<a href="https://kyzylorda-news.kz/">Kyzylorda-news.kz.</a> Бізде «Мал баққан озады» деген тәмсіл бар ғой. Төрт түлігінің жайын түгендеген тұрғынның тынымсыз тірлігі тәнті етеді. Ал сіз түйеқұстың тіршілігін күйттеген жанды білесіз бе? Ол страус¬тарына жайлылық іздеп, қыс басталмай қыс қамын ерте қамдаса, жаз келмей жағдайын түзеп қоюға асығады.Өткен жылы әлеуметтік желіде бір бейнеролик тараған еді. Қармақшы ауданына қарасты Жосалы кентінде үйлердің бірінде екі түйеқұс еркін тербеліп жүрді. Сол тұрғынның мекен жайын іздестіріп, ерекше құбылыстың куәсі болғанбыз. 9 жылдан бері құс шаруашылығына бейімделіп, хобби еткен Шарһан Оспанов бұл түйеқұстарды Алматы қаласынан бір уысқа сиятын балапан күйінде алып келген. Негізі африкалық страустар. Кішкентайынан суыққа, құрғаққа, жерге үйретеді. Сол кездегі страустардың жасы 1-де болатын. Салмағы 50 келіні берді.«Түйеқұс әлі 3 метрге дейін өседі. Одан соң жынысы анықталады. Санын көбейтіп, балапанын, жұмыртқасын сатпақпын. Алла жазса, бұл бір жақсы кәсіп болатын сыңайлы» деген еді сол кезде құсбегі. Жақында араға жылдар салып түйеқұстарға тағы бардық. Алдыңғысындай емес, бойлары тіпті үлкен. Әрі-бері еркін жүгіргісі келеді. Бірақ…<blockquote>«Түйеқұстың жылдамдығы – 80 км/сағат. Егер біреуді тебетін болса, соққысы 3 тонна ауырлықты құрайды. Таң атқаннан кеш батқанға дейін осылай қозғалыста жүреді, жүгіреді. Өйткені бойында сондай жылдамдық энергиясы бар. Егер оны сыртқа шығармаса, аяқтан қалады екен. Бұлардың еркін қозғалуына қора тар болып тұр. Кең жерге көшіргім келеді», – дейді түйеқұстардың иесі.</blockquote>Бізде қазір мал бағып, кәсіп етіп отырған жандар жетерлік. Шарһан ағадан «Мал баққан тиімді ме, страус баққан ба?» деген сауалды жолдадық.<blockquote>«Сатып алып, етін жейтіндер бар. 5 жасқа келгенде салмағы 140 келіні береді. 1 жұмыртқасының нарықтағы бағасы – 20-30 мың теңгенің көлемінде. Балапаны елде 100 мың теңгеден сатылуда. Қазір жасы 2-де ғой. 3 жасқа келгенде кәсіп бастауға болады. Страустардың тамағы кәнігі құсқа беретін жем-шөп. Су берсең, тоқтаусыз ішеді. Ал сусыз кәнігі түйе секілді. Шөлге өте шыдамды. Бірнеше күнге дейін сусыз өмір сүре алады. Бір қызығы, түйеқұстар басқа құстарға қарағанда ауырмайды. Осы ірі құсқа өзім қатты қызықтым. Алдағы уақытта мемлекеттік бағдарламаларға қатысып, қайтарымсыз несие алғым келеді. Солай инкубатор алып, ойымдағыдай кең кепе салып, құстарымды соған жайғастырсам деген ниетім бар», – деді Шарһан Оспанов.</blockquote>Базардағы ет нарығына көз салсаңыз, қазақтың бәрі аузының суы құрып жейтін қазының бағасы 2500-3500 теңге арасында бұл күнде. Ол – ең қадірлі жері, қалған еті 2000 теңгеден түспейді. Ал түйеқұстың еті базарда 4500-5000 теңгеден саудаланатын көрінеді. Ересек түйеқұстың салмағы бір бұйрабастың салмағын беретінін ескерсек, әрине, қызығушылықты тудырмай қоймас. Оның үстіне, еттің құнарлылығы да өте жоғары. Алты айлығында семіздікті көтере алмаған үш балапанның өзі 70-80 келіден ет беруі мүмкін. Ал ірілері 150-160 келіге дейін береді. Сегіз жасар айғыр ары кетсе, 500 мың теңге шығарса, &nbsp;сегіз жасар түйеқұстың тірі жүргенін 800 мың теңгеге әрең табамыз.Әрине, бұл кәсіптің де өз қиыншылығы бар. Ең әуелі баққанына екі жылдай болған құстың әлі бір түйір жұмыртқасын сатқан жоқ. Себебі аналығы бір жарым жастан асқан соң барып жұмыртқа туады екен. Ал аталығы кемінде одан 2-3 жас шамасында үлкен болуы керек. Бір түйеқұстың 70-80 жыл өмір сүретінін ескерсек, 2 жылды күту де көп уақыт емес сыңайлы. Оның үстіне, аналық құсы 50 жасқа дейін жұмыртқа туа береді. Қазақ бұл құсты түйеге бекер ұқсатпаған екен. Ойсылқара тұқымы екі жылда бір боталаса, түйеқұстардың толық жетілуіне де 2 жыл кетеді. Бірақ жылына сексенге жуық жұмыртқа тауады.Сыр бойының жазы аптап ыстық болғанымен қысы қытымыр келеді. Соған қарамастан өңірге сырттан неше түрлі жеміс-жидек ағаштарын әкеліп егіп, жерсіндіріп жатқандар бар. Біз олардың табиғаты қатал аймақтағы мұндай талабына сүйсінгенмен өзімізде экзотикалық аң-құс өсіру мүмкін еместей көруші едік. Жосалы кентінің тұрғыны Шарһан Оспановтың жаңалығы бұл ойымыздың орынсыз екендігіне көзімізді жеткізді. Түйеқұс түгілі, түйені зорға көріп жүрген өңірдегі замандастарымыз үшін бұл, шынында, қызық қой. Ең бастысы, Қармақшыда түйеқұс бағуға болатынын дәлелдеді. Қалған жұмыстары уақыттың еншісінде.&nbsp;

