<a href="https://kyzylorda-news.kz/">Kyzylorda-news.kz.</a> Үйлестіру кеңесі отырысында өңірлік Жастар ресурстық орталықтары жастармен жан-жақты жұмыс жүргізілу барысын, өңірлерде жастарды мемлекеттің әлеуметтік-экономикалық дамуына ықпалдастық етуге бағытталған шаралар кешені, жастармен жұмыста тиімді әдіс-тәсілдерді қолдану туралы өз тәжірибелерімен бөлісті.Атап айтқанда, Қарағанды облысының Жастар ресурстық орталығының директоры Аида Искакова орталық қызметкерлерінің жалақысын көтеру механизмдерінің өз тәжірибелеріне негізделген нұсқасын ұсынды. Бүгінгі таңда жастар ресурстық орталықтарының қызметкерлеріне 70% мөлшерінде ынталандырушы үстемақы қаражатының салынғанын және орталық қызметкерлері әртүрлі санаттағы жастарға қызмет көрсеткені үшін жалақыға қосымша ақы алуына басты негіздеме болып табылатындығына тоқталды.&nbsp;Сонымен қатар, жиын барысында қызметкерлердің біліктілігін арттыру және оқыту, жастар орталықтарының жұмысына сараптама, бағыт-бағдар беру, өзара жұмыс тиімділігін арттыру бойынша әр өңірдің жастар ресурстық орталықтары директорылары мен Жастар ісі жөніндегі басқарма басшылары өз ұсыныс-пікірлерін айтты. Түркістан облысы қоғамдық даму басқармасыныңбөлім басшысы &nbsp;Нұрлан Мыңбаев әр өңірде жұмыс жасау бағытының әртүрлі екенін айта келіп, барлық өңірдегі жұмыс бағытын, жоба, шараның өткізілу форматын біріздендіруді ұсынды.Маңғыстау облыстық ЖРО директоры Мақаш Оралбай Жастардың жалақысын көтерудегі үстемақы мәселесіне тоқталды. Жастардың репродуктивті денсаулығы мәселесіндегі шешілмей, тасада қалып жатқан, Жастар денсаулығы орталығының жүйесіз жұмысын реттеуді ұсынды. Штаттық бірлікті стандарттау мәселесін реттеуді, Жастар ресурстық орталықтарының құрылғанына 10 жылдық мерейтойы қарсаңында республикалық жастар форумын ұйымдастырып, оған мемлекет басшысының тікелей қатысып, жастармен бүгінге дейінгі мәселелерді ашық алаңда талқыласақ деген ұсынысын жеткізді.Жиын соңында Жастар ресурстық орталықтары арасында ұйымдастырылған үздік ақпараттық материалдар байқауының жеңімпаздарын марапаттау рәсімі өтті.

