып жұмыс істеймін. Қайырымдылық пен өнерді байланыстырғым келеді‒ Кештің атауы өзгеше екен…‒ «Өзіңе сен» қайырымдылық концертін өткізу үшін пандемия кезінде дайындалдым. Осыдан екі жыл бұрын пәтерімді сатып, балалар үйінде бірге өскен бауырыма қаражат беріп, жәрдемдестім. Содан бастап өз-өзімді дамытуды тоқтатпадым. Уақытша жатақханада тұрып, Қазақстанда гастрольдік сапар ұйымдастырып, шыңдалуды мақсат етемін. Былтыр Шымкент қаласы әкімінің орынбасары Шыңғыс Жұмабекұлы қолдап, «Өзіңе сен» атты қайырымдылық концертін ұйымдастыруға кеңес берді. Осы күнге дейін Кентау, Түркістан, Қызылорда қаласында концерт беріп үлгердім. Ендігі кезекте Ақтөбе, Ақтау, Байқоңыр және басқа қалаларда келер жылға дейін концертімді өткізгім келеді. «Өзіңе сен» атауы қандай сәтте де өзіңе деген сеніміңді жоғалтпа деген ниетпен әрі елге мотивация болсын деген мағынада қойылды.‒ Шығармашылық құрамда қанша адам жұмыс істейсіздер? Демеушілер бар шығар…‒ Қазір ұжымда өнердегі барлық достарым жиналған. Оның қатарында әлем, Азия чемпионы Ермек Қалымбетов (қоларба би жарысы бойынша), көзі нашар көрсе де өнер көрсететін Ерке Досқара сынды жанашырларым бар. Демеушілермен жұмыс істемейміз, менде продюсер, сценарист, менеджерлер жоқ. Бірақ әр қаладағы әкімдік, мәдениет басқарамасы тарапынан, жастар орталығынан көмек бар. Осы орайда бізге қолдау көрсеткен барлық қала тұрғындарына алғысымды айтқым келеді. Халықтың бізге деген ықыласы ерекше. Болашақта сахнадан демалыс алып, өзімнің авторлық кітабымды жазғым келеді.‒ Сұхбатыңызға рақмет! &nbsp;

Салих Қалиев: Қайырымдылық пен өнерді байланыстырғым келеді

<a href="https://kyzylorda-news.kz/ru/">Kyzylorda-news.kz</a>. Ұлттың тарихи танымы мен дүниеге көзқарасы – заманауи қоғамда да ықылас қоятын құндылық. Әр халықтың өзіндік болмысы мен дәстүрі сол ұлттың бейнесін ашуға, мақсатын айқындауға мүмкіндік береді. Сондықтан әр қадамды жөн-жоралғы, наным-сенім, салт тұрғысында бағамдау басты қажеттілікке айналуда. Осы орайда тарихшы, Қорқыт ата атындағы Қызылорда университетінің аға оқытушысы Бақытжан Ахметбекпен қазақ ғана емес, көптеген шығыс халықтарына ортақ Наурыз мерекесі туралы ой бөлісудің сәті туды.Сұхбат барысында ғалымның дәстүрлі мерекелерге көзқарасыы мен қазақ танымының ерекшелігі туралы ой-пікір өрбіді.– Бақытжан Мұқарамұлы, әңгіменің әлқиссасын қазақ ұлтының дамуында Наурыз мерекесінің рөлі қандай деген сауалдан бастасақ…– Наурыз – рухани мереке. Діни, саяси әсерден ада, ұлттың болмысы мен табиғаттың жаңару мезгілінің тоғысқан тұсы. Сол себепті қазақ халқы Наурыз мерекесін ежелден тойлап келді. Мерекеде ұлттық тағам ұлықталып, салт-дәстүр жаңғырады. Наурыз ерекше бағаланғаны сонша мереке қарсаңында Наурыз, Наурызбек, Наурызбай, Наурызек секілді есімдер пайда болған. Бүгінде мейрамда ойын түрлері жаңғырып, спорт бойынша жарыс ұйымдастырылады. Жаңа серпін алған жастардың наурыз көже мен ән-күйді асыға күтетіні де сондықтын.Әрине, халықтың өткен тарихы сынаққа толы. Сан алуан идеологияның салдарынан Наурыз мерекесінен қол үзіп қалған шақ та болды. Өткенге көз тастасақ, 1926 жылы Кеңес үкіметі аталған мерекені тойлауға тыйым салып, көптің көңілін күпті етті. Ғасырдан-ғасырға жалғасқан мәдени мұрадан айырылу қай халыққа болмасын оңайға соқпасы аян. Қазақ халқы да амалы құрып, мерекемен қайта қауышар күнді асыға күтумен болды. Тек 1988 жылы қоғам қайраткерлерінің жәрдемімен Наурыз мейрамын қайта тойлау мүмкіндігі туған еді. Қайраткерлер үкіметке шығыс халықтары үшін наурыз мерекесінің қаншалықты маңызды екенін жеткізіп, ұсыныс білдіреді. Ұсынысты Михаил Горбачёвтың өзі қолдап, қазақ ғана емес, көптеген шығыс елдеріне мерекені атап өтуге жол ашылғанын білеміз.