<a href="https://kyzylorda-news.kz/">Kyzylorda-news.kz.</a>&nbsp; Елімізде кәсіпкерлік саны жыл сайын артып келеді. Оның ішінде жастардың кәсіпкерлікке бет бұруы соңғы жылдары көптеп кездеседі. Олар табыс тауып қана қоймай, ел мүддесі үшін де жұмыс жасауда. Халық қажеттілігін өтеп жүрген жас кәсіпкерлердің табысқа жетудегі қажыр-қайратына қарап қайран қаламыз. Арал ауданында жыл сайын өз кәсібін бастап, тәуір табыс тауып отырған жандар саны артпаса кеміген жоқ. Мұның бәрі мемлекет қолдауының арқасы. Бүгінгі мақалаға мемлекеттен грант жеңіп алып, өз кәсібін дөңгелетіп отырған жеке кәсіпкер Жаңылған Байымбетова арқау болмақ.&nbsp;Жаңылған 1996 жылы Арал қаласында дүниеге келген. Негізгі мамандығы – гиробиолог. &nbsp;Алматы қаласындағы Әл-Фараби атындағы ҚазГУ-дың &nbsp;биология және биотехнология факультетінің түлегі. Өзінің айтуынша, тәтті торттар жасауға деген қызығушылығы студенттік жылдардың соңғы курсында ояна бастаған. Осылайша ол қаладағы тәтті өнімдер шығаратын цехтың шеберінен арнайы дәріс алып, өнімді дайындаудың қыр-сырын үйренген.&nbsp;<blockquote>Бастапқыда отбасылық қуаныштарды артық шығын шығармайын деп дастарқанға қоятын тәттілерді өзім жасап жүрдім. Кейін жақындарым тапсырыс бере бастады. Олардан басқалар естіп жасап беруімді өтінді. Осылай тапсырыс берушілер қатары көбейе берді. Содан неге осы ісімді кәсіпке айналдырмасқа деген ой келді. Алдымен «Атамекен» кәсіпкерлер палатасында оқып, кәсіп ашудың алғашқы алгоритмдерін үйрендім. Сосын кәсіпкерлерге арналған мемлекеттік конкурсқа қатысып, 1 млн 200 мың теңге көлемінде қайтарымсыз грант иелендім. Бұл қаражатқа кондитерлік тәттілер пісіруге қажетті құрал-жабдықтар сатып алдым,– деген Жаңылған кәсібін қалай бастағанын айтып берді.</blockquote>Ол 2018 жылы бір әулеттің келіні атанды. Сол кезден бастап кондитерлік тәттілерді тұрақты істеп келеді. Өзінің тұрақты тапсырыс берушілері де бар. Заманмен үндесіп тәтті өнімдерін де түрлендіріп отыратын Жаңылған осылай отбасылық қаражаттың еселенуіне өз үлесін қосып жүр.&nbsp;<blockquote>&nbsp;Кондитерлік өнімдерді пісіру біреуге оңай сияқты көрінеді. Шын мәнінде аса мұқияттылықты талап етеді. Бір тәтті өнімді пісіру үшін оған қосылатын қоспаның бәрін өз ретімен, мөлшерінде қосу қажет. Кішкене мөлшерден асып не кем қылсаң бәрі еш кетеді. Ал осыны табыс көзіне айналдырып отырған біздер үшін бұл шығын болып табылады, – дейді Жаңылған.&nbsp;</blockquote>Сүйікті ісін кәсібіне айналдырған пысық келіншектің қолынан шыққан тәттілер тіл үйірмей қоймайды. Бағасы да қалтаға қонымды. Ол мемлекет қолдау жасап кәсібімді ашып, нәпақа табуға мүмкіндік жасаған соң өз өнімдерімді халыққа тиімді бағада ұсынамын дейді.&nbsp;<blockquote>Қазір еңбек етемін деген адамға қолдау көп. Бір істі қолға алсаң, үкімет тегін ақша ұсынып жатыр. Кәсібіңді кеңейтемін десең, аз пайызбен несие береді. Мұның бәрі бізді жұмыссыз қалдырмаудың қамы. Сондықтан қазір нан табуға мүмкіндік көп. Тек ерінбей-талмай ізденсең болғаны, – дейді жас кәсіпкер.&nbsp;</blockquote>Жаңылған өзі ата-енесіне қызмет етіп, &nbsp;жолдасының жағдайын жайлы етіп бір үйдің шаруасын ширатып отырған келін. Және оған қоса уақыт тауып тапсырысқа тәтті торттар дайындап жүрген кәсіпкер.&nbsp;<blockquote>Қазір тапсырысты үйден қабылдап жасаймын. Алдағы уақытта кондитерлік тәттілер дайындайтын цех ашқым келеді. Сол үшін еңбектеніп жатырмын. Өзіме артылған сенімді ақтап, кәсіпкерлік саласында табысқа жетуді мақсат етіп жүрмін, – дейді Жаңылған Тағыбергенқызы.&nbsp;</blockquote>үгінгі кейіпкеріміз іс қыламын деген жанға мүмкіндіктің мол екендігін дәлелдеп бергендей. Әрине кедергілер де, күрмеулер де болуы мүмкін. Бірақ табысқа жетемін деген адам қиындықта сынбай қарсы тұрса түбінде бәрін мойындатары сөзсіз.<figure class="image"><img src="https://knadmin.beoblood.kz/uploads/3cf5f30f_ca32_45dc_938d_a0ea06132aa4_1fe1b2f337.jpg" alt="3cf5f30f-ca32-45dc-938d-a0ea06132aa4.jpg"></figure>&nbsp;

Аралдық тұрғын мемлекет қолдауының арқасында өз кісібін дамытуда 

<a href="https://kyzylorda-news.kz/">Kyzylorda-news.kz.</a> Соңғы жылдары Сырдария ауданының орталығын абаттандыруға айрықша назар аударылып келеді. Балаларға арналған ойын алаңдарын салу, көшелерді жөндеу, аяқ жол мен көше жарығын толыққанды жүргізу мәселесі күн тәртібінен түскен емес. Бұл ретте, өткен жылы басылым бетінде бірнеше рет көтерілген А.Алиакбаров көшесіндегі көпқабатты тұрғын үй ауласын абаттандыру мәселесі өз шешемін тапқан болатын. Осы күні көпқабатты тұрғын үй маңайында абаттандыру жұмысы толықтай аяқталды.Негізінен, тұрғындар өтінішіне сәйкес, тиісті жоба жасалып, облыстық бюджетке ұсынылған еді. Өткен жылы облыстық бюджеттен қаржысы шешілген 9 тұрғын үйдің ауласын абаттандыру жұмыстарын жүргізуге «АСАНАСДАР» ЖШС бекітілді. Бірнеше ай бойы жүргізілген құрылыс жұмыстарын аталған мекеме толықтай тәмамдады. Анығын айтқанда, көшедегі 9 үйдің ауласына 9 автотұрақ салынды. Әр үй алдына демалуға арналған орындықтар, кір жаюға керекті орын белгіленген. Арнайы 6 кілем қағуға арналған орын, 23 қоқыс салатын жәшік орнатылған. Жолдары жөнделіп, ыңғайластырылған жаяу жүргіншілер жолы салынған. Балғын бүлдіршіндер үшін 4 ойын алаңы, футбол мен баскетбол ойнайтын 1 алаң тұрғындар игілігіне берілді. Сонымен бірге 2 дәретхана мен қоқыс тастайтын арнайы орын қойылған.&nbsp;<blockquote>&nbsp;Біз бірнеше жыл бойы көпқабатты тұрғын үйлердің ауласын абаттандыру мәселесін көтерген едік. Өткен жылы абаттандырылу жұмысы қолға алынғанда ерекше қуанышқа кенелдік. Қазіргі уақытта ауламыз жаңарып, көшемізге ерекше сән беріп тұр. Себебі, ойын алаңдарында балалар спортпен жан-жақты шұғылдануда. Бұрын ауламызға кез келген автокөлік кіре алмайтын. Қазіргі уақытта тегіс жолмен көліктердің қатынауына жағдай жасалды. Тазалық мәселесі де назардан тыс қалмағандығы қуантады. Ендігі кезекте, тұрғындар жасалған дүниені барынша ұқыпты пайдаланса деген тілек бар, – дейді көше тұрғыны Әділбек Дүржанов.&nbsp;</blockquote>Айта кетейік, осы жылы барлығы 780 млн теңге қаржыға Тереңөзек кентінде абаттандыру, жол жөндеу, ауыз су құбырларын жөндеу, аяқ су жүргізу, жаңа ықшам аудан инфрақұрылымын жүргізу жұмыстары жүргізілмек. Бұған дейін тұрғындар тарапынан көтерілген Б.Момышұлы көшесі мен И.Тоқтыбаев көшесін жөндеу жұмыстары жалғасатын болады. &nbsp;