Қармақшылық құсбегі африкалық страустарды баптауда

<a href="https://kyzylorda-news.kz/">Kyzylorda-news.kz.</a> Жиында депутаттық фракциясының 2023 жылға арналған жұмыс жоспарын бекіту, «AMANAT» партиясының 2023-2027 жылдарға арналған сайлауалды бағдарламасын Қызылорда облысы бойынша іске асырудың Жол картасы жобасы, сайлау науқаны кезеңінде азаматтардан түскен ұсыныстар мен тілектердің орындалуына жауаптыларды бөлу сонымен қатар мәслихат депутатының өкілеттігі және оның жергілікті маңызы бар мәселелерді шешудегі рөлі туралы мәселелер қаралды. Жиынға партияның облыстық филиалының төрағасы Наурызбай Байқадамов, партия филиалының Атқарушы хатшысы Ләйлә Төрешова қатысты.«AMANAT» – Мемлекет басшысының басты қоғамдық тірегі. Осыған орай біздер барлық ресурстарымызды елді дамытуға, Президент бастамаларын жүзеге асыруға толық қолдау көрсетуге жұмсауымыз керек. Екіншіден, сайлау алдында халыққа берген уәдеміз бар. Оны да орындауға міндеттіміз. Осыған орай облыстық бағдарламаны іске асырудың Жол картасының әр тармағына жауапты депутат бекітілуде. Бұл жұмысқа барлық деңгейдегі мәслихат депутаттары, бастауыш партия ұйымдары мен қоғамдық қабылдау бөлмелері белсенді қатысуы керек,- деді облыстық партия филиалының төрағасы Наурызбай Байқадамов.Партия филиалының Атқарушы хатшысы Ләйлә Төрешова партия филиалының сайлауалды бағдарламасын іске асыруға бағытталған Жол картасының жобасындағы басып бағыттарды атап өтіп, әрбір шараның іске асыру уақыты мен жауапты орындаушысы және жетекшілік ететін фракция мүшелерін таныстырып өтті. Жол карта 5 басым бағыттан және 102 іс-шарадан тұрады.Жиында сондай-ақ күн тәртібіне сәйкес, мәслихат депутатының өкілеттігі және оның жергілікті маңызы бар мәселелерді шешудегі рөлі төңірегінде партия филиалы Атқарушы хатшысының орынбасары Алтынбек Жарылқасынов хабарлама жасап, фракция мүшелеріне партияның этика Кодексінің талаптары, «AMANAT» партиясы Жарғысы мен Саяси Тұғырнамасында көзделген талаптармен таныстырды.<figure class="image"><img src="https://knadmin.beoblood.kz/uploads/342220610_128480860204967_6890044986133062883_n_08a6570fba.jpg" alt="342220610_128480860204967_6890044986133062883_n.jpg"></figure>

 «AMANAT» партиясы депутаттық фракциясының  кезекті отырысы өтті

<a href="https://kyzylorda-news.kz/">Kyzylorda-news.kz.</a> Достық үйінің мәжіліс залында Қызылорда облыстық Қазақстан халқы ассамблеясы жанындағы Аналар кеңесінің кезекті отырысы өтті. Отырысқа ZOOM платформасы арқылы ҚХА Республикалық Аналар кеңесі төрайымының орынбасары Баян Ахатай және аудандық Аналар кеңестерінің төрайымдары, облыс әкімі жанындағы әйелдер істері және отбасы-демографиялық саясат жөніндегі комиссия хатшысы Қаламқас Каримова қатысты.Шараның алғы сөзін «Қоғамдық келісім» КММ директорының орынбасары Айбек Дайрабай алды. Ол &nbsp; Мемлекет басшысының «Әйелдер мен балалардың құқықтарын қорғау шараларын заңмен күшейту керек. Отбасы құндылықтарын дәріптеу ісіне ерекше көңіл бөлген жөн», деген тапсырмасын негізге ала отырып, бүгінгі &nbsp;отырыстың мән-маңызына, Аналар кеңесінің алдағы жұмыс бағытына тоқталып өтті.Шара модераторы облыстық Аналар кеңесінің төрайымы Нұрсәуле Мұсаева ана мен бала құқығын қорғау - Қазақстан үшін қашанда аса маңызды басымдықтардың бірі. Себебі, мемлекеттің ең басты қазынасы - адам екендігі Конституцияда анық жазылған. &nbsp;Елімізде баланың бұзылған құқықтарын қорғау толығымен жүзеге асырылса да, бұзылып жатқан тұстары да бар. Оның басты себептерінің бірі – &nbsp;отбасының дұрыс болмауы. Әсіресе әлімжеттік көрсету, қорлау, ұрып-соғу секілді әрекеттер орын алуда. Соттар тарапынан бала құқықтарының қорғалуы, ана мен баланың денсаулығы ерекше назарда болуы тиіс. Сондай-ақ, әскери бөлімшелерде арнайы тәрбие жұмыстарын жүргізу қажеттілігін атап өтті.ҚХА Республикалық Аналар кеңесі төрайымының орынбасары Баян Ахатай «Бүгінде Аналар кеңесі бірнеше мемлекеттік және МЕҰ өзара ықпалдастық меморандумына қол қойып, ортақ бағытты жобаларды жүзеге асыруда. Атап айтқанда, ҚР Ұлттық ұлан академиясымен бірігіп әскери бөлімдерде психологиялық тренингтер өткізуде. “Дәріхана есірткісі” заңсыз айналымын төмендетуге бағытталған “Есірткісіз” КҚ біріккен “Жасыл сертификат” жобасы барлық өңірлік филиалдармен жүзеге асырылуда. “Темекісіз” ҚҚ біріккен “Вейпке тыйым” жобасы ҚР ДСМ қолдау тапты, барлық өңірлерде бастау жоспарланып отыр. Бұл ауқымды жұмыстар өңірлердегі үздіксіз жүргізіліп келе жатқан рухани-тәрбиелік шаралармен қатар атқарылуда. Атап өтер болсақ, 2022 жылы республика бойынша 129 дәріхана құқықбұзушылық бойынша жауапқа тартылған. Оның бірнешеуі Қызылорда өңірінде анықталды. Ендігі кезекте Аналар болып бірігіп, осы бағытта жұмысты жандандырсақ»,-деген пікірін ортаға салды.Мұнан соң Аналар кеңесінің белсенді мүшесі Айгүл Мұсабаева &nbsp;«Отбасы мектебі» штабының жұмыс тәжірибесімен бөлісті. Отырыс соңында облыстық Аналар кеңесінің мүшесі Ақмарал Назарқұлованың орнына Ж. Нұрманов атындағы №198 мектеп директоры Гүлжахан Зарипова қосылды.<img src="https://knadmin.beoblood.kz/uploads/342044771_3076819869279888_7683735265046645478_n_d2afd103cf.jpg" alt="342044771_3076819869279888_7683735265046645478_n.jpg">