Алайда осы аралықта мереке ресми атап өтілмесе де үй-үйде, ауыл-аймақта атаусыз өтпейтін. Ата-әжелер салт бойынша ұлттық тағам жасау, ұлттық киім кию секілді жоралғы жасап, дәстүрдің ұмытылмауына күш салды. Мысалы, әжем Айым Жүргенбайқызы 1910 жылы өмірге келген. Сол кісі дүниеден озамын дегенше бізге Наурыздың атаусыз өтілмеу керегін үйретумен болды. Мереке қарсаңында таңертең оятып, наурыз көже беріп, тілек айтатынын естіп өстік. Сол кезде мерекенің мәнін білмесек те қуана күтуші едік. Себебі оған дейін мектепте Наурыз мерекесі, ұлттық құндылық туралы айтылмайтын. Араға 60 жыл салып қайта оралған Ұлыстың ұлы күнін тойлауды қазақтың ерекше қадірлеуінің себебі де – жоғалтып, қайта табуында.Әлемде 5 мыңға жуық ұлт бар екенін білеміз. Алайда мемлекет ретінде орныққаны 200-ге тарта. Көп халық өзге ұлтқа сіңіп, аты-жөні, түр-тұлғасы өзгеріске ұшырады. Ал қазақ халқының сан ғасыр бойы жерін, тұтастығын сақтауы салт-сананың беріктігінен болса керек. Сондықтан Наурыз мерекесі туралы айтқанда оның бізді біріктіретін ұлы күш екенін ұмытпауымыз шарт. Бүгінде ұлттық киім мен ұлттық тағамға сұраныстың молаюы, ұлттық код пен болмыс туралы зерттеу санының артуы сөзімізге дәлел бола алады.– Мерекенің қазіргі қалпы мен өткен кезеңінде қандай айырмашылық бар?– Аса бір айырмашылық орын алды деп айта алмаймын. Жоғарыда айтып өткеніміздей, ресми тойлауға тыйым салынған уақытта да әр қазақ шаңырағы атаусыз қалдырмады. Сол себепті негізгі өзегі сақталды. Ал көпшілік нұсқадағы тойлау жолында біршама өзгеріс бар. Соның бірі – би билеу.Наурыз мерекесі – көңіл-күйді көтеріп, шабыт сыйлайтын сәт. Әжелеріміз бұл мерекені би билеп, ән салып атап өткен. Ұзақ уақыт кең көлемде аталып өтілмегендіктен Наурыздағы билер ұмыт қалған. Тіпті мерекеде би билегені туралы естімеген қандастарымыз да бар. Бүгінде қазақта би өнерінің тарихи беріден басталады деген жансақ пікірге нүкте қоятын кез келді.Бидің қазақ қоғамымен бірге дамығанын дәделдеу қажет. Өйткені наурыз ұлттық би билеп, көңіл көтеретін мейрам да бола білген еді. Мерекеде «Қара жорға», «Алтынай», «Аю» билері кең танымал болды деген дерек кездеседі.– Көрісу күнінің шығу тарихы қандай? Сыр еліне бұл мерекенің жақындығы бар ма?– Орынды сауал. Көбісі көрісу салты батыс өңірде сақталған дәстүр деп біледі. Қызылорда аймағында болмаған деген пікірге жақын көзқарастар да бар. Алайда бұл – қате ой. Бұл салт батыс аймаққа ғана тән емес, біздің Сыр бойында да жүргізілген. Мәселен, шамамен XV ғасырларда Арал, Қазалы, Қармақшы, Жалағаш өңірлері Ноғайлы жеріне кірді емес пе?!Сол кезеңде облыстың аталған аймақтары көрісу күнін атап өткен. Әрине, қазір ұмыт қалды. Дегенмен аталған салт-дәстүрді алшақтатудың қажеті жоқ. Оған қоса көрісу күні адамзат бойындағы мейірімділік, ізгілік, ілтипат сезімін оятатын құндылық дер едім. Бұл дәстүрді бар қазақ ұстанса, артық етпейді.– Қазақтың жыл санау, мезгіл айқындау ісінің ерекшелігі қандай?– Қазақ – табиғатпен біте қайнасқан ұлт. Мезгілдің қалай құбыларын, қауіптің неден келерін дөп басқан. Мысалы, «Үркерлі айдың бәрі қыс» деген сөз бар. Ауа райына сенбе деген мағынаны білдіреді. «Ақ қар көп болса – ақ нан көп», «Туған ай, тураған етпен тең» деген нақыл сөздер қоршаған ортамен байланыстың ең озық үлгісі екені анық. Одан бөлек жұлдызға, табиғат белгілеріне қарап, келер күнді болжаған оқиғалар да көп кездеседі. Жан-жануардың болмысын терең тану да өз әсерін тигізді. Жыл атауын жануарлармен байланыстыру да көшпелі халықтың өмір-салтынан хабар береді.