<a href="https://kyzylorda-news.kz/">Kyzylorda-news.kz.</a> Еліміздің білім беру ұйымдарында 91 мың 496 ер педагог еңбек етеді, деп хабарлайды ҚазАқпарат.Оқу-ағарту министрлігіне қарасты Ахмет Байтұрсынұлы атындағы «Талдау» ұлттық зерттеулер және білімді бағалау орталығының мәліметінше, бүгінде еліміздің білім мекемелерінде 91 496 ер педагог жұмыс істейді.Оның 13 488-і колледж, 75 362-і мектептерде, 2646-сы мектепке дейінгі ұйымдарда.

Қазақстан мектептерінде 75 мың ер мұғалім сабақ беріп жүр

<a href="https://kyzylorda-news.kz/">Kyzylorda-news.kz.</a> Қазақстандық боксшы Бек Нұрмағанбет (9-0, 7 КО) Сапопандағы (Мексика) Сауль «Канело» Альварес пен Джон Райдер айқасының андеркардында кезекті жекпе-жегін өткізді, деп хабарлайды ҚазАқпарат Sports.kz порталына сілтеме жасап.Нұрмағанбеттің қарсыласы – Венесуэла өкілі Архенис Эспанья (15-1, 14 КО). Олардың суперорта салмақтағы жекпе-жегі сегіз раундқа жоспарланған болатын, бірақ соңына жетпей, екінші үш минуттықтағы нокауттан кейін қазақстандық жеңімпаз атанды.Осылайша, Бек кәсіпқой бокстағы оныншы жеңісіне жетсе, Эспанья екінші рет жеңілді.Бокс кешінің андеркардында жеңілмеген қазақстандық боксшы Әбілхан Аманқұл да (4-0, 4 КО) мексикалық Фабиан Риос Фраустоны (7-7-3, 4 КО) нокаутқа жіберіп, жеңіске жеткенін айта кетейік.

Бек Нұрмағанбет венесуэлалық боксшыны екінші раундта нокаутқа жіберді

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының төрағасы Мәулен Әшімбаев қазақстандықтарды Отан қорғаушы күнімен құттықтады. Құттықтауын Сенат төрағасы өзінің <a href="https://m.facebook.com/story.php?story_fbid=pfbid02aWDFkaywTpy3mYZfR9cUX">Facebook </a>парақшасында жариялады.<blockquote>«Құрметті достар!Баршаңызды Отан қорғаушы күнімен шын жүректен құттықтаймын!Бұл – батыр бабаларымыздың ерлік дәстүрін және сап түзеген сарбаздарымыздың жауынгерлік рухын дәріптейтін мереке. Осы күні Отанды сүю, елге қызмет ету, антқа адал болу сияқты қастерлі құндылықтардың да маңызы айшықтала түседі. Мұның бәрі азаматтарымыздың патриоттық сезімін арттырып, өскелең ұрпақтың өжет, қайсар болып қалыптасуына оң әсерін тигізетіні анық.Мемлекет басшысы Қасым-Жомарт Кемелұлы Тоқаев Бүкілармиялық кеңесте сөйлеген сөзінде Қарулы Күштеріміз мемлекеттілігіміздің мызғымас тірегі екенін атап өтті. Шын мәнінде, біздің айбынды армиямыз – елдігіміз бен егемендігіміздің берік қалқаны. Сондықтан біз Отан қорғау дейтін мәртебелі міндетті абыроймен атқарып келе жатқан әскерімізді әрдайым мақтан тұтамыз.Мерекемен құттықтай отырып, әр шаңыраққа шаттық, қуаныш, береке тілеймін. Еліміз аман, жұртымыз тыныш болсын! Қарулы Күштеріміздің әлеуеті артып, қорғанысымыз күшейе берсін!»,-деп жазды Мәулен Әшімбаев.</blockquote> &nbsp;

Мәулен Әшімбаев: Айбынды армиямыз – елдігіміз бен егемендігіміздің қалқаны

<a href="https://kyzylorda-news.kz/">Kyzylorda-news.kz.</a> &nbsp;Өзбекстан астанасы Ташкент қаласында өтіп жатқан әлем чемпионатында бүгін, 7 мамырда ел құрамасынан төрт боксшы рингке шығады, деп хабарлайды ҚазАқпарат.Елорда уақытымен сағат 15:00-де басталатын күндізгі сессияда Сәкен Бибосынов (51 келі) үндістандық Дипак Кумармен (А рингіндегі бірінші жекпе-жек), Серік Теміржанов (57 келі) венгриялық Роланд Верешпен (А рингіндегі бесінші жекпе-жек) кездеседі.Ал, Нұрқанат Райыстың (75 келі) қарсыласы - доминикандық Дельгадо де лос Сантос. Олар Б рингінде он екінші жекпе-жекте шеберлік байқасады.Сондай-ақ, сағат 19:00-де басталатын кешкі сессияда, Қамшыбек Қоңқабаев (92 келіден жоғары) сириялық Мохаммед Млайеспен Б рингінде оныншы жекпе-жекте шаршы алаңға шығады

Бокстан әлем чемпионаты: 7 мамырда төрт боксшы сынға түседі

<a href="https://kyzylorda-news.kz/">Kyzylorda-news.kz.</a> Бұдан былай сырдариялықтар жергілікті макарон өнімдерін тұтынбақ. Қызылорда облысының кәсіпкерлік және өнеркәсіп басқармасының берген мәліметіне сүйенсек, солардың бірі ретінде Сырдария ауданынан макарон өнімдерін шығаратын жаңа цех ашылған.&nbsp;Бұл цехтың ашылғанына көп бола қоймаса да, жас кәсіпорын отандық нарықта өзінің маркасын аудан халқына танытып үлгерді. Жаңа макарон цехының жоспарланған қуаты – күніне 40 келі макарон. Әзірге макаронның 10 түрі даярлануда.&nbsp;Кәсіпорын басшысының айтуынша, цехқа автоматтандырылған өндіріс желісі сатып алынған. Мұнда ұнды ыдысқа құю, қамыр илеу, одан макаронды дайындау, формаға салып кесу, ыдысқа қаптауға дейінге әрекеттің барлығы автоматты түрде жасалады.<blockquote>– Цех макарон өнімдерін дайындау үшін қазақстандық ұнды пайдаланады. Цехтың толықтай автоматтандырылуы, әрі қазақстандық шикізатты пайдаланатындығы – нарықтағы макарон өнімдері бағасының төмендеуіне септігін тигізеді, – деді цех басшысы Ғалымжан Танатаров.</blockquote>Айта кету керек, 2021-2025 жылдарға арналған кәсіпкерлікті дамыту жөніндегі ұлттық жоба шеңберінде жаңа бизнес-идеяларды іске асыру үшін 2022 жылы 26 жоба мемлекеттік грантқа мақұлданған.&nbsp;&nbsp;

