<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында 19-20 сәуір күндері «Қуатты өңірлер-ел дамуының драйвері» ұлттық жобасы аясында «Қоныс аудару» бағдарламасы бойынша Солтүстік өңірлерден келген жұмыс тобының қатысуымен «Бос жұмыс орындары жәрмеңкесі» өтуде.Аталған жәрмеңке бүгін «Astana plaza» сауда үйінде өтіп, оған 5 өңір бойынша барлығы 3000 бос жұмыс орны ұсынылды. Делегация өкілдерінің айтуынша, Абай облысы, Қостанай облысы, Павлодар облысы, Солтүстік Қазақстан облысы және Ұлытау облыстарында медицина, білім, құрылыс, ауыл шаруашылығы салалары және өзге де бағыттар бойынша мамандар тапшы. Сонымен қатар, жергілікті жұмыс беруші 20 мекемеден 500-ге жуық бос жұмыс орны ұсынылды.Бүгінгі жәрмеңке барысымен арнайы келіп танысқан қала әкімінің орынбасары Жанмұрат Сейілов жұмыс іздеушілерге лайықты жұмыс түрлерін табуларына тілектестік білдіріп, делегация жұмысына сәттілік тіледі.Жәрмеңкеге келген жұмыс іздеушілерге жұмыспен қамту орталықтары өкілдері мен жұмыс берушілер кеңес беріп, қоныс аударуға ниетті азаматтарды толыққанды мәліметтермен таныстырды.Аталған жәрмеңке 20 сәуір күні сағат 10:00-де С.Майқанова атындағы мәдениет үйінде, сағат 11:30-да «Қорқыт Ата» сауда үйінде жалғасатын болады.Ару Елемесова<figure class="image"><img src="https://knadmin.beoblood.kz/uploads/342188643_791025152059377_4279746461752865884_n_97a29c3b13.jpg" alt="342188643_791025152059377_4279746461752865884_n.jpg"></figure>

Солтүстік өңірлерден 3000-ға жуық бос жұмыс орны ұсынылды

<a href="https://kyzylorda-news.kz/">Kyzylorda-news.kz.</a> Жақында Қазақстан Республикасы Білім беру ісінің құрметті қызметкері, Кәсіптік білім беру саласының үздігі, ардагер-ұстаз Молдабай Ақниязұлының 80 жасқа толуына орай Қазалы көлік-техникалық жоғары колледжінде кездесу кеші болып өтті.&nbsp;Шараға жиналған көпшілік алдымен колледж ауласында мерейтой иесін құрметпен қарсы алып, гүл шоқтарын ұсынды. Ардагер-ұстаз Молдабай Ақниязұлының құрметіне арналған кешке Қазалы аудандық ардагерлер кеңесінің төрағасы, Қазақстан Республикасының құрметті ардагері, Қазалы ауданының құрметті азаматы Оразғали Бекбанов, филология ғылымдарының кандидаты, доцент, журналист, ҚР Журналистер Одағының мүшесі, Түркістан қаласының Құрметті азаматы, Түркістан облыстық Әжелер алқасының төрайымы Балтагүл Оспанова, Генерал-майор, Кеңес одағының, ҚР Жоғары Қарулы Күштерінің, Ауған соғысының ардагері, «Қызыл жұлдыз», «Мінсіз қызметі үшін» ІІІ дәрежелі орден иегері Әлімжан Ерниязов, Қорқыт Ата атындағы Қызылорда университетінің профессоры, философия ғылымдарының докторы, Қазалы ауданының құрметті азаматы Баймырза Қожамберлиев, Академик, профессор, еркін күрестен спорт шебері Аптылай Буркашов, «Құрмет белгісі» ордені мен Ы. Алтынсарин атындағы және «Ерен еңбегі үшін» медалдарының иегері, Халықаралық «Жыл директоры» атанған білім саласының ардагері Күләш Мергенбаева, ҚР білім беру ісінің үздігі, Алтынсарин төсбелгісінің иегері Күлзипа Наһан және Қазалы ауданының құрметті азаматы Байтақ Тұрсынбаев, ҚР құрметті теміржолшысы Бақыткүл Самалова арнайы келді.&nbsp;Кешті жүргізген колледж директорының ақпараттық технология жөніндегі орынбасары Маржанкүл Ахай қонақтарды колледж тархынан хабардар етті.&nbsp;<blockquote>«Қазалы көлік-техникалық жоғары колледжінің тарихы сонау 1901-1906 жылдар аралығында Орта Азия мен Ресейдің орталығын қосатын Орынбор – Ташкент теміржолының салынуынан бастау алады. КСРО-ның тарихи архивінен алынған мына құжатта 1905 жылғы 17 шілдеде жолаушылар қозғалысы үшін Қазалы өңірінде шағын жөндеу шеберханасы салатыны жоспарланған болатын. 1929 жылы Қазалы паровоз депосының жанынан ФЗУ болып ашылған колледж өмір ағымына қарай ЖУ, ЖДУ, ГПТУ, СрПТУ, ПТУ, мектеп лицей,колледж, жоғары колледж атауларына ие болды. Ұлы Отан соғысының батыры Я.Д.Михайлюк 1938 жылы колледжге оқуға түсіп, 1941-45 жылдары жауынгерлік ерлігі үшін Совет Одағының Батыры атағын алуы біз үшін үлкен мақтаныш. 1939 жылы Қазалы теміржол бөлімшесі училищесіне 210 орынды екі қабаттық оқу орны салынып берілді. 1929 жылдан бастап әр жылдары училищені П.С.Никеров, А.В.Харьков, Ə.Ұзақбаев, П.П.Сиснев басқарды. 1976-1981 жылдары училищені Қазақстан Республикасы кəсіптік білім беру саласының үздігі, Еңбек Қызыл Ту орденінің иегері Оразғали Бекбанов басқарды. 1981-1985 жылдары училищені КСРО жəне Қазақ КСР кəсіптік білім беру ісінің үздігі Молдабай Ақниязов басқарды. Молдабай Ақниязов 1990 жылы осы училищеге қайта басшы етіп тағайындалды», – деді Маржанкүл Ахай.&nbsp;</blockquote>Бұдан әрі колледждің өткені мен бүгінен сыр шертетін мәліметтерді көпшілік назарына ұсынды.Колледж директоры Болат Ахметов келушілерді білім ордасының материалды техникалық базасымен таныстырды. Алдымен жолаушылар вагондарын механикалық жабдықтау кабинетіне бас сұғып, Жаңа технологиялық үлгіде әзірленген дыбыстық стенділерді тамашалады. Бұдан соң рет-ретімен барлық кабниеттерді аралап, жаңашылдыққа жаны құмар ұжым мүшелерінің еңбегі мен ұғымтал студенттердің сабақ өту барысына куә болды.&nbsp;Колледж жанындағы мәдени орталықта орналасқан музейге «Молдабай Ақниязовтың өмір жолы» тақырыбында арнайы мүйіс дайындалған. Оны директордың тәрбие жұмыстары жөніндегі орынбасары Гүлнәр Күзембаева таныстырды. Салтанатты кеш мәдени іс-шараға ұласты. Қошеметпен сахна төріне көтерілген Молдабай Ақниязов пен жары Іңкәр анаға келушілер ақжарма тілегін арнап, өткен күндерден естіліктер айтты. Кеште Мұхтар Молдабайұлы мен жары Эльмира Ақниязованың құрастыруымен жарық көрген Молдабай Ақниязовтың «Өмір белестері» кітабының тұсауы кесіліп, аудандық «Атамұра» ардагерлер ансамблі мен колледждің өнерлі студенттері концерттік бағдарламаның көркін қыздырды. Шара кезінде бұған дейін өткен «Талғамы терең, тағылымы кенен аға Ұстаз» колледжішілік ғылыми жобалар байқауы мен кіші футболдан аудандық турнирдің қорытындысы жарияланды.&nbsp;Ғылыми жобаның мақсаты – ардагер ұстаздың өмірі мен еңбек жолын үлгі ете отырып, теміржолшы мамандығын дәріптеу, адамгершілікке, еңбекқорлыққа баулу, студенттерді ғылыми-зерттеу және оқу-танымдық жұмыстармен айналысуға қызықтыру, ой еңбегінің беделін арттыру, талантты және дарынды жас зерттеушілерді іріктеу және оларға қолдау көрсету. Байқау барысында жұмыстардың өзіндік даралығы, шығармашылық ізденісі, зерттеудің толық ашылуы және мәселелердің тереңдеп талқылануы бағаланды.ҚР Білім беру ісінің Құрметті қызметкері ардагер ұстаз Молдабай Ақниязовтың 80 жас мерейтойына арналған аудандық шағын футболдан өткен турнир қорытындысында бірінші орынды 165 мектеп командасы жеңіп алды. 204 мектептің аяқ допшылары екінші, колледж командасы үшінші орынды өзара бөлісті. Болатбек Сутейов «Үздік ойыншы», Жанұзақ Бауыржан «Үздік шабуылшы», Алтынбек Ақтілеуов «Үздік қорғаушы», Еркебұлан Алуадинов «Үздік қақпашы» номинацияларын иеленді.

