<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2023 жылдың 1 шілдесіне дейінгі аралықта Қызылорда облысының тұрғындары Әлеуметтік медициналық сақтандыру қорына 55,3 млрд. теңге аударды, оның 34,1 млрд. теңгесі жұмыс берушілердің аударымдары болса, қалған 21,2 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі, - деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;&nbsp;Қор филиалының басшысы МӘМС аясында аударылған жарналар мен аударымдар туралы мәліметтерді egov.kz электрондық үкімет порталында «Медициналық қызметтер туралы және МӘМС-те аударылған сомалар туралы ақпарат» мемлекеттік қызметін пайдалана отырып тексеруге болатындығын еске салды.&nbsp;<blockquote>«Тегін медициналық көмектің кепілдік берілген көлемі ҚР барлық азаматтарына, қандастарға және елімізде тұрақты тұратын шетелдіктерге қолжетімді екенін білу маңызды. ТМККК бойынша пациент емхана деңгейінде алғашқы қызметтерді, жедел көмекті, санитариялық авиацияны және шұғыл стационарлық көмекті, дәрілік қамтамасыз етуді қоса алғанда, әлеуметтік мәні бар және созылмалы аурулар кезінде медициналық көмекті алады. Барлық сақтандырылған азаматтарға қолжетімді МӘМС тізбесіне консультативтік-диагностикалық көмек, стационарлық және стационарды алмастыратын көмек, дәрі-дәрмекпен қамтамасыз ету, медициналық оңалту кіреді. Яғни, медициналық қызметтердің кең тізімі. Бұл ретте МӘМС жүйесіндегі медициналық көмек барлық сақтандырылған азаматтарға олардың жарналарының мөлшеріне қарамастан көрсетілетінін мәлімдейміз», – деп атап өтті Бақыт Исмаханбетов.</blockquote>

Қызылордалықтар әлеуметтік медициналық сақтандыру қорына 55,3 млрд теңге аударды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев бұқаралық спортты дамытуға арналған кешенді бағдарлама қабылдау керектігін айта отырып: "Ұлт денсаулығын бекемдеу мәселесі де өте өзекті. Барлық жас санаты арасында бұқаралық спорт түрлерін насихаттай беру керек. Балалар үшін спорттық инфрақұрылымның барынша қолжетімді болуын қамтамасыз ету керек. Бұқаралық спортты дамыту – пирамидаға айналуы қажет. Оның басына чемпиондар шықса, оның негізінде біз сау әрі саналы ұрпақты, мықты ұлтты қалыптастырамыз" деген болатын.Бүгінде осы бағыттағы ауқымды жұмыстар еліміздің әр аумағында жүзеге асып, соның нәтижесіне қол жеткізіп отыр. Соның ішінде ауданда да салуатты өмір салтын ұстануға бейім, спортты жанына серік еткен жастардың қарасы өте көп. Олар қазірдің өзінде спорттың қай түрінен болмасын жеңіске жетіп, ауданның абыройын асқақтатып келеді.Аралдық өрендердің мерейі өскен спорттық жарыстың бірі жақында көршілес Қырғызстан Республикасы Ыстықкөл ауданында өтті. Жасөспірімдер арасындағы Азия чемпионатында шахматтың Рапид түрінен қаладағы №62 мектеп-лицейдің 6 сынып оқушысы Ақылжан Мейіржанұлы айды аспанға шығарды десек болады. Өзбекстан, Индия, Ветнам сияқты Азияның 11 елінен қатысқан шахматшылар арасынан өзінің шеберлігі мен біліктілігін анық көрсете білген Ақылжан Азия біріншілігінің күміс жүлдесін иеленіп қайтты.Бұл жерлесіміздің жалғыз жеңісі емес. Осыған дейін талай биікті бағындырған мақтанышымыз наурыз айында жасөспірімдер арасындағы ел чемпионатында жеңімпаз атанса, Грузияның Батуми қаласындағы шахмат турнирінде әлемнің түкпір-түкпірінен жиналған шақпақ тақташылар арасында үздік ондыққа кірген болатын.Жерлесіміз жеңісті жолдан таймай, ауданның, елдің абыройын асқақтата берсін дейміз.Жергілікті споршылардың жетістігі мұнымен ғана шектеліп қалмақ емес. Өткен аптада Арал жұртшылығын қуанышқа бөлеген тағы бір спорт жаңалығы Шымкент қаласы, Қазығұрт ауданынан келіп кетті. Қай уақытта да жекпе-жектен жауырыны жер иіскемей келе жатқан жеңімпаз жерлестеріміздің жеңісті жолын жалғаған жастар "6 шілде – Астана күні" қарсаңында Қазығұрттағы жасөспірімдер мен юниорлар арасындағы ҚР чемпионатынан екі бірдей жүлдемен оралды. Нақтырақ тоқталар болсақ 67 кг салмақ дәрежесінде сынға түскен Серікбай Бақытжан қола жүлде иегері атанса, 45 кг салмақ дәрежесінде бақ сынаған Ернұр Әбжәмиев қарсылас шыдатпай алтыннан алқа тақты.<figure class="image"><img src="https://knadmin.beoblood.kz/uploads/4cdcdf2b_8e8c_4c16_9b19_ae1a08638563_affae03a7e.jpg" alt="4cdcdf2b-8e8c-4c16-9b19-ae1a08638563.jpg"></figure>