Сырдария ауданында макарон өнімдерін шығаратын цех іске қосылды

<a href="https://kyzylorda-news.kz/">Kyzylorda-news.kz.</a> Ұлы жеңістің 78 жылдық мерекесі жақындап келеді. Тұтқиылдан Кеңестер Одағына басқыншылықпен шабуыл жасаған неміс фашизімінің адамзат баласына жасаған қайғысы мен қасіреті қанша жыл өткенімен «өткенге салауат, қалғанға береке» десек те, соғыстың барлық ауыртпалығын бастарынан өткізген бұрынғы көп ұлтты Кеңес халқы ешқашан ұмытылмайды. Уақыт өтеді, ескі көнереді, бірақ рухани мұраның келешек ұрпаққа берер тағылымы мен тәлімі мәңгілік жалғасады.&nbsp;Қасқыр Наметша 1917 жылдың қараша айында ауданға қарасты Ленин ауыл советінде, қарапайым шаруа отбасында дүниеге келген. 1924-1935 жылдар аралығында Ленин ауылындағы &nbsp;мектепте оқып 7 класс білім алған.1930-1933 жылдар аралығында Шымкентте және Өзбекстанда әртүрлі жұмыстар атқарған. 1936 жылы «Өндіріс» колхозына мүше болып, 1936-1939 жылдары колхозда есепші болып қызмет жасаған. Қасқыр Наметша 1939 жылы әскер қатарына алынып, Ұлы Отан соғысының ауыртпалығын бастан өткізіп, Беларус, Калинин, Батыс майдандарында және Украина, Белоруссия, Прибалтика, Москва үшін шайқастарда жауға қарсы жан аянбай шайқасқан. 1945 жылы коммунистік партия қатарына қабылданып, 1948 жылы туған еліне оралады.&nbsp;Еңбегі жоғары бағаланып І дәрежелі &nbsp;«Ұлы Отан соғысы», «Еңбек Қызыл Ту», «Құрмет белгісі», «Москваны қорғағаны үшін», «Еңбектегі ерлігі үшін» ордендерімен марапатталған.1950-1951 жылдары Қармақшы май зауытының директоры, К.Маркс ұжымшарының төрағасы, 1956-1957 жылдары аудандық партия комитетінің хатшысы, 1957-1963 жылдары Ленин кеңшарында жұмысшылар комитетінің төрағасы, 1963 жылдан 1980 жылға дейін Жосалы «Астық қабылдау» кәсіпорнының директоры қызметін абыроймен атқарған. Қасқыр Наметша өзіне жүктелген міндеттемелер мен жоспарды орындауда ұжымды жұмылдырып, соның нәтижесінде ұжым бүкілодақтық және республикалық социалистік жарыстың бірнеше дүркін жеңімпазы атанған. Ауданның экономикасының өсіп-өркендеуіне зор үлесін қосып, құрметке бөленген.Наметша басқарған кәсіпорын ұжымы өндірісте жоғарғы көрсеткішке жеткені үшін Қазақ ССР жоғарғы Советімен жұмысшы-қызметкерлер кәсіподағы Советінің Қызыл Туымен, облыстық партия комитеті мен кәсіподақтар Советінің Қызыл Туымен, Қазақ ССР астық өнімдері министрлігі мен республикалық кәсіподағы Советінің Құрмет грамоталарына бірнеше рет ие болған. Кәсіпорын ұжымының мәдени-әлеуметтік жағдайын жақсарту үшін ұзақ еңбек еткен Қасқыр Наметшаға «Қазақстанның ауыл шаруашылығына еңбегі сіңген қызметкері» және 1997 жылы «Қармақшы ауданының құрметті азаматы» атағы берілген. Есімі Қазақстанның «Алтын кітабына» жазылған. Қасқыр Наметша 1998 жылдың 17 мамырында 81 жасында дүниеден озды.Ідіріс Тұрмағанбетов 1918 жылы 3 қаңтарда Төрткөл ауылдық советіне қарасты елді мекенде кедей шаруа отбасында дүниеге келген.Әкесі Тұрмағамбет Сеитов 1932 жылы, шешесі Күмбез Қожабайқызы 1933 жылы қайтыс болған.Әке-шешесі ерте қайтыс болғандықтан, аудандағы балалар үйінде тәрбиеленген. 1930-1934 жылдары Қармақшы колхоз жастар мектебінде оқып, бастауыш мектепті жақсы деген бағамен бітірген. 1934 жылы балалар үйінің жолдамасымен Шымкент ауыл шаруашылығы техникумына оқуға түседі. Техникумды техник-гидромелиоратор мамандығы бойынша 1939 жылы жақсы бағамен бітіреді. Еңбек жолын Қазалы аудандық су шаруашылығы бөліміне учаскелік гидротехнигі болып жұмыс істеп жүрген кезінде күз айында әскерге шақыртуға алынады. 1940 жылы әскер қатарына шакырылып, Финляндия соғысына қатысады. 1941 жылы Ұлы Отан соғысында Латвия шекарасында қоршауда қалып, жаралы болып қолға түседі. Пленде жүргенде көптеген қиыншылықты, аштықты, азапты қорлықты көреді. 1943-1945 жылдары Либаво қаласында қоршауда қалып, 1945 жылы 9 май күні соғыс бітісімен темір тордан Совет әскері босатып алады. Тергеуден өткесін 8 ай әскерде қайтадан Финляндия жаққа Выборг қаласына барып, сол жерден шығарылып жауынгерлік борышын өтеп, елге 1945 жылдың желтоқсан айында оралады. Ұлы Отан соғысына қатысқаны үшін медаль алады. 1946 жылдың наурыз айынан бастап аудандық су шаруашылығы бөлімінің учаскелік гидротехнигі болып жұмысқа орналасып, 1948 жылы аға гидротехник, 1950 жылдан 1978 жылға дейін аудандық суландыру жуйесінің бастығы қызметін атқарған.Еңбегі жоғары бағаланып «Құрмет белгісі» орденімен, «Еңбек ардагері», 1941-1945 жылдардағы «Ұлы Отан соғысы жеңісінің 25-30 жылдығы» медальдарымен, «Қазақ КСР-не» еңбек сіңірген гидротехнигі атағымен марапатталған. І.Тұрмағанбетов 1978 жылы 15 қарашада дүниеден озды.Шәкіман Бектібаев 1920 жылы 8 наурызда ауданға қарасты Көктөбе ауылдық кеңесінде дүниеге келген. 