Үйлестіру кеңесі еркін форматта өтті

<a href="https://kyzylorda-news.kz/">Kyzylorda-news.kz.</a> Бүгінде облыс әкімінің қолдауымен аймақта жаңа жобалар жүзеге асырылып, Сыр өңірі құрылыс алаңына айналды. Соның ішінде білім беру нысандарының құрылысы ерекше қарқын алды.«Білім беру инфрақұрылымын қолдау» қоры есебінен типтік жобадағы мектептер, интернаттар және қосымша білім беру ұйымдары ғимараттарын салуға салалық министрлікке ұсыныс берілген болатын.Үкімет басшысы Әлихан Асханұлы Смайыловтың облысқа іссапары кезінде қаланың сол жағалауынан 300 орынға арналған жатақханасы бар, дарынды балаларға арналған 400 орындық физика-математика мектеп-интернатын салу ұсынысы қолдау тапты. Құрылыс мамыр айында басталмақ.Осы кезге дейін Қызылорда қаласында бір ғана Оқушылар үйі болса, енді сол жағалауда 350 орынға арналған заманауи үлгідегі екінші Оқушылар сарайының құрылысы басталуда.Сонымен қатар, биыл дарынды балаларды қолдау мақсатында Қызылорда қаласы мен Қармақшы ауданында 150 орынға арналған мамандандырылған мектеп-лицей ашылды. Оған қоса Жезқазған трассасы бойында 600 орындық, Жаңақорған ауданы, Майбекет мөлтек ауданында 300 орындық, Шиелі ауданы, Байсын ауылында 250 орындық, Қазалы ауданы, Әйтеке би кентінде 250 орындық мектептер ел игілігіне беріледі. Ал Арал ауданы Тоқабай елді мекеніндегі жеке инвестор есебінен салынып жатқан №248 апатты мектеп жаңарып, биыл пайдалануға берілмек.«Жайлы мектеп» ұлттық жобасы аясында облыста алдағы 3 жылда 15 100 орынға арналған құны 100 млрд. теңгеден асатын 21 мектеп салынады. Биыл 10 мектептің құрылысы басталады. Бұл 2025 жылы өңірдегі үш ауысымды және апатты мектептер мәселесінің толығымен шешім табуына, балалардың сапалы білім алуына берік негіз қалайды.Мұнан бөлек, Қызылорда қаласындағы үш ауысымға көшуі мүмкін мектептердің мәселесі де биыл шешімін табады. Қазір Абай атындағы мектеп жанынан 550 орындық, №101 мектеп-лицей жанынан 375 орындық, №264 мектеп-лицей жанынан 550 орындық, №3 мектеп-лицей жанынан 375 орындық қосымша оқу ғимараттары салынуда.

Аймақта заманауи білім беру нысандары салынуда

<a href="https://kyzylorda-news.kz/">Kyzylorda-news.kz.</a> Бүгінгі Үкімет отырысында Мемлекет басшысының 19 сәуірде өткен елдің әлеуметтік-экономикалық даму мәселелері туралы кеңейтілген мәжілісте айқындаған экономикалық саясаттың сегіз нақты бағыты талқыланды. Жауапты ведомство басшылары атқарылатын шаралар туралы баяндады.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді. Мемлекет басшысы алға қойған міндеттерді жүзеге асырудың нақты шаралары қабылдануы қажеттігін атап өтті.<blockquote>«Барлық басқармалар салалық министрліктермен әр бағыт бойынша өз міндеттерін пысықтап, жұмыс жасауы керек. Мемлекет басшысы азық-түлік бағасының қымбаттауына тоқталып, тұрақтандыру қорлары мен азық-түлік корпорациясының жұмысын күшейтуді тапсырды. Расында, біздің өңірде агралық секторды дамытуға мол мүмкіндік бар. Дегенмен тұрғындар нанмен, күрішпен және тұзбен ғана 100 пайыз қамтамасыз етілген. Халық тұтынатын әлеуметтік маңызы бар негізгі тауарлар сырттан тасымалдануда. Оларды өндіруге толық мүмкіндігіміз болғанымен, жұмыс жолға қойылмаған. Облыстық ауыл шаруашылығы және жер қатынастары, кәсіпкерлік және өнеркәсіп басқармалары Қызылорда қаласының, барлық ауданның әкімдерімен, «Байқоңыр» әлеуметтік кәсіпкерлік корпорациясымен бірлесіп, азық-түлік қауіпсіздігін қамтамасыз ету және бағаны тұрақтандыру бойынша нақты ұсыныстар берсін», - деді аймақ басшысы.</blockquote>Мұнан бөлек, жиында инвестиция тарту, қалалардағы жағдайды жақсарту мәселелері талқыланды. Облыстық экономика және қаржы басқармасына барлық басқармалармен бірлесіп, Мемлекет басшысының тапсырмаларын жүзеге асыру бойынша Өңірлік іс-шаралар жоспарын әзірлеу жүктелді.