Аралдық жас спортшылардың мерейі тасыды

<a href="https://kyzylorda-news.kz/">Kyzylorda-news.kz.</a> Бұл туралы аудан әкімі Берік Сәрменбаевтың жас кәсіпкерлермен кездесуінде аудандық жастар ресурстық орталығының директоры Н.Абдрасилов мәлімдеді.Аудан әкімдігінің қолдауымен аудандық жастар ресурстық орталығының ұйымдастыруымен "Жастар бастауы - кәсіпкерлік негізі" атты кәсіпкерлік жобалар байқауы өтетін болды.Өтінімдер ағымдағы жылдың 20 шілдесі күніне дейін қабылданады.Байқауға қатысушыларға қойылатын талаптар:- Жобаға кез келген 14-35 жас аралығындағы Сырдария ауданының тұрғыны қатыса алады;- IT технологияларды қолдану арқылы жүзеге асатын жобалар;- Сырдария өңірінің туристік брендін жасауға және отандық, шетелдік туристерді тартуға бағытталған жобалар;- Білім беру саласында тұрғындардың бәсекеге қабілеттілігін арттыру және білімді ұрпақ қалыптастыру бағытындағы жобалар;- Агробизнес саласында инновациялы ауыл шаруашылықты қалыптастыру бағытындағы жобалар;- Әлеуметтік кәсіпкерлікті (орта және шағын) бизнес субъектілерін тарту арқылы аудан тұрғындарының өмір сүру деңгейін көтеруге бағытталған жобалар;- Азаматтық қоғам жастар арасында патриоттыққа баулуға, ұлттық-салт дәстүрлерді қайта жаңғырту мен ұлттық бірегейлікті сақтау және т.б. бағыттардағы жобалар;- Өнеркәсіп және өндірістік тұтыну тауарларын өндіруге алдыңғы қатарлы технологияларды пайдалануға бағытталған жобалар мақұлданады.Бағдарлама шартына сай келетін әр кәсіпкер іріктеуге бір жаңашыл бизнес-жоба ұсынуы қажет.Жобалардың басты шарттары: сұраныс, тиімділік және жастардың жеке қабілеттерінің болуы. Инновациясыз, көп таралған және сұранысы жоқ жобаларға қолдау берілуінің ықтималдылығы аз.Байқаудың қорытындысы бойынша үздік танылған жобалар І-орын, ІІ-орын, ІІІ-орын бағалы сыйлықтармен және арнайы сертификат, дипломдармен марапатталатын болады.Бұрын осы жобаға қатысып, қолдау алған жеңімпаздар қайта қатыстырылмайды.Байқауға өтініштер 2023 жылдың 12-20 шілде аралығында 8-724-36-22-2-15, 87074013736 байланыс нөмері арқылы қабылданады.