Қызылордада Аналар кеңесінің кезекті отырысы өтті

<a href="https://kyzylorda-news.kz/">Kyzylorda-news.kz.</a> Бүгін Арал ауданында жасөспірімдер арасында еркін күрестен спорт шебері Жанесенов Оңдасын Нақылұлын еске алуға арналған республикалық турнир бастау алды.Дәстүрлі турнирдің салтанатты ашылу рәсіміне аудан әкімінің орынбасары К. Бержанов қатысып: -« Дене шынықтыру мен бұқаралық спортты дамыту – салауатты өмір салтын қалыптастырудың негізгі шарты болып табылады. Республикалық деңгейдегі осындай турнирлер жас балуандардың тәжірибе алмасып, шеберліктерін шыңдауына үлкен мүмкіндік. Бүгінгі жарыста бағы мен бабы келіскен спортшылардың жеңіске жетуіне тілектеспін»-деп Оңдасын Жанесеновтің спорттағы жетістіктеріне тоқталып, жарысқа қатысушыларға сәттілік тіледі.Мұнан кейін сөз алған белгілі спортшының анасы Марияш апай мен ағасы Байғабыл турнирге қатысушы балуандарға ізгі лебіздерін білдірді.Жастайынан спортқа бейім болған Оңдасын Нақылұлы он екі жасынан бастап еркін күреске ден қойған. Студент шағында да спорттан алыстамай, жоғарғы оқу орындары арасында өткен спартакиаданың бірнеше дүркін жеңімпазы атанып, «Спорт шебері» атағына қол жеткізген. Әскер қатарында Отан алдындағы азаматтық борышын өтеп жүрген кезеңде де күрестің осы түрінен бірқатар жетістіктерге жеткен.Елге оралған соң еркін күрес пен қазақша күрестен КСРО спорт шебері атанды.Биыл оныншы мәрте жалауын көтерген республикалық турнирде Атырау, Ақтөбе, Ұлытау, Жамбыл, Қызылорда облыстары мен Шымкент қаласынан келген жасөспірім ұлдар және қыздар үш күн бойы боз кілемде бақтарын сынамақ.<figure class="image"><img src="https://knadmin.beoblood.kz/uploads/342339155_965152357992789_2733576634513098448_n_0bb8654fbf.jpg" alt="342339155_965152357992789_2733576634513098448_n.jpg"></figure>&nbsp;<figure class="image"><img src="https://knadmin.beoblood.kz/uploads/342217853_136049195994923_4323175335179506464_n_bdb3602c20.jpg" alt="342217853_136049195994923_4323175335179506464_n.jpg"></figure>&nbsp;<figure class="image"><img src="https://knadmin.beoblood.kz/uploads/342339087_225538133417489_7777226614608572184_n_1ef993d3ab.jpg" alt="342339087_225538133417489_7777226614608572184_n.jpg"></figure>

Аралда еркін күрестен республикалық турнир бастау алды

<a href="https://kyzylorda-news.kz/">Kyzylorda-news.kz.</a> «Салт-сананың негізі – елдің қолындағы кәсібінде» дейді. Расымен, ұнаған кәсібіңмен шұғылдансаң – еліңнің туын көкке көтере аласың. Ал мұндай жандар арамызда аз емес. Әсілінде ауылдық жерлерде азын-аулақ малының басын көбейтіп, мемлекет берген мүмкіндікті тиімді пайдаланғанның қатары артқан. Солардың бірі – Қармақшы ауданындағы Қуаңдария ауылының тұрғыны, жас кәсіпкер Олжас Ешмағанбетов.25 жастағы жігіт Алматы технологиялық университетінде «Биотехнология» мамандығы бойынша білім алады. Дипломын қолға алған соң ауылға қарай қадам басады. Солай ол анаубір жылдары жылқы бордақылау мақсатында «Бизнес Бастау» бағдарламасымен 505 мың теңге қайтарымсыз грант жеңіп алады. 3 бас тай алып, күтіп-баптап, семірген соң сатылымға шығарып, орнына басқасын әкеледі. Жұмыс процесі үш ай сайын осылай өрби береді. Бірақ бұл бір ғана қыры. Жас кәсіпкер сол кезеңде бұл жобадан бөлек, жылқы басын көбейту үшін «Бизнестің жол картасы – 2020» бағдарламасы аясында 2 миллион теңге көлемінде несие алады. Алған қаржыға 5 бас байтал алып, биыл олардың саны көбейген. Осылайша талапты жастың таңдауы төрт түліктің ішіндегі жылқыға түскен. Сайып келгенде, ата-бабаларымыздың түлік ішіндегі жақсы көргені де осы жануар. Таза, ішсең сусын, жесең ет, мінсең көлік.<blockquote>«Бұл жануар жағдай жасағанды, бапты, күтімді қажет етеді. Сол үшін оның жем-шөбінің құнарына мән беремін. Әзірге ешкім жұмыспен қамтылып тұрған жоқ. Алға қойған мақсатым көп. Егер кәсібім берекелі болып, тынысы кеңейсе, неге қамтымасқа? Кәсіпті дөңгелетіп әкету үшін алдымен оның қыр-сырын меңгеру керек. Әрине, басында қиындық пен кедергі болары рас. Бастысы – жобаны тереңірек зерделеп, қаржыны мақсатты жұмсай білу. Сонда ғана еңбек зая кетпейді», – дейді Олжас Ешмағанбетов.</blockquote>Оның өз ісін өрістетіп, жылқы малын бордақылауды, санын көбейтуді кәсіп еткеніне көп жылдар болмаса да алға қойған мақсаттары көп. Жиырма екі жасар жас кәсіпкердің атакәсіпті өрістетуге деген ынтасы зор. Алға қойған мақсаты айқын. «Екі қолға бір күрек» алып, кәсібінен нәсіп көріп отырған жан бүгінде межелі мақсатын кезең-кезеңімен орындауда. Бір білетініміз, ол маңдай терді төгіп, адал еңбек етуді естен шығарған емес. Бұл ауыл жастарына көп үлгі.ТүйінШағын және орта бизнесті дамытуға мемлекет айрықша басымдық беруде. Нәтижесінде, ауданда кәсіпкерлік кең қанат жаюда. Солай кәсіпке ынталы азаматтардың күн санап қатары артуда. Әрине, бұл өз кезегінде өңір экономикасының өркендеуіне өзіндік үлесін қосады.