Мемлекет басшысының тапсырмаларын орындау барысы талқыланды

<a href="https://kyzylorda-news.kz/">Kyzylorda-news.kz.</a> &nbsp;Кейінгі уақытта Сыр өңірінде медициналық нысандар құрылысы ерекше қарқын алды. Солардың қатарында өткен жылы іргетасы қаланған, қаланың сол жағалауында орналасқан Қан орталығы бар.Нысанның жобалық құны – 2,5 млрд теңге. Бас жобалаушы – «Крез-Сервис» ЖШС. Ал мұндағы жұмыстың уақытылы әрі сапалы бітуіне жауапты – «СК Дәнекер» ЖШС. Өткен жылы құрылысты бастаған мердігер мекеме биыл жұмысты жалғастыруда.<blockquote>«Қан орталығының құрылысын былтыр тамыз айында бастадық. Қыста &nbsp;құрылыста &nbsp;30 адам &nbsp;жұмыс істеді. Ауа райының қолайсыздығына байланысты жұмыс баяулаған болатын. Күн жылынғасын қайта қарқын алды. Қазір мұнда 60 адам еңбек етуде. Барлығы – жергілікті &nbsp;тұрғындар. Айлық 130-170 мың теңге аралығында. Жаз айларында жұмысшы санын 180-200-ге дейін көбейтпекпіз», – деді «Дәнекер &nbsp;құрылыс &nbsp;компаниясы» &nbsp;ЖШС-ның &nbsp;атқарушы &nbsp;директоры &nbsp;Жоламан Спанов.&nbsp;</blockquote>Айта кету керек, жоба барысында қолданылатын құрылыс заттарының 90 пайызы – қазақстандық өнім. Мәселен, тас, гравий, щебен, цемент, кірпіш, &nbsp;жабынды &nbsp;плиталар жергілікті өндіруші &nbsp;зауыттардан алынады. Ал арматура сияқты облыста өндірілмейтін заттар &nbsp;тапсырыс &nbsp;бойынша сырттан әкелінеді. Мердігер мекеме мамандары жұмысты еңсеруге техника жеткілікті екенін айтып отыр.Үш қабатты ғимарат заманауи архитектуралық талаптарға сай салынуда. Бүгінге дейін бас корпустың (А және Б блогы) жерасты &nbsp;жұмыстары &nbsp;толық аяқталған. Қос блоктағы бөлмелердің қабырғалары темір бетоннан &nbsp;құйылып, &nbsp;жабынды плиталары монтаждалыпты. А блогындағы 1-2 қабаттың бағаны мен ригельдері бетоннан құйылса, Б блогындағы 1-2 &nbsp;қабат толық кірпіштен өріліпті. Тағы бір біткен іс – электр қуатының трансформаторлық &nbsp;подстанциясы. Ол да толық салынып, қашықтығы &nbsp;2,3 шақырым &nbsp;болатын &nbsp;жоғары &nbsp;кернеулі &nbsp;кабелі &nbsp;екі &nbsp;желімен &nbsp;жүргізілген.Құрылыс басында атқарылып жатқан қазіргі жұмыстар туралы &nbsp;учаске басшысы, Қазақстанның құрметті құрылысшысы Қалдыбек &nbsp;Әбдіреев баяндап берді.<blockquote>«Дәл қазір А блогындағы 3-қабат бағаналарының арматуралары &nbsp;тоқылуда. Б блогындағы 3-қабат қабырғаларының кірпішін қалап, терезелерін салып жатырмыз. Сонымен қатар, бес көлікке арналған гараждың &nbsp;қабырғалары қаланып, плиталары &nbsp;жабылды. Осылай өзегін тұрғызсақ, алдағы уақытта ішкі-сыртқы жұмысына кірісеміз. Сыртқы бөлігі травертинмен қапталатын болады. Жалпы барлығы талапқа сай, арнайы мекемелердің жіті қадағалауында», – деді тәжірибелі маман.</blockquote>Қан орталығы – Қызылорда облысының әлеуметтік инфрақұрылымын дамыту бағдарламасы аясында жүзеге асып жатқан кезекті жоба. Аталған нысан қолданысқа берілгенде Сыр медицинасына елеулі үлес қоспақ. &nbsp;