Сырдарияда жас кәсіпкерлерге арналған жобаға байқау жарияланды 

ІІІ Интернационал ауылындағы шаруашылықтар 240 тұрғынды жұмыспен қамтып отыр

<a href="https://kyzylorda-news.kz/">Kyzylorda-news.kz.</a> Бүгінде сапалы ұлт қалыптастыру үшін азаматтарды спортпен шұғылдануға баулу – аса маңызды міндеттің бірі. Бұл ретте бұқаралық спортты дамыту деңгейін көтеру өзекті. Сондықтан оны дамыту бағытында ауқымды жұмыстар атқарылуы тиіс.Сәрсенбіде аудандағы «AMANAT» партиясы филиалының ұйымдастырумен бұқаралық спортты насихаттау мақсатында және «Ардагерлерді ардақтайық» жобасы аясында бастауыш партия ұйымдары арасында спорт түрлерінен сайыс өтті. Іс-шараның ашылу салтанаты орталық стадионда болып, оған аудандық мәслихат төрағасы Әділ Қошалақов, аудандық ардагерлер кеңесінің төрағасы Асқар Мереков, партияның ардагері Гүлжауһар Раева және ауданның бір топ зиялы қауым өкілдері қатысты.Жиынды ашу үшін аудандық партия филиалының төрағасы, аудандағы футбол федерациясының президенті Әділ Үсенұлы сөз сөйлеп, сайысқа қатысушыларға сәттілік тіледі.– «AMANAT» партиясы бұқаралық спортты дамыту үшін өрісті жоспарлар жасақтауда. Себебі партияның көздегені – ұлттың саулығы, халықтың амандығы. Ал халықтың денсаулығы мығым болуы үшін бұқаралық спортты дамыту аса маңызды. Ауданымызда он сегіз бастауыш партия ұйымдары болса, солардың басын біріктіріп шағын футбол, үстел теннисі және шахматтан бастапқы сайысты өткізіп отырмыз. Алдағы уақытта мұндай іс-шара дәстүрлі болмақ. Қыс айында да мемлекеттің қолдауымен, партияның ұсынысымен ауданда салынып іске қосылған спорт кешенінде түрлі жарыстар ұйымдастырылатын болады деп сенім білдіремін. Жарысқа қатысушыларға сәттілік тілей отырып, спортта жеңістеріңіз көп болсын, – деді ол. Алдымен орталық стадионда футболдан 14 команда кездесу өткізді. Футбол десе ішкен асын жерге қоятын спортшылар ойынның көркін қыздырып, жеңіс жолында аянып қалмады. Ал аудандағы денешынықтыру-сауықтыру кешенінде үстел теннисінен 9 команда бақ сынасса, «Ардагерлерді ардақтайық» жобасы аясында ауданның белсенді ардагерлері шахматтан өзара жарысты. Логикалық ойлау қабілетінің дамуына зор ықпал ететін шахмат ойынында ардагерлер шыдамдылық танытып, есеппен жүріп отырды.Нәтижесінде шахматтан жүлделі ІІІ орынды – Оңалбай Бодыбаев алса, ІІ орынға – Әділ Ертаев жайғасты. Ал І орынды – 90 жастағы ардагер Әбдібек Лақбаев иеленді.Үстел теннисі бойынша ІІІ орынды – ІІІ Интернационал БПҰ, ІІ орынды – Қараөзек БПҰ, І орынды – Аудандық емхана БПҰ жеңіп алды.Ал шағын футболдан жүлделі ІІІ орынға – «Жасталап» БПҰ командасы жайғасса, ІІ орынды – «Жаңажол» БПҰ командасы, І орынды – «Томанов» БПҰ командасы иеленіп, жеңіске жетті. Барлық марапат иелеріне партияның атынан Алғыс хаттар мен қаржылай сыйлықтар табысталды.

Қармақшы: «Ардагерлерді ардақтайық» жобасы аясында спорт түрлерінен сайыс өтті

<a href="https://kyzylorda-news.kz/">Kyzylorda-news.kz.</a> Қазақ «Кәсіп бар жерде береке бар» дейді. Қолға алған кәсіп берекеге айналып, нәтижесін беру үшін біраз уақыт еңбек етіп, тер төгу қажет. Сонда ғана шаруа шатқаяқтамай, шыңдала түседі. Оған дәлел, ауданымызда жеке кәсіпкер Нағима Тоқсанбаева 2013 жылы «Адина» шағын киім-кешек дүкенін ашып, кәсіп жолын бастаған-ды. Бүгінде кәсібі кеңейіп, осы атаумен бірнеше сауда дүкені халыққа қызмет көрсетіп келеді.Биыл да бұл шаруасын тағы үлкейтіп, аудан экономикасын дамыту мақсатында кәсіпкер жаңа ауқымды істі қолға алды. Ол кезінде Жосалы кент тұрғындарына қызмет көрсеткен «Таңсықбай» сауда базарын сатып алып, орнына заман талабына сай, екі қабатты «Адина» сауда үйінің құрылысын бастады. Осы ретте аудан ардагерлері және белгілі кәсіпкер ағалардың қатысуымен жаңа нысанның ірге тасын қалау рәсімі өтті.Салтанатты жиынға аудандық мәслихат төрағасы Әділ Қошалақов, аудандық ардагерлер кеңесінің төрағасы Асқар Мереков, «Қармақшы-Даму» аудандық кәсіпкерлер қоғамдық бірлестігінің төрағасы Алмасбек Қаржаубаев қатысып, кәсіпкерді жаңа бастамасымен құттықтап, ғимараттың алғашқы іргетасын қалады.– Жыл өткен сайын еліміз өркендеп, бас қаламыз көркейсе, сол секілді ауданымызда да жаңа нысандар бой көтеріп, кентіміз жаңа кейіпке енуде. Бұрын теміржолдың асханасы болып, кейін базарға айналған орын, бұдан да ерекше өзгеруде. Ауданға белгілі кәсіпкер Нағима Тиышбекқызы үлкен тәуекелге барып, туған жері үшін игілікті істі бастап отыр. Сондықтан бұл жердің өзіндік үлкен тарихы бар. Халық осында сауда жасап, несібесін тапқан. Алдағы уақытта жаңа ғимарат халық көп жиналатын сауда орынға айналсын деп тілеймін, – деді аудандық ардагерлер кеңесінің төрағасы Асқар Мереков.Кәсіпкер жобаны өз қаражатынан салса, қосымша «Өңірлік инвестиция орталығынан» несие алып отыр. Сауда үйі қойма, дәмхана, наубайханасы бар, маусымдық киімдер мен тұрмыстық заттар сатуға жоспарланып отыр. Сондай-ақ алдағы уақытта мұнда 20 адам жұмыспен қамтылмақ.