1932 жылы &nbsp;Ленин атындағы мектепте білім алған.1940 жылы әскер қатарына шакырылып, Эстония жерінде кіші командир дайындайтын курсты бітіріп сержант шенін алып, жетекші командир болып тағайындалады. Соғыс басталғанша әскерде қызмет атқарып жүреді. Ұлы Отан Соғысы басталысымен майданға аттанып неміс басқыншыларынан Невель, Смоленск, Белгород, Великие Луки, Курск бағытындағы ұрыстарға қатысқан. 1943 жылы Украинаның Сумы қаласын жаудан азат ету барысында ауыр жарақат алып, госпитальда емделіп, екінші топтағы мүгедек болып 1944 жылы елге оралады. 1941-1945 жылдардағы Ұлы Отан Соғысында Германияны жеңгені үшін медалімен, І дәрежелі «Ұлы Отан соғысы», «Қызыл жұлдыз» ордендерімен және бірнеше медалдармен марапатталған. Қазақ ССР Жоғарғы Кеңесінің грамоталарымен бірнеше медалдарымен марапатталған.Шәкіман Бектібайұлы туған елге оралған соң ауданда халық шаруашылығын қайта қалпына келтіру жұмыстарына белсене араласып 1945-1946 жылдары Қармақшы сельпосында наубайхана меңгерушісі, одан кейін аудандық астық дайындау мекемемесінің қойма меңгерушісі, дайындау мекемелері жанындағы партия ұйымының парторгы, 1953 жылдан аудандық тұтыну қоғамы мекемесінің сельпо, рабкооп бастығы болып 1978 жылға дейін жұмыс істеп, 1978 жылы Отан соғысы мүгедектігіне байланысты еңбек демалысына шығады.Ел алдындағы елеулі еңбектері үшін ҚазКСР Жоғарғы Кеңесінің грамотасымен және басқа да мадақтамаларға ие болған. 2011 жылы Қармақшы ауданының «Құрметті азаматы» деген атақ берілген.Ақын, жазушы, бірнеше кітаптары жарық көрген, ақылшы ұстаз, ел ағасы, ауданымызға белгілі сыйлы, құрметті қария Шәкіман Бектібайұлы 2017 жылы 16 наурызда дүниеден озды.Қаратай Қуаңбаев 1922 жылы 21 желтоқсанда қазіргі Тұрмағамбет ауылдық округіне қарасты елді мекенде дүниеге келген. Еңбекке енді араласа бастағанда Ұлы Отан соғысы басталып, 1941-1947 жылдары қан майданның бел ортасында болып Германияның мен Жапонияның жеңілісіне тікелей үлес қосады. 1945 жылы Забайкалье миномент атқыштары жоғарғы училищесін үздік бітіреді. Соғыс кезіндегі ерен ерліктері үшін «Қызыл Жұлдыз», «І дәрежелі Ұлы Отан Соғысы» ордендерімен наградталған. Туған жерге келісімен Қаратай Қуаңбаев қарап отырмай қызу еңбекке араласады. Қосарық ауылдық кеңесі атқару Комитетінің нұсқаушысы, сектор меңгерушісі, Қармақшы аудандық кеңесі атқару комитетінің жауапты хатшысы, Ақжар МТС-інде партком хатшысы, Ленин атындағы совхозда жұмысшылар комитетінің төрағасы, партком секретары қызметтерін 1964 жылға дейін абыроймен атқарды. Осы жылдың басында Үкіметтің арнаулы қаулысымен Қызылқұмның мамырап жатқан елсіз өңірінен облыс бойынша 69 қой совхозы құрылып, соның бірі – Жаңақала совхозына Қаратай Қуаңбаев директор болып тағайындалады. Қолында бұйрығы мен қалтасында мөрінен басқа ештеңе болмаса да аудан орталығынан 160 шақырым қызылдың қиясындағы «Қарақ» деген төбенің етегінен алғашқы қазықты қағып совхоздың орнын белгілейді. Міне сол күннен бастап елді жаңадан құру, мал шаруашылығын өркендетудің қым-қиғаш қиын проблемаларын шешу жолында ол тынымсыз еңбегінің елге, әрбір адамға деген жанашыр қамқорлығының арқасында халықтың сеніміне бөленіп, абырой биігінен көріне білді.&nbsp;Қаратай Қуаңбаев осылайша Жаңақала совхозын үздіксіз он алты жыл басқарды. 1980 жылы денсаулығына байланысты ауылдық кеңестің төрағасы қызметіне ауысады. Осы қызметтен 1984 жылы «Республикаға ерекше еңбек сіңірген зейнеткер» болып еңбек демалысына шығады. Қаратай Қуаңбаев 1988 жылы 13 тамызда 66 жасында дүниеден озды.Серік Дәкенов 1923 жылы Қармақшы ауданы, Жаңажол ауылында дүниеге келген. 1942 жылы аудандық комисариатқа шақырылған. Сол жылдан бастап 1945 жылға дейін Ұлы Отан соғысына қатысқан, әскери шені сержант. Соңғы қызмет еткен әскери бөлімі – 143 бөлімше болған. Беларус, Калинин, Батыс майдандарында жауға қарсы жан аянбай шайқасқан. Соғыс барысында бірнеше мәрте жараланған. Елге оралған соң темір жол саласына жұмысқа орналасқан. Жол шебері, парторг, кадр бөлімінің меңгерушісі жұмыстарын атқарған. ПЧ-58 мекемесінде 40 жыл абыройлы еңбек етіп, зейнеткерлікке шыққан. Серік Дәкенов ІІ дәрежелі Отан соғысы орденімен, 1941-1945 жылдардағы Ұлы Отан соғысы жеңісінің 20, 30, 40, 50 жылдығы, КСРО Қарулы Күштерінің 50, 60, 70 жылдығы, Кеңес Одағының Маршалы Г.Жуков медалдарымен марапатталған. Серік Дәкенов 2002 жылы 5 шілдеде дүниеден озған.Халқымызда «Еңбек – ерлікке жеткізер, ерлік – елдікке жеткізер» деген даналық сөз бар. Иә, жалындаған жастық шақтарында оқ пен оттың ортасында болып, жеңіс күнін жақындатуға үлес қосқан, бүкіл ғұмырын ел дәулетін арттыруға арнаған ардақты жандар ешқашанда ұмытылмайды. Осындай майдангер аталарымыздың өмір жолын зерттеп ұлағатты істерін кейінгі өскелең ұрпаққа жеткізу біздің міндетіміз.Архив қорында Ұлы Отан Соғысы майдангерлерінің өмірлері және қызметтері жайлы құжаттары сақталуда. Келешек ұрпаққа, зерттеушілерге, мектеп оқушыларына насихаттау мақсатында мәліметтер беріліп, тақырыптық көрмелер өткізіліп отырылады.