Сондай-ақ жыл санау үрдісі де бөлек. Мәселен, мүшел жас та жыл санауға байланысты. Мұндай адам жасын есептеу үлгісі басқа халықта кездеспейтін ерекшелік. Тарихы да тереңде жатыр. Сақ дәуірінен басталған есептеу жүйесі бүгінге дейін жетіп отыр. Сондықтан қазақ халқының таным-түсінігін зерттеу кезек күттірмейтін амал екені даусыз. Сонда ғана болашақ ұрпаққа өткен тарихты риязсыз қалыпта жеткізуге, өзімізді тануға жол ашылады.– Әңгімеңізге рақмет!&nbsp;

Бақытжан Ахметбек: Қазақ халқының таным-түсінігін зерттеу – кезек күттірмейтін амал

<a href="https://kyzylorda-news.kz/ru/">Kyzylorda-news.kz</a>. Бектай ақсақалдың бағын білмейтіндер некен-саяқ. Оның шаһарға шырай сыйлаған алқабының әдемілігіне сүйсінбеу мүмкін емес. &nbsp;Наурыз мерекесі &nbsp;қарсаңында еңбекті жанына серік еткен бағбанмен жолығудың сәті түсті.Сексен үшке қадам басқан қарияның қайраты қайтпаған. Жүзі жылы, қарапайым келген еңбек иесі күннің салқындығына қарамай, ауласында қызу жұмыс істеп жүр екен. Жиырма жасынан бағбандыққа бет бұрған &nbsp;ақсақалмен &nbsp;әңгімеміз осы саланың қыр-сыры жайында өрбіді.<blockquote>– Жарты ғасырдан астам ғұмырымды орман шаруашылығына арнадым. Жылына 5-6 мың көшетті баптап шығарамын. Жеміс және сәндік ағаштарды өсіруді хобби әрі жұмыс санаймын. Сағат бесте тұрамын. Күнделікті жұмысым бауды аралаудан басталады. Таң сәріден кеш батқанға дейін ермегім алқаптағы ағаштар. Наурыз бен сәуір мен үшін сатылым айы, яғни көшеттерді сатумен айналысамын. Баудағы жайқалған ағаштар бейнеттің берекесі деп білемін, – дейді бағбан.</blockquote>Расында Бектай атаның бауы үлкен саябақ іспеттес. Бүгінде ақсақалдың бау-бақшасында 20 мыңнан аса ағаш болса, оның үштен бірі жеміс ағаштары. Қала тұрғындары жылына бағбан күтіп баптаған 5-6 мың түп ағашты сатып алатын көрінеді.<blockquote>– Қандай да бір табысты алсаңыз, ол тек еңбекпен келеді. Қай іске де бел буып, ынтамен кіріссеңіз, оның жемісін бермеуі мүмкін емес. Сол үшін де &nbsp;ауламды күні-түні еңбек алаңына айналдырып келемін. Шүкір, пайдасы жоқ емес. Мысалы, қазір сұранысқа ие аршаны 6 мың теңгеден өткіземін. Ал жеміс ағаштарының саудасы 500-600 теңгеден басталады. Біздегі базар оңтүстіктің көшетіне толы. Енді қараңыз. Сырттан келген көшеттердің бізге келем дегенше бойындағы су тартатын өте нәзік, жіңішке тамырлары бар, солар кеуіп кетеді, жолда бүлінеді. Екінші жағынан, бұлар жылыжайда өскен. Ал енді анығын айту керек, жылыжайда өскен көшеттердің ғұмыры тым қысқа, – деп ақыл қосты.</blockquote>Кейіпкеріміз тек өз ауласымен шектеліп қана қоймай, аймақты көркейтудегі қолтаңбасы айқын. Тұңғыш Президент саябағымен қатар әуежайға апарар жолдың қос қапталын жайқалту жауапкершілігі Бектай Сүлейменовке артылған.<blockquote>– Махамбетов ауылына бара жатқан жолда Сыздық Төлеков деген канал бар. Әуежаймен екі аралықты жалғайды. Аймақ басшысының өтінішіне сәйкес, аталған каналдың жағалай қос қапталына 3 қатар ағаш отырғыздым. Ұзындығы – 11 шақырым. Қос қапталдағы 3 қатарды есепке алсаңыз, 66 шақырым. Бейнеттің арқасында сол көшеттер қазір саялы ағашқа айналды, – дейді бағбан.</blockquote>Әңгіме арасында көшет алушылардың қатары көбейген. Бір сәт ақсақалмен диалогты тоқтатып, сатып алушылардың пікіріне үңілдік.