<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев әскерге барған жастарға берілетін жеңілдіктерді тәптіштеп шықты, деп хабарлайды <a href="https://sputnik.kz/20230505/prezident-askerge-bargan-zhastarga-qanday-zhenildik-beriletinin-aytty-34606386.html">Sputnik Қазақстан</a>.Бүкілармиялық кеңеске қатысқан мемлекет басшысы әскери қызметте “әлеуметтік лифттің” болуы маңызды екенін ерекше атап өтті. Сол арқылы жастардың қоғамнан өз орнын табуға мүмкіндік берілуі керек.<blockquote>“Қазір осы бағытта нақты жұмыс жасалып жатыр. Әскери борышын өтеп келген азаматтар енді жоғары оқу орнына жеңілдікпен түседі. Мерзімді әскери қызметтегі сарбаздар несиесін төлеу міндетінен уақытша босатылады. Сондай-ақ олар өздері қаласа, армия қатарынан нақты мамандық алып шығады. Жалпы, сарбаздарды әлеуметтік қолдау шараларын мейілінше көбейту қажет”, - деді Тоқаев.</blockquote>Жоғары Бас қолбасшының айтуынша, әскерде жүрген жастар нағыз сарбаз, нағыз маман болып шығуға міндетті.<blockquote>“Олар өскелең ұрпаққа үлгі-өнеге болуға тиіс. Әскери қызметшілерге жақсы жалақы төленуі керек. Үкімет Күштік құрылымдарға еңбекақы төлеудің бірыңғай жүйесіне көшкен кезде осыны ескеруге тиіс”, - деп атап көрсетті Президент.</blockquote>Айта кетері, бүгінгі жиында Тоқаев әскери атақ үшін ай сайынғы ақыны 30 процентке көтеруді тапсырды. Бұдан бөлек, осы салада бірқатар мамандардың жалақысы көтеріледі.&nbsp;

Президент әскерге барған жастарға қандай жеңілдік берілетінін айтты

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы COVID-19 пандемиясының статусын жойды.<blockquote>«Бір жылдан астам уақыт бойы пандемия төмендеу үрдісін сақтап келген: халықтың инфекцияларға қарсы иммунитеті артып, өлім-жітім азайып, денсаулық сақтау жүйесіне қысым азайып келеді. Бұл көптеген елдерге коронавирус инфекциясы басталғанға дейінгі өмірге қайта оралуға мүмкіндік берді, сондықтан мен пандемияның аяқталғанын жариялай алам деген үміттемін», - деді ДДСҰ бас директоры Тедрос Гебрейесус Женевада өткен баспасөз мәслихатында.</blockquote><a href="https://sputnik.kz/20230506/koronavirus-pandemiyasy-ayaqtaldy---dsu-34624574.html">sputnik.kz</a>

Коронавирус пандемиясы аяқталды - ДДСҰ

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің бірінші орынбасарының төрағалығымен Техникалық реттеу мәселелері жөніндегі Өңірлік штабтың бірінші отырысы өткізілді. Техникалық реттеу мәселелері бойынша өңірлік штабтың құрамы мен ережесі 2023 жылдың 2 наурызында Қызылорда облысы әкімінің бірінші орынбасары Серік Қожаниязовпен бекітілген болатын.Штаб құрамына Техникалық реттеу және метрология, ауыл шаруашылығы және жер қатынастар басқармасы, кәсіпкерлік және өнеркәсіп басқармасы, мемлекеттік кірістер, санитарлық-эпидемиологиялық бақылау, өнеркәсіптік қауіпсіздік, Қазақстан стандарттау және метрология институтының және басқа да мемлекеттік органдардың басшылары енгізілді.Жиында қаралған аттракциондар мен балалар алаңдарының қауіпсіздігін қамтамасыз ету мәселелерінің өзектілігін ескере отырып, отырысқа кәсіпкерлік өкілдері, Қызылорда қаласы мен аудандар әкімдерінің орынбасарлары шақырылды. Оларға балалар ойын алаңдары жабдықтары мен аттракциондары қауіпсіздігі саласындағы техникалық регламенттердің талаптары түсіндіріліп, жауапкершілік шекаралары бойынша кеңінен талқылау жүргізілді. Қатысты мемлекеттік органдарға тиісті тапсырмалар берілді.Сонымен қатар, штаб мүшелеріне қолданыстағы техникалық регламенттерге және басқа да нормативтік құжаттарға байланысты ұсыныстар беру тапсырылды.Штаб өнімнің сапасы мен қауіпсіздігін қамтамасыз ету мақсатында проблемалық мәселелерді жою бойынша тұрақты негізде жұмыстар жүргізетін болады.