Қармақшылық майдангерлер

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев қазақстандықтарды Отан қорғаушы күнімен құттықтады, деп хабарлайды Ақорданың <a href="https://www.akorda.kz/kz/memleket-basshysy-kasym-zhomart-tokaevtyn-otan-korgaushy-kunimen-kuttyktauy-541033">ресми сайты</a>.<blockquote>«Сіздерді Отан қорғаушы күнімен шын жүректен құттықтаймын! Бұл – тек әскери қызметшілер үшін ғана емес, баршамызға ортақ қастерлі мереке. Елін қорғау – әрбір азаматтың перзенттік парызы. Туған жерге деген шексіз сүйіспеншіліктің жарқын көрінісі.Мемлекетіміздің қорғаныс қабілетін арттыру – негізгі стратегиялық мақсатымыздың бірі. Қазақстан армиясы кез келген жағдайда мемлекетімізді қорғауға дайын болуы керек. Қарулы Күштеріміз еліміздің егемендігі мен тұтастығының және халқымыздың мызғымас бірлігі мен жарқын болашағының кепілі болып қала береді.Бүгінде жауынгерлеріміз батыр бабаларымыздың даңқты жолын жалғастырып, ел тыныштығын қырағылықпен күзетіп тұр. Олардың қауіпсіздікті қамтамасыз ету жолындағы қалтқысыз қызметі – өскелең ұрпаққа әрдайым үлгі-өнеге.Өздеріне жүктелген міндетті мінсіз атқарып, антына адалдық танытып жүрген барлық сарбаздарға шынайы ризашылығымды білдіремін. Армиямыздың айбыны асқақтай берсін! Еліміздің іргесі әрдайым берік болсын!Әскери қызметшілерге, ардагерлерге және барша отандастарымызға зор денсаулық, қажымас қайрат пен бақ-береке тілеймін!»,-деді Президент.</blockquote>

