<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Асылбек Шаменов, қалалық мәслихат төрағасы Ибадулла Құттықожаевпен бірге Сыр аймағына белгілі құрылысшы, Қызылорда қалалық мәслихатының депутаты Мұса Жақыпұлы Әбдіқалықовты 60 жасқа толу мерейтойымен құттықтап, облыс әкімінің құттықтауын жеткізіп, «Құрмет» грамотасын табыстады.&nbsp;Салтанатты қабылдау барысында Мұса Жақыпұлына қалалық мәслихат төрағасы Ибадулла Дүйсенбайұлы, құрылысшы Бақдәулет Ысқақов, қалалық мәслихат депутаты Бейбіткүл Кәрімова құттықтау лебіздерін білдіріп, еңбектерін атап өтті. &nbsp;Мұса Жақыпұлы − Қазақстан Республикасының «Құрметті құрылысшысы», Қызылорда қаласының «Құрметті азаматы», Сыр өңірінің әлеуметтік-экономикалық дамуына, тұрғын-үй құрылысы саласының өркендеуіне сүбелі үлес қосып жүрген азамат. М.Әбдіқалықов «Жомарт жүрек» номинациясының иегері, көптеген қайырымдылық істің бастамашысы болған кәсіпкер. Ол он &nbsp;жылға &nbsp;жуық &nbsp;мүмкіндігі шектеулі бала тәрбиелеп отырған он отбасыға тұрақты түрде әлеуметтік көмек көрсетіп келеді. Қызылорда қалалық мәслихат депутаттары да мерейтой иесі Мұса Жақыпұлына ілтипат көрсетіп, атаулы күнд арнайы құттықтауларын жеткізді.

Құрметті құрылысшы Мұса Әбдіқалықов - 60 жаста

<a href="https://kyzylorda-news.kz/">Kyzylorda-news.kz.</a>&nbsp; Өмір жолы адал еңбекпен өріліп, ұрпақ тәрбиелеу ісінде қалтқысыз қызмет атқарып келе жатқан жандар елдің өсіп өркендеуіне үлес қосып, саналы да сауатты ұрпақтардың бой түзеуіне жәрбемші болып келеді. Сондай білім-білігін аямай келе жатқан Жақсықылыш кентінде тұратын тәрбиешілер Іңкәр Абилова мен Нұрила Аймурзаева бүгінгі тақырыпқа түздық болмақ.&nbsp;Көпшіліктің назарына іскерлігімен іліккен тәжірибелі тәрбиешілер жайында әңгіме өрбітуді жөн көрдік. Біз әңгімеге арқау еткелі отырған Іңкәр Айдынқызы Әбілова 1968 жылдың 5 ақпанында дүниеге келген. 1983 жылы Қызылорда қаласындағы музыка училищесіне қабылданып, оқу орнын 1987 жылы «Хор дирижері, жалпы мектептің музыка пәні оқытушысы, балалар музыка мектебінің сольфеджио мұғалімі» квалификациясын алып шығады. Еңбек жолын 1987 жылы Қармақшы ауданында балалар музыка мектебінде сольфеджио мұғалімі болып бастайды. Кейін Арал ауданының Жақсықылыш кентіне қоныс аударып, аудандық балалар музыка мектебінің филиалында балаларға сольфеджиодан дәріс беретін &nbsp;мұғалім болады. Сол бір жылдары аталған мектептің жабылуына байланысты «Аралтұз» АҚ жанындағы тігін цехында тігінші болып еңбек етеді. Бар білім-білігін балаларға арнауды мақсат еткен абзал жан 2006 жылы кенттегі «Мерей» балабақшасында музыка жетекшісі болып жұмыс істеген. Қазіргі таңда «Асылым» жеке бөбекжай балабақшасында музыка жетекшісі болып қызмет етуде.&nbsp;<blockquote>– Бар білімнің негізі балабақшадан қаланатыны белгілі. Бүгінде «Асылым» жеке бөбекжай балабақшасында 7 топта 140 бүлдіршін &nbsp;тәрбиеленуде. Ертеңгі елдің тұтқасын ұстайтын балалардың жан-жақты болуы үшін әріптестерім &nbsp;абыройлы еңбек етуде. Олар балалардың өне-бойына адалдықты, үлкенді сыйлауды, кішіге қамқор болуды басты мақсат тұтып, талап үдесінен табылуда, – дейді балабақша тәрбиешісі Іңкәр Абилова.</blockquote>Іңкәр Айдынқызының балаларды өнерге баулудағы рәтті еңбегі де ескерусіз қалған емес. Әр жылдары балабақша бүлдіршіндерін түрлі аудандық, облыстық, республикалық байқау, конкурстарға дайындағаны үшін, «Үздік әуез жетекшісі» аудандық және «Жас толқын» жасөспірімдер мен балалар шығармашылық байқауында және «Ақын – халықтың жүрегінде» атты республикалық шығармашылық және өнер байқауында шәкірт дайындап және де басқа көптеген байқау, конкурстарда белсенділік танытқаны үшін Алғыс хаттармен, Құрмет грамоталарымен, дипломдармен марапатталған. Сонымен қатар 2021 жылы отбасы күніне орай «Мерейлі отбасы» ұлттық онлайн конкурсына және «Ақ жаулықты асыл әже» байқауына да қатысып, мерейі үстем болған. Жас ұрпақты өнер әлеміне жетелеп жүрген білікті тәрбиеші өткен жылдан бері «Әжелер» ансамблінің белді мүшесі.