<blockquote>– 5-6 жылдай болды, көктем келсе, Бектай ақсақалды іздейміз. Қарағай, арша, мәуе, өрік, алма секілді көшеттерді сатып аламын. Бағасы да қалтаға қонымды. Ең маңыздысы көшеттер жер талғамай, бірден көгеріп шыға келеді. Ақсақалдың көшетке келгенде жомарттығы көп. Біреуін алсақ, жанына 3-4 жеміс ағашын ақысыз сыйға тартады, – дейді Марат есімді сатып алушы.</blockquote>Аршаға сұраныс жоғары. Әрине, әсемдігі бір бөлек. Бұл ағаштың тағы қандай артықшылығы бар деп сұрау салдық.<blockquote>– Аршаны өзімде жақсы көремін. Сондықтан алқаптың тең жартысы аршаға тиесілі. “Ағаштар анасы – арша” деген теңеу сөзінде қаншама ұлағатты ұғым жатыр. Ертеде небір асыл азаматтарымыз тағдыр тәлкегімен елден жырақ кеткенде бойтұмар ретінде арша ағашының жаңқасын өзімен бірге алып жүріп, елді, туған жерді сағынған кезде ауық-ауық мейірлене иіскеп мауқын басатын болған. Бір жағынан арша – ағаш-фармацевт. Осы өсімдік бөлетін фитоноцидтер денсаулыққа ем болатын таза ауа тудырады. Көп деректерді ақтардым. Сонда оқығаным, арша жылына орта есеппен 1 тоннадан аса шаңды жұтып, айналасына 1,5 мың литр оттегі бөліп шығарады екен. Міне, бұл ағаштың осындай қасиеті бар, – деді ақсақал.</blockquote>Ерте жастан тал егуді мұрат тұтқан ақсақал қаладағы көшет отырғызу мәдениеті қалыптаспағынын да айтып қалды.<blockquote>– Қызылордада ағаш егу мәдениеті қалыптасса, шаһар жасыл желекке оранар еді. Тым науқаншылмыз. Тек наурыз мерекесінде көшет егеміз. Көшетті отырғызуын отырғызамыз, бірақ суландыру жүйесіне мән бермейміз, дұрыс күтіп баптамаймыз, – деп әңгімесін түйіндеді бағбан.</blockquote>&nbsp;

Қызылордалық бағбан қала тұрғындарын көшетпен қамтамасыз етуде

<a href="https://kyzylorda-news.kz/">Kyzylorda-news.kz.</a> Ұлы жазушыларымыз театрды – тәрбие мектебі, театр – тәлім, рухани азық алар ордасына балаған. Себебі оның мәні тереңде жатыр. Қоғамдағы орын алып жатқан кейбір отбасындағы оқиғаларды қаншалықты көзбен көргенімізбен, оны сахнадан тамашалаған мүлдем бөлек. Бәлкім, шын өнер осынысымен де құдіретті шығар. Осындай көрерменнің көңілінен шыққан қойылымды жуырда Жанқожа батыр ауылында, Жанқожа батыр ауылдық мәдениет үйі жанындағы «Халық» театрының әртістері сахналады.Арал ауданы, Қызылжар елді мекенінің тумасы, драматург Жақсыбай Мусаевтың «Ар мен Азап» трагедиясының желісімен қойылған спектакльдің суретшісі – ауылдық мәдениет үйі маманы Қаршыға Қалымбетов болса, режиссері – Бақытбек Мәкеев болды.Жалпы терең мағыналы, қоғамда орын алып жатқан жайтты бейнелеген қойылым желісінде – ащы судың құрбаны болған Айдар мен Гүлмираның тағдыры суреттеледі. Қос жұптың арасындағы ұрыс-керіс салдарынан қыздары Гүлсімнің өмірі опат болады. Мұның барлығын көрерменге шынайы жеткізе білген «Халық» театрының әртістері ащы судың кесірінен талай отбасы ойран болғанын көрсетті.Спектакль қонағы болып арнайы барған аудан әкімінің орынбасары Дәурен Тілеумбетов тұрғындар көңілінен шыққан туындыға ерекше алғысын білдірді.<blockquote>«Жалпы, бүгінгі қойылым өзіме ерекше ұнады. Бұл қазіргі қоғамның ащы шындығы. Спектакльдің басты кейіпкерлері – Айдар мен Гүлмираның тағдыры, Гүлсімнің өмірден өтуі көрген жанның көзіне жас үйірді деуге болады. Алдағы уақытта осындай қойылымдар жиі болып тұрса дер едім», – деген Дәурен Оңғарбайұлы.</blockquote>Сонан соң қойылым авторы Жақсыбай Мусаевқа аудан әкімі Мұхтар Оразбаевтың «Алғыс хатын» табыстап, шапан жапты. Сондай-ақ, Жанқожа батыр ауылдық мәдениет Үйі жанындағы Халық театрының ұжымына аудан басшысының «Құттықтауын» берді.