Тереңөзекте орталық көше абаттандырылды

<a href="https://kyzylorda-news.kz/">Kyzylorda-news.kz.</a>&nbsp;Мектептің білім сапасын арттыруда педагогтің жауапкершілігі зор. Бүгінгі заман талабы педагогтерден кәсіби білімді, білік пен дағдыны, мақсат қоюшылықты игеруге деген қызығушылық және білім беру қызметінде ынталылық, педагогикалық және әлеуметтік педагогика, психологияның негіздерін қолдана білу қабілетін талап етеді. Міне, осы бір кәсіби біліктіліктерін ұштастыра білген Нәлқожа Ергешбаев атындағы №172 орта мектебі алдыңғы қатардан көрінуде.Қазіргі таңда №172 орта мектепте білім сапасын арттыру, болашақта білімді азамат қалыптастыруда, мұғалімнің кәсіптік шеберлігін , құзырлығын арттыруда мектеп жұмысының, әдістемелік жұмыстың ұжымдық, топтық, жеке, белсенді түрлері мен әдістері кеңінен қолданылуда. Осы атқарылған жұмыстардың нәтижесі ІІІ тоқсан қорытындысында айқын көрініс тапты. Мекептің білім сапасы 60 пайызға жоғарылап, ІІ тоқсанға қарағанда 3,4 пайызға өскен. Міне, осы және ІІІ тоқсанның қорытындысы бойынша оқушылардың білімі мен шығармашылық жетістіктерін марапаттау мақсатында мектепте 5-6 сыныптар арасында арнайы жиын өтті. Жиынға мектеп әкімшілігі, пән мұғалімдері мен сынып жетекшілері қатысты.&nbsp;Салтанатты жиынды мектеп директоры Мария Байділдаева оқушыларды ІV тоқсанның басталуымен құттықтап, ІІІ тоқсандағы жеткен жетістіктерімен құттықтады. Мектеп директоры ІІІ тоқсанның қорытындысы бойынша жоғары сапа нәтижесін көрсеткен 5-6 сыныптарды жетекшілерімен бірге ауыспалы медальдар және жүлделі орындармен марапаттады. Жоғары сыныптарға қарағанда басты ерекшелік, бірінші орынды иеленген сыныпқа «Бәйтерек» &nbsp;мүсіні қоса берілді. Алдағы уақытта бұл мүсін ауыспалы медальдің ең жоғары нәтижесімен бірге ең білімді сыныпқа ауысып отырады. Бұл мүсіннің маңызы мен ерекшелігін мектеп директоры түсіндіріп өтті.&nbsp;Мектептегі 5 «Ә» сынып оқушылары білімін жүйелі тексеру және «Lesson study» зерттеу сабақтарын ұйымдастыру арқылы білім сапасын арттыруда үлкен жетістіктерге жетті. Бұл сынып шәкірттері ІІІ тоқсанда білім сапасын 13 пайызға арттырып, екінші орынды иеленді.&nbsp;Мұндай жұмыстар оқушыны жауапкершілікке, білім алуда белсенділік танытуға баулып, оқушы білімінің тиянақтылығын, тереңдігін арттыра отырып, үлкен жетістіктерге жеткізетіні анық.

Қызылорда қаласы: Мектептегі білім деңгейі 60 пайызға артты

<a href="https://kyzylorda-news.kz/">Kyzylorda-news.kz.</a> Қызылордада өндірістік қалдықтарды, оның ішінде мұнай қалдықтарын тасымалдау, жинақтау, қайта өңдеу және жою саласында 7 кәсіпкерлік субъект жұмыс істейді. Өткен жылы өңірде мұнай өндіретін компанияларда 55,5 мың тонна мұнай қалдықтары жиналған.Бұл туралы облыстық экология департаменті басшысының міндетін атқарушы Ертай Жайназаров Қызылорда облысы кәсіпкерлер палатасының алаңында өткен Өнеркәсіп кеңесінің отырысында айтты.Шараға Кәсіпкерлер палатасының директоры Пірмұхаммед Сыздықов, уәкілетті мемлекеттік органдары, мұнай компаниялары мен кәдеге жаратылған майларды утилизация жасайтын кәсіпорын өкілдері қатысты.<blockquote>«Соңғы жылдары экология саласындағы талаптар күшейді. Жаңа Экология кодексі қабылданды. Ұлттық стандарт бойынша қайта өңделген және кәдеге жаратылған майлар қауіпті қалдықтар санатына енгізіліп, қоршаған ортаны қорғау саласындағы қайта өңдеу, залалсыздандыру, кәдеге жарату немесе жою сияқты жұмыстар лицензиясы бар арнайы кәсіпорындарға өткізілуі тиіс. Аймақтың мұнай өндірушілері, мемлекеттік мекемелер және осы салада қызмет көрсететін кәсіпкерлерге заңның жаңа талаптарын түсіндіріп, талапты сақтамау салдарынан туындайтын әкімшілік жауапкершілік салдарының алдын алу үшін бұл мәселені кеңес отырысына шығардық», – деді Кәсіпкерлер палатасының директоры Пірмұхаммед Сыздықов.</blockquote>Облыстық экология департаменті басшысының міндетін атқарушы Ертай Жайназаров қауіпті қалдықтарды сақтау, басқару тәртібін, оны қайта өңдеу, залалсыздандыру және жоюмен айналысатын кәсіпкерлік субъектілеріне қойылатын талаптармен таныстырып шықты.<blockquote>«Коммуналдық қалдықтарды түзушілер қалдықтар түзілген кезден бастап оларды жинау, қалпына келтіру немесе жою жөніндегі операцияларды жүзеге асыратын тұлғаларға бергенге дейін қалдықтарды басқару жөніндегі экологиялық талаптардың сақталуы үшін жауапты болады. Ал ары қарай осы операцияларды орындайтын компаниялар жауапты болады», – деді Ертай Жайназаров.</blockquote>Сондай-ақ шарада елімізде майлау материалдарын шығаратын «High Industrial Lubricants &amp; Liquids (HILL) Corporation» ЖШС өкілі Гүлнар Қайыпбергенова осы бағыттағы тәжірибесімен бөлісті.Бұл мәселеге қатысты қосымша сұрақ туындаған жағдайда Қызылорда облысы кәсіпкерлер палатасына хабарласуға болады. Жауапты маман Құралай Ниязбаева. Тел.: 8 /7242/ 40-09-81.&nbsp;<figure class="image"><img src="https://knadmin.beoblood.kz/uploads/cac16ca4_0aba_4f19_b26e_8baf5f6255d0_6663f6b0b0.jpg" alt="cac16ca4-0aba-4f19-b26e-8baf5f6255d0.jpg"></figure>

Қызылордалық кәсіпкерлерге қауіпті қалдықтарды басқару жөніндегі экологиялық талаптар түсіндірілді