Сол жағалаудағы серпін: құрылыс қарқынды жүріп жатыр 

<a href="https://kyzylorda-news.kz/">Kyzylorda-news.kz.</a> Жастар ресурстық орталықтарын дамыту жөніндегі Үйлестіру кеңесінің алғаш рет көшпелі отырысы 20-21 сәуір күндері Сыр елінде өтті.&nbsp;Үйлестіру кеңесінінің алғашқы күні ҚР-ның АҚДМ Жастар және отбасы істері комитетінің ведомствоаралық үйлестіру және өңірлік өзара іс-қимыл басқармасының басшысы М.Есекеева, «Жастар» ғылыми-зерттеу орталығының жастар ресурстық орталықтарын әдістемелік қамтамасыз ету басқармасының жетекшісі А.Абенова және Қазақстанның барлық аймағынан Жастар ісі жөніндегі басқарма басшылары мен барлық облыстардағы Жастар ресурстық орталықтарының директорлары Байқоңыр қаласына сапарлап, бірқатар маңызды нысандарды аралады. Шара барысында Байқоңыр қаласының әкімшілік басшысы К.Б.Бусыгин Қазақстандық делегаттарды қабылдап, Байқоңыр қаласында Мемлекеттік жастар саясатының жүзеге асырылу барысы, жастар орталықтарының жұмысы және волонтерлік қозғалыс жөнінде айтып өтті.&nbsp;Бұдан кейін делегация «Будущее Байконура» жастар орталығының ғимаратына экскурсия жасап, орталықтың жастарға ұсынатын мүмкіндіктерімен танысты. Байқоңыр қаласындағы маңызды тарихи орын саналатын «Байқоңыр» космодромына барып, ондағы мұражайда орналасқан тарихи мұра мен жәдігерлерден мол әсер алды. &nbsp;Сонымен бірге Сыр елінің мәдени брэндіне айналған Қорқыт ата мемориалды кешенін аралап, ондағы құнды экспонаттардың тарихымен танысты.Экскурсия соңында еліміздің әр өңірінен келген қонақтарға қазақы қонақжайлылық танытып, Рамазан айының соңғы күнінде ауызашар дастарханы жайылды.