&nbsp;Қызметімен қатар отбасының бабын тауып отырған Іңкәр жолдасы екеуі 5 бала тәрбиелеп өсіріп, үш қызын құтты орнына қондырған бақытты жандар. Ұлы Иманжүсіп С.Нұрмағанбетов атындағы құрлық әскерлері әскери институтының 3 курс студенті, кішкентай ұлы Мұхаммеджан кенттегі №19 орта мектебінде 7 сыныпта оқиды.<blockquote>Тәрбиеші-педагогтың тынымсыз еңбегін қандай сөзбен өрнектесек те аздық ететіндей көрінеді. Әрбір шаңырақты шаттыққа кенелткен бүлдіршіндердің қылығына төзіп, еркелігін көтеріп, тәлімді-тәрбие беру төзімділік пен парасат-пайымды қажет ететіні сөзсіз. Ұлы кемеңгер Абай Құнанбаев «Адамның адамгершілігі жақсы тәрбиеші-ұстаздан болады» деген екен. Осындай талап биігінен табылып жүрген өз ісінің нағыз маманы – Нұрила Аймурзаева.&nbsp;</blockquote>Абзал жан Нұрила Кемалқызы 1969 жылы 25 тамызда Жақсықылыш кентінде өмірге келген. 1986 жылы кенттегі №19 орта мектебін бітірген соң, «Аралтұз» комбинатында еңбек жолын бастайды. Содан кейін 1989 жылы Алматы қаласындағы №1 педагогикалық училищеге &nbsp;оқуға түсіп, 1991 жылы аталған оқу орнын ойдағыдай тәмамдайды. Сөйтіп жас маман Алматы қаласындағы «Азамат» балабақшасына тәрбиеші болып орналасады. &nbsp;Сонау 1994 жылдан бастап Жақсықылыш кентіндегі «Мерей» балабақшасында тәрбиеші болып абыройлы еңбек етеді. Кейін аталған балабақшаның жабылуына байланысты «Асылым» жеке балабақшасына тәрбиеші болып жұмысқа қабылданады. Отыз жылдай уақытын бүлдіршіндерге арнаған жан өз мамандығын мақтаныш тұтады.&nbsp;Нұрила Кемалқызы ата жұрттан өз бақытын кезіктіріп, отбасын құрды, ұрпақ өрбітті. Жолдасы екеуі үш ұлдың ата-анасы атанды. Еңбек жолын балабақшадан бастап, тәжірибе жинақтады, қарым-қабілетін байқатты. Ол тәрбиеленуші бойына білім нәрін меңгеруіне, жан-жақты дамуына, өскелең ұрпақ тәрбиелеуде, өрелі жұмысы мен өлшеусіз еңбектері үшін арнайы дипломдармен, Алғыс хаттармен марапатталып келеді. Сондай-ақ үнемі балалармен, ата- аналармен көптеген жұмыстар атқарып, ұжымның беделін көтеруге күш салуда.<blockquote>Білімді тәрбиеші Нұрила Аймурзаеваның ұйымдастырған ашық сабақтары көптің есінде. Бұл туралы топтың ата-анасы: «Біздің балалар апайын жақсы көреді. Оны балабақшаға асыққан баланың көңілінен аңғарамыз. Ашық сабақтарға жиі келеміз. Тамаша көріністермен әрбір шара көрерменнің есінде мәңгі қалып қояды», – деп ерекшелігін сөзге қосты. Білікті әрі тәжірибелі тәрбиеші Нұрила Кемалқызы өз сөзінде: "Ақын М.Жұмабаев: «Тәрбие – адам баласын кәміл жасқа толып, өзіне-өзі қожа болғанша азық беріп өсіру» деген екен. Сондықтан біз балаларымыздың болашағына,тәрбиесіне жауапты жандармыз",– дейді ағынан жарыла.</blockquote>Тәрбиеші – балабақша тірегі. Бала жанының бағбаны қандай болса, өскелең ұрпақ солай өнеге алып өседі. Солай болған соң, ең алдымен балабақшаға керегі – озық педагогикалық методиканы меңгерген, сауаты жоғары, тәлімді тәрбие бере алатын тәрбиеші.<figure class="image"><img src="https://knadmin.beoblood.kz/uploads/f8649b7c_789c_4105_b899_5e854a8f8e20_6c1b3ca7e6.jpg" alt="f8649b7c-789c-4105-b899-5e854a8f8e20.jpg"></figure>&nbsp;<figure class="image"><img src="https://knadmin.beoblood.kz/uploads/256b0c02_33ef_403e_a270_8dc0254011b9_19241b5815.jpg" alt="256b0c02-33ef-403e-a270-8dc0254011b9.jpg"></figure>