Қызылордада техникалық реттеу мәселелері жөніндегі өңірлік штабының бірінші отырысы өтті

<a href="https://kyzylorda-news.kz/">Kyzylorda-news.kz.</a> Қызылорда көпбейінді облыстық балалар ауруханасы базасында алғаш рет 15 төсек орынға арналған «Лор» бөлімшесі ашылды.Ашылу салтанатында құттықтау лебізін білдірген облыстық денсаулық сақтау басқармасының басшысы Ысқақов Олжас Ермекұлы жаңа бөлімшенің лентасын қиып, бұл балалардың денсаулығын жақсарту бағытындағы игі шара екендігін атап, бүлдіршіндеріміздің деніне саулық, бөлімше жұмысына сәттілік тіледі.Сонымен бірге, өңір халқының денсаулығын жақсарту бағытында аянбай еңбек етіп жүрген барша балалар дәрігерлеріне алғысын білдіріп, алдағы уақытта да басқарма тарапынан балалар денсаулығын жақсартуға бағытталған шараларға қолдау білдеретінін айтты.Облыс бойынша соңғы 5 жылда 18 жасқа дейінгі лор патологиясымен науқас балалар жедел және жоспарлы хирургиясы құрамында 5 төсек орында ем қабылдап келеді. Осы жылдар аралығында ем қабылдаған бала саны 446 дан 707-ге (37%-ға) дейін өскен болатын. Жоспарлы емді күтуге орташа 2-3 айға еді. Соған сәйкес, бүгін уақытылы мамандандырылған көмекті ұйымдастыру және қолжетімділігін арттыру мақсатында аурухананың ішкі резерв есебінен 15 төсек орынға шақтап балалар «ЛОР» бөлімшесі ашылып отыр. Нәтижесінде жоспарлы емді күту парағы 10 күннен аспайды деп жоспарлануда. Оның ішінде 5 төсегі офтальмохирургиялық профильге арналған.Жыл басынан офтальмохирург маман жұмысқа қабылданып балаларға халазион бойынша, жаңа туған нәрестелерге зондирование жасалып жатыр. 4 ай көлемінде 38 бала стационарлы ем қабылдады, оның ішінде 29 балаға ота жасалды.Бала денсаулығын жақсарту – басты бағыттарымыздың бірі.

Қызылорда облыстық балалар ауруханасында «Лор» бөлімшесі ашылды

<a href="https://kyzylorda-news.kz/">Kyzylorda-news.kz.</a> Бүгін ауқымды антициклон әсерінен Қазақстанның басым бөлігінде жауын-шашынсыз ауа райы сақталады, деп хабарлайды Қазгидромет.Оңтүстік циклон және оған байланысты фронттардың салдарынан елдің батысында, оңтүстік-батысында және оңтүстігінде жаңбыр жауады, найзағай жарқылдайды.Республика бойынша жел күшейеді, оңтүстікте, оңтүстік-шығыста, солтүстік-батыста шаңды дауыл, батыста, оңтүстік-батыста – тұман түседі.Түнде Солтүстік Қазақстан облысының оңтүстік-батысында 2 градус үсік, Ұлытау облысының шығысында, Ақтөбе облысының солтүстігінде, Қостанай облысының оңтүстігінде топырақ бетінде 1-3 градусқа дейін үсік жүріп өтеді.Таңертең және күндіз Жамбыл облысының солтүстік-шығысында күшті жел соғып, екпіні 30 м/с асады.