Үйлестіру кеңесінің алғаш рет көшпелі отырысы өтті

Бала тәрбиесі: Ата-аналар кеңесі белсенді жұмыс атқаруда

Ауыл ахуалы – қоғам дамуының көрсеткіші

<a href="https://kyzylorda-news.kz/">Kyzylorda-news.kz.</a> Жалағаш ауданына көгілдір отын кіргелі жергілікті халық бейнеттен құтылды. Олай дейтініміз осыған дейінгі жылу маусымдарында тұрғындар күл алып, отын жағатын. Тіпті қатты отынның тапшылығына байланысты бірнеше рет бұл мәселемен бетпе-бет келгенін көзімізбен көрдік. Ал қазір ше, бүгінде бәрі басқаша. Аудан орталығына көгілдір отын келгелі жергілікті тұрғындар жылу маусымында бұрынғыдай әуре-сарсанға салынбайды. Бұл – тұрғындардың қуанышы. Негізінен, шын мәнінде табиғи газды тұтыну жеоргілікті тұрғындардың тұрмысымын ғана жеңілдетіп қойған жоқ, ауданды газдандыру жобасының сәтті іске асуы экологиялық ахуалдың түзелуіне, нақтырақ айтсақ, табиғат байлығының сақталуына үлкен сеп болды десек, артық айтқанымыз болмас.&nbsp;Жалағаш ауданының орталығын газдандыру жұмыстары 2019 жылы басталған. &nbsp;Орталықтандырылған газ желісі 2021 жылы пайдалануға берілді. Сол уақыттан бері аудан халқының 80 пайыздан астамы газбен қамтылған. Бүгінде аудан орталығындағы 3 мыңнан астам тұрғын үйдің 2500-ден астамы табиғи газге қосылған. Мұнан бөлек 10-ға жуық әлеуметтік нысан мен 100-ге жуық кәсіпорын &nbsp;газ желісіне қосылған. Әлі де бұл бағытта жұмыстарды жүйелі түрде жүргізу жалғасуда.&nbsp;Қазіргі таңда Жалағашта тек аудан орталығы ғана көгілдір отынға қосылған. Алдағы уақытта ауданға қарасты барлық ауылдарға да газ апару жоспарда бар. Бірақ әзірге аудан орталығына жақын орналасқан елді мекендер ғана табиғи газбен қамтылмақ. Осы мақсатта соңғы 2 жылда ауданды газдандыру бойынша жалпы құны 130,7 млн теңгені құрайтын 4 жоба жүзеге асқан. Олардың қатарында Қонысбек Қазантаев атындағы аудандық мәдениет үйінің, аудандық мәдениет және өнерді дамыту орталығының, сонымен бірге аудандық қаржы бөлімі ғимараттарының жылу жүйесін табиғи газға ауыстыру жолымен қазандықтарын қайта жаңғырту жұмыстары бар. Одан бөлек, кенттегі «Ақмаржан», «Күншуақ», №19 санаториялық бөбекжайларын газбен жылыту мақсатында жұмыс жасалған. &nbsp;Иә, биыл кент іргесіндегі Ақсу ауылдық округіне газ кіреді. Аудан халқының есіне сала кетейік, 2021 жылы Ақсу елді мекенін орталықтандырылған газ желісімен қамтамасыз етуге жобалау-сметалық құжаттар әзірлеу үшін аудандық бюджеттен 9,2 млн теңге бөлінген. Өткен жылы жобалаушы мекеме «Прикаспийское управление строительства Шымкент» жобалау-сметалық құжаттар әзірлеу жұмыстарын аяқтап, мемлекеттік сараптама қорытындысы алынды. Жоба құны 545,250 млн. теңгені құрайды. Жобаны бюджеттен қаржыландыру үшін облыстық энер-гетика және тұрғын үй-коммуналдық шаруашылық басқармасына бюджеттік өтінім тапсырылған. Аталған елді мекенді газдандыруға байланысты жоба қолдау тауып, биылғы жылдың бюджетіне қаржыландыруға енгізілген болатын. Сонымен бірге М.Шәменов елді мекенін газдандыру үшін тиісті қаржысы қаралды. Жоба құны 710,4 млн. теңгені құрайды. Аудандық бюджеттен 7,6 млн. теңге қаржы қаралып, ЖСҚ әзірленіп, сараптамадан өтіп жатыр. Бұйыртса, М.