Театр ұжымының еңбегіне қаныққан ауыл тұрғындары марапат барысында қос қолды аямай соғып, әртістерге жылы лебіздерін білдірді.<blockquote>«Біздің ауданның, ауылдың театр ұжымына алғысымыз шексіз. Өйткені олар театр ұғымын өздері ұғып қана қоймай қалың жұртты да осындай қойылымдардан жақсы әсер алуды, кезекті спектакльді асыға күтуді үйретті десек болады. Соның нәтижесінде театр – тәлім-тәрбие мен рухани азық алар орын. Еңбектің көркемі. Көңіл көтерудің ғана орны емес, мәдени ошақ, идеологиялық құрал екендігіне көзіміздің жеткеніне біршама уақыт болды. Бүгін де бір керемет әсер алдық. «Халық» театры ұжымына еңбектеріңіз жана берсін дейміз. Алда бұдан да керемет ой түйер, жақсы әсер алар қойылымдар күтетін боламыз», – дейді ауыл тұрғыны.</blockquote>Жақсыбай Қайырлаұлының бұдан бөлек «Шоқ пен шер», «Жер бесік», «Міскін» және «Жаралы гүлдер» атты туындылары бар.

Қазалылықтар «Халық» театрының қойылымын тамашалады

<a href="https://kyzylorda-news.kz/ru/">Kyzylorda-news.kz</a>.&nbsp; Жүрек-қан тамыры аурулары бей-жай қарайтын дерт емес. Әсіресе қазіргідей пандемия кезінде барынша сақтануды қажет етеді. Осы орайда "Қазақстанның 100 жаңа есімі" жобасының өткен жылғы жеңімпазы, «Болашақ» бағдарламасының түлегі, кардиохирург Бауыржан Рақышевпен &nbsp;аурудың алдын алу шаралары жөнінде &nbsp;әңгіме өрбіттік. Ол А.Н.Сызғанов атындағы Ұлттық ғылыми хирургия орталығының кардиохирургия бөлімінің меңгерушісі.&nbsp;‒ Жүрек ауруларының дамуына қандай факторлар әсер етеді, оның алдын-алуға бола ма?‒ Жүрек-қан тамыры жүйесінің аурулары көп жағдайда науқасты мүгедектікке алып келеді. Сонымен қатар онкологиялык аурулар да осы санатқа жатады. Мұны «XXI ғасырдың обасы» деп те атайды. Жалпы жүрек аурулары ағзадағы басқа да аурудың асқынуынан және жүрек-қантамыр жүйесі қызметінің бұзылуынан пайда болады. Соның ішінде жүректің ишемиялық, ревматикалық, дегенеративті аурулары, туа бітті пайда болған ақаулары, миокард инфаркты, артериялық қан қысымының көтерілуі, сонымен катар жүректің созылмалы &nbsp;жеткіліксіздігі, кардиомиопатия жиі кездеседі. Бұл ауру түрінің дамуына қан кысымының көтерілуі, қандағы холестерин мен триглицеридтердің көп болуы, физикалық белсенділіктің төмен болуы, артық салмақ, қант диабеті, күйзеліс әсер етеді. Сонымен қоса генетикалық бейімділік те негізгі себептің бірі болып саналады.‒ Әдетте көп дерттің шипасы дұрыс тамақтану, диета екенін айтамыз. Ал жүрек саулығы, тыныштығының басты емі қандай? Дәрі-дәрмексіз жүректі сауықтыра аламыз ба?‒ &nbsp;Әрине дұрыс тамақтану, физикалык белсенділік, саламатты өмір салтын ұстану күнделікті режимде болу керек. Өйткені осы жағдайдың бәрі аурудың алдын-алуға әсер етеді. Дегенмен жүрек ауруына шалдықсаңыз және ол белгілі бір деңгейде асқынған болса, дәрі-дәрмекті де пайдалану керек.‒ Науқасты тексеру барысында диагнозын анықтау қиын болған немесе шешім қабылдау ұзаққа созылған жағдайлар болды ма? Бір науқастың диагнозын анықтауға, анализ жүргізуге қанша уақыт жұмсалуы мүмкін?‒ Пациент дәрігерге қаралғаннан кейін белгілі бір деңгейде аспаптық немесе лабораториялық тексеруден өтеді. Қазір жүрек-қантамыр жүйесі ауруларын тексеретін қажетті кұралдар жоғары деңгейде дамыған және біздің медицинада бар.Сол үшін бұл мәселенің шешімі бар деп айта аламын. Уақытына келер болсақ, ол аурудың түріне, даму сатысына байланысты.