6 мамырға арналған ауа райы болжамы

Kyzylorda-news.kz. Бүгін Н.Бекежанов атындағы &nbsp;қазақ академиялық музыкалық драма театрында салтанатты іс-шара өтті. Облыс әкімі Нұрлыбек Нәлібаев &nbsp;іс-шараға қатысушыларды Отан қорғаушы күнімен құттықтап, игі тілегін арнады.<blockquote>Қазақстан Республикасының Президенті – Жоғарғы Бас қолбасшы Қасым-Жомарт Кемелұлы Тоқаев бүгінгі марапаттау рәсімінде: «Қазақ – даңқты тарихын ат тұяғымен жазған халық. Біз - ұлан-ғайыр жерін жауға бастырмаған батыр елдің ұрпағымыз. Алапат соғыста жеңіске жеткен қаһарман ерлердің ізбасарымыз. Қазір еліміздің күштік құрылымдары Қазақстанның қауіпсіздігін қас қақпай күзетіп тұр. Отанымыздың іргесі берік болуын қамтамасыз ету – әр азаматтың перзенттік парызы. Өмір жолын әскери қызметке арнаған мамандардың кәсіби міндеті» - деген болатын.</blockquote><blockquote>Біз өңірге қатысты өнегелі істерді әрдайым үлгі етуге тиіспіз. Өткен жылы Қызылорда облысының полиция департаментінің басшысы генерал-майор шенін алған болатын. Бүгін Мемлекет басшысы Елорда төрінде Қазақстан Республикасы Ұлттық қауіпсіздік комитеті Қызылорда облысы және Байқоңыр қаласы бойынша департаментінің бастығы Болат Аюбайұлы Қалмырзаевқа генерал шенін табыстады.</blockquote><blockquote>Бұл Президентіміздің облыс әкімдігі мен құқық қорғау органдарының бірлескен жұмыс нәтижесіне берген лайықты бағасы деп білеміз, - деді облыс әкімі.</blockquote>Салтанатты іс-шарада бірқатар әскери және құқық қорғау органдарының қызметкері марапатталды. Жиын соңында концерттік бағдарлама ұйымдастырылып, отансүйгіштікке үндейтін патриоттық әндер көрермендерге мерекелік көңіл-күй сыйлады.<img src="https://knadmin.beoblood.kz/uploads/IMG_20230505_WA_0012_3308c14d8a.jpg" alt="IMG-20230505-WA0012.jpg"><img src="https://knadmin.beoblood.kz/uploads/IMG_20230505_WA_0011_1c5d1049e2.jpg" alt="IMG-20230505-WA0011.jpg"><img src="https://knadmin.beoblood.kz/uploads/IMG_20230505_WA_0008_f6887e8cfd.jpg" alt="IMG-20230505-WA0008.jpg"><img src="https://knadmin.beoblood.kz/uploads/IMG_20230505_WA_0013_c14fd6529f.jpg" alt="IMG-20230505-WA0013.jpg"><img src="https://knadmin.beoblood.kz/uploads/IMG_20230505_WA_0014_c3dcb747cb.jpg" alt="IMG-20230505-WA0014.jpg"><img src="https://knadmin.beoblood.kz/uploads/IMG_20230505_WA_0010_0143278113.jpg" alt="IMG-20230505-WA0010.jpg"><img src="https://knadmin.beoblood.kz/uploads/IMG_20230505_WA_0007_7468f3920c.jpg" alt="IMG-20230505-WA0007.jpg">