Шәменов ауылы тұрғындарының да көгілдір отынның игілігін көретін күні алыс емес. Қандай да бір тауарды тұтынушы ең алдымен оның сапасына мән береді және талап етеді. Осы орайда халық көкейінде газ тарату жұмыстарының сапасы және қауіпсіздігі жайында да сауал болуы әбден мүмкін. Сондықтан бұл жайында біз «Қызылорда газдандыру жүйесі» КММ-ның Жалағаш аудандық учаскесінің бастығы Сәбит Жаңашовтан сұрап білдік. Сәбит Жаңагов газ желісінің құрылысын жүргізген мердігер мекемелерден ең алдымен жауапкершілікті талап ететінінайтады.&nbsp;– Біздің мекеменің басты мақсаты газды халыққа үздіксіз жеткізіп отыру және қауіпсіздігін қадағалау. Ол жұмыстарды арнайы мамандар атқарады. Нақтырақ айтсақ, газ кіргізетін үйді алдын ала тексеріп, талаптарға сәйкестігін анықтайды. Тұрғындар тек құжатта көрсетілгендей техникалық қауіпсіздікті сақтауы тиіс. Сосын тағы бір айта кететін жайт, газ пештерінен немесе үйге кіріп тұрған желілерінің бойынан ақау анықталса, дереу 109 нөміріне қоңырау шалып, тиісті мекемеге хабарласқаны жөн. Өйткені, қандай да бір игілікті жұмыстың жауапкершілігі болады және соның басында тұрғындардың қауіпсіздігі тұр. Айта кетейік, оқыс жағдайлардың алдын алу үшін газ орнататын әрбір тұрғын үй және кәсіпкерлік нысандар техникалық қызметті пайдалану мақсатында мердігер мекемелермен техникалық келісім-шартқа отыруы міндетті. Бұл заң жүзінде талап етіледі. Егер келісім-шарт болмаған жағдайда алдағы күндері ол нүктелерге газ берілмейді. Себебі кейбір кездерде пеш сөніп қалады немесе дабыл жүйесі істен шығуы мүмкін. Сондай кездерде біздің мекеме қызмет көрсетпейді. Әлгі келісім-шарт жасас¬қан мердігерлер шұғыл көмекке келуі тиіс. Ал біздің мекеме тек халыққа газ тарату қызметімен ғана айналысады және соған қосымша дабыл қоңырауы бұзылып, газдың иісі білінген кезде ғана қызмет көрсетеді.&nbsp;Газ пайдаланушылар аса сақ болғаны жөн. Үйдегі газ пештерінің дұрыс жұмыс істеуін, булықтың үнемі ашық тұруын, дабыл жүйесінің электр көзіне қосылып тұруын жіті қадағалап отыруы керек. Сондай-ақ, үйде қазандық пешінің болғаны да дұрыс. Бұл табан астынан апатты жағдай орын алған кезде қосымша жылу көзі ретінде қажет. Сонымен бірге тұрғындар газ кіргізбес бұрын біздің мекемемен алдын ала кеңесіп алу керектігін айтар едім. Ол үшін техникалық шарт жасалады. Оған үйдің техникалық құжаты, жер телімінің құжаты, меншік иесі туралы құжат және жеке куәлік қажет.&nbsp;Ауданымызға газдың келгені аудан халқы үшін үлкен қуанышты жаңалық болды. Алайда игілігімізге тұтынып отырған тұрмыстық қажеттілік үшін төлем жасау міндетіміз. Қазірде көп тұрғындар газды қажетінше пайдаланып, төлем жасайтын уақытта жауапкершіліктен жалтарады. Көбі кешіктіріп төлейді. Соның салдарынан газ тарату жұмысының жүйесі бұзылады. Сосын газ пайдаланушылар тарапынан туындап тұрған тағы бір мәселе бар. Ол – біздің қызметкерлеріміз үшін тұрғын үйлердің ішінде орна¬ласқан есептегіш құралдың көрсеткішін көрудің қиындығы. Тұрғындар үйлеріне кіргізбейді. Біз есептегіш құралдың көрсеткішін көріп отыруымыз керек. Осы жағы қиындық туғызып отыр. Тұрғындардың есіне сала кетейін, ай сайынғы төлемді «Халық» банкі және «Каспий» банкі арқылы үйде отырып жасауға болады. «Каспий» банкте төлем мөлшері мен қарыздар көлемі де көрсетіліп тұрады, – дейді Сәбит Еркінболұлы.