<a href="https://kyzylorda-news.kz/">Kyzylorda-news.kz.</a> &nbsp;Жаңақорған ауданында техникалық мамандықтарға сұраныс өте жоғары. Өйткені, &nbsp;ауданда өндіріс орындары мен шағын зауыттар өте көп. Сондықтан, мектеп бітірушілер түлектер осы салаға бейім келеді. Бұл жағдайда аудандық аграрлы-техникалық колледж жастарға мол мүмкіндік беруде. Бұл жөнінде колледж директорының міндетір атқарушы Дәулетхан Тұрсынхожаев жауап берді.&nbsp;2005 жылға дейін студенттер 6 мамандық бойынша білім алса, қазіргі таңда олардың саны 19-ға толықты. Оқу кабинеттері мен зертхана, шеберханалар саны артып, практикамен қатар теориялық жүйе де қатар жүруде. 4зертхана, 6 шеберхана бар. Оның ішінде, «Токарьлық ісі және металл өңдеу» мамандығы бойынша «Станок жұмыстары» шеберханасы, «Автокөліктерге техникалық қызмет көрсету, жөндеу және пайдалану» мамандығы бойынша , «Автокөліктерге техникалық қызмет көрсету» шеберханасы бар. Сол секілді, «Тігін», «Пісіру жұмыстары», «Тамақ дайындау», «Техникалық қызмет көрсету» шеберханасы да сабақ жүзінде жүзеге асуда.<blockquote>«Бізде «Ветеринария» мамандығы бойынша арнайы пән кабинеті мен зертханасы, «Электротехника», «Таукен механика», «Электронды ақпараттандыру» зертханасы, экономика негіздері кабинеті, өзін-өзі тану, 2 компьютер, 27 оқу кабинеті болса, 14 оқу кабинеті интерактивті тақтамен жабдықталған, 2014 жылы колледждің әкімшілік ғимараты іске қосылып пайдаланылуға берілді. 2021-2022 оқу жылында колледж толықтай күрделі жөндеуден өтіп жылу қазандығы қатты отыннан (көмір) сұйық отынға (табиғи газ) ауысты. Колледж 200 орындық АКТ залы, 160 орындық асхана, 100 орындық жатақханамен қамтылған», – деді Дәулетхан Мадиярханұлы.</blockquote>Жалпы алғанда колледжде 19 мамандық, 24 біліктілік бар. Яғни, 19 мамандықты игерген студенттер 24 түрлі салаға бейім деген сөз. Автомобиль көлігіне техникалық қызмет көрсету, жөндеу және пайдалану, ауыл шаруашылығы техникасын пайдалану, техникалық қызмет көрсету және жөндеу, ауыл шаруашылығын механикаландыру, бағдарламалық қамтамасыз ету (түрлері бойынша), ғимараттар мен құрылыстарды салу және пайдалану сынды мамандықтар бар. Сол секілді дәнекерлеу ісі, есеп және аудит, есептеу техникасы және ақпараттық желілер (түрлері бойынша), жеміскөкөніс шаруашылығы мен маркетинг (салалар бойынша), тамақтандыруды ұйымдастыру және тамақтану саласында қызмет көрсетуді ұйымдастыру бойынша маан атануға болады. Тігін өндірісі және киімдерді үлгілеу, эектр жабдықтары, токарлық іс, пайдалы қазбалардың кен орындарын жер астында өңдеу, тұрғын үй-коммуналдық шаруашылық объектілерінің инженерлік жүйелерін монтаждау және пайдалану, ветеринария және басқаруды құжаттамалық қамтамасыз ету және мұрағаттану мамандығы бар.Қазір қандай мамандар сұранысқа ие?Жалпы Жаңақорғанда техникалық мамандықтарға сұраныс өте жоғары. Өйткені, біздің ауданда өндіріс орындары мен шағын зауыттар өте көп. Сондықтан, мектеп бітірушілер түлектер осы салаға бейім келеді. Бұл жағдайда аудандық аграрлы-техникалық колледж жастарға мол мүмкіндік беруде. Бұл жөнінде колледж директорының міндетір атқарушы Дәулетхан Тұрсынхожаев жауап берді.2005 жылға дейін студенттер 6 мамандық бойынша білім алса, қазіргі таңда олардың саны 19-ға толықты. Оқу кабинеттері мен зертхана, шеберханалар саны артып, практикамен қатар теориялық жүйе де қатар жүруде. 4зертхана, 6 шеберхана бар. Оның ішінде, «Токарьлық ісі және металл өңдеу» мамандығы бойынша «Станок жұмыстары» шеберханасы, «Автокөліктерге техникалық қызмет көрсету, жөндеу және пайдалану» мамандығы бойынша , «Автокөліктерге техникалық қызмет көрсету» шеберханасы бар. Сол секілді, «Тігін», «Пісіру жұмыстары», «Тамақ дайындау», «Техникалық қызмет көрсету» шеберханасы да сабақ жүзінде жүзеге асуда.– Бізде «Ветеринария» мамандығы бойынша арнайы пән кабинеті мен зертханасы, «Электротехника», «Таукен механика», «Электронды ақпараттандыру» зертханасы, экономика негіздері кабинеті, өзін-өзі тану, 2 компьютер, 27 оқу кабинеті болса, 14 оқу кабинеті интерактивті тақтамен жабдықталған, 2014 жылы колледждің әкімшілік ғимараты іске қосылып пайдаланылуға берілді. 2021-2022 оқу жылында колледж толықтай күрделі жөндеуден өтіп жылу қазандығы қатты отыннан (көмір) сұйық отынға (табиғи газ) ауысты. Колледж 200 орындық АКТ залы, 160 орындық асхана, 100 орындық жатақханамен қамтылған, – деді Дәулетхан Мадиярханұлы.Жалпы алғанда колледжде 19 мамандық, 24 біліктілік бар. Яғни, 19 мамандықты игерген студенттер 24 түрлі салаға бейім деген сөз. Автомобиль көлігіне техникалық қызмет көрсету, жөндеу және пайдалану, ауыл шаруашылығы техникасын пайдалану, техникалық қызмет көрсету және жөндеу, ауыл шаруашылығын механикаландыру, бағдарламалық қамтамасыз ету (түрлері бойынша), ғимараттар мен құрылыстарды салу және пайдалану сынды мамандықтар бар. Сол секілді дәнекерлеу ісі, есеп және аудит, есептеу техникасы және ақпараттық желілер (түрлері бойынша), жеміскөкөніс шаруашылығы мен маркетинг (салалар бойынша), тамақтандыруды ұйымдастыру және тамақтану саласында қызмет көрсетуді ұйымдастыру бойынша маан атануға болады. Тігін өндірісі және киімдерді үлгілеу, эектр жабдықтары, токарлық іс, пайдалы қазбалардың кен орындарын жер астында өңдеу, тұрғын үй-коммуналдық шаруашылық объектілерінің инженерлік жүйелерін монтаждау және пайдалану, ветеринария және басқаруды құжаттамалық қамтамасыз ету және мұрағаттану мамандығы бар.Расында, жастар болашақ мамандығын дұрыс таңдай біле ме? Әрбір адамның болашағы таңдаған мамандығына да байланысты екені анық. Сол себепті мамандық таңдау оңай емес. Шыны керек, кейбір жастарымыз жақсы маман иесі болсам деп ойлай бермейді. Әйтеуір, бір мамандықты таңдай салып, диплом алып шықсам болды дейді. Сонда саны көп, сапасы жоқ дипломнан не пайда? «Түйір нан - тамшы тер» демекші, жақсы маман иесі болу үшін көп ізденіп, оқу, білім алу, ең бастысы мамандыққа деген сүйіспеншілік қажет.Бүгінде қажетті мамандықтар – энергетик, құрылысшы, геолог, радиотехник, инженер, агроном және т.б. Расында, қарапайым кәсіпті меңгерген кәсіптің иелері азайып кетті. Мұның негізгі себебі, ата-ананың талабы өз перзентін талапқа сай етіп «заңгер, мұғалім, дәрігер» болуға үгіттейді. Аталмыш мамандықтарға кадрлардың тым көптігінен жұмыссыздық мәселесі туындауда. Сондықтан, әрбір ата-ана мамандық таңдарда баласын «Заман сұранысына сай, ертеңгі күні сол нәпақасын тауып жей алатын мамандықтарға» баулығаны абзал.Осы тұста, техникалық және кәсіптік білім беру жүйесі – білікті жұмысшы мамандарды даярлаудың түп қазығы екендігі айқын. Осы бағыттағы аудандық аграрлы – техникалық колледждің жұмысы ерен. Әсіресе, құрылысшы мамандығы үлкен сұранысқа ие. Бұл аудан экономикасын көтеруге едәуір дем берері хақ. Көк аспанмен таласқан зәулім сарайлардың кірпішін қалап, жол салып, көпірмен жалғап, халықтың әлеуметтік тұрмысын жақсартуға үлес қосып жүрген құрылыс саласының мамандарын нағыз еңбек адамы деп атауға болады. Біздің елімізде бұл мамандыққа сұраныс өте көп. Алайда, осы мамандықты игеріп жатқан жандар өте аз. Біздің ауданымыздағы кәсіптік колледже «құрылысшы шебері» мамандарын даярлап, елдің өркендеуіне өз үлестерін қосуда.Бұл бағытта колледж базасына жаңа технологиялар алынып, жаңа жүйе аясында жаңа оқу бағдарламасы енгізілуде. Студенттердің құрылыс саласына қызығушылығын арттырып, білікітілігін шыңдау мақсатында облыстық, республикалық түрлі іс-шаралардан әкірттеріміз жүлделі орындарды иемденіп, аудан атын асқақтатуда. Наурыз айында өзіміздің білім ошағында облыстық «WORLDSRILLS» колледж ішілік жарысына құрылысшы мамандығын дайындап жа¬тырмыз. Колледж директорының оқу өндірістік жұмыстары жөніндегі орынбасары Д.Тұрсынқожаев, арнайы пән оқытушысы Е.Беркімбаев осында оқып жатқан шәкірттерге білім нәрін сапалы тәжірибесін бөлісуде. Яғни, кәсіби колледж – кәсіптік білімді ғана емес, заманауи мамандықтарды меңгерту жолына да еніп келеді.Қазақ ойшылдары айтқандай, «Білім¬дінің күні жарық, білімсіздің күні ғаріп». Расында, білімі бар адамды жарқын да жарық болашақ күтеді. Ал жарқын болашақ иесі – бүгінгі жаста. &nbsp;Қазір техникалық мамандықтардың, ғылым мен инновацияның күні туған заман. Ерінбей еңбек еткен, талмай ғылым іздеген, жалықпай техника меңгерген адам озады. Тұрмысы жақсы, абыройы асқақ болады» деп, қазіргі заманда техника мамандықтарын меңгерудің қажеттілігін нақты айтып өтті. Олай болса, ертеңін ойлар бүгінгі жас түлек мамандық таңдарда қателеспеуі қажет. Мамандық таңдау үлкен жауапкершілікті қажет етеді. Мамандық – әрбір адамның болашағы. Жаңақорған кәсіптік кол¬леджінде «Құрылыс» мамандығы бойынша 25 студент білім алуда. Сондай білімді оқушыларымыздың бірі Ерасыл Серікұлы, Алмат Бектөре, Тұрар Дүйсенбек, Нұрдәулет Мәтеннің мамандықтарына деген ерекше қызығушылықтарын да айта кеткен жөн болар.Білім берудің қазіргі заманғы негізгі мақсаты кең іргелі, білімді меңгерген, ынталы, бүгінгі оқушы, ертеңгі бәсекеге қабілетті, жан-жақты дамыған, білікті маман даярлау. Осы орайда, колледждің жоғары деңгейдегі материалдық-тех¬никалық базасының қамтылуы арқасында колледж директоры Жомарт Шәуеновтың басшылығымен колледждің құрылыс бөлімінің студенттері түрлі олемпиадалаға қатысып жүр. Бұл біз үшін үлкен жетістік. Бүгінде ірі жобалардың қолға алынып, сәулеті жарасқан еңселі ғимараттардың бой көтеруі – еліміздегі құрылысшылардың ерен еңбегі деп білемін. Олай болса, қыстың суығына, жаздың ыстығына қарамай тер төгетін құрылысшылар қашан да құрметке лайық. Техникалық және кәсіптік білім беру саласында бәсекеге қабілетті білікті маман дайындауда колледж студенттеріне заман көшінен қалып қоймай егеменді еліміздің көзі ашық, көкірегі ояу азаматы болуларына оқытушылар қауымы да өз үлестерін қосуда.