Қармақшыда жаңа нысанның іргесі қаланды

<a href="https://kyzylorda-news.kz/">Kyzylorda-news.kz.</a>&nbsp; Ауа райының шамадан тыс ысуына орай&nbsp;төтенше жағдайлардың алдын алу бөлімінің бас маманы тұрғындарға қауіпсіздік қағидаларын қатаң сақтауға шақырды.«Қазгидрометтің» хабарлауынша 2023 жылдың 12 шілдесінде күндіз Қызылорда облысының оңтүстігінде 45 градус өте қатты ыстық күтіледі.&nbsp;Сонымен бірге 12-14 шілдеде төтенше өрт қаупі сақталады.Осыған орай Қызылорда облысы төтенше жағдайлар департаментінің төтенше жағдайлардың алдын алу бөлімінің бас маманы азаматтық қорғау капитаны Жанболат Бақбергенов тұрғындарға қауіпсіздік қағидаларын қатаң сақтау туралы ескертті.<blockquote>«Тұрмыста және қоғамда өрт қауіпсіздігін сақтаңыз, су айдындары маңында сақтық ережесін ұмытпаңыз, ауа райының шамадан тыс ыстық кезінде немесе ауа температурасының жоғары кезінде көшеде көп жүрмеуге тырысыңыз»,-деді ол.</blockquote>

Қызылордада 45 градусқа дейін аптап ыстық болады 

<a href="https://kyzylorda-news.kz/">Kyzylorda-news.kz.</a>&nbsp; Полиция жұмысының басты көрсеткіші – халықтың сенімі. Сондықтан да ел қорғаны тәртіп сақшыларының қызметі халықтың сенімі арқылы өлшенеді. Халық көкейіндегі мәселелерді шешу және олардың конституциялық құқықтарының қорғалуы Полиция департаментінің басты назарында.Азаматтарды жеке қабылдау мәселесі – полиция қызметіндегі басты бағыттардың бірі. Халықтың арыз-шағымдарын қарау барысы Полиция департаменті басшылығының қатаң бақылауында болады. Әрбір келіп түскен өтініш назардан тыс қалмайды.Осы орайда, кеше Қызылорда облысы Полиция департаменті бастығының жеке қабылдауы өтті. Қызылорда облысы Полиция департаментінің бастығы полиция генерал-майоры Аблазимов Махсудхан Нұғманұлы азаматтарды жеке мәселелері бойынша кезекті қабылдау өткізді. Жеке қабылдауға алдын ала жазылған 11 тұрғын келіп, өздерін толғандырған мәселелерін жеткізді.&nbsp;Қабылдауға келгендердің дені белгілі бір қылмыстық істер бойынша уәждерін алға тартса, бірқатар тұрғындар кадрлық мәселелер бойынша сауалдарымен жүгінді.Қабылдау барысында департамент бастығы азаматтардың әрбір өтініштері мен ұсыныстарын мұқият тыңдап шығып, жекелеген сауалдар бойынша тиісті сала басшыларына нақты тапсырмалар берді. Барлық өтініштер Полиция департаменті бастығының жеке бақылауына алынды.

Қызылорда облысы полиция департаментінің бастығы жеке қабылдау өткізді

<a href="https://kyzylorda-news.kz/">Kyzylorda-news.kz.</a> 12 шілде күні республиканың басым бөлігінде антициклон жотасына байланысты жауын-шашынсыз күн райы сақталады. Елдің тек батысы мен солтүстік-батысында атмосфералық фронталды бөлімдер өткеннен кейін найзағай ойнап, жаңбыр жауады, күндіз бұршақ, дауыл күтіледі. Республика бойынша – екпінді жел, оңтүстікте шаңды дауыл болжанады, деп хабарлайды Қазгидромет.Түркістан, Алматы, Ақмола, Ақтөбе, Шығыс Қазақстан, Қостанай, Солтүстік Қазақстан, Павлодар, Қарағанды, Қызылорда, Жамбыл, Ұлытау, Абай, Жетісу облыстарының басым бөлігінде қатты ыстық сақталады.Солтүстік-Қазақстан облысының солтүстігінде, батысы мен оңтүстігінде, Түркістан облысының шөлді аудандарында, Павлодар облысының оңтүстігінде, солтүстігі мен орталығында, Қарағанды, Қостанай, Қызылорда, Ұлытау облыстарының оңтүстігінде, Ақмола облысының солтүстігі мен батысында өте қатты ыстық күтіледі.Республиканың барлық аймағында өрт тұтанудың төтенше қаупі болады. &nbsp;