Облыс әкімі қызылордалықтарды Отан қорғаушы күнімен құттықтады

<a href="https://kyzylorda-news.kz/">Kyzylorda-news.kz.</a> «Ауыл аманаты» жобасының несиелік бағдарламасына ісін жаңадан бастаған және жұмыс істеп тұрған кәсіпкерлер, зейнеткерлік жасқа толмаған жұмыстан босатылған қызметкерлер, дара кәсіпкер ретінде тіркелмей табыс алу мақсатында тауарларды өндіру (өткізіу) жұмыстарды орындау және қызметтер көрсету жөніндегі қызметті дербес жүзеге асыратын тұлғалар, отбасылық кәсіпкерлікте ақысыз қызметті өз бетінше жүзеге асыратын адамдар, табысы ең төменгі күнкөріс деңгейінің шамасынан төмен, сату үшін жеке қосалқы шаруашылықта өнім өндіру жөніндегі қызметті дербес жүзеге асыратын тұлғалар, табыстары ең төменгі күнкөріс деңгейінен төмен өндірістік кооперативтердің мүшелері қатыса алады. Алайда бұл тізім нақты ереже дайын болған сәтте өзгеруі де мүмкін.<blockquote>«Ауыл тұрғындарының табысын арттыруға арналған» пилоттық жоба біздің өңірде енді жүзеге асады. Қазіргі таңда жобаға қатысуға ниет білдірген Қазалы ауданының 8 ауылдық округінің құжаттары дайындалып, облыстық ауыл шаруашылығы және жер қатынастары басқармасы арқылы ауыл шаруашылығы министрлігі жанындағы «Ауыл аманаты» жобасының кеңсесіне мәліметтер жіберілді. Барлық талаптарға сай келген ауылдық округтері жобаға қатысуға мүмкіндік алды, – дейді аудандық ауыл шаруашылығы және жер қатынастары бөлімі басшысының орынбасары Сапарбек Қуатов.</blockquote>Жоба бес бағыт бойынша жұмыс істейтін болады.&nbsp;<blockquote>«Біріншіден, үй іргесіндегі жерді тиімді пайдалану. Жалпақ тілмен айтқанда, өз аулаңызда өнім өндіріп, оны саудаға шығару. Екіншіден, мал шаруашылығын дамыту. Үшінші бағыты бойынша тұрғындардың ауыл сыртындағы жерді тиімді пайдаланып, кәсіп етуіне болады. Төртінші, бұрыннан бар ауыл шаруашылығы кооперативіне қажетті құрал-жабдықтар, қондырғы және техникаларға қол жеткізгіңіз келсе, жобаға қатысып, жеңілдетілген несие алуыңызға мүмкіндік бар. Пилоттық жобаның соңғы бесінші бағыты жеке кәсібін ашып, ісін алға өрлетем деушілерге арналған», - дейді Сапарбек Қуатов.</blockquote>Қажетті қаражатқа қол жеткізген соң асыл тұқымды ірі қара малды, етті-сүтті, құсты және басқа да жануарларды өсіріп, ауыл шаруашылығы өнімдерін өңдеу кәсібімен айналыса аласыз. Мәселен, ¬наубайхана, кондитерлік өнімдер, сүт жинау секілді қызметтерді халыққа ұсынсаңыз болады. Сондай-ақ қызмет көрсету, туризм және басқа да бизнес түрлерін дамытам деушілердің де жобаға қатысуға мүмкіндігі бар.Баса айта кетерлік жайт, сол ауылдың тұрғылықты тұрғыны болуыңыз керек. Жеңілдетілген несие алу үшін кепіл мүлкіңіз, несие тарихыңыздың жақсы болуы және бизнес жоспарыңыздың нақты әрі тыңғылықтылығы аса маңызды. Өйткені, несие берілерде осы үш критерийге баса назар аударылады.Мамандар көп тұрғынның басты мәселесі – ақшаға қол жеткізсем болды деп ойлайтынында жатыр дейді. Бизнес бастаймын деген жанның алдымен нақты бизнес жоспары болуы керек. Мақсатты жұмсалған қаражат өз жемісін береді. Екіншіден, ойға алған кәсібін жүзеге асыруға қажетті құрал-жабдықтарын сайлап, оның маркасын, бағасын, қайдан сатып алуға болатындығын алдын ала зерттеп, зерделеп алған жөн. Мамандар кепіл мүліктің несие алушының атында болуы міндетті емес екендігін айтады. Несие алушының жобаны жүзеге асыратынына сенімді серіктесі, туысы немесе таныс-достары жылжымайтын мүлкін сенімгерлікпен кепілге қоя алады. Кепіл мүліктің құқықтық құжаттары, техникалық паспорты міндетті түрде заңға сәйкес болуы шарт. Сондай-ақ несие тарихының таза болуы маңызды. Яғни, соңғы 1 жылда 90 күннен аса кешіктірілген төлем болмауы тиіс. Көбіне онлайн жылдам несие алғандарға кедергі көп кездеседі екен. Себебі, несиесін жапқанымен, анықтама алмағандықтан несие тарихында «қарыз» деген ақпарат қалуы ғажап емес. Осы бастан несие тарихыңызды шығартып алып, тескеріп қойғаныңыз жөн.<blockquote>«Микрокредит мерзімі бес жылға дейін, ал мал шаруашылығы саласындағы жобалар үшін жеті жылға дейін беріледі. Микрокредиттің ең жоғарғы сомасы ауылдық елді мекендерде және шағын қалаларда 2,5 мың айлық есептік көрсетікішке дейін, зәкірлік кооперацияны дамыту үшін 8,0 мың айлық есептік көрсеткішке дейін. Бұл ауыл тұрғындары үшін үлкен мүмкіндік. Халыққа аудан әкімінің тапсырмасына сәйкес жұмысын топ елді мекендерді аралап, түсіндірме жұмыстарын жан-жақты жүргізіп жатырмыз. Кәсіпкерлер саны көбейіп, ауыл тұрғындардың әл-ауқаты жоғарылайды деген сенімдеміз», – дейді Сапарбек Қуатов.</blockquote>