Мемлекет берген мүмкіндік: Жас кәсіпкер жылқы басын көбейтуде

<a href="https://kyzylorda-news.kz/">Kyzylorda-news.kz.</a> Ел Президенті Қасым-Жомарт Кемелұлы Тоқаев Жолдауында кәсіпкерлік саласын дамыту мен бизнес идеяларды қолдау шаралары артып, мемлекет бизнеске көмек көрсету ісін жалғастыра беретінін айтқан болатын. Бұл бағытта аймақтың бас қаласында жүйелі жұмыстар жасалуда.&nbsp;Саланың өзекті мәселелері қала әкімі Асылбек Шаменовтың жіті назарында. Шаһар басшысы ай сайын кәсіпкерлерді салалық мәселелері бойынша қабылдап, ұсыныстарға байланысты нақты шараларды жүзеге асыруда. Осы бастама аясында жыл басынан бері 100-ге жуық кәсіп бастауға ниетті, кәсібін дамытуды көздеген азаматтар қабылдауға келіп, олардың түрлі мәселелері тыңдалды.&nbsp;Кәсіпкерлерді салалық мәселелер бойынша қабылдаудағы негізгі мақсат – олардың қызметіндегі кедергілерді азайту. Жалпы, жеке кәсібін ашып, өз ісін дербес жүргіземін деген азаматтар қашан да қолдауға, көмекке мұқтаж келеді. Себебі, заңнамалардағы өзгерістер, нормативтік құжаттардағы толықтырулар секілді үдерістерді әрдайым назарда ұстау қиынға соғатыны белгілі.&nbsp;Шағын және орта бизнес үшін де салықты қайда, қалай төлеймін, субсидия алу үшін қандай құжаттарды толтыру керек, жеңілдетілген несие қандай жағдайда беріледі деген секілді кәсіпкерлікті қолдауға арналған мемлекеттік бағдарламалар туралы мағлұмат алу маңызды. Сондықтан, кәсіпті жаңа бастаған және бұл бағытта шаруасын жүйелеген азаматтар мұндай қолдауларға ризашылықтарын білдіруде. Сондай бастамалардың бірі – «Ауыл аманаты» жобасы. Бүгінгі таңда, аталған бағдарламаға қатысуға ниетті қызылордалықтар бизнес-жоспарларын әзірлеп, құжаттарын рәсімдеуде. Несие беру маусым айына жоспарланып отыр.&nbsp;Бүгінгі қабылдауға келген кәсіпті жаңадан бастаушы азаматтар бизнес жоспар әзірлеу, мемлекеттік грант алуға үміткер болу, кәсібін кеңейтуді мақсат еткендер қосымша қолдау, жер телімі, ғимаратты жалға алу, әкімшілік кедергілерді жою бойынша сауалдарына жауап алды.&nbsp;Қала басшысының кәсіпкерлерді салалық мәселелері бойынша қабылдауы ай сайын жалғасын тауып, кәсіпкерлердің талап-тілегі ескеріліп, аймақтың бас шаһарының дамуына жол ашатын тың, жаңа жобаларды жүзеге асыруға қолдау көрсетіледі. Айта кетсек, мемлекет тарапынан жыл басынан бері қала бойынша 2 млрд. теңгені құрайтын 199 жоба қолдау алып, 219 жұмыс жаңа орындары құрылды. Ал, шағын және орта бизнесте жұмыспен қамтылғандардың саны өткен жылдың есепті кезеңімен салыстырғанда 12 386 бірлікке артты. Сонымен бірге, шағын және орта бизнесте өндірілген өнім көлемі 471 млрд. теңгені құрады.

Қызылорда қаласының әкімі кәсіпкерлерге жеке қабылдау өткізді

<a href="https://kyzylorda-news.kz/">Kyzylorda-news.kz.</a> Тіркелген қылмыстардың негізгі бөлігі интернетте (Олх, Колёса) тауарларды сату немесе қызмет көрсету туралы хабарламаны орналастырумен байланысты. Алаяқтар өздерінің құрбандарын арзан бағамен, тауарды не қызметті тез жеткізумен қызықтырады. Сатып алушылардан жартылай немесе толық алдын ала төлем жасауды сұрайды, олардың шоттары үшінші адамдарға ресімделіп отырады.&nbsp;Алаяқтықты жасаудың негізгі және басты себептері азаматтардың сенгіштігі. Осындай қылмыстарды ашу және тергеуде біршама қиындықтар бар, өйткені қылмыскер үшінші адамдарға тіркелген әртүрлі банк карталары мен карталарды, сондай-ақ әртүрлі абоненттік нөмірлерді пайдаланды. Көп жағдайда ақша қаражаттарын шешіп алу үшін жалған адамдарды пайдаланады. Аталған қылмысты ашу үшін заң жүзінде алынған деректерді мүқият талдау қажет, бұл нақты ұзақ уақытты талап етеді.Бүгінгі күнге интернет арқылы жасалған алаяқтық қылмыстарының алдын алу, болдырмау бағытында іс-шаралар атқарылуда. Бұқаралық ақпарат құралдары арқылы облыстың тұрғындарына түсіндіру жұмыстары жүргізіліп, алаяқтардың арбауына түсіп қалмау жайлы қандай сақтық шараларын сақтау керектігі түсіндірілуде.Осы мақсатта халыққа қызмет көрсету орындары мен базарларда, сауда орталықтарында плакаттар жапсырылып, жаднамалар таратылған.Тауарларды интернеттен сатып алған кезде тауарларды тек тексерілген сайттардан сатып алуды қарастырыңыз. Бұл қос сайт емес, ресми бет екеніне көз жеткізіңіз. Көбінесе қылмыскерлер ұқсас сайттарды жасайды, тек ресурстың сипаттамасын өзгертеді, танымал банктердің логотиптерін, сондай-ақ танымал брендтерді пайдаланады, бұл адамды алдаудың тәсілдерінің бірі. Бұл жағдайда, егер сізден тауар үшін алдын-ала төлем сұралса, алдын-ала төлем шарттарын мұқият оқып шығу керек. Алаяқ интернеттен тапқан немесе басқа адамнан алаяқтық жолмен алған жеке куәліктің фотосуретін жібереді. Егер сіз басқа қаладан тауарға тапсырыс берсеңіз, туыстарыңыздан, таныстарыңыздан тауардың бар-жоғын және ұсынылған сипаттамаларға сәйкестігін тексеруді сұраңыз.Егер Сізге ұялы байланыс телефоны арқылы банктен қоңырау шалып, менеджер немесе қауіпсіздік қызметінің қызметкерімін деп таныстырып, Сіз туралы немесе Сіздің шотыңыз туралы мәліметтерді сұрастырып жатады.&nbsp; Егер сіз осы ақпаратты алаяқтарға телефон арқылы хабарласаңыз, ақша қаражаты дереу банк картасынан алынады.&nbsp; Осындай жағдайда сөйлесуді тоқтатып, өз банкіңіздің жедел желісіне дереу қоңырау шалып, осы жағдай туралы хабарлау қажет. Банктің бірде-бір қызметкері клиенттерге қоңырау шалмайды және құпия деректерге қызығушылық танытпайды.Инстаграмм арқылы тауарларды сатып алар алдында, сатушының ресми мекен-жайын, сонымен бірге, Ватсаппен немесе видео байланыс арқылы құжаттарын тексеріп, көз жеткізу қажет.&nbsp;<blockquote>«Сіз жеңімпаз атандыңыз, Сізге арнайы сыйлығымыз бар немесе ақша ұтысы бар, құжаттың көшірмесін жіберіңіз» деп ұялы телефонға мәліметтер түсіп жатады. Осындай жалған мәліметтерге құжаттардың көшірмесін жіберуге болмайды. Сіздің атыңыздан алаяқтар заңсыз іс-әрекеттер жасауы мүмкін. Қызылордалық полицейлер интернет-алаяқтық фактілер бойынша жақын маңдағы полиция бөлімшесіне, «102» арнасына немесе «102 мобильді қосымшасына» хабарласуды сұраймыз», - делінген ақпаратта.</blockquote>#Жолдау<img src="https://knadmin.beoblood.kz/uploads/342367165_609732491091235_3708735042099579863_n_2e39869a48.jpg" alt="342367165_609732491091235_3708735042099579863_n.jpg"><img src="https://knadmin.beoblood.kz/uploads/342400441_1766215007108242_8251094512564710888_n_02b452826e.jpg" alt="342400441_1766215007108242_8251094512564710888_n.jpg"><img src="https://knadmin.beoblood.kz/uploads/342526968_1083699245923664_2179063982021611063_n_ef4c9d3c01.jpg" alt="342526968_1083699245923664_2179063982021611063_n.jpg">