Алғысқа бөленген тәрбиешілер

<a href="https://kyzylorda-news.kz/">Kyzylorda-news.kz.</a>&nbsp; Қазақта «Әрекетке берекет» деген сөз бар. Шын мәнінде табанды еңбек еткеннің нсібесі мен ырысы мол болатыны белгілі. Қоғамда белгілеп алған мамандығы болмаса да ел қатарлы отбасында ұл-қыз тәрбиелеп, жоққа сабыр, барға шүкір етіп, азды ұқсата білген жай ғана шаруа адамдары қаншама. Бірі күзетші, бірі күтуші, бірі &nbsp;тазалықшы бола жүріп, адал еңбекпен тапқан нанын ұрпағының аузына салып отырған адамдар. Солардың бірі Балкенже Дәрібаева. Ол тазалықшы болып еңбек ете жұріп 7 баланы жеткізген батыр ана. &nbsp;Ол көркем мінезімен көпке құрметті болған жан. Әулетте үлгілі келін, ұжымда сыйлы әріптес, ең бастысы ұрпағына адалдық дәнін себе білген ақылшы ана. Балкенже Дәрібаева 1976 жылы Арал қаласында өмірге келеді. Арманы асқақ, алға қойған мақсаты айқын ару адамның емес, Алланың әмірі мықты екендігін сол сәтте сезінді. Ол 18 жасында жолдасы Досболатпен жарасым тауып, шаңырақ көтерді.&nbsp;<blockquote>– Отбасылық өмірге ерте аяқ бастым. Мүмкін бұл маған Алланың бұйыртқан батпандай бағы шығар. 1994 жылы Досболат екеуміз отау құрдық. Осылай үлкен әулеттің келіні атандым. Шаңырақта ене бағып отырған жайымыз бар. &nbsp;Келін, әйел, ана болған соң көп жылдар қазан-ошақтың маңынан ұзап кете алмадым. Мен үшін ең бірінші орында әркез отбасым тұрады. Жолдасым біздің бар қажетімізді өтеп отырды. Ол еңбекқор жан. Қазір мал шаруашылығын қолға алды. Бұған дейін де еңбектен қол үзбей әр түрлі жұмыстар істеп жүрді, – деген Балкенже отбасылық өмірі жайлы сыр шертті.&nbsp;</blockquote>Осылайша Балкенже 7 баланы өмірге әкелген батыр ана атанды. Балалар өзді-өзімен бола бастаған соң еріне болысып еңбек еткенді жөн деп тапқан ол қаладағы Халыққа қызмет көрсету орталығына тазалықшы болып жұмысқа орналасады. Қазір он жылдан артық еңбек өтілі бар. Ұжымнан ойып орын алған жан.&nbsp;<blockquote>– Ұжымдастарым мені ең бірінші батыр ана деп құрмет тұтып қолдайды. Әсіресе басшымыз Лаура Қолғанатқызы аудандық, облыстық марапаттарға ұсынып, іс-шараларға қатыстырып, демеу білдіріп отырады. Соған қарап өзім де марқайып қаламын. Маған қарапайым тазалықшы деп қарамайды. Қазір өзім де ештен кеш жақсы деп бір мамандықты меңгергенді жөн деп тауып, сырттай негізде іс-қағаздар жүргізуді оқып жатырмын, – деді Балкенже.&nbsp;</blockquote>Иә, оның отбасы мен қоғам өмірін ұштастыра білген еңбегі әркез ескерусіз қалған емес. Өткен жылы облыста өткен аналар форумына аудан атынан қатысты. Аудан әкімінің Алғыс хатымен марапатталды. Әрбір мереке күндері құрмет төріне көтеруді басшылық назарда ұстап келеді.&nbsp;<blockquote>– Қазақта «бір қозы туылса, бір түп жусан артық шығады» деген жақсы тәмсіл сөз бар. Әр баланың несібесі бар деп ырымдайтын халықпыз. Менің де әр баламның перзенттік тілегі шығар. Аллаға шүкір, елден артық та, кем де емес өмір сүріп жатырмыз. Қазір 3 балам аяқтанып кетті. Үлкенім Шерхан отбасын құрды. Екі немерем бар. Онан кейінгі ұлым Бақыт жуырда шаңырақ көтерді. Қызым Данагүлді құтты орнына қондырдық. Қалған балалар Сабина, Гүлзаида, Ерасыл, Инабат мектеп қабырғасында оқушы. Баламен жетіліп, жетісіп, құда-жекжат, екі келінге ене, немереге әже болып отырған жайым бар, – деді кейіпкеріміз.&nbsp;</blockquote>Қазақ қоғамында батырлығымен де, даналығымен де дараланған қыз-келіншектер баршылық. Біз көбінде басшылар мен лауазымды жандардың үлгі етуге тырысамыз. Ал біздің кейіпкеріміз Балкенже Дәрібаева сынды нағыз еңбек адамдары тасада қалып жататыны өкінішті. Міне, біз бүгін қарапайым тазалықшының көпке үлгі болар бейнесін танытуға тырыстық. Ол ешкімге өкпе артып, өкініш білдірмейді. Қиындықтан өтті. Жақсылыққа жетті. Оның бәрі жоққа сабыр, барға шүкір еткендіктің нәтижесі. Қазақ әйелі деген қастерлі ұғымның өмірдегі сипаты әсілі осындай болса керек.<figure class="image"><img src="https://knadmin.beoblood.kz/uploads/3799c848_68e5_4299_b2f0_e934722b4289_cae29febee.jpg" alt="3799c848-68e5-4299-b2f0-e934722b4289.jpg"></figure>

Жеті баланы адал еңбекпен жеткізген ана

<a href="https://kyzylorda-news.kz/">Kyzylorda-news.kz.</a> Қай заманда да адамды адам еткен еңбек десек, сол еңбектің арқасында өз кәсібін жолға қойған жандар қатары ауданда да жетерлік. Ал енді, кәсіпті жаңадан бастаймын деген жан үшін де мемлекеттен беріліп жатқан мүмкіндіктер көбейіп келеді. Бұл, әрине, кәсіптің арқасында өз-өзін жұмыспен қамтушылар үшін таптырмас мүмкіндік. Сондай мүмкіндіктерді пайдаланған жандардың бірі – Сәуле Елемесова.Ол бүгінде тозығы жеткен үй жиһаздарын жаңа етіп қалпына келтірумен және көлік салонын түрлі деңгейде қаптау ісімен айналысады. «Бастау-Бизнес» жобасының 2019 жылғы түлегі саналатын кәсіпкер Сәуле озық идеясы мен кәсіпке деген ынтасының арқасында мемлекеттік грант иегері атанып, 500 мың теңгеден астам қаржылай қолдауға ие болды.Бала кезінен тігінге қызығушылығы оянған кейіпкер, тігінді бизнеске айналдырсам деген ойынан еш айныған емес. Тіршіліктің қалың шаңынан бір сәт арылып, қолы қалт еткен кезде ол өзіне ине мен жіпті және тігін машинасын серік етті. Келе-келе үй жағдайында тозығы жеткен түрлі жиһаздардың маталарын жаңадан алмастыруды кәсіпке айналдырды. Көзін тапқанға бұл да кәсіп.<blockquote>Әдетте үйлерде тозығы жеткен орындықтар мен өзге де үй жиһаздарын көріп жүретін кездер болады. Тіпті сондай мүліктердің қоқыста жатқандары қаншама?! Сүйектері сау, тек қаптауды қажет ететін сол жиһаздарды қайта қаптаса, сәні келері сөзсіз. Менің бұл жұмысым мүлікті жаңадан сатып алғанға қарағанда, әлдеқайда тиімді деп ойлаймын. Сонымен қатар өзім жеңіл көліктердің ішкі бөліктерін қаптаумен де айналысамын. Орындық, есік, төбе сынды көлік салонын қаптау мен үшін үйреншікті жұмыс. Тапсырыс түссе уақытылы орындап, қалған уақытта өз көлігіммен такси боламын. Негізі, мына заманда қолы қимылдағанға тіршілік табылады. Тек икемін тауып, қиюын келістіру керек, – дейді Арал қаласының тұрғыны Сәуле.</blockquote>Кәсіпкер алдағы уақытта өзінің жиһаз құрастыратын, тапсырыстар қабылдап, өнім өндіретін өзінің кәсіпкерлік нысаны болғанын қалайды. Негізі, үлкен жұмыстардың өзі кішкентай кәсіптен басталатынын жақсы түсінетін ол, алдағы уақытта мемлекеттен берілетін төмен пайыздық несиеге қол жеткізсе, ойда жүрген жобасын жүзеге асыруға ниетті. Өйткені ол қай істе де бастысы талап, қалғаны еңбекпен келетін жетістік екенін жақсы түсінеді.