Қазалы: Еңбегі еселі ұлағатты ұстаз

<a href="https://kyzylorda-news.kz/">Kyzylorda-news.kz.</a> Әр ата-ана бауыр еті баласының жақсы адам болғанын, сапалы білім алғанын қалайды. Бұл – заңдылық. Осы мақсатпен де сіз бен біз күн сайын ұрпағымызды мектепке әкелеміз. Ал жуырда ғана Петропавлда болған оқиға елді елең еткізгені рас.13 ақпан күні Петропавлда таңертең сабаққа барған 4-ші мектептің шәкірттері үшін әдеттегідей қоңырау емес, дабыл соғылды. Білім ошағына балта ала барған бала дәретханада маска киіп алып, жоғары сынып оқушыларына шабуыл жасамақ болған. Үш оқушыны жарақаттаған. Екеуі ауруханаға жеткізілген. Кейін күдіктінің психикалық ауытқушылығы бары анықталды. Ал мамандар қазір дені сау балалардың бойында да агрессия байқалатынын айтады. Оған себеп көп. Негізгілері – буллинг немесе отбасындағы жағдай.Осыдан соң Премьер-Министрдің орынбасары Алтай Көлгінов білім беру ұйымдарында қауіпсіздікті қамтамасыз ету мәселесі бойынша кеңес өткізді. Оған министрлердің және барлық өңір әкімдерінің орынбасарлары қатысты. Жиында оқу-ағарту бірінші вице-министрі Шолпан Каринова білім беру ұйымдарында қауіпсіздікті қамтамасыз ету жөніндегі жағдай, 2022 жылы білім беру нысандарын терроризмге қарсы қорғау нұсқаулығы туралы, білім беру ұйымдарында пайдалану үшін шектелген тыйым салынған заттардың тізімін бекіту жөнінде баяндады. Барлық оқу орындары қауіпсіздіктің кешенді жүйесімен қамтамасыз етілуі тексеріледі.Сондай-ақ қазіргі уақытта Оқу-ағарту министрлігі балаларды зорлық-зомбылықтан қорғау, суицидтің алдын алу және балалар құқығын қамтамасыз ету, оның ішінде қауіпсіздік жүйесін ұйымдастыру жөніндегі кешенді жоспардың жобасын әзірлеуде. Оған 20-ға жуық мемлекеттік орган мен өңірлер жұмылдырылған.Кеңес қорытындысы бойынша жауапты мемлекеттік органдарға келесі оқу жылы басталғанға дейін білім беру ұйымдарын дабыл түймелерімен, турникеттермен, лицензияланған күзетпен жарақтандыру және ішкі істер органдарының жедел басқару орталықтарына қосылған бейнебақылау жүйелерін орнату жұмыстарын аяқтау тапсырылды.Шиеліде қырық мектеп бар. Олардың барлығында бейнекамера болғанымен қаншалықты жұмыс істеп тұрғаны беймәлім. Дабыл түймесі мен күзет қызметінің сапасы да күмәнді. Көбіне балаларды мектептің кіре берісінен вахтер апайлар қарсы алады. Көбісі зейнет жасына жақындаған егде адамдар. Құдай бетін әрі қылсын, алда-жалда оқыс оқиға орын ала қалса, қауіпсіздікті дер кезінде қамтамасыз етуге білім ордаларының қауқары жетеді деу қиын. Бұл тек Шиелідегі емес, бүкіл Қазақстан бойынша түйткілге айналып отырған мәселе.Проблемаға қайғылы жағдай болғанда ғана назар аударылатыны – шындық. Әрине, мектептегі қауіпсіздік – Үкімет деңгейінде шешілетін мәселе. Бірақ мемлекеттен бөлек, ата-ана да баласы үшін жауапкершілікті алуы тиіс. Бұл – жазылмаған заң.

Мектептегі оқушыларды кім қорғайды?

<a href="https://kyzylorda-news.kz/">Kyzylorda-news.kz.</a> Қоғамның ең ірі әлеуметтік тобы болып саналатын ел жастарына жан-жақты көмек көрсету – мемлекет саясатының басым бағыттарының бірі. Мемлекеттің негізгі қозғаушы күші ретінде жастарға артылатын жауапкершілік жүгі қандай болса, қолдау мен берілетін мүмкіндік те дәл сондай аса маңызды мәселе. Дәл осы мақсатта жыл сайын өңірдегі жастар саясатының жүзеге асырылу барысын саралау, жастар саясатындағы негізгі мәселелерді шешу тетіктерін қарастыру мақсатында облыс әкімдігі жанындағы жастар ісі жөніндегі Кеңестің отырысы ұйымдастырылады.Бүгін аталмыш Кеңес отырысының облыс әкімінің орынбасары Нұрымбет Сақтағанов және басқарма басшыларының, қоғам белсенділері мен БАҚ өкілдерінің қатысуымен биылғы жылға алғашқы отырысы өтті. Кеңес отырысында аймақта жастарға бағытталған мемлекеттік бағдарламалардың орындалуы, NEET санатындағы жастарды жұмыспен қамту, кәсіпкерлікке баулу бағытында атқарылған жұмыстар мен алдағы жоспарлар, Арал және Жалағаш аудандарында мемлекеттік жастар саясатының жүзеге асырылу барысы туралы маңызды мәселелер сөз болып, олардың шешілу жолдары ұсынылды.&nbsp;Жиын барысында облыс әкімінің орынбасары Нұрымбет Аманұлы сөз алып, Қазақстан Республикасы мемлекеттік жастар саясатының 2023-2029 жылдарға арналған тұжырымдамасын іске асыру жөніндегі өңірлік іс-қимыл жоспарының орындалуын сала басшыларына қатаң бақылауға алуды тапсырды.&nbsp;<blockquote>«Бірер күн бұрын Қазақстан Республикасы Премьер-Министрінің орынбасары Көлгінов Алтай Сейдірұлы облысымызда жұмыс сапарымен болып, жастармен арнайы кездесті. Басқосуда мемлекет ұсынған мүмкіндіктер мен кәсіпкерлік бастамаларды қолдау тетіктері туралы сөз болып, жастардың сауалдарына жауап берді. Өңірімізде жастарды оқыту, жұмысқа орналастыру, өз ісін ашуға көмектесу, тұрғын үй сатып алуына жәрдемдесу бағыттарында кешенді жұмыстар жүргізіліп келеді. Жастардың барлық санаттарын қолдауға бағытталған жұмыстар жүйелі түрде жалғасын табуы қажет. Оның ішінде, NEET (нит) санатындағы жастардың үлесін төмендетуге ерекше басымдық беріңіздер. «Отбасылық цифрлық картасы» ақпараттық жүйесіндегі NEET санатындағы жастардың деректерін өзектендіру жұмыстарын 26 сәуірге дейін толықтай аяқтауды тапсырамын», - деді облыс әкімінің орынбасары.&nbsp;</blockquote>Сонымен қатар жастарға мемлекеттік бағдарламалар мен жобаларды кеңінен ақпараттандыру жұмыстарының үйлестірілуін тапсырды. Әсіресе, шалғай елдімекендерде тұратын жастар мемлекеттік қолдаулардан хабардар болуын, жастар жиі пайдаланатын интернет ресурстарда, әлеуметтік желілерде ақпараттық материалдардың үздіксіз жариялануын тапсырды.&nbsp;Қазіргі таңда өңірімізде жастарды оқыту, жұмысқа орналастыру, өз ісін ашуға көмектесу, тұрғын үй сатып алуына жәрдемдесу бағыттарында кешенді жұмыстар жүргізіліп келеді. Биылдан бастап «Мемлекеттік жастар саясаты туралы» Заңға өзгерістер енгізіліп, жастар санаты 35 жасқа дейін ұзартылды, НИТ санатындағы жастар ұғымы, жастармен жұмыс жөніндегі маман статусы Заңмен бекітілді. Осы ретте, шара барысында мемлекеттік бағдарламалардың жүзеге асырылу барысын, Қызылорда қаласы және аудан әкімдерімен бірлесіп, техникалық, кәсіптік және жоғары білім беру ұйымдарының мамандықтары бөлінісінде еңбек нарығының қажеттіліктеріне талдау, жастарға патриоттық тәрбие беру, мемлекеттік рәміздерді, ұлттық құндылықтарды насихаттау бағытындағы жұмыстарды үйлестіріп жүрген сала басшыларының баяндамалары тыңдалды.&nbsp;Кеңес отырысында жыл сайын әр салада жетістікке жетіп, мемлекеттік жастар саясатының дамуына өзіндік үлесін қосып жүрген бірқатар жастарға «Сыр үміті» облыстық жастар сыйлығы табысталды. Өткен жылы 86 жас қатысуға өтінім берген аталмыш сыйлыққа комиссия шешімімен 15 жас лайық деп танылып, жиын барысында арнайы марапат ұсынылды.