Алаяқтық қылмыстардың негізгі бөлігі интернет арқылы жүзеге асырылған

<a href="https://kyzylorda-news.kz/">Kyzylorda-news.kz.</a> Қай істе болмасын адал еңбектің алға сүйрейтіні, табысқа жеткізетіні мәлім. Еңбегімен елге сыйлы, көпке үлгі болып жүрген жандарды оқырман қауымға үлгі етуден де жалыққан емеспіз. Қармақшы ауданындағы Қуаңдария ауылындағы сапарда өңірдің өркендеуіне үлес қосып отырған «Олжа» шаруа қожалығымен танысқан болатынбыз. Қожалық жұмысы мен төрағаның толымды істері туралы толығырақ баяндасақ.Ауылдан 15 шақырым қашық¬тықта орналасқан шаруашылық басына да жеттік. Біз келеді деген хабарды естіген төраға да сол жерден табыла кетті. Ашық-жарқын қалпымен әңгіме тінін тарқатқан Болат Бөгетов осы ауданның тумасы. Кент орталығындағы №105 орта мектепте білім алған. Кейіннен политехникумда «Мұнай және газ құбырларын бұрғылау» мамандығын қызыл дипломмен аяқтаса, Қорқыт ата атындағы мемлекеттік университетінің «Мұнай және газ, кен іші орнын пайдалану» мамандығы бойынша білімін жетілдіреді. Бір уақыттарды «газет, бингоны мекеме аралап сатқан кезім де болған. Адал еңбектің ешқандай ұяты жоқ» дейді ол. Түрлі салада еңбек етіп, біршама жыл басшылық қызметтер де атқарған. 14 жыл Шымкенттегі зауыттардың бірінде облыстық филиалының директоры болса, баспасөз саласында да біршама тер төккен. Сол жылдары «Ол кім, бұл не?» деген газет шығаруға атсалысқан. Кейіннен бизнес саласына ауысып, табысты қызмет еткен. Ал шаруашылық жұмысын 2016 жылдан бастап қолға алған. Мұндағы басты мақсаты – сыртта еңбек еткеннен гөрі, туған мекенге оралып қызмет ету. Болат Әлдебайұлы бізбен әңгімелесе жүріп, ұйыққа батқан сиырының жағдайын жасап та, жанынан өтіп бара жатқанда иесін алыстан танып кісінеген жылқысымен сөйлесіп те үлгерді. Адам мен түлік арасындағы тілсіз байланыс деген осы болар. Ағамызбен әңгімеміз енді басталса да, жануарға деген жанашырлығы мол, ісіне деген сүйіспеншілігі жоғары екені аңғарылады. Алғашында асыл тұқымды жылқымен басталған шаруашылық кәсібі кейіннен ақбас сиырлар мен асыл тұқымды бұқашықтар бағумен жалғасыпты. Бүгінде шаруа қожалықта асыл тұқымды ақбас сиырлар, жылқылар бар.<blockquote>«2018 жылы Оралдан 127 аналық ақбас, 5 бұқа, ал өткен жылдың наурызында Семей мен Алматы қалаларынан 120 бас аналық, 6 бұқа алып келдім. Ал жылқы Ақтөбе облысынан «мұғалжар көшім» тұқымынан әкелінген. Ерекшелігі етті, әрі сүтті. Өзге жерден, өзге климаттан келгеннен кейін оларға ерекше күтім қажет. Мынау далада жайылып жүрген ақбас сиырлар 2 жыл дегенде жерсінді. Оған дейін ауырып, қанша ем-дом жасалды. Ал былтыр әкелінген мал әлі де маман бақылауында. Себебі көзден кеткен соң малдың ауырып қалғанын біле алмаймыз. Сырттан келген мал кем дегенде бір қыс, бір жазды өткергенше бақылауда болғаны дұрыс. Өзім де көп жағдайда шаруашылық басындамын. Ауырған малға дәл өзіңдей ешкім жанашырлық таныта қоймас», – дейді қожалық төрағасы.</blockquote>Мал шаруашылығы – тынымсыз жұмыс түрінің бірі. Мұнда күн, түн деп уақытпен санасу жоқтың қасы. Десе де, бұл кездескен қиындықты еңсеріп аудандағы асыл тұқымды мал шаруашылығымен айналысып отырған ірі шаруа қожалық. Бұл уақытқа дейін аудан көлемінде жергілікті малды асылдандырумен айналысатын ірі шаруа қожалығы болмаған. Мұнан асылдандырылған бұқашықтарды аудан көлемінде ғана емес, Шиелі, Жаңақорған, Тереңөзек, Жалағаш аудандарынан шаруалар арнайы келіп алып кетуде. Ал бұл уақытқа дейін бір баспақ үшін олар Ақтөбе, Семейді аралап кететін.<blockquote>«Шаруашылықпен айналысқалы бері біраз кедергілердің бар екенін аңғардым. «Малдың жайын баққан білер» демекші, осы саланың басы-қасында жүрмеген адамның мұны түсіне қоймасы анық. Осы себептен де депутат болуға бел будым. Ақпан-наурыз айларында бірнеше рет кент әкімшілігінде, аудандық мәдениет үйінде тек мал шаруасымен айналысатындарды жиып, асыл тұқымды мал шаруашылығын дамыту және оған берілетін субсидиялар туралы семинар-кездесулер өткіздім. Қарапайым халық мемлекеттен берілетін субсидияның алу жолын білмейді. Бұл жағдай жұмысты алғаш бастағанда менің де басымнан өткен. Менің де қиналып, субсидия ала алмай қалған кездерім болды. Кейін осы үшін арнайы Астана қаласына барып субсидия алудың жолдары туралы білімімді арттырып, оқып келдім. Қазір өз білгенімді ауыл тұрғындарына кітаптағыдай емес, қарапайым тілмен түсіндіріп, үйретудемін. Осы уақыт ішінде де біршама адам үйреніп, субсидия алып, алғысын жаудыруда. Субсидия алу үшін аудан немесе облысқа барудың қажеті жоқ. Қазір бәрі электронды түрде ғой. Шаруашылық басында жүріп-ақ ноутбукпен бітетін дүние», – деп әңгімесін алдағы жоспармен жалғады.