 Кәсіпкерлік – өрісі кеңейген сала

<a href="https://kyzylorda-news.kz/">Kyzylorda-news.kz.</a>&nbsp; Арал ауданынан қарасты Қаратерең деген ауыл бар. Кезінде теңіз тулап, шағала шулап жатқанда сол теңізді іргелей орын тепкен. Тарихы терең ауылдың бұрындары &nbsp;әкімі болған Құдабай Жиенбаев бұл ауылдың бір кездері атағы дардай әлемге танылған ұшқыштардың мекені болғандығы туралы мынадай қызық деректі &nbsp;баяндаған екен:<blockquote>&nbsp;Бұл ауылдан шыққан кеме капитандары мен ұшқыштар өте көп. Оған себеп те бар. Бала не көріп өссе соны арман етеді емес пе?! Осы екі мамандық иелерінің көп болуы да сондықтан болар. Жағалауды соғып, ақ бұйра толқыны арнасынан асып жататын теңіздің толысқан шағында мұнда талай кеме тұрақтап, қайтадан айдынды бетке алды. Жағадан алыстап қара нүктеге айналып, одан әрі көзге көрінбей кеткенше қол бұлғап тұратын балалық сезім сол кемелерде қиянға кетіп бара жататын. Ал ауылдың төбесін айналып, келіп-кетушілерді көкке көтерген АН-2 ұшағы теңіз бетімен жүзіп кеткен аппақ арманды көкке көтеріп ала кететін, - деді ол.</blockquote>Қаратереңдік ұшқыштар жайлы дерек тек бұл ғана емес. Осы ауылдан түлеп шыққан филология ғылымдарының докторы, профессор, көрнекті журналист Бауыржан Омарұлының «Үлкен үшеудің үлгісі» атты мақаласын «Арал қойнауындағы біздің ауыл барша жұртқа көкте самғаған ұшқыштарымен танымал. Шетінен ұшқыштың оқуын бітірген Қаратереңнің қайсар жігіттері қалт-құлт еткен АН-2-ден бастап, құлашы кең, әукесі әйдік әуе кемелерін ерттеп мініп, жер түбіне айдап кете береді. Бұлар тек ұзын тұмсық ұшақты ғана емес, жайынбас тікұшақты да шырқ үйіреді. Бетін аулақ қылсын, теңіз беткейінде әлдеқандай бір жағдай бола қалса, тәуекелге бел байлап, алдымен жететін де солар. Ал енді бүгінде осы теңіз қолтығындағы Қаратереңнің «Миминолары» жөнінде көпшілік жақсы біледі» деп бастауы да Қаратереңнен шыққан қырандар жайлы сөзімізді салмақты ете түсіп отыр.Қаратереңдік ұшқыштардың шоқтығы биік. Мәселен, Қайбалды Әбжамиұлы Орынбаев «Жыл адамы» атанған. Қазақстан авиациясы саласында алғашқы болып «Жыл адамы» атанған азамат біздің жерлесіміз. Мұнан бөлек Әбжами Тлеулесов – ССРО аэропортының үздігі, еңбек сіңірген әуе қызметкері, экономика ғылымының докторы, халықаралық информатизация академиясының академигі. Ол 12 типті әуе ұшағын меңгерген, «Академик И.Юзвишин» медалімен марапатталған. Ал Дулан Дәрменов – азаматтық авиацияның 1 класс, жүк тасу авиацияның 4 класс ұшқышы. 1976 жылы есімі Қазақ ССР-нің «Алтын құрмет» кітабына енген.Бұл біздің аузымызға түскендері ғана. Мұнан бөлек аспан мен жердің, ел мен елдің арасын жалғаған әуе шеберлері Қаратереңнің төрінен шыққаны барша аралдықтар үшін үлкен мақтаныш.