‒ Кардиохирургия бойынша Қазақстан әлем медицинасына жаңалық енгізе ала ма? Жалпы саладағы ғылыми жетістіктер жайлы сөз қозғасаңыз…‒ Жалпы мемлекетіміз кардиология мен кардиохирургияның дамуына жіті көңіл бөлгенін білесіз. Бүгінде науқастар уақытылы кардиохирургиялық және кардиологиялық көмек ала алады. Бұл сөзімізге елімізде кардиохирургиялык операциялар санының артуы, орташа жас мөлшерінің ұлғаюы, сонымен қатар әрбір облыс орталығы мен республикалық маңызы бар қалаларда емдеу орталықтарының ашылуы дәлел. Соның нәтижесінде қазір жүрекке жасалатын жалпы операциялар, жүрек ауыстыру операциясы, жасанды оң және сол қарыншаны орнату, толыққанды жасанды жүрек орнату операциялары жасалуда.‒ Еліміздің шалғай &nbsp;аудандарында кардиохирургиялық емге мұқтаж науқастар қалай ем ала алады? Квота мәселесі толық шешілген деп айта аламыз ба?‒ Жүрекке жасалатын операцияның барлығы мемлекет есебінен каржыландырылады. Сондықтан квота мәселесі де толық шешілген.‒ &nbsp;Кардиохирургтің де жүрегі ауруы мүмкін бе?‒ Әрине дәрігердің де денсаулығы сыр беруі мүмкін ғой (күліп). Десек те барлық алдын-алу шарасын сақтаған дұрыс. Осы ретте баса назар аударатын жайт, ауырмаудың жолын іздеу керек. Барлық зиянды әдеттерден аулақ болған жөн.‒ Алдағы уақытта туған жерге келіп қызмет ету жоспарыңызда бар ма?‒ Біз қоғамға қызмет етіп жүргеннен кейін қай өлкеде, қандай да бір науқасқа көмек қажет болса, үнемі дайын екенімізді еске салғым келеді. Осы ретте облыс тұрғандары да бізге келіп емделіп жүр. Сондықтан басқа қалада немесе туған жерімізде болсын қашанда көмек көрсетуге даярмыз.‒ Сұхбатыңызға рақмет!&nbsp;

Бауыржан Рақышев: Қай жерде жүрсек те, көмектесуге даярмыз

<a href="https://kyzylorda-news.kz/ru/">Kyzylorda-news.kz</a>. Қызылорда облысы Полиция департаментінің баспасөз қызметіне хабарластық. Жұмысымен көзге түсіп жүрген, әр ісіне мұқият қарайтын, жауапкершілігі мол жас әр салада да болады. Полиция капитаны, &nbsp;Қызылорда ОПД анықтау басқармасының анықтаушысы Әділхан Смайлов әріптестер сеніміне әбден лайық.Жалпы полиция қызметкері қай салада да бірінші бой көрсетеді. Төтенше жағдай кезінде де бұл қызметкерлер тыным тапқан емес. Тұрғындарға бей-берекет жүруге болмайтынын ескертіп, бетпердесіз үйден шығуға тыйым салынғанын ескерту де солардың жауапкершілігінде. Рейдтік жұмыстардан да көз ашпайтыны жасырын емес. Мейрамхана мен ойын сауық орталығының есігін қағып, тексеріс жүргізіп, жұмысына кірісіп кететіні тағы бар. Масаң күйде көлік тізгіндегендерді, көлігіне қару-жарақ салғандарды қадағалау да осылардың жауапкершілігінде. “Жылына бір келетін мерекенің біз үшін ерекшелігі жоғары. Істеген істің бағаланғаны емес, бүкіл полицейлердің ортақ күні болғандықтан өзіңдік орны бар. Бұл мерекені әріптестермен қарсы алғанды ұнатамын. Марапат пен атаққа қызықпаймын. Мен үшін алғыс хаттың маңызы жоқ. Бастысы, өзіме берілген жауапкершілікті дұрыс атқарғым келеді. Барша әріптестерімді алдағы мерекемен құттықтаймын”, – дейді Әділхан бізбен әңгімесінде.Әділхан Мұратбекұлы ішкі істер саласында қызмет атқарғанды жанымен сүйеді. “Елге кішкене болса да көмегім тисе” деген арманмен өскен. Теледидардан полиция формасын киген жігіттерді көріп, “бір күні мен де осылардың қатарынан табыламын” деген мақсаты Қызылорда гуманитарлық заң колледжіне оқуға жетелейді. Ол колледжбен шектелмей, жоғары оқу орнына түседі. Сөйтіп Қорқыт ата атындағы ҚМУ-дың студенті атанады. «Құқықтану» мамандығында білім алып шығады. 