Қасым-Жомарт Тоқаев қазақстандықтарды Отан қорғаушылар күнімен құттықтады

<a href="https://kyzylorda-news.kz/">Kyzylorda-news.kz.</a> Жаңақорған ауданындағы Қаратау тауын, тасын ұлттық брендке жатқызуға болады. Неге десеңіз, біріншіден, қарт таудың қатпар-қатпар тастарында мыңжылдықтардан бастау алатын тарих қатталған. Екіншіден, ондағы шүйгін шөбі, мөлдір суы, тұнық ауасы адам рухына күш-қуат беретін тылсым сыры бар. Үшіншіден, таудың тасы мен топырағы табыстың көзіне айналды. Біз үшіншісіне басымдық беріп, тарқата жазуды жөн көрдік.Қаратаудың қара тасы қай ісіңе де жарап тұр. Оның сапасы, сан түрлі қасиеті және бар. Жолға төсесең де, тұрғын үй құрылысына пайдалансаң да, химиялық қосыңды жасасаң да таптырмайтын шикізат. Әсіресе, таудың тасынан түрлі фракциялы қиыршық тас, құмды тас қоспасы, жуылған құм, доломит, әктас сынды өнімдер өндіріледі. Бүгінде таудың тасын өңдеп, оны елдің әр өңіріне жөнелтіп, перспективалы компаниялар қатарына «Казпром Қызылорда» ЖШС, «КДСМ Қыран» ЖШС, «Сарман-Тастақ-Жаңақорған» ЖШС, «УАД» ЖШС жатқызуға болады.Тау тастарынан құрылысқа қажетті материалдар шығаратын өндіріс аймақтарға арнайы барып, Қаратаудың тастары қандай мақсатта пайдаланатынын және қай жерлерге жіберілетінін білдік. Халықаралық маңызға ие «Батыс Еуропа – Батыс Қытай» көлік дәлізінің бойына жақын Сүттіқұдық ауылдық округінің тұсында орналасқан «Сарман-Тастақ-Жаңақорған» ЖШС жол құрылысына қажетті қиыршық тастарды Арал, Қазалы ауданына дейін жіберіп отыр. Кәсіпорынның негізін қалаған Батырхан Ағманов:<blockquote>«2006 жылы Сүттіқұдық ауылы тұсынан «Тастақ» деп аталатын аумақтан жер телімін алып, қиыршық тас өндіруді бастадық. Әрине, алғашқы кезде өнімді сынақтық көлемде шығардық. Ол кезде италиялық «Тодини Конструкциони Дженерали С.П.А» АҚ-мен екі жақты келісімге отырдық. Оларға сапалы бетон қоспасы үшін жуылған жоғары сортты құм қажет болды. Біз өндірген өнімнің сапасы италяндықтардың талабына сай келді. Бүгінде біздің өнімдерге сұраныс жоғары. Гептес, яғни, жолға төсейтін қиыршық тасты Қызылордаға, ал жуылған құмды Түркістанға жіберудеміз. Айына орта есеппен 10-15 мың тонна, жылына 100 мың тоннадан аса шикізат өндіреміз. Компанияның тізгінін ұлымТаңат Темірхан алып, жұмысты жандандыра түсті», – деді.</blockquote>Мақаланың жүгін көтеретін мәліметтер жинап, компьютерге отырған-дым. Бірақ Қаратаудың қасиетін, қаржылық қуатын ашатын тұздық жетіспейтіндей көрінді. Ел ағасы Үмбет Абибуллаевтың: «Қаратаудың 70 пайызы доломит тастары, байлық дегеніміз осы ғой!» деген дауысы ойымды бөлді. «Іздегенге – сұраған» дегендей, мақаланың мазмұнын арттыру мақсатында ағамызға бірнеше сұрақ бағыттадым.<blockquote>«Әуежай ұшақтардың ұшып, қонатын жолағы төзімді болуы шарт. Осындай асфальтты жолақтың құрылысына доломитті пайдаланады. Жолдардың беріктігін арттыру да таптырмайды. Сондай-ақ Байқоңыр ғарыш айлағына доломит тасы аса қажетті... Себебі ғарыш кемесі өте үлкен жылдампықпен жоғарыға көтеріледі. Сол кезде астындағы жерді қопарып жібермес үшін осы доломит тасы төселеді. Міне, осыдан-ақ біздің тастардың қасиетін бағамдауға болады. Бұл тас өте қатты, сындырған кезде бөлшектеніп кетпейді, бұрыш-бұрыш болып бөлінеді. Содан болар, бір кездері Қытайдың өзі Қаратаудың тасын тасымалдап жатты», – деді Үмбет ағамыз.</blockquote>Міне, қызық! Қарт Қаратаудың тастары беріктігімен бағалы екен. Олай болмаса, мыңжылдықтар көшін бағындырар ма еді?! Әйтпесе, бүгінде төбелерге айналып, шөгіп кетер еді-ау! Енді құрылысқа қажетті қиыршық тастар қалай өндіріледі? Бұл сұраққа жауапты тас өндіретін компаниялардың жұмысын көру арқылы таптық. Нақтысын айтқанда, «КДСМ Қыран» ЖШС өндіріс жөніндегі директоры Бағдат Исламқұловпен бірге «Өгіз мүйіз» аймағына бардық. Биік-биік төбелер мен тік тұрған жарларды көріп, тас алатын орынға келгенімізді бірден аңғардым. Өндіріс аумағында төбе-төбе тас байқалмайды. Тып-типыл жинап кеткендей көрінді. Тек етекте шөккен түйедей іріктелген біраз тастар ғана қалған. Менің ойымды оқығандай, Бағдат Асылбекұлы:<blockquote>«Анау тұрған тік жарды көріп тұрсыз ба? Біздің тас алып жатқан орынымыз сол жер. Тасты бөліп алудың өзіндік өндірістік жолдары бар. Тау жынысына бұрғы салынып, жарылғыштар қойылады. Айналадағы өзге зауыттардың барлығына алдын-ала ескерту жолданады. Жарылыс уақытында зауыттың іргесіндегі күзет бұл жаққа адамдарды жібермей, барынша қауіпсіздікті қадағалайды», – деді ол.</blockquote>«Дұрыс қой! Бірақ мені бір ой мазалап тұр. Жарылыс орын алған уақытта жақын маңдағы елді мекенге зардабы жоқ па?» – дедім мен.<blockquote>«Өзіңіз көріп тұрғандай, Шалқия кентінен 10-15 шақырым қашықтықтағы өнідіріс аймағы. Оның үстіне, әр жарылыста өзінің мөлшерін сақтауға мән береміз. Яғни 10 мың кубтан артық жаруға болмайды. Әр жарылғышты уақыт аралығында сақтаймыз. Сол себепті дүмпуі ауылға білінбейді», – деді Б.Исламқұлов.