Қаратерең – ұшқыштар шыққан ауыл

<a href="https://kyzylorda-news.kz/">Kyzylorda-news.kz.</a> Жайма шуақ жаз мезгілінің басталуына да санаулы күндер қалды. Бұл кезеңде көпшілік демалысқа шығып, саяхаттауға тырысады. Бірі отбасымен, келесілері достарымен, кейбіреулері жалғыз жүгін жинап жолға шығуға қамданады. Дұрыс-ақ, демалғанға не жетсін?! Алайда, өз еліміздің көрікті жерлерін көруден гөрі шет ел асып, өзге мемлекеттің кереметтерін тамашалауға асығатындардың көптігі көңіл қынжылтады. Бұған себеп те жоқ емес. Өйткені, Қазақстанда көрікті жерлерге барып демалуға әлі де жұрттың қолы жете бермейді. Ал қолы жеткендер: «Бағасына қызмет көрсету сапасы сай емес» деп қапаланды.&nbsp;Қазіргі таңда әлем бойынша ішкі жалпы өнімнің 10%-ы туризмнен түсетіні белгілі. Бұл әлемнің дамыған елдері қызмет көрсету саласының кілтін таба білгенін аңғартады. Кейінгі жылдары елімізде де туризм саласына ерекше көңіл бөлініп келеді. Осы орайда оқырмандарға «Қазақстанда демалу қалтаға қонымды ма? Көрікті жерлерімізге келушілер қатары неге көп емес?» деген сауал жолдаған едік.Шынар КҮНДІЛДА: Туризм – табыс көзіЖуырда Мемлекет басшысы Қасым-Жомарт Тоқаев VIII сайланған Парламенттің бірінші сессиясында ел дамуына үлес қосатын бірнеше маңызды бағытқа тоқталып, соның ішінде Үкімет пен Парламент туризмді дамыту мәселесіне баса назар аударуға тиіс екенін жеткізді. «Тағы бір маңызды мәселе. Үкімет және Парламент туризмді дамыту мәселесіне баса назар аударуға тиіс. Еліміздегі туризмнің әлеуеті зор, көрікті жерлеріміз өте көп. Бірақ, сол жерлерге барып, демалуға әлі де жұрттың қолы жете бермейді. Бұл салаға тың серпін беру үшін, ең алдымен, инфрақұрылым мәселесін кешенді түрде шешіп, қызмет сапасын түбегейлі жақсарту қажет. Кәсіпкерлер туризмнің болашағы зор екенін көруі керек. Сол үшін қажетті жағдайды жасаған жөн. Осы салаға салынған жеке инвестицияның көлемі, іштен және сырттан келген туристердің саны неғұрлым көп болса, жұмыстың нәтижесі де соғұрлым тиімді болмақ», – деді президент.Өзім Қазақстанның көптеген жерлерінде болдым. Туған жердің тамаша табиғатына көз тояды. Қалтаға аса салмақ түсірді дей алмаймын. Дегенмен халықтың жағдайы әртүрлі. Президент тапсырмасында айтылған мәселелер орындалса, елдегі туризм айтарлықтай дамиды. Туризм ол үлкен табыс көзі. Сондықтан туризм саласындағы кәсіпкерлер бірден күреп табам деп емес, халықты қалай өзіне шақыруға болатындығын ойлау керек.Самал ЕРБОЛҚЫЗЫ: Қызмет көрсету сапасы ақсап тұрҚазақстанның туризмін шетел туризмімен салыстыруға мүлде келмейді. Отбасымызбен Түркияның Анталия қаласына бардық. Кемер деген жерінде дамалдық. Ал Қазақстанда Шымкентте «Тау самалында», Бурабайда, Ақтау, Сарыағаш, Қапшағайда болдық. Айырмашылық өте көп. Мәселен, Бурабайда отбасымен үш күн демалатын қаржыға Түркия жерінде бір апта демалдық. Қазақстанда сервис бағасына тұрмайды. Қызмет көрсету сапасы ақсап тұр. Сол себепті ел шет елге кетеді.Бізде бұл сала енді-енді дамып келе жатыр деп айтуға болады. Біздің елдегі негізгі байлық бұл табиғат екені сөзсіз. Сондықтан табиғат аясындағы саяхатқа, экологиялық туризмге баса назар аудару керек сияқты. Менің ойымша туризмді дамытудағы барлық фокусты табиғаты әсем жерлерге, яғни Алматы, Ақмола, Маңғыстау, Шығыс Қазақстан сынды аймақтарға аудару керек. Әзірше еліміздегі тек осы аймақтар ғана көркем табиғатымен шетелдік туристерді тарта алады деп ойлаймын.Ұлхан ӨТЕГЕНОВА: Отандық туризм орташа деңгейдеЖалпы, туризм саласы елімізде енді дамып келе жатыр ғой. Сондықтан бұл саланың кемшіліктері жеткілікті. Алайда 4-5 жыл бұрын бізде туризм деген түсінік тек шетелге шығумен ғана байланысты болғанын айту керек.Қазақстанның туризмін Түркия, БАӘ, Мысыр, Тайланд секілді елдермен салыстыруға келмейді. Себебі бізде жазғы туристік маусым өте қысқа. Алакөлде шомылу маусымы бар-жоғы бір жарым, екі ай ғана. Сол екі айдың ішінде демалыс орнының иесі, туроператор, турагент, тасымалдау компаниясы барынша пайда тауып қалуға тырысады. Сондықтан да баға қымбаттайды. Мысалы, жазғы шомылу маусымында адамдар Алакөл, Каспий, Балқаш пен Бурабайға ағылады. Сұраныс артқаннан кейін демалыс орнының иесі бағаны көтереді. Себебі оның демалыс орны 9 ай бос тұрды.Ал демалыс орнының басшылығы клиенттерге сапалы қызмет көрсетуге тырыспайды. Байқағаным жұмысшы ретінде мектеп оқушыларын арзан жұмыс күші ретінде пайдаланады. Ал олар кәсіби маман болмағандықтан, туристермен жылы қарым-қатынас құра алмайды. Содан арада жанжал туындап, сөзге келіп қалуы мүмкін. Осыдан кейін отандық туризмнің сапасы әрине орташа деңгейде деуге тура келеді.Гүлнұр ЖЕҢІСБЕК, «KAZALY TOUR» туристік агенттігінің бас менеджері: Әр адамның ойы әртүрліМен бұған дейін бірнеше адамды шет елге жібердім. Олардың айтуынша, Қазақстанда демалғаннан көрі шет елде демалған әлдеқайда тиімді. Себебі, шет елді көрген сезім бөлек және ол жақта барлығы қарастырылған.Мәселен 180-250 мыңның аралығында қаржыңыз болса, жаздың күні бір апта Дубайда демалып қайта аласыз. Қонақ үйге орналасуға, тамақтануға, қыдыруға, серуендеуге, гид қызметін пайдалануға да осы ақша жетеді. Ал Қазақстанда бір адамның өзіне үш күнге 150-200 мың үш күнге жетпейді. Бұл ақшаға тек жатар орын таба аласыз.Дәл қазір мен Түркістанға сапарды қолға алдық. Бұйырса, 1 мамыр күні жолға шығамыз. Бір күнге бір адамға 15 мың теңге деп баға қойдым. Оған барып-қайту жолы, таңғы ас, Арыстан баб, Гауһар ана, Отырар қалашығы, Ахмет Яссауи кесенесіне барып, керуен сарайын аралаймыз. Саяхаттаушылар түскі ас және кешкі асқа ғана өздері ақша төлейді. Қалған қызмет 15 мыңның ішінде.Алла қаласы жаз мезгілінің орта кезінде Алматыға қарай тур ашқымыз келіп отыр. Әр адамның ойы әртүрлі. Шет елде қыдырып үйренгендер демалысқа шығу бойына шет елді аңсап тұрады. Қазақстанда қыдыру туралы ойламайды. Ал керсінше ұшаққа мінуден қорқатындар да бар. Олар пойызға мініп, Қазақстанды аралағанды жөн көреді.

Көрікті жерлерімізге келушілер қатары неге сиреп барады?