Жаңа мүмкіндіктерге жол ашқан жоба

<a href="https://kyzylorda-news.kz/">Kyzylorda-news.kz.</a> Қызылорда облысы прокуратурасында 7 мамыр – Отан қорғаушылар күні мерекесіне орай салтанатты іс-шара өтті.Жиында Бас Прокурордың бұйрығымен қызметте жоғары жетістіктерге жеткені және қызметтік міндеттерін үлгілі атқарғаны, прокуратура органдарының дамуына, прокурорлық қадағалауды жетілдіруге, заңдылық пен құқықтық тәртіпті нығайтуға елеулі үлес қосқаны үшін Қызылорда облысы прокурорының орынбасары Н.С.Дүйсенбаевқа және облыс прокурорының аға көмекшісі Ғ.Ниязбекұлына мерзімінен бұрын кезекті сыныптық шендері тапсырылды.Үлгілі еңбектері үшін басқа да әріптестерге І, ІІ дәрежелі «Мінсіз қызметі үшін», «Қазақстан Республикасының прокуратурасына 30 жыл» медальдары және «Прокуратура үздігі» төсбелгісімен, Құрмет грамотасы тапсырылып, Алғыс жарияланды.Сонымен қатар, бүгінгі осындай маңызды мерекелер қарсаңында қатарға жаңадан қосылған жас мамандар: Қызылорда қалалық прокуратурасының бөлім прокуроры Оңдасын Асылжан, Жалағаш аудандық прокуратурасының прокуроры Нұрғалиев Нұрдәулет, Байқоңыр қалалық прокуратурасының прокуроры Тілекбай Нұрболат, Қармақшы аудандық прокуратурасының прокуроры Абдулғазиз Сәкен және Табиғат қорғау прокуратурасының прокуроры Қазбек Мағжан ант қабылдады.Бұдан кейін прокуратура ұжымы Ұлы Отан соғысында қайтыс болғандарды еске алып, қала орталығындағы Мәңгілік алауға гүл шоғын қойып, тағзым етті.&nbsp;<img src="https://knadmin.beoblood.kz/uploads/343666750_636514387811093_869048592711998651_n_f6cc81af74.jpg" alt="343666750_636514387811093_869048592711998651_n.jpg">