Нұрымбет Сақтағанов: NEET санатындағы жастардың үлесін төмендетуге ерекше басымдық беріңіздер

<a href="https://kyzylorda-news.kz/">Kyzylorda-news.kz.</a> Қызылорда қаласындағы Жаппасбай Нұрсейітов атындағы №233 мектеп-лицейі және Қызылорда облыстық Қазақстан халқы ассамблеясының &nbsp;ұйымдастыруымен «Ұлылар үндестігі» атты бірлескен семинар кездесу өтті.&nbsp;Шәкәрім Құдайбердіұлының туғанына 165 жыл толуына орай өткен рухани іс-шараға мектеп ұстаздары, оқушылар және облыстық ҚХА жанындағы «Абай қазынасына саяхат», «Мәміле» клубтарының жетекшісі Елена Пак пен «Ассамблея жастары» ұйымының жетекшісі Елизавета Есмаева қатысты.&nbsp;Қазақ халқының ғұлама ақындары Абай мен Шәкәрімнің шығармашылық мұралары ұрпақтан-ұрпаққа берілетін бүкіл ұлттың рухани байлығы. Олардың еңбектері қазақ халқының рухани тәжірибесі мен даналығын бейнелейтін ұлттық мәдениеттің бірегей бөлігі. Сондықтан олардың өмір жолын жас ұрпаққа дәріптеу – басты міндетіміз. Міне, мектеп-лицейдегі семинар да осы мақсатта ұйымдастырылды.Тағылымы мол шарада Абай мен Шәкәрім жайлы мәліметтер тыңдалып, видео материалдар қаралды. Ұлы тұлғалардың қанатты сөздері мен өлеңдері оқылып, оның мағынасын ашу және ақын мұраларының үндестігі айтылды. Әсіресе, жастардың көкірегін ілім-білімге толтыру бағытындағы қос ақынның &nbsp;еңбектері сөз болды. Бұл шараға жастар белсенді қатысты. Оларды ақын-жазушылардың өмірі мен туындылары қызығушылық танытанын аңғаруға болады.