</blockquote><blockquote>«Ендігі мақсат басқа өңірден кем қылмай, осы өлкенің мал шаруашылығын көтеру. Маусым айының соңында бір сессия мал шаруашылығының мәселесін қарауға арналмақ. Қазір дайындық жұмыстары жүруде. Тұрғындармен кездесіп, нақты қандай мәселе, кедергі барын тыңдадым. Алдағы сессияда депутат ретінде «Малды қалай көбейтеміз, мал шаруашылығымен айналысатан шаруаларда кездесетін қиындықтар, несие алу кезінде банк талаптарына сай болу үшін не істеу қажет, мал жайылымына арналған жердің берілуі» сынды мәселелер қаралады. Сондықтан алдағы 5 жылда ауылда мал шаруашылығын қолымнан келгенше бір жолға қойып, осы салада жүрген шаруаларға қолдау көрсету, жағдайын жасау, жалпы асыл тұқымды мал санын көбейтіп, өңір шаруашылығының дамуына септігімді тигізуді мақсат етіп отырмын», – дейді аудандық мәслихат депутаты Болат Бөгетов.&nbsp;</blockquote>Шаруасын дөңгелетіп, ісін өрге сүйреген ел ағасының алға қойған жоспары көп. Өзге шаруа қожалықтарын аралап, ел-жер көрген соң, соларға ұқсас жаңа заманға сай сиыр, жылқы тұратын қора-жайлар да¬йындауды қолға алған, өзі тұратын мекеннің айналасын жасыл-желекке айналдырмақ мақсатта жас шыбықтар отырғызыпты. Бір қызығы фазенданың орналасқан жері үлкен атасы өмір сүрген ата қоныс екен. Барлығын дайындап, шаруа қожалықтың жұмысы жүрген соң ғана әкесін алып келгенде «бала күндегі әкемнің артынан ере жүрген жерлерім ғой» деп көңілі босапты. Иә, кең даланың ішінен таңдауының тап осы жерге түскені тек пен қанның қасиетінен болар.Болат Әлдебайұлы малды асылдандырудан бөлек «Таңатар» шаруа қожалығына да төрағалық етеді. Мұнда тай шөп дайындалады. Бұл шөп ауыл тұрғындары мен көршілес Т.Көмекбаев ауы¬лын тиімді бағамен қамтамасыз етуде. Шаруашылықта ауыл тұрғындары жұмыспен қамтылған, ал маусымдық жұмыс кезінде 10-нан аса адамға нәпақа табылады. Еңбек жолында жеткен жетістіктері ел ішінде еленуде. Ауыл шаруашылығы министрінің екі рет «Құрмет» грамотасын алып, «Ауыл шаруашылығы саласының үздігі» төсбелгісін тағынғанымен халықтың ризашылығын бәрінен қымбат көреді. Айналасындағы жандарға көмек қолын созып, қайырымдылық шараларына белсенді қатысады. Алайда өзі жасаған жақсылығын жариялауды құп көрмеді. Десе де, ауыл әкімінен Болат Әлдебайұлының мектеп балаларын лагерьге жіберіп, ауыл ардагерлерін газетке жазып, пандемия кезінде тұрғындарды азық-түлікпен, ауыл тұрмысына бел шешіп көмектесетінін естідік.<blockquote>«Егер табысқа қол жеткіземін десең, қажыр-қайратыңды, күш-жігеріңді аямай жұмсай білу қажет. Тек еңбек қана биікке шығарады. Сосын ата-анаңды, жасы үлкендерді сыйла. Одан кеміп кетпейсің, қайта қадірің артады. Қанша биікке шықсаң да туған жеріңді, өскен ортаңды ұмытпай, бай тарихыңды қастерлеп, ұлттық құндылықтарды, құнарлы тіл, өшпес өнер, озық салт-дәстүрді сақтай білсең ғана мақсат-мұратыңа жетесің. Әрдайым шындықты айту керек. Мәселеге үңілгенде ғана нәтижелі болады. Мемлекетте бағдарлама көп. Бірақ адамдар бағдарламаның жұмыс істеу тәсілін білмегендіктен ала алмай жатыр. Бір ғана мысал, мемлекет беріп тұрған субсидия алудың жолын білмей жүрген жан қаншама. Ең болмаса осы тұрғыдан елге пайдам тисе, перзенттік парыздың ақталғаны», – дейді Болат Әлдебайұлы.</blockquote>Иә, «Елім маған не береді деп емес, мен еліме не беремін» деп жүрген екі бірдей шаруа қожалықтың басшысы, аудандық мәслихат депутаты Болат Әлдебайұлының ұстанымы көпке үлгі боларлық. Мақсатты істерді тындыра жүріп, ел үшін еңбектенгеннің еңсесі түспесі анық. Қарапайым қалпымен, тың бастамаларымен берекелі қадамға бастаған ізденістерінің өрге жетелей беретініне кәміл сенеміз. &nbsp;