</blockquote>Міне, біз өз көзімізбен тау жарылысын көрдік. Таудың қолтығындағы тас алатын жердің жағдайымен танысқаннан кейін, біз сол салмағы мың батпан ауыр-ауыр тастарды майдалап, әр түрлі көлемдегі қиыршық тасқа айналдыратын зауытты көруге бет алдық. Әне-міне дегенше жүйіткіген көлік, діттеген жерімізге жеткізді. Енді Бағдат Асылбекұлы зауыттағы өндірістің мұнан кейінгі жай-жапсарын түсіндіре бастады. Ауыр жүк көліктері үлкен тастарды аударып кетіп жатты. Ал алып қондырғылар ауыр тастарды жалма-жан іліп алып, одан әрі бөлшектейтін өңешке тықпалап жатыр. Үздіксіз қозғалып тұрған ауыр тетіктер әлгі үлкен тастарды ұрып сындырып, одан әрі екінші рет орташа бөлшектеп сындыратын қондырғыға, сосын үшінші кезеңіне жөнелту арқылы жұмыс жалғаса береді екен.Жауапты маманның айтуынша, тас өндірісінің алғашқы кезеңінде ірі тастарды 200 сантиметрге, сосын 70 сантиметрге, одан әрі 40 сантиметрге ұсақтап, бөледі. Соңғы сәтте елекке түседі де, белгілі қалыпқа сай қиыршық тасқа айналады. Яғни әр кезеңде тас әртүрлі деңгейде майдаланады. Қаратаудың тасына сұраныс жоғары. Тіпті тапсырысты орындап үлгере алмай жататын кездері болады екен. Осы жерде санаға бір ой салмақ салды. Мәңгілік ешнәрсе жоқ, ерте ме кеш пе табиғи ресурстар сарқылатыны ақиқат. Таудың тасы да түптің-түбінде таусылады. Бұл сұраққа «Медератор» ЖШС басшысы Ғани Қалдыбеков жауап берді:<blockquote>«Алланың жаратылысы. Оның қоры қанша уақытқа жететіні бізге белгісіз. Бірақ жақын уақытта тастың қоры таусылады дегенге сенбеймін. Бір білетінім, Қаратаудың тасына сұраныс жоғары. Бүгінде Арал, Қазалы, Байқоңыр, Жалағаш, Сырдария және Қызылорда, Түркістан қаласынан арнайы тапсырыстар түседі. Тіпті Қырғызстанға дейін жөнелтіп жататын кезіміз болады», – деді.</blockquote>Иә, біздің тасымыз да табыс көзімізге айналды. Бәлкім, Жаңақорған халқының несібесі болар. Бүгінде Сыр өңірінде Жаңақорған ауданы өндірісінің қуатымен мақтана алады. «Қазатомөнеркәсіп» ҰАК» АҚ қарасты уран компанияларынан бөлек, қарт таудың тастарынан «Премиум класс строй» ЖШС, «Қуат Әк» ЖШС әк өндіріп отыр. Мамандардың сөзінше, 980-1000 градуста тастан әк бөлініп шығады. Әкке даламит тастары пайдалынады. Жыл өткен сайын өнімге сұраныс артып келеді. Мәселен, 2022 жылға қарағанда 2023 жылы әкке сұраныс 10 есеге артыпты. Серіктестік өкілі Құрманғазы Болатұлының айтуынша, өнеркәсіпке жергілікті 28 азамат жұмысқа орналасып, олар жұмыс ауқымына қарай 250-300 мың теңге жалақы алады. Мұндағы әктің құны базар бағасынан төмен, түйіршікті әктің келісі – 40 теңге, ұнтақ әк – 35 теңгеден сатылуда.<blockquote>«Соңғы уақытта Нұр-Сұлтан, Алматы, Ақтау, Атырау, Ақтөбе, Қарағандыдан, тіптен Қырғызстаннан әкке тапсырыс қабылдаудамыз. Айына 5-6 тонна, жылына 70-80 тонна әк өндіреміз. Бүгінде 40-қа жуық адамды жұмыспен қамтып отырмыз. Алдағы уақытта тапсырыстарға үлгеру мақсатында зауытты кеңейтіп, тағы жұмыс көздерін ашуды жоспарлап отырмыз», – деді Нәрзілда Ысқақов.</blockquote>Жә, өндірістің жайын біліп, енді табыстың көзін сараласақ. Ол үшін қиыршық тастардың нарықтағы бағамын білу маңызды. Бұл жөнінде қиыршық тас тасымалдайтын жүк көліктерінің иелерінен білдік.<blockquote>«Аудан орталығында үш түрлі тас өндіріп жатыр. Әсіресе, жуылған құм, яғни, көлемі 0,5 болатын өнім түріне сұраныс өте жоғары. Себебі өнім жақсы жуылады екен. Бағасы да қолжетімді, сапасы да жақсы. Оның бағасы – 17 мың теңге. Қиыршықтас тас – 18000 мың теңге, ірі тас – 35 мың теңге, сары қиыршық тас – 12 мың теңгеден сатылуда. Бізде сұраныста қиыршық тастың үш түрі өтімді. Яғни, 0,5, 5,10 және 5,20 көлемдегі құрылысқа қажетті қиыршық тастар. Қазір Түркістанда құрылыс қарқынды жүруде. Тіпті, бізде өндіріліп жатқан тастар, Қырғызстанға дейін барып жатыр», – деді тасымалдаушы Оңдас Кеңесұлы.</blockquote>Шынында, Қаратаудың әрбір тасы – табыс көзі! Бірақ, қарт таудың тасын көзсіз, есепсіз игерудің зияндығы жақтары жоқ па? Бұл сұрақ та біздің назардан тыс қалмады. Шалқия кентінің әкімі Мәулен Сабырханов:<blockquote>«Батыс Еуропа – Батыс Қытай» жолынан «Шалқия Цинк ЛТД» АҚ дейінгі жолға орташа жөндеу жүргізілді. Енді жолды күтіп ұстау маңызды. Бірақ таудан тас таситын жүк көліктері мөлшерленген салмақтан тыс тас өнімдерін тасиды. Мұның жолға зияны бар», – дейді.</blockquote>Әрине, құрылысқа қажетті түрлі фракциялы тастарды өндіріп, табыс тауып, ортақ қазынаға қаржының түскені жақсы. Алайда оның экологиялық зардабын ойлап қойған да дұрыс. Мәселен, тау қойнауындағы түрлі өсімдіктерге қиыршық тас өндірісінің әсері қандай? Жануарлар дүниесіне ше?Р.S.: Мақала жазу барысында Қаратаудың тасы Қытай асып, Қырғызстанға барғанын білдік. Қытайда да, Қырғызстанда да таулы аумақтар көп. Бірақ біздің таудың тастарын сұратып отыр. Оның бір ғана сыры болуы мүмкін. Ол – Қаратаудың тастарында темірдің мол қоры болғандықтан өте берік болады. Сосын құрамында минералдық-шикізаттар молынан кездеседі. Бастысы, Еуразия даласындағы ең көне таудың бірі. Яғни тастары мыңжылдықтар көшінде төзімділігімен әбден сыналған. Бір сөзбен айтқанда, қарт таудың тастары қайда бармады десеңші?!