<a href="https://kyzylorda-news.kz/">Kyzylorda-news.kz.</a> Бүгінгі Үкімет отырысында алдағы жылу беру маусымына дайындық мәселелері талқыланды. Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді.Жылу беру маусымының қорытындысы және алдағы маусымға дайындық жөнінде облыстық энергетика және тұрғын үй-коммуналдық шаруашылығы басқармасының басшысы Руслан Нұрмағанбетов баяндады.Аймақ басшысы облыс бойынша жылу беру маусымы тұрақты өткенімен, қыста тұрғындарды электр жарығымен, көмірмен қамтуда бірқатар мәселе туындағанын атап өтті. Қатты желден 1 сәуірде Әйтеке би кентіндегі жылу орталығының мұржасы құлап, апатты жағдай болды, 30-ға жуық елді мекенде жарық сөнді.Осы мәселелерді ескерткен облыс әкімі келесі жылу беру маусымына дайындықты қазірден бастауды, қажетті отын қорын жинақтап, әлеуметтік нысандардың әзірлігін қамтамасыз етуді тапсырды. ҚР Энергетика министрлігінің хабарлауынша, ертеңнен бастап елімізде жанар-жағар май бағасының көтерілуі жоспарланған. Сондықтан азық-түлік пен құрылыс материалдарының бағасын күнделікті бақылауға алып, әр жағдайды жіті зерттеп, баса мән беру міндеттелді. Бұдан бөлек, жауапты мекемелерге облыс аумағында орналасқан 122 жанар-жағармай бекетінде, әсіресе «Батыс Еуропа – Батыс Қытай» автомобиль жолының бойындағы бекеттерде күнделікті қордың болуын бақылау жөнінде тапсырма берілді.Күн тәртібіндегі мәселеден бөлек жиында жастар және кәмелетке толмаған балалар арасында құқық бұзушылықтың алдын алу барысы қаралды.<blockquote>«Қазалы ауданындағы оқушылар арасында орын алған жағдай қоғамның қатаң сынына ұшырады. Мән-жайды анықтап талқылау үшін шұғыл жиын өтті. Нәтижесінде Қазалы аудандық полиция бөлімі бастығының қызметтік міндетіне толық сәйкес еместігі жөнінде салалық министрлікке ұсыныс берілді. Бұдан бөлек, жергілікті атқарушы орган басшыларының, білім беру ұйымдарының лауазымды тұлғаларының тәртіптік жауапкершіліктері қаралды. Қызылорда қаласы және аудан әкімдері, кәмелетке толмағандар арасындағы құқық бұзушылықтың алдын алу үшін екі ай бойы, тұрақты түрде күшейтілген режимде рейд ұйымдастыру керек», – деді облыс әкімі.</blockquote>Облыстық білім басқармасына барлық мектептерде, колледждерде ата-аналар және білім алушыларға арналған түсіндірме шаралары мен жиналыстар ұйымдастыру тапсырылды.<figure class="image"><img src="https://knadmin.beoblood.kz/uploads/340863165_551332300462724_8109389733749788947_n_d069fd4c2d.jpg" alt="340863165_551332300462724_8109389733749788947_n.jpg"></figure>&nbsp;<figure class="image"><img src="https://knadmin.beoblood.kz/uploads/340839954_746653590527730_8678685421401934380_n_2b0dda0b90.jpg" alt="340839954_746653590527730_8678685421401934380_n.jpg"></figure>

Үкімет отырысында алдағы жылу беру маусымына дайындық мәселелері талқыланды

<a href="https://kyzylorda-news.kz/">Kyzylorda-news.kz.</a> Демалыс күндері футболдан ел біріншілігінің бесінші туры өткізілді.&nbsp;Биыл Премьер-лигада сынға түсіп жатқан қызылордалық «Қайсар» өз алаңында Қарағандының «Шахтерін» қабылдады.Биылғы доп додасын екі команда да сәтсіз бастаған еді. Жерлестеріміз алғашқы үш турда небәрі бір ұпай жинады. Төртінші турда сырт алаңда Ақтаудың «Каспийін» жеңіп, жанкүйер көңілін бір серпілтіп тастағандай. Ал қарағандылық клуб төрт ойында небәрі бір ұпай олжалап, турнир кестесінде төменгі орынның бірін місе тұтты.Осындай себептерге байланысты командалар өзара кездесуді бірден шабуылмен бастады. Алғашқы минуттан қарбалас болып жатты. Қарағандылық клуб бірінші шабуылында «Қайсар» қақпасынан саңылау тапты. Қызылордалық қорғаушылардың қателігін пайдалана білген «Шахтер» шабуылшысы Иван Свиридов командасын алға шығарды.Ендігі кезекте алаң иелері тізгінді өз қолына алуға тырысты. Қос қанаттан шабуыл жасап, қарағандылық клубты тықсыра бастады. Бірнеше мәрте бұрыштама добы берілді. Осындай сәттердің бірінде «Қайсардың» жартылай қорғаушысы Горан Милойко ұлттық құрама қақпасын күзетіп жүрген Игорь Шацкийді қапы қалдырып кетті. Бұл – ойынның 19-минуты болатын.Жерлестеріміз бұдан кейін де тізгінді өз қолына алуға тырысты. Белсенділігі байқалып тұрды. Нәтижесінде 39-минутта қызылордалық қорғаушы Әділет Кеңесбектің тепкен добы қақпа торында тулап жатты.Ойынның екінші кезеңінде қарағандылық команда есепті теңестіруге ұмтылды. Тоқсан минут түгесілер тұста олардың басымдығы байқалып тұрды. Десе де таблодағы есепке өзгеріс енген жоқ. Нәтижесінде «Қайсар» қарсыласынан 2:1 есебімен басым түсті. Турнир кестесінде сегізінші орынға көтерілді.Енді жерлестеріміз алдағы ойынын 15 сәуірде Талдықорғанда «Жетісу» командасына қарсы өткізеді.Айта кетсек, бесінші турда «Қайрат» өз алаңында «Жетісуға» 2:3, «Тобыл» «Астанаға» 0:1 есебімен есе жіберсе, «Ордабасы» мен «Ақтөбе» 1:1 есебіне қанағат білдірді.Сондай-ақ, «Оқжетпес» «Ақсуды» 3:0, «Мақтарал» «Каспийді» 3:1, «Қызылжар» «Атырауды» 1:0, «Қайсар» «Шахтерді» 2:1 есебімен тізе бүктірді.