Қызылорда облыстық прокуратурасында мерекелік шара өтті

<a href="https://kyzylorda-news.kz/">Kyzylorda-news.kz.</a> Кәсіп етіп, өзіңді-өзің жұмыспен қамту – бүгінгі заман талабы. Ал оны одан әрі дамытып, бір емес, бірнеше кәсіп игеру – көкжиектің нағыз кеңейген шағы. Қос қолға бір күрек таппай, жұмыс іздеп шарқ ұрған жандар талаптанса, тәуекел етсе алмайтын қамалы жоқ.Қармақшы ауданының кәсіпкерлері тек егін егіп, мал өсірумен шектеліп жатқан жоқ. Түрлі отандық өнім өндіріп, тың идеясын жүзеге асырып жүр. Ниет, ынта, жігер. Міне кәсіп ашып, нәсіп қыламын деген адамға керекті дүниелер осы. Тынбай еңбек еткеннің тұрмысы да берекелі болады.Осы ауданға қарасты Ақай ауылында теплица мен құс шаруашылығын дөңгелетіп отырған кәсіпкердің барын естідік. Естіп телефон арқылы байланыстық. Ерлан Жаппасбаевпен өрбіген сұқбат нағыз мотивацияға толы. Себебі ол бір емес, бірнеше кәсіптің көкжиегін кеңейтіп отыр.<blockquote>«Теплица, база жұмыстарын өз қаражатыма бастадым. Теплица «Солнечный вегетария» тәсілімен салынған. Ішінде қызанақ, қияр, айсберг салаты секілді өнімдер бар. Оны өзімнің екі супермаркетімдегі сөреге қойып, сатылымға шығарып отырмыз. Қызанақ голлондиялық жаңа технологиямен, салаттар гидропоникада өсіп тұр. Жұмысты негізі өзім істеймін. Қасымда базада қызмет ететін адамдар бар. Бір адам макулатура, яки картон, плас­тик жинайды. Соны престеп Шымкентке өткіземіз. Теплицадан бөлек, құс шаруашылығы да дамып келеді», – дейді кәсіпкер.</blockquote><img src="https://knadmin.beoblood.kz/uploads/1624337047_kasp1_b2e4b8df96.jpg" alt="1624337047_kasp1.jpg">Ерлан Бердібекұлы Байқоңыр қаласында туып-өскен. Ол 1998 жылы алғаш «Болашақ» тұшпара цехын ашып, 12 келіншекті жұмыспен қамтиды. Сол уақыттан бастап кәсіпке, маңдай термен табатын нәсіпке етене араласады. Бастапқыда кәсіпте кезіккен түрлі қиындыққа қарамастан оны одан әрі дамытып, өрісін кеңейтеді. Солай ол наубайхана, жартылай да­й­ын тағам шығаратын цех, супермаркет, одан бөлек түрлі тың идеялы бизнестері секілді 15-тен жуық кәсіпті дөңгелетіп отыр. Бүгінде жалпы 100-ден астам адамды жұмыспен қамтуда. Мұнша кәсіпті игеріп отырған жанның осыншалықты идеясы мен жігері қандай дерсіз. Жолдас коммерсанттар арасында «Мотиватор» лақап атымен белгілі ол бастысы сараң болмау керегін айтады.<blockquote>«Наубайхана ашқанда оған жауапты қызметкерді қойдым. Бар жұмысты өзіне тапсырдым. Айлығын табыстадым да кетіп қалдым. Ол жерге жоламаймын. Супермаркет аштым. Директор қойдым. Есеп-қисабын реттестім. Оған да жоламаймын. Тек 3 айда бір рет барып тұрамын. Екінші супермаркет те, теплица да сондай. Қысқасы, сараңдық етпей, әр жердің өз қызметіне сай өз маманы жұмыс істеген жөн. Мендегі принцип сол, жұмыс ашу, орнына адам қойып, оны үйрету, сосын өзі игеріп әкетеді. Ал өзім келесі жобаны әзірлеуге тынық мимен жұмыс істей беремін. Сіздердің көріп отырғандарыңыз тек кәсіптің бір бұрышы ғой. Біршама кәсіп қолға алынды, аяқталмағаны бар, жоспарда тұрғаны да, ойда жүргені де бар. Егер кәсіп ашқысы келетіндер болса, алдымен ашар орынды жан-жақты зерттеп, кәсібі мығым болса сол үшін тәуекел ете білу керек. Айтайын, бір адамнан ешнәрсе өнбейді. Бастысы – ұжым, қасыңдағы адамдар шын жүрегімен адал еңбек етсе, барлығы ойдағыдай болады», – дейді ол.</blockquote>Бүгінде кәсіпкер Байқоңыр, Төретам, Ақайды тазартылған, витаминді сумен қамтамасыз етіп,&nbsp; күніне 5-6 тонна су өткізеді. Жаңа технология бойынша гидропоника, минералды суды қолға алған ол сиырдың тезегінен газ шығаратын құрылғыларды жинақтап, одан газ, субстрат, тыңайтқыш шығарып отыр. Яки «жабық цикл» дейді кәсіпкердің өзі.&nbsp; Бір қызығы ол сырттан келетін электр тоғын пайдаланбайды. Арнайы күн көзімен қуаттайтын 15 киловаттық электр станциясын қолданып отыр. Негізі құрылғы 30 киловатқа тұр. Биыл Ақайға осы арқылы жарық беріледі. Техникалық шарттар жасалынған. Ендігі бір қадамнан соң халық тұтынатын электр станциясы дайын. Тіпті мінген көлігі де тоқпен жүреді. Ал кәсіпкердің өзі әлеуметтік желілерде белсенді. Тәжірибесін оқырмандарымен бөлісіп отырады.Ақай ауылының тұрғыны жылыжайды баптаудың тың әдісін ойлап тапқан. Биыл қыс ызғарлы болса да, бағбан 5 мың түп салат жапырағы мен арпадан мал азығын өсіріпті. Ерекше күтім жасалған жылыжайдың сыры да бар.Ерлан Жаппасбаев физика іліміне сүйеніп, жылыжайды жылытудың ерекше тәсілін тапқан. Үрлемелі қондырғылар арқылы суықты сыртқа, жылы ауаны ішке жіберіп, күн сәулесімен-ақ қалыпты температура ұстап отыр. Жалпы ізденімпаз бағбан құнарлы топырақты да шет елден алдырмай, өзі әзірлейді.