Қызылорда қаласында «Ұлылар үндестігі» атты семинар өтті

<a href="https://kyzylorda-news.kz/">Kyzylorda-news.kz.</a> Бүгінде ауыл тіршілігі кеңейіп, ондағы сала түрлері де қарқынды дамып келе жатқаны анық. Бүгінгі тақырыбымызға арқау болып отырған Тоқабай ауылдық округінің орташа халық саны бүгінгі күні 733-ке жетіп отыр. Сонымен бірге онда 223 адам өзін-өзі жұмыспен қамтып, 45 кәсіпкерлік субъектілері бар. Атап айтар болсақ, оның ішінде 20 шаруа қожалығы, сонымен бірге 1 ЖШС, 1 Ауылшаруашылығы Өндірістік Кооперативі және де 23 дара кәсіпкерлер құрап отыр.Атаулы округ тұрғындары &nbsp;негізінен мал шаруашылығымен айналысады. Мұнда мал басы жыл санап өсіп келеді. МІҚ-2426, Уақ мал-5524, Жылқы-2220, Түйе-1305 басқа өскен екен.&nbsp;Биыл жаңадан «Нұрлыбек» және «Арғымақ» шаруа қожалықтары қосылған.Кәсіпкерлікті қолдауға арналған мемлекеттік бағдарламалар шеңберінде «Бастау Бизнес» жобасы бойынша 3 адам 1 225 200 теңге көлемінде қайтарымсыз грант алып, 2 адам малданып, 1 адам көлік жөндеу орталығын ашқан. «Арал ырысы» несие серіктестігі арқылы «Нұрлыбек» &nbsp;несие алып, 16 бас түйе малын сатып алған. «Ауыл шаруашылығын қаржылай қолдау қоры» арқылы ДК Айсауле Оразалиева да несие алып мал басын көбейткен екен.Сонымен бірге ауыл көлемінде барлық мәселелер, яғни жұмысқа тұру, тәртіп мәселелері, түйткілді мәселелер, ұсыныс пікірлер сынды мәселені Қоғамдық келісім кеңесінде қаралып, &nbsp;шешіледі. Келісім кеңесін тәжірибелі ұстаз, «Білім беру ісінің үздігі» Қуатов Үргенішбай басқарады. Қоғамдық келісім ауылдың белсенді азаматтарынан құрылған. Оның төрағасы Үргенішбай Қуатов 2022 жылы «Арал ауданының құрметті азаматы» атанған. Сонымен қатар Жастар ұйымы, Әйелдер кеңесі тұрақты түрде жұмыс жасап, ел бірлігіне үлесін қосып келеді.Ауыл әкімі М.Әлішев 2007 жылдан бастап ауыл әкімі қызметін атқарып, ауыл тұрғындары үшін біршама мәселені шешіп келеді. Осы жылдар аясында 4 жылдан екі рет жанама сайлауға қатысып, аудандық мәслихат депутаттарының дауыс беруімен сайланды. 2022 жылы тікелей халық сайлауына қатысып, 92% дауыс жинап, 4 жылға қайта сайланады.Өткен «Жастар жылы» аясында ауыл жастарының бастамасымен ауылға орталық «Әли Мақсым» атындағы мешіт салынған. Сонымен қатар қажетті орындардан келісім алынып, құжаттары толығымен рәсімделіп пайдалануға берілген.Ауыл тіршілігімен хабардар болсақ, ондағы тарихи кесенелер мен олардың тарихын да білуіміз қажет. Иә, қай өңір болмасын ондағы рухани құндылықтарымызды дәріптеу арқылы келешекке өнеге көрсететініміз анық. Тоқабай ауылдық округінде де асыл мұраларымыз жетерлік. Мәселен, &nbsp;Кетебай мазары – 1730-1813 жылдары өмір сүрген беделді рубасы Абылайхан, Қазыбек билермен қатынаста болып, жоңғар – қазақ соғыстарында есімі аталған би, батыр тұлға (қазіргі кезде мазардың бұзылған орны бар). Сонымен бірге Ұябай кесеңесіТоқабайдан 24 шақырым жерде ұзындығы 12 шақырым «Жаңту тақырына» ұласар биік төбеде салынған шығыс үлгісімен өрілген күмбезді архитектуралық кешен үйтам. Бұл күндері жартылай сақталған тарихи кешен 1890 жылдары Қарақұм өңіріне танымал беделді рубасы Ақжан байдың жастай өмірден өткен баласы, діни сауаты зор күйші – домбырашы Ұябайға арнап салынған. Ұябайдың «Бекзатым», «Пай-пай», «Жоң жорға» сыңды оншақты күйлері болған. Батырлар ізі &nbsp;– &nbsp;Тоқабай төңірегінде қазақ – жоңғар соғыстары кезінде ел қорғап тарихта аты қалған Қабылан, Төртім, Жайық, Дабыл, Қайдауыл сыңды батырлардың қорымдары бар. Олардың басына кейінгі уақытта ұрпақтары белгілер қойған, сақталған жер атаулары бар.«Қыздар шыққан» төбе деп аталатын Арал өңірінде шапқыншылық жасап жергілікті халыққа зәбір жала шектірген Қоқан – Хиуа жаулаушыларына қарсы шайқастардың ескерткіші «Қос шоқы» құм ішінде мұңдалаған, адамға бас иеді сырын ұққан. Жау қарап биігіне қыздар шығып, сондықтан атанған еді «Қыздар шыққан» деген аңыз дастан қалған. Сонымен бірге Арғымақ төбе– Дала көгінде жарқырап шығып Орта Азия мен Қазақстан жастарының жалынды ұйымдастырушысы болған Ғани Мұратбаевтың кіндік қаны тамған туған жері Ғани Тоқабайдың шығыс бетінде 8 шақырым жердегі ескі Қаракөз қыстауында өмірге келген. Әкесі Мұратбай осы өңірдегі Қалыңбас елінде болыс болған. Жары Бақытжанмен үйлену тойы Арғымақ жазығында өткен деген деректер бар. Мұратбаймен тұстас Қарасақал руының белгі тұлғасы Орысбай, Бектас, Құлыс, Қаратаз, Жандос т.б. жер атаулары сақталған. Көне Әли Мақсым мешіті– Өткен ғасырдың 20 жылдарында көне Тоқабай мекенінде атақты діни ғұлама Қожаназар ишанның ұйытқы болуымен салынған, әлі күнге құланды орны бар. Ишанның немересі Әли Мақсым молдалық құрып бала оқытып елді имандылыққа баулыған. 1930 жылдан кейін Қарақұм көтерілісі басылғасын мешіт жабылып бала оқытған. 2021 жылы ауыл халқының демеушілігімен жаңа мешіт үйі жаңғыртылып салынды.Жетімшағылдағы Қара молда зиярат орны бар. &nbsp;Ел аузында Қара молда атанған иісі қазаққа танымал діни ғұлама. Көріпкел әулие, аруақты емші Әлмұхамедтың (1892-1992 ж) тұрағы. Жанына шипа іздеген адамдар Қазақстанның түкпір – түкпірінен келіп әруақты атаның басына түнеп ем-дом алып үздіксіз тәу етіп жатады. Оның түс жору, болжағыштық, алдына келген адамның алдағы өміріне тұспалдап бағдар айту қасиеттері жайлы әңгімелер көп. Болгариядағы атақты Ванга әулиенің сілтеуімен Украинадан да адамдар келген деген дәйектер бар.ТОҚАБАЙ – Ел тарихындағы айтулы оқиғаларға кәу болып, Алаш ардақтыларының &nbsp;табандары тиген қасиетті мекен. Голощекин билігінің күштеп жүргізілген әділетсіз саясаттарына қарсы 1930 жылы 10 айға созылған «Қарақұм көтерілісі» болып, оған бүкіл қыр елі көтеріліп 7000 дай адам қатысқан, қарапайым қылыш, найза, балта сияқты құралдармен қаруланған шаруалар мұздай қаруланған қызыл әскерлерге бетпе бет шайқастарға шығып жергілікті жер жағдайларын ұтымды пайдаланып бет қаратпаған. Уақыт ұту мақсаттарын көздеген билік көтерілісшілерге келісімге келіп, кешірім береміз деп орталықтан үкімет комиссиясын шақыртады. 1930 жылы жазалаушы әскерлер штабы орналасқан Тоқабайға Алматыдан Ә. Жанкелдин бастаған құрамында С.Сейфуллин, Ғ. Мүсірепов т.б елге танымал беделді адамдар келіп 4 күн көтерілісшілермен келісімдер жүргізеді. Осы күнгі көне мешіт жанындағы тігілген киіз үйлерде халық оларды меймандостықпен қарсы алып құрмет көрсетеді. Қаруларын тапсыра бастайды. Бірақ бұл алдау болып шығады, уақыт ұтқан жендеттер уәждерінде тұрмай комиссияның шешімін бұзып, олардың шын ниеттерімен халыққа қамқорлық жасамақ ниеттерін аяқ асты етеді. Жазалаушылар Қарақұмды сүзіп шығып ақ-қарасын айттырмай көтерілісшілерді аяусыз жазалайды. Үштік шешіммен 175 адам атуға, 173 адам 3-10 жыл мерзімдерге жер аударылады. Қарақұм көтерілісіне қатысқан 2000 дай адам опат болып құм арасында көмусіз қалған деген деректер бар.Өркениетті елдерде ұлы тұлғалардың бір қонып, түстеніп кеткен жерлерің өзің ұстаған дүниелерін қастерлеп рухани құндылық ретінде бағалап жатады. Тәуелсіздігіміз үшін кеуделерін оққа тосып шейіт болған, Қарақұм көтерілісінің құрбандарына арнап киелі Тоқабай ауылында ескерткіш белгі орнатылуы керек деп есептейміз. Өйткені «Өліні сыйламай, тірі байымайды» ұрпақтарының болашағы үшін күрескен есіл ерлердің ерліктері ұмытылмай ұрпақтар санасында мәңгілік таным болуға тиіс.Теңізді өлке баурайындағы тарихы терең ауылдың өскелең ұрпақ бойына қандай тәрбие беретіне көзіміз жеткен болар. Ел болашағы жастар қолында деген қағиданы ұстанған еліміз оның әр өңірінің де тарихын бүгінгі жастарға үлгі еткен дұрыс-ақ.