«Қайсар» жеңіске жетті

<a href="https://kyzylorda-news.kz/">Kyzylorda-news.kz.</a> Қазірде дүкендердегі азық-түліктің және басқа да тұрмыстық тауарлардың дерлік барлығы сырттан тасымалданады. Тұтынушы көп және соған сәйкес сұраныс та өте жоғары. Әсіресе азық-түлік өнімдері. Сырттан әкелінген соң оның бағасы да күн сайын қымбаттау үстінде. Бағаны реттеудің ең тиімді жолы – кәсіпорындар ашып, халыққа өз өнімдерін ұсынып отырған жергілікті кәсіпкерлерді қаржылай қолдап, бағыт-бағдар беру. Әрине соған орай өнім сапасына талапты күшейту.&nbsp;Жуырда Жалағаш ауданының орталығындағы азық-түлік дүкендерінің сөресіндегі өтімді тауарлардың қатарына жергілікті өнім қосылды. Қорап-қалтасының сыртында «Керемет» деген саудалық атау-белгісі бар ұн өнімдерінен дайындалған үй тұшпарасы, үй мантысы, үй самсасы және чебуреки бүгінде аудан тұрғындарының көбінің дастархан мәзірінен түспейтін болған. Дәмді әрі сапалы тағамды тұтынушылардың саны артқан. Ал бұл өнімдерді жергілікті кәсіпкер Зебо Имашева үй жағдайында дайындап, нарыққа көтерме бағамен шығарып отыр.&nbsp;– Біз әзірге тұтынушымыз. Ал қай кезде де тұтынушы өндірушіге тәуелді. Осы тәуелділіктен құтылу үшін тұрмыстық қажеттіліктің тым болмаса жартысын өзіміз өндіруге тиіспіз. Менің бұл кәсіпті бастаудағы негізгі мақсатым да сол – аудан халқына сапалы әрі тиімді бағада өнім ұсыну. Әзірге шикізатты сатып алып отырмыз. Бірақ алдағы уақытта бұл мәселені де шешуге жоспар жасадық. Әзірге мемлекеттен тиісті көмек немесе кәсіпкерлік мақсатта несие алғаным жоқ, жеке қаржыммен бастадым. Кәсібімді кеңейтуді көздеп отырмын. Мүмкін сол кезде мемлекеттің қолдауын тиімді пайдаланармын, – дейді Зебо Имашева.Иә, кәсіпкердің мақсаты да, бағыты да құптарлық. Өзі дайындап отырған өнімнің шикізатын сауда орындарынан алғанымен, аудан тұрғындарына кәсіпкер ретінде қызмет көрсетіп келеді. Бүгінгі күннің басты мәселесі де, талабы да – халықты жеткілікті мөлшерде азық-түлікпен қамтамасыз ету. Бұл орайда біздің кейіпкеріміз жоғарыдағы атап өткен мәселенің бір түйінін болса да тарқатып, қойылған талаптың үдесінен шығып отыр. Расында қорап-қалтасы әсем безендірілген жергілікті «Керемет» өнімінің құрамында зиянды қоспалар жоқ, яғни экологиялық таза және бағасын да қарапайым халықтың қалтасы көтереді. Тұшпара мен манты тек өзге ұлттардың ғана емес, ет жеп үйренген қазақтың да жеңісік асына айналған бүгінде. Ал самса мен чебуреки шәй дастарханының дәмі, сәні.&nbsp;– Жалпы тамақ жасау, түрлі тағамдарды дайындау әйелге таңсық іс емес. Оны біздің күнделікті жұмысымыз десе де болады. Ал соны кәсіпке айналдыру оңай шаруа емес екен. Өйткені кез келген кәсіптің бір жағында халық тұрады. Сол үшін қандай кәсіп болса да оның қыр-сырын біліп, толық үйренуге тура келеді. Мәселен аспаздардың жұмысы сырт көзге оңай көрінгенімен, ол – ең ауыр жұмыс. Тамақ дайындауды тұтас ғылым десе де болады. Ата-бабамыз «ауру – астан» деп бекер айтқан жоқ. Ендеше, ас үйдің жауапкершілігін мойынына алған адамға барша азық-түліктің құрамындағы элементтерді танып, тиісті қоспалардың мөлшерін дәл білу міндеттеледі. Яғни жеке өзіне немесе отбасына ғана емес, көпшілікке тамақ әзірлейтін аспаз өз ісінің нағыз шебері болуы тиіс. Міне, бізге де осындай талап қойылады. Өйткені мен де халыққа осындай қызмет көрсетіп отырмын. Сондықтан бұл кәсіп маған үлкен жауапкершілік жүктеді. Кәсіби сауатыңды арттыру – жұмыс деңгейінің, өнім сапасының кепілі. Сол себепті мен үнемі жан-жақты ізденумен жүремін. Тағы бір айта кетерлігі, кәсіп иесіне қойылатын заңды талаптан бөлек, ол өзінің адал, таза, сапалы қызметімен халықтың көңілінен шығуы тиіс.&nbsp;Әрбір істің бастауында бір себепші болады. Бұл кәсіпті бастауыма ықпал еткен кәсіпкер Рита Кенжебаеваны айтпай кетуіме болмайды. Кәсіппен айналысып жүрген азаматтардың кәсібі әртүрлі болғанымен, мүддесі бір, ол – халыққа қызмет жасау деп ойлаймын. Рита апай мені көрген сайын «Қазір ауданда дайын түшпара, манты дайындап, нарыққа шығарып отырған кәсіпкерлер өте аз, тіпті жоқ десе де болады. Ал біздің ауданда мал шаруашылығы дамыған, еттен мәселе жоқ. Сенің тәжірибең бар, бұл кәсіпті бастасаң алып кетесің. Бастысы, тұрғындар тарапынан жергілікті өнімге деген сұраныс бар», деп маған бағыт-бағдар берді. Сол кісінің сөзінен соң тәуекел деп іске кірістім.&nbsp;Қазірде мен «Кереметті» үйімнен шығарып отырмын. Бір бөлмеден шағын цех аштым. Санитарлық талапқа сәйкес, қауіпсіздік ережелеріне сай жабдықтадым. Уақыт талабына ілесу үшін дайын өнімдерді қаптайтын аппараттар мен арнайы электрлі пештер сатып алдым. Күнделікті жұмысыма қажетті сиыр етін дүңгіршектер мен дүкендерден алып тұрамын. Қазірде ет сататын орындардағы тауардың сапасы ветеринариялық және санитариялық сараптамадан өтеді, қатаң бақылауда болады. Одан бөлек, біз де бұған жіті мән береміз. Өйткені өнімімізді тұтынып отырған халықтан қандай да бір шағым немесе сенімсіздік болмағанын қалаймыз.&nbsp;Цехтағы жұмыстардың барлығы дерлік қолмен жасалады. Қасымда бір көмекшім бар. Ол да кәсіби маман. Әр түйірінің салмақ мөлшері өлшенеді. Яғни стандарттық шаманы сақтаймыз. Күніне 40 келі тұшпара, 10 келі манты дайындап, түйеміз. Сонымен бірге самса мен чебуреки де жеткілікті дайындалады. Дайын өнімдерді кент орталығындағы «Бибігүл ана», «Ақниет», «Қаракөз», «Бағдат», «Рита» сауда орындарына көтерме бағамен өткіземіз. Көбіне аудан тұрғындары дүкендерден біз дайындаған өнімдердің таусылып қалғанын айтып, арнайы тапсырыс береді. Тапсырысты да дер кезінде қабылдап, уақытында дайындап береміз. Мейрамханаларда, үйлерде өтетін тойларға ұн өнімдерінен дайындалатын тағамның бірнеше түрін тапсырыс арқылы пісіреміз, – дейді Зебо Бердиярқызы.