Қармақшыда олжасын «Олжадан» тапқан шаруа қожалық бар

<a href="https://kyzylorda-news.kz/">Kyzylorda-news.kz.</a> Қазалы ауданы әкімі Мұхтар Оразбаев пен аудандық мәслихат төрағасы Ғазиз Әліш Әйтеке би кентіндегі асфальтталып жатқан Асан қайғы көшесінің жұмыс барысымен танысты.Мердігер мекеме - “Қазалы Жолшы” ЖШС төсеп жатқан асфальттың сапасы мен қалыңдығын бақылаған аудан басшысы қызметкерлердің асқан жауапкершілікпен жұмыс жасауын тапсырды.&nbsp;Содан соң, аудан әкімі қазалылықтарға жеке қабылдау өткізді. Аудан басшысы Мұхтар Оразбаев кезектілік тәртібімен жазылған 7 тұрғынды жеке сұрақтары бойынша қабылдады. Тұрғындар өтініш-тілектерін аудан әкіміне жеке-жеке жеткізіп, шешілуі қиын күрмеулі түйткілдердің оң шешiм табуына ықпал жасауды сұрады. Келушілердің дені жұмыссыздық жайын алға тартып, тұрақты жұмысқа орналастыру мәселесін айтты. Сондай-ақ, жер және жеке мәселелер көтерілді. Тұрғындардың өтiнiштерiн мұқият тыңдаған Мұхтар Әуесұлы азаматтардың тарапынан айтылған түйткілдердiң заңдылығына сәйкес, оңтайлы шешiмiн табуы үшiн тиiстi жұмыстар жүргізілетіндігін жеткізді. Мұхтар Оразбаев сала басшыларына тиісті тапсырмалар жүктеді. Қазалылық шығармашыл жастардың басқосуы өттіҚазалы аудандық орталықтандырылған кітапханалар жүйесінің ұйымдастыруымен 23 сәуір – Халықаралық кітап және авторлық құқық күніне орай «Кіtaр Fest» - 2023» кітап фестивалі «Жыршыл жүрек, арман кеуде» атты поэзия кешімен жалғасын тапты.Жыр толғау кездесуінде Есет Табынбаев, Сағыныш Мұхитқызы, Елнұр Нұрқасым, жыршы Жанболат Өмірзақ, күйші Тұрар Садуақас және поэзия әлеміне енді қадам басып келе жатқан жас қаламгерлер төбе көрсетті.“Кітапхана түні” аясында ұйымдастырылған басқосуға Қазалы ауданы әкімінің орынбасары Дәурен Оңғарбайұлы арнайы қатысып, кеш қонақтарына жылы лебізін білдірді. Сондай-ақ, кітапхана ұжымының алдағы жұмыстарына сәттілік тілеп, осындай кештер әлі де жалғасын тапса екен деген ниетін білдірді.Мұнан соң Қазалы аудандық кітапхананың директоры Индира Әбілқасымқызы әнші, жыршы, ақын, күйші, жалпы өнердің қаймақтары жиналған кеш оқырмандарға керемет әсер сыйлады деп барша кеш қонақтарына шығармашылық шабыт пен толағай табыс тіледі.Табиғи өнімдер халықтың көңілінен шықтыҚазалы ауданында әркез жергілікті халықты өз табиғи өнімімен қуантып, жанды жадыратар, қалтаға қонымды жәрмеңкелер ұйымдастырылып тұрады. Осындай кезекті қазалылық еңбеккерлердің қоспасыз табиғы таза тауарларын ұсынған аудан орталығы - Әйтеке би кентінің 5-ші квартал аймағындағы Ы.Алтынсарин атындағы №204 мектептің жанында ауыл шаруашылығы өнімдерінің жәрмеңкесі өтті.Мұнда жергілікті кәсіпкерлер барлығы 5 көлікпен 25 тонна өнім әкелді. Оның ішінде – ұн, өсімдік май, картоп, жуа, балық және өзге де қажетті азық-түліктер төмендетілген бағада сатылды. Жәрмеңкеге келушілердің қатары көп болды.Ұйымдастырушылардың сөзінше, жәрмеңкеге шығарылған заттар базар бағаларымен салыстырғанда, бірнеше пайызға арзандатылып ұсынылған.Айта кетейік, аудан орталығы - Әйтеке би кентінде болған жәрмеңке &nbsp;№5-ші квартал аймағында өтсе, алдағы уақытта Қазалы қаласында жалғасын табатын болады.

Қазалы ауданының тынысы

<a href="https://kyzylorda-news.kz/">Kyzylorda-news.kz.</a> Жақында Жалаңтөс батыр ауылындағы №14 "Сәуле" бөбекжай-балабақшасында "Ойын – бала үшін тәжірибе" тақырыбында ашық есік күні өткізілді. Онда Қазақтың ұлттық ыдыстары, 5 көлемінде тура және кері санау, геометриялық пішіндер, үй жануарлары, сүйкімді күшік, қазақша күрес төңірегінде балаларға түрлі көрнекілік арқылы көрініс қойып, түсіндірме жұмыстары жүргізілді. Бұл бағдарламаларға "Қарлығаш", "Айгөлек", "Балдырған", "Ботақан" мен "Балапан" тобының балақайлары қатыстырылды. Оларға тәрбиешілер: Анаркүл Ертаева, Айсұлу Қуанышова, Лаззат Саржанова, Гүлнар Жаңбыршиева мен Жадыра Шүкірбаева жетекшілік етті.&nbsp;Бұған қоса, қоянның туған күні тақырыбында түзете дамытушылық іс-әрекеті көрсетілді. Оны балабақша логопеді Майра Орынбаева ұйымдастырды. Сондай-ақ, педагог-психолог Ақбота Жанділова педагогтарға арналған ойын жаттығу бағдарламасын ұсынды.&nbsp;Ашық есік күніне оң бағасын берген Қазалы аудандық білім бөлімінің мектепке дейінгі бөлім бойынша әдіскері Лаура Махамашова жылы тілегін білдіріп, алдағы уақытта да балабақшалардың жұмысын арттыру мақсатында осындай басқосу ұйымдастырылатынын жеткізді.&nbsp;“Білім беру саласында өскелең ұрпақты дамыған елдердің қатарында көру үшін үздіксіз еңбек етуде кез келген педагогтың алдына қойған мақсаты – оқу-тәрбие сапасын көтеру үшін балалардың қызығушылықтарын арттырып, танымдық қабілетін дамыту. Бұл мақсатты жүзеге асыру педагогтың шеберлігі мен біліктілігіне байланысты. Егер сабақ тартымды да, қызықты болса, балаларға сабақты игеру де оңай болады. Сондықтан, балалардың білімді игеруге деген құлшынысын арттыру үшін әртүрлі жаңа технологиялар ауадай қажет. Сондай технологиялардың бірі – ойын элементтерін пайдалану. Ал, ойындарда іскерлік, қимыл-қозғалыс, дамытушылық тәсілі болғандықтан баланың ойлау, есте сақтау, қабылдау, қиял сияқты психикалық үрдістерінің дамуына көмектеседі”, – деді Лаура Тілекқызы.Балабақша тәрбиешілерінің пайымынша, ойын барысында бала өзін қоршаған үлкендер сияқты, өзінің сүйікті әңгімелері мен кейіпкерлері сияқты өмір сүреді, әрі соған сай әрекет жасайды. Ойынды қолданумен бірге ойлауға, тілді дамытуға, шығармашылық әрекетін байытуға бағыт алады. Баланың ойын кезіндегі қимыл-қозғалысы дене бітімін жетілдірсе, ал қарым-қатынастағы пайымдаулары мінез-құлық әдептерінің қалыптасуына әсер етеді. Бала ойын арқылы бір әрекеттен екінші әрекетке ауыса отырып, өзіне түрлі ақпараттар алады, дүние сырын ашады. Ойын арқылы балалардың ықылас зейінін, сөздік қорын, байқампаздығын, есте сақтау, қабылдауын дамытады. Сондай-ақ, ойын – төзімділікті, алғырттықты, тапқырлықты, ұқыптылықты, ізденімпаздықты қалыптастыруға үлкен мүмкіндігі бар әдістердің бipi екендігін алға тартады білікті бала бағбандары.Жалпы, бала тәрбиесі қиын да, жауапты міндет. Ол қоғамның, заманның бағыт-бағдарымен, тыныс-тіршілігімен бірге жүріп отырады. Ойын арқылы балалар қоғамдық тәжірибені меңгереді. Өзінің психологиялық ерекшеліктерін қалыптастырады. Ойын балалар үшін айналадағыны танып-білу тәсілі деген ойларын жеткізді мамандар.