Тоқабай ауылында кәсіпкерлік дамып келеді

<a href="https://kyzylorda-news.kz/">Kyzylorda-news.kz.</a>&nbsp; «Ауыл – ел бесігі» бағдарламасы ауылдарды дамытуға арналып, &nbsp;2019 жылы басталған. Жобаның мақсаты – инфрақұрылымды жаңғырту есебінен ауыл тұрғындарының өмір сүру сапасын жақсарту, ауылдарды өңірлік стандарттар жүйесінің параметрлеріне жеткізу.Ұлттық экономика министрілігінің мәліметінше 2023 жылғы 1 қаңтардағы мәлімет бойынша республикада 6 293 ауылдық елді мекен бар, онда 7,8 млн-ға жуық адам тұрады. «Ауыл – ел бесігі» жобасын іске асыру үшін елдегі ауылдардың жалпы санынан даму әлеуеті жоғары, ауыл тұрғындарының 90%-ы тұратын 3,5 мың ауылдық мекен іріктеліп алынған. Бұл үшін әр жылдары қаржы бөлініп, тұрғын үй-комму¬налдық шаруашылық нысаны, әлеуметтік инфрақұрылым нысаны және көлік инфрақұрылымы нысанын жаңадан салуға және жөндеуге мүмкіндік берді, сәйкесінше жұмыс орындары құрылды.Аудан бойынша жол саласына 29 жобаға 1 млрд (1030,6) теңге қаржы бөлінген. Оның ішінде республикалық бюджеттен 12 жобаға 488,7 млн теңге бөлініп, қазіргі таңда 8 жоба бойынша жұмыстар басталуда. Қалған 4 жоба бойынша мемлекеттік сатып алу жұмыстары жүргізілуде.Атап айтқанда, Аманкелді ауылы бойынша автомобиль жолдарын жөндеуге 1 жоба атқарылады. Жалпы қаржысы 107,3 млн теңге ."Акнур-Авто" ЖШС-гі тарапынан Жанкина, Жалмурзаева, Ағайдаров, Баймағамбетов, Қалымбетов көшелері жөнделеді. Ұзындығы 3,2 км, республикалық бюджеттен бөлінген қаржы 107,3 млн теңге.Қоғалыкөл ауылында автомобиль жолдарын жөндеу бойынша 2 жоба іске асады. Жалпы қаржысы 33,8 млн теңге. Ауылдағы М.Шоқай тұйығының автомобиль жолын орташа жөңдеу бойынша мемлекеттік сатып алу жұмыстары жүргізілуде. Ұзындығы 0,2 км, республикалық бюджеттен бөлінген қаржы 15,9 млн теңге. Сонымен қатар М.Шоқай көшесін орташа жөндеу &nbsp;бойынша мемлекеттік сатып алу жұмыстары жүргізілуде. Көшенің ұзындығы 0,3 км, республикалық бюджеттен бөлінген қаржы 17,9 млн теңге.Шіркейлі ауылында автомобиль жолдарын жөндеу бойынша 2 жоба атқарылады. Жалпы қаржысы 45,4 млн теңге. Атап айтқанда, "Әлем ҚызметGroup" ЖШС-гі тарапынан Қ.Қожамжаров көшесін жөндеу атқарылады. Ұзындығы 0,7 км, республикалық бюджеттен бөлінген қаржы 25,6 млн теңге, екінші жоба – Бейбітшілік көшесінің автомобиль жолы бойынша қайта конкурс жарияланады. Ұзындығы 0,6 км, республикалық бюджеттен бөлінген қаржы 19,8 млн теңге.&nbsp;Тереңөзек кентінде де бірнеше көше жөнделеді деп күтілуде. "ӘлемҚызметGroup" ЖШС-гі арқылы Қ.Бөдеев, &nbsp;Ә.Тоқмағанбетов, Ә.Тәжібаев, А.Алиакбаров көшесі жөнделеді.&nbsp;"Айзон" ЖШС-гі арқылы Қонаев көшесі жөнделеді. Қалған 2 жобамен Б.Өтепов, Т.Қозыбаев көшелері бойынша мемлекеттік сатып алу жұмыстары жүргізілуде.2023 жылға Сырдария ауданы Қалжан ахун елді мекенің газбен қаму жұмыстарының жалпы &nbsp;құны 330,5 млн теңге құрайтын жобаның республикалық бюджеттен бағдарлама аясында &nbsp;297,5 млн теңгесі бөлініп, облыстық бюджеттен 33,0 млн. теңгесі күтілуде. Жоба бойынша газ құбырының жалпы ұзындығы – 19,7 км, газ реттегіш шкаф пункттерінің саны (ГРПШ) – 5 дана. Бүгінгі таңда мердігер мекеме:«Ремстрой» ЖШС-гі арқылы Қалжан ахун елді мекенінде газ құбырларын жүргізу жұмыстары атқарылуда. Сонымен қатар, Іңкәрдария елді мекеніне 1 дана су мұнарасын сатып алуға (25 м3), Шаған елді мекеніне 1 дана су мұнарасын сатып алуға (25 м3) және Тереңөзек кентіне 1 дана су мұнарасын сатып алуына (50 м3) 2023 жылға облыстық бюджеттен 19000,0 мың теңге қаржы бөлінген. Бүгінгі таңда, мердігер мекеме жеңімпазы «Техоснастка» ЖШС-гі мекемесі арқылы аталған елді мекендерге мұнараларды тапсыру жұмыстары атқарылуда. &nbsp;

Сырдарияда «Ауыл –  ел бесігі» жобасы арқылы жолдар жөнделеді

<a href="https://kyzylorda-news.kz/">Kyzylorda-news.kz.</a> &nbsp;Ел ішінде «Өңірдегі шағын кәсіпкерліктің дамуы нан мен астың арзандығынан білінеді» деген сөз бар. Ол рас. Нан – береке. Нан – байлық. Ауданда адалдық пен ерінбей еңбек етуді мақсат еткендер шағын кәсіптен-ақ көктеп, көгеріп отыр. Соның бірі – тұрғыны Айнұр Алшынбай.Ол «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған» бағдарламасы бойынша Бастау бизнес» курсын оқып, қайтарымсыз шағын несие 525 200 тг көлемінде қаражат алады. Аталған қаражатқа үй жағдайында қажетті құрал-жабдықтарын алып, ауылға пайда тигізетін шағын наубайхана ашады. Бүгінде шағын кәсібін дөңгелетіп отыр.&nbsp;Айнұр Бақтиярқызы 1996 жылы 18 қарашада Оңтүстік Қазақстан облысы Қазіргі Түркістан облысы Шардара ауданы Көсу ауылдық округі Елужылдық ауылында дүниеге келген. Қазіргі таңда Қармақшы ауылдық округінің келіні атанып, 3 бала тәрбиелеп отырған жас ана.&nbsp;<blockquote>«Мемлекет басшысы әрдайым өзін-өзі жұмыспен қамтығандарды тіркеу үдерісін мейлінше жеңілдетіп, оларға мемлекет алдындағы міндеттерін адал атқару тиімді болатындай жағдай туғызу қажет деген ойға басымдық береді. Сол себепті де түрлі бағдарлама қолға алынып, қарапайым жанның кәсіпкер атануына, ал кәсіпкердің өз ісін одан әрі үлкейтуіне жағдай жасалуда. Ендігі жерде халық қолда бар мүмкіндіктен айырылып қалмай, қажетіне жарата білгені абзал», &nbsp;дейді кәсіп иесі.&nbsp;</blockquote>Қазіргі таңда ауыл тұрғындарының 75 пайызы осы шағын наубайхананың тұрақты тұтынушысы. Сонымен қатар тәтті торттар пісіріп аудан көлемінде өз клиенттерін таба білген білікті жас кәсіпкер.«Тәтті пісіруді бұрыннан жақсы көремін. Қазір үйренуге деген ниет болса, әлеуметтік желіде кәсіптің түр-түрі бар. Тегін сабақтар да жетерлік. Қазір дайындап жүрген тәттілерімді өзім инстаграмнан үйрендім. Бір дегеннен керемет шықпаса да, бастысы талпынып көру. Тәтті пісіру шыдамдылықты, ыждаһаттылықты талап етеді. Тә-жірибе жинақталған соң, ісің де алға басады» дейді Айнұр Бақтиярқызы. &nbsp;– Қазақта «Ас атасы – нан» деген даналық бар, яғни астың үлкені – нан. Ол қасиетті. Адамзат баласы үшін кез келген тамақ қанша нәрлі болғанымен кейде одан жалығады. Бірақ ол ешқашан наннан шықпайды. Дастарқанда нан тұрмаса көңіліңіз де, дастарқаныңыз да ортайып, берекесі кетіп тұрғандай басқа тамақ көзіңізге көрінбейді. Нанның қасиетін осыдан-ақ байқайсыз. Қазақта «Қатықсыз қара су ішіп, қара нан жесең де амандық болсын» деген де тәмсіл бар. «Нанды жерге тастама», «Нанды бір қолмен үзбе» деген атамыз қазақтың осындай ойлы сөзі нанның қасиетіне орай айтылған тыйымдар. Қонаққа келген адам тіпті асығыс болса да өзге тамақтан емес, міндетті түрде наннан ауыз тиген. «Нан бар жерде ән бар» дегендей, халық арасындағы бірлік, ауызбіршілік дастарқанның үстіне қойылған нан арқылы нығаяды, яғни наннан ауыз тиген адам сол үйге жамандық тілемейді және жамандық істемейді, – дейді жас кәсіпкер.&nbsp;Наубайхана өнімдері тұтынушы тарапынан жоғары бағалануда. Тұрақты тапсырыс беретін тұрғындармен қоса сұраныс саны күннен-күнге көбеюде. Ең бастысы дайындалған өнім сөреде тұрып қалмайды. Ал баға – қолжетімді, сапа – көңілге қонымды. Кәсіпкердің ендігі мақсаты мемлекет берген мүмкіндікті пайдаланып үлкен нау-байхана ашып, жергілікті халықты жұмыспен қамту және аудан халқын сапалы өніммен қамтамасыз ету.