12 шілдеге арналған ауа райы болжамы

<a href="https://kyzylorda-news.kz/ru">Kyzylorda-news.kz.</a> Қазақтың ұлттық спортының тарихы тым тереңде жатыр. Оның ішінде қазақ күресі – қазақтың ең көне спорт түрлерінің бірі. Бүгінде белі мен білегі мықты жастар осы спорт түрін дамытып, талай жетістіктерге жетіп жүр. Сондай жалынды спортшылардың бірі – Ұласхан Алмасұлы. Ол – қазақ күресі мен белбеу күрестен Қазақстан Республикасының спорт шебері атағын иеленген Жалағаш ауданына қарасты Ақсу ауылындағы жалғыз спортшы.Ауыл мақтанышы өзінің спорттық шежіресін 2014 жылы бастап, күрес әліппесін Өмірбек Кәлменов пен Жайдарбай Есенов ағаларынан үйренген. Өз ауы-лының қарадомалақтары да артынан еріп, спортпен айналысуын армандаған кейіпкеріміз қазіргі таңда Ақсудағы №13 олимпиадалық резервтегі маман-дандырылған балалар мен жасөспірімдер мектебінде жаттықтырушы қызметін атқарады. Бүгінгі таңда қазақ күресімен қатар дзюдоның қадамы да қарыштап дамып келе жатыр. Себебі ол – барлық халық қызығатын спорт түрі. Бұл күрестің қыр-сырын жетік меңгерген ақсулық спортшылар талай байрақты бәсекеде боз кілемде белдесіп, ел намысын қорғап жүр.– Ауылда арнайы дзюдо үйірмесі жоқ. Бірақ балалардың ынтасы мен ептілігінің арқасында біз біраз жетістікке қол жеткіздік. Осы тұста, спортшыларымызды қолдаудан еш жалықпаған &nbsp;спорт жанашырлары, үлкен жарыстарға қатысуға демеушілік білдіріп жатқан ел ағалары «АВ AGRO ORDA» ЖШС құрылтайшысы, аудандық мәслихат депутаты Абай Байпанұлына, «Талап» шаруа қожалығының директоры Бақытжан Бекетовке, «Керемет» фирмасының директоры Нұрсұлтан Омаровқа және Ерлан Оңласыновқа алғысымды білдіремін дейді, – Ұласхан Алмасұлы.Бұл спорт мектебінде 2023 жылдың тамыз айынан бастап қазақ күресі үйірмесі жұмыс жасап келеді. Ұласханның айтуынша, қазақ күресі үйірмесі ауыл жастарының уақытын тиімді әрі пайдалы өткізуге үлкен үлес қосуда. Үйірмеге 2-3 сынып оқушылары қабылданады. Қазіргі таңда онда 30 бала бар, оның 4-еуі – қыз, 26-сы – ер бала. Үйірмеге оқушылар аптасына 5 рет келеді. Бұл балалардан бөлек жасы үйірме талабына жетпеген кішкентай ұландардың да күрес спортына қызығушылығы жоғары, қарасы қалың екенін байқадық.&nbsp;Ақсулық спортшылар дзюдодан аудандық жарыстармен шектелмей, облыстық, республикалық жарыстарда да бақ сынап, жүлделі орындарды иеленіп жүр. Мәселен, Темірбек Жүргеновтың 125 жылдығына орай өткен дзюдодан 2011-2016 жылғы кіші жасөспірімдер арасындағы аудандық ашық біріншілікте 29 кг салмақта ІІІ орынды Нұрәли Әсембек еншілесе, 32 кг салмақ дәрежесінде Аманат Алмат ІІ орынды иеленген. Кеңес әскерінің Ауғанстан жерінен шығарылғанына 34 жыл толуына орай дзюдодан 2015-2016 жылы туған жасөспірімдер арасында өткізілген облыстық турнирде 20 кг салмақ дәрежесінде ІІІ орынды Заңғар Қаржаубай жеңіп алған.&nbsp;Сондай-ақ Заңғар – Тоғанас батырдың туғанына 210 жыл толуына орай өткен сайыста кіші жасөспірімдер арасындағы аудандық ашық біріншілікте ІІІ орынды иемденген үздік спортшылардың бірі. Дәл осы сайыста 23 кг салмақ дәрежесінде Ерқанат Алмат ІІІ орынды, 29 кг салмақ дәрежесінде Аманат Алмат жүлделі І орынды иеленген. 16 желтоқсан – Қазақстан Республикасының Тәуелсіздік күніне орай дзюдо күресінен аудандық ашық біріншілікте 38 кг салмақ дәрежесінде Тәукехан Кіребай ІІІ орыннан көрінген. Мұнан бөлек Тәукехан 2010-2015 жылы туылған кіші жасөспірім ұлдар мен қыздар арасында «Достық Жер МК» ЖШС-ның жүлдесіне арналған ІІ республикалық турнирінде &nbsp;ІІІ орынды иеленген. 2014-2015 жылы туылған балалар арасында «JUDO LEAGUE» турнирінде 32 салмақ дәрежесінде Аманат Алмат та ІІІ орынды иеленіп қайтқан.&nbsp; Қайсарлығы қанында, тектілігі тамырында тулаған жас өрендердің жаттығу барысын көргенде, бойларында намысты қолдан бермейтін қасиеттерін аңғардық. Ақсулық спортшылардың көк байрақты желбіретіп, ел сенімін ақтайтындарына сеніп, болашақта биік белестерден көретінімізге көзіміз жетті. Шәкірттерінен үздіксіз дайындықты талап ететін жас жаттықтырушы Ұласханның алға қойған ең үлкен мақсаты – спортты жанына серік еткен ақсулық жастардан Әлем чемпионын шығару.