Жаңақорғанда техникалық мамандықтарға сұраныс артты

<a href="https://kyzylorda-news.kz/">Kyzylorda-news.kz.</a> Жаңақорған кенті жыл сайын жаңарып, сәулеті көркейіп, келбеттеніп келеді. Биылдың өзінде атқарылған жұмыстар аз емес. Инфрақұрылымнан бастап, аудан орталығында халыққа қызмет жасайтын нысандарға инвестиция құйылуда. Жыл соңына дейін атқарылар жұмыс көп, дегенмен жақын күндері бірнеше ғимараттың тұсауы кесіледі. Солардың бір парасын тілге тиек етеміз.Алдымен, кентке кіреберіс қақпалар қайта жаңғырды. Сыр беткейден кентке кірер қақпаның іргетасы қаланып, заманауи үлгіде сән беріп тұрса, «Батыс Еуропа – Батыс Қытай» автожолынан орталыққа енгендегі қақпа да қайта сән кіргізді. Айналмалы жол салынып, көлік қатынасы жөнге келуде. Сол секілді, абаттандыру жұмысы жүргізіліп, кенттің кешкі келбеті керемет жарықпен көмкерілді. Кенттің күретамыры саналатын орталық көше бойындағы құм сағат биылғы жылдың жарқын жобасының бірі болды. Иә, осыған дейін вокзал маңындағы аллеяға сағат қойылған еді, бірақ реңі де көрік бермейтін, сұлулығы да сын көтермеді.Ауданға ажар беріп тұрған сағаттың жалпы қаржыландыру көзі демеушілікпен. Яғни, жеке қаражаты есебінен кәсіпкер инвестиция құюда. Жоба құны – 5 млн теңге. Құрылыстың басталған мерзімі осы жылдың тамыз айының 20-сы болатын. Қазір құрылыс аяқталып, тұрғындар мен қонақтарға түнгі мезгілде тамаша тарту жасап тұр. Сәті түсіп, әкімдік қызметкерлерін емес, тұрғындарды сөзге тартып көрдік.– Хорасан ата көшесі мен Сапарбеков көшесінің қиылысқан жерінде мынадай әсем құм сағат орнатылды. Үйім осы жерге жақын болғандықтан, жұмыс күнделікті үлкен қарқынмен жүріп жатқанын, үнемі әкім ағамыз және кент әкімдігінің барлық қызметкерлері осында жүргенін көріп жүрдім. Нәтижесінде аудан орталығы көшелерінің бойында кентіміздің сәнін келтіретін тағы бір нысана бой көтергеніне қуанудамыз. Құм сағаттың әсіресе түңгі көрінісі әдемі. Жарық беретін бағаналар орнатылып, сағаттың өзі түрлі-түсті жарықтармен сәнделген. Бұл жұмыстар білікті электрик-маман Сейдахмет Сарбасов ағамыздың еңбегі. Жақын арада осында саябақ ашылады, оның да жұмысы қарқынды жүруде. Бұл бағытта аудан әкімі Мұрат Тілеуімбетов пен кент әкімі Аскар Ибрагимовтің еңбегіне ел разы болуда. Алла қаласа, әлі де кент орталығында көптеген жаңа объектілер бой көтереді деп сенеміз, – деді білікті ұстаз Әлімжан Ержанов.Тағы бір керемет жоба – жастар және балалар паркі. Иә, балалар жылына тамаша тарту жасалынып, кенттің көркін кіргізіп қана қоймай, көптің тілеуі қабыл &nbsp;болып, жаңақорғандықтардың ойынсауық ордасына айналатын алаң жақын күндері ашылады.Бұл істің де қаржыландыру көзі демеушілікпен атқарылуда. «Азимут-М» ЖШС директоры Марлен Ысқақовтың бастамасымен басталған парк құрылысы бітуге жақын. 2 гектар аумақта балалар алаңы ғана емес, сахна, жастар сарайы және өзге де нысандар бой көтереді. Жоба құны – 750 млн теңге. Аттракциондар, жазғы сахна, ойын алаңдары, су бұрқақ, автотұрақ салынатын құрылыс маусым айында бастаған болатын, енді он күнге жуық арада пайдалануға беріледі.– Шынында өте қуаныштымыз. Әрине, кентке сән беріп тұратыны сөзсіз. Дегенмен көктемнен қоңыр күзге дейін балаларды ойнату үшін Түркістан мен Шиелі шаһарына жол жүретін едік. Бұйырса, өз еншіміз өзімізде, ең бастысы, балалардың қуанышы ғой. Сауапты іске мұрындық болып жүрген басшылыққа алғысымыз шексіз, – деп Бейбіткүл апа қуанышымен бөлісті.Айта кететіні, кентте бұдан бөлек 3 мектептің құрылысы жүргізілуде. Соның бірі Н.Илялетдинов атындағы №169 мектептің құрылысы жақын күндері пайдалануға беріледі. 600 орындық ғимараттың ашылуын асыға күткен жаңақорғандықтар тек мектепке барар жолдың тротуары салынса деген ниетін жеткізуде. Бұл уақыттың еншісінде ең бастысы білім ордасына балалар тезірек кірсе болғаны. Тағы айту керек, жақын арада екі ауылда газ жүйесі іске қосылады. Бұл да ғаламат жобаның бірі.Сонымен қатар, кент тұрғындарының сан сауалы бар. Әсіресе ауыз су, көше жарығы, жаяу жүргінші жолы және т.б төңірегінде. Жаңақорған кентінің әкімі Асқар Ибрагимов арнайы брифингте осы сұрақтардың жауабын тарқатып берді. Әкім алдымен атқарылған істерге тоқталуды жөн көріп:– Биыл 29 шақырымды құрайтын кентішілік 29 көше орташа жөнделді. «Ауыл – ел бесігі» бағдарламасы аясын¬да Хорасан ата, А.Иманов, Түйменов, Қорғантоғай, Қ.Алдаберген көшесі мен Ипподром және Саяжай учаскесіндегі көшелердің орташа жөндеуіне рес¬публикалық бюджеттен берілетін трансферттер есебінен қаржы қаралды, – деді.Бірінші кезекте жөндеу жұмысы аяқталған көшелерден бастасақ, Ипподром 27 көшесі мен Қорғантоғай, Қ.Алдабергендегі жолдың құрылысын «Қызылорда жолдары» ЖШС жүргізсе, Саяжайдағы және Түйменов көшесін «Шиелі-Жолшы» ЖШС жауапты болды. А.Иманов көшесіне жөндеу жұмысын «Азрет-жол құрылыс» ЖШС жүргізді. Қазір орталық көшенің 95 проценті бітті. Ал кенттің күретамыры Хорасан ата көшесін орташа жөндеуді «Асфальт» ЖШС жүргізуі тиіс. Аталған мекемелердің техникалық бақылауына әр түрлі мамандар жауапты болғанымен, барлығының авторлық қадағалауына ДК «М.Мамуов» жауапты. Хорасан ата көшесінің жөнделуі қазан айының соңына дейін бітуі тиіс еді. Негізі барлық көшелердің жөндеу жұмысы маусым айына дейін белгіленді. Енді мұндай ауқымда көше жолы қашан жүргізілетіні белгісіз. Сондықтан сапаға мән беріп, стандартқа сай салу міндеті тұрды. Біз осы сұрақтың жауабын сұрадық.– Әрине жолдың сапасы бірінші орында тұруы тиіс. Техникалық бақылаушыларға осыған мән беруді тапсырдық. «Ауыл – ел бесігі» бағдарламасы бойынша республикалық бюджеттен бөлінген қаржы үнемделіп, Сығанақ, К.Бакирова, О.Бидашев көшесіне орташа жөндеу жұмысы жүргізіледі. Сондай-ақ «Жұмыспен қамту жол картасы» бағдарламасы шеңберінде кенттегі ұзындығы 14,1 шақырымды құрайтын 22 көшеге орташа жөндеу жүргізілуде, – деді Есдәулет Мырзадәулетұлы.Енді кентті көркейту жұмыстарына кезек берсек, «Елді мекендерді абаттандыру және көгалдандыру» бағдарламасы бойынша атқарылған жұмыстар көп. Бұл ретте, жаяу жүргіншілер жолы салынғанын айту керек. Бұл ұзақ жылдан бері өзекті мәселеге айналып келген-ді. Мұсаханов, Хорасан ата, Құрманғазы, Санатория-Жаңаауыл көшесінің бойынан тротуар салынып, тұрғындар бір қуанып қалды. Бас көшеге кент келбетін әсемдеп тұратын жаңа үлгідегі жарықтар орнатылды. Асфальт жүргізілмеген көшелерге тас төсеу жұмыстары жандандырылуда. МАИ бекеті 1, 7, 8, 9 көшеге тас төсеу басталса, Мұсаханов пен С.Қожанов көшесіндегі тозығы жеткен бағаналар заманауи үлгіде жаңғыртылады.– Осы істен шыққан бағаналарды қайта жөндеп, ретке келтіріп, бағанасы мүлдем жоқ Жанпейісов, сосын мазаратқа апаратын темір жол бойы секілді көшелерге қайта қойылады. Бұл тәжірибе жүзеге асты, Сығанақ көшесі, №110 мектеп-лицей алдындағы бағаналар ескірсе де, қайта жөнделіп, бүгінде кешкі жарыққа жарап тұр. Қысқасы Жаңақорған жаңарып, жаңғырып келеді, – деді әкім.Жалпы әкім берген мәліметтердің реттілігі осылай жүйеленді. Енді ел не дейді? Неге көңілі толмайды? Қандай мәселелер толғандырады? Соған тоқталсақ. МАИ бекетіндегі Қ.Алда¬берген көшесіндегі асфальт сапасы туралы әртүрлі әңгіме бар. Көшенің ені тар, жолдың сапасыз екені, әр жерден ауыз су құдығының қақпағы асфальттан биік болып тұрғаны көзге көрінеді. Осыны тұрғындар алға тартып жүр.– Негізі кентішілік жолдардың ені 5 метрден басталады. Ол рас, Қ.Алдаберген көшесі тар болып қалған. Көшенің сметасын былтыр жасап, енгізіп қойған. 5 метр етудің басты себебін ақша үнемдеу деп түсіндірді. Бұл қате негізі, басқа басқа, ол көше қазір МАИ бекетіндегі басты көшеге айналды, өйткені ол көшемен қоғамдық көлік те жүреді. Мен бұл жұмысқа араласа алмадым, өйткені кент тізгіні маған биыл берілді. Бірақ бұдан кейін жасалатын жолдардың ені кем дегенде 6 метр болады, – деді әкім.Газдандыру, ауыз су мен бағдаршам мәселесі аудандық тұрғын үй шаруа¬шылығы, жолаушылар көлігі және автомобиль жолдары бөлімінің міндетінде екені белгілі болды. Оны төл басылымының келесі санында тарқататын боламыз. Өйткені қарапайым бағдаршам мәселесін талапқа сай шеше алмау ұят нәрсе. Енді А.Иманов көшесінің бойындағы жолақты сызықтарға тоқталсақ. Бұл бір жолақты сызықтар көпке түсініксіз болуда. Көлік кептелісі көбірек орын алып, айыппұл арқалайтындардың саны арта ма деген пікірлер әлеуметтік желіде желдей есіп жүр. Өйткені Халық банк алдындағы бағдаршамнан бастап автовокзалға дейін қарсы бағытқа бұрылуға тыйым салынған.– Біз бұл сызықтарды дұрыс деп шештік. Өйткені жол апаты тәртіпсіздіктен орын алуда. Сондықтан тәртіпке бағынбасақ болмайды, бастапқыда бәрі осылай көрінгенімен, кейін үйреніп кететініміз рас, – деді кент басшысы.Қазір жүйіткіген көлік, әсіресе жастардың жылдамдықты шамадан тыс асыруы, масаң күйде көлік басқаратын жүргізушілер жиілеп кетті. Біз тұрғындардың ойын жеткіздік. Соған сай кент әкімінің жауабын бердік. Брифинг осысымен мәнді болғандай. Алдағы уақытта сала басшыларынмен брифингтер жалғасады. Қадірлі оқырман, қызықтырған сұрақтарыңызды жолдаңыздар, біз тиісті сала басшыларынан жауабын алып береміз.Аудан басшысының бастамасымен басталған жобаға жан бітіріп, көптің алғысына бөленген Марлен Қалилаұлы Жаңақорғанның тумасы. 2012- 2022 жылдары «Премиум Класс-Строй» ЖШС директоры болса, биылдан бастап «Азимут-М» мекемесіне басшылық етуде. Бізге маңыздысы тұрғындардың тілеуі орындалып, балалар қуанса болғаны. Ендеше, аз ғана уақыт ішінде кенттің келісті келбетіне куә боламыз.