Ауылда шағын наубайхана қызмет етіп тұр

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Ғалымжан Еркебайдың төрағалығымен өткен жиында коммуналдық қызметтердің мәселелері талқыланды.&nbsp;Күн тәртібіндегі бірінші мәселе бойынша «Қызылорда тазалығы» мекемесі басшысының міндетін атқарушы Бауыржан Әбдіғаппарұлы «Қызылорда қаласының санитарлық-тазалық мәселелері» туралы баяндама жасады.&nbsp;Қазіргі таңда, кәсіпорын қызметкерлерімен қала көшелерінде санитариялық тазалықты сақтау бағытында жүйелі түрде жұмыстар ұйымдастырылып келеді. Кәсіпорынның мобильдік топтарымен тәуліктің кез келген уақыттарында белгіленбеген орындар мен кестеден тыс уақытта қоқыс тастаған тұрғындарды анықтау жұмыстары жүргізілуде.&nbsp;Қала әкімінің орынбасары Ғалымжан Бақтығалиұлы қала тазалығын қамтамасыз ету мақсатында құрылған мобильдік топпен анықталған әкімшілік құқық бұзушылықтарға полиция қызметкерлері тарапынан тиісті айыппұл салу жұмыстарын күшейтуді тапсырды.&nbsp;Күн тәртібіндегі келесі мәселе бойынша «Қала көлеміндегі ассенизатор автокөліктермен рұқсат етілмеген жерлерге кәріз суларын төгу жағдайлары» туралы «Қызылорда су жүйесі» мекемесінің заң бөлімінің басшысы Фараби Ұзақов баяндап өтті. Бөлім басшысы баяндамасында биылғы жылы рұқсат етілмеген жерлерге лас суларды төгу фактілерін анықтау мақсатында жүргізілген рейд барысында жеке ассенизатор автокөліктерімен заңсыз кәріз суларын төгудің 96 фактісі тіркеліп, кәсіпорынға жалпы 7,6 миллион теңгеге шығын келтірілгенін атап өтті.&nbsp;<blockquote>«Орын алып отырған заң бұзушылықтарды ескерсек, жоғарыда аталған әр саладағы жұмыстарды ширату керектігін көрсетеді. Тазалық тәртібін бұзып, кәріз суларын бей-берекет төгетін автокөліктердің жолын кесуге басымдық беру қажет», – қала әкімінің орынбасары деді Ғалымжан Бақтығалиұлы.</blockquote>