Жалағаштық жастардың спорттағы жетістігі көп

<a href="https://kyzylorda-news.kz/">Kyzylorda-news.kz.</a>&nbsp; Алысты жақындататын, ел мен елді жалғастыратын жол – шын мәнінде өмірдің өзегі, бақуатты тірліктің қайнар көзі және экономиканың күретамыры. «Елдің өркенін білгің келсе, жолына қара» деген қағиданың қалыптасуы да содан шыққан. Барыс-келіс пен алыс-берісте жол қатынасы айрықша маңызға ие. Кез-келген мемлекеттің әлеуеті мен даму деңгейі жолдарының жағдайынан айқын аңғарылады. Елімізде де, ауданда да қазірде автомобильдердің тақтайдай тегіс жолмен жүруге деген мүмкіндігі жыл сайын артып келеді. Өткен жыл аудандағы ең ауқымды міндеттерді атқаратын аудандық тұрғын үйкоммуналдық шаруашылығы, жолаушылар көлігі және автомобиль жолдары бөлімі үшін де айтарлықтай табысты болды.Бірнеше бағыттағы істі жүйелі әрі жемісті жалғастырып келе жатқан бөлім көлік инфрақұрылымын дамыту бойынша автомобиль жолдарын жақсарту бағытында оң нәтижеге қол жеткізген. Бөлім жұмысындағы атқарылған шаруалардың шаш етектен екенін ескерсек, маңызды саланың ел дамуын еселеудегі орнының айшықты екеніне көз жеткіземіз.&nbsp;Иә, ең алдымен бұл салада 2020-2025 жылдарға арналған «Нұрлы жол» мемлекеттік бағдарламасы аясында 6 жоба жүзеге асырылып жатқанын айта кетуіміз керек. 2021 жылы басталған аудандық маңызы бар күре жол бойындағы «Қамыстыбас-АманөткелЖаңақұрылыс» автожолының құрылысы жалғасын табуда. Өтпелі кезең ретінде бекітілген бұл жоба биыл да жүйелі жалғасады деп күтілуде. Мұнан бөлек тұрғындардың басты сұранысындағы мәселелердің бірі аудандық маңызы бар «Қызылжар-Шөмішкөл» автожолының құрылысы да барыс жылында бастау алды.&nbsp;Сондай-ақ жол мәселесі саздылықтарды да алаңдататын. Бұл орайда елді мекенге кіреберіс автожолға орташа жөндеу жұмысы қолға алынды. Мұндай орташа жөндеу жұмыстары БөгенАқлақ, Қаратерең-Жаңақұрылыс, Қызылжар елді мекендерінде де жалғасты. Айта кетейік, аталған маңызды жолдар биыл да күн тәртібіне қойылып, өтпелі жоба ретінде қарастырылмақ. Демек алдағы уақытта да тұрғындардың сұранысы толықтай қамтыла бермек.&nbsp;«Ауыл – ел бесігі» жобасы аясында Сексеуіл кентіндегі №231 мектептен темір жол өткеліне дейінгі автожолды орташа жөндеуге республикалық бюджеттен қаржы бөлінді.&nbsp;Өңірлерді дамытудың 2020-2025 жылдарға арналған мемлекеттік бағдарламасының жүзеге асырылу барысында шағын қалаларды дамыту бойынша жергілікті бюджет есебінен В.Терешкова, И.Панфилов көшелері орташа жөндеуден өткізілсе, қала көшелері мен аудандық маңызы бар Сексеуіл кентіне дейінгі автокөлік жолы ағымдағы жөндеуден өткізілді.&nbsp;Жылдың басты жағымды жаңалығы барша аралдықтың көкейіндегі темір жол үстінен аспалы көпір салу еді. Сол арман ақиқатқа айналар күн жақын. Осы мәселе бойынша 2022 жылы атқарылған жұмыстың нәтижесімен көпірдің техникалық-экономикалық негіздемесі мен жоба-сметалық құжаттама әзірленіп, мемлекеттік сараптаманың оң қорытындысы алынды. Аудан бюджетінен бөлінген қаржыға мемлекеттік сатып алу жұмыстары жүргізіліп, мердігер де анықталды.&nbsp;Ал, көпір мәселесі бойынша шешімін тапқан тағы бір сауал – Хан елді мекені тұсындағы қалқымалы көпір-тұғын. Оған да қайта жаңғырту жұмыстары жасалуда.&nbsp;Бөлімнің ауқымды жұмысының арқасында ауызсу мәселесі де шешімін тауып, Көнту елді мекеніне ауызсу желісі жүргізіліп, пайдалануға берілді. Сондай-ақ «Арал қаласына кіреберіс» автожолын және қаладағы Р.Тұрымбетов, Б.Тәңірбергенов, Т.Әубәкіров, Н.Балапанов, А.Қаюпов көшелерін жарықтандыру жұмыстары тұрақты түрде атқарылды.