Жаңақорғанның тастары брендке айналуда

<a href="https://kyzylorda-news.kz/">Kyzylorda-news.kz.</a> Жаңақорған ауданы аумағында автомобиль жолдарының жалпы ұзындығы 451 шақырымды құрайды. Оның 101 шақырымы республикалық, 157,9 шақырымы облыстық және 192,1 шақырымы аудандық маңыздағы автомобиль жолдары санатында. Ауданның 526 көшесінің ұзындығы 593,8 шақырым. Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралып, іс жүзеге асқалы отыр.<blockquote>«Биыл 4 аудандық маңыздағы жол жөнделеді, «Тау самалы» лагеріне кіре берістегі 6 шақырым жол, «Самара-Шымкент-Қыраш» (4 шақырым), «Самара-Шымкент-Талап» (5 шақырым), «Самара-Шымкент-Аққұм» (10,37 шақырым) жолына орташа жөндеу жұмыстары жүргізіледі. Өтпелі кезеңмен республикалық, облыстық бюджеттен қаржы бөлініп, мемлекеттік сатып алу жұмыстары жүргізіліп, жеңімпаз мердігерлер анықталды. Бүгінгі таңда, Талап бекеті жол құрылысы басталды. Қалған жолдар үстіміздегі жылдың шілде айында аяқталады», – деді бөлім басшысы.</blockquote>Негізінен аудандағы барлық елді мекенге баратын жолдардың барлығы асфальттанған. Тек кейбірі сын көтермей, көлік жүруге көп кедергі келтіруде. Осыны ескерген аудан әкімі бастаған жауапты сала мамандары биыл автомобиль жолдарын ретке келтіруге кірісті. Тау беткейдегі ауылдар арасынан Қыраш, Құттықожа мен Талап елді мекені тұрғындарының басты талап-тілегі болған жол мәселесі кезең-кезеңімен шешімін тапты.– Ауылдың негізгі тіршілігі мал шаруашылығы, сонымен қатар шағын кәсіптер бар. Біз көптен күткен жол мәселесі шешімін тауып жатқанына қуаныштымыз. Аудан басшысы, жауапты сала мамандары мен ауыл әкіміне алғысымыз зор. Енді осы жолдың сапалы жөнделуіне бақылау жасауымыз керек. Өйткені мұндай ауқымды жұмыс жыл сайын жасалына бермейді, – дейді Талап ауылының ақсақалы Жалғасбай Нарынбетов. Былтыр «Самара-Шымкент-Аққұм» автомобиль жолының құрылысына облыстық бюджеттен 10 млн теңге бөлініп, тегістеу жұмыстары жүргізілсе, жақын арада асфальт төселеді. Тағы бір жаңалық, 2022 жылдан өтпелі кезеңмен іске асырылған аудандық маңызы бар «Самара – Шымкент – Екпінді» автомобиль жолының бойындағы көпірді қайта жаңғырту жұмыстары жүргізілуде.Ауданның Сыр беткейінде 11 ауылдық округ бар, барлығы кент орталығына Ы.Алтынсарин және З.Мұсаханов көшесі арқылы қатынайды. Жыл соңына дейін Алтынсарин аумағындағы жолдар жаңаратын болады. Ал, Мұсаханов көшесіне орташа жөндеу жұмысы тәмамдалды. Көпшіліктің қуанышына орай жол сапалы, әрі мерзімінен бұрын аяқталды. Бұл турасында көше тұрғындары мен жауапты сала мамандары, мердігер мекеме не дейді? Ұзындығы 2,4 шақырым болатын аудан орталығындағы негізгі көшелердің бірі Мұсаханов көшесінің жөндеу жұмыстары жайында нақты мәліметті жауапты кент әкімдігінен білдік.<blockquote>«Орташа жөндеу жұмыстарына аудандық бюджеттен – 50 млн 761 мың теңге қаржы бөлініп, «Мемлекеттік сатып алу» Заңының ашық конкурсы өткізілді. Нәтижесінде «Altimus LTD» ЖШС 40 млн 600,0 мың теңгеге жеңімпаз болып танылып, 13 сәуірде №37 келісімшарт жасалды. Асфальт төселіп тұрғындардың пайдаланылуына берілді», – деді кент әкімінің орынбасары Нұржан Сүлейменов.</blockquote>Шыны керек, бұл көшеге төселген асфальттің сапасы аудан орталығындағы басқа көшелерге қарағанда теп-тегіс. Оны күнделікті көріп жүрміз, бұл жұмысты техникалық қадағалаушы «Әсем-құрылыс-Қызылорда» ЖШС, авторлық қадағалаушы «М.Мамуов» ЖК. Елдің де тілеуі сапалы жол ғой, осындай етіп асфальт төселсе ұзаққа жарары анық. Енді жол жиегін тегістеп, ретке келтірсе болғаны.<blockquote>«Рас, жол сапалы, енді тек қайта қазбаса дейміз. Газ, су кіргізу үшін жыл сайын қазылады. Шүкір, ауыз суымыз келді, газ үйге кіріп тұр. Сондықтан әкімдік тарапынан жасалып жатқан жұмыстарға алғыс білдіреміз. Енді кенттегі қалған көшелер осылай уақыт күттірмей жөнделсе», – дейді кент тұрғыны Ақылбек ақсақал.</blockquote>Айта кететіні, жыл басынан бері осы уақытқа дейін орташа жөндеуден өткен көшелер мен маңызды жолдар жүйеленіп келеді. Жақында ғана аудан басшысы Алтынсарин аумағына қатаң бақылау жасаған еді. Аудан бойынша 57 көше жөнделетінін тағы да параққа түртіп алдық. Аудан әкімі Мұрат Жолкелдіұлының бастамасымен 2023 жылы аудандық маңыздағы және елді мекендегі ауылішілік көшелерді салу, сондай-ақ күрделі және орташа жөндеу жұмыстары бойынша 23 елді мекенде бір-бір көшеге орташа жөндеу, яғни асфальттау жұмыстары жүргізіледі. Аудандық маңызы бар «Самара - Шымкент - Жайылма» 3 шақырым, «Самара - Шымкент - Бесарық» 1 шақырым, облыстық маңызы бар «Самара - Шымкент - Түгіскен - Келінтөбе» 6 шақырым жолды орташа жөндеу жұмыстары жүргізілуде.Кент бойынша Ж.Тағаев, З.Мұсаханов, Қ.Сағырбаев, Е.Белсенбаев, О.Қашқынов, Ы.Алтынсарин, А.Абуталипов, А.Сүлейменов, Т.Шалапов, А.Еламанов, Ипподром 26/2, Ипподром 24, С.Құрымбеков, Д.Романов, А.Исаев, С.Сапарбаев, Қоңқабаев, Өркендеу, Ы.Скендиров, М.Есболғанов, Жібек жолы көшелері жаңғырады. Бұл мәліметтер аудан әкімдігінің ақрпарат көзінен алынды. Төменарық ауылдық округі бойынша Д.Нұрпейісова, Алтыбаев, Пашаев, Елтай 2, Р.Құдайбергенов, М.Махатаев, Ә.Молдағұлова, Б.Момышұлы көшелері жөнделеді. Бесарық ауылдық округінен С.Таңқиев, Б.Шалғынбаева, Ж.Қыдыров, Байкенжеден С.Алдабергенұлы, О.Палуан көшесі, М.Нәлібаевтан А.Иманов көшесі, Сүттіқұдықтан Ш.Торғаев көшесіне асфальт төсеу жұмысы басталады.Сол секілді, Қожамберді, Манап пен Талап ауылдық округінен екі көшеден, Кейден, Шалқия, Аққорған, Жаңарық, Қаратөбе, Өзгент, Сунақата, Келінтөбе, Көктөбе, Қандөз және Қыркеңсе ауылында бір-бір көшеден жөнделеді. Қожакент ауылдық округінен 5 көше, барлығы 57 көшеге асфальт салынады. Ал ауылдық округтің ішінде Қыраш, Қосүйеңкі және Ақүйік ауылдық округтерінде газ жүйесі құрылысының басталуына байланысты ауылішілік жол құрылысы тоқтатылады делінген. Жалпы алғанда, тұрғындардың көптен күткен тілегі орындалуда. Әсіресе, кент ішінде көліктер көбірек жүретін көшелерге асфальт жұмысы жүргізілгеніне қуаныштымыз. Қалғаны уақыт күттірмей жүзеге асатынына сенімдіміз.Сонымен қатар, биыл кенттегі «Саяжай» аумағына көбірек көңіл бөлінгелі тұр. Көшеден бөлек, бұл аймақта 600 орындық мектеп құрылысы басталады. Жалпы алғанда «Саяжай» аумағы шағын мөлтек ауданға айналып, инфрақұрылымға басымдық берілуде. Демек алдағы уақытта инвестиция тартылып, шағын кәсіп көздері осы маңнан табылады деген сөз. Ол уақыттың еншісіндегі шаруа. Жаңақорған кентінің «Дәруіш 1», «Дәруіш 3», «Дәруіш 5», «Саяжай» ықшам ауданының көше қиылыстары, Сүттіқұдық ауылдық округінің Аманжолов көшесі, Келінтөбе ауылдық округінің Әль-Фараби көшесі, Қыркеңсе ауылдық округінің Тәшібай, Қапанов көшелерін орташа жөндеу жұмыстарына конкурс жүргізілуде екен. – Облыстық бюджеттен 2 елді мекеннің 9,5 шақырым құрайтын 6 көшесін орташа жөндеуге 280 948,0 мың теңге қаралған. Оның ішінде, Жаңақорған кентінің М.Абдуллаев пен Тәуелсіздік көшесінің аралғындағы айналма жол және МАИ бекеті ықшам ауданының көше қиылыстары, Байкенже ауылдық округінің А.Мустиярұлы, А.Дүйсенұлы, А.Еламанов, Байдалиев-Жарылғапов қиылысы да бар. Қазіргі уақытта 5 көшенің мердігері анықталды. Жаңақорған кентінің Маи бекеті ықшам ауданының көше қиылыстарын жөндеу жұмыстары бойынша конкурс жүргізілуде, – деді жауапты сала маманы.&nbsp;Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралған. Қандөз ауылына кіре беріс көше, Қожакент ауылының А.Құнанбаев көшесі, Талап бекетінің Ж.Сейдалиев көшесі, Жаңарық ауылының Ә.Тәжібаев, Өзгент ауылының Б.Төлегенов және К.Сейтмуратов, Қыркеңсе ауылының Д.Еркішев көшелерін орташа жөндеу жұмыстары жүргізіледі. Қазіргі уақытта 5 көшенің мердігері анықталды. Қандөз және Қыркеңсе ауылдық округінің көшелері бойынша конкурстық жұмыстар жүргізілуде екенін білдік. Жалпы жауапты мекеме 2023 жылдың қорытындысымен елді мекен көшелерінің жақсы және қанағаттанарлық жағдайдағы үлесі 49,6 пайыздан 55,9 пайызға жоғарылайтын жеткізді.