Жаңақорғанда жарқын жобалар бар

​<a href="https://kyzylorda-news.kz/">Kyzylorda-news.kz.</a>&nbsp; 31 қаңтардан бері Қазақстан аумағынан жанар-жағармай өнімдерін заңсыз алып кетудің 288 фактісінің жолы кесілді. Бұл туралы Мемлекеттік кірістер комитеті хабарлайды.Қазақстан аумағынан бензин, дизель отынын және мұнай өнімдерінің кейбір түрлерін автомобиль көлігімен әкетуге тыйым салынған сәттен бастап мемлекеттік кірістер органдары мұнай өнімдерін үшінші елдерге заңсыз әкетудің 94 фактісін анықтады.Ол бойынша сот 1,5 млн теңгеден астам айыппұл салып, 2 341 литр бензин мен 25 335 литр дизель тәркіленді.ЕАЭО мемлекеттерімен шекарада 63 мың литрден астам (63 820 л) жанар-жағармай өнімдерін шығарудың 194 фактісі анықталды.Мемлекеттік кірістер комитеті жоғарыда көрсетілген тыйым (31.01.2023ж.) күшіне енген күннен (31 қаңтар 20236 жыл) бастап электронды декларациялаудың «АСТАНА-1» ақпараттық жүйесінде мұнай өнімдерін кедендік декларациялауға жол бермеу үшін тиісті шара қабылдаған.Осы шектеуге қатысты әкімшілендіру жұмыстары тұрақты негізде алты айлық тыйым кезеңінде жүзеге асырылады.<figure class="image"><img src="https://knadmin.beoblood.kz/uploads/230407113009140e_9d524ebc1f.webp" alt="230407113009140e.webp"></figure>