Ақайлық кәсіпкер 100-ден аса адамды жұмыспен қамтып отыр

<a href="https://kyzylorda-news.kz/">Kyzylorda-news.kz.</a> Сыр өңірінің тәртіп сақшылары 9 мамыр Ұлы Жеңістің 78 жылдығына, 7 мамыр Отан қорғаушылар күніне арналған мерекелеу қарсаңында ардагер полицейлерді құттықтады. &nbsp;&nbsp;Тыл еңбеккерлері мен Ұлы Отан соғысы ардагерлерінің жесірлері назардан тыс қалдырылмайды. Ұлы Отан соғысы қарсаңында полиция ведомствосының өкілдері және департаменттің Ардагер кеңес мүшелері Жаншай Аяпова, Аманкүл Абсадирова апайларға, Абдулла Мұхтаров, Төлеш Әлиев ағайларға барып қайтты. Ішкі істер органдары ардагерлерінің тізімінде 5 тыл еңбеккері және 6 Ұлы Отан соғасы ардагерлерінің жесірлері бар.Мерекеге орай ішкі істер саласында қызмет етіп, құрметті зейнеткерлік демалысына шыққан ардагерлердің үйіне арнайы барып, мейрамдарымен құттықтап, азық-түліктер жеткізді. &nbsp;&nbsp;Осындай беделді ардагерлер иықтарына погон тағып, құқық қорғау қызметінің ыстығына күйіп, суығына тоңған білікті мамандар саналы ғұмырын ішкі істер саласына арнаған.Қиын қызметтің ыстығы мен суығына төзген ардагерлер жас полиция қызметкерлерін кәсіптерінің шеберліктеріне үйретіп келеді. Ұрпаққа игілік пен ізгіліктің, пайым-парасаттың үлгісін танытқан ардагерлер департамент басшылығына, Ардагерлер кеңесіне алғыстарын білдірді.&nbsp;«Бізді елеп, ескеріп, мейрамда құттықтап келгендеріңе, өз сый-сыяпаттарыңды ала келгендеріңе алғысымыз шексіз. Ауыр қызметтеріңе тек қана табыс, өздеріңе шыдамдылық пен зор денсаулық тілейміз!» деп ақ баталарын берді.&nbsp;<img src="https://knadmin.beoblood.kz/uploads/image_05_05_23_04_48_5d108077d4.jpeg" alt="image-05-05-23-04-48.jpeg"><img src="https://knadmin.beoblood.kz/uploads/image_05_05_23_04_48_3_e797b18e4a.jpeg" alt="image-05-05-23-04-48-3.jpeg"><img src="https://knadmin.beoblood.kz/uploads/image_05_05_23_04_48_4_de4c575d41.jpeg" alt="image-05-05-23-04-48-4.jpeg">