Өскелең ұрпақты дамыту – басты міндет

<a href="https://kyzylorda-news.kz/">Kyzylorda-news.kz.</a>&nbsp; Қызылорда қалалық қоғамдық даму бөлімінің тапсырысы аясында «Қызылорда облысының жастар Одақтары» қоғамдық бірлестігінің ұйымдастыруымен «Cыбайлас жемқорлықтың алдын алуға бағытталған ақпараттық түсіндірме шараларын және адам саудасының алдын алуға бағытталған шараларды ұйымдастыру» әлеуметтік жобасы аясында Қорқыт ата атындағы Қызылорда университетінде кездесу өтті. Заңгер Нұрсұлтан Байменов студенттермен жүздесіп, сыбайлас жемқорлықтың алдын-алу мәселелеріне қатысты кеңес берді.Кездесу барысында студенттер түрлі салада сұрақтарын қойып, оң нәтижеде өз жауаптарын алды. Кеңес алуға 25-тен аса студент жүгінді.Заңгер Сыбайлас жемқорлық экономикалық қауіпсіздікке зиян келтіреді. Ұлттық қауіпсіздікке тікелей қауіп-қатер, елдің әлеуметтік-экономикалық дамуын тежейтінін жеткізді. Қоғамды жайлаған бұл ауруға төзбеушілік жағдайына қол жеткізудің маңыздылығын және оның себеп-салдарларын түсіндіріп өтті. Олардың ішінде мемлекеттік қызметкерлердің өз қызметін асыра пайдалануы, нормативтік актілердің бұзылуы, халықтың құқықтық сауатының төмендігі, еңбекақы көлемінің төмендігі сынды себептер бар екенін тілге тиек етті. Ол аталған дерттің алдын алу үшін жоғарыдағы себеп-салдарларды жою, халық арасында, өскелең ұрпақ бойында сыбайлас жемқорлыққа қарсы сананы және мәдениетті қалыптастырудағы азаматтық қоғамның маңызды рөлін атап көрсетті. Сонымен бірге, азаматтық сектор өкілдерінің сыбайлас жемқорлықтың кез келген көріністеріне төзбеушілік жағдайын жасау, қоғамда сыбайлас жемқорлыққа қарсы жоғары мәдениетті қалыптастыру, азаматтардың құқықтары мен заңды мүдделерін қорғау, әкімшілік кедергілерді төмендету болып табылатының атап өтті.&nbsp;

Студенттер құқықтық кеңес алды

<a href="https://kyzylorda-news.kz/">Kyzylorda-news.kz.</a> Еуропалық иммундау апталығы Дүниежүзілік денсаулық сақтау ұйымының бастамасы бойынша 2005 жылдан бері жыл сайын өткізіледі. Биыл бұл апталық сәуір айының 23-29 аралығында «Кең ауқымды толықтыра иммундау!» ұранымен жүргізіледі.&nbsp;Апталықты өткізудегі басты мақсат – халықты вакциналардың тиімділігі, қауіпсіздігі туралы хабардар ету, иммундауға оң көзқарасты қалыптастыру, тиісті контингентті екпелермен қамту және пандемия тудырған олқылықтардың орнын толтыру. Нақты айтқанда, пандемия кезінде жарияланған локдаун Ұлттық егу күнтізбесіне сәйкес жоспарлы екпелерді уақытылы жүргізуге өз кедергісін келтіріп, вакцинациялау көрсеткіштерін күрт төмендетіп жіберген еді. ДДСҰ мәліметінше, бұл өз кезегінде әлем бойынша қызылша ауруының өршуіне алып келді.&nbsp;Елімізде профилактикалық екпелердің ұлттық күнтізбесіне сәйкес бала туылғаннан бастап 56 жасқа дейін 20 инфекциялық ауруға қарсы иммундау жүргізіледі. Ағымдағы жылдың І тоқсан қорытындысы бойынша жалпы облыс көлемінде инфекциялық ауруларға қарсы жоспарлы прфилактикалық егулермен қамту көрсеткіші орта есеппен 32% құрады (3 айдың оптималдық деңгейі-23,7-24,9 пайыз аралығында). Вакцинадан кейінгі асқынулар тіркелген жоқ. Бұл туралы Қызылорда облысының санитариялық-эпидемиологиялық бақылау департаменті басшысының орынбасары Әлия Мүтәліпқызы мәлімдеді.Жүргізілген профилактикалық егулердің арқасында облыс аумағында соңғы 15 жылда дифтерия, полиомиелит, көкжөтел, сіреспе сияқты инфекциялық аурулар тіркелмеген. А, В вирустық гепатиттерімен, сондай-ақ қызамықпен, эпидпаротитпен сырқаттанушылық деңгейі спорадикалық жағдайларға дейін төмендеді.&nbsp;Профилактикалық екпелер арнайы дайындықтан өткен мейіргерлермен егу кабинеттерінде жүргізіледі. Бүгінгі таңда Қызылорда облысында 210 екпе кабинеті жұмылдырылған. Сондықтан балаңыздың екпе статусын анықтау үшін тұрғылықты мекенжай бойынша емханаға бару қажет және дәрігердің қарап-тексеруінен кейін тиісті екпелерді алған дұрыс. Иммундау ақысыз негізде жүргізіледі.Соңғы жылдары бұқаралық ақпарат құралдарында, әлеуметтік желілерде вакциналаудың қауіпсіздігіне күмән тудыратын, негізсіз, ғылыми тұрғыда дәлелденбеген теріс көзқарас қалыптастыратын жарияланымдар саны артты. Мұндай негізсіз ақпараттар адамдар арасында қорқыныш пен сенімсіздіктің белең алуына әсер етеді, сәйкесінше халықтың екпемен қамтылу деңгейінің төмендеуіне әкеледі. Бүгінгі күні облыс бойынша профилактикалық егуден бас тартқандардың саны 387-ге жетті, олардың 68-і ағымдағы жылы есепке алынды. Профилактикалық егуден бас тартудың негізгі себептері вакциналарға деген жеке сенімсіздік (37%) &nbsp;және діни себептер (32%) болып табылады. Санэпид бақылау қызметі мен емдеу мекемелерінің дәрігерлерімен бірге екпелердің сапасы мен қауіпсіздігі, қажеттілігі мен маңызы бойынша тұрғындар арасында тұрақты түрде санитариялық ағарту жұмыстары жүргізіледі. Нәтижесінде ойларын өзгертіп, тиісті екпелерді салдырып жатқан тұрғындар жоқ емес, мысалыға тек үстіміздегі жылдың 3 айында өз ойларын өзгертіп 8 ата-ана балдарына тиісті екпелерін салдыртқан.

Қазақстан және Қызылорда облысының жаңалықтары