Жалағаштықтар көгілдір отынның игілігін көріп отыр

<a href="https://kyzylorda-news.kz/">Kyzylorda-news.kz.</a> Қызылорда қаласының қоғамдық даму КММ мен "Қызылорда облысының жастар Одақтары" қоғамдық бірлестігінің ұйымдастыруымен "Cыбайлас жемқорлықтың алдын алуға бағытталған ақпараттық түсіндірме шараларын және адам саудасының алдын алуға бағытталған шараларды ұйымдастыру» әлеуметтік жобасы аясында Қызылорда облысының халыққа қызмет көрсету орталығының қызметкерлерімен сыбайлас жемқорлықтың алдын-алу мәселелеріне байланысты заңгер Байменов Нұрсұлтан Шаяхмедұлымен кездесу өткізілді.&nbsp;Кездесу барысында заңгер сыбайлас жемқорлықтың алдын алу бірде-бір мемлекет сыбайлас жемқорлықты түбегейлі жоя алмады, бірақ бұл жағымсыз құбылыспен күреспеу, оны қолдаумен бірдей. Сондықтан, ол қоғам назарынан тыс қалмауы керек. Қарапайым тілмен айтқанда, сыбайлас жемқорлық дегеніміз- бұл өз лауазымын жеке басының мүддесі үшін пайдалану. Ол әр түрлі формада көрінеді: парақорлық, жымқыру, алаяқтық және т.б. «Қазақстан-2050» Стратегиясында, сыбайлас жемқорлықты жеңу – еліміздің басты бағыттарының бірі екенін айтып кеткен. Себебі ол мемлекеттің саяси және әлеуметтік институттарына кері әсерін тигізіп, елдің дамуына кедергі келтіреді. Сыбайлас жемқорлықпен қалай күресу керек? Бұл үшін барлық адамдардың көмегі қажет. Өйткені, оның дамуына пара алушылар ғана емес, пара берушілер де әсер етеді. Көптеген адамдар ақша ұсыну арқылы өз істерін тез шешуді жөн көреді. Сондықтан ең алдымен, өзіңізден бастауыңыз керек. Лауазымды тұлға сізден пара талап еткен жағдайда – бұл туралы құқық қорғау органдарына дереу хабарлау қажет.&nbsp;Мәселені шешу үшін кешенді шаралар қажет – сыбайлас жемқорлық қылмыстары үшін жазаны күшейту, азаматтық қоғамды белсенді ету және бұқаралық ақпарат құралдарының ықпалын көтеру. Осы құбылысқа қарсы күресте басқа елдердің тәжірибесін пайдалану керек. Олардың бағдарламаларын біздің мемлекетімізде қолдану. Бұл қазіргі заманның ауруы, оны емдеу үшін мемлекеттік органдар тарапынан да, ел азаматтары тарапынан да орасан күш жұмсау қажет екендігін атап өтті. Заңгерге халыққа қызмет көрсету орталығының қызметкерлері өздерінің көкейінде жүрген сұрақтарын қойып, нақты жауаптарын алды. Қызметкерлер алдағы уақытта бұндай кездесулер жиі болу керектігін айтып, заңгерге өз алғыстарын жеткізді.