Қазақстаннан шетелге жанармай әкетудің 288 фактісі әшкере болды

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Шаған ауылының шаруалары егін егу қамына дайындық үстінде. Бүгінде диқаншылар ақ егісті болып та қойды. Енді Сырдың басты дақылы – күріш орналастыруға қамдануда. Мұндай жұмыстар «Шаған Жер» ЖШС-де қызу жүргізілуде.&nbsp;Осы ретте шаруалар үшін техникалық база аса маңызды болып саналады. Шаруашылық жұмысының жанданып, егіннен мол өнім алу үшін техникалардың сақадай сай болғаны маңызды. Осыны ескерген серіктестік басшылығы биыл жаңа техникалар алуға жағдай жасады.<blockquote>&nbsp;Ерте көктемде басталып, ала жаздайғы диқаншының маңдай терінің өтеуі –егінді төкпей-шашпай жинап алуы. Ол үшін техникалық базаның сақадай сай болуы шарт. Биылғы жылы серіктестіктің базасы кеңейіп, жаңа техникалар алуға мүмкіндік туды. Жер тегістеуге, егін егуге, оны жинауға тиімді, қуатты техникалар шаруашылыққа жеткізілді. Атап айтқанда, «Class Axion 820» маркалы 6 трактор, «Zoomlion 1604» маркалы 3 трактор, «Zoomlion 904» маркалы 3 трактор, «Case 4099» маркалы комбайн, жаңа түрік соқасы, «Class Lexion 750» маркалы 2 комбайн, 3 лазерлік жоспарлаушы, «Zoomlion 160» маркалы бульдозер, экскаватор тиегіш, телескоптық жүк тиегіш, дискілі тырма 4.5 метрлік және «MacDon» маркалы өздігінен жүріп шөп оратын машинаны шаруалар тізгіндейтін болады. Аталған техникалардың жұмысты жылдам әрі сапалы атқаруға мүмкіндігі мол, – дейді «Шаған Жер» ЖШС-нің директоры Жеңісбек Сыздықов. &nbsp;</blockquote>

«Шаған Жер» серіктестігіне жаңа техникалар жеткізілді

<a href="https://kyzylorda-news.kz/">Kyzylorda-news.kz.</a> Жаңақорған ауданында әрбір ауылға апарар жолдың жайы жақсарып келеді. Сыр беткей мен тау беткейдегі, Төменарық аймағындағы ауылдарға кіре беріс күретамыр жолдар жыл соңына дейін толық жөндеуден өтеді. Тек көше асфальттары ғана жөндеу күтетіні болмаса, қалған жолдар жүйеленуде. Сол секілді кейбір елді мекен кіретін көпірлер де биыл жөндеуден өткізілуде. Соның ішінде М.Нәлібаев ауылы мен Екпіндіге кіреберіс көпір бар. Енді, барлығы да жаңарып, жөндеуден өтті.&nbsp;Жалпы көпірдің қажеттілігін, әсіресе, өзен-көлдердің жағасындағы жұрт жақсы біледі. Яғни, көпірсіз өрісің тарылады. Біздегі көпірлердің маңызы ауылдан кіріп-шығатын көліктердің қатынауынан туындаған. Қалай десек те, көпірдің маңызы ауылдағы ағайынға аса маңызды. Пайғамбарымыз Мұхаммед (с.ғ.с) хадистерінде «Көпір салу – сауапты істердің ең үлкені» делінген. Міне, бұл біріншіден, жауапты атқамінерлерге міндет болса, екіншіден, өте сауапты іс.Алдымен Екпіндіге барар көпірдің ахуалына тоқталайық. Аудандық тұрғын үй коммуналдық шаруашылығы, жолаушылар көлігі және автомобиль жолдары бөліміне бардық.<blockquote>«Самара-ШымкентЕкпінді» аудандық мәндегі автомобиль жолындағы көпірді реконструкциялауға 2021 жылы республикалық бюджеттен 45000,0 мың теңге қаралып, мемлекеттік сатып алу жұмыстары жүргізілді. Нәтижесінде жұмыстарды орындауға «Ремстрой» ЖШС жеңімпаз деп танылды. Келісім шарт құны 107 348,5 мың теңге. 2021 жылы келісім шартқа сәйкес, айналма жолды салу, ескі көпірді бұзу, темірбетон қазықтарды қағу жұмыстары жүргізілді. 2022 жылы облыстық бюджеттен тиісті 59985,0 мың теңге қаралып, плиталарды орналастыру, арматура тоқып, бетон құю жұмыстары жүргізілді. 2022 жылдың тамыз айында жұмыстарды толық аяқтауға облыстық бюджеттен 6457,1 мың теңге қаралды», – деді жауапты маман Дәулет Оразалыұлы.</blockquote>– Бұл көпір 70-жылдары қашыртқы қазылған кезде салынған болатын. Алайда осыдан бірнеше жыл бұрын тозығы жетіп, жүруге жарамсыз күй кешті. Ауыл ақсақалдары бар, біріге отырып мәселені көтеріп келген едік. Міне, биыл шешімін тауып, көпір ел игілігіне берілді. Ауыл тұрғындары көпір қайта жөнделгеніне қуанышты. Енді көшелерімізді реттеп алсақ болғаны, – деді ауыл әкімі Қайрат Қожамжаров.Сол секілді Ақжол ауылына кіре беріс аудандық мәндегі автомобиль жолындағы көпірді реконструкциялауға 2022 жылы облыстық бюджеттен 32 454,0 мың теңге қаралып, сатып алу жұмыстары бірнеше рет жүргізілген. Нәтижесінде «Дәнекер құрылыс компаниясы» ЖШС-мен келісім шарт жасалынып, осы уақытқа дейін құрылысқа қажетті материалдар жинақталып, темірбетон бағаналарды қағу, айналма жолды жасау, ригель құю жұмыстары жүргізілді. Келісім шарт бойынша 2022 жылға қаралған 31098,1 мың теңге көлеміндегі жұмыстар 2022 жылдың қазан айының 20-сында орындалуына байланысты қосымша қаржы қаралғанша тоқтатылды деді бөлім қызметкерлері. Бұл көпірлер сыр беткейдегі ауылдарды аудан орталығымен байланыстыратын. Сонысымен маңызды-тұғын. Көпір берілгенге дейін айналма жол пайдаланылды. Айналма қара жол уақытты ұстаса, екінші жағынан, ондағы ескі көпір де жарамсыз күйге түсті.1972 жылы салынған көпірдің ұзындығы 20 метр, ені 12 метрді құрайды. Көпірде жарықтар пайда болып, жүк көтергіш қабілетті болмай, жарамсыз күйге түсті. 2018 жылы тәуелсіз сарапшылар «апаттық» деген қорытынды берді. Соның негізінде жоба-сметалық құжаттама әзірленіп, мемлекеттік сараптамадан оң қорытынды алынды. Жалпы сметалық құны – 214 миллион 547 мың теңге. Бұл жөнінде облыстық жолаушылар көлігі және автомобиль жолдары басқармасы мәлім етті.– «Жұмыспен қамту жол картасы» бағдарламасы аясында көпірді күрделі жөндеу жұмысына қаржы қаралып, құрылыс-монтаж жұмыстары басталды. Мердігері – «МСФ Мұнай кұрылыс» ЖШС. Қосалқы мердігері – «Нұрай-Ақжол» ЖШС. Келісім-шарт құны – 183,9 миллион теңге. Техникалық қадағалушысы – «SM ORDA GRUPP» ЖШС. Авторлық қадағалаушысы – «ТЕКА-Проект» ЖШС. Жыл басында Жаңақорған кенті мен ауылдық округтерді байланыстаратын маңызды көпір пайдалануға берліді, – деді сала маманы Жасұлан Мінжанов.Көпір салу – сауапты іс, халыққа берері мол игілікті жұмыс десек, Сыр мен қырды, аудан орталығы мен елді мекендерді жалғайтын көпірдің біткеніне ел дән риза.– Айналма жолмен қыс мезгілінде, жауын-шашын, қолайсыз ауа-райы кезінде қатынау қиын болды. Яғни жаңарықтықтардың ғана емес, Қыркеңсе, М.Нәлібаев, Өзгент, Қожакент, Аққорған, Келінтөбе, Қаратөбе, Қандөз, Көктебе ауылдық округі тұрғындарының ортақ мәселесі еді. Шынында, қатты қуандық. Енді көлік қозғалысы қалпына келіп, аудан орталығымен байланыс реттелді, – деді Жаңарық ауылдық округінің ақсақалдар кеңесінің төрағасы Мәжит Әліпбеков. ХХ ғасырдың 70-80 жылдары пайдалануға берілген көпірлер ескіргені анық. Сондықтан кейбір ауылдарда көпірді жөндеу мәселесі түйінді мәселеге айналған-ды. Аудан басшысы бұл мәселені жетік білгендіктен, кезең-кезеңімен шешімін табатынына сенеміз. Ескі көпірден жаңа көпірдің ерекшелігі жаяу жүргінші жолы қосылды. Әрі сапалы дейді мамандар.Жалпы алғанда, ауыл ішіне апарар жолдағы көпір көп ауылда жоқ. Санаулы ғана елді мекендер көпір қызметіне мұқтаж. Былтыр Сыр беткейдегі Жаңарық ауылының тұсындағы облыстық маңыздағы жол толық ретке келген. Енді биылдың өзінде екі ауылдың көнерген көпірі көгере бастады. Бұл да әлеуметтік мәселенің шешілгенін білдіреді. Тек, сапасы сын көтеруі тиіс. Бұл қадағалауды қажет етеді.