&nbsp;Өткен жылы Арал қаласындағы №19 балалар мен жасөспірімдер спорт мектебінің бокс және күрес залдары газ жүйесіне қосылып, көгілдір отынның игілігін көріп отыр.&nbsp;Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі десе көпшіліктің есіне қаланың ажары мен сәулеті, сән-салтанаты оралары анық. Бұл бағыттағы жұмыстарды да ешкім жоққа шығара алмайды. Нақтырақ тоқталар болсақ, былтыр «Балықшылар» аллеясы, «Жалаңтөс Баһадүр» алаңына тиісті жұмыстар уақытпен санаспай жүргізіліп жатса, қаладағы Бақтыбай батыр көшесін абаттандырудың І-кезеңіне бөлінген қаржыға жаяу жүргіншілер жолы салынды.&nbsp;Сонымен қатар аудан елді мекендерінде жол қозғалысы қауіпсіздігін қамтамасыз ету үшін аудандық маңызы бар автожолдар бойына қажетті 100 дана жол белгілері орнатылды. Жыл көлемінде қаладағы асфальт қабатымен жабдықталған көшелерге 3 мәрте жол сызбалары сызылып, 196 дана жол белгілері орнатылып, стандартқа сәйкестендірілді. Сондайақ М.Нұржаубаев-Әйтеке би көшелерінің қиылысында орналасқан бағдаршам жөндеуден өткізіліп, Бақтыбай батыр, «Жақсат» коммуналдық базары маңына, қаладағы «Оқушылар үйі», №13 орта мектебі мен №62 мектеп-лицейі алдына 7 дана жасанды жол кедергілері қойылды.&nbsp;Бұл жұмыстар биылға жылы да табысты жалғасты. Ауыз толтырып айтарлықтай нәтижеге қол жетті. Жолдың құрылы қарқынды жүріп қала көшелері де ажарлана түсуде.&nbsp;Ел көріп, біліп отыр. Тұрғындардың өтінішін орындау мақсатында биыл қала көшелерінің жолдарын жаңарту бағытындағы жұмыстар басталып кетті. Ауданның төл басылымы ретінде "Толқын" газеті ақжолтай жаңалықтарды алғашқылардың бірі болып өз оқырмандарына ұсынуды дәстүрге айналдырған. Осыған дейін де жыл сайын халықтың ұсыныс-пікірлеріне сай қала көшелеріндегі асфальт төсеуді тұрақты ақпараттандырып келе жатқан басылым арқылы бүгін тағы қаладағы 7 көшенің тас жолға қолы жететіндігін айтқымыз келеді. Нақтырақ тоқталар болсақ Ә.Сатаев, Төле би, С.Мұқанов, Ж.Тәжімбет, Ә.Жұбаниязов пен Б.Майлин, Ғ.Мүсірепов көшелерін асфальттау жұмыстары басталып кетті. Республикалық және облыстық бюджеттен қаржыландырылатын бұл жоба көше тұрғындарына үлкен қуаныш сыйлады. Мұны тас жол төселгелі жатқан көшелердің тұрғындарының сөзінен анық аңғарамыз.<blockquote>– Адам болған үстіне бола түссе дейді ғой. Бізде де жолы жаңарған көшелерді көргенде "бізге де осындай жол салынса" деп қызығы қарайтынбыз. Былтыр осы біз тұратын көшелер асфальтталады дегенді естігенде қуанғанымызды жасырмаймыз. Бірақ биыл қар кетіп, жер икемге келе бастағаннан көшелерді тегістеп, жұмыстың басталғаны шаттығымызды еселеп тастады. Қуануға себеп те жоқ емес. Қыс кетіп, қар ерігенде, жаңбыр көп жауған кездерде көшенің басынан аяғына қарай өту мұң болатын. Ортаға жиналған судан көлік қатынасы болмайтын. Тіпті өз көліктерін үйіне жеткізе алмай, көшеге қойып кететін кездер де болады. Енді міне осы қиындықтың бәрі артта қалды. Істеліп жатқан бұл жұмыс үшін бірінші кезекте аудан басшысына алғысымыз шексіз. Халықтың пікірімен санасып, қолайлы жағдай жасап отырған атқарушы биліктің жұмысын оң бағалаймыз, – дейді.</blockquote>Айта кетейік, "Арал жолдары" және "Арал құрылысы" мекемелеріне тапсырылған жұмыс ауқымды. Жоғарыда аталған 6 көшеге толықтай асфалть төселсе, Б.Майлин, Ғ.Мүсірепов көшелеріндегі жолдың жанынан жаяу жүргіншілер жолы да салынатын болады. Бұл жұмыстар жыл көлемінде толықтай аяқталып, халық игілігіне берілмек.&nbsp;«Жол – ол өмір» деген шетелдіктердің сөзін еске түсірер болсақ, біздегі сапалы жол жақсы өмірдің айғағы болмақ. &nbsp;Сондықтан мердігерлер де бірінші кезекте тұрғындарға жайлы өмірді қамтамасыз етуді ойлап, сапаға мән берсе дейміз.