Қызылорда қаласының коммуналдық саладағы мәселелері талқыланды

<a href="https://kyzylorda-news.kz/">Kyzylorda-news.kz.</a> Қыста қияр мен қызанақтың шарықтағаны сонша, еттің бағасына дейін барды. Сондықтан ол қарапайым отбасына қолжетімді емес. Ал дәрігерлер көктемде ағзаны қажетті дәруменмен қамтамасыз етуде көкөністің маңызы көп екенін айтады.Бірнеше баласы бар отбасылар көкөніс пен жеміс-жидекті анда-санда пайдаланады десек те болады. Мерекеде немесе қонақ келгенде бұл өнімдер дастарханнан табылып қалатыны рас. Онда да барын мейманның алдына тосатын қазақы әдетімізбен «артылса ғана жейсің» деп баланы шектейміз. Қимағандықтан емес, бағасы удай болғандықтан солай етуге мәжбүрміз. қазір жемістердің түр-түрі &nbsp;көп. Оның біраз бөлігі Иран, Түркіменстан, Қытай, Өзбекстан, Аргентинадан келеді. &nbsp;Бірақ айлығы шайлығынан артылмайтындар үшін бағасы қалтаға қонымсыз.Дәл қазіргі уақытта ағзаға көмекші дәруменнің көзі – жемістер мен көкөністің базардағы бағасын бағамдап көрелік. Қыста бағасы 1400-ден сатылған қияр қазір екі есеге дейін арзандаған, келісі 700 теңгеден сатылуда. Ал қызанақ 960-800 теңге аралығында болса, жаңа шыққан қырыққабаттың келісі 600, тәтті бұрыш 2800, баклажан 1000, картоп 160-180, сәбіз 160-180, жуа 250-280 теңгеден. Жемістерге келсек, алманың арзаны 350-ден басталып, 450-650 теңгеге дейін, жүзім 800-900, құлпынай 2800 теңгеден, мандарин 650-1200, банан 970 теңге аралығында.Осы ретте қала халқын көтерме бағадағы өніммен қамтамасыз етіп отырған кәсіпкер Бақытбек Қадырмен әңгімелескен едік. Ол – осы салада тәжірибесі бар бірнеше дүкендер желісінің иесі. Айтуынша, бағадағы бассыздық мәселенің салдарымен емес, себебімен күреспегендіктен орын алуда. Нақты мониторинг жоқтың қасы.<blockquote>– Жақында ғана Парламент отырысында Мәжіліс депутаттары азық-түлік бағасының қымбаттауы халыққа оңай тиіп тұрмағанын айтты. Ресми деректегі бағаның өсуімен статистикадағы шынайы өмірден алшақ жатқаны жасырын емес. Депутаттар бағаның тұрақтанбауын шаруалардағы техниканың тозуымен, лизингтің қымбат екенімен байланыстырып отыр. Алайда мәселе тек техникаға тіреліп тұрған жоқ, жан-жақты зерделеуді, талдауды қажет етеді. Оның тамыры тереңде екенін ешкім айтпады. Біз күзден көктемге дейін шетелден келген өнімді пайдаланамыз. Одан кейін жылыжайдың өнімдері шығады. Бірақ тиімді қолданбаймыз.</blockquote><blockquote>Тағы да айтамын, нақты мониторинг жасалмайды. Айталық, алдыңғы жылдары диқандар жаппай қырыққабат екті. Себебі сол жылы қырыққабат қымбат болды. Келесі жылы қырыққабат 30 теңге болды да, ақыр соңы оның қаншасы жарамсыз болып қалды. Өйткені әр аймақ бойынша саралау, зерттеу жұмыстары жүргізілмейді. Өнімнің қандай түрін және қай уақытта егу керегі жоспарланбайды. Не көп сол өнім арзан болады да, тапшы нәрсе қымбаттайды.</blockquote><blockquote>Меніңше, &nbsp;еліміз бойынша осынша жеміс не көкөніс керек деген нақты есеп жоқ. Ұлттық бағбандық бағдарлама қажет деп ойлаймын. Бізде дала және жылыжай диқандары бар. Оларды өз ерекшелігіне қарай екіге бөліп қарастыру керек. Сондай-ақ әр аймақтың табиғатына орайластырып нақты мына өнімді егу керек деген жоспар берген жөн. Өзіміздің халыққа жетпей жатқанда сыртқа экспорттауды тоқтатса, баға тұрақтылығына да әсер еткен болар еді. Диқандардың тізімі жасалып, ол ашық жарияланса, алған субсидия, лизингтердің де барлығы көрініп тұратындай арнайы базасы болғаны дұрыс. Бұл жариялылық кімнің қалай жұмыс істеп жатқанын көрсетеді.</blockquote><blockquote>Ақша шаруаларға бөлінеді, алайда соңында суға сіңіп, нәтижесі көзге көрінбей қалатыны өкінішті. Ал жылыжай иелері маусымдық емес тауарлармен қамтамасыз ететіндіктен оларда бөлек жоспар жасалу қажет.</blockquote><blockquote>Мысалы біз өнімді Шымкент, Ақтөбе, Қарағандыдан әкелеміз. Бір ғана Шымкенттің базарын алып қарайық. Ташкенттің сатушылары базарға үш фура затпен келеді. Біреуі таусылғанда жаймен екіншісіндегі өнімнің бағасын көтереді, ал үшінші көлікке келгенде өнімнің бағасын бірден шарықтатып жібереді. Оған қанағаттанбай бір сағатқа сатылымды тоқтатып қояды. Сөйтіп, оған тағы қосып қымбатынан өткізеді.</blockquote><blockquote>Мәселен, бір сағат бұрын қызанақты 800-ден сатса, сәлден соң 1000 теңге деп ойына келген бағаны қояды. Ал оған бәсекелесіп жатқан ешкім жоқ. Бірер сағаттан кейін 1200 теңгеден сата бастайды. Мұндайда алыпсатарлар да көп рөл ойнайды. Олар да фураны солайымен алып, екі-үш жерден сата бастайды. Антимонополия мен әкімдік келіп тексеріп жатқанын көрмейсің. Бағаны қолдан көтергенімен қоймай, өнімді арзан сатқысы келмей жарамсыз қылып қояды. Ал жемісті балғын күйінде жұртшылық жеу керек. Бағасы аспандап тұрса оны кім ала береді. Өтімі де баяулайды.</blockquote><blockquote>Екі ортада біз секілді әр өңірді жеміс және көкөніспен қамтып отырғандар зардап шегеді. Олардан 1000 теңгеге алған өнімді екі есе қосып сата алмаймыз. Халықтың қалтасы көтермейді. Тек үстіне белгілі бір пайыз қоямыз. Біз мысалы картоп, жуа, сәбіздің үстінен тіпті пайда көрмейміз десек те болады. Ол тек дүкендегі ассортимент үшін қажет. Кейде жемістерді өз бағасынан төмен сатуымызға тура келеді. Өйткені, ұзақ ұстап тұрып, бетін ғана әдемілеп қораптарға салып береді. Қабылдап алған соң қайтара алмаймыз.</blockquote><blockquote>Мен қаңтар айында 1 миллион теңгенің қиярын бұзып алдым. Екі жүз мың теңгенің лимоны да солай бұзылып, жарамсыз болып қалды. Алыпсатарлар тек қалтасын ойлап, қайтсем көп пайда табамын деп жанталасады. Бәріне топырақ шашпаймын, адал жұмыс істейтіндер де бар. Алайда &nbsp;олардың жұмыс істеуіне мүмкіндік бермейді. Бұл мәселеге жоғарыдан бақылау болу керек, сонда ғана баға тұрақталады, – дейді ол.</blockquote>Расымен кәсіпкер сөзінің жаны бар. Қанағат деген қарапайым қағиданы ұмытқандар өз қалтасын ғана ойлаудан әрі аспайды. Өнімнің қолжетімділігін, оның сапасын тексеріп жатқандар жоқ. Сәуір айының басында елімізге сырттан келген 45 тонна қызанақтан вирус табылғанын баспасөз беттерінен көзіміз шалды. Өнім Сарыағаштағы шекара бекетінде тексерілген. Фитосанитариялық бақылау инспекторлары томат өнімдерінен қызанақ жемісінің қоңыр қатпарлы вирусы мен қызанақтың қола түстес тоспо вирустарын тапқан. Вирустың мұндай қауіпті түрі кейінгі үш жылда Еуропа, Азия мен Америкада тараған. Иран, Өзбекстан, Түркменстан елдерінде де таралғаны анықталған. Ал елімізге келетін өнімдердің көбі осы мемлекеттерден екенін ескерсек, онда көкөністердің сапасы қаншалықты тексеріліп жатыр деген сұрақ туады.Біз бұл орайда облыстық санитариялық-эпидемиологиялық бақылау департаментінің баспасөз хатшысы Айман Жанақаевамен хабарласқан едік. Оның мәліметінше, қазір тексеру жұмыстарына заңды түрде рұқсат жоқ. Осы жылдан бастап техникалық регламенттер талаптарына сәйкестілігін тексеруге сатып алу әзірге тоқтап тұр. Бұл екінші тоқсаннан басталуы мүмкін.Ғаламтор беттерінен алынған мына ақпаратқа назар салыңыз. Ғалымдар күніне 800 грамм жеміс-жидек пен көкөніс жеу адамның өмір жасын ұзартатынын дәлелдеп шықты. Күніне 80 граммнан 10 мәрте көкөніс, жеміс-жидекпен қоректену адам өмірін едәуір ұзартуға ықпалын тигізеді. Лондондағы Imperial college ғалымдарының есебінше, ұсынылған әдіс бойынша тамақтану 7,8 млн-ға жуық мезгілсіз өлімнің алдын алуы мүмкін. Ғалымдар айтқан 80 грамм жеміс небәрі бір дана банан, алмұрт немесе үш қасық бұршақ екен. Бұл – күнделікті тұрмыста қолданылатын және кең тараған жеміс, көкөніс түрлері. Оларды мүмкіндігінше көп жесе, сәйкесінше ағзаға пайдасы да арта бермек. &nbsp;Егер күніне 200 грамм көкөніс пен жеміс жесе жүрек-қан тамырлары ауруларынан болатын өлім деңгейін 13%-ға, қатерлі ісік ауруларына шалдығу деңгейін 4%-ға, мезгілсіз өлім деңгейін 15%-ға азайта алады екен. &nbsp;