Жаңақорғанда көпірлер қайта жандануда

<a href="https://kyzylorda-news.kz/">Kyzylorda-news.kz.</a> Бірер күн бұрын қаладағы үлкен дүкендер мен супермаркеттердің әдеттегідей электронды төлем емес, бұрынғыдай қолма-қол есеп айырысып жатқанын естідік.&nbsp;Жұмыстан қайтарда күнделікті тұтынатын азық-түлік алу үшін бізде дүкенге бас сұққан едік. Банкоматтар мен кассаның алдында ұзын-сонар кезекке тұрғандар көп. Бұған дейін Kaspi.kz қосымшасы арқылы төлем жасап алып жүрген біз де банкоматқа кезекке тұруға мәжбүр болдық. Сатушыдан сұрағанымызда басшының тапсырмасымен QR код алынып тасталғанын, енді төлем тек қолма-қол жүргізілетінін айтты.Қарап отырсаңыз, өнімі өтімді, жұртшылық жиі келетін үлкен дүкендерде осы көрініс. Оның себебін салық төлемеудің амалы болар деп ойладық. Расында, солай болып шықты. Облыстық мемлекеттік кірістер департаменті өндірістік емес төлемдер басқармасының басшысы Гүлжамал Шортанбаева:<blockquote>– Қазір барлық банктен кәсіпкерлердің есепшотын сұратып жатырмыз. Оларды төтеннен тексеріп баруға құқымыз жоқ. Себебі мораторий жарияланған. Бұл мәселені қарастыратын боламыз,– деді.</blockquote>Бізде салыққа қатысты сан түрлі мәселе барын бұдан бұрын да айтқан едік. Ақпан айының соңында облыс әкімінің төрағалығымен өткен жиналыста көтеріліп, сала басшыларына тапсырма берілген болатын. Салықты төлеуден жалтарып, жанама жол табуға тырысатындарға тексеру күшеймек. Облыс бюджетінің негізгі кіріс көзі осы салықтан екенін ескерсек, онда экономикамыздың дамуына кері әсер етіп отырғанымызды түсіну қиын емес секілді.Қолдағы деректерге зер салайық. Өткен жылы жергілікті бюджеттің болжамы 104,1%-ға орындалып, бюджетке 79,9 млрд теңге түсім түскен. Түсімдердің өсімі байқалады. Десе де түйткілді мәселелер жоқ емес. Айталық, облыстың салықтық түсімі 68 млрд теңгені құраса, халық саны (833 531) біздің өңірмен шамалас Қостанай облысының (832 110) түсімі 144 млрд теңге, яғни 2 есе артық. Оның ішінде жалақыдан төленетін салықтардың сомасы Қостанайда 76 млрд теңге, облыста бар болғаны 44 млрд теңге немесе 32 млрд теңгеге аз. Алайда көрсетілген мәліметтерден тағы бірнәрсені ұғыну керек. Біздегі жалақы мөлшерінің мардымсыз болуы немесе ірі-ірі кәсіпорындардың аздығы да әсер етуі мүмкін.Статистика органдарының былтырғы мәліметінше, жұмыспен қамтылғандар саны 331 мың адам. Ал салық есептілігіне сәйкес жұмысшылар саны 249 мың адам, яғни, айырмасы 82 мыңды құрайды. Тағы да сандар арасындағы алшақтық едәуір. Бұл түрлі себептерге байланысты болуы мүмкін. Мәселен, статистикалық мәліметті өсіріп көрсету немесе өзін-өзі қамтығандар, маусымдық жұмыскерлер деген секілді. Облыстық мемлекеттік кірістер департаменті мамандарының есебінше, 50%-ға тең деп есептегеннің өзінде салық есептеріндегі орташа облыстық жалақы көлеміне сәйкес, 40 мыңнан астам адамнан ай сайын бюджетке 400 млн теңге өндірілмейді. Бұл – жылына 5 млрд теңгеге жуық қаржы түспейді деген сөз.Кәсіпкерлер неліктен табысын жасырады дегенге келейік. Бұл мәселе жайлы біз Қызылорда механикалық зауыты «Квант» ЖШС серіктестігінің директоры, облыстық қоғамдық кеңестің мүшесі Жаңабай Бекішевпен пікірлескен едік.<blockquote>– Өз басым салықтан жалтара алмаймын. Қазір бәрі ашық, көз алдыңда айқын көрініп тұрады. Цифрлық заманда картамен, аударма, QR код арқылы төлем секілді түрі көп. Қолма-қол төлем қабылдаудың кезеңі өтті. Кәсіпкерге қайта сол оңай. Бірақ жаңа шығып жатқан Салық кодексін біздің оқып, танысуға, салық түрлерін зерделеуге уақытымыз жоқ. Бізге неғұрлым тиімді тұсын ұсынса жетіп жатыр. Барлығын электронды түрде бір жүйеге түсіріп, арнайы бағдарлама енгізіп қойса, жеңіл болады. Түскен табысымыздың белгілі бір мөлшерін ғана төлейтіндей етіп ыңғайласа дұрыс. Оны сол банктен бірден ұстап қалса, тіпті тиімді. Жалпы елімізде кәсіпкерліктің дамуы неге өз деңгейінде емес? Бізге қаржы жағынан үлкен қолдау керек. Мемлекеттен берілетін қайтарымсыз грант дегенді тоқтату керек. Бұл – кәсіпкерлікті дамытудың жолы емес. Үкіметтен де ештеңе берілмеу керек. Кәсіпкерлерге ұзақ мерзімге аз пайызбен несие берілгені дұрысырақ. Мәселен, Сингапурда бес миллион ғана халық болса, онда 122 дербес банк бар. Олар ешкімге бағынбайды. Сондай жүйе керек бізге. Әйтпесе қаншама идеясы бар адамдардың қолын қаражат байлап тұр. Әлгіндей шетелдің дербес банктерін бізге көптеп кіргізсе, ұзақ мерзімге төмен пайызбен несие берілсе, кәсіпкерлік дамитын еді.</blockquote>Сонымен бірге кәсіп ашуда кедергілер де жоқ емес. Кәсіп бастау үшін алдымен жер немесе ғимарат керек. Оның барлығы айналып келгенде қаржыға тіреледі. Ғимарат салып, оның рұқсатын алу үшін де қаншама тер төгіледі. Бірінші кезекте осы мәселелерге жеңілдіктер жасалса, содан кейін ғана бізден талап етсе болады, – дейді кәсіпкер.Бір мәселенің шетін тартсаң, осылай тағы бірнешеуі шырмауықша орала береді. Мемлекет басшысы Қасым-Жомарт Тоқаев Парламенттің бірінші сессиясында сөйлеген сөзінде шағын және орта бизнестің бәсекеге қабілетін арттыру мәселесіне баса мән берілетінін айтты. Ол үшін бірыңғай кешенді бағдарлама әзірлеу қажеттігін де алға тартқан еді. Бизнесті дамытудың тың тәсілдерін әзірлеуді де тапсырды. Сондай-ақ, алдағы бесжылдық кәсіпкерлікті дамытуға бағытталатынын да жеткізді. Демек, жаңадан сайланған депутаттарға тағы бір жауапкершілік артылып отыр.Жоғарыда қозғалған тақырыпқа қайта ойысайық. Биылдан бастап кәсіпкерлер тұрмақ, мұғалім мен дәрігерлер де өзінің табысын көрсетуге міндеттелді. Олар жыл басынан декларация тапсыруда. Ендеше қарапайым кәсіп иелері табысы жайлы ақпарат беріп отырса, онда ірі-ірі сауда нүктелері, күнде кіріс көзі бар дүкен иелері табысын қалайша жасырады?Тағы да деректерге назар салыңыз. Салық кодексіне сәйкес, жеке тұлғалардың қарызын мәжбүрлеп өндіруді жеке сот орындаушылары ғана жүзеге асырады. Кірістер органы тарапынан жеке тұлғалардың көлік, мүлік салығынан берешектерін мәжбүрлеп өндіру үшін 22 мың жеке тұлғаның 638 млн теңге берешегі жеке сот орындаушыларға жолданыпты. Алайда, 12 мың адамның 263 млн теңгесі немесе 41% ғана өндіріліп, қалған 10 мыңының 375 млн теңге берешегі бірнеше жылдан бері өндірілмей келеді. Сондай-ақ, 1 млн теңгеден жоғары салық берешегі барлардың меншігінде мүліктер тіркелгенмен, оған шектеу қойылмағанын да айта кетейік.Негізі салық төлеуден жалтарып не жасырып-жабудың қажеті шамалы. Ойланып қарасаңыз, сол қаражат өзімізге қайтып келеді. Түскен сома әлеуметтік жағдайды жақсартуға, үлкен ғимараттар, мектептер, ауруханалар, түрлі мәдени нысандар салу үшін жұмсалады. Өңірдің өркендеп дамуына үлес қосқысы келген әрбір адам, мейлі ол кәсіпкер немесе қарапайым маман болсын, салықтан сырт айналмауы керек секілді.&nbsp;