2012-2013 жылдары аралығында әскерде болып, 2012 жылы Отар қаласындағы №30212 әскери бөлімінде, 2012-2013 жылдары Қапшағай қаласындағы №32363 әскери бөлімінде азаматтық борышын өтейді. Сөйтіп ішкі істер саласына құжат тапсырады. Сынақтан өтіп, жұмысқа қабылданады. Тұрғындардың арыз-шағымы бойынша тергеу жұмыстарын жүргізіп, күдіктінің ісін қарайды, дәленденген жағдайда сотқа жібереді. Яки ақ пен қараны ажыратып, сотқа дейінгі тергеп-тексеруді жүзеге асырады. Әділхан ҚР ҚПК 191 бабында көзделген қылмыстарды тергейді. Ал қазіргі таңда облыс аумағындағы адам өліміне әкеп соққан жол көлік оқиғасын тергейді. Бұндай тергеу ісімен айналысатын қызметкер облыс бойынша үшеу ғана.Әділханның серігі – кітап. Бос уақытында құқық саласына қатысты кітаптарды парақтауды ұнатады. Әлеуметтік желіге уақыт шығындамайды. Ол әр минуттың қадірін түсінеді. Уақытты тиімді пайдаланғанды жақсы көреді. Өзгелердің де сенделіп жүргенін жақтырмайды. Әсіресе жұмыссыз жастардың іс-әрекетін құптамайды.&nbsp;<blockquote>“Ер жігіт болған соң әскерге барып, Отан алдындағы борышын өтегені жөн. Содан кейін тұрақты жұмысқа тұрып ата-анасын, отбасын асырап, өзіңің перзенттік парызын өтеуі тиіс. Ал бізде қалай? NEET санатындағы жастар көп. Бірі көшеде сандалып жүр, енді бірі қол жұмыс істеуге намыстанады. Әрбір азамат әскерге барып, Отан алдындағы міндетін орындауы тиіс. Бұл – міндет. Ал мұны міндет деп санамайтындар бар. Ыңғайы келсе, әскерге барудан қашады. Мұның себебін әркім әр қалай бере жатар. Ал мен оқыған, әскерлік борышын өтеген азаматтарды құрметтеймін”, – дейді ол.</blockquote>Әділхан үш ағайынды. Ағасы Дархан Смайлов ҚР ҰҚК Алматы облысы бойынша департаментінің Инженерлік қызметінің бөлім бастығы. Полиция қызметкерінде бос уақыт болмайтындай елестейді. Қай кезде де формасын киіп, жұмыста жүреді.Ал Әділхан отбасына да, жұмысқа да бірдей уақыт табады. Отбасылы, екі баланың әкесі. Ол үшін бала тәрбиесі алдыңғы қатарда. Перзенттерін қыдыртып, серуендетіп, уақытын солармен бірге өткізуге тырысады. Балаға естен кетпестей балалық шақ сыйлау – оның ұстанымы.Бүгінде көлік тізгіндейтіндер көп. Көшеге шыға қалсаңыз, жаяу жүргізушілер жолағына да пысқырмайтындар бар. Бірі ішімдік ішіп рөлге отырса, енді бірі ашулы күйде шығып кетіп жатады. Мұның салдары өзгелерге тиюде. Себебі жол көлік оқиғасының салдарынан аурухана төсегіне таңылғандар жетерлік.&nbsp;<blockquote>“Көлікті жүргізгенде арнайы талап, тәртіп бар ғой. Бұған назар аудармайтындар көп. Тоқтатқанның өзінде тамыр-таныс іздейтіні жасырын емес. Соған еті үйренген жүргізушілер тәртіпті белінен басады. Содан жаяу жүргізуші опық жейді. Жол жүру ережесін бұзу салдарынан адам өліміне әкеп соғатын жағдайлар жиі орын алып тұрады. Адам өлімін болдырмаудың жолдары қарастырылып жатыр. Осы мақсатта атқарылып жатқан жұмыстар да жетерлік. Қалаға камералар орнатылды. Сол арқылы жылдамдық асырғандарды білуге болады. Үйіне тәртіп бұзғаны туралы қағаз барып, айыппұл мөлшері көрсетілген жағдайда келесі де қайталамауға тырысады. Тырысқаны былай тұрсын, олай жасамайды. Бізге бар болғаны осындай бейнежазбаны көбейтіп, заңды күшейту керек. Бұл – адам өміріне қауіп төндірмеудің бір жолы. Бір-бірімен жарысып жүретін жасөспірімдерді де тәубеге келтірері ақиқат”, – дейді ол.</blockquote>Әділханмен тілдескенде оның болмысының бөлек екенін аңғардық. Көп сөйлескенді, ашық әңгіме өрбіткенді ұнатпайды. Бойында жігітке тән қасиет бар. Оның өзіндік пікірі бар, жоғары кәсібилігі мен төзімділігі, жауапкершілігі әріптестер арасында қатты бағаланады. Сондықтан да болар жақсы көрсеткіш көрсеткені үшін алған марапаттары көп. “Менің жетістігім жоқ” деп жауап бергені де мақтау сүймейтінін көрсетсе керек.