Көктемгі өнім: егін шаруашылығы қарқынды

<a href="https://kyzylorda-news.kz/">Kyzylorda-news.kz.</a>&nbsp; Жуырда Арал аудан әкімінің орынбасары Е.Әбішев «Ауыл аманаты» жобасын түсіндіру мақсатында &nbsp;қала, кент және ауылдық округ әкімдерімен онлайн форматта жиын өткізді.&nbsp;Басқосуда сөз алған аудандық ауыл шаруашылығы және жер қатынастары бөлімінің басшысы Ж.Жұбанов аталған жобаның мақсаты &nbsp;ауылдық елді мекендерде және шағын қалаларда бизнес жобаларды іске асыру үшін жеңілдетілген несие беру екендігіне тоқталып, келіп түскен ұсыныстарды толықтыру қажеттігін жеткізді.Сондай-ақ Еркін Жұмаханұлы «Ауыл аманаты» жобасы ауылдық жерлердегі халықтың табысын арттыруды көздейтінін тілге тиек етіп, осы бағытта жобаны тұрғындар арасында кеңінен насихаттауды тапсырды.Еске сала кетейік, бұған дейін жауапты сала мамандары осы бағыттағы жұмысты жандандыру мақсатында Сексеуіл кенті, Аралқұм, Аманөткел ауылдық округтеріне барып, тұрғындармен кездесу өткізген болатын.&nbsp;Аталған кездесулер барысында тұрғындар сала мамандарына &nbsp;көкейтесті сауалдарын қойып жан-жақты ақпарат алған болатын. Осылайша &nbsp;кәсіп ашатын жандар үшін аталған жобаға қатысты нақты ақпараттық түсіндірме жұмыстарын жүргізді.Өңірде «Ауыл аманаты» жобасына биыл 3 млрд теңге қаржы қаралған. Жоба халықтың табысын арттыру, ауыл тұрғындарын аграрлық бизнеске барынша тарту, азық-түлік қауіпсіздігін және азаматтардың өмір сүру сапасын жақсартуға бағытталған. Толығырақ түсіндіріп өтетін болсақ, микрокредиттер ауылдық елді мекендерде және шағын қалаларда жүзеге асырылатын жобаларға беріледі. Яғни, облыс бойынша Қызылорда қаласынан басқа елді мекендердің барлығынан азаматтар өтінім бере алады.Бұл ретте өңдеу саласына қатысты жылыжайлар, сүт, ет өндірісі, құс және балық шаруашылығы секілді жобалар, өсімдік шаруашылығын, мал шаруашылығын дамыту, ауыл шаруашылығы кооперативтерін жабдықтау және басқа бағыттағы бизнес жобаларды қаржыландыру көзделіп отыр.Шағын несие алу үшін өтінім беруші жеке кәсіпкер болып тіркелуі керек. Сондай-ақ, кепілмен қамтамасыз етудің, салық органдарында тіркеудің болуы, басқа несиелер бойынша мерзімі өткен жарнаның, мемлекеттік кірістер органдарында берешектің болмауы талап етіледі. Бұдан бөлек, несие алушы зейнеткерлік жастан аспауы тиіс.Несие алушыда ауыл шаруашылығын жүргізу үшін жер телімі, қора және басқа да қажетті жағдайлардың болуы, ауыл шаруашылық өндірістік кооперативіне мүшелікке кіру және жоба аясындағы өндірген өнімін өндірістік кооперативке өткізу талап етіледі. Тағы бір айта кетерлігі, «Ауыл аманаты» аясында несие алған азаматтарға негізгі борыш пен сыйақыны өтеу бойынша 1,5-2 жыл жеңілдік кезеңі де қарастырылған.Енді несие алудың шарттарына тоқталар болсақ. Микрокредит мерзімі – 5 жыл, мал шаруашылығы саласындағы жобалар үшін 7 жылға дейін беріледі. Ал ең жоғары сомасы 2,5 мың АЕК немесе 8,6 млн теңге. Зәкірлік кооперацияны дамыту үшін 8 мың АЕК немесе 27,6 млн теңгеге дейін. Сыйақы мөлшерлемесі жылдық 2,5%-дан аспайды. Айта кетсек, бағдарлама әкімшісі – облыстық ауыл шаруашылығы және жер қатынастары басқармасы.Халықтың тұрмыс сапасын көтеруге бағытталған осындай тиімді бағдарламаларды халық арасында түсіндіру жұмыстарын жандандыру керектігін айтқан аудан әкімінің орынбасары Е.Әбішев жиынға қатысқан ауыл әкімдері мен жауапты сала басшыларына бірқатар тапсырмалар жүктеп, алға нақты міндеттер қойды.

Аралда «Ауыл аманаты» жобасын түсіндіру жұмыстары басталды

<a href="https://kyzylorda-news.kz/">Kyzylorda-news.kz.</a> Түлектер үшін ғана емес, ата-аналар мен мұғалімдер қауымы үшін жауапты әрі маңызды мезеттің бірі – ұлттық бірыңғай тестілеу. Иә, мектеп қабырғасында алған 11 жылдық білімін сынға салатын сынақтың да ауылы алыс емес. Сол себепті мектеп ұстаздары мен түлектер ҰБТ-ға қызу дайындық үстінде. Биылғы ҰБТ қалай өтеді? Тест форматында жаңашылдықтар бар ма? Тестілеуге барған талапкерлердің қауіпсіздігіне кімдер жауапты? Осы тағылеттес сауалдарға жауап іздеп көрдік.Биыл облыста 8048 оқушыға соңғы қоңырау соғылады. Соның 7044-і Ұлттық бірыңғай тестті тапсыруға ниетті. Еліміз бойынша 10 қаңтарда ақылы тестілеу басталған болатын. Осы уақыт ішінде ауданнан 201 талапкер бағын сынап үлгерген. Ең жоғары балл – 115 болса, ең төменгісі – 43 балл. Комиссия мүшелеренің айтуынша, тіркелу кезінде түлектер тест тапсыратын күн мен уақытты өздері таңдайды. 10 қаңтарда басталған ақылы сынақ 10 ақпанға дейін жалғасын табады. Тестілеу кезінде калькулятор, Менделеев кестелері компьютер экранында қолжетімді. Айта кеткен жөн, 2023 жылғы ҰБТ өзгеріссіз қалды.Әдеттегінше, талапкерлерге 120 сұрақ беріледі. ҰБТ-дағы бір жаңалық, Қазақстан тарихы пәні бойынша сұрақтар саны 15-тен 20-ға дейін көбейді. Ал оқу сауатталығы бойынша тапсырмалар 20-дан 15-ке қысқарды. Сонымен қатар математикалық сауаттылықтан – 15 және екі бейімдік пән бойынша 35 тапсырманы орындайды. Ең жоғарғы балл – 140. Тестілеудің жалпы уақыты 4 сағатқа созылады. Сондай-ақ ерекше білім беру қажеттіліктері бар балалар үшін қосымша 40 минуттық уақыт сақталады. Тестілеу кезінде талапкерлерге өздерімен қалам, су, шоколад алып келуге рұқсат етіледі.Иә, бақ пен баптың бәсекеге түсер сәті таяп келеді. Сондықтан дайындықты күшейте түспесек болмас. Ол үшін облыс бойынша көрсеткіші көш ілгері тұрған аудандармен тәжірибе алмасуды да қолға алуға болады.Білімді мыңды жығатыны белгілі. Осы орайда мектеп түлектерінің дайындығын өз ауыздарынан естігенді жөн көрдік. №159 Еңбекші орта мектебінің 11-сынып оқушысы Біржан Бектөреұлы: «Ұлттық бірыңғай тестілеуге ұстаздарымыз бен психолог мамандар күнделікті үздіксіз даярлауда. Әр сабақты толық түсіндіріп, сұрақ қою арқылы есте сақтау қабілетімізді де арттыруға жұмыстар істейміз. Түстен кейінгі уақытта таңдау пәні бойынша күнделікті дайындыққа келіп, білімімізді толықтыра түсудеміз. Мен дене шынықтыру пәнінің мұғалімі болғым келеді. Ол үшін шығармашылық бағытты таңдап, тест тапсырамын. Бұйырса, жоғарғы балға қол жеткізіп, грант иегері болуға ниеттімін, – дейді. Ендеше талабы оң болғай!ТҮЙІН: Қоян жылындағы ҰБТ қалай болатыны келер күннің еншісінде. Биыл ауданда 11-сыныпты 961 бала аяқтайды. Олардың 846-сы сынақты тапсыруға өтініш берген. Бұлардың бірі тестілеуден жоғары ұпай жинаса, ал енді бірі өте алмай жатады. ҰБТ – түлек үшін жауапты әрі маңызды, жарқын болашаққа сенімді қадам басуға мүмкіндік ашатын тұтқаның бірі. Жас түлектерге сәттілік!

Қазақстан және Қызылорда облысының жаңалықтары