Салық төлеу - міндет 

​<a href="https://kyzylorda-news.kz/">Kyzylorda-news.kz.</a>&nbsp; Әлеуметтік медициналық сақтандыру қорының Қызылорда облысы бойынша филиалының тұрғындармен есептік кездесулері жалғасуда. Қармақшы ауданы Жосалы ауылында өткен жиынға аудан әкімінің орынбасары Жұлдызхан Ерқосаев, «Әлеуметтік медициналық сақтандыру қоры» КЕАҚ облыстық филиалының директоры Бақыт Исмаханбетов, облыстық денсаулық сақтау басқармасы басшысының орынбасары Жангелді Шаймбетов, Қармақшы аудандық орталық ауруханасының бас дәрігері Бақытжан Нысанбаев қатысты.Қармақшы ауданы, Төретам, Ақай елді мекендерінің 17 мыңға жуық тұрғыны міндетті әлеуметтік медициналық сақтандыру жүйесінде сақтандырылмаған. Көбінесе 12 ай бойы төлемі жоқ белсенді емес халық, сонымен қатар жұмысшылар, жеке кәсіпкерлер. Жалпы аудан халқының шамамен 18 % МӘМС жүйесінен тыс қалды, деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.<blockquote>«Егер сізге шұғыл медициналық көмек қажет болса, тегін медициналық көмек қызметтері қолжетімді. Жоспарлы медициналық көмекті, жоғары технологиялық медициналық қызметтерді, оңалту емін, стационарлық көмекті, күндізгі стационарда емделу және тағы басқаларын алу үшін «сақтандырылған» мәртебесіне ие болу қажет. Облыс халқының 60 пайыздан астамы мемлекет жарна төлейтін 15 жеңілдікті санаттағы азаматтардың қатарында», - деп атап өтті Бақыт Исмаханбетов.</blockquote>Кездесуде ауыл тұрғындары спикерге бірқатар сұрақтармен жүгінді.МӘМС жүйесінің жеңілдікті санаттары қатарында Ауғанстандағы соғыс ардагерлері бар ма? Спикердің айтуынша, «МӘМС туралы» Заңның 26-бабына сәйкес зейнетақы төлемдерін алушылар, оның ішінде Ұлы Отан соғысының қатысушылары мен мүгедектері МӘМС жарналарынан босатылған. Егер Ауған соғысына қатысушының мүгедектігі болса, онда ол 15 жеңілдік санатына ие азаматтардың қатарына кіреді.Мен медициналық көмекке жүгінбеймін, бірақ жұмыс беруші жалақыдан МӘМС-ға ай сайын қаражат аударады. Не үшін? Осы сұраққа жауап бере отырып, Бақыт Исмаханбетов барлық қазақстандықтар үшін медициналық сақтандыру жүйесінің маңыздылығын атап өтті. Бірыңғай қазынадан 18 жасқа дейінгі балаларға, студенттерге, мүмкіндігі шектеулі адамдарға, АӘК алушыларға, марапатталған көп балалы аналарға және тағы басқаларға емделуге қаражат бөлінеді. Яғни, медициналық сақтандыру біздің туыстарымыз бен жақындарымызға да қажет.Егер қызметкер ұзақ мерзімді еңбек демалысына немесе жалақысы сақталмайтын демалысқа шықса, сақтандыру мәртебесін қалай жоғалтпауға болады? Спикердің айтуынша, МӘМС жүйесіндегі мәртебе соңғы жарнадан кейін үш ай бойы сақталады. Әрі қарай өзекті болып қалуы үшін жарнаны өткізіп алған кезеңдер үшін дербес төлеуші ретінде төлеу қажет. Биыл ай сайынғы төлем 3 500 теңгені құрайды.Кездесуді қорытындылай келе, ӘМСҚ-ның облыстық филиалының директоры Әлеуметтік медициналық сақтандыру қоры ең алдымен пациенттердің құқықтарын қорғауға бағытталғанын атап өтті. Егер сізде сұрақтар туындаса, өз емханаңыздағы Пациенттерді қолдау қызметіне жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot. Осы құралдар сақтандыру мәртебесін тексеруге мүмкіндік береді.&nbsp;Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;&nbsp; &nbsp;<figure class="image"><img src="https://knadmin.beoblood.kz/uploads/karmakshy_4_0d6687002a.jpeg" alt="кармакшы 4.jpeg"></figure>&nbsp;<figure class="image"><img src="https://knadmin.beoblood.kz/uploads/karmakshy_1_fcbc239692.jpeg" alt="кармакшы 1.jpeg"></figure>

Қармақшы ауданының тұрғындарымен кездесуде МӘМС жүйесінің өзекті сауалдарына жауаптар берілді

​<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен облыста жанар-жағар май нарығындағы жағдай туралы мәжіліс өтті. Жиынға облыстық басқарма, аумақтық департаменттер мен құқық қорғау органдары басшылары, онлайн режимде қала, аудан әкімдері қатысты.Аймақ басшысы Қазақстан мен көрші елдер арасындағы баға айырмасын төмендету үшін 12 сәуірден бастап жанар-жағар май бағасының көтерілуі жоспарланғанын атап өтті. ҚР Энергетика министрлігі таратқан хабарға қарағанда, литрі 182-187 теңгеден саудаланған АИ-92 және АИ-95 маркалы бензинінің бағасы 205 теңгеге дейін, 230 теңгеден сатылған дизель отынының бағасы 295 теңгеге дейін көтерілуі болжануда.Облыстық кәсіпкерлік және өнеркәсіп басқармасының басшысы Қамбарбек Мүбараков жанар-жағар май бекеттерінің жұмысы мен ондағы қор туралы баяндады. Қазіргі таңда өңірде 32 күнге жететін АИ-92 маркалы бензині және 15 күнге жететін дизель отыны қоры бар.Жауапты мекемелерге жанар-жағармай тапшылығының алдын алуды, оны сыртқа тасымалдап сатуды болдырмау үшін тұрақты мониторинг жасау, бензин мен дизельдің еркін босатылуын қамтамасыз ету тапсырылды.<blockquote>«Компаниялар арасында бағаны арнайылап көтеру келісіміне жол берілмеуі керек. Бағаның жоспарлы өскеніне қарамастан, кәсіпкерлік субъектілері жанар-жағар майды белгіленген баға бойынша уақытылы өткізуге міндетті. Монополияға қарсы заңдылықтар түсіндірілуі тиіс. Мұндай жағдай орын алса, жауапкершілігі қаралатынын ескерту қажет. Көктемгі егін егу науқаны басталатын, тіршілік атаулыға жан бітетін кезде жұмыстың барлығы айналып келгенде жанар-жағар майға тіреледі. Сондықтан қолдан дефицит жасамауымыз керек», – деп ескертті Нұрлыбек Машбекұлы.</blockquote>Жиын барысында облыстық ауыл шаруашылығы басқармасына көктемгі егін жұмыстарына дайындық барысында шаруашылықтармен кері байланыс орнатып, орын алуы ықтимал мәселелерді жедел түрде шешу жүктелді. Облыс әкімінің бірінші орынбасары Серік Қожаниязовтың жетекшiлiгiмен арнайы штаб құрылды. Штаб құрамында облыстық кәсіпкерлік және өнеркәсіп басқармасы, бәсекелестіктi қорғау және дамыту мен мемлекеттік кірістер департаменттері және құзырлы органдардың өкілдері болады. Штаб қала, аудан әкiмдiктерiмен бiрлесiп, жанар-жағармай бағасы мен қажетті қорына күнделікті бақылау жасап, тиісті шараларды қабылдайды.<figure class="image"><img src="https://knadmin.beoblood.kz/uploads/339274046_1546696525856725_5738028905887635013_n_6940d6567b.jpg" alt="339274046_1546696525856725_5738028905887635013_n.jpg"></figure>&nbsp;<figure class="image"><img src="https://knadmin.beoblood.kz/uploads/339272476_1621235165046045_8312866165833303330_n_ab41db3254.jpg" alt="339272476_1621235165046045_8312866165833303330_n.jpg"></figure>&nbsp;<figure class="image"><img src="https://knadmin.beoblood.kz/uploads/339188148_1261792834469477_5574444854825393287_n_97c347544a.jpg" alt="339188148_1261792834469477_5574444854825393287_n.jpg"></figure>&nbsp;<figure class="image"><img src="https://knadmin.beoblood.kz/uploads/339296591_983039099525564_3981911591419532638_n_e9adb02b59.jpg" alt="339296591_983039099525564_3981911591419532638_n.jpg"></figure>

Қазақстан және Қызылорда облысының жаңалықтары