Әділхан Смайлов: Мен үшін марапат маңызды емес

<a href="https://kyzylorda-news.kz/">Kyzylorda-news.kz.</a> Диқаншылықты кәсіп етіп, несібеге айналдырған қазалылықтар «Еңбек етсең ерінбей, тояды қарның тіленбей» деген халық мақалының мәнін терең ұққан. Көктем шығысымен жер ананың бабын келістіріп, мол өнім алуды алға мақсат етіп қояды. Биылда дәстүрден жаңылмай, ерте көктемнен егістіктегі ттіршілігі басталып кетті.Егіншілкті дамыту – бүгінгі күннің алға қойылған маңызды міндеттердің бірі. Аталған сала өркендесе өңіріміздің, тұтастай еліміздің экономикасына қосар үлесі орасан. Осы орайда биыл аудан бойынша 17 612 гектарға ауыл шаруашылығы дақылдарын орналастыру жоспарлануда. Атап айтқанда, дәнді дақылдар 7286 гектар жерді алмақ. Оның ішіне күріш, жаздық бидай, арпа, тары бар. Майлы дақылдар күнбағыс пен мақсары 65, картоп, көкөніс, бақша 2250, мал азықтық дақылдар – жаңа жоңышқа, ескі жоңышқа, сүрлемдік жүгері 8 011 гектарға егіледі.Ауыл шаруашылығы тауарын өндірушілері биылғы егісі үшін тұқыммен жеткілікті мөлшерде қамтамасыз етілген. Шаруашылықтар тұқым сорттарын жаңарту мақсатында 967 тонна күріш және 5 тонна жоңышқа, 15 тонна жүгері тұқымын алу үшін қажетті келісімдерге отырған.Минералды тыңайтқыш пен гербицидтер егістікке жан беріп, жұмысты жандандыра түсері анық. Шаруашылықтардан жиналған мәліметтер бойынша, биыл 3766 тонна тыңайтқыш, 4116 литр гербицид қажеттігі анықталған. Бүгінгі күнге 2403 тонна тыңайтқыш және 1020 литр гербицид жеткізілген. Тиісті сала мамандарының айтуынша, гербицид жеткізушілермен алдын-ала келісімшарт жасалынып, қажетті кезеңге дейін толық алынады.Егіс кезінде техниканың тұралап қалмауы аса маңызды. Аудан бойынша көктемгі дала жұмыстарында іске кірісетін 292 ауыл шаруашылығы техникасы жөндеуден өтіп, дала жұмыстарына сақадай-сай тұр. 118 трактор, 46 соқа, 32 тұқым сепкіш, 42 автомашина, 54 трактор тіркемесі күн-түн демей, дархан дала төсінде тер төгетін еңбеккерлердің шаруасы сәтімен бітуіне септігін тигізбек.<blockquote>«Көктемгі егін егу және дала жұмыстарын жүргізуге мемлекет тарапынан жеңілдікпен 979 тонна дизель отыны бөлінді. Қазір оның 346 тоннасы, яғни, 35,3 проценті алынды. Өткен жылдың күз айларында шаруашылықтар өз күшімен 52 шақырым су жүйелерін тазартты. Үстіміздегі жылы «Қазсушар» РМК тарапынан Сақыбай каналының 4,5 шақырым, Құмаша каналының 1,3 шақырым және Жайқонақ каналының 1 шақырым қазылды. Аталған жұмыстар жалғасуда. Сондай-ақ, ауылшаруашылығы құрылымдары 19,3 мың текше метр су жолдарын қамыстан тазарту жоспарланып, қазіргі таңда шаруашылықтар бойынша барлығы 18,6 мың текше метр су жолдары қамыстан тазартылды. Аудан бойынша ерте басталатын ақ егіс егу жұмыстарына шаруашылық құрылымдары наурыз айының 25-нен бастап, кірісті», – деді аудандық ауыл шаруашылығы және жер қатынастары бөлімініңбасшысы Еркін Сейітов.</blockquote>

Қазақстан және Қызылорда облысының жаңалықтары