Қызылорда: Ішкі істер органдары ардагерлерінің тізімінде 5 тыл еңбеккері бар

<a href="https://kyzylorda-news.kz/">Kyzylorda-news.kz.</a> Сырдария ауданында «AMANAT» партиясы облыстық филиалы жанындағы «Жер аманаты» комиссиясының көшпелі отырысы өтті.Жиынға партияның облыстық филиалының және партия жанындағы облыстық «Жер аманаты» комиссиясының төрағасы Наурызбай Байқадамов, партия филиалының Атқарушы хатшысы Ләйлә Төрешова және комиссия құрамындағы депутаттар, сала мамандары және құзырлы органдар мен прокуратура өкілдері қатысты.Жер мәселесі қай уақытта да ең маңызды мәселелердің бірі. Оның ішінде заңсыз берілген жерлерді қайтару, ауыл тұрғындарына жетіспейтін жайылым жерлері және басқа да жер қатынастарды ретке келтіру бойынша «AMANAT» партиясы еліміз бойынша «Жер аманаты» жобасын іске қосып, түйткүлді мәселелердің шешілуіне мұрындық болуда.<blockquote>«Өткен жылы жоба аясында еліміз бойынша 5 млн га заңсыз алынған немесе пайдаланылмай жатқан жерлер мемлекет меншігіне алынса, біздің өңірде көлемі 157 мың 113,1 гектарды құрайтын 256 жер учаскесі мемлекет меншігіне қайтарылды. Оның ішінде көлемі 50 мың 879 гектар болатын 5 жер учаскесі сот шешімімен мәжбүрлі түрде өндірілді. Биыл жыл соңына дейін облыс бойынша пайдаланылмай жатқан 200 мың гектар жерді қайтару жоспарланған болатын. Бүгінгі күні 69,2 мың га қайтарылды. Сондықтан бұл жұмыстар күшеймесе бәсеңдемейді»,- деді жиын басында комиссия төрағасы Наурызбай Байқадамов.</blockquote>Биыл комиссия ауылдар маңындағы жайылым жерлерді қайтаруға баса мән бермек. Осы ретте, аймақтық комиссияның көшпелі отырысында «Сырдария және Жалағаш аудандарында «Жер аманаты» жобасының іске асырылу барысы туралы» аудан әкімдерінің есептері тыңдалып, жұмысты тиімді ұйымдастырудың жолдары талқыланды.Жиын барысында комиссия төрағасы өткен жылы мемлекет меншігіне қайтарылған ауыл шаруашылығы мақсатындағы жерлерді жайылымдық жерлерге мұқтаж елді мекен тұрғындарына мақсатты бөліп беруге арналған мониторинг картасының жүзеге асуын пысықтап, жұмысты жетілдіру бағытында нақты ұсыныстарды ортаға салды.

«Жер аманаты» комиссиясының көшпелі отырысы өтті

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Темірбекұлы Есжанов кезектілік тәртібімен тұрғындарды жеке мәселелері бойынша қабылдады.Тұрғындар тарапынан жұмыссыздық және тұрғын үй мәселелері көтерілді. Кәсіпкерлікті дамыту мен спорт саласындағы жетістікке жеткен тұлғаларды насихаттау мақсатында да ұсыныстар айтылды.Жалағаш ауданының әкімі 2023 жылы Жалағаш кентінде халықтың әлеуметтік жағынан осал топтары санаты бойынша тұрғын үй кезегінде тұрған 50 отбасын жаңа баспанамен қамту және алдағы уақытта үй санын 100 баспанаға ұлғайту жоспарланғанын жеткізді.Азаматтарды жеке-жеке қабылдаған Асқарбек Темірбекұлы жауапты сала басшыларына бірқатар тапсырмалар берді.Жалағаш халқы жерлестерімен мақтанадыҚазақстан Республикасындағы медицина ғылымын дамытуға және отандық ғылымды дамыту стратегиясын жүзеге асыруға қосқан үлесі үшін «А.Н. Сызғанов ат. ҰҒХО» АҚ ҚР ҰҒА Басқарма төрағасы, м.ғ.д., профессор, ҚР ҰҒА академигі, жерлесіміз Болатбек Бимендеұлы Баймаханов Қазақстан Республикасы Ұлттық ғылым академиясының «Алтын медалімен» марапатталды.Болатбек Бимендіұлын барша жалағаштықтар атынан құттықтаймыз.<img src="https://knadmin.beoblood.kz/uploads/344534462_625956115721592_6319646581591204433_n_dee6496551.jpg" alt="344534462_625956115721592_6319646581591204433_n.jpg">

Қазақстан және Қызылорда облысының жаңалықтары