Жаңақорғанда жолдар жаңаруда

Қармақшы аудандық архивіне жыл басынан бері 384 сұраныс келіп түскен

<a href="https://kyzylorda-news.kz/">Kyzylorda-news.kz.</a> Бүгін қазақстандықтар Отан қорғаушылар күні мейрамын атап өтуде.1992 жылы 7 мамырда Қазақстан Республикасының Президентінің Қарулы күштерді құру туралы №745 Жарлығы жарияланды. Жарлықта отандық қарулы күшті қалыптастырып, ол үшін тиісті жағдай жасау керектігі айтылған.Бұл – ел тыныштығын қорғап, бейбітшілікті қамтамасыз ететін әскери қызметшілерді құттықтап, құрмет көрсететін күн.Айта кетейік, Қазақстан қарулы күштер қатарында ер азаматтармен қатар, нәзік жандар да теңдей қызмет атқарып келеді. Олардың көпшілігі офицер атағына ие. Сондықтан, Отан қорғаушылар күні – қыз-келіншектердің де мерекесі.Қазақстан әскері үш түрлі құрылымнан тұрады. Атап айтқанда, құрлық әскерлері, әуе қорғанысы әскерлері және әскери-теңіз күштері. Сонымен қатар, Қазақстан Республикасының Жоғарғы бас қолбасшысы, Президенттің тікелей бағынысында арнайы дайындалған аэроұтқыр әскерлері бар. Олардың мақсаты – төтенше жағдайда ерекше құпия операцияларды жүргізу.Атаулы күн қарсаңында еңбегі сіңген сала мамандарына әскери атақтар беру және ерекше көзге түскен әскери қызметшілерге наградалар тапсыру дәстүрге айналғанын атап өту қажет.Қазақстандық әскери қызметшілерге қатысты бірер күн бұрын белгілі болған жағымды жаңалық, келер жылдан бастап әскери атақ үшін төленетін жалақы 30 пайыз өседі.«Биыл әскери ұшқыштардың жалақысы орташа алғанда 60 пайызға өседі. Осы саладағы оқытушылар мен дәрігерлердің жалақысы да көбейеді. Келесі жылы әскери атақ үшін төленетін айлықақы 30 пайызға артады. Әскери қызметшілерді зейнетақымен қамту мәселесі де қайта қаралып жатыр. Сержанттарды, офицерлерді әлеуметтік қолдау жұмысы жалғасады. Олар тұрмысына алаңдамай, ел қорғауға сақадай сай болуы керек», - деді Президент 5 мамырда елордада өткен бүкілармиялық кеңес отырысында.Сондай-ақ, жыл сайынғы дәстүрге сай Мемлекет басшысы биыл да бірқатар әскери қызметшіні марапаттады.Айта кетсек, Қорғаныс министрлігі 7 мамыр Отан қорғаушылар күні және 9 мамыр Жеңіс күніне орай әскери шерудің өтпейтінін хабарлаған еді. Оған себеп – бюджет қаражатын үнемдеу. Дегенмен, ведомстводан аталған мейрамға орай, әскери-патриоттық іс-шаралардың жоспарланғаны мәлім етілді.Еске салайық, 5 мамырда Мемлекет басшысы Қасым-Жомарт Тоқаевтың қатысуымен бүкілармиялық кеңестің отырысы өтті.Жиында 7 мамыр – ҚР Қарулы Күштерінің құрылған күні қарсаңында өтетін жиын барысында әскери саланы дамытуға және әскер дайындығына, Қазақстан армиясын технологиялық тұрғыда жаңғыртуға қатысты мәселелер қарастырылды.Президент бүкілармиялық кеңес барысында қорғаныс саласына қатысты бірқатар мәселені көтеріп, жаңа міндеттер жүктеді.<blockquote>«Жау жоқ деме, жар астында» деген сөз бар. Қазіргі күрделі кезеңде Армияның рөлі күшейе түсті. Армия егемендігімізді қорғауға әрдайым дайын болуы қажет. Оның кәсіби дайындығы, заманауи қару-жарақпен, озық технологиямен жабдықталуы басты факторға айналды. Әскердің білікті болуы және ұтқырлығы ұрыс нәтижесіне тікелей әсер етеді. Армия осы талапқа сай болса, өз міндетін ойдағыдай атқарады», - деген еді Қасым-Жомарт Тоқаев.</blockquote> &nbsp;

7 мамыр – Отан қорғаушылар күні

<a href="https://kyzylorda-news.kz/">Kyzylorda-news.kz.</a> Мамыр айы мерекеге толы. Туған елі, жері үшін оның азаттығы жолында ер азаматтардың еңбегі ерекше. Осы айтулы мереке қарсаңында аудан әкімі Жандос Еркінбек аудандық мәслихат төрағасы және аудандық ардагерлер кеңесінің төрағасымен бірге Вьетнам соғысының ардагері Иса Бисеновтің отбасында болып айтулы мерекелермен құттықтады.&nbsp;Ардагердің шаңырағында болған аудан әкімі «Жеңіс символы» лентасын ардагер омырауына тағып, құттықтау хат берді. Мұнан соң &nbsp;сый-сияпат табыстап, ізгі лебізін білдірді. Иса Бисенов 1942 жылы туған. Вьетнам елінің басынан өткен тағдырлы кезеңдерінде әскери қызметте болып, Отан алдындағы борышын адал атқарып, үлкен беделге ие болған ардагер.Өзінің кәсіби біліктілігі мен жинақтаған тәжірибесінің арқасында ауданның денсаулық сақтау саласында абыройлы қызмет атқарып, қазіргі таңда бейнеттің зейнетін көріп отырған ардақты әке, ойып алар өзіндік орны бар құрметті қария.Кездесуде ардагеріміз аудан әкіміне және бірге құттықтап келген азаматтарға шынайы алғысын білдіріп, ауданның әлеуметтік-экономикалық дамуы бағытында атқарып жатқан қызметтеріне абырой тілеп, ақ батасын берді.

Қазақстан және Қызылорда облысының жаңалықтары