Халыққа қызмет көрсету орталығының қызметкерлері заңгермен кездесті

Медицинадағы маңызды қадам жетістікке жетелейді

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрлігі Жастар және отбасы істері комитетінің төрағасы Қ.Д.Баймульдинов, Қызылорда облысы әкімі аппаратының басшысы Ш.Байманов, «Жастар» ғылыми-зерттеу орталығының директоры А.Ерниязова, ҚР-ның АҚДМ Жастар және отбасы істері комитетінің ведомствоаралық үйлестіру және өңірлік өзара іс-қимыл басқармасының басшысы М.Есекеева, Қазақстанның барлық аймағынан Жастар ісі жөніндегі басқарма басшылары, барлық облыстардағы Жастар ресурстық орталықтары директорларының қатысуымен Жастар ресурстық орталықтарын дамытуға, ҚР Мемлекеттік жастар саясаты туралы заңы, ҚР 2023-2029 жылдарға арналған мемлекеттік жастар саясатының тұжырымдамасындағы өзгерістерді кеңінен түсіндіру мақсатында үйлестіру кеңесінің отырысы өтті.Кеңес отырысында сөз алған Қызылорда облысы әкімі аппаратының басшысы Шахмардан Асқарұлы Сыр топырағына келген барша қонақтарға және үйлестіру кеңесінің жұмысына сәттілік тілеп, ел дамуының негізі тетігі саналатын жастар саясатының маңыздылығына тоқталды. NEET санатындағы жастармен жұмыста берілетін мемлекеттік қолдаулар мен мүмкіндіктер, өңірлік деңгейде жастарды жұмыспен, баспанамен қамту мәселелерін сөз етті. Сонымен қатар, кірпіші қаланған бірқатар әлеуметтік маңызды нысандарға тоқталды.Жиында сөз алған ҚР Ақпарат және қоғамдық даму министрлігі Жастар және отбасы істері комитетінің төрағасы Қайрат Баймульдинов ҚР 2023-2029 жылдарға арналған мемлекеттік жастар саясатының тұжырымдамасындағы өзгерістерге түсіндірме берді.<blockquote>«Биыл біз Жастар ресурстық орталықтарының 10 жылдық мерейтойын Республикалық деңгейде ауқымды түрде атап өтпекпіз. Осы уақыт ішінде жастар ресурстық орталықтары Мемлекеттік жастар саясатын іске асырудың негізгі институционалдық бөлігіне айналды. Мемлекет басшысы Қасым-Жомарт Кемелұлы Тоқаев ҚР Мемлекеттік жастар саясаты туралы Заңындағы тұжырымдамалық өзгерістерге қол қойды. Өткен жылы 28 ақпаннан бастап аталмыш Заң өз күшіне енді. Заңға енгізілген өзгерістер аясында жастар категориясы 29 жастан 35 жасқа дейін ұлғайтылды. Осылайша мемлекеттік жастарды қолдауға бағытталған бағдарламаларды пайдаланатын жастар саны 3,4 млннан 6 млн жасқа дейін көтерілді» деді ол.</blockquote>Сонымен қатар жиында комитет төрағасы жастардың даму индексі, уақытша жұмысқа орналаспаған жастар, яғни NEET санатындағы жастармен жұмыс, жастармен жұмыс істейтін мамандардың біліктілігі мен санаты бойынша, жастардың еңбек жасақтары мәселелеріне тоқталып, жұмыс барысын өңірлік деңгейде жетілдірудің маңыздылығын айтып өтті.Тұжырымдама жастарды жан-жақты қолдауға негізделген 7 бағыттан, 12 индикатор, 80 іс-шарадан құрылған. Қазіргі таңда барлық жоспар аясындағы жұмыстар жергілікті әкімдіктермен келісіліп, бірлесе жұмыс жүргізілетініне тоқталды.Шара барысында делегация мүшелері облыстық жастар ресурстық орталығында жергілікті жас кәсіпкерлер көрмесін, әскери-патриоттық мұражайды тамашалады. Өңірдегі жастар саясатының жүзеге асырылу барысын, «Сыр жастары» тұрғынүй бағдарламасы жөнінде, NEET санатындағы жастармен жұмыс жасау бөлімінің жұмысымен танысты.

Жастар орталықтарының жұмысын дамытуға бағытталған кеңес өтті

<a href="https://kyzylorda-news.kz/">Kyzylorda-news.kz.</a> 22 сәуірде еліміздің 5 қаласында қолайсыз метеорологиялық жағдай қалыптасады, деп хабарлайды «Қазгидромет» РМК.«Қазгидромет» болжамы бойынша, Қазақстанның бас қалалары – Астана мен Алматыда және Өскемен, Семей мен Ридерде қолайсыз метеорологиялық жағдайлар қалыптасуы мүмкін.Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы ықтимал.

Қазақстан және Қызылорда облысының жаңалықтары