Зебо Имашева: Жергілікті өнімге деген сұраныс көп

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында кәсіпкерлік көкжиегін кеңейтіп, қызылордалық тұтынушылардың сұранысын қанағаттандырып келе жатқан жиһаз шығарушы цехтың бірі ЖК «Нұртөре».2020 жылы ата кәсіпті қолға алған Нұрлыбек Есқалиев 2022 жылдың желтоқсан айында мемлекеттік бағдарламаның көмегімен, яғни «Қызылорда» өңірлік инвестициялық орталығы микроқаржы ұйымы арқылы 10 млн. теңгеге қолдау алып, цех тынысын кеңейтіп отыр. Кәсіпкер ол қаражатқа өндіріске қажетті жабдықтар сатып алып, жұмыс өнімділігін арттырды. Бүгінде 5 адамды тұрақты жұмыспен қамтып отыр.Цехта үй мен кеңсеге, мектеп және басқа да ғимараттарға қажетті заманауи үлгідегі есіктер мен жақтаулардың, баспалдақтардың сан алуан түрі әзірленеді. Дайын болған өнімдер «Сығанақ» базарынан және Бәйтерек-3 тұрғын ауданы, 49 көше бойынан тұтынушыға жеткізіледі.<blockquote>«Қазір мемлекет тарапынан жеңілдетілген несие де, түрлі гранттар да берілуде. Бұл қолдауды тек тиімді пайдалана білу керек. Цехта әрбір материал сұраныс иесінің талабына сай дайындалады. Жиһаздарды дайындау барысында жергілікті өнімдерді пайдаланамыз. Мысалы, әйнек қызылордалық зауыттан шығарылса, есіктердің қаптамасын (упаковка) «Мүгедектер қоғамына» тапсырыс беріп, жасатудамыз. Осы іспетті, құрылыс жүргізіп жатқан мердігер мекемелерден қолдау күтеміз», – дейді «Нұртөре» ЖК-нің директоры Нұрлыбек Есқалиев.</blockquote>&nbsp;&nbsp;&nbsp;

Қызылордалық кәсіпкер 5 адамды жұмыспен қамтып отыр 

<a href="https://kyzylorda-news.kz/">Kyzylorda-news.kz.</a> Қызылорда облысының көлемінде орта, арнаулы оқу орындарының оқушы, студенттері арасында «Есірткісіз өмір ғажайып...» тақырыбында фотосайыс ұйымдастырылды.Сайыстың негізгі мақсаты - кәмелетке толмағандар арасындағы нашақорлық проблемаларын және қатысушылардың ақпаратты қолжетімді ұсыну арқылы олардың жеке пікірлерін баяндау мүмкіндігін түсіндіру және өскелең ұрпақтың бос уақытын тиімді пайдалануға тарту болып табылады.Байқауға 6-18 жас аралығындағы 200-ден астам жастар қатысты, оның ішінде сайыстың екінші кезеңіне 60 қатысушы өтті. Байқауда қатысушылар өз ойларын шығармашылық арқылы жеткізе білді, заманауи техниканың мүмкіндіктерін пайдаланып, өз суреттерінде нашақорлық проблемаларын көрсете алды.&nbsp;Сайыстық комиссияның шешіміне сәйкес, 25 қатысушы аймақтық жеңімпаз деп танылды.Жүлдегерлер: Арал ауданының №69 орта мектеп оқушысы Қойшанова Еркеназ, Қазалы ауданының №249 орта мектеп-лицей оқущысы Мақсат Али-Имран, Шиелі ауданының №46 орта мектеп-лицей оқушысы Ақәділ Аделя, Қызылорда қаласының №3 орта мектеп-лицей оқушысы Балтабай Айзере, Қызылорда қаласының №271,280 орта мектеп оқушылары Қарғабай Жұлдызай және Мұханбетәлі Ұлан, М.Мәметова атындағы Қызылорда жоғары педагогикалық колледж студенттері Ғалымжан Зарина мен Абсатқызы Малика, «ORDA» жоғары гуманитарлық колледжінің студенті Ғалымжанқызы Анель. Жеңімпаздар дипломдармен және бағалы сыйлықтармен марапатталады.Динара МАХАНОВА

Қызылордалық полицейлер фотобайқау ұйымдастырды

<a href="https://kyzylorda-news.kz/">Kyzylorda-news.kz.</a> Қызылорда облысындағы И.В.Панфилов атындағы №5 мектеп-лицейде Қызылорда облысы әкімінің орынбасары Нұрымбет Сақтағановтың 2023 жылғы 10 сәуірдегі «Балалар, жасөспірімдер және жастар арасында құқық бұзушылық пен топтық төбелестің алдын алу және болдырмау бойынша іс-шаралар» жоспарына сәйкес мектеп-лицей ұжымының қатысуымен арнайы жиын ұйымдастарылды.&nbsp;Жиынның басты мақсаты – білім беру ұйымдарының директорлары, орынбасарлары, полиция қызметкерлері, белсенді ата-аналар, жастар мен зиялы қауым өкілдерінен тұратын арнайы мобильді топ құрып, рейдтік іс-шараларға кезекпен шығу кестесін әзірлеу. Сонымен қатар жиында кәмелетке толмаған жасөспірімдерді түн мезгілінде заңды өкілінсіз жібермеу, отбасылық қатаң қадағалауға алу мәселесін ата-аналардың назарына сынып жетекшілер тарапынан жеткізуді ұйымдастыру қажеттілігі де айтылды. Мектеп басшылығы жиында оқушылар арасында құқықбұзушылықты болдырмау мақсатында түсіндірме жұмыстарын жүргізу керектігін де ескертті. Сонымен қатар жиында балалардың қауіпсіздігі де таңда басты назарда тұрған мәселе екені және мектептегі бақылау мен күзет қызметі күшейтілгені айтылды.Ал кешкілік уақытта мектеп-лицейі әкімшілігі жанынан құрылған арнайы топ «Жасөспірім» жедел-профилактикалық іс-шарасына қатысты. Мамандар кешкі 23.00-ден кейін кәмелет жасына толмаған жасөспірімдердің заңды өкілінсіз көшеде, ойын-сауық орталықтарында жүрмеуін бақылады. Рейд барысында &nbsp;қала көшелері, мешіт, ойын-сауық орындары, балалар көп шоғырланатын аймақтар қатаң бақыланды.

Қазақстан және Қызылорда облысының жаңалықтары