Аралда жол мәселесі жүйелі шешімін табуда

<a href="https://kyzylorda-news.kz/">Kyzylorda-news.kz.</a>&nbsp; Бүгін «AMANAT» партиясы Қазалы аудандық филиалының кезектен тыс XLII конференциясы өтті.Іс-шараға арнайы партияның облыстық филиалының төрағасы, Наурызбай Байқадамов, сондай-ақ партия филиалының Саяси кеңесі мен Саяси кеңесі Бюросы мүшелері, партия ардагерлері мен белсенділері, фракция мүшелері, БПҰ және «Жастар Рухы» жастар қанатының өкілдері қатысты.Конференция жұмысын аудандық партия филиалының Атқарушы хатшысы Нұрғиса Жалғасбаев ашып, күн тәртібіндегі бірінші мәселе «AMANAT» партиясы Қазалы аудандық филиалының төрағасын сайлау бойынша осы уақытқа дейін партия филиалының төрағасы қызметін атқарған Бақытжан Дүзелбайұлына алғыс білдіріп, партия филиалының жаңа төрағасы лауазымына аудандық мәслихат төрағасы Әліш Ғазиз Әлмәмбетұлының кандидатурасын ұсынды. Делагаттар тарапынан ұсыныс ашық дауыс беру арқылы қолдау тауып, партия филиалының төрағасы болып Ғазиз Әлмәмбетұлы сайланды. Өз кезегінде сөз алған жаңа төраға аманаттықтардың өзіне артқан сенімдеріне зор ризашылығын білдіріп, бірлесе жұмыс жасауға шақырды.Сонымен бірге жиын барысында партия филиалының облыстық мәслихат депутаты Ибайдулла Тілеп партияластар атынан құттықтау сөз сөйлеп, филиал төрағасының алдағы жұмыстарына сәттілік тіледі.Конференция жұмысында қаралған екінші мәселе бойынша партия филиалы Саяси кеңесінің құрамы делегаттардың ашық дауыс беру нәтижесі бойынша жаңартылды. Сондай-ақ жиында 2023 жылдың 6 тамызында өтетін Шәкен ауылдық округі әкімінің сайлауына партия атынан үміткер ұсынылды.Мұнан соң жиын Саяси кеңестің кеңейтілген отырысымен жалғасып, Саяси кеңес пен Саяси кеңес Бюросы құрамына өзгерістер енгізілді.Жиын қорытындысы бойынша сөз алған облыстық партия филиалының төрағасы Наурызбай Сейітқалиұлы партия филиалы төрағасы қызметін атқарған Бақытжан Дүзелбайұлына облыстық партия филиалының «Алғыс хатын» табыстап, атқарған жұмыстары үшін ризашылығын білдірсе, жаңа сайланған төрға жұмысына сәттілік тіледі.<blockquote>«Біз партияға жүктеліп отырған жаңа талаптарды зор сенім әрі жауапкершілік деп қабылдап, артылған міндеттерді белсенді де, бірге жүзеге асыруымыз қажет. Ең бірінші кезектегі міндетіміз - партияның саяси Тұғырнамасы мен Сайлауалды бағдарламасында айқындалған еліміз бен аймағымыздың табысты дамуына бағытталған міндеттерді бірлесе де белсенді атқару. Халық аманаты мен сеніміне адал болып, Тәуелсіздігіміздің тұғырлы, елдігіміздің ғұмырлы болуы мен мемлекетіміз бен аймағымыздың қарқынды дамуы бағытындағы жұмыстарды белсенді жүргізу » - деген облыстық партия филиалының төрағасы аманаттықтарды бірлесе жұмыс жасауға шақырды.</blockquote><figure class="image"><img src="https://knadmin.beoblood.kz/uploads/347636317_666795458819427_6095970138917807845_n_fc2a211820.jpg" alt="347636317_666795458819427_6095970138917807845_n.jpg"></figure>&nbsp;

Қазақстан